MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

II Lalte
Wednesday, September 12, 2007
1:1 Tin, Ahaba thih hnuin Moab-ho chu Israel-te chungah an hel a.
1:2 Tin, Ahazia chu Samari khuaa a pindan chungnung kawkalh tukverhah a tla thla a, a intina ta a; tichuan mi a tir a, an hnenah, "Kal ta ula, he ka na hi ka tha chhuak leh thei ang emaw Ekron khaw pathian Baal-Zebuba va rawn teh ta u," a ti a.
1:3 Nimahsela LALPA vântirhkohvin Tisbe mi Elija hnênah, "Tho la, Samari khaw lal mi tirhte lo be tûrin han kal la, tin, a hnênah, 'Israel rama hian Pathian a awm tak loh vangin em ni Ekron khaw pathian Baal-Zebuba chu rawn tûra in kal ni?
1:4 LALPAN heti hian a ti a ni: "Khuma i kai kha i lo chuk leh tawh lo vang a, i thi ngei ngei ang, tiin,' tirawh," a ti a. Tin, Elija chu a kal ta a.
1:5 Tin, a mi tirhte chu a hnênah an lo let leh a, ani chuan an hnênah, "Eng tizia nge in lo kir leh mai?" a ti a.
1:6 Tin, anni chuan a hnênah, "Mi pakhat min be tûrin a lo kal a, kan hnênah, 'Kal ta ula, rawn tirtu che u lal hnênah chuan kir leh ta ula, a hnênah, LALPAN heti hian a ti: Israel ramah hian Pathian a awm tak loh vangin em ni Ekron khaw pathian Baal-Zebuba chu ran tûra in tirh ni? Chutichuan khuma i kai kha i lo chuk leh tawh lo vang a, i thi ngei ngei ang, tiin ti rawh,' a ti a ni," an ti a.
1:7 Tin, ani chuan an hnênah, "Rawn be tûr che ua lo kal, chung thu rawn hrilhtu che u chu mi eng ang mi nge ni?" a ti a.
1:8 Tin, anni chuan an chang a, "Sahmul puana inthuam mi a ni a, a kawng savun kawnghrenin a hreng," an ti a. Tin, ani chuan, "Tisbe mi Elija a nih chu," a ti a.
1:9 Tichuan lal chuan sipai sawmnga hotu, a hote sawmnga nen a hnênah a tir ta a. Tin, a hnênah a han cho va; tin, ngai teh, ani chu tlâng chhipah hian a lo thu a. Tin, ani chuan, "Nang, Pathian mi, lalin, Lo chhuk rawh,' a ti e," a ti a.
1:10 Tin, Elija chuan a chhâng a, sipai sawmnga hotu hnênah chuan, "Pathian mi ka nih zet chuan vân ata mei lo tla thle sela, nangmah leh i hote sawmnga kha rawn kangral vek che u rawh se," a ti a. Tichuan vân ata mei a lo tla a, amah le a hote sawmnga chu an kangral ta vek a.
1:11 Tin, a hnênah sipai sawmnga hotu dang, a hote sawmnga nen a ti r leh a. Ani chuan a han chang a, a nenah, "Nang Pathian mi, lalin, 'Lo chhuk thuai rawh,' a ti e," a ti a.
1:12 Tin, Elijan a chang a, an hnênah, "Pathian mi ka nih zet chuan vân ata mei lo tla thla sela, nangmah leh i hote sawmnga kha rawn kangral vek che u rawh se," a ti a. Tichuan Pathian mei chu vân ata a lo tla a, ama leh a hote sawmnga chu an kangral ta vek a.
1:13 Tin, sipai sawmnga dang hotu, a hote sawmnga nen a tir leh pek a. Tin, chu mi sipai sawmnga dang hotu chu a han chho va, Elija hmaah chuan a han thingthi a, a hnênah, "Aw Pathian mi, ka nunna leh, heng i chiahlawh mi sawmngate nunna hi i mithmuhah hian lo hlu te se.
1:14 Ngai teh, vân ata mei a lo a lo tla a, sipai sawmnga hotute pahnih kha an hote sawmnga nen khan an lo kangral ta a; keia nunna erawh hi chu i mithmuhah hian lo hlu teh se," tiin a han ngen a.
1:15 Tichuan LALPA vântirhkoh chuan Elija hnênah, "A rual hian chuk raw, amah chu hlau suh," a ti a. Tin, a tho va, lal hnênah an chuk dun ta a.
1:16 Tin, ani chuan a hnênah, "LALPAN heti hian a ti: 'Ekron khaw pathian Baal-Zebuba rawn tûra mite i tirh vei hi, Israel rama hian Pathian raw tûr a awm tak loh vang em ni le? Chuvângin khuma i kai kha i lo chhuk leh tawh lo vang a, i thi ngei ngei ang,,' tiin," a ti a.
1:17 Chutichuan Elijan a sawi LALPA thu ang chuan a thi ta a. Tin, fapa a neih loh avângin Juda lal Jehosaphata fapa Jehorama kum hnih a lal kum chuan Jehorama chu a aiawhin a lal tan ta a.
1:18 Ahazia thiltih chanchin dangte chu Israel lalte lal lai thu ziakna buah a chuang a ni lâwm ni?
2:1 Tin, LALPAN Elija chu vâna thâwngaleivira a hruai chhoh dâwn vêl chuan, heti hi a ni a, Elija chu Elisa nen Gilgal atangin an chhuak ta a.
2:2 Tin, Elijan Elisa hnênah, "Hetah hian lo awm rawh khai; LALPAN Bethel thlenga kal tûrin mi tir a ni," a ti a. Tin, Elisa chuan, "LALPA nunna leh i nunna chalin ka sawi e, ka awmsan tawp lo vang che," a ti a. Tichuan Bethel-ah an chhuk dun ta a.
2:3 Tin, Bethel-a awm zâwlneiho fapate chu Elisa hnênah an kal a, a hnênah, "Vawiinah hian LALPAN i chunga hotu hi a lâk bosak dâwn che tih i hria em?" an ti a. Tin, ani chuan, "Aw ka hria asin; ngawi mai rawh u," a ti a.
2:4 Tin, Elijan a hnênah, "Elisa hetah hian lo awm rawh khai; LALPAN Jeriko-a kal tûrinmi tir a ni," a ti a. Tin, ani chuan, "LALPA nunna leh i nunna chalinka sawi e, ka awmsan awp lo vang che," a ti a. Tichuan Jeriko-ah an kal dun ta a.
2:5 Tin, Jeriko-a awm zâwlneiho fapate chuan Elisa an va hnaih a, a hnênah, "Vawiinah hian LALPAN i chunga hotu hi a lak bosak dâwn che tih i hria em?" an ti a. Tin, ani chuan a chhâng a, "Aw, ka hria asin; ngawi mai rawh u," a ti a.
2:6 Tin, Elijan a hnênah, "Hetah hian lo awm rawh khai; LALPAN Jordan-a kal tûrin mi tir a ni," a tia . Tin, ani chuan, "LALPA nunna leh i nunna chhalin ka sawi e, ka awmsan tawp lo vang che," a ti a. Tichuan an pahnih chuan an kal dun ta a.
2:7 Tin, zâwlneiho fapate zinga mi sawmnga an va kal a, anmahni eptin hla feah an va ding a; tin, anni pahnih chu Jrodan-ah an lo ding a.
2:8 Tin, Elija chuan a puan chu a la a, a tumtel a, tui chu a han vua a, lehlam lehlamah a lo inthen ta a, tichuan an pahnih chuan lei chârah an kal kai ta a.
2:9 Tin, an kai hnu chuan heti hi a ni a, Elijan Elisa hnênah,"I hnêna a lâk bova ka awm hma hian eng nge ka tihsak ang che mi dil rawh," a ti a. Tin, Elisa chuan, "Thlarau chan hnih chang ila," a ti a.
2:10 Tin, ani chuan, "Thil khirh tak i dil a nih hi; khirh mah sela i hnên ata lak bova ka awm lai mi hmuh chuan i chang ang a, mi hmuh loh erawh chuan i chang lo vang," a ti a.
2:11 Tin, an kal dun zel a, an titi lai chuan heti hi a ni a, ngai teh, mei tawlailir leh mei sakawrte a lo lang ta phut a, an kara tlain a inthentir ta a; tin, Elija chu thawngaleiviran vânah a chho ta a.
2:12 Tin, chu chu Elisa chuan a hmu a, "Ka pa, ka pa, Israelte tawlailir leh sakawr chung chuang mite hentu!" tiin a au va. Tin, Elija chu a hmu ta lo va; tichuan ama puan chu a chelh a, hmun hnihah a pawt thlêr a.
2:13 Elija puan lo tla pawh chu a khai a, a let leh a, Jordan lui kamah chuan a ding a.
2:14 Tin, Elija puan lo tla chu a la a, tui chu a han vua a, "LALPA, Elija Pathianc hu khawiah nge?" a ti a. Tin, tui a han vuak ve chuan lehlam lehlamah a lo inthen ta a, Elisa chuan a kal kai ta a.
2:15 Tin, Jeriko khuaa zâwlneiho fapa, amah epa awmten an han hmuh chuan, "Elija thlarau chu Elisa chungah a fu ta ngei le," an ti a. Amah be tûrin an va kal a, a hmaah chuan lei siin chibai an bûk a.
2:16 Tin, anni chuan a hnênah, "Ngai teh hei, i chhiahhlawhte hian mi ngalchak tak tak sawmnga kan awmpui a; i pu zawng tûrin tir rawh khai; LALPA thlarauin a hruai chho ta ang a, khawii lai tlângah emaw, khawii lai ruamah emaw a thlâk ta mai te hi a ni ang e," an ti a. Tin, ani chuan, "Kaltir lo vang," a ti a.
2:17 Tin, a tan zahthlâk khawpa an ngen hnu chuan, "Kaltir ta che u," a ti ta a. Chutichuan mi sawmnga an tir a; ni thum an zawng a, nimahsela an hmu zo ta lo va.
2:18 Tin, Jeriko khuaa a la cham lai chuan a hnênah an lo kir leh a; ani chuan an hnênah, "In hnênah khan, 'Kal suh u,' ka ti che u a ni lâwm ni?" a ti a.
2:19 Tin, chu mi khuaa mite chuan Elisa hnênah, "En teh, hei, he khaw hmun hi a nuam hle mai a, kan pu pawhin i hmu ve reng a; nimahsela tui hi a tha lo va, a ram pawh hi nau chhiatna ram a ni," an ti a.
2:20 Tin, ani chuan, "Tui thawl thar mi han lak ula, chi han thun teh u," a ti a. Tichuan an rawn laksak a.
2:21 Tin, tuikhurah a va kal a, chu chu a han thehlut a, "LALPAN heti hian a ti, 'He tui hi ka titui tawh e, tun achinah chuan thihna leh nau chhiatna a awm tawh lo vang,' tiin," a ti a.
2:22 Chutichuan Elisa sawi angin tun thlengin tui chu a tui ta a.
2:23 Tin, chuta tang chuan Bethel-ah a han chho va; tin, chu mi kanwga a kal lai chuan khua ata mipa naupangho an lo chhuak a, an rawn nuihzat a, a hnênah, "Nang lukawlhpa, han cho tawh; nang lukawlhpa, han cho tawh," an ti a.
2:24 Tin, a han lehhawi a, anmahni chu a han hmu a. LALPA hmingin anchia a lawh ta a. Tin, ramhnuai ata savawmnu pahnih an lo chhuak a, an zinga naupang sawmli leh pahnih an rawn she ta a.
2:25 Tin, chuta tang chuan Karmel tlângah a kal a, chuta tang chuan Samari khuaah a haw leh ta a.
3:1 Tin, Juda lal Jehosaphata kum sâwm leh kum riata lal kumin Ahaba fapa Jehorama chu Israel-ho chungah Samari khuaah a lal tan a; tin, kum sâwm leh kum hnih a lal a.
3:2 Tin, LALPA mithmuhah thil tha lo tak a ti thin a: amaherawhchu a nu leh a pa ang em zawngin thil a ti lo: ani zawngin a pain Baala lung a lo phun kha a paih a ni.
3:3 Nimahsela Israel-hote thil tihsualtir a a tih Nebata fapa Jeroboama sualnaahte chuan a bet tlat a; a kalsan leh tawh lo.
3:4 Moab lal Mesa chu berâm vulh mi a ni a; ani chuan Israel lal lakah berâm no nuaikhat hmul leh berâmpa nuaikhat hmul chhiahah a chawi thin a.
3:5 Amaherawhchu Ahaba thih hnu chuan heti hi a ni a, Moab lal chu Israel lal chungah a hel ta a.
3:6 Tin, chutih lai chuan lal Jehorama chu Samari khua ata a chhuak a, Israel-ho zawng zawng ch a khâwm vek a,
3:7 Tichuan a chhuak a, Juda lal Jehosaphata hnênah, "Moab lal ka chungah a hel a, Moab-ho mi han beihpui duh ang emaw chu?" tiin mi a tir a. Tin, ani chuan, "Han beihpui e a: kei le nang, ka mite leh i mite chu pumkhat kan ni a, ka sakawrte leh i sakawrte chu pumkhat an ni alawm," a ti a.
3:8 Tin, amah vek chuan, "Khawi lam kawngahnge kan kal ang?" a ti a. Tin, ani chuan a chhâng a, "Edom thlaler lam kawngah le," a ti a.
3:9 Chutichuan Israel lal chu Juda lal nen, Edom lal nen an kal ta a; ni sarih an kal kual a; tin, sipaihote leh an sa ruaite in tûr tui a awm lo va.
3:10 Tin, Israel lal chuan, "E khai aw! LALPAN lal pathumte hi Moab-ho kuta pêk tûrin min hruai khâwm ani ngei mai le," a ti a.
3:11 Nimahsela Jehosaphata chuan, "Hetah hian LALPA min rawnsak tûr LALPA zâwlnei tu emaw tal an awm lâwm ni?" a ti a. Tin, Israel lal chhiahhlawh pakhat chuan a chang a, "Elija kut tuia leih thintu Saphata fa pa Elisa hetah hian a awm asin," a ti a.
3:12 Tin, Jehosaphata chuan, "A hnêna chuan LALPA thu a awm mai chu," a ti a. Chutichuan Israel lal leh Jehosaphata leh Edom lal chu a hnênah an zuk kal ta a.
3:13 Tin, Elisan Israel lal hnênah chuan, "Nang leh keiin inhmanna engnge kan neih le? I pa zâwlneite hnênah leh i nu zâwlneite hnênah kal daih tawh," a ti a. Tin, Israel lal chuan a hnênah,"Kal lo ve; lal pathumte hi Moab-ho kuta pêk tûrin LALPAN min hruai khawm anih hi," a ti a.
3:14 Tin, Elisan, "A bula ka awm thinna Sipaihote LALPA nunna chhalin ka sawi e, Juda lal Jehosaphata hi zah lo ni ila chuan i lam pawh ka hawi duhin, hmuh pawh ka hmu duh hlek lo tûr che ania le.
3:15 Engpawh ni sela, tingtang tum thiam mi han koh a che u, " a ti a. Tin, tingtang tum thiamin a han tum chuan, heti hi a ni a, LALPA kut chu a chungah a lo awm ta a.
3:16 Tin, ani chuan, "LALPAN heti hian a ti,'He miruam zawng zawng hi lai khuar thliah rawh u,' tiin.
3:17 LALPA vekin heti hian a ti a ni; 'Thli rêng rêng in hre lo vang a, ruah rêng rêng pawh in hmu hek lo vang a, nimahsela hemi ruam hi tuiin a khat vek ang; tichuan nangni leh in ran rualte leh in sate hian in tlan ang,' tiin.
3:18 Chuchu LALPA ngaih chuan thil te tham mai a ni a; Moab-ho hi in kutah a pe bawk dâwn a ni.
3:19 Tin, kulhpui nei khua zawng zawng leh khawpui tha zawng zawng chu in tichhia ang a, thing tha zawng zawng chu in kit ang a, tuikhur zawng zawng chu in hnawhping ang a, hmun tha lai zawng zawng chu lungin in vawm chhe vek ang," a ti a.
3:20 Tin, zingah, thilhlan hun vêl lai chuan heti hi a ni a, ngai teh, Edom ram lam atangin tui a lo luang chiam a, a ram chu tuiin a lo khat ta a.
3:21 Tin, Moab-ho zawng zawng chuan anmahni bei tûrin lalho an lo thawk chho tin, an lo hriat chua, râlkai chin zawng zawng an inko khâwm chiam a, ramriah an lo tang a.
3:22 Tichuan zing takah an tho va, niin tui chu a zuk chhun a, tin, Moab-ho chuan an zawna tui chu thisen ang maia sen kukin an an hmu a.
3:23 "Thisen a nih saw, lalho hi anmahni leh anmahni an indo va, anmahni leh anmahni an inthat a ni ngei mai le, hawh u, Moab-hote u, râllâk sum i va chuh ang u," an ti a.
3:24 Tin, Israel ho riahmun an va thlen chuan, Israel ho chu an tho phut mai a, Moab-ho chu an bei a, tichuan an hmaah an tlânchhe ta chiam a; tin, Moab-ho that chung zelin an ramah an um lût a.
3:25 Tin, khuate chu an tichhia a; an hmun tha lai zawng zawng chu mi tinin an vawm a, lungin a khat ta vek a; tin, tuikhur zawng zawng an hnawhping a, thing tha zawng zawng an kit a; Kir-hareseth khuaa mi chauh a ni, lung chu an khawih loh ni; chu pawh chu virvawma vawm miin an hual a, an bei a.
3:26 Tin, Moab lalin an indo chu chelh dawnin a inhre ta lo va, Edom lal hnênah thleng tûra tawn tlâng tumin khandaih keng mi zasarih a hruai chhuak a, nimahsela an thei ta lo va.
3:27 Tichuan a fapa upa ber, a aia la lal tûra chu kulh tlângah chuan hâlral thilhlanah a hmang ta a.
3:28 Tin, Israel-hote an thinrim ta êm êm mai a, an kirsan a, an ram lamah an haw leh ta a.
4:1 Zâwlneite fapaho nupuite zinga hmeichhe pakhat hian Elisa hnênah, "I chiahhlawh, ka pasal chu a thi ta a; tin, i chiahhlawh khan LALPA chu a tih thin tih i hria : ei a leibatna chu ka fate pahnih bawi atâna hruai tûrin a lo kal a ni," tiin a mangan thu a sawi a.
4:2 Tin, Elisan a hnênah, "Engnge i neih?" a ti a. Tin, ani chuan, "I bawinu sahriak um khat chauh lo chu inah engmah ka nei lo," a ti a.
4:3 Tichuan ani chuan, "Va kal a la, i thenawmteho zawng zawng bel, bel ruak va hawh khâwm tawh khai: tlemte mai zawng hawh suh.
4:4 Tin, lût la, nang leh i fapate nen kawng inkhar khum ula, chung bel zawng zawngah chuan thun langin; a khat chu dah hrang zel ang che," a ti a.
4:5 chutichuan a hnên ata chu a kal ta a, ama leh a fapate nen chuan kawng an inkhar khum a; anni chuan belte chu an rawn la a, ani chuan a lo thun zel a.
4:6 Tin, belte chu a khah hnu chuan, heti hi a ni a, a fapaa hnênah, "Bel mi han lak leh rawh," a ti a. Tin, ani chuan, "Bel a awm tawh lo," a ti a. Tin, sahriak chu a kang ta a.
4:7 Tichuan Pathian mi chu a va hrilh a. Tin, ani chuan, "Va kal la, sahriak chu va zuar ta la, i leiba chu va rul langin, a bak chuan i fapate nen va khawsa tawh u," a ti a.
4:8 Tin, ni khat chu Elisa chu Sunem khuaah a va zin a, chutah chuan hmeichhe neinung tak a awm a; ani chuan chaw ei tûrin a lo kai lût a. Chutichuan a kal apiangin chutah chuan chaw ei tûrin a lût thin a.
4:9 Tin, ani chuan a pasala hnênah, "Ngai teh hei, he mi mi rawn pal fo thintu hi Pathian mi thianghlim a ni tih ka hria e.
4:10 Hawh teh, in chhawng te i siamsak ang khai, khum te, dawhkan te, thutphah te, khawnvar dahna te i dahsak ang; tichuan kan hnêna a lo kal apiang hian alut thin dâwn nia," a ti a.
4:11 Tin, ni khat chu a va kal leh a, chu mi in chhawngah chuan a va lût a,a mu a.
4:12 Tin, a chhiahlawh Gehazia hnênah, "He Sunam nu hi han ko teh," a ti a. Tin, a va koh hnu chuan a hmaah a lo ding a.
4:13 Tin, anichuan a hnênah, "Ngai teh, nangin hei theihtawpin min duat a, engnge kan tihsak ve ang che, lal emaw, sipai hotu emaw biaksak che i duh em?' tiin a hnênah hian sawi teh," a ti a.
4:14 Tin, ani chuan, "Eng emaw chu kan tihsak tak ang?" a ti a. Tin, Gehazia huan a chang a, "Gapa chu a nei hauh lo mai ale, a apsal lah chu a tar tawh si a," a ti a.
4:15 Tin, ani chuan, "Va ko teh," a ti a. Tin, a va koh hnu chuan kawngkaah a lo ding a.
4:16 Tin, ani chuan, "Tun ang hun a lo thlen leh tikah chuan fapa i pawm tawh ang," a ti a. Tin, ani chuan, "A, ka pu, nang Pathian mi, i bawihnu lakah hian daw ma ta che," a ti a.
4:17 Tin, hmeichhia chu a rai a. Elisan a hnêna a sawi ang ngei khan chu mi hun a lo thlen leh chuan fapa a hring ta a.
4:18 Tin, nausen chu a lo sei lian a, ni khat chu a pa hnênah buh latute hnênan a kal ve a.
4:19 Tin, a pa hnênah chuan, "Ka lû, ka lû," a ti a. Tin, a ni chuan a chhiahhlawh hnênah, "A nu hnênah pawm tawh," a ti a.
4:20 Tin, a hruai a, a nu hnên a thlen chuan a mal chungah chuan tlai thlengin a thu a, tichuan a thi ta a.
4:21 Tin, a chho va, Pathian mi khumah chuan a han mut a, kawng a kharkhum a, a chhuak ta a.
4:22 Tin, a pasal chu a au va, "Chhiahhlawh tu emaw leh sabengtung pakhat emaw mi han ngaihtuahsak teh, Pathian mi hnênah ka va tlan ang a, ka lo kir leh ang e," a ti a.
4:23 Tin, ani chuan, Eng atân nge vawin khera a hnêna kal i tum? Thla thar pawh a la ni lo va, chawlhni pawh a la ni si lo va," a ti a. Tin, a ni chuan, "A rem mai ang," a ti a.
4:24 Tichuan sabengtung a thuam a, a chhiahhlawh hnênah, "Tlantir la, kal zel rawh khai; thu ka pêk loh che chuan mi timuang hauh suh a ti a.
4:25 Chutichuan a kal ta a, Pathian mi hnênah chuan Karmel tlângah a va kal a. Tin, Pathian mi chuan hla tak atanga lo hmuh chuan, heti hi a ni a, a chhiahhlawh Gehazia hnênah, "En teh, sawta saw Sunam nu khaani;
4:26 amah hmuak tûrin va tlan la, a hnênah, "I dam em le? I pasal a dam em? Naupang kha a dam em? 'lo va ti tawh khai," a ti a. Tin, ani chuan a lo chhang a, "Dam e," a lo ti a.
4:27 Tin, tlânga Pathian mi hnên a han thlen chuan, a ke a han vuan ta tlat a. Tin, amah chu rawn nam kian tumin Gehazia chuan a va pan a; nimahsela Pathian mi chuan, "Engmah tih suh, a rilru a mangang a nih hi; LALPAN ka lakah ala thup rih a, mi la hrilh rih lo ve," a ti a.
4:28 Tichuan ani chuan, "Ka pu hi fapa ka dil che em kha? 'Mi tihder suh ang che,' ka ti lâwm ni kha?" a ti a.
4:29 Tichuan Gehazia hnênah, "I puan veng la, ka tiang kengin va kal tawh khai; tupawh va hmu la, chibai bûk suh ang che; tin, tupawh in chibai an bûk che chuan bûk ve kher suh ang che; tin, ka tiang hi naupang hmaiah nghat ang che," a ti a.
4:30 Tin, naupang nu chuan, "LALPA nunna leh i nunna chhalin ka sawi e, ka thlah dâwn tawp lo che a ni," a ti a. Tin, a tho va, a zui ta a.
4:31 Tin, Gehazia chuan anni chu a lo hmakhalh a, tiang chu naupang hmaia chuan a han nghat a; nimahsela awka leh hriat theihna rêng rêng a nei lo va. Chutichuan a be tûrin a kir leh a,"naupang chu a meng hauh lo mai," tiin a hrilh a.
4:32 Tin, Elisa chu ina a va luh chuan ngai teh, naupang chu a lo thi tawh reng a, a khuma chuan an lo la mut a.
4:33 chutichuan a va lût a, an pahnih chuan kawng a khar hnan a, LALPA hnênah a tawngtai a.
4:34 Tin, a han lawn a, naupang chu a bawhkhuh a, a hmui leh a hmui, a mit leh a mit, a kut leh a kut a chuktuah a; tin, a chungah chuan a kaikun a; tichuan naupang taksa chu a lo lum ta tial tial a.
4:35 Chutichuan a zuk chhuk leh a, in chhûngah chuan a han vei a; tin, a han lawn a, a chungah chuan a han kaikun leh a; tichuan naupang chu vawi sarih a han hahchhiau va, naupang chu a lo meng ta a.
4:36 Tin, Gehazia a ko va, "He Sunam nu hi han ko teh," a ti a. Chutichuan a va ko va. Tin, a hnêna a va luh chuan, "I fapa hi pawm rawh," a ti a.
4:37 Tichuan a va lût a, a ke bulah a bawkkhup a, a hmaia lei siin chibai a bûk a; tin, a fapa chu a pawm a, a chhuak ta a.
4:38 Tin, Elisa chu Gilgal-ah a kal leh a; chu mi rama chuan tam a tla a: tin, zâwlneiho fapate a hmaah an thu khâwm a; chhiahhlawh hnênah, "Bel lian tak kha chuang langin, zâwlneiho fapate hi thil chhumkawi chhumsak rawh khai," a ti a.
4:39 Tin, mi pakhat ram lama chawhmeh zawng tûrin a va kal a, ram hrui a va hmu a, chuta mi ram awmpawng chu a puan tlin tawkin a rawn fun a, a zai sawm a, bela thil chhumkawia chuan a thlak ta a; eng tih an hre hauh lo mai a.
4:40 Chutichuan chu miteho ei atân chuan an han suak chuak a. Tin, thil chhumkawi chu an han ei chuan, heti hi a ni a, "E khai, Pathian mi, bel chunga ian thihna a awm alawm le," an ti ta chul mai a. Tichuan an ei thei ta lo va.
4:41 Tin, ani chuan, "Chhangphut han la te u," a ti a. Tin, chu chu belah a han thlak a, "He mite eiah hian han suak chhuak te u," a ti a. Tichan bela chuan hlauhawm engmah a awm ta lo va.
4:42 Tin, Baal-salisa atangin mi pakhat a lo kal a, Pathian mi chu buh thar hmasa bera siam busânghar changper sawmhnih leh buh thar vui a ipin a rawn kensak a. Ani chuan, "He miteho ei atân hian pe ta che," a ti a.
4:43 Tin, a chhiahlaw chuan, "Eng a ni; hei hi mi za zet ka hlui ang maw?" a ti a. Ani erawh chuan, "He miteho ei atan hian pe rawh; LALPAN heti hian a ti, 'An ei ang a, an ei bang bawk ang,' tiin," a ti a.
4:44 Chutichuan a han hlui a, an ei a, LALPA tih ang ngeiin an ei bang bawk a.
5:1 Suria lal sipai hotu Naamana hi LALPAN Suria-hote chhanhimtua a hman thin avângin, a pu ngaiha ropui leh mi zahawm tak a ni a; amah chu mi chak huaisen a ni bawk a, phar a ni pawh a.
5:2 Suria-hote chu a pâwl pâwlin an rammu a, Israel ram atangin hmeichhe naupang te hi salah an rawn hawn a; ani chuan Naamana nupui rawng a bâwl thin a.
5:3 Tin, ani chuan a pi hnênah, "Ka pu hi Samari khuaa zâwlnei hmaah va kal sela ka va ti em ve aw! A phâr hi a lo tidam mai tûr a," a ti a.
5:4 Tin, Naamana chu a va lût a, "Israel rama hmeiche naupang te khan chutiang khatiang chuan a ti e," tiin a pu chu a hrilh a.
5:5 Tin, Suria lal chuan, "Va kal tak rawh khai, Israel lal hnênah lehkha ka thawn ang e," a ti a. Tichuan a chhuak ta a, tangkarua talent sâwm leh, rangkachak tlâng sângruk leh silhfên inthlâkna tûr sawm a keng a.
5:6 Tin, "He lehkha hi i lo hmu ang a, ngai teh, ka puipa Naamana hi a phâr i lo tihdam tak tûrin i hnênah ka rawn tir a ni e," tihna lehkha chu Israel lal a va pe a.
5:7 Tin, Israel lalin chu lehkha chu a han chhiar chuan heti hi a ni a, a puan a pawt thlêr a,"Mite tihlum thei a, tinung leh thei thin Pathian em ka nih a, he mi hian phâr tidam tûra ka hnêna a rawn tirh ngawt mai hi le? Ngaihtuah ula, ka chungah remchang a zawng a ni tih hre rawh u khai," a ti a.
5:8 Tin, Pathian mi Elisan Israel lalin a puan a pawt thlêr tih a lo hriat chuan, heti hi a ni a, "Eng vangin nge i puan i pawh thlêr? Ka hnênah lo kal ang hmiang, tichuan Israel ramah hian zâwlnei a awm tih a hre mai ang chu," tiin lal hnêna mi a tir a.
5:9 Chutichuan Naamana chu a sakawrte nen, a tawlailirte nen chuan a va kal a, Elisa in kawngka bulah chuan a va ding a.
5:10 Tin, Elisa chuan, "Jordan luiah vawi sarih va inbual la, i tisa ngai i pu leh ang a, i lo thianghlim tawh ang," tiin mi a tir a.
5:11 Nimahsela Naamana chu a thinrim ta hle mai a, a kal leh ta a, "Ngai teh u, amah ngei chu ka hnênah a lo chhuak ang a, a lo ding ang a, LALPA a Pathian hming chu a han lam ang a, a phâr lai chunga a kut thenin phâr hi a han tidam dâwn emaw ka ti asin le.
5:12 Damasaka khaw li Abana te, Pharpar te chu Israel lui zawng zawngte ai chuan a tha zâwk lo vem ni? Chungah chuan inbualin ka intithianghlim thei lo vem ni?" a ti a. Chutichuan a lehhawi a, thinrim zetin a kal ta a.
5:13 Tin, a chhiahhlawhten an va hnaih a, an va bia a, "Ka pa, zâwlnei khan thil khirhkhan tak tihtir dâwn ta che sela, i ti mai dâwn lâwm ni? Va inbual la, va intithianghlim rawh,' i hnêna a han ti kha tih zâwk awm tak a ni lâwm ni le?" an ti a.
5:14 Tichuan a zuk chhuk a, Pathian mi sawi ang chuan Jordan luiah vawi sarih a zuk inhnim a; tin, a tisa chu nausen tisa ang mai a lo ni leh a, a lo thianghlim ta a.
5:15 Tin, amah leh a hote zawng zawng nen chuan Pathian mi awmna lamah an kir leh a, a hmaah an va ding a: tin, ani chuan, "Ngai teh hei, Israel ramah ngawt lo chuan leilung zawng zawngah hian Pathian a lo awm lo ve tih ka hre ta; chutichuan i chhiahhlawh lawmman hi la teh khai," a tia .
5:16 Nimahsela ani chuan, "A bua ka awm thinna LALPA nunna chhalin ka sawi e, engmah hi ka la lo vang," a ti a. Tichuan la tûrin a thlem chiam a; nimahsela a duh lo tlat a.
5:17 Tin, Naamana chuan, "A nih loh leh, i chhiahhlawh hi sabengtung pahnih phur lei mi laktir rawh khai; tun achinah zawng i chiahhlawh hian LALPA hnêna ngawt lo chuan hâlral thilhlan leh inthawina rêng rêng hi pathian dangte hnênah ka hlân dâwn tawh hauh lo a nia.
5:18 He thilah hian LALPAN i chhiahhlawh hi ngaidam rawh se; ka pu hi ka kut rinchana chibai bûk tûra Rimmonaina alu a, Rimmona ina ka kun chua, Rimmona ina ka kun ve thuah chuan, LALPAN i chiahhlawh hi ngaidam rawh se," a ti a.
5:19 Tin, ani chuan a hnênah, "Thlamuang takin kal rawh," a ti a. Chutichuan a hnên ata chu a chhuak leh a, eng emaw chen a kal hman a.
5:20 Nimahsela Pathianmi Elisa chhiahhlawh Gehazia chuan, "Khawinge, ka pu hian Suria mi Naamana hi a thil rawn kente la hlek lovin a chhuah leh ta mai a; LALPA nunna chhalin ka sawi e, ka va um ang a, eng emaw tal ka va laksak teh ang," a ti a .
5:21 Chutichuan Gehazia chuan Naamana chu a um ta a. Tin, Naamanan tuin emaw a rawn um a han hmuh chuan, lo biak tumin tawlailir ata chu a chhuk a,"Tha lam thu alawm maw?" a ti a.
5:22 Tin, ani chuan, "Tha lam thu ni e. Ka puin, 'Ngai teh hei, Ephraim tlang ram atangin zâwlnei ho fapate zinga tlangvâl pahnihin mi rawn tlawh ta thut mai a, anni chu tangkarua talent khat leh silhfên inthlakna tûr pahnih pe rawh khai,' tiin mi rawn tir a ni e," a ti a.
5:23 Tin, Naamana chuan, "Talent hnih hi la rawh khai," a ti a. Tichuan la tûrin a thlem chiam a, tin, tangkarua talen hnih chu silhfên inthlakna tûr pahnih nen chuan ip hnihaa thun a, a chhiahhlawhte pahnih a phurhtir a, a hmaah chuan an kalpui ta a.
5:24 Tin, tlâng a va thlen chuan a laksak a, in chhûngah a dah a; tin, chu mite chu a kaltir a, an kal ta a.
5:25 Ani erawh chu a lut a, a pu hmaa chuan a va ding a.
5:26 Tin, Elisa chuan a hnênah, "Khawi atangin nge i lo kal le, Gehazi?" a ti a. Tin, ani chuan, "I chhiahlawh hi khawiah mah ka kal lo ve," a ti a.
5:27 Tin, ani chuan a hnênah, "A be tûr chea tawlailir ata kha mi lo chhuk lai mek khan ka rilru i hnêna a kal ve zel a ni lâwm ni? Tangka te, silhfên te, olive huan te, grêp huan te, berâm te, sebâwngpa te, bawipa leh bawihnu te hi lak a hun em ni?
5:28 Chutichuan Naamana phar khan a man ang chia, kumkhuain i thlahte pawh a man zel ang," a ti a. Tichuan a hnên ata chu vûr anga vâra phârin a kal chhuak ta a.
6:1 Tin, zâwlneiho fapae chuan Elisa heah, "En teh hei, i bula kan thut khawmna hi kan tan a chep lutuk a.
6:2 Jordan luiah kan zuk kal ang a, chuta thing chu kan zuk la theuh ang a, kan thut khawmna tûr chuta chuan kan zu siam teh ang aw?" an ti a. Tin, ani chuan a chhang a, "Kal ta che u," a ti a.
6:3 Tin, mi pakhat chuan, " chiahhlawhte hnênah hian kal ve ta che," a ti a. Tin, ani chuan, "ka kal ve ang e," tiin a chhâng a.
6:4 Chutichuan an hnênah a kal ve ta a. Tin, Jordan lui an thlen chuan thing chu an han kt a.
6:5 Tin, mi pakhatin thing a han kih lai tak chuan, hrei fang chu tuiah a tla ta a: tin, ani chu, "E khai aw, ka pu! Kan hawh asin ni le," tiin a au ta a.
6:6 Tin, Pathian mi chuan, Khawii laiah nge a tlâk?" a ti a. Tin, ani chuan a tlakna lai aentir a. Tichuan thingtuai a han sat a, chutah chuan a han paih lût a, thir chu a lo lang ta a.
6:7 Tin, a nichuan, "Chhar rawh le," a tia. Chutichuan ahan ban a, a chhar ta a.
6:8 Suria lalin Israelte a rûn a, {Chu mi, kha mi hmuna chuan i chang ang u," tiin a puipateho a rawn a.
6:9 Tin, Pathian mi chuan Isael lal hnênah, "Chutiang hmuna kal lo tûrin fimkhur rawh; chutah chuan Suria-ho an lo chhuk dâwn a nia,"tiin mi a tir thin a.
6:10 Tin, Israel lal chuan Pathian miin a lo hrilh tawh hmun chu mi a va enthlaktir hin a: chuta chuan awi hnih khat chang pawh ni lovin, a lo inhumhim thin a.
6:11 Tichuan chu mi thuah chuan Suria lal thinlung chu a mangang hle mai a; tin, a pupate chu a ko va, an hnênah, "kan zinga mi atu hi nge Israel lal lama tang mi rilh duh dâwn lâwm ni?" a ti a.
6:12 Tin, a puipate zinga mi pakhat chuan, "Tumah kan tang lo ve, aw lalber ka pu, Israel rama awm zâwlnei Elisa hian i pindan chhûngrila i sawite hi Israel lal a hrilh zel thin a ni zâwk e," a ti a.
6:13 Tin, ani chuan "Khawiah nge a awm va zawng teh u, ka va mantir ang e," a ti a. Tin, "Ngai teh, Dothan khuaah a awm e," tiin an hrilh a.
6:14 Chutichuan sakawr e, tawlailir te, sipai tam takte chutah chuan a tir a, zanah an va kal a, khua chu an hual ta mup a.
6:15 Tin, Pathian mi chhiahhlawh chu zing taka a thawh a, a va chauh chuan, ngai teh, sipaiho chuan sakaw nen, tawlailir nen khua chu an lo hual mup mai a. Ti a chhiahhlawh chuan a hnênah, "E kahi aw, ka pu! Engtin nge kan ti tak ang le?" a ti a.
6:16 Tin, ani chuan, "Hlau mata che; an lama tangai chuan kan lama tang an tam zâwk alawm," a ti a.
6:17 Tin, Elisa chuan a tawngtai a, "LALPA, a hmuh theihna tûrin a mit han tihmensak teh ang che," a ti a. Tin, LALPAN chu tlangvâl mit ch ahan tihmensak a; tichuan a hmu ve ta a; tin, ngai teh, Elisa vêlah chuan tlâng chu mei tawlailir leh sakawrin a khat mup mai a.
6:18 Tin, a lama an lo chhuk chuan Elisan LALPA hnênah a tawngtai a, "Hengho hi an mit han tihdelsak teh ang che," a ti a. Tin, Elisa thu angin an mit a rawn tihdelsak ta a.
6:19 Tin, Elisan an hnênah, "Hei chu kawng a ni lo ve, hei chu khua pawh ani hek lo; mi zui rawh u, in mi zawna hnênah chuan ka hrua ang che u," a ti a. Tichuan Samari khuaah a hruai ta a.
6:20 Tin, samari khaw chhûng an han thlen chuan heti hi a ni a, Elisan,"LALPA, hengho hian an hmuh theihna tûrin an mit han tihmensak ang che," a ti a. Tin, LALPAN an mit chu ahan tihmensak a, an hmu ta a; tin, ngai teh, Samari kha chhûngah chuan an lo awm reng mai a.
6:21 In Israel lal chuan anniho chu a hmuh chuan Elisa hnênah, "Ka pa, ka that ang em? Ka that ang em?" a ti a.
6:22 Tin, ani chuan a chhâng a, "That lo ve a; i khandaih leh i thalngual i sal mante chu i that dâwn em ni? Chhang leh tui han hlui langin,eiin in sela, an pu hnênah haw leh rawh se," a ti a.
6:23 Tichuan ei tûr nasa tak a buatsaihsak a; tin, an ei a an in zawh chuan a hawntir ta vek a, an pu hnên lamah an haw leh ta a. Tichuan Suria-ho pâwlte chu Israel ramah chuan an rammu leh ta lo.
6:24 Tin, chu mi hnuah chuanheti hi a ni a, Suria lal Benhadadan a sipai zawng zawng a khâwm a, Samari khua a han hual a.
6:25 Tin, Samari khuaah chuan tam a nasa êm êm mai a; tin, ngai teh, an hual tlat a, sabengtung lu hi tangka sawmriatah an hralh a, tin, thuro ek hi kab hmun lia thena hmun khat tangka ngaah an hralh hial a.
6:26 Tin, Israel lal chu kulh tlânga a kal lai hmeiche pakhat hian, "Aw lalbe, ka pu, min pui rawh," tiin a lo au va.
6:27 Tin, ani chuan, "LALPAN a tanpi nghal loh chein keiin khawi atain nge ka han tanpui tehlul ang che? Hruih zawl atain emaw, grêp sawrna khur aanin emaw em ni dâwn?" a tia .
6:28 Tin, lal chuan a hnênah, "Eng i ti nge ni le?" a ti leh a. Tin, ani chuan a chhâng a, "He hmeichhia hian ka hnênah, 'Vawiina hian i fapa hi kan eiah thawh rawh khai, naktukah ka fapa hi kan ei ve thung dâwn nia,' a ti a.
6:29 Tichuan ka fapa chu kan chum a, kan ei a; tin, a tukah chuan keiin a hnênah,'I fapa chu kan eiah thawh ve thung rawh le,' ka ti a, a fapa chu a thukru ta bik mai a ni," a ti a.
6:30 Tin, lalin chu hmeichhe thu sawi chu a hriatin heti hi a ni a, a puan a pawt thlêr ta a; (kulh tlânga a kal lai a ni a;) tin, mipuite chuan an han en a, ngai teh, a pang depah chuan saiip puan hi a lo sin reng a.
6:31 Tichuan ani chuan, "vawiinah hian Saphata fapa Elisa hian a lu a la put na chuan pathianin a tih tihin mi ti mai sela, chu aia nasa pawhin," a ti a.
6:32 Tin, Elisa chu a inah a thu a, upahote pawh an thu ve a; tin, lalber chuan a hnênah mi pakhat a tir a, nimahsela a mi tirh chuan a hnên a lo thlen hmain upaho hnênah chuan, "He tualthattupa fapa hian ka lu la tûrin mi a rawn tir tih in hre ve em u? Ngawi teh u, a mi tirh chu a lo thlen veleh, kawng lo khar ula, kawngkhâr khan lo dang tlat ang che u; a hnunga chuan a pu pen ri a hriat nghe nghe lawm ni?" a ti a.
6:33 Tin, chutia anmahni a la biak lai mekc haun ngai teh, a mi tir chu a lo thleng thla ta a; tin, lalber chuan, Ngai teh, he thil tha lo hi LALPA rawn tirh a nih hi; LALPA chu engah nge ka la ngaihchan cheu vang?" a ti a.
7:1 Tin, Elisan, "LALPA thu hi lo hre rawh u; LALPAN heti hian a ti: 'Naktuk hetih hun vêlah hian Samari kulh kawngka bulah chuan chhangphut dip mi tehkhawng khat chu sekel khatah an hralh ang a, barli tehkhawng hnih chu sekel khatah,' tiin," a sawi a.
7:2 Tin, sipai hotu, lalin a kut a rawn rinchhan a chuan Pathian mi chu a chang a, "Ngai teh, LALPAN vânah tukverh a hawn dâwn che le! Chutiang chu a ni thei tehlul ang maw?" a ti a. Tin, ani chuan, "Ngawi rawh, i mit zawngin i hmu ngei ang a, a ei earw chu i ei dawn lo a ni," a ti a.
7:3 Tin, kulh luhna kawngka bulah phar pali an awm a; anni chuan, "Eng atân nge maw thih nghâk maia kan thut reng le?
7:4 Khaw chhûngah i lût teh mai ang u,' han ti dâwn ila, khaw chhûng an tam a, ka va thi mai awm si a; tin, hetah hian thu reng dâwn ila, kan thi tho tho awm bawk si a. Chutichuan hawh teh u, Suria sipaihote hnên lama i tlu lût rawk mai teh ang u; min zuah leh kan nung ang a; min thah leh kan thi a ni mai ang chu," tiin an inbia a.
7:5 Tichuan Suria-hote riahmuna kal tûr chuan thimhmulah an thawk chhuak ta a; tin, Suria-ho riahhmun tawntirh an va thlen chuan, ngai teh, tumah an lo awm lo va.
7:6 LALPAN Suria sipaihote chu tawlailir thâwm te, sakawr thâwm te, sipai tam tak thâwm te a hriattir a ni a; tichuan, "Ngai teh u, Israel lal hian Hit lalhote, Aigupta lalhote hi min rawn bei tûrin a ruai anih hi," tiin an inbia a.
7:7 Chutichuan an tho va, thimhmulah chuan an tlanche ta a, an puan in te, an sakawr te, an sabengtungte leh an riahhmun chu a awm ngai ngaiin an tlansan a, an tlanche ta chiam a.
7:8 Tin, chung pharho chuan riahhmun tawntir an va thlen chuan puan in pakhatah hian an va lût a, an eiin an in a, chuta tangkarua leh, rangkachak te, silhfên te chu an la a, an va thukru a; tin, an va let leh a, puan in dangah an lût leh a, chuta mi pawh chu an la a, an va thukru leh a.
7:9 Nakina chuan, "Kan tidik hauh lo mai a; vawiin hi chanchin lawmawm thlenni a ni a, keini hi kan ngawi reng mai a; khawvar kan nghah chuan hrem kan tawk mai ang; chutichuan hawh u, lal chhûngte i va hrilh ang u," tiin an inbia a.
7:10 Chutichuan khaw kawngkhâr vêngtu chu an va au va; "Suria-ho riahhmunah kan va kal a, tin, ngai teh, tumah an lo awm lo va, mihringthawm rêng rêng pawh a awm lo va, sakawrte leh saengtungte chauh a lo inthlung a, puan inte pawh chu a awm ngai ngaiin a awm reng mai," tiin an hrilh a.
7:11 `Tin, kawngkhâr vêngtute chu a ko va; tin, anni chuan lal in chhûnga mite chu an va hrilh a.
7:12 Tin, lal chu zanah chuan a tho va, a puipate hnênah chuan, "Suria-hote tih dan hi ka hrilh teh ang che u. Kan riltamia hi an hria a; chuvângin, 'Khawpui ata an lo chhua chuan anungin kan lo man ang a, khaw chhûnga kan lût dâwn zuk nia,' tiin ramah biru tûrin an riahhmun an chuahsan anih hi," a ti a.
7:13 Tin, a puipa pakhat chuan a chhâng a, "Khawpuia sakawr awm chhunte zinga a panga hi tute emaw hruaitir rawh khai, (ngai teh, Israel mipuiho, a la dam zawng zawngate ang bawk an ni tho tho va; ngai teh, Israel mipuiho thia ngaihte ang bawk an ni tho tho alawm;) tichuan i va tir teh reng ang u," a ti a.
7:14 Chutichuan tawlailir hnuktu sakawr pahnih an hruai a; tin, lal chuan, "Va en teh ta u," tiin Suria sipaihote um tûrin a tir a.
7:15 Tin, Jordan lui thlengin an va um a; tin, ngai teh, Suria-hoten an hmanhmawh avânga a paih silhfente leh bungruate chu kawng tluanin a awm zel zul mai a. Tin, a mi tirhte chu an lo kir leh a, lal chu an rawn hrilh a.
7:16 Tin, mipui ch an va chhuak a, Suria-ho riahhmun chu an va suam ta chiam a. tichuan LALPA thu ang ngeiin chhang phut dp mi tehkhawng khat chu sekel khatah an hrlah a, busânghar tehkhawng hnih chu sekel khatah.
7:17 Tin, lal chuan sipaihotu a kut a rawn rinchhana kha kulh kawngka vengtuah a ruat a; tinmipite chuan kulh kawngka bulah chuan an chil ta nuai nuai a, Pathian miin a hnêna lal a lo chuk laia a lo sawi ang khan a thi ta a.
7:18 Heti hi a ni a, Pathian miin lal hnêna, "Naktuk hetih hun vêlah hian Samari kulh kawngka bula buhsânghar tehkhawng hnih chu sekel khatah a hralh ang a, chhangphut dip mi tehkhawng khat chu sekel khatah," a tih a,
7:19 tin, sipai hotuin Pathian mi chu a hchhan a, "Ngai teh, LALPAN vânah tukverh a hawn dâwn chu le! Chutiang chu ani thei tehlul ang maw?" a tih a, anin , "Ngai rawh, i mit zawngin i mu ngei ang a, a ei eraw chu i ei dâwn lo a ni," tia a sawi kha;
7:20 Chutiang ngei chuan a chungah a lo thleng ta a ni; mipuiin kulh kawngka bula chuan an chil nuai nuai a, a thi ta a ni.
8:1 Tin, Elisan a fapa a tihdamsak hmeiche hnênah chuan, "Tho la, nang leh i chungte nen, in awm theih theihna hmunah va awm rih raw u; LALPAN tam a talktir dâwn e; he ramah hian kum sarih chhûng zet a tla nghe nghe dâwn ni," tiin a lo sawi tawh a.
8:2 Tichuan hmeichhia chu a tho va, Pathian thu anga chuan a ti a; a chhûngte nen chuan Philistia-ho ramah kum sarih an va awm ta a.
8:3 Tin, kum sarih a lo vei hnuah chuan heti hi a ni a, chu hmeichhia chu Philistia-ho ram ata a let leh ta a; tin, a in leh a lo lal dil tûrin a va kal a.
8:4 Tin, lal chuan Pathian mi chhiahhlawh Gehazia chu, "Elisan thil ropui a tih zawng anwg mi han hrilh teh khai," tia a lo biak lai a ni a.
8:5 Tin, mi pakhat thi taw a tihnun leh thu lal a lo hrilh lai mek chuan heti hi a ni a, ngai teh, a fapa a tihnun lehsak hmeichhia chuan a in leh a lo lal chu a rawn dil ve a. Tin, Gehazia chuan, "Aw lalber ka pu, hei hi a ni hmeichhia chu, tin, hei hi a ni a fapa Elisan a tihnun leh saka chu," a ti a.
8:6 Tin, lalin hmeichhia chu a han zawh chuan a hrilh ta a. Chutichuan lal chuan hotu pakhat a ruatsak a, "A ta zawng zawng, a lova thil haw zawng zawng chenin, he ram a chuahsan ata tun thlenga mi hi pe leh vek rawh," a tia .
8:8 Tin, Elisa chu Damasaka khuaa a kal a; tin, Suria lal Benhadada chu a dam lo va; tichuan, "Pathian mi hetah hian a lo kal e," tiin an hrilh a. Tin, lalin Hazaela hnênah, "Lawmman keng langin, Pathian mi be tûrin va kal la, ka na hi ka tha chhuak le thei ang emaw lalpa mi lo rawnsak teh," a ti a.
8:9 Chutichuan Hazaela chua amah be tûr chuan a va kal a, lawmman atân Damaska khuaa thil tha tinreng, sanghawngsei sawmli phur a keng a, a hmaah chuan a va ding a, "I fapa Benhadada, Suria lalin, 'Ka nâ hi ka tha chhuak leh ang em?' ti tûrin i hnênah hian mi rawn tir a ni," a ti a.
8:10 Tin, Elisan a hnênah, "Kal leh ta langin, a hnênah, "I tha chuak le mawlh ang,a ti e,' ti ang che, amaherawhchu a la thi ngei dâwn a ni tih zawng LALPAN mi hriattir a ni," a ti a.
8:11 Tichuan a tan zathlak khawpin a melh ta reng mai a; tin, Pathian mi chu a tap ta a.
8:12 Tin, Hazaela chuan, "Engati nge ka pu chu a tah mai?" a ti a. Ani chuan a chhâng a, "Israela thlahte chunga i thil tha lo tih tûr ka hriat avâng a ni; an kulhte i la halsak ang a, an tlangvâlte khandaihin i la that ang a, an fanau te tete chu i la paih sawm ang a, nau pai lai hmeichhiate chu i la pir thlêr dawn a ni," a ti a.
8:13 Tin, Hazaela chuan, "Kei i chhiahhlawh uicho mai mai hian chutiang thil nasa tak chu han ti theizia em ka nih?" a ti a. Tin, Elisan a chhâng a, "Suria-ho chunga i la lal dâwn tih LALPAN mi hriattir a ni," a ti a.
8:14 Tichuan Elisa hnên ata a chhuak a, a pu hnên lama chuan a kal ta a; ani chuan, "Elisan eng nge a lo hrilh che?" a ti a. Tin, ani chuan, "A tha chhuak leh mawlh ang,' tiin mi hrilh," a ti a.
8:15 Tin, atuka chuan heti hi a ni a, puan chhah tak a la a, tuiah a hnim a, chu chuan a hmai a upsak a, a thi ta a; tin, Hazaela chu a aiawhin a lal ta a.
8:16 Tin, Israel lal Ahaba fapa Jorama kum nga a lalkum chuan (Chu mi lai chuan Jehosaphata chu Juda lala ni a,) Juda lal Jehosaphata fapa Jehorama chu a lal tan a.
8:17 A lal tan lai chuan kum sâwmthum leh kum hnih mi a ni a; Jerusalem khuaah kum riat ro a rêl a.
8:18 Ahaba chhûngte angin, Israel lalte kawng zawh chu a zawh ve a; Ahaba fanu nupuiah a nei a ni; tichuan LALPA mithmuha thil tha lo tak a ti thin a.
8:19 Amaherawhchu LALPAN a chiahlaw Davida avângin Judai ram chu a tiche duh lo va, a thlahte chena khawnvar neihtir reng a lo tiam tawh si a.
8:20 Ama chhanah chuan Edom-ho chu Judate lakah an hel a, an chunga lal tûr an insiam chawp a.
8:21 Tichuan Jorama chu Zair khuaah a tawlailir zawng zawngte nen a va kal a; tin, zanah a thawk chhuak a, anmahni hualtu Edom-hote leh an tawlailir chunga hotute chu a va bei ta a; tin, mite chu an puan in lamahte an tlan ta vek a.
8:22 Chutichuan Edom-ho chu tun thlengin Judate lakah an la hel ta reng a ni. Chu mi lai vek chuan Libna khua pawh an lo hel ve a.
8:23 Tin, Jorama chanchin dangte leh a thiltih zawng zawngte chu Juda lalte lal lai thu ziakna buah a chuang a ni lâwm ni?
8:24 Tin, Jorama chu a pi leh pute hnênah a muhil a, a pi leh pute zingan Davida khawpuiah an phûm ta a; a fapa Ahazia chu a aiawhin a lal ta a.
8:25 Israel lal Ahaba fapa Jorama lal kumsâwm leh kum hnih kum chuan Juda lal Jehorama fapa Ahazia chu a lal tan a.
8:26 Ahazian ro a rêl tan lai chuan kum sâwmhnih leh kum hnih mi a ni a; tin, Jerusalem khuaah kum khat ro a rêl a. Tin, a nu hming chu Athali, Israel lal Omria fanu a ni.
8:27 Ahaba chhûngte kawng zawh chu a zawh ve a, Ahaba chunge angin, LALPA mithmuha thil tha lo tak a ti thin a; Ahaba chhûngte mâkpa a ni si a.
8:28 Tin, ani chu Ahaba fapa Joraman Ramoth-gilead khuaa Suria lal Hazaela a han beihnaa chuan a tel ve a; tin, Suria-ho chuan Jorama chu an lo hliam a.
8:29 Tin, lal Jorama chu Suria lal Hazaela an beihnaa Suria-hovin Rama khuaa an lo hliam chu Jezreel khuaa intidam tûrin a kir leh ta a. Tin, Juda lal Jehorama fapa Ahazia chu Ahaba fapa Jorama a nat avâng chuan kan tûrin Jezreel khuaah a zuk kal a.
9:1 Tin zâwlnei Elisan zâwlneiho fapate zinga pakhat a ko va, a hnênah, "I puan veng la, he hriak bâwm hi keng la, Ramoth-gilead kuaah va kal rawh.
9:2 I va thlen chuan Nimsia fa Jehosaphata fapa Jehua va zawng chhuak langin; va lût la, a unauteho zing ata ko chuak la, pindan chhûngrilah luhpui rawh.
9:3 Tichuan hriak bâwm hi la la, a lu-ah leih langin, 'LALPAN heti hian a ti: Israelte chunga lalah hriak ka thih a che, tiin,' ti rawh.
9:4 Chutichuan talngval, zâwlnei tlangvâl chu Ramoth-gilead-ah chuan a kal ta a.
9:5 Tin, a va thlen chuan ngai teh, sipai hotuho an lo thu khâwm a; tin, ani chuan, "Sipai hotu, i hnênah thuchah sawi tûr ka nei e," a ti a. Tin, Jehua chuan, "A tu bera hnêna hian nge ni?" a ti a. Tin, ani chuan, Nangma hnênah hian a ni, sipai hotu," a ti a.
9:6 Tin, a tho va, inah chuan a lût a; tin, a lu-ah hriak chu a leih a, a hnênah, "LALPA, Israelte Pathianin heti hiana ti: 'LALPA Israelte Pathianin heti hian a ti: 'LALPA mipuiho, Israel-ho chunga lalah hriak ka thih a he.
9:7 Ka chhiahhlawh zâwlneite thisen leh LALPA chhiahhlawh zawng zawngte thisen phuba chu Jezebeli laka ka lak theihna tûrin i pu Ahaba chhûngte chu i tiboral vek ang a.
9:8 Ahaba chhûngte zawng zawng chu a boral vek ang a; Ahaba atang hian mipa fa tawh phawt chu Israel rama mi khuahkhirh leh khirh loh pawh ka tiboral dâwn a ni.
9:9 Tin, Ahaba chhûngte chu Nebata fapa Jeroboama chungte leh Ahija fapa Baasa chhûngte angin ka siam ang a.
9:10 Tin, uiin Jezebeli chuJezreel khawkulh bulah an ei ang a, a phûmtu tûr rêng rêng an awm lo vang,' tiin," a ti a. Tichuan kawng a hawng a, a tlan chhuak ta a.
9:11 Tichuan Jehua chu a pu puipate hnênah chuan a lo chhuak a; pakhat chuan a hnênah, "Tha lam thu em ni le? Kha mi âpa kha eng tiziaa i hnêna lo kal nge ni le?" a ti a. Tin, ani chuan an hnênah, "In hria mi a ni a, a thu sawi pawh kha in hria alawm," a ti a.
9:12 Anni chuan, "Hre teh suh e, min han hrilh teh khai," an ti a. Ani chuan, "Hetiang tak hian min ti alawm maw le; 'LALPAin heti hian a ti; Israel-ho chunga lal atân hriak ka thih a che, tiin,'" a ti a.
9:13 Tichuan mi tininan puan chu an hlip hmawk hmawk a, kailawn chungah an phahsak ta theuh va, "Jehua lal a ni ta e," tiin tawtawrâwt an ham ta a.
9:14 Chutichuan Nimsia fa Jehosaphata fapa Jehua chuan Jorama chu a phair ta a. (Suria lal Hazaela avângin Jorama leh Israel-ho zawng zawngte chuan Ramoth-gilead khua chu an veng a;
9:15 lal Rorama erawh chu Suria lal Hazaela nnen an inbeinaa Suria miten an hliam kha Jezreel khuaa intidam tûrin a kir le kha.) Tin, Jehua chuan, "Ka lama tang in nih chuan tumah rêng rêng Jezreel khuaa heng thu hi sawi tûrin khua ata hi kal chhuahtir su u," a ti a.
9:16 Chutichuan Jehua chu tawlailirah a chuang a, Jezreel khuaah a kal a; Jorama chu chutah chuan a mu a ni a. Tin, Juda lal Ahazia pawh Jorama kan tûrin a zuk kal a.
9:17 Tin, Jezreel kulhah ralveng a ding a, ani chuan Jehua-ho lo kal chu a han hmu a. "Mi tam tak ka hmu e," a ti a. Tin, Jorama chuan "Sakawr chung chuang mi anmahni hmuak tûrin va tir la, 'Tha lam thu em ni le?' va ti teh se," a ti a.
9:18 Chutichuan mi pakat sakawr chunga chuan hi a hmuak tûrin a va kal a, "Lalin heti hian a ti; Tha lam thu em ni le?" tiin, " a ti a. Tin, Jehua chuan, "Tha lam thu chu nanga lo hriat tûr eng nge awm ni? Ka hnunga hian va kal ve rawh," a ti a. Tin ralveng chuan, "Kan mi tirha chuan an hnêna chu a va thleng ngei a, nimahsela a lo kir leh ta hauh lo mai," tiin a hrilh a.
9:19 Tichuan mi pkhat sakawr chunga chuan hi a tir leh a, chu mi pawh chuan an hnên a ava thleng a, "laloin heti hian a ti; 'Tha lam thu em ni le?' tiin," a ti a. Tin, Jehuan a chhâng a, "Tha lam thu chu nanga lo hriat tûr eng nge awm ni?Ka hnungah hian va kal ve rawh," a ti a.
9:20 Tin, ralveng chuan, "Ani pawhin an hnên chu a va thleng ngei a, ani pawh chu a lo kir leh ta hauh lo mai; tin, a khalh dan pawh Nimsia fapa Jehua khalh dan chiah a ni; mi â ang maiin a khalh thin a ni," a ti a.
9:21 Tin, Jorama chuan, "Buatsaih teh u," a ti a. Tin, a tawlailir chu an buatsaih a. Tin, Israel lal Jorama leh Juda lal Ahazia chu mahni tawlailir ve vein an va chuak a, Jehua hmuak tûrin an va kal a, Jezreel mi Nabotha huanah an va hmu a.
9:22 Tin, Joraman Jehua a han hmuh chuan heti hi a ni a, "Tha lam thu em ni le, Jehu?" a han ti a. Tin, ani chuan a lo chhang a, "I nu Jezebeli hian uire leh dawi a chin nasat chhûng hian tha lam thu eng nge awm thei ang?" a ti a.
9:23 Tin, Jorama chuan a kai her a, a tlan a, Ahazia hnênah, "Inbumna a awm anih hi, Ahazi," a ti a.
9:24 Tin, Jehua chuan a thalngul chu a theihpatawpin a kuai a, Jorama dar leh dar inkarah akap a, thal chu alungah alut tlâng a, a tawlailira a awp ta rawk a.
9:25 Tichuan Jehuan a sipai hotu Bidkara hnênah, "Pawm la, Jezreel mi Nabotha huan hmunah paih thla rawh; hmana rnang nena a pa Ahaba hnunga kan chuan dun laia LALPAN he phur hi a chunga a nghah reng anih kha:
9:26 LALPAN, 'Niminah Nabotha thisen leh a fapate thisen ka hmu ngei alawm,' a tih kha; tin, LALPAN, 'He mi hmun ngeia hian ka thungrul dâwn che a ni, a tih leh kha. Chutichuan LALPA thu angin pawm la, he mi hmunah ngei hian paih thla rawh," a ti a.
9:27 Nimahsela Juda lal Ahazian chu chu a hmuh chuan huan in lamah a tlan ta a. Tin, Jehua chuan a um a, "Ani pawh tawlailirah khan that nghal rawh u," a ti a; tichuan Ibleam khaw kiang, Gur chohnaah an bei a. Tin, Megiddo khuaah a tlan lût a, chuta chuan a thi ta a.
9:28 Tin, amite chuan Jerusalem khuaah tawlailirin an kalpui a,ama thlanah, a pi le pute zingah Davida khawpuiah an phûm ta a.
9:29 Ahaba fapa Jorama kum sâwm leh kum khat a lal kumin Ahazia chu Judaho chungah a lal tan a.
9:30 Tin, Jehua chu Jezreel khuaa a va luh chuan, Jezebelina lo hria a; tichuan a mitte a lo hnawih a, a samte a lo chei a, tukverhah a dak a.
9:31 Tin, Jehua kulh kawngkaa a lo luh lai takin, "Tha lam thu em ni le, nang, mahni pute thattu, Zimri pa?" a lo ti a.
9:32 Tin, ani chu tukverh lam hawi chuan a han dak chho va, "Tunge ka lama tang che u? Tute nge?" a ti a. Mi tilreh pahnih emaw, pathum emaw hi a lam hawiin an lo dak chhuak a.
9:33 Tin, ani chuan, "Han theh thla rawh u," a ti a. Chutichuan an theh thla a; a thi chuan bang leh sakawrte chu a per nguai mai a; tin, ani chuan alo chil a.
9:34 Tin, alut a, a eiin a in a; "Ânchhe dawngnu kha va ngaihven ta ula, va phûm rawh u, lal fanu a ni si a," a ti a.
9:35 Tin, phûm tûrin an va kal a; nimahsela a luruh te, a ke bâwrte a kutphah bâwrte ngawt lo chu an va hmu ta lo va.
9:36 Chutichuan an lo kal leh a, an rawn hrilh a. Tin, ani chuan, "Hei hi LALPAN a chiahlawh Tisbe mi Elija hmanga, 'Jezreel kul bula uiin Jezebeli chu an la ei ang a;
9:37 Jezebeli ruang chu Jezreel khaw kul bula huana ek dur ang mai a la niang a, tichuan, He chu Jezebeli a ni a, an tih loh nân, tih thu a sawi kha anih hi," a ti a.
10:1 Ahaban Samari-ah chuan fapa sawmsarih anei a. Tin, Jehuan Samari-ah Jezreel khaw hotu, upate hnênah leh Ahaba fate lo enkawl tleitute hnênah chuan,
10:2 "He lehkha hi in hmuh veleh, in pu fate chu in hnênah a awm a ni a, tin, tawlailir te, sakawr te, kulhpui nei khuate pawh, râlthuamna nen in nei a;
10:3 chutichuan in pu fate zinga mi a tha ber leh a fel ber zawng chuak ula, a pa lalthutthlenga thuttir ula, in pu chungte do chu dopi rawh u," tia ziak lehkha a thawn a.
10:4 Nimahsela anni chuan an hlau ta êm êm mai a, "Ngai teh u, lal pahnih pawh khan an chelh tawh lo a ni a, keinin engtinnge kan chelh tehlul ang?" an ti a.
10:5 Tinlal inchhûnga hotu ber te, khawpi awptu te, upaho te, naupangho lo enkawl thleitute nen chuan Jehua hnênah, "I chhiahhlawhte kan ni e, ti tûra min hrilh apiang chu kan ti zel ang; tumah lalah kan siam lovang; nang in tha i tih ang angin ti ang che," tiin mi an tir a.
10:6 Tin, an hnênah, "Ka lama tang in nih a, ka thu in awih dâwn chuan in pu fapate lu han la ula, naktukah hetih hun hma hian Jezreel khuaah ka hnênah lo kal ang che u," tiin lehkha a thawn leh a. Lal fapate chu sawmsarih an ni a, khawpui milianho, anmahni enkawl tleitute hnênah chuan an awm a.
10:7 Tin, lehkha chu an han hmuh chuan heti hi a ni a, lal fapate chu an man a, a sawmsarih chuan an that a, an lu chu bâwmrangah an dah a. Jezreel khuaah a hnênah an thawn ta a.
10:8 Tin, zualko a lo thleng a, "Lal fapate lu chu an rawn la ta a," tiin a hrilh a. Tin, ani chuan, "Kulh luhna kawngka bulah hmun hnihah tiang khâwm ula, naktuk thlengin awm rawh se," a ti a.
10:9 Tin, a tukah chuan heti hi a ni a, a va chhuak a,a ding a, mi zawng zawng hnênah chuan, "Mi fel in ni e; ngai teh u, ka pu chu ka phair a, ka lo tihhlum ta tak a; anih leh, hengo zawng zawng hi tu thah nge ni?
10:10 LALPAN Ahaba chhûngte chungchâng thu a sawi, LALPA thu chu leilungah hian a luang râl hlek lo vang tih hre rawh u; LALPAN a chhiahhlawh Elija hmanga a sawi kha a rawn hlen ta ai hi," a ti a.
10:11 Chutichuan Jehua chuan Jezreel khuaa Ahaba chhûnge la awm zawng awng leh, a mi lian zawng zawng te leh, a thian zawng awngte leh, a puithiamte chu pakhat mah zuahsak hlek lovin a that fai vek a.
10:12 Tin, a tho va, a chhuak a, Samari-ah a kal ta a. Tin, kalkawnga berâmpute berâm hmul mehna in a va thlenin,
10:13 Jehua chuan Juda lal Ahazia unauteho a hmu a, "Tute nge in nih?"" a ti a. Tin, anni chuan, "Ahazia unaute kan ni a, lal fateho leh lalnu fateho chibai kan zuk bûk dâwn a ni," tiin an chhang a.
10:14 Tin, ani chuan, "Anungin man rawh u," a ti a. Tichuan anungin an man a, berâm hmul mehna in khur bulah chuan an that a, mi sawmli leh pahnih zet an ni a; pakhat mah a zuah lo.
10:15 Tin, chuta ta a chhuah hnu chuan Rekaba fapa Jehonadaba, ama hmuak tûra lo kal a va hmu a; tichuan chibai a bûk a, a hnênah, "I chunga rilru dik ka pû ang hian, rilru dik i pû ve emaw chu?" a ti a. Jehonadaba chuan, "Pû e," tiin a chhâng a. "A ni leh i kut mi han pe teh," a ti a. Tichuan a kut chu a han pe a, tin ani chuan a hnênah a tawlailir chhûngah a kai lut a.
10:16 Tin, ani chuan, "Ka hnêna lo kal ve la, LALPA tana thahnem ka ngaihzia hi han hmu ve teh reng khai," a ti a. Chutichuan a tawlailirah a chuantir ve ta a.
10:17 Tin, samari a va thlen chuan Ahaba chhûngte Samari-a la awm chhunate chu a tihoral zaw vek hma loh chuan a that zel a, Elija hnêna a sawi LALPA thu ang ngei khan.
10:18 Tin, Jehuan mipuiho zawng zawng chu a ko khâwm a, an hnênah chuan, "Ahaba khan Baala rawng hi a bawl hlek chauh a ni a, Jehua erawh hi chuan nasa takina nia a bawl dâwn ni.
10:19 Chutichuan baala zâwlneiho zawng zawng te, a betu zawng zawngte leh a puithiam zawng zawngte ka hnênah hian han ko khâwm teh u; tuma kim lo suh se; Baala hnênah hian inthawina ropuit ak hlân tûr ka nei a; tupawh a kim lo a piang hchu anung hlek lo vang," a ti a. Nimahsela Jehua chuan Baala betute chu tihhlum tumin, fin vervekin a ti a ni.
10:20 Tin, Jehua chuan, "Baala hmingin kutpui siam rawh u," a ti a. Tichuan chu chu an than vêl ta a.
10:21 Tin, Jehuan Israel ram zawng anwga a thawn vêl a; tichuan Baala betute zawng zawng chu an lo kal a, tel lo rêng rêng an awm lo. Tin, Baala inah chuan an lût a; tin, baala in chu kawngka atanga kawmchar thlengin an khat hmur mai a.
10:22 Tin, inthuamna puan enkawltu hnênah, "Baala betu zawng zawngte hi inthuamna puan han laksak rawh," a ti a. Tichuan inthuamna puante chu a rawn laksak a.
10:23 Tin, Jehua chu, Rekaba fapa Jehonadaba nen Baala inah chuan an lût a; tin, Baala betute hnênah chuan, "Hetha hian Baala betute chauh lo, LALPA mite hi an lo awm ve dah ang e, zawng ula, en vêl teh u," a ti a.
10:24 Tin, inthawinate le hâlral thilhlan hlân tûrin an lût ta a. Jehua chuan pawna mi sawmria a lo dintir tawh reng a, "Heng in kuta ka pêk che u hi tupawh an chauh vaih chuan, a chhuahtu chuan a nun aiah chuan ama nunna chu a chan ang," a ti a.
10:25 Tin, hâlral thilhlana hlân zawh veleh heti hi a ni a, Jehua chan vêngtu sipai leh an hotute hnênah, "Va lût ula, va that rawh u; tuma chhuahtir suh u," a ti a. Tin, khandaihin an sat chiam a; tin, vêngtu sipai leh an hotute chuan an paih chhuak a, tin, Baala in awmna khuaa an kal a.
10:26 Tin Baala ina milemte chu an la chhuak a, an hal a.
10:27 Tin, Baala lungphun chu an tichim a, Baala in chu an tichhia a, dailenna inah an hmang ta a, tun thleng hian an la hmang a ni.
10:28 Chutiang chuan Jehuan Israel ram ata Baala chu a tiboral a ni.
10:29 Nimahsela Nebata fapa Jeroboama sualna- Israel-hote thil tihsualtira a tihte chu Jehua chuan a ba chuan lo, chu chu Bethel khua leh Dan khuaa rangkachak bawng no lemte biak a ni.
10:30 Tin, LALPAN Jehua hnêna, "Ka mittlung taka thil i tih avâng leh ka rilru duhthusam ang taka Ahaba chhûngte chunga i tih avângin, i fapate chu chhuan lina thlengin Israelte lalthutthlengah an thu ang," a ti a.
10:31 Nimahsela Jehua chuan LALPA, Israelte Pathian dan chu athinlung awng zawngin a pawm lo va; Jeroboaman Israel-hote thil tihsualtira a tihsual kha aban chuang lo va.
10:32 Chung lai chuan LALPAN Israelte chu a thlauhthla tan ta a; tichuan Hazaelan Israel ram zawng zawnga chuan a hneh zel a;
10:33 Jordan atanga khaw chhak lam, Gilead ram zawng zawng, Gad-ho te, Reuben-ho te, Manase-ho te, Arnon ruama Aroer atanga Gilead le Basan ram thleng rakin.
10:34 Jehua chanchin dang te, a thiltih zawng anwg te, a thiltih theihzia zawng anwgte chu Israel lalte lal lai thu ziakna bua chuan a chuang anilawm ni?
10:35 Tichuan Jehua chu a pi leh pute hnenah chuan a muhil a, Samari khuaah an phûm ta a. Tin, a fapa Jehoahaza chu a aiawhin a lal ta a.
10:36 Tin, Samari rama Israelte chunga Jehua rorêl chhûng chu kum sâwmhnih leh kum riat a ni.
11:1 Tin, Ahazia nu Athlain a fapa a thi tih a lo hriat chuan, a tho va, lal fate zawng zawng chu a that vek a.
11:2 Ahazia fapa Joasa erawh chu lal Jorama fanu, Ahazia farnu Jehosebi chuan lal fapa an thahte zing ata chu a hruai bo va, a enkawltu nen khum pindanah a awmtir a; Athali hmuh theih loh tûrin an thukru a, tihuan thah a ni ta lo va.
11:3 Tin, ani chu amah nen chuan lalap inah kum ruk an biru a, tichuan Athali inah kumruk an biru a, tichuan Athali chuan chu ramah chuan ro a tel ta a.
11:4 Tin, a kum sarihnaa chuan Jehoiadan Kereth mite leh vêngtu sipaite zinga mi sipai za hotute chu a kohtir a, LALPA inah a hnênah a hruai luhtir a; tin, an hnênah thu a thlung a, LALPA ina chuan chhia a chamtir a, lal fapa chu a entir hlawm a.
11:5 Tin, ani chuan, "In tih tûr chu hetiang hi a ni: In zinga chawlhni alo kal tûrte hi hmun thuma thea hmun khatin lal in chu in veng ang a;
11:6 tin, hmun thuma thena hmun khat chu Sur kulh kawngkaah in awm ang a; tin, hmun thuma thena hmun khat chu vêngtute hnung lama kulh kawngkaah in awm ang; chutiang huan in chu in veng ang a, a dangtuah in awm tûr a ni.
11:7 Tin, in zinga pâwl hnih, chawlhnia tin, tûr zawng zawngte chuan lal kiang vêlah LALPA in chu in veng ang a.
11:8 Tin, mi tinin hriamhrei kengin lal chu in hual vêl ang a; tupawh hual chhûnga lo lût apiang chu lo thah zel tûr a ni; tichuan lal chu a lût leh a chhuak chu zui zel rawh u," tiin thu a pe a.
11:9 Tin, sipai za hotute chuan puithiam Hehoiada thupêk ang zawng zawng chuan an ti a; tin, mani hote theuh chawlhnia lo kal tûrte leh, chawlnia tin tûrte chu an hruai a, puithiam Jehoiada hnênah an kal a.
11:10 Tin, puithiam chuan sipai za hotute chu LALPA ina awm , lal Davida fei leh phawte chu a pe a.
11:11 Tin, vêngtu sipaite chuan hriamhrei keng theuhvin, in ding lampang atanga vei lampang thelngin, mâicham leh in hrûlah chuan lal chu an din hual mup a.
11:12 Tichuan lal fapa chu a rawn hruai chuak a, lallukhum a khumtir a, hriattirn thu chu a pe a; tin, lalah an siam a, hriak an thih a; tin, an kut an beng a, "Pathianin lalber hum him rawh se," an ti a.
11:13 Tin, vêngtu siapite leh mipuihote thâwm chu Athalin a lo hriat chuan LALPA inah mipuite zingahc huan a va kal a;
11:14 tin, a han en a, ngai teh, lal chu dan angin ban hrulhah alo ding a, sipai hotute leh tawtawrâwt tumtute chu lal bulah an ding a; tin, chu mi rama mi zawng awng chu an hlim êm êm a, tawtawrâwt an ham chiam a. Tichuan Athali chuan a puante a pawt thlêr a, "Phiarrukna! Phiarrukna a ni ta le!" tiin a au a.
11:15 Tin, puithiam Jehoiada chuan sipaite chunga hotua ruat sipai za hotute chu thu a pe a, an hnênah, "Sipaihote karah chhuahtir rawh u; tupawh a zui apiang chu khandaiha sahhmum tûr a ni," a ti a; puithiam chuan, "LALPA inah zawng thah tûr ani lo ve," a lo ti tawh si a.
11:16 Chutichuan kawng an kian a; tin, sakawr luhna kawngah lal inah a kal a; chutah chuan a ni, an thah tak ni.
11:17 tin, Jehoiada chuan LALPA leh lal leh mipuite karah chuan LALPA mie an lo nihna tûr thu a thlung ta a; lal leh mipuite karah pawh.
11:18 Tin, chu mi rama mi zawng zawng chu Baala ina an kal a, an tichim a; amaichâmte leh a lemte chu an tisawm dep a, Baala puithiam Mattana pawh mâicham bula an that a. Tin, puithiam chuan LALPA in vêngtu hotute a ruat a.
11:19 Tin, sipai za hotute, Kereth mi te, vêngtu sipaite leh, chu i zawng awng chu a hruai a, LALPA in ata lal chu a han hruai thla a, vêngtu te kawngkaa lûtin lal inah an kal a. Tichuan lalhote lalthutthlengah a thu ta a.
11:20 Chutichuan chu mi rama mi zawng zawng chu an lâwm a, tin, khawpui chu buai lovin a awm ta a; tin, Athali chu khandaihin lal inah an that a.
11:21 Jehoasan ro a rêl tan lai chuan kum sarih mi a ni.
12:1 Jehua kum sarih a lal kum chuan Jehoasa chu a lal tan a; Jerusalem khuaah kum sâwmli a lal a; a nu hming chu Zibi, Beer-seba khua ami a ni.
12:2 Tin, puithiam Jehoiadan Jehoasa chu a zirtir chhûng zawng LALPA mithmuha thil tha a ti thin a.
12:3 Amaherawhchu hmun sângte zawng thehthang bo a ni chuang lo; hmun sângahte chuan mite chu an la inthawiin rimtui an la hal reng thin.
12:4 Tin, Jehoasan puithiamte hnênah, "LALPA ina lak luh thil serh tlanna sum zawng zawng, chhiar tawhte zinga kal apiangte tana tuk, an nun tlanna sum te, tupawhin LALPA ina lak luh an phal sum zawng zawngte chu,
12:5 puithiamten an hmêlhriatte hnên atangin lo la theuh sela; tichuan in chia a che lai apiang, siam rawh se," a ti a.
12:6 Nimahsela heti hi a ni a, lal Jehoasa chu kum sâwmhnih leh kum thum a lal hnu pawhin puithiamte chuan in chhia chu an la siam lo fo va.
12:7 Tichuan lal Jehoasa chuan puithiam Jehoiada leh puithiam dante chu a ko va, an hnênah, "Engati nge in che laite hi in siam loh? Tunah zawng in hmêlrhiatte hnên ata tangka chu la tawh suh ula, in chhe siam nân pe chuak tawh zâwk rawh u," a ti a.
12:8 Tin, puithiamte chuan mite hnên ata tangka lak tawh loh leh, in hhe laite siamtu nih loh chu an remti a.
12:9 Amaherawhchu puithiam puithiam Jehoiadan bâwm a la a, a chin a rek pawp a, LALPA ina luha ding lampang, mâicham bulah a hung a; chutah chuan LALPA ina tangka rawn lak luh zawng zawng chu kawngkhâr vêngtu puithiamte chuan an la dah zel a.
12:10 Tin, heti hi a ni a, bâwmah huan tangka a tam ta hle tih an hriatin, lal lehkha ziaktu leh puithiam lalber chu an han kal a, an fun a, LALPA ina tangka awm chin hu an chiar a.
12:11 ,12 Tin, an tangka chhiar chu hnathawkho, LALPA in satute chunga hotute an pe a, anni chuan LALPA in beitu, themthiamte leh in satute hlawhah te, lun gchhertute leh lung lai chhuaktute hlawhah te, LALPA in he laite siamna tûr thing leh lung cherahte leh in siam nan mamawh apiangahte leh in siam nana mamawph apiangahte an hmang thin a.
12:12 ,11 Tin, an tangka chhiar chu hnathawkho, LALPA in satute chunga hotute an pe a, anni chuan LALPA in beitu, themthiamte leh in satute hlawhah te, lun gchhertute leh lung lai chhuaktute hlawhah te, LALPA in he laite siamna tûr thing leh lung cherahte leh in siam nan mamawh apiangahte leh in siam nana mamawph apiangahte an hmang thin a.
12:13 Amaherawhchu LALPA in chunga an tangka rawn lak huan LALPA in atân tangkaraw note, khawnvar puan chehna te, maihûnte, tawtawrâwtte, rangkachak bungbêl te, tangkaraw bungbêlte an siam lo;
12:14 hnathawktute an pe thin a, LALPA in siamna chuan an hmang zâwk thin a ni.
12:15 Tin, hnathawktute pêk atâna tangka an vawntirate pawh kha an en zuipui lem chuang lo; anni chuan rinawm takin an ti si thin a.
12:16 bawhchhiat thawina thilhlan tangka leh, sual thawina thilhlan tangkate chu LALPA inah chuan a la lût lût lo; puithiamte pual a ni.
12:17 Tichuan Suria lal Jazaela chuan gath khua a han bei a, a han la a; tin, Hazaela chu Jerusalem-a kal zel a tum a.
12:18 Tin, Juda lal Jehoasa chuan Juda lal a puteho Jehosaphata te, Jehorama te, Ahazia te lo hlân tawh thil serh zawng zawng leh, ama thil serhte leh, LALPA ina mi leh lal ina ro dah khawmnaa mi rangkachak awm zawng zawngte chu a la vek a, Suria lal Jazaela a thawn a; tichuan Jerusalem chu a hawisan leh ta a.
12:19 Tichuan Joasa chanchin dang te, a thiltih zawng zawngte chu Juda lalte lal lai thu ziakna bua a chuang a ni lâwm ni?
12:20 Tin, a mite chu an tho va, an phiar tu a, Joasa chu Silla pan chukna kawnga Millo inah an bei a, an tihlum a.
12:21 Ama mi, Simeatha fapa Jozakara leh Somera fapa Jehozabada ten an that a ni; tichuan a pi leh pute zingah Davida khawpuian an phûm a; tin, a fapa Amazia chu a aiawhin a lal ta a.
13:1 Juda lal Ahazia fapa Joasa kum sâwmhih leh kum thum a lal kum huan Jehua fapa Jeoabaza chu Israelte chungah Samari khuaan a lal tan a, kum sâwm leh kum sarih a lal a.
13:2 Tin, LALPA mithmuha thil tha lo tak a ti thin a, Israel-hote thil tihsualtira a tih Nebata fapa Jeroboama sualnate ka a ching ve a, a kalsan leh ta lo.
13:3 Tin, LALPA thin chu Israelte chungah chuan a alh a, tichuan Suria lal Hazaela kutah leh Jazaela fapa Benhadada kutah chuan a pe ta zel a.
13:4 Tin, Jehoahaza chuan LALPA hnênah a ngen chiam a, tin, LALPAN a thu chu a lo ngaihthlâksak a; Israelte hnehchhiaha an awm a, Suria lalin anmahni a hnehchhiahzia chu a hmu reng si a.
13:5 Tichuan LALPAN Israel-hote chu hhandamtu a pe a, chutichuan Suria-hote hnuaia an awm chu anc hhuak a, Israela thlahte chu tun hma ang bawk khan anmahni in lamah an awm leh ta hle hle a.
13:6 (Amaherawhchu Israelte thil tihsualtira a tih Jeroboama chhûngteho sualnate kha an kalsan lo va, an la ching ta reng zâwk a; tin, Samari khuaah chuan Aseri pawh chu a la awm reng ngeh nghe a.)
13:7 Jehoahaza chu a mite zinga sakawr chung chuang mi sawmnga leh, tawlailir sâwm leh, sipai singkhat tih loh chu neih a palsak si lo va; Suria lal chuan a tiboral vek a, vaivut chil dip ang maiin a siam a ni.
13:8 Tichuan Jehoahaza chanchin dangte, a thiltih zawng zawng te, a thiltihtheihzia te chu Israel lalte lal lai thu ziakna bua a chuanga ni lâwm ni?
13:9 Tin, Jehoahaza chu a pi leh pute hnênah a muhil ta a; tin, Samari khuaah an phûm a; tin, a fapa Joasa chu a aiawhin a lal ta a.
13:10 Juda lal Joasa kum sâwmthum leh kum sarih a lal kum chuan Jeoahaza fapa Jehoasa chu Israelte chungah samari khuaan a lal tan a, kum sâwm leh kum ruk a lal a.
13:11 Tin, LALPA mithmuha a thil tha lo tak a ti thin a; Israelte thil tihsualtira a tih Nebata fapa Jeroboama sualna zawng zawngte kha a kalsan lo va, a la ching ta reng zâwk a.
13:12 Tichuan Joasa chanchin dang te,a thiltih zawng zawng te, Juda lal Amazia a bei laia a thiltihtheihziate chu Israel lalte lal lai tu ziakna buah a chuang a ni lâwm ni?
13:13 Tin, Joasa chu api leh pute hnênah a muhil ta a; tin, Jeroboama chu a lalthutthlengah a thu a, tin, Joasa chu samari khuaah Israel lalte zingah an phûm a.
13:14 Tin, Elisa chu a thihpuina tûr natnain a lo na tawh a; tichuan Israel lal Joasa chu a hnênah a zuk kal a, a tah a, "Ka pa, ka pa, Israelte tawlailir leh sakawr chung chuang mite hentu," a ti a.
13:15 Tin, Elisan a hnênah, "Thalngul leh thalte han la teh," a ti a: tin, thalngul leh thalte a han la a.
13:16 Tin, Israelte lal hnênah chuan, "Thalngul kha han chelh teh," a ti a; tichuan a han chelh a. Tin, Elisa chuan lal kut chungah a kut a nghat a.
13:17 Tin, ani chuan, "Chhak lam tukverh han hawng teh," a ti a; tin, a han hawng a. Tin, Elisan, "Kâp rawh," tin, a han kâp a. Tin, ani chuan, "LALPA hnehna thal, Suria-ho hnehna thal a nih kha; Aphek khuaa chuan Suria-hote chu boral der kawpin i hneh dâwn nia," a ti a.
13:18 Tin, 'Thalte kha han la teh," a ti leh a; tichuan a han la teh," a ti a; tichuan a han la a, Tin, Israel lal hnênah chuan, "Lei kha han chun te," a ti a; tichuan vawithum a chun a, a bang ta mai a.
13:19 Tichan Pathian mi chu a chungah a thinrim ta a, "Vawi nga vawi ruk lai i chun tûr asin ni le; tichuan Suria-hote chu boral der khawpin i hneh tûr a ni a. Amaherawhchu Sria-ho chu vawi thum chauh i hneh dâwn anih tak hi," a ti a.
13:20 Tin, Elisa chu a thi a, an phûm ta a. Tin, kum alo veihian, Moab-ho pâwlte chuan an ram chu an rawn rûn thin a.
13:21 Tin, mi pakhat an phûm dâwn lai takin an han hmu a; tichuan chu mi chu Elisa thlanah chuan an thlak ta mai a; tin, a ruang chu Elisa ruhte ch a zuk deh veleh, a lo nung leh a, a ding ta mai a.
13:22 Tin, Suria lal Hazaela chuan Jeoahaza chhanah chan Israelte chu a hnehchiah reng a.
13:23 Nimahsela LALPAN Abrahama hnênah te, Isaaka hnênah te, Jakoba hnênah te thu a thlun avângin anmahni chu a khawngaih a, a lainat a, angaihsak a, anmahni chu a tiboral duh lo va, a hnên ata a la paih thla duh lo cheu va.
13:24 Tin, Suria lal Jazaela chu a thi a; a fapa Benhadada chu a aiawhin a lal ta a.
13:25 Tin, Jehoahaza fapa Jehoasa chuan Jazael fapa Benhadadan a pa Jehoahaza a rûn a, khua a lâksakte kha a chhuhsak leh a, Joasa chuan vawithum a hneh a, Israel ram khuate chu a la leh a.
14:1 Israel lal Joahaza fapa Joasa kum hnih a lal kum chan Juda lal Joasa fapa Amazia a lal tan a.
14:2 A lal tantirh chuan kum sâwmhnih leh kum nga mi a ni a, Jerusalem-ah kum kum sâwmhnih leh kum kuaa lal a; anu hming chu Jehoadini, Jerusalem mi a ni.
14:3 Tin, LALPA mithmuha thil fel tak a ti thin a.
14:4 Amaherawhchu hmun sângte zawng thehthang bo ani chuang lo; hmun sângahte chuan mite chu an la inthawiin, rimti an la hal reng thin.
14:5 Tin, a ram chu a han din ngheh veleh heti hi a ni a, ami te, a pa, lal thattute chu a that ve thung a;
14:6 amaherawchu chung tualthattu fate chu a that lo; Mosia dan bua, "Fate avângin pate tihhlum tûr a ni lo va, pate avângin fate tihhlum tûr a ni hek lo, mi tin, mahni sual avângin an thi tûr a ni," tia LALPA thupêk dan ziak ang khan.
14:7 Edom-ho chu Chi ruamah singkhat a that a, Sela khua a bei a, a la a, a hmingah chuan Joktheel a ti a, tun thlengin an la ti a ni.
14:8 Tichuan Amazian Israel lal Jehua fapa Jeoahaza fa Jehoasa hnênah, "Hawh teh, hmai chhanah i lo inen teh ang," tiin mi a tir a.
14:9 Tin, Israel lal Jehoasa chuan Juda lal Amazia hnênah, "Lebanon tlânga hlingin Lebanon tlânga sidar hnênah, 'I fanu kha ka fapa nupuiah neihtir te khai,' tiin a chah a; tin, Lebanon tlânga ramsa a lo kal a, hling chu a rawn chil thlu ta der mai a.
14:10 Nang hian Edom-ho chu i hneh ngei tak a, i rilru a lo chapo ta a nih h; i chapo kha tawngpui hle hle mai rawh; nang leh Juda ram chawp chawp achhiatna, i tana tha lo tûr thl eng atân gne i cho chhuah dâwn ni?" tiin mi a tir ve a.
14:11 Nimahsela Amazia chuan a lo ngaithla duh lo va. Chutichuan Israel lal Jeoasa hua han chho va; Juda lal Amazia nen chuan Juda ram Beth-semes khuaah hmai chhanah an inen ta ngei a.
14:12 Tin, Juda chu Israelte lakah a lo tlâwm ta a; mi tin, mahni in lamah an tlan haw ta theuh va.
14:13 Tin, Israel lal Jehoasa chuan Juda lal Ahazia fapa Jeoasa fa Amazia chu Beth-semes-ah chuan a man a, Jerusalem khuaah a kal a, Jerusalem kulh chu Ephraim kulh kawngka atanga kulh kil kawngka thlengin tawng zali zet a tichim a.
14:14 Tin, LALPA ina mi leh lal in a ro dah khawmnaa mi, rangkachak leh tangka leh bungbêl zawng zawng, a awm apiang a la a, hrenga tang tûrte nen, tin, Samari khaw lamah a haw leh ta a.
14:15 Tichuan Jehoasa thiltih chanchin dang te, a thiltihtheihzia te, Juda lal Amazia a bei thut te chu Israel lalte lal lai thu ziakna bua a chuang a ni lâwm ni?
14:16 Tin, Jehoasa chu a pi leh pute hnênah a muhil a, Samari khuaan Israel lalte zingah an phûm a; tin, a fapa Jeroboama chu a aiawhin a lal ta a.
14:17 Tin, Juda lal Joasa fapa Amazia chu Israelte lal Jeoahaza fapa Jeoasa thih hnuin kum sâwm leh kum nga a la dam a.
14:18 Tichuan Amazia chanchin dangte chu Juda a ni lâwm ni?
14:19 Tin, Jerusalem khuaah amah an phiar ru a; tihuan Lakis khuaah a tlan a; nimahsela Lakis khuaah chuan mi an umtir a, hutah chuan an that ta a,
14:20 Tin, a ruang chu sakawrin an kalpui a, a pi leh pute zingan Davida khaw pui Jerusalem-ah an phûm ta a.
14:21 Tin, Juda mi zawng zawngten kum sâwm leh kum ruk mi, Azaria an hruai a, a pa Amazia aiah lalah an siam ta a.
14:22 Ani huan Elath khua hu a siam tha leh a, Juda ramah a telh leh a, chumi hnuah chuan lal chu api leh pute hnênah a muhil ta a.
14:23 Juda lal Joasa fapa Amazia kum sâwm leh kum nga a lal kum chuan Israel lal Joasa fapa Jeroboama chu Samari khuaan a lal ta a, ku sawli leh kum khat a lal a.
14:24 Tin, LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualna zawng zawngte kha kalsan reng a nei lo va.
14:25 LALPA, Israelte Pathianin a chhiahhlawh, Gath-hepher mi Amittaia fapa zâwlnei Jona hmnaga a thu sawi ang khan, Hamath luhna atanga Araba tuifinriat thelngin Israel ramah a telh leh a.
14:26 Israelte hreawmzia chu a nasa êm êm mai tih a hre si a; khuahkhirh leh khirh lohte pawh an awm si lo va, Israelte tanpuitu tûr tumah an awm hek lo.
14:27 LALPAN Israelte hming hi vân hnuaiah hian a tichimit hlauh dâwn tih zawng a sawi lo reng a; Joasa fapa Jeroboama hmngin a chhandam ta zâwk a ni.
14:28 Tichuan Jeroboama chanchin dang te, a thiltih zawng zawng te, a thiltihtheihzia te, a râl bei thu te, tun hmaa Juda ram chan ni thin Damaska leh Hamath khua Israelte tan alo laksak leh tak thute chu Israel lalte lal lai thu ziakna buah a chuang a ni lâwm ni?
14:29 Tin, Jeroboama chu api leh pu, Israel lalte hnênah chuan a muhil ve a; tichuan a fapa Zekaria chu a aiawhin a lal ta a.
15:1 Israel lal Jeroboama kum sâwmhni leh kum sarih a lal kum chuan Juda lal Amazia fapa Azaria a lal tan a.
15:2 A lal tantir chuan kum sâwm leh kum ruk mi a ni a, Jerusalem-ah kum sâwmnga leh kum hnih a lal a; a nu hming chu Jekoli, Jerusalem mi a ni.
15:3 Tin, a pa Amazia thiltih ang apiang ti vein, LALPA mithmuha thil tha tak a ti thin a.
15:4 Amaherawhchu hmun sângte zawng thehthang bo a ni chuang lo; hmun sângahte chuan mite chu an la inthawi in, rimtui an la hal reng thin.
15:5 Tin, LALPAN lal chu a rawn hrem ta a, chutichuan a thih ni thlengin a lo phar a, in hrangah a awm ta a. Tin, lal fapa Jothama chu an rama mite rorêlsakin in chhûng lam hotuah a awm ta a.
15:6 Tichuan Azaria chanchin dang a thiltih zawng zawngte chu Juda lalte lal lai thu ziakna buah a chuang ani lâwm ni/
15:7 Tin, Azaria chu a pi leh pute hnênah chuan a muhil a; tin, api leh pute zingan Davida khawpuiah an phûm ta a; tin, a fapa Jothama chu a aiawhin a lal ta a.
15:8 Juda lal Azaria kum sâwmthum leh kum riat a lal kum chuan Jeroboama fapa Zekaria chu Israelte chngah Samari khuaan thla ruk a lal a.
15:9 Tin, a pute tih ang bawk LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate kha a kalsan lo va.
15:10 Tin, Jabesa fapa Saluman ama a phiar ru a, mipuite hmaah a bei a, a tha a, a aiawhin a lal ta a.
15:11 Tichuan Zekaria chanchin dangte chu ngai teh, Israel lalte lal lai thu ziakna buah chuan a chuang a ni.
15:12 Chu chu LALPAN Jehua hnêna, "I fapate chu chhuan lina thlengin Israel-te lalthutthlengah an thu ang," tih thu a sawi kha a ni. Tichuan chutiang tak chu a lo ni ta ngei reng a.
15:13 Juda lal Uzzia kum sâwmthum leh kum kua a lal kum chuan Jabesa fapa Saluma chu a lal ta a; Samari khuaah thla khat chhûng a lal a.
15:14 Tin, Gadia fapa Menahema chu Tirza khua atangin a han chho va, Samari khuaa a kal a, Jabesa fapa Saluma chu Samari khuaa chuan a bei a, a that a, a aiawhin a lal ta a.
15:15 Tichan Saluma chanchin dang te, aphiarrukna thute chu ngai teh, Israel lalte lal lai thu ziakna buah a chuang a ni.
15:16 chutichuan Menaheman Tirza atang chuan Tipsa khua leh a chhûnga awm zawng zawngte leh a ramte chu a bei a; an inhawn loh avângin a bei a ni; chunga nau pai lai hmeichhia zawng zawngte chu a pir thlêr a.
15:17 Juda lal Azaria kum sâwmthu leh kum kua alal kum chuan Gadia fapa Menahema chu Israelte chungah a lal ta a, Samari khuaa kum sâwm a lal a.
15:18 Tin, LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate khaa dam chungin a kalsan lo.
15:19 Asuria lal Pulan ram chu a rawn bei a; ram chu a neih nghehpui theih nân Menahema chua Pula chu tangka talent sâng a pe a.
15:20 Tin, Meahema chuan Assuria lal pêk atân Israel mi neinungho zawng zawng lakah chuan tangka sekel sawmnga theuh a khawn a. Chutichuan Assuria lal chu a haw leh a, chu ramah chuan a awm reng lo.
15:21 Tichuan Menahema chanchin dang te, a thiltih zawng zawngte chu Israel lalte lal lai thu ziakna buaha c huang a ni lâwm ni.
15:22 Tin, mMenahema chu a pi leh pute hnênah a muhil a; tin, a fapa pêkahia chu a aiawhin a lal ta a.
15:23 Juda lal Azaria kum sâwmnga a lal kum chuan Menahema fapa pêkahia chu Israelte chungah Samari khuaan a lal tan a, kum hnih a lala a.
15:24 Tin, LALPA mithmuha thil tha lo tak a ti thin a; Israelte thil tihsualtirtu Nebata fapa Jeroboama sualnate khaa a kalsan lo.
15:25 Tin, a sipai hotu Remalia fapa pêkan ama chu a phiar ru a, Samari khua a lal ina kulhah Argoba nen, Ariea nen a that ta a; a hnênah chuan Gilead mi sawmnga an awm ve a; tichuan Pekahia chu a that a, a aiawhin alal ta a.
15:26 Tichuan Pekahia chanchin dang te, a thiltih zawng zawngte chu ngai teh, Israel lalte lal lai thu ziakna buah chuan a chuang a ni.
15:27 Juda lal Azaria kum sâwmnga leh kum hnih a lal kum chuan Remalia fapa pêka chu Israelte chngah Samari khuan a lal tan a, kum sâwmhni a lal a.
15:28 Tin, LALPA mithmua thil tha lo tak a thi thin a; Israelte thil tihsualtirtu Nebata fapa Jroboama sualnate kha a kalsan lo.
15:29 Israel lal Peka lal laiin Assuria lal Tiglath-pilesearn Ijon khua te, Abel-beth-maaka khua te, Janoa khua te, Kedes khua te, Hazor khua te, Gilead leh Galili ram te, Naphtali ram zawng zawng chu a la a; tin, Assuria raman salah a hruai a.
15:30 Tin, Ela fapa Josean Remalia fapa pêka chu a phiar ru a, a bei a, a that a, Uzzia fapa Jothama kum sâwmhnih a lal kum chuan a aiawin a lal ta a.
15:31 Tichuan Peka chanchin dang te, a thiltih zawng zawngte chu ngai teh, Israel lalte lal lai thu ziakna buah chuan a chuang a ni.
15:32 Israel lal Remalia fapa pêka kum hniha lal kum chuan Juda lal Uzzia fapa Jothama chu a lal tan a.
15:33 A lal tantirh chuan kum sâwmhnih leh kum nga mi a ni a; Jerusalem-ah kum sâwm leh kum ruk a lal a; a nu hming chu Jerusi, Zadokmaia fanu a ni.
15:34 Tin, a pa Uzzia thiltih ang apiang ti vein LALPA mithmuha thil tha tak ati thin a.
15:35 Amaherawhchu hmun sângte zawng thehthang bo a ni chuang lo; hmun sângahte chuan mite chu an la inthawiin, rimtui an hal reng thin. LALPA in kawngka chhakta zâwk chu a siam tha a.
15:36 Tichuan Jothama chanchin dang te, a thiltih zawng zawngte chu Juda lalte lal lai thu ziakna buah a chuang ani lâwm ni?
15:37 Chung lai chuan Suria lal Rezina leh, Remalia fapa pêka chu Juda-ho bei tûrin LALPAN a tir tan ta a.
15:38 Tin, Jothama chu api leh pute hnênah a muhil a, a pi leh pute zingah a pu Davida khawpuiah an pum ta a; tin, a fapa Ahaza chu a aiawhin a lal ta a.
16:1 Remalia fapa pêka kum sâwm leh kum sarih a lal kum chuan Juda lal Jothama fapa Ahaza chu a lal tan a.
16:2 Ahaza chu a lal tantirhin kum sâwmhnih mi a ni; tin, Jerusalemah kum sâwm leh kum ruk a lal a. A pu Davida angin LALPA a Pathian mithmua thil tha taka ti ve lo va.
16:3 Israel lalte kawng zawh chu a zawh ve a, a ni, LALPAN Israela thlahte hmaa a hnawchhuah tak hnamten thil tenawm tak an tih thin angin a fapa meiah aluhtir a.
16:4 Tin, hmun sângah te, tlângah te, thing hring tin hnuaiahte a inthawi a, rimtui a hal thin a.
16:5 Tichuan Suria lal Rezina leh Israel lal remalia fapa pêka chu Jerusalem bei tûrin an ha cho va; Ahaza chu an han hual a, nimahsela an henh thei lo va.
16:6 Chung lai chuan Suria lal Rezia chuan Elath khua chu Suria ram atân a la leh a, Judate ch Elath khua ata a hnawtchhuak a; tin, Suria-ho chuan Elath khua chu an va luah a, tun thlengin an la awm a.
16:7 Tichuan Ahazan Assuria lal Tigalath-pilesera hnênah, "I chiahlawh leh i fapa ka ni alawm: mi bei tûra lo thawk Suria lal kut ata leh Israel lal kut ata hi mi han chanchhuak te khai," tiin mi a ti ra.
16:8 Tin, Ahaza chua nlalpa ina tangka leh rangkachak awmapiang, lal ina ro dah khawmnaa mi nen a la a, Assuria lal hnênah lawmmanah a thawn a.
16:9 Tin, Assuria lal chuan a thu sawi chu a lo pawm a; tichuan Assuria lal chuan Damaska khua chu a ha bei a, a la a, a mite chu Kir raman salah a hruai a, Rezina chu a that a.
16:10 Tin, lal Ahaza chu Assuria lal Tiglath-pilesera be tûrin Damaska khuaah a kal a, Damaska khua amaichâm chu va hmu a; tichuan lal Ahaza chuan chu mâicham leh leh an siam dan ang chiaha entawn tûr puithiam Urija hnênah a thawn a.
16:11 Tin, puithiam Urija chuan mâicham a han siam a; lal Ahazan Damaska puithiam Urija chuan Damaska khua tanga lal Ahazia lo haw leh hmain a lo siam hman diam a.
16:12 Tin, Damaska khua ata lal a lo thlenin lal chuan mâicham chu a han hmu a; tin, lalchuan mâicham chu a pan hnai a, a han lawn chho va.
16:13 Tin, maichâma chuan ahâlral thilhlante halin a changphut tlhlante a hlân a, a in tûr thilhlan a leih a, a remna thilhlante thisen chu a theh a.
16:14 Tin, LALPA hmaa dar mâicham, a mâicham leh LALPA in inkara mi, in hma zawn ata chu a la sawn a, a maicham hmâr lampanga chuan a dah ta a.
16:15 Tin, lal Ahazan, "Mâicham lianpuiah hian zing lam hâlral thilhlan te, tlai lam changphut thilhlan te, lal hal ralna thilhlan te, a chhangphut thilhlan te, kan rama mipui zawng zawng hâlral thllan te, a n chhanphut thilhlan te, an in tûr thilhlante nen hian halin hlan la; tin a chunga chuan hâlral thilhlan thisen zawng zawng leh intawina thisen zawng zawng chu theh ang che; dar maicham erawh chu ka biakna tûr ani ang," tiin puithiam Urija chu thu a pe a;
16:16 Chutchihuan puithiam Urija chuan lal Ahaza thupêk ang zawng zawng chuan a ti ta a.
16:17 Tin, lal Ahaza chuan hunchan khuarte chu a tichhia a, insilna bel chu a dah zawn a; a hunna dar sebâwngpa ata te tuizêm chu a la thla a, lungrem chungah a hung a.
16:18 Tin, chawlhni atâna chung nei kawng inaan siam leh pawn lama lal luhna chu Assuria lal avângin LALPA inaha thlakthleng ta hlauh va.
16:19 Tichuan Ahaza thiltih chanchin dangte chu Juda lalte lal lai thu ziakna buah a chuang ani lâwm ni?
16:20 Tin, Ahaza chu api leh pute hnênah a muhil a, a pi leh pute zingan Davida khawpuiah an phûm ta a; tin, a fapa Hezekia chu a aiawhin a lal ta a.
17:1 Juda lal Ahaza kum sâwm leh kum hnih a lal kum chuan Ela fapa Hosea chu Israelte chungah Samari khuaan a lal tan a, kum kua a lal a.
17:2 Tin, LALPA mithmuha thil tha lo tak a ti thin a, amaherawhchu a hmaa Israel allte ang êm zawngin a ti lo.
17:3 Assuria lal Salmaneseran a han rûn a; tichuan Hosea chu a chiahkhuaa a awm a a, chiahte a pe thin a.
17:4 Tin, Assuria lal chuan Hosean a phiar ruk thu a lo hria a; Aigupta lal Soa hnênah mi a tir bawk a, kum tina a pêk thin ang khan Assuria lal chu chhiah a pe ta bawk si lo va; chuvângin Assuria lal chuan tan inah puar chungin a khung ta a.
17:5 Tichuan Assuria lal chuan ram zawng zawng chu a hrui chuak vek a, Samari khuaah a han cho va, kum thum a hual a.
17:6 Hosea kum kua a lal kum chuan Assuria lal chu Samari khua chu a la a, Israel-hote chu Assuria ramah a hruai a, Hala ramah te, Gozan rama Habor liah te, Media-ho khuaahte a awmtir a.
17:7 chutianga an lo awmna chan chu Israela thlahte chuan Aigupta lal Pharaoa kut ata, Aigupta ram atanga hruai chhuaktu LALPA an Pathian chunga thil an tihsual a, pathian dangte an pawisak zâwka,
17:8 LALPAN Israela thlahte hmaa a lo hnawh chhuah tak hnamte thuriat leh Israel lalte pawm thuruatte anga an awm avânga ni.
17:9 Tin, Israela thlahte chuan LALPA an Pathianc hungah chuan thil tha lo tak a rukin an ti thin a, an khu zawng zawngah ralvengtue in sâng atangin a kulh nei khaw thlengin hmun sângte an siam a.
17:10 Tlâng sâng tinah leh thin ghring tin, hnuaia hian lungphunte phunin, Aseri te an siam a;
17:11 Chung hmun sâng zawng zawngahte chuan LALPAN an hmaa a um bo tak hnamte tih dan ang khan rimtuite an hal thin a: LALPA tihthinrim nân thil sual tak an ti bawk thin a;
17:12 LALPAN an hnêna, "Hetiang hi ti suh u," a tih milemte rawng an bâwl bawk thin.
17:13 LALPA chuan, "Dan zawm tûr, in pi leh pute ka pêk leh ka chhiahlawh zâwlneite hmanga ka hriattir che u ang zel chuan, in awm dan sual hi hawisan ula, ka thupêkte leh ka thu ruatte chu pawm rawh u," tiin Israelte leh Judate chu zâwlnei tin, leh hmutheitu tin hmangin a hriattir thin a.
17:14 chuti chung pawhin an pawm duh lo va, an pi leh pu, LALPA an Pathian ring duh lotute an intiluhlul angin an intiluhlul ve a.
17:15 Tin, a thuruat te, an pi leh pute hnêna an thuthlun te, an hnêna a thu hriattirte chu an pawisa duh lo va; thil lawilo mai mai an pawm a, engmah lo mai an lo ni ta a; an chungchâng thu alalpan, "Anmahni ang chuan ti suh u," a lo tih tawh, an kiang vela hnamte tih dan an la ve a.
17:16 Tin, LALPA an Pathian thupêk zawng zawngte chu na hawisan a, bawng no lem chhûng pahnih an siam a, tin, Aseri an siama, vâna awm zawng zawng khia n bia a, Baala rawng an bâwl thin a.
17:17 Tin, an fapate leh anfanute chu meiah an luhtir a, aien te leh dawite an ching a, LALPA tihthinrim nana a mithmuha thil tha lo tak ti tûrin an inzuar a.
17:18 Chuvang chuan LALPA chu Israelte chngah a thinrim ta êm êm a, a mithmu phak lovah a suan bo a daih a Juda hnam chauh lo chu awm an awm ta lo va.
17:19 Judate pawh chuan LALPA an Pathian thupêkte chu an zawm lo va, Israelte pawm thuruatte angin an awm zâwk a.
17:20 Tin, LALPAN Israela thlahte rêng rêng chu a duh ta lo va, anmahni chu a tibo daih ma loh chuan rawktute kuta a pe ta .
17:21 Israelte chu Davida chhûngte an nihna a paishak a si a; tichuan Nebata fapa Jeroboama kha lalah an siam a; in Jeroboama chuan Israelen LALPA an zi chu a lo kuai peng a, thil sual nasa aka tihtir a.
17:22 ,23, tin, Israela thlahte chuan Jeroboama thitihsual ang zawng zawng chu an ti ve a; chungte chu LALPAN a zâwlneite zawng zawng hmanga a lo sawi tahw anga a mithmuh phak lova a suan bo daih hma loh chuan an kalsan lo va. Chutichuan Israel- hote chu anmahni ram ata Assuria rama an hruai a a, tun thlengin an la awm a ni.
17:23 ,22 tin, Israela thlahte chuan Jeroboama thitihsual ang zawng zawng chu an ti ve a; chungte chu LALPAN a zâwlneite zawng zawng hmanga a lo sawi tahw anga a mithmuh phak lova a suan bo daih hma loh chuan an kalsan lo va. Chutichuan Israel- hote chu anmahni ram ata Assuria rama an hruai a a, tun thlengin an la awm a ni.
17:24 Tin, Assuria lalin Babulon khuaa mie, Kutha khua amite, Ava khuaa mi e, Hamath khuaa mi e, Sepharvaim khuaa mite a chah chhuak Samari ram khuahte chuan Israela thlahte hmun a luahtir a; tichuan Samari ram chu an lua a, a khuaahte chuan an awm ta a.
17:25 Tichuan chuta an han awm tirh chuan heti hi a ni a, LALPA an tih lo va, chutichuan LALPAN an zingah sakeibakneite a tir a, mi thenkhatte an seh a.
17:26 Chutichuan Assuria lal hnênah, "I suanho hnam te, Samariram khuaa i luahtirte hian heng lai ram Pathian biak dan hi an hre ve lo va; chuvang uan an zinga sakeibakneitea tir ta a; tin, ngai teh, heng lai ram Pathian biak dan an hriat ve loh avângin an se thin a ni," tiin an sawi a.
17:27 Tichuan Assuria lal chuan, "Khata sala in hruaite zinga mi puithiam pakhat hruai ula, lo awm ve sela, chu ram Pathian biak dan chu zirtir rawh se," tiin thu a pe a.
17:28 Chutichuan Samari ram atanga an hruaite zinga puithiam pakhat chu Bethel khuaah a va awm a, LALPA an tih dan tûr a zirtir a.
17:29 Nimahsela hnam tin chuan mahni pathian thian an siam theuh va, Samari miten hmun sâng an lo siam inahte chuan hnam tinin mahni awmna khua theuhvah an dah a.
17:30 Babulon mite chuan Sukkoth-benoth an siam a, tin, Kuth-ho chuan Nergal an siam a, tin, Hamath-ho chuan Asima an siam a,
17:31 Ava-ho chuan Nihaz leh Tartak an siam a, tin, Sepharvaim-ho chuan Sepharvaim-ho pathian Adramelek leh Anamelek hmingin an fate an hal thin a.
17:32 Chutichuan LALPA chu an tih a, an zinga mi hmun sâng inahte chuan mi an thawi thin a.
17:33 LALPA an tih a, an ruai chuahna rama mite nam tih dan angin anmahni pathiante rawng chu an bâwl thin a.
17:34 Tun hma lama an tih dan angin tun thlengin an la ti reng a ni LALPA chu an tih lo va, LALPAN Jakoba thla Israelte tia a vuahte hnênah,
17:35 "Pathian dangte chu tih suh ula, anmahni chu chibai bûk suh ula, an rawng bâwl suh ula, an hneha inthawi suh u;
17:36 LALPA, thiltihtheihna nasa tak leh ban phar meuhva Aigupta ram ata hruai chuaktu che u amah chu in ti zâwk tûr a ni a, amah chu chibai in bûk tûr a ni a, ama nenah in intawi tûr a ni;
17:37 tichuan thuruat te, rorêl te, dan te; thupêkte a lo ziaksak tak che u kha kumkhuain in pawm reng tûr a nia; pathian dangte chu in tih tûr a ni lo;
17:38 tin, inhnêna thu ka thlun hi in teihnghilh tûr ani lo; pathian dangte in tih tûr a ni hek lo;
17:39 LALPA in Pathian erawh chu in tih tûr a ni; tichuan in hmêlma zawng zawngte kut ata chu a chan chuak ang che u," tia thu a thlun a, an tana LALPA thupêk te, thuruat te, rorêl te, dan siamte chu an zawm hek lo.
17:40 Engti pawhin an pawm duh chuang lo va, tun hma lama an tih dan angin an la ti reng a.
17:41 Chutichuan hung hnamte chuan LALPA zawng an tih a, an milem siam chawpte rawng pawh an bâwl bawk a; chutiang bawkin an thlahte leh an thlahte thlah thleng pawhin tun thleng hian an pi leh pute tih angin an la ti reng a ni.
18:1 Tin, Ela fapa Israel lal Hosea kum thum a lal kum chuan heti hi a nia, Juda lal Ahaza fapa Jezekia ch a lal tan a.
18:2 A lal tantir chuan kum sâwmhnih leh kum nga a ni; tin, Jerusalem-ah kum sâwmhnih leh kum kua a lal a; a nu hming chu Abii, Zekaria fanu a ni.
18:3 Tin, apu Davida thiltih apiang ti vein LALPA mithmuha thil tha tak a ti thin a.
18:4 Hmun sângte a thehthang bo va, lungphunte a tichim a, Aseri te a kit a; tin, Mosia dar rul siamte chu a tikeh sawm vek a; chung lai hun thleng chuan Israela thlahten a hnênah rimtui an hal thin a ni; chu chu Nehustan an ti thin.
18:5 Ani chan LALPA Israelte Pathianc hu a ring a; chutichuan a hnua Juda lal zawng zawngte zingah amah ang tumah an awm lo va, ahmaah pawh an awm hek lo.
18:6 LALPA chu a vuan tlat a, amah a zui ch a bang du lo va, a thupêk LALPAN Mosia a pêkte chu a zawm a.
18:7 Tichuan LALPA chua hnênah a awm a; a chhuahvana apiangah a hmuingil zel a Assuria lal chungah a el a, a rawng a bâwl ta lo va.
18:8 Philistia-hote chu Gaza khaw thelngin a ram chin zawng zawngte nen, ralvengtute in sâng atanga kul neih khaw thlengin a hneh vek a.
18:9 Tin, lal Hezekia kum lia lal kum Israel lal Ela fapa Josea kum sarih a lal kum chuanheti hi a ni a, Assuria lal Salmanesera chuan Samari khua a han bei a, a han hual a.
18:10 Tin, kum yhum a vei kumin a la ta a; Hezekia kum ruk a lak kum, Israel lal Hosea kum kua a lal kumin ani Samari khua chu an lak ni.
18:11 ,12 Tin, LALPA an Pathian thu chu an pawm duh loh va, a thuthlung chu an bawhchiat zâwk a, LALPAN a chiahlawh Mosia th a pêk zawng zawngte ngei kha an pawm duh lohva an tih duh loh avângin , Assuria lal chuan Israel-hote chu Assuria ramah a hruai a, hala ramah te, Gozan rama Habor luiah te, Media-ho khuaahte a awmtir ta a ni.
18:12 ,11 Tin, LALPA an Pathian thu chu an pawm duh loh va, a thuthlung chu an bawhchiat zâwk a, LALPAN a chiahlawh Mosia th a pêk zawng zawngte ngei kha an pawm duh lohva an tih duh loh avângin , Assuria lal chuan Israel-hote chu Assuria ramah a hruai a, hala ramah te, Gozan rama Habor luiah te, Media-ho khuaahte a awmtir ta a ni.
18:13 Tin, lal Hezekia kum sâwm leh kum li a lal kumin Assuria ram lal Senakeriba chu Judai rama khua kulhpi nei zawng zawng bei tûrin a han chho va, a la ta a.
18:14 Tin, Juda lal Hezekian Lakis khuaaAssuria lal hnênah chuan, "Thil ka lo tisual ta a ni e, mi kiansan leh mai rawh, i mi tuk apiang chu ka tuar zel ang e," tiin thu a tahwn a. Tin, Assuria lal chuan Juda lal Jezekia chu tangka talent zathum leh rangkachak talent sawmthum a tuk a.
18:15 Tichuan Jezekia chuan LALPA ina tangka awm zawng zawng leh lal ina ro dah khawmnaa mi zawng zawng chu a pe a.
18:16 Chumi tum ngei chuan Jezekia chuan LALPA biak in kawngkhâra mi leh, Juda lal Jezekian bana rangkachak a luante chu a la thla vek a, Assuria lal a pe a ni.
18:17 Tin, Assuria lal chuan Tartan te, Rabsari te leh Rabsake te sipai tam tak nen Lakis khua atangin Jerusalem khuaa lal Jezekia hnênah chuan a tir a. Tin, Jerusalem khua chu an han thleng a. Tin, an han thlen chuan puan sutu phul kalkawnga dil chakta zâwk tuilakna kiangah chuan an ding a.
18:18 Tin, lal chu an han auh chuan, in chhûng lam hotuHilkia fapa Eliakima te, lehkha ziaktu Sebna te, chanchin ziaktu Asapha fapa Joa te chu an hnênah an va chhuak a.
18:19 Tin, Rabsake-a chuan an hnênah, "Hezekia hnênah han sawi tawh u khai, ;Lal ropui tak Assuria lal chuan heti hian a ti, I rin i nghahna hi ngnge ni le?
18:20 Indona atân chuan remruat thiam leh chakna kan eni a ni, i ti a; nimahsela chu chu tawngka mai a ni. Tunge i rina ka chunga i hel tak ni le:
18:21 Ngai teh, he luang sawp tiang, Aigupta hi i ring ta a ni a; chu chu miina rinchhan chuan a kutah a chhun ang; Aigupa lal Pharaoa chu amah ringtu zawng zawng chungah chuan chutiang chu a ni thin.
18:22 Ani hloh leh, ka hnênah, LALPA kan Pathian chu a ni kan rin ni in tih chuan, ani chu Jezekian Juda-ho leh Jerusalemho hneah Jerusalem khuaa he mâicham hmaah hian in be tûr a ni, tiin a hmun sângte leh a maichâmte a lak bosak a kha a ni lâwm ni?' tiin.
18:23 Chutichuan ka pu Assuria lal nen chuan thu intiam rawh u khai, tichuan sakawr sânghnih ka pe ang che, a chunga chuangtu tûrte i hmuh theih dâwn phawt chuan.
18:24 Engtin nge tawlailirte leh sakawr chung chuang mite thu-ah Aigupta chunga i rinna ngahtin, ka pu mite zinga te ber hotu pakhat pawh hi i dan kir zawh dâwn tehlul ni?
18:25 Tin, he ram hi LALPA thu lova tichhe tûra lo cho êm ka nih? LALPAN ka hnênah, "Chu ram chu han bei la, tichher rawh,' a ti a ni,' tiin" a ti a.
18:26 Tin, Hilkia fapa Eliakima leh Sebna leh Joa te chuan Rabsake hnênah, "Khawngaih takin i chhiahhlawhte hi Suria tawngin min be tawh zâwk rawh; chu chu kan hre thei si a: kulh chunga mite benghriatah hian Juda tawngin min be tawh suh," an ti a.
18:27 Nimahsela Rabsake-a chuan an hnênah, "Ka pu chuan in pu hnên leh in hnên chauhvah heng thu hi sawi tûrin mi tir êm ni?Kulh chunga thuho, nangni leh anni mahni ek la ei tûr leh mahni zun la in tûrte hnênah hian mi tir bawk ani lâwm ni?" a ti a.
18:28 Tin, Rabsake chu a din ga, Juda tawngin aw ring takin a au va, "Lal ropui tak Assuria lal thu hi ngaithla rawh u.
18:29 Lal chuan heti hian a ti, 'Hezekia bumin awm suh u; ani chuan a kut ata a chanhim thei dâwn si lo che u a:
18:30 Hezekia chuan, LALPAN min chhanhim ngei ang a; tin, he khawpui hi Assuria lal kutah pêk ani lo vang, tiin LALPA chu rintir che u suh se.
18:31 ,32 Hezekia thu chu pawm suh u: Assuria lal chuan heti hian a ti a ni, Min rem ula, ka hnênah hian lo chhuak rawh u; tin, nangmahni ram anga bu leh uain ram, chhang leh grêp huan ram, olive leh khawizu ram, thi lova in nun theihna tûr rama ka rawn hruai hma loh che u chuan mi tinin mahni grêp hruia mi leh mi tinin mahni theipui kunga mi ei theuh ula, mi tinin mahni tuikhur tui tlan theuh rawh u; Hezekian, lalpan mi chhanhin ang, tia a them che u pawhin pawm duh suh u.
18:32 ,31 Hezekia thu chu pawm suh u: Assuria lal chuan heti hian a ti a ni, Min rem ula, ka hnênah hian lo chhuak rawh u; tin, nangmahni ram anga bu leh uain ram, chhang leh grêp huan ram, olive leh khawizu ram, thi lova in nun theihna tûr rama ka rawn hruai hma loh che u chuan mi tinin mahni grêp hruia mi leh mi tinin mahni theipui kunga mi ei theuh ula, mi tinin mahni tuikhur tui tlan theuh rawh u; Hezekian, lalpan mi chhanhin ang, tia a them che u pawhin pawm duh suh u.
18:33 Hnam tinte pathian zawng zawng zinga mi rêng rêngin an ram chu Assuria lal lakah an chhanhim tawh ngai êm ni?
18:34 Hamath leh Arpad pathiante kha khawiah nge an awm tak? Sepharvaim te, Hena te, Iva te pathiante pawh kha khawiah nge an awm tak? Samari khua kha ka lakah an chhanhim êm ni?
18:35 Ram tin pathian zawng zawngte zinga mi chuan tute nge an ram ka lakah chhanhim a, LALPA chuan Jerusalem khua hi ka lakah a han chanhim tehlul ang?' tiin," a ti a.
18:36 Anni erawh chu an ngawi reng a, kam khat mahin an chang lo: lal thupêk dan chu, "Ani chu chhang suh u," tih a ni si a.
18:37 Chutichuan lal in chung lam hotu Hilkia fapa Eliakima te, lehkhaziaktu Sebna te chanchin ziaktu Asapha fapa Joa te chu an silhfên pawhthlêrte inbelin Jezekia hnênah chuan an kal a, Rabsakea thu sawite chu an hrilh a.
19:1 Tin, lal Hezekia chuan chu chu a hriatin heti hi a ni a, a silhfente chu a pawt thlêr a, saiip puana inbel a, LALPA ina chuan a lût ta a.
19:2 Tin, in chhûng lam hotu Eliakima leh, lehkhaziaktu Sebna leh, puithiam upate chu saiip puan inbelin Amoza fapa zâwlnei Isaia hnêna a ti ra.
19:3 Tin, anni chuan a hnênah, "Hezekian heti ian a ti, 'Vawiin ni hi manganna leh zilhhauna leh hmingchhiatna ni a ni: naute chu an pian a hun tawh si a, hrin gtûrin chakna a awm taw si lo.
19:4 A pu Assuria lalin Pathian nung sawichhe tûra a tirh Rabsake thu sawi zawng zawngte chu, LALPA i Pathian chuan a hria ang a, a thu sawi, LALPA i Pathianin a thu hriata chu a la zilhhau mahna: chu mi avâng chuan a la awm chunte chu tawngtaisak rawh,' a ti e," an ti a.
19:5 Chutichuan lal Hezekia mite ch Isaia hnênah an kal a.
19:6 Tin, Isaia chuanan hnênah, "In pu hnênah heti hian sawi ang che u, 'LALPA chuan heti hian a ti, I thu hriat, Assuria lal miten mi sawi chiatnate kha hlau suh.
19:7 Ngai teh, a kawchhûnga chuan thlarau ka awmtir ang a, thuthang a hria ang a, ama ramah a haw leh ang; tichuan ama ram ngeiah chuan khandaiha tihtlukin ka awmtir ang, a tie,' tiin," a ti a.
19:8 Chutichuan Rabsake chu a kir leh a, Assuria lal chuan Libna khua a lo bei lai a va hmu a; Lakis khua ata chu a chuak tih a hre tawh reng a ni.
19:9 Tin, "Ngai teh, nangmah bei tûrin a chhuak ta," tia Tirhaka, Ethiopia ram lal chungchang thu mi sawi a lo hriat chuan Hezekia hnênah mite a tir a,
19:10 "Heti hian Juda lal Jezekia hnêna sawi ang che u, ' I pathian i rina chuan Jerusalem khua Assuria lal kuta pêk a ni lovang, tiin bum che suh se.
19:11 Ngai teh, Assuria lalten ram zawng zawng tiche vekaa chunga an thiltihte kha i hria a; nang hi chhanhim i ni dâwn bik êm ni?
19:12 Hnam tin, pathiante chuan ka pi leh puten an tihboralte kha an chanhim êm ni? Gozan te, Haran te, Rezeph te, Eden fa Telasar khuaa awm te kha.
19:13 Hamath lal te, Arpad lal te, Sepharvaim khawpi lal te, Hena lal te, Iva lal te, kha khawiah nge an awm tak ?' tiin," a ti a.
19:14 Tin, Hezekia chuan a mi tirhte kut ata lehkha hu a hmu a, a han chhiar a: tichuan Hezekia chu LALPA inah chuan a han lût a, LALPA hmaah chuan a pharha a.
19:15 Tin, Hezekia chuan LALPA hmaah a tawngtai a, "Aw LALPA, cherubte chunga thu, Israela Pathian, nang, nang chauh hi leilung ram zawng zawng Pathian chu i ni; lei leh vân hi nangma siam a ni.
19:16 Aw LALPA, i beng lo chhi la, ngaithla teh; aw LALPA, i mit meng la, en teh; Pathian nung sawichhe tûra Sanakeriban thu a rawn sawi hi ngaithla teh.
19:17 LALPA, Assuria lalten hnamte leh an ramte chu an tichhe thin tak a,
19:18 an pathiante chu meiah an paih bawk thin a: chungte chu pathian an ni lo reng a, mihring kuta siam, thing leh lung an ni zâwk a ni: chuvângin an tiboral a ni.
19:19 chuvângin aw LALPA kan pathian, nang, nangmah chauh hi LALPA Pathian i ni tih leilung luah ram zawng zawng hian an hriat teih nân a lakah hian min chhandam ngei ngeia ng che," tiin.
19:20 Chu mi lai chuan Amoza fapa Isaia chuan Jezekia hnênah, "LALPA Israela Pathianc haun heti hian a ti a ni, 'Assuria lal Senakeriba chhiatna tûr lam ka hnêna i tawngtai kha ka lo hria e,' tin,.
19:21 Hei hi a chungchâng thu LALPAN a sawi chu a ni: 'Zion fanu nula chuan a hmusit chia, a nuihzatbur che; Jerusalem fanu chuan a lu a thin khum che.
19:22 Tunge i tihhmingchhiat a, i sawi chhiat? Tu chungah nge i aw ti tihpawr a, i mit i lek san? Israelho Mi Thianghlima chungah alawm.
19:23 I mi tirhte hmangin LALPA chu i tihmingchhia a, ka tawlailir tam tak nen Lebanon ram ril tlâng sângte ka lo thleng chho ta a; Chuta Sidar thing sâng takte leh far thing tha thate chu ka kit ang a: a lei tha hmun ramngaw a chenna hmun ril berah chuan ka lût ang.
19:24 Ram dang tui ka lai chhuak a, ak tlan thin a, ka kephah hnuai hian Aigupta lui zawng zawng chu ka tikang vek ang, ti ti a.
19:25 Keiman hman lai ata chung chu ka tih a nihzia te, hmasâng ata chung chu ka tih a nihzia te, hmasâng ata chung chu ka siam anihzia te i hre lo vem ni? Khaw kulh neite chu in chim khâwm mai anga tichetu atân ka ruat ta che anih hi.
19:26 Chuvang chuan a chhûnga awmte chu chakna n nei lo va, an zam a, an lo mualpho tak kha; phul hlobet ang leh, hnim hring ang leh, inchunga hlobet ang leh, buh len hmaa thli êm vuai ang an nih kha.
19:27 Kei chuan i thut te, i luh leh i chhuah te, ka chunga i thinur te hi ka hria asin.
19:28 ka chunga i thinur avâng leh , i tawng chaltlai chu ka bengah a lo luh choh tak avâng hian ka hnar kvuah chu i hnarah ka vuah ang a, ka thirbarh chu i hmuiah, i lo kalna kawng ngeiah khan ka kirtir leh ang che,' tiin.
19:29 Tin, hei hi i tan chhinchhiahna nai ang: kuminah bu hli in ring ang a; nakkumah a hli bawk: tin, a kum thumnaah chuan buhte tuh ula, at ula, grêp huante siam ula, a rahte ei rawh u.
19:30 Tichuan Juda chungte zinga la dam chhunte chuan a chhuk zawngin zung an kai ang a, a cho zawngin an rah leh ang.
19:31 Jerusalem atangin a la awm chunte Zion tlâng atangin a la damte chu an chhuak dâwn a ni: LALPA thahnemngaihna chuan chung chu a ti ang.
19:32 Chuvângin LALPA chuan Assuria lal chungchâng thu chu heti hian a sawi, ;He khawpui hi a lo thleng lo vang, phaw nen a kiangah a lo kal hek lo vang a, a khaw hrûlah lei an tiang pawng hek lo vang.
19:33 A lo kalna kawngah, ch miah ngei chuan a let leh ang a, he khawpui hia lo thleng lo vang.
19:34 Keimah avâng leh ka chhiahhlawh Davida avângin he khawpui hi chanhim tûrin ka veng dâwn ni,' LALPAN a ti," tiin, mi a tir a.
19:35 Tichuan chu mi zan chuan heti hi a ni a, LALPA vântirhkoh chu a tahwk chuak a, Assuria-ho ruahhmuna chuan mi nuai khat leh singriat leh sângnga a tihlum a: tin, zing taka an han thawh chuan, ngai teh, mitthi ruang hlir a lo ni ta mai a.
19:36 Chutichuan Assuria lal Senakeriba chu a chuak a, alet leh a, a kal leh ta zel a, Ninevi khuah chuan a awm ta a.
19:37 Tin, a pathian Nisroka ina chuan amah a biak laiin heti hia ni a, Adrammeleka leh Sarezera te chuan khandaihin an tihlum a: tichuan Arara rama chuan an lan lût ta a. Tin, a fapa Esar-haddona chu a aiawhina lal ta a.
20:1 Chung lai chuan Hezekia chu thih ngamin a nâ a, Tichuan Amoza fapa zâwlnei Isaia chu a hnêna a lo kal a, a hnênah, "LALPA chuan heti hian a ti, ' I chungte awm dan tûr sawi rawh khai, i dam chhuak zo dâwn si lo va,' tiin," a ti a.
20:2 Chutichuan bang lam hawiin a let a, LALPA hnênah,
20:3 "Aw LALPA, i hmaa thutak leh thinlung tha famkim pua ka awm thinzia leh, i mithmuha thil tha ka tih thinzia kha khawngaih takin hre reng ang che," tiin a tawngtai a. Tin, Jezekia chu a tap ta zawih zawih a.
20:4 Tin, Isaia chuan khawpui lai tak pawh chu a thlen hmain heti hi a ni a, LALPA thu a hnêna a lo thleng a,
20:5 "Kir leh la, ka mite hotu Jezekia hnênah sawi rawh, 'LALPA i pu Davida Pathian chuan heti hian a ti, I tawngtaina kha ka hria a, i mittui tla pawh ka hmu e: ngai teh, ka tidam ang chia; ni thum nia chuan LALPA inah i han kal ang.
20:6 Tin, i dam chung kumte hi kum sâwm leh kum ngain ka tisei ang a; tinnang leh he khawpui hi Assuria lal lakah ka chhanhim ang a; tin, keimah avâng leh ka chiahhlawh Davida avângin he khawpui hi ka hum ang, a ti,' tiin."
20:7 Tin, Isaian, "Theipui rah khâwn khat han la rawh u," a ti a. Tichuan an rawn la a, khawihliah huan an bel a, a lo dam leh ta a.
20:8 Tin, Hezekian Isaia hnênah, "LALPAN mi tidam ang a, LALPA inah a ni thum niin ka han kal ang tih chhinchhiahna eng nge ni ang?" a ti a.
20:9 Tin, Isaian, "LALPAN a thil sawihi a ti ngei dâwn tih hei hi i tan LALPA laka chhinchhiahna tûr chu a ni ang: hlim chu rahka sawm thlenga a tawlh chhoh nge i duh rahka sawm thlenga a tawlh kir?" a ti a.
20:10 Tin, Jezekian a chhâng a, 'Hlim chu rahka sawm thlenga tawlhchho chu a awl êm a, chu zawng ni love, hlim chu rahka sawm thlengin tawlh kir zâwk rawh se," a ti a.
20:11 Tichan zâwlnei Isaia chuan LALPA a han au va; tin, Ahaza darchinhriatnaa hlim hniam tawh chu rahka sawm thlengin a tikir leh ta a.
20:12 Chu mi lai chuan Baladana fapa Babulon lal Merodak-baladana chan lehkhate leh lawmnate Jezekia a thawn a: Jezekia chu a na tih a riat avângin.
20:13 Tichuan Jezekia chuan anni chu a lo lâwm a, a thl hlu dana in zawng anwg te, tangka te, rangkachak te, englo rimti te, hriak hlu tak te a râlthuam dahna in chung te,a ro awm zawng zawngte chu a entir a: a ina mi leh a ram chhûnga mi Hezekiana entir loh rêng rêng a awm lo.
20:14 Chu mi lai chuan zâwlnei Isaia chu lal Hezekia hnênah a kal a, a hnênah, "Kha mi te khan eng nge an sawi? Khawi atangin nge i hnênah an lo kal?" a ti a. Tin, Hezekia chuan, "Ram hla tak, Babulon atang chuan an lo kal a ni," a ti a.
20:15 Tichuan ani chuan, "I inah hian eng eng nge an hmuh?" a ti a. Tin, Hezekia chuan, "Ka in chunga awm zawng zawng chu an hmu vek a, ka ro zinga mi ka entir loh rêng rêng a awm lo," tiin a chhâng a.
20:16 Tin, Isaian Hezekia hnênah, "LALPA thu hi lo ngaithla rawh khai.
20:17 Ngai teh, i in chunga awm zawng zawng leh vawiin thlenga i pi leh puten an lo khawl khawmtete chu Babulon khuaa an kalpui nite a lo la thleng; engma rêng rêng hnutchiah a awm lo vang,' LALPAN a ti.
20:18 Tin, i rila rah, i hrin tûr, i fate ngei zinga mi pawh an kal bopi ang a; Babulon lal inah chuan mi tilreh an la ni ang,' a ti," a ti a.
20:19 Tichuan Hezekian Isaia hnênah, "I sawi LALPA thu hi a tha e," ti a. Tin, "Ka dam chung hian remna leh thutak a awm dâwn phawt chuan," a ti lehnghal a.
20:20 Tichuan Hezekia chanchin dang te, a thiltihtheihzia zawng zawng te, dil leh tuilâknaa siam a, khawpui chhûnga tui a lak thu te leh Juda lalte lal lai thu ziakna bua a chuang ani lâwm ni?
20:21 Tin, Hezekia chu a pi leh pute hnênah a muhil ta a: tichuan a fapa Manasea chu a aiawhin a lal ta a.
21:1 Manasea chu a lal tantirhin kum sâwm leh kum hnih mi a ni a; Jerusalem ah kum sâwmnga leh kum nga a lal a: a nu hming chu Jephzibi a ni.
21:2 Tin, LALPAN Israela thlahte hmaa a hnawchhuah tak hnamten thil tenawm tak an tih thin ang, LALPA mithmuha thil tha lo takte chu a ti thin a.
21:3 A pa Jezekian a tihchiat tawh hmun sângte chu a din leh a; Israel lal Ahaba tih angin Baala maichâmte a din a, Aseri te a siam a, vâna awm zawng zawng khia a bi aa, an rawng a bâwl a,
21:4 LALPAN, "Jerusalem-a ka hming ka awmtir ang," a tihna LALPA inah chuan maichâmte a siam a.
21:5 LALPA in hung chung kawtlai pahnihah chuan vâna awm zawng zawng tan mâicham a siam a.
21:6 Tin, a fapa ch meia a lûtir a, aiente a ching a, dawite a hmang a, ramhuai aienthiam zawlte leh dawithiamte a ruai thin a: LALPA mithmuha thil tha lo nasa tak a tithintûrin a ti thin a.
21:7 ,8 Tin, LALPAN Davida leh a fapa Solomona hnênah, "He in leh Jerusalem khua, Israel chi zawng zawng zinga ka thlanah hian ka hming chu kumkhuain ka awmtir ang a; thu ka pêk ang zawng zawng leh ka chhiahhlawh Mosian dan a pêk ang zawng zawng khaan pawm phawt chuan an pi leh pute ka pêk tawh ram ata chu Israelte kete pawh hi ka pen chuahtir tawh bawk hek lo vang" a lo tih tawh inahc haun Aseri lem a siam chu a dah a.
21:8 ,7 Tin, LALPAN Davida leh a fapa Solomona hnênah, "He in leh Jerusalem khua, Israel chi zawng zawng zinga ka thlanah hian ka hming chu kumkhuain ka awmtir ang a; thu ka pêk ang zawng zawng leh ka chhiahhlawh Mosian dan a pêk ang zawng zawng khaan pawm phawt chuan an pi leh pute ka pêk tawh ram ata chu Israelte kete pawh hi ka pen chuahtir tawh bawk hek lo vang" a lo tih tawh inahc haun Aseri lem a siam chu a dah a.
21:9 Nimahsela an pawm duh lo va; LALPAN Israela thlahteho hmaa a hnawchauh tak hnamte tih ai maha nasa zâwk thil tisual tûrin Manasea chuan mite a thlem thin a.
21:10 Tin, LALPAN a chiahhlawh zâwlneite hmangin thu a sawi a:
21:11 "Juda lal Manasea hian heng thil tenawm takte hi a ti a, a hmaa Amor-hote ai mahina tisual nasa a, Juda-ho hia milemtein til a tihsualtir avângin:
21:12 LALPA, Israelte Pathianin heti hian a ti: 'Ngai teh u, Jerusalem leh Juda chnga hian a hria apiangte beng khing hnih thawng khawp thil tha lo ka rawn thlentir dâwn e.
21:13 Samari tehna hrui leh Ahaba chhûng darmumkhai chu Jerusalem chungah ka zam ang a: tin, miin thleng a hru a, a tilinglet ang maiin Jerusalem chu ka hru ang.
21:14 ,15 Tin, ka rochan la awm chunte chu ka paih thla ang a, an hmêlmate kutah a pe ang: tichuan an pi leh pute Aigupta rama an lo chauh ata vawiin thleng hian ka mithmuha thil tha lo tak an ti a, mi tihthinrim avâng hian an hmêlma zawng zawngte man tûr leh râllâk tûr an ni ang,' tiin," a ti a.
21:15 ,14 Tin, ka rochan la awm chunte chu ka paih thla ang a, an hmêlmate kutah a pe ang: tichuan an pi leh pute Aigupta rama an lo chauh ata vawiin thleng hian ka mithmuha thil tha lo tak an ti a, mi tihthinrim avâng hian an hmêlma zawng zawngte man tûr leh râllâk tûr an ni ang,' tiin," a ti a.
21:16 LALPA mithmuha thil tha lo tak tia Judate thil a tihsualtira sualna thiam lovin Mnasea chuan pawikhawih lo thisen nasa takin a chhuah bawk a, Jerusalem dung leh vang a khat a.
21:17 Tichuan Mansea chanchin dang te, a thiltih zawng zawng te, a thil tihsual te chu Juda lalte lal lai thu ziakna buah a chuang a ni lâwm ni?
21:18 Tin, Manasea chu a pi leh pute hnênah chuan a muhil a, Uza huana ama in bul huana an phûm ta a; tichuan a fapa Amona chu a aiawhin a lal ta a.
21:19 Amona chu alal tantirhin kum sâwmhnih leh kum hnih a ni a; Jerusalem-ah kum hnih a lal a: a nu hming chu Mesulemethi, Jotba khuaa Jaruza fanu a ni a.
21:20 Tin, a pa Manasea tih ang bawk LALPA mithmuha thil tha lo tak a ti ve thin a.
21:21 A pa kawng zawh zawng zawng chu a zawh vek a, apan milem rawng a bâwlte chu a bâwl a, chibai a bûk ve a:
21:22 tichuan LALPA, a pi leh pue Pathian chu a kalsan a. LALPA kawng chu a zawh lo va.
21:23 Tin, Amona miten amah an phiar ru a, lal chu ama ina an tihlum a.
21:24 Nimahsela chu mi rama mite chuan lal Amona phira rutu zawng zawngte chu an tihlum ta vek a; tichuan chu mi rama mite chuan a fapa Josia chu a aiawhin lalah an siam ta a,
21:25 Tichuan Amona thiltih dangte chu Juda lalte lal lai thu ziakna buah a chuang a ni lâwm ni?
21:26 Tin, Uza huana ama thlana an phûm a: tin, a fapa Josia chu a aiawhin a lal ta a.
22:1 Josia chu a lal tantirhin kum riat mi a ni a; Jerusalem-ah kum sâwmthum leh kum khat a lal a: a nu hming chu Jedidi, Bozkath khuaa Adaia fanu a ni.
22:2 Tin, LALPA mithmuha thil fel tak a ti thin a, a pu Davida kawng zawh zawng zawng chu a zawh ve a, ding lamah emaw vei lamah emaw a pensan lo va.
22:3 Tin, lal Josia a lal kum sâwmleh kum riat kumin heti hi a ni a, lal chuan Mesullama fa Azalia fapa lehkhaziaktu Saphana chu a tir a,
22:4 "Puithiam lalbe Hilkia hnênah han kal la, kawngkhâr vêngtuten mite hnên ata an lo lak khâwm LALPA ina tangka rawn dah chu chhiar sela;
22:5 LALPA in satu hnathawktute pe rawh se;
22:6 thingrem siamtu te, in satu te, in chhe siamtute huan in he lai siamna thing leh lungchher an lei theih nân," tiin LALPA inah a tir a.
22:7 Amaherawhchu tangka an pekate chu an enzuipui leh lem chuang lo; rinawm taka an tih thin avângin.
22:8 Tin, puithiam lalber Hilkia chuan lehkhaziaktu Saphana chu lal hnênah a kal a, lal hnênah thu chu a va thlen leh a, "I mite chuan thu chu a va thlen leh a, "I mite chuan ina tangka awm chu an pe chhuak vek ta e," a ti a.
22:9 Tin, lehkha ziaktu Saphana chu lal hnênah a kal a, lal hnênah thu chu a va thlen leh a, "I mite chuan ina tangka awm chu an pe chhuak vek a, lalpa in satu hnathawktute an pe vek ta e," a ti a.
22:10 Tin, lehkhaziaktu Saphana chuan, "Puithiam Hilian lehkhabu mi lo pe asin," tiin lal chu a hrilh a. Tin, Saphana chuan, lal hmaah a chhiar a,
22:11 Tin, lalin dan lehkhabu thute hu a han hriat chuan heti hi a ni a, a puante a pawt thlêr ta a.
22:12 Tin, lal chuan puithiam Hilkia te, Saphana fapa Ahikama te, Mikaia fapa Akbora te, lehkhaziaktu Saphana te, lal mi Asaia te hnêna chuan,
22:13 "Kei leh, mipui leh, Juda-ho zawng zawng hi he lehkhabu chara thu chuang thuah hian LALPA min va rawnsak teh u: kan tih tûra he mi lehkhabua ziak ang zawng zawng hi kan pi leh puten an lo zawm loh avângin kan chungah hian LALPA thinura chu a alh nasat tawh em hi," a ti a.
22:14 Chutichuan puithiam Hilkia te, Ahikama te, Akbora te, Saphana te, Asaia te chu silhfên enkawltu Harhasa fa Tikva fapa Salluma nupui zâwlnei Huldi hnênah chuan an kal a, an va bia a. (Ani chu Jerusalem Misne-a awm ania.)
22:15 Tin, ani chuan an hnênah, "LALPA, Israelte Pathianin heti hian a ti: Ka hnêna rawn tirtu che u hi hrilh rawh u.
22:16 LALPAN heti hian a ti e: Ngai teh, he mi hmunah leh, a chhûnga chenghote chunga hian thil tha lo tak ka rawn thlentir dâwn a ni, Juda lalin lehkhabua a thu chiar zawng zawng ang kha:
22:17 mi kalsan a, pathian dange hnênah rimtui an hal a, an kut chhuaka mi tihthinrim avângin he mi hmuna hian ka thinurna a alh nasa dâwn a, a mit mai dâwn lo ve.
22:18 Nimahsela LALPA rawn tûra rawn tirtu che u Juda lal hnênah huan hetiang hian sawi ang che u: LALPA Israelte Pathianin heti hian a ti: I thu hriat chungchâng thuah chuan -
22:19 hemi hmun leh, a chhunga chengte hi tihtiau leh ânchhedawngin an la awm ang tih thu ka sawi kha i lo hriat a, i rilrute a nem a, LALPA hmaa i ingaihtlâwm a, i puante i pawh thlêr a, ka hmaa i tah avângin, kei pawhin i thu chu ka lo hria e, LALPAN a ti.
22:20 Chutichuan ngai teh, i pi leh pute hnênah ka hruai ang chia, i thlanah thlamuang taka hruaiin i awm ang a, he mi hmuna thil tha lo tak ka rawn thlentir tûr chu i mitin a hmu hek lo vang, a ti e,' tiin," a ti a. Tichuan thu chu lal hnênah an va thlen leh a.
23:1 Tin, lal chuan mite a tir a, Judai ram leh Jerusalem khawpuia upa zawng zawng a hnênah an ko khâwm chiam a.
23:2 Tin, lal chu Judai rama mi zawng zawng nen, Jerusalem khuaa mi zawng zawng nen, puithiamte leh zâwlneite nen, mipui zawng zawngte nen chuan a lian a tein LALPA inah chuan an han chho va; tin, LALPA ina an lehkhabu chara thuthlung bua chuang zawng zawng chu an benghriatah a chhiar a.
23:3 Tin, lal chu ban hrûlah a ding a, chu mi lehkhabua chuang thuthlung thu chu tinghet tûrin thinlung zawng zawng leh thlarau zawng zawnga LALPA zui tûr leha thupêkte, a thu hriattir te, a thuruatte pawm tûrin LALPA hmaah huan thu a thlung a: tin, mipui zawng zawng pawhin an thlunpui a,
23:4 Tin, lalin puithiam lalber Hilkia te, a dawttu puithiam te, kawngkhâr vêngtute chu LALPA biak in chunga Baala leh, Aseri leh, vâna thil awmho zawng awng tana siam bungbêl zawng zawngte chu la chhuak vek tûrin thu a pe a: tihuan Jerusalem pawn lam, Kidron phulah a hal a, a vapte chu Bethel-ah a kalpui a.
23:5 Tin, milem beho puithiamte, Juda lalten Judai ram khawpui hmun angahte, Jerusalem vela rimtui hal tûra an lo ruatte chu a bantir a; Baala tan te, ni tan te, thla tan te, arsi tan te, vâna awmho zawng awn tan tea rimtui altute pawh chu.
23:6 Tin, LALPA ina Aseri chu Jerusalem pawn lam, Kidron luiah a la chhuak a, Kidron luiah chuan a hal a, a rap sawm dep a, a dip chu mi naran te thlanah a theh a.
23:7 Tin, Aseri puan tahho hmeichhe awmna, LALPA ina mipa inzuarho awmna inte chu a thiatsak a.
23:8 Tin, Juda khawpui atate chu puithiam zawng zawng a hruai chhuak a, puithiamhote rimtui halna hmun sângte chu Geba tanga Beer-seba thlengin a tibawrhbang vek a; khawpui kawngka luha vei lampanga khawpui awptu Josua kawngka luha kawngkatea hmun sângte chu a tichim a.
23:9 Hmun sâng puithiamte chu Jerusalem-a LALPA maichâmah an han chho ve lo na a, an unaute zingah chhang dawidim telh loh erawh chu an ei ve thin.
23:10 Tin, tumahin an fapa emaw, an fanu emaw Moleka puala meia an luhtir tawh lohna tûrin, Hinoma thlahte ruama Topeth chu a tibawrhbang a.
23:11 Tin, LALPA in luhnaa a in ual chhûnga lal in vêngtu Nathanmeleka pindan bula Juda lalten ni tana sakawr an pekte chu a suan bo vek a; ni tawlailirte chu a hal a.
23:12 Tin, Ahaza in chnawng chunga Jud alalten mâicham an siamte leh Manasean LALPA in hung chhung kawtlai pahniha mâicham a siamte chu lal chuan a tichim a, a tisawm berh a, anawite chu Kidron luiah a paih a.
23:13 Tin, Jerusalem bul chiatna tlâng ding lampanga Zidon ho pathian tenawm tak Astarethi tan te, Moab-o pathian tenawm tak Kemosa tan te, Amona thlahte pathian tenawm tak Milkoma tan te, Israel lal Solomonan hmun sâng a siamte chu lal chuan a tibawrhbang a.
23:14 Tin, lungphunte chu a tikeh sawm vek a, Aseri-te chu a kit thlu a chung hmuanhte chuan miring ruh a dah ta a.
23:15 Tin, chu lo pawh chu Israelte thil tihsualtirtu Nebata fapa Jeroboaman Bethel-a mâicham leh hmun sâng a siam chu, chu mi mâicham leh hmun sâng lamin a tichim bawk a; tichuan hmun sâng chu ahal a, a rap sawm dep a, Aseri chu a hal ta a.
23:16 Tin, Josia chu a han hawi a, tlânga thlante chu a han hmu a; tichuan thlana ruhte chu a va laktir a, chung thu lo sawitu Pathian miin a lo sawi, LALPA thu ang ngeiin maichâma chuan a hal a, a tibawrhbang a.
23:17 Tichuan ani chuan, "Saw tu lungphun nge ka han hmuh saw?" a ti a. Tin, khuaa mite chuan, "Pathian mi, Judai ram atanga lo kal, Bethel-a mâicham chunga i tih tak hi lo sawi lawktu thlan anih saw," tiin an hrilh a.
23:18 Tin, ani chuan, "Engmah tih suh u; tumahin a ruhte chu la sawn suh se," a ti a. Chutichuan a ruhte chu Samari ram atanga zâwlnei lo kala ruhte nen engmah an tih lo.
23:19 Tin, Israel lalten LALPA tihthinrima an sak Samari ram khuatea hmun sâng in zawng zawngte pawh chu Josia chuan a suan bo va, Bethel khuaa a tih ang chiahin a tihsak ve a.
23:20 Tichuan chuta hmun sâng puithiam awm zawng zawngte chu mâicham chungah a that a, chungah chuan mihring ruhte a hal a, Jerusalem-ah a haw leh ta a.
23:21 Tin, lalin mi zawng zawng hnênah, "He thuthlung bua chuang ang hian LALPA, in Pathian tan Kalhlen Kut nei rawh u," tiin thu a pe a.
23:22 Israelte chunga rorêltuten ro an rêl achin, Israel lalte lal chhûng zawng zawng te, Juda lalte lal chung zawng zawng te pawhin chutiang taka Kalhlen Kut chu an la nei lo;
23:23 lal Josia lal kum sâwm leh kum riat kuma chuan chu Kalhlen Kût chu Jerusalem khuaah LALPA tan an nei ta chauh a ni.
23:24 Tin, LALPA ina puithiam Hilkian a char lehkhabua dan thu chuangte kha a tihngheh theih nân ramuai aienthiam zâwl te, dawithiam te pathian lem te, milem te Judai ram leh Jerusalem khuaa thil tenawm an hmuh thin zawng zawngte chu Josia chuan a tibo vek bawk a.
23:25 Mosia dan zawng zawng anga thinlung zawng zawng le thlarau zawng zawng leh chakna zawng zawnga LALPA pawm, amah ang rêng rêng a hmaa lal tumah an awm lo va; a hnuah pawh amah ang chu tumah an awm leh tawh hek lo.
23:26 Chuti chung pawhin LALPA chuan a thinrimna nasa tak Manasean a lo tihthinrimna zawng zawng avânga Juda chunga a thinrimna alh chu a la tire chuan glo.
23:27 Tin, LALPAN, "Israel ka sawn bo ang hian Juda pawh hi ka hmuh pahk lovah ka sawn bov e ang a, he khua ka thlan Jerusalem ngei leh, 'Chutah chuan ka hming ch a awm ang,' ka tih in hi ka thehthang bo daih ang," a ti a.
23:28 Tichuan Josia hanhin dang te, a thiltih zawng zawngte chu Judalalte lal lai chanchin ziakna buaa chuang a ni lâwm ni?
23:29 A lal lai chuan, Aigupta lal Pharoa-nekoa chu Assuria lal bei tûrin Euphrates luiah a han chho va: tin, lal Josia chuan ani chu a han bei a; tin, ani chuan amah chu a hmuh veleh Megiddo khuaah a that ta a.
23:30 Tin, a mite chuan Megiddo atang chuan a ruang chu tawlailirin an kalpui a, Jerusalem-ah an luhpui a, ama thlana an phûm ta a. Tichuan chu mi rama mite chan Josia fapa Jehoahaza chu an hrua a, hriak an thih a, a pa aiah lalah an siam ta a.
23:31 Jehoahaza chu a lal tantirhin kum sâwmhnih leh kum thum a ni a; Jerusalem-ah thla thum a lal a: a nu hming chu Hamutali, Libna khuaa Jeremia fanu a ni.
23:32 Tin, a pi leh pute tih dan ang zawng zawng LALPA mithmuha thil tha lo tak a ti thin a.
23:33 Tin, Pharao-nekoa chuan Jerusalema rorêl thei tawh lo tûrin Hamath rama Ribla khuaah a tantir a; tin, an ram chu tangka talent zakhat leh rangkachak talent khat a chawitir a.
23:34 Tin, Pharoa-nekoa chuan Josia fa Eliakima ch a pa Josia aiahc huan a laltir a, a hming chu Jehoiakima tiin a thlaksak a; Jehoahaza eraw chu a hruai daih a; Aigupta ramah a kal a, chu tah chuan a thi ta a.
23:35 Tin, Jehoiakima chuan tangka leh rangkachak chu Pharoa a pe phawt a; an ramte chu Pharoa thupêk angin a tangkaa pe tûrin chhiah a chawitir ve thung a: Pharao-neka hnênah pêk tûrin mi tin, chawi tûra a tuk zat theuh ang zelin chu mi rama mite ta tangka leh rangkachak a chawitir a.
23:36 Jehoiakima chu a lal tantirhin kum sâwmhnih leh kum nga a ni a; Jerusalem-ah kum sâwm leh kum khat a lal a: a nu hming chu Zebidi, Ruma khuaa Pedaia fanu a ni.
23:37 Tin, a pi leh pute tih dan ang zawng zawng LALPA mithmuha thil tha lo tak a ti thin a ni.
24:1 A lal lai chuan Babulon lal Nebukadenezzara a lo lian a, Jehoiakim achu hhiah khuaah kum thum a awm a; chu mi hnuah chuan a hawisan a, a chungah a hel ta a.
24:2 Tin, LALPAN Kaldai pâwl te te, Suria pâwl te te, Moab pâwl te te, Amona thlah pâwl te te a mah bei tûrin a tir chhuak a, a chiahhlawh zâwlneite hmanga a sawi LALPA thu angin Judai ram tihchhiattir tûrin a tir a.
24:3 ,4 Mansea thiltih zawng zawn, a thil tihsual leh pawikhawih lo thisen a chhuah a, Jerusalem chu pawikhawih lo thisena a tihkhah avângin a hmuh phak lova suan bo tûr thu Juda chungah LALPA thuin a lo thleng ta ngei a, LALPAN a ngaidam duh lo a ni.
24:4 ,3 Mansea thiltih zawng zawn, a thil tihsual leh pawikhawih lo thisen a chhuah a, Jerusalem chu pawikhawih lo thisena a tihkhah avângin a hmuh phak lova suan bo tûr thu Juda chungah LALPA thuin a lo thleng ta ngei a, LALPAN a ngaidam duh lo a ni.
24:5 Tichuan Jehoiakima chanchin dang leh a thiltih zawng zawng chu Juda lalte lal lai chanchin ziakna buah a chuang a ni lâwm ni?
24:6 Chutichuan Jeoiakima chu a i leh pute hnênah a muhil a; tin, a fapa Jeoiakina chu a aiawhin a lal ta a.
24:7 Tin, Aigupta lal chu a ram ata a lo chhuak leh ta lo va: Babulon lal chuan Aigupa ram lite atanga Euphrates lui thlenga Aigpta lal ram huam zawng zawng a la tawh si a.
24:8 Jehoiakima chu a la tantirhin kum sâwm leh kum riat a ni a; Jerusalem-ah thla thum a lal a: a nu hming chu Nehusti, Jerusalem khuaa Elnathana fanu a ni.
24:9 Tin, a pa tih dan ang zawng zawng tiin, LALPA mithhmua thil tha lo tak a ti thin a.
24:10 Chutih lai chuan Babulon lal Nebukadnezzara mite hu Jerusalem-ah an han cho va, khua chu an han hual ta a.
24:11 Tin, chutia a miten an han hual lai chuan Babulon lal Nebukadnezzara chukhuaah a han kal a;
24:12 tichuan Juda lal Jehoiakina chu a nu te, a mite, a mi lian te, a puipate nen chuan babulon lala hnênah an va hhuak a: tin, a lal kum riat kumin Babulon lal chuan a man a.
24:13 Tin, LALPA sawi ang khan LALPA ina ro zawng zawng leh lal ina ro zawng zawngte chu a la chuak a, LALPA biak ina Israelte lal Solomonan rangkachak bungbêl a siam zawng zawngte chu a sat sawm vek a.
24:14 Tin, Jerusalem-a mi zawng zawng, mi lian zawng zawng te, mi chak huaisen tha zawng zawng te, singkhat zet, sal themthiam leh thirdeng zawng zawng a ruai vek a; chu mi rama mi a rethei theite tih loh chu tumah an awm tawh lo.
24:15 Tin, Jehoiakina chu Babulon-ah a hruaia ; tin, lal nu te, lal nupi te, a puipa te, chu mi rama mic hakte chu Jerusalem atangin Babulon-ah salah a hruai a.
24:16 Tin, Babyulon lal chuan pasaltha zawng zawng sângsarih zet leh, themthiam leh thirdeng sângkhat, mi chak tha zawng indo thei mi thiau hu babuylon-ah salah a hruai vek a.
24:17 Tin, a pa unau Mattania chu Babulon lal chuan a aiah alaltir a, a hming hu Zedekia tiin a thlaksak a.
24:18 Zedekia chu a lal tantirhin kum sâwmhnih leh kum khat a ni a; Jerusalem-ah kum sâwm leh kum khat a lal a; a nu hming chu Hamutali, Libna khuaa Jeremia fanu a ni.
24:19 Tin, Jehoiakima tih dan ang zawng zawng tiin, LALPA mithmuah thil tha lo tak a ti thin a.
24:20 LALPA thinurna avângin a hmu phak lova a thehthang bo thlengin Jerusalem leh Juda chungah thil a lo thleng zel a ni; Zedekia chu Babulon lal chungah chuan a hel ta a.
25:1 Tin, a lal kum ruk kum, thla sawmna, ni sawm ni takin heti hi a ni a, babulon lal Nebukadnezzara chuan sipai zawng zawngte nen Jerusalem a han bei a, awmhmun an han khuar a; tin, kulhin an hual vêl ta a.
25:2 Chutichuan lal Zedekia lal kum sâwm leh kum khatna thlengin khua chu an hual a.
25:3 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
25:4 Tin, khawpui kulh chu an tipawp a, tichuan zanah indo mi zawng zawng chu lal huan bul, kulh bang pahnih inkara kulh kawngkaah an tlan che ta vek a: (Kaldai-ho chuan khua chu an hual vêl a ni a:) tin, lal chu Araba kawng lamah a kal a.
25:5 Nimahsela Kaldai sipaihote chuan lal chu an um a. Jeriko phaiah an um phâk a, a sipai zawng zawngte chuan an tlan darhsan ta vek a.
25:6 Tichuan lal chu an man a, Babulon lal hnênah Ribla khuaah an hruai a; tin, a chungchâng an rêl a.
25:7 Tin, Zedekia fapate chu a mithmuh ngeiah an that a, Zedekia mitte chu an kher chuahsak a, kawl an bun a, Babulon-ah an kalpui ta a.
25:8 Tichuan babulon lal, lal Nebukadnezzara lal kum kuana, thla ngana,, ni sarih ni chuan Babulon lal mi vêngtu pâwl hotu, Nebuzaradana chu Jerusalem-ah a lût a;
25:9 LALPA in leh lal in chu a hal a: Jerusalem in zawng zawng, in ropui tak takte chu a hal a;
25:10 Tin, vêngtu pâwl hotu hnêna awm Kaldai sipai zawng zawngte chuan Jerusalem vela kulh chu an tichim vek a.
25:11 Tin, khawpui chhûnga mi la awm, inpeho Babulon lal hnêna inpe, mipui la awmte chu vêngtu pâwl hotu Nebuzaradana chuan salah a hruai vek a.
25:12 Chu mi rama a rethei theite chuan grêp hrui enkawltu atân leh lo nei mi atân an hnutchhiah a.
25:13 Tin, LALPA ina dar ban te leh, LALPA ina hunchan le dar tuizêm chu Kaldai-hote chuan an tike sawm vek a, a dar chu Babulon-ah an kalpui a.
25:14 Tin, bel te, vut lawhna te, khawnvar puan chehna te, fiante leh dar bungbêl zawng anwg, rawngbawl nana an hmante chu an la a,
25:15 tin, mei lakna te, mahun te nen; vêngtu pâwl hotu chuan rangkachaka siamte chu a rangkachak chu a la a, tangkaruaa siamte chu a tangka chu a la a.
25:16 Solomonan LALPA in atân a siam ban pahnih leh dar tuizêm leh a hun chhante chu; chung hmanrua zawng zawnga dar bûk zat chu hriat rual ani lo.
25:17 Ban pakhat san lam chu tawng sâwm leh tawng riat a ni a, a chipah chuan darchhunbawk a awm a: chu mi chhun bawk san lam chu tawng thum a ni a; chhun zawk vêl chuan tial chik chek le pomgranet a chuang a, dar vek a ni: chung ang bawk chuan ban pakhat pawh chu tial chik chek a ni.
25:18 Tin, vêngtu pâwl htou chuan puithiam lal Seraia leh a dawttu puithiam Zepania leh kawngkhâr vêngtu pathum a man a:
25:19 tin, indo mite chunga hotu pakhat nen, lal hmêl hmu pha thin khawpi hhunga la awm panga nen, mipite hming ziaktu sipai out lehkha ziaktu nen, khawpui chhûnga la awm chu rama mi sawmruk nen khawpui chung ata a man bawk a.
25:20 Tin, vêngtu pâwl hotu Nebuzaradana chuan a hruai a, Babulon lal hnênah Ribla khuaah a kalpui a.
25:21 Tin, Babulon lal chuan Hamath ram, Ribla khuaah chuan a lo tihlum a. Chutichuan Juda chu a ram chung atanga sala hruai chuahin a lo awm ta a.
25:22 Tin, Babulon Nebukadnezzaran Judai rama a hnutchiahte pawh chu a chungah chuan Sephana fa Ahikama fapa Gedalia chu awptuah a siam a.
25:23 Tichuan sipai pâwl hotu zawng zawng leh an hoten Babulon lalin Gedalia awptuah a siam tih an hriat chuan Mizpe khuaah Gedalia hnênah an kal a, chungte chu Nethania fapa Ismaela te, Karea fapa Johanana te, Netopha mi Tanhumetha fapa Seraia te, maaka mi fapa Jaazania te, an hote nen an ni.
25:24 Tin, Gedalia chuan chu miteho leh, an hote hnênah chuan chhia a chham a, an hnênah, "Kaldai-ho chhiah khuaa awm hi hlau suh u; he ramah hian awm reng mai ula, Babulon lal thu hnuaiah awm rawh u, tichuan in tan a tha dâwn nia," a ti a.
25:25 Nimahsela thla sarihnaah chuan heti hia ni a, lalthlah, Elisama fa, Nethania fapa Ismaela chu mi sawm hruaiin a kal a, Gedalia chuMizpe khuaa Judate leh Kaldai-ho a hnêna awmte nen an bei a, an that ta vek a.
25:26 Tichuan mi zawng zawng a lian a tein sipai hotute nen an chhuak a, Aigupta ramah an kal ta a: Kaldai-hote chu an hlau a ni.
25:27 Tin, Juda lal Jehoiakina sala a tan kum sâwmthum leh thla hnihna, ni sawmhnih leh ni sarih niin heti hi a ni a, Babulon lal Ezil-merodakan a lal tan kumin Juda lal Jehoiakina chu tan in ata a hruai chuak a,
25:28 a hnênah tha takin thu a sawi a, Babulon-a lalho awm vete lalthutthleng chungah chuan a lalthutthleng chu a dah sâng ta bik a.
25:29 A tan in silhfente chu a thlak a, a dam chung zawng chuan a hnênah chaw a kil ve ta fo va.
25:30 Tichuan a chawm nân a hmu tawk tûr lalin ni tin, a dam chhûng zawng chuan chanvo a siamsak reng a.
posted by zoblog @ 2:19 PM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog