| Wednesday, September 12, 2007 |
1:1 LALPAN Mosia a ko va, inbiakna puanin atangin a bia a,
1:2 Israela thlahte chu bia la, an hnênah, ‘In zînga tupawhin thilhlan LALPA hnêna in hlanin, ran, bâwng rual zînga mi in hlân tûr a ni.
1:3 A thilhlan chu bâwngrual zînga mi, hâlral thilhlan a nih chuan a pa, sawisêlbo a hlân tûr a ni: ani chu LALPA hmaa pawm a nih theih nân inbiakna puanin kawngka bulah a hlân tûr a ni.
1:4 Tin, hâlral thilhlan lu chungah chuan a kut a nghat ang a; tichuan a tân inremna siamnatûrin pawmsak a ni ang.
1:5 Tin, LALPA hmaah bâwngpa a talh ang a; tin, Arona fapa puithiamten thisen chu an hlân ang a, inbiakna puanin kawngka bula maichâm chu thisen chuan an theh vêl tûr a ni.
1:6 Tin, hâlral thilhlan chu a lip anga, a chan tûr a ni.
1:7 Tin, puithiam Arona fapate chuan maichâmah chuan mei an dah ang a, mei chungah chuan thing an chhep khâwm ang:
1:8 tin, Arona fapa puithiamte chuan sahrang te, a lû te, a thaute chu maichâma mei chunga thingah chuan an dahfel ang a:
1:9 a kâwchhûngte leh a kete erawh chu tuiin a sil ang: puithiam chuan LALPA tâna rimtui tak, meia hlan hâlral thilhlan atân a pum chuan maichâmah a hâl tûr a ni.
1:10 Tin, a thilhlan chu hâlral thilhlan atâna ran rual zînga mi, berâm emâw, kêl emaw a nih chuan, a pa, sawisêlbo a hlân tûr a ni.
1:11 Tin, maichâm sîr hmâr lampangah LALPA hmaah a talh anga; tin, Arona fapa puithiamte chuam maichâm chu a thisen chuan an theh vêl tûr a ni.
1:12 Tin, a chan ang a, a lû nên a thau nên; tin, puithiamin maichâm chunga mei chungah thingah chuan a dah fel ang:
1:13 a kâwchhûngte leh a kete erawh chu tuiin a sil ang: tin, apumin puithiamin a hlân ang a, maichâmah a hâl tûr a ni: LALPA tâna rimtui tak, meia hlan hâlral thilhlan a ni.
1:14 Tin, LALPA tana a thilhlan chu sava lam halral thilhlan a nih huan, a thilhlanah thuro emaw, parva no emaw a hlan tur a ni.
1:15 Tin, puithiamin maichâmah a rawn keng ang a, a lu a thuai bung ang a, maichâmah a hal ang; tin, a thisen chu maichâm pangah chuan an far kangtir ang a;
1:16 tin, a chawkchaweng chu a hmul nen a paih ang a, maichâm kiang, chhak lampanga meivap dahna hmunah chuan a paih ang :
1:17 tin, a thlate chu a thuai thlawn ang a, a tak erawh chu phel lovin: tin, puithiamin maichâmah, mei chunga thingah chuan a hal tur a ni: chu chu LALPA chuan a hal tur a ni: chu chu LALPA tana rimtui tak, meia hlan halral thilhlan a ni.
2:1 Tupawhin thilhlan, chhangphut thilhlan LALPA hnena a hlan hunin, a thilhlan chu chhangphut dip tak a ni tur a ni; hriak a leih ang a, a chungah beraw a dah bawk ang:
2:2 tin, Arona fapa puithiamte hnenah a kalpui ang a: tin, anin a vei khatin chuta chhangphut dip tak chu, a hriak nen a beraw zawng zawng nen chuan a la chhuak ang a; tin, puithiam chuan maichâm chungah chuan hriat rengna, LALPA tana rimtui tak, meia thilhlan atan a hal ang:
2:3 tin, chhangphut thilhlan lak bangte chu Arona leh a fapate ta tur a ni ang: chu chu LALPA tana meia thilhlantea thil thianghlim tak pakhat a ni.
2:4 Tin, chhangphut thilhlan, a urnaa ur thilhlan i hlan chuan chhangphut dip tak, hriaka hmeh dawidim telh loh chhang emaw, hriaka chulh dawidim telh loh chhangper pan emaw a ni tur a ni.
2:5 Tin, i thilhlan chu thlenga ur chhangphut thilhlan a nih chuan dawidim telh loh, hriaka hmeh, chhangphut dip tak a ni tur a ni.
2:6 I phel ang a, hriakin i leih tur a ni: chu chu chhangphut thilhlan a ni e.
2:7 Tin, i thillan chu kanbela kan, chhangphut thilhlan a nih chuan changphut dip tak leh hriaka siam a ni tur a ni.
2:8 Tin, chung thila siam chhangphut thilhlan chu LALPA hnenah i rawn la ang a: chu chu puithiam hnena hlan a ni ang a, anin maichâmah a rawn kalpui tur a ni.
2:9 Tin, puithiamin chhangphut thilhlan ata hriatrengna chu a la chhuak ang a, maichâmah chuan a hal ang: chu chu LALPA tana rimtui tak, meia thilhlan a ni.
2:10 Tin, chhangphut thilhlan lâk bangte chu Arona leh a fapa te pual tur a ni ang: chu chu LALPA tana meia thilhlantea thil thianghlim ber a ni.
2:11 Chhangphut thilhlan reng reng, LALPA hnena in hlan tur chu dawidim tela siam tur a ni lo: LALPA tana meia thilhlanah chuan dawidim emaw khawizu emaw reng reng in hal tur a ni lo.
2:12 Siam hmasak ber thilhlan ang zawngin LALPA hnenah in hlan ang a; nimahsela rimtui atana maichâmah chuan dah tur a ni lo.
2:13 I chhangphut thilhlan zawng zawng chu Pathian thuthlung entirna chi i al tur a ni; I thilhlan zawng zawng chu chi i al zel tur a ni: i thil hlan zawng zawngah chuan chi i hlan tel tur a ni.
2:14 Tin, rah hmasa ber chhangphut thilhlan LALPA hnena i hlan chuan buh thar hmasa bera mi, changphut thilhlan atan chhangper I hlan tur a ni.
2:15 Tin, hriak i leih ang a, a chhûnga beraw i dah tur a ni; chu chu chhangphut thilhlan a ni.
2:16 Tin, puithiamin chhang per leh hriak then chu hriat reng nan beraw zawng zawng nen chuan a hal tur a ni: chu chu LALPA tana meia thilhlan a ni.
3:1 Tin, a thilhlan chu remna thilhlan inthawi a niha, bawng rual zinga mi a hlan chuan, a nu emaw a pa emaw pawh ni sela, LALPA hmaah sawiselbo a hlan tur a ni.
3:2 A thilhlan lu chungah chuan a kut a nghat ang a, inbiakna puan in kawngka bulah a talh ang a: tin, Arona fapa puithiamte chuan maichâm chu thisen chuan an theh vel tur a ni.
3:3 Tin, remna thilhlan inthawinaa mi LALPA tana meia thilhlan a hlan ang a; a kawchhûng a thau leh rilbawh zawng zawng
3:4 leh a kal pahnih leh a bawhtu thau a nema mi leh a tin tuamtu râng,a kalte chawpin a phawrh tur a ni.
3:5 Tin, Arona fapaten maichâmah, meia thing awm chunga halral thilhlan chunga chuan an hal tur a ni: chu chu LALPA tana rimtui tak, meia thilhlan a ni.
3:6 Tin, remna thilhlan inthawinaa LALPA tana thilhlan chu beram rual zinga mi a ni chuan a nu pawh ni sela, a pa pawh nisela, sawiselbo a hlan tur a ni.
3:7 A thilhlana beram no a hlan chuan LALPA hmaah an hlan ang a:
3:8 a thil hlan lu chungah chuan a kut a nghat ang a, inbiakna puan in kawtah a talh ang a: tin, Arona fapaten maichâm chu thisen chuan an theh vel tur a ni..
3:9 Tichuan remna thilhlan inthawinaa mi, LALPA tana meia thilhlan a hlan ang. A thau te, a mei thau tak a tluanin, a kawngruh thlengin a la vek ang a; a kawchhûng thau te, a rilbawh zawng zawng te,
3:10 a kal pahnih leh a bawhtu thau a nema mi leh a thin tuamtu râng, a kalte chawpin a phawrh tur a ni.
3:11 Tin, puithiamin chu chu maichâmah a hal tur a ni: chu chu LALPA tana meia thilhlan ei tur chhiah a ni.
3:12 A thilhlan chu kel anih chuan LALPA hmaah a hlan ang a:
3:13 tin, a lu chungah a kut a nghat ang a, tin, a lu chungah a kut a nghat ang a, inbiakna puan in kawtah a talh ang a: tin, Arona fapaten maichâm chu thisen chuan an theh vel tur a ni.
3:14 Tin, chu mia a thil hlan chu a hlan ang a, LALPA tana meia thilhlan chu; a kawchhûng thau leh a rilbawh zawng zawng
3:15 leh a kal pahnih leh abawhtu thau a nema mi leh a thin tuamtu rang, a kalte chawpin a phawt tur a ni.
3:16 Tin, chung chu puithiamin maichâmah a hal tur a ni: rimtui atana meia thilhlan ei tur chhiah a ni a; a thau zawng zawng chu LALPA pual a ni.
3:17 Thau emaw thisen emaw ei loh tur tih hi in thlahte zel tan pawh in awmna apiangah zawm tura thupêk ding reng a ni ang,' ti rawh," tiin.
4:1 Tin, LALPA chuan Mosia a bia a.
4:2 "Israela thlahte chu bia la, LALPAN thil tih loh tura thu a pêkte a enga pawh hi miin hriat loh vangin lo tipalh sela, a titu chu
4:3 hriak thih puithiam ni sela, mipui thiam loh chantir thei thil a tihsual chuan a thil tihsual tak sual thawi nan LALPA hnenah bawng tuai sawiselbo, sual thawinaah hlan rawh se.
4:4 Bawng chu inbiakna puan in kawngka bulah LALPA hmaah a rawn kai ang a, bawng lû chungah a kut a nghat ang a, LALPA hmaah bawng chu a talh tur a ni.
4:5 Tin, hriak thih puithiam chuan bawng thisen engemawzat chu a la ang a, inbiakna puan inah chuan a rawn keng ang a:
4:6 tin, puithiam chuan thisenah chuan a kut zungtang a chiah ang a, a then chu LALPA hmaah, hmun thianghlim puanzar bulah chuan vawi sarih a theh tur a ni.
4:7 Tin, puithiam chuan LALPA hmaah inbiakna puan ina rimtui halna maichâm kiahte chuan thisen chu tlem a tat ang; tin, bawng thisen zawng zawng chu inbiakna puan in kawngka kianga halral thilhlan maichâm bulah chuan a chhûng chhuak tur a ni.
4:8 9,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lâk angin a kawchhûng thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu râng, a kalte chawpin a phawrh ang a; tin, puithiamin halral thilhlan maichâmah a hlan tur a ni.
4:9 8,10 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lâk angin a kawchhûng thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu râng, a kalte chawpin a phawrh ang a; tin, puithiamin halral thilhlan maichâmah a hlan tur a ni.
4:10 8,9 Tin, sual thawina bawng thau zawng zawng chu a la vek ang a; remna thilhlan inthawina bawngpaa mi lâk angin a kawchhûng thau leh a rilbawh zawng zawng leh a kal pahnih leh a bawhtu thau a nema mi leh a thin tuamtu râng, a kalte chawpin a phawrh ang a; tin, puithiamin halral thilhlan maichâmah a hlan tur a ni.
4:11 Tin, bawng vun te, a sa zawng zawng te, a lu nen, a kete nen, a kawchhûngte, a êk te,
4:12 a bâwng pum chu daipawn lam hmun faiah vut paihnaah a kalpui ang a, thingchungah a hal ang: vut paihnaah chuan hal tur a ni.
4:13 Israela chu a hnam puma an lo sual a, hre lo va LALPA thupêk eng pawh an lo bawhchhiat palh chuan,
4:14 chu thil tihsual chu hriat chhuah a nih veleh mipuiin sual thawi nan bawng tuai an hlan ang a, inbiakna puan in kawtah an rawn kai tur a ni.
4:15 Tin, mipuiho upate chuan LALPA hmaah talh tur a ni.
4:16 Tin, hriak thih puithiam chuan inbiakna puan inah bawng thisen engemawzat chu a rawn keng ang a:
4:17 tin, puithiamin thisenah chuan a kut zungtang a chiah ang a, puanzar bulah LALPA hmaah vawisarih a theh tur a ni.
4:18 Tin, thisen chu inbiakna puan ina LALPA hmaa maichâm kiah chuan tlem a tat ang a, thisen zawng zawng chu inbiakna puan in kawngka kianga halral thilhlan maichâm bulah chuan a chhûng chhuak tur a ni.
4:19 Tin, a thau zawng zawng chu a la vek ang a, maichâmah a hal tur a ni.
4:20 Chutiang chuan bawng chu a ti ang a; sual thawina bawng a tih ang chiahin hei pawh hi a ti tur a ni: tin, puithiamin inremna a siam sak ang a, ngaihdam an ni ang.
4:21 Tin, bawng chu daipawn lamah a kalpui ang a, bawng hmasa a hal angin a hal tur a ni: chu chu mipuite tana sual thawina a ni.
4:22 Rorêltuin thil a tihsual a, LALPA a Pathianin tih loh tura thu a pêk zawng zawng a enga pawh a tih palh a, thiam loh a chan a,
4:23 a thil sual tih chu hriattir a nih chuan a thilhlanah kel, a pa, sawiselbo a rawn kai ang a:
4:24 kel lû chungah chuan a kut a nghat ang a, LALPA hmaah hlaral thilhlan an talh thinnaah chuan a talh tur a ni: chu chu sual thawina a ni.
4:25 Tin, puithiamin sual thawina thisen chu a kut zungtangin tlem a pir ang a, halral thilhlan maichâm kiahte chuan a tat ang a, halral thilhlan maichâm bulah a thisen chu a chhûng chhuak tur a ni.
4:26 Tin, a thau zawng zawng chu remna thilhlan inthawina thau a hal angin maichâmah a hal tur a ni: tin, a sual chungchâng thuah chaun puithiamin inremna a siamsak ang a, ngaihdam a ni ang.
4:22 rorêltuin thil a tihsuala LALPA a Pathianin tih loh tura thu a pêk zawng zawng a enga pawh a tih palha thiam loh a chana,
4:23 a thil sual tih chu hriattir a nih chuan a thilhlanah kel, a pa, sawiselbo a rawn kai ang a:
4:24 kel lu chungah chuan a kut a nghat ang a, LALPA hmaa halral thilhlan an talh thinnah chuan a talh tur a ni: chu chu sual thawina a ni.
4:25 Tin, puithiamin sual thawina thisen chu a kut zungtangin tlem a pir ang a, halral thilhlan maichâm kiahte chuan a tat ang a, halral thilhlan maichâm bulah a thisen chu a chhûng chhuak tur a ni.
4:26 Tin, a thau zawng zawng chu remna thilhlan inthawina thau a hal angin maichâmah a hal tur a ni: tin, a sual chungchâng thuah chuan puithiamin inremna a siamsak ang a, ngaihdam a ni ang.
4:27 Tin, vantlang zinga mi a tua pawhin LALPAN tih loh tura thu a pêkte a enga pawh tihsual palhin, thiam loh lo chang ta sela,
4:28 a thil sual tih chu hriattir a nih chuan a thilhlanah kel, a nu, sawiselbo, a thiltih sual tak sual thawi nan a rawn kai tur a ni.
4:29 Sual thawina lu chungah chuan a kut a nghat ang a, halral thilhlanna hmunah chuan sual thawina chu a talh tur a ni.
4:30 Tin, puithiamin thisen chu a kut zungtangin tlem a pir ang a, halral thilhlan maichâm kiahte chuan a tat ang a, a thisen zawng zawng chu maichâm bulah chuan a chhûng chhuak tur a ni.
4:31 Tin, a thau zawng zawng chu remna thilhlan inthawina thau an lak angin a la vek ang a; tin, puithiam LALPA tana rimtuiah maichâmah a hal tur a ni; tin, puithiamin inremna a siamsak ang a, ngaihdam a ni ang.
4:32 Tin, sual thawi nana a thilhlana beram no a rawn ken chuan, a nu, sawiselbo a rawn keng tur a ni.
4:33 Sual thawina lu chungah chuan a kut a nghat ang a, halral thilhlan an talhnaah chuan sual thawi nan a talh tur a ni.
4:34 Tin, puithiamin sual thawina thisen chu a kut zungtangin tlem a pir ang a, halral thilhlan maichâm kiahte chuan a tat ang a, a thisen zawng zawng chu maichâm bulah chuan a chhûng chhuak ang a:
4:35 tin, a thau zawng zawng chu, beram no thau, remna thilhlan inthawinaa mi lak angin a la vek ang a; tin, puithiamin LALPA tana meia thilhlan angin maichâmah a hal tur a ni: tin, puithiamin a thil tihsual tak chungchâng thuah inremna a siamsak ang a, ngaihdam ani ang.
5:1 Tupawh a thil hmuh emaw a thil hriat emaw hretu a nih a, rorêlna hmaa puang tura tih a nih hnu pawha a sawi duh lova thil a tihsual chuan a khawlohna mawh chu a phur ang:
5:2 tin, tupawhin thil thianghlim lo reng reng, ram sa thianghlim lo ruang emaw, ran thianghlim lo ruang emaw, a vaha vak chi rannung thianghlim lo ruang emaw hre lo pawha a khawih a, a lo thianghlim loh chuan thiam loh a chang ang:
5:3 tin, mihring pawh a thianghlim lohna eng ang pawh ni sela, a thianghlim lohna chu hre lo pawha a khawih chuan a hriat chhuah hun chuan thiam loh a chang ang;
5:4 tin, tupawhin thil tha lo emaw thil tha emaw ti tura a kaa hre lo pawha chhia a chham zung zung chuan, eng pawh ni sela, a chhechham chhuah zung zung mai chu a hriat chhuah hunah chuan thiam loh a chang ang:
5:5 tin, heti hi a ni ang a, heng thil pakhatah pawh hian thiam loh a chan hun chuan a sualna chu a puang ang;
5:6 sual thawi nan beram rual zinga mi a nu, beram no emaw kel emaw a thil tihsual tak man atan LALPA hnena hlan turin a bawhchhiat thawina chu a rawn keng ang a; puithiamin a sualna chungchâng thuah chuan inremna a siam sak ang.
5:7 A neihin beram no a tlin loh chuan LALPA hnena hlan turin a sual man atan chuan a bawhchhiat thawinaah thuro pahnih emaw parva no pahnih emaw a rawn keng tur a ni; pakhat chu sual thawi nan pakhat chu halral thilhlan atan
5:8 Puithiam henah a rawn keng ang a, a ni chuan sual thawina tur chu a hlan hmasa ang a, phel lovin a lu chu a nghawngah a thuai bung ang a:
5:9 sual thawina thisen chu maichâm pangah chuan tlem a theh ang a; tin, thisen la awm zawng chu maichâm bulah chuan an far kangtir tur a ni: chu chu sual thawina a ni.
5:10 Tin, a pa khata chu dan angin halral thilhlanah a hlan ang a: tin, puithiamin a thil tihsual tak chungchang thuah inremna a siamsak ang a, ngaihdam a ni ang.
5:11 Amaherawhchu a neihin thuro pahnih emaw parva no pahnih emaw pawh a tlin loh chuan a sual man atan thil hlanah sual thawi nan chhangphut dik tak, epha hmun sawma thena hmun khat a rawn keng ang a; hriak a leih tur a ni lova, a chungah beraw a dah tur a ni hek lo, sual thawina a nih avangin.
5:12 Puithiam hnenah a rawn keng ang a, a ni chuan sual thawina tur chu a hlan hmasa ang a, phel lovin a lu chu a nghawngah a thuai bung ang a:
5:13 Tin, chung thil zinga a enga pawh a tihsual tak chungchâng thuah chuan puithiamin inremna a siamsak ang a, ngaihdam a ni ang: a la awm zawng chu chhangphut thilhlan ang bawkin puithiam chanpual tur a ni ang,' ti rawh," tiin.
5:14 Tin, LALPAN Mosia a bia a,
5:15 "Tupawhin thil a tihsuala, LALPA thil thianghlimte chunga a sual palh chuan a bawhchhiat thawina, beram rual zinga mi berampa sawiselbo, hmun thianghlim sekel ang, tangka sekel eng emaw zat hua i ngaih, bawhchhiat thawinaah LALPA tan a rawn kai tur a ni:
5:16 tin, thil thianghlim chunga a lo tih dik loh takna chu a rul ang a, a hmun ngaa thena hmun khat a belh ang a, puithiam a pe tur a ni; tin, puithiam chuan bawhchhiat thawina berampa chuan inremna a siamsak ang a, ngaihdam a ni ang.
5:17 Tupawhin thil a tihsuala tih loh tura LALPAN thu a pêkte a enga pawh a tih chuan, hre lo mah sela thiam loh a chang reng reng ang a, a khawlohna mawh chu a phur ang.
5:18 Tin, beram rual zinga mi berampa sawiselbo, i ngaiha awm tawk, bawhchhiat thawinaah: puithiam hnenah a rawn kai tur a ni; tin, puithiam chuan hre lova a tihsual palh chungchâng thuah chuan inremna a siamsak ang a, ngaihdam a ni ang:
5:19 chu chu bawhchhiat thawina a ni: LALPA hmaa thiam loh chang a ni ngei a ni," tiin.
6:1 Tin, LALPA chuan Mosia a bia a,
6:2 "Tupawhin, thil tisualin, LALPA thu bawhchhe ta sela, sum kawltir thu emaw, hlêpthu emaw, rukrukthu emawa a thenawmte tihderin a thenawmte bum ta sela,
6:3 a nih loh leh, thil bote chharin, tihderin dawtin chhia chham ta sela, heng thil zawng zawng a enga pawh hi a tihsual chuan,
6:4 heti hi a ni ang a, a sual ngei a, thiam loh a chan chuan a thil rûk te, buma a thil lâk te, a hnena sum kawltir te, thil bo a chhar te,
6:5 dawta chhia a chhamna thil engpawh chu a rul leh tur a ni; a kim chiahin a rul leh vek ang a, a hmun ngaa thena hmun khat chu, a chuangin a belh ang: thiam loh a chan ni chuan a neitu chu a pe tur a ni.’
6:6 A bawhchhiat thawina beram rual zinga mi i ngaiha awm tawk, berampa sawiselbo bawhchhiat thawinaah LALPA tan puithiam hnenah a rawn kai tur a ni:
6:7 tin, puithiamin LALPA hmaah inremna a siamsak ang a, ngaihdam a ni ang, thiam loh channa tura thil a tih apiang chungchângahte chuan," tiin.
6:8 Tin, LALPAN Mosia a bia a,
6:9 "Arona leh a fapate hnenah, ‘Hei hi halral thilhlan dan tur chu a ni: Halral thilhlan chu maichâm chunga a halnaah chuan zankhuain a tuk thlengin a awm ang a: tin, maichâma mei chu a nung reng tur a ni.
6:10 Tin, puithiam chuan a puan zai sin silhfen a inbel ang a, a tisa khuh nan a puan zai sin kekawr a ha ang a; tin, maichâma halral thilhlan kang vâpte chu a la ang a, maichâm sirah a dah tur a ni.
6:11 Tin, a silhfen chu a hlip ang a, silhfen dang a inbel ang a, a vapte chu daipawn lam hmun faiah a kalpui tur a ni.
6:12 Tin, maichâm chunga mei chu tihnun reng a ni ang a, a mit tur a ni lo; tin, puithiam chuan tuk tin thing a tuah ang a, halral thilhlan chu a dah fel ang a, chutah chuan remna thilhlante thau chu a hal tur a ni.
6:13 Maichâmah mei a nung reng ang a, a mit tur a ni lo.
6:14 Tin, hei hi chhangphut thilhlan dan tur chu a ni: Arona fapate chuan maichâm bulah, LALPA hmaah an hlan tur a ni.
6:15 Tin, anin a vei khatin chhangphut thilhlana mi, chhangphut dip tak leh a hriak leh chhangphut thilhlan chunga beraw zawng zawng chu a la chhuak ang a, chu chu LALPA tana rimtui tak, hriat rengna atan maichâmah a hal tur a ni.
6:16 Tin, lâk bangte chu Arona leh a fapaten an ei tur a ni chu chu hmun thianghlimah dawidim tel lovin an ei ang a; inbiakna puan in kawtlaiah an ei tur a ni.
6:17 Dawidim telin ur tur a ni lo. Meia ka thilhlana an chanvo atan ka pêk a ni; chu chu sual thawina leh bawhchhiat thawina anga thil thianghlim tak a ni.
6:18 Arona thlah mipa zawng zawngin an ei tur a ni. Chu chu LALPA tana halral thilhlan chungchâng thuah in thlahte zel chena kumkhaw dan a ni ang: tupawh chu mi khawih apiangte chu tihhran an ni ang,’ tiin thu pe rawh," tiin.
6:19 Tin, LALPA chuan Mosia a bia a,
6:20 "Hriak thiha a awm nia Arona leh a fapaten LALPA hnena an hlan tur thilhlan chu hei hi a ni; chhangphut thilhlana hlan thin tur, chhangphut dip tak epha hmun sawma thena hmun khat, zingah a chanve, tlaiah a chanve.
6:21 Urna thlengah hriak pawlha siam tur a ni. A inchiahchhuah hunah i rawn la lut ang a: a phel te tein chhangphut thilhlan chu LALPA tana rimtuiah i hlan tur a ni.
6:22 A fapate zinga mi a thlaktu, hriak thih puithiam chuan a hlan ang a: kumkhaw dan tur angin LALPA tan halral vek tur a ni.
6:23 Puithiam chhangphut thilhlan apiang chu halral vek tur a ni a, ei hauh loh tur a ni," tiin.
6:24 Tin, LALPA chuan Mosia a bia a,
6:25 "Hei hi sual thawina dan tur chu a ni: halral thilhlan talh thinaah sual thawina pawh chu LALPA hmaah talh tur a ni: chu chu thil thianghlim tak a ni.
6:26 Sual thawina hlantu puithiam chuan a ei ang a; inbiakna puan in kawtlaiah, hmun thianghlimah ei tur a ni.
6:27 Tupawh chu mi sa khawih apiangte chu tihhran an ni ang: tin, a thisen chu eng puanah pawh theh per ni se la, a kaina apiang chu hmun thianghlimah i su tur a ni.
6:28 A chhumna hlum bel chu tihkeh tur a ni a: dâr bela chhum a nih erawh chuan nawh faia tleuh fai tur a ni;
6:29 Puithiam chhûngkuaa mipa tawh phawt chuan chu mi chu an ei thei ang. Chu chu thil thinghlim tak a ni.
6:30 Sual thawina, a thisen, hmun thianghlima inremna siamna tura inbiakna puan ina rawn lâk chu ei tur a ni lo: hal tur a ni.
7:1 Tin, hei hi bawhchhiat thawina dan tur chu a ni: thil thianghlim tak a ni.
7:2 Halral thilhlan an talh thinnaah bawhchhiat thawina pawh chu an talh tur ni: tin, a thisen chuan maichâm chu a theh vel tur a ni.
7:3 Tin, a thau zawng zawng chu a hlan tur a ni; a mei thau tak te, a kawchhûng thau te,
7:4 a ka pahnih leh a bawhtu thau, a nema mi leh a thin tuamtu râng, a kalte chawpin a phawrh ang a;
7:5 tin, puithiam chuan LALPA tana meia thilhlanah maichâm chungah a hal tur a ni: chu chu bawhchhiat thawina a ni,
7:6 Puithiam chhûngkuaa mipa tawh phawt chuan chu mi chu an ei thei ang; hmun thianghlima ei tur a ni: chu chu thil thianghlim tak a ni.
7:7 Bawhchhiat thawina chu sual thawina ang bawk a ni a, dan khat a ni: chu mia inremna siamtu puithiam chuan, chu chu a nei tur a ni.
7:8 Puithiam, mi tupawh halral thilhlan hlansaktu puithiam ngei chuan halral thilhlana a hlan vun chu a pumbil tur a ni.
7:9 Tin, a urnaa ur chhangphut thilhlan apiangte, kanbela kan leh thlenga ur zawng zawng te chu a hlantu puithiam pual tur a ni.
7:10 Chhangphut thilhlan zawng zawng chu hriaka hmeh pawh, a ro pawh a dang ang bawkin Arona fapate zawng zawngin an insem tlang tur a ni.
7:11 Tin, hei hi miin LALPA hnena a hlan tur, remna thilhlan inthawi dan tur chu a ni.
7:12 Lawmthu sawi nana a hlan chuan lawmthu sawi inthawinaah chuan hriaka hmeh dawidim telh loh chhang leh hriaka chulh dawidim telh loh chhangper pante leh chhangphut dip tak hriaka ngun taka hmeh a hlan tel tur a ni.
7:13 Lawmthu sawi nana a remna thilhlan inthawinaah chuan chhang dawidim telh a hlan tel tur a ni.
7:14 Tin, chu mi ata chu thilhlan tina mi LALPA tana then thilhlan atan pakhat theuh a hlan ang a; remna thil hlan thisena thehtu puithiam pual tur a ni.
7:15 Tin, lawmthu sawi nana a remna thilhlan inthawina sa chu thilhlan a hlan ni la lain ei zawh tur a ni a; a tuk thlengin engmah a khek tur a ni lo.
7:16 Amaherawhchu a thilhlan inthawina chu thutiam emaw, mahni duhthua thilhlan emaw a nih chuan a inthawina a hlan ni la la chuan ei tur a ni a; tin, ei bang chu atukah ei tur a ni:
7:17 Amaherawhchu inthawina sa a ni thum ni thlenga la awm cheu chu hal tur a ni.
7:18 A remna thilhlan inthawina sa chu ni thum ni thlenga an ei chuan, pawmsak a ni lo vang a, a hlantu pawh chu hlana ngaih a ni hek lo vang; thil tenawm a ni ang a, tupawh a ei apiangin an khawlohna mawh chu an phur ang.
7:19 Tin, sa, thil thianghlim lo reng reng nena intawk chu ei tur a ni lo va, hal tur a ni. Tin, sa chu a thianghlim apiang chuan an ei ang a:
7:20 remna thilhlan inthawina sa, LALPA chanpual, thianghlim lo chunga eitu erawh chu, chu mi chu a chipuite zing ata tuithlarin a awm tur a ni.
7:21 Tin, tupawhin thil tenawm, thianghlim lo reng reng, mi thianghlim lo emaw, ran thianghlim lo emaw, thil thianghlim lo reng reng a khawih a, remna thilhlan inthawina sa, LALPA chanpual a ei chuan chu mi chu a chipuite zing ata tuithlarin a awm tur a ni,’ tiin Arona leh a fapate chu be rawh," tiin.
7:22 Tin, LALPA chuan Mosia a bia a,
7:23 "Sebawng emaw, beram emaw, kel emaw thau in ei tur a ni lo.
7:24 Amaha thi thau leh sa seh thau chu thil dang engah pawh hman theih a ni ang a: ei erawh chu in ei hauh tur a ni lo.
7:25 Tupawh, LALPA tana miin meia thilhlan an hlan sathau ei chu a chipuite zing ata tuithlarin a awm tur a ni.
7:26 In awmna tawh phawtah chuan thisen reng reng, sava emaw, ramsa emaw thisen in ei tur a ni lo.
7:27 Tupawh ni sela, thisen ei reng reng chu, chu mi chu a chipuite zing ata tuithlarin a awm tur a ni,' tiin Israela thlahte be rawh," tiin.
7:28 Tin, LALPA chuan Mosia a bia a,
7:29 "LALPA hnena a remna thilhlan inthawina hlan apiang chuan, LALPA tana a thilhlan chu a remna thilhlan inthawina ata a rawn hlan tur a ni
7:30 LALPA tana meia thilhlan chu ama kut ngeiin a rawn keng ang a; a thau chu a ir chawpin a rawn la tur a ni, a ir chu LALPA hmaa then thilhlana then a nih theih nan.
7:31 Tin, puithiamin maichâmah a thau chu a hal ang a: a ir erawh chu Arona leh a fapate pual tur a ni.
7:32 A bawp ding lam chu inremna thilhlan inthawina ata then thilhlanah puithiam in pe tur a ni.
7:33 Arona fapate zinga remna thilhlan thisen leh thau hlantu apiang chuan a chanvo atan a bawp ding lam a nei tur a ni.
7:34 A ir leh a bawp an then thin chu Israela thlahte an remna thilhlan inthawinate ata chu ka ti hrang a, Israel thlahte kum khaw tih dan tur atan puithiam Arona leh a fapate ka pe a ni,’ tiin Israela thlahte hnenah sawi rawh," tiin.
7:35 Hei hi a ni, anmahni hriak thih nia Israela thlahten an pêk tura LALPAN thu a pêk, puithiam hna thawka LALPA rawngbawl tura a hlan ni achina LALPA tana meia thilhlan ata Arona chanvo leh a fapate chanvo tur chu. Hei hi kumkhuaa an thlahte zel thlenga an tih dan tur a ni.
7:36 Hei hi a ni, anmahni hriak thih nia Israela thlahten an pêk tura LALPAN thu a pêk, puithiam hna thawka LALPA rawngbawl tura a hlan ni achina LALPA tana meia thilhlan ata Arona chanvo leh a fapate chanvo tur chu. Hei hi kumkhuaa an thlahte zel thlenga an tih dan tur a ni.
7:37 Hei hi Sinai thlalera Israela thlahten thilhlan LALPA hnena hlan tura thu a pêk nia Sinai tlanga LALPAN Mosia thu a pêk halral thilhlan te, chhangphut thilhlan te, sual thawina te, tihhranna te, remna thilhlan inthawina dan te chu a ni.
7:38 Hei hi Sinai thlalera Israela thlahten thilhlan LALPA hnena hlan tura thu a pêk nia Sinai tlanga LALPAN Mosia thu a pêk halral thilhlan te, chhangphut thilhlan te, sual thawina te, tihhranna te, remna thilhlan inthawina dan te chu a ni.
8:1 Tin, LALPAN Mosia a bia a,
8:2 "Arona chu a fapate nen hruai la, silhfen te, hriak thih mi te, sual thawina bawngpa te, berampa pahnih te, chhang dawidim telh loh bawm khat nen chuan keng bawk la;
8:3 tin, mi zawng zawngte chu inbiakna puan in kawngka velah awm khawmtir rawh," tiin.
8:4 Tin, Mosia chuan LALPAN thu a pêk ang chuan a ti a; mi zawng zawng chu inbiakna puan in kawngka velah chuan an awm khawm a.
8:5 Tin, Mosian pungkhawmho hnenah chuan, "Hei hi a ni LALPAN tih tura thu a pêk chu," a ti a.
8:6 Tin, Mosian Arona leh a fapate chu a rawn hruai a, a bual a.
8:7 Tichuan kawr chu a haktir a, kawnghrenna chuan a hreng a, kawrfual chu a haktir a, puithiam kawr chu a bel a, puithiam kawr hrenna thiam taka tah chuan a hreng a, chu chuan a hreng bet a.
8:8 Tin, awmbel chu a bel a; tin, a awmbelah chuan Urim leh Thummim a dah a.
8:9 Diar chu a khimtir a, tin, diar pang hma lamah chuan rangkachak phektihhran chhinchhiahna thianghlim chu a bel a, LALPAN Mosia thu a pêk ang khan.
8:10 Tin, Mosia chuan hriak thih mi chu a la a, biak buk leh a chhûnga thil awm zawng zawngte chu a thih a, a tithianghlim hlawm a.
8:11 Tin, chu bawk chuan maichâm chu vawi sarih a theh a, maichâm leh a bungbel zawng zawng te, maihun leh a hun chhan te chu tihthianghlim turin a thih a.
8:12 Tin, a tihthianghlimna turin hriak thih mi chu Arona luah a leih a, a thih a.
8:13 Tin, Mosian Arona fapate chu a rawn hruai a, kawr a haktir a, kawnghrennain a hreng a, diar a khimtir a; LALPAN Mosia thu a pêk ang khan.
8:14 Tin, sual thawina bawngpa chu a rawn kai a, Arona leh a fapate chuan sual thawina bawngpa lu chungah chuan an kut an nghat a.
8:15 Tin, a talh a; Mosia chuan thisen chu a la a, chu chu inremna maichâm tana siam nan a kut zungtangin maichâm kiahte chuan a velin a tat a, maichâm chu a thian a, maichâm bula thisen chu a leih a, a tithianghlim a.
8:16 Tin, a rilbawh zawng zawng te, a thin tuamtu râng te, a kal pahnih te leh a thaute a la a, maichâmah Mosian a hal a.
8:17 Bawngpa erawh chu a vun nen, a sa nen, a ek nen, daipawnah a hal a, LALPAN Mosia thu a pêk ang khan.
8:18 Tin, halral thilhlan berampa chu a han hlan a, Arona leh a fapate chuan berampa lu chungah chuan an kut an nghat a.
8:19 Tin, Mosia chuan a talh a : tin, maichâm chu thisen chuan a theh vel a.
8:20 Tin, berampa chu a chan a, a lu leh sa hrangte leh a thau te chu a hal a.
8:21 Tin, a kawchhûng leh a kete chu a sil a; berampa chu maichâmah a vaiin a hal vek a: chu chu rimtui atana halral thilhlan a ni a; LALPA tana meia thilhlan a ni; LALPAN Mosia thu a pêk ang kha.
8:22 Tin, berampa dang, tihhranna berampa chu a han hlan leh a: Arona leh a fapate chuan berampa lu chungah chuan an kut an nghat a.
8:23 Tin, Mosia chuan a talh a, thisen chu a la a, Arona beng dinglam hmawrah te, a kut dinglam zungpuiah te, a ke dinglam zungpuiah te a hnawih a.
8:24 Tin, Mosia chuan Arona fapate chu a hruai a, an beng ding lam hmawrah te, an kut dinglam zungpuiah te, an ke dinglam zungpuiah te a hnawih a: tin, maichâm chu thisen chuan a theh vel a.
8:25 Tin, a thau te, a mei thau tak te leh a rilbawh zawng zawng te, a thin tuamtu râng te, a kal pahnih leh a thau te leh a bawp ding lam a la a:
8:26 LALPA hmaa chhang dawidim telh loh bawm ata chu chhang dawidim telh loh pakhat leh hriaka hmeh chhangper pakhat leh chhangper pan pakhat a la a, sa thau chungah leh a bawp ding lam chungah chuan a dah a:
8:27 tin, a vai chuan Arona kutphah chungah leh a fapate kutphah chungah chuan a dah a, LALPA hmaa then thilhlanah a then a.
8:28 Tin, Mosian an kut ata chu a la a, halral thilhlan chungah maichâmah a hal a; chu chu rimtui atana tihhranna a ni: LALPA tana meia thilhlan a ni.
8:29 Tin, Mosian a ir chu a la a, LALPA hmaa then thilhlanah a then a: tihhranna berampaa Mosia chanvo a ni, LALPAN Mosia thu a pêk ang khan.
8:30 Tin, Mosian hriak thih mi ata leh maichâma thisena mi a la a, chu chuan Arona leh a silhfen a theh a; a fapate leh a fapate silhfen te pawh; Arona leh a silhfen chu a tithianghlim a, a fapate leh a silhfente pawh.
8:31 Tin, Mosian Arona leh a fapate hnenah chuan, "Inbiakna puan in kawngka bulah sa chu chhum ula, 'Arona leh a fapaten an ei tur a ni,' tia thu a pêk ang khan, chutah chuan tihhranna bawma chhang nen ei rawh u.
8:32 Tin, sa leh chhang ei bangte chu in hal tur a ni.
8:33 In intihhranna ni a kim hma loh chuan inbiakna pun in kawngka chu chhuahsan lovin ni sarih in awm tur a ni: ni sarih a tihrang dawn si che u a.
8:34 Tuna tih ang hian inremna siamsak tur che uin LALPAN tih tur thu a pe a ni.
8:35 Inbiakna puan in kawngka bula chuan ni sarih, chhun leh zan in awm reng ang a, in thih loh nan LALPA thupêk chu in zawm tur a ni, chutianga thu pêk chu ka ni," a ti a.
8:36 Tichuan LALPAN Mosia hmanga tih tura thu a pêk zawngte chu Arona leh a fapate chuan an ti a.
9:1 Tin, heti hi a ni a, a ni riat ni chuan Mosian Arona leh a fapate leh Israel upahote chu a ko va;
9:2 tin, Arona hnenah chuan, "Sual thawi nan bawng no a pa leh halral thilhlanah berampa sawisebo ve ve kai la, LALPA hmaah hlan rawh.
9:3 Tin, Israela thlahte hnenah chuan, 'Sual thawi nan kelpa, tin, halral thilhlanah bawng no leh beram no kum khat mi ve ve sawiselbo thiau
9:4 leh bawngpa leh berampa LALPA hmaa remna thilhlana hlanah rawn kai ula: tin, hriaka hmeh chhangphut thilhlan nen: vawiinah hian in hnenah LALPA a lo lang dawn e,' tiin hrilh rawh," a ti a.
9:5 Tin, Mosian thu a pêk ang chuan inbiakna puan in kawtah an rawn kai a; tin, mi zawng zawng chuan an va hnaih a, LALPA hmaah chuan an va ding a.
9:6 Tin, Mosia chuan, "Hei hi a ni in tih tura LALPAN thu apêk che u kha: tichuan LALPA ropuina chu in zingah a lo lang ang." a ti a.
9:7 Tin, Mosian Arona hnenah, "Maichâm chu rawn hnaih la, I sual thawina te, I halral thilhlan te hlan la, nangma tan leh mipuite tan inremna siam rawh: tin, mipuite thilhlan chu hlan la, an tan inremna siam rawh, LALPA thupêk angin," a ti a.
9:8 Tin, Arona chuan maichâm chu a va hnaih a, ama puala sual thawina bawng no chu a talh a.
9:9 Tin, Arona fapate chuan thisen chu a hnenah an hlan a, thisenah chuan a kut zungtang a chiah a, maichâm kiahte chuan a tat a, thisen chu maichâm bulah a leih a:
9:10 sual thawina thau te, a kal te, a thin tuamtu râng te erawh chu maichâm chungah a hal a, LALPAN Mosia thu a pêk ang kha.
9:11 Tin, a sa leh a vun chu daipawnah a hal a.
9:12 Tin, halral thilhlan chu a talh a; Arona fapate chuan thisen chu an pe a, anin maichâm chu a theh vel a.
9:13 Halral thilhlan sa hrang chu a mal malin a lu nen an pe a, ani chuan maichâmah a lo hal a.
9:14 Tin, a kawchhûng te, a kete a sil a, maichâmah halral thilhlan chungah chuan a hal a.
9:15 Tin, mipuite thilhlan chu a hlan a, mipuite sual thawina kel chu a kai a, a talh a, a hmaa mi ang bawk khan sual thawinaah a hlan a.
9:16 Tin, halral thilhlan chu a hlan a, a dan ang zelin a hlan a ni.
9:17 Tin, chhangphut thilhlan chu a hlan a, chuta mi chu a vei khatin a la a, zing lam halral thilhlan tih loh pawh chu maichâmah huan a hal bawk a.
9:18 tin, mipuite puala remna thilhlan inthawina bawngpa leh berampa chu a talh bawk a; tin, Arona fapaten a thisen chu an pe a, maichâm chu a theh vel a;
9:19 tin, bawng pa thau leh berampa thau te, a mei thau tak te, a rilbawh te, a kal te, a thituamtu râng te an pe bawk a;
9:20 a thau chu a ir chungah te chuan an dah a, tin, a ni chuan a thau chu maichâmah a lo hal a.
9:21 Tin, a ir leh bawp dinglam chu Aronan LALPA hmaah then thilhlanah a then a; Mosia thupêk ang khan.
9:22 Tin, Arona chuan mipuite lamah chuan a ban a phar a, mal a sawm hlawm a; tin, sual thawina leh halral thilhlan leh remna thilhlan a hlan zo chu a lo chhuk a.
9:23 Tin, Mosia leh Arona chu inbiakna puan inah an va lut a, tin, an lo chhuak leh a, mipuite chu mal an sawm a: tin, LALPA ropuina chu mi zawng zawng chungah chuan a lo lang a.
9:24 Tin, LALPA hma atang chuan mei a lo chhuak a, halral thilhlan leh thaute chu maichâmah chuan a kangral ta a: tin, chu chu mipui zawng zawngin an hmuh chuan an au dur dur a, an bawkkhup ta thuap a.
10:1 Tin, Arona fapa, Nadaba leh Abihua te chuan an mei lakna chu an la ve a, chutah chuan meiling an dah a, rimtui an phul a, LALPA hmaah a thupêk lohvin mei hman loh chi an hlan a.
10:2 Chutichuan LALPA hma atangin mei a lo chhuak a, anni chu a kanghlum a, LALPA hmaah chuan an thi ta a.
10:3 Chutichuan Mosian Arona hnenah, "Mi rawn hnaihtuahte chuan thianghlimin ka lang ang a, mipui zawng zawng hmaah huan chawimawiin ka awm ang,' tia LALPAN a sawi kha hei hi a nih hi," a ti a. Tin, Arona chu a ngawi reng a.
10:4 Tichuan Mosia chuan Arona pami Uziela fapa Misaela leh Elzaphana te chu a ko va, an hnenah, "Lo hnai ula, in unaute hi hmun thianghlim ata dawipawnah zawn chhuak rawh u," a ti a.
10:5 Chutichuan an lo hnai a, kawr ha chungin daipawnah an zawn chhuak a, Mosia sawi ang chuan.
10:6 Tin, Mosian Arona hnenah leh a fapa Eleazara leh Ithamara te hnenah chuan, "In sam thlah suh ula, in puante pawtthler hek suh u, chutilochuan in thi ang a, mi zawng zawng chungah a thinur ang: in unau, Israela chhûngkaw pumpuiin mei, LALPA hal chu sun zawk rawh se.
10:7 Tin, inbiakna puan in kawngka ata chu in chhuak tur a ni lo, chutilochuan in thi ang: LALPA hriak, thih mi chu in chungah a awm si a," a ti a. Tichuan Mosia thu ang chuan an ti ta a.
10:8 Tin, LALPAN Arona chu a bia a,
10:9 "Nang emaw I fapate emaw pawhin inbiakna puan in chhûnga in kal laiin uaiin leh zu reng reng in suh u, chutilochuan in thi ang: in thlahte zel thlenga kumkhaw dan tur a ni ang a;
10:10 chu chu a thianghlim leh a thianghlim lo leh a thiang leh a thiang lo in thlei theihna tur leh
10:11 LALPAN Mosia hmanga an hnena a sawi, thupêk zawng zawngte chu Israel thlahte chu in zirtir theih nan a ni ang, tiin.
10:12 Tin, Mosian Arona hnenah leh a fapa la dam Eleazara leh Ithamarate hnenah chuan, "LALPA tana meia thilhlana mi, chhangphut thilhlan lak bangte chu la ula, maichâm bulah dawidim tel lovin ei rawh u: thil thianghlim a ni si a:
10:13 tin, LALPA tana meia thilhlana i pual leh i fapate pual a nih avangin hmun thianghlimah in ei tur a ni; chutianga thupêk ka ni e.
10:14 Tin, a ir then leh a bawp ding lam then chu hmun faiah in ei tur a ni; nang leh i fapate leh i fanute ho nen: Israela thlahte remna thilhlan inthawinaa i pual leh i fapate puala ruat a ni si a.
10:15 Bawp then leh ir then chu LALPA hmaa then thilhlana then turin meia thilhlan thau nen an rawn keng tur a ni a: chu chu nang leh i fapate nen, kumkhuaa in pual tur a ni ang, LALPA thupêk ang khan," a ti a.
10:16 Tin, Mosia chuan sual thawina kel chu ngun takin a zawng a, tin, ngai teh, an lo hal tawh reng a ni a: tichuan, Arona fapa la dam, Elazara leh Ithamara chungah chuan a thinur a,
10:17 "Engatinge sual thawina chu hmun thianghlimah in ei loh? Thil thianghlim, mipuiho khawlohna phur tura LALPA hmaa remna siamsakna tura a pêk che u a ni si a.
10:18 Ngaiteh u, a thisen chu hmun thianghlimah in la lut hlei nem: thu ka pêk ang khan hmun thianghlimah chuan in ei ngei ngei tur a ni asin," tiin.
10:19 Tin, Aronan Mosia hnenah, "Ngaiteh, vawiinah hian LALPA hmaah an sual thawina leh an halral thilhlan chu an hlan a ni a; hetiang thil hi ka chungah a lo awm ta mai si a: vawiinah hian sual thawina chu lo ei ta ila, LALPA ngaiha thil tihawm a lo ni dawn maw?" a ti a.
10:20 Tin, Mosian chu chu a hriatin a lungawi ta a.
11:1 Tin, LALPAN Mosia leh Arona a bia a,
11:2 "Israela thlahte chu bia ula, 'Lei chunga sa zawng zawng zinga nungcha in ei turte chu heng hi a ni.
11:3 Sa zinga a tin kaka, tin kak chhuak, thialret thial chi tawh phawt chu in ei thei ang a.
11:4 Amaherawhchu thialret thial emaw tin kak chhuak emaw zinga mi hengte hi chu in ei tur a ni lo; sanghawngsei, thialret thial mah sela, a tin a kak loh avangin; in tan a bawlhhlawh a ni.
11:5 Tin, sazupui, thialret chu a thial naa, mahse a tin a kak loh avangin; in tan a bawlh- hlawh a ni.
11:6 Tin, zupui, thialret chu a thial naa, mahse a tin a kak loh avangin; in tan a bawlhhlawh a ni.
11:7 Tin, vawk, a tin chu a kak a, a kak chhuak naa, mahse thialret a thial loh avangin; in tan a bawlhhlawh a ni.
11:8 An sa in ei tur a ni lo va, an ruang pawh in khawih tur a ni 1o va, in tan a bawlhhlawh a ni.
11:9 Tuia cheng zawng zawngah hengte hi in ei thei ang: tuifinriat leh lui leh tuia awm pangparh leh phuhlip nei tawh phawt chu in ei thei ang.
11:10 Tuia cheng zawng zawngte leh tuia nungcha awm zawng zawng zinga tuifinriata mi te, luia mi te, pangparh leh phuhlip nei lo apiangte chu in tana thil tenawm a ni a,
11:11 in tan thil tenawm a ni ang; an sa in ei tur a ni lo va, an ruangte chu thil tenawmah in neih tur a ni.
11:12 Tuia mi pangparh leh phuhlip nei lo tawh phawt chu in tan thil tenawm a ni.
11:13 Tin, sava zinga mi chu heng hi thil tenawma in neih tur a ni; ei loh tur a ni a, thil tenawm an ni: mupui te, lungdup te, muarla te,
11:14 mute te, ngawihup chi reng reng te;
11:15 choak chi reng reng te;
11:16 sava sang te, vabak te, tuifinriat sava te, mu chi reng reng te;
11:17 hrangkir te, luidung mu te, chingpirinu te,
11:18 chhimbuk sialki nei te, tuivalawng te, mulukawlh te;
11:19 kanghlai te, dil sava chi reng reng te, chhuangtuar leh bak te.
11:20 Thla nei ke palia kal chi zawng zawngte chu in tan thil tenawm a ni.
11:21 Amaherawhchu thla nei, ke palia kal chi pawh lei chunga perh nana an ketang chunglama bawp nei zawng zawngte zinga mi hengte hi in ei thei ang;
11:22 hengte pawh hi in ei thei ang; khaukhuap chi reng reng te, khauekthingtial chi reng reng te, perhpawng chi reng reng leh khau chi reng reng te.
11:23 Amaherawhchu thla nei, ke pali nei, a kala kal chi zawng zawng chu in tan thil tenawm a ni vek ang.
11:24 Tin, heng avangte hian bawlhhlawh in lo kai ang: tupawh, sa ruang khawih apiang chu tlai lam thlengin an bawlhhlawh ang a;
11:25 tin, tupawh heng ruang latu apiangte hian an puante an su tur a ni a, tlai lam thlengin an bawlhhlawh ang,
11:26 Ran a tin kak a, tin kak chhuak lo, thialret pawh thial lo chi zawng zawng chu in tan thil bawlhhlawh a ni a; tupawh chung khawih apiang chu an bawlhhlawh ang.
11:27 Tin, fuliafa zawng zawng zinga ke bawra kal apiangte chu in tan thil bawlhhlawh a ni a; an ruang khawih apiang chu tlai lam thlengin an bawlhhlawh ang.
11:28 Tin, an ruang latu apiang chuan an puante an su tur a ni a, tlai lam thlengin an bawlhhlawh ang; in tan thil bawlhhlawh a ni.
11:29 Tin, leia a bawha bawkvak chi zinga in tana thil bawlhhlawh chu hengte hi a ni: bui te, chaichim te, tangkeu chi reng reng te,
11:30 chawke te, tângkawng te, laitel te, kâwlchawr te, laiking te.
11:31 Heng hi a bawha bawkvak chi zawng zawng zinga in tana thil bawlhhlawh te chu an ni: tupawhin heng thi hnute hi an khawih chuan tlai lam thlengin an bawlhhlawh ang.
11:32 Tin, an thiha engpawh an delh chu a bawlhhlawh zel ang; hmanrua hman tawh phawt chu thing bungbel emaw, puan emaw, savun emaw, saiip emaw pawh ni sela, tuiah chiah tur a ni, tin, tlai lam thlengin a bawlhhlawh ang; chu mi zawhah chuan a thianghlim tawh ang.
11:33 Hlum bêl, a enga pawh a tlâkna apiang chu in tikeh zel tur a ni, a chhûnga awm zawng zawng chu a bawlhhlawh a ni.
11:34 Chu mi bela ei mi awm zawng zawng pawh, chu mia awm tuia chiah tawh reng reng chu thil bawlhhlawh a ni ang; tin, in mi, in theih chi zawng zawng pawh, chu mi bela mi reng reng chu thil bawlhhlawh a ni angin
11:35 Tin, thil engpawh an ruang a englai pawhin a delh tawh phawt chu thil bawlhhlawh a ni zei ang; chhangurna emaw ur lumna bel emaw pawh tihkeh vek tur a ni, a bawlhhlawh tawh a, in tan thil bawlhhlawh a ni ang.
11:36 Amaherawhchu tuikhur emaw, tuizem, tui tling khawm emaw chu a bawlhhlawh lo vang a, an ruang khawih apiang erawh chu a bawlhhlawh ang.
11:37 Tin, chi, chin tur reng reng chu an ruang a englai pawhin lo delh ta ang sela, a bawlhhlawh lo va.
11:38 Amaherawhchu chi, tuia chiah hnu an ruang a englai pawhin delh sela, in tan thil bawlhhlawh a ni.
11:39 Ran in ei theih chi reng reng pawh thi sela, a ruang khawih apiang chu tlai lam thlengin a bawlhhlawh ang.
11:40 A sa ei apiang chuan a puante a su tur a ni a, tlai lam thlengin a bawlhhlawh ang: tin, a ruang latu pawhin a puante a su tur a ni a, tlai lam thlengin a bawlhhlawh ang.
11:41 Tin, rannung lei chunga a bawha bawkvak chi zawng zawng chu thil tenawm an ni a, ei tur an ni lo.
11:42 A tlenga tleng chi leh ke palia kal chi emaw, ke tam tak nei chi emaw, lei chunga a bawha bawkvak chi reng reng chu in ei tur a ni lo, thil tenawm an ni si a.
11:43 A bawha bawkvak chi reng rengin irh intitenawm tur a ni lo va, in intihbawlhhlawh phahna turin, chung chuan in intibawlhhlawh tur a ni lo.
11:44 Kei hi LALPA in Pathian ka ni si a; chuvangin intithianghlim ula, thianghlimin awm rawh u; kei ka thianghlim si a, lei chunga cheng, a vaha vak, a eng ang chi mahin intibawlhhlawh suh u.
11:45 In Pathian ni tura Aigupta ram ata hruai chhuak chhotu che u LALPA chu ka ni si a,: kei ka thianghlim si a, chuvangin nangni pawh in thianghlim tur a ni.
11:46 Hei hi sa leh savate leh nungcha tuia cheng chi tinreng leh leia a bawha bawkvak chi tinrengte chungchâng thua dan tur chu a ni:
11:48 thianghlim leh thianghlim lo thleina tur leh nungcha ei theih mi leh nungcha ei theih loh mi thleina turin,' ti rawh u," tiin.
12:1 Tin, LALPAN Mosia a bia a,
12:2 "Israela thlahte hnenah, 'Hmeichhiain nau a paia fapa a hrin chuan ni sarih a bawlhhlawh ang a; hmeichhe dan pangngai hun laia a bawlhhlawh ang chuan a bawlhhlawh ang.
12:3 Tin, a ni riat niin naute serh hmawr vun tan tur a ni.
12:4 Thisen avanga inthianin ni sawmthum leh ni thum a la awm cheu tur a ni; a inthen ni a kim hma loh chuan thil thianghlim reng reng a khawih tur a ni lo va, hmun thianghlimah pawh a lut tur a ni hek lo.
12:5 Hmeichhia a hrin erawh chuan hmeichhe dan pangngai hun laia a bawlhhlawh angin chawlhkar hnih a bawlhhlawh ang; tin, thisen avanga inthianin ni sawmruk leh ni ruk a la awm cheu tur a ni.
12:6 Tin, fapa emaw fanu emaw avanga a inthenna ni a kim veleh halral thilhlanah beram no kum khat mi leh sual thawi nan parva no emaw, thuro emaw inbiakna puan in kawngka bulah puithiam hnenah a rawn keng tur a ni:
12:7 Tin, anin LALPA hmaah a hlan ang a, inremna a siamsak ang a, tichuan a thisen chhuahna ata tihthianghlim a ni ang. Hei hi mipa emaw hmeichhia emaw hringtu tana dan a ni.
12:8 Tin, a neihin beram no a tlin loh chuan thuro tuak khat emaw, parva no tuak khat emaw a keng tur a ni: pakhat chu halral thilhlanah, pakhat chu sual thawi nan: tin, puithiamin inremna a siamsak ang a, tichuan a thianghlim tawh ang,' tiin sawi rawh," tiin.
13:1 Tin, LALPAN Mosia leh Arona a bia a,
13:2 "Mi a tisa vun a vun emaw, a khir emaw, a bawl emaw, a vuna phâr hri ni awma a lan chuan puithiam Arona hnenah emaw, a fapa, puithiamte zinga tu ber emaw hnenah hruai tur a ni.
13:3 Tin, puithiam chuan tisa vuna hri chu a lo en ang a; tin, a hri awmna laia hmul chu a lo vara, a hri chu a tisa vun aia thuka a lan chuan phâr hri a ni a: tin, puithiam chuan amah a lo en ang a, mi bawlhhlawh a nih a puang tur a ni.
13:4 A tisa vuna bawlte chu a lo var a, vun aia thuka a lan loh va, a hmul chu a var loh chuan hri veitu chu puithiamin ni sarih a khung hrang ang a,
13:5 tin, puithiam chuan ni sarih ni chuan amah chu a en ang a: tin, ngai teh, a hri chu a ngai renga a hmuh a, a hri chu a tai darh loh chuan puithiam chuan ni sarih vek a khung hrang leh ang a:
13:6 tin, puithiam chuan ni sarih ni chuan a en leh ang a: tin, ngai teh, hri chu a lo thim a, hri chu a vuna a tai darh loh chuan puithiam chuan a thianghlim tih a puang tur a ni: khir mai a ni: a puante a su ang a, a lo thianghlim ang.
13:7 Amaherawhchu a thianna tura puithiam a inentir hnua a khir chu a vuna a tai darh zau chuan puithiam a inentir leh tur a ni:
13:8 tin, puithiam chuan a lo en ang a, tin, ngai teh, a khir chu a vuna a tai darh chuan puithiam chuan a bawlhhlawh tih a puang ang: phâr a ni.
13:9 Phâr hri miin a vawn chuan puithiam hnenah hruai tur a ni;
13:10 tin, puithiamin a lo en ang a, tin, ngai teh, vuna a vara a lo vun chhuah a, a hmul a tihvara a vung chu a lawn chuan,
13:11 phâr benvawn a tisaah a awm a ni a, puithiamin a bawlhhlawh tih a puang ang a, khung hran tur a ni lo va, bawlhhlawh a ni si a.
13:12 Tin, a phâr chu vuna a tai darh zauva, a hri veitu chu a vun, a lu atanga a ke ler thlenga puithiam hriat theih chin phârin a bawm chuan,
13:13 puithiam chuan a en ang a; tin, ngai teh, phârin a tisa zawng zawng a bawm chhuah tawh chuan hri veitu chu a thiang tih a puang tur a ni: a var zo tawh a, a thianghlim tawh a ni.
13:14 Amaherawhchu a tisa a lo lawn chuan a lo bawlhhlawh ang.
13:15 Puithiam chuan a tisa lawng chu a lo en ang a, a bawlhhlawh tih a puang tur a ni: tisa lawng chu a bawlhhlawh a ni; phâr a ni.
13:16 Amaherawhchu tisa lâwng chu a lo danglam leh a, a lo vâr leh chuan puithiam hnenah a kal ang a,
13:17 tin, puithiamin a lo en ang; tin, ngai teh, a hri chu a lo var chuan puithiam chuan hri veitu chu a bawlhhlawh lo tih a puang tur a ni: a thianghlim tawh a ni.
13:18 Tin, tisa vun a lo khawihlia, a lo dam a,
13:19 a khawihlina hmuna a lo var pawn emaw, var sen deuhva a lo bawl emaw chuan puithiam entir tur a ni.
13:20 Tin, puithiam chuan a lo en ang a, tin, ngai teh, vun aia thûka a lan a, a hmul chu a lo vâr chuan puithiamin a bawlhhlawh tih a puang tur a ni: phâr hri a ni a, khawihliah chuan a lo piang chhuak a ni.
13:21 Amaherawhchu puithiamin a lo en a, tin, ngai teh, hmul var a awm loh va, vun aia a thuk loh va, a thim deuh chauh a nih chuan, puithiamin ni sarih a khung hrang ang a:
13:22 tin, vuna a tai darh chuan puithiamin a bawlhhlawh tih a puang tur a ni: hri a ni.
13:23 Amaherawhchu a bawl var chu a awmna ngaia a awm a, a tai darh loh chuan khawihli ser mai a ni a; puithiamin a thianghlim tih a puang tur a ni.
13:24 Tin, tisa vun a kan a, a kang lâwng lai chu vâr sen deuh emaw, a vâr emawa a lo bawl chhuah chuan,
13:25 puithiamin a lo en ang a, tin, ngai teh, a bawl lai taka hmul chu a vâra vun aia thuka a lan chuan phâr a ni a, kangah chuan a lo piang chhuak a ni; tichuan puithiamin a bawlhhlawh tih a puang tur a ni, phâr hri a ni.
13:26 Amaherawhchu puithiamin a lo en a, tin, ngai teh, a lo bawla a hmul var a awm loh va, vun aia thuk lova thim deuh chauh a nih chuan puithiamin ni sarih a khung hrang ang a:
13:27 tin, puithiamin ni sarih niin amah chu a en ang a, vuna a tai darh zau chuan puithiamin a bawlhhlawh tih a puang tur a ni, phâr hri a ni.
13:28 Tin, a bawl chu a awmna ngaia a awm renga vuna a tai darh loh va, thim deuh chauh a nih chuan mei kan pawn mai a ni a, puithiamin a thianghlim tih a puang tur a ni: kang ser mai a ni.
13:29 Tin, hmeichhia emaw, mipa emawin a luah emaw, a khabe hmul laiah emaw hri a vei chuan
13:30 puithiamin hri chu a lo en ang a: tin, ngai teh, vun aia thûka a lana, hmul eng sin tak a awm chuan puithiamin a bawlhhlawh tih a puang tur a ni: pupangliah a ni a, lu leh khabe hmul phâr a ni.
13:31 Tin, puithiamin pupangliah hri chu a en a, tin, ngai teh, vun aia thuk lova a lan a, a hmul dum a awm loh chuan puithiamin pupangliah hri veitu chu ni sarih a khung hrang ang a:
13:32 tin, ni sarih niin puithiamin hri chu a en ang a, tin, ngai teh, pupangliah chu a tai darh lohva, hmul eng a awm loh va, pupangliah chu vun aia thuka a lan loh chuan,
13:33 meh tur a ni a, pupangliah lai erawh chu a met tur a ni lo; tin, puithiamin pupangliaha chu ni sarih dang a khung hrang leh ang a:
13:34 tin, ni sarih ni chuan puithiamin pupangliah chu a en leh ang a: tin, ngai teh, pupang- liah chu a vuna a darh lohva, vun aia thuka a lan loh chuan puithiamin a thianghlim tih a puang tur a ni; tin, a puante a su ang a, a lo thianghlim tawh ang.
13:35 Amaherawhchu pupangliah chu a inthenfai hnua vuna a tai darh zau chuan,
13:36 puithiamin amah chu a lo en ang a, tin, ngai teh, pupangliah chu vuna a tai darh chuan, puithiam tan chuan hmul eng chu zawn a ngai kher lo vang; a bawlhhlawh a ni.
13:37 Amaherawhchu pupangliah chu a ngai renga a hmuh a, hmul dum a to chuan pupangliah chu a dam a ni a, a thianghlim a ni; puithiamin a thianghlim tih a puang tur a ni.
13:38 Tin, hmeichhia emaw, mipa emaw, an tisa vunah bawl, bawl var tak a awm chuan,
13:39 puithiamin a en ang a; tin, ngai teh, an tisa vuna bawl chu a var thim deuh chauh a nih chuan bawl mai a ni a, vuna lo piang a ni a, a thianghlim a ni.
13:40 Mi a sam a tlak kawlh chuan lukawlh a ni a; nimahsela a thianghlim a ni.
13:41 A chhip sam a tlak kawlh chuan chalkawlh a ni a; nimahsela a thianghlim a ni.
13:42 Amaherawhchu lukawlhah emaw, chalkawlhah emaw, hri sen deuhva var a awm chuan, a lukawlh emaw, a chalkawlh emawa lo piang phâr a ni.
13:43 Tichuan puithiamin a lo en ang a, tin, ngai teh, a lukawlh emaw, a chalkawlh emawa hri lo pawng chhuak chu a sen var hiara tisa vuna phâr anga a lan chuan,
13:44 mi phâr a ni a, a bawlhhlawh a ni; puithiamin a bawlhhlawh tih a puang ngei ngei tur a ni, a phârna chu a luah a ni.
13:45 phâr hri vei chu a puante pawhthler a ni ang a, a sam te a thlah ang a, hmui chung lam a tuam ang a, 'Ka bawlhhlawh e, ka bawlhhlawh e,' tiin a au tur a ni.
13:46 Phârin a bawm chhûng chu bawlhhlawh a ni ang a; a bawlhhlawh a ni a, a awm hrang tur a ni; a awmna tur chu daipawn a ni.
13:47 ,48 Silhfen pawh, sahmul silhfen emaw, la zai sin silhfen emaw pawh; tah emaw phiar emaw pawh; la zai sin emaw sahmul emaw pawh; savun emaw, engpawh savuna siamah emaw phâr hri a awm a,
13:48 ,47 Silhfen pawh, sahmul silhfen emaw, la zai sin silhfen emaw pawh; tah emaw phiar emaw pawh; la zai sin emaw sahmul emaw pawh; savun emaw, engpawh savuna siamah emaw phâr hri a awm a,
13:49 chu hri chu silhfenah emaw, savunah emaw, tahah emaw, phiarah emaw, engpawh savuna siamah emaw a bring deuh emaw, a sen deuh emawa a lo lan chhuah chuan, phâr hri a ni a, puithiam entir tur a ni.
13:50 Tin, puithiamin hri chu a lo en ang a, hri kaina chu ni sarih a khung hrang ang a;
13:51 tin, ni sarih niin hri chu a en ang a, hri chu silhfen, tahah emaw, phiarah emaw, eng atan pawha an hman savunahte emaw, a tai chuan hri chu phar nghet tak chi a ni a, a bawlhhlawh a ni.
13:52 Silhfen chu, tah emaw, phiar emaw, sahmul emaw, la zai sin emaw, savuna siam chi reng reng emaw, phar awmna tawh phawt chu a hal tur a ni; phar nghet tak chi a ni si a, hal ngei tur a ni.
13:53 Tin, puithiamin a lo en a, tin, ngai teh, silhfen, tah emaw, phiar emaw, savuna siam chi reng reng pawha hri chu a tai loh chuan,
13:54 hri awmna chu puithiamin suk thu a pe ang a, ni sarih dang a khung hrang leh ang:
13:55 tin, hri awmna sul hnu chu puithiamin a en leh ang a, tin, ngai teh, hri lan dan chu a danglam loh chuan hri chu fai lo mah sela, a thianghlim chuang lo a ni, i hal tur a ni: a nghet chi a ni; a chhûng lam emaw, a pawn lam emawa kawlh pawh ni rawh se.
13:56 Tin, puithiamin a lo en a, tin, ngai teh, suk hnua thim deuh chauh a nih chuan silhfen ata emaw, savun ata emaw, tah ata emaw, phiar ata emaw chu a pawt thla ang a:
13:57 tin, hri chu silhfen tahah emaw, phiarah emaw, savuna siamahte emaw a la lan cheu chuan, a lo chhuak leh a ni a; hri awmna chu i hal tur a ni.
13:58 Tin, silhfen chu, tah emaw, phiar emaw, engpawh savuna siam chi reng reng emaw i suk a, hriin a kiansan chuan suk leh tur a ni a, tichuan a lo thianghlim tawh ang.
13:59 Hei hi silhfen, sahmul emaw, la zai sin emaw, tah emaw, phiar emaw, savuna siam chi reng rengte emawa phâr hri awm a thianghlim leh a thianghlim loh puanna dan tura chu a ni," tiin.
14:1 Tin, LALPA chuan Mosia a bia a,
14:2 "Hei hi phar inthen nia a tih dan tur chu a ni ang: puithiam hnenah hruai tur a ni a;
14:3 tin, puithiam chu daipawnah a kal chhuak ang a; tin, puithiam chuan a en ang a, tin, ngai teh, phar chu a pharna hri a dam chuan,
14:4 puithiam chuan a inthian tura chu sava nung thiang pahnih leh sidar thing leh la zai sen leh husop kensak turin thu a pe ang a:
14:5 tin, puithiam chuan sava pakhatchu hlum belah lui tui chungah talh turin thu a pe ang a:
14:6 sava nung chu, sidar thing te, la zai sen te, husop te, sava nung nen chuan a keng ang a, lui tui chunga sava talh thisenah chuan a hnim vek ang a:
14:7 tin, pharna laka inthian tura chu vawi sarih a theh ang a, a thianghlim tih a puang ang a, tin, sava nung chu ramah a chhuah ang.
14:8 Tin, a inthIan tura chuan a puante a su ang a, a inmet kawng vek ang a, a inbual tur a ni; tichuan a lo thianghlim ang: tin, chu mi zawhah chuan riah hmunah a kal ang a, amaherawhchu a puan in pawn lamah ni sarih a awm tur a ni.
14:9 Tin, heti hi a ni ang a, a ni sarih ni chuan a sam zawng zawng leh a khabe hmul leh a mit ko hmulte a met kawng ang a, a hmul zawng zawng a met kawng ang; tin, a puante a su ang a, a inbual tur a ni; tichuan a lo thianghlim tawh ang.
14:10 Tin, ni riat ni chuan beram no a pa pahnih sawiselbo leh beram no a nu pakhat sawiselbo, kum khat mi leh chhangphut thilhlan atan chhangphut dip tak epha hmun sawma thena hmun thum hriaka hmeh leh hriak log khat a keng tur a ni.
14:11 Tin, a thiantu puithiam chuan inthian tura leh chung thil chu inbiakna puan in kawngka bulah LALPA hmaah a dah ang a:
14:12 tin, puithiam chuan beram no pakhat chu hriak log khat nen chuan a la ang a, bawhchhiat thawi nan a hlan ang a, LALPA hmaa then thilhlan atan then tur a ni.
14:13 Tin, sual thawina leh halral thilhlan an talh thinna hmun, hmun thianghlimah chuan beram no pa chu a talh tur a ni: sual thawina chu puithiam pual a ni ang bawkin bawhchhiat thawina pawh chu puithiam pual a ni si a: thil thianghlim tak a ni e:
14:14 tin, puithiam chuan bawhchhiat thawina thisen chu a la ang a, inthian tura beng ding lam hmawrah te, a kut ding lam zungpuiah te, a ke ding lam zungpuiah te, puithiam chuan a hnawih ang:
14:15 tin, hriak log khata mi chu puithiam chuan a la ang a, ama vei lam kutphahah a chhûng ang a;
14:16 puithiam chuan a kut vei lama hriakah chuan a zungtang ding lam a hnim ang a, hriak chuan LALPA hmaah a kutzungtangin vawi sarih a theh ang a;
14:17 tin, a kuta hriak la awm zawng chuan inthian tura beng ding lam hmawr te, a kut ding lam zungpui te, a ke ding lam zungpui tea bawhchhiat thawina thisen chungah te chuan a hnawih ang a:
14:18 tin, puithiam chuan a kuta hriak la awm zawng chuan inthian tura lu a hnawih ang a; tin, puithiam chuan LALPA hmaah inremna a siamsak tur a ni.
14:19 Tin, puithiam chuan sual thawina chu a hlan ang a, a thianghlim lohna avanga inthian tura chu inremna a siamsak ang a; tin, chu mi zawhah chuan halral thilhlan chu a talh ang;
14:20 Tin, puithiam chuan halral thilhlan leh chhangphut thilhlan chu maichâmah chuan a hlan ang a, puithiam chuan inremna a siamsak ang a, tichuan a lo thianghlim tawh ang.
14:21 Tin, mi rethei a niha chutiang chu a tlin loh chuan beram no a pa pakhat bawhchhiat thawina, inremna siamsak nana then tur leh chhangphut thilhlan atan chhangphut dip tak epha hmun sawma thena hmun khat, hriaka chawhpawlh, hriak log khat nen a keng ang a;
14:22 tin, thuro tuak khat emaw, parva no tuak khat emaw, a neih theih zawk zawk apiang; pakhat chu sual thawina, pakhat chu halral thilhlanah a ni ang.
14:23 Ni riat niin a inthen nan puithiam hnenah inbiakna puan in kawngka bulah LALPA hmaah a rawn keng tur a ni.
14:24 Tichuan puithiamin bawhchhiat thawina beram no leh hriak log khat chu a la ang a, tin, then thilhlanah LALPA hmaah puithiam chuan a then ang a;
14:25 tin, bawhchhiat thawina beram no chu a talh ang a; puithiam chuan bawhchhiat thawina thisen chu a la ang a, inthian tura beng ding lam hmawrah te, a kut ding lam zungpuiah te, a ke ding lam zungpuiah te a hnawih ang:
14:26 tin, puithiam chuan hriak chu ama kutpbah vei lamah a bun ang a:
14:27 tin, puithiam chuan a kut vei lama hriak thenkhat chu a kut ding lamin LALPA hmaah vawi sarih a theh ang a;
14:28 tin, puithiam chuan a kuta hriak chuan inthian tura beng ding lam hmawr te, a kut ding lam zungpui te, a ke ding lam zungpui tea bawhchhiat thawina thisen chung takahte chuan a hnawih ang:
14:29 tin, puithiam kuta hriak la awm zawng te chuan LALPA hmaa inremna siamsak turin inthian tura lu chu a hnawih tur a ni.
14:30 Tin, thuro emaw, parva no emaw, a neih theih zawk zawk apiang a pakhat chu a hian ang a;
14:31 a neih theih zawk zawk apiang, sual thawi nan pakhat, halral thilhlanah pakhat, chhangphut thilhlan nen: tin, puithiamin inthlan tura chu LALPA hmaah inremna a siamsak ang.
14:32 Hei hi phâr hri vei, inthenna dan ang tlin lote tana dan a ni," tiin.
14:33 Tin, LALPAN Mosia leh Arona a bia a,
14:34 "Luah tura ka pêk che u Kanaan ram in luh huna, in luah tur ram khawii inah pawh phâr hri ka dah chuan,
14:35 chu mi in neitu chuan, ‘He inah hian hri ni awm tak awm awmin ka hria,’ tiin puithiam a rawn hrilh tur a ni:
14:36 tin, puithiam chu hri en tura a luh hma chuan in chhûnga thil awm zawng zawng chu bawlhhlawha a chan loh nan in chu tihruah turin puithiam chuan thu a pe ang a; chu mi zawh chuan puithiam chu in en tur chuan a lut ang;
14:37 tin, hri chu a en ang a, tin, ngai teh, hri chuan a hring lam deuh emaw, a sen lam deuh emawa bang a ei khuar tawh a, bang aia phaia a lan chuan,
14:38 puithiam chu in ata kawngkaah a chhuak ang a, in chu ni sarih a khar ang:
14:39 tin, ni sarih niin puithiam chuan a va en leh ang a, tin, ngai teh, hri chu banga a lo kai chuan,
14:40 hri awm na lung chu lak chhuah a, daipawnah hmun bawlhhlawha paih turin puithiam chuan thu a pe ang a;
14:41 tin, inchhûng lam chu a ziah vel tir ang a, tin, lung hmun charnaan ziah khawh chu daipawnah hmun bawlhhlawhah an chhung ang a:
14:42 Tin, lung dang an la ang a, chung lung hmunahte chuan an dah ang a; tin, lung charna dang an la ang a, in chu a bel ang.
14:43 Tin, lung a lak chhuaha in chu a ziaha a bel zawh hnua hri chu ina a lo chhuah leh chuan
14:44 puithiam chu a va lut ang a, a va en leh ang; tin, ngai the, hri chu ina alo tai chuan chu ina phar chu a nghet chi a ni a, a bawlhhlawh a ni.
14:45 In chu a thiat ang a,a lung te, a thing te, a lung charna zawng zawngte pawh; tin, daipawna hmun bawlhhlawhah a thiar chhuak ang.
14:46 Tupawh chu in khar chhûng reng renga lut chu tlai lam thlengin an bawlhhlawh bawk ang.
14:47 Tin, tupawh chu mi ina mu apiangte chuan an puante an su ang a. Tin, tupawh chu ina chaw ei apiangte chuan an puante an su tur a ni.
14:48 Tin, puithiam chu a luh a, a han en vel a, tin, ngai teh , in chu bel that a nih hnua hri chu a tai loh chuan, in chu a thianghlim tih puithiamin a puang ang, hri chu a kian tawh avangin.
14:49 Tin, in thenna tur chuan sava pahnih leh sidar thing leh la zai sen leh husop a keng ang a;
14:50 tin, sava pakhat chu hlum belah lui tui chunga a talh ang a:
14:51 tin, sidar thing leh husop leh la zai sen leh sava nung chu a la ang a, sava talh tak thisenah leh lui tuiah chuan a hnim ang a, tin, in chu vawi sarih a theh ang:
14:52 tin, in chu, sava thisen te, lui tui te, sava nung te, sidar thing te, husop te, la zai sen te chuan a thian ang:
14:53 Sava nung erawh kha chu khua atangin ramah a thlawh chhuahtir tur a ni: chutichuan in atan chuan inremna a siam ang a, tichuan a lo thianghlim tawh ang.
14:54 Hei hi phâr hri chi tinreng leh pupangliah chungchânga dan chu a ni;
14:55 Puana phar awm leh ina mi te,
14:56 pawng te, khir te, bawl chungchângahte pawh;
14:57 a thianghlim loh lai leh a thianghlim lai kawhhmuhna turin hei hi phar chungchânga dan chu a ni," tiin.
15:1 Tin, LALPA chuan Mosia leh Arona a bia a,
15:2 "Israela thlahte chu bia ula, an hnenah, ‘Mipa tupawh a tisaah thil a puh chuan a thil put avang chuan a bawlhhlawh a ni.
15:3 A thil pût chhûng zawng chu a bawlhhlawh a ni: a tisaah chuan a pût reng emaw, a pût chu dan emaw pawh ni sela, a bawlhhlawh tho a ni.
15:4 Thil pûta mutna khum tawh phawt hu a bawlhhlawh ang; tin, a thutna tawh phawt chu a bawlhhlawh bawk ang.
15:5 Tin, tupawh a khum khawih apiangte chuan an puante an su ang a, an inbual tur a ni a, tlai lam thlengin an bawlhhlaw ang.
15:6 Thil pûta thutnaa thu apiangte chuan an puante an su ang a, an inbual tur a ni a, tlai lam thlengin an bawlhhlawh ang.
15:7 Tupawh thil pûta tisa chu khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.
15:8 Tin, thil puta chuan mi bawlhhlawh lo chil a chhak chuan a puante a su ang a, a inbual tur a ni a, tlai lam thlengin a bawlhhlawh ang.
15:9 Chuanna engpawhah thil pûta chu a chuan chuan a bawlhhlawh ang.
15:10 Tupawh a innghahna hnu thil khawih apiangte chu tlai lam thlengin an bawlhhlawh ang; tin, chung thil chawisawntu apiangte chuan an puante an su ang a, an inbual tur ani a, tlai lam thlengin a bawlhlawh ang.
15:11 Tin, tupawh thil pûta chuan, a kut tleuh lova a khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.
15:12 Tin, thil pûta hlumbel khawih hnu chu tihkeh tur a ni; tin, thing bungbel zawng zawn chu tleuh fai vek tur a ni.
15:13 Tin, thil puta chu, a thil pût tihthianghlim a nih chuan a inthen nan ni sarih a intuk ang a, a puante a su ang a; tin, lui tuiah a inbual ang a; tichuan a lo thiang- hlim tawh ang.
15:14 Tin, a ni riat ni chuan thuro tuak khat emaw, parva no tuak khat emaw kengin LALPA hmaah inbiakna puan in kawngka bulah a kal ang a, puithiam a pe tur a ni:
15:15 Tin, puithiam chuan sual thawi nan pakhat, halral thilhlanah pakhat a hlan tur a ni; tin, puithiam chuan a thil pût thuah LALPA hmaah inremna a siamsak ang.
15:16 Tupawh inpâwlna chi amah atanga a chhuah chuan a pumin a inbual vek tur a ni a, tlai lam thlengin a bawlhhlawh ang.
15:17 Tin, silhfen te, vunte inpâwlna chi awmna tawh phawt chu sûk faia sil fai vek tur a ni a, tlai lam thlengin a a bawlhhlawh ang.
15:18 Tin, hmeichhia a mutpui pawhin an pahnihin an inbual ve ve tur a ni a, tin, tlai lam thlengin an bawlhhlawh ang.
15:19 Tin, hmeichhiain thil pût a neih a, a tisaa thil pût chu thi a nih chuan ni sarih chhûng chu a bawlhhlawh ang; tin, tupawh amah khawih apiangte chu tlai lam thlengin an bawlhhlawh ang.
15:20 Tin, a bawlhhlawh chhûnga a mutna tawh phawt chu a bawlhhlawh ang a, a thutna tawh phawt pawh a bawlhhlawh bawk ang.
15:21 Tupawh a khum khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.
15:22 Tupawh a thutna khawih apiangte chuan an puante an su ang a, an inbual tur a ni a, tlai lam thlengin an bawlhhlawh ang.
15:23 Khuma thil awm emaw, a thutnaa thil awm emaw khawih apiangte chu tlai lam thlengin an bawlhhlawh ang.
15:24 Tupawhin an mutpuia a bawlhhlawhna chu an kai chuan ni sarih an bawlhhlawh ang a: an mutna khum apiangte chu a bawlhhlawh ang.
15:25 Tin, hmeichhia a bawlhhlawh hun pangngai ni lova ni rei fe a thi a puh emaw, a bawlhhlawh dan pangngai aia rei a thi a puh emaw chuan, a bawlhhlawhna dan pangngai chhûnga a awm thin angin thi pûta a bawlhhlawh chhûng zawng chuan a awm bawk tur a ni; a bawlhhlawh a ni.
15:26 A thi puh chhûng zawnga a mutna khum tawh phawt chu a bawlhhlawh dan pangngai hun laia a khum ang a ni ang a; a thutna apiang chu a bawlhhlawh dan pangngai hun laia a bawlhhlawh angin a bawlhhlawh ang.
15:27 Tupawh chung thil khawih apiangte chu an bawlhhlawh ang a, an puante an su ang a, an inbual tur a ni a, tlai lam thlengin an bawlhhlawh ang.
15:28 Amaherawhchu a thi put chu tihthianghlim a nih chuan ni sarih a intuk ang a, chu mi hnuah chuan a lo thianghlim tawh ang.
15:29 Tin, a ni riat niin thuro tuak khat emaw, parva no tuak khat emaw a keng ang a, inbiakna puan in kawngka bulah puithiam a rawn pe tur a ni.
15:30 Tin, puithiamin sual thawi nan pakhat, halral thilhlanah pakhat a hian tur a ni; tichuan puithiam chuan thi puta a bawlhhlawhna thuah LALPA hmaah inremna a siamsak ang.
15:31 Hetiang hian Israela thlahte chuan bawlhhlawhna ata chu in tihrang tur a ni, an zinga ka biakbuk an tihbawrhban chang pawha an bawlhhlawhna avanga an thih loh nan.
15:32 Hei hi thil putate leh bawlhhlawh phaha inpawlna chi chhuakate tana dan chu a ni;
15:33 an bawlhhlawhna avanga peih sam lo te, ahmei apa, thil putho te, hmeichhia, an bawlhhlawh laia mutpuitute tan pawh," tiin.
16:1 Tin, Arona fapate pahnihin LALPA an va hnaiha an thih phah hnu chuan LALPAN Mosia a bia a;
16:2 LALPAN Mosia hnenah, "I unau Arona bia la, puanzar chhûng hmun thianghlimah, bawm chunga zahngaihna thutphah hmaah chuan eng lai mahin lo lut hauh suh se, a thi dah ang e; zahngaihna thutphah hungah, chhumah ka rawn inlar dawn a ni.
16:3 Hetiang hian Arona chu hmun thianghlimah a kal tur a ni: sual thawi nan bawng tuai, halral thilhlanah berampa nen.
16:4 puan zai sin kawr thianghlim chu a ha ang a, a tisa khuh nan puan zai sin kekawr chu a ha ang a, puan zai sin kawnghrenin a inhreng ang a, puan zai sin diar a khim tur a ni: heng hi silhfen thianghlim a ni a; a inbual te te ang a, a inbel tur a ni.
16:5 Tin, Israela thlahte mipuiho ta kelpa pahnih sual thawi nan leh halral thilhlanah berampa pakhat a keng ang a.
16:6 Tin, Arona chuan ama puala sual thawina bawngpa chu a hian ang a, amah leh a chhûngte tan inremna a siam ang.
16:7 Kel pahnih chu a kai ang a, inbiakna puan in kawngka bulah LALPA hmaah a dah ang a.
16:8 Tin, Arona chuan kel pahnih chungchângah chuan thum a vawr ang a, pakhat chu LALPA pual a ni ang a, pakhat chu Azazela pual a ni ang a.
16:9 tin, Arona chuan LALPA puala tlu kel chu a la ang a, sual thawi nan a hlan ang a.
16:10 Azazela puala tlu kel erawh chu inremna siamna tura Azazela tan thlalera chhuah turin LALPA hmaah a nungin a dah ang.
16:11 Tin, Arona chuan ama puala sual thawina bawngpa chu a la ang a, amah leh a chhûngte tan inremna a siam ang a, ama puala sual thawina bawngpa chu a talh ang a;
16:12 tin, LALPA hmaa maichâm ata mei lakna meilinga khat a la ang a, rimtui tui tak rawt dip dep thum khat nen puanzar chhûng lamah a rawn luhpui ang a;
16:13 rimtui khu chuan thu hriattirna chunga zahngaihna thutphah chu a bawhna turin, LALPA hmaa meiah rimtui chu a phul ang, thihna a tawh loh nan;
16:14 tin, bawngpa thisen eng emaw zat chu a la ang a, a kut zungtangin zahngaihna thutphah chhak lampang chu a theh ang a, a kutzungtangin zahngaihna thutphah bul chu thisen chuan vawi sarih a theh tur a ni.
16:15 Tin, mipui pual sual thawina kel chu a talh ang a, a thisen chu puanzar chhûng lamah a rawn luhpui ang a, a thisen chu bawngpa thisen a tih ang khan a ti ang a, zahngaihna thutphah leh zahngaihna thutphah bul chu a theh ang:
16:16 Israela thlahte bawlhhlawhnate avang leh an bawhchhiatnate, an sualna zawng zawngte avangin hmun thianghlim pualah inremna; a siam ang: chutiang bawk chuan an bawlhhlawhnate zinga awm, inbiakna puan in pualah pawh a siam bawk tur a ni.
16:17 Hmun thianghlima inremna siam tura a luh lai chuan, amah leh a chhûngte leh Israel mipuiho puala inremna a siam zawha a lo chhuah leh hma loh chuan tumah reng reng inbiakna puan in chhûngah chuan an awm tur a ni lo.
16:18 LALPA hmaa maichâm lamah chuan a chhuak ang a, chu mi pualah inremna a siam ang a, bawngpa thisen leh kel thisen eng emaw zat chu a la ang a, maichâm kiahte chuan a velin a tat ang.
16:19 Tin, a kutzungtangin vawi sarih a theh ang a, a thian ang a, Israela thlahte bawlhhlawh- nate lak ata chu a tithianghlim ang.
16:20 Tin, hmun thianghlim leh inbiakna puan in leh maichâm puala inremna a siam zawh chuan kel nung chu a hlan ang a :
16:21 Arona chuan kel nung lu chungah chuan a kut khinghnih a nghat ang a, a chungah chuan Israela thlahte khawlohna zawng zawng te, an bawhchhiatna zawng zawng te, an sualna zawng zawngte chenin a chham ang a, chungte chu kel lu chungah chuan a nghat ang a, mi pakhat an ruat diama khan thlaler lamah a hruai bo daih ang:
16:22 tin, kel chuan an khawlohna zawng zawng chu chen loh leiah a phur ang a, kel chu thlaler- ah chuan a chhuah tur a ni.
16:23 Tin, Arona chu inbiakna puan inah chuan a lut ang a, hmun thianghlima luh laia puan zai sin silhfen a inbel chu a hlip ang a, chutah chuan a hnutchhiah ang a;
16:24 tin, hmun thianghlimah a inbual ang a, a silhfen a inbel ang a, a lo chhuak ang a, ama puala halral thilhlan leh mipui puala halral thilhlan chu a hlan ang a, amah leh mipui tan inremna a siam ang.
16:25 Tin, sual thawina thau chu maichâmah a hal ang.
16:26 Tin, Azazela pual kel chhuahtu apiang chuan an puan an su ang a, an inbual ang a, chu mi zawhah chuan an awm hmun lamah an haw leh tur a ni.
16:27 Sual thawina bawngpa leh sual thawina kel thisen inremna a siam nana hmun thianghlima an luhpui chu daipawn lama kalpui tur a ni ang a; a vun te, a sa te, a êk te chu an hal tur a ni.
16:28 A haltu chuan a puan a su ang a, a inbual ang a, chu mi zawhah chuan awm hmun lamah a haw leh tur a ni.
16:29 Tin, hei hi in kumkhaw dan tur a ni ang a: thla sarihna, chu mi thla ni sawm ni chuan in rilrute in tihrehawm ang a, in rama mi reng emaw, ram dang mi in zinga kbawsa emawin hna engmah an thawk tur a ni lo:
16:30 he mi ni hian nangmahni tihthianghlim nan in tan inremna siam a ni dawn a ni; tichuan LALPA hmaah in sualna zawng zawng lak ata in thianghlim ang.
16:31 In tan chawlh hle hle ni a ni a, in rilrute in tihrehawm ang a; kumkhaw dan tur a ni.
16:32 Tin, puithiam, a pa aia puithiam ni tura hriak thih tur leh tihhran tura chuan inremna a siam ang a; puan zai sin silhfen, silhfen thianghlim chu a inbel ang a;
16:33 hmun thianghlim pualah inremna a siam ang a; inbiakna puan in leh maichâm pualah inremna a siam bawk ang a; tin, puithiamte leh mipuiho tan inremna a siam leh bawk ang.
16:34 An sualna zawng zawngte avanga kum tin vawi khat Israela thlahte tan inremna siam hi in kumkhaw dan tur a ni," a ti a. Tichuan LALPAN Mosia thu a pêk ang chuan a ti a.
17:1 Tin, LALPA chuan Mosia a bia a,
17:2 “Arona leh a fapate leh Israela thlahte zawng zawng bia la, an hnenah, ‘Hei hi LALPA thupêk chu a ni.
17:3 Israel chhûngkaw zinga mi reng reng, bawngpa emaw, beram no emaw, kel emaw riahhmun emaw, daipawn emawa talh a,
17:4 LALPA biak buk hmaa LALPA tana thilhlana inbiakna puan in kawngka bula rawn la lo apiang, chu mi chu thisen chhuaha ngaih a ni ang; thisen chhuah ngei a ni a, chu mi chu a chipuite zing ata tuithlarin a awm tur a ni;
17:5 chu chu Israela thlahten an inthawinate, tamlaka an inthawinate chu an rawn lak a, LALPA tan ngeia inbiakna puan in kawngka bulah, puithiam hnenah an rawn laka, LALPA tana remna thilhlan inthawinaa an inthawi theih nan a ni.
17:6 Tin, puithiamin inbiakna puan in kawngka bula maichâm chu thisen chuan a theh ang a, a thau chu LALPA tana rimtui takah a hal tur a ni a.
17:7 An uire thinna kelpa hnenah chuan an inthawi tawh tur a ni lo,’ tih hi. Hei hi an thlahte zei chena an kumkhaw dan tur a ni,” tiin.
17:8 Tin, an hnenah, ‘Israel chhûngkaw zinga mi reng reng emaw, ram dang mi an zinga khawsaten emaw halral thilhlan emaw, inthawina emaw hian a,
17:9 LALPA hnena inthawi tura inbiakna puan in kawngka bula rawn la lo an awm chuan chu mi chu a chipuite zing ata tuithlarin a awm tur a ni.
17:10 Tin, tupawh Israel chhûngkaw zinga mi emaw, ram dang mi an zinga khawsa emaw, eng thisen pawh ei apiang chu, chu thisen eitu chungah chuan ka hmai ka thuar ang a, a chipuite zing ata tuithlarin ka awmtir ang.
17:11 Tisa nunna chu thisenah chuan a awm si a: in nunna atana inremna siamna tura maichâm chunga ka pêk che u a ni: nunna atana inremna siamna chu thisen ngei chu a ni si a.
17:12 Chuvang chuan Israela thlahte hnenah, tumahin thisen in ei tur a ni lo va, ram dang mi in zinga khawsate pawhin thisen an ei tur a ni hek lo, ka ti a ni.
17:13 Tin, Israela thlate zinga mi emaw, ram dang mi an zinga khawsain emaw ram vak a, sa emaw, sava emaw, ei theih chi a rawn hawn chuan a thisen chu a tichhuak ang a, vaivutin a vur tur a ni.
17:14 Tisa zawng zawng nunna thuah chuan a thisen leh a nunna chu angkhat chiah a ni; chuvangin Israela thlahte hnenah chuan, ‘Eng sa thisen mah in ei tur a ni lo, tisa zawng zawng nunna chu a thisen chu a ni si a; tupawh a ei apiang chu tuithlarin a awm tur a ni.
17:15 Tin, amaha thi emaw, sa seh emaw ei apiang chu, chu mi rama mi reng emaw, ram dang mi emaw pawh ni sela, an puan an su ang a, an inbual tur a ni a, tlai lam thlengin an bawlhhlawh ang a; chu mi hnuah chuan an lo thianghlim tawh ang.
17:16 An suk lohva an inbual loh phei chuan an khawlohna mawh chu an phur ang, ka ti a,’ ti rawh” tiin.
18:1 Tin, LALPA chuan Mosia a bia a,
18:2 "Israela thlahte chu bia la, an hnenah, ‘Kei hi LALPA in Pathian chu ka ni a.
18:3 In awm tawhna Aigupta ram mite tih ang kha ti suh ula, ka hruai luhna tur che u Kanaan ram mite tih ang pawh ti suh ang che u; an dan pawh zawm bawk hek suh u.
18:4 Ka rorêlte chu in pawm ang a, ka dante chu zawhin in zawm tur a ni: Kei hi LALPA in Pathian chu ka ni.
18:5 Chuvangin ka dan leh ka rorêlte chu in zawm tur a ni: chu chu miin a tih chuan a nun phah ang: Kei hi LALPA chu ka ni.
18:6 Tuman in chhûng bulte reng reng chu an saruakna hlim turin in pan tur a ni lo: Kei hi LALPA chu ka ni.
18:7 I pa saruakna, i nu saruakna chu i hlim tur a ni lo: i nu a ni a, a saruakna i hlim tur a ni lo.
18:8 I pa nupui saruakna i hlim tur a ni lo, i pa saruakna a ni.
18:9 I farnu, i pa fanu emaw, i nu fanu emaw, i pianpui emaw, i pianpui loh emawte saruakna pawh i hlim tur a ni lo.
18:10 I fapaa fanu emaw, i fanua fanu emaw saruakna, an saruakna chu i hlim tur a ni lo. An saruakna chu nangma saruakna a ni si a.
18:11 I pa nupuia fanu, i pa hrin saruakna chu, i farnu a ni a, a saruakna i hlim tur a ni lo.
18:12 I pa farnu saruakna chu i hlim tur a ni lo; i pa chhûng bul a ni.
18:13 I nu laizawn saruakna chu i hlim tur a ni lo, i nu chhûng bul a ni si a.
18:14 I pa unau saruakna chu i hlim tur a ni lo va, a nupui chu i pan tur a ni lo, i nu a ni.
18:15 I monu saruakna chu i hlim tur a ni lo, i fapaa nupui a ni a, a saruakna i hlim tur a ni lo.
18:16 I unaupa nupui saruakna chu i hlim tur a ni lo, i unaupa saruakna a ni.
18:17 Nufa faa saruakna chu i hlim tur a ni lo: a saruakna hlim turin a fapaa fanu emaw, a fanua fanu emaw i nei tur a ni lo; i chhûng bulte an ni a; suahsualna nasa tak a ni.
18:18 I nupuia laizawn chu a saruakna hlim turin i nupui la dam chhûng chuan i nei kawp tur a ni lo.
18:19 Tin, hmeichhia a bawlhhlawh dan pangngaia a bawlhhlawh chhûng chuan a saruakna hlim turin i pan tur a ni lo.
18:20 A laka intibawlhhlawh turin i vengpa nupui i mutpui tur a ni lo.
18:21 Moleka puala meia tihluh turin i rila rahte reng reng i pe tur a ni lo va, i Pathian hming i tichhe tur a ni hek lo: Kei hi LALPA chu ka ni.
18:22 Hmeichhia angin mipa i pawl tur a ni lo; thil tenawm a ni.
18:23 Intihbawlhhlawhna turin ran reng reng i pawl tur a ni lo va, hmeichhia reng reng inpawltir turin ran hmaah a ding tur a ni hek lo; suahsualna chungchuang a ni.
18:24 Heng thil, a engamahah hian intibawlhhlawh suh u; heng thil zawng zawngah hian in hmaa ka hnawhchhuah tak hnamte chu an lo bawlhhlawh tawh a;
18:25 ram pawh chu a bawlhhlawh tawh a ni: chuvangin chuta a khawlohna chu ka hrem a, ram chuan a chhûnga awmte chu a luak chhuak ta vek a.
18:26 Chuvangin nangni chuan ka dan te, ka rorêlte in zawm tur a ni a, heng thil tenawm hi a engamah in ti tur a ni lo, in rama mi reng emaw, ram dang mi in zinga khawsate pawhin;
18:27 (heng thil tenawm zawng zawng hi in hmaa he rama awmte khan an lo ti tawh a, ram pawh chu a bawlhhlawh tawh a ni:)
18:28 in hmaa awm hnam a law chhuak ang bawka in tihbawlhhlawha ram chuan a luak chhuah ve lohna tur che uin.
18:29 Tupawh heng thil tenawm hi a engapawh titu apiang chu an chipuite zing ata tuithlarin an awm ang.
18:30 Chuvangin heng thil tenawm in hmaa an chin ang hi in chin ve loh nan leh chungah chuan in intihbawlhhlawh loh nan ka thupêk hi in zawm tur a ni: Kei hi LALPA in Pathian chu ka ni,’ ti rawh," tiin.
19:1 Tin, LALPA chuan Mosia a bia a,
19:2 "Israela thlah, mipuiho zawng zawng chu bia la, an hnenah, ‘In thianghlim tur a ni: Kei, LALPA in Pathian hi ka thianghlim si a.
19:3 Mi tinin in nu leh in pa in tih tur a ni a, tin, ka chawlhnite in serh tur a ni: Kei hiLALPA in Pathian chu ka ni.
19:4 Milem lamah thle suh ula, milem chhun Pathiante insiam hek suh u: Kei hi LALPA in Pathian chu ka ni.
19:5 Tin, LALPA tana remna thilhlana in inthawi hunin pawm tiak ni turin in hlan tur a ni.
19:6 In hlan ni tak leh a tuka ei tur a ni a: ni thum ni thlenga awm a awm chuan hal tur a ni.
19:7 Ni thum nia ei a nih vaih chuan thil tenawm a ni a, pawmsak a ni lovang a,
19:8 a ei apiang chuan LALPA thil thianghlim a tihbawrhban avangin a khawlohna mawh a phur ang a, chu mi chu a chipuite zing ata tuithlarin a awm zawk ang.
19:9 Tin, in lova buh in seng hunin in vau femte thlengin in seng vek iur a ai lo va, a fo pawh in zawng tur a ni lo.
19:10 Tin, in grep huana a to in zawng tur a ni lo va, in grep huana a rah tla pawh in chhar khawm tur a ni lo va, mi rethei leh ram dang mi in zuahsak tur a ni: Kei hi LALPA in Pathian chu ka ni.
19:11 Ruk in ru tur a ni lo va, a derin thil in ti tur a ni lo va, dawt in inhrilh tur a ni hek lo.
19:12 In Pathian hming tihliauvin ka hming chhalin dawtin chhia in chham tur a ni lo: Kei hi LALPA chu ka ni.
19:13 Thenawmte i bum tur a ni lo va, i ruksak tur a ni hek lo. Inhlawhfa hlawh chu zankhua khuain a tuk thlengin i kawl tur a ni lo.
19:14 Bengngawng chu anchhia i lawh tur a ni lo va, mitdel hmaah tlukna i dah tur a ni hek lo va, i Pathian chu i tih tur asin: Kei hi LALPA chu ka ni.
19:15 Rorêlnaah chuan fel lo takin in rel tur a ni lo; mi rethei i thlei tur a ni lo va, mi thiltithei i zah chuang tur a ni lo va, fel takin i thenawm ro i relsak tur a ni.
19:16 I chipuite zingah mite relin i vak vel ruai tur a ni lo va, i thenawm thisen thuah a ni lo zawngin i tang tur a ni hek lo: Kei hi LALPA chu ka ni.
19:17 I rilruin i unau i haw tur a ni lo: I thenawm chu i zilhhau ngei tur a ni, a sualnaa i hul nan.
19:18 Phuba i la tur a ni lo va, i chipui thlahte huatna i pai tur a ni hek lo, nangmah i inhmangaih angin i thenawm i hmangaih tur a ni zawk: Kei hi LALPA chu ka ni.
19:19 Ka thupêkte chu in pawm tur a ni. I ran chu chi hrang hrang thlahtir suh: i lovah thlai chi hnih ching suh la, thil chi hrang pahnih tah pawlh puan i sin tur a ni hek lo.
19:20 Tupawh bawihnu, pasal hualtu nei, la tlan loh, la chhuahtir loh hmeichhia nena mu dun apiangte chu hrem an ni ang: tihhlum tur zawng an ni lo vang, ani chu la chhuah loh a nih avangin.
19:21 Inbiakna puan in kawngka bulah LALPA hnena a bawhchhiat thawina, bawhchhiat thawina berampa chu a rawn kai tur a ni.
19:22 Tin, a thil tihsual tak, a sualnaah LALPA hmaah bawhchhiat thawina berampa chuan puithiamin inremna a siamsak ang; tichuan a thil tihsual tak a sualnaah chuan ngaihdam a ni ang.
19:23 Tin, ram chu in va luah a, ei atan thei kung chi tinreng in phun hun chuan a rah chu thiang lovah in ngai tur a ni: in tan kum thum thiang lova ngaih tur a ni a; ei hauh loh tur a ni.
19:24 Amaherawhchu a kum li kum chuan a rah zawng zawng chu LALPA fak nan a puala tihhran tur a ni.
19:25 Tin, a kum nga kum chuan in tan a pun zel theih nan a rah chu in ei tur a ni: Kei hi LALPA in Pathian chu ka ni.
19:26 A thisen chawpin engmah in ei tur a ni lo va, dawi te in hmangin aien te in ching tur a ni hek lo.
19:27 I bekbawr atangin a velin i lu i met tur a ni lo va, i khabe hmul sir tuak i tan tur a ni hek lo.
19:28 Mitthi avangin in taksa in zai tur a ni lo va, in intial tur a ni hek lo: Kei hi LALPA chu ka ni.
19:29 Nawhchizuara siam turin i fanu tibawrhbang suh: ram chu uirena ramah a lo chang ang a, suahsualnain a lo khat dah ang e.
19:30 Ka chawlhnite chu in serh tur a ni a, ka hmun thianghlim chu in zah tur a ni: Kei hi LALPA chu ka ni.
19:31 Ramhuai aienthiam zawlte chu pan suh ula, dawithiamte pawh in bawlhhlawh phahna turin anni chu zawng chhuak suh u:
19:32 Kei hi LALPA in Pathian chu ka ni.
19:33 Lua kelsam tote hmaah chuan i ding zel thin tur a ni a, tar hmel chu i zah tur a ni a, i Pathian chu i tih tur a ni; Kei hi LALPA chu ka ni.
19:34 Tin, ram dang mi, in rama khawsa ve an awm chuan in tichhe tur a ni lo.
19:35 Ram dang mi in zinga khawsate chu in tan in rama mi reng ang an ni tur a ni a, nangmah i inhmangaih angin i hmangaih tur a ni; nangni pawh Aigupta ramah khan ram dang mi in nih kha: Kei hi LALPA in Pathian ka nih hi.
19:36 rorêl thuah te, tehna hmawlhah te, khinah te, tehnaah te fel lo takin in ti tur a ni lo.
19:37 Bukna dik tak, khin dik tak, epha dik tak, bin dik tak in nei tur a ni: Kei hi LALPA in Pathian, Aigupta ram ata hruai chhuaktu che u kha ka ni.
19:38 Tin, ka thupêk zawng zawngte leh ka rorêl zawng zawngte chu in pawm ang a, in zawm tur a ni; Kei hi LALPA chu ka ni,’ ti rawh," tiin.
20:1 Tin, LALPAN Mosia a bia a,
20:2 "Israela thlahte hnenah, ‘Tupawh, Israela thlahte zinga mi emaw, Israel rama khawsa ram dang mi emaw, an rila rah Moleka pe apiangte chu tihhlum ngei tur a ni a; he mi rama mite hian lungin an deng tur a ni.
20:3 Tin, kei pawhin, ka hmun thianghlim tibawlhhlawh tur leh ka hming thianghlim tibawrhbang tura a rila rah Moleka a pêk avangin chu mi chungah chuan ka hmai ka thuar ang a, a chipuite zing ata ka tiboral ang.
20:4 Tin, he mi rama mite hian a rila rah Moleka a pêk an haidera an tihhlum loh chuan, amah leh a chhûngte chungah chuan ka hmai ka thuar ang a, Moleka laka uire tura min uiresan apiangte nen an chipuite zing ata ka tiboral ang.
20:6 Tin, an laka uire tura ramhuai aienthiam zâwlte leh dawithiamte pantu chungah chuan ka hmai ka thuar ang a, a chipuite zing ata ka tiboral ang.
20:7 Chuvangin intithianghlim ula, thianghlim in awm rawh u: Kei LALPA in Pathian chu ka ni si a.
20:8 Ka thupêkte chu in pawmin in zawmtur a ni; Kei hi LALPA a tithianghlimtu che u ka ni.
20:9 A nu emaw, a pa emaw anchhe lawh apiang chu tihhlum ngei tur a ni: a nu emaw, a pa emaw anchhe lawh a ni a, a chungah a thisen mawh chu a awm tur a ni.
20:10 Mi nupui uire, a thenawm nupui uire chu, a uirepa leh a uirenu chu tihhlum ngei tur a ni.
20:11 Tin, pate nupui mutpui chu, a pa saruakna hlim a ni a, tihhlum ve ve ngei tur an ni a, an thisen mawh chu an chungah a awm tur a ni.
20:12 Miin a monu a mutpui chuan tihhlum ve ve ngei tur an ni ang; suahsualna chungchuang ti an ni a, an thisen mawh chu an chungah a awm tur a ni.
20:13 Miin hmeichhia a mutpui anga mipa a mutpui chuan thil tenawm tak an ti ve ve a ni a, tihhlum ngei tur an ni: an thisen mawh chu an chungah a awm tur a ni.
20:14 Miin nufa faa nupuia a neih chuan suahsualna nasa tak a ni a, in zinga suahsualna a awm loh nan amah leh anni pahnih pawh halhlum tur a ni.
20:15 Miin ran a mutpui chuan tihhlum ngei tur a ni a, ran pawh chu in tihlum tur a ni.
20:16 Tin, hmeichhiain ran a va hnaiha, a inpawltir chuan hmeichhia chu i tihlum tur a ni, ran pawh chu: tihhlum ngei tur an ni a; an thisen mawh chu an chungah a awm tur a ni.
20:17 Miin a farnu, a pa fanu emaw, a nu fanu emaw a neih a, a saruakna a hmuh a, a ni pawhin a saruakna a hmuh chuan thil zahthlâk tak a ni a, an chipuite thlahho mithmuhah tihboral tur an ni; a farnu saruakna hlim a ni a, a khawlohna mawh a phur ang.
20:18 Tin, miin hmeichhia a fel loh laia a mutpui a, a saruakna a hlim chuan a thi chhuahna hlim a ni a, ani pawh a thi chhuahna hlim a ni a, tichuan an chipuite zing ata tihboral ve ve tur an ni.
20:19 Chutichuan i nu laizawn emaw, i pa farnu emaw saruakna i hlim tur a ni lo: a laichin hnai saruaka siam a ni a: an khawlohna mawh an phur ang.
20:20 Miin a pami nupui a mutpui chuan a pami saruakna hlim a ni a; an sual mawh an phur ang a, fanau lovin an thi ang.
20:21 Miin a unaupa nupui a neih chuan thil bawlhhlawh a ni a: a unaupa saruakna hlim a ni a, fanau lovin an awm ang.
20:22 Chutichuan ka thupêk zawng zawng te, ka rorêl zawng zawngte in pawm ang a, in zawm tur a ni: tichuan awm tura ka hruaina che u ram chuan a luak chhuak dawn lo che u nia.
20:23 In hmaa ka hnawhchhuah tak hnam dante chu in zawh tur a ni lo: heng thil zawng zawng hi an ti thin a, chuvang chuan ka ten a ni.
20:24 Amaherawhchu nangni hnenah chuan an ram hnutetui leh khawizu luanna ram chu in luah anga, in luah atan ka lo pe ang che u, ka lo ti tawh a ni. Kei hi LALPA in Pathian, hnam dangte laka tihrangtu che u hi ka ni.
20:25 Chuvangin sa thlang leh thlang lo leh sava thlang leh thlang lo in thiei hrang ang a; sa emaw, sava emaw, leia a bawha bawkvak chi reng reng emaw in tana thlang lova ka thlei hrante chuan in nunna in titenawm tur a ni lo.
20:26 Ka tana mi thianghlim in ni tur a ni; Kei LALPA hi ka thianghlim si a, ka ta in nihna turin hnam dangte lakah ka tihrang che u a ni.
20:27 Mipa pawh hmeichhia pawh ramhuai aienthiam zawl emaw, dawithiam emaw chu tihhlum ngei tur a ni: lungin an deng tur a ni: an thisen mawh chu an chungah a awm tur a ni,’ ti leh bawk rawh," tiin.
21:1 Tin, LALPAN Mosia hnenah, "Arona fapa, puithiamte chu bia la, an hnenah, 'An chipuite zinga mitthi avangin tumah an intibawlhhlawh tur a ni lo;
21:2 an chhûng bul, an nu te, an pa te, an fapa te, an fanu te, an unau te,
21:3 an farnu, an la awmpui, nula, pasal la nei lote avang chuan an intibawlhhlawh thei ang.
21:4 An chipuite zinga a puipa ber an nih avangin an intibawlhhlawhin an intibawrhbang tur a ni lo.
21:5 An lu an met kawlh tur a ni lo va, an khabe hmul sir tuak an tan tur a ni bawk lo va, an taksa an zai tur a ni hek lo.
21:6 An Pathian tan mi thianghlim an ni tur a ni a, an Pathian hming an tihliau tur a ni lo; LALPA tana meia thilhlante, an Pathian tana ei tur chhiah te an hlan thin a ni a: chuvangin an thianghlim tur a ni.
21:7 Hmeichhia, nawhchizuar emaw, hming hliau emaw, a pasal mak hnu emaw an nei tur a ni lo: an Pathian tan mi thianghlim an ni si a.
21:8 Chuvangin i tithianghlim tur a ni; i Pathian tana ei tur chhiah chu an hlan thin si a, i tan mi thianghlim an ni tur a ni. Kei, LALPA a tithianghlimtu che u chu ka thianghlim si a.
21:9 Puithiam tupawh a fanu nawhchizuara a intihbawrhban chuan a pa tibawrhbang a ni a, hal tur a ni.
21:10 Unaute zinga puithiam lalber, a lu hriak thih mia thih tawh, silhfel bel tura tihhran tawh chuan a sam a thlah tur a ni lo va, a puante a pawt thler tur a ni lova,
21:11 mitthi ruang awmnaah chuan a lût tur a ni lo va, a a nu emaw a pa emaw avangin a intibawrhbang tur a ni hek lo;
21:12 hmun thianghlim ata chu a chhuak tur a ni lo va, a Pathian hmun thianghlim a tibawrhbang tur a ni bawk hek lo. A Pathian hriak thih mia tihhranna chu a chungah a awm si a: Kei hi LALPA chu ka ni.
21:13 Nupuiah chuan nula la thianghlim a nei tur a ni.
21:14 Hmeithai emaw, mak hnu emaw, hmeichhe hminghliau emaw, nawhchizuar emaw te chu a nei tur a ni lo va, ama chipui nula thianghlim nupuiah a nei tur a ni.
21:15 Tin, a chipuite zingah a thlahte chu a tibawrhbang tur a ni lo. Kei hi LALPA, a tithianghlimtu chu ka ni si a,' ti rawh,"
21:16 Tin, LALPAN Mosia a bia a,
21:17 Arona hnenah, 'An chhuante zel thlenga i thlahte zinga chiangkuan lohna nei apiang chuan a Pathian ei tur chhiah hlan turin rawn hnaih suh se.
21:18 Tupawh chiangkuanlohna nei apiang chuan an rawn hnaih hauh tur a ni lo: mitdel te, kebai te, hnarper te, fuke sei lutuk apiang te,
21:19 ke tliak te, kut tliak te,
21:20 elkun te, mi tawngchham te, mit chiangkuang lo te, mi buar te, mi phuhlip te, tilmu kehte chuan;
21:21 puithiam Arona thlah chiangkuan lohna nei reng reng chuan LALPA tana meia thilhlan hlan turin an rawn hnaih tur a ni lo: chiangkuan lohna nei an ni a, an Pathian ei tur chhiah hlan turin an rawn hnaih hauh tur a ni lo.
21:22 An Pathian ei tur chhiah, a thianghlim leh a thianghlim ber pawh chu an ei thei ve ve ang.
21:23 Amaherawhchu chiangkuan lohna nei an nih avangin puanzar chhûngah emaw, maichâm kiang hnaiah emaw zawng an lo kal thei lo vang, ka hmun thianghlimte an tibawrhbang dah ang e. Kei hi LALPA, anmahni tithianghlimtu chu ka ni si a,' ti rawh," tiin.
21:24 Chutiang chuan Mosia chuan Arona leh a fapate leh Israela thlahte zawng zawng hnenah a sawi a.
22:1 Tin, LALPAN Mosia a bia a,
22:2 "Arona leh a fapate hnena sawi la, Israel thlahte thil thianghlim, ka tana an hlan lakahte chuan inthiarfihlim rawh se, ka hming an tihhliau dah ang e. Kei hi LALPA chu ka ni a.
22:3 An hnenah, 'In chhuante zel thlenga in thlahte zawng zawng zinga mi, tupawh bawlhhlawh chunga Israela thlahten LALPA tana an hlan thil thianghlim rawn hnaih apiang chu ka lak ata tuithlarin a awm tur a ni. Kei hi LALPA chu ka ni.
22:4 Arona thlah tupawh phar emaw, thil puut emaw chuana thianghlim hma loh chuan thil thianghlimte zinga mi chu a ei tur a ni lo. Tin, tupawh, mitthi tihbawlhhlawh emaw, chi hhuaka emaw khawih apiang te,
22:5 tupawh amah tibawlhhlawh thei, a bawha bawkvak reng reng emaw, bawlhhlawh kai thei nei mi emaw khawih apiangte;
22:6 chutiang khawihtu chu tlai lam thlengin a bawlhhlawh ang a, tin, a inbual loh chuan thil thianghlimte zinga mi chu a ei tur a ni lo.
22:7 Tin, ni a tlak chuan a thianghlimt awh ang; chu mi hnuah chuan thil thianghlimte zinga mi chu a ei thei tawh ang, a ei tur a ni avangin,
22:8 Intibawlhhlawh turin amaha thi emaw, asa she emaw a ei tur a ni lo. Kei hi LALPA chu ka ni.
22:9 Chuvangin ka thupe chu a pawm tur a ni ; chuti lo zawng an tihbawrhban chuan a sual mawh an phur ang a, an thih phah ang. Kei hi LALPA, anamahni tithianghlimtu ka ni si a.
22:10 Ram dang miin thil thianghlim chu an ei tur a ni lo; puithiam hnena khawsa emaw, inhlawhfa emaw chuan thil thianghlim chu an ei tur a ni lo.
22:11 Amaherawhchu puithiamin tu emaw ama suma a lei a lei chuan, chu mi chuan a ei thei ang; tin, a ina piangte chuan a ei tur chu an ei ve ang.
22:12 Puithiam fanuin ram dang mi a neih chuan then thilhlan, thil thianghlimte zinga mi chu a ei tur a ni lo.
22:13 Amaherawchu puithiam fanu chu fa nei lovin hmeithaiin emaw, makin emaw a lo awm a, a pa in lama a kir leh chuan a nulat lai ang bawk khan a pa ei tur chu a ei ve leh ang; nimahsela ram dang mi chuan an ei tur a ni lo.
22:14 Miin hre lova thil thianghlim chu a ei chuan a hmun ngaa thena hmun khat chu a dah belh ang a, thil thianghlim chu puithiam a pe tur a ni.
22:15 , 16 An thil thianghlimte ei chuan thiam lohna thlensaktu, khawlohna mawh chu inphurhtir turin Israela thlahte thil thianghlim LALPA hnena an hlante chu an tibawrhbang tur a ni lo va. Kei chu LALPA, anmahni tithianghlimtu chu ka ni si a;' ti rawh," tiin.
22:16 , 15 An thil thianghlimte ei chuan thiam lohna thlensaktu, khawlohna mawh chu inphurhtir turin Israela thlahte thil thianghlim LALPA hnena an hlante chu an tibawrhbang tur a ni lo va. Kei chu LALPA, anmahni tithianghlimtu chu ka ni si a;' ti rawh," tiin.
22:17 Tin, LALPAN Mosia a bia a,
22:18 "Arona leh a fapate leh Israela thlahte zawng zawng bia la, an hnenah, Israela chhûngkaw zinga mi emaw, israelte zinga awm, ram dang mi emaw, tupawh an thilhlan, halral thilhlana LALPA hnena an hlan, an thutiamna emaw, mahni duh thua thilhlan ema hlan apiang chuan thua thilhlan ema hlan apiangte chuan
22:19 chhan tlak in nih theihna turin bawng emaw, beram emaw, kel emaw, a pa sawiselbo in hlan tur a ni.
22:20 Sawisel kai reng reng chu in hlan tur a ni lo; pawmsak tlak cheu a ni bawk si lo va.
22:21 Tupawh thutiam tikimchang turin emaw, mahni duh thua thilhlanah emaw remna thilhlan inthawina, a ran rual zinga mi emaw, a beram rual zinga mi emaw LALPA hnena hlan apiang chuan, pawm tlak a nih theih nan sawiselbo a hlan tur a ni a; sawisel kaina reng reng a awm tur a ni lo.
22:22 A mitdel te, a ruh tliak te, a silawng te, pan nei te, a tangseh te, a phar te chu LALPA hnenah a hlan tur a ni lova, meia thilhlanah LALPA hnenah maichâmah in hlan tur a ni lo.
22:23 mahni duh thua thilhlanah LALPA hnenah maichâmah in hlan tur a ni lo.
22:24 Mahni duh thua thilhlanah chuan bawngpa emaw, beram no emaw fuke sei lua emaw, tawi lua emaw pawh in hlan thei ang a; thutiam nan erawh chu pawmsak a ni lovang," tiin.
22:25 Ramdang mi a tanga lain chung zinga mi reng reng chu in Pathian ei tur chiahah in hlan tur a ni lo, chunga chhiatna leh sawisel kaina a awm avang chuan; pawmsak theih che u a ni lovang,' ti rawh,"
22:26 Tin, LALPAN Mosia a bia a,
22:27 "Bawngpa emaw, beram emaw, kel emaw, a lo pianin a pui hnenah ni sarih a awm tur a ni; ni riat ni atanga chu mi hnu lamah chuan LALPA tana meia thilhlanah pawm theih a ni ang.
22:28 Bawngpui emaw, berampui emaw, a ni nen ni khatah in talh tur a ni lo.
22:29 Tin, lawmthu sawi inthawia LALPA hnena in inthawi hunin chhan tlak in nih theihna turin in inthawi tur a ni.
22:30 Chu mi ni chuan ei zawh tur a ni a, a tuk thlengin engmah in khek tur a ni lo. Kei hi LALPA chu ka ni.
22:31 Chuvangin ka thupêkte hi in pawmin in zawm tur a ni. Kei hi LALPA chu ka ni.
22:32 Tin, ka hming thianghlim hi in tihliau tur a ni lo va, Israela thlahte zingah chawimawin ka awm tur a ni. Kei hi nangmahni chawimawitu,
22:33 in Pathian ni tura Aigupta ram ata hruai chhuaktu che u ka ni. Kei hi LALPA chu ka ni," tiin.
23:1 Tin, LALPAN Mosia a bia a,
23:2 "Israela thlahte bia la, an hnenah, 'LALPA kut hunbi, inkhawmpui thianghlima in siam tur ka kut hunbi chu hengte hi a ni.
23:3 Ni ruk hnathawh tur a ni a, ni sarih ni erawh chu urhsun taka lak chawlhna, inkhawmpui thianghlim a ni; eng hna mah in thawk tur a ni lo: in awmna apiangah LALPA tana chawlhni a ni.
23:4 LALPA kut hunbi, inkhawmpui thianghlim chu hengte hi a ni.
23:5 Thla khatna, ni sâwm leh ni lo ni tlai lam chu LALPA Kalhlen Kût a ni.
23:6 Tin, chu mi thle vek ni sâwm leh ni nga ni chu LALPA tana chang dawidim telh loh kût a ni: ni sarih chhung chu chhang dawidim telh loh in ei tur a ni.
23:7 A ni khat ni chuan inkhawmpui thianghlim in nei ang a, hna reng reng in thawk tur a ni lo.
23:8 Ni sarih chhûng chuan meia thilhlan LALPA hnenah in hlan tur a ni: a ni sarih ni chuan inkhawmpui thianghlim a ni a, hna reng reng in thawk tur ani lo,' ti rawh," tiin..
23:9 Tin, LALPAN Mosia a bia a,
23:10 "Israela thlahte bia la, an hnenah, 'Ram ka pêk che u in va thlen a, chuta buhte in seng hun chuan, in buh thar hmasate phal khat chu puithiam hnenah in rawn keng tur a ni.
23:11 Tin, pawmsak theih che u a nih nan, anin buhphal chu LALPA hmaah a lo then ang a: tin, chawlhni tuk tuk lehah chuan puithiamin a then tur a ni.
23:12 Tin, buhphal in then ni chuan beram no a pa, sawiselbo kum khat mi halral thilhlanah LALPA hnenah in hlan tur a ni.
23:13 Tin, chuta chhangphut thilhlan chu chhangphut dip mi epha hmun sawma thena hmun hnih hriaka hmeh LALPA tana rimtui tak, meia thilhlan a ni tur a ni: tin, chuta in tur thilhlan chu uain hin hmun lia thena hmun khat a ni tur a ni.
23:14 In Pathian tana thilhlan chu in hlan hma chuan, chu mi hma reng reng chuan a changin emaw, a kanin emaw, a vuiin emaw in ei tur a ni lo: hei hi in awmna apiangah in thlahte zel thlenga kumkhaw dan tur a ni.
23:15 Chawlhni tuk tuk leh, then thilhlan buhphal in rawn ken ni atangin in chhiar ang a, chawlhni vawi sarh a tling tur a ni;
23:16 tin, chawlhni vawi sarihna tuk atang chuan ni sawmnga in chhiar ang a, LALPA hnenah chhangphut thar thil hlan in hlan tur a ni.
23:17 In awmna hmun atangin epha hmun sawma thena hmun hniha siam, chhang hlawm then tur pahnih, chhangphut dip mi, dawidim nena awm, LALPA tana siam hmasak ber hla tur in rawn keng tur a ni.
23:18 Tin, chhang hlan rual chuan beram no pasaraih sawisel bo kum khat mi leh bawng tuai leh beram pa pahnih in hlan tur a ni: chungte chu an chhangphut thilhlan leh an in tur thilhlante nen chuan, LALPA tana halral thilhlante nen chuan, LALPA tana halral thilhlan, lalpa tanarimtui tak, meia thilhlan a ni ang.
23:19 Tin, sual thawi nan kelpa pakhat leh remna thilhlan inthawinaah beram no a pa pahnih kum khat mi in hlan tur a ni.
23:20 Tin, puithiamin siam hmasak ber chhang chu beram no pahnih nen chuan LALPA hmaa then thilhlanah at hen ang a: puithiam pual, LALPA tana thianghlim a ni ang.
23:21 Tin, chumi ni vek chu in ruat ang a, in tan inkhawmpui thianghlim an ang a, hna reng reng in thawk tur a ni lo: hei hi in awmna apiangah in thlahte zel thlenga kumkhaw dan tur a ni.
23:22 Tin, in lova buh in seng hunin in vau femte thlengin in seng vek tur a ni lo va, a to pawh in zawng tur a ni lo: mi rethei leh ram dang mi in zuahsak tur a ni: Kei hi LALPA in Pathian chu ka ni,' ti rawh," tiin.
23:23 Tin, LALPA chuan Mosia a bia a,
23:24 "Israela thlahte bia la, an hnenah, 'Thla sarihna, chu mi thla ni khat ni chu in tan urhsun taka lak chawlhna, tawtawrâwt tuma hriat reng,a inkhawmpui thianghlim a ni ang a.
23:25 Hna reng reng in thawk tur a ni lo; LALPA tana meia thilhlan in hlan tur a ni,'ti rawh" tiin.
23:26 Tin, LALPA chuan Mosia a bia ,
23:27 "Thla sarihna ni sawm ni erawh hi chu inrema ni a ni a: in tan inkhawmpui thianghlim a niang a, in rilrute in tihreawm ang a; tin, LALPA tana meia thilhlan in hlan tur a ni.
23:28 Chu mi ni chuan eng hna mah in thawk tur a ni lo; LALPA in Pathian hmaa remna siamsak tur che u a inremna ni a ni si a.
23:29 Tupawh ni sela, chu mi nia an rilru tihreawm lote chu an chipuite zing ata tuithlarin an awm ang.
23:30 Tupawh ni sela, chu ni nia hna engpawh thawk apiang, chu mite chu an chipuite zing ata ka tiboral ang.
23:31 Eng hna mah in thawk tur a ni lo: hei hi in awmna apiangah in thlahte zel thlenga kumkhaw dan tur a ni.
23:32 In tan chawlhni urhsun taka lak chawlhna a ni ang a, in rilrute in tihreawm tur a ni; chu mi thla ni kua ni tlai lam, chu mi tlai lam atanga tlai lam leh thleng chu chawlhnia inhmang tur a ni," tiin.
23:33 Tin, LALPAN Mosia a bia a,
23:34 "Israela thlahte bia la, an hnenah, 'Thla sarihna ni sâwm leh ni nga ni hi LALPA tana ni sarih awh Bawkte Kut a ni a.
23:35 A ni khatna chu inkhawmpui thianghlim a ni ang a, hna reng reng in thawk tur a ni lo.
23:36 Ni sarih chhûng chuan meia thilhlan LALPA hnenah in hlan ang a, a ni riat ni chu in tan inkhawmpui thianghlim a ni ang a; meia thilhlan LALPA hnena in hlan tur a ni: inkhawmpui tiakna ropui taka ni: hna reng reng in thawk tur a ni lo.
23:37 Hengte hi a ni, LALPA kut hun bi, LALPA chawlhni te, in thilpêk te, in thutiam zawng zawng te, mahni duh thua thilhlan, LALPA hnena in hlan thinte tiam lova, LALPA tana meia thilhlan te, halral thilhlan te, chhangphut thilhlan te, inthawina te, in tur thilhlan te a ni bik theuhva hlan tura inkhawmpui thianghlim in siam turte chu.
23:38 Hengte hi a ni, LALPA kut hun bi, LALPA chawlhni te, in thilpêk te, in thutiam zawng zawng te, mahni duh thua thilhlan, LALPA hnena in hlan thinte tiam lova, LALPA tana meia thilhlan te, halral thilhlan te, chhangphut thilhlan te, inthawina te, in tur thilhlan te a ni bik theuhva hlan tura inkhawmpui thianghlim in siam turte chu.
23:39 Tin, thla sarihna ni sâwm leh ni nga nia in lova thil hawngte in seng zawh chuan LALPA kut chu ni sarih in awh tir ang a: a ni khatna ni chu chawlh derna ani ang a, a ni riat ni pawh chu chawlh derna a ni bawk ang.
23:40 A ni khat ni chuan thing kung mawi tak tak rah te, tum kau te, thing buk tak zar te, luia tuipuisuthlah te in keng ang a, LALPA in Pathian hmaah ni sarih inhlim ang.
23:41 He kut hi LALPA tan kum tin, ni sarih in awhtir tur a ni: hei hi in thlahte zel thlenga kumkhaw dan tur a ni: thla sarihnaah in nei thin ang.
23:42 Chhâwlbukah ni sarih in awm ang a, Israela rama mi rengte chu chhâwlbukah in awm vek ang a;
23:43 tichuan in thlahte chuan Israel thlahte chu Aigupta ram ata ka hruai chhuah lai khan chhâwlbukah ka awmtir tih an hre thei ang: Kei hi LALPA in Pathian chu ka ni,' tirawh," tiin.
23:44 Tichuan Mosian LALPA kut hunbi siamte chu Israela thlahte hnenah a puang ta a.
24:1 Pathianin Mosia a bia a,
24:2 "Israela thlahte chu oliv hriak fim tak, chhit tura sawr, khawnvar tihalh reng nan I hnena rawn la turin thu pe rawh.
24:3 Inbiakna puan ina thuhriattirna puanzar pawn lamah chuan tlai lam atanga zing lam thleng atan LALPA hmaah Aronan dah fel rawh se: hei hi in thlahte zel thlenga kumkhaw dan tur a ni.
24:4 LALPA hmaah chuan khawnvarte chu dah fel thin rawh se.
24:5 Tin, chhangphut dip mi la la, chu chu chang sâwm leh pahnihah I awm tur a ni: chhang pakhatah chuan epha hmun sawma thena hmun hnih hman tura ni.
24:6 LALPA hmaah dawhkan thianghlim chungah tlar hnihin, tlar khata paruk ve vein I tiang tur a ni.
24:7 Chhang chungah, a tlar hnihah chuan beraw fim tak I dah tur a ni, hriatrengna, LALPA tana meia thilhlan anga nih theih nan.
24:8 Chawlhni apiangin LALPA hmaah a dah fel thin tur a ni: kumkhaw thuthlunna, Israela thlahte tana ni.
24:9 Tin, Arona leh a fapate pual a ni ang a, hmun thianghlimah an ei tur a ni: kumkhaw dana LALPA tana meia thilhlante zing a mi, a tana thil thianghlim tak a ni," tiin.
24:10 Israel hmeichhe fapa, a pa Aigupta mi, mi pakhat chu Israela thlahte zingah a va kal a: chu Israel hmeichhe fapa leh Israel mi, mi pakhat chu riah hmunah an insual a;
24:11 Israel hmeichhe fapa chuan anche lawhin pathin hming a sawichhia a; tichuan Mosia hnenah an rawn hruai a. A nu hming chu Selomithi a ni lo, Dan chi Difiria fanu a ni.
24:12 LALPA ka atanga thu chhuak nghah nan tan inah an khung a.
24:13 Tin, LALPAN Mosia a bia a,
24:14 "Anchhe lawhtu chu daipawnah hruai ula, a hretu zawng zawng chuan a luah an kut nghat sela, mi zawng zawng chuan lungin deng rawh se.
24:15 Tin, Israela thlahte chu bia la, an hneha, 'Tupawh a Pathian anchhia lawh apiang chuan a sual mawh a phur ang a.
24:16 Tin, LALPA hming sawichhia apiang chu tihhlum ngei tur a ni; mi zawng zawngin lungin an deng ngei ngei tur a ni: LALPA hming an sawichhiat chuan ram dang mi pawh, he rama mi reng pawh tihhlum tur a ni.
24:17 Thi khawpa mi chunga kutthlak apiang chu tihhlum ngei tur a ni a;
24:18 thi khawpa ran chunga kut thlak apiang chuan a rul tur a ni: nun aiah nun.
24:19 tin, miin a thenawm a tihhmelhem chuan a tih ang tak chuan a chungah tih ve tur a ni;
24:20 ruh tliak aiah ruh tliak, mit aiah mit, ha aiah ha; mi a tihhmelhem angin a chungah pawh tih ve tur a ni.
24:21 Ran tihhlum apiang chuan a rul tur a n a; mi tihlum apiang chu tihhlum ve tur a ni.
24:22 Ram dang mite tan leh he rama mi reng te tan dan hmun khat in nei tur a ni. Kei hi LALPA in Pathian ka nih hi,' I ti tur a ni," tiin.
24:23 Tichuan Mosia chuan Israela thlahte chu a bia a, anchhe lawhtu chu daipawn an hruai chhuak a, lungin an deng a. Israela thlahte chuan LALPAN Mosia thu apêk ang chuan an ti ta a.
25:1 Tin, LALPAN Sinai tlangah Mosia a bia a,
25:2 "Israela thlahte bia la, an hnenah, 'Ram ka pêk che u in va thlen hun chuan, ram chu LALPA hmingin a chawl tur a ni.
25:3 I lovah kum ruk chhûng chu thil i ching ang a,
25:4 a kum sarih kum erawh chu ram chawlh derna, LALPA hminga chawlhna a ni ang a; i lovah bubal i ching tur a ni lo va, i grep huan i sat no tur a ni hek lo.
25:5 I buh hli chu i seng tur a ni lo va, i enkawl loh grep chu i lo tur a ni lo: ram chawlh derna kum a ni tur a ni.
25:6 Ram chawlh kuma mi chu in ei chawp atan a ni ang; i tan te, i chhiahhlawh lehiI chhiahhlawhnu tan te, i hlawhfa tan te, i hnena khawsa ram dang mi tan te;
25:7 I bawng rual tan te, I rama ran tan te, chuta a hawng zawg zawng chu ei chawp atan a ni ang.
25:8 Tin, chawlh kum kum sarih chu I hhiar ang a, kum sarih hmun sarih a ni ang a; chawlh kum kum sarih chhûng chu kum sawli leh kum kua a ni ang a.
25:9 Chumi hnu thla sarihna ni sawm ni chuan tawtawrâwt ring taka chu i ham veltir ang a; inremna niah chuan in ram zawng zawngah tawtawrâwt in ham vel tir tur a ni.
25:10 Tin, kum sawmngana chu in lawm ang a, ram chhûng zawng zawngah, chuta awm zawng zawnge hnenah zalenna thu in puang tur a ni: in tan Jubili a ni ang a; mi tin,in mahni ta ngai in ta leh ang a, mi tin, mahni in chhûng khur theuhah in awm leh ang.
25:11 Chu mi kum sawmngana chu in tan Jubili a ni ang a; engmah in ching lo vang a, a hli pawh in la lo vang a, grep enkawl loh rah chu in lo tur a ni hek lo.
25:12 Jubili a ni si a; in lawm tur a ni; chu in lova thil hawng chu in ei tur a ni.
25:13 Hemi Jubili kum hian mi tinin mahni ta ngei in ta leh theuh tur a ni.
25:14 I thenawm hnenah eng emaw I hralh a, i thenawm laka eng emaw i lei pawhin in inbum tur a ni lo:
25:15 Jubili hnu a kum zat ang zelin i thenawm thil i lei ang a, buhbal hawn kum tam a zirin i hnenah a hralh tur a ni.
25:16 A kum tam dan zir zelin a man chu i tipung ang a, tin, a kum tlem dan zir zelin a ma chu i tikiam ang a; bufal hawn kum tam azirin i lakah hralh a ni e.
25:17 In inbum tur a ni lo va, i Pathian chu i tih tur a ni. Kei hi LALPA in Pathian chu ka ni si a.
25:18 Chuvangin ka thuruatte chu i zawmin ka rorêlte chu i pawmin I tih tur a ni; tichuan chu ramah chuan thlamuang takin in khawsa dawn nia.
25:19 Ram chuan a rah a chhuah ang a, hnianghnarin in chen ang a, thlamuang takin in va khawsa dawn nia.
25:20 A nih leh, a kum saih kum chuan engnge kan ei ang le? Ngaiteh, engmah kan ching dawn si lo va, kan thil hawngte kan sawng bawk dawn si lo va, in ti a nih chuan,
25:21 a kum ruk kum chuan ka malsawmna inchungah ka thlentir ang a, kum thum chhûng atan chuan rah a chhuah ang.
25:22 Tin, a kut riat kum chuan inching ang a, thil hawng in vawn , a hluite chu in ei ang a, a kum kua kum thleng, a lo thar leh thleng chuan in vawn, a hluite chu in ei tur a ni.
25:23 Kumkhua atan chuan ram chu hralh hlen tur a ni lo, ram chu ka ta a ni si a: mikhual, ka hnena khawsa mai in ni si a.
25:24 In ram luah zawng zawng chu a nei tur hmasain a tlan let thei tur a ni.
25:25 I unau chu lo rethein, a ram thenkhat lo hralh sela, a laichin bul berin a unauvin a lo hralh chu a rawn tlan tur a ni.
25:26 Tin, miin a tlansaktu tur a neih loh va, a lo neihnun a, tlanna khawp a neih chuan
25:27 a hralh chin kum chu chhut se la, a hralhna pa chu a tel chuanna chu pêk kir rawh se; tichuan a ram chu a luah leh ang.
25:28 A tana a tlan let leh theih loh erawh chuan a hrlh taka chu Jubili kum thlengin aleitu kutah chuan awm awh se; tin, Jubili kum huan a chhuak leh ang a, ani chuan a ram chu a luah leh ang.
25:29 Tin, kulh nei khuaa in, miin a hralh chuan a hralh a chin kum khat zen zawn chhung chuan a tlan leh thei ang; kum khat pumhlum chhung chuan tlan leh theihna a nei ang.
25:30 Kum khat chhûng a tlan theih loh chuan kulh nei khuaa in chu kumkhuain a thlahte zel pawhin a leitu ta a ni tlat tur a ni a, Jubili ah pawha chhuak chuang lo vang.
25:31 Kulh nei lo khuaa inte erawh chu thingtlang ram anga ngaih a ni ang a, tlan theih a ni ang a, Jubili-ah a chhuak ang.
25:32 Amaherawhchu, Levihote khua, an chanpuala khuaa inte chu Levihote chuan englai pawhin an tlan thei ang.
25:33 Tin, Leviho zinga miin a tlan loh chuan hralh tawh in leh a chanpual khua chu Jubiliah a chhuak ang a: Levihote khuaa inte chu Isrela thlahte zinga an chanpual a ni si a.
25:34 An khaw dai velahlote erawh chu hralh theih a ni lo vang a, an kumkhaw chanpual a ni si a.
25:35 I unau a lo retheih a, a rawn belh che chuan i lo chhawmdawl tur a ni; mi khual, i hnena khawsa angin i awmpui tur a ni.
25:36 A lakah tangka emaw, thil emaw, a pung la suh, Pathian tih zawk rawh: I unau chu i hnena a khawsak theih nan.
25:37 A pung umin sum i puktir tur ani lo va, pung umin i ei turte puktir hek suh.
25:38 Kei hi LALPA in Pathian, Kanaan ram pe tur che u leh in Pathian ni tura Aigupta tam ata hruai chhuaktu che u ka ni.
25:39 Tin, i unau alo retheih a, i hnena a lo tluk luh chuan bawih angin i chhawr tur a ni lova:
25:40 inhlawhfa ang leh i hnena khawsa ve angin i hnenah a awm tur a ni:
25:41 chu mi zawhah chuan i hnen ata a hhuak ang a, amah leh a fate nen, tin, anmahni chhngkaw ngaih an lut leh ang a, an pi leh pute in leh lo an luah leh tur a ni.
25:42 Aigupta ram ata ka hruai chhuah, ka chhiahhlawhte an ni si a, bawih hralh a hralh tur a ni lo.
25:43 Rura takina lakah I awm tur a ni lo va, I Pathian hu I tih tur a n zawk.
25:44 Bawihnu leh bawihpaa I neih turte hu in vel hnam zinga mi, bawih nu leh bawihpa atan chuan in lei tur a ni.
25:45 Tin, in zinga khawsa ram dang mi leh in rama piang an chhûngte zinga mite pawh in lei thei bawk ang; chung chu in mi, in sa an ni ang.
25:46 Tin, in hnua in fate rochun atan an mi an saa an neih atan in siam ang a; chung zinga mite chu kumkhuaa in bawih atan in nei ang: amaherawhchu in unau Israela thlahte lakah chuan rura takin in awm tur a ni lo.
25:47 Ram dang mi emaw, I hnena khawsa tu emaw a lo neihnun a, a kianga I unau pa a lo retheih a, I hnena ram dang mi emaw, I hnena khawsa hnenah emaw, ram dang mite thlah chhûng hnenah emaw a tluk luh chuan,
25:48 a tluk luh hnu pawhin tlab leh theih a ni ang a; a unaute zinga miin an tlan thei ang :
25:49 a pamiin emaw, a pami fapain emaw atlan theiang; a chite zinga alaichin hnaiin emaw a tlan thei ang a; tin, amah pawh a lo neihnun leh chuan a intlan thei ng.
25:50 a tluk luhna pa nen tluk luh atanga Jubili kum leh tur chut dun sela: a tluk luh man chu a kum azirin a ni ang a ; tin, hlawhfaa rawih chhut ang zela hhutsak a n ang.
25:51 Kum tam tak a la bak chuan a tlanna man hu a belh chhûng hu tawk man a pe kir leh tur a ni.
25:52 Jubili kum thlenna tur kum rei lo te chauh a la awm a nih chuan chhut dun se la; a awm kum tamzia azirin a tlanna man a pe kir tur a ni.
25:53 Kum khat bi zela rawih inhlawhfa angin a bel tur a ni: I mithmuhah rura takin a tih tur a ni lo.
25:54 Chung ang zawnga tlan a nih loh pawhin, Jubili kum chuan a chhuak ang a, amah leh a fate nen.
25:55 Israela thlahte chu keima chhiahhlawhte an ni si a, Aigupta ram ata ka hruaichhuah, ka chhiahhlawhte an ni: Kei hi LALPA in Pathian chu ka ni.
26:1 Milem in insiam tur a ni lova, milem siam chawp emaw, lung phun emaw in din tur a ni lo va, chibai buk atan in ramah hian milem chuanna lung in phun tur a ni hek lo: Kei hi LALPA in Pathian chu ka ni si a.
26:2 Ka chawlhnite chu in serh ang a, ka hmun thianghlim chu in zah tur a ni: kei hi LALPA chu ka ni.
26:3 Ka thuruatte chu in zawm a, ka thupêkte in pawm a, in zawm chuan,
26:4 ruah tuite chu a hun teah ka tlaktir ang a, lei chuan thil a hawntir ang a, rama thingte chun rah an chhuah ang a.
26:5 In hruiha buh chuan grep lawh hun a man phak ang a; in lawh chuan thil chin hun a man phak ang a; in chhang chu hnianghnarin in chen ang a, in ramah hian thlamuang takin in khawsa ang.
26:6 He ram hi ralmuang takin ka awmtir ang a, in mu hle hle ang a, tuman an tihlau lo vang he u: ramsa sual te chu he ram ata hi ka hnawttiau ang a, khandaihin in ram a fang tlang hek lo vang.
26:7 In hmêlmate chu in um ang a, in hmaah khandaiha thahin an awm ang.
26:8 Mi pangain za in um ang a, zain sing in um ang a: in hmelmate chu in hmaah khandaiha thahin an awm ang.
26:9 Tin, ka duhsak ang che u a , chi tam tak ka thlahtir ang che u a, ka tipung ang che u; tin, in lakah ka thuthlung ka inghet ang.
26:10 Tin, rei tak in vawn a hluite chu in ei ang a, a thar dah nan a hluite chu in la chhuak ang.
26:11 Tin, in zingah ka biak buk chu ka awmtir ang a; ka nunna chuan a hnuchhawn lo vang che u.
26:12 In zingah ka cheng ang a, in Pathian ka ni ang a, tin, nangni pawh ka mite in ni ang.
26:13 Kei hi LALPA in Pathian, an bawih in nih lohna tura Aiguptaram ata hruaichhuaktu che uchu ka ni a; in nghawnga kawlte chu ka titliak a, ding charin ka kaltir tk che u hi.
26:14 Amaherawhchu ka thu in pawm loh va, heng thupêk zawng zawngte hi zawm lo va,
26:15 ka thuruatte in duh lo va, in nunnain ka rorêlte a uat a, ka thupêk zawng zawngte zawm lova ka thuthlung in bawhchhiat chuan,
26:16 kei pawhin chungah hei hi ka ti ang; in chungah thil hlauhawm tak, in nunna tihmuih elh telh leh in mit tichau telh telh ngawrna leh sikserh te ka lentir ang: tin, in thlai chin chu in ching thlawn mai mai a ni ang, in hmelmate chuan an ei zel dawn a ni.
26:17 In chungah chuan ka hmai ka thuar ang a, in hmelmate hmaah in tlâwm ang: nangmahni hawtute in chungah ro an rêl ang a, tuma um lohvin in tlan ang.
26:18 Tin, chuti chung pawha ka thu in la pawm loh cheu chuan in sualte avangin vawi sarih ka la hrem leh ang che u.
26:19 In chakna chhuan tawlawl chu ka chhu chhia ang a, in van chu thir angah ka siam ang a, in lei chu dar angah:
26:20 tin, in tha in seng thlawn mai mai a ni ang: in ram chuan thil a hawntir lo vang a, rama thingte chuan rah an chuah hek lo vang.
26:21 Mi kalhzawnga in awm a,ka thu in pawm loh chuan in sualnate zirin a leh sarihin in hungah hremna ka thlentir ang.
26:22 Tin, in zingah ramsate ka rawn kaltir ang a, chu chuan in fate a laksak ang che u a, in rante a sehsak ang che u a, a tikiam tial tial ang che u a, in kawnge a lo thing thuap ang.
26:23 Chuti chung pawha ka thununna in pawm huan loh va, mi kalhzawnga in la awm cheu chuan,
26:24 kei pawh nangmahni kalhzawngin ka awm ang a, keimah ngeiin in sual avangin vawi sarih ka hrem ang che u.
26:25 In chungah khandaih ka len ang a, chu chuan thuthlung phuba a la ang a, mahni khaw chhûng theuhvah in tawm khawm ang a: tin, in zingah hri ka lentir ang a, hmelmate kuta pêk in ni ang.
26:26 In rinpui ber chhang ka tihchahsak che u hunah chuan hmeichhe sawmin a awmna pakhatah an awm ang a, in chhang chu buk chiah zelin an pe leh ang che u; in ei ang a, in kham huang lo vang.
26:27 Chuti chung pawha ka thu in pawm huan loh va, mi kalhzawng in la awm cheu chuan,
26:28 thinrim takin nangmahnikalhzawngin ka awm ang a; in sual avangin vawi sarih ka hrem bawk ang che u.
26:29 In fapate sa in ei ang a, in fanute sa in ei bawk ang.
26:30 tin, in hmunsangte ka tichim ang a, in ni lemte ka titlu ang a, in ruangte chu in milemte ruang chungah ka paih ang; tin, ka nunna chuan a haw dawn che u a ni.
26:31 In khuate chu ka titiau ang a, inhmun thianghlimte chu ka tiram ang a, in rimtuite chu ka hnim lo vang.
26:32 In ram chu ka titiau vang a; in hmelma chuta awmte chuan mak an ti ang.
26:33 in hnam dangte zingah ka tidarh ang che u a, a um tur che uin khandaih chu ka phawi ang; tichuan in ram chu a tiau avang a, in khuate chu a ram ang.
26:34 Tin, ram chuan a tiau chhûng zawng leh in hmelmate rama in awm chhûng chuan a chawlhniahte chuan a hli ang; chutih hunah chuan ram chu a chawl ang a, a chawlhniahte chuan a hlim ang.
26:35 A tiau chhûng zawng chuan a chawl ang; in awm laia in chawlhnia chawl ve thin lote kha.
26:36 Tin, in zinga mi la awm hhunte chu, an hmelmate ramah an thinlungan chauhna ka awmtir ang; tin, hnathel leng riin a um ang a, khandaih laka tlanchhia angin an tlanchhia ang a, tuma um hleih lohvin an tlu ang.
26:37 Tuma um hleih lovin khandaiha um ang maiin an inpal tlu rem rum ang: inhmelmate lo dang turin chakna reng reng in nei lo vang.
26:38 Hnam dangte zingah in boral ang a, in hmelmate ram chuan a ei zo vang che u.
26:39 Tin, in zinga mi la awm chhunte chu in hmemate ramah an khawlohna avangin an hmuih telh telh ang; an pi leh pute chuan an khawlohnate an hmuih phah angin, anni pawhin an hmuih phah ve bawk ang.
26:40 Ka chunga an sualna avang leh an khawlohna leh an pi leh pute khawlohna leh mi kalhzawnga an awm avanga
26:41 kei pawh anmahni kalhzawnga ka awm a, an hmelmate rama ka awmtirte chu an phat loh vang a; an thinlung tan loh chu an intihhnuai a, an khawlohna vanga hremna chu an pawm chuan,
26:42 Jakoba hnena ka thuthlung chu ka hre reng ang a: Isaaka leh Abrahama hnena ka thuthlungte pawh ka hre reng ang a; tin, ram pawh chu ka hre reng bawk ang.
26:43 Ram pawh chu an kiansan ang a, anmahni awm lohva a tiau chhûng chuan a chawlhniahte chuan a hlim ang; ka rorêlnate an duh loh avang leh an nunnain ka thuruatte a huat thin avangin, an khawlohna hremna chu an pawm tur a ni.
26:44 Chuti chung pawh chuan anhmelmate rama an awm chu anmahni tiboral der tur leh an laa ka thuthlung bawhchhiain ka paihthla lo vang a, ka haw hek lo vang: Kei hi LALPA an Pathian chu ka ni si a:
26:45 an Pathian ka nih theihna tura hnam tinte mithmuha Aigupta ram ata ka hruai chhuah, an thlahtute thuthlung chu ahanmahni avang hian ka hre reng zawk ang: Kei hi LALPA chu ka ni,' ti rawh," tiin.
26:46 Heng hi Sinai tlanga Mosia hmanga amah leh Israela thlahte kara LALPAN a siam thupêk te, rorêl te leh dante chu a ni.
27:1 Tin, LALPAN Mosia a bia a,
27:2 "Israela thlahte bia la, an hnenah,'Miin eng emaw pawimawh bik chungchângah thu a tiam chuan a mihring hu tawk I ruat ang chu LALPA pual a ni ang a,
27:3 mipa a nih chuan I ruat dan tur chu kum sawmhnih atanga kum sawmrk mi chu hmun thianghlim sekel ang, tangka sekel sawmnga hu a ni ang.
27:4 Hmeichhia a nih chuan I ruat dan tur chu sekel sawmthum a ni ang.
27:5 Tin, kum nga atanga kum sawmhnih mi a nih chuan , I ruat dantur chu mipa chu sekel sawm hnih, hmeichhia chu sekel sawm a ni ang.
27:6 Tin, thla khat atanga kum nga mi a nih chuan, I ruat dan tur chu mipa chu tangka sekel nga, hmeichhia chu tangka sekel thum a ni ang.
27:7 Tin, kum sawmruk atanga a chung lam a nih chuan, I ruat dan tur chu mipa chu sekel sâwm leh panga, hmeichhia chu chu sekel sawm a ni ang.
27:8 Amaherawhchu I ruat aia a lo retheih chuan puithiam hnenah hruai tur a ni ang a, puithiamin a lo ruat ang; thutiamtu theih tawk ang ang puithiamin a lo ruat ang.
27:9 tin, thilhlan, LALPA hnena an hlan tur chu ran a nih chuan, tupawhin LALPA tana chutiang an pêk reng reng chu thil thianghlim a ni tur a ni.
27:10 A tidanglam tur a ni lova, a thain a chhia, a chhhiain a tha thlakthleng tur a ni hek lo: ran, ran veka a thleng luih chuan apahnihin a thlengna nen chuan thil thianghlim a ni tur a ni.
27:11 Tin, ran thianghlim lo, LALPA hnena hlan ngai loh mi a nih chuan, ran chu puithiam hmaah a dah tur a ni;
27:12 tin, puithiam chuan a that lohva zirin a man tak a lo ruat ang a: nang puithiamin I ruat tawk ang apiang chu a ni zel ang.
27:13 Amaherawhchu a tlan leh tak tak dawn chuan I ruat zat hmun ngaa thena hmun khat a belh tur a ni.
27:14 Tin, miin a in chu LALPA pual atana a hlan dawn chuan a that leh that loh zirin puithiamina ruat tur a ni; puithiam ruat ang ang chu a ni ang.
27:15 Tin, a hlantu chuan a in chu a tlan leh dawn chuan a man tura i ruat zat hmun nga thena hmunkhat a belh tur a ni, tichuan a ta a ni leh ang.
27:16 Tin, miin a rama lo, a then LALPA pual atana a hlan dawn chuan i ruat dan tur chu a chi tuh zir zelin a ni ang. Barli homer khat hmun chu tangka sekel sawmnga man ani ang.
27:17 A lo chu Jubili kum atanga hlan a nih chan I ruat ang chu a ni reng ang a.
27:18 Jubili kum hnua hlan a nih erawh chuan puithiamin a man chu Jubili thlen lehna tur kum zir zelin a ruatsak ang a, I ruat dan atanga a kiam tawk siam ani ang.
27:19 A hlantuin a tlan leh dawn tak tak chuan a man i ruat zat hmun ngaa thena hmun khat a belh ang a, a ta ani leh chiah ang.
27:20 Lo chu a tlan duh lo emaw, mi dang hnenah a hralh emaw a nih chuan tlan leh theih a ni tah lo vang:
27:21 Jubili kuma an chhuah leh hun chuan lo chu LALPA tana thianghlim, a puala lo hluihlawn ang a ni ang a, puithiam ta tur a ni ang.
27:22 A rama mi ni lo, lo a lei LALPA hnena a hlan chuan,
27:23 Jubili kum thlengin I ruat dan angin puithiam in a man chu a ruatsak ang a, i ruat ang chuan LALPA tana thil thianghlimah chu mi ni chuan a pe tur a ni.
27:24 Tin, Jubili kum chuan a leina pa, a ram neitu pangnai chuan a nei leh ang.
27:25 I ruat dan zawng zawng chu hmun thianghlim sekel ang zel ani tur a ni; sekel khat chu gera sawmhnih a ni ang.
27:26 Amaherawhchu ran zinga piang hmasa ber, a pian hmasak ber avanga LALPA pual atana ruat tawh phawt chu tuman an hlan tur a ni lo: sebawngpa pawh beram pawh ni sela, LALPA pual a ni.
27:27 Tin, ran thianghlim lo a ni chuan I ruat dan angin a tlan tur a ni ang a, tin, a hmun ngaa thena hmun khat a belh tur a ni; tin, tlan a nih loh chuan I ruat dan angin hralh tur ani ang.
27:28 Amaherawhchu thil hluihlawn, miin a thil neihte zinga mi, LALPA puala a hluihlawn tawh chu, mihring emaw, a rama lo emaw hralh tur ani lo va, tlan tur ani hek lo: hluihlawn thil zawng zawng chu LALPA tana thianghlim tak a ni.
27:29 Mi, an hluihlawn tawh phawt chu tlan tur a ni hek lo; tihhlum ngei ngei tur a ni.
27:30 Ram chhûnga mi, sawma pakhat zawng zawng lova thil hawngte pawh thei rahte pawh LALPA pual ani a, LALPA tana thianghlim a ni.
27:31 Miin a sawma pakhat zinga mi a engpawh a tlan dawn chuan ahmun ngaa thena hmun khat belh tur a ni.
27:32 Ran leh beram rual zinga sawma pakhat, tiang hnuaia lut a sawmna zel chu LALPA tana thianghlim a ni ang.
27:33 A chhiat leh that a fiah tur ani lo va, a thlakthleng tur a ni hek lo; a thleng luih chuan a pahnihin a thlengna nen chuan thil thianghlim a ni ang a, tlan leh theih a ni lo vang,' ti rawh," tii.
27:34 Heng hi Sinai tlanga Israel thlahte tana LALPAN Mosia a pêk, thupêkte chu a ni. |
posted by zoblog @ 2:40 PM  |
|
|
|
