| Wednesday, September 12, 2007 |
1:1 Tin, heti hi a ni a, Saula thih hnua Davida Amalek-ho rûna a lo haw a, Davida chu Ziklag khuaa ni hnih a awm hnu chuan;
1:2 heti hi ani a, a ni thum ni chuan ngai teh, mi pakhat an tanhmun ata saula hnên atangin a puante pawtthlêrin a lu-a lei kai luam hi a lo kal a; tin, Davida hnên a lo thlen chuan leia bawkkhupin chibai a bûk a.
1:3 Tin, Davida chuan a hnênah, "Khawi atanga lo kal nge i nih?" a ti a; tin, ani chuan a hnênah, "Israel mite tanhmun atangin ka lo tlan chuak a ni," a ti a.
1:4 Tin, Davida chuan a hnênah, "Eng angin nge thil a awm le? Min hrilh teh khai," a ti a. Ani chuan a chhâng a, "Indona ata mite chu an tlanchia a, mi tam tak chu an tlu a, an thi hlawm a; tin, Saula leh a fapa Jonathana te pawh an thi ve asin," a ti a.
1:5 Tin, Davida chuan a hrilhtu tlangvâl hnênah chuan, "Engtin nge Saula leh a fapa onathana chu an thi tih i hriat?" a ti a.
1:6 Tin, a hrilhtu tlangvâl chuan, "Eng emaw ti tiin Gilboa tlângah chuan ka lo awm hlauh va, tin, ngai teh, Saula chu a fei rinchhana ding ka hmu a, tin, tawlailirte leh sakaw chung chuang mite chuan an rawn hnaih ta chiam mai a.
1:7 Tin, a hnun glam a han hawi chuan mi han hmu a, mi han au va. Tin, keiin, 'Heta hi ka awm e,' tiin ka chhâng a.
1:8 Tichuan ka hnênah, 'Tunge i nih?' mi ti a. Tin, keiin 'Amalek mi ka ni,' tiin ka chhâng a.
1:9 Tin, ani chuan ka hnênah, 'Ka kiangah hian lo ding la, mi han that teh mai, ka la nung ting a, mangannain min tlakbuak ta si a,' a ti a.
1:10 Chutichuan a kiangah chuan ka ding a, chutia tlu tawh der hnu chu a dam zo tawh lo rêng rêng ang tih ka hriat avângin ka that ta mai a, a lua lallukhum leh a bana bânbun chu ka la a, ka pu hnênah hetah hian ka rawn la a ni," a ti a.
1:11 Chutihuan Davida chuan a silhfente chu a chelh a. a pawtthlêr ta a; chutiang bawk chuan a hnêna mi awm zawng zawng chuan an ti a:
1:12 tichuan Saula leh a fapa Jonathana leh LALPA mite leh Israela chhûngte chu an sûn a, an tah a, tlai lam thlengin chaw an nghei a, khandaiha tihhlum an nih tak avângin.
1:13 Tin, Davida chuan a hrilhtu tlangvâl hnênah chuan, "Khawi lam mi nge i nih?" a ti a. Tin, a ni chuan, "Ram dang mi, Amalek mi fapa ka ni," a ti a, a chhâng a.
1:14 Tin, Davida chuan a hnênah, LALPA hriak thih tiboral tûra a chunga kut thlak chu eng tiziaa hlau lo nge i nih le?" a ti a.
1:15 Chutichuan Davida chuan talngval pakhat a ko va, "Va hnaih la, va that rawh," a ti a. Tin, a va sât a, a thi ta a.
1:16 Tin, Davida chuan a hnênah, "I thisen chu nangma lu chung ngeiah awm rawh se; nangma ka ngeiin, 'LALPA hriak thih chu ka that a ni,' a ti a.
1:17 Tichuan Davida chuan Saula leh a fapa Jonathana chu he tah hle hian a tah a;
1:18 tin, thal kah hla chu Juda thlahte zirtir tûrin a tir hlawm a, ngai teh, Jasara buah ziak a ni.
1:19 Aw Israel, i ropuina chu i hmun sângahte an that a, Mi liante an tluk tak hi!
1:20 Gath-ah chuan hril suh ula, Askelon kawtthlêrahte chuan puang suh u; Chutilochuan Philistia fanute an lawm ang a, Serhtan loh fanuo hlimin an au dah rual ang e.
1:21 Nangni Gilboa tlangte u, In chungah dai leh ruah tla suh se, thilhlan tûrte chhuah hek suh; Chutah chuan mi lian phaw chu mualpho takin an paih si a, Saula phaw hriak thih loh mi phaw ang maiin.
1:22 Thahte thisen atang leh mi lian thau atangin Jonathana thla chu a let lo va, Saula khandaih chu a thlawnina let ngai lo.
1:23 Saula leh Jonathana nun dan chu a duhawmin a mawi a, An thih pawhin an inthen lo, Mupuite aiin an chak zawk a, Sakeibakneite aiin an chak zawk.
1:24 Nangni Israela fanute u, Saula chu tah rawh u, Puan sen mawite a ban che u a, In puanahte rangkachaka cheimawnate beltu che u chu.
1:25 Indo lai taka mi liante an lo tluk tak mai chu! In hmun sângahte Jonathana an that ta.
1:26 Ka unaupa Jonathan, i chung thuah hian ka mangang a ni: Ka chungah i tha êm êm thin a, I mi hmangaihna chu a mak a, Hmeichhe hmangaihna a kum a ni. Mi liante chu an tlu a, Indona thuamhnawte pawh a boral zo ta!
2:1 Tin, heti hi ani a, chu mi hnua chuan Davida chuan, "Judai rama khawiah emaw ka han kal ang em?" tiin LALPA a rawn a. Tin, LALPA chuan a hnênah, "Han kal rawh khai," a ti a. Tin, Davida chuan, "Khawiah nge ka han kal ang?" a ti a. Tin, ani chuan, "Hebron-ah," a ti a.
2:2 Chutichuan Davida chu chutah chuan a han kal ta a, anupuite pahnih Jezreel mi Ahinoami leh Karmel mi Nabala nupui Abigaili te nen.
2:3 Tin, Davida chuan a hnêna mi zawm zawng zawng chu a hruai chho va, mi tin, an chhûngkuate theuh nen, Hebron khuaahte chuan an awm ta a.
2:4 Tin, Judai rama mite an va kal a, Juda mite chunga lal atân hriak an thih a. Chutichuan, "Saula phûmtute chu Jabes-gilead mite an ni," tiin Davida chu an hrilh a.
2:5 Tichuan Jabes-gilead mite hnênah chuan Davida chuan mi a tir a, an hnênah, "In pu, in pu Saula chu in khawngaihzia tilangin in lo phûm avângin LALPA chuan malsawm che u rawh se.
2:6 Tichuan LALPA chuan in chungah ngilneihna leh thutak lantir sela: hêng thil in tih avang hian kei pawhin in ngilneih man chu ka rul ang che u.
2:7 Chutichuan in kutte chu lo chak sela, huai takin awm rawh u: in pu Saula chu a ti ta si a, tin, Juda chite chuan an chunga lal atân hriak min thih ta bawk a," a ti a.
2:8 Tin, Nera fapa Abnera, Saual sipaite hotu chuan, saual fapa Isbosetha chu Mahanai-ah a hruai a;
2:9 Gilead chungah te, Asur chungah te, Jezreel chungah te, Ephraim chungah te, Israel zawng zawng chungah te lalah a siam ta a.
2:10 (Saula fapa Is-bosetha chu Israel chunga ro a rêl tan lai chuankum sâwmli mi ani a, kum hnih ro a rêl a.) Nimahsela Juda mite chuan Davida chu an pawm zawk a.
2:11 Davidan Hebron-a Juda chite chunga ro a lo rêlna chu kum sarih le thla ruk ani tawh a.
2:12 Tin, Nera fapa Abnera leh Saula fapa Is-bosetha chhiahhlawhte hchu Mahanaim ata an chuak a, Gibeo-ah an kal a.
2:13 Tin, Zeruia fapa Joaba leh Davida chhiahhlawhte chu an kal chhuak a, Gibeon dilah chuan an intawk a; tichuan pawl khat chu dil ral lehlamah an thu a. pawl khat chu dil ral lehlamah.
2:14 Tin, Abnera chuan Joaba hnênah, "Tlangvâlte chu lo thawk sela, kan hmaah han inbei teh reng ang hmiang," a ti a. Tin, Joaba chuan, "Lo thawk ang hmiang," a ti a.
2:15 Chutichuan an thawk a, a zat chin ruat chiahin an kai phei a, Benjamin chi, Saula fapa Is-bosetha lama tang swm leh pahnih, tin, Davida chhiahlawh sâwm leh pahnih.
2:16 An kingpuite chu an lu theuhvah an inman a, mahni bitumate chu khandaihin an nakah an inchhun theuh va; tichuan an tlu za t vek mi a: chuvanin chu mi hmun chu Helkath-hzurim an ti ta a, chu chu Gibeon-a awm a ni.
2:17 Tichuan chu mi nia an ibei chu a nasa ta hle mai a; tin, Abnera leh Israel mite chu Davida chiahhlawhte lakah chuan an tlâwm ta a.
2:18 Tin, chutah chuan Zeruia fapate pathum, Joaba te, Abisaia te, Asahela te an awm a: Asahela chu zukpui ang maia ngalchak a ni.
2:19 Chutichuan Asahela chuan Abnera chu a ûm a; Abnera a ûm chu ding lam leh vei lama peng hauh lovin a ûm ngat ngat a.
2:20 Chutichuan Abnera chu ahan lehhawi a, "Nang i ni maw, Asahel?" a han ti a, Tin, ani chuan a chhâng a, "Keimah ni e," a ti a.
2:21 Tin, Abnera chuan a hnênah, "I dung lamah emaw, i vei lamah emaw khan peng la, tlangvâl pakhat kha man la, a inrâlthuamna laksak rawh," a ti a. Nimahsela Asahela chuan amah a ûm chu a pensan duh chuang lo va.
2:22 Tin, Abnera chuan Asahela hnênah, "Min pensan rawh; engah nge ka chhun thluk ang che? I unaupa Joaba hmêl ka hmu ngam dawn em ni?" a ti leh a.
2:23 Nimahsea a peng duh chuang lo va: chuvangin Abnera chuan a fei chhawr lamin a pumah a chhun a, fei chu a hnung lamaha tlâng a, chutah chuan a tlu ta tawp a, chu mi hmunah chuan a thi ta a; tin, heti hi ani a, Asahela a tluka a thihna hmun lo thleng paiang chu chutah chuan an ding chawt zel a.
2:24 Mahse Joaba leh Abisaia chuan Abnera chu an ûm zel a; tin, Gibeon thlaler kawnga Gia dep Ama tlâng an thlen dawn chuan ni a tla a.
2:25 Tin, Benjamina thlahte chu Abnera hnênah an pung khawm a, pawl khatah an insiam a, tlâng chhipah an va ding t .
2:26 Chutichuan Abnera chuan Joaba a au va, "Khandaihin a sam reng dawn em ni ang? A tawp lamah chuan a la lungngaihthlâk hle danw tih i hre lo vem ni? Eng chen nge mipuite chu an unaute ûm kir tûra hrilh lovin i awm dawn le?" a ti a.
2:27 Tin, Joaba chuan, "Pathian nunna chhalin ka sawi e, engmah han sawi lo la chu naktuk zing thlengin ka miten an ûm dawn che u asin le," a ti a.
2:28 Chutichuan Joaba chuan a tawtawrâwt chu a han ham a, mipuite chu an ding ta thup mai a, Israel mite chu an ûm ta lo va, an bei leh ta lo.
2:29 Tichuan Abnera leh a mite chu Araba kal tlangin chu mi zan chuan an kal zankhua a; tin, Jordan an kan a, Bithron an kal tlâng zak a, Mahanaim an thleng a.
2:30 Tin, Joaba chu Anera a ûm a kir leh ta a; tin, mipui zawng zawngte a han khawm vek chuan Davida hote sâwm leh pakua leh Asahela an lokim ta lo va.
2:31 Davida hote erawh chuan Benjamin mite leh Abnera mite chu zathum leh sawmruk an tihlum a.
2:32 Chutichuan Asahela ruang chu an la a, Bethlehem-a a pa thlanah an phûm a. Tin, Joaba leh a mite chu zankhuain an kal a, Hebron an thlenin khua a vâr a.
3:1 Saula chhûngte leh Davida chhûngte chu rei tak an indo va; Davida chu a lo chak tial tial a, Saula chhûngte erawh chu an chak lo tial tial a.
3:2 Tin, Davida chuan Hebron khuaah chuan fapate anei a: a fa hmasa ber chu Amnona, Jezreel mi Ahinoami laka mi ani a;
3:3 a dawttu chu Kileaba, Karmel mi Nabala nupi Abigaili laka mi a ni; tin, a pathumna chu Absaloma, Gesur lal Tamaia fanu Maaki fapa a ni a;
3:4 tin, a palina chu Adonija, Jagithi fapa a ni a; a pangana chu Sephatia, Aitali fapa a ni a;
3:5 tin, a parukna chu Ithreama, Davida nupui Ekli laka mi a ni a. Hêngte hi Davida fa Hebron-a piangte chu an ni.
3:6 Tin, heti hi a ni a, Saula chhûngte leh Davida chhûngte an indo chhûng chuan Abnera chu Saula chhûngte zingah chuan a intichak deuh deu va.
3:7 Saula chuan hmei a nei a, a hming chu Rizpi a ni a, Aii fanu a ni. Tin, Is-bosetha chuan Abnera hnênah, "Engati nge ka pa hmeinu hnênah i ka;?" a ti a.
3:8 Chutichuan Is-bosetha thusawi chuan Abnera chu a tithinur ta hle mai a, "Juda-ho uicho lu mai em ka nih ni? Vawiin thlengin i pa Saula chhûngte leh a unaute leh a thiante chungah ngilneihna ka tilang a, Davida kutah ka hlan lo chia; nimahsela nangin he hmeichhe chunga sualah hian mi puh ta mai a.
3:9 , 10 Saula chhûngte lak ata ram chu laksaka Israel leh Judate chungah Dan atanga Beer-seba thlenga Davida lalthutthleng tungding tûra LALPAN Davida hnêna chhia a chham anga ka tih loh chuan Pathianin Abnera chu a tih tihin ti sela, chu aia nasa pawhin," a ti a.
3:10 , 9 Saula chhûngte lak ata ram chu laksaka Israel leh Judate chungah Dan atanga Beer-seba thlenga Davida lalthutthleng tungding tûra LALPAN Davida hnêna chhia a chham anga ka tih loh chuan Pathianin Abnera chu a tih tihin ti sela, chu aia nasa pawhin," a ti a.
3:11 Tichuan Abnera chu a hlauh avângin a chhan rêng rêng a chhâng ngam ta lo va.
3:12 Tin, Abnera chuan a aiah Davida hnênah, "He ram hi tu ta nge ni?" tiin mi a tir a; tin, "Ka hnênah thu thlung rawh, tichuan ngai teh, Israel mi zawng zawngte i hnên lam tang tûrin ka kut chu i lamah a tang ang," tiin a sawi bawk a.
3:13 Tin, ani chuan, "Aw le; i hnênah chuan thu ka thlung ang e; amaherawhchu i lakah thil pakhat ka phût dawn a ni, chu chu hei hi a ni, mi hmu tûra i lo kal hunah Saula fanu Mikali i rawn hruai phawt loh chuan ka hmêl i hmu thei lo vang," a ti a.
3:14 Tin, Davida chuan Saula fapa Is-bosetha hnênah chuan, "Philistia mite serh vun zakhata ka lei ka nupui Mikali chu mi rawn pe rawh," tiin mi a tir a.
3:15 Tin, Is-bosetha chuan mi a tir a, a pasal Laisa fapa Paltiela ngei hnên ata chu an hruai ta a.
3:16 Tin, a pasal chu ahnênah a kal a, tap chung zelin a kal a, Bahurim thlengin a zui a. Chutichuan Abneran a hnênah, "Kal rawh, kir leh rawh," a ti a; tin, a kir leh ta a.
3:17 Chutichuan Abnera chuan Israel mite upaho chu a bia a, "Tun hma khan Davida chu in lakah in duh thin a;
3:18 tunah hian siam rawh u khai; LALPAN Davida chungchang thua chuan, "Ka chhiahhlawh Davida kutin ka mi Israelte chu Philistia mite kut ata leh an hmêlmate zawng zawng kut ata ka chhanchhuak ang,' tiin a sawi e," tiin.
3:19 tin, Abnera chuan Benjamin mite beng hriatah a sawi bawk a; tin, Abnera chu Israel mite leh Benjamin chhûng zawng zawngten tha an tih ang apiang Hebron-a Davida benghriatah sawi tûrin a kal bawk a.
3:20 Chutichuan Abnera chu Hebron-a Davida hnênah mi sawmhnih nen an kal a. Tin, Davida chuan Abnera leh a hnêna mi sawmhnihte tan ruai a theh a.
3:21 Abnera chuan Davida hnênah, "Ka tho vang a, i hnêna thu an thlun theih nan leh i duh thusam ang taka ro i rêl theih nan Israel mite zawng zawng ka lalpa hnêna kaikhawm tûrin ka kal tang e," a ti a.
3:22 Tin, ngai teh, Davida mite leh Joaba rammu chu an lo haw a, râllâk sum tam tak an rawn hawn a; nimahsela Abnera chu Hebron-a Davida hnêna chuan a lo awm tawh lo; a lo kaltir tawh si a, ani pawh thlamuang takin a kal ta a ni.
3:23 Joaba leh a hnêna mipui zawng zawng an lo thlen chuan, "Nera fapa Abnera chu lal hnênah a lo kal a, ani chuan a kaltir leh ta a, thlamuang takin a kal ta," tiin Joaba chu an hrilh a.
3:24 Chutichuan Joaba chu lal hnêna a kal a, "I thil lo tih hi engtizia nge ni lle? Ngai teh, Abnera chu i hnênah a lo kal a, engati nge i kal botir a, a kal tawh daih mai le?
3:25 Nera fapa Abnera chu i hria a, nangmah tihder tûrin, i chhuak lam leh i lut lam leh i thiltih apiang hriat tumin a lo kal a ni," a ti a.
3:26 Tin, Davida hnên ata Joaba a lo chhuah chuan Abnera ûm tûrin mi a ti ra, Sira tuichunchhuah atangin an rawn hruai kir a; nimahsela Davida chuan a hre lo.
3:27 Tin, Abneran Hebron a lo thlen chuan Joaba chuan kulh kawngkhârah biak ruk tûrin a hruai hrang a, a unau Asahela thisen chuak thungrulh nan a puma a vit hlum ta a.
3:28 Tin, nakina Davidan a han hriat chan, "Nera fapa Abnera thisen chhuah thuah hian kei leh ka ram chu LALPA mithmuhin kan thiang kumkhua ang a:
3:29 Joaba lu chunga tla sela, a pa chhûngte zawng zawng chungah nen; Joaba chhûngte zingah chuan thi pur emaw, phar emaw, tiang rinchhana awm mi emaw, khandaiha thi emaw, tam emaw lo awm lovin awm suh se," a ti a.
3:30 Chutichuan an unaupa Asahela chu Gibeon-a indonaah an thah avângin Joaba leha unau Abisaia chuan Abnera chu an that ta a.
3:31 in, Davida chuan Joaba le a hnêna mipui zawng zawngte hnênah chuan, "In puante chu pawtthlêr ula, saiip puan sin ula, Abnera chu sûn rawh u," a ti a. Tin, Davida chuan hlang chu a zui a.
3:32 TinAbnera chu Hebron-ah chuan an phûm a: lal chuan a awm a chhuah a, Abnera thlanah chuan a tap ta a; mipui zawng zawng pawh an tap a.
3:33 Tin, lal chuan Abnera chu a tah a, "Abnera chu mi â thihin a thi dawn em ni?
3:34 I kut chu phuar ani lo va, i ke chu kawl bun ani hek lo, Mi suaksual fate hmaa mi a tlu anga i tluk tak mai le?" a ti a. Tin, mi zawng zawng chuan an tah leh a.
3:35 Tichuan chhun a la nih laiin Davida chu chaw eitir tûrin mi zawng zawng chu an lo kal a; nimahsela Davida chuan, "Ni tlak hmaa chaw emaw, thil dang emaw pawh a eia ka ei hlek chuan Pathianin a tih tihin mi ti rawh se: chu aia nasa pawhin" tiin chhia a chham a.
3:36 Chu chu mi zawng zawngin an hriatin an lawm êm êm a: lal thiltih apiang chuan mipui zawng zawngte chu a tilawm zel a.
3:37 Chutichuan mipui zawng zawng leh Israel mi zawng zawng chuan chu mi ni chuan Nera fapa Abnera thah chu lal thu ani lo tih an lo hre ta a.
3:38 Tin, lal chuan a mite hnênah chuan, "Vawiin hian Israel mi lian, mi ropui tak a thi tih in hre na nge?
3:39 Lal atâna hriak thih ni mah ila, vawiinah hian ka chak lo a ni; tin, hêng mi, Zeruia fapate hi ka tan tuar an har lutuk a ni: LALPAN thil tha lo titua chu a sualzia ang zelin thungrul rawh se," a ti a .
4:1 Tin, Saula fapa Is-osethan Hebron-ah Abnera a thi tih a lo hriat chuan a kutte a lo chak ta lo va, tin, Israel mite zawng zawng chu an zam ta a.
4:2 Tin, Saula fapa Is-hosetha chuan sipai pawl hotu pahnih a nei a; pakhata hming chu Baana a ni a, a danga hming chu Rekaba a ni. Benamina thlah Beetoth mi Rimona fapate an ni a: (Beetoth chu Benjamina rama ngaih ani si a:
4:3 Beeroth khuaa mite chu Gitaim-ah an tlan a, tun thlengin chutah chuan an awm ta a.)
4:4 Tin, Saula fapa Jonathana chuan fapa kebai a nei a. Jezreel atanga Saula leh Jonathana chanchin an lo hriat chuan kum nga mi a ni a; tihuan a enkawltu chuan a pawm a, a tlan bopui a: tin, heti hi a ni a, tlan bo tûra a hmanhmawhna lamah a titla a, a ke a lo bai ta a. A hming chu Mephibosetha a ni.
4:5 Tin, Beeroth mi Rimona fapate Rekaba leh Baana chu an kal a, Is-bosetha ina chuan chhun ni sat vanglai taka a chun chawlh lai takin an kal a.
4:6 Buh la tûr ni awm takin in chung lamah chuan an lût a; a pumah an vit a: tin, Rekaba leh a unaupa Baana chu an tlan bo ta a.
4:7 Tin, ina an va luha a mutna pindana khuma a mu chu an vit a, an that a, a lu an tan a, a lu chu an la a, Araba kal tlangin zankhuaain an kal a.
4:8 Tin, Is-bosetha lu chu Hebron-ah Davida hnênah an rawn la a, lal hnênah chuan, "Ngai teh, hei, nangmah thah tum, i hmêlma Saula fapa Is-bosetha lu; LALPA chuan ka LALPA phuba chu vawiinah hian Saula leh a thlah lakah a laksak ta a ni," an ti a.
4:9 Tin, Davida chuan Beeroth mi Rimona fapa Rekaba leh a unaupa chu a chhâng a, an hnênah, "LALPA ka manganna zawng zawng ata mi chhandamtu nunna chhalin ka sawi e,
4:10 chanchintha rawn thlena inngaiin, 'Ngai teh, Saula chu a thi ta,' tiin mi pakhatin min rawn hrilh a, ani chu ka man a, Ziklag-ah ka that a; chu chu a chanchin tha rawn thlen mana ka lo pêk chu a ni.
4:11 Mi fel, ama in chhûng luma, a khum laizawl ngeia mi, mi sualin an thah thisen man chu in lakah ka phut lehzualin, leilung ata hi ka va tibo dawn tehlul che u em!" a ti a.
4:12 Chutichuan Davida chuan a tlangvâlte hu thu a pe a, anni chuan an that a, an kut leh an ke an tansak a, Hebron-a dil kamah chuan an khai a. Is-bosetha lu eraw chu an la a, Hebron-a Abnera thlanah an phûm ta a.
5:1 Chutichuan Israel chi zawng zawng chu Hebron-a Davida hnênah an lo kal a, "Ngai teh, i thisen zawmpui kan ni a,
5:2 Tun hmaa Saula kan chunga a lal laia Israelte hruai chuak le hruai luttu i ni thin a: tin, LALPA chuan i hnênah, 'Ka chungah hotuah i awm ang,' a ti a" an ti a.
5:3 Chutichuan Israel upa zawng zawng chu Hebron-ah lal hnênah an kal a; tin, lal Davida chuan Hebron-ah chuan LALPA hmaah an hnênah thu a thlung a: tin, Davida chu Israelte chunga lal atân hriak an thih a.
5:4 Davida chu a lal tirh lai chuan kum sâwmthum mi a ni a, kum sâwmli a lal a.
5:5 Hebron-ah chuan Judate chungah kum sarih leh thla ruk a lal a; tin, Jerusalem-ah Israelte leh Judate zawng zawg chungah kum sâwmthum leh km thum a lal a.
5:6 Tin, lal leh amite chu chu mi rama chengho Jebus mi rûn tûrin Jerusalema-han kal a: chungho chuan Davida a lo luh theih loh ringin, Davida hnênah, "Hetah hian i lo lut tawp lo vang, mitdel leh kebaiten an lo dang ang che.{ an ti a.
5:7 Nimahela Davida chuan Zion kulh chu a la ta mial a, chu chu Davida khua a ni.
5:8 Chu mi ni chuan Davida chuan a hote hnênah, "Jebus-ho khu ka huat ang meuah thah duh hial khawpa haw ve in awm em? 'Mitdel leh keibaiho khua' bei tûrin lui luanna zuiin luhkhung rawh se," a ti a. chuvang alawm, 'Mitdel leh Keibaite llalpa inah an lût tûr ani lo,' tih a nih tak ni.
5:9 Tin, Davida chu kulhah chuan a awm a, Davida khua a vuah ta a. Tin, Davida chuan Milo atangin a velin kulh a siam a, a chhûng lamah nen,
5:10 Tichuan Davida chu a lo ropui ta deuh deuh va, LALPA, sipaihote Pathian chu a hnêna a awm zel avângin.
5:11 Tin, tûra lal Hiraman Davida hnênah mi a tir , sidar thingte a thawn a, themthiamte leh lung chertute a tir bawk , Davida in an saksak a.
5:12 Tin, Dvida chuan LALPAN Israel mite chunga lalah amah chu a tinghet a, a mi Israelte a vangin ram chu a chawimawi ani tih a hre ta a.
5:13 Tin, Davida chuan Hebron chuahsan hnuah Jerusm-a mi hmei leh nupui a beih belhchah a: tichuan Davida chuan fapate leh fanute a la nei leh ta cheu va.
5:14 Tin, Jerusalem-a a neih hmingte chu hêng hi an ni; Samua e, Sobaba te, Nathana te, Solomona te,
5:15 Ibara te, Elisua te; Nephega te, Japhia te;
5:16 Elisama te, Eliada te, Elepheleta te hi.
5:17 Tin, Philistia miten Davida chu Israel mite lal atân hriak an thih tih an hriatin Philistia mi zawng zawng hu Davida zawng tûrin an chho ta a; tin, Davida chuan a lo hria a, kulhbinga a chhuk a,
5:18 Tin, Philistia mite chu Rephaim ruamah an inzar a.
5:19 Tin, Davida chuan, "Phislista mite bei tûrin ka han chho vang em? Ka kutah hian anniho chu i pe dawn em?" tiin LALPA a râwn a. Tin, LALPA chuan Davida hnênah, "Han chho rawh; Philistia mite chu i kutah ka pe ngei dawn a ni," a ti a.
5:20 Tichuan Davida chu Baalperazim-ah a kal a, chuta chuan Davidan anniho chu a bei a, "LALPAN ka hmêlmate chu tuikhuah sah ang maiin ka hmaah min tihdarhsak ta." a ti a. Chuvangin chu mi hmun hmingah chuan Baalperazim a vuah a.
5:21 Tin, chutah chuan an milemte an kalsan a, Davida leh a mite hchuan an la a.
5:22 Tin, Philistia mite chu an cho leh , Rephaim ruamah an inzar leh a.
5:23 Tin, Davidan LALPA a han rawn chuan, ani chuan, "Han cho suh; an nung lamah kal hual la, thingtheihmu kung zwnahte han bei rawh.
5:24 Tin, heti hi ani ang a, thingtheihmu lera kal thawm ang ri thup thup i hriat chuan, che rawh! Philistia sipaite bei tûrin i hmah LALPA a chhuak ta tihna a ni ang," a ti a.
5:25 Chutichuan LALPAN thu a pêk angin Davida chuan a ti a; Philistia mite chu Geba atangin Gezer thlengin a bei a.
6:1 Tin, Davida chuan Israel mite zinga mi thlan thiau singthum a khawm leh a.
6:2 Tin, Davida chu a tho va, Judai rama Baale khua atangin, cherubte chunga chuang sipaihote LALPA hming an puttir Pathian bâwm chu la cho tûrin a hnêna mi awm zawng zawngte nen chuan an thawk ta a.
6:3 Tin, Pathian bâwm chu tawlailir tharah an dah a, tlânga Abinadaba in ata an la chhuak a: Abinadaba fapa Uza le Ahioa-te chuan tawlailir thar chu an khalh a.
6:4 tin, tlânga Abinadaba in atân chu Pathian bâwm chawpin an la chhuak a; Ahioa chu chu Pathian bâwm hma lamah chuan a kal a.
6:5 Tin, Davida leh Israel mi zawng zawngte chuan LALPA hmaah chuan thil ri thei chi hrang hrang far thing sim leh tingtang te, perhkhuang te, khuangte te, tawtawrâwt bi nei te, darbenthek te n tum a.
6:6 Tin, Nakona hui zawl an thlen chuan Uza chuan Pathian bâwm chu a han ban a, a chelh a; sebâwng chu a pai a pai avângin.
6:7 Tin, LALPA thin chu Uza chungah chuan a ur ta thut a, a thiltih dik loh avâng chuan Pathianin chutah chuan a tihlum a, Pathian bâwm kiangah chuan a thi ta a.
6:8 Tin, LALPA chu Uza chnga a tuan tak avângin Davida chu a thinur a, chu mi hmun chu Perez-uza a vuah a, tun thleng hian a la ni ta reng a.
6:9 Tin, chu mi ni chuan Davida chuan LALPA chu ahlau va; "Engtin nge LALPA bâwm chu k a hnên a lo thlen theih tak ang?" a ti a.
6:10 Chutichuan Davida chuan LALPA bâwm chu Davida khuaa ama hnênah chuan a suan du ta lo va; Davida chuan Git mi Obed-edoma in lamah a dah ta zawk a.
6:11 Tin, LALPA bâwm chu Git mi Obed-edoma inah chuan thla thum a a awm a; tichuan Obed-edoma leh a chhûngte zawng zawng chu LALPAN mal a sawm a.
6:12 Tin, lal Davida chu, "Pathian bâwm avângin Obed-edoma chhûngkua leh a in leh lo zawng zawng LALPAN mal a sawm a ni," tiin an hrilh a. Tichuan Davida chuan Pathian bâwm chu Obed-edoma in ata, Davida kuaah chuan lawm takin a zuk la ta a.
6:13 Tin, heti hi ani a, LALPA bâwm zawntute chu pen ruk an kal veleh sebâwngpa leh ran chawm thauvin an inthawi a.
6:14 Tin, Davida chu a theihtawpin LALPA hmaa a lam a, Davida chuan puan zai sin puithiam kawr a ha a.
6:15 Chutichuan Davida leh Israel mi zawng zawngte chuan au dur dur chung leh tawtawrâwt ham ruai ruai chungin LALPA bâwm chu an la chho ta a.
6:16 Tin, heti hi ani a, LALPA bâwm chu Davida khuaa a luh lai chuan Saula fanu Mikali chuan tukverh atngin a lo thlir a, LALPA hmaa Davida zuang leh lam chu a han hmu a, a hmusit rilru ta a.
6:17 Tichuan LALPA bâwm chu an la lût a, a dahna tûra Davidana zar, puan in chhûnga a hmun tûra chuan an dah ta a: tin, Davida chuan hâlral thilhlan te leh remna thilhlante LALPA hmaah chuan a hlan a.
6:18 TinDavidan hâlral thilhlan leh remna thilhlante chu a hlan zawh chuan sipaihote LALPA hmingin mipuite chu mal a sawm a.
6:19 Tin, mipui zawng zawng, Israel pum puite chu ahmei apain mi tin, chhâng hlawm khat leh sa hrang khat leh grêp rah pho ro bawr khat a sem theuh va.
6:20 Chutichuan mi zawng zawng mahni in lam theuhvah an haw ta a. Chutichuan Davida chua ac hhungte malsawm tûrin a haw leh ta a. Tin, Saula fanu Mikali chu Davida hmuak tûrin a lo chhuak a, vawiina Israel lal chu a va ropui ve le, mi ho tak zah nachang hre lo saruaka awm ang maiin vawiinah a chhiahhlawh nulate mithmuha saruakin a awm kha le!" a lo ti a.
6:21 Tin, Davida chuan Mikali hnênah chuan, "I pa leh a chhûngte zwng zwng aiai mi thleng a, LALPA mi, Israelte chunga lala mi ruattu LALPA hmaah asin; LALPA hmaah chuan lam awm reng ka ni alawm,
6:22 Hêng ai mah hian ka la zahpuiawm ang, keimah pawh ka la insit cheu ang; amaherwhchu chug chhiahhlaw nula i sawite chawimawiin ka awm ang," a ti a.
6:23 Chutichuan Saula fanu Mikali chuan a thih thlengin fa a nei lova.
7:1 Tin, heti hi a ni a, lal chu a inah a awm a, LALPAN an vela a hmêlmate zawng zawng laka ralmuangaa awmtir hnu chuan,
7:2 Lal chuan zâwlnei Nathana hnêna, "Hei kei chu sidar thing inah ka awm a, nimahsela Pathian bâwm chu puan in maiah a awm a," a ti a.
7:3 Tin, nathana chuan lal hnênah, "I rilrua awm ang tak chuan ava ti rawh, LALPA i hnênah a awm alawm," a ti a.
7:4 Tin, heti a ni a, chu mi zan vek chuan Nathana hnênah,
7:5 "Ka chhiahlawh Davida chu va hrilh rawh, 'LALPA chuan heti hian a ti, Ka awmna tûrin nangin in min saksak dawn em ni?
7:6 Israela thlahte Aigupta ram ata ka hruai chuah atangin tun thlengin inah ka awm lo va, puan inah leh biak bukah ka awm zel zawk thin a.
7:7 Tin, Israela thlahte zawng zawng zinga ka kalna zawng zawngah pawh, ka mi Israelte chawm tûrathu ka pêk rorêltute hnênah, 'Engati nge sidar thingin in min saksak loh,' tiin ka sawi ngai em ni?
7:8 Chuvangin ka chhiahhlawh Davida hnênah, Sipaite LALPA chuan heti hian a ti a a ni, berâm tlatna hmun ata i berâm veng lai chu ka mi Israel mite chunga hotu atân ka la chia:
7:9 tin, i kalna apiangah i hnênah ka awm zel a, i hmaah chuan i hmêlmate ka tibo zel a; leia mi ropui takte hming ang hming ropui tak ka siam ang che.
7:10 Tin, ka mi Israelte tan hmun ka ruat ang a, anmahni pual hmunah an awma an insuan tawh lohnan anni chu ka phunang a; tun hma ang khan suahsualna faten an tirethei tawh lo vang a, ka mi Israelte chunga rorêltute kan ruat lai ang kha a ni tawh hek lo vag;
7:11 tin, i hmêlma zawng zawng lak ata hi ka chawlhtir ang che. Tin, chu lo rengah pawh LALPAN, chhûngkua chu LALPA chuan a dinsak ang che tih a hrilh che a ni.
7:12 I ni a kina i pute hnênah i mut hunah chuan, i hnua i thlah, i rila rah tûr chu ka tungding ang a, a ram chu ka tinghet ang.
7:13 Ani chuan ka hming atân in a sa ang a, tin, a aram lalthutthleng chu kumkhua atân ka tinghet ang.
7:14 A pa ka ni ang a, ani chu ka fapa ani ang a: thil a tihsual chuan,mihring tiang leh mihring fate vuaknain ka thunun ang a;
7:15 nimahsela i hmaa ka sawn bo Saula hnên hngaihna chuan ani zawng a kalsan lo vang.
7:16 Tin, i chhûngkua leh iram chu chtuana tihngheh tlat a ni ang a, i lalthutthleng chu chatuana tihngheh ani ang,' a ti," tiin LALPA thu a lo thleng a.
7:17 Chung thu zawng zawng ang zel leh chu inlârna ang chiah chuan Nathana chuan Davida hnênah a sawi a.
7:18 Chutichuan lal Davida chu a lût a, LALPA hmaah chuan a thu a; "Aw LALPA Pathian, tunge maw ka nih a, ka chhûngte pawh tunge maw an nih a, heti chen chen min hruai?
7:19 Aw LALPA Pathian, chung pawh chu nanga mit hmuhah chuan thil te tham mai zawng ani ; nimahse i chhiahhlawh chhûngkaw lo awm dn tûr thu chu kum tm tak chung atân i lo sawi tawh bawk a; Aw Lalpa PATHIAN, hêngte paw hi miringte tih dan ang bawk a ni a.
7:20 Davida hian i hnênah engnge a sawi leh chuan ang? I chhiahhlawh hi i hre vek si, aw Lalpa PATHIAN,
7:21 I chhhiahhlawh hriat tûrin i thu avâng leh nangma thinlung ang zelin hêng thil ropui tak hi i ti ta a.
7:22 Chuvang chuan aw LALPA Pathian, nang chu i ropui a ni; kan benga kan hriat danin nangmah ang rêng rêng an awm lo va, nangmah lo chu Pathian rêng rêng an awm hek lo.
7:23 Aigupta ram ata leh hnam tin, leh an Pathian lak ata i tana i thlan chhuah, i mite hmaa in tan thil ropui tak leh i ram tana thil hlauhawm tak ti tûr leh ama hming ropui tak siam tûra Pathianin ama mite atâna a rawn thlan chuah, i mi Israelte ang rêng rêng hi khawvêlah hian hnam dang tunge awm?
7:24 Chutichuan i mi Israelte chu chatuana i mite an lo nih theih nan i tan i tinghet ta a; tin, LALPA, nang chu an Pathian i lo ni ta a.
7:25 Tichuan aw LALPA Pathian, i chhiahhlawh chungchang thu leh a chhûngte chungchang thu i sawi chu chatuan atân tinghet la, i sawi tawh ang khan ti ang che.
7:26 Tin, "Sipaihote LALPA chu Israelte Pathian a ni,' tiin i hming chu chatuana chawimawiin awm rawh se; tichuan i chhiahlawh Davida chhûngte i hmaah tihnehin an awm ang.
7:27 Aw, Sipaihote LALPA, Israel Pathian, i chhiahhlawh hnênah, 'chhûngkua chu ka dinsak ang che,' tiin i puang tawh si a: chuvangin i chhiahhlawh chuan he tawngtaina hi i hnênah a thlen ngam a ni.
7:28 Aw Lalpa PATHIAN, nang chu Pathian i ni a, i thu chu thu tak a ni a, tin, he thil tha hi i chhiahhlawh hnênah i tiam tawh a:
7:29 Chuvangin i chhiahlaw chhûngte chu i hmaa chatuana an awm reng teih nan malsawm ang che; Aw Lalpa PATHIAN, nang chuan i sawi tawh si a; tin, i malsawmnain i chhiahhlawh chungte chu chatuana malsawmin awm rawh se,"a ti a.
8:1 Tin, chu mi hnuah chuan heti ani a, Davida chuan Pilistia mite chu a bei a, a hneh a: tichuan Davida chuan Philistia mite thu neihna bulpui chu a chhuhsak a,
8:2 Tin, Moab mite a bei leh a, leiah a muttir a, tehna hruiin a teh a; tlar hnihchu tihhlum tûrin a teh a, tlar khat chu a tluana nunga zuh tûrin a teh a. Tichuan Moab mite chu Davida chhiah khua an lo ni ta a, hhiahte an pe thin a.
8:3 Davida chuan Luia a ram la leh tûra a kal pahin Zoba lal Rehoba fapa Hadadezera pawh a bei a.
8:4 Tichuan Davida chuan a sakawr chung chuang mi 1,700 leh sipai 20,000 a mansak a: tichuan Davida chuan tawlailir hnuk mi sakawr zawng zawng chu an tha a chhahsak a, tawlailir za hnuktu tûr erawh chu a zuah a.
8:5 Tin, Damasaka-a Suria mite Zoba lal Hadadezera chan tûra kalte chu Davidan Suria mite zinga mi 22,000 a that a.
8:6 chutichuanDavida chuan Suria rama Damaska-ah chuan sipai a da a; tichuan Suria mite hu Davida chua Suria rama Damaska-ah chuan sipai a dah a; tichuan Suria mite chu Davida chhiah khua an lo ni ta a, chiahte an pe thin a. Tin, LALPAN Davida chu a kalna apiangah a hnehtir zel a.
8:7 Tin, Davida chuan Hadadezera hote rangkachak phawte a laksak a, Jerusalemah a hawn a.
8:8 Tin, Hadadezera khua Beta atangte, Berothai atang tein Davida chuan dar tam tak a la a.
8:9 Tin, Hamath lal Toia chuan hadadezera sipai zawng zawng Davidan a hneh tih a lo hria a.
8:10 Hadadezera chu a beia a hneh avânga chibai bûk tûr leh lawmpui tûrin Toia chuan a fapa Jorama chu Davida hnênah a tir a: Dadadezera chuan Toia hi do thin a lo ni si a. Tin, Jorama chuan tangkaraw bel te, rangkachak bel te, dr bel te a rawn keng a;
8:11 chung chu ram dang a ngam zawng zawnga mi tangkarua leh rangkachak a hlante nen chuan lal Davidan LALPA hnênah a hlan bawk a:
8:12 Suria-ho ta te, Moab ho ta te, Amona thlahho ta te, Philistia ho ta te, Amlek-ho ta te, Zoba lal Rehoba fapa Hadadezer laka a râllâkte chu.
8:13 Tin, Davida chu chi Ruamah, Suria mi mi 18,000 a bei haw chu a hming a lo thang ta a.
8:14 Tin awng chu Davida chhiah khua an lo ni ta a. Tichuan LALPAN Davida chu a kalna apiangah ahnehtir zel a.
8:15 Chutichuan Davida chuan Israel mi zawng zawn chungah ro a rêl ; tin, Davida chuan a mi zawn zawngte chungah chuan fel takin ro a rêl a.
8:16 Tin, Zeruia fapa Joaba chu sipai hotu ber a ni a; tin, Ahiluda fapa Jehosaphata chu chanchin ziaktu a ni a;
8:17 tin, Ahituba fapa Zadoka leh Abiathara fapa Ahimelek chu puithiam an ni a; tin, Seraia chu ziaktu ani a;
8:18 tin, Jehoia da fapa Benaia chu Keret mi leh Pelet mite hotu ai a; tin, Davida fapate chu puithiam an ni.
9:1 Tin, Davida chuan, "Jonathana avânga khawngaihna ka tihlan theihna tûrin Saula chhûngte zinga mi awm an la awm em aw?" a ti a.
9:2 Tin, Saula chhûngte chhiahhlawh pakhat a hming Ziba a awm a, Davida hnêna kal tûrin an ko va: tin, lal chuan a hnênah, "Ziba i ni em?" a ti a. Tin, ani chuan, "Kei i chhiahlawhpa hi," a ti a.
9:3 Tin, lal chuan, "Pathian khawngaihna ka tihlan theihna tûrin Saula chhûngte zinga mi an la awm lawm ni le?" a ti a. Tin, Ziba chuan lal hnênah, "Jonathana chuan fapa pakhat a la nei a, a ke pawh a bai nghe nghe," a ti a.
9:4 Tin, lal chuan a hnênah, "Khawiah nge a awm?" a ti a. Tin, Ziba chuan lal hnênah, "Ngai teh, Lo-debar-ah Amiela fapa Makira inah a awm" a ti a.
9:5 Chutichuan lal Davida chuan mi a tir a, Lo-debar ata Amiela fapa Makira ina mi chu an va hruai a.
9:6 Tin, Saula fa Jonathan fap Mephibosetha chu Davida hnênah chuan a lo kal a, ahmaia lei siin chibai abuk a. Tin, Davida chuan, "Mephiboseth," a ti a. Ani chuan, "En teh, i chhiahlawhhi," a ti a, a chhâng a.
9:7 Tin, David chuan a hnênah, "Hlau suh, i pa Jonathana avângin ka khawngaih ngei ngei ang chia, i Pu Saula awng ka neihtir leh ng chia, ka dawhkanah chaw i kil ve fo tawh ang," a ti a.
9:8 Tin, chibai a bûk a, "Kei, ui thisawn ang mai, i chhaihhlawh hi engnge maw a nih a, i ngaihsak ni?" a ti a.
9:9 Chutichuan lal chuan Saual chhiahhlawh Ziba chu a ko va, a hnênah, "Saula thil zawng zawngte leh a chhûngte zawng zawngte thilte chu i pu fapa hi ka pe vek a ni.
9:10 Tin, a tan lei i lehsak ang a, nang leh i fapate leh i chhiahlawht nen; tin, i pu fapa chuan ei tûrte a nei teih nan i thaw chhuahte chu i rawn la ang a; i pu fapa Mephibosetha erawh hi chuan ka dawhkanah chaw i kol fo vang," a ti a. Ziba chuan fapa sâwm leh panga leh chhiahhlawh sawmhnih a nei a.
9:11 Chutichuan Ziba chuan lal hnênah, "Ka lal, ka puin a chhiahhlawh thu a pêk ang zelin i chhiahhlawh hian a ti ang," a ti a. Lal chuan, "Mephibosetha zawngin ka dawhkanah lal fapa ang bawkin chaw akil ang," a tia.
9:12 Mephibosetha chuan fapa, naupang anei a, a hming chu Mika a ni. Tin anwg chu Mephibostha chhiahhlawh an ni a.
9:13 Chutichuan Mephibosetha chu Jerusalem-ah a awm ta a; lal dawhkanah chaw a kil ve fo va; a ke khinghnih a bai a ni.
10:1 Tin, heti hi a ni a, chun ghnuah chuan Amoa thlahte lal chu a thi a, a fapa Hanuna chu a ai awhin a lal a.
10:2 Tin, Davida chuan, "A pa chuan mi lo khawngaih angin kei pawhin Nahasa fapa Hanuna chu ka khawngiah ve ang," a ti a. Chutichuan Davida chuan a pa chungchang thua thlamuan tûrin ama mite a tir a. Tin, Davia mite chu Amona thlahte rama n va thelng a.
10:3 Nimahsela Amona thlahte puipaho chuan an pu Hanuna hnênah chuan, "Davida hian i pa a zah avângin i hnênah thlamuantu a rawn tir niin i ring em ni? Davida hian amite hi khuate rawn tiche tûra thlitlai leh enthla tûrin i hnênah a rawn tira nai lawm ni?" an ti a.
10:4 Chutichuan, Hanuna chuan Davida mite chu a man a, an khabe hmul khingkhat a mehsak a, tin, an silhfente chu alai takah an mawng thleng pha chauvin a tansak a, akaltir ta a.
10:5 Tin, Davida an han hrilhc uan, a hmuak tûrin mi a tir a; anni chu an zak hle mai si a. Tin, lal chuan, "In khabe hmul a chawr ser hma chu Jeriko ah awm rih ula, chu mi hnua chuan in lo haw a ni ang chu," at ia .
10:6 Tin, Amona thlahten Davia huat zawng an lo ni ta tih an lo inhirat chuan Amona thlahte chuan Beth-rehob-a mi Suria-ho leh Zoba -a mi Suria-ho, sipai singhnih leh, lal Maaka a mi sângkhat nen, Topa mite singkaht leh sânghnih nen an chah a, an ruai a.
10:7 Tin, Davidan chu chu a hriatin Joaba leh sipai huaisen zawng zawngte a tir a.
10:8 Tin, Amona thlahte chu an lo chhuak a, khaw luhna kawngkhâr lama chuan tanhmun an siam a: tin, Zoba-a mi leh Reoba-a mi Suria hote leh Toba leh Maaka-hote erawh chu a hrangin phula an awm a.
10:9 Chutichuan an hma lam leh an hnung lamah an rawn bei dawn tih Joaban a hriatin Israel mite zinga mi atha tha thlang chhuak a, Suria mite bei tûrin thanhmun a lo siam a:
10:10 tin, mi dang zawng zawng chu aunaupa Abisaia ktuah adah vek a, Amona thlahte bei tûrin tanhmun a siam bawk a.
10:11 "Suria mite hi ka chelh dawn loh huan nangin min pi ang a; tin, nangin Amona thlahte i chelh dawn loh chuan ka rawn pi ang che.
10:12 Huai takin awm ula, kan mite le kan Pathian khaw chhanin i intipachang ang u; tin, LALPA chua ntha a tih ang zelin ti rawh se," a tia .
10:13 Chutichuan Joaba leh a hnea mite chuan Suria mite bei tûrin indona hmun lam chu an va pan hnai a; tin, a hmaah chuan an tlanchia a.
10:14 Tin, Amona thlahten Suria mite an tlânchhia tih an hriat chuan anni pawh chu Abisaia hmaa chuan a tlanche ve ta a, kuaah chuan an lût a. Tin, Joaba chuan Amona thlahte chu a kirsan a, Jerusalemah a haw ta a.
10:15 Tin, Suria miten Israelte hmaah a chan a lo chhe ta tih an lo hriat chuan an inpun khawm a.
10:16 Tin, Hadarezera sipai hotu Sobaka chuan hma a hruai a: Helam-ah an kal a.
10:17 Tin, chu chu Davida an hrilh a; tin, ani chuan Israel mi zawng zawng ako khawm a, Jordan lui an kai a, Helam-ah chuan an kal a. Tim Suria mite chuan Daivda do tûr chuan tanhmun an lo siam a, an lo bei a.
10:18 Tin, Suria mite hchu Israelte hmaa chuan an tlanche ta a; tin, Davida chuan Suria mi tawlailir zasarih chunga hchuan leh sakawr chung chuang mi singli a that a, tin, an sipai hotu Sobaka pawh a that a, chutah chuan a thi ta a.
10:19 chutichuan Hadarezera fatea awm lal zawng zawnge Israelte hmaah an chan a chhe ta tih an lo hriat chuan, Israelte nena inremna an siam a, an fateah an awm ta a. chutichuan Suria mite chuan Amona thlahte chu an pui leh ngam ta lo va.
11:1 Tin, hetih a ni a, kum a lo vei a, lalte indo tûra an chuah thin lai hun chuan, Davidan Joaba chu a tir a, amite leh Israel mi zawng zawngte nen; tin, Amona thlahte chu an tiboral a, Raba khua an hual a, Davida erawh chuJerusalem-ah a awm a.
11:2 Tin, heti hi a ni a, tlai nemah chuan a khum ata Davida chu a tho va, lal in chungah a han kal a: tin, in chung atang chuan hmeichhe pakhat inbual lai hi a han hmu a; chu hmeichhia chu hmêl tha tak a ni.
11:3 Tin, Davida chuan mi a tir a, chu hmeichhe chanchin chu a zawh fiahtir a. Tin, "eliama fanu, Bath-sebi, Hit mi Uria nupui a ni lâwm ni?" an ti a.
11:4 Tin, Davida chuan mi a tir a, an hruai ta a; tin, a hnên chu a va thleng a, a lo mutpui ta a, (a fel loh lai tak ani a), tin, a lamah a haw leh ta a.
11:5 Tichuan hmeichhia chu a lo rai ta a; tin, "nau a pai ta," tiin Davida chu a hrilhtir a.
11:6 Tin, Davida chuan Joaba hnênah, "Hit mi Uria hu ka hnêna han kaltir rawh," tiin a chah a. Tin, Joaba chuan Uria chu Davida hnêna a kaltir a.
11:7 Tin, Urian ahnên a han thlen chuan Joaba leh mite chu engne an an a, indonaahte engne an tih a zâwt a.
11:8 Tin, davia chuan Uria hnênah, "I in lamah haw la, i kete zuk sil rawh," a ti a. Chutichuan Uria chu lal in ata chu a chhuak a,tin, lal chu ei tûrtein a umzui a.
11:9 Nimahsela Uria hu a pu chhiahhlawhhote zingah lal in kawngkhâr bulah chuan a mu ta mai a, a in lamah chuan a haw ta lo va.
11:10 Tin, Davida chu, "Uria chu a in lamah a haw lo," tiin an han hrilh veleh Davidan Uria hnênah, "Khawilo ni hawng i ni lâwm ni? Engati nge i in lamah i hawn loh?" a ti a.
11:11 Tin, Uria chuan Davida hnêna, "Pathian bâwm te, Israelte leh Judate hu bukah an awm a; tin, ka pu Joaba leh ka pu mite ram lakah an inkulh a; kei ka inah ka hawngin ka eiin ka in ang a, ka nupi hnênah ka mu bik ang maw? I nunna leh i thlarau nuna chhalin ka sawi ka sawi e, chu chu ka ti lo tawp ang," a ti a.
11:12 Tin, Davida chuan Uria hnênah, "Vawiinah pawh hetah awm la, naktukah pawh i kal dawn nia," a ti a. Chutichuan Uria chu Jerusalem-ah chuan chu mi ni leh a tukah pawh chuan a awm ta a.
11:13 Tin, Davida chuan a ko va, a hmaah chuan a eiin a in a; a tirui ta der mai a; tin, tlai lamah chuan a in lamah haw lovin a pu chhiahhlawhte zingah mu tûr chuan a chhuak ta a.
11:14 Tin, heti hi a ni a, a tuk zingah chuan Davida chuan Joaba chu lehka a thawn a, Uria chu akentir a.
11:15 Tin, lehkhaah chuan, "Uria chu râl zualna lai berah hmatawntir ula, an thaha a thih hlauh nân thlahthlam rawh u," tiin a ziak a.
11:16 Tin, heti hi a ni a, Joaban khua ch a hual vêl lai chuan mi huai huai awmna nia a hriatah chuan Uria chu a tantir a.
11:17 Tin, khuaa mite chu an chhuak a, Joaba chu an bei a, mi thenkhat, Davida mite zinga mi ngei chu an thi a; tin, Hit mi Uria pawh a thi a.
11:18 Chutichuan Joaa chuan mi a tir a, indo chungchâng thu lam zawng zawng chu Davida a hrilh a;
11:19 tin, a mi tirh chu,"Lal hnêna indo chanchin zawng zawng a sawi zawh a,
11:20 a thin a ur thut mai mai a, 'Engati nge bei tûra chutianga khaw bul lawka in kal mai:? Kulh atangin an kap mai ang che u tih in hre lâwm ni?:
11:21 Jerubesetha fapa Abimeleka kha tuin nge that kha? Bu rawtsawmna lun gchungnung sawk hmeichhiain kulh atânign a chunga a zuk thlak a. Thebez-ah khan a thi a ni lâwm ni? Engati nge chutianga kulh bul lawka in kal ni?" a tih chuan, 'I chhiahhlawh Hit mi Uria paw kha a thi a sin,' ti ang che," tiin a hrilh a.
11:22 Chutichuan ami tir chu akal ta a, a va thleng a, Joaban a tirh chhan zawng zawng hu Davida a hrilh a.
11:23 Tin, a mi tirh chuan Davida hnênah, "Mite chuan min rawn nawr a, phulah min rawn bei a, tin, keininan khaw luhna kawng khar thleng rawkin kan nawr ta a.
11:24 tin, kaptute chuan kulh atangin i chhiahhlawhte chu an kap a, tichuan lal chhiahhlawh thenkhatte an thi a, tin, i chhiahhlawh Hit mi Uria pawh kha a thi asin," a ti a.
11:25 Chutichuan Davida chuan a mi tirh hnênah chuan, "Joaba hnêna chan heti hian va sawi rawh, "heng hian i rilru tilawm lo chuang suh se, khandaih chuan atuamah a thlei si lo, nasa lehzualin khua chu bei ula tiche rawh u,' tiin fuih rawh," a ti a.
11:26 Tin, Uria nupi chuan a pasal Uria a thi tih a lo hriat chuan a pasal chu a sun a.
11:27 Tin, a sun hun bi a pelh hnu chuan Davida chuan a in lamah a hruaitir a, anupiah anei ta a, fapa a hrinsak a, Nimahsela Davida thiltih chuan LALPA a tilungni lo va.
12:1 Tin, LALPA chuan Davida hnênah Nathana a tir a. Tin, a hnêna chuan a kal a, "Khaw pakhatah hian m pahni an awm a; pakhat chu mi hausa a ni a, pakhat chu m rethei ani a.
12:2 Mi hausa chuan berâm rual tam tak leh ran rual tam tak anei a:
12:3 mi rethei erawh kha chuan berâm no anu te tak te pakhat a leia, a vulh pakhat chuah lo chu engmah anei lo va: a hnêna a fate nena puitling an ni a; a thleng znepui leh a no tawmpi, a angchunga awm,a fanu ang chiaha a ngaih ani a.
12:4 Tin, mi hausa hnênah chuan khualzin pakhat hi a va thleng a; tin, a hnêna mikhual lo thleng chu a ma berâm leh ran chu talh phal lovin mi rethei berâmno chu a chhuhsak a,a hnêna lo kalpa chu a talh a," a ti a.
12:5 Tichuan Davida chu chu mi chunga chuan a thinur ta viau mai a; Nathana hnênah chuan, "LALPA nunna chhalin ka sawi e, chu thil titu tihhlum mai tlâk a nih chu;
12:6 tin, hetiang thil a tih avâng leh khawngaihna a neih loh avângin a berâm no chu a lehliin a rul tûr a ni ang," a ti a.
12:7 Chutichuan Nathana chuan Davida hnênah, "Nangmah hi i ni alawm, LALPA, Israele Pathianc huan heti hian a ti, 'Israelte lal atân hriak ka thih chia, saual kut ata ka chan chhuak chia;
12:8 tin, i pu in ro chu ka luahtir chia, i pu nupuite chu i angchungah ka dah a, tin, Israela hhungte leh Juda chungte chu ka pe chia; tin, chung chu a la tlem luattûr chuan thl dangte pawh ka pêk belh tûr che alawm.
12:9 Engati nge LALPA thu chu ngainep a, a mithmuha thil tha lo i tih mai: Hit mi Uria chu khandaihin i tihhlum a, a nupi chu i nupui atân ineihsak a, Amona thlahte khandaihin i that a.
12:10 Chuvang chuan khandaih chuan i chhûngte chu a kiansan tawp lovang; nang chuan min ngainepin Hit m Uria nupui chu i nupui atân i chhusak ta si a.
12:11 LALPA chuan heti hian a ti a ni, 'Ngai teh, nangma chhûngkaw zing atang ngeiin i chunga thil tha lo ka chhuahtir ang a, i mithmuh ngeiah inupuite chu ka laksak ang chia, i vengte ka pe ang a, chun enah inupuite an mutpui ang .
12:12 Nang chuan a rukin i ti a, kei erawh chuan Israel mite zawng zawng mithmuhah chhun enah ka ti ang," a ti a.
12:13 Tin, Davida chuan Nathana hnênah, "LALPA chungah thil ka tisual ta a ni," a ti a. Tin, nathana chuan Davida hnênah, "LALPA chungah thil ka tisual ta a ni, " a ti a. Tin, Nathana chan Davida hnêna "LALPA pawhin i sual chu a dah bo ve ta e; i tho lo vang.
12:14 Amaherawhchu he i thilti hian Pathian sawichiatna remchang tak LALPA hmêlmate tan i siam avângin naupang i laka piang chu a thi ngei ngei ang, a ti a.
12:15 Tichuan Nathana chuan a in lamah a hawnsan ta a. Tin, Uria nupuiin Davida a hrinsak chungah chuan lalpana kut a thlak a, a damlo ta hle a.
12:16 Chutichuan Davidan naupang tan chuan Pathian hnênah a ngen chiam a; tin, Davida chuan hawte a nghei a, a lût a, zankhuain leiah a mu a.
12:17 Tin, a chhûngte zinga upate chu an tho va, lei ta chu kai tho tûrin a kiangah an ding a; nimahsela tho du lo va, an hneh pawh chaw a ei hek lo.
12:18 Tin, heti hi a ni a, a ni sarih ni chuan naupang chu a thi ta a. Tin, Davida chhiahhlawhte chuan naupang chu a thi ta tih hrilh chu an hlau va, "Ngai teh, naupang a lam lai khan a hnêna thu kan sawi a, a ngaithla duh si lo va, naupang chu a thi ta tih engtin nge kan hrilh ngam ang, eng emaw tin a inti mai ange," an ti a.
12:19 Nimahsela Davida chutia achiahhlawhte inbe ruo ahmu chuan Davida chuan naupang chu a thi ta ani tiha hre ta a; tin, Davida chuan a chiahhlawhte hnênah, "Naupang chu athi ta elo?" a ti a. Tin, anni chuan, "Thi ta," an ti a.
12:20 Chutichuan Davida chu lei ata chu a tho va, a insil a, hriak a inthih a, a puante a inthlak a; tin, LALPA inah a kal a, Pathian chibai a bûk a; tin, a in lamah a kal leh a, tin, chaw a han lam a, ahmaah chuan an hlui a, a lo ei ta a.
12:21 Chutichuan chiahlawhte chuan a hnênah, "I thil tih dan hi engtizia nge ni? Naupang hu adam lai khan chaw te i nghei a, i tap a, nimahsela naupang chu a thi ta cheng a, i tho va, chaw te i ei ta zawk mai si a," an ti a.
12:22 Tin, ani chuan, "Naupang chu a la dam lai khan chaw e ka nghheiin ka tap tak a; 'Naupang chu a dam theih nân LALPA chuan min khawngaih mahna, tunge hria ang i?' ka ti a ni a.
12:23 Nimahsela tuna chuan a thi ta si a, engah nge chaw ka nghei tawh ang? Ka ko kor leh thei dawn em ni? A hnênah keimah hi ka kal ang a, nimahsela ani zawng ka hneh a lo kir leh tawh lo vang," a ti a.
12:24 Tichuan Davida chuana upui Bathsebi chu a tlamuan a, ahnêna alut a, amutpi a, tin, fapa ahring a, ahminga Solomona a sa a. Tin, ani chu lalpan ahmangiah a;
12:25 tin, zâwlnei Nathana chu a chahtir a, tin, ani chuan LALPA chawiin a hmingah chuan Jedidia a sa a.
12:26 Chutichuan Joaba chan Amona thlahte khawpui Raba a rûn a, khawpui chu a la a.
12:27 Tin, Joaba chuan Davida hnêna mi a tir a, "raba chu ka rûn a, a ni, tuite khawpi chu ka la a asin.
12:28 chutichuanmi la awm zawng zawngte chu khâwm la, khawpi chu beih tumin ep la, la rawh: keimahinkhawpui chu ka lak zawngin ka hming a pu mai dah ang e," a ti a.
12:29 Chutichuan Davida chuan mi zawng zawngte chu a khâwm a, Raba-ah chuan an kal a, an va rûn a, an la ta a.
12:30 Tin, an lal lallukhum khum lai chu a laksak a, a rih lam chu rangkachak talent bûk a ni a, lunghlute pawha tel a; tin, Davida an khumtir a. Tin, khawpuia mi râllâk sum tam tak a la a.
12:31 Tin, mipuite chu a kawi chuak a, thingzaina te, lei lehna thir zum te, thir hreipui te hmangin hna an thawtir a, lei rawh chante an siamtir a: Amona thlahte khawpi zawng zawng chu chutiang huan a ti a. Tin, Davida leh mi zawng zawng chu Jerusalem-ah an haw leh ta a.
13:1 Tin, chu mi hnuah chuan, heti hi a ni a, Davida fapa Absaloma chuan farnu hmêl tha tak a nei a, a hming chu Tamari a ni a. Tin, Davida fapa Amnona chuan ani chu a hmangaih a.
13:2 Tichuan Amnona chu afarnu Tamari avâng chuan a buai ta hle a, a dam lo ta a; ani lah chu nula thianghlim ani si a; achunga thil eng emaw han tih hu Amnona tan chuan khrih tak a ni.
13:3 Amaherawhchu Amnona chuan thian a nei a, a hming chu Jonadaba a ni a, Davida unaupa Simea fapa a ni: Jonadaba chu mi ring vervek tak a ni.
13:4 Tin, ahnênah, "Aw, nang lal fapa hi eng tizia nge a ni tela i cher telh telh chu le? Min hrilh duh dawn lâwm ni?" a ti a.Tin, Amnona chuna a hnênah, "Ka unaupa Absalima farnu tamari hi ka hmangaih miau mai a ni," a ti a.
13:5 Tin, Jonadaba huan a hnênah, "I khumah mu reng la, dam lo der la; tin, i pain a rawn en hunah he a hneah, 'Khawngaih takin ka farnu Tamari chu aka hnênah lo kal sela, chhang ei tûr mi rawn pe sela, tin, ka hmuh theihah, ka mithmuhah ngeiah ei tûr min siamsak te se, a kuta mi ngei ka lo ei ang e,' lo ti ang che," a ti a.
13:6 Chutichuan Amnona chu a mu a, a dam lo der taa: tin, lalin a va en chuan Amnona chuan lal hnênah, "Khawngaih takin ka farnu Tamari lo kal sela, ka mithmuh ngeia hian changper pahnih emaw min siam sela, ama kuta mi ngei ka lo ei ang e," a ti a.
13:7 Chutichuan Davida chuan Tamari hnênah, "I nuta Amnona in lamah kal la, ei tûr va siamsak rawh khai," tiin mi a tir a.
13:8 Chutichuan Tamari chu a nuta Amnona in lamah chuan a kal a; tin, ani chu a lo mu reng a. Tin, chhang diak a la a, a hmet a, amithmuhah chhangperchu a siam a, a ur a.
13:9 Tin, a urna chu a la a, a hmaa chuan abun a; nimahsela a ei duh lo va. Tin, Amnona chuan, "Mi zawng zawng hian mi chhuahsan vek raw se," a ti a. Tichuan an chhuahsan ta vek a.
13:10 Tin, Amnona chuan Tamari hnênah, "I kuta mi ngei ka ei theih nân ei tûr chu pindanah hian han la tawh rawh le," a ti a. Tin, Tamari chuan a chhangper siamte chu a la a, a nuta Amnona hnênah pindanah chuan a la lût a.
13:11 Eitir tûra a kiang hnaia a va kalpui chu a lo man a, a hnênah, "Ka farnu, lo mu ve teh, " a ti a.
13:12 Tin, ani chuan a chang a, "Ni lo ve a, ka nutapa, mi tilui suh, Israelte zingah hetiang thil hi tih tûr ani lo ve; he thil sual atthlak tak hi ti suh khai.
13:13 Tin, kei hian ka mualphona chu khawiahnge ka thangpui ang? Tin, nang pawh Israelte zinga mi aa ngaih i lo ni mai ang asin. Chuvnagin lal be zawk rawh khai, i mi nei chu a hnial lo vang e," a ti a.
13:14 Nimahsela a thu chu a pawm lo va, amah aiin a chak zawk si a, a tilui a, a mutpui ta a.
13:15 Chutichuan, Amnona chuan huat nament lohvin a haw leh ta si a; a huatna chu amah a hmangaih laia a hmangaihna ai maha nasain a ni a huat ni. Tichuan Amnona chuan a hnênah, "Tho la, kal daih mai rawh," a ti a.
13:16 Tin, ani chuan a hnênah, "Chuti tûr chu ni lo ve, hetianga dik lo taka mi tihchhuah hi ka chunga i tih tak ai mah khan a tha lo zawk a ni, a ti a. Nimahsela a pawm duh chuang lo va.
13:17 Chutichuan a rawngbawltu a chiahhlawh chu a ko va, "He hmeichhia hi ka hnên ata chuatir la, kawng kalh hnan tlat rawh," a ti a.
13:18 Kawrfual ze hrang hranga zia a ha a; chutiang kawrfual chu lal nula thianghlimten an ha thin a. Chutichuan a chiahhlawh chuan a hruai chhuak a, kawng a kalh hnan ta tlat a.
13:19 Tin, tamari chuan a luah vut a phul a, a kawrfual ze hrang hranga zia a hak chu a pawtthlêr a, a chhipah a kut a dah a, ring taka tap chung zelin a kal ta a.
13:20 Tin, a nuta Absaloma chuan a hnênah, "I nuta Amnona chu i hnênah a lo lut a ni maw? Nimahsela ngawi mai rawh, ka farnu, i nuta ani alawm, engto duh suh," a ti a. Chutichuan tamari chu a nuta Absaloma inah ngui takin a inkhung ta tlat mai a.
13:21 Nimahsela lal Davidan chung thil zawng zawng chu a han hriat chuan a thinrim ta hle mai a.
13:22 Tin, Absaloma chuan Amnona hnênah a chhia a tha, a engmah a sawi duh lo va; Absaloma chuan a farnu Tamari a tihluih avângin Amnona chu a haw hle a ni.
13:23 Tin, heti hi a ni a, kum hnih pumhlum a râl hnu chuan ephrai kianga Baal-hazar-ah Absaloman berâm hmul a mehtir a; tin, Absaloma chuan lal fapate zawng zawng chu a sawm a.
13:24 Tin, Absaloma chu lal hnêna a kal a, "Ngai teh, i chhiahhlawhin berâm hmuh a mehtir a; lal leh a chhiahlawhte chu i chhiahlawh hnênah hian kal ve ang hmiang," a ti a.
13:25 tin, lal chuan Absaloma hnênah, "Ni lo ve ka fapa, kan za chuan kal lo ve, kan tihautak lutuk dah ang che," a ti a. Tin, ani chuan a sawm lui chiam a, nimahsela a kal duh chuang lo va. Mal erawh chu a sawm a.
13:26 chutichuan Absaloman, "A nih loh leh ka unaupa Amnona tal kan hnênah kal ang hmiang," a ti a. Tin, lal chuan a hnênah, "Engah nge a kal bik ang?" a ti a.
13:27 Nimahsela Absaloma chuan Amnona leh lal fapate zawng awng tal chu a hnêna kal ve tûrin a ngnsak tal a.
13:28 Tin, Absaloma chuan, a chiahlawhte chu, "Ngai teh u, Amnona uain ina ahlim laiin a hnênah, "Amnona chu that rawh u,' ka tih che u chuan, that ula, hlau suh u, thu ke pe tawh che u ani lâwm ni? In tihuai ula, intipasaltha ang che u, tiin thu a pe a.
13:29 Chutichuan Absaloma chhiahhlawhte chuan Amnona chungah Absaloma thupêk ang chuan a ti a. Chutichuan lal fapate zawng zawng chu an tho va, an sabengtung chungah an chuang theu va, an tlan bo ta a.
13:30 Tin, heti hi a ni a, kawng laka an la awm laiin, "Absaloman lal fapate zawng zawng chu a that ta vek mai a. pakhat maha zuah lo," tiin Davida hnênah chanchin an a lo thleng a.
13:31 Chuchuan lal chu a tho va, a silhfente a pawtthlêr a, leiah a mu ta a; tin, a chhiahhlawh zawng zawngte chu an silhfente pawtthlêrin a kiangah an ding a.
13:32 Tin, Davida unau Simea fapa Jonadaba chuan a chhâng a, "Ka pu chuan lal fapa tlangvâl zawng zawngte hu a that vek a ni tih ring suh se; Amnona chauh ani thi ni; a farnu tamari a tihlui achin kha Absaloma chuanhetianga tih hi a tum reng a ni.
13:33 chuvangin ka pu, LALPA chuan lal fapate zawng zawng chu an thi emaw tih ringin engto suh se, Amnona chauh a ni thi ni," a ti a.
13:34 Absaloma erawh chu a tlan bo ta a. Tin, a râl vengtu tlangvâl chuan a mit a len a, a han en a, tin, ngai teh, a hnun glama tlâng panga kawngah chuan mi tam tak an lo kal a.
13:35 Tin, Jonadaba chuan lal hnênah, "Ngai teh, lal fapate chu an lo kal e, i chhiahlawhin a sawi ang chiah khaani ngei mai," a ti a.
13:36 Tin, heti hi a ni a, a sawi zawh veleh chuan ngai teh, lal fapate chu an lo thleng a, an aw chhuah meuhvin an tap a: tin, lal pawh chu a chiahlawhte nen chuan an tap ta vak vak mai a.
13:37 Absaloma erawh chu a tlan bo va, Gesur lal Amihura fpa Talmaia hnênah a kal a. Tin, Davida chuan ni tin, a fapa chu a sun a.
13:38 Chutichuan Absaloma hu a tlan bo va, Gesur ram ramah a kal a, chuta chuan kum thum a va awm a.
13:39 Tin, lal Davida chuan Absaloma hnêna kal a chak êm êm a: Amnona chungchang thuah chuan a thlamuang ta a. Ani chu a thi tawh si a.
14:1 Chutichuan Zeruia fapa Joaba chuan lal rilru chu Absaloma chungah a cheng tih a lo hria a.
14:2 TichuanJoaba chuan Tekoa khuaah mi a ti ra, chuta meiche fing pakhat chu a va hruaitir a, a hnênah, "Lusun angah insiam la, lusun puan sin la, sahriak pawh inthih lovin hmeichhia rei tak mitthi sun angin awm rawh:
14:3 tin, lal hnênah kal la a hnênah hetiang hian thu va sawi ang che aw," a ti a. Chutichuan Joaba chuan thu a fah a.
14:4 Tin, Tekoa khuaa hmeichhia chuan lal hnêna thu a sawi dawn chuan hmaiaa lei siin abawkkhup a, chibaia bûk a, "Aw lalpa, min pui rawh," a ti a.
14:5 Tin, lal chuan a hnênah, "Engtizia nge ni le?" a ti a. Tin, ani chuan a chhâng a, "Hmeithai ka ni tak tak a, ka pasal hu a thi tawh a.
14:6 Tin, i bawihnu hian fapa pahni anei a, an pahni chuan lovah an insual a, tumah thelhtu an awm si lo va, a pakhat chuan pakhat hu avua a, atihlum ta a.
14:7 Tin, ngai teh, an chhûngkua zawng zawng chuan i bawihnu hi an do rawn a,'A unaupa thattu chu a unaupa a thah avânga kan thah ve theih nân min pe raw khai, tichuanro luahtu tûr pawh kan tiboral ang,' an ti a: chutiang chuan ka meiling la awma chu an timit ang a, ka pasal chu hming nei lo leh lei chunag thlah rêng rêng nei lovin a awm mai dawn a ni," a ti a.
14:8 Tin, lal chuan hmeiche hnênah chuan, "I inah haw ta la, i chungchâng thuah chuanthu ka pe mai ang," a ti a.
14:9 Tin, Tekoa khuaa hmeichhia chuan lal hnênah chuan, "Aw lal pa, ka pu, bawhchhiatna mawh chu ka chungah leh ka pa chhûngte chungah tla mai rawh se: tin, lal leh lalthutthleng chuan mawh phur su se," a ti a.
14:10 Tin, lal chuan, "Tupawh i chungah eng emaw sawi apiang chu ka hnênah rawn hruai la, a tawk leh tawh hlek lo vang che," a ti a.
14:11 Tin, ani chuan, "Thisen chhuahtute chungah phuba latuten tiboral tawh lo tûrin lal chuan LALPA i Pathian chu hre reng rawh se aw, chutilozawng ka fapa hi an tioral dah ang e," a ti a. Tin, ani chuan, "LALPA nunna chhalin ka sawi e, i fapaa samzai khat pawh leah hiana tla lo vang," a ti a.
14:12 Chutichuan hmeichhia chuan, "I bawihnu hian LALPA ka pu hnênah thu kam khat chauh ha sawi leh teh se aw," a ti a. Tin, ani chuan, "Sawi ta che," a ti a.
14:13 Tin, hmeichhia chuan, "A nih le eng vangin nge Pathian mite dodala hetianga tih i tum? Heng thu atang hian lal chu thiam loh chang angin a lang a ni, lal chuan ami, tlan bova chu a hruai hawn si loh avângin.
14:14 Kan thi ngei ngei tûr a ni a, tin, tuisik leia baw hnu ruh theih tawh loh ang hi kan ni a: Pathianin nunna hi a la bo ani lova, tlan bova chu alaka mi hrang anih loh nân rem a ruat a ni zawk a ni.
14:15 Chutichuan lalpa ka pu hnêna he thu sawi tûra ka lo kal pawh hi mi ka hlauh vang a ni a: tin, i bawihnu chuan, lal hnênah ka sawi phawt ang a, lal chuan abawihnu dilna ch a hlawhtlintir mahna.
14:16 Lal chuan kei leh ka fapa hi Pathian roluah lo tûra tihboral tumtu laka i bawihnu hi chan chuak tûrin a lo ngaihthlâksak ang chu ka ti a.
14:17 Chutichuan i bawihnu tan hian, LALPA ka pu thu chu thlamuan tak ni sela: achhia a tha lo thlei tûrin LALPA ka pu chu Pathian vântirhkoh ang mai ani si a: tin, LALPA Pathian chu i hnênah awm rawh se ka ti a ni," a ti a.
14:18 Tin, lal chuan a chhâng a, hmeichhe hnênah chuan, "Ka zawh apiang che chu ka lakah engmah zep suh ang che aw," a ti a. Tin, hmeichhia chuan, "LALPA ka pu chuan sawi ang hmiang," a ti a.
14:19 Tin, lal chuan, "Heng thuah rêng rêng hian Joaban telna a nei em?" a ti a. Tin, hmeichhia chuan a chhâng a, "LALPA ka pu, i thlarau nunna chhlalin ka sawi e, LALPA ka puin a sawi tawh chu tumahin dinglamah emaw, vei lamah emaw an pumpelh thei lo vang a: i chhiahhlawh Joaba chuan min tir a, heng thu zawng zawng hi i bawihnu a fah vek a ni:
14:20 thil awmdan tidanglam tûrinheng thil hi i chhiahlawhJoaban chuan a tih a ni: tin, ka pu chu khawvela thil awm zawng zawng hre theiin Pathian vântirhkoh ang maiin a fing a ni," a ti a.
14:21 Tin, lal chuan Joaba hnênah, "Ngai teh, ka ti ve ta e, chuvangin kal la, tlangvâl Absaloma chu va hruai leh rawh le," a ti a.
14:22 Tin, Joaba chu hmaia lei siin a bawkkhup a, chibai abuk a, lal chu mal a sawm a: tin, Joaba chuan, "Aw LALPA ka pu, LALPA chuan a chhiahhlawh dilna chu ahlawhtlintir avângin vawiinah hian i chhiahlawh hian i mit ka tlung tih ka lo hre ta," a ti a.
14:23 chutichuan Joaba chu atho va, Gesur-ah chuan a kal a, Absaloma chu Jerusalem-aha hruai ta a.
14:24 Tin, lal chuan, "Ama in lamah kal sela, k ahmêl chu rawn hmu suh se," a ti a. Chutichuan Absoloma chu ama in lamah chuan a kal a, lal hmêl chu a hmu ta lo va.
14:25 Israel zawng zawng zinga Absoloma ang renga hmêl thata fak kai tuma an awm lo va: a ke ler atangin a chip thlengin sawiselna rêng rêng a awm lo va.
14:26 A lu a meh chuan (kum vei apiangin a met thin a, asam chu a rih em thin avângin a met thin a ni) a sam chu abuk thin a, lal bûk dana sekel hnih a tling thin a ni.
14:27 Tin, Absaloma chuan fapa pathum leh fanu pakhat a nei a, a hming chu Tamari a ni a, hmêl tha tak a ni.
14:28 Chutichuan Absaloma chu kum hnih pumhlum Jerusalem-ah a awm a, nimahsela lal hmêl rêng rêng chu ahmu lo va.
14:29 Chutichuan Absaloma chuan lal hnêna tirh atân Joaba chu a chah a; nimahsela a kal duh lo va; tin, a chah nawn leh a, nimahsela a kal duh chuang lo va.
14:30 Chutichuan a chhiahhlawhte hnênah, "I e u, Joaba lo chu ka lo kiang a ni a, barli anei a, va hal rawh u," a ti a. Tichuan Absaloma chhiahhlawhte chuan lo chu an va hal ta a.
14:31 Chutichuan Joaba chu a tho va, Absaloma hnêna a inah a kal a, a hnênah, "Engvangin nge Gesur atangin ka lo kal? Chutah chuan awm reng ila ka tan a tha zawk tûr,' tia lal hnêna tirh atân ka chah chia; chuvangin lal hmêl chu min hmuhtir rawh khai: tin, bawhchhiatna nei ka lo ni chuan min tihlum mai anghmiang," a ti a.
14:32 Chutichuan Joaba chu lal hnênah chuan a kal a, ahrilh a; tin, Absaloma chu a ko va, lal hnênah a kal a, tin, lal hmaah chuan hmaia lei siin a bawkkhup a: tin, lal chuan Absaloma chu a fawp a.
15:1 Tin, heti hi a ni a, chung thilhnuah chuan Absaloma chuan tawlailirah chuan Absaloma chuan tawlailir leh sakawrte leh mi sawmnga ahmaa tlan tûrin a buatsaih a.
15:2 Tin, Absaloma u zing takah a tho va, kulh kawng khar kawngah chuan a lo ding thin a; tin, lal hnêna thupawi rawn sawi tûr apiangte chu Absaloma chuan a lo ko va, "Khawii khua nge i nih?" a lo ti zel thin a. Tin, "I chhiahhlawh hi Israel hnamte zinga hnam pakhat ka ni," an ti zel thin a.
15:3 Tin, Absaloma chuan, "I e, i thu chu a thain a dik a; nimahsela ngaihtuahtu tûr lalin tumah a ruat lo," a lo ti thin a.
15:4 Tin, Absaloma vek chuan, "Mi tin, thupawi sawi tûr nei emaw, dil tûr nei emaw apiang chu ka hnênah an lo kalna tûrin, kei hi he mi ram rorêltuah mi siam sela ka va ti em ve aw! Chutichuan fel takin ka relsak thin tûr," te a lo ti bawk thin a.
15:5 Hetiang pawh hian a ti a, tupawh amah chibai bûk tûra han hai apiangte chu a lo ban a, a chelh a, a lo fawp thin a.
15:6 Chutichuan Israel mi lalhnêna thusawi tûra lo kal apiangte chu Absaloma chuan chutiang chuan a lo ti zel thin a. Chutichuan Absaloma chuan Israel mite thinlung chu a hipsak a.
15:7 Tin, heti hi a ni a, kum li a lo vei chuan Absaloma chuan lal hnênah, "Hebron khuaa LALPA hnêna ka thutiam hlen tûrin min kaltir rawh khai.
15:8 I chhiahlawh hian suria rama Gesur-a ka awm lai khan, "LALPAN Jerusalem-a min ruai leh phawt chuan LALPA rawng ka bawl ang,' tiin thu ka lo tiam tawa ni," a ti a.
15:9 Tin, lal huan a hnênah, "thlamuang takin kal rawh khai," a ti a. Chutichuan a tho va, Hebron-ah chuan a kal ta a.
15:10 Nimahsela Absaloma chuan, "Tawrawrawt ri in riat veleh, 'Absaloma chu Hebron-ah lal a ni,' ti ang che u," tiin Israel hnam zawng zawngte hnênah mi a tir ru ta hlau va.
15:11 Tin, Absaloma hnênah chuan a mi sawm, mi zahnih Jerusalem atangin an kal ve a, rilru tha tak puin an kal a, engmah an hre ve lo.
15:12 Tin, Absaloma chuan inthawinate chu a hlan laiin, gilon mi Ahithophela, Davida rorêlpui chu, a khua Gilo ata a chah a. An thu phiar chu a nasa hle mai a; Absaloma lamah chuan mipuite chu an pung tulh tul mai si a.
15:13 Tin, Davida hnênah chuan, "Israel mite rilru chu Absaloma lamah a thle hle mai," tiin mi a lo kal a.
15:14 Tin, Davida chuan Jerusalem-a a mi zawng zawngte hnênah chuan, "Tho ula i tlan chhuak ang u, tumah Absaloma lakah hian kan chhuak thei awm si lo va: chhuak thuai rawh u khai, chutilozawng min rawn umphak thuai mai ang a, kan chungah hian thil tha lo tak a rawn thlen ang a, khandaihin khua hi a rawn bei dah ang e," a ti a.
15:15 Tin, lal mite chuan lal hnênah, "Ngai teh, i chiahhlawhte hi kan pu, kan lalin a ruat apiang ti tûrin kan inpeih reng e," an ti a.
15:16 Tin, lal chu a chhuak a, achhûngte zawng zawngin an zui a. Tin, lal chuan in nghak tûrin hmeichhe sawm, hmeihote chu a dah a.
15:17 Tin, lal chu a chuak a,mipui zawng zawngte chuan an zui a; tin, Beth-merhak-ah an chawl rih a.
15:18 Tin, a mi zawng zawngte chuan an kal pel a; tin, Kerit mi zawng zawng te, Pelet mi zawng zawng te, mi zaruk Gath atanga mah rawn zuitute chuan lal chu an bel zel a.
15:19 Chutichuan lal chuan Git mi Itaia hnênah chuan, "Eng tizia nge nanghi i lo kal ve? Kir leh la, lal hnênah awm rawh: nang chu mikhual ram danga mi i ni bawk si a, nangma hmun lamah kir leh rawh khai.
15:20 Nimin lawka lo kal i ni a, vawiinah hian kan hnêna a chhuk a chhova min zui tûrin ka tih ve tûr che i ni em ni? Ka lal theih theihnaah ka lal dawn a ni a, nang hchu kir leh la, i unaute zawng zawng hi hruai kir rawh; khawngaihna leh thutak i hnênah awm rawh se," a ti a.
15:21 Tin, Itaia chuan lal chu a chhâng a,"LALPA nunna leh lal, ka pu nunna chhalin ka sawi e, lal, ka pu hi i awmna tawh phawtahchuan, thih leh thih ani ang a, dam leh dam ani ang a, i chhiahlawh hi a awm ve zel ang," a ti a.
15:22 Tin, Davida chuan Itaia hnênah chuan, "Kal ula, kal zel rawh u le," a ti a. Tichuan Git mi Itaia chu amite zawng zawng leh an fanau zawng zawngte nen chuan an kal a.
15:23 Tin, ring takin a ram tahin an tap a, mipuite chu an kal vek a; thlaler kawng lam panin lal pawh chuan Kidron lui chu a kan a, tin, mipui zawng zawngte chuan an kan bawk a.
15:24 Tin, Zadoka te chu Pathian thuthlun bâwm zawnin Levi-ho zawng zawngte nen a hnênah an kal ve a; Pathian bâwm chu an nghat a, mipuiin khua chu an chuahsan kim vek thlengin Abiathara chu a hanchho va.
15:25 Tin, lal chuan Zadoka hnênah, "Pathian bâwm chu khawpui chhûngah zawn haw leh rawh u: LALPA mittlunga ka awm chuan mi hruai haw leh ang a, Pathian bâwm leh a awmna chu min hmuhtir leh ang a;
15:26 amaheawhchu,'nangmahah lawmna reng ka nei lo,' a tih chuan ngai teh, heti mai hi ka ni a, thaa ti ang angin ka chungah hian ti mai rawh se," a ti a.
15:27 lal chuanpuithiamZadoka hnênah chuan, "Hmu theitu i ni lâwm ni? I fapate pahnih, i fapa Ahimaaza leh Abiathara fapa Jonathana nen thlamuang takinkhawpuiah haw leh rawh u.
15:28 Ngai teh, kei chu chanchin min rawn hriattir hma loh chu thlalera lui kaiahte hian ka lo awm ang e," a ti a.
15:29 Chutichuan Zadoka leh Abiathara chuan Pathian bâwm chu Jerusalemah an kalpui leh a; tin, chutah chuan an awm ta a.
15:30 Chutichuan Davida chu Olive tlâng chohnaah chuan a lawn cho va, chhoh pah chuan a tap zel a; a lu a khum a, ke ruain a kal a: tin, a hnêna mi awm zawng zawngte chuan lu an khum theuh va, tap chung zelin an chho va.
15:31 Tin, tuin emaw Davida chu, "Ahithophela chu Absaloma lamah tangin phiartute zingah a tel ve," tiina hrilh a. Tin, Davida chuan, "Aw LALPA, Ahithophela remruat chu atnaah chantir tûrin ka ngen a che," a ti a.
15:32 Tin, heti hi a ni a, Davida chu Pathian biakna tlâng chhip a han lawn chhua chuan, ngai teh, Ark mi Husaia chu a kawr pawhthlêr ha a, a lua lei kai luamin ama hmuak tûrin a lo kal a.
15:33 Tin, Davida chuan ahnênah, "Ka hnêna i kal ve chuan ka tan phur rit i ni mai ang a:
15:34 amaherawhchu khawpui lamah chuan i kir a, Absaloma hnêna, 'Aw lalpa, i chhiahhlawhah ka awm ang e, tun hma lama i pa chiahlawhah ka awm ang khan tunah hian i chhiahlawhah ka awm tawh thung ang e,' i va tih eraw chua Ahothophela remruat mi dalsaktu i ni zawk ang.
15:35 Chutah chuan i hnêna puithiam Zadoka leh Abiathara pawh an awm ve ani lâwm ni? Chutichuanheti hi a ni ang a, lal ina thu chhuak i hriat apiang chu puitiam Zadoka leh Abiathara i hrilh thin ang a.
15:36 Ngai teh, an fapate pahnih Zadoka fapa Ahimaaza leh Abiathara fapa Jonathana pawh an hnênah an awm kha; tin, i thil hriat apiangte chu mi hriatir tûrin anmahni chu i rawn tir thin dawn nia," a ti a.
15:37 Chutichuan, Davida thian Husaia chu khawpuiah chuan a lût a; tin, Absaloma chu Jerusalem-ah a lût ta a.
16:1 Tin, Davida chuan tlâng chip a lawn chuahnaa pel hlek hnu chuan, ngai te, Mephilbosetha chiahhlaw Ziba ua a lo muak a, sabengtung pahnih a thuam a, chhang tlâng zahnih leh grêp pho ro bawr za leh nupui thei za leh uain peng khat a phurtir a.
16:2 Tin, lal chuan Ziba eah chuan, "Heng hi engtizia nge ni?" a ti a. Tin, Ziba chuan,"Sabengtungte hi lal chhûngte chuan nân a niang a; tin, chang leh nupui theite hi tlangvâlte ei atân ani ang a, tin, uain hi chu thlalera chau apiangte in atân a ni ang," a ti a.
16:3 Tin, lal chuan, "A nih leh khawiah nge i pu fapa chu?" a ti a. Tin, Ziba chuan lal hnênah,"Ngai teh, Jerusalem-ah a awm: 'Vawiina hian Israel-hote chuan ka pa ram min le leh dawn,' a ti nghe nghe asin," a ti a.
16:4 Tin, lal chuan Ziba hnêna chuan, "Ngai teh, Mephibosetha thil neih zawng awng chu i ta vek a ni ta," a ti a. Tin, Ziba chuan,"Chibai ka bûk tak zet che a ni; aw lalpa, ka pu, i mittlun zel ka tum ang e," a ti a.
16:5 Tin, lal Davidan Bahurim a thlen chuan ngai teh, Saula chhûngte zinga mi Gera fapa a hming Simeia a lo chhuak a: anche lawnh chung zelin a lo chhuak a.
16:6 Davida chu lungin a deng a, lal Davida chhiahhlawh zawng zawngte pawh: tinmipui zawng zawng leh sipai huaisen zawng zawngte chu a ding lamah leh a vei lamah an awm a.
16:7 Tin, Simeian ânchhe lawh chungin heti hian a ti a, "Kal bo daih rawn, kal bo daih rawh, nang thisen chhuah hmang leh Beliala mihringpa:
16:8 a rorêl ai i rêl tak Saula chhûngte thisenc hu lalpan i chungah a rawn lettir ta a; tin, LALPA chuan a ram chu i fapa Absaloma a lo pe tawh a; tin, ngai teh, thisen chauh hmang mi i nih avângin nangmaha pawi i inkhawih chawp a ni," a ti a.
16:9 Chutichuan Zeruia fapa Abisaia chuan lal hnênah, "Engati nge he ui thisawn hian lalpa ka pu chu ânchhia a lawh mai mai? A lu ka va tan teh mai ang aw?" a ti a.
16:10 Tin, lal chuan, " nangni Zeruia fapate u, nangni hian mi lo hriatsak tûr engnge awm? Lalpana hnêna, 'Davida ânchhia lawh rawh,' a tih si chuan lawh mai ang hmiang, 'Engati nge chutiang i tih?' Tuin nge ti tehlul ang?" a ti a.
16:11 Tin, Davida chuan Abisaia leh a chhiahhlawh zawng zawngte hnênah chuan, "Ngai teh u, ka fapa, ka rila rah ngei chuan min thah a tum a ni a; he Benjamin mi hian a va tum nasa lehzual dawn em? Engmah tih su ula, ânchhia chu lawh mai rawh se; LALPA tihtir ani sia.
16:12 LALPA chuan ka hreawmzia hi a rawn hmu ang a, LALPA chuan vawiina ânchhe min lawh hi a tha laminmin rul leh mai pawh ani thei e," a ti a.
16:13 Chutichuan Davida leh amite chu kawngah chuan an kal ta zel a: tin, Simeia chu a n râl tlâng pangah chuan a kal zel a, a kal pah chuan ânchhia a lawh zel a, lungtein a deng a, vaivuttein a theh a.
16:14 Tin, lal leh a hnêna mi awm zawng zawngte chuan Aiphim an thleng a; tichuan chutah chuan a chawl hahdam a.
16:15 Tin, Absaloma lehmipui zawng zawng Israel mite chu Jerusalem-ah an kal a, tin, a hnênah Ahothophela pawha tel a.
16:16 Tin, heti hi a ni a, Ark mi Husaia, Davida thian chuan Absaloma hnên a thlenin Husaia chuan Absaloma hnênah, "Pathianin lalber humhim raw se, Pathianin lalber humhim rawh se," a ti a.
16:17 Tin, Absaloma chuan Husaia hnênah, "Hetiang hi ani maw i thian i khawngaihna dan chu? Engati nge i thian hnêna i kal loh?" a ti a.
16:18 Tin, Husaia chuan Absaloma hnênah, "Ka kal lo vang; LALPA leh heng mipuite leh Israel mi zawng zawngin an thlana thu thuin ka awm ang a, a hnênah ka awm zawk ang.
16:19 Tin, tu rawng nge ka bawl ang? A fapa hmaah rawng ka bawl tûr ani lâwm ni? I pa hmaa rawng ka bawl ang khani i hmaah ka bawl ang," a ti a.
16:20 Chutichuan Absaloma chuan Aothophela hnênah, "Engtin nge ka tih ang i ngaih dan sawi the khai," a ti a.
16:21 Tin, Ahithophela chuan Absaloma hnênah, "I pa hmei, in nghâka a dahte hnênah va lût rawh; tin, Israel mi zawng zawngin i pain a lungten che tih an lo hria ang a; tichuan i lama tangte zawng zawng kut a chak dawn nia," a ti a.
16:22 Chutichuanin chungah Absaloma tan puan in an zar a; tichuanIsrael mite zawng zawng mithmuhah a pa hmeite hnênah chuan a lût a.
16:23 Chung laia rem a ruat, Ahithophela remruatte chu, Pathian thu ngaih anga ngaih a ni thin a: chutiang bawk chuan Ahothophelan Davida leh Absaloma rem a ruatpui zawng zawngte chu ngaih a ni thin.
17:1 Tin, chung lo pawh chu Absaloma hnênah Ahithophela chuan, "Mi singkhat leh sânghnih ka thlang chuak ang a, tin, zaninah ian Davida umin ka thawk ang e:
17:2 a chau lai leh a chak loh lai tak ka va nangching ang a, ka va tihlau ang e: tichuan a hnêna mi awm zawng zawng chu an tlan bo ang a, tichuan lal chauh chu ka va that mai ang e:
17:3 tin, mipuite chu i hnênah ka rawn hruai kir vek ang: i mi zawna chu mi zawng zawng lo kir tluk a ni, chutichuanmi zawng awng inremin an awm ang," a ti a.
17:4 Tichuan chu mi thu chuan Absaloma leh Israel upaho zawng zawngte chu a tilawm ta hle a.
17:5 Chutichuan Absaloma chuan, "Ark mi Husaia chu ko ve phawt ula, a sawi ve dan i lo ngaithla teh ang u," a ti a.
17:6 Tin, Husaian Absaloma hnên a lo thlen chuan Absaloma chuan, "Ahithophela chuan hetiang hian a sawi a, a sawi ang hian kan ti daw em ni ang? Ti dawn lo ila nangin han sawi ve teh khai," tiin a lo bia a.
17:7 Tin, Husaia chuan Absaloma hnênah, "Tun tuma Ahitophela remruat hi a tha lo a ni," a ti a.
17:8 Tin, Husaia chuan, "I pa leh a mite chu i ria a, sipai huai ta, mi kawlhsen tak, phula savawm, a no lâksak ang mai an ni a: tin, i pa chu indo mi a ni a, mipui zingah a riak kher lo vang.
17:9 Ngai teh, tunah pawh khawii lai khuarkhurumah emaw, kawii hmunah emaw a biru reng a ni ang: tin, heti hi a ni ang a, an inbeih tirhah mi thenkhat an tlûk nual chuan a hria apiangin, 'Absaloma zuitute chu an that chiam mai,' an ti mai ang a.
17:10 Tichuan mi huaisen tak, sakeibaknei rilru ang pu mi meu pawh a lo zam hle mai ang a; Israel mi zawng zawng lah chuan i pa chu sipai huai tak anih leh a hnêna mi awmte chu mi huaisen tak tak an ih an hre vek si a.
17:11 Keia remruat ve dan chu, Israel mite zawng zawng chu Dan atangin Beer-seba thleng rawkin tuifinriata tiau zat zetin i hnênah ko khâwm vek ila, tin, indonaah chuan nangmah meuh kal ve la.
17:12 Chutichuan khawii hmunah pawh kan tawn fuhna apiangah leia dai tla ang maiin kan bawh ang a; tin, amah leh a hnêna mi awm zawng zawngte chu pakhat mah kan zuah lovang.
17:13 Chu lovah pawh,khuaah a luh chuan Israel mi zawng zawng, hruizen kengin chu mi khuaah chuan kan va kal ang a, lung te tak te pawh awm hauh lo khawpinluiah kan hnuk thla vek ang," a ti leh nghal bawk a.
17:14 Tichuan Absaloma leh Israel mi zawng zawngte chuan, "Ark mi Husaia remruat chu Ahithophela remruat ai chuan a tha zawk," an ti ta a. LALPA chuan Absaloma chungah chuan thil tha lo a thlentir theih nân LALPA chuan Ahithophela remruat tha tak chu letthla tûrin a lo ruat tawh reng a ni.
17:15 Chutichuan Husaia chuan puithiam Zadoka leh Abiathara hnênah, "Chutiang khatiang chuan Ahithopela chuan Absaloma leh Israel upate rem a ruatsak a; tin, keiin chutiang khatiang chuan rem ka ruat a.
17:16 Chuvangin, 'Zanin chu thlalera lui kaiahte riak tawh lovin kân ngei ngei rawh; chutilo chuan lal leh a hnêna awm zawng zawngte chu an tiboral vek dah ang e,' tiin Davida hrilhtir thuai raw u khai," a ti a.
17:17 Jonathana leh Ahimaaza chu En-rogel-ah an awm a; bawihnu pakhat hian anni chu a va hrilh thin a; tin, anni chuan lal Davida chu an va rilh leh chhawng thin a: khawpuia an lût chu tuma hmu loh tûr a ni a.
17:18 Nimahsela naupangina lo hmu a, Absaloma a hrilh a; tichuan an pahnihin an tlan bo ta thuai a, Bahurim-a mi pakhat a tuala tuichhunchhuah nei inah an va kal a, tuichhunchhuahah chuan an lût ta a.
17:19 Tin, hmeichhiain tuichhunchhuah chhinnain a chhin a, a chungah chuan bu a pho va, tuma hriat theih a ni lo.
17:20 Tin, Absaloma chhiahhlawhte hu ina hmeiche hnêna chuan an va kal a; "Ahimaaza leh Jonathana te kha khawiah nge?" an ti a. Tin, hmeichhia chuan an hnênah, "Lui an kan tawh ang," a lo ti a. Tin, an va zawng a, an hmu lo va, Jerusalem-ah an kir leh ta a.
17:21 Tin, heti hi a ni a, an kal liam hnu chuan tuichunchhuah ata chu an lo chhuak a, lal Davida chu an va hrilh a; Davida hnênah chuan, "Chhuak ula,lui chu kan thuai rawh u; hetiang hian Ahithophela chuan a phiar che u a ni," an ti a.
17:22 Chutichuan Davida leh a hnêna mi awm zawng zawng chu an chuak a, Jrodan lui an kan a; khua a lo var chuan pakhat mah Jordan lui kan lo an awm lo.
17:23 Tin, Ahithophelan a remruat ang chu an zawm lo tih ahriatin a sabengtung chu a thuam a, a chuak a, a khaw lama a haw a, a chhûngte khawsan dan tûr a ruatsak diam a, a inawkhlum ta a; tichuan, a thi a, a pa thlanah an phûm ta a.
17:24 Chutichuan Davida chuan Mahanaim a va thleng a. Tin, Absaloma chuan a hnêna Israel mi zawng zawngte nen Jordan lui an kân a.
17:25 Tin, Absaloma chuan Joaba aiah Amasa chu sipaite hotuah a dah a. Amasa chu, mi pakhat a hming Ithra, Israel mi Joaba nu Zeruii laizawn Nahasi fanu Abigaili pâwltu fapa a ni a.
17:26 Tin, Israel mite leh Absaloma chuan Gilead ramah tanhmun an va khuar a.
17:27 Tin, heti hi a ni a, Davidan Mahanaim athle chuan Amona thlah Raba khuaa mi Nahasi fapa Sobia te, Lodebar khuaa mi Amiela fapa Makira te, Regelim khuaaGilead mi Barzilaia te chuan,
17:28 "Mipuite chu thlalerah chuan an riltamin an chauvin, an tuihal taw êm êm a ni," an tih avânga khum te, maihûn te, hlum bel te, buh te, barli te, chhangphut te, vai te, be te, dailuah te, be kan ro te, khawizu te, bawnghnute khal te, berâm leh bawnghnute khal ui e, Davida leh a hnêna mi awmte ei tûrin an rawn keng a.
18:1 Tin, Davida chuan a hnêna mi awmte chu a chhiar a, sipai sâng chunga hotute, za chunga hotute a siam a.
18:2 Tin, Davida chuan mite chu a tir chhuak a, hmun thuma thena hmun khat chu Joaban a ho va, tin, hmun thuma thena hmun khat chu Joaba unaupa Zeruia fapa, Abisaian a ho va, tin, hmun thuma thena hmun khat chu Git mi Itaian aho va. Tin, lal chuan mipui hnênah, "Keima ngei pawh in hnêna ka kal ve ngei ngei ang," a ti a.
18:3 Nimahsela mipuite chuan, "Kal ve lo ve; keiniho hi chu tlan bo ta pawh ni ila, pawi an ti lo vang a; tin, a chanve lai pawh hi va thi mah ila, pawi an ti hek lo vang: nang chu keiniho sing tlukin i hlu si a; chuvangin khawpui atanga min tanpui tûra inpeih renga i lo awm chu a tha zawk a ni," an ti a.
18:4 Tin, lal chuan an hnênah, "Tha in tih ang apiang chuan ka ti ang," a ti a. Chutichuan lal chu kulh kawngka bulah chuan a ding a, tin, mipui zawng zawng chu za tel tel leh sâng tel telin an chuak ta zut zut mai a.
18:5 Tin, lal chuan Joaba leh Abisaia leh Itaia chu, "Keimah vangin, tlangvâl Absaloma chu dim takin va ti ang che u," tiin thu a pe a. Mipui zawng zawngin Absaloma chungchâng thua lalin sipai hotute zawng zawng thu apek lai chu an hria a.
18:6 Chutichuan mipuite chu Israel mite do tûrin indona hmun lamah chuan an kal ta a: tin, an indona chu ephraim ram ngaw a ni a.
18:7 Tin, chutah chuan Davida mite hmaah chuan Israel mite chu an tlâwm ta a. tin, chuta chuan chu mi ni chuan mi singhni zet an that a.
18:8 An indona chuan chu mi lai ram zawng zawng chu a huam vek mai si a; chu mi ni chuan khandaih ai mahin ram ngawin a lem hnem zawk a ni.
18:9 Tin, Absaloma chuan Davida mite chu a va tawk ta thut a. Tin, Absaloma chu a sabengtung chunga a chuang a, tin, sabengtung chu sasaw thing zâr bûk tak hnuaiah a lût a, a lu chu sasaw thingah chuan a tang ta a, lei si lo, van si lovin a uai ta reng mai a; tin sabengtung chu a tlan ta zel a.
18:10 Tin, tuin emaw hian a hmu a, Joaba a hrilh a, "Ngai teh, sasaw thingah Absaloma inkhai reng ka hmu," a ti a.
18:11 Tin, Joaba chuan a hrilhtu hnênah chuan, "Ngai teh, chu chu i hmu si a, engati nge i tihhluma leiah i tihthlak nghal loh? Chutiang chuan ti la chu tangka sâwm leh kawnghren ka pe tûr che a," a ti a.
18:12 Tin, mi chuan Joaba hnênah, "Tangka sâng pawh hmu dawn mah ila, lal fapa chunga ka kut ka thlak lo rêng rêng ang; ka beng riat ngeiah lalin nang leh Abisaia leh Itaia hnênah, 'tlangvâl Absaloma chu tumahin khawih hlek suh se,' tiin thu ape si che u a.
18:13 Rinawm loh thlak takin lo that ta ringawt mai ang ila, (lal lakah chuan engmah thup theih ani awm si lo va) nân gchu i inthiarfihlim leh mai awm si a," a ti a.
18:14 Chutichuan Joaba chuan, "Hetiang chuan i kianga ka awm reng thei tawp lo mai," a ti a, fei pathum a keng a, sasaw thing zinga dama lo la awm Absaloma thinhnun takah chuan a chhun a.
18:15 Tin, Joaba râlthuam kengtu talngval sawm chuan an rawn hual a, Absaloma chu an chhun a, an that ta a.
18:16 Tin, Joaba chuan tawtawrâwt a ham a, Israel ho umtu mipuite chu an lo kir ta a: Joaba chuan mipuite chu a dang ta tlat mai a.
18:17 Tin, Absaloma ruang chu a la a, ngawah khuarkhuruk thuk takah chuan an paih a, a chungah chuan lung an tiang khâwm thur a; tin, Israel mi zawng zawngte chu mahni puan in teuvah an tlan haw ta a.
18:18 Absaloma chuan a dam laiin lal ruama lung tian alo tiang tawh diam a; "Ka hming daih lohna tûrin fapa pawh ka nei si lo va," a ti a. Chu mi lung tian hmingah chuan ama hming a puttir a; tun thlengin Absaloma hriatrengna tih a ni.
18:19 Chutichuan Zadoka fapa Ahimaaza chuan, "Ka va tlan ang a, lalpan a hmêlma phuba a laksak dan chanchin hi lal chu ka va hrilh ang e," a ti a.
18:20 Tin, Joaba chuan a hnênah, "Vawiinah zawng chanchin chu va la hrilh suh, ni dangah chanchin chu la hrilh zawk ang che, lal fapa chu a thih atak avângi, vawiinah zawng chanchin engmah va hrilh suh ang che," a ti a.
18:21 Tichuan Joaba chuan Kus mi hnênah chuan, "Kal la, i thil hmuh ve hrilh rawh le," a ti a. Tin, Kus mi chuan Joaba chu kunin chibai a bûk a tlan ta a.
18:22 Chutichuan Zadoka fapa Ahimaaza chuan Joaba hnênah,"Engpawh ni sela, Kus mi kha ka va um ta'ng e," a ti leh a. Tin, Joaba chuan, "Ka fapa, chanchin hrilh man i hmu dawn si lo va, engah nge i tlan ang?" a ti a.
18:23 Nimahsela ani chuan, "Engpawh ni sela ka tlana ng e," a ti a. Tin, ani chuan a hnênah, "Tlan mai rawh le," a ti a. Chutichuan Ahimaaza chu phaizawl lam kawngah a tlan a, Kus mi chu a lehpel a.
18:24 Tichuan Davida chu kulh kawngka chhawng inkarah chuan a lo thu a: tin, ralvengtu chu kulh kawngka pawnta zawk chung lamah chuan a chho va, a han hawi vêl ruai ruai a, tin, ngai teh, mi pakhat ama chauvin a lo tlan a.
18:25 Tin, vralvengtu chu a au va, lal chu a hrilh a. Tin, lal chuan, "Mi pakhat mai ani h chuan chanchin rawn sawi tûr a nei a ni ang," a ti a. Tin, a lo kal thuai thuai a, a lo hnai ta telh telh a.
18:26 Tin, ralvengtu chuan mi dang lo tlan a hmu leh a: tin, ralvengtu chuan kawngkar vengtu a au va, "Ngai teh, mi dang amah chauhvin a lo tlan leh e," a tia . Tin, lal chuan, "Ani pawh chuan chanchin a rawn thlen ve dawn a nih chu," a ti a.
18:27 Tin, ralvengtu chuan, "A hmasa zawka tlan danc hu Zadoka fapa Ahmiaaza tlan dan ng hlein ka hria," at ia . Tin, lal chuan, "Ani chu mi tha tak a ni a, chanchin tha a rawn thlen dawn ani ang," a ti a.
18:28 Tin, Ahimaaza chuan a au va, lal hnênah, "A fel vek e," a ti a. Tin, a maia lei siin lal hmaah chuan chibai bûkin a kun a,"Lalpa, ka pu beih tuma kut thlak tumtute dangchattu LALPA i Pathian chu fakin awm rawh se," a ti a.
18:29 Tin, lal chuan, "tlangvâl Absaloma chu a dam alawm maw?" a ti a. Tin, Ahimaaza chuan a chhâng a, "Joaban lal chhiahlawh, kei i chiahlawh ngei hi min tirh chhuah laiin an buai mur mur ka hmu a, nimahsela engnge ni tih erawh chu ka hre lo," a ti a.
18:30 Tin, lal chuan, "Ka sirah hian lo ding rih rawh," a ti a. Tin, a sirah a lo ding a.
18:31 Tin, ngai teh, Kus mi chu a lo thleng a; tin, "Kus mi chuan, "Lalpa ka pu tan chanchin ka rawn thlen e' i chunga helho zawng zawng phuba chu vawiinah hian LALPAN a laksak ta che a ni," a ti a.
18:32 Tin, lal chuan Kus mi hnênah chuan, "tlangvâl Absaloma chu a dam a lâwm maw? a ti a. Tin, Kus mi chuan a chhâng a, "Lalpa ka pu hmêlmate leh i chiatna zawngtute zawng zawng chu chu tlangvâl ang chuan awm vek rawh se," a ti a.
18:33 Chutichuan lal chu a mangang ta hle mai a, kulh kawngka chunga pindanah chuan a chho va, a tap a: tin, a chhoh pah chuan, "Aw, ka fapa Absalom, ka fapa, ka fapa Absalom, i aiah han thi teh zawk ila aw, aw Absalom, ka fapa, ka fapa!" a ti a.
19:1 Chutichuan Joaba chu an hrilh a, "Ngai teh, lal chuan Absaloma chu a tah a, a sun e a," an ti a.
19:2 Tichuan chu mi nia an hnêhna chu mi zawng zawng tan sunna a lo ni ta zawk a: "Lal chu a fapa avâng chuan a lungngai êm êm mai," an tih chu chu mi ni chuan mipite chuan an lo hre ta si a.
19:3 Tin, mipuite chu indonaa mi an tlan bo an za avânga a ruka an kal bo angin chu mi ni chuan a rukin khawpuiah an lût a.
19:4 Tin, lal chuan a hmai ahup a, "Aw ka fapa Absalom, aw Absalom, ka fapa, ka fapa!" tiin lal chu a tap hawm hawm a.
19:5 Tin, Joaba chu inah lal hnênah chuan a lût a, "I nunna te, i fapate leh i fanute nunna leh i nupuite leh i hmeite nunna chanhimtute chu vawiinah hian zak takin i siam tak hi;
19:6 nangmah hawtute ch i hmangaih a,nangma hmangiahtute i huat tlat maiah hian. Hotute leh sipaite chu i tan engmah ni lo angin vawiinah hian i tilang ta a: Absaloma chu dam sela, keini zawng zawng hi vawiinah hian thi ta vek zawk ni ila, chu chu i lawmzawng tak ni awmin vawiinah ka hria a ni.
19:7 Chuvangin tho la, chhuak mai rawh, i mite tilungawizawng takin thu sawi rawh: i chauh loh chuan LALPA chalin chia ka cham a ni, mi pakhat mah zaninah hian i hnênah awm an awm lo vang: tin, chu chu i tan i tleirawl ata tun thlenga i chunga thil tha lo lo tleng zawng zawng ai mahin a tha lo zawk ang," a ti a.
19:8 Chutichuan lal chu a tho va, kulh kawngkaah chuan a thu a, "Ngai teh u, lalc hu kulh kawngkaah chuan a thu e," tiin mipui zawng zawng chu an hrilh a: tin, mipui zawng zawng chu lal hmaah chuan an va kal ta a. Israel-ho erawh chu mahni puan in theuhvah an tlan haw ta a.
19:9 "Lal chuan kan hmêlmate kut ata min chan chhuak a, Philistia mite kut ata min chhandam ta a; tin, tuna hian he ram atang hian Absaloma chua tlan chuahsan a.
19:10 Tin, Absaloma kan lal atâna hriak kan tiha chu indonaa a thi ta si a. engati nge ll chu kamkat maha koh kir zai in rêl loh?" tiin Israel mite zawng zawng chu an inhnial ta mur mur mai a.
19:11 Chutichuan lal Davida chuan puithiam Zadoka leh Abiathara hnênah chuan, "Juda upate hnênah chuan, "Engati nge lal chu a in lamah hruai kir thuah a zawiawi berah i tan? Israel miten lal hruai kir thu an sawi chu lal hnên a thleng tawh si a.
19:12 Ka unaute inni a, ka thisen zawmpui in ni si a, Engati nge ni a zawiawi bera in tan chu ni ngai le? Tiin sawi rawh u.
19:13 Tin, Amasa hnênah, 'Ka thisen zawmpui i ni lâwm ni? Joaba aiah ka hmaa sipaite hotua ka siam lova ka siam loh che chuan, Pathianina tih tihin min ti mai sela, chu aia nasa pawhin,' a ti e, va ti rawh u," tiin mi a tir a.
19:14 Chutichuan Juda mite zawng zawng rilru chu mi pakhat rilru ang maiina tithle ta dual a; tichuan lal hnênah, "I mite zawng zawng nen khan lo haw leh rawh u," ti tûrin mi an tir a.
19:15 Chutichuan lal chu a haw leh a, Jordan a va thleng a. tin, Judate chu lal lo hmuak a, lal chu Jordan-a lo hruai kai tûrin Gilgal-ah an kal a.
19:16 Tin, Bahurim khuaa mi Benjamin mi Gera fapa Simeia chu hmanhmawh takin lal Davida hmuak tûrin Juda-hote rualin a chuk ve a.
19:17 Tin, a hnênah Benjamin mi sâng nen, Saula chhûngte chhiahlawh Ziba, a fapa sâwm leh panga leh a chiahlawh sawmhnih nen an tel ve a; tin, lal mithmuhah chuan Jordan an kan hmawk hmawk a.
19:18 Tin, lal chhûngte hruai kai nân leh tha a ti ang apianga a tih atân lawng an kal kaipui a. Tin, Jordan lui a han kai chuan Gera fapa Simeia chu lal hmaa chuan a bawkkhup a.
19:19 Tin, lal hnênah chuan, "Ka pu chuan khawlohna neiah mi ruat lo hram sela, LALPA ka puin Jerusalem a chuahsan nia i chhiahhlawhin dik lo taka a lo tih takte chu hre reng hek suh sela, lal chuan rilruah pai su se.
19:20 I chhiahlawh hian thil ka tisual tih ka inhria a; chuvangin ngai teh, Josefa chhûng zawng zawngte zinga ka pu LALPA chu hmuak tûra vawiinah hian a lo chhuk hmasa bera ka ni nghe nghe asin," a ti a.
19:21 Nimahsela Zeruia fapa Abisaia chuan a chang a, "LALPA hriak thiha chu ânchhia a lawh avângin Simeia hi tihhlum tûr ani dawn lâwm ni?" a ti a.
19:22 Tin, Davida chuan, "Nangni Zeruia fapate u, nangni hian mi lo hriatsak tûr engnge awm? Vawiina hian mi dotute in ni lawmni? Vawiinah hian Israel zinga mi rêng rêng tihhlum tûr em ni? Vawiinah hian Israel mite chungah lal ka ni hi ka hre lo vem ni?" a ti a.
19:23 Tin lal chuan Simeia hnênah chuan, "I thi tawp lo vang," a ti a. Lal chuan a hnênah chhia a chham a.
19:24 Tin, Saula fapa Mephibosetha chu lal hmuak tûrin a lo chhuak a; lala kal chhuah ni atanga ralmuanga a lo haw leh ni thleng chuan a kete chu a chei lo va, a khabe hmul a chep rual lo va, a puante pawh a su hek lo.
19:25 Tin, heti hi a ni a, lal hmuak tûra Jerusalem-a a kal chu lalin a hnênah, "Mephiboseth, engati nge ka hnênah i kal ve loh?" a ti a.
19:26 Tin, ani chuan a chang a, "Aw lalpa, ka pu, ka chiahlawhin min bum a ni: i chhiahlawh chuan, 'Lal hnêna kal tûra ka chuan nân sabengtung ka thuam ang e,' ka ti a; i chiahhlawh hi a ke a bai si a.
19:27 Tin, lalpa ka pu hnênah chuan i chiahhlawh hi ahek a; nimahsela lalpa ka pu chu Pathian vantirhko ang a ni a: chuvangin tha i tih ang angin ti ang che.
19:28 Ka pa chhûngte zawng zawng chu lalpa ka pu maa chuan tihhlum vek awm an ni ngei a; mahse i chhiahlawh hi i chaw kilpuite zinga i teltir a. Chuvangin lal hnêna hian thil dang phut ngam awm ka la ni cheu vem ni?" a ti a.
19:29 Tin, lal chuan a hnênah, "I chungchâng thu hi engah nge i sawi leh thin? 'Nang leh Ziba chuan ram chu insem rawh u,' ka ti e," a ti a.
19:30 Tin, Mephibosetha chuan lal hnênah, "E, amahin nei vek rawh se, lalpa ka pu chu ama inah ralmuangin a lo thleng ta si a," a ti a.
19:31 Tin, Gilea mi Barzilaia chu Rogelam atangin a lo chhuk a; lal chu Jordan-a hruai kai tûrin a hnêna Jordan a ai ve a.
19:32 Barzilaia chu upa tak a ni a, kum sâwmriat mi zeta ni a, Mahanaim-a lal awm chung khan ei tûrte a lo tum a; mi neinung taka ni a.
19:33 Tin, lal chuan Barzilaia hnêna chua, "Ka hnênah kai ve la, ka hnêna Jerusalem-ah ka chawm ang che," a ti a.
19:34 Tin, Barzilaia chuan lal hnênah, "Eng chen la dam tûr nge ka nih a, Jerusalema lal hnêna ka han choh vena tûr chu?
19:35 Tunah hian kum sâwmriat ka ni a; a chhia leha tha pawh thlei thei em ka nih? I chhiahlawh hian ka thil ei leh inte hi a tui leh tui loh pawh ka hre thei tawh em ni? Mipa leh hmeichheho hla sak ri pawh ka hre thei tawh em ni? Chuvangin i chiahhlawh hi eng atân nge lalpa ka pu tan phurrit ka ni mai ang?
19:36 I chhiahlawhhian lal hnênah Jordan kai ve chauh ka tum a ni; engah nge lal chuan chutianga that man min rulh ve thung kher ang?
19:37 Khawngaih takin, i chiahlawh hi min hawntir leh mai la, ka nu leh ka pa thlan awmna keimahni khua ngeiah ka thi ang e. Amaherawhchu en teh, i chhiahhlawh Chimhama hi; lalpa ka pu hnênah kaisela, a chunga tha i tih ang apiangin ti ang che," a ti a.
19:38 Tin, lal chuan a chang a, "Chimhama chu ka hnênah a kai ve ang a, tha i tih ang zelin a chungah ka ti ang: tin, thil engpawh mi dil apiang chu ka tihsak zel ang che," a ti a.
19:39 Tinmipui zawng zawngte chu Jordan râl an kai a, tin, lal pawh chu a kai ve a: tin, lal chuan Barzilaia chu a fawp a, mal a sawm a; tin, ama hmun lamah a haw leh ta a.
19:40 Chutichuan lal chu Gilgal-ah a kai a, Chimhama chu a hnênah chan a kai ve a: tin, Juda mi zawng zawng chuan lal chu an hruai kai a, Israel mi paw a chanve an tel a.
19:41 Tin, ngai teh, Israel mi zawng zawng chu lal hnênah an lo kal a, lal hnênah chuan, "Engati nge kan unau Juda mite hian an chan bik chia, lal le a chhûngte leh Davida mi zawng zawngte paw Jrodan rala an hruai tel vek mai?" an ti a.
19:42 Tin, Juda mi zawng zawngte chuan Israel mite chu an chang a, "Lal chu kan lamhnai a nih avâng a ni: engati nge he mi thuah hian in thinrim mai? Lal neih ringa awm em kan nih tehlul? Thil pek eng emaw e pawh min nei em ni?" an ti a.
19:43 Tin, Israel mite chuan Juda mite chu an chang a, "lalah hian chan zawm kan nei a, Davida-ah chuan nangni aiin chhût theih zawk kan ni asin; engati nge min ngaihnep mai, lal hruai kir thu hi rawt hmasatu kan ni lâwm ni kha?" an ti a.Chutichuan Juda mite thu chu Israel mite thu ai chuan a rum a zâwk a.
20:1 Tin, chutah chuan Benjamin mi, Bikria fapa a hming Seba, Beliala mi pakhat a lo awm hlau mai mai a: tawtawrâwt a ham a, "Davida-ah hian chanvo kanei lo va, Jesaia fapaah hian roluah tûr ka nei hek lo: aw Israel mite u, in puan in lam theuhvah haw rawh u," a ti a.
20:2 Chutichan Israel mi zawng zawngin Davida an zui chu an let chhohsan a, Bikria fapa Seba chu an zui ta a; Juda mite eraw chuan Jordan atangin Jerusalem thlengin an lal chu an vuan ta tlat a.
20:3 Chutichuan Davida chuan Jerusalem a a in chu a thleng a; tin, lal chuan hmeiche sawm a hmeite in nghâk atâna a dahte chu a hruai a, a khung a, an ei tûr a tum a, nimahsela anhnênah a lût lo va. Tichuan an thih ni thlenga khunga awmin hmeithaiin an awm ta a.
20:4 Chutichuan lal chuan Amasa hnênah, "Ni thum chhûngin Juda mite min koh khawmsak la, tin, nang pawh lo awm ve ang che," a ti a.
20:5 Chutichuan Amasa chu Juda mite ko khâwm tûrin a kal ta a; amaherawhchu a hun ruatsak aiin a va thang rei ta a.
20:6 Tichuan Davidan Aisaia hnênah chuan, "Bikria fapa Seba hian Absaloma ai mahin kan pawi a khawih dawn alawm le: i pu mite hruai la, um rawh u khai; chutilochuan khaw kulh neiahte a lût hman ang a, kan hmu phak lovah kan chauh mai dah ang e," a ti a.
20:7 Tichuan Joaba-ho te, Keret mi te, Pelet mite leh an mi chak zawng zawngte chuan amah an zui chhuak ta a: Jerusalem atang chuan Bikria fapa Seba um tûr chuan anchuak ta a.
20:8 Gideon-a lungui awmna an va thlen chuan Amasa chuan anmahni chu a lo hmuak a. Tin, Joaba chuan indona thuamhnaw a inbel a, tin, a chungah chuan khandaih a pai chawpin kawnghrenah a pai a, tin, a kal zawngin a dawk chhuak a.
20:9 Tin, Joaba chuan Amasa hnênah chuan, "Unaupa, i tha rih alawm maw?" a ti a. Tin, Joaba chuan Amasa fawh tumin a khabe hmul chu a kut ding lamin a chelh a.
20:10 Nimahsela Amasa chuan Joaban khandaih a ken chu a ngaihsak lo va: chutichuan apumah chuan a vit a, a rilte chu a titla nuai mai a, a vit nawn leh ta lo va; tichuan a thi ta a. Tichuan Joaba leh auaupa Abisaia chuan Bikria fapa Seba chu an um ta a.
20:11 Tin, a kianga Joaahote zinga tlangvâl pakhat chu a ding a, "Joaba lama tang leh Davida lam lama tang apiang chuan Joaba zui zel rawh se," a ti a.
20:12 Tin, Amasa chu lamlian lai takah a thiin a lo bual nuaih mai a. Tin, chu mi chuan mi zawng zawng ding renga a hmuh chuan Amasa ruang hu lamlian ata phul lamah sawnin puanin akhuh a, akianga lo kal apiang an ding zela a hmuh avângin.
20:13 Tin, lamlian ata dah sawn a nih hnu chuan Bikria fapa Seba um tûrin mi zawng zawgin Joaba chu an zui ta a.
20:14 Seba chuan Abel thleng leh Bethmaaka thlengin Israel-ho ram chu a tlawh vek a, Ber mite pawh a tlawh a; tichuan mite chu an pung khâwm a, amah an zui ve ta a.
20:15 Beth-maaka-ah chuan an rawn hual a; tin, a khaw hrûlah lei an tiang pawng a, kulh hrûlah chuan an ding a; tin, Joaba hnêna mi awm zawng zawngte chuan tichim tûrin kulh chuan chhu bur bur a.
20:16 Chutichuan hmeiche fing pakhat khua atang chuan a lo au va, "Khai kai; Joaba hnênah, 'Lo kal hnai rawh, i hnênah thu ka lo sawi teh ang,' a ti, han ti rawh u khai," a ti a.
20:17 Tin, a hnênah chuan a va kal hnai a; tin, hmeichhia chuan, "Joaba i ni em?" a ti a. "Ni e," a ti a, a chhâng a. Chutichuan ahnênah, "I bawihnu thusawi hi ngaithla teh," a ti a. Tin, ani chuan a chhâng a, "Ka ngaithla e," a ti a.
20:18 Chutichuan , "Hmanlai chuan, "Abel khuaah hian an inrawn phawt ang,' an ti thin a; chutiang chuan thu an titawp thin.
20:19 Kei hi Israel zinga inrem duh leh rinawm pawla mi ka ni a: nang chuan Israel khua, a khaw bulpui hi tihchhiat i tum a nih hi; LALPA ro chu engah nge tihmang i tum?" tiina sawi a.
20:20 Tin, Joaba chan a chang a, "Chutang ani awzawng lo v, tihmang ew, tihchhiat emaw ka tum lo rêng rêng e.
20:21 Chutiang lam thu chu a ni love: Ephraim tlâng rama mi Bikria fapa ahming Seba chuan lal dodalin, Dvida ngei dodalina kut a lek a; ama chu min pe mai ula, khua chu ka chuahsan mai ang e," a ti a. Tin, hmeichhia chuan Joaba hnênah, "Ngai teh, a lu chu kulhah kan rawn paih liamsak ang che," a ti a.
20:22 zawngte zingah chuan a kal a. Tin, Bikria fapa Seba lu chu an tan a. Joaba hnên lamah chuan an thehchhuak a. Tin, tawtawrâwt a ham a, mahni puan in lam theuhvah khua ata chu an darh ta a. Tin, Joaba chu Jerusalemah lal hnênah chuan a haw leh ta a.
20:23 Joaba chu Israel sipai zawng zawng hotu a ni a; tin, Jeoada fapa Benaia chu Keret mi leh Pelet mite hotu a ni a:
20:24 tin, Adorama chu hnathawka rawih luihte hotu a ni a; tin, Ahiluda fapa Jehosaphata chu chanchin ziaktu a ni a;
20:25 tin, Seva chu lehkha ziaktu a ni a; tin, Zadoka leh Abiathara chu Puithiam an ni a:
20:26 tin, Jair mi Ira pawh chu Davida puithiam a ni a.
21:1 Tin, Davida dam laiin a kum zawngin kum thum tam a tla a; tin, Davida chuan LALPA chu a râwn a, Tin, LALPA chuan, "Saula avâng leh a chhûngte, thisen chhuahte avângin a ni e, Gibeon mite a that mai si a," a ti a.
21:2 Tin, lal chuan Gibeon mite chu a ko va; (Gibeon mite chu Israela thlahte an ni lo va, Amor mi la awm chungte kha an ni zâwk a; Israela thlahte chuan an lakah chhia an lo chham tawha; Saula chuan Israela thlahte leh Juda thlahte tana thahnem angaih avângin thah a tum thin mai a ni,)
21:3 Davida chuan Gibeon mite hnênah chuan, "Engnge ka tihsakang che u? LALPA ro chu mal in sawm theih nân eng anga inremna nge ka siam ang?" a ti a.
21:4 Tin, Gibeonmite chuan a hnênah, "Saula leh a chhûngte nena kan chungthuah hian tangka leh rangkachak lamthu a ni lo va; Israel zingah hian mi tihhlumtheihna kan nei hek lo," an ti a. Tin, ani chuan, "In sawi ang apiang chu ka tihsak ang che u," a ti a.
21:5 Tin, lal hnênah chuan, "Mi tiboraltu leh Israel ram chhûngah rêng rêng awm lova tiboral tûra mi phiartu chu,
21:6 a fapa pasarihte min pe la, LALPA mi ruat Saula awmna Gibea khuaah chuan LALPA hmaah kan khai hlumang e," an ti a. Tin, lal chuan, "Pe ang hmiang," a tia.
21:7 Nimahsela lal chuan LALPA hnêna Davida leh Saula fapa Jonathana kar a, anpaniha kara chhechhamna avângin Saula fapa Jonathana fapa Mephiltbosetha chu a hum a.
21:8 Lal chuan Aii fanu Rizpiin Saula fapa panih a hrinsak Armonia leh Mehphibopsetha erawh chu a hruai a; tin, Meholat mi Barzilaia fapa Adriela, Saula fanu Mikalin fapa panga a hrinsakte nen:
21:9 Tin, Gibeon mitete kutah chuan a hlan a, tinanni chuan LALPA hmaah tlângah an khaihlum a, tichuan an pasarihchuan hmunkhatah an thi za a: buh seng hun,barli seng tantirh lai velin an tihluma.
21:10 Tin, Aii fanu Rizpi chuan saiip puan a la a, buh seng tirh ata vân atanga ruahin a rawn nân thlenga a awm nân lungpui chungah a inzar a; an chunga chhuna chungleng savate fuk leh zana ram sate awm pawh a phal lo va.
21:11 Tin, Aii fanu Saula hmeinu Rizpi thiltih chu Davida an hrilh a.
21:12 Tin, Davida chu akal a, Philistia miten Gilboa-a Saula an thah nia Philistia miten Bethsan muallaia an khai rutu, Jabes-Gilead mite hnên ata Saula ruh leha fapa Jonathan ruhte chu a la a;
21:13 chuta Saula ruhte leh a fapa ruhte chu a la chho va; tichuan an khaiate ruh chu an la khâwm a.
21:14 Tin, Saula ruhte leh a fapa Jonathana ruhte leh Benjamina rama Zela khuaa a pa Kisa thlanah an phûm a: tin, lal thupêk ang zel chuanan ti a. Tin, chu mi hnuah chuan chu mi ramchungah chuan Pathian a lungawi ta a.
21:15 Tin, philistia mite chuan Israel mite chu an do leh a; tin, Davida chu a mite nen an chhuk a,Philistia mite chu an zu bei a: tin, Davida chu a chau ta hle maia.
21:16 Tin, Isbi-benoba, mi lian fapate zinga mi, a fei rihlamdar sekel zathu, nunghnam thar pai chuan Davida chu thah a tum a.
21:17 Nimahsela Zeuira fapa Abisaian a chhan a, Philistia mi chu a bei a, a that ta a. Tin, Davida mite chuan, "Israelte khawnvar i tihmih loh nân indo tûrinkan hnênah i chhuak ve tawh hauh lo vang," tiina chungah chhia an chham a.
21:18 Tin, heti hi a ni a, chu mi hnuah chuan Philistia mite nen Gob khuaah indopna a awmleh a: chutichuan Husat mi Sibekaia chuan mi lian fapate zinga mi Sapha a that a.
21:19 Tin, Philistia mite nen Gob khuaah an indo leha; tin, Beth-lehem mi Jaare-oregima fapa Elhanan Git mi Goliatha a that a,a fei ngul chu themkawl ang a ni.
21:20 Tin, Gath khuaah indona a awmleh a, chutah chuan mi sâng tak mai, akut lehlam lehlam zungtang paruk, a ke lehlam lehlam zungtang paruk, a vaia sawmhnih leh pali neihi a awm a, ani pawh milian laka piang a ni.
21:21 Tin, Israel mite chu a va cho va, Davida unau Simeia fapa Jonathana chuan a lo that a.
21:22 Tin, chung palite chu Gath khuaah milian laka piang an ni a,chung chu Davida leh a mite kutah an thi a.
22:1 Tin, Davida chan a hmêlma zawng zawng kut ata leh Saula kut ata lalpan a chhanchhuah ni chuan he hla thu hi LALPA hnênaha sai a:
22:2 tichuan ani chuan, "LALPA chu kalungpui leh ka kulhpui leh mi chhanhimtu a ni a, ka ta ngei a ni;
22:3 Ka lungpui Pathian , amah chu ka ring ang; Ka phaw leh ka chhandamna ki, ka kulhbing sângleh ka inhumhima ahi; ka chhandamtu, nangin pawngnawrna lak ata min chhandam thin a.
22:4 Fak tlâk LALPA chu ka ko vang a: Chutichuan mi dotute lakah chhandamin ka awm ang.
22:5 Thihna fawn chuan min hual vêl a, Pathian ngaihsak lohna tui lian chuan mitihlau va.
22:6 Seol hruihrualte chuan mi phuar vêl a: Thihna thangte chuan mi awk a.
22:7 Ka manganin LALPA ch ka ko thin a, A ni, ka Pathian chu ka au thin: Tin, ai chuan abiak in atang chuan ka aw a hria a, Tin, ka au thâwm chu a bengah a lût ta a.
22:8 Chu veleh lei hi a nghing a, akhur ta a. A thinur avangin vân innghahnate lamin a khurin a nghing ta a.
22:9 A hnar atang chuan meikhu a cho ta ngut ngut a, A kaa chhuak mei chuan a kang ta hluah hluah a: Chu chuanin meihawl pawh a ti-alh ta dur dur a.
22:10 Tin, ani chuan vante pawh a tikun a, a chhuk ta a; A ke hnuaiahte chuan thim chhah mup hi a lo awm a.
22:11 Cherub chungah a chuang a, a thlawk ta a: A ni, thli thlaahte chuan an hmua.
22:12 Tin, thim chu amah hual velnabukteah a siama, Tuite, vâna chhum chhah mupte chu fawkkhawmin,
22:13 A hmaa enna avâng chuan Meilingte chu a alh a.
22:14 LALPA chu vânah khian alo ri dur dur a, Chungnungbera chuan a aw a chhuah a.
22:15 Tin, thalte chu a kap chhuak a, anniho chu a tidarh a; Kawlte a phettir a, a tibuai ta nuai hlawm a.
22:16 Chuveleh LALPA zilhhauna avânga, A hnara thaw chhuakin a chhem vak avâng chuan, Leilung nghahchhante chu tihlanina awm ta a.
22:17 Ani chuan chung lam atangin a rawnban a, mi chelh a; Tui tam tak ata mi hnûk chhuak a
22:18 Mi dotu chak tak lakah chuan mi chhanhim a, Mi hawtute lakah pawh; kei atân chuan an chak lutuk si a.
22:19 Anni chuan ka vanduai ni chuan mi beia, Nimahsela LALPA chu ka innghahna ber a ni.
22:20 Ani chuan hmun thawl takahmi hruai chhuak aL Ka chunga a lâwm avângin mi lo chhanhim ta a ni.
22:21 LALPA chuan ka felzia ang zelin ka chungah a ti a; Ka kutte a thianghlimzia ang ngeiin mi rul a ni.
22:22 LALPA kawngte chu ka zawh a, Ka Pathian hnên ata chu sual takin ka kal bo ngai si lo va.
22:23 A rorêlna zawng zawng ka hmaah a awm thina: A thu ruatte lah chu ka hawisan ngai si lo va.
22:24 Ama lakah chuan sawisel bo ka ni bawk a, Ka khawlohna ata ka inthiarfihlimthin a.
22:25 Chuvangin LALPA chuan ka felzia ang zelin mi lo rul ta a; A mithmuhah ka thianghlimzia ang zelin.
22:26 Mi khawngaih thei tak lakah chuan khawngaih thei takin i intilang ang a, Mi tha famkimlakah chuan tha famkimin i intilang ang a;
22:27 Mi thianghlim lakah chuan thianghlimin i intilang ang a; Tin, mi luhlul lakah chuan luhlulin i intilang ang.
22:28 Hreawm tuar mite chu i chhandam ang a: Mi chapote erawh chu i tihtlâwm theih nân an chungah i mit a fu reng a.
22:29 Aw LALPA, ka khawnvar i ni si a: LALPA chua ka thimna hi a tieng ang.
22:30 Nangma tanpuiin râl ka bawh si a: Ka Pathian tanpui bawkin kulh ka zuan khum a ni.
22:31 Pathian zawng a kawng chu a tha famkima: ALPA thu chu fiah a ni tawh ; Amah ringtu zawng zawngte tan chuan ani chu phaw a ni.
22:32 LALPA lo chu tunge Pathian awm ni: Kan Pathian lo chu tunge lungpui awm ni?
22:33 Pathian chu ka kulhpui nghet tak a ni a: Mi tha famkimchu a kawngah a hruai thin.
22:34 Ka kete chu zukpui ke angina siam a: Ka hmun sângahte mi awmtir thin.
22:35 Ka kutte hi râl kâp tûrina zirtir thin a; Chutichuan ka bante hian dar thalngul a kuai zo hial a.
22:36 Nangin i chhandamnaphaw chu mi pe bawk a: Inngaihtlâwmnain mi siam lian ta.
22:37 Ka hnuaia ke ke penna chu i tizau va, Tichuan kekete hi a tleng lo.
22:38 Mi dotute chu ka umpha a, ka tiboral a; Tihboral dera an awm hma loh chuan ka kir hek lo.
22:39 An thawh leh theihlohna tûrinka tiboral der a, ka sat chhawk a: A ni, ka ke hnuaiah an tlu ta a.
22:40 Nangin inbeihna atân chuan chaknain ka taiah mi hreng si a: Mi rawn beitute chu ka hnuaiah i tudal ta a.
22:41 Mi hawtute chu ka tihboral theihna tûrin, Nangin midotute chu mi hnuchhawnin i awmtir ta bawk a.
22:42 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a. LALPA ngei chu an han en a, nimahsela a chhang si lo.
22:43 Chu velehleia vaivut ang maiin ka vaw sawm dep a, Kawtlai chirhdiak ang maiin ka tipherh a, ka theh darh vek a.
22:44 Nangin ka mite insualna lakah pawh mi chhanhimta a; Hnam tin lu ni tûrin mi vawng tha a: Ka hriat ngai loh hnam chuan ka rawng an bâwl tawh ang.
22:45 Hnam dangte chu ka hnênah an inpe ang a: Ka chanchin an hriat veleh ka thu an zawm ang.
22:46 Hnam dangte chu an chuai ang a, An kulhbing ata te chu khur chungin an lo chhuak ang.
22:47 LALPA chu a nung reng e; ka lungpui chu fakin awm sela; Mi chhandamna lungpui, Pathian chu chawimawiin awm rawh se:
22:48 Phuba mi laksaktu leh Hnam tin, ka hnuaia tudaltu Pathian ngei chu,
22:49 Mi dotute lak ata mi la chhuaktu: A ni, nangin mi beitute chung lamah chuan mi chawi kang a: Mi nunrawngte lak ata chu mi chhanhim thin a.
22:50 Chuvangin aw LALPA, han tin, zingah chuan lawmthu ka hrilh ang chia, I hming fakin ka zai bawk ang.
22:51 Ani chuan chhandamna ropui tak a lal ape thin a: A hriak thiha chungah, Daivda leh a thlahte chung ngeiah chuan Kumkhuain a ngilneihzia a lantir ang," a ti a.
23:1 Heng hi Davida thusawi hnuhnung ber a ni. Jesaia fapa Davida, "Sâng taka chawi sana, Jakoba Pathian hriak thih a, Israelte hla mawi tak phuahtu chuan a sawi a:
23:2 LALPA thlarau chuan keimah mi hmangin a sawi a: A thu chu ka leiah a awm a. A thu chu ka leiah a awm a.
23:3 Israelte Pathian chuan a sawi a, Israelte Lungpui chuan: 'Mi chunga fel taka rorêl thin a, Pathian tih chunga rorêl thina chu,
23:4 Ni a lo chhuah a, chhum awm hauh lo Zing êng ang hi a ni ang a. Ruah sur hnua khaw lo thiang a, Leia hlobet chawr no dep ang hia ni ang.
23:5 Kan chhûngkua chu Pathian hnêna mi ani lâwm ni? Chatuan thuthlung chu ka hnênah a thlung a, Engkim fel leh tinghet tlatin; Ka chhandamna kimleh duhthusam kim, A chawr chhuahtir lawng maw?
23:6 Mi suaksualte erawh chu an zain a hnawla hnawlbo mi, hling ang an ni ang a, Kuta lâk mi an ni si lo:
23:7 A khawihtu tûr chuan thir leh feingul rawih zâwk tûr a ni a; Tichuan an hmunah hâlral vek an ni ang,' tiin mi bia a," a ti a.
23:8 Heng hi Davida sipai huaisen hmingthangte chu a ni: Takemon miJosebasehebetha chu sipai hotute zinga hotu ber a ni a; ani chu tum khata mi zariat thattu Eznet Mi Adinoa an tih bawk kha a ni.
23:9 Tin, a dawttu chu Aho mi fapa Dodaia fapa Eleazara a ni a; chu mi chu Philistia mite indo tûra an punkhawm a, an cho va, Israel mite an kal bo vek laia Davida hnêna sipai huaisen pathumte zinga pakhat kha a ni:
23:10 tin, ani chu a tho va,P hilistia mite chu a kut a khama a khandaih pawh thlah thei lo hial khawpin a that a: chu mini chuan LALPAN nasa takin a ngamssak a; tin, mipuite chu a hnungah râllâk thil la tûr ngawtin an lo kir leh a.
23:11 Tin, chu mi dawttu chu Hara mi Agea fapa Sama a ni a. Tin, dailuah awmna chuk hmunah Philistia mite chu lak tumin an infawk khâwm a; tin, mipuite chuan Philistia mite chu an tlan chhiatsan a.
23:12 Nimahsela ani chu chu mi hmunah chuan a ding a, a veng tlat a, Philistia mite chu a that a: tin, LALPAN nasa takin a ngamsak a.
23:13 Tin, sipai huai huai sawmthum zinga pathumte chu an chhuk a, buh seng lai takin Davida hnênah Adulam pukah an kal a; tin, Philistia sipaiho chuan Rephaim kawnah tanhmun an khuar a.
23:14 Tin, chutih lai chuan Davida chu kulhbingah a awm a, chutih lai bawk chuan Philistia sipaiho chu Beth-lehem-ah an awm a.
23:15 Tin, Davida chuan tui a chak êm êm mai a, "Beth-lehem-a tuichhunchhuah tui, kulh kawngkhâr kianga mi kha in tûra mi pe han awm teh sela aw!" a ti a.
23:16 Chutichuan sipai huaisen pathumte chuan Philistia sipaiho chu an tawn tlâng a, kulh kawngkhâr kiang ami Beth-lehem-a tuichhunchhuah chu an va chawi a, an keng a, Davida hnênah an kalpui a: nimahsela a lo in duh lo va, LALPA tan a bun chhuak ta zâwk a.
23:17 "Aw LALPA, hei hi ka tih loh tûrzia mai chu; thih huama kalte thisen chu ka in dawn em ni?" a ti a; chutichuan a in duhta lo va. Chung thilte chu sipai huaisen pathumte chuan an ti a ni.
23:18 Zeruia fapa Joaba unau Abisaia chu an pathum zinga hotu ber a ni a. A feiin mi zathumte chu a bei a, a that a, pathumte zingah chuan hming that a hlawh a.
23:19 Pathumte zingah chuan chawimawi tlâk ber a ni lâwm ni? Chuvangin an hotu atân an siam a: nimahsela chungnungber pathum zinga chhiar tel a kai lo.
23:20 Tin, Kebzeel mi huai fapa Jehoiada fapa Benaia thil nasa tak titu chuan Moab mi Ariela fapate pahnih chu a that a: tin, a zuk chhuk a, vut tlâk hun laiin khuarkhurrumah sakeibaknei a zuk that bawka:
23:21 tin, Aigupta mi, mi lian tak a that a: Aigupta mi chuan fei a keng a; nimahsela ani chuan tiang kengin a zuk pan a, Aigupta mi fei ken chu a chhuhsak a, ama fei chuan a chhunhlum ta a,
23:22 Jehoiada fapa Benaia chuan chutiang thil chu a tih avângin sipai huaisen pathumte zingah chuan hmingthat a hlawh a.
23:23 Mi sawmthumte ai chuan chawimawitlâk a ni a; nimahsela chungnungber pathumte zinga chhiar tel a kai lo. Tin, Davida chuan amah vêngtu hotu atân a dah a.
23:24 Joaba unau Asahela chu sawmthum zinga pakhat chu a nia; Beth-lehem khuaa mi Dadoa fapa Elhanana te;
23:25 Harod mi Sama te, Harod mi Elika te;
23:26 Pal mi Heleza te, Teko mi Ikesa fapa Ira te;
23:27 Anathot mi Abiezera te, Husat mi Mebunaia te; Aho mi Zalmona te, Netophat mi Maharaia te;
23:28 Netophat mi Bana fapa Heleba te, Benjamina thlah, Gebea khuaa mi Ribaia fapa Itaia te;
23:29 Pirathon mi Benaia te, Gaas-a luitea mi Hidaia te;
23:30 Arbat mi Abi-albona te, Barhum mi Azmavetha te;
23:31 Saalbon mi Eliaba te, Jesena fapate zinga Jonathana te;
23:32 Harar mi Sama te, Araar mi Sarara fapa Ahiama te:
23:33 Maakat mi Ahasbaia fapa Elipheleta te, Gilon mi Ahitophela fapa Eliama te;
23:34 Karmel mi Hezroa te, Arba mi Paaria te;
23:35 Zoba khuaa mi Nathana fapa Igala te, Gad mi Bania te;
23:36 Zeruia fapa Joaba râlthuam kengtu Amon mi Zeleka te, Beerot mi Naharaia te:
23:37 It mi Ira te, Itmi Gareba te;
23:38 Hit mi Uria te an ni: an za chuan sawmthum leh pasarih an ni.
24:1 Tin, LALPA thinurna chu Israelte chungah a lo thawk leh ta thut a, "Kal la, Israel mi leh Juda mite chhiar vek rawh," tiin Davida chuan an pawi khawih tûrin a chawk tho va.
24:2 Tin, lal chuan a hnêna awm sipai hotu Joaba hnênah chuan, "Israel hnam zawng zawng zingah hian Dan atanga Beer-seba thlengin vak vêl la, mi engzat nge an nih ka hriat theih nân chhiar vek rawh u," a ti a.
24:3 Tin, Joaba chuan lal hnênah, "Lalpa i Pathian chuan mipuite tipungin, engzata tampawh, a leh za pawh, lalpa ka pu hian hmu hman rawh se; nimahsela lalpa ka pu chuan chu chu engah nge maw hriat a châk le?" a ti a.
24:4 Nimahsela lal thu chuan Joaba leh sipai hotute chu a hneh ta a. Tichuan Joaba leh sipai hotute chu Israel mite chhiar tûr chuan lal hnên ata chu an chhuak ta a.
24:5 Tin, Jordan râl an va kai a, tin, Gad ruam lai tak ding lama khaw awm Aroer=ah chuan Jazer thlengin awm hmun an khuar a:
24:6 tin, Gilead ram leh Tahtim hodsi ram an thleng a; tin, Dan-Jaan an thleng a, Zidon paninan kal vêl a,
24:7 tin, tûra kulh te an va thleng a, tin, Hiv-ho leh Kanaan mite khua zawng zawng an thleng a; tin, Judai chhim lam Beer-seba-ah an kal a.
24:8 Chutichuan ram zawng zawng an fan chhuah hnu chuan thla kua leh ni sawmhnih ralah Jerusalem-ah an lo haw a.
24:9 Tin, Joaba chuan mihring zat chin chu lal a pe a: tin, Israel ramah chuan khandaih keng mi, mi huaisen nuairiat an awm a; tin, Juda mi chu nuainga an awm a.
24:10 Tin, mihring a han chhiar zawh chuan Davida thinlung chu a na ta hle mai a. Tin, Davida chuan LALPA hnênah, "Ka thiltihah hian nasa takin ka lo sual ta a ni. Nimahsela tunah hian aw LALPA, i chhiahhlawh khawlohna hi dah bo tûrin ka ngen a che; atthlak takin ka lo ti ta a ni e," a ti a.
24:11 Tin, zinga Davida a han thawh chuan Davida zâwlnei, zâwlnei Gada hnênah LALPA thu a lo thleng a,
24:12 "Kal la, Davida hnênah, 'LALPAN heti hian a ti, Thil kawng thum ka ruatsak chia, i chunga ka tih tûrin pakhat thlang rawh,' a ti e," tiin.
24:13 Chutichuan Gada chu Davida hnênah a kal a, a hrilh a, a hnênah, "I ramah hian kum sarih tam i chunga lo tlâk nge, i hmêlma hmaa an um chhûng chea thjla thum lo tlan bo rih nge, i rama ni thum hri lo len? Mi tirtu eng angin nge ka chhan dâwn inngaihtuah la, min hrilh rawh khai," a ti a.
24:14 Tin, Davida chuan Gada hnênah, "Ka mang a ang hle mai a: LALPA kutah tlu lût phawt mai ila, a zahngaihna chu a nasa hle si a; mihring ktuah chuan min tluk luhtir lul suh ang che," a ti a.
24:15 Chutichuan LALPA chuan Israel mite chungah chuan zing atangin hun ruat ang thleng chuan hri alentir a; tichuan mipui zinga mi chu Dan atangin Beer-seba thlengin mi singsarih an thi a.
24:16 Tin, vântirhkohvin tichhe tûra Jerusalemlama a kut a han lek chuan LALPAN thil tha lo tih a tum chu alamlet a, mite tiboraltu vântirhkoh hnênah chuan, "A tawk tawh e; i kut lek tawh suh," a ti a. Tin, LALPA vântirhkoh chu Jebus mi Arauna hrui bulah chuan a awm a.
24:17 Tin, Davidan mi tihlumtu vântirhkoh a hmuh chuan LALPA a bia a, "Ngai teh, ka lo sual ta a, dil lo takin thil ka lo ti ta a ni: mahse, heng berâmte hian eng thil nge an tih? I kut chuan keimah leh ka pa chhûngte mi khawih zâwk rawh se aw," a ti a.
24:18 Tin, chu mini chuan Gada chu Davida hnênah a kal a, a hnênah, "Chho la, Jebus mi Arauna hruiah LALPA tan maichâm han siam rawh," a ti a.
24:19 Tin, Davida chu lalpan thu apek anga Gadan a hrilh ang chuan a chho ta a.
24:20 Tin, Arauna chu a han hawi a, a lam pana lal leh ahote lo kal chu a hmu a: tichuan Arauna chu a chhuak a, a hmaia lei siinlal hmaah chuana bawkkhup a.
24:21 Tin, Arauna chuan, "Eng vangin nge LALPA ka pu chu a chhiahhlawh hnênah a lo kal le?" a ti a. Tin, Davida chuan, "Mipuite laka hri a kian theihna tûra LALPA tana maichâm siam nana i hrui lei tûrin," a ti a.
24:22 Tin, Arauna chuan Davida hnênah, "LALPA ka pu chuan awm a tih la sela hlan ang hmiang: en teh, hâlral thil hlan atân bâwngpate chu a awm a, tin, thing atân hrui hmanruate leh sebâwng thuamnate chu a awm a.
24:23 Aw lalpa, heng zawng zawng hi Arauna chuan lal a pe vek e," a ti a. Tin, Arauna chuan lal hnênah, "LALPA i Pathian chuan lo chhang che rawh se," a ti a.
24:24 Tin, lal chuan Arauna hnênah, "Ni lo ve a, aman neiin a lei ngeiin ka leisak zâwk ang che; engmah insengso lovin LALPA ka Pathian hnênah hâlral thilhlante ka hlawn tawp lo vang," a ti a. Chutichuan Davida chuan hrui leh sebâwngpate chu tangka sekel sawmngain a lei ta a.
24:25 Tin, Davidan chutah chuan LALPA tân mâicham a siam a, hâlral thilhlante leh remna thillante a hlân a. Chutichuan LALPA chu an ram chungah chuan a lungawi a, Israel ram ata hri chu a kiang ta a. |
posted by zoblog @ 2:23 PM  |
|
|
|
