|
| Wednesday, September 12, 2007 |
1:1 ,2 Petera, Isua Krista tirhkoh chuan, Ponto ram te, Galatia ram te, Kappadokia ram te, Asia ram te, Bithunia ram tea Darhho awm, awih tur leh Isua Krista thisen theh dawng tura Thlarau tihhran a, Pa Pathian hriat lawk anga thlante hnenah chuan: In chungah khawngaihna leh remna tihpunin awm rawh se.
1:2 ,1 Petera, Isua Krista tirhkoh chuan, Ponto ram te, Galatia ram te, Kappadokia ram te, Asia ram te, Bithunia ram tea Darhho awm, awih tur leh Isua Krista thisen theh dawng tura Thlarau tihhran a, Pa Pathian hriat lawk anga thlante hnenah chuan: In chungah khawngaihna leh remna tihpunin awm rawh se.
1:3 Kan Lalpa Isua Krista Pathian leh Pa chu fakin awm rawh se. Ani chuan a khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin min hring leh a,
1:4 rochan chhe thei lo, bawlhhlawh kai lo, chuai thei lo, vana in tana khek chu hmuhna turin;
1:5 chhandamna, hun hnuhnunga lang tura peih sa chu hmu turin, rinna avangin Pathian thiltihtheihnaa ven chu in ni.
1:6 Chu miah chuan nasa takin in hlim a ni, tunah (a tul chuan) thlemna tinreng avangin lungngai rih mah ula;
1:7 in rinna fiahna, rangkachak meia fiah hnu pawha boral thin aia hlu zawk chu, Isua Krista inlar hunah chuan fakna leh chawimawina leh ropuina tur a lo nih theih nan.
1:8 Amah chu hmu ngai lo pawhin in hmangaih a, amah chu tunah hmu lo mah ula in ring a, lawm sawi hleih theih loh leh ropui takin in hlim em em thin;
1:9 in rin chhan – in thlarau chhandamna chu – hmuin.
1:10 ,11 In chunga khawngaihna lo thleng tur thu hril lawktu zawlneiten, Krista Thlarau anmahnia awm chuan Krista tuarna turte leh chu mi hnua ropuina awm turte chu a hriat lawktir laite khan, eng hun nge ni, eng ang hun nge ni a hriattir thin tih chhui chhuah tumin, chu chhandamna chanchin chu an zawng a, ngun takin an chhui thin.
1:11 ,10 In chunga khawngaihna lo thleng tur thu hril lawktu zawlneiten, Krista Thlarau anmahnia awm chuan Krista tuarna turte leh chu mi hnua ropuina awm turte chu a hriat lawktir laite khan, eng hun nge ni, eng ang hun nge ni a hriattir thin tih chhui chhuah tumin, chu chhandamna chanchin chu an zawng a, ngun takin an chhui thin.
1:12 Chung thu chuan mahni rawng inbawl lovin, nangmahni rawng an bawl zawk tih an hnenah hriattir a ni tawh, chung thu chu van atanga tirh chhuah Thlarau Thianghlim tanpuiin Chanchin Tha hrilhtu che u khan tunah an hrilh che u a; chung thil chu vantirhkohten bih an duh thin a ni.
1:13 Chuvangin, in rilru puan vengin ngaihven ula, Isua Krista inlar hunah chuan khawngaihna a rawn kensak tur che u chu beidawng lovin beisei zel rawh u;
1:14 fa tihawihte angin, in hriat loh laia in hman lai chaknate anga awm lovin;
1:15 a kotu che u a thianghlim angin nangni pawh in chetzia zawng zawngah lo thianghlim zawk rawh u;
1:16 “Nangni in thianghlim tur a ni, kei ka thianghlim si a,” tih ziak a nih kha.
1:17 Tin, thlei bik nei lova mi tin hnathawh ang theuhva ngaihtuah thintu chu Pa anga in lam chuan heta in cham chhung zawng tih dekin awm rawh u;
1:18 ,19 in thlahtute pek chhawn, in awm dan engkhaw ni lawilo lak ata chu, thil chhe thei, tangka leh rangkachaka tlan in ni lo va, beram no hmelhem lo leh bawlhhlawh kai lo thisen anga Krista thisen hlu chuan tlan in ni zawk tih in hre si a;
1:19 ,20 in thlahtute pek chhawn, in awm dan engkhaw ni lawilo lak ata chu, thil chhe thei, tangka leh rangkachaka tlan in ni lo va, beram no hmelhem lo leh bawlhhlawh kai lo thisen anga Krista thisen hlu chuan tlan in ni zawk tih in hre si a;
1:20 ani chu leilung pian hmain ruat lawkin a awm ngei mai, nimahsela hun hnuhnungahte hian nangmahni avangin inlarin a awm a;
1:21 amah avangin mitthi zing ata a kai thotu leh a ropuina petu Pathian ringtute in ni a, in rinna leh in beiseina chu Pathianah a awm theih nan.
1:22 Unaute hmangaih tak tak turin thutak zawma in thlarau in tihthianghlim tawh avangin thinlunga thahnem ngai takin inhmangaih tawn rawh u,
1:23 chi chhe thei lakah ni lovin, Pathian thu nung reng leh awm rengah chuan chi chhe thei lo laka piang thar in ni zawk si a.
1:24 “Mi zawng zawng hlobet ang an ni a,An ropuina zawng zawng pawh Hlobet par ang a ni. Hlobet chu a vuai a,
1:25 Lalpa thu erawh chu Chatuanin a awm reng a ni,” tih a ni si a. Chu chu a ni Chanchin Tha thu an hrilh che u kha.
2:1 Chutichuan, sualna zawng zawng te, ngamthlemna zawng zawng te, vervekna te, itsikna te, sawichiatna zawng zawng te bansan ula,
2:2 nausen piang tharte angin thlarau lam hnute, engmah pawlh loh chu chak rawh u, chu miah chuan chhandamna tling khawpa in than len theih nan;
2:3 Lalpa chu mi khawngaih thei tak a ni tih in hriat tawh phawt chuan.
2:4 Amah chu lung nung, mihringte duh loh ngei, Pathian ngaihah erawh chuan thlan leh hlu tak a ni, ama hnenah chuan lo kalin,
2:5 nangni pawh lung nungte angin thlarau lam ina rem chhohvin in awm, Isua Krista zara Pathian lawmzawng thlarau lam inthawina hlan turin puithiam thianghlimho in lo nih nan.
2:6 Chuvangin, Pathian Lehkha Thuah chuan, “Ngai teh u,Zionah chuan a kila lung pawimawh ber,thlan, hlu tak ka rem a ni;Amah ringtu chu a mualpho lo vang,” tih a chuang a ni.
2:7 Chutichuan,nangni a awihte tan chuan hlu tak a ni,a awih lote tan erawh chuan,“In satuten lung an duh loh kha, Chu ngei chu a kila lung tangkai ber a lo ni ta,
2:8 Tlukna lung leh dalna lungpui” nen. An awih lo va, thu-ah chuan an tlu si thin a; chutianga ti turin ruat an ni reng bawk a.
2:9 Nimahsela, thim ata chhuaka, a eng mak taka lut tura kotu che u thatna chu in entir theih nan nangni zawng chi thlan, lal puithiamho, hnam thianghlim, Pathian mite ngei in ni si a;
2:10 hman lai khan mi reng in ni lo va, tunah erwh chuan Pathian mi in ni ta a; hman lai khan zahngaihna in hmu lo va,tunah erawh chuan zahngaihna in hmu ta a.
2:11 Duh takte u, mikhual leh khualzin in nih avangin, thlarau do thintu tisa chaknate bansan turin ka ngen a che u;
2:12 Jentailte zinga in chetzia chu mawi tak ni rawh se,chutichuan thil tisualtute anga an sawichhiat che u kawngah chuan in thil tihthat an hmuhte avangin fanin an awm hunah chuan Pathian an chawimawi thei ang.
2:13 Lalpa avang chuan mihring ruat apiangte hnenah intulut rawh u, chungnunga awm lalber hnenah emaw,
2:14 thiltisualtute chunga phuba la tur leh, thil tithatute fak tura ama tirh chhawn Ram Awptu hnenah pawh.
2:15 Hei hi Pathian duhzawng a ni si, mi ate thusawi fing lo chu thil tha tia in tihdan hi;
2:16 zalen in ni a, nimahsela in zalenna chu sual khuh nan hmang lovin, Pathian bawiha awm nan hmang zawk rawh u.
2:17 Mi zawng zawng chawimawi rawh u. Unauhote chu hmangaih rawh u. Pathian tih dek rawh u. Lalber chu chawimawi rawh u.
2:18 Chhiahhlawhte u, ti dek hlirin in hotute thu thuin awm rawh u; mi tha leh mi nunnemte lakah chauh ni lovin, mi nunrawngte lakah pawh.
2:19 Miin Pathian hriatna avangin tuar loh tur tuarin lungngaihna a tuar hram hram chuan chu chu Pathian lawmzawng a ni si.
2:20 In sual a, kut thlak in tuarin chhel takin tuar mah ula, fakna engnge in hlawh thin? Amaherawhchu thil in tihthat a, in tuarin chhel taka in tuar chuan chu chu Pathian lawmzawng a ni.
2:21 Krista pawh khan a tuarsak che u avangin hetiang ti turin koh in ni asin; a hniaka in zuina turin entawn tur a hnutchhiah che u kha.
2:22 Ani chuan thil reng a tisual lo va, a kaah ngamthlemna a awm hek lo;
2:23 mi hauhva a awm laiin a hau ve thung lo va, a tuar laiin a vau lo va; fel taka ngaihtuah thintua hnenah chuan a inpe zawk a.
2:24 Sual lamahte thi tawhin felna lamah kannun theih nan amah ngeiin thingah khan a taksain kan sualte a phur a; amah vuakna vualte chuan tihdamin in awm ta a.
2:25 Beram bo anga in bo kha, tunah erawh chuan in thlarau vengtu leh Hotu hnenah chuan in kir leh tak hi.
3:1 Chutiang bawkin nangni nupuite u, mahni pasalte thu thuin awm rawh u; chutichuan an zinga tupawhin thu chu awih lo mah sela, thu lovin an nupuite chetziaa hnehin an awm thei ang,
3:2 tih dek chunga in chetze thianghlim enin.
3:3 In incheina chu pawn lam incheina – sam phiar te, rangkachak thi awrh te, silhfena inthuam te chu – ni lovin,
3:4 thinlunga mihring thuruk chu, rilru thuhnuairawlh leh nunnem, silhfen chhe thei lova inthuam ni zawk rawh se, chu chu Pathian mithmuhin a hlu em em a ni.
3:5 Chutiangin hmasanga hmeichhe thianghlim Pathian ringtute pawh kha mahni pasalte thu thua awmin an inchei si thin a;
3:6 Sarin Abrahama chu “Lalpa” tiin a thu a awih ang khan. Engmah hlau lova thil tha in tih tlat chuan Sari fate in ni ang.
3:7 Chutiang bawkin nangni pasalte u, in nupuite nen in khawsak danah bel keh awlzawk an nih hrethiam ula, khawngaih thilpek nunna chanpuitu che u an nih hriain chawimawi rawh u, tichuan in tawngtainate dal a ni dawn lo nia.
3:8 A tawp berah chuan in zain rilru hmunkhatin awm ula, inlainat tawn ula, unau angin inhmangaih ula, khawngaihna nei ula, thuhnuairawlhin awm rawh u:
3:9 sual, sualin thungrul suh ula, hauna haunain thungrul hek suh ula, malsawm hlauh zawk rawh u. He mi avangin koh in ni si, malsawmna chang tur hian.
3:10 “Nunna hmangaih duh leh Ni thate hmuh duh chuan Sual lakah a lei veng tha sela, A hmui pawh ngamthlemna thu sawi lo turin Veng tha rawh se.
3:11 Sual hawisanin Thil tha ti rawh se; Remna zawngin Um zel rawh se.
3:12 Lalpa mit chu mi felte chungah a fu a, A beng pawh an tawngtaina lamah a chhi si thin a, Amaherawhchu Lalpa hmel chu Thil tisualtute chungah a awm thin,” tih a ni si a.
3:13 Thil tha lama thahnem in ngaih chuan in pawi khawihtu tur tunge awm ang?
3:14 Nimahsela, felna avanga lo tuar ta ang in nih chuan in eng a thawl ang. An hlauhawmna chu hlau suh ula, mangang hek suh u;
3:15 amaherawhchu in thinlungah Krista chu Lalah ruat rawh u; nangmahnia awm in beisei chhan zawt apiang che u chhang turin inpeih sa fo ang che u, nimahsela thuhnuairawlh tak leh tih dek chungin;
3:16 chhia leh tha hriatna thiang tak nei ula, chutichuan an sawichhiatna che u kawngah chuan Kristaa in awm dan tha tak sawihnawmtute chu tihmualphovin an awm thei ang.
3:17 Thil sual tih vanga tuar ai chuan Pathian remtihzawng a nih chuan thil tha tih vanga tuar hi a tha zawk si a.
3:18 Pathian hnena min hruai theih nan Krista chuan sualte avangin vawi khat a tuar bawk si a, mi fel chuan mi fel lo aiin a tuar a, tisaah chuan tihthihin a awm a, thlarauvah erawh chuan tihnunin a awm ta a;
3:19 chu chuan tan ina thlarau awmte hnenah chuan thu a zuk tlangaupui a,
3:20 chu chuan hmana Nova dam laia lawng siam chhung zawnga Pathian dawhtheihnain a nghah lai khan an awih lo va; chu lawngah chuan mi tlem te (chu chu mi pariat tihna a ni) tuia chhandamin an awm ta:
3:21 chu mi anpui (baptisma) chuan Isua Krista thawhlehna avangin tunah a chhandam che u a ni, (tisa bawlhhlawh tihfai mai ni lovin, chhia leh tha hriatna thianga Pathian lamna hi a ni zawk e;)
3:22 Isua Krista chu vanah kalin Pathian ding lamah a awm a; vantirhkohho te, thuneihna te, thiltihtheihna te ama thu thua awmtirin an awm a.
4:1 Chutichuan, Kristan tisaa a tuar avangin nangni pawh chutiang rilruknain inthuam ve rawh u; tisaa tuar tawh chuan sual a bansan tawh si a;
4:2 chutichuan tun hnuah tisaa in la awm chhung zawngin mihring chakna lamahte awm tawh lovin, Pathian duhzawng lamah in awm tawh ang.
4:3 Jentailte duhzawng tih nan leh hurnaah te, taksa chaknaah te, uain hehnaah te, zu hmun hlimnaah te, zu inhonaah te, milem biakna tenawm takah te awm nan tun hma kha a tawk tawh ang;
4:4 chungah chuan anmahni nawmsak bawl luattuk anga inbawl ve tak loh hi mak an ti a, an sawichhe thin che u a ni;
4:5 anni chuan mi nung leh mitthite ngaihtuah tura inpeih sa hnenah chuan an chanchin in la sawi ang.
4:6 He mi avang hian a ni, mitthite hnenah pawh chuan Chanchin Tha hrilh a nih ni, tisaa awm mihringte anga ngaihtuahin an awm a, thlarau erawha Pathian anga an nun theih nan.
4:7 Nimahsela, thil zawng zawng tawpna chu a hnai tawh a, chuvangin in tawngtai theih nan rilru fel tak puin fimkhur rawh u.
4:8 Eng dang zawng aiin inhmangaih tawn uar rawh u; hmangaihnain sual tam tak a khuh si thin a.
4:9 Phunnawi lovin inmikhual tawn ula;
4:10 mi tinin thilpek in hmuh ang zelin Pathian khawngaihna tinreng enkawltu thate angin, chung chuan rawng inbawl tawn theuh rawh u.
4:11 Mi tupawhin thu a sawi chuan Pathian thute angin sawi rawh se; mi tupawhin rawng a bawl chuan Pathianin chakna a pek ang zelin bawl rawh se; chutichuan Isua Krista avangin Pathian chu thil engkimah chawimawiin a awm thei ang, ropuina leh rorelna chu chatuana ama ta a ni si a. Amen.
4:12 Duh takte u, in zinga fiahna nasa tak lo awm, nangmahni fiahna tura in chunga lo thleng hi, thilmak in chunga lo thleng angin mak ti suh u.
4:13 Krista tuarnaahte tuarpuitute in nihzia ang zelin lawm zawk rawh u; chutichuan a ropuina a lo lan hunah chuan nangni pawh hlim takin in lawm thei ang.
4:14 Krista hming avanga hau in nih chuan in eng a thawl e; Thlarau ropui tak, Pathian Thlarau chu in chungh a awm si a.
4:15 Nimahsela, in zingah tuman tualthattu a nih avangin emaw, rukru a nih avangin emaw, thil tisualtu a nih avangin emaw, mi dangte thiltih relsaktu a nih avangin emaw tuar suh se.
4:16 Amaherawhchu, Kristian a nih avangin tuar sela zak suh se.
4:17 Rorelna chu Pathian chhungteah hian tan a hun tawh si a; tin, keimahni maha a tan hmasak chuan Pathian Chanchin Tha thu zawm lote tawpna chu engtin tak ni ang maw?
4:18 Tin, mi fel mah chhandam hram hram a nih chuan Pathian ngaihsak lo leh mi sual chu eng ang tak maw?
4:19 Chuvangin, Pathian remtihzawng anga tuarte chuan thil tha tiin an thlaraute chu Siamtu rinawm tak hnenah kawltir rawh se.
5:1 Chutichuan, in zinga kohhran upate chu, kei, in upatpui, Krista tuarnate hretu, ropuina lo lang tur chang vetu tur hian ka fuih a che u;
5:2 In zinga Pathian pawlho awm chu enkawl rawh u; tih tur a nih vang ni lovin, Pathian thu anga chak chung zawkin, hlepna bawlhhlawh duh vang ni hek lovin, rilrua duh tak zawkin,
5:3 in chante chungah intilal hek lovin, pawlho entawnan insiam zawkin ho rawh u.
5:4 Tin, Beram Vengtu Lalber chu a lo lan hunin, ropuina lallukhum vuai thei lo chu in hmu ang.
5:5 Chutiang bawkin nangni tleirawl deuhte u, upa hnenahte intulut rawh u. A ni, in zain rawng inbawl tawn theuh turin thuhnuairawlhnain inthuam rawh u; Pathianin chapote a dodal a, inngaitlawmte erawh chu khawngaihna a pe si thin.
5:6 Chuvangin, a hun teah chuan a chawimawi theihna tur che uin Pathian kut chak tak hnuaiah chuan intihnuai ula,
5:7 anin a ngaihsak thin che u avangin in manganna zawng zawng ama chungah nghat vek rawh u.
5:8 Ngaihven ula, fimkhur rawh u; in khingpui Diabola chu sakeibaknei rum thin angin a ei theih tur zawngin a phi ruai thin;
5:9 in unau khawvela awmhote chungah chuan chutiang tuarna chu a thleng ve a ni tih hriain, ring nghet taka awmin amah chu do rawh u.
5:10 Tin, khawngaihna zawng zawng Pathian, a chatuan ropuina chang tura Kristaa kotu ngei che u chuan rei lo te in tuar hnuan a siam tha famkimin, a tinghetin, a tichak ang che u.
5:11 Ama hnenah chuan rorelna chu chatuanin awm rawh se. Amen.
5:12 Ka unaupa rinawm taka ka ruat Silvana kutah hian nangmahni fuih leh, chu chu Pathian khawngaihna taktak a ni tih hriattirin tawi tein inhnenah ka ziak a ni; chungah chuan ding nghet rawh u.
5:13 Babulon khuaa awm nangmahni anga thlan nu hian chibai a buk a che u; chutiang bawkin ka fapa Marka pawhin chibai a buk a che u.
5:14 Hmangaihna fawha fawpin chibai inbuk rawh u. In zinga Kristaa awm apiangte hnenah chuan remna awm rawh se. |
posted by zoblog @ 11:05 AM  |
|
|
|
|
|
