| Wednesday, September 12, 2007 |
1:1 Ephraim tlâng ram Ramathaim-zophim kuaah chuan mi pakhat a awm a, a hming chu Elkana ani a; chu mi chu Jehorama fapa ani a, chu mi Elihua fapa a ni a, chu mi chu Tohua fapa ani a, chu mi chu Ephraim m Zupha fapa a ni.
1:2 Tin, nupui pahnih a nei a; a pakhata hming chu Hani a ni a, a pakhata hming chu chu Penini a ni a; tin, Penini chuan fate a nei a, Hani erawh chuan fa a nei ve lo va.
1:3 Tin, chu mi chu an khua atangin Silo khuaah Sipai hote LALPA be tûr leh inthawi tûrin kum tin, a han kal thin a. Chutah chuan Elia fapate pahnih, Hophnia leh Phinehasa, LALPA puithiamte an awm a.
1:4 Tin, Elkana inthawi ni a lo thlen chuan, a nupui Penini leh a fapate leh a fanute zawng zawng chu chanvo a siam a;
1:5 Hani chu hmangaih êm êm mah se, LALPAN fa nei thei lova a siam avângin chan khat chauh a siamsak a.
1:6 Fa a neih theih loh avânga a lungngaihna tizual tûrin amah ertu Penini chuan a lo deuhsawh thin a.
1:7 Tin, chutianga kum tin, a tih avângin LALPA in a han kal apiang chuan a lungngaihna chu a lo chawhthawhsak thin a; chutichuan a tap a tap a, chaw pawh a ei lo va.
1:8 Tin, a pasal Elkana chuan a hnênah, "Hani, engati nge i tah? Engati nge chaw i ei loh? Enga ti nge i thin a nat? Fapa sawm ai pawin i tan ka tha zawk lawm ni?" a ti a.
1:9 Chutichuan Silo khuaa chaw an eia an in zaw chuan Hani chu a tho va. Tin, Puithiam Elia chu LALPA biak in kawngka ban ula a thutnaah chuan a thu a.
1:10 Tin, Hani chu a rilru a mangang em m mai a, LALPA hnênah chuan a tawngtai a, lungchhe takin a tap a.
1:11 Tin, thu a tiam a, "Aw Sipaihote LALPA, i bawihnu tlâwmzia hi min hriatsak tak meuh va, min hriat reng a, i bawihnu hi min theihnghilh loh va, i bawihnu hi fapa i pêk chuan, a dam chhûng zawng LALPA ka pe ve thung ang a, a lu pawh meh rêng rêng a ni lo vang," a ti a.
1:12 Tin, heti hi a ni a, LALPA hmaa a tawngtai reng lai chuan Elia chuan a hmui phun chu a lo chhinchiah a.
1:13 Hani chuan a rilruina sawi a, a hmui chau a phu a, a awm chu hriat a ni lo va: chuvangin Elia chuan zua rui niin a ring a.
1:14 Chutichuan Elia chuan a hnênah, "Eng chen nge rui renga i awm dawn le? I uain chu dah bo rawh khai," a ti a.
1:15 Tin, Hani chuan,"Ka rui lo asin ka pu, hmeichhe rilru lungngai tawpkhawk ka ni a; uain pawh, zupui pawh ka in hau lo va, LALPA hmaa ka rilru ka phawrh zawk a ni.
1:16 I bawihnu hi Beliala fanuah puh lul suh ang che: ka rilrua khat liam ka lungnih lohna leh ka lungngaihna ka sawi a nih hi," tiin a chhâng a.
1:17 Tin, Elia chuan, "Thlamuang takin kal rawh khai, Israelte Pathian chuan i thil dil chu pe che rawh se," tiin a chhâng a.
1:18 Tin, ani chuan, "I chhiahhlawhnu hian i mit lo tlung rawh se," a ti a. Chutichuan hmeichhia chu a kal ta a, chaw te a ei a, lungngai hmêl a pu ta lo
1:19 Tin, zing takah a tho va, LALPA chu an bia a, an haw a, Rama kua an in chu an thleng leh ta a: tin, Elkana chuan a nupui Hani chu a pâwl a: tin, LALPA chuan ani chu a hre renga.
1:20 Chutichuan heti hi a ni a. Hani chuan nau a pai a, tina hun a lo thlen chuan fapa a hring a; "LALPA ka dil a ni," tiin ahmingah Samuela a sa a.
1:21 Tichuan Elkana le a chhûngte zawng zawng chu LALPA hnêna an kum tin, inthawina hlan tûr leh a thutiam hlen tûrin an kal cho va.
1:22 Hani erawh chu a kal chho ve lo va: a pasal hnênah chuan, "Kei zawng naupangin hnute hnek a ban hma loh chuan ka kal chho ve lo vang e; chu mi hnuah chuan LALPA hmaa a inlan theih nan ka hruai ang a, chutah chuan an awm reng tawh dawn nia," a ti a
1:23 Tin, a pasal Elkana chuan a hnênah, "Tha awm i ti apiang chuan ti rawh; a hnute hnêk i bantir thlengin awm rawh; amaherawhchu LALPA chuan a thu chu tinghet ngei rawh se," a ti a. Chutichuan a hnute hnek ban hma loh chuan hmeichhia chu a awm ta, a fapa chu hnute a hnektir ta a.
1:24 Tin, hnute hnek a bantir chuan, chhangphut epha khat leh uain saidawiûm khat kengin sebâwng pathum nena han hruai a, Silo khuaa LALPA inah chuan a kalpui a: naupang chu ala naupang hle a.
1:25 Tin, bâwngpa chu an talh a, naupang chu Elia hnênah an hruai a.
1:26 Tin, ani chuan, "Aw ka pu, i nunna chalin ka sawi e, kei chu e ka pu, he mi hmuna i kianga dinga LALPA hnêna tawngtaitu hmeichhia kha ka ni ngei a.
1:27 He naupang dil hian ka tawngtai a ni a; tin, LALPA chuan ka dil chu min pe ta a:
1:28 chuvangin kei pawhin LALPA hnênah ka hlan a ni: a dam chhûng zawng LALPA tana hlan a ni," a ti a. Tin, chutah chuan LALPA chu a bia a.
2:1 Tin, Hani chu a tawngtai a :"LALPA chungah ka thinlunga lawm êm êm a, Ka ki chu LALPAah chawimawiin a awm a; Ka hmêlmate chunga ka kâ tihzauvin a awm a. I chhandamnaah chuan ka lawm êm êm avângin
2:2 LALPA anga thianghlim hi an awm lo; Nangma ang reng an awm si lo, Kan Pathian ang lungpui reng a awm hek lo.
2:3 Chuti taka chapovin thu sawi tawh suh ula: In ka atangin tawng chaltlai rêng rêng chhuak suh se: LALPA chu finna Pathian a ni si a,Amain thiltihte a buk fel thin.
2:4 Mi chak thalngulte a titliak a, Petekte tai chu chaknaa hrenin a awm a.
2:5 Tlaipuar thinte chu ei tûr zawngin an inhlawhfa ta a,Riltam thinte chu an chawl ta: A ni, ching chuan pasariha hring ta;Fa tam tak nei nu chu a chau ta.
2:6 LALPA chuan a tihlum tin, a, a tinung bawk thin: Thlanah a chhuktir thin a, a hruai chuak bawk thin.
2:7 LALPA chuan a tirethei thin a, a tihausa bawk thin; A tilawm thin a, a chawisâng bawk thin
2:8 Vaivut ata rethei chu a kaitho thin a; Pachia chu êkdur ata a chawikang thin; Mi liante hnêna a awmtir theih a, Ropuina lalthutthleng an chan theih nan: Leilung nghahchan chu LALPA ta a ni a, Khawvel chu a chungah a nghat ta si a
2:9 A mi thianghlimte ke chu a veng ang a, Mi sualte eraw ch thim zingah tihngawih thiapin an awm ang; LALPA beitute hu an keh sawm ang, Van atanga khawpui riin a do vang a; LALPA chuan kawlkil thelngin ro a rêl ang a; A lal chu chakna a pe ang a, A hriak thiha ki chu a chawimawi ang," tiin.
2:11 Chutichuan Elkana chu Rama kuaah a inah chuan a haw ta a. Tin, naupang chuan puithiam Elia hmaan LALPA rawng chu a bawl ta a.
2:12 Tin, Elia fapate chu Beliala fapate an ni a; LALPA chu an hre lo va
2:13 Tin, mipuitelaka puithiamte tih dan chu, mi in inthawina an rawnhlan hian, sa chhum lai takin puithiam chiahlaw hi sa thurn thirkut zum thumei mi kengin a lo kal thin a;
2:14 tin, bel rawng zau emaw, bel dawt nei emaw, bel khaina nei emaw, bel dawt nei emaw, bel kaina nei emaw, bel emaw chhûng chu a zuk chun a: tin, chu mi sa thurna zumin a rawn thur chhuah zawng zawng chu puithiam in a la thin a ni. Chutiang chua Israel mi chta lo kal zawng zawngte lak ata chu Silo khuaah chuan an lo tihsak thin a.
2:15 A ni, a thau chu an hal hmain puithiam chhiahhlawh chu a lo kal a, in thawia chhiahlawh chu a lo kal a, inthawina hnênahah chuan, "Puithiam tana hem hmin tûr sa min pe rawh: i sa chhum chu a duh lo va, a hel a duh a ni," a ti thin a.
2:16 Tin, mi chuan a hnênah, "A thau chu hal phawt mai sela, tin, chu mi zawhah chuan i nunnain a du zat zai i la dawn nia," an lo tihte hian, ani chuan, "Ni lo ve, min pe nghal tûr a ni; min pêk loh chuan ka la lui rêng rêng ang," a ti thin a.
2:17 Tichuan tlangvâlte sualna chu LALPA mithmuin a lo nasa ta êm êm mai a: mite chuan LALPA hnêna inthawina hlante chu an ngaihnêp phah ta si a.
2:18 Amaherawhchu Samuela chu naupang mah ni sela, puan zai sin puithiam kawr hain LALPA hmaah rawng a bâwl a.
2:19 Tin, chu lo pawh chu a nuin kawr fualte a thuisak a, an kum tin, inthawina hlan tûra a pasal nena an kalin kum tin, a kensak thin a.
2:20 Tin, Elia chuan Elkana leh anupui chu mal a sawm a, "LALPA tana in thilhlan in hlan hi he hmeichhe thlah hian LALPAN rul che u rawh se," a ti a. Tichuan an in lamah an haw ta a.
2:21 Tin, LALPA chuan Hani chu a kan a, nau a pai a,fapa pathun leh fanu pahniha hring a. Tin, naupang Samuela chu Lalpa hmaa chuan a lo sei lian ta a.
2:22 Elia chu a lo tar ta hle mai a; Israel mite zawgn zawgn chunga a fate thltih zawng leh inbiakna puan in kawngka bula rawngbawltu hmeichhiate an lo mutpui thin tute a lo hria a.
2:23 Tichuan an hnênah, "Engati nge hetiang thil in tih ni le? Heng mi zawng zawng atangte hian in thiltih dan tha lote ka lo hria a ni.
2:24 Khai! Khai! Ka fate u, in chanchin ka lo hriat chu a tha lo lam hlir a ni; LALPA mite chu in bawhchhiattir a ni.
2:25 Mi pakhat mi dang chunga a sual chuan Pathianin ro a rêlsak ang a: amaherawhchu mi, LALPA chunga a sual chuan tuin nge ngenpui ang?" a ti a. Chutichung pawhin an pa thu chu an awih duh chuang lo va; LALPA chuan anmahni chu a tihlum ngei dawn si a.
2:26 Tin, naupang Samuea chu a thang lian deuh deuh va; Pathian leh mihring duhzawngin a awm a.
2:27 Tin, Elia hnênah huan Pathian mi pakhat a lo kal a, a hnênah, "LALPA chuan heti hian a ti, 'Aigupta rama Pharaoa bawiha an awm lai khan in thlahtute hnênah khan ka inlâr a ni lâwm ni?
2:28 Tin, Israela hnam zawng zawng zing ata ka maichâma kal a, rimtui hal a, ka hmaa puithiam kawr ha tûrin ka puithiam atân amah chu ka ruat ani lâwm ni? Tin, i thlahtute chu Israela mite hâlral thilhlan zawng zawgn ka pe ani lâwm ni?
2:29 Eng vangin nge ka awmnaa hlan tûra ka ruat ka hnêna inthawina leh ka puala thilhlan chuin rahbeha, keimah aia i fate i chawimawi zawk a, nangmahni intihthau nana ka mi Israelte inthawina a tha tha in hman ni?" tiin.
2:30 Chuvangin LALPA Israelte Pathian chuan, 'Kei chuan i chhûngte leh i pa chhûnge chu kumkhuain ka hmaah in awm ang chu ka ti ngei mai a,' a ti a; nimahsela tunah hian LALPA chuan, 'In awm tawp lo vang; mi chawimawi apiangte chu ka chawimawi ang a, mi hmusit apiangte chu ka ngaihnep an ni dawn si a.
2:31 Ngai teh, i ban te, i pa chungte bante ka tan ni chu a lo thleng dawn ta, i inah tar kuna dam rêng rêng an awm lo vang.
2:32 Israel mite Pathianin neihnunna a la pêk hunah te chuan ka awmna ina tuarna i la hmu ang a: tin, i inah chuan tarkuna dam rêng rêng an awm lo vang.
2:33 Tini mi, ka maichâm ata ka tibo loh tûra chu i mit tikham tûr leh i rilru tilungngaitu tûr an ang a: i ina lopiang apiangte chu an vanglai takin an thi zel ang.
2:34 Tin, hei hi, i fapate pahnih Hophnia leh Phinehasa chunga thil lo thleng tûr chu i tan chinchiahna a niang; ni khatah an pahnihin an thi ve ve ang.
2:35 Tin, puithiam rinawm tak ka tan ka din tha leh ang a, chu chuan ka thinlung leh ka rilru remzawngin a ti ang a; tin, chhûngkaw nghet takah ka din ang a, kumkhuain ka hriak thiha hmaah chuan a awm ang.
2:36 Tin, heti hi a ni ang a, i ina la awm zawng zawng chu tangka leh chhang dilin an kal ang a, chibai an bûk ang a, chhang tlem tal ei tûr ka hmuh theih nan puithiam hna eng emaw hmu theih nan puithiam hna eng emaw min thawhtir rawh khai, an ti ang,' a ti a ni," a ti a.
3:1 Tin, naupang Samuela chuan Elia hmaa uan LALPA rawng a bâwl a, chung lai chuan LALPA thu chu a hlu hle mai a; a langa inlârnate a awm lo va,
3:2 Tin, heti hi a ni a, chung lai chuan Elia chu ama hmuna a mut laiin, (a mit a thim tawh deuh va. Khua a hmu tha thei tawh mang lo va,)
3:3 Pathian khawnvar pawh a la mit hmain, Pathian bâwm awmna Lalpa biak inah chuan Samuela chu a han mu a;
3:4 LALPA chuan Samuela a ko va; ani chuan, "Heta hi ka awm," a ti a.
3:5 TinElia hnênah chuan a va tlan a, a hnênah, "Heta hi ka awm e, min vo va," a ti a. Tin, ani chuan, "Ka ko lo va che; va mu leh tawh," a ti a. Tichuan a kal a, a va mu leh ta a.
3:6 Tin, LALPA chuan Samuela chu ako leh a. Tin, Samuela chu a tho va, Elia hnênah chuan a kal a, "Heta hi ka awm e; min vo va," a ti a. Tin, ani chuan a chhâng a, "Ka ko lo va che, ka fapa, va mu le tawh," a ti a.
3:7 Chung lai chuan Samuela chuan LALPA chu a hre lo va, LALPA thu a hnêna puan a la ni bawk lova.
3:8 Tin, LALPA chuan Samuela chu ako leh a. Tin, Samuela chu a tho va, Elia hnênah chuan a kal a, "Heta hi ka awm e; min vo va," a ti a. Tin, ani chuan a chhâng a, "Ka ko lo va che, ka fapa, va mu le tawh," a ti a.
3:9 Chuvangin Elia chuan Samuela hnênah, "Kal la, va mu leh ta la, a kohleh che chuan, 'LALPA thu sawi rawh, i chhiahhlawhin a ngaithla e,' i ti a ni ang chu," a ti a. Tichuan Samuela chu a hmunah chuan a va mu leh ta a.
3:10 Tin, LALPA chu a lo kal a, a ding a, a hmaa a koh ang kha, "Samuel, Samuel," tiin a ko leh a. Chutichuan Samuela chuan, "Thu sawi rawh, i chhiahhlawhin a ngaithla e," a ti a.
3:11 Tin, LALPA chuan Samuela hnênah, "Ngai teh, Israel rama hian a hria apiangte beng a khing hnih hniha thawng zawng takin thil ka ti dawn a ni.
3:12 Chu mi ni chuan a chhûngkaw chungchang thu ka sawi zawng zawng chu a bul atângin a tawp thlengin Elia chungah ka ti dawn a ni.
3:13 A faten Pathian an sawichiatna sual chu hre reng pawha a khap loh avângin a chhûngkua chu kumkhua atân ka ngaihtuah dawn ani tih ka hrilh tawh si a.
3:14 Chuvangin Elia chhûngkaw hnênah chuan Elia chhûngte bawhchhiatna chu inthawinain emaw, thilhlanin emaw, engtikahmah tihkian theih ani lo vang tiin chhia ka cham tawh a ni," a ti a.
3:15 Tin, Samuela chu zing tlengin a mu a, tin, LALPA in kawngkhârte chu a hawng a. chutichuan Samuela chuan chu mi inlârna chu Elia hriattir chu a hlauthawng a.
3:16 Chutichuan Elia chuan Samuela chu a ko va, "Samuel, ka fapa," a ti a. Tin, ani chuan, "Heta hi ka awm e," a ti a.
3:17 Tin, ani chuan, "Eng thil nge LALPA chuan i hnênah a sawi le? Ka lakah engma zep suh aw; i nena a sawi zawng zawng chu ka lakah zep i neih chuan i chunga Pathianin a tih tihin ti sela, chu aia nasa pawhin," a ti a.
3:18 Tin, Samuela chuan engkim a hrilh fai ta vek a, a lakah chuan engmah zep a nei lo va. Tichuan ani chuan, "LALPA a ni lawm, tha a tih ang zelin ti rawh se," a tia.
3:19 Tin, Samuela chu a lo thang lian deuh deuh va, a hnênah LALPA a awm zel a, a thu rêng rêng chu leilungah a luan râltir lo va.
3:20 Tichuan Dan atanga Beer-seba thleng raka Israel mite zawng zawng chuan Samuela chu LALPA zâwlnei atân tihngheh a ni tih an lo hre ta a.
3:21 Tin, LALPA chu Silo-ah chuan a inlâr leh a: LALPA chu thuin Samuela hnênah chuan Silo-ah a inlâr a ni si a.
4:1 Tin, Samuela thu chu Israel mite zawng zawng zingah a thang chhuak ta a. Tin, Israel mite chu Philistia mite do tûrin an kal chuak a, Ebeezer kiangah tanhmun an khuar a. Tin, Philistia mite chuan Aphek-ah tanhmun an khuar a.
4:2 Tin, Philistia mite chu Israel mite lo dang tûrin an lo inzar darh a: tin, an han inbei chuan Philistia mite hmaah chuan Israel mite chu an tlâwm ta a, indona hmunah chuan sipai sângli emaw lai an that a.
4:3 Tin, mipuite an riahmuna an va kalin Israel upate chuan, "Eng vangin nge vawinah hian Philistia mite hmaa LALPA chuan min tihtlâwm ni aw? Kan hnêna awma kan hmêlmate kut ata min chandam tûrin Silo ata LALPA thuthlung bâwm chu i han la ang u," an ti a.
4:4 chutichuan mipuite chuan Silo-ah chuan mi an ti r,a chuta ta chu cherubim chunga thu, sipaihote LALPA thuthlunna bawk chu an va la ta a: tin, Pathian thuthlunna bâwm an laknaah chuan Elia fapate pahnih Hopnia leh Phinehasa an tel ve a.
4:5 Chutichuan LALPA thuthlunna bâwmin an riahhmun a lo thlen chuan Israel mi zawng zawnge chu ring takin an au dur dur mai a, leite lam pawh a nghawr ri dur dur mai a.
4:6 Tin, Philistia miten an au thawm an hriat chuan, "Hebrai-ho riahhmun au thawm ri ta dur dur mai chu eng tizia nge ni le?" an ti a. Tin, an riahhmuna LALPA bawm a lo thleng a ni tih an hre ta a.
4:7 Tin, Philistia mie chuan an hlau ta a, "Riahhmunah Pathian a lo kal ta a nih chu," an ti a. "Kan chung a pik e! Tun hma lamah chutiang a awm ngai si lo va,
4:8 kan chung a pik e! Chung Pathian kut chak tak ata chu tuin nge min chhandam ang? Chung Pathian chu a ni, Aigupta mite thlalera hri chi tinrenga tihlumtu kha.
4:9 Aw, nangni Philistia mite u, in chiahhlawha an awm ang khan Hebrai-hote chhiahhlawha in awm loh nan chak takin awm ula, intimipa rawh u; intimipa ula, bei zel rawh u," an ti a.
4:10 Tichuan Philistia mi chuan an bei a, Israel mite chu an tlâwm a, an puan in lam theuhvah an tlan ta vek mai a: an that nasa êm êm mai a, Israel-ho zinga sipai singthum an thi a ni.
4:11 Tin, Pathian bâwm chu an laksak a, tin, Elia fapa pahnih, Hopnia leh Phinehasa te chu an that bawk a.
4:12 Sipai zinga Benjamina thlah mi pakhat a tlan a, a puante tet phung leh a lua lei kai luamin chu mi ni la la chuan Silo a va thleng a.
4:13 Tin, a va thlen chuan ngai teh, Elia chuan kawng sira a thutnaah thu chungin a lo thlir reng a, Pathian bâwm avâng khan a rilruin a khur a khur a. Tin, mi chuan khua a han thlan chuen, chanchin chu a han sawi chuan a khuain an au ta chuah chuah mai a.
4:14 Tin, Elian an au thawm alo hriatin, "Chu mi ri mur mur chu eng tizia nge ni?" a ti a. Tin, mi chu hmanhmawh takin a va kal a, Elia chu a va hrilh a.
4:15 Elia chu kum 98 mi a ni a, a mit a thim tawh a, khua a hmu thei tawh lo va.
4:16 Tin, mi chuan Elia hnênah chuan, "Sipai zing atanga lo kal ka nih hi, vawiinah hian sipai zing ata lo tlan ka ni," a ti a. Tin, ani chuan, "Ka fapa, eng angin nge thil a awm le?" a ti a.
4:17 Tin, chanchin rawn thlentu chuan achhang a, "Israel mite chu Philistia mite hmaah chuan an tlânchhia a, tin, mipui zingah inthahna nasa tak a awm bawk a, tini fapate pahnih Hophnia leh Phinehasa pawh an thi a, tin, Pathian bâwm paw an laksak ta," a ti a.
4:18 Tin, heti hi a ni a, chutia Pathian bâwm thu a han sawi veleh chuan kawngkhâr bula thutphah ata chu a zangthalin a tlu a, a nghawng a tliak a, a thi ta a: amah hi a tar tawhin a indawl zo tawh lo a ni. Israel chunga kum sâwmli ro rêl tawh a ni.
4:19 Tin, a monu, Phinehasa nupi chuan nau a pai a, a hrin a hnai tawh hle a:Pathian bâwm a lasak tih thua han riat a, a pu leh a pasal an thi tih a han hriat chuan a kaikun a, nau a hring ta a, a na chuan a rawn nang ta nghal si a.
4:20 Tin, a thih dawn tepa a kianga ding hmeichhiate chuan a hnênah, "Hlau suh, fapa i hrin tak hi," an ti a. Nimahsela a chang hauh lo va, angaihsak ek lo.
4:21 Tin, "Ropuina chuan Israel chu a chuahsan ta." tin, naupang hmêlah chuan Ikaboda a sa a. Pathian bâwm chu an laksak ta a, a pu leh a pasal pawh an thi ta si a.
4:22 Ropina chuan Israel-te chu a chhuahsan ta, Pathian bâwm chu a laksak ta si a," a ti a.
5:1 Chutichuan Philistia mite chuan Pathian bâwm chu an la a, Eben-ezer ata chu Asdod khuaah an kalpui ta a.
5:2 Tin, Philistia mite chuan Pathian bâwm chu an la a, Dagona biak inah an la lût a, Dagona kiangah chuan an dah a.
5:3 Tin, Asdod khuaa mite chu atuk zing taka an han thawh chuan, ngai teh, LALPA bâwm hmaah chuan Dagona chu a hmaia lei siin a lo tlu der mai a. Tin, Dagona chu an la a, a awmna hmunah chuan an dah leh a.
5:4 Tin, a tuk leh zing taka na han thaw chuan, ngai teh, LALPA bâwm hmaah chuan Dagona a hmaia lei siin a lo tlu der mai a; tin, Dagona lu leh a kutphah bawr khing hnih chhum chu kawngka bulah chuan alo lum reng mai a: Dagona taksa chauh chu a lo awm ta mai a.
5:5 Chu mi avâng chuan Dagona puithiam te, Dagona biak ina lo kal thin rêng rêngte pawhin Asdod kua Dagona kawngka bul chu tunthlengin an rap ngam lo a ni.
5:6 Chutichuan LALPA kut chuan Asdod khuaa mite chu a delh ta hle mai a, chhiatna a thlensak ta hlawm a, Asdod khua le a chehvelte chu ngawtin a hrem ta bawk a.
5:7 Tichuan Asdod khua amiten chutiang chu a nih an lo hriatin, "Israelte Pathian bâwm chu kan hnênah awm reng teh suh se, kan chung leh kan pathian Dagona chunga a kutthlak ana em mai," an ti a.
5:8 Chutichuan Philistia lal zawng zawngte chu an hnênah an ko khawm a, "Israelte Pathian bâwm chu engtin nge kan ti ang?" an ti a. Tin, anni chuan, "Israelte Pathian bâwm chu Gath khuaah va kalpui rawh u," tiin an chhang a: tichuan Israelte Pathian bâwm chu an va kalpui ta a.
5:9 Tin, heti hi a lo ni a, chutia ankalpui lai chuan LALPA kut chuan khua chu a tibuai ta nuai nuai mai a:khuaa mihringte chu alian atein a hrem a, ngawtna hri an chungah a lentir a.
5:10 Tichuan Pathian bâwm chu Ekron-ah an thawn let a, a va thlen chuan Ekron khuaa mite chu, "Israelte Pathian bâwm chu keimahni leh kan mite tihlum tûrin, kan hnênah an rawn la ta," tin, an au ta chiam mai a.
5:11 Chutichuan Philistia lal zawng zawngte chu an ko khawm a, "Israelte Pathian bâwm hi kal botir ula, keimahni leh ka mite min tihhlum loh nan a awm hmun pangngaiah kal leh rawh se," an ti a. Khaw pum puiah chuan thihna khawp buai nuai nuaina a awm a; Pathian kut chuan chu khua chu a delh hle mai si a.
5:12 Tin, a thi lote chu an ngawt hlawm a, tichuan chu khaw au thawm chuan van khi a han thleng a.
6:1 Tin, LALPA bâwm chu Philistia mite ramah chuan thla sarih a awm a.
6:2 Tin, Philistia mite chuan, "LALPA bâwm chu engtin nge kan tih ang? A awmna pangngaia kaltir lehnaziamin hrilh teh u khai," tiin puithiamte leh aienthiamte an ko va.
6:3 Tin, anni chuan, "Israelte Pathian bâwm hi in kaltir dawn pawhin a ruak chuankaltir hauh suh u, a hnênah bawhchhiat thawina hlan ngei ngei rawh u, tichuan tihdamin in awm ang a, tin, eng tiaa a kut chu a sawnsak loh che u nge ni tih in hriaang, " an ti a.
6:4 Chuti chuan anni chuan, "A hnênah kan bawhchhiatthawina hlan tûr chu engnge ni ang?" an ti a. Tin, anni chuan, "Philistia lal zatin rangkachak ngawt lem panga leh rangkachak chaichim lem panga; in zaa chunga hri leng leh in lalte chung leng chu hmun khat a ni si a.
6:5 Chuvangin in ngawt lemte leh in ram tichetu chaihim lemte siam ula; tin, Israelte Pathian chu chawimawi rawh u, tichuan a kut chu in chungah te, in pathian leh in ram chungahte a tizang du mahna.
6:6 Aigupta mite leh Pharoan rilru an tihkhauhang khan engati nge in rilru in tihkhauh ni? An zinga thil mak taka a tih khan mie chu an kaltir a, an chhuak ta ani lâwm ni?
6:7 Chuvangin tunah hian tawlailir tharbuatsaiula, bawngpui pahnih, a hnute sawrlai, nghawngkawl la bel ngai hauh loh nen; chung bawngpuite chu tawlailira chuan bel ula, tin, a note chu in lamah rawn hruai hawnsak rawh u.
6:8 Tin, LALPA bâwm chu la ula, tawlailirah chuan dah ula; tin, bawhchhiat thawi nana in hlan rangkachak thil hlu chu thingremah kungin a sirah dah ula, kaltir ula, thlah mai rawh u.
6:9 Tichuan amaha ramri lampang kawng zawhin Beth-semes-ah akal emaw ent eh u, a kal chuan kan chunga thil tha lo tak hi ama tih a lo ni ang a; a kal loh chuan min hrem chu ama kut a lo ni lo tih kan hriat a, kan chungah a lo awm ve hrim mai a ni ang," an ti a.
6:10 Tin, mite chuan chutiang chuan an ti a: bawngpui, a hnute sawrlai pahnih an hruai a, tawlailirah chuan an bel a, a note chuin lamah an khung a:
6:11 Tin, LALPA bâwm chu tawlailirah chuan an dah a, rangkachak chaichim lem leh ngawt lem dahna thingrem nen.
6:12 Tin, bawngpuite chuan Beth-semes lam panin kawng an zawh ta ngat ngat a; tichuan bu chung zelin kawngpui chu an zawh a, ding lamah emaw vei lama emaw an pêk hlek lo va; tin, Philistia lalte chuan Beh-semes ramri thlengin an zui a.
6:13 Tin, Beth-semes khuaa mite chuan ruamah hian an buh an lo seng a, an hawi chho va, bâwm chu an han hmu a, an lawm hle ta mai a.
6:14 Tin, tawlailir chu Beth-semes khuaa mi Josua lovah chuan a lo lût a, lungpui lian tak awmna laiah chuan a ding ta reng a; tin, tawlailir thing chu an ek a, LALPA biak nan bawngpuite chu hâlral thilhlanah an hmang ta a.
6:15 Tin, Levi chite chuan LALPA bâwm chu rangkachak thil hlu awmna thingrem nen chuan an la thla a, lungpui chungah chuan an dah a; tin, Beth-semes khuaa mie chuan chu mi ni vek chuan hâlral thilhlante chu inthawinate LALPA hnênah an hlan a.
6:16 Tin, chu chu Philistia lal pangate chuan an en zawh hnuin, chu mi ni la la chuan Ekron khaw lamah an haw leh ta a.
6:17 Philistia miten rangkachak ngawt lem LALPA hnêna bawchiat thawi nana an hlan chu heti zat hi a ni: Asdod khaw pualah pakat, Gaza khaw puala pakhat, Askelon khaw pualah pakhat, Gaza khaw puala pakat, Askelon khaw puala pakhat, Gat khaw puala pakhat, Ekron kaw puala pakhat:
6:18 tin, rangkachak chaichim lem chu khua zawng zawng, kulh ne kua le thingtlang lam khua pawh chhiarveka lal panga te a Philistia mite khaw zat a ni a: LALPA bâwm an ngahna pungpui ngei chua Beth-semes khuaa mi Josua lova chuan tun thleng hian a la awm reng a ni.
6:19 Tin, LALPA bâwm chhûng a en avângin Beth-semes khuaa mite chu a hrem a, an zinga mi 50,070 ze a hrem a ni: LALPAN a hrem nasat em avag chuan mite chu an tap a.
6:20 Beth-semes khuaa mite chuan, "He Pathian thianghlim LALPA maa hian tunge ding thei ang a, kan nen ata hi tu hnêna nge a kal chhoh tak ang le?" an ti a.
6:21 Chu chuan Kiriath-jearim khuaa mite hnêna chuan, "Philistia mite chuan LALPA bâwm chu an rawn da leh ta a, lo chhuk ula, in hnên lamah la chho rawh u khai," tia hrilh tûrin mite an tir ta a.
7:1 Tichuan Kiriath-jearim khuaa mite chu an zu kal a, LALPA bâwm chu an la chho va, tlânga Abinadaba ina chuan a la lût a, a fapa Elazara chu LALPA bâwm enkawltu atân an tihrang a.
7:2 Tin, heti hi ani a, Kiriath-jearim-a bâwm a awm chung chu rei tak ani a. kum sâwmhnih ze a ni: tin, Israel chungte zawng zawngin LALPA chu an lunglen leh ta a.
7:3 Tin, Samuela chuan Israel chungte zawng zawng hnênah chuan, in thinlung takzeta LALPA lam lo hawi in nih tak tak chuan, ram dang pathiante leh Asterothi-te chu in zing ata dah bo daih ta che u, in thinlung chu LALPA tan buatsaih ula, ama rawng chau bawl rawh u tichuan Philistia mite kut ata hi a chhanchhuak dawn che u nia," tiin a sawi a.
7:4 Tin, Israel mite chuan Baala-te leh Asterothi-te chu an dah bo ta a, LALPA rawng chauh chu an bâwl ta a.
7:5 Tin, Samuela chuan, "Israel mi zawng zawng chu Mizpe-ah ko khawm vek ula, LALPA hnênah ka tawngtaisak ang che u," a ti a.
7:6 Tichuan Mizpe-ah an kal khawm ta a, tin, tui an chawi a, LALPA hmaah chuan an leihbua a, chu mi ni chuan chaw an nghei a, chutah chuan, "LALPA chunga chuan kan lo sual taa ni," an ti a. Tin, Samuela chuan Mizpe-ah chuan Israel mite ro a rêlsak a.
7:7 Tin, Philistia miten Israel mite Mizpe-ah chuan an awm khawm tih an riat chuan Israel mite bei tûrin Philistia lalhoe chu an thawk chho va, Chu chu Israel miten an lo hriat chuan Philistia mite chu an hlau va.
7:8 Tichuan Israel mite chuan Samuela hnênah, "Philistia mite kut ata min chhandam tûra LALPA kan Pathian min auhsak chu bang suh khai," an ti a.
7:9 Tin, Samuela chuan berâm no hnute hne lai a la a, pum hal atân LALPA hnênah ahlan a: Israel mite tan Samuela chuan LALPA chu a au va: tin, LALPA chuan a chhâng a.
7:10 tin, Samuelan hâlral thilhlan a hlan lai tak chuan Philistia mite chuan Israel mite bei tûr chuan an rawn hnaih a; nimahsela chu mi ni chuan LALPAN Philistia mite chunga khawpui nasa tak maiin a riktir ta dur dur mai a, a tibuai ta nuai nuai a, Israel mite hmaah chuan an tlâwm ta der mai a.
7:11 Tin, Israel mite chu Mizpe atang chuan an chuak a, Philistia mite chu an uma, Bethkar hnuai an thlen thlengin an that zel a.
7:12 Chutichuan Samuela chuan lung a la a, Mizpe leh Sen inkarah chuan a phun a, "Hei lehchenhi LALPAN min pui a ni," tiin a hmingah chuan Eben-ezer a vuah a.
7:13 Chutihuan Philistia mite chu an tlâwm ta a, Israelte ramah chuan an kal leh ta lo va; tin, LALPA kut chan Philistia mite chu Samuela dam chhûng zawng chuan a tai ta reng a,
7:14 Tin, Philistia miten Israel mite khua an lakte chu Ekron atanga Gath thlengin Israel mite an pe kir leh a, a ram chu Israel miten Philisita mite kut ata an chhan chhuak a. Tin, Israel mite leh Amor mite chu inremin an awm a.
7:15 Tin, Samuela chuan a dam chungin Israel mite ro a rêl a.
7:16 Tin, kum tinin Bethel leh Gilgal leh Mizpe hi a kan vel thin a; chung hnuahte chuan Israel mite ro a rêl thin a.
7:17 Tin, a in awmna a ni avângin Rama khuaa chuan a haw thin a; chutah chuan Israel mite ro a rêl a, chuta chuan LALPA tan maichâm a siam a.
8:1 Tin, heti hi ani a, Samuela chu a lo pa ta a, a fapate chu Israel mite chunga rorêltua a siam a.
8:2 A fa tir hming hu Joela a ni a; tin, a dawttu hming chu Abija ani a; Beer-sea-a rorêltu an ni a.
8:3 Nimahsela a fate chuan a awmdan chu an la ve lo va, sum leh pai lam an ûm a, thamnate an la a, dik lo takin ro an rêl a.
8:4 Chutichuan Israel mite upaho zawng zawng an inkhawm a, Rama khuaah Samuela hnênah an kal a;
8:5 a hnênnah, "Ngai teh, i lo pa ta hle mai a, i fapate lah chuan i dawm dan chu an la ve si lo va; hnam dang zawng zawngte ang bawka kan chunga rorêl tûrin lal min siam rawh khai," an ti a.
8:6 Nimahsela a hnehah, "Ro min rêlsaktu tûr lal min pe rawh," an tih thu chuan Samuela chu a tilawm lo hle mai a.
8:7 Tichuan Samuela chuan LALPA hnênah a tawngtai a. Tin, LALPA chuan Samuela hnênah, "Mipuiten i hnêna an sawi zawng zawng chu ngaithla rawh; nang duh lo che an ni lo va, an chunga lal atân keimah mi duh lo an ni zawk e.
8:8 Aigupta ram ata ka hruai chuah ni atanga tun thlenga an thiltih dan zawng zawng, min hawisan Pathian dang rawnte min bawlsan thin ang bawk hian i chunga an ti a nih hi.
8:9 Chuvangin an thu chu ngaithla rawh: amaherawhchu urhsun taka tiamkamin an chungah rorêltu lal chet dan tûr chu kawhhmuh chiah rawh," a ti a.
8:10 Tin, Samuela chuan LALPA thu zawng zawng chu lal diltu mipuite chu a hrilh vek a.
8:11 "In chunga rorêltu tûr lal chet dan chu hetiang hi a ni ang: in fapate chu a sakawr leh a tawlailir chuan piah a ruat ang a, a tawlailir hmaah tlante an awm ang a:
8:12 tina sipai sâng hotuah te, sawmnga hotutahte a ruat ang a; tin, thenkhatte chu a lei lettu atân te, abu sengtu atân te, a indo thuamhnaw siamtu atân te, a tawlailir hmanraw siamtu atân te ahmang ang a.
8:13 Tin, in fanute chu rimtui siamtuah te, chaw chhumtuah te, chhang siamtuah a hmang ang.
8:14 Tin, in lo te, in grêp huan te, in oliv huan te, a tha tahte a chhuahsak ang che u a, a chhiahhlawhte a pe ang.
8:15 Tin, tin, thlai chi leh in grêp huana mi sâwma pakhat a laksak ang che u a, a chhiahhlawhte leh hotute a pe ang.
8:16 Tin, in chiahhlawhpa te, in chhiahlawhnu te, in tlangvâl tha tha te, in sabengtung te a chhuhsak ang che u a, a hnathawktu atân a ruai ang.
8:17 In berâmruala mi sâwma pakat a laksak ang che u a; tin, a chhiahhlawhte in ni ang.
8:18 chuan in la rum chhuak ang a; nimahsela chu mi hun chuan LALPAN a chang lo vang che u," a ti a.
8:19 Nimahsela mipuite chuan Samuela thu chu an pawm duh lo va, "A ni lo ve, lal kan nei ngei tûr a ni;
8:20 tichuan hnam dang zawng zawngte ang kan lo ni ang a, tin, kan lal chuan romin rêlsak ang a, kan hnamte hruaiin ralte min dopui ang," an ti a.
8:21 Tin, Samuela chuan mipuite thusawi zawng zawng chu a hria a, LALPA benga chuan a thun leh chhawng a.
8:22 Tin, LALPA chuan Samuela hnênah, "An thu chu pawm la, lal siamsak rawh," a ti a. Tin, Samuela chuan Israel mite hnênah chuan, "Mi tin, mahni khuaah haw theuh rawh u," a ti a.
9:1 Benjamin rama Benjamina thlah mi pakhat mi chak huaisen tak i a awm a, a hming chu Kisa a ni a, chu mi chu Abiela fapa a ni a, chu mi chu Zeorora fapa a ni a, chu mi chu Bekoratha fapa a ni a, chu mi chu Aphia fapa a ni a.
9:2 Tin, ani chuan fapa a nei a, a hming chu Saula ani a, tlangvâl tlawntlai tha tak ani a, srael mite zinga chuan a aia tlawntlai tha rêng rêng an awm lo va; tuma a koki khûm pawh an awm lo.
9:3 Tin, Saula pa Kisa sabengtung te a bo hlawm a. Tin, Kisa chuan a fapa Saula hnênah chuan, "Tho la, chhiahhlawh pakhat hruai la, sabengtung va zawng teh khai,"a ti a.
9:4 Tichuan Ephraim tlâng ramte chu a fang a, tin, Salisa ramte paw a fang a, nimahsela an hmu lo va: tichuan Saalim ram an vang leh a, chutah pawh chuan an awm lo va: tin, Benjamin mite ram a fang leh a, nimahsela an hmu ta chuang lo va.
9:5 Zuph ram an thlen chuan Saula chuan a hnêna awm ve, a chhiahhlawh hnênah chuan, "Hawh teh, i haw leh teh tawh tawh mai ang, chutilochuan ka pain sabengtung ngaihtuah thulhin keimahni minngaihtuah dah ang e," a ti a.
9:6 Tin, ani chuan a hnênah, "Ngai teh, he khuaah hian Pathian mi a awm a, mi zahawm tak a ni a, a sawi apiang chu a lo thleng ngei ngei thin a ni: hawh teh, chutah chuan i kal teh ang, kan kalna tûrte hi min hrilh thei mial mahna, " a ti a.
9:7 Chutichuan Saula chuan a chhiahhlawh hnênah chuan, "Nimahsela e ngai teh, kal ang ila, chu mi chu engnge kan kensâng ang? Kan bâwma chhang lah a awm tawh si lo va, Pathian mi pawmman ken tûr a awm hauh lo mai: engnge kan neih saw?" a ti a.
9:8 Tin, chhiahhlawh chuan Saula chu a chhang leh a, "Ngai teh, tangka sekel hmun lia thena hmun khat chu ka la keng a: chu chu, kan kalna tûr min hrilh manah Pathian mi chu ka pe ang e," a ti a.
9:9 (Tun hma lam chuan Israel hote zinga miin Pathian rawn an duh hian, "Hawh teh, hmutheitu hnênah i kal teh ang," an ti thin a: tun laia zâwlnei an tih thina hi tun hma chuan Hmutheitu an ti thin a ni.)
9:10 Chutichuan Saula chuan a chhiahhlawh hnênah, "A that hlauh chu, i kal teh ang hmiang, " a ti a. Chutichuan Pathian mi awmna khuaah chuan an kal ta a.
9:11 Khaw pan chhohnaa an han chhoh lai chuan nula tui chawi tûra lo chhuakte an han hmu a, an hnênah, "Hetah hian hmutheitu chu a awm em?" an ti a.
9:12 Tin, anni chuan an chhang a, "Aw e, in hmaah a lo kal asin, hmanhmawh rawh u khai, vawiinah hian khuaah chuan a lo kal a ni; vawiinah hian hmun sângah mite an inthawi a ni:
9:13 Khua in han luh veleh hmun sânga chaw ei tûra a kal hmain in han hmu nghal mai ang; inthawina chu malsawmtu tûr anih avângin a thlen hma loh chuanmipui chuan chaw an ei dawn lo a ni;chu mi hnuah chuan an mi sawmte chuan an ei thin a ni. Chuvangin kal chho thuai ula, in han hmu nghal mai ang," an ti a.
9:14 Tichuan khuaa chuan an kal cho ta a; tin, khua an han luh chuan ngai teh, Samuela hmun sânga kal tûr chuan a tawk a.
9:15 Tin, Saula lo kal hma ni khatah chuan LALPA chuan Samuela chu a bekbawr a,
9:16 "Naktuk hetih hun lai hian Benjamin ram atangin i hnênah mi pakhat ka rawn kaltir dawn a, ka mi Israelte chunga hotu ni tûrin hriak i thih ang a, ani chuan Philistia mite kut ata ka mite a chhandam ang; an au thawm chuan ka hnên a lo thlen tak avângin ka mite chu ka ngaihsak a ni." tiin.
9:17 Tin, Samuelan Saula a hmuh chuan LALPAN a hnênah, "En teh, i hnêna ka mi sawia kha; ani hian ka mite chunga thu a nei ang, a ti a.
9:18 Chuti chuan Saula chuan kulh kawngkaah Samuela chu a va hnaih a, "Hmutheitu in chu khawiah nge a awm min hrilh teh khai," a ti a.
9:19 Tin, Samuela chuan Saula chu a chhâng a, "Keimah hi hmutheitu chu ka ni; kahmaa hian hmun sâng lam panin kal la, vawiinah hian ka hnênah chaw i ei dawn a ni; tin, naktuk zingah chuan ka kaltir ang chia, i rilrua awm zawng zawng pawh ka hrilh ang che.
9:20 Tin, i sabengtung, ni thum bo tawhte thu chu lungkham suh, an hmu tawh e. Israelte zinga ropuina zawng zawng chu tu tan nge ni? I tan leh i pa ina mi zawng awng tan ani lâwm ni?" a ti a.
9:21 Tin, Saula chuan a chhâng a, "Israel hnam zinga te ber, Benjamin hnam ka ni law ni? Tin, kan chhûngkua pawh Benjamin hnam chhûngkua zawng zawng zinga te ber ani lâwm ni? Eng tiziaa hetianga ka hnêna sawi nge i nih le?" a ti a.
9:22 Tin, Samuela chuan Saula leh achhiahhlawh chu a hruai a, mikhual pindahna chuan a hruai lut a, an mi sawm, sawmthum lai zingah chuan hmun ropui berah a thuttir a.
9:23 Tin, Samuela chuan chaw chhumtu hnênah chuan, "I hnêna dah hran tûr ka tih chanvo ka pêk che kha han la rawh khai," a ti a.
9:24 Chutichuan chaw chhumtu chuan a bawp leh a chunga awm chu a rawn la a, Saula hmaah chuana va hlui a. Tin, Samuela chuan, "En teh, ka lo dah hrana chu! Kil la, ei rawh; a hun hun atân hei hi ka lo ruatsak reng che a ni, 'Mite ka sawm khawm e' ka ti tawh bawk si a," a ti a. Chutichuan chu mi ni chuanSaula chu Samuela te nen chawhlui an kil za ta a.
9:25 Tin, hmun sâng ata khuaa an chhuk chuan, in chunga Saula chu mutna an siamsak a, a mu ta a.
9:26 Tin, zing takah a tho va; ni chhuah dawn lai velin Samuela chuan in chunga awm Saula chu a ko va, "Tho la, ka laltir te teh tawh ang che," a ti a. Chutichuan Saula chu a tho va, an pahnih chuan an kal chhuak a, amah leh Samuela chu an chuak ta a.
9:27 Khaw hmawr lam chu an zuk thlen chuan, Samuela chuan Saula hnênah, "Chhiahlawh hi ka hma lamah kaltir la, (ani chu a kal ta a) nang erawh chu ding rih la, Pathian thu ka han hrilh teh rih ang che," a ti a.
10:1 Chutichuan Samuela chuan hriakbawk chu ahan phawrh a, a lua chuan alei a, a fawp a, "LALPA chuan a rochante chunga hotu ni tûrin hriak a thih che a ni lâwm ni?
10:2 Vawiina mi chhuahsan hnu hian Zelza-ah Benjamin ramria Rakili tlan kiangah mi pahnih i hmu ang a: tin, anni chuan i hnênah, 'Sabengtung i zawnte chu an hmu tawh e: tinngai teh, i pa chuan sabengtung chu a ngaihtuah tawh lo va, nangmah mawlh a ngaihtuah a, ka fapa chu engtin nge ka tih tak ang, a ti a ti mai a,' an ti ang a.
10:3 Tin, chuta tang chuan kal zel la, Tabor sasua chu i va thleng ang a, chutah chuan mi pathum Bethel-a Pathian hnêna han kal tûrten an lo tawk ang chia; pakhat chuan chhangper tlâng thum a keng ang a, tin, pakhat chuan uain peng a keng ang.
10:4 Tin, chibai an bûk ang chia, changpera tlâng nih an pe ang chia; chu chu i lo la ang a.
10:5 Chu mi zawhah chuan Philistia sipaiho awmna Pathian tlâng chu i va thleng ang a; tin, heti hi a ni ang a, chuta khua i va thlen chuan zâwlneiho, perhkhuang te, khuangte te, phenglawng te, tingtang kengte hruaia hmun sâng atanga lo chhuk i tawk ang a: tin, thu an sawi dual dual ang a:
10:6 tin, LALPA thlarau nasa takin i chungah a lo thleng ang a, nang pawh thu an sawi dual dualnaah chuan i tel ve ang a, tin, mi danglam daihah i lo chang mai ang.
10:7 Tin, heng chhinchhiah hi i chunga a lo awm hunah chuan thil lo awmin a zir ang zelin i tih tûr a ni: Pathian i hnênah a awm zel si a.
10:8 Tin, ka kal hmain Gilgal-ah lo zukkal la; tin, ngai teh, kei pawh hâlral thilhlante leh remna inthawinate hlan tûrin i hnênah ka lo chhuk ang a: i hnêna ka lo kal a, i tih tûr ka rawn hrilh hma che chuan ni sarih i lo awm tûr ani ang," a ti a.
10:9 Tin, chutiang chu a lo ni ta ngei a, Samuela then tûra a hnuchawn veleh chuan Pathianin thinlung danglam daih a pe ta a; tin chung chhinchiahna zawng zawngte chu chu mi ni chuan a lo thleng ta vek a.
10:10 Chutichuan tlâng hu an han thlen chuan, ngai teh, zâwlneihovin an tawk a; tin, LALPA thlarau nasa takin a lo thleng a, thu an sawi dual dualnaah chuan a tel ve ta a.
10:11 Tin, heti hi a ni a, tun hma lama amah lo hre tawhten zâwlneite thu sawi dual dualnaah a tel ve tih an hriat chuan, mite chu an inbia a, "Kisa fapa hunga thil lo awm hi engnge ni ta? Saula pawh chu zâwlnei zingah a tel ve ta elo maw ni," an ti a.
10:12 Tin, a awmna khuaa mi pakhatin a chang a, "An pate chu tunge maw a nih bik le?" a ti a. Chutichuan, "Saula pawh chu zâwlnei a ni ve ta elo maw?" tih chu infiamna takah an hmang ta reng a.
10:13 Tin, an thusawi dual dualnaa a tel zawh chuan hmun sâng chu a thleng ta a.
10:14 Tin, Saula pami chuan a hnênah leh a chhiahhlawh hnênah chuan, "Khawiah nge in kal?" a ti a. Tin, ani chuan, "Sabengtung kan zawn a ni: tin, kan hmuh zawh tak loh avângin Samuela hnênah kan kal ta a ni," a ti a.
10:15 Tin, Saula pami chuan, "Samuela chuan i hnênah engnge ni a sawi min hrilh teh khai," a ti a.
10:16 Tin, Saula chuan a pami hnênah chuan, "Sabengtungte chu an hmu tawh tih min hrilh teh meuh mai," a ti a. Amaherawhchu ram chungchang thu Samuelan a sawi chu a hrilh lo.
10:17 Chutichuan Samuela chuan mipuite chu Mizpe-ah LALPA hnênah a ko khawm a;
10:18 tin, Israel thlahte hnênah chuan, "LALPA, Israelte Pathian chuan heti hian a ti a ni," Israel-ho chu Aigupta atangin ka hruai chhuak a, Aigupta mite kuta a ta leh a hnuaichiahtu che u ram zawng zawng ata ka chhan chhuak che u a:
10:19 nimahsela vawiinah hian in manganna zawng zawng leh hreawmna zawng zawng ata chhan himtu che u in Pathian ngei chu in duh lo va, a nenah, A ni lo ve, lal min siamsak rawh in ti a,' tiin. Chuvangin tunah hian a hnama hnam leh a chia chiin LALPA hmaah rawn inlan rawh u," a ti a.
10:20 Chutichuan Samuela chuan Israel chi zawng zawng chu a rawn inlantir a, tin, Benjamin chi chu thlan a lo ni ta a.
10:21 Tin, Benjami chiho chu a chhûngkuain a rawn inlantir a. Matri mi chhûng chu thlan a lo ni ta a; tin, Kisa fapa Daula chu thlan a lo ni ta: nimahsela amah an han zawng a, an hmu lo va.
10:22 Chutichuan LALPA chu an han nawn leh a, "Mi lo kal tûr an la awm em?" an ti a. Tin, LALPA chuan a chhâng a, "Ngai teh u, bungraw zinga abiru a ni," a ti a.
10:23 Chutichuan an tlan a, an va hruai chhuak a; tin, mipui zinga a han din chuan mi zingah chuan a sâng ber mai a, tuma a koki khum pawh an awm lo.
10:24 Tin, Samuela chuan mi zawng zawng hnêna chuan, "LALPA mi ruat hi in hmu em? Mipui zawng zawng zingah amah ang rêng rêng an awm lo ve," a ti a. Tin, mipuite chu an au va, "Pathianin lalber humhim rawh se," an ti a.
10:25 Chutichuan Samuela chuan mipuite chu ram awm dan tûr chu a hrilh a, lehkhabuah a ziak a, LALPA hmaah chuan a dah a. Tin, Samuela chuan mipuite chu mahni in lam theuhvah a hawtir ta a.
10:26 Tin, Saula pawh chu Gibea khuaah a in lama a haw ve ta a: tin, mi huaisenho an thinlung Pathianin a khawihte chu a hnênah an kal ve a.
10:27 Nimahsela Beliala fapa tute emaw chuan, "He mi hian engtin nge min chandam theih tehlul ang?" an ti a. Tichuan amah chu an ngainep a, lawmman rêng rêng an pe duh lo va. Nimahsela ani chu a ngawi reng mai a.
11:1 Chutichuan Amon mi Nahasa chu a lo thawk a, Jabes-Gilead beih tumin a han ep a; tin, Jabes mi zawng zawng chuan Nahasa hnênah chuan, "Kan hnênah thu thlung la, tichuan i rawng kan bawl ang e," an ti a.
11:2 Tin, Amon mi Nahasa chuan an hnênah, "Hetiang hian a ni in hnênah thu ka thlun ang ni: in mit dinglam zawng zawng kher chhuah vek tûr ani ang a; chu chu Israel mi zawng zawng tan hmingchhiatna a ni ang," a ti a.
11:3 Tin, Jabes khuaa upate chuan a hnênah, "Israel ram zawng zawngah mi kan han tir rih theih nan ni sarih min ngaichang rih rawh; chuta min chhandam tûr tumah an awm loh chuan i h nenah kan lo chhuak mai ang e," an ti a.
11:4 Chutichuan an mi tirhte chuan Saula awmna khua Gibea chu an lo thleng a, mipuite beng hriatah chuan chung thu chu an sawi a; tin, mipuite chuan an aw an chhuah a, an tap a,
11:5 Tin, ngai teh, lo atangin Saula chu sebâwng khalhin a lo haw a; tin, Saula chuan, "Eng an ti nge ni mipuite chu an tah?" a ti a. Tin, Jabes khuaa mite thusawi chu an hrilh a.
11:6 Tin, chung thu chu a hriat veleh chuan Saula chungah Pathian thlarau a lo thleng ta chiam mai a, nasa takin a thin chu a ur ta thut a.
11:7 Chutichuan bawng tuak khat a talh a, a sa chu a chan sawm vek a, Israel ram zawng zawngah chuan a semtir a, "Tupawh Saula leh Samuela rawn zui duh lo apiang an sebâwng chu hetianga tih ve hi a ni ang," tiin. Chutichuan mipuite chuan LALPA chu an hlau ta a, thukhat vuain an lo thawk chhuak ta a.
11:8 Tin, Bezel hmunah chuan a chhiar a; Israel mite chu nuai thum an ni a, Juda mite chu singthum an ni a.
11:9 Tin, an mi rawn tirhte hnênah chuan, "Jebes mite chu an hrilh a, tichuan an lawm ta hle mai a.
11:10 Chutichuan Jabes mite chuan, "Naktukah hian in hnênah kan lo chhuak ang a, kan chungah in duh duhin ti mai ang che u," an ti a.
11:11 Tin, heti hi a ni a, a tukah chuan Saula chuan mipuite chu pawl thumah a siam a; tin, zing ven hun lai takin an riahhmunah chuan a lût a, Amon mite chu chhun ni sat vang lai tak thlengin an that a; tin, heti hi ani a, an thah bangte chu an darh vek a, pahniha awm dun rêng rêng pawh an awm lo va.
11:12 Tin, mipuite chuan Samuela hnênah, "Tute nge ni 'Saulan kan chungah ro a rel tehlul ang maw' ti kha? Chung mite chu rawn hruai la kan lo tihlum ang e," an ti a.
11:13 Tin, Saula chuan, "vawiin kher hi chuan tumah tihhlum tûr ani lo ve; vawiinah hian LALPA chuan Israelte zingah chhandamna a rawn thawk chhuak ta si a," a ti a.
11:14 Chutichuan mipuite hnênah chuan, "Hawh u, Gilgal-ah i kal ang u khai, chutah chuan ram chu i din thar leh ang u," a tiu a.
11:15 Chutichuan mipui zawng zawng chu Gilgal-ah chuan an kal ta a; Saula chu Gilgal-ah chuan LALPA hmaah lalah an siam ta a; chutah chuan LALPA hmaah remna inthawinate an hlan a; tichuan chutah chuan Saula leh Israel mi zawng zawngte chu an lawm ta êm êm mai a.
12:1 Tin, Samuela chuan Israel mite zawng zawng hnênah chuan, "Ngai teh u, ka hnêna in thusawi zawng zawng chu ka pawm a, lal tûr ka siamsak ta che u a.
12:2 Tunah hian ngai teh u, lal chuan a lo kaihruai ta che u a: kei chu ka lo tarin ka lûte pawh a lo tuak ta a: tin, ngai teh u, ka fapate chu in hnênah an awm a; ka tleirawl atangin tun thlengin ka kaihruai che u a.
12:3 Heta hi ka awm a: LALPA hma leh a hriak thiha hmaah hian mi sel teh u le; tu bawng pa nge ka chhuhsak ngai? Tu sabengtung nge ka chhuhsak ngai? Tunge ka bum tawh ngai? Tunge ka tihduhdah ngai? Ka mit tidel tûrin tu lakah nge thamna ka lak ngai? Ka rul leh vek ang che u," a ti a.
12:4 Tin, anni chuan, "Min bum ngai lo va, min tiduhdah ngai hek lo, tuma kut atangin lak awm loh i la ngai hek lo," an ti a.
12:5 Tin, ani chuan an hnênah, "Ka kutah hian engmah awm lo in hmu lo tih vawiinah hian LALPA chu in lakah hretu ani a, a hriak thiha pawh chu hretu a ni," a ti a. Tin, anni chuan, "Amah chu hretu a ni," an ti a.
12:6 Tin, Samuela chuan mpui hnênah chuan, "Mosia leh Arona ruattu leh Aigupta ram ata in pute hruai chhuaktu LALPA chu a ni asin.
12:7 Chutichuan ding thap ula, LALPA hmaah hian LALPAN in chungah leh in pute chunga thil a lo tihfel thin dan ka han chhutpui teh ang che u.
12:8 Aigupta rama Jakoba aluh hnu khan, in pute chuan LALPA an au va, tichuan LALPA chuan Mosia leh Arona a tir a, anni chuan in pute chu Aigupta ram atangin an hruai chhuak a, he hmunah hian an awmtir ta a.
12:9 Nimahsela LALPA an Pathian chu an theihnghilh a; tin, ani chuan Hazor sipai hotu Sisera kutah leh Philistia mite kutah leh Moab lal kutah a hralh a, tin, anni chuan an do va.
12:10 Tin, LALPA chu an au va, 'LALPA chu kan hawisan a, Baal-te leh Astarothi-te rawng kan bawl avângin kan lo sual ta a ni: nimahsela kan hmêlmate kut ata hi min chhan chhuak tawh la, tichuan i rawng kan bawl ang e,' an ti a.
12:11 Tin, LALPA chuan Jerubaala te, Bendana te, Jephtha te, Samuela te a tir a, in hmêlma lehlam lehlam mite kut ata a chanchhuak che u a, him takin in awm a.
12:12 Tin, Amona thlahte lal Nahasa chu nangmahni do tûrin a lo kal tih in hriat veleh ka hnênah , 'A ni lo ve, lalin ro min rel rawh se,' in ti a; LALPA Pathian chu in lal ani reng si a.
12:13 Chutichuan in lal in thlan leh dil chu en teh u; en teh u, LALPA chuan lal a siamsak ta che u anih hi.
12:14 LALPA chu in tih a, a rawng in bâwl a, a aw in ngaihthlâk a, LALPA thupêk in helsan loh va, nangmahni leh in chunga rorêltu lal nen LALPA in Pathian zuitu in nih chuan a tha ang a;
12:15 amaherawhchu LALPA aw chu ngaithla lo va, LALPA thupêk in helsan chuan in puten LALPA kut an tuar ang bawkin nangni pawhin in tuar ang.
12:16 Chutichuan ding thap ula, LALPAN in mithmuha thil ropui tak a tih tûr hi lo en rawh u.
12:17 Vawiin hian buh an seng a ni lâwm ni? Khawpui rik tir tûr leh ruah surtir tûrin LALPA chu ka au vang a, tichuan lal in dil thu-ah hian LALPA mithmuha thil in tihsual hi a nasatzia in hriain in hmu ang," a ti a.
12:18 Chutichuan Samuela chuan LALPA chu a au va, LALPA chuan chu mi ni chuan khawpui a riktir a, ruah a sirtir a; tichuan mipui chuan LALPA leh Samuela chu an hlau ta êm êm a.
12:19 Tin, mipui zawng zawng chuan Samuela hnênah chuan, "Kan thih loh nan LALPA i Pathian hnênah chuan i chhiahhlawhte hi min tawngtaisak rawh, he thil tha lo tak lal, kan lo dil hi, kan sual zawng zawng belhchhahtu a nih tak hi," an ti a.
12:20 Tin, Samuela chuan mipuite hnênah chuan, "Hlau suh u, he thil tha lo tak hi tih zawng n ti ngei tak a, mahse LALPA in zui chu pensan chuang lo ula, in thinlung zawng zawngin LALPA rawng chu bawl zawk rawh u;
12:21 engmaha hnemhnang lo tûr leh chhanchhuak thei lo che u zuiin pensan suh u, engmahlo an ni si a.
12:22 A hming ropui tak avâng hian LALPA chuan a mite chu a hawisan dawn si lo va: a mite atâna siam che u chu LALPA lawmzawng tak ani si a.
12:23 Chu chang pawh ani lo va, in tana tawngtai ban a, LALPA chunga sual sual chu kei atân chuan a hnai lo tawp mai a ni; kawng tha leh kawng dik ka kawhhmuh zel zawk ang che u.
12:24 LALPA chu tih phawt mai ula, in thinlung zawng zawngin tih takzetin a rawng bâwl ula in tan thil a tih ropuizia hi ngaihtuah rawh u khai.
12:25 Amaherawhchu sual taka thil in la tih cheu chuan in boral ang, nangmahni leh in lal nen," a ti a.
13:1 Saula chu kum sâwmthum mi a nihin a lal tan a; tin, Israel-hote chungah kum hnih a lal a.
13:2 Tin, Saula chuan Israel-ho zinga mi sângthum a thlang a; sânghnih chu Mikmas-ah leh Bethel tlângah Saula hnênah an awm a, tin, sângkhat chu Benjamin rama Gibea-ah Jonathana hnênah an awm a: tin, a dang zawng zawng chu anmahni puan inah a hawtir vek a.
13:3 Tin, Jonathana chuan Geba-a Philistia ral vengtu sipaiho a bei a; chu chu Philistia mite chuan an lo hria a. Tichuan Saula chuan "Hebrai mite khan lo hre rawh se," tiin an ram zawng zawngah chuan tawtawrâwt a hamtir a.
13:4 Tin, Israel-ho zawng zawngte chuan, Saula chuan Philistia ral vengtu sipaihote a bei tih leh Israel-hote pawh Philistia mite huat an phur ani tih thute an lo hre ta a. Chutichuan mipuite chu Saula hnênah Gilgal-ah an pung khawm ta chiam mai a.
13:5 Tin, Philistia mite chu Israel-ho bei tûr chuan an inpun khawm ta chiam a; tawlailir singthum, sakawr chung chuang mi sângruk, mihring tuifinriat kama tiau zat zeta tam an ni: tin, an chho va, Beth-aven chhak lampangah Mikmas-ah chuan tanhmun an khuar a.
13:6 Tin, Israel mite chuan hnawhchepin an awm tih an inhriat chuan (mite chu an mangang ta hle mai a) mite chu pukah te, hnim hnawkah te, lungpui phenah te, kulhah te, khuarkhurumahte an biru a.
13:7 Hebrai mi thenkhatte chu Jorda ralah Gad leh Gilead ramahte an tlan a; Saula erawh chu Gilgal-ah a la awm reng a, mipuite chuan khur zawih zawih chungin an zui a.
13:8 Samuelan ni a ruat angin ni sarih a awm a; nimahsela Samuela chuan Gilgal-ah chuan a la kal ta lo a; tichuan mipuiin an tlan darhsan ta a.
13:9 Tin, Saula chuan, "hâlral thilhlan tûr leh remna thilhlan tûrte chu hetah ka hnênah han la rawh u," a ti a. Chutichuan hâlral thilhlan chu a hlan a.
13:10 Tin, heti hi a ni a, hâlral thilhlan a hlan zo chauh va, Samuela chu a lo thleng ta a; tin, Saula chu chibai bûk tûrin amah hmuakin a lo kal a.
13:11 Tin, Samuela chuan, "Engnge ni i lo tih chu le?" a ti a. Tin, Saula chuan, "Mipuite chuan mi kal bosan tawh a, tin, nang lah chu ni ruat niah chuan i lo thleng ta lo va, tin, Philistia mite lah chu Mikmas0ah an pung khawm luih luih tawh tih ka hre si a.
13:12 Chuvang chuan 'Philistia mite chuan Gilgal-ah min rawn bei dawn tep si a, tin, LALPA khawngaihna ka la dil si lo' ka ti a. Chuvang chuan hâlral thilhlan chu hlan lo thei ka ni lo a ni," a ti a.
13:13 Tin, Samuela chuan Saula hnênah chuan, "I thiltih dan hi a atthlak hle mai: LALPA i Pathian thu pêk, thu a pêk che hi i zawm lo a ni: LALPA chuan Israelte chungah hian i lalna hi kumkhuaa tihngheh tum zawng a ni a le
13:14 Nimahsela i lalna chu a kin tawh ang; LALPA thupêk che i zawm loh avângin LALPA chuan ama thinlung ang pu mi a zawng a, mite chunga hotu ni tûrin LALPAN a ruat tawh a ni," a ti a.
13:15 Tin, Samuela chu a tho va, Gilgal ata chu Benjami rama Gibea khuaah chuan ahan kal ta a. Tin, Saula chuan a hnêna mi awmte chu a chhiar a, zaruk lai an ni a.
13:16 Tin, Saula leh a fapa Jonathana leh an hnêna mi awmte chu Benjamin rama Geba khuaah chuan an awm a; nimahsela Philistia mite chuan Mikmas-ah chuan tanhmun an khuar a.
13:17 Tin, lamththamhote chu Philistia mite tanhmun atangin pawl thumin an lo chhuak a: pawl khatte chu Sual rama Ophra lam pan akwng chu an zawh a:
13:18 tin, pawl khat chu Beth-horon lam pan kawn an zawh a; tin, pâwl khat chuan thlaler dep Zeboim ruam lam hawi ramri kawng chu an zawh a.
13:19 Israel-ho ram pum puiah chuan thirdeng rêng rêng an awm lo va; Philistia mite chuan, "Hebrai mite hian khandaihte emaw, feite emaw an siam dah reu reu ang e," an ti a ni.
13:20 ,21 Nimahsela Israel mi zawng zawngte chu bawngtuthlawh te, leilehna thir hriam te, thirkut te, hreipui te, tiang hmawra zum te a bil chuan an leilehna hmawr zum te, an leilehna thir hriam te, an hreipui te, an bawngtuthlawhte tah hriamtir tûrin Philistia-hote hnênah an zuk chhuk thin a ni.
13:21 ,20 Nimahsela Israel mi zawng zawngte chu bawngtuthlawh te, leilehna thir hriam te, thirkut te, hreipui te, tiang hmawra zum te a bil chuan an leilehna hmawr zum te, an leilehna thir hriam te, an hreipui te, an bawngtuthlawhte tah hriamtir tûrin Philistia-hote hnênah an zuk chhuk thin a ni.
13:22 Chutichuan an indo ni chuan Saula leh Jonathana hena mi awmte chu khandai emaw, fei emaw nei rêng rêng an awm lo va; Saula leh a fapa Jonahthana erawh chuan an nei a.
13:23 Tin, Philistia ralvengtu sipaiho chu Mikmas kawnah an kal ta a.
14:1 Tin, heti hi a ni a, ni khat chu Saula fapa Jonathana chuan a râlthuam kengtu tlangvâl hnênah chuan, "Hawh teh, lehlam ral Philistia mi ralvengtu sipaiho awmnaah sawn i va kal teh a ng," a ti a. Nimahsela a pa chu a hrilh lo va.
14:2 Tin, Saula chu Gibea ram hmawr lam daiha Migron-a pomgranet thei kung hnuaiah a awm a: tin, a hnêna mi awmte chu zaruk emaw lai an ni a.
14:3 Tin, Silo khuaa LALPA puithiam Elia fapa Phinehasa fapa Ikaboda unaupa Ahituba fapa Ahija chu puithiam kawr hain a awm ve a. Tin, Jonathana chu a kal tih mipuite chuan an hre lo va.
14:4 Tin, Jonathana Philistia mi ralvengtu sipaiho awmnaa kal a tumna kawn leh kawn inkarah chuan a lehlam a lehlamah chuan lungpui tohlawt a awm a: a pkhata hming chu Bozez ani a, a pakhat a hming chu Sene a ni a.
14:5 Lung tohlawt pakhat chu Mikmas zawn hmâr lampanga awm a ni a, a dang pakhat chu Geba zawn chhim lampanga awm a ni.
14:6 Tin, Jonathana chuan a râlthuam kengtu tlangvâl hnênah chuan, "Hawh serhtan lohho sipaite awmnaah sawn i kal teh a; LALPA chuan thil min tihsak mial mahna; LALPA tan chuan a tam emaw, a tlêm êmaw a chhandam chu engmah theih lohna a awm ve chuang si lo va," a ti a.
14:7 Tin, a râlthuam kengtu chuan a hnênah, "I rilrua awm tak chuan ti rawh; ngai teh, i rilru ang chiah chu ka rilru a ni," a ti a.
14:8 Chutichuan Jonathana chuan, "hawh teh, an hneah sawn kan va kal kai ang a, kan va inlan ang a.
14:9 Tin, kan hnêna, "In hnênah kan lo kal hma loh chuan lo awm rawh u,' min tih chuan kan hmunah chuan kan ding reng a, an hnênah kan chho lo vang a.
14:10 Kan hnên lamah hian lo chho rawh u,' an tih erawh chuan kan chho vang a: LALPAN kan kutah min pe tawh ani tih kan tan chhinchhiahna ani ang," a ti a.
14:11 Tin, an pahnihin Philistia mi ralvengtu sipaite hmuhah chuan an va inlan a: tin, Philistia- hote chuan, "En teh u, Hebrai mite an bihrukna khuarkhurum ata an lo chhuak ta," an ti a.
14:12 Tin, ralvengtu sipaiho awmnaa mite chuan Jonathana leh a râlthuam kengtu chu, "Lo chho ula, thil engemaw kan lo entir ang che u," tiin an lo au va. Tin, Jonathana chuan a râlthuam kengtu hnênah chuan, "Mi rawn zui chho rawh khai; LALPA chuan anni chu Israelhote kutah a pe ta a ni," a ti a.
14:13 Tichuan Jonathana chu a kut leh ke thawhin a lawn chho va, a ralthuam kengtu chuan a zui a; tin, anni chuan Jonathana hmaah chuan an tlu zawih zawih a, a râlthuam ekngtu chuan a rawn that ve zel a.
14:14 Chutichuan Jonathana leh a râlthuam kengtuin an thah hmasak ber tum chuan tin chanve hmun emaw vel tûrah hian mi sawmhnih emaw lai an that a ni.
14:15 Tin, an riahhmuna mi te, phula mi te, mipui zawng zawngte chu an khur a; tin, ralvengtu sipaite leh lamthamhote pawh chu an khur ve a; tin, lir a nghing a; chutichuan namen lova khurhna a lo awm a.
14:16 Tin, Benjamin ram Gibea-a Saula ralvengtute chuan an han thlir vel a, ngai teh, mipuite chu an teh darh hum hum a, lehlam lehlamah an chavai nuai nuai mai a.
14:17 Chutichuan Saula chuan a hnêna mipui awmte hnênah chuan, "Tunah hian inchhiar ula, tute nge kim lo han en teh u khai," a ti a. Tin, an han inchhiar chuan ngei teh, Jonathana leh a râlthuam kengtu chu an lo awm ve ta lo va.
14:18 Tin, Saula chuan Ahija hnênah chuan, "Pathian bâwm chu han la rawh khai," a ti a. Chumi lai chuan Pathian bâwm chu Israela thlahte hnêna awm ani a.
14:19 Tin, heti hi a ni a, Saulan puithiam abiak lai mekte chuan Philistia mite riahhmun lama buai mur mur chu a zual ta deuh deuh mai a; tin, Saula chuan puithiam hnênah, "I kut la rawh," a ti a.
14:20 Tichuan Saula leh a hnêna mipui awm zawng zawngte chu an kal khawm a, indonaah chuan an kal ta a; tin, ngai teh, anmahni leh anmahni khandaihin an inbei ta chiam a, tichuan an buai ta nuai nuai mai a.
14:21 Chutichuan chung lai ram vela mi riahhmuna han kal ve, tun hma lama Philistia-ho ama tang Hebrai mite pawh chu Suala leh Jonathana hnêna awm Israel mite lamah chuan an lo pakai leh ta a.
14:22 Chutiang bawkin Ephraim tlang rama Israel mi biru zawng zawngte pawh khan khan Philistia mite an tlanbo tih an lo hria a, anni pawh chuan indonaah tel vein an um zui ve ta ngat ngat a.
14:23 Chutichuan LALPAN chu mi ni chuan Israel-hote chu a chhanhim ta a; tin, Beth-aven thleng rawkin an bei a.
14:24 Tin, chu mi ni chuan Israel mite chu an mangang a; nimahsela Saula chuan, "Kan hmêlmate chunga phuba ka lak a, khua a lo tlailam hmaa tupawhin chaw a ei chuan ânchhia dawng rawh se," tiin mipuite chu a vau va. Chutichuan tumahin chaw rêng rêng a tem pawh an tem miah lo va.
14:25 Tin, mipui zawng zawngte chuan ramhnuai an va thleng a, leiah chuan khawizu te a lo awm a.
14:26 Tin, mipuiin ramhnuai an va thlen chuan ngai teh, khawizu te a lo luang a; nimahsela tumahin an pir lo; mipuite chuan chhechham chu an hlau a ni.
14:27 Nimahsela Jonathana chuan a pain mipuite chu chhechhama a vau lai a hre ve lo va; chutichuan a tiang ken hmawr chu khawithlârah chuan a vit lût a, a pir a; tichuan a mit meng a lo fiah ta a.
14:28 Chutichuan mipui zinga mi pakhat chuan a bia a, "I pa chuan mipuiho hi, 'Vawiina chaw ei apiang chu ânchhe dawngin awm rawh se,' tiin min vau tlat a, mipuite pawh an chau hle reng mai," a ti a.
14:29 Chutichuan Jonathana chuan, "Ka pa hian mite a timangang mai a nih hi maw; en ta che u, khawizu tlemte ka han tem mai avânga ka mit meng a lo fiah takzia hi.
14:30 Mipui hian an râllâk thil hi an hmuh apiang vawiinah hian an duh duhin ei thei phei sela chu a va nasa lehzual dawn em! Chu mi avâng chuan Philistia mite chu kan thah nasat theih loh phah a nih hi," a ti a.
14:31 Tichuan chu mi ni chuan Mikmas atangin Aijalon thlengin Philistia mite chu an bei a; tin, mipuite an chau ta hle mai a.
14:32 Chutichuan mipuite chuan an râllâk thil chu a bawhin an bawh a, berâm te, sebâwngpa te, sebâwng no te an man a, leiah an tihlum a, mipuite chuan a thisen chawpin an ei ta mai a.
14:33 Chutichuan, "Ngai teh, mipuite chuan thisen chawpa eiin LALPA chungah thil an tisual ta," tiin Saula chu an hrilh a. Tin, ani chuan, "Vervek takin thil in ti a ni vawiinah hian lung lian tak mi rawn lumsak rawh u," a ti a.
14:34 Tin, Saula chuan, "Mipui zingah chuan vakdarh vek ula, an hnênah, 'Mi tinin a sebâwng leh a berâm ka hnênah rawn la sela, hetah hian rawn talh sela ei rawh se; a thisen chawpa eia LALPA chungah thil tisual lovin, a ti e,' va ti rawh u," a ti a. Tin, chu mi zan chuan mi zawng zawng chuan mahni bâwngpa an rawn kai theuh va, chutah chuan an talh a.
14:35 Tin, Saula chuan LALPA tan maichâm a siam a: chu chu LALPA tana a maichâm siam hmasak ber a ni.
14:36 Tin, Saula chuan, "Zanah Philistia mite zuk bei ila, zing khaw en thlengin i rawk ang u khai, tumah rêng rêng i zuah suh ang u," a ti a. Tin, anni chuan, "Tha i tih ang apiangin ti rawh," an ti a. Puithiam erawh chuan, "Heti laia h hian Pathian i hnaih teh rih ang u," a ti a.
14:37 Tin, Saula chuan Pathian a rawn a, "Philistia mite chu ka zuk bei ang em? Israel-ho kutah i pe ang em?" a tia . Nimahsela chu mi ni chuan a chhang lo va.
14:38 Tin, Saula chuan "Nangni mipui hotu zawng zawngte chu lo hnai teh u khai: vawiinah hian a eng berah nge kan tihsual hriat chhuah tum teh u.
14:39 Israel-hote chhandam thintu LALPA nunna chhalin ka sawi e, ka fapa Jonathana thiltihah pawh lo ni sela a thi ngei ngei tûr a ni," a ti a. Nimahsela mipui zinga mi chuan tumah chhang rêng rêng an awm lo va.
14:40 Chutichuan Israel-ho zawng zawng hnênah chuan, "Nangniho hi a hrangin awm khawm ula, tin, kei leh ka fapa Jonathana hi a hrangin kan awm ang e," a ti a. Tin, mipuite chuan Saula hnênah, "Tha i tih ang apiangin ti rawh," an ti a.
14:41 Chutichuan Saulan LALPA Israelte Pathian hnênah chuan, "A dik tak chu han tilang ang che," a tia. Tin, thumvâwr chu Jonathana leh Saula chungah chuan a tlu a; mipuite erawh chu an fihlim a.
14:42 Tin, Saula chuan, "Kei leh ka fapa Jonathana chungah chuan a tlu a.
14:43 Chutichuan Suala chuan Jonathana hnênah chuan, "Engnge ni i tih min hrilh rawh khai," a ti a. Tin, Jonathana chuan a hrilh a, "Ka tiang ken hmawrin khawizu tlem chu ka tem ngei mai a; ngai teh, ka thi ngei tûr a ni," a ti a.
14:44 Tin, Saula chuan, "Pathianin a tih tihin ti mai sela, chu aia nasa pawhin: i thi ngei tûr a ni, Jonathan," a ti a.
14:45 Tin, mipuite chuan Saula hnênah chuan, "Israelte zingah he chhandamna ropui tak thawktu Jonathana hi a thi ang maw? Hnai lo ve: LALPA nunna chhalin kan sawi e, a samzai khat pawh hi leiah a tla hlek lo vang; vawiin hian Pathian a thawhpui anih hi," an ti a. Chutichuan mipui chuan Jonathana chu thi lo tûrin an chhanhim ta a.
14:46 Chutichuan Saulan Philistia mite a um chu a kirsan ta a; tin, Philistia mite chu anmahni awmhmun lamah an kal ta a.
14:47 Chutichuan Saula Israel-ho chunga rorêltua a han tan chuan kil tinah a hmêlma, Moab-ho te, Amona thlahte, Edom-hote, Zoba lalho te, Philistia mite chu a do va; a thlekna lam apiang maiah chuan a hneh zel mai a.
14:48 Huai takin a bei a, Amelek mite chu a hneh a, Israel-ho chu anmahni rawktute kut ata a chhanchhuak a ni.
14:49 Saula fapate chu Jonathana te, Isvia te, Malkisua te an ni a tin, a fanute pahnih hming chu heng hi a ni; a upa zawk hming chu Merabi a ni a; a naupang zawk hming chu Mikali a ni:
14:50 Tin, Saula nupui hming chu Ahinoami, Ahimaza fanu a ni. Tin, a sipaite hotu hming chu Abnera, Saula pami Nera fapa a ni.
14:51 Tin, Kisa chu Suala pa a ni a; tin, Abnera pa Nera chu Abiela fapa a ni a.
14:52 Chutichuan Saula dam chhûng zawng zawng chuan Philistia mite nen nasa tak maiin asn indo thin a: tin, Saula chuan mi chak emaw, mi huai emaw a hmuh apiang chu a la zel thin a ni.
15:1 Tin, Samuela chuan Saula hnênah, "LALPAN a mite chungah, Israel-hote chungah, lal atâna hriak thih tûr chein min tir a ni; chutichuan LALPA thu sawi aw chu ngaithla teh khai.
15:2 Sipaihote LALPA chuan 'Amalek miten Israel-hote chunga an thiltih, Aigupta ram ata an lo chhuah laia an lo dal dante kha ka chhinchhiah reng a.
15:3 Amalek-hote bei tûrin kal la, an thil neih zawng zawng zuah rêng rêng nei lovin tiboral vek rawh; a hmei a pa leh nausen te, hnute hne lai te, bâwngpa te, berâm te, sanghawngsei te, sabengtung te nen tihlum vek ang che,' a ti a ni," a ti a.
15:4 Chutichuan Saula chuan mipuite a ko khawm a, Telaim khuaah a chhiar a, sipai nuaihnih leh Juda mi singkhat an ni a.
15:5 Tin, Saula chuan Amalek-ho khua chu a zuk thleng a, ruamah chuan a lo lam bun a.
15:6 Tin, Saula chuan Ken-hote hnênah chuan, "Lo chhuak ula, Amalek-hote zing ata hi inthiar fihlim rawh u, chuti lo chuan ka tihlum tel dah ang che u: nangni zawngin Israela thlahte zawng zawng Aigupta ram atanga an lo chhuak kha in lo khawngaih si a," a ti a. Chutichuan Ken-hote chu Amalek mite zing ata an chhuak ta a.
15:7 Chutichuan Saula chuan Amalek mite chu Havila atanga Aigupta ram dep Sur thlengin a bei a.
15:8 Tin, Amalek mite lal Agaga chu a nungin a man a, mipui zawng zawngte chu khandaihin a sat hlum vek a.
15:9 Amaherawhchu Saula leh mipuite chuan Agaga chu an zuah a, berâm tha tha te, bâwngpa tha tha te, a thau thau te, berâm no te, a tha zawng zawngte nen, chungte chu an tihlum duh lova; a tha lo leh an duh loh apiang eawh chu an tihlum vek a.
15:10 Chutichuan LALPA thu chu Samuela hnênah a lo thleng a,
15:11 "Saula lala ka lo ruat ta chu ka inchhir a ni: a mi zui lai chu mi hnuchhawnin ka thupêk angin a ti si lo va," a ti a. Tin, Samuela chu a thinur a, zankhuain LALPA chu a au va.
15:12 Tin, Samuela chu Saula hmuak tûrin zing takah a tho va; tin, "Saula chu Karmel-ah a kal a kal a, ngai teh, chutah chuan hriat rengna lung a phun a, tin, akir leh a, a kal zel a Gilgal-ah a chhuk ta,: tiin Samuela chu an hrilh a.
15:13 Tin, Samuela chu Saula hnên lamah chuan a kal ta a; tin, Saula chuan a hnênah, "LALPAN malsawm che rawh se: LALPA thupêk chang chuan ka ti ta e," a ti a.
15:14 Tin, Samuiela chuan, "Chung berâm be ka benga lo lut leh bâwngpa bu ka han hriatte chu engtizia nge ni si?" a ti a.
15:15 Tin, Saula chuan, "Amalek mite ta an rawn laksak a ni; LALPA i Pathian hnênah inthawi nan mipuiten berâm tha tha leh bâwngpa tha tha an zuah a ni; tin, a dang zawng zawng chu kan tihlum vek a ni," a ti a.
15:16 Chutichuan Samuela chuan Saula hnênah, "Ngawi rawh, nizana LALPAN ka hnêna thu a sawi ka hrilh ang che," a ti a. Ani chuan a hnênah, "Sawi rawh khai," a ti a.
15:17 Tin, Samuela chuan, "Nangma ngaihin mi te tak ni mah la, Israel hnam hotu atâna a siam i ni lâwm ni? Tin, LALPA chuan Israel-ho lal atân hriak a thih chia;
15:18 Tin, LALPA chuan a ti rchhuak chian, 'Kal la, mi sualho, Amalek mite chu tihlum vek la, an boral der hma loh chuan bei zel rawh, ' a ti chia.
15:19 Engati nge LALPA thu chu zawm lo va, râllâk thil chu a bawha i bawh a, LALPA mithmua thil tha lo i tih mai?" a ti a.
15:20 Tin, Saula chuan Samuela hnênah, "E, LALPA thu chu ka zawm alawm, LALPA min tirhna lamah chuan ka kal a, Amalek lal Agaga ka rawn man a, Amalek mite chu ka tihlum vek alawm.
15:21 Amaherwahchu chu mipuite chuan râllâk thil berâm leh bâwngpate tihboral tûr zinga a tha thate chu Gilgal khuaah LALPA i Pathian hnênah inthawi nan an rawn la a ni," a ti a.
15:22 Tin, Samuela chuan, "LALPA chuan LALPA thu zawm chu a lawm angin hâlral thilhlante leh inthawinate hi a lawm em ni? Ngai teh, inthawina aiin thuawih chu a tha zawk a, berâmpa thau aiin a thu pawm chu a tha zawk a ni.
15:23 Helna hi aienthiamna sualte nen a inang a, luhlulna hi milem biak leh Pathian lem biak tluk a ni. LALPA thu i duh loh avângin ani pahwin lal atân a duh ta bik lo che a ni," a ti a.
15:24 Tin, Saula chuan Samuela hnênah, "Thil ka tisual der mai a ni: LALPA thupêk leh i thu chu ka lo bawhchhe reng mai a nih hi; mipuite ka hlauh va, an thu ka lo awihna lamah hian.
15:25 Chutichuan ka sual ngaidam la, LALPA ka biak theih nan min hawpui leh rawh khai," a ti a.
15:26 Tin, Samuela chuan Saula hnênah, "Ka hawpui tawp lo vang che; LALPA thu chu i duh si lo va, tin, LALPA pawhin Israel-hote lal tan a duh ta bik lo che a ni." a ti a.
15:27 Chutichuan Samuela chu kal tûra ahan her chuan Saulan a puan fem chu a han chelh a, a thlêr ta a.
15:28 Tin, Samuela chuan a hnênah, "Vawiin atang hian LALPAN Israel ram hi a chhuhsak ta chia, i aia tha zawk i thenzawm a pe ta a ni.
15:29 Tin, Israelte Thahruia chu a daw lo vang a, a lamlet hek lo vang; mihring anga lamlet leh mai mi ani si lo va," a ti a.
15:30 Chutichuan ani chuan, "Ka lo sual ta a ni: nimahsela ka mite upa leh Israel-hote hmaah hian mi chawimawi tûrin ka ngen a che; tin, LALPA i Pathian kabiak theih nan min hawpui leh hram ang che," a ti a.
15:31 Chutichuan Samuela chuan Saula chu a hawpui ta a, Saula chuan LALPA chu a be ta a.
15:32 Chutichuan Samuela chuan, "Amalek mite lal Agaga chu ka hnênah han hruai rawh u," a tia . Tichuan Agaga chu a hnênah chuan khur chungin a va kal a. Tin, Agaga chuan, "Thihna kha chu ka pumpelh tawh a ni chawk ang chu maw," a ti a.hnên
15:33 Tin, Samuela chuan, "I khandaihin hmeichhiate fa nei lova a siam angin i nu pawh hmeichhe zinga fa nei lo mi a ni ang," a ti a. Chutichuan Samuela chuan Agaga chu Gilgal khuaah LALPA hmaah chuan a sat sawm ta berh mai a.
15:34 Tin, Samuela chu Rama khuaah a kal a; tin, Saula chu a inah Saula awmna khua Gibea-ah a chho ta a.
15:35 Chutichuan Samuela chuan a thih ni thlengin Saula chu a tlawh leh ta lo va; Samuela chu Saula avângin lungngaih chu a lungngai a ni: tin, LALPA chu, Israelte lal atâna Saula a lo siam chu a inchhir a ni.
16:1 Chutichuan LALPA chuan Samuela hnênah, "Israel mite lal atân ka duh tawh loh ahnu Saula avâng hian eng chen nge maw i lungngaih dawn le? A kiah hriak thun khat la, kal rawh, Beth-lehem mi Jesaia hnênah ka tir dawn che a ni; a fapate zinga mi lal atân ka ruat tawh reng a ni," a tia .
16:2 Tin, Samuela chuan, "Engtin nge ka kal theih ang? Saulan a lo hriat chuan min tihlum mai ang asin" a ti a. Tin, LALPA chuan, "Bawngla hruai la, 'LALPA hnêna inthawi tûra lo kal ka ni,' ti ang che.
16:3 Tin, inthawinaah chuan Jesaia chu ko la, tin, i tih tûr chu ka hrilh ang chia; tin, a hming ka hrilh tûra che chu hriak min thihsak ang che." a tia
16:4 Tichuan Samuela chuan LALPA sawi ang chuan a ti a, Beth-lehem-ah chuan a kal ta a. Tin, khuaa upate chuan khur chungin amah an lo hmuak a, "Tha lam thua lo kal em i nih le?" an ti a.
16:5 Tin, ani chuan, "Tha lam thu-ah ni e: LALPA hnêna inthawi tûra lo kal ka ni; intithianghlim ula inthawinaah lo kal ve rawh u," a ti a. Tin, Jesaia leh a fapate chu a tithianghlim a, inthawinaah chuan a ko va.
16:6 Tin, heti hi a ni a, an lo kal chuan Eliaba chu a lo en a, "LALPA hriak thiha chu a hmaa awma hi a ni ngei mai," a ti a.
16:7 Nimahsela LALPA chuan Samuela hnênah, "A hmêl lam emwa, a san lam emaw en suh; ani hi chu ka duh lo a ni; LALPA hchuan mihring en dan angin a en ve si lo va; mihring hchuan pawn lam lan dan an en thin a, LALPA erawh chuan thinlung lam a en zawk thin a ni," a ti a.
16:8 Tin, Jesaia chuan Abinadaba a han ko va, Samuela hmaah chuan a kaltir a. Ani chua, "Hei pawh hi LALPA thlan a la ni lo," a ti a.
16:9 Tin, Jesaia chuan Sama a va kaltir leh a. Tin, ani chuan, "Hei pawh hi LALPA thlan a la ni lo cheu," a ti a.
16:10 Tichuan Jesaia chuan a fapate pasarih Samuela hmaah chuan a kaltir a. Tin, Samuela chuan Jesaia hnênah, "LALPAN hengho hi a thlang lo a ni," a ti a.
16:11 Tin, Samuela chuan Jesaia hnênah, "Hetah hian i fate an awm kim vek em?" a ti a. Ani chuan, "A naupang ber a la awm a, ngai teh, berâm a veng a ni," a ti a. Tin, Samuela chuan Jesaia hnênah, "Va kohtir rawh khai; a lo thlen hma loh chu kan kil dawn lo a ni," a ti a.
16:12 Chutichuan a va kohtir a, a rawn hruai a. Ani chu sar veng vawng, mit meng mawi tak, hmêltha tak mai a ni a. Tin, LALPA chuan, "Tho la, hriak thih rawh, hei ngei hi a ni e," a ti a.
16:13 Chutichuan Samuela chuan hriak bâwm ki chu ala a, a unaute zingah chuan amah chu hriak a thih a; tichuan LALPA thlarau chu chu mi ni atang chuan nasa takin Davida chungah a lo thleng ta a. Chutichuan Samuela chu a tho va, Rama khuaah a kal ta a.
16:14 Tin, LALPA thlarau chuan Saula chu a chhuahsan a, LALPA tirh ramhuaiin amah a tibuai a.
16:15 Tin, Saula chhiahhlawhte chuan a hnênah, "Ngai teh, Pathian tirh ramhuaiin a tibuai che a ni a.
16:16 Kan pu chuan i chhaihhlawh i hmaa awmte tingtang tum thiam tak zawn thu min pe rawh khai; tichuan Pathian tirh ramhuaiin a man hun chein a tum ang a, i tha mai ang," an ti a.
16:17 Tin, Saula chuan a chhiahhlawhte hnênah chuan, "Tum thiam tak chu min han zawnsak ula, ka hnênah rawn hruai rawh u le," a ti a.
16:18 Chutichuan tlangvâl pakhat chuan a chhâng a, a hnênah, "Ngai teh, Beth-lehem mi Jasaia fapa pakhat chu ka hmu tawh a, chu mi chu tum thiam tak, mi huai tak, indo mi, thusawi thiam tak, hmêl tha tak a ni a, a hnênah LALPA pawh a awm," a ti a.
16:19 Chutichuan Saula chuan Jesaia hnênah chuan mi a tir a, "I fapa Davida berâm venga awm chu ka hnênah han kaltir rawh," a ti a.
16:20 Tin, Jesaia chuan sabengtung, chhang leh uain peng khat phur leh kêl no a la a, a fapa Davida chu Saual pekah a kentir a.
16:21 Tin, Davida chuan Saula hnên chu a va thleng a, a hmaah chuan a va ding a; Ani chuan a lo ngaina hle mai a, a râlthuam kengtuah a tang ta a.
16:22 Tin, Saula chuan Jesaia hnênah, "Davida hi ka hnênah awm rawh se, ka mit a tlung hle mai," tia hrilh tûrin mi a tir a.
16:23 Tin, heti hi ani a, Pathian tirh ramhuaiin Saula a man apiangin Davida chuan tingtang a la a, a tum thin a: chutichuan Saula chu a lo harh a, a tha leh thin a, tin, ramhuai chuan a chhuahsan thin a.
17:1 Tin, Philistia mite chuan indo tûrin an sipaite an khawm chiam mai a. Judai ram chhûng Soko khuaah an pung khawm a, Ephes-damim hmunah Soko khua leh Azeka khaw inkarah tanhmun an khuar a.
17:2 Tin, Saula leh Israel mite chu an pung khawm a, Ela ruamah tanhmun an khuar a, Philistia mite lo dang tûrin an inzar darh a.
17:3 Tin, Philistia mite chu tlang pangah an awm a, tin, Israel mite chu a lehlam tlang pangah an awm a, an inkarah chuan ruam a awm a.
17:4 Tin, Philistia mite tanhmun atang chuan an mi chak, a hming Goliatha, Gath khuaa mi, tawng ruk leh khapa sâng hi a lo chhuak a.
17:5 Dar lukhum hi a khum a, awmphaw a ha a; a awmphaw rih lam chu dar selel sangnga ani a.
17:6 A ngalah chuan dar ngalphaw a bun a, a hnungzangah chuan dar fei te a pai a.
17:7 A fei ngul chu themkawl ang hi a ni a; tin, a fei lu chu thir sekel zaruka rit a ni a: tin, a phaw kengtu chu ahmaah a kal a.
17:8 Tin, a ding a, Israel-ho sipaite chu a au va, an hnênah, "Engati nge in do tûra in rawn inzâr darh? Kei Philistia mi, nangni Suala chhiahhlawh in ni lâwm ni? Mi inthlang ula ka hnênah lo chhuk rawh se.
17:9 Min beih theiha min tihhlum chuan in chhiahhlawhah kan awm ang a, amaherawhchu keiin ka ngama ka tihhlum chuan ka chhiahhlawhah in awm ang a, kan rawng in bâwl ang," a ti a.
17:10 Tin, Philistia mi chuan, "Vawiinah hian Israel-ho zipaite chu ka cho a ni, mi pakhat han thawh ula kan lo inbei ang e," a ti a.
17:11 Tin, Saula leh Israel-ho zawng awngin chu Philistia mi thusawite chu an han hriat chuan, an zam a, an hlau ta êm êm mai a.
17:12 Tin, Davida chu Jesaia fapa ani a, ani chu Bethlehem-juda-a Ephrat mi kha ani a, fapa pariat a nei a; ani chu Saula lal lai chuan upa tak, tar tak ani tawh a.
17:13 Tin, Jesaia fapa upate pathum chuan indonaah Saula chu an zui a. A fapate pathum indonaa kalte hming chu a upa ber Eliaba te, a dawttu Abinadaba te, a pathumna Sama te an ni.
17:14 Tin, Davida chu a naupangber a ni a; tin, a upate pathum chuan Saula an zui a.
17:15 Davida chu Saula hnên atangin Bethlehem-ah a pa berâm enkawlin a va kal a va kal thin a.
17:16 Tin, Philistia mi chuan, zing leh tlai apiangah hian a va hnaih thin a, ni sawmli chhûng a va intar lang thin a.
17:17 Tin, Jesaia chuan a fapa Davida hnênah chuan, "Vai epha khat leh he chhang hlawm sawm hi keng la, i unaute hnênah an riahhmunah va kalpui thuai rawh khai:
17:18 tin, bawnghnute khal tlang sawmhi an pawla sâng hotu kensak la; tin, i unaute engtin emaw an awm han zawt la, an chanchin i hriatna han hawn ang che.
17:19 Saula leh anni leh Israel mi zawng zawngte chu Philistia mite beiin Ela ruamah chuan an awm e," a ti a.
17:20 Tin, Davida chu zing takah a tho va, berâmte chu vengtu pakhat a kawltir a, Jesaian thu a pêk ang chuan a keng a, a kal ta a; tin, indona hmuna chhuak mek sipaihote chu inbei tûra an lo au dur dur lai takin ani chuan tawlailir awmna hmun chu a va thleng a.
17:21 Tin, Israel-ho leh Philistia mite chu inbei tûrin an lo inzar a, sipai leh sipai chu an lo inep a.
17:22 Tin, Davida chuan a bungrua chu bungraw enkawltu hnênah chuan a dah a, sipai hnên lamah chuan a va tlan a, a ute chu chibai a va buk a.
17:23 Tin, anmahni a biak lai chuan ngai teh, an mi chak Gath khuaa Philistia mi, a hming Goliatha chu Philistia mite sipai pawl zing ata a lo chhuak a, a thusawi ngai bawk kha a han sawi a: chu chu Davida chuan a lo hria a.
17:24 Tin, Israel mi zawng zawngte chuan chu mi an han hmuh chuan an tlânchhia a, an hlau êm êm mai a.
17:25 Tin, Israel mite chuan, "Kha mihring lo chhuaka kha in hmu em? Israel mite cho tûrin a lo chhuak a ni ngei mai; tupawh amah tihlum apiang chu lalin nasa takin sum lamin a tihausa ang a, tin, a fanu ape ang a, tin, a pa chhûngkua chu Israel-ho zingah hian zalenin a awmtir ang," ant i a.
17:26 Tin, Davida chuan a kianga dingte hnênah chuan, "He Philistia mi hi tihluma Israel ho hmingchhiatna tirehtu chu engtia tih tûr nge ni ang? He serhtan loh Philistia mi hi tunge maw anih a, Pathian nung sipaite a han cho vei le?" a ti a.
17:27 Tin, mipuite chuan hetiang hian an chhang a, "A tihlumtu apiang chu kan sawi ang khan tih a ni ang," an ti a.
17:28 Tin, a u upa ber Eliaban mite hnêna a thusawi lai chu a lo hria a; tichuan Eliaba chu Davida chungah chuan a thin a ur ta thut a, "Engah nge i lo chhuk ve ni? Thlalera berâm tlem awmte kha tunge i ventir ni? I chapozia leh i rilru that lohzia ka hria a ni; indo ent ur tein i lo kal mai mai a," a ti a.
17:29 Tin, Davida chuan, "Engnge maw ka tih le: a vang a awm a ni lâwm ni?" a tia .
17:30 Tin, ani chuan mi dang hnên lam a hawisan a, a sawi ngai bawk a sawi a: tin, mipuite chuan a hmaa an chhan ang bawkin an chhang leh a.
17:31 Tin, Davida thusawi chu an hriatin Saula hnênah an sawi chhawng a; tin, ani chuan a ko va.
17:32 Tin, Davida chuan Saula hnênah, "Amah avâng chuan tuma rilru zam suh se; i chhiahhlawh hian chu Philistia mi chu ka va bei ang e," a ti a.
17:33 Tin, Saula chuan Davida hnênah, "Nang zawng chu Philistia mi bei tûr chuan i kal thei em lo vang e, tleirawl chauh i la ni si a, ani zawng a tleirawl tirh ata indo mi a ni si a," a ti a.
17:34 Tin, Davida chuan Saula hnênah, "I chhiahhlawh hian ka pa berâm ka veng thin a; sakeibaknei emaw savawm emaw a lo kala berâm rual zing ata berâm no alakte hian
17:35 ka um a, ka bei a, a ka ata chu ka chhanchhuak thin asin: tin, mi bei tûra a lo thawhte hian a bak hmulah ka man a, ka bei a, ka tihlum thin a ni.
17:36 I chhiahhlawh hian sakeibaknei leh savawmte ka tihlum ve ve tawh thin a; chu serhtan loh Philistia mi chu anmahni angin a awm ve mai ang maw le, Pathian nun gsipaite a cho vei a," a ti a.
17:37 Tin, Davidan, "Sakeibaknei kutbawr ata leh sakawm kutbwar ata mi chhanchhuaktu LALPA chuan chu Philistia mi kut ata chu mi chhanchhuak ang," a ti a. Tin, Saula chuan Davida hnênah, "Kal teh le, i hnênah LALPA a wm ang chu," a ti a.
17:38 Tin, Saula chuan Davida chu ama thuam a bel a, dar lukum a khumtir a, awmphaw a haktir a.
17:39 Tin, Davida chua a thua chungah chuan a khandaih a pai a, kal ahan tum a; chutiang chuan a la tichhin ngai si lo va. Tin, Davidan Saula hnênah, "Ka kalpui thei dawn hauh lo mai a, hetiang hian ka la tichhin ngai lo a ni," a ti a. Tichuan Davida chu a inhlip ta a.
17:40 Tin, a tiang chu a keng a, luitea lung mum mam thelthawl panga a thlang a, a berâm ven ip a ipteah chuan a pai a; tin, a virvawm chu akeng a, Philistia mi chu a va pan hnai ta a.
17:41 Tin, Philistia mi chu a lo kal zel a, Davida chu a rawn pan hnai a; tin, phaw kengtu chu a hmaah a kal a.
17:42 Tin, Philistia mi chuan a han hawi vel a, Davida chu a han hmuh chuan a hmust hle mai a; sar veng vawng, mit meng mawi tak, tleirawl mai a ni si a.
17:43 Chutichuan Philistia mi chuan Davida hnênah chuan, "Ui emaw ka niha tiangte nena mi rawn pan chu le?" a ti a. Tichuan Philistia mi chuan a pathiante chhalin Davida chu ânchhia a lawh a.
17:44 Tin, Philistia mi chuan Davida hnênah, "Lo kal teh, i sate kha chungleng savate leh ram sate ka lo eitir teh ang," a ti a.
17:45 Chutichuan Davida chuan Philistia mi hnênah chuan, "Nang zawng khandaih te, fei te, feite te kengin i lo thawk a; kei zawng sipaite LALPA, Israel sipaite Pathian i chova hmingin ka lo thawk zawk a ni.
17:46 vawiinah hian LALPAN nang hi ka kutah min pe dawn a ni, tin, ka that ang chia i lu ka tansak ang che; tin, Philistia sipaiho ruangte chu vawiinah hian chungleng savate leh ram sate ka eitir dawn a ni; chutichuan, lei chunga mi zawng zawng hian Israelho zingah hian Pathian a awm tih chu an hre thei ang a:
17:47 tin, heta pungho zawng zawng hian LALPA chuan khandaih leh feiin a chhandam lo tih an hre thei ang a; indona chu LALPA indona ani si a, ani chuan ka kutah hian nangniho hi min pe dawn a ni," a ti a.
17:48 Tin, heti hi ani a, Philistia mi chu a lo thawh a, Davida bei tûra a rawn hnaih chuan, Davida chu sipaiho lamah chua Philistia mi chu bei tûrin a tlan ta thuai a.
17:49 Tin, Davida chuan a ip chu a han zen a, lung a han phawrh a, a virvawm chuan ahan vawm a, Philistia mi chu a chaldar takah a han vawm a, a chalah chuan a lung chu a lût a, a tlu bawkkhup ta der mai a.
17:50 Chutichuan Davida chuan Philistia mi chu virvawm leh lungin a ngam a, Philistia mi chu a vawm a, a that ta a; Davida chuan khandaih a keng hauh lo va.
17:51 Tichuan Davida chu a tlan a, Philistia mi kiangah chuan a va ding a, akhandaih chu a la a, a pai ata chu a phawi a, chu chuan a that a, a lu a tan ta a. Tin, Philistia miten an mi chak chu a thi tih an hriatin an tlânchhe ta a.
17:52 Tin, Israel mi leh Juda mite chu an tho va, an au va, Philistia mite chu Gath thleng leh Ekron kulh kawngkhâr thleng rawkin an um ta a. Tin, Philistia mite zinga hliamho chu Saaraim kawng tluanin Gath leh Ekron thlengin an tlu rum mai a ni.
17:53 Tin, Israel thlahte chuan Philistia mite an um chu an kirsan a, an riahhmun chu an suan ta a.
17:54 Tin, Davida chuan Philistia mi lu chu a la a, Jerusalem-ah a kalpui a, a râlthuam erawh chu a puan inah a dah ta a.
17:55 Saulan Philistia mi bei tûra Davida kal a hmuh khan sipai hotu Abnera hnênah chuan, "Abner, he tleirawl hi tu fa nge ni? a ti a. Tin, Abnera chuan, "I nunna chhalin ka sawi e, aw lalpa, ka hre hauh lo mai," a ti a.
17:56 Tin, lal chuan, "He naupang hi tu fa nge ni zawt chhuak rawh khai," a ti a.
17:57 Tin, Davida, Philistia mi a that lo haw chu Abnera chuan a hruai a, Philistia milu keng chungin Saula hnênah chuan a kalpui a.
17:58 Tin, Saula chuan a hnênah, "Tu fapa nge i nih le tlangvâl?" a tia . Tin, Davida chuan a chhâng a, "Bethlehem mi i chhiahhlawh Jesaia fapa ka ni," a ti a.
18:1 Tin, Heti hi ani a, Saula hnêna thu a sawi zawh chuan Jonathana nunna leh Davida nunna chu a lo inzawm ta chiah mai a, tichuan Jonathana chuan ama Nuna ahmangaih ang chiahin a hmangaih ta a.
18:2 Tin, Saula chuan chumi ni chuan a awmtir ta nghal a, a pa inah a hawntir phal ta lo va.
18:3 Chutichuan Jonathana leh Davida chuan thu an thlung a, ama nunna ang chiaha a hmangaih avângin.
18:4 Tin, Jonathana chuan a puan sin lai a hlip a, Davida a pe a, a thuam leh a khandaih leh a thalngul leh a taihrenna lamin a pe a.
18:5 Tin, Saulan a tirhna apiangah Davida chu a kal thin a, fel takin a che thin a: tin, Saula chuan ral kap mite hotu atân a siam a, chu chu mi zawng zawng ngaihah leh Sauala chhiahhlawhte ngaihah pawh a tha êm êm a ni.
18:6 Tin, heti hi ani a, an lo hawna Davida, Philistia mi that a lo haw chuan, Israel khaw tinah hmeichhiate hla sa leh lam chungin, khuangte leh thil ri theite nen, hlim takin lal Saula hmuak tûrin an lo chhuak a.
18:7 Tin, hmeichhiate chuan lam chungin hlain an inchhawn a, "Saulan a sâng a sâng a that, Davidan a singa sing," an ti a.
18:8 Chutichuan Saula chu a thinur ta viau mai a, chung thu chuan a tilawm lo hle mai a; "Davida chu a singa sing thatah an ngai a, kei erawh chu a sânga sâng chauh thatah min ngai a; ram tih ngawt loh chu aneih tûr dang engnge awm tawh?" at ia .
18:9 Chutichuan Saula chuan chu mi ni atang chuan Davida a hmumawh ta a.
18:10 Tin, heti hi a ni a, a tukah chuan Saula chungah chuan Pathian tirh ramhuai a lo thleng ta chiam mai a, in chhûngah chuan thu a sawi ta bual bual ma a; tin, Davida chuan ni danga a tih ang bawkin tingtang a tum a; Saula chuan a fei a keng reng a.
18:11 Tin, Saula chuan fei chu a han lek a, "Bangh sawn Davida ka khawh bet tlat teh ang," a ti a. Davida chuan vawi hnih a kiansan a.
18:12 Tin, a hnênah LALPA a wm avâng leh Saula chu a kalsan avangin Saula chuan Davida chu a hlau va.
18:13 Chuvang chuan Saula chuan a hnên atangin a insawntir a, sâng chunga a sipai hotuah a siam a; tin, mipui zingah chuan a lûtin a chhuak thin a.
18:14 Tin, Davida chu a thiltih apiangah fel takin a che thin a; LALPA chu a hnênah a awm a.
18:15 Tin, Saula chuan fel takin a che thin tih a hmuhin a hlau hle mai.
18:16 Nimahsela Israel-ho leh Juda-ho zawng zawngte chuan Davida chu an ngaina êm êm a; an zinga lûta chhuak thin a ni si a.
18:17 Tin, Saula chuan Davida hnênah, "Ngai teh, ka fanu upa zawk Merabi hi i nupuiah ka neihtir ang che; huai takin mi tanphawt mai la, LALPA indonate chu do ang che," a tia . Saula chuan, "Kei chuan a chunga kutthlak lovin Philistia miten a chungah kut thlak zawk rawh se," a ti a ni a.
18:18 Tin, Davida chuan Saula hnênah, "Tunge maw ka nih a, ka Nuna leh Israel-te zinga ka pa chhûngte pawh engnge maw an nih a, lal makpa ka han nihna tûr chu?" a ti a.
18:19 Nimahsela heti hi ani a, Saula fanu Merabi chu Davida neihtir a lo hun chuan Meholath mi Adriela nupui atân a pe ta mai a.
18:20 Tin, Saula fanu Mikali chuan Davida chu a hmangiah a; Saula chu an hrilh a; chu chuan a tilawm a.
18:21 Tin, Saula chuan, "A awhna thang a lo nih thieh nan leh, Philistia miten a chungah kut an thlak theih nan ani hi ka pe teh ang," a ti a. Chuvang chuan Saula chuan Davida hnênah, "Vawiinah hian ka makpa i ni nawn leh ang," a ti a.
18:22 Chutichuan Saula chuan a chhiahhlawhte chu thu a pe a, "A ruk tein Davida bia ula, 'Ngai teh, lal chu i chungah a lawm hle mai a, a chhiahhlawh zawng zawng pawhin an hmangaih che a ni; chutichuan lal makpaah awm ang che,' ti rawh u," a ti a.
18:23 Tin, Saula chhiahhlawhte chuan chung thu chu Davida beng hriatah an sawi a. Tin, Davida chuan, "Mi rethei leh tuma ngaihsan mang loh keini ang tan hian lal makpa han nih chu thil namenah in ngai em ni?" a ti a.
18:24 Tin, Saula chhiahhlawhte chuan, "Davida chuan chutiangin a ti a ni," tiin an hrilh a.
18:25 Tin, Saula chuan, "Davida hnênah, hetiang hian sawi ang che u, 'Lal chuan lal hmêlma phuba lak nan Philistia mite serhvun za tih loh chu man engmah a duh lo ve, a ti,' ti rawh u," a ti a. Saula chuan Davida chu Philistia mite kuta thihtir a rilruk tlat a.
18:26 Tin, a chhiahhlawhten chung thu chu Davida an han hrilh chuan lal makpa a han ni tûr chu Davida chu a lawm hle mai a. Tin, ni tiam te chu a la ral lo va;
18:27 Davida leh amite chu an tho va, Philistia mite zahnih an va that a; tin, Davida chuan an serhvun a rawn hawn a, tichuan lal makpa anih theihna tûrin lal chu kim takin an pe a. Tichuan Saula chuan a fanu Mikali chu nupuiah a neihtir ta a.
18:28 Tin, Saula chuan Davida hnênah chuan Pathian a awm tih a hre chiang ta a; tin, Saula fanu Mikali chuan ani chu ahmangiah a.
18:29 Tichuan Saula chua nDavida chu a hlau zual ta sauh mai a; Saula chu Davida hmêlma ani ta kumkhua a.
18:30 Chutichuan Philistia-ho miliante chu an va thawk chhuak thin a; tin, heti hi a ni a, an thawh chhuah apiangin Davida chu Saula chhiahhlawh zawng zawngte aia felin a che thin a; tichuan a hming chu an chawisâng ta hle mai a.
19:1 Chutichuan Suala chuan a fapa Jonathana leh a chhiahhlawh zawng zawng chu Davida that tûrin a ti a.
19:2 Nimahsela Saula fapa Jonathana chuan Davida chu a ngaina hle mai a. Tichuan Jonathana chuan Davida chu, "Ka pa Saula hian thah a tum chia; chuvangin naktuk zingah chuan fimkhur la, hmun biruah biru reng rawh khai:
19:3 tin, ka kal chhuak ang a, i awmna phulah ka pa kiangah ka va ding ang a, i chungchang thu-ah ka pa ka bia ang a; tin, eng emaw ka hriat chuan ka hrilh ang che," a tia .
19:4 Tin, Jonathana chuan a pa Saula hmaah chuan Davida chu a fak a, a hnênah, "Lal chuan a chhiahhlawh chungah, Davida chungah hian thil sual ti lul suh se: i chungah engmah a tisual si lo va, a thiltihte chu i tana tha tak a ni zawk si a:
19:5 thih dawn lovin Philistia mi kha a bei a, tin, LALPAN Israel-ho zawng awng chhandamna roup tak a thawh chhuahsak a: chu chu nang pawhin i hmu a, i lawm hle kha: chuvangin thisen pawi khawih lo chungah chuan engah tehlul nge thil i tihsual ang a, a vang engmah awm lovin Davida chu i thah ang?" a ti a.
19:6 Chutichuan Saula chuan Jonathana thusawi chu a pawm a. Saula chuan chhechamin, "LALPA nunna chhalin ka sawi e, ani chu tihhlum tûr ani tawp lo vang," a ti a.
19:7 Tin, Jonathana chuan Davida chu a ko va, Jonathana chuan chung thil zawng zawng chu a hrilh a. Tin, Jonathana chuan Davida chu Saula hnênah chuan a hruai a, tun hma lam ang bawk khan a hnênah a awm leh ta a.
19:8 Tin, indona a lo awm leh a: tichuan Davida chu a thawk chhuak a, Philistia mite chu a va bei a, a va that chiam a, a hmaah chuan an tlânchhia a.
19:9 Tin, Saula chu a ina fei kenga thut laiin LALPA tirh ramhuai a chungah a lo thleng a; tin, Davida chuan tingtang a tum a.
19:10 Tin, Saula chuan a fei chuan Davida chu banga khawh beh tlat a tum a; nimahsela Saula kiang ata chu a put chhuak var a, fei chu bangah chuan a khawh bur ta ngur mai a; tin, Davida chu a tlan chhuak a, chu mi zan chuan a him ta a.
19:11 Tin, Saula chuan Davida in lamah zinga lo chang a, that tûrin mi a tir a: tin, Davida nupui Mikali chuan, "Zaninah hian i nun i humhim loh zawngin naktukah an that dawn che a ni," tiin ahrilh a.
19:12 Chutichuan Mikali chuan Davida chu tukverhah a athlak thla a; tichuan a tlan bo va, a him ta a.
19:13 Tin, Mikali chuan milem a la a, khumah chuan a muttir a, tin, alu lamah chuan kel hmul lukham a dah a, puanin a khuh a.
19:14 Tin, Davida hruai tûra Saulan mi a rawn tirh chuan, "A dam lo," a lo ti a.
19:15 Tin, Saula chuan Davida va en tûrin mi a tir a, "A khum chawpin rawn zawn chho ula, ka lo that ang e," a ti a.
19:16 Tin, a mi tirhte chu an va luh chuan ngai teh, khumah chuan milem chu a lu lama kel hmul lukham khamin a lo awm a.
19:17 Tin, Saula chuan Mikali hnênah, "Engati nge hetianga mi bum a, ahimna tûra ka hmêlma i chhiahtir ni?" a ti a. Tin, Mikali chuan Saula chu a chhâng a. "Ka kaltir loh chuan mi thah at um alawm maw le," a ti a.
19:18 Tichuan Davida chu a tlan bo va, a him ta a, Rama khuaah Samuela hnên a va thleng a, a chunga Saula thiltih zawng zawng chu a hrilh a. Tin, amah leh Samuela chu an kal a, Naioth-ah an awm a.
19:19 Tin, Saula chu, "Ngai teh, Davida chu Rama khuaah Naioth-ah a awm," tiin an hrilh a.
19:20 Tichuan Davida hruai tûrin Saula chuan mi a ti ra: tin, zâwlnei pawlho thu sawi dual dual lai leh Samuela chu an chunga hotu awm an va hmuh chuan, Saula mi tirhte chungah chuan Pthian thlarau a thleng a, anni pawh chuan thu an sawi ve ta dual dual a.
19:21 Tin, chu chu Saula an han hrilh chuan, mi dang a tir leh a, anni pawh chuan thu an va sawi ve leh ta dual dual mai a.
19:22 Chutichuan amah pawh chu Rmaa khuaah chuan a kal ve ta a tin, Seku hmuna tuichhunchhuah zau tak chu a va thleng a, "Samuela leh Davida hi khawiah nge an awm?" a ti a, a zawt a. Tin, tu emaw hian, "Ngai teh, Rama khuaa Naioth-ah an awm," a ti a.
19:23 Chutichuan rama khua aNaioth-ah a kal a; tin, Pathian thlarau a chungah chuan a lo thleng ve ta a, a kal zel a, Rmaa khuaa Naioth a thlen thlengin thu a sawi bual bual zel a.
19:24 Tin, ani pawhin a silhfente a hlip ve a, Samuela hmaah chuan thu a sawi ve ta bual bual a, chumi nileng leh chu mi zankhua chuan ruakin a mu a. Chuvang chuan, "Saula pawh chu zâwlnei zingah a tel ve ta elo maw ni?" tih hi an ching hlen ta.
20:1 Chutichuan Davida chu Rama khuaa Naioth ata chu a tlan a, Jonathana hnênah a kal a, "Engnge maw ka tih le? Engnge ni ka bawhchhiat? I pa chungah hian engnge ka tihsual a, hetia mi thah a tum hi ni le?" a ti a.
20:2 Tin, ani chuan, "That suh e a; i thi tawp lo vang; ngai teh, ka pa hchuan min hriattir lovin engmah rêng rêng lian se te se a ti ngai lo va, engah tehlul nge heng thu hi ka lakah a zep ang, a zep tawp lo vang," a ti a.
20:3 Tin, Davida chuan, "I pa chuan i mi khawngiah dan hi a hre chiang hle kmai si a; 'Jonathana chuan hei chu hre kher suh se, chutilozawng a lungngai dawn em mai e,' a ti a ni ang: amaherawhchu LALPA nunna leh i nunna chhalin ka sawi e, thihna nena kan inkar chu pen khat chauh a ni," tiin a sawi uar leh a.
20:4 Chutichuan Jonathanan Davida hnênah, "I nunnain a duh apiang chu ka tihsak zel ang che," at ia.
20:5 Tin, Davida chuan Jonathana hnênah, "Ngai teh, naktuk hi thla thar ani dawn a, lal hnêna chawhlui kil ngei tûr ka ni a; nimahsela a ni thum ni tlai lam thlengin phul lamah biru tûrin ka kal zawk ang e.
20:6 Tin, i pain ka awm loh hi lo hre chhuak ta a nih leh, 'Davida chuan a khua Bethlehem-a va kal lawk min dil ngawih ngawih a; an chhûngkaw tana an kum tin, inthawi hun ani e,' lo ti la.
20:7 Tin, ' A that chu,' a tih chuan i chhiahhlawh chu a thla amuang ang a; amaherawhchu a thin a rim chuan thil tha lo tih a tum ani tih hre mai ang che.
20:8 Chuvangin i chhiahhlawh hi tha takin ti ang che; i chhiahhlawh chu LALPA thuthlungah i luhpui tawh si a; amaherawhchu bawhchhiatna nei ka nih chuan nangman min that mai rawh; eng atân nge i pa hnênah min hruai kher kher ang?" a ti a.
20:9 Tin, Jonathana chuan, "That suh e a; i chungah thil tha lo tih ka pan a tum tih ka hriat phawt chuan ka hrilh dawn lo che em ni?'
20:10 Chutichuan Davida chuan Jonathana hnênah, "I pain bung takin lo chhang ta hlauh ang che sela tuin nge min hrilh ang?' a ti a.
20:11 Tin, Jonathana chuan Davida hnênah, "Hawh teh, phulah i va kal teh ang," a ti a. Tichuan phulah chuan an va kal dun ta a.
20:12 Tin, Jonathana chuan Davida hnênah, "LALPA Israelte Pathian chu hretu ni rawh se; naktuk hetih hunah emaw, ni thum niah emaw ka pa ka han dawp hunah, ngai teh, Davida chungchang thu a tha lam anih chuan a hnênah mi tirin ka hrilh dawn lo che em ni?
20:13 Tin, ka pain i chungah thil tha lo ti duh ta sela, ka hrilh loh che a, thlamuang taka i kal theih nana ka thlah loh che chuan, LALPAN Jonathana chu a tih tihin ti sela, chu aia nasa pawhin, tin, LALPA chu i hnênah awm rawh se, ka pa hnêna a awm thin angin.
20:14 Tin, ka thih loha tûra ka dam chhûng chauhva LALPA khawngaihna chu mi hmuhtir ni lovin,
20:15 kumkhuain ak chhûngte pawh i khawngaih bang suh ang che; LALPAN Davida hmêlma lei chung ata a tihbo vek hnu thleng pawhin bang suh ang che," a ti a.
20:16 Chutichuan Jonathana chuan,"Davida hmêlmate lakah LALPAN a phut ang," tiin Davida chhûngte hnênah thu a thlung a.
20:17 Tin, Jonathana chuan amah ahmangaihna chhalin Davida hnênah, chhia a chham leh a ama nunna hmangaih ang chiahin ahmangaih si a.
20:18 Chutichuan Jonathana chuan a hnênah, "Naktuk hi thla thar ani dawn a; i thut hmun a r uah dawn avângin i awm loh a lang ngei dawn a.
20:19 Ni thum i awm hnu chuan chhuk thuai la, hmana thil a lo awm laia i bihrukna hmunah khan lo kal la, Ezel lung bulah chuan awm reng ang che.
20:20 Tin, inthemthiam ni awm takin thla pathumin a sirah ka rawn kap ang a.
20:21 Tin, ngai teh, 'Kal la, thlate kha va zawng hmu rawh,' tiin naupang ka tir ang a. Naupang hnêna, 'En teh, thlate chu i hnung lama kha a awm e, la la, lo kal rawh,' ka tih chuan LALPA nunna chhalin ka sawi e, i tan amuanawmin hlauh tûr a awm a awm lo ani ang a.
20:22 Amaherawhchu naupang hnêna, 'En teh, thalte chu i piah lama saw a awm e,' ka tih chuan kal bo mai ang che; LALPA chuan a kal botir che a ni ang.
20:23 Tin, nang leh keiin thil kan saiw tak chungchang thu-ah chuan ngai teh, nang nena kan karah chuan LALPA chu a awm kumkhua a ni," a ti a.
20:24 Chutichuan Davida chu phulah chuan a biru a; tin, thla a lo thar chuan lal chu chaw kilin a thu a.
20:25 Tin, lal chu ni danga a thutna pangngai bang kianga a thutnaah chuan a thu a; tin, Jonathana chu a ding a, tin, Abnera chu Saula kiangah athu a; Davida hmun erawh chu a ruak a.
20:26 Nimahsela Saula chuan chu mi ni chuan engmah a sawi lo: "A chungah thil eng emaw a awm ang a, a thianghlim lo emaw ani ang, a thianghlim lo a ni ngei ang," a ti rilru a.
20:27 Tin, heti hi ani a, thla thar tuk a ni hnih ni chuan Davida hmun chu a lo ruak ta cheu va; tichuan Saula chuan a fapa Jonathana hnênah chuan, "Engati nge Jesaia fapa hi niminah leh vawiinah chawhlui kil tûra a lo kal loh?" a ti a.
20:28 Tin, Jonathana chuan Saula chu a chhâng a, "Davida chuan Bethlehem a kal mi dil ngawih ngawih a,
20:29 Min kaltir hram rawh khai, kan chhûngte chuan khuaah chuan inthawina an nei dawn a, ka unau chuan awm ve tûrin min chah tlat a, chutichuan min khawngaih theih chuan min kaltir la, ka unaute ka va tlawh ang e,' a ti a. Chuvang chuan lal dawhkanah chuan a lo kal lo a ni," a ti a.
20:30 Chutichuan Jonathana chungah Saula thin chu a lo ur ta thut a, a hnênah, "Nang, hmeichhe kawhmawh leh luhlul fapa, Jesaia fapa chu i mualpho nan leh i nu saruakna timualpho tûrin i thlang tih ka hre lo vem ni tehlul?
20:31 Jesaia fapa hi he leiah a awm chhûng zawng tihngheh i ni lo vang a, i ram pawh. Chuvangin kohtir nghal la ka hnênah han hruaitir rawh, a thi ngei tûr a ni," a tia.
20:32 Tin, Jonathanan a pa Saula chu a chhâng a, a hnênah, "Engah nge maw tihhlum tûr anih ang le? Engnge a tih?" a ti a.
20:33 Tin, Saula chuan khawh tumin a fei chu a han lek a; chu mi avâng chuan Jonathana chuan a pain Davida chu thah a lo tum ngei a ni tih a hre ta a.
20:34 Chutichuan Jonathana chu dawhkan ata chu thinrim takin a tho va, chu mi thla ni hnih ni chuan chaw a kil ve ta lo va; a pa chuan Davida a tihmualpho em avângin a lungngaihpui a ni.
20:35 Tin, heti hi ani a, zingah chuan Jonathana chu naupang te hruaiin phul lamah Davida nena an hmun ruatah chuan a kal ta a.
20:36 Tin, a naupang hnênah chuan, "Tlan la, ka thla kahte hi va zawng rawh khai," at i a. tin, naupang chu a tlan lai chuan, apiah lamah chuan thla a kap a.
20:37 Tin, naupang chuan Jonathana thla kah tlakna hmun a va thlen chuan Jonathana chuan naupang chu a au va, "Thal chu i piah lama saw ani lâwm ni?" a ti a.
20:38 Tin, Jonathana chuan naupang chu a au va, "Lo tlan thuai rawh, hmanhmawh rawh, muang suh," a han ti a. Tin, Jonathana naupang chuan thla chu a chhar khawm a, a pu hnên lamah chuan a kal ta a.
20:39 Nimahsela naupang chuan engmah a hre lo va. Jonathana leh Davida chauh chuan thil awmzia chu an hria a.
20:40 Tin, Jonathana hchuan a naupang chu ahriamhrei chu a pe a, a hnênah, "Kal ta la, khuaah lo han hawpui teh ta," a ti a.
20:41 Tin, naupang chu a kal tak veleh chuan Davida chu a awm hmun chhim lampang ata chu a lo tho va, hmaia lei sin chibai vawi thum a buk a; tin, an infawp a, an tap dun a, Davida erawh chu a zualkai bik a.
20:42 Tin, Jonathana chuan Davida hnênah, "Thlamuang takin kal rawh aw, 'LALPA chu nang nena kan inkarah leh ka thlahte leh i thlahte karah kumkhuain awm rawh se,' tia LALPA hminga chhia kan chham dun tawh kha," a ti a. Tichuan a tho va, a kal ta a; tin, Jonathana chu khuaah chuan a lût ta a.
21:1 Chutichuan Davida chu Nob khuaah puithiam Ahimeleka hnênah chuan akal a: tin, Ahimeleka chuan khur chungin Davida chu a lo hmuak a, a hnênah "Eng tizia nge i va mal ve, tumah kalpui ineih loh?" a ti a.
21:2 Tin, Davida chuan puithiam Ahimeleka hnênah chuan, "Lalin thil ti tûrin thu mi pe a, ka hnênah, 'Ka thil tihtir tum rêng rêng che leh ka thupêk che hi tumahin hre suh se,' a ti tlat a; tin, tlangvâlhote lo awmna tûr hmune chu ka ruat a.
21:3 Chutichuan engte nge i kutah awm le: chhang hlawm nga min pe la, a nih loh leh i neih ang apiang pawh," a ti a.
21:4 Tin, puithiam chuan Davida chu a chhâng a, "Chhang naran chu ka nei lo va, chhang thianghlim erawh chu ka nei a; tlangvâlte chu hmeichhe laka an inthiar fihlim phawt chuan," a ti a.
21:5 Tin, Davida chuan puithiam chu a chhâng a, a hnênah, "Tun ni thum chhûng chu hmeichhe lakah rêng rêng chuan kan inthiar fihlim vek takzet a ni; ka lo chhuah dawn lai pawh khan tlangvâlte buungbel chu a thianghlim a ni, khawiilova kal naran mai tûr kan ni nain; vawiin lek phei chuan an bungbêl chu a va thianghlim lehzual dawn em!"
21:6 Chutichuan puithiam chuan chhang thianghlim a pe ta a: chutah chuan chhang dah an lak nia chhang luma thlak tûra LALPA hma ata an laka chauh lo chu chhang dang a awm si lo va.
21:7 Tin, chu mi ni chuan Saula chhiahhlawh zinga mi pakhat LALPA hmaa hren a awm a; a hming chu Doega ani a, Edom mi, Saula ran vengtu zinga hotu ber ani a.
21:8 Tin, Davida chuan Ahimeleka hnênah chuan, "Fei emaw, khandaih emaw i kawl lo maw? Lal hnaah chuan hmanhmawh a tul avângin ka khandaih leh ka hriamhrei a enga mah ka rawn keng hman lo a ni," a ti a.
21:9 Tin, puithiam chuan, " Philistia mi Goliatha, Ela ruama i thaha khandaih chu ngai teh, puithiam kawr phenah hian puana tuamin a awm reng mai: chu mi chu i lak duh chuan la rawh, chu chauh lo chu a dang a awm lo," at ia . Tin, Davida chuan, "Chu lo liam, min pe rawh khai," a ti a.
21:10 Chutichuan Davida chu a tho va, chu mi ni chuan Saula hlauvin atlan bo va, Gath lal Akisa hnênah akal ta a.
21:11 Tin, Akisa chhiahhlawhte chuan a hnênah, "He mi hi an ram lal Davida ani lâwm ni? kha? "Saulan a sâng a sâng a that, Davidan a singa sing," tia lam chungin a chungchang thu hlain an sa dur dur ani lâwm ni?kha?" an ti a.
21:12 Tin, Davida chuan chung thute chu a rilruah apai ta a, Gath lal Akisa chu ahlau ta hle mai a.
21:13 Chutichuan ahmaah chuan a awm dan a tidanglam a, an mithmuhah chuan a â der ta chiam mai a, kawngkhârte chu a ham vak vak a, a khabe hmulahte chuan a chil a tiluang duah duah ta mai a.
21:14 Chutichuan Akisa chuan a chhiahhlawhte hnênah chuan, "En teh u, mi â a nih in hre reng si a, engati nge ka hnênah in rawn hruai ni?
21:15 Mi â ka tlakchham vangin em ni he mi hi a âtzia tilang tûra ka hmaa in rawn hruai ni? He mi hi ka inah a lo lut tehlul ang maw?" a ti a.
22:1 Chutichuan Davida chu chuta ta chu a chhuak a, Adullam pukah chuan a tlan ta a: tin, a unaute leh a pate chhûngkua zawng zawngin an lo hriat chuan chutah chuan ahnênah an zuk kal a,
22:2 Tin, mangang apiang te, leibat nei apiang te, lungnihlohna nei apiangte a hnênah chuan an kal khawm a; tichuan an hotuah a awm ta a; tin, a hnênah chuan mi zali emaw lai an awm ta a.
22:3 Tin, Davida chu chuta ta chu Moab rama Mizpe-ah a kal a; Moab lal hnênah chuan, "Pathianin thil min tihsak tûr ka hriat hma loh chu ka nu leh ka pate i hnênah lo awm rawh se aw," a ti a.
22:4 Tin, Moab lal hmaah chuan a hruai a: tichuan Davida chu kulhbingah a awm chhûng zang chuan a hnênah an awm a.
22:5 Tin, zâwlnei Gada chu Davida hnênah, "Kulhbingah chuan awm reng suh; chhuak la Judai ramah kal rawh," a tia . Chutichuan Davida chu a chhuak a, Hereth ngawh chuan a lût ta a.
22:6 Tin, Saula chuan Davida leh a hnêna awmte chu an hmu ta tih a lo hria a: Saula chu Gibea-ah Rama khuaah tamarisk thing hnuaiah a fei kengin a thu a; tin, a vêlah chuan a chhiahhlawh zawng zawngte chu an ding a.
22:7 Tin, Saula chuan a kiang vela ding a chhiahhlawhte hnênah chuan, "Nangni Benjamin mite u, ngaithla rawh u; Jesaia fapa chuan lote leh grêp huante a pe theuh dawn che uin a sipai sâng hotuah te, a sipai za hotuahte a siam vek dawn che u em ni?
22:8 In zain min phiar a, ka fapai Jesaia fapa hnêna thu a thlun ka hnêna tilang rêng rêng in awm loh va, mi lungngaihpui rêng rêng in awm loh va, ka fapain ka chhiahhlawh hi mi do tûr leh vawiin ni te pawha mi chang tûra a fuih thu ka hnêna tilang in awm loh ni?" a ti a.
22:9 Chutichuan Saula chhiahhlawhte kianga ding Edom mi Doega chuan a chhâng a, "Jesaia fapa chu Nob khuaah Ahituba fapa Ahimeleka hnêna lo kal ka hmu a.
22:10 Tin, ani chuan LALPA a rawnsak a, ei tûr ape a, tin, Philistia mi Goliatha khandaih a pe bawk," a ti a.
22:11 Chutichuan lal chuan Abituba fapa puithiam Ahimeleka leh a pa chhûngkua, Nob khuaa puithiam awm zawng zawngte chu akohtir a.
22:12 Tin, Saula chuan, "Nang, Ahituba fapa, lo ngaithla rawh," a ti a. Tin, ani chuan, "Ka pu, heta hi ka awm e," ati a.
22:13 Tin, Saulan a hnênah, "Chhang leh khandaihte lo pea LALPA te rawnsakin vawiin nia a tih anga mi do tûr leh mi chang tûra engati nge nangmah leh Jesaia fapa hian mi phair vel ni?" a ti a.
22:14 Chutichuan Ahimeleka chuan lal chu a chhâng a, "Lal makpa, i mi rawn ber thin, in chhûngkuaa mi zahawm Davida ang rêng rênga mi rinawm hi i chhiahhlawh zawng zawngte zingah tunge awm?
22:15 Vawiin hi Pathian ka biak rawnsak tan ni em ni? A ni lo. Lal chuan a chhiahhlawh emaw, ka pa chhûngkuate rêng rêng emaw min puh lul suh se; i chhiahhlawh hian heng thu zawng zawng hi a engamah ka hre lo a ni," a ti a.
22:16 Tin, lal chuan "Ahimelek, i thi ngei ngei tûr a ni, nang leh i pa chhûngkua zawng zawngte nen," at i a.
22:17 Tin, lal chuan, a kianga ding sipaite hnênah chuan, "Lehhawi ula, LALPA puithiamho hi that rawh u, Davida lamah an tang a, a tlan bo tih hre reng sia ka hnêna an sawi loh avangin," a tia . Nimahsela lal chhiahhlawhte chuan LALPA puithiamte bei tûrin kut an lek duh lo va.
22:18 Tin, lal chuan Doega hnênah chuan, "Nang lehhawi la, puithiamte chu bei rawh," a tia Tin, Edom mi Doega chu a lehhawi a, puithiamchu a bei a, chu mi ni chuan puan zai sin puithiam kawr ha, mi sawmriat leh panga a that a.
22:19 Tin, Nob, puithiam khua chu khandaihin a bei a; a hmei a pain naupang leh hnute hne laite lamin, bawng te, sabengtung te, berâmte nen khandaihin a sat hlum a.
22:20 Tin, Ahituba fapa Ahimeleka fapate zinga pakhat, a hming Abiathara chu a tlan chhuak a, Davida hnênah a tlan a.
22:21 Tin, Abiathara chuan Saulan LALPA puithiamte a thah thu chu Davida a hrilh a.
22:22 Tin, Davida chuan Abiathara hnênah chuan, "Edom mi Doega chuta a awm ni ngei khan Saula a hrilh ngei ngei ang tih ka hre sa reng a ni: i pa chhûngkua zawng zawngte chu keimah avânga thi an ni a.
22:23 Nang chu ka hnênah awm la, hlau suh; kei mi thah tum chuan nang pawh thah an tum ang che; ka hnêna i awm erawh chuan i him ang," a ti a.
23:1 Tin, "Ngai teh, Philistia mite chuan Keila khua an bei a, hruia buhte chu an laksak vek mai a," tiin Davida chu an hrilh a.
23:2 Tichuan Davida chuan LALPA chu, "Chung Philistia mite chu ka zuk bei ang em?" tiin a rawn a. Tin, LALPA chuan Davida hnênah, "Philistia mite chu zuk bei la, Keila khua chu zuk hum him rawh," a ti a.
23:3 Tin, Davida mie chuan a hnênah, "Ngai teh, Judai rama awm chung pawh hian kan hlau ani a, Keila khuaa zuk kala Philistia sipaite zuk beih chu a va hlauhawm lehzual awm ve!" an ti a.
23:4 Chutichuan Davida chuan LALPA chu a rawn leh a. Tin, LALPA chuan a chhâng a, a hnênah, "Tho la, Keila khuaah chhuk rawh, Philistia mite chu i kutah ka pe ang e," a ti a.
23:5 Chutichuan Davida leh a mite chu Keila khuaah an kal a, Philistia mite chu an zuk bei a, an rante chu an laksak a, an that chiam a. Chutiang chuan Davidan Keila khuaa mite chu a humhim ta a.
23:6 Tin, heti hi ani a, Ahimeleka fapa Abiathara Keila khuaa Davida hnêna a tlan lai khan puithiam kawr kenga chuk thla a ni a.
23:7 Tin, Keila khuaah Davida chu a kal tih Saula an hrilh a. Tin, Saula chuan, Pathianin ka kutah a pe ta anih chu; kulh kawngka leh a kalhna nei khuaah chuan lûtin a inkhung ta si a," a ti a.
23:8 Tin, Saula chuan mi zawng zawng chu indo tûrin keila khua zuk beia Davida leh amite zuk hual tûrin a ko khawm a.
23:9 Tin Davida chuan Saulan a chungah thil tha lo a suangtuah tih chu a lo hria a, puithiam Abithara hnênah chuan, "Puithiam kawr kha han la the khai," a ti a.
23:10 Chutichuan Davida chuan, "Aw LALPA Israelte pathian, i chhiahhlawh hian, Saula chuan keimah avangin khua chu tichhe tûrin Keila khuaah chuan lo chhum a tum tih ka hre tlat a.
23:11 Keila khua amite hian a kutah min pe ang em? i chhiahhlawhin ka lo hriat ang chuan Saula chu a lo chuk dawn em? Aw LALPA, Israelte Pathian, khawngaih takin i chhiahhlawh hi mi hrilh ang che," a ti a. Tin, LALPA chuan, "A lo chhuk dawn," a ti a.
23:12 Chutichuan Davida chuan, "Keila khuaa mite chuan kei leh ka mite hi Saula kutah min pe ang em?" a ti a. Tin, LALPA chuan, "An pe ang che," a ti a.
23:13 Chutichuan Davida leh a mite, zaruk emaw lai chu an tho va, Keila khua ata chu an chuak a, kalna remchang lai apiangah chuan an kal ta a. Tin, Davida chu Keila khua ata a tlan chhuak ta tih Saula an hrilh a; tichuan thawh chhuah a thulh ta a.
23:14 Tin, Davida chu thlalêrah, kulh biungahte a awm a, Ziph thlalêra tlâng ramah a awm ta reng a. Tin, Saula chuan amah chu ni tin, a zawng a, nimahsela Pathianin a kutah a pe lo va.
23:15 Tin, Davida chu thlalêrah, kulh biungahte a awm a, Ziph thlalêra tlâng ramah a awm ta reng a. Tin, Saula chuan amah chu ni tin, a zawng a, nimahsela Pathianin a kutah a pe lo va.
23:16 Tin, Saula fapa Jonathana chu a tho va, ramhnuaiah Davida hnênah chuan a kal a, Pathianah a kut a tihchaksak a.
23:17 Tin, a hnênah, "Hlau shauh suh, ka pa Saula kut chuan a zawng chhuak lo vang che, Israelte lalah i awm ang a, kei i dawttu ka ni ang; chu pawh chu ka pa Saula hian a hre reng a ni," a ti a.
23:18 Tin, an pahnih chuan LALPA hmaah thu an thlung a; tin, Davida chu ramhnuaiah a awm reng a, Jonathana chu a in lamah a haw ta a.
23:19 Chutichuan Ziph mite chu Gibea-ah Saula hnênah an han chho va, "Davida chu ka hnênah ramhnuai kulhbingah, thlalêr chhim lampang Hakila tlângah a biru reng a ni lâwm ni?
23:20 Chuvangin aw LALPA, i nunnain lo chhuk a duhthusam ang ngei chuan lo chhuk tawh la, tin, keini lo tih ve tûr chu lal kuta amah lo hlan chu a ni ang," an ti a.
23:21 Tin, Saula chuan, "LALPA chuan malsawm che u r awh se; nangniho chuan min khawngaih hle a ni.
23:22 Kal ula, va chian lehzual ula, a hnuhma va chhui ula, chutah a hmutu pawh va chain fel leh te te rawh u; fing vervek takin thil a ti thin tih miin min hrilh a ni.
23:23 chuvangin abihrukna hmun zawng zawngte hre diam vek ula, tin, ka hnênah lo kal leh ngei ngei ula, tin, in hnênah ka kal ve dawn nia; tin, heti hi a ni ang a, he rama a wm phawt chuan Juda mi sâng tam tak zing ata chu ka zawng chhuak ang," a ti a.
23:24 Tin, an tho va, Saula kal hmain Ziph-ah chuan an kal ta a: nimahsela Davida leh a mite chu thlalêr chhim lam Araba-ah Maon thlalêrah chuan an awm a.
23:25 Tin, Saula leh a mite chu amah zawng tûrin an kal a. Tin, Davida an hrilh a: chutichuan lungpui pan chuan a chhuak a, Maon thlalêrah chuan Davida chu a um ta a.
23:26 Tin, Saula chu tlâng lehlam pangah a kal a, tin, Davida leh amite chu tlâng lehlam pangah an kal a; tin Davida chu Saula hlauvin hmanhmawh takin a tlan a; Saula leh amite lah chuan Davida leh amite chu man tumin an hual vêl si a.
23:27 Nimahsela Saula hnênah chuan, "Hmanhmawh la, lo kal rawh, Philistia mite chuan kan ram an rawn bei a ni," tiin zualko a lo thleng a.
23:28 Chutichuan Saula chuan Davida a um chu a kirsan a, Philistia mite bei tûr chuan a kal ta a; chuvangin chu mi hmun chu Sela-hamalekoth an ti a.
23:29 Tin, Davida chu chuta ta chu a chho va, Engedi kulhbingah te chuan a awm ta a.
24:1 Tin, heti hi a ni a, Saula Philistia mite a va um lo haw chu, "Ngai teh, Davida chu En-gedi thlalêrah a awm e," tiin an hrilh a.
24:2 Chutichuan Saula chuan Israel mi zawng zawngte zing ata thlan thiau mi sângthum a hruai a, satharte chenna lungpui zing lamah chuan Davida leh a mite zawngin an kal ta a.
24:3 Tin, kawng lakah chuan berâm huang puk awmna hi a va thleng a; tin, Saula chu inthiarfihlim tûrin a va lût a. Tin, Davida leh a mite chu puk chhûngril lamahte chuan an awm a.
24:4 Tin, Davida mite chuan, a hnênah, "Ngai teh, LALPAN i hnênah, 'Ngai teh, i hmêlma chu i kuta ka pe ang a, a chunagh tha i tih ang angin ti ang che,' a tih ni kha a nih tak hi," an ti a. ChutichuanDavida chu a tho va, a ruk tein Saula puan fem chu ave hlep a.
24:5 Tin, Heti hi a ni a, nakinah chuan Daula puan fem a va hleh chuan Davida rilru a chhun hle a.
24:6 Chutichuan amite hnênah chuan, "LALPA hriak thih a ni tih hre reng chung si a, a chunga kut thawha LALPA hriak thih ka LALPA chunga he thil ka tih hi a awm lo tawp mai a ni," a ti a.
24:7 Chutichuan Davidan chung thu chuan a mite a khapbet a, Saula bei tûra an thawh chu a phal ta lo va. Tin, Saual chu puk ata chu a chhuak a, a kal leh ta a.
24:8 Ahnu lawkah chuan Davida pawh chu a tho va, puk ata chu a chhuak a, "LALPA, ka LALPA," tiin Saula chu a au zui a. Tin, Saula a han lehhawi chuan Davida chuan a hmaia lei siin chibai a bûk a.
24:9 Tin, Davida chuan Suala hnênah, "Ngai teh,'Davidan i chiatna a zawng a ni,' tia miten i hnêna an sawi chu engah nge i awih thin?
24:10 Ngai teh, vawiinah hian LALPAN pukah hian ka kuta a hlanzia che hi i mit ngeiin i hmu a; thenkhat chuan tihhlum tûr chein min tir a; nimahsela ka zuah chia; 'Ka LALPA hriak thih a ni si a,' ka ti a.
24:11 Chu chauh pawh ni lovin,ka pe en teh, hei ipuan fem pawh ka ken reng hi; i puan fem ka hleh theih si a, ka tihhlum loh cheuah hian ka kutah hian thil tha leh bawhchhiatna a awm lo tih le ka nunna lak tumin mi zawng mi zawng mah la, i chungah ka sual lo tih hre ngei ngei rawh khai,
24:12 "LALPAN nang nena kan chungthu hi rêl sela, tin, LALPA chuan i lakah phuba mi laksak rawh se; mahse kei chuan i chungah kut ka thlak lo rêng rêng ang.
24:13 Hman lai thufingin, 'Mi sual atangin sual a lo chhuak thin a,' a ti a; nimahsela i chungah kut ka thlak lo vang.
24:14 Israel lal chu tu zawngin nge a lo chhuah? Tunge i um? Ui thisawn, uihli lek,
24:15 Chuvangin LALPA chu rorêltu ni sela, nang nena kan chung thu hi titlu sela, mi ngaihtuahsakin mi sawipui sela i kut ata mi chhanchhuak rawh se," a ti a.
24:16 Tin, heti hi ani a, Davidan Saula hnênah heng thu hi a sawi zawh chuan Saula chuan, "I aw elo ni, ka fapa Davida?" a ti a. Tin, Saula chu aw chhuah meuhvin a tap ta a.
24:17 Tin, Davida hnênah chuan, "Kei ai chuan i fel zawk êm êm a ni, ang zawngin ka chungah thil tha i ti a, kei erawh chuan thil tha lo ka ti a ni.
24:18 Tin, vawiinah hian ka chungah hianthil tha i tihzia i tialgn a ni: LALPAN i kuta min pêk pawha min tihhlum lovah hian.
24:19 Miin a hmêlma hmu ang sela, tlâng takin a chhuah duh ang em? Chuvangin vawiina ka chunga i thil tihah LALPAN thil thain rul che rawh se.
24:20 Ngaiteh, lal i la ni ngei dawn ani tih ka hre ta a.
24:21 chuvangin ka hnua ka thlahte lo awm tûrte hu tiboral lo tûr leh ka pa chhûngkaw zing ata ka hming tibo lo tûrin LALPA hmingin ka hnênah chia cham rawh khai," a ti a.
24:22 chutichuan Davida chuan Saula hnênah chhia a chham ta a. Tin, Saula chu a haw ta a; Davida leh a mite erawh chu kulh bingah chuan an chho ta a.
25:1 Tin, Samuela chu a thi ta a; tin, Israel mi zawng zawngte chu an inko khawm a, an tah a. Rama khuaa a inah chuan an phûm ta a. Tin, Davida chu a tho va, Paran thlalerah a chhuk a.
25:2 Moan khuaah chuan mi pakhat a awm a, a khawsakna chu Karmel tlângah a ni; mi ropui tak ani a, berâm sângthum leh kel sâng anei a: Karmel tlângah chuan a berâm hmul a met a.
25:3 Chu mi hming chu Nabala a ni a; a nupuiah hming chu Abigaili a ni a: chu hmeichhia chu bengvar tak hmêl tha tak ani a; a mipa erawh chu mi tawhkhirh tak leh sual tak a ni: Kaleba thla a ni.
25:4 Tin, Davidan thlaler atang chuan Nabalan a berâm hmul amet tih a lo hria a.
25:5 Tichuan Davida chuan tlangvâl sawm a tir a, tlangalte hnênah chuan Davidann, "Karmel tlângah chuan han cho ula, tin, Nabala hnênah kal ula ka hmingin chibai han buk ang che u:
25:6 tin, mi neinung taka hnênah chuan heti hian han sawi ang che u, ' I chungah te, i chhûngkua te chungah te, i neih zawng zawng chungahte thlamuanna awm rawh se.
25:7 I berâm hmul mettute an awm tih ka lo hria a: i berâm vengtute chu ka hnênah hian an awm thin a, an pawi engmah kan khawi h lo va, Karmel tlanga an awm chhûng rêng rêngin an engmah an chan lo va.
25:8 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
25:9 Tin, Davida tlangvâlte chu an va thlen chuan Davida hmingin chung thu zawng zawng chu Nabala hnênah chuan an sawi a, an ngawihsan ta a.
25:10 Tin, Nabala chuan Davida chhiahlawhte chu a chhâng a, "Davida chu tunge maw ni le? Jesaia fapa chu tunge maw ni le? Tun lai hian chhiahhlawh tam tak pute tlan bosan hmang an tam mai a.
25:11 Ka chhang te, ka tui te leh ka berâm hmul mettute tana ka talh chu tute nge an ni tih pawh hriat hleih lohte hi ka pe tehlul ang maw?" a tia .
25:12 Chutichuan Davida tlangvâlte chu an let leh a, an kir leh a; chung thu zawng zawng chu an rawn hrilh a.
25:13 Tin, Davidan chan a mite hnênah chuan, "In khandaih pai theuh rawh u," a ti a. Tin, an khandaih an pai theuh va; Davida pawhin a khandaih a pai a, mi zali laiin Davida chu an zui chho va; tin, mizahni chu bungraw vengin an awm a.
25:14 Tin, tlangvâl pakhat chuan Nabala nupui Abigaili hnênah chuan, "Ngai teh, Davida chuan thlaler atangin kan pu chibai bûk tûrin mi a rawn tir a, ani chuan a lo hau va.
25:15 Nimahsela chu mite chu kan chungah an tha hle mai a, kan pawi engmah an khawih lo va, phula kan awm laia kan awmho chhûng zawng zawng khan engmah kan hloh lo vaL
25:16 berâm venga an hnêna kan awm chhûng zawng zawngin chhun leh zan kan tan kulh an ni ngawt mai a.
25:17 chuvangin engnge i tih dawn ngunt akin ngaihtuah teh khai; kan pu chungah leh a chhûngkua zawng zawngte chungah hian thil tha lo tih tum an awm a ni; ani lah hi a Beliala fapa khawp a, tuma biak theih loh a ni si a," tiin a sawi a.
25:18 Tin, Abigaili chuan hmanhmawh takin chan hlawm zahnih nen, uain peng hnih nen, berâm panga chhum tûra peih diam nen, vai buk nga nen, grêp rah pho ro bawr za en, theipui hlawm zahni nen a la khawm a, sabengtung aphurhtir a.
25:19 Tin, a chhiahhlawh tlangvâlte hnênah chuan, "Ka hmaah lo kal ta zel ula, ngai teh u, ka rawn zui ang che u," a ti a. Nimahsela a pasal Nabala chu ahrilh lo.
25:20 Tichuan chutiang chu a ni a, a sabengtung hungah chuan a chuang a, leisekawtah a chhuk laiin, ngai teh, Davida leh a mite chuan an rawn pan a; tichuan an intawk ta a.
25:21 Davida chuan, "A engmah a hloh loh nan thlalerah he pa neih zawng zawngte hi a tlawn mai maiin ka vensak a lo nih ngei hi le; thil tha chu thil tha lovin mi thungrul ta mai si a.
25:22 Naktuk zing khaw en thlenga a ta zawng zawng zinga mipa naupang pakhat chauh pawh ka zuah vaih chuan Pathianin Davida hmêlmate chu a tih tihin ti rawh se, chu aia nasa pawhin ti rawh se," a ti tawh si a.
25:23 Tin, Abigaili chuan Davida a hmun chuan a sebengtung ata chu a chhuk thuai a, Davida hmaah chuan a hmaia lei siin chibai a bûk a.
25:24 Tin, a ke bulah chuan abawkkhup a, "Keiman, ka pu, keimah ngeiin khawlohna chu ka hlawh mai ang e, tin, i chhiahhlawhnu hian i beng hiatah thu sawisela i chiahlawhnu thusawi chu khawngaih takin ngaihthlâksak ang che.
25:25 Ka pu, Beliala mi Nabala chu engahmah ngai suh khai; a hming ang chiah chiah hi ani a; Nabala tihtakah, a â a nih hi; kei i chhiahhlawhnu hi zawngin ka pu tlangvâl rawn tirhte chu ka lo hmu lo a ni.
25:26 chuvangin tunah hian ka pu, LALPA nunna leh i nunna chhalin ka sawi e, ka hmu lo tak meuh a ni, LALPAN thisen chhuah lo tûr leh i kuta phuba la lo tûrin a siam si chian, i hmêlmate leh ka pu that lohna zawngtute chu Nabala ang ni mai rawh se.
25:27 Tin, hei ka pu tana i chiahhlawhin lawmman ka rawn ken hi ka pu rawn zuitu tlangvâlte hi pêk ni raw se.
25:28 I chhiahhlawhnu sualna hi khawngaih takin ngaidam ang che: LALPA chuan ka pu chu chhûngkaw nghet tak a dinngei ngei ang a, ka pu chu LALPA indonate do ani si a; i dam chhûng zawng zawgin nangmahah chuan sualna rêng rêng hmuh tûr a awm lo vang.
25:29 Nangmah um tûr leh i nunna tibo tûrin mite lo thawk mah sela, ka pu nunna chu LALPA i Pathian nena nunna tel zinga tel ani ang a; i hmêlmate nunna erawh chu virvawm phana vawm ang daihin a vawm bo vang.
25:30 Tin, heti hi a ni ang a, LALPAN i chungchang thua a thil tha tiam ang zawng zawng ka pu chungah a tih huna Israelte lala a siam hun che chuan,
25:31 a vang awm lova thisen i chuah loh va, ka pu chuan phuba i lak hek loh hi i tan lungngaihna rêng rêng ani lo vang a, ka pu tan lungni lohna rêng rêng a ni hek lo vang; tin, LALPAN ka pu chunga thil tha a tih hunah chuan i chhiahhlawhnu hi hre reng ang che," a tia .
25:32 Tin, Davida chuan Abigaili hnea chuan, "Vawiina mi lo hmuak tûra tirtu che LALPA, Israelte Pathian chu fakin awm raw se:
25:33 tin, i remhriatna chu malsawmin awm sela, tin, nang thisen chhuah thiam loh channa laka mi humtu leh keima kuta phuba la lova mi siamtu chu malsawmin awm bawk ang che.
25:34 Nang chuan mi lo hmuak thuai suh la chuan LALPA, Israelte Pathian nunna chhalin ka sawi e, naktuk khaw en thlang chuan Nabala chu naupang pakhat chauh pawh ka zuahsak lo tawp ang," a ti a.
25:35 Chutichuan Davida chuan a thil rawn kensakte chu a la a: tin, a hnênah chuan, "Thlamuang takin i in lamah haw chho ta la; tin, i thu chu ka awih a, i dul chu ka pawmsak a che aw," a tia .
25:36 Tin, Abigaili chu Nabala hnênah a han kal a, tin, ngai teh, a ina chuan lal ruai theh ang maiin ruaia lo theh a, a rih hle mai avângin Nabala chu a hlim huam mai a: chuvangin a tuk khaw en hma loh chuan engmah a hrilh lo va.
25:37 Tin, heti hi ani a, zing lama Nabala uain rui chu alo hrah chuan a nupui chuan hung thu chu a han hrilh a, a rilru a mit ta sulh a, lung ang maiin a lo awm ta a.
25:38 Tin, heti hi ani a, ni sawm hnuah chuan LALPAN Nabala chungah kut a thlak a, a thi ta a.
25:39 Tin, Davidan Nabala chu a thi tih a han hriat chuan, "Ka hming chhiatna tûra Babala thiltih lakah mi sawipui a, a chhiahhlawh chu thil tha lo ti lova mi khaptu LALPA chu fakin awm rawh se; Nabala thil tha lo tih chu LALPAN ama chung ngeiah a tlaktir ta a ni," a ti a.Tin Davida chuan Abigaili chu a nupui atâna va be tûrin mi a tir a.
25:40 Tin, Davida chhiahhlawhte chuan Karmel tlângah Abigaili hnên an han thlen chuan, "Ngai teh u, in chhiahhlawhnu hi ka pu chhiahhlawhte ke sil tûra chiahhlawh ka ni e," a ti a.
25:41 Tichuan Abigaili chu a tho thuai a, sabengtung chungah a chuang a, a hnung zui nula pangate nen chuan Davida mi tirhte chu an zui a, a nupuiah a awm ta a.
25:42 Davida chuan Jezreel-a mi Ahinoami a lo nei tawh bawk a; tichuan a nupuiah an awm ta ve ve a.
25:43 Saula chuan a fanu Mikali, Davida nupui kha Galim khuaa mi Laisa fapa Paltia a lo neihtir tawh a ni.
26:1 Tin, Ziph-ho chu Gibea-ah Saula hnênah an kal a, "Davida chu thlaler dep Hakila tlângah chuan a biru a ni lâwm ni?" tiin an va sawi a.
26:2 Chutichuan Saula chu a to va, Ziph thlalerah Davida zawng tûrin a zuk kal ta a.
26:3 Tin, Saula chuan thlaler dep, kawng lakah Hakila tlângah chuan tanhmun a khuar a. Davida erawh chu thlalerah chuan a awm reng a; tin, Saula chu amah zawngin thlalerah a lo kal tih a hria a.
26:4 Chuvangin Davida chuan enthlatute a tir a, Saula chu a lo kal tak tak a ni ti a hre chiang ta a.
26:5 Chutichuan Davida chu a tho va, Saula thanhmun khuarnaah chuan a kal a: tin, Davida chuan Saula leh a sipai hotu, Nera fapa Abnera mutna chu a hmu a: Saula chu tawlailir hual chungah chuan a mu a, a velin mite chuan awmhmun an rem a.
26:6 Chutichuan Davida chuan Hit mi Ahimeleka le Joaba nau Zeruia fapa Abisaia hnênah, "Saula tanhmunah chuan tunge ka hnênah kal ve ang," tiin a sawi a. Tin, Abisaia chuan, "Keimah i hnênah chuan ka zuk kal ve ang e," a ti a.
26:7 Tichuan Davida leh Abisaia hu mipuiho awmnaah zanah chuan an kal a: tin, ngai teh, Saula chu tawlailir hual chungah chuan a lo mu a, a lu lamah chuan a fei chu leiah a vit bur a: tin, Abnera leh mite chu a vêlah chuan an lo mu a.
26:8 Chutichahun Abisaia chuan Davida hnênah, "Vawiinah hian Pathianin i hmêlma chu i kutah a pe a ni hi; chuvangin fei hian vawi khatah leiah hian ka han chun bet tlat mai teh ang aw? Ka chun nawn leh tawh lo vang," a ti a.
26:9 Nimahsela Davida chuan Abisaia hnênah, 'Tiboral suh, LALPA hriak thih chunga kut thlaka thiam chang thei tunge awm thei ngai?" at i a.
26:10 Tin, Davida vek chuan, "LALPA nunna chhalin ka sawi e, LALPA chuan a chungah kut a thlak ang chu: a nih loh vek leh a thih ni a lo thleng mai ang a; anih loh vek leh indonaah a kal ang a, a boral mai ang.
26:11 LALPA hriak thiha chugah chuan kut ka thlak loh tûrzia mai chu: a lu bula fei leh tuithawl kha erawh chu la ta che aw, tichuan i kal ang," a ti a.
26:12 Chutichuan Davida chuan Saula lu bual fei leh tuithawl chu a la a, an kal leh ta a, tuman an hmu lo va, tuman an hriain harh an awm hek lo: LALPAN tui taka a muthilhtir avângin a muhil vek a ni.
26:13 Chutichuan Davida chu ral lehlama chuan akal a, hla feah tlâng chhipah a ding a; an inkar chu hla tak a ni a.
26:14 Tin, Davida chuan mipuite leh Nera fapa Abnera chu, "Abner, mi han chang dawn lawm ni?" tiin a au va. Chutichuan Abnera chuan a chang a, "Lal han au veitu chu tunge maw i ni le?" a ti a.
26:15 Tin, Davida chuan Abnera hnênah, "Mi huaisen i lawm ni? Israelte zingah hiannang ang tunge awm? Engtizia nge lal i pu i ven loh ni? Lal i pu chu tiboral tûrin tu emaw a lo kal kha le.
26:16 I thiltih dan hi a tha lo a ni. LALPA nunna chhalin ka sawi e, LALPA hriak thih i pu chu i ven that loh avângin thi mai tlak i ni e. lal lu bula fei leh tui thawl awm kha khawiah nge a awm tak han en teh reng," a ti a.
26:17 Tin, Saula chuan Davida aw chu a han hria a, "Chu i awm ela ni, ka fapa Davida?" a han ti a. Tin, Davida chuan, "Aw lalpa, ka pu, ka aw ani e," a ti a.
26:18 Tin, "Eng vangain nge ka pu hian a chiahhlawh hi a um ni? Eng thil nge ka tih? Ka kutah thil sual engnge awm?
26:19 Chuvangin LALPA, ka pu chuan a chhiahlawh thu hi ngaithla teh se. Mi do tûra i thinlung chawk thotu chu LALPA a nih chuan thilhlan chu pawm hram sela; mihring fate an ni erawh chuan LALPA hmaa ânchhe dawngin awm rawh se; 'Kal la, Pathian dangte rawng bâwl rawh,' tia, lalpa ro ka luah theih lohna tûra vawiin hian min hnawt bo an ni a.
26:20 chuvangin ka thisen chu LALPA hmuh phak lova leilungah luang suh se; varung veh tûra tlângahte mi an ramvak angin Israel lal chu uihli lek zawng tûrin a kal chhuak anih hi," a ti a.
26:21 Chutichuan Saula chuan, "Thila ka lo tisual der mai a ni; ka fapa Davida lo haw leh rawh: i mithmuhah ka nun hi vawiinah hian a hlut em avângin engmah rêng rêng ka tih tawh hauh lo vang che: ngai teh, thil atthlak tak ka lo ti ta a, ka lo tisual der mai a nih hi," a ti ta a.
26:22 Tin, Davida chuan a chhâng a, "Aw LALPA, fei hi han en teh, tlangvâl pakhat lo kal sela han la lawk rawh se.
26:23 Tin, LALPA chuan mi tin, an fel leh an rinawm man a pe dawn a: vawiinah hian LALPAN nang hi ka kutah a pe na a, LALPA hriak thih chungah ka kut ka lek duh lo a ni.
26:24 Tin, ngai teh, vawiina i nunna ka ngaihhlutsk che ang bawk hian LALPA chuan ka nunna min ngaihhlutsak sela, manganna zawn zawng ata hi mi chanchhuak rawh se," a ti a.
26:25 Chutichuan Saula chuan Davida hnênah, "Ka fapa Davida, malsawmin awm rawh khai: thil ti thei takin i awm ang a, i ngam zel ang," a ti a. Chutichuan Davida chu a hawng a, tin, Saula chu a hmun lamah chuan a haw leh ta a.
27:1 Tin, Davida chuan a rilruin, "Eng tikah emaw chuan Saula kutah hian ka la boral ngei mai dawn zawng a ni hi: Philistia mite rama tlan bo aia tha hi a awm dawn lo anih hi; tichuan Saula chuan Israel ram chung zawng zawnga mi zawn hi a bei a dawng tawh ang a, tichuan a kut ata ka chhuak ani ang," a ti a.
27:2 Chutichuan Davida chu a tho va, amah leh a hnêna mi zaruk awmte chu Maoka fapa, Gath lal Akisa hnênah an kal ta a.
27:3 Tin, Davida chu amah nen a mite nen, mi tin, an chhûngkuain Davida paw anupui pahnih, Jezreel mi Ahinoami leh Nabala nupui, Karmel-a mi Abigaili te nen Gth khuaah Akisa hnênah an awm ta a.
27:4 Tin, Davida chu Gat khuaah a tlan tih Saula an hrilh a, tichuan a zawng le ta lo va.
27:5 Tin, Davida chuan Akisa hnênah, " Min khawngaih la, i rama khaw pakhatah hian awm hmun min pe ve la, chuta chuan ka awm ang e: i chiahhlaw hi enga nge lal khuaah i hnênah a awm reng?" a ti a.
27:6 Chutichuan Akisa chu chumi ni chuan Ziklag khua chu a pe ta a: chuvangin Ziklag chu tun thlengin Judai ram lalte ta a ni ta reng a.
27:7 Tin, Philistia rama Davida a awm chhûng chu kum khat pumhlum le thla li a ni.
27:8 Ur mi te, Gizi mi te Amalek mite an run a: chung hnamte chu Telam atanga Zur ram lampang Aigupta ram thlenga awm an ni a.
27:9 Tin, Davida chuan ram chu a bei a, ahmei apain zuah rêng rêng a nei lo va, berâm te, sebâwng te, sabengtung te, sanghawngsei te, an silhfen te a laksak a; tin, a haw leh a, Akisa hnênah a kal a.
27:10 Tin, Akisa chuan, "Vawiinah hian khawi lam nge i run?" a ti a. Tin, Davida chuan, "Juda Chhim ram te, Jeramil-ho him ram te, Ken-ho Chhim ram e," a ti a.
27:11 Tin, "Philistia rama a awm chhûng rêng rêngin Davida chuan hetiang hian a ti fo thin a ni,' an ti dah ang e," tiin Davida chuan a hmei apain Gath khuaa hruai tûr zuah rêng rêng anei ngai lo a ni.
27:12 Tin, Akisa chuan Davida thu sawi chu awihin, "Aama miIsraelte chu a inhuattir ta hle mai a; chuvangin kumkhuain ka chhiahhlawhah a awm ang," a tih phah ta a.
28:1 Tin, heti hi a ni a, chung lai chuan Philistia mite chuan an sipaite chu Israel mite beia do tûrin an khawm chiam mai a. Tin, Akisa chuan Davida hnênah, "Nang leh mite chu sipaiho zingah ka hnênah in kal ngei dawn ani tih hre rawh," a ti a.
28:2 Tin, Davida chuan Akisa hnênah, "Aw le, i chhiahlawh thil tih theih dan chu i hre mai ang," a ti a. Tin, Akisa chuan Davida hnênah, "A that chu! Mi vengtuah ka siam kumkhua ang che," a ti a.
28:3 Samuela chu a ti taw a, Israel mi zawng zawn chuan an tah a, ama khua ngei Rama khuaah chuan an phûm tah a. Tin, Saula chuan an ramhuai aienthiam zalwte leh dawithiamte chu a ram ata a hnawt chuak vek tawh a.
28:4 Tin, Philistia mite chu an pung khawm a, Sunem-ah chuan tanhmun an va khuar a: tin, Saula chuan Israel mi zawng zawng a khawm a, Gilboa-ah tanhmun an khuar ve a.
28:5 Tin, Saulan Philistia sipaihote a hmu chuan a hlau a, a rilru a khur zawih zawih mai a.
28:6 Tin, Saula chuan LALPA a han rawn pawhin LALPA chuan mang emaw, Urim emaw, zâwlnei emawin a chang lo rêng rêng a.
28:7 Chutichuan Saula chuan a chhiahhlawhte hnênah chuan, "Ramhuai aienthiam zawl hmeichhia hnêna ka kala ka rawn tûrin min zawnsak raw u," a ti a. Tin, a chhiahhlawhte huan a hnênah, "Ngai teh, Endor khuaah ramhuai aienthiam zawl hmeichhia a awm asin," an ti a.
28:8 Tin, Saula chu a inbawl danglam a, puan danglam a inbel a, amah leh midang pahnih nen an kal a, zanah hmeichhe hnên chu an va thleng a: tin, "Ramhuai aienna chuan ai mi ensak la, i hnêna a hming ka lam apiang chu mi koh chuahsak ang che," a ti a.
28:9 Tin, hmeichhia chuan a hnênah, "Ngai teh, Saula thiltih chu i hria a, a rama ramhuai aienthiam leh dawithiamte chu a tibo zo tawh a, engati nge ka thihna tûrin ka nunna thang i kam dawn ni le?" a ti a.
28:10 Tin, Saula chuan LALPA hming chhalin, "LALPA nunna chhalin ka sawi e, he mi thil avâng hian i chungah hremna a thleng lo vang," tiin a hnênah chhia a chham a.
28:11 Chutichuan hmeichhia chuan, "Tunge ka han koh chuahsak ang che?" a ti a. Tin, ani chuan, "Samuela mi han koh chhuahsak rawh," a ti a.
28:12 Tin, hmeichhia chuan Samuela a han hmuh chuan a au vak a; tin, hmeichhia chuan Saula hnênah, "Engati nge mi bum, Saula i ni reng si a?" a ti a.
28:13 Tin, lal chuan a hnênah, "Hlau suh; engnge ni i hmuh tak le?" a ti a. Tin, hmeichhia chuan Saula hnênah, "Lei atanga Pathian lo chhuak ka hmu," a ti a.
28:14 Tin, a hnênah, "Eng ang nge anih?" a ti a. Ani chuan, "Putar pui hi a lo chhuak a, kawrfual a ha," a ti a. Tin, Saula chuan Samuela a ni tih a hria a, a hmaia lei siin chibai a bûk a.
28:15 Tin, Samuela chuan Saula hnênah, "Engati nge hetianga mi koh chuah buai ni?" a ti a. Tin, Saula chuan a chhâng a, "Ka mang a ang êm êm atin a ni: Philistia mite chuan min do va, Pathian lah chuan min hawisan a, zâwlnei emaw, mumang emaw pawhin min chang ta lo rêng rêng a: chuvang chuan ka tih tûr min hrilh tûrin ka ko ta che a ni," a ti a.
28:16 Tin, Samuela chuan, "Chutia LALPAN a hawisan chia i hmêlma a lo ni ta tih hre reng chung si chuan engah nge thu mi zawh?
28:17 Keimah hmanga a sawi ang khan LALPA chuan i chungah a ti ta a nih chu: LALPA chuan i kut ata ram chu a chhuhsak a, i thenawm, Davida ngei chu a pe ta a ni.
28:18 LALPA thu i awih loh avâng leh Amalek-ho chungah a thinurna nasa tak ang khan i hlen loh avângin tunah hian i chungah he thil hi a ti ta ani hi.
28:19 Chu lo pawh chu, LALPA chuan nangmah leh Israel-hote pawh chu Philistia mite kuta a pe ang a; tin, naktukah hian nang leh i fapate chu ka hnênah in lo awm ang: LALPA chuan Israel sipaihote pawh chu Philistia mite kuta a pe ang," a ti a.
28:20 Chutichuan Samuela thusawi avâng chuan Saula chuan a hlau ta êm êm mai a, leiah a tlu ta der mai a; tha leh zung rêng rêng a nei lo va, nileng leh zankhua chaw ei lo ani si a.
28:21 Tin, hmeichhia chu Saula hnênah chuan a kal a, a lungngai êm êm tih a hria a, a hnênah, "Ngai teh, i chhiahhlawhnuin i sawi chu ka awih a, thih leh thih ka hnêna i thusawite chu ka pawm a ni.
28:22 Chuvangin nang pawhin i chhiahhlawhnu thu chu awih ve thung ang che; chaw tlem tal ka han hlui ang chia, tichuan i hawn huna thahrui i neih theih nan ei ang che," a ti a.
28:23 Nimahsela a du lo va, "Ka ei lo vang," a ti a. Nimahsela a chhiahhlawhte chuan hmeichhia nen chuan an tir lui a; an thu chu a awih ta a. Chutichuan lei ta chu a tho va, khumah chuan a thu a.
28:24 Tin, hmeichhia chuan sebâwng no chawm thau a inah chuan a nei a, a va talh thuai a, tin, chhangphut a la a, a hmet a, dawidim tel lo chhang a siam a; tin, Suala leh a chhiahhlawhte hmaah chuan a va hlui a; tin, an lo ei ta a. Chutichuan an tho va, chu mi zan chuan an kal ta a.
29:1 Chutichuan Philistia mite chuan an sipai zawng zawngte ch Aphek-ah an khawm vek a; tin, Israel mite chuan Jezreel-a tuikhur kiangah tanhmun an khuar a.
29:2 Tin,Philistia-ho lalte chu za tel tel te, sâng tel tel tein an kal zut zut maia. Tin, Davida leh a mite chuan Akisa nen hnu an dal a.
29:3 Chutichuan Philistia lalte chuan, "Heng Hebrai-hote hian engnge an tih?" an ti a. Akisa chuan Philistia lalte hnênah chuan, "He Davida, Israelte lal Saula chhiahhlawh, hei leh chen ka hnêna awm tawh a, ka hnêna a lo tluk luh ata tun thleng pawha a sualna ka hmuh lohva chu a ni lâwm ni?" a ti a.
29:4 Nimahsela Philistia lalte chu a chungah an thinrim a;Philistia lalte chuan a hnênah, "Chu mi chu i hmun ruatsakah khan haw tûrin kirtir la, indonaah kan hnênah zuk kal ve suh se; chutilochuan indonaa kan hmêlma lamah a tang mai dah ang e: Kan mite lua la ang a, a pu nen an inrem leh hlauh si ang e.
29:5 He Davida hi a ni lâwm ni?lam chunga 'Saulan a sâng a sâng a that, Davidan a sing a sing,' tia a chungchang thu hlaa an saka kha?" an ti a.
29:6 Chutichuan Akisa chuan Davida chu a ko va, a hnênah, "LALPA nunna chhalin ka sawi e, mi dk tak i lo ni a, sipaihote zinga ka hnênah i kal leh i haw thinte chu ka mithmuhah chuan a tha hle mai a; ka hnêna i lo kal ni ata vawiin thlengin i chungah engmah that lohna rêng rêng ka hmu hauh lo mai a ni: nimahsela lalhote hian an ngaina lo che a ni.
29:7 chuvangin Philistia lalhote i tihlungnihloh loh nan kir leh la, lungawi takin kal ang che," a ti a.
29:8 Tin, Davida chuan Akisa hnênah, "A nih leh, eng thil nge maw ka lo tih le? I hnêna ka awm chung zang vawiin thleng hian, ka pu, lalber hmêlma chu do lova ka han kir lehna mai tûrin i chhiahhlawh chungah hian engnge maw hriat i neih le?" a ti a.
29:9 Tin, Akisa chuan a chhâng a, Davida hnênah, "Ka mithmuhah chuan Pathian vântirhkoh ang maiin i tha a; nimahsela Philistia lalhote hian 'Indonaah kan hnênah a han kal ve lo veng,' an ti tlat mai a.
29:10 Chuvvangin i hnêna kal ve i pu chiahhlawhte nen hian zing takah tho ula: tin, zing takah in thawha khua a en veleh chuan kal ang che u," a ti a.
29:11 Chutichuan Davida leh a mite hchu Philistia rama kir leh tûrin zinga chhuak tûrin zing takah an tho ta a. Tin, Philistia mite chuan Jezreel-ah an chho ta a.
30:1 Tin, heti hi a ni a, ni thum nia Davida le amiten Ziklag an thlen chuan, Amalek-hovin Chim lam leh Ziklag khua chu an lo run tawh reng a, Ziklag khua chu an lo sawi sa a, an lo hal a;
30:2 hmeichhiate chu chu mi khuaa awm apiangte chu a lian atein salah an man a; tumah that lovin an hruai a, an hawnpui tawh a.
30:3 Tin, Davida leh a mite khua an va thlen chuan, ngai teh, a lo kang fai vek tawh a; tin, an nupui te, an fapa te, an fanute chu salah an lo man tawh a.
30:4 Chutichuan Davida leh a hnêna awmte chuan an aw an chhuah a, tap hlei thei tawh lo khawpin an tap a.
30:5 Tin, Davida nupuite pahnih Jezreel mi Ahinoami leh Karmel-a mi Nabala nupui Abigaili te pawh salah an hruai tawh a.
30:6 Tin, Davida chu a mangang hle mai a; mi tin, an fapate leh an fanute avânga mi zawng zawng an thin a nat êm êma ama chu lunga den thu a sawi avângin; nimahsela Davida chu a Pathian LALPAAH chuan a intichak a.
30:7 Tin, Davida chuan Ahimeleka fapa puithiam Abiathar a hnênah chuan, "Puithiam kawr mi va laksak teh khai," a ti a. Tin, Abiathara chuan Davida chu puithiam kawr chu a va laksak a.
30:8 Tin, Davida chuan, "Chungho chu um ila ka la umpha ang em le?" tiin LALPA a zawt a. Ani chuan a chhâng a, "Um rawh, i umpha ngei nge ang a, ichhanchhuak vek ngei ngei ang," a ti a.
30:9 Chutichuan Davida chu akal ta, amah leh a hnêna mi zarukte nen; tin, Besor lui chu an va thleng a,a n mi hnutchiahte chu chutah chuan an awm ta a.
30:10 Davida erawh chuan a um zel a, amah leh mi zalite nen chuan, mi zahni chu an chauh tawh avângin Besr lui chu an kan ve thei ta lo v, an lo awm ta a ni.
30:11 Tin, phulah hian Aigupta mi an va hmu a, Davida hnênah chuan an hruai a, chhang an pe a, a lo ei a: tin, tui in tûr an pe a;
30:12 tin, theipui hlawm tlâng khat leh grêp rah pho ro bawr hnh an pe a; tin, chung chu a han ei chuan a lo harh leh ta a; ni thum leh zan thum chaw ei lo leh tui in lo a ni si a.
30:13 Tin, Davida chuan a hnênah, "Tu mi nge i nih? Khawi atanga lo kal nge i nih?" a ti a. Tin, ani chuan, "Aigupta ram tlangvâl, Amalek mi chhiahhlawh ka ni a; tin, ni thum a ni ta a, ka dam loh avângin ka puin min kalsan ta mai a ni.
30:14 Kereth Chhim ram leh Juda chan Chhim ramte kan run bawk a; tin, Ziklag khua pawh kan hal a," a ti a.
30:15 Tin, Davida chuan a hnênah, "Chunghote awmnaah chuan min zuk hruai thei ang em?" a ti a. Tin, ani chuan, "Min that lo tûr leh ka put kuta mi pe leh lo tûrin Pathian hming chalin ka hnênah chhia chham la, tichuanchungho awmnaah chuan ka zuk hruai ang che," a ti a.
30:16 Tin, a zuk hruai chhuk chuan, ngai teh, Philistia ram le Judai rama râllâk tam tak an 1ak avângin ruai an theh a, an eiin an in a, an lo awm darh nuaih mai a.
30:17 Tichuan Davida chuan ni tlak atanga a tuk tlai lam thlengin a bei ta a, tlangvâl zali sanghawngsei chunga chuanga tlanchehote chau lo chu tumah dama chhuak rêng rêng an awm lo va.
30:18 Tin, Davida chuan Amahlek miten an lak zawng zawng chu a la leh vek a; tin, Davida chuan a nupui pahnihte chu a chhan chuak a.
30:19 Chutichuan a lian a tein, an fapa te, an fanu te, an râllâk leh an thil lak rêng rêng engma chan an nei lo v, Davida chuan a laksak leh vek a.
30:20 Tin, Davida chuan berâm rual leh ran rual zawng zawngte chu a la a, ran dangte hmaa an khalh a, "Heng hi Davida râllâk anih hi," an ti a.
30:21 Tin, mi zahnih an chauh avanga Davida zui tei ta lo Besor luia an awmtirte hnên chu Davida chuan a va thleng a; tin, anni chu Davida hmuak tûr leh a hnêna awmte hmuak tûrin an kal chhuak a; tin, Davidan mipuite kiang a va thlen chuan chibai a bûk hlawm a.
30:22 Chutichuan Davida hnêna kalhote zinga mi sualte leh Beliala mi zawng zawngte chuan an chang a, "Kan hnêna an kal ve lo avangin râllâk thil kan va chhuh leh rêng rêng chu kan pe ve lo vang a, an hruai a, an kal theih nan an nupuite leh an fate theuh erwh chu an hruai kan phal ang," an ti a.
30:23 Chutichuan Davidan, "Unaute u, LALPA, min humsaka min do tûra lo thawkho kan kuta petu thil min pekte chu chutiang chuan in ti lo vang.
30:24 Tuin nge he thuah hian in thu pawm ang? Indonaa zuk kalte chan ang bawk chu bungraw venga lo awmte chuan an chang ve tûr a ni alawm; inang vekin chan tûr a ni," a ti a.
30:25 Tichuan chu mi ni atngin tun thleng hian Israelte tan thupêkah leh dana luang tûrin a siam ta a.
30:26 Tin, Davidan Ziklag khua a thlen chuan râllâk thenkhat chu, "Hei, LALPA hmêlmate laka râllâk, lawmman atân ka thawn a che u," tiin.
30:27 Bethel-a awm te, Chhim Ramoth-a awm te, Jatir-a awm te;
30:28 Aroer-a awm te, Sipmoth-a awm te, Estemo-a awm te;
30:29 Rakal-a awm te, Jerameel khuatea awm te, Ken khuatea awm te;
30:30 Horma-a awm te, Korasan-a awm te, Atak-a awm te;
30:31 Hebron-a awm te leh Davida leh a mite chettlatna thin hmun zawng zawng awm Juda upa, a thiante hnênah chuan a thawn a.
31:1 Chutichuan Philista mie chuan Israel-hote chu an bei a; tin, Israel mite chu Philistia mite lakah chuan an tlânchhia a, Gilboa tlângah chuan thahin an awm ta zul mai a.
31:2 Tin, Philistia mite chuan Saula leh a fapate chu an um zui ta ngat ngat a; tin, Pilisita mite chuan Saula fapa te, Jonathana leh Abinadaba leh Malkisua chu an that a.
31:3 Tin, Saula chu an bei nasa ta êm êm mai a, thal kap mite chuan an umpha ta a; thal kap mite avâng chuan a mangang ta êm êm mai a.
31:4 Chutichuan Saula chuan a râlthuam kengtu hnênah chuan, "I khandaih phawi la, mi han chhuntlang rawh; chutilochuanheng serhtn lohhote hi an lo kal ang a, mi rawn chhun tlâng ang a, mi uankhum dah nghe nghe ang e," a ti a. Nimahsela a râlthuam kengtu chuan a ti duh lo va; a hlau êm êm si a. Chuvangin Saula chuan a khandaih chu a la a, a bawh ta a.
31:5 Tin, a râlthuam kengtu chuan Saula a thi tih a hriat chuan ani pawh chuan a khandaih chu a bawh ve a, an thi dun ta a.
31:6 Chutichuan saual nen, a fapate pathum nen, a râlthuam kengtu nen, a mite zawng zawng nen, chu mi ni ngei chuan an thi za ta a ni.
31:7 Tin, raum ral lehlama Israel mi awmte leh Jordan rala awmten Israel mite an tlanchia tih le Suala leh a fapate an thi tih an hriat hchuan khuate chu an chhuahsan a, an tlan bo ta a; tin, Philistia mite chuan an va lua ta a.
31:8 Tin, heti hi ani a, a tukah chuan Philisita-hoten an ral thahte thuam hlihsak tûra an va kal chuan Saula leh a fapate pahtum Gilboa tlanga an lo thi chu an va hmu a.
31:9 Tin, a lu chu an tan a, a râlthuam chu an hlip a, chanchin chu an milem biakna inah leh mite hnêna puang tûrin Philistia ramah chuan an thawn vel a.
31:10 Tin, a râlthuam chu Astorethi inah an dah a; a ruang chu Bethsan kulh bangah an tar a.
31:11 Tin, Jabes-Gilead-a awmten Philistia miten Saula an tih dan chungchang thu chu an lo hriat chuan,
31:12 mi uaisen zawng zawngte chu an tho va, zankuain an kal a, Saula ruang le a fapate ruang Bethsan kulh bang ata chu an la a; tin, Jabes an lo thleng a, chutah chuan an hal a.
31:13 Tin, an ruhte chu an la a, Jabes-a tamarisk thing hnuaiah an phûm a, tin, ni sarih chaw an nghei a. |
posted by zoblog @ 2:25 PM  |
|
|
|
