MIZO CLAN

  
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Ka mumang ramah
Monday, October 27, 2008
Zan khat chu mumang ka nei ve hlauh mai a... Ka mumangah chuan Mizoram Political party hrang hrang zingah hian a chawrno pakhat a lo chhuak ve tlat mai zu nia... Kha Political Party khan ka rilru a luah hneh em avangin han share ve mai mai ka duh a.

1. A inkhaichhawn dan : A bul berah chuan Village Council bial tinah Kohhran hrang hrang leh NGO kalkhawmten anmahni aiawh zo tur mi fel tak, eiru lo tur , mahni pumpui aia Mizoram hmangaihtu dik tak, Pathian tih mi, mi pakhat (candidate nominate tur) leh Party Managing Board tur mi pakhat an lo thlang chhuak a. Chung V/C tin mi tha leh Pathian tih mi thlankhawmte chuan an party aiawha candidate ni turin Block Level Committee an lo din a. Heng Block Level Committee te hian an zinga mi tha ber nia an ngaih. Tawngtaina nena an hlan thlap chu vote hmangin an han thlang tling a. Chutianga mi thla an bial aiawhtu an thlan tlin ngei chu chumi Assembly biala Election candidate chu a ni ta.

2. Inthlan a lo hun a : MLA thlan hun a lo thleng ta ngei a, Mizoram kil tina mipuite chuan anmahni aiawh, Tawngtaina nena an hlan thlap, eiru lo tur, dikna ngaina mi ngei mai chu an thlang tling ta ngei mai le. Mizoram Assembly bial 40 atanga Ram Hmangaihtu dik tak, mahni hmasial hauh lova ram kalsiam tumtute chuan ro an rel ta.

Tin, heti hi a ni a, chung MLA rualte chuan ram rorel fung chelh turin Chief Minister an mamawh ngei a, anmahni kaihruai turin mi chak, thiltithei an thlangchhuak leh ta! Mak ka tih deuh chu, anmahni zinga mi an thlangchhuak miah lo chu a ni. Mi pakhat, officer hawi harh tha tak mai, a hna rinawm taka thawk thin, a hnathawh that avanga hamthatna a dawn tur ang pawh dawng hlei thei lo. A service luh tan kuma a luhpuiten concrete building chhawng sang tak tak leh private car nen an len hum hum theih laia dikna duh vanga ama hlawh mila khawsa tlat, a hlawh aia tam phut nei lo. A hnathawh that avanga miten an fak si chu Chief Minister atan an thlang tlat zu nia!

3. A result chu : Chutianga sawrkar thar duhawm tak, Pathian tihtu leh ram hmangaihtute din chuan ram hmasawnna atan theihtawpin hma a han la a, Mizoram chuan kum 5 chhungin hmel thar a pu hman dawrh a. Mizo mipuite chuan an zawngchhang em avangin an aiawhtu atana thlanchhuah hi inthlan apiangin hetiang hian thianghlim takin an kalpui char char ta a ni. Tin, ka harh phut a
posted by zoblog @ 3:17 PM  
121 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog