|
| Wednesday, September 12, 2007 |
1:1 Paula, Krista Isua mi tang leh kan unaupa Timothea chuan: Kan duh tak leh kan thawh rimpui Philemona hnenah te,
1:2 kan farnu Aphi hnenah te, kan sipaipui Arkippa hnenah te, i ina kohhran inkhawmho hnenah te pawh:
1:3 Pathian, kan Pa leh Lalpa Isua Krista hnen ata khawngihna leh remna in hnenah awm rawh se.
1:4 ,5 Lalpa Isua lamah leh mi thianghlim zawng zawng lama hmangaihna leh rinna i neih chu lo hre thinin, ka tawngtainaahte chuan i hming lam fovin, ka Pathian hnenah lawmthu ka hril thin;
1:5 ,4 Lalpa Isua lamah leh mi thianghlim zawng zawng lama hmangaihna leh rinna i neih chu lo hre thinin, ka tawngtainaahte chuan i hming lam fovin, ka Pathian hnenah lawmthu ka hril thin;
1:6 i rinna thawhlawm chu, nangmahnia awm thil tha tinreng hriat famkimna kawngah chuan Krista lama a lo sawt theihna turin.
1:7 Unaupa, nangma zara mi thianghlimte thinlung a lo harh tak avangin i hmangaihnaah chuan ka hlimin ka thlamuang em em thin asin.
1:8 Chuvangin, a awm tawk chu ti turin thu pek che Kristaah ngam em em mah ila,
1:9 hmangaihna avangin (Paula putar meuh ka ni a, tunah Krista Isua mi tang ka lo ni ta na a) a ngenin ka ngen zawk a che;
1:10 ka fa Onesima, kawl bun chunga ka hrin atan hian i hnenah ka ngensak e.
1:11 Ani chu hmanah khan i tan a tangkai lo va, tunah erawh chuan kei leh nang atan a tangkai ta e;
1:12 amah tak, ka thinlung ngei hi,i hnenah ka rawn tir kir leh ta a ni;
1:13 ani chu Chanchin Thaa kawl ka bunnaah hian nangma aia rawng mi bawlsak theihna turin ka hnenah awmtir reng ka duh hle a ni;
1:14 Nimahsela, i khawngaihna chu khawngaih luihtir ang ni lovin, i thu thu ang a nih theih zawkna turin, i thu lovin engmah tih ka duh lo.
1:15 Rei lo te a then che hi kumkhuaa amah chu i neih hlenna ai a ni mahna,
1:16 nimahsela bawih ang ni tawh lova, bawih aia tha unau duh tak ang zawk hian; kei ka tan duh tak a ni bik a, nang atan lek phei chuan tisaah leh Lalpaah chuan a va ni dawn lehzual em!
1:17 Chutichuan, thiana mi ngaih chuan keimah angin amah hi lo lawm ang che.
1:18 Tin, i chungah thil engpawh tisualin emaw, i engilo emaw a bat chuan keima batah ruat ang che;
1:19 kei Paulan keima kut ngeia ka ziak a nih hi, keiman ka rulhsak ang; ka lakah nangmah ngei pawh i inbat bawkzia chu hrilh che zawng ka ni lo ve.
1:20 A ni, unaupa, nangmah avangin Lalpaah chuan lawmna mi neihtir la; Kristaah chuan ka thinlung tiharh ang che.
1:21 Ka sawi aia nasa zawk mahin i ti ang tih ka hriat avangin, i awih ringin i hnenah ka ziak a nih hi.
1:22 Engpawh ni sela, chu chang ti lovin, thlenna tur mi lo buatsaihsak bawk ang che; in tawngtainate avangin in hnenah pek ka ni dawn tih ka inring si a.
1:23 Epaphra, Krista Isuaa ka tanpuipa hian chibai a buk a che;
1:24 ka hnathawhpui Marka te, Aristarka te, Dema te, Luka te pawhin chutiang bawkin an buk a che.
1:25 Kan Lalpa Isua Krista khawngaihna i thlarau hnenah awm rawh se. Amen. |
posted by zoblog @ 11:11 AM  |
|
|
|
|
|
