MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Deuteronomy
Wednesday, September 12, 2007
1:1 Heng thu hi Jordan chhak lam thlaler, Paran leh Tophel leh Laban leh Hazeroth leh Di-zahab inkâra Suph va dep Araba-a Mosian Israel mi zawng zawng hnena a sawi chu a ni.
1:2 Horeb tlâng atangin Kodesbarnea chu Seir tlâng lam kawngah ni sâwm leh ni khat kal a ni.
1:3 Tin, kum sawmli kum, thla sâwm leh thla khatna, chu mi thla ni khat ni chuan, heti hi a ni a, LALPAN anmahni hrilh tura thu a pêk ang zawng zawng chu Israela thlahte hnenah Mosian a sawi a;
1:4 Hesbon-a awm Amor-ho lal Sihona leh Edrei leh Astarot-a awm Basan leh Oga a thah hnuin
1:5 Jordan chhak lam Moab ramah he dan hi Mosian a puang tan ta a,
1:6 LALPA kan Pathian chuan Horeb tlângah min bia a, 'He tlângah hian in awm rei tawh tawh e:
1:7 insuan tawh ula, kal chhuak ula, Amor ho tlâng ramah leh a chhehvel zawng zawng, Araba-ahte, tlâng ramah te, phai ramah te, chhim ramah te, Kanaan-hote awmna tuifinriat kamahte leh Lebanonah te, luipui, Euphrates lui thlengin kal rawh u.
1:8 Ngai teh u, ram chu ka pe tawh diam a che u: in pu Abrahama te, Isaaka te, Jakoba te leh an hnua an thlah leh zelte hnena chhechhama LALPAN a pêk ram chu va luah rawh u,' tiin.
1:9 Tin, chu m lai chuan in hnenah, 'Keimah ngawt chuan ka zo lo che u a;
1:10 LALPA in Pathian chuan a tipung che u a, ngai teh u, tunah hian in tam lam chu vana arsi zat zet in lo ni ta a.
1:11 LALPA, in i leh pute Pathian chuan tun aia a lêt sangin tipung che u sela, a tiam che u angin malsawm che u rawh se.
1:12 Engtin nge keimah chauhin in buaina te, in phurrit te, in innghirnghona te chu ka phurh zawh ang?
1:13 In hnam zinga mi, mi fing, hmanghre mi, chingchang hre mite in thlang chhuak ula, in chunga hotuah ka siam ang e,' tiin ka bia che u a.
1:14 Tin, nangin, 'I thil sawi chu kan tan atha hle mai,' tiin mi chhâng a.
1:15 chutichuan in hnam hotute chu ka pawm a, in ham zinga mi, mi fing, chinchang hre mite in chunga hotuah ka siam a, sang chunga hotu te, za chunga hotu te, sawmnga chunga hotu te, sawm chunga hotu te, puipate pawh.
1:16 Tin, chu mi lai chuan in rorêltu chu, 'In unaute kâra thu chu ngaihthlaksak ula, unau leh unau kârah leh ram dang mi, a awmpui nena an karah fel takin rel rawh u.
1:17 Rorêlnaah thlei bik in nei tur ani lo; mi te leh mi lian ang rengin in ngaihthlaksak tur a ni; tumah in lau tur a ni lo; rorêlna chu Pathian ta a ni si a: in tana thu khirh luuk chu ka hnenah in rawn thlen thin ang a, tin, chu chu ka lo ngaithla thin ang, tiin thu ka pe a.
1:18 Tin, chu mi lai chuan thil in tih dan tur zawng zawngah thu ka pe che u a.
1:19 Tin, LALPAN thu min pêk angin Horeb tlâng atang chuan kan chhuak a. Amor-ho tlâng ram kawnga thlaler zau tak leh râpthlâk tak in hmuh kha kan kal tlang vek a, Kades- barnea khua kan va thleng a.
1:20 Tin, in hnenah,"LALPA kan Pathianin min pêk Amor-ho tlâng ram chu in lo thleng ta a.
1:21 Ngai teh u, LALPA in Pathianin ram chu a pe tawh diam che u a ni; chho ula, LALPA in pi leh pute Pathianin a lo sawi tawh ang khan han luah rawh u; hlau suh ula, zam hek suh u,' ka ti a.
1:22 Tin, ka hnenah in lo kal vek a, 'A ram te va thlithlai a, kan chhohna tur lam kawng leh kan va kalna tur khaw chanchinte min rawn hrilh leh turin kan hmaah min va tir ila, in ti a.
1:23 chu chuan min tilawm hle mai a; tichuan in zing mi mi sâwm leh pahnih, hnam khat a pakhat zel ka thlang a;
1:24 tichuan an chhuak ta a, tlângah chuan an lawn chho va, Eskol ruam an han thleng a, an en thlithlai vek a.
1:25 chu rama theite chu an lo va, min rawn hawn a, chanchin min rawn thlen a, 'LALPA kan Pathianin ram min pêk chu tha tak a ni,' an ti a.
1:26 Nimahsela in chho duh l va, LALPA in Pathian thupêk chu in helsan a;
1:27 in puan inahte in phunawi a, 'LALPA chuan min hruat avangin min tiboral tura Amor-hote kuta pêk turin Aigupta tam
1:28 Khawiah chuan nge kan han chhoh vang? Kan unaute chuan, Mihring chu kan aiin a n lian a, an sang zawk bawk a; khuate chu a lian hle a, van tawngin kulh a nei; tin, Anak-ho thlahte pawh kan hmu bawk a, tiin akn thinlung an titui a, ' in ti a.
1:29 Tin, keiin in hnenah Anmahni chu tih suh ula, hlau bawk hek suh u.
1:30 LALPA in Pathian in hmahruaitu chuan in mithmuha Aigupta rama a tihsak tak che u zawng zawng ang khan a beihpui ang che u a,
1:31 thlalerah pawh miin a fa a pua angin LALPA in Pathian chuan he mi hmun in thlan thleng hian kawng tluanin a puakzia che u in hmuh kha, ka ti a.
1:32 Nimahsela chuti chung pawhin in puan in zarna tur zawnsak tur leh in kalkawng kawhhmuh tura zana meia, chuna chhuma in hmahruaitu LALPA in Pathian chu in ring lo va.
1:33 Nimahsela chuti chung pawhin in puan in zarna tur zawnsak tur leh in kalkawng kawhhmuh tura zana meia, chuna chhuma in hmahruaitu LALPA in Pathian chu in ring lo va.
1:34 Tin, LALPAN in thusawi chu a lo hria a, a thinrim a,
1:35 He chhuan sual taka mi hi chuan pakhat te mahin in pi leh pute pêk tura chhia ka chham ram tah tak chu an hmu lo vang a,
1:36 Jephunea fapa Kaleba chauh lo chuan; ani zawngin a hmu ang; a va rah ram chu amah leh a fate ka pe ang, ani chuan LALPA chu a pawm tlat avangin,' tiin chhia a chham a.
1:37 nangmahni avangin ka chungah pawh LALPA chu a thinur a, 'Nang pawh hi chutah chuan i lut lo vang :
1:38 i rawngbawltu Nuna fapa Josuia hi chu a lut ang; ani hi fuih rawh, Israel -hote chu a luahtir dawn a ni.
1:39 In fanu te te, râllâkin an la mai ang , in tih leh, tuna a chhia a a tha la hre lo in fate hi an lut ang a, anni chu ka pe ang a, an luah ang.
1:40 Nangni erawh chu insuan ula, Tuifinriat Sen lamah thlalerah kal rawh u,' tiin.
1:41 "Tin, nangnin, 'LALPA chungah kan lo sual ta a ni, kan han chho vang a, LALPA kan Pathianin thu min pêk zawng zawng angin kan han bei ang e,' tin, min chhang a. Tichuan indona thuamhnaw in inbel theuh va, tlâng han chhoh chu thil namenah in ngai a.
1:42 Tin, LALPAN ka hnenah, 'chho suh u, han bei bawk hek suh u; in zingah ka awm si lo, in hmêlmate chuan an lo tihlum dah ang che u , an hnenah ti rawh,' mi ti a.
1:43 chu chu ka hrilh che u a, in pawm lo va, LALPA thupêkm chu in helsan ta zawk a, tlângah chuan in han chho lui ta a.
1:44 Tin, chu tlânga awm Amor-ho chuan an lo bei che u a, khuai mi um angin an lo um che u a, Seir atangin Horma thlangin an that zel che u a.
1:45 Tin, in lo kir leh a, LALPA hmaah in tap a; nimahsela, LALPA chuan in aw chu a ngaithla duh lo va, a beng pawh a rawn chhi duh lova.
1:46 chutichuan chuta in awm chhûng chu han ngaihtuahin Kades-ah chuan rei tak in awm a ni.
2:1 Tin, kan insuan a, LALPAN ka hnena a sawi angin Tuifinriat Sen lamah thlalerah kan lût ta a; Seir tlâng chu rei tak kan vel a.
2:2 Tin, LALPA chuan mi bia a,
2:3 He tlâng hi in vel rei tawk tawh e; hmar lam panin insuan tawh rawh u.
2:4 Mipuite chu Seir tlânga awm, Esauva thlah in unaute ramah in kal tlang dawn a ni; anni chuan an lo hlau vang che u a; chuvangin fimkhur hle ula;
2:5 bei suh ang che u ; an ram chu a khawii lai mah, kephaha rah khawp lek pawh ka pe dawn hauh lo a che u; Seir tlâng chu apualah Esauva ka pe tawh a ni.
2:6 An chaw te chu in eiah sumin in lei ang a; tin, an tuite chu in inah sumin in lei bawk tur a ni.
2:7 LALPA in Pathian chuan in thawh apiangah te mal a sawm thin che u a, he thlaler zau tak hi in kal tlang dan te chu a hre si a; heng kum sawmli chhûng zawng hian LALPA chu inhnenah a awm a, engmah in tlakchham loh kha, tiin thu pe rawh,' tiin.
2:8 Chutichuan Elat leh Ezion-geber atangin Arba kawnga kalin Seir tlânga awm Esauva thlah kan unaute ram kan pal tlâng a. Tin, kan insuan a, Moab thlaler lamah kan kal a.
2:9 Tin, LALPAN ka hnenah, 'Moab-ho chu tibuai suh ula, ral beiin bei suh u; an ram chu in pualah ka pe dawn lo a che u, Lota thlahte pualah Ar chu ka pe tawh a ni.
2:10 (Tun hma lam chuan Anak-ho angin mi lian leh tam leh mi sang pui pui Em-ho an awm thin a;
2:11 chungho pawh chu Anak-ho ang bawka Repha-ho tih an ni a; nimahsela Moab-ho chuan Em-ho an ti thin a ni.
2:12 Tun hma lam chuan Seir tlângah hian Hor-ho pawh an awm bawk thin a; nimahsela Esauva thlahte hian an luahsak a; an that a, a hmunah chuan an awm ta a. Israel-hovin LALPAN an puala a pêk ram an tih ang kha.)
2:13 Chutichuan tho ula, Zered lui chu kan rawh u khai,' a ti a. Tichuan Zered lui chu kan kan ta a.
2:14 Kades-barnea atangin kan chhuak leh a. Zered lui kan kan a, LALPAN an hnena chhia a chham ang amipui zinga chu mi chhuana ral kap mi zawng zawng an mang vek inkâr chu kum sawmthum leh kum riat a ni.
2:15 Mipui zing ata an boral der hma loh chuan anmahni tiboral turin LALPA kutin a tai reng bawk a.
2:16 Chutianga mipui zing ata ral kap mi zawng zawng an boral a, an lo thih zawh hnu chuan heti hi a ni a,
2:17 LALPAN min bia a,
2:18 Vawiinah hian Moab ram Ar chu i kal tlang tur a ni a;
2:19 tin, Amona thlahte ep i va thlen hnaih pawhin tibuai suh la, bei hek suh; Amon-ho ram chu i pualah ka pe dawn lo a che, Lota thlahte pualah ka pe tawh a ni.
2:20 (chu pawh chu Repha-ho rama ngaih ani bawk; chutah chuan tun hma lamin Repha ho an awm thin a ni; nimahsela Amon-ho chuan Zazum-ho an ti thin a ni:
2:21 Anak-ho anga mi lian leh tam leh mi sang pui pui an ni a; nimahsela LALPAN a tihboralsak a, an luah ve ta thung a, an hmuna chuan an awm ta a;
2:22 Seir tlânga awm Esauva thlahte chu Hor-ho a tihboralsak laia a tih ang khan; tichuan an luah ve ta thung a, an hmunah chuan tun thlenghian an la awm ta a:
2:23 tin, Gaza thlenga khaw te tea awm Av-ho chu Kaptor atanga lo chhuak Kaptor-hovin an tiboral a, an hmunah chuan an awm ta a.)
2:24 Tho ula, kal chhuak ula, Arnon ruam kan rawh u; ngai teh u, Amor mi Hesbon leh Sihona leh a ram chu ka pe tawh che u a ni; luah phawt ula, râl beiin bei rawh u.
2:25 Vawiinah hian, van hnuaichhina hnam tin chungah chuan nangmah tihna leh hlauhna ka awm tantir ang a, i chanchin an lo hria ang a, an khur ang a, nangmah avangin na tak tuarin an awm ang' tiin.
2:26 Tin, Kedemot thlaler atangin Hesbon lal Sihona hnenah rem thu kengin mi ka tir a,
2:27 I ramah hian mi kal tlangtir rawh khai; lamlianah zel ka kal ang a, ding lamah emaw, vei lamah emaw pawh ka peng lo vang e.
2:28 Ka eiah chaw a leiin sumin mi leitir ang a, ka inah tui pawh sumin mi leitir bawk ang a; Jordan ka kana LALPA kan Pathianin min pêk ram ka luh hma loh chuan Seir a awm Esauva thlahte leh Ar-a awm Moab hote mi tih ang khan mi kal tlangtir ringawt mai rawh khai,' tiin.
2:29 Ka eiah chaw a leiin sumin mi leitir ang a, ka inah tui pawh sumin mi leitir bawk ang a; Jordan ka kana LALPA kan Pathianin min pêk ram ka luh hma loh chuan Seir a awm Esauva thlahte leh Ar-a awm Moab hote mi tih ang khan mi kal tlangtir ringawt mai rawh khai,' tiin.
2:29 Nimahsela Hesbon lal Sihona chuan a ramah min kal tlangtir phal lo va; LALPA in Pathian chuan in kuta a pêk theihna tur che uin a rilru a tihkhauhsak a, a tiluhlul a ni, in hriat tak ang hian.
2:30 Tin, LALPAN ka hnenah, 'Ngai teh, Sihona leh a ram chu ka pe dawn ta che a ni, a ram chu nei turin luah phawt mai rawh, mi ti a.
2:31 Tichuan Sihona leh a mite zawng zawng chu Jahaz-a min bei turin an lo thawk a.
2:32 Tin, LALPA kan Pathian chuan min pe a; tichuan amah leh a fapate leh amite zawng zawng chu kan that a.
2:33 Tin, chu mi tum chuan a khua zawng zawng chu kan la a, chung khuaa mihring zawng zawng chu, hmeichhia leh fanau te tete nen lam kan tiboral vek a, zuah reng reng kan nei lo va;
2:34 kan lak khuaa râllâka kan lak thil leh rante chauh kan pualah kan la a ni.
2:35 Arnon ruam fema Aroer atang leh ruama khaw awm atanga Gilead thlengin kan tan sâng lutuk khua a awm hauh lo mai a, LALPA kan Pathianin min pe vek a ni:
2:36 Amon thlahte ram chauh in hnaih lo a ni, Jabok lui lehlam kam zawng zawng leh tlâng rama khuate leh LALPA kan Pathianin min khapna apiangte nen.
3:1 Chutichuan kan insuan a, Basan kawngah kan chho va: Basan lal Oga leh a mite zawng zawng chu Edrei-a min bei turin an lo thawk a.
3:2 Tin, LALPAN ka hnenah, 'Amah chu hlau suh, amah leh a mite zawng zawng leh a ram chu i kutah ka pe tawh diam a ni; Hesbon-a awm Amor-ho lal Sihona chunga i tih ang khan a chungah i ti dawn nia,' a ti a.
3:3 Chutichuan LALPA kan Pathian chuan Basan lal Oga pawh a mite zawng zawng nen kan kutah a pe a: tichuan pakhat te mah zuahsak lovin kan that vek a.
3:4 chu mi tum chuan a khua zawng zawng khaw sawmruk, Basan-a Oga ram, Argob ram zawng zawng chu kan la vek a; kan laksak loh khaw pakhat te mah a awm lo.
3:5 Heng khua zawng zawng hi kulh sang tak tak, kawngkhar leh kalhna nei vek a ni a, kulh nei lo khaw tam tak tiam lo pawhin.
3:6 Hesbon leh Sihona chunga kan tih ang khan kan tiboral vek a, khuaa mihring zawng zawng chu kan tiboral vek a, hmeichhia leh an fanaute tete nen lam.
3:7 Amaherawhchu ran zawng zawng leh khuaa râllâka kan lak thilte chu kan pualah kan la a.
3:8 Chumi tum chuan Jordan rala awm Amor ho lal pahnih kut ata chu Arnon ruam atanga Hermon tlâng thlenga ram chu kan la a;
3:9 (chu Hermon chu Zodon-ho chuan Sirion an ti a, Amor-ho chuan Senir an ti a ni);
3:10 phai ram khua zawng zawng leh Gilead ram zawng zawng leh Basan ram zawng zawng nen, Basan rama Oga ram khua, Saleka leh Edrei thlengin.
3:11 (Basan lal Oga chauh a ni, Rephaho zinga la awm chhun chu; ngai teh, a khum chu thir a ni; Amona thlaler khua Raba-ah chuan a la awm reng a ni lawm ni? Mihring tawnga tehin a dung lam tawng kua, a vang lam tawng li a ni.)
3:12 Chu mi tum chuan chu mi ram chu kan luah a; Arnon ruam kanga Arorer atangin Gilead tlâng ram zatve thlengin, chuta khaw awmte nen Reuben-ho leh Gad-ho ka pe a;
3:13 tin, Gilead ram la awm zawng leh Oga ram Basan zawng zawng chu Manase hnam zatvete ka pe a; Argob ram zawng zawng leh Basan ram zawng zawng chu. (Hei hi Rephaim-ho ram an ti bawk thin a.
3:14 Manasea fapa Jaira chuan Argob ram zawng zawng Basan ram an tih chu Gesur-ho leh Maakat-ho ram thlengin a la a, chung chu ama hming chawiin Havot-Jaira a ti a, tun thlengin a la ti reng).
3:15 Tin, Gilead chu Makira ka pe a.
3:16 Tin, Reuben-ho leh Gad-ho chu Gilead atanga Arnon ruam, ruam lai tak thlengin an ram chin atan ka pe a; Amona thlahho ramri, Jakob lui thlengin;
3:17 tin, Araba leh Jordan pawh ramri atan Kineret atanga Pisga chhak lam pangper hnuaia Tuifinriat Al, Araba tuifinriat thlengin.
3:18 Tin, chu mi lai chuan, 'LALPA in Pathianin he ram hi in pualah a pe che u a ni, Israela thlah, in unaute hmaah in mi huaisen zawng zawngte chu inralthuamin han kal ve rawh se.
3:19 ,20 Amaherawhchu nangmahni anga in unaute chu LALPAN ralmuanga a siam hma leh LALPA in Pathianin Jordan rala ram a pêk chu an luah ve hma loh chuan in nupuite leh in fanaute tete leh in ramte chu (ran in ngah tih ka hria a) in khua ka pêk tak che u ah hian lo awm sela; tichuan in pual theuh tura ka pêk che uah hian in lo haw leh theuh dawn nia,' tiin thu ka pe a che u a.
3:20 ,19 Amaherawhchu nangmahni anga in unaute chu LALPAN ralmuanga a siam hma leh LALPA in Pathianin Jordan rala ram a pêk chu an luah ve hma loh chuan in nupuite leh in fanaute tete leh in ramte chu (ran in ngah tih ka hria a) in khua ka pêk tak che u ah hian lo awm sela; tichuan in pual theuh tura ka pêk che uah hian in lo haw leh theuh dawn nia,' tiin thu ka pe a che u a.
3:21 Tin, chu mi lai bawk chuan Josua chu, 'LALPA in Pathianin chung lal pahnihte chunga thil a tih zawng zawng chu i mitin a hmu vek a; chutiang tak bawk chuan in luhna tur ram zawng zawngte chungah LALPAN a ti ang.
3:22 Anmahni chu hlau suh ang che u; a beihpuitu che u chu LALPA in Pathian a ni si a,' tiin thu a pe a.
3:23 Tin, chu mi lai vek bawk chuan, 'Aw Lalpa, PATHIAN, i chhiahhlawh hnenah hian i ropuizia leh i kut chak tak chu i lantir ta phawt chu a ni a; vanah emaw, leiah emaw hian i thiltih ang leh i thiltih ropui tak ang ti thei Pathian hi tunge awm?
3:24 Tin, chu mi lai vek bawk chuan, 'Aw Lalpa, PATHIAN, i chhiahhlawh hnenah hian i ropuizia leh i kut chak tak chu i lantir ta phawt chu a ni a; vanah emaw, leiah emaw hian i thiltih ang leh i thiltih ropui tak ang ti thei Pathian hi tunge awm?
3:25 Mi kaitir la, Jordan rala ram tha tak, chu tlâng mawi tak leh Lebanon chu mi hmuhtir teh khai,' tiin LALPA chu ka ngen chiam a.
3:26 Nimahsela nangmahni avangin ka chungah LALPA chu a thinur hle a, ka thu chu a pawm lo va; tichuan LALPA chuan, 'Tawk tawh rawh se, he thuah hian mi be leh tawh suh;
3:27 Pisga tlâng chhipah han chuang la, thlang lamah te, hmar lamah te, chhim lamah te, chhak lamah te, i mit han len la, han thlir rawh; Jordan hi i kan dawn lo a ni.
3:28 Amaherawhchu Josua hi thu pe la, fuih tha la, tichak rawh; heng mipuite hi a hruai kai dawn a, i han hmuh tur ram chu a luahtir dawn a ni,' mi ti a.
3:29 Chutichuan Bethpeor ep ruamah chuan kan awm ta a nih kha.
4:1 Khai le, Israel mite u, LALPA in pi leh pute Pathianin ram a pêk che u chu nungdama in luah theihna tura in pawm tura ka zirtir thin che u dante leh rorêlte chu ngaithla rawh u.
4:2 LALPA in Pathian thupêk ka pêk che u hi in pawm theihna turin, thu ka pêk che u hi in belhchhah tur a ni lo va, in tikiam tur a ni hek lo.
4:3 Baal-peor avanga LALPA thiltih chu in mitin a hmu a: Baal-peor betu zawng awngte chu LALPA in Pathianin in zing ata a tiboral a.
4:4 LALPA in Pathian vuantu apiangte erawh chu tun thleng hian nungdamin in la awm theuh va.
4:5 Ngai teh u, in va luah tur ramah pawh in zawm zel turin LALPA ka Pathianin thu min pêk ang takin dante leh rorêlte chu ka zirtir che u a.
4:6 Chutichuan, pawm ula, zawm rawh u; chu tak chu, heng dan zawng zawngte hi hria a, 'He hnam ropui tak hi mi fing tak leh thil hre mi tak an ni ngei mai,' titu hnamte mithmuhah chuan in finna leh thil hre mi in nihna a ni ang.
4:7 "Kan koh apianga LALPA kan Pathianin min hnaih anga anmahni hnaih thin Pathian nei hnam ropui tunge awm ve?
4:8 Heti taka fel, dante leh rorêlte, tuna in hmaa ka zam zawng zawng ang dan nei hi hnam ropui dang tunge awm ve?
4:9 Engpawh ni sela, fimkhur ula, ngun takin invawng phawt mai rawh u; chutilochuan in mitin a thil hmuhte chu in theihnghilh ang a, in dam chhûngin in thinlung ata a bo dah ang e; in fate leh in tute zirtir rawh u;
4:10 tin, Horeb tlânga LALPA in Pathian hmaa in din a, LALPAN ka hnena, ' MIpuite chu min koh khawmsak rawh, leilunga an awm chhûng zawnga mi tih dan an zir theih nan leh an fate zirtir turin ka thute ka lo hriattir ang e,' mi tih ni pawh kha i theihnghilh dah ang e.
4:11 Tichuan in lo hnai a, tlâng bulah chuan in lo ding a, vanlaizawl tawngin tlâng chu thim te, chhum te, thim chhah mup te awmtirin a kang ta a.
4:12 Tin, LALPA chuan mei atang chuan a rawn bia che u a; a thu sawi chu in hria a, nimahsela riruang engmah in hmu lo va, aw chauh in hria a ni.
4:13 A thuthlung zawm tura thu a pêk che u, thu sawm pêk chu in hnenah a puang a, lungphêk pahnihah a ziak a.
4:14 Tin, chu mi lai chuan luah tura in va kaina rama in zawm turin dante leh rorêlte zirtir turin LALPAN thu mi pe a.
4:15 Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlânga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:16 Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlânga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:17 Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlânga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:18 Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlânga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:19 Chuvangin fimkhur hle rawh u; milem te insiam chawpin, a pa ang emaw, a nu ang emaw, leia ran ang emaw, boruaka thlawk thin, sava thla nei ang emaw, leia a vaha vak mi ang emaw, lei hnuai tuia sangha zinga mi ang emaw te siamin in intichhe dah rual ang e; Horeb tlânga mei atanga Lalpan a rawn biak ni che u khan riruang engmah in hmu si lo va; a nih loh leh van lam in han hawi a, ni te, thla te, arsite vana mi zawng zawngte reng pawh in han hmuhin, LALPA in Pathianin van hnuai chhina mi zawng zawng a ruasakte chuan a hip ang che u a, in bia ang a, an rawngte in bawl mai dah rual ang e.
4:20 LALPA chuan a mite, a ro ni turin thir rawhtuina ata, Aigupta ram ata chu a hruai chhuak zawk che u a ni, tuna in nih ang hi.
4:21 Chuti chang pawh ni lovin, nangmahni avangin LALPA chu ka chungah a thinur a, Jordan lui chu ka tan lohva, in luah atana ram tha tak LALPA in Pathianin a pêk che uah chuan ka luh loh nan chhia a chham bawk a:
4:22 kei chu he rama thi tur Ka ni a, Jordan lui chu ka kai dawn lo a ni; nangni erawh chu in kai ang a, chu ram tha tak chu in luah ang.
4:23 Fimkhur hle rawh u, LALPA in Pathian thuthlung, in laka a thlun chu in theihnghilh ang a, LALPA in Pathian in eng anpui maha siam a phal loh milemte in insiam chawp dah rual ang e.
4:24 LALPA in Pathian chu kanral hmang mei, thikthuchhe tak Pathian a ni si a.
4:25 Tu leh fate in han neih a, chu rama rei fe in awm hnu a, in intihkhawloh va, eng emaw anpuitea milem siam chawp mai te in din a, a thin tiur tura LALPA in Pathian mithmuha thil tha lo in tih vaih chuan,
4:26 Jordan kana in va luah tur ram ata chu in boral thuai mai ang tih in chungchang thuah min hriatpuitu atan tunah hian lei leh van ka sawm a ni; in cheng rei lo vang a, in boral vek mai ang.
4:27 LALPA chuan hnam tin, zingah a tidarh ang che u a, LALPAN a kalbotirna che u hnamte zingah chuan tlêmte chauhin in awm ang.
4:28 Chutah chuan, pathian thing leh lunga mihring siam, hmu thei hlei lo, hre thei hlei lo, ei thei hlei lo, rim pawh hre thei hlei lote in bia ang a.
4:29 Nimahsela chutah pawh chuan LALPA in Pathian chu in zawn a, in thinlung zawng zawng leh in rilru zawng zawnga in zawn chuan in hmu leh ang.
4:30 Hrehawma in awma in chunga chung thil zawng zawng chu a lo thlen hunah a tawp a tawpah chuan LALPA in Pathian lam in lo hawi leh ang a, a thu chu in pawm tawh ang a;
4:31 LALPA in Pathian chu zahngai thei tak Pathian a ni si a: a thlahtlam lo vang che u a, a tiboral lo vang che u a, in pi leh pute hnena chhechhama a thuthlun chu a theihnghilh hek lo vang.
4:32 In awm hma, tun hma lam te chu han chhut ula leilung Pathianin mihring a siam achin van hnuai chhinah, heti anga thil ropui hi a awm ngaiin, hriat a ni ngai emaw chu?
4:33 Mei atanga thu rawn sawi in hriata in la nun cheu sina pathian aw miin an hre ngaiin,
4:34 hnam dang zing ata fiahna te, chhinchhiahna te, thil mak te, indona te kut chak tak te, ban phar te, thil râpthlâk tea LALPA in Pathianin in mithmuha Aigupta rama a tih zawng zawng anga hnam hruai chhuak ngam pathian an awm ngai emaw chu.?
4:35 LALPA chu Pathian a ni tih in hriat theih nan in hnena tihlan a ni a; amah lo chu a dang reng an awm lo.
4:36 A zirtir theih nan che u van atangin a aw a rawn hriattir che u a, lei chungah hian a meipui chu a hmuhtir che u a: mei atanga a thu chu in lo hria a.
4:37 In pi leh pute a hmangaih avangin an hnua an thlahte chu a thlang che u a, amah telin, a thiltihtheihna ropui takin hnam dang in aia ropui leh thiltithei zawk a hnawhchhuahsak che u a, an ram chu luah tura luhtir che uin Aigupta ram ata chu a hruai chhuak che u a, tuna in nih ang hi.
4:38 In pi leh pute a hmangaih avangin an hnua an thlahte chu a thlang che u a, amah telin, a thiltihtheihna ropui takin hnam dang in aia ropui leh thiltithei zawk a hnawhchhuahsak che u a, an ram chu luah tura luhtir che uin Aigupta ram ata chu a hruai chhuak che u a, tuna in nih ang hi.
4:39 Chuvangin tunah hian in thinlungah vawng ula, chung lam vanah leh hnuai lam leiah hian LALPA chu Pathian a ni tih hre rawh u; a dang reng an awm lo.
4:40 Kumkhua atan LALPA in Pathianin a pêk che u ramah chuan nangmahni leh inthlahte tana tha tur leh in chen rei theih nan a dante leh a thupêk te, tuna ka pêk che u hi in zawm tur a ni," tih hi.
4:41 Chutichuan, Mosia chuan tualthattu, a thenawm khawveng, tun hma pawha a huat lem loh that palhtu tual tlanna, Jordan ral ni chhuahna lam pangah khaw pathum a ruat a; chung khua, a engah pawh a tlan chuan a him ang a:
4:42 Chutichuan, Mosia chuan tualthattu, a thenawm khawveng, tun hma pawha a huat lem loh that palhtu tual tlanna, Jordan ral ni chhuahna lam pangah khaw pathum a ruat a; chung khua, a engah pawh a tlan chuan a him ang a:
4:42 chung chu Reuben-ho pualah thla lera tlâng zawla Bezer te, Gad-ho pualah Gilead-a Ramot te, Manase-ho pualah Basan-a Golan te ani a.
4:43 Tin, hei hi Mosian Israela thlahte dan apêk chu a ni;
4:45 heng hi, Aigupta ram ata an lo chhuah laia Israela thlahte hnena Mosian Jordan rala, Mosia leh Israela tlahten Aigupta rama an lo chhuah laia an thah, Hesbon-a awm Amon-ho lal Sihona rama Bet-peor zawn ruama a sawi hriattirna te, dan te, rorêl te chu a ni;
4:46 heng hi, Aigupta ram ata an lo chhuah laia Israela thlahte hnena Mosian Jordan rala, Mosia leh Israela tlahten Aigupta rama an lo chhuah laia an thah, Hesbon-a awm Amon-ho lal Sihona rama Bet-peor zawn ruama a sawi hriattirna te, dan te, rorêl te chu a ni;
4:47 a ram leh basan lal Oga ram, Jordan ral ni chhuahna lama Amor-ho lal pahnihte ram chu an luah a;
4:48 Arnon ruam fema Aroer atanga Sion tlâng (Hermon an ti bawk) thleng leh
4:49 Jordan ral chhak lampang Araba zawng zawng, Pisga pangper hnuaia Araba tuifinriat thlengin.
5:1 Tin, Mosian Israel-ho zawng zawng chu a ko khawm a, an hnenah, "Aw Israel mite u, in zira in pawm tura dan te, rorêl te in benghriata vawina ka sawi hi ngaithla rawh u.
5:2 LALPA kan Pathianin Horeb-ah chuan kan hnenah thu a thlung a.
5:3 LALPA chuan he thu kan pi leh pute hnenah khan a thlung lo va, keiniho, tun thlenga mi nungdama la awm zawng zawngte hnenah ngei hian a ni, a thlun zawk ni.
5:4 LALPA chuan tlângah mei atangin inhmatawnin a bia he u a,
5:5 (chu mi lai chuan LALPA thu kawhmuh tur che uin LALPA nena in inkârah ka ding a; mei avang chuan in hlau si a, tlângah chuan in han chho lo ve).
5:6 Kei hi LALPA i Pathian, Aigupta ram ata, bawih ata hruai chhuaktu che ka ni.
5:7 Keimah lo chu pathian dang reng reng i nei tur a ni lo.
5:8 Milem siam chawp chung lam vana mi emaw, hnuai lam leia mi emaw, lei hnuai lama tuia mi emaw, a eng anpui mah i insiam tur a ni lo;
5:9 chung chu chibai i bûk tur a ni lo va, an rawng i bâwl tur a ni hek lo. Kei LALPA i Pathian hi Pathian thikthuchhia, pate khawlohna avanga fate hrem thin, mi hawtute chu chhuan thumna leh chhuan lina thlenga hrem thin leh,
5:10 mi hmangaiha ka thupêkte pawmtu sang tam takte chunga khawngaihna lantir thin ka nih hi.
5:11 LALPA i Pathian hming chu i lam mai mai tur a ni lo. LALPA chuan a hming lam mai maitu chu thiam loh chantir lohvin a chhuah dawn si lo va.
5:12 LALPA i Pathianin thu a pêk che angin chawlhni chu thianghlim reng turin serh rawh.
5:13 Ni ruk chhûngin i thawk ang a, i hna zawng zawng chu i thawk tur a ni;
5:14 a ni sarih ni erawh chu LALPA i Pathian tan chawlhni a ni e; chu mi ni chuan hna reng reng i thawk tur a ni lo, nang pawhin, i fapa pawhin, i fanu pawhin, i bawihpa pawhin, i bawihnu pawhin, i bawngpa pawhin, i sabengtung pawhin, i ran a enga pawhin, i ina ramdang mite pawhin; nangmah ang bawka i bawihpa te, i bawihnute pawh an chawlh thei nan.
5:15 Nang pawh Aigupta ramah khan bawi i ni tawh a, LALPA i Pathianin chuta ta chu kut chak tak leh ban phara a hruai chhuah che i ni tih hre reng rawh; chuvang chuan a ni, LALPA i Pathianin chawlhni serh tur thu a pêk che ni.
5:16 LALPA i Pathianin thu a pêk che angin i nu leh i pa chawimawi rawh; tichuan LALPAN ram a pêkah che hian i hmuingil ang a, i dam rei dawn nia.
5:17 Tual i that tur a ni lo.
5:18 I uire tur a ni lo.
5:19 I ru tur a ni lo.
5:20 I vengte chungah hretu derah i insiam tur a ni lo.
5:21 I vengte nupui i awt tur ani lo va, i vengte in emaw, a lo emaw, a bawihpa emaw, a bawihnu emaw, a bawngpa emaw, a sabengtung emaw, i vengte thil a engmah i awt tur a ni lo' tiin.
5:22 Heng thute hi tlângah mei te, chhum te, thim chhah mup atangtein LALPAN aw ring takin in zavaia pungkhawmho hnenah a sawi a, a belhchhah leh chuang lo va. chung chu lungphêk pahnihah a ziak a, mi pe a.
5:23 Tin, tlâng chu a kan laia, thim atanga aw chu in han hriat chuan heti hi a ni a, min rawn hnaih a, in hnam puipa zawng zawng leh in upate chuan;
5:24 Tin, 'ngai teh, LALPA kan Pathian chuan kan hnenah a ropuizia leh a lenzia a lantir a, mei atanga a awm chu ka hria a; Pathianin mihring a biak pawha thihna a ni chuan lohna chu vawiinah kan lo hre ta a.
5:25 Chuvangin engah nge kan thih ang? He mi mei nasa tak hian min kangral mai ang asin; LALPA kan Pathian aw chu kan hriat leh chuan ka thi mai ang.
5:26 Mei atanga Pathian nung aw kan hriat anga hre vea dam si tisa pu zawng zawng zingah tunge awm?
5:27 Nangin va hnaih la, LALPA kan Pathianin a sawi tur zawng zawng chu va ngaithla teh khai; tin, LALPA kan Pathianin i hnena a sawi zawng zawng chu nangin kan hnena i sawi ang a; tichuan kan lo ngaithla ang a, kan zawm dawn nia,' in ti a.
5:28 Tin, mi biak laia in thusawi chu LALPAN a lo hria a; tichuan LALPAN ka hnenah, 'Heng mipuiten i hnena thu an sawi chu ka lo hria a; an thusawi zawng zawng chu a tha hle mai.
5:29 Chutiang rilru chu pu thin sela aw, mi tih ang a, ka thupêkte chu an zawm fo vang a, anmahni leh an fate pawh kumkhuain an hmungil hle tur!
5:30 An hnenah, in puan inah te va haw rawh u, ti rawh.
5:31 Nang erawh chu ka kiangah ding la, luah tura ram ka pêka an pawm tura i zirtir tur thupêk zawng zawng te, dan te, rorêl te chu ka hrilh ang che,' a ti a.
5:32 Chuvangin LALPA in Pathianin thu a pêk che u anga ti turin fimkhur rawh u; ding lamah emaw, vei lamah emaw in peng tur a ni lo.
5:33 In va luah tur ramah in awm a, in hmuingilna tur leh in chen rei thei nan LALPA in Pathianin thu a pêk che u kawng in zawn tluan chhuak tur a ni.
6:1 ,2 Tin, luah tura in va kaina rama in zawm tur leh nangni leh in fapate leh in tupaten LALPA in Pathian chu in tih a, in damchhûng zawnga a dan zawng zawng leh a thupêk ka pêk che u hi in zawmna tur leh in lo chen rei theihna tura LALPA in Pathianin nangmahni zirtir tura thu min pêk, thu pêk te, dan te, rorêl te chu hengte hi ani.
6:2 ,1 Tin, luah tura in va kaina rama in zawm tur leh nangni leh in fapate leh in tupaten LALPA in Pathian chu in tih a, in damchhûng zawnga a dan zawng zawng leh a thupêk ka pêk che u hi in zawmna tur leh in lo chen rei theihna tura LALPA in Pathianin nangmahni zirtir tura thu min pêk, thu pêk te, dan te, rorêl te chu hengte hi ani.
6:3 Chuvangin aw, Israel mite u, in hmuingil a, LALPA in pi leh pute Pathianin a tawngtiam che u angin hnutetui leh khawizu luanna rama nasa taka in lo pun theih nan ngaithla ula, zawm turin fimkhur rawh u.
6:4 Aw Israel mite u, ngaithla teh u, LALPA kan Pathian chauh chu LALPA a ni a;
6:5 LALPA in Pathian chu in thinlung zawng zawngin, in rilru zawng zawngin, in chakna zawng zawngin in hmangaih tur a ni.
6:6 Tin, heng thu, vawiina ka pêk che u hi in thinlungah a cham reng ang a;
6:7 in fate thahnemngai takin in zirtir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.
6:8 Tin, chhinchhiahna atan in banah in zem ang a, in mit leh mit inkâra chalhrenna atan a awm bawk tur a ni.
6:9 Tin, in in kawngka bianga te, in kawngkharah te in ziak tur a ni.
6:10 ,11 Tin, heti hi a ni ang a, LALPA in Pathianin in pu, Abrahama te, Isaaka te, Jakoba te hnena chhechhama a pêk che u ram, in din ni hauh lo, khaw ropui leh mawi tak tak te, in tihkhah ni hauh lo, thil tha tinrenga khat in te, in chhun ni hauh lo, tuikhur chhun sa te, in chin ni hauh lo, grêp huan leh oliv thing te awmnaa a hruai luh che u a, in ei a, in tlai hle hun chuan,
6:11 ,10 Tin, heti hi a ni ang a, LALPA in Pathianin in pu, Abrahama te, Isaaka te, Jakoba te hnena chhechhama a pêk che u ram, in din ni hauh lo, khaw ropui leh mawi tak tak te, in tihkhah ni hauh lo, thil tha tinrenga khat in te, in chhun ni hauh lo, tuikhur chhun sa te, in chin ni hauh lo, grêp huan leh oliv thing te awmnaa a hruai luh che u a, in ei a, in tlai hle hun chuan,
6:12 fimkhur hle ang che u, chutilochuan Aigupta ram ata, bawih ata hruai chhuaktu che u LALPA chu in theihnghilh mai dah ang e.
6:13 LALPA in Pathian chu in tih ang a, ama rawng chu in bawl ang a, a hming chhalin chhia in chham tur a ni.
6:14 Pathian dang, in vela mite pathiante chu in be tur a ni lo,
6:15 in zinga awm LALPA in Pathian chu Pathian thikthuchhia a ni; LALPA in Pathian thin chu in chungah a thawk ang a, leilung ata hi a tiboral mai dah ang che u.
6:16 Masa-a in fiah ang khan LALPA in Pathian chu in fiah tur a ni lo.
6:17 LALPA in Pathianin a pêk che u, thupêk te, a thuhriattir te, a dan te hi fimkhur takin in zawm tur a ni.
6:18 ,19 In hmuingilna tur leh LALPAN a sawi tawh anga in hmêlma zawng zawngte hnawt chhuak tura LALPAN in pi leh pute hnena chhia a lo chham tawh ram tha tak chu in va luah theih nan, LALPA mithmuha dik leh tha chu in ti tur a ni.
6:19 ,18 In hmuingilna tur leh LALPAN a sawi tawh anga in hmêlma zawng zawngte hnawt chhuak tura LALPAN in pi leh pute hnena chhia a lo chham tawh ram tha tak chu in va luah theih nan, LALPA mithmuha dik leh tha chu in ti tur a ni.
6:20 Tin, in faten, 'LALPA kan Pathianin thu apêk che u thuhriattir te, dan te, rorêl te hi engtizia nge ni le?' tia nakin lama an la rawn zawh hun che u chuan,
6:21 nangnin in fate hnenah, 'Aigupta ramah Pharoa bawih kan ni a, LALPAN Aigupta ram ata chu kut chak takin min hruai chhuak a;
6:22 tin, LALPAN kan mithmuhah Aigupta ram chungah te, Pharaoa chungah te, a chhûngte zawng zawng chungah te, chhinchiahna leh thil mak nasa tak leh mangantlak takte a entir a;
6:23 keini erawh chu min pêk tura kan pi leh pute hnena chhia a lo chham ram chu min pêk theih nan chuta ta chu min hruai chhuak a.
6:24 Tichuan heng dan zawng zawngte hi zawm tur leh kan that renga tura LALPA kan Pathian chu tih turin LALPA chuan thu min pe a, vawiin nite anga mi nungdama min zuah reng theih nan.
6:25 A thu min pêk anga LALPA hmaa a thupêk zawng zawng zawm tura kan fimkhur chuan kan tan damna a ni dawn a ni,' in ti tur a ni.
7:1 LALPA in Pathianin in va luah tur rama a hruai luh che u a, in hmaa hnam tam tak, Hit-ho te, Girgas-ho te, Amor-ho e, kanan-ho te, Periz-ho te, Hiv-ho te, Jebus-ho te, in aia ropi leh thil tithei zawk hnam sarih te a hnawhchhuah hun leh
7:2 LALPA in Pathianin a pêk hun che u a, in thah hunah chuan, in tiboral vek tur a ni; anmahni nen thu intlung tur a ni lo va, in khawngaih tur ani hek lo;
7:3 nupui pasalah in nei tur ani hek lo, in fanute chu an fapate in neihtir tur a ni lo va, an fanute chu in fapate in neihtir tur a ni hek lo.
7:4 In fapate, mi zui lai hi pathian dangte biakna lamah an hruai kawi mai ang a; tin, LALPA thin pawh chu in chungah a thawk ang a, a tiboral thuai mai ang che u.
7:5 An chungah hetiang hian in ti zawk tur a ni; an maichamte in tichim ang a, an lungphunte in tike sawm ang a, an Aserte in kir ang a, an milem siam chawpte inhal vek tur a ni.
7:6 LALPA in Pathian tan hnam thianghlim in ni si a; leilunga hnam ahluana a pual bik ni tura LALPA in Pathianin a thlan che u in ni a.
7:7 Hnam dang aia in tam avangin LALPAN in chungah a hmangaihna a fuktir a, a thlang che u a ni lova; hnam zawng zawnga hnam tlem ber in ni asin;
7:8 LALPAN a hmangaih che u avang leh in pi leh pute hnena chhia a lo chham chu hlen a duh avang zawkin asin LALPAN Aigupta lal Pharaoa kut ata kut chak takin bawih ata a tlan chhuah che u ni.
7:9 Chuvangin LALPA in Pathian chu Pathian ani tih hre rawh u; Pathian rinawm, amah hmangaiha a thu zawmtu chunga chhuan sang thlenga thuthlung leh khawngaihna nghat renga,
7:10 amah hawtute tiboral tura anmahni chung la laa thungrul thin a ni; amah hawtute chu a rial rei lo vang a, anmahni chung la laah a thungrul ang.
7:11 chuvangin thupêk te, dan te, rorêl te zawm tura vawiina thu ka pêk che u hi in zawm tur a ni.
7:12 Tin, heti hi ani ang a, heng rorêlte hi in ngaihthlâk a, in zawm a, in tih avangin LALPA in Pathianin in pi le pute hnena chhia a lo chham thuthlung leh khawngaihna chu in chungah a nghat ang a;
7:13 a hmangaih ang che u a, mal a sawm ang che u a, a tipung ang che u; pêk tura in pi leh pute hnena chhia a chham ramah chuan in rila rah leh in lei rah pawh mal a sawm ang, in buh te, in uain te, in hriak e, in bawng no leh in beram note pawh.
7:14 Hnam dang zawng zawnga malsawmna dawng nasa ber in ni ang a; in zingah ahmei apa ching reng reng an awm lo vang, in ran zingah pawh.
7:15 Tin, LALPAN hri zawng zawng a tihkiansak vek ang che u a, in hriat tawh hnu Aigupta ram hrite chu in chungah a lentir lo vang a, a hawtute che u zawng zawng chungah a lentir zawk ang.
7:16 LALPA in Pathianin a pêk tur che u hnam zawng zawngte in tiboral vek tur a ni; in khawngaih tur ani lo va, an pathian rawng pawh in bawl tur a ni lo; in tan thang a ni dawn si a.
7:17 In rilrua, 'Heng hnamte hi kan aiin an tam si a, engtin nge kan luhchhuah theih ang?' ti in nih chuan,
7:18 anni chu hlau suh ula; LALPA in Pathianin Pharaoa leh Aigupta mi zawng zawng chunga a tiltihte kha hre rawh u,
7:19 fiahna nasa tak in mit ngeia inhmuh te, chhinchhiahna te, thil mak te, kut chak tak e, ban phar tea LALPA in Pathianin a hruai chhuahna che u kha; khatiang khan LALPA in Pathianin in mi hlauhte chungah chuan a ti zel ang.
7:20 LALPA in Pathian chuan an zingah khawinghal a tir leh nghal ang, a la dam, in laka birute chu an boral vek thlengin.
7:21 Anni chu in hlau tur ani lo; LALPA in Pathian chu in zinga a awm si a, Pathian ropui tak, tihbaiawm tak mai chu.
7:22 LALPA in Pathian chuan chung hnamte chu zawi zawiin a hnawhchuahsak hret hret ang che u a; in tiboral nghal mai tur a ni lo va, chutilochuan ram sate in pawi khawih khawpin a lo pung mai ang.
7:23 An boral hma loh chu LALPA in Pathianin a pe ang che u a, buai namen lohvin a tibuai ang.
7:24 An lalte chu in kutah a pe ang a, an hming chu van hnuai ata hi in thai bo daih tur a ni; in tih boral der tlengin a chelh tur che u tumah reng reng an awm lo vang.
7:25 An pathian lem siam chawpte chu in hal tur a ni; chu mia tangkarua emaw, rangkachak emaw chu in it tur a ni lo va, in tan in la tur ani hek lo, chutilochuan in awk dah ang e; LALPA in Pathian ngaihin thil tenawm a ni si a:
7:26 in in chunga thil tenawm la lutin chu thil ang chuan anchhe dawna i insiam tur a ni lo; ten namen lova tenin in haw hle tur a ni, anchhe dawng thil a ni si a.
8:1 Nung dama in awm a, in lo pun zel a, pêk tur che ua in pi leh pute hnena LALPAN chhia a chham ram chu in va luah theih nan thupêk vawiina ka pêk che u hi zawm turin in fimkhur tur a ni.
8:2 Tin, a thupêkte chu in zawm dawn nge dawn lo, in rilru hriat nan fiah tur leh tihrehawm tur che ua thlalera kum sawmli a hruaina zawng zawng che u kawng chu hre reng rawh u.
8:3 Mihring hi chhang chauhin an nung lo va, LALPA kaa thu tin chhuakin an nung zawk a ni tih a hriattir theih nan che u a tihrehawm che u a, in tamte a phal a, in hriat ngai loh, in pi leh pute pawhin an hriat ngai bik loh manna chuan a chawm che u a.
8:4 Heng kum sawmli chhûng hian in silhfente chu in sin chul lo va, in kete pawh a vûng lo va.
8:5 Tin, miin a fa a thunun thin angin LALPA in Pathian chuan a thunun thin che u a ni ti hi in rilruin hre ran rawh u.
8:6 Tin, a kawng zawh tur leh amah chu tih turin LALPA in Pathian thupêkte chu in zawm tur a ni.
8:7 LALPA in Pathian chuan ruam leh tlâng atanga lo chhuak lui tui te, tuikhur leh tui thuk tak awmna ram,
8:8 buh te, barli te, grêp te, theipi te, pawmgranet te awmna ram, hriak nei oliv leh khawizu awmna ram,
8:9 chham lova chhang in ei thinna tur ram, engmah in tlakchhak lohna tur, a lung te chu thir, a tlângte chu dar laih chhuah theihna ram tha takah chuan a hruai lut dawn si che u a.
8:10 In ei a, in tlai hle hun chuan, ram tha tak a pêk che u avang chuan LALPA in Pathian chu in fak ang.
8:11 A thupêk te, a rorêl te, a dan te, vawiina ka pêk che u hi zawm lohvin LALPA in Pathian chu in theihnghilh dah rual ang e, fimkhur rawh u;
8:12 chutilo chuan in ei a, in tlai a, in tha takte in sak a, in luah hun leh
8:13 in ran rual te, in beram rual te a lo pun a, in tangka te, in rangkachak te a lo pun a, in thil neih zawng zawngte a lo pun hun chuan,
8:14 in rilrute a lo chapo vang a, bawih ata Aigupta ram atanga hruai chhuaktu che u LALPA in Pathian chu in theihnghilh mai ang.
8:15 Ani chuan thlaler zau tak leh râpthlâk tak, rul chuk na mite leh khawmual kaikuangte awmna, tui awm lohna, ram rovah a hruai tlâng che ua; meilung lungpui atangin tui an tihchhuahsak che u a,
8:16 in pi leh pute hriat ngai loh manna chuan a chawm che u a, tun hnu lam thua in that theih nan a tihrehawm che u a, a fiah theihna tur che uin,
8:17 Tin, Heng kan sum leh paite hi keimahni chakna leh kan kutkawih a ni,' in tirilru dah ang e, fimkhur bawk rawh u.
8:18 Tuna a ngheh anga in pi leh pute hnena chhechhama thu thlun chu a tihnghehna turin LALPA in Pathian chu hre reng rawh u, sum leh pai deh chhuah theihna petu che u chu amah chu a ni zawk asin.
8:19 Tin, heti hi ani ang a, LALPA in Pathian chu in teihnghilh a, pathian dangte in zui a, an rawngte in bawl a, in biak vaih chuan in boral ngei ngei ang tih vawiinah hian ka hraittir a che u.
8:20 In hmaa hnam dangte a tihboral angin nangni pawh in boral ang, LALPA in Pathian aw chu ngaithla duh lo in nih dawn avangin.
9:1 Aw Israel mi te u, ngaithla teh u, 'Anak-ho chu tuin nge chelh ang i?' an tih thin, in aia ropui leh thiltithei zawk hnam, khawpui van tawnga kulh nei leh ropui tak, mi lian tak sang pui pui, inhriat tawh sa Anaka thlahte ram chu va luah turin tunah chuan Jordan lui chu in kan dawn ta a.
9:2 Aw Israel mi te u, ngaithla teh u, 'Anak-ho chu tuin nge chelh ang i?' an tih thin, in aia ropui leh thiltithei zawk hnam, khawpui van tawnga kulh nei leh ropui tak, mi lian tak sang pui pui, inhriat tawh sa Anaka thlahte ram chu va luah turin tunah chuan Jordan lui chu in kan dawn ta a.
9:3 chuvangin LALPA in Pathian chu kanral hmang mei anga in hmaa kal thina chu a ni tih tunah hian hre rawh u; ani chuan anni chu a tiboral ang a, a tihtlawmsak ang che u a; tichuan LALPAN in hnena a sawi tawh ang khan, anni chu in hawntchhuak ang a, in tiboral thuai mai ang.
9:4 LALPA in Pathianin a hnawhchhuahsak hnu che u chuan, 'Kan felna avangin he ram hi in luah turin LALPAN min hruai lut a ni,' in rilruin ti hauh suh u; heng hnamte hi an suala avang zawkin a ni, LALPAN a hnawhchhuahsak dawn che u a ni.
9:5 In fel avang emaw, in rulru dik avang emawin an ram chu in luah dawn lo va, heng hnam sual avang leh LALPAN in pu Abrahama te, Isaaka te, Jakoba te hnena a chhechham thu tinghet turin LALPA in Pathianin anni chu ahnawchuahsak che u a ni zawk e.
9:6 chuvangin he ram tha tak hi in fel avanga luah turin LALPAN a pe che u a ni lo tih hre rawh u; hnam luhlul tak in ni si a.
9:7 Thlalera LALPA thin in tihur thinziate kha hre reng ula, theihnghilh su u; Aigupta ram ata in chhuah ni atanga he mi hmun in lo thlen thleng hian LALPA chunga hel hamng in ni a.
9:8 Horeb-ah pawh khan LALPA thin in tiur a, tioral hial tur che uin LALPA a thinrim a.
9:9 lungphêk, in hnena LALPAN thu a thlunna lungphêk la tura tlânga ka han chhoh lai khan ni sawmli leh zan sawmli tlângah chuan ka han awm a; chhang pawh ka ei lo va, tui pawh ka in hek lo.
9:10 Tin, LALPA chuan lungphêk pahnih, Pathian kutzunga zia chu mi pe a; chu miah chuan in pun khawm nia tlâng chunga mei atanga LALPAN in hnena thu a sawi zawng zawngte kha a chuang a.
9:11 Tin, ni sawmli leh zan sawmli hnuah chuan heti hi a ni a, lungphêk pahnih, thuthlunna lungphêk chu mi pe a.
9:12 Tin, LALPA chuan ka hnenah, 'Tho la, heta ta hi chhuk thuai rawh; Aigupta ram ata i hruai chhuah, i mite chu an intihchhiat zawh tak khu; zawh tura thu ka pêk kawng ata chu an peng ta pang mai a, milem chhun chawp an insiam tak mai khu,' a ti a.
9:13 Tin, LALPA chuan, 'He mite hi ka en ka enin, ngai teh, hnam luhlul tak an ni;
9:14 anmahni tiboral tur leh van huai ata an hming thai bo turin ka tih tihin ka han ti teh ang: tin, nang hi anmahni aia hnam thiltithei leh ropui zawkah ka siam teh ang che,' tiin min be bawk a.
9:15 Chutichuan tlâng ata chu ka let thla a, tlâng chu a kang ta a; thuthlunna lungphêk pahni chu ka kut khinghnihin ka keng a.
9:16 Tin, ka han thlir a, ngai teh u, LALPA in Pathian chungah in lo sual ta a; bawng no lem chhun chawp in insiam a, LALPAN thu a pêk che u kawng ata chu in peng ta pang mai a.
9:17 Tin, lungphêk pahnih chu ka chawi a, ka kut khingkhin ata chu ka paih a, in mithmuhah ka tikeh a,
9:18 Tin, hmana ka tih ang khan ni sawmli leh zan sawmli LALPA hmaah ka bawkkhup a; a thin tiur tura LALPA mithmuha in thil tihsual tak, in sualna zawng zawng avangin chhang pawh ka ei lo va, tui pah ka in hek lo.
9:19 Nangmahni tiboral tura LALPA thinurna, a thinrimna leh lungnihlohna nasa tak chu ka hlau si a. Nimahsela chu mi tum pawh chuan LALPAN ka thu chu mi ngaihthlaksak a.
9:20 Tin, LALPA chu Arona chu tiboral duh hial khawpin a thinur a; nimahsela Arona pawh ka tawngtaisak nghal bawk a.
9:21 In sualna avanga in siam bawng no lem chu ka la a, ka hal a, ka chhu sawm a, vaivut angin ka rawt dip derh a; tin, a dip chu tlâng atanga lui lo luangah chuan ka paih a.
9:22 Tin, Tabera-ah te, Masa-ah te, Kibrot-hatava-ahte pawh LALPA chu in tithinur a.
9:23 Tin, LALPAN, 'Ram ka pêk che u chu han luah rawh u,' tia Kades-barnea atanga a tirh lai che u khan LALPA in Pathian thupêk chu in helsan a, amah chu in ring lo va, a aw chu in ngaithla bawk hek lo.
9:24 Ka hriat tirh che u ata LALPA chunga hel hmang mi in ni reng a.
9:25 Chutichuan LALPAN, 'Ka tiboral dawn,' a tih che u avang khan LALPA hmaah ka bawkkhup a, ni sawmli leh zan sawmli ka bawkhuh kha.
9:26 Tin, LALPA hnena chuan ka tawngtai a,' Aw LALPA Pathian, ropuinaa i tlan, kut chak taka Aigupta ram ata i tlan chhuah, i mite leh i rochante chu tiboral suh ang che.
9:27 I chhiahhlawh Abrahama te, Isaaka te, Jakoba te chu hre reng la, he miteho hi an luhlulzia te, an suahsualzia te, an sualzia teah en suh ang che;
9:28 Chutilochuan i mihruai chhuahna rama mite chuan, LALPAN a ram tiamah chuan a hruai theih loh avang leh a huat avangin thlalera thah turin a hruai chhuak a ni, an ti dah ang e.
9:29 I thiltihtheihna ropui tak leh i ban phara i hruai chhuah, i mite leh i rochante an ni miau si a,' ka ti a.
10:1 chu mi lai chuan LALPAN ka hnenah, 'lungphêk pahnihhmana mi ang kha chher leh la, tlângah ka hnenah lo kal la, thingin bawm siam rawh.
10:2 Tin, hmana lungphêk I tihkeh taktea thu chuang kha lungphêkahte chuan ka ziang ang a, bawmah chuan i dah dawn nia,' a ti a.
10:3 Tichuan thingri thingin bawm ka siam a, hmana mi ang lungphêk pahnih ka chher a, lungphêk pahnih chu kengin tlângah chuan ka chho va.
10:4 Tin, lungphêkahte chuan a hmasaa ziang ang, in pun khawm nia tlânga mei atanga LALPAN in hnena a sawi thu sawm pêk chu a ziak a, LALPA chuan mi pe a.
10:5 Tin, tlâng ata chu ka let thla a, lungphêk chu ka bawm siamah chuan ka dah a; LALPAN thu mi pêk angin chutah chuan a awm ta reng a.
10:6 (Tin, Israela thlahte chu Beerot Benejaakan atangin Mosera-ah an kal a; chutah chuan Arona chu a thi a, tah chuan an phum a; tin, a fapa Eleazaran a aiawhin pithiam hna a thawk a.
10:7 chuta tang chuan Gudgoda-ah an kal a; tin, Gudgoda atang chuan tui tamna ram Jotbath-ah an kal a.
10:8 chu mi lai chuan tuntlenga LALPA thuthlung bawm zawn a, LALPA hmaa a rawngbawla, a hminga malsawmsaktu ni turin Levi chi chu a tihrang a.
10:9 chuvangin Levia chuan a unaute zingah chanvo pawh, rochan pawh anei lo va; LALPA pawh, rochan pawh a nei lo va; LALPA in Pathianin a hnena a sawi angin LALPA chu a rochan a ni.)
10:10 Tin, a hma ang bawk khan tlângah chuan ni sawmli leh zan sawmli ka awm a; tin, chu mi tum pawh chuan LALPAN ka thu chu a ngaithla a, LALPA chuan a tiboral duh ta lo che u a nih kha.
10:11 Tin, LALPAN ka hnenah, 'Tho la mipuite hma hruai rawh; anmahni pêk tura an pi leh pute hnena chhechhama ka tiam ram chu an luah tur a ni," a ti a.
10:12 Khai le, Israel mite u, in laka LALPA in Pathianin a phut chu engmah dang ani lo va, in thatna tura LALPA in Pathian tiha, a kawng zawng zawng chu zawh a, ama hmangaih a, in thinlung awng zawng leh in rilru zawng awnga LALPA in Pathian rawngbawl a,
10:13 LALPA thupêk te, a dante zawm tura tuna thu ke pêk che u pawm hi a ni.
10:14 Ngai the u, van te, vante van leh leilung leh a chunga awm zawng zawng hi LALPA in Pathian ta vek ani a.
10:15 Nimahsela in pi leh pute hmangai chu a lawmzawng ani a, hnamdang zawng zawng aiin nangniho hi a hnam thlan in la ni ta cheu a.
10:16 chuvangin in thinlung hmawr vun tan ula, tihmawh tawh suh .
10:17 LALPA in Pathian chu, pathiante Pathian, hotute Hotu, Pathian ropui tak, chak tak tibaiawm tak, tumah duhsak bik nei lo va, thamna pawh la ngai lo a ni si a.
10:18 Pa nei lote leh hmeithaite chu fel takin ro a relsak thin a, ram dang mite chu ei tur leh silhfente pein a hmangaih thin a.
10:19 chuvangin ram dang mite chu hmangaih ve rawh u; nangni pawh Aigupta ramah khan ram dang mi in ni kha.
10:20 LALPA in Pathian chu in tih ang a, ama rawng chu in bawl ang a; tin, amah chu in vuan tlat ang a, a hming chhalin chhia in chham tur a ni.
10:21 Amah chu in fak tura chu a ni, heng in mita inhmuh tak thil ropui takk leh râpthlâk takte tihsaktu che u in Pathian a ni.
10:22 In pi leh pute chu Aigupta ramah sawmsarih an chhuk a; tunah chuan tam lama vana arsi zatin LALPA in Pathianin a titam a che u a ni.
11:1 Chuvangin LALPA in Pathian chu in hmangaihin a thurochhiah te, a dan te, a rorêl te, a thupêk te in zawm fo tur a ni.
11:2 Tuna hian hre rawh khai; LALPA in Pathian thununna te, a ropuizia te, a ban chakzia te, a ban pharzia te,
11:3 a chhinchhiahna te, a thiltih, Aigupta ram chhûnga Aigupta lal Pharaoa chung leh a ram chung zawng zawnga a tih te,
11:4 Aigupta sipaiho le an sakawr leh an tawlailir chunga a thiltih te; an um lai che u a, Tuifinriat Sen tuia vurtirzia te, tun thlenga LALPAN a tihboralzia te;
11:5 he mi hmun in thlen hma loh zawnga thlalera in chunga a thiltih dan te;
11:6 Reubena fa Eliaba fapa Dathana leh Abirama te chunga a tih dan te; leiin a ka a ana Israel mite zawng zawng zinga anmahni leh an chhûngte leh an puan in te leh an ran hruai zawng zawng a lem vek dan te hre lo in thlahte hnena sawi ka ni lova;
11:7 in mit ngeia lalapan thilropui tak a tih zawng zawng hmututt hnenah ani zawk e.
11:8 chuvangin in lo chak a, luah tura in va pan ram chu in luah theih nan leh hnutetui lehkhawizu luanna ram, in pi leh pute leh an thlahte pêk tura LALPAN chhia a chham ramahch huan in chen reitheih nan tuna thu ke pêk che u, thupêk zawng zawngte hi in zawm tur ani.
11:9 chuvangin in lo chak a, luah tura in va pan ram chu in luah theih nan leh hnutetui lehkhawizu luanna ram, in pi leh pute leh an thlahte pêk tura LALPAN chhia a chham ramahch huan in chen reitheih nan tuna thu ke pêk che u, thupêk zawng zawngte hi in zawm tur ani.
11:10 In va luah tur ram chu, in lo chhuahna Aigupta ram, thlai huana chi in tuh a, in kea tui inleih thinna ang a ni lo va:
11:11 in va luah tur ram chu, tlâng te leh ruam leh van ruahtui dawng ram ani zawk a.
11:12 LALPA in Pathian zawn chhuah ram ani a; LALPA inpathian mit chu kum thar atanga a tawp thlengin a fu reng thin.
11:13 Tin, heti hi ani ang a, LALPA in Pathian chu in hmangaih tur leh in thinlung zawng zawng leh in rilru zawng zawnga a rawngbawl tura ka thupêk tuna ka pêk che u hi thahnem ngai taka in zawm chuan,
11:14 in ram ruahtui chu a hun rakah, ruahtui tla hmasa leh ruahtui tla hnuhnung chu ka pe ang che u a, tichuan in buh te, in uain te, in hriak te in seng lut thei ang.
11:15 In rante tan pawh in ramah hlobet te ka awmtir bawk ang a, nangni pawhin in ei ang a, in tlai ang.
11:16 fimkhur rawh u khai; chutilochuan in thinlung chu bumin a awm ang a; in peng ang a, Pathian dan rawng te in bawl ang a, in be mai dah ang e;
11:17 chuti anih chuan LALPA thin in chungah alothawk ang a, van chu a kahr ang a, ruah a sur lo vang a, lei chuan a rah a chhuah lovang a, tichuan lalapa pêk che u ram tha tak ata hi inboral thuai mai ang.
11:18 chuvangin heng ka thute hi in thinlung leh in rilruah khung ula, chhinchhiahna atan in ban in zem ang a, tin, in mit leh mit inkâra chalhrenna atan a awm bawk tur a ni.
11:19 chung chu in fate in ziritir ang a, in ina in thut lai te, kawnga in kal lai te, in mut lai te, in thawh hun tein in sawi thin tur a ni.
11:20 Tin, in kawngka biangah te, in kawngkharah te in ziak tur a ni;
11:21 tichuan in pi leh pute pêk tura chhia a chham ramah chuan in dam chhûng ni leh in fate dam chung ni chu lei chunga van ni ang khian a tisei ang.
11:22 LALPA in Pathian chu hmangaih tur le a kawng zawng zawng zawh tur leh amah vuan tlat tura thahnemngai taka heng thu ka pêk che u thupêk zawng zawngte hi in zawm phawt zangin,
11:23 LALPA chuan heng hnam zawng zawng hi ahnawhchhuahsak ang che u a, in aia ropui zawk leh thil tithei zak hnamte ram chu in luah ang.
11:24 In kephaha in rah apiang chu in ta ani ang a, thlaler atang leh Lebanon tlâng atangin lui, Euphrates lui atang chuan thlang lam tuifinriat thlengin in ram ani ang.
11:25 Tumah reng rengin an chel lo vang che u; LALPA in Pathianin in hnena a sawi tawh ang khan in va rah tur ram zawng zawngah chuan nangmahni tihna leh hlauhna a awmtir ang.
11:26 Ngai teh u, vawiinah hian in hmaah malsawmna le ânchhia ka dah a;
11:27 LALPA in Pathian thupêkte tuna ka pêk che u hi in zawm chuan, malsawmna;
11:28 LALPA in Pathian thupête chu in zawm loh va, in hriat ngai loh pathian dangte be tura ka thupêk che u inpensan erawh chuan, ânchhia.
11:29 Tin, heti hi a ni ang a, in va luah tur rama LALPA in Pathianin a hruai lu che u hunah chuan, malsawmna chu Gerizim tlângah in dah ang a, ânchhia chu Ebal tlângah.
11:30 Ni tlakna piah, Araba a awm, Kanaan-ho ram, Gilgal zawn More sasaw sir, Jordan rala mi a ni lawm ni?
11:31 LALPA in Pathianin a pêk che u ram va luah tur chuan Jordan chu in kan tur ani a, in luah ang a, chutah chuan in awm ang.
11:32 Tin, tuna in hmaa ka dah, dan leh rorêl zawng zawng chu zawm turin in fimkhur tur a ni.
12:1 LALPA in pi leh pute Pathianin a pêk che u ram in luah a, leilunga in awm chunga fimkhur taka in zawm tur dan te leh rorêl dante chu hengte hi a ni.
12:2 In va luah tur ram hnamte tlâng lian te, tlâng te te, thing hring tin, hnuai tea an pathiante rawng an bawlna hmun zawng zawngte chu in tichhe vek tur a ni;
12:3 an maichamte in tichim ang a, an lungphunte in tisawm vek ang a, an Aser te in hal tur a ni; an pathian lem siam chawpte chu in kihsak ang a, chuta an hming chu in thai bo tur a ni.
12:4 chutiang chuan LALPA in Pathian chungah in ti tur a ni lo.
12:5 LALPA in Pathianin in hnam zawng zawng zinga a hming awmna tur hmun a la ruat tur chu in zawng zawk ang a, chuta chuan in kal tur a ni,
12:6 chutah chuan in halral thilhlan te, inthawina te, in sawma pakhat te, in duh thua thilhlan te, in ran rual leh in beram rual zinga piang hmasa berte in rawn la tur a ni;
12:7 tin, chutah chuan LALPA in Pathian hmaah in ei ang a, in kutkawih LALPA in Pathianin mal a sawmna che uah chuan hlim takin in awm tur ani , in chhûngkuain.
12:8 Mi tinin mahni tha tihzawng ang maia tuna kan tih ang hian in ti tur a ni lo.
12:10 Jordan lui in kai a, LALPA in Pathianin a luahtir tur che ua in awm a, him taka in awm theihna tura in vela hmêlma zawng zawngte laka a chawlhtir hunah che u erawh chuan heti hi a ni ang a,
12:11 LALPA in Pathianin a hming awmtirna tur a ruat hmuna rawn lak tura ka tih zawng zawngte chu chutah chuan in rawn la tur nai, in halral thilhlan te, in inthawina te, in sawma pakhat e, in kut then thilhlan te, LALPA hnena in tiam tha thate chu;
12:12 tin, LALPA in Pathian hmaah chuan hlim takin in awm ang, nangmahni leh in fapate nen, in ina awm, Levi-hote nen, anni chuan in zingah chanvo leh ram nei ve si hek lo.
12:13 Hmun in hmuhna apiangah in halral thilhlante hlan ma lo turin fimkhur rawh u khai:
12:14 in hnamte zinga LALPAN a la ruat tur hmunah chuan in halral thilhlante chu in hlan zawk ang a, chutah chuan thu ka pêk zawng zawng che u chu in ti tur a ni.
12:15 Amaherawhchu LALPA in Pathianin malsawmna a dawntir che u ang zelin in nunnain a hchak ang ang chu in In theuhvah in talh ang a, a sa in ei thei ang; thianghlim lote leh thianghlimte pawhin sangai te, sakhite ang hi chu an ei thei ang.
12:16 A thisen erawh chu in ei tur ani lo; tui angin leiah in leihbaw tur a ni.
12:17 In inah chuan sawma pakhat, in bu te, in uain te, in hriak te leh in ran rual leh beram rual zinga piang hmasa ber te, in thutiama mi te, in duhthua thilhlan te, in kut then thilhlante chu in ei thei lo vang a;
12:18 LALPA in Pathian in hmun a la ruat turah, LALPA in Pathian hmaah in ei zawk tur a ni, nangmahni leh in fapa te leh in fanu te, in bawihpa te, in bawihnu te, in khuaa awm Levi-hote nen; LALPA in Pathianhmaah in kutkawih apiangah him takin in awm tur a ni.
12:19 In rama in awm chhûng zawng Levi-ho chu thlauthla lo turin fimkhur rawh u.
12:20 LALPA in Pathianin a tiam che u anga in ram a tihzau va, in nunnain sa ei a chak avanga , 'Sa ka ei ang,' in tih hunah chuan, in nunnain a chakzawng apiang sa chu in ei thei ang.
12:21 LALPA in Pathianin ahming awmna a la ruat tur chu in hlat luattuk chuan, thu ka pêk che u ang khan LALPAN a pêk che u in ran rual leh in beram rual zinga mi in talh ang a, in nunnain a chak angzawng chu in inah in ei tur a ni.
12:22 Sangai sa te, sakhi sa te in ei ang maiin in ei ang a, thianghlim lote leh thianghlimte pawhin angkhat rengin in ei ang.
12:23 Thisen eraw chu ei lo turin fimkhur rawh u; thisen chu nunna a ni si a; nunna chawpin sa chu in ei tur a ni lo.
12:24 In ei hauh lo tur a ni; tui angin leiah in leihbaw mai tur a ni.
12:25 In ei tur ani lo; tichuan LALPA mithmuha thil dik inti hian nangmahni leh in hnua in fate tan a la tha dawn nia.
12:26 In thil thianghlimte leh in thutiama mite chauh keng ula, LALPAN hmun a la ruat turah chuan kal ang che u:
12:27 tin, LALPA in Pathian maichamah in halral thilhlan chu, a sa leh a thisen in hlan ang a; tin, in inthawina thisente chu LALPA in Pathian maichamah chuan in chhûng chhuak ang a, a sa chu in ei ang.
12:28 Heng thu ka pêk zawng zawng che u hi ngun takin ngaichang rawh u, tichuan LALPA in Pathian mithmuha thi tha leh thil dik in ti hian in tan leh in hnua in fate tan kumkhuain a la tha dawn nia.
12:29 LALPA in Pathianin in va hneh tur hnamte a tihbosak che u a, an ram in luah a, in khawsak hunah chuan,
12:30 tiborala an awmna angah khan in aw ve lohna turin fimkhur ula, 'Heng hnamte hian engtin nge an pathian rawng an bawl? An tih angin keini pawhin I ti ve ang u,' tiin an pathiante chungchang thute zawt vel suh uu.
12:31 chutiang hchuan LALPA in Pathian chungah in ti tur ani lo; an pathian chungah chuan LALPA ngaiha thil tenawm tinreng, a huat tak maite chu an ti thin a; an fapa te, an fanute ngei pawh an pathiante tan an hla thin a ni.
12:32 Tih tura thu ka pêk che u apiang chu in ti tur a ni; in belhchhah tur a ni lo va, in tikiam tur a ni hek lo.
13:1 In zingah zawlnei emaw, mang neitu emaw an lo awm a, chhinchiahna emaw, thil mak emaw an entir che u a,
13:2 chhinchhiahna emaw, thil mak emaw an entir che u a lo thlen a, in hriat ngai loh, 'Pathian dang i zui ang u khai, an rawng i bawl ang u,' in hnena an tih chuan,
13:3 chu zawlnei emaw, mang neitu emaw thute chu in pawm tur ani lo; LALPA in Pathian chuan in thinlung zawng zawng leh in nunna zawng zawngin LALPA in Pathian chu in hmangaih nge hmangaih lo tih hriat nan a fiah che u ani e.
13:4 LALPA in Pathian chu in zui ang a, amah chu in tih ang a, a thupêkte chu in zawm ang a, a thusawite chu in pawm ang a, a rawngte in bawl ang a, amah chu in vuan tlat tur a ni.
13:5 Tin, chu zawlnei emaw, mang neitu emaw hchu tihhlum tur a ni. Aigupta ram ata hruai chhuak a, bawih ata tlantu che u LALPA in Pathian zawh tur chu a pêk che u kawng ata chu tipeng tur che u a, LALPA in Pathian chunga helna thu a sawi avangin chutiang huan in zinga thi tha lo chu in tibo tur ani.
13:6 I unaupa emaw, i fapa emaw, i nupui pawm lai emaw, i thian bul emaw pawhin in thlahtute la biak ngai lo pathian dangte be turin an thlem thei che u a,
13:7 in bul hnaia chengte pathian emaw, ram hla taka chengte pathian emaw emaw be turin an rawn thei che u a.
13:8 mahse chutiang mi chuan an thlem thlu tur che u a ni lo, an thurawn chu ngaithla suh ang che u. In khawngaihin, in thupin in zuah tur ani hek lo.
13:9 In tihlum ngei ngei tur a ni zawk a; a tihlum turin kut i thlâk hmasa ang a, chu mi hnuah mipui zawng zawngin.
13:10 Lungin in deng hlum tur a ni, Aigupta ram atanga bawih ata hruai chhuaktu che u LALPA in Pathian hnen aa tihpenna che u a zawn avangin.
13:11 Tichuan Israel mi zawng zawngin an hria ang a, an hlau vang a, in zingah chutiang suahsual reng reng chu an ching taw lo vang.
13:12 LALPA in Pathianin in awmna tura a pêk che u in khaw pakhatah chuan
13:13 in zing ata mi dukdak lo thenkhat lo chhuak a, chu mi khawpuia mite chu in hriat ngai lo pathian dangte be turin an hruai bo tih thusawi in hriat chuan
13:14 zawt vel ula, zawng chhuak ula, thahnemngai takin zawt rawh u; tin, ngai teh u, thu dik a lo ni a, chutiang thil tenawm in zingah tih ani tih hriat chian ani chuan
13:15 khandaihin chu mi khuaa awmte chu in tihlum ngei ngei tur ani a; a chhûnga awm zawng zawng te, ran rualte nen khandaihin in tiboral vek tur a ni.
13:16 Tin, râllâk sum zawng zawng chu khawlaiah in la kahwm ang a, tin, khua leh râllâk sum zawng zawng chu LALPA in Pathian hnenah pumhal thilhlanah in hal ang a, lei pawng mai ani kumkhua ang a, din ani leh tawh lo vang.
13:17 ,18 râllâk sum chu a engamah in khawih tur ani lo; LALPA chuan a thinurna nasa tak chu alamlet ang a, zahngaihna a hmuhtir ang che u a, a khawngaih ang che u a, LALPA in Pathian mithmuha thi tha it tura thupêk zawng zawng tuna ka pêk che u hi in zawm phawt chuan a tipung dawn che u nia, in pi pute hnena chhia a lo chham tawh ang khan.
13:18 ,17 râllâk sum chu a engamah in khawih tur ani lo; LALPA chuan a thinurna nasa tak chu alamlet ang a, zahngaihna a hmuhtir ang che u a, a khawngaih ang che u a, LALPA in Pathian mithmuha thi tha it tura thupêk zawng zawng tuna ka pêk che u hi in zawm phawt chuan a tipung dawn che u nia, in pi pute hnena chhia a lo chham tawh ang khan.
14:1 LALPA in Pathian fate in ni a; mitthi avangin in inzai tur a ni lo. In mit hmul in met kawng tur a ni hek lo.
14:2 LALPA in Pathian tan hnam thianghlim in ni si a, leilunga hnam zawng zawng zinga a pual bik ni tura LALPAN a tlan che u in ni a.
14:3 Thil tenawm reng reng in ei tur a ni lo.
14:4 Heng sate hi a ni, in ei theih tur chu; bawngpa te, beram te, kel te,
14:5 sakhi te, sangai te, sakhipa te, sathar te, ram kel te, ram lawi te, ram beram te hi.
14:6 Tin, sa tinreng, tin, kaka tin, kak chhuak, thialret thial chi tawh phawt zinga mi chu in ei thei ang.
14:7 Amaheawhchu heng thialret pawh thial si, an tin, pawh kak site hi chu, in ei tur a ni lo; sanghawngsei te, zupi te, szupui te hi, thialret chu an thial na a, an tin, a kak loh avangin in tan a bawlhhlawh a ni.
14:8 Tin, vawk hi a tin, chu a kak na a, thialret a thial loh avangin in tan a bawlhhlawh a ni; a sa in ei tur ani lo va, a ruang pawh in khawi tur a ni lo.
14:9 Tuia cheng zawng zawnga hengte hi in ei thei ang: pangparh leh phuhlip nei tawh phawt chu in ei thei ang a,
14:10 pangparh leh phuhlip nei lo apiangte chu in ei thei lovang, in tan a bawlhhlawh a ni.
14:11 Sava thianghlim zawng zawng chu in ei thei ang a,
14:12 Hengte erawh hi chu in ei tur a ni lo: mipui te, lungdup te, muarla te,
14:13 mulukawlh te, ngawihup e, mute chi reng reng te;
14:14 choak chi reng reng e;
14:15 sava sang te, vabak te, tuifinriat sava te, mu chi reng reng te,
14:16 hrangkir te, chhimbuk te, chingpirinu te, chhimbuksialki te;
14:17 tuivalawng te, mulukawlh te, lui dung mu te;
14:18 kanghlai te, dil sava chi reng reng e, chhuangtuar leh bak te.
14:19 Thla nei kea kal chi zawng zawng te chu in tan thil bawlhhlawh a ni a,
14:20 Sava thianghlim zawng zawngte chu in ei thei ang.
14:21 Amaha thi chu engma in ei tur ani lo; in awmpui ram dang mite ei atan in pe thei ang a; hnam dang mite hnenah in hral thei bawk ang; nangni zawng LALPA in Pathian tana hnam thianghlim in ni si a. Kel note chu a pi hnutein in chum tur a ni lo.
14:22 Kum tin in lova thlai haw zawng zawng sawma pakhat in tihrang ngei ngei tur a ni.
14:23 LALPA in Pathian tih nachang in lo hriat fo theih nan sawma pakhat, in buh te, in uain te, in hriak te leh in bawng rual leh in beram rual zinga piang hmasa berte chu LALPA in Pathian hmaah, a hming awmna tura a la ruat turah chuan in eit ur a ni.
14:24 LALPA in Pathianin mal sawmhun che u a, LALPA in Pathianin a hming awmna tur a la ruat tur hu a hlat lutuk avanga in tnan kawng a thui luattuka in ken theih loh chuan,
14:25 ah in chantir ang a, pawisa chu in keng ang a, LALPA in Pathian hmun ruatah chuan in kal tur a ni;
14:26 tin, pawisa chu in rilrua in duh ber, bawngpa emaw, beram emaw, uain emaw, zupui emaw, in rilrua in chak zawng ang apiang atan in hmang ang a; chuta chuan LALPA in Pathian hmaah in ei ang a, hlim takin in awm tur a ni, nangni leh inchhûngte nen;
14:27 Levi-ho in awmnaa awmte chu thlauthla hauh suh ang che u; in zingah chanvo pawh, rochan pawh an nei ve si lo va.
14:28 Kum thum a vei kum apiangin chu mi kuma in thil hawng zawng zawnga sawma pakhat chu in la khawm vek ang a, in awmnaah in da tur a ni;
14:29 tin, in awmnaa awm Levi-ho pawh, in zinga chanvo, rochan pawh nei ve lote leh ram dang mite leh pa nei lote leh hmeithaite chuan an ei ang a, an lo kahwsa ve thei ang; tichuan LALPA in Pathianin in kutkawih zawng zawngah chuan mal a sawm dawn che u nia.
15:1 Tin, kum sarih a vei kum apiangin ngaihdamna in siam tur a ni.
15:2 Ngaihdam dan chu hetiang hi a ni: leiba neitu apiangin an thenawmte an lo pûktir chu an ngaidam tur a ni; a thenawm pawh, a unau pawh a thing lui tur ani lo, LALPA ngaihdamna chu puan a nih tawh avangin.
15:3 Hnamdang mi chu in thing lui thei ang a; amaherawhchu in ta engpawh in unaute lo hman chu in ngaidam tur a ni.
15:4 Heng thupêk tuna ka thupêk zawng zawng che u hi pawm tura lalpain pathian aw chu thahnemngai taka in zawm phawt chuan mi rethei reng reng in awm hauh lo vang a. (LALPA i Pathianin luah tura a pêk che u ramah chuan LALPAN mal a sawm ngei ngei dawn che u a ni);
15:5 LALPA in Pathianchuan a tiam che u angin mal a sawm ang che u a, hnam tam tak in pûktir ang a, nangni erawh chuan in pûk lo vang; hnam tam tak chungah ro in rêl ang a,
15:6 in chungah erawh chuan ro an rêl ve lo vang.
15:7 LALPAN ram a pêk che u in awmnaah in unaute zingah rethei an awm chuan in unau retheite lakah chuan in rilru tikhauh suh ula, kawm hek suh u,
15:8 an lakah chuan in thilphal ngei ngei tur a ni a, an tlakchhamnaa an mamawh phuhrukna khawp in pûktir tur a ni.
15:9 Ngihdam kum, kum sarihna chu a lo thleng dawn ta,' tiin in unau retheite chu hmumawha engmah pe duh lovin in thinlungah dik lo taka ngaihtuahna awm lo turin fimkhur rawh u; chutilochuan ani chuan i chungchang thuah LALPA a au ang a, in tan sual a lo ni dah ang e.
15:10 In pe ngei ngei tur ani a; tin, in pêk hunah pawh inthinlung a hnur hauh lo tur a ni; chutiang thil avang chuan a ni, LALPA in Pathianin in thiltih zanw zangh leh in kutkawih zawng zawngah mal a sawm dawn che u ni.
15:11 chu ramah chuan mi retheite awm loh lai a awm dawn si lo va; chuvangin, ' In rama in unaute chungah te, tlachham te chungah te, in mi retheite chungah te, in thilphal ngei ngei tur a ni,' tiin thu ka pe che u a ni.
15:12 In unau, Hebrai pa emaw, Hebrai nu emaw, in hnena an hralh a, kum ruk in rawng an bawl chuan, kum saih kum chuan in chuahtir tur a ni.
15:13 Tin, in chhuahtir hunchuan kutbengin in chhuahtir tur ani lo;
15:14 in bera ruala mi te, in hruia mi te, in uain swr khura mi te ui lo takin in pe tur a ni; LALPA in Pathianin mal a sawm dan che ang zelin in pe tur a ni,
15:15 Aigupta ramah khan bawih in ni tawh a, LALPA in Pathianin a tlan che u tih kha in hre reng tur a ni; chuvang chuan a ni, tunah hian heng thu hi ka pêk che u ni.
15:16 Tin, heti hi a ni ang a, nangmahni leh in chhûngkua an ngainat avang leh in intihthiam avanga in hnena, 'Ka chuahsan lo vang che u,' an tih tlat chuan
15:17 thir zum in la ang a, kawngkhar chhanah an beng in vit ang a, tichuan kumkhuain in bawih an ni ang. Tin, in bawihnu pawh chutiang bawk chuan in ti tur a ni.
15:18 chhuahtir chu thil harah in ngai tur a ni lo. In hlawhfa thawh lehhnih thawkin kum ruk in rawng an bawlsak tawh si che u a; tin, LALPA in Pathianin in thiltih apiangah mal a sawm zel ang che u.
15:19 In ran rual te, in beram rualte zinga a pa,
15:20 LALPA in Pathian hmaah kum tinin LALPAN hmun a la ruat turah chuan in ei tur a ni, nangni leh inchhûngte nen.
15:21 Sawisel kaina nei, a ke bai emaw a mit del emaw, sawisel kaina nei tawh phawt chu LALPA in Pathian hnena inthawi nan in hmang tur a ni lo.
15:22 Nangmahni awmhmunah in ei tur a ni; thianghlim lote leh thianghlimte pawhin heng sangai te, sakhi te ang hi chu in ei thei ang.
15:23 A thisen erawh chu in ei hauh lo tur a ni; tui angin leiah in leihbaw mai tur a ni.
16:1 Abib thla chu thla serhah nei ula, LALPA in Pathian tana Kalhlen Kût nan hmang rawh u: Abib thla hian a ni, LALPA in Pathian chuan Aigupta ram ata zanah a hruai chuah che u ni.
16:2 LALPAN a hming awmna a la ruat turah chuan LALPA in Pathian hnenah in beram rual zinga mi leh ran rual zinga miin Kalhlen Kûtah in inthawi tur a ni.
16:3 chhang dawidim telh nen in ei tur a ni lo; in dam chung zawnga Aigupta ram ata in chuah ni chu in hriat reng theih nan ni sarih chang dawidim telh loh, hreawmna chhang nen in ei tur a ni, Aigupta ram atang chuan hmanhmawh taka chhuak in nih kha.
16:4 In ram chhûngah ni sarih chhûng chu, dawidim reng reng a awm tur a ni lo va; tin, ni khat ni tlai lama in inthawina sa chu zankhuain a tuk zing thlengin engma a awm tur a ni lo.
16:5 LALPA in Pathianin a pêk che u in awmna khawiah mah Kalhlen Kût inthawiin in inthawi thei lo vang a;
16:6 LALPA in Pathianin a hming awmna a la ruat turah chauh chuan ani ang; chutah chuan Aigupta ram ata in lo chhuah hun ang tlai lamah, ni tlakah Kalhlen Kût inthawin in inthawi tur ani a.
16:7 Tin, in rawh ang a, LALPAN hmun a la ruat turah chuan in ei ang a, tin, zingah in haw leh ang a, in puan inah inkal tur a ni.
16:8 Ni ruk chhûng chu chhang dawidim telh loh in ei tur a ni; tin, a ni sarih ni chu LALPA in Pathian tan inkhawmpui thianghlim ani ang a, hna in thawk tur a ni lo.
16:9 chawlhkar sarih inchhut ang a; in u seng tan ni atangin chawlhkar sarih chu in chhut tur a ni.
16:10 LALPA in Pathianin mal a sawm che u ang zelin in deh chhuah zinga mi mahni duh thua thilhlan chu hlanin LALPA in Pathian tan chawlhkar kut in nei tur a ni;
16:11 tin, LALPA in Pathianin a hming awmna a la ruat turah chuan nangni nen, in fapa te, in fanu te, in bawihpa te, in bawihnu te, in awmnaa awm Lei-ho te, hmeithaite nen LALPA in Pathian hmaah hlim takin in awm ang a;
16:12 Tin, Aigupta ramah khan bawih in ni tih in hre reng tur ani a; tin, heng dante hi fimkhur takin in zawm tur a ni.
16:13 In hrui ata leh in uain sawr khur ata in chhek khawm zawhah ni sarih chhng bawkte kut in nei tur a ni;
16:14 in kutah chuan nangni nen, in fapa te, in fanu te, in bawihpa te, in bawihnu te, in awmnaa awm Levi-ho te, ram dang mi te, pa nei lo te, hmeithaite nen hlim takin in awm tur a ni.
16:15 LALPAN hmun a la ruat turah chuan LALPA in Pathian tan ni sarih inkut tur a ni; LALPA in Pathianinin thil haw zawng zawngah leh in kutkawih zawng zawngah te mal a sawm ang che u a, lawm tak hlirin in awm dawn nia.
16:16 Kum tin, in mipa zawng zawngte chu vawi thum LALPA hmaah hmun a la ruat turah chuan an inlan tur a ni,chhang dawidim telh loh kutah te, chawlhkar kutah te, bawkte kutah te; tin, LALPA hmaah tumah kutruakin in inlan tur a ni lo va,
16:17 LALPA in Pathianin malsawmna a dawntir che u ang zelin mi tinin an theih ang tawk an pe tur a ni.
16:18 LALPA in Pathianin a pêk che u in kulh kawngka zawng zawngah inhnam ang zelin rorêltute leh hotute in insiam theuh vang a, mipute ro fel takin an rel sak tur a ni.
16:19 Dik lo takin ro in rel tur ani lo; tumah duhsak bik in nei tur a ni lo; thilpêk in la tur ani hek lo; thilpêk chuan mi fingte mit a tihdelsak a, mi felte thu a tihkhawlohsak si thin a.
16:20 LALPA in Pathianin a pêk che u ram chu nungdama in luah theih nan a fel chauhva chu in zawm tur a ni.
16:22 LALPA in Pathianin a huatzawng lung pawh in phun tur a ni hek lo.
17:2 ,3 In zingah LALPA in Pathianin a pêk che u in awmna khawiah pawh mipa emaw, hmeichai emaw pawh, thuthlung bawhchia a pathian dang rawng va bawl a, ka thupêk loh, ni emaw, thla emaw, vana mi reng reng bia a, LALPA in Pathian mithmuha thi tha lo ti an awm a,
17:3 ,2 In zingah LALPA in Pathianin a pêk che u in awmna khawiah pawh mipa emaw, hmeichai emaw pawh, thuthlung bawhchia a pathian dang rawng va bawl a, ka thupêk loh, ni emaw, thla emaw, vana mi reng reng bia a, LALPA in Pathian mithmuha thi tha lo ti an awm a,
17:4 an hrilh chia, nangin i lo hriat a, thahnemngai taka in zawh a, tin, ngai teh, a lo dik a, thu a chian chiaha chutiang thil tenawm Israelte zinga tih a lo nih chuan,
17:5 chu thIl sual titu, mipa emaw, hmeichia emaw chu in kulh kawngkhar pawnah mipa emaw, hmeichia emaw ngei chu in hruai chhuak ang a, lungin in deng hlum tur a ni.
17:6 Hretu pahni emaw , pathum emaw ka atangin thi tura chu tihhlum tur ani a, hretu pakhat ka atang chuan tihhlum tur a ni lo.
17:7 Tihhlumna turah chuan hretute chuan kut an thlak hmasa ang a, chu mi hnuah mipui zawng zawngin. chutaing chuan in zing ata chu thil tha lo chu in tibo tur a ni.
17:8 Thisen inchhuah thu-ah te, sum leh pai thu-ah te, invuak thu-ah te, in awmnaa inkhinna thu reng reng tea in tana rel harsa lutuk a lo awm chuan, LALPA in Pathianin hmun a la ruat tura chuan in kal ang a,
17:9 chu mi huna puithiam Levi-hote leh rorêltute hnenah chuan in kal ang a, in rawn ang a; tin, annin thu tihthluk dan an lo kawhhmu dawn che u nia;
17:10 tichuan nangnin LALPAN hmun a la ruat tur atanga thu tihthluk dan an lo kawhhmuh che u ang chuan in ti ang a, an zirtir che u ang zelin fimkhur takin in ti dawn nia.
17:11 Thu tihthluk dan an lo zitir che u leh rorel dan an lo hrilh che u ang zel chuan in ti ang a: thu tihthluk dan an lo kawhhmuh che u chu ding lamah emaw, vei lamah emaw in pensan tur a ni lo.
17:12 LALPA in Pathian hmaa rawngbawla tang thin puithiam leh rorêltu thu pawm lova, tilui apiang, chu mi chu tihhlumt tur a ni: Israel zing ata, chu thil tha lo chu in tibo tur a ni.
17:13 Tichuan mi zawng zawngin an hria ang a, an hlau vang a, an tilui leh tawh lo vang.
17:14 LALPA in Pathianin ram a pêk che u in va thlen a, in va luah a, in va awm a, 'Kan vela hnam zawng zawngte ang bawkin lal i nei ang u, in tih hunah chuan;
17:15 LALPA in Pathianin a thlana ngei chu lalah in nei tur a ni a: in unau zinga mi pakhat in lalah in siam tur a ni; hnam dang mi, in unau ni lo chu nangmahni awptu atan in siam tur a ni lo.
17:16 Amaherawhchu sakawr a ngah tur ani lo vang a, sakawr a ngah theih nan Aigupta rama mite nen chuan inthurual tur a ni bawk hek lo: LALPA chuan, "tun achinah chuan chu mi lama chuan in let leh tawh tur a ni lo, ' in hnenah a ti tawh tlat si a.
17:17 A rilru a vahbo loh nan nupui pawh angah tur ani lo va, tangka leh rangkachak pawh a ngah tur ani hek lo.
17:18 Tin, heti hi a ni ang a, a ram lalthutthlenga a thut hun chuan puithiam Levi-hote kawl thin dan hi lehkabuah a ziak chhawntir ang a;
17:19 a kawl ang a, a dam chhûng zawng a chhiar thin tur a ni, heng dan leh heng thuruat zawng zawngte hi pawm a, zawma ti tura LALPA a Pathian tih dana zir theih a,
17:20 a rilru a unaute chungah a dah lo va ding lama emaw, vei lamah emaw, thupêk chu a pensan lohna tur leh Israelte zinga amah leh a thlahte a ramah hian an dam rei phah nan a chhiar thin tur a ni.
18:1 Puithiam Levi-ho, Levi hnam zawng zawng chuan Israelte zingah chanvo leh rochan an nei tur ani lo va; LALPA hnena meia thilhlan leh a puala mi an ei tur a ni.
18:2 An unaute zingah rochan an nei tur a ni lo: an rochan chu an hnena a sawi angin LALPA a ni si a.
18:3 Inthawina hlantu mipuite laka puithiam pual tur chu heng hi a ni ang - bawngpa pawh, beram pawh, a dar leh a bekbawr khing hnih leh a pumpui puithiam an pe tur a ni.
18:4 In buhbal te, in uain te, in hriak haw hmasa te, in beram hmul meh hmasak berte in pe bawk tur a ni.
18:5 LALPA in Pathianin Lalpa hminga rawngbawla awm kumkhua turin in hnam zawng zawng zing ata a thlan an ni si a, anmahni leh an fapate nen.
18:6 Tin, Levi mi tupawh a awmna Israel ram in awmna a khawii pawh chuahsan a, a rilrua chak taka LALPAN a la ruat tur hmunah a lo kal chuan,
18:7 chuta LALPA hmaa awm thin Levi-ho, a unaute ang bawkin LALPA a Pathian hming in rawng a bawl tur a ni.
18:8 An puithiam man tiam lovin mi dang pual ang ei tur chu an chang ve tho vang.
18:9 LALPA in pathianin a pêk che u ram in va thlen hun chuan chung hnamte thil tenawmte tih ang chu in ching ve tur a ni lo.
18:10 A fapa emaw, a fanu emaw meia kal tlangtir te, aien ching e, thumvawr ching te emaw, mitlakdawi hmang emaw te, dawithiam te,
18:11 dawi ât te ramhuai zawl rawih te, dawithiam te, mitthi biak ching mite in zinga anaw awm tur a ni lo.
18:12 Heng thil ti mi apiangte hi LALPA ngaihin mi tenawm an ni si a: tin, heng thil tenawm avang hian a ni, LALPA in Pathianin a hnawhchuahsak che u ni,
18:13 LALPA in Pathian hmaah in tha famkim tur a ni.
18:14 chung in va luah tur rama hnamte chuan thumvawr leh aien chingte an pawm thin a; nangni zawng LALPA in Pathianin chutiang tih chu a pahl lo a ni.
18:15 LALPA in Pathianin, keimah ang hi in unaute zinga mi, zawlnei a siamsak ang che u: a thu chu in ngai tur a ni;
18:16 LALPA kan Pathian aw chu min hriattir tawh suh la, he mei sa tak hi min hmuhtir leh tawh suh la, kan thi dah ang e' tia Horeb tlânga pun khawm nia LALPA in Pathian in duh dan ang khan.
18:17 Tin, LALPA chuan ka hnenah, An tusawi chu an sawi tha hle a.
18:18 An unaute zinga nangmahni ang zawlnei ka siamsak a; a kaah ka thute ka dah ang a, a hnena thu ka pêk apiang chu an hnenah a sawi ang a.
18:19 Tin, heti hi a ni ang a, ka hminga ka thu a sawi pawm lo apiang chu ka ngaihtuah ang.
18:20 Ka hminga sawi tur ka pêk loh sawi luitu zawlnei emaw, pathian dangte hminga thu sawitu zawlnei emaw, chu zawlnei chu tihhlum tur a ni.
18:21 Tin, in thinlunga Engtin nge thu chu LALPA sawi a ni lo tih kan hriat ang? In tihch huan,
18:22 zawlneiin LALPA hminga thu a sawi a, a thil sawi chu a lo thlen loh va a hlawhtlin loh chuan chu chu a ni, LALPA sawi lohva chu; zawlnei chuan uangthuang takin an sawi mai mai a ni, amah chu in hlau tur a ni lo,' a ti a.
19:1 LALPA in Pathianin an ram a pêk che u hnam LALPAN a tihbo va, in luah a, an khuaah te, an inah te in awm hunah chuan,
19:2 LALPA in Pathianin luah tura a pêk che u in ramah chuan in tan khaw pathum in ruat tur a ni.
19:3 Tualthat apiang an tlan luhna turin, LALPAN a luahtir tur che u ram chu hmun thumah in then ang a, in ramrite in siam ang a, kawngte in buatsaih tur a ni.
19:4 Tin, tualthatte chuta tlan luta him theite chu hengte hi an ni; miin a thenawm khawveng tun hma lama huatna paw nei lem lova that palh apiangte,
19:5 mi a thenawm khawveng nen thing kit tura ram kala thing kit tura a hrei han chek a, hrei fang thlawnin thenawm khawveng chu vawm hlum ta ang te hi, chu mi zinga khaw pakhatah chuan a tlan ang a, a him ang a,
19:6 thisen phuba latu chuan a thinur lin laia tualthattu chu a um a, kawng a thui avanga umphakin a va vaw hlum hlauh dah ang e: tun hma lama huatna te lo nei lem lo a ni avangin thi awm a ni si lo.
19:7 chuvangin, 'Khaw pathum in tan in ruat tur a ni,' tiin thu ka pe che u a ni.
19:8 Tin, LALPA in Pathianin in pi leh pute hnena chhia a lo chham anga in pi leh pute pêk a lo tiam ram chu a pêk che u a, LALPA in Pathianchu hmangaih tur leh a kawng zawh fo tura a thupêk zawng zawng, tuna thu ka pêk che u hi in pawm a, in ram chu a tihzau chuan he mi khaw pathum tiam lovin in tan khaw pathum dang in belhchhah leh ang:
19:9 Tin, LALPA in Pathianin in pi leh pute hnena chhia a lo chham anga in pi leh pute pêk a lo tiam ram chu a pêk che u a, LALPA in Pathianchu hmangaih tur leh a kawng zawh fo tura a thupêk zawng zawng, tuna thu ka pêk che u hi in pawm a, in ram chu a tihzau chuan he mi khaw pathum tiam lovin in tan khaw pathum dang in belhchhah leh ang:
19:10 LALPAN luah tura a pêk che u in ram chhûngah chuan pawi khawih lo thisen chhuah a awm loh va, inchunga thisen a awm loh nan.
19:11 Amaherawhchu miin athenawm khawveng a huat a, a chan a, a beih a, thikhawp hiala a vuak a, chu mi khaw zinga pakhata a tlan chuan,
19:12 an khaw upaten mi tir se la, chuta ta chu va hruai sela, tihhlum turin thisen phuba latu kutah hlan rawh se.
19:13 In khawngaih tur ani lo va, in tana tha turin Israel ram ata pawi khawih lo thisen chuahna chu in tibo tur a ni.
19:14 LALPA in Pathianin luah tura a pêk che u ram, in luah tur rama a hmaa an lo phun tawh in thenawm ramri chu in sawn tur a ni lo.
19:15 Mi a khawlohna emaw, a sualna reng reng emaw hretu pakhat chu a tawk lovang; hretu pahnih ka emaw, hretu pathum ka emaw thuin tihngheh tur a ni.
19:16 Hretu fel lo takin mi thil ti dik lova a puh chuan,
19:17 an inkhinnaa an pahnihin LALPA hmaah chu mi huna puithiamte leh rorêltute hmaa chuan an ding tur a ni;
19:18 tin, rorêltute chuan ngun takin an dap ang a, tin, ngai teh, thu hretu chu hretu der a nih a, a unau chu dawta puh anih chuan,
19:19 a unau chunga tih alo tum ang chuan a chungah in ti tur a ni; chutiang chuan inzinga thil tha lo chu intibo tur a ni.
19:20 A la awmhote chuan an hria ang a, an hlau vang a, tun hnuah chutiang thil tha lo reng reng chu in zingah an ti tawh dawn lo nia.
19:21 In khawngaih tur a ni lo va; nun aiah nun, mit aiah mit, ha aiah ha, kut aiah kut, ke aiah ke a ni ang.
20:1 In hmêlmate do tura in chhuah a, sakawr te, tawlailir te, mipuite in aia tam inhmuhin, anmahni chu in hlau tur a ni lo. Aigupta ram ata hruai chhuaktu che u LALPA in Pathian chu in hnenah a awm si a.
20:2 Tin, in indo dawn hnaih chuan puithiam chuan mipuite chu va pan sela, bia sela,
20:3 an hnenah, 'Aw Israelte u, hre rawh u khai, tunah chuan in hmêlmate in do dawn ta ani a, zam suh ula, tih suh ula, khur hek suh u, anni chu hlau hek suh u;
20:4 nangmahni chhandam tura in hmêlmate beihsak tur che ua in hnena awm zel chu LALPA in Pathian a ni si a,' ti rawh se.
20:5 Tin, hotute chuan mipuite hnenah, 'In thar saa la hlan lo in awm em? A inah haw leh rawh se, indonaah a va thi hlauh vang a, mi dangin an hlan dah ang e.
20:6 Tin, grêp huan siam a, a ra la chawr lo in awm em? A in lamah hawleh rawh se, indonaah a thi hlauh vang a, midangin an chhawr dah ang e.
20:7 Tin, nupui huala la nei lo in awm em? A in lamah haw leh rawh se, indonaah a thi hlauh vang a, midangin an nei dah ang e,' tiin sawi rawh se.
20:8 Tin, hotute chuan mipuite hnenah, 'Hlau leh zam im awm em? A in lamah haw rawh se, a unaute thinlung chu a thinlung angin a tuiral ve dah ang e,' lo ti zel rawh se.
20:9 Tin, heti hi a ni ang a, hotuten mipuite hnena thu an sawi zaw chuan mipuite hmahruaitu tur sipai hotute an ruat tur a ni.
20:10 Bei tura khua in va hnaih hun chuan remna thu han sawi phawt ula.
20:11 Tin, heti hi a ni ang a, an lo rem che u a, an lo inpêk chuan heti hi a ni ang a, chuta mi awm zawng zawngte chu hnathawka in rawih tur an ni ang a, in rawng an bawl ang.
20:12 Tin, an lo remduh loh che u a, an lo do dawn che u chuan in hual ang a;
20:13 tin, LALPA in Pathianin in kuta a pêk hun che u chuan chuta mipa zawng zawng chu khandaihin in tihlum vek tur a ni:
20:14 hmeichhia le an fanaute te te te, rante leh khuaa thil awm reng rengte erawh chu chuta râllâk thl zawng zawngte nen lam in pualah in la tur a ni; tin, LALPA in Pathian in a pêk che u in hmêlmate laka râllâk thil chu in chen tur a ni.
20:15 Heng hnamho khuate ni lo, in awmna atanga khaw hla zawng zawngte chu chutiang chuan in ti zel tur a ni.
20:16 LALPA in Pathianin luah tura a pêk che u heng hnam khuate erawh hi chu LALPA in Pathianin thu a pêk che u angin nung tawh phawt chu engmah in zuah tur ani lo va,
20:17 Hit mi te, Amor mi te, Kanaan mi te, Periz mi te, Hiv mi te, Jebus mi te chu in tiboral vek tur a ni;
20:18 an pathiante chunga an tih thin thil tenawm zawng zawngte chu an zirtir lohna tur che uin, chutilochuan LALPA in Pathian chungah thil in tisual dah ang e.
20:19 Lak tuma in beih a, khua chu rei tak in hual pawhin chunga thingte chu hreipuiin in kit tur a ni lo va in ei atan a ni a, in kit tur a ni lo: thing chu mihring em an niha in hual ni?
20:20 A rah ei loh mi thing ani tih inhriatte erawh zawng zawng in tichiain in kit ang a, dotu che u khua chu a chhiat hma loh chuan kulhin in hung hnan tur a ni.
21:1 LALPA in Pathianin luah tura apêk che u ramah hian tamlakah mi, tihhlumin lo awm ang sela, a tihlumtu hriat ni si lo sela,
21:2 in upate leh in rorêltute an lo kal ang a, an tihlumna vel khua atang chuan an te ang a;
21:3 tin, heti hi a ni ang a. a ruang atanga khaw hnai ber, chu mi khaw upate chuan bawng rual zinga bawng la, la chawrloh, nghawngkawl la bel loh an kai ang a;
21:4 tin, chu khaw upate chuan bawng la chu tui luanna, lei la leh loh leh engmah la chin lohna ruamah an kai chhuk ang a, ruamah chuan bawng la ring chu an tan ang a;
21:5 tin, Levia fapa puithiamten an rawn pan ang a, anni chu LALPA in Pathianin a rawngbawltu leh LALPA hminga malsawmtu atan a ruatte an ni si a; thubuai leh invuak thu chu an rel ang ang ani ang;
21:6 tin, ruang hnaih ber khaw upate zawng zawng chuan ruama bawng la ring an tan chungah chuan an kut an sil ang a;
21:7 Kan kutin he thisen hi a chhuah lo va, kan mitin a hmu bawk hek lo.
21:8 Aw LALPA, i tlanchhuah i mi Israel-hote hi ngaidam la, i mi Israel-hote zingah hian pawi khawih lo thisen chhuahna hi a awm phal suh ang che,' an ti ang a, an tang tur a ni. Tichuan thisen thu-ah chuan ngaihdam an ni ang.
21:9 chutiang chuan LALPA mithmuha thi tha tiin pawi khawih lo thisen chhuahna chu in tikiang tur a ni.
21:10 In hmêlmate run tura in kal chuah a, LALPA in Pathianin in kut a pêk che u a, sala in hruai a,
21:11 sal zinga hmeichhe hmel tha tak, in mi duhzawng tak in hmuh chuan,
21:12 in inah in hruai hawng ang a, an lu an met ang a, an tin an zai ang a;
21:13 an sal kawr chu an hlip ang a, in inah an awm ang a, thla khat zet an nu leh an pa an sun ang a, chu mi hnuah chuan in pawl ang a, an pasal in ni ang a, in nupui an ni ang.
21:14 Tin, in lung a dum loh chuna an du duhnaah an kal in phal tur a ni, sum leh paiah inhralh hauh tur a ni lo va, sal bawlin in bawl tur a ni lo, in tihminghliau tawh si a.
21:15 Miin nupui pahnih nei ang sela, pakhat chu duhin pakhat chu hua sela, a duha leh a huata chuan fa hrinsak ve ve sela; tin, fapa upa ber chu a huata fa ni sela,
21:16 a ro neih chu a fapate a khawmtir huna chuan a duh taka fapa chu a fapa upa, a huata fa aia ûah a siam tur a ni lo va,
21:17 a huata fa,a fa upa ber, a neih zawng zawnga chan hnih huiah a siam tur a ni; a chakna bul a ni a, fa tir nihna chu a pual a ni.
21:18 Miin fapa luhlul tak, hel hmang tak nei ang sela, a nu leh a pa thu awih lovin an thununna pawm duh lo sela,
21:19 a nu leh a pa chuan an kai ang a, an khaw upate hnenah an khaw kulh kawngka bulah an hruai tur a ni;
21:20 tin, an khaw upate hnenah chuan, 'He kan fapa hi luhlul tak leh hel hmang tak a ni a, kan thu pawh a awih duh lo va; inkhawhral hmang leh ruihhmang mi a ni,' an ti tur a ni.
21:21 Tichuan khuaa mi zawng zawngte chuan lungin an denghlum tur a ni; chutiang chuan in zing ata chu thil tha lo chu in tibo tur a ni; tin, Israel mi zawng zawngin an hria ang a, an hlau vang.
21:22 Tin, miin thihna khawp sual a tih a, tihhlum aniha, thinglera in khai chuan,
21:23 a ruang chu thingah chuan zankhuain a awm tur a ni lo va, chu mi ni la la chuan in pum tur a ni; thinga khai piang chu Pathian anchhe dawng a ni si a;
21:24 LALPA in Pathianin luah tura a pêk che u in ram chu in tihbawlhhlawh loh nan.
22:1 In unaute bawngpa emaw, an beram emaw bo chu in hmuinin ngawihsan mai tur a ni lo va, in unaute inah in hruaihawsak leh ngei tur a ni.
22:2 Tin, in unaute in kiang hnaia awm an nih loh va, a neitu chu in hriat loh emaw ani chuan, in in lamah in hruai haw ang a, in hnenah a awm reng ang a, in unauvin a rawn zawn hun hunah in lo pêk leh tur a ni.
22:3 An sabengtung pawh chutiang bawk chuan in ti tur ani a, chutiang bawk chuan an silhfente pawh in ti tur ani a, chutiang bawk chuan in unau thil hloh in chhar tawh phawt chu in ti tur ani a, in ngawih bopui tur a ni lo.
22:4 In unaute sabengtung emaw, an bawngpa emaw, kawnga tlu in hmuhin in ngawihsan mai tur a ni lo va, in tunthawhpui ngei tur a ni.
22:5 Hmeichhiain mipa thuamhnaw an inbel tur ani lo va, mipain hmeiche silhfen an inbel tur ani hek lo; tupawh chutiang ti apiang chu LALPA in Pathian ngaihin mi tenawm an ni.
22:6 Kalkawnga thingah emaw, leiah emaw, sava bu a puiin a no emaw, a tui emaw awm, a awp lai in inhmuh chuan a no chu a pui chawpin in la tur ani lo va,
22:7 a pui chu chhuah ngei ngei tur ani a, a no erawh chu in la thei ang: chutichuan in tan a tha ang a, in dam rei dawn nia.
22:8 In thar in sak chuan chuta mi an tlaka inin chu thisen chhuahna in a nih loh nan in in chung in hung tur a ni.
22:9 Tin, in grêp huanah chuan thil chi hni inching tur ani lo; chutilochuanin chi tuh leh in grêp huana thil hawng zawng zawng chu LALPA pual ani mai ang.
22:10 Bawngpa leh sabengtung lei in leh duntir tur a ni lo.
22:11 Sahmul leh la tah pawlh in inbel tur a ni lo.
22:12 In intuamna puan chu a tlâng pali-ah fem in neihtir tur a ni.
22:13 Miin a nupui a neih a, a pâwl a, a huat leh si a,
22:14 "He hmeichhia hi ka nei a, ka han pâwl a, nula thianghlim a nihna ka hmu lo va,' tia mualpho taka a siam a, a hming a tihchhiat chuan,
22:15 nula nu leh pa chuan kulh kawngkaah chu mi khaw upate hnenah nula thianghlim a nihna chu an rawn tilang tur a ni a;
22:16 tin, nula pa chuan upate hnenah, 'He mi hi ka fanu ka neihtir a, a haw leh si a,
22:17 tin, ngai teh u, I fanu hi nula thianghlim a nihna ka hmu lo ve, tiin mualpho takin a siam a, mahse hengte hi ka fanu nula thianghlim a nihna chu ani alawm,' a ti ang a. Tichuan mi khaw upate hmaah chuan puan an phah ang a.
22:18 Tin, chu khaw upate chuan chu mi chu an hrem ang a;
22:19 Israel nula thianghlim a tihhmingchhiat avangin tangka sekel za an chawitir ang a; nula pa chu an pe tur a ni, ani chu a nupui ani ang a, a dam chhûngin a then thei lo vang.
22:20 Amaherawhchu chu mi thu chu a lo dik a, nula chu nula thianghlim a nihna a lo lan loh chuan
22:21 nula chu a pa kawngakah an hruai chhuak ang a, a awmna khuaa mite chuan lungin an deng hlum ang, a pa ina nawhchizuara Israelte zinga thil sual atthlak tak a tih avangin; chutiang chuan in zing ata, chu thil tha lo chu in tibo tur a ni.
22:22 Miin palsal nei a mutpui an hmuh chuan an pahnih chuan an thi tur a ni, a mutpuitu mipa leh hmeichhia chu; chutiang chuan Israel zing ata, chu thil tha lo chu in tibo tur a ni.
22:23 Nula thianghlim, mi nupui hual, miin khuaah ahmuh a, a mutpui chuan
22:24 an pahnihin khaw kulh kawngkaah in hruai chhuak ang a, lungin in denghlum tur a ni; hmeichhia chu khuaa awm si a au loh avangin; tin, mipa chu a thenawm nupui a tihhminghliau avangin; chutiang chuan in zing ata, chu thil tha lo chu in tibo tur a ni.
22:25 Amaherawhchu miin ramhnuaiah nula, mi hual a hmuh a, a tihluih a, a mutpui chuan a mutpuitu mipa chauh chu tihhlum tur ani a,
22:26 a nula chu engmah in tih tur a ni lo, nula chungah chuan thihna khawp sual a awm lo; heitang hi chu, mi athenawm beia that ang a ni a;
22:27 ramah a va tawng fu a, mi hual nula chu a au va, chhantu an awm si lo va.
22:28 Miin nula thianghlim hual loh a hmuh a, a man a,a mutpui an hmuh chuan,
22:29 a mutpuitu mipa chuan nula pa chu tangka sekel sawmnag a pe tur ani a, tin, ani chu a nupui a ni ang, a tihhminghliau tawh avangin; a dam chhûngin a then thei lovang.
22:30 Tuman mahni pate nupui mutpuiin an pate an timualpho tur a ni lo.
23:2 Sawn chu LALPA mite pung khawm zingah an tel tur a ni lo; chhuan sawmna thlengin a thlahte chu LALPA mite pung khawm zingah an tel tur a ni lo.
23:3 Amon mite leh Moab mite chu LALPA mite pung khawm zingah an tel tur a ni lo. Chuan sawmna thlengin an zinga mi chu LALPA mite pung khawm zingah an tel hauh lo tur a ni;
23:4 Aigupta ram atanga in lo chhuah laia chhang leh tuia an lo hmuah loh che u avang leh anchhe lawh tur che ua Mesopotamia rama Pethor khuaa Beora fapa Balaama an rawih avang khan.
23:5 Nimahsela LALPA in Pathian chuan a hmangaih che u avangin LALPA in Pathian chuan anchhia chu in tan malsawmnaah a chantir ta zawk a.
23:6 In dam chung zawng anmahni nena inremna leh an hmuingilna engtikah mah in ngaihtuahpui tur a ni lo.
23:7 Edom mite chu in lungten tur a ni lo va, in unaute an ni si a; Aigupta mite chu in lungten tur ani lo, an ramah chuan in va mikhual tawh avangin.
23:8 An thlahte chu chhuan thumna atnagin LALPA mite pungkhawm zingah chuan an tel tur a ni.
23:9 In hmêlmate beia in va riahna hmuna chuan thil tha lo tinreng lakah in inthiarfihlim tur a ni.
23:10 In zingah tupawh zana amaha thil chuak avanga bawlhhlawh an awm chuan, riahhmun ata a chhuak ang a, riahhmunah chuan a lut leh tur ani lo va;
23:11 amaherawhchu khua a lo tlai lamin a inbual ang a; tin, ni tlakah riahmunah a lût leh tur a ni.
23:12 Tin, riahhmun pawn lama hmun in ruat ang a, chutah chuan in kal thin tur a ni;
23:13 tin, in hmanraw zinga chuan suahdur in nei ang a; tin, heti hi ani ang a, chuchuan in va thutna tur chu in lai khuar ang a, in zunram thiar chu in vur leh tur a ni;
23:14 LALPA in Pathian chu in riahhmuna nangmahni chhanhim tur leh in hmêlmate hlan tur che uin a lo tel zel si thin a; chuvangin riahhmun chu a thianghlim tur a ni; chuti lo chuan in zinga thil bawlhhlawh a hmu ang a, a kal bosan dah ang che u.
23:15 Chhiahhlawh, in hnena an pu rawn tlan chhuahsan chu in pe let leh tur a ni lo:
23:16 in awmnaa an du ber an thlan apianga chuan in zingah an awm ve mai tur a ni; in hnehchhiah turani lo
23:17 Israel fanute zingah nawhchizuar an awm tur ani lo va, Israel fapate zingah mipa inzuar an awm tur a ni hek lo.
23:18 Nawhchi zawrh man emaw, uicho man emaw , thutiam nan LALPA in Pathian ina in keng tur ani lo; a eng ve ve pawh chu LALPA in Pathian ngaihin thil tenawm a ni.
23:19 A pung umin in unaute inpûktir tur a ni lo; tangka lama pung emaw, ei tur lama pung emaw, engpawh a pung uma pûktir reng reng chu:
23:20 ram dang mite chu a pung umin in pûktir thei ang; nimahsela in unaute chu a pung umin in pûktir tur a ni lo; chutichuan in va luah tur rama in kutkawih zawng zawngah LALPA in Pathianin mal a sawm dawn che u nia.
23:21 LALPA in Pathian hnena thu in tiam in rei rial lovin pêk nghal tur a ni; LALPA in Pathian chuan a phut dawn ngei si che u a, in tan sual a lo ni mai ang.
23:22 Thutiam kawnga in insum chuan in tan sual a ni lovang.
23:23 In kaa chhuak tawh chu in ti ngei tur a ni; duh thua thilhlan in kaa in tiam, LALPA in Pathian hnena in tiam ang zelin.
23:24 In thenawm grêp huana in kalin in duh tawkin in ei thei a, amaherawhchu in emah in khung tur a ni lo.
23:25 In thenawm buh ding lai hmunah in kalin a vui chu in thliak thei a; amaherawhchu in thenawm buh ding laiah chuan favah in ruai tur a ni lo.
24:1 Miin nupui a neih a, a chunga thil mawi lo eng emaw a hriat avanga a mit a tlun loh chuan heti hi a ni ang a, inmâkna lehkha a ziaksak ang a, a pe ang a, a in ata a chhuahtir tur a ni.
24:2 Tin, a in ata a chhuah hnu chuan mi dang a va nei thei ang.
24:3 Tin, a pasal hnuhnung zawk chuan a huat a, inmâkna lehkha a ziaksak a, a pêk a, a in ata a chuahtir emaw, a pasal hnuhnung zawk, nupuia neitu chu a thi emaw a nih chuan,
24:4 a pasal hmasa, amah kaltirtu khan, tihbawlhhlawh tawh a ni a, a nei leh thei lo vang; LALPA ngaihin thil tenawm a ni: LALPAN luah tura a pêk che u rama chuan sual in luhtir tur a ni lo.
24:5 Mi, nupui nei hlim chu sipaiah a kal tur a ni lo va, eng hnathawkah mah phut tur ani lo; a in lamah kum khat chu a duh ang angin a awm ang a, a nupui nen hlim takin an awm tur a ni.
24:6 Buh rawtsawmna emaw, a chung lam lung emaw tumah in hrensak tur ani lo, mi nunna hrensak a ni dawn si a.
24:7 Tupawh, Israela thlah, a unaute zinga mi ru a, sal deha dek emaw, zuar emaw hriat chhuah an nih chuan, chu rukrupa chu tihhlum tur a ni; chutiang chuan in zing ata, chu thil tha lo chu in tibo tur a ni.
24:8 Phâr hri chungchang thuah chuan, ngun taka dap chhuak a, puithiam, Levi hote zirtir dan ang zela ti turin fimkhur rawh u; anmahni thu ka pêk angin fimkhur takin in ti tur a ni.
24:9 Aigupta ram ata in lo chhuahna kawnga LALPA in Pathianin Miriami chunga a tih dan kha hre reng rawh u.
24:10 Engpawh in thenawm in pûktirin a hreng la turin a inah in lut tur a ni lo.
24:11 Pawnah in ding ang a, in pûktira chuan hreng chu pawnah a rawn laksak tur che a ni.
24:12 Mi rethei ani chuan a hreng chu in mutpui tur a ni lo;
24:13 a silhfenah chuan a mut a,a fak theih nan che u a hreng chu ni tlakah in pe kir leh ngei tur a ni, tichuan LALPA in Pathian ngaihin in tan thil fel a ni ang.
24:14 In mi rawih, mi rethei leh tlachhamte chu in unau emaw, in ram in awmnaa awm ram dang mi emaw pawh ni sela in hnehchhiah tur ani lo;
24:15 a thawh ni chuan ahlawh chu in pe tur ani a, niin a tlak hnan tur ani lo; mi rethei ani a, chutah chuan a rilru a dah thin a ni; chutilochuan in chungchang thuah LALPA a au vang a, in tan sual a lo ni da ang e.
24:16 Fate avangin pate tihhlum tur a ni lo va, pate avangin fate tihhlum tur a ni hek lo; mi tin, mahni sual avang theuhva tihhlum tur a ni.
24:17 Ram dang mite leh pa nei lote ro chu dik lo takin in relsak tur a ni lo va, hmeithai puan chu hrengah in laksak tur ani hek lo;
24:18 nangni pawh Aigupta ramah khan bawih in ni tawh a, LALPA in Pathianin chuta ta chu a tlan che u a ni tih inhre reng tur a ni; chuvang chuan a ni, heng thil hi ti tura thu ka pêk che u ni.
24:19 In lova buh in seng a, buhphal in khawm hmaih chuan in lak leh tur a ni lo, ram dang mi te, pa nei lo te, hmeithaite ta tur a ni; tichuan LALPA in Pathian chuan in kutkawih zawng zawngah mal a sawm dawn che u nia.
24:20 In oliv thing in vuakin a zarte chu in vaw nawn tur a ni lo; ram dang mi te, pa nei lo te, hmeithaite ta tur a ni.
24:21 In grêp huana mi in lawhin a to in zawng tur ani lo; ram dang mi te, pa nei lo te, hmeithaite ta tur a ni.
24:22 Tin, Aigupta ramah khan bawih in ni tawh tih in hre reng tur a ni; chuvang chuan a ni, heng thil hi ti tura thu ka pêk che u ni.
25:1 Mi an inkhin chuan, rorêlnaah an kal ang a, rorêltuten an lo relsak ang a, mi fel chu thiam an chantir ang a, mi sual chu thiam loh an chantir tur a ni;
25:2 tin, heti hi a ni ang a, mi sual chu vuak awm anih chuan, rorêltu chuan a muttir ang a, a hmaah a vuaktir tur a ni, a sual dan a zirin vuak zat tur chu thliah a ni ang.
25:3 Vawi sawmli thleng vuak theih ani ang a, chu aia chuang liam chu ni lovin; hei aia chuanga a vuak chuan in unaupa chu inmualpho lu dah ang e.
25:4 Sebawngpain buha chil laiin a hmui in phuar tur a ni lo.
25:5 Unauza awmho sela, fapa nei lovin an zinga mi chu thi sela, a thia nupui chuan pawn lama mi, mi dang a nei tur ani lo; a pasal unau chuan a rochung ang a, nupuiah a nei ang a, pasal unau tih tur chu a chungah a ti tur a ni.
25:6 Tin, heti hi ani ang a, a fa tir hrinsak chuan Israel zinga a hming a bo loh nan a unau thi taa hming chu a pu tur a ni.
25:7 Tin, ani chuan a unaupa nupui chu neih a duh loh chuan, a unaupa nupui chu kulh kawngkaa upate hnenah a han chho vang a, 'Ka pasala unaupain Israel zingah a unau hming awmtir zel a duh lova, pasal unaupa tih tur chu ka chungah a ti duh lo,' a han ti tur ani.
25:8 Chutichuan an khaw upate chuan ani chu an ko vang a, an bia ang a, tin, ani chuan, 'Ka nei duh lo a ni,' tia a tan tlat chuan
25:9 a unaupa nupui chuan upate hmaah a han pan ang a, a pheikhawk a hlihsak ang a, a hmaiah chil a chhak ang a, 'A unaupa chhûngkaw din duh lotu chungah chuan heti anga tih ni zel rawh se,'a ti ang a, a chhang tur a ni.
25:10 Tichuan, 'chhûngkaw pheikhawk hlihsak a,' tiin Israelte zingah chuan a hming puttir tur a ni ang.
25:11 Mi insual sela, a pakhat zawka nupui chuan a sualpui lak ata a pasal chhanchhuak turin a zahmawhah pawhsak sela,
25:12 a kut chu in tansak tur a ni a, in khawngaih tur a ni lo.
25:13 In ipah chuan khin chi dang dang, a rit leh a zang in nei tur a ni lo.
25:14 In inah tehna chi dang dang, a lian leh a te in kawl tur a ni lo.
25:15 Khin dik tak leh fel tak in nei tur a ni. Tehna dik tak leh fel tak in nei tur a ni si; tichuan LALPAN ram a pêk che uah hian in dam rei dawn nia.
25:16 Chutiang thil titu, fel lo taka titu zawng zawngte chu LALPA in Pathian ngaihin tenawm an ni.
25:17 Aigupta ram ata in lo chhuahna kawnga Amalek-ho lo tih dan che u kha hre reng rawh u;
25:18 Pathian pawh hlau lovin in chauh lai leh in ngui laia kawnga a lo tawh che u a, in zinga hnufual mi chhiathaho a hnufualte zawng a lo beih dan te kha.
25:19 Chuvangin heti hi a ni ang a, LALPA in Pathianin luah tura ram apêk hun che u a, in vela in hmêlmate zawng zawng laka LALPA in Pathianin ralmuanna a pêk hun che u chuan van hnuai chhina Amalek-ho hriat rengna chu in tibo hlauh tur a ni; in theihnghilh hauh tur ani lo.
26:1 Tin, heti hi a ni ang a, LALPA in Pathianin rochun leh luah tura ram apêk che u in va luh a, in va awm hun chuan,
26:3 Tin, chu mi huna puithiam hnenah chuan in kal ang a, a hnenah, "Min pêktura kan pi leh pute hnena chhia a lo chham ramah kan lo kal ta tih vawiinah hian LALPA in Pathian hnenah kan tilang a ni,' in ti ang a.
26:4 Tin, puithiam chuan in kut ata bawm chu a la ang a, LALPA in Pathian maicham bulah a hung ang.
26:5 Tin, nangnin LALPA in Pathian hmaah cuan, "Kan pu chu Suria mi, mi vakvai a ni a, Aigupta ramah a zuk chuk a, a zuk cheng a, tlemte an ni a; tin, chutah chuan hnam ropui tak, thiltithei tak, tam tak an lo ni ta a;
26:6 tin, Aigupta mite chuan min tinawmnah a, min tirethei a, hna hautak tak min thawhtir a;
26:7 tichuan LALPA kan pi leh pute pathian chu kan au va, LALPA chuan kan aw chu a lo hria a, kan retheihzia te, kan rimzia te, hnehchhiah kannihzia te chu a hria a;
26:8 tin, LALPA chuan Aigupta ram ata chu kut chak tak te, ban phar te, thil hlauhawm tak te, chinchhiahna te, thil mak tein min hruai chhuak a,
26:9 he hmunah hian minhruai lut a, he ram, bawnghnute leh khawizu luanna ram hi min pe a.
26:10 Tin, ngai teh, aw LALPA, nangin min pêk leilung rah hmasa ber theuhte kan rawn la e,' in va ti tur a ni. Tin, LALPA in Pathian hmaah chuan in hung ang a, LALPA in Pathian hmaah chibai bukin in kun ang a;
26:11 tin, LALPA in Pathian in chhûngkua te, nangni te, Levi mi te, in zinga ram dang mite thil tha a pêk zawng zawng che uah chuan hlim takin in awm tur a ni.
26:12 Tin, kum thum kum, sawma pakhat pêk kuma in thil hawng zawng zawng sawma pakhat in pêk zawh chuan, Levi mi te, ramdang mite, pa nei lo te, hmeithaiten in awmnaah chuan an ei a, an lo khawsak ve theihna turin in pe tur a ni;
26:13 tin, LALPA in Pathian hmaah, 'I thu mi pêk, i thupêk zawng zawng angin kan in ata thil thianghlimte chu kan dah chhuak a, Levi mi te, ram dang mi te, pa nei lo te, hmeithai te kan pe tawh a; i thupêk chu a engamah kan bawhche lo va, kan theihnghilh hek lo va;
26:14 kan lusun laiin chuta mi chu kan ei lo va, kan bawlhhlawh laiin kan thehthang hek lo va, mitthi pualah kan pe hek lo; LALPA kan Pathian aw chu kan ngaichang a, i thu min pêk zawng zawng ang chuan kan ti a ni.
26:15 I awmna thianglim van atang chuan rawn en la, hnutetui leh khawizu luanna ram, kan pi leh pute pêk tura chhia i lo cham tawh ang khan i mi Israelte leh i leilung min pêk hi malsawm ang che,' in ti tur a ni.
26:16 Vawiinah hian LALPA in Pathian chuan heng dan leh rorêlte hi zawm turin thu ape che u a ni; chuvangin in thinlung zawng zawng leh, in rilru zawng zawngin in pawmin in zawm tur a ni.
26:17 vawiinah hian LALPA chu a kawngte zawh a, a dan te, a thupêkte leh a rorêlte zawma a awte ngaihchan tumin in Pathianah in thlang ta a;
26:18 tin, vawiina hian a tiam che u ang khan, a thupêk zawng zawngte in zawm a, ama pual bik ni tur leh
26:19 a lo sawi tawh anga LALPA in Pathian tan mi thianghlim in nih theihna tur leh hnam a siam zawng zawng zinga fak te, hming that te, chawimawi te hlawh turin LALPAN a thlang che u a ni," a ti a.
27:1 Tin, Mosia leh Israel upate chuan mipuite chu, "thupêk zawng zawng vawiina ka pêk che u hi pawm rawh u.
27:2 LALPA in Pathianin ram a pe che ua kal tura Jordan in kan ni chuan heti hi a ni ang a, lung lian tak tak in phun ang a, lung charna in hnaih tur a ni;
27:3 tin, in kai hnuin a chungah chuan he dan thu zawng zawng hi in ziak tur a ni; tichuan LALPA, in pi leh pute Pathianin a lo tiam che u ang khan hnutetui leh khawizu luana ram, LALPA in Pathianin a pêk che u ramah chuan in kal thei ang.
27:4 Tin, Jordan lui in kan zawh chuan heti hi a ni ang a, vawiina thu ka pêk che u ang hian Ebal tlângah lungte chu in pun ang a, lung charna in hnawih tur a ni.
27:5 Tin, chutah chuan LALPA in Pathian tan maicham, lung maicham in siam tur ani a, thir hmanrua in hmang tur a ni lo.
27:6 LALPA in Pathian maicham chu lung chher lovin insiam tur ani a; chu miah chuan LALPA in Pathian tan halral thilhlante in hlan ang a;
27:7 remna thilhlantein in inthawi ang a, chutah chuan in ei ang a, LALPA in Pathian hmaah chuan hlim takin in awm tur a ni.
27:8 Tin, lung chungahte chuan he dan thu zawng zawng hi fiah takin in ziak tur a ni," tiin thu an pe a.
27:9 Tin, Mosia leh puithiam Levi-ho te chuan Israel mi zawng zawngte chu an bia a, "Aw Israel mite u, nguntakin ngaithla rawh u; vawiinah hian LALPA in Pathian mite in lo ni ta a.
27:10 Chuvangin LALPA in Pathian thu chu in awih tur ani a, vawiina thu ka pêk che u, a thupêk te leh a dan te chu in zawm tur a ni," tiin.
27:11 Tin, chu mi ni vek chuan Mosian mipuite chu thu a pe a,
27:12 "Jordan lui ral in kai hnu chuan mipuite malsawm atan Gerizim tlângah hengho hi an ding tur a ni: Simeon hnam te, Levi hnam te, Juda hnam te, Isakar hnam te, Josef hnam te, Benjamin hnam te hi;
27:13 tin, ânchhia atan hengho hi Ebal tlângah an ding tur a ni; Reuben hnam te, Gad hnam te, Aser hnam te, Zebulun hnam te, Dan hnam te, Napthali hnamte hi.
27:14 Tin, Levi-hote chuan an han sawi tan ang a, Israel mi zawng zawngte hnenah chuan aw ring takin,
27:15 'Themthiamte kut chhuak LALPA tana tenawm milem din chawp emaw, chhun chawp emaw vawng ru apiang chu anchhe dawngin awm rawh se,' an ti ang a. Tin, mipui zawng zawng chuan, 'Amen,' an lo ti ang a, an lo chhawn tur a ni.
27:16 'A nu emaw, a pa emaw zah lo apiang chu anchhe dawngin awm rawh se,' an ti ang a. Tin, mipui zawng zawng chuan, 'Amen,' an lo ti ang a, an lo ti tur a ni.
27:17 'A thenawm ramri sawntu chu ânchhe dawngin awm rawh se,' an ti ang a. Tin, mipui zawng zawng chuan, 'Amen,' an lo ti ang a, an lo ti tur a ni.
27:18 'Kawng ata mitdel kawng lova kaltirtu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:19 'Ram dang mi te, pa nei lo te, hmeithai te ro dik lo taka relsaktu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:20 'A pa nupui mutpuitu chu ânchhe dawngin awm rawh se, a pa timualpho a nih avangin,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:21 'Ran engpawh pawltu chu ânchhe dawngin awm rawh se,' an ti ang a, Mipui zawng zawng chuan, 'Amen,' an lo ti ang a, an lo ti tur a ni.
27:22 'A farnu, a pa fanu emaw, a nu fanu emaw mutpuitu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:23 'A pizawn mutpuitu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:24 'A thenawm that rutu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:25 'Pawi khawih lo thah nana thamna latu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
27:26 'He dan thu pawm nghehpui lotu chu ânchhe dawngin awm rawh se,' an ti ang a. Mipui zawng zawng chuan, 'Amen,' an lo ti ang a, an lo ti tur a ni.
28:1 Tin, heti hi a lo ni ang a, LALPA in Pathian awka chu ngun taka in ngaihthlak a, vawiina thu ka pêk che u thupêk zawng zawngte fimkhur taka in zawm chuan, LALPA in Pathian chuan khawvel hnam zawng zawnga chungnung berah a siam ang che u;
28:2 tin, LALPA in Pathian thu in pawm phawt chuan heng malsawmna zawng zawngte hi in chungah a lo awm ang a, a zui zel ang che u.
28:3 In lam leh ram lamah te chuan malsawmin in awm ang a.
28:4 In rila rah te, in lei rah te, in ran rual pung, in bawngpui leh in beram rual pungte chu malsawmin a awm ang.
28:5 In bawm leh in chhang hmehna thleng te malsawmin a awm ang a.
28:6 In vak chhuakte chu malsawmin in awm ang a, in lo hawngte pawh malsamin in awm ang.
28:7 In hmêlma nangmahni beitute chu LALPAN a tihtlawmsak ang che u a; a bei tur che uin kawng khatah an lo lut ang a, kawng sarihah an tlanchhia a.
28:8 LALPAN in buh in chungah te, in kutkawih zawng zawng chungahte malsawmna chu thu a pe ang a; LALPA in Pathianin ram a pêk che uah chuan mal a sawm ang che u.
28:9 In hnena chhia a lo chham tawh angin LALPA chuan ama tana hnam thianghlimah a tinghet ang che u, LALPA in Pathian thupêkte in zawm a, a kawngte in zawh phawt chuan.
28:10 Tichuan khawvel hnam tinin LALPA ta in nih an hria ang a, an hlau vang che u.
28:11 Tin, nangmahni pêk tura in pi leh pute LALPAN a lo tiam ramah chuan in rila rahah te, in ran rualah te, in lei rahahte LALPAN nasa takin a tipung ang che u.
28:12 LALPA chuan a hun taka in ram chawm tur ruah tui pe tur che u leh in kutkawih zawng zawng malsawm turin van, a ro bawm tha chu a hawnsak ang che u a; tichuan hnam tam tak in pûktir ang a, nangni erawh chuan in puk lo vang.
28:13 Tin, LALPAN mei ni lovin luah a siam ang che u a, a hnuaihnung ni lovin a chungnung zel in ni ang; LALPA in Pathian thupêk awih a, tuna ka pêk che u hi fimkhur taka pawm a, vawiina thu ke pêk che u,
28:14 a thute hi a engamah ding lam emaw, vei lam emawa pathian dangte zui leh rawngbawl tura in pensan loh phawt chuan.
28:15 Amaherawhchu heti hi a lo la ni ang a, LALPA in Pathian awka chu ngun taka in ngaihthlak loh va, vawiina thu ka pêk che u thupêk zawng zawngte fimkhur taka in zawm loh chuan heng anchhia zawng zawngte hi in chungah a lo awm ang a, a nangching ang che u.
28:16 In lam leh ram lamahte chuan anchhia in dawng ang.
28:17 In bawm leh in chhang hmehna thlengte ânchhe dawngin a awm ang.
28:18 In rila rah te, in lei rah te, in bawngpui leh in beram rual pungte chu ânchhe dawngin an awm ang.
28:19 In vak chhuakte chu ânchhe dawngin in awm ang a, in lo hawngte pawh ânchhe dawngin in awm ang.
28:20 LALPAN in chungah, in kutkawih zawng zawngahte anchhia te, buaina te, zilhhaunate a rawn tir ang a, in tlawm ang a, in boral thuai ang; in thiltihsualte avanga mi hnuchhawn avangin.
28:21 Luah tura in luhna ram ata chu a tiboral hma loh che u chuan LALPAN hri a vawntir tlat ang che u.
28:22 LALPAN ngawrna te, khawsik te, vunna te, sat huam huamna te, khandaih te, rona te, tawihna tein a hrem ang che u a, in boral hma loh chuan a um zel ang che u.
28:23 In chung lama in van chu dar a ni ang a, in hnuai lama lei chu thir a ni ang.
28:24 In ram ruah chu vaivut leh vaivut khuah LALPAN a chantir ang a; in boral hma loh chu van atangin in chungah a lo tla ang.
28:25 LALPAN in hmêlmate lakah a titlawm ang che u a; anmahni bei turin kawng khatah in chhuak ang a, kawng sarihah in tlanchhia ang a; khawvel hnam tin, zingah kil tin, kil tangah in vak in vak ang.
28:26 In ruang chu chungleng sava zawng zawng leh ramsa zawng zawngte chaw a ni ang a, a hnawt botu an awm hauh lo vang.
28:27 Tihdam theih loh Aigupta khawihli te, ngawtna te, vunna te, uithak tein LALPAN a hrem ang che u.
28:28 Atna te, mitdelna te, zamna tein LALPAN a hrem ang che u a;
28:29 mitdelin thimthama a dap a dap angin chhun enah pawh in dap in dap ang a, in khawsak thu-ah chuan in hmuingil lo vang; tin, hnehchhiah atan leh râllâk atan ngawt in ni chamchi ang a, chhanchhuak tur che u tumah an awm lo vang.
28:30 Nupui in hual ang a, mi dangin an mutpui ang; in in sa ang a, in luah lo vang: grêp huan in siam ang a, a rah chu in chhawr lo vang.
28:31 In mithmuhah in bawngpate chu thah a ni ang a, a sa chu in ei lo vang; in sabengtungte chu an lak luihsak ang che u a, an pe leh lo vang che u; in beramte chu in hmêlmate pêk a ni ang; chhantu che u tumah in nei lo vang.
28:32 In fanu te, in fapte hnam dangte pêk an ni ang a, nilengin anmahni ngaiin in thlir reng thin ang a, in thlirna lamah in mitte a chau vang a; engmah tih theih in nei si lo vang.
28:33 In lei rahte leh in thawhrim rahte chu in hriat loh hnamin an ei zo vang a, hnehchhiah atan leh neksawr atan ngawt in ni chamchi ang;
28:34 Chuti chuan chung thil chu in hmuin in at phah ang.
28:35 LALPAN in khupah te, in keah te, tihdam theih loh khawihli na chi a veitir ang che u, in kephah atanga in chhip thlengin.
28:36 Nangmahni leh in lal chawpin in pi leh pute chena in hriat ngai loh hnam hnênah LALPA chuan a hruai ang che u a; chutah chuan pathian dang, thing leh lung rawng te in bawl ang.
28:37 Tichuan, LALPAN a la hruai bona tur che u hnam zawng zawng zingah chuan mak tih leh haubur leh a chhe lama tehkhinna in lo la ni ang.
28:38 Lovah buh chi tam tak in fehchhuahpui ang a; tlemte chauh in seng ang, khauvin a ei zo vek dawn a ni.
28:39 grêp huan in siam ang a, in enkawl ang a, nimahsela a uain chu in in lo vang a, grêp chu in lo hek lo vang, changpatin a ei zo dawn a ni.
28:40 In ram zawng zawngah oliv thing in ching ang a, nimahsela a hriak chu in thih lo vang, in oive rahte chu a hlamtla zo vang.
28:41 Fanu fapa in hring ang a, nimahsela in ta an ni lo vang, salah an la hruai dawn a ni.
28:42 In thei kung zawng zawng leh in lei rah chu khau chan a ni ang.
28:43 Ram dang mi in zinga awmte chuan an san khalh telh telh ang che u a, nangni chu in hnuai telh telh ang.
28:44 An pûktir ang che u a, nangni chuan in pûktir ve lo vang. Anni chu lu an ni ang a, nangni chu mei in ni ang.
28:45 heng anchhia zawng zawng hi in chungah alo awm ang a, a um ang che u a, a nangching ang che u, a tihboral zawht hleng che uin; a thupêkte leh a dan a pêk che u zawm tura LALPA in Pathian awka chu in ngaihthlak loh avangin:
28:46 in chungah leh in thlahte chungah kumkhuaa chhinchhiahna leh mak tih atan a la awm ang.
28:47 Thil engkima in lo muk pawha LALPA in Pathian chu rilru lawm tak leh hlim taka a rawng in bawl loh avangin,
28:48 nangmahni bei LALPAN a la rawn tirh tur in hmêlmate rawng chu riltam chung e, tuihal chung te, saruak chung te, thil engkim tlachham chung tein in bawl ang a; an tihboral hma loh che u chuan in nghawngah thir nghawngkawl an bat ang.
28:49 Hla tak atangin kawlkil ata nangmahni bei tur hnam, LALPAN mupui bir angin a rawn tir ang; an tawng in hriat loh hnam:
28:50 upate pawh pawisa lo leh thalaite pawh duhsak chuang lo hnam kawlhsen tak chu,
28:51 Tin, in ran rual pung te, in lei rah te, in boral hma loh zawng an ei ang a, buh te, uain te, hriak te, in bawng pungte in beram rual no te an zuahsak lo vang che u, in boralna an thlensak thleng che uin.
28:52 In ram zawng zawnga in rinpui in kulh sangte a chim thlengin in kulh kawngka zawng zawngah an hual ang che u a, LALPA in Pathianin a pêk che u in ram zawng zawnga in kulh kawngka zawng zawngah an hual ang che u.
28:53 In hmêlmaten an dan chepna che u avangin an hualna che u leh an dan chepnaah che u chuan in rila rah LALPAN a pêk che u in fanute leh in fapate sa in ei ang.
28:54 In zinga mi nun tluang, mi tlâng takte pawhin an unaupa te, an nupui duh tak te, an la awmpui an fanaute takngial pawh an hmu mawh ang a;
28:55 engmah an neih tawh loh avangin an fate sa an ei tur chu a tuate mah an pe lovang; an hualna che u leh an dan chepna che u avangin.
28:56 In zinga hmeichhe awm no lo chhiathate an chhiathat leh an awm no avanga lei pawh rap duh lote chuan an pasal duh tak te, an fanu te, an fapa te,
28:57 In zinga hmeichhe awm no lo chhiathate an chhiathat leh an awm no avanga lei pawh rap duh lote chuan an pasal duh tak te, an fanu te, an fapa te,
28:58 LALPA IN PATHIANA tih hming ropui tak leh hlauhawm tak hi in hlauh theihna tura he lehkhabua chuang thu zawng zawng hi fimkhur taka in zawm loh chuan
28:59 LALPAN nangmahni leh in thlahte chungah hri mak tak, hripui leng reng, natna hreawm tak leng reng chi a lentir ang.
28:60 In hlauh hle thin Aigupta ram hrite kha in chungah a lentir leh ang a, a vuan tlat ang che u.
28:61 He dan lehkhabua chuang lo, natna leh hri tinreng pawh in boral hma loh chu LALPAN in chungah a lentir ang.
28:62 Vana arsi zat ni thinte kha tlemte chauh in lo ni tawh ang, LALPA in Pathian awka chu in zawm loh avangin.
28:63 Tin, heti hi a ni ang a, a tithat ur che u leh a tipung tur che ua LALPA chu a lawm ang khan, a tiohboral tur che u leh a tichhe tur che uin LALPA chu a lawm ang a, in va luah tur in luhna ram ata chu sawn bo in ni ang.
28:64 Tin, LALPA chuan kawlkil atanga kawlkil lehlam thlengin chi tin, zingah a tidarh ang che u a, chutah chuan thing leh lung, in pi leh pute chena in hriat ngai loh pathian dangte rawng in bawl ang.
28:65 Chung hnam zingah chuan hahdamna reng reng in hmu lo vang a, in ke atan chawlhna reng reng a awm lo vang a; chutah chuan LALPAN khurhna rilru te, mit chauhna te, nguina rilrute a pe zawk ang che u;
28:66 in nunna chu hlauthawng reng rengin a awm ang a, chhun leh zan hlau reng rengin in awm ang a, in nunnain ngaihngam taka awm a nei lo vang,
28:67 zing lamah chuan, 'Tlai ni tawh sela aw!' in ti ang a, tlai lamah chuan, 'Zing ni tawh sela aw!' in ti ang; thil hlauhawm in thinlungin a hlauh tur avang leh in mita in thil hmuh tur avang chuan,
28:68 In hmu leh tawh lovang,' in h nena ka tih kawngah chuan lawngin Aigupta ramah LALPAN a hruai leh ang che u; tin, chutah chuan in hmêlmate bawihpa atan te, bawihnu atan te, in inzuar ang a, tuman an duh dawn lo che u a ni," tiin.
29:1 Horeb tlânga an hnena thu a thlun tiam lova, LALPAN Moab rama Israela thlahte hnena mosia thu a thluntir, a thuthlung thute chu heng hi a ni.
29:2 Tichuan Mosian Israel mi zawng zawng chu a ko va, an hnênah, "Aigupta rama Pharaoa chungah te, a mite zawng zawng chungah te, a ram zawng zawng chungah te in mithmuh ngeia LALPAN thil a tih zawng zawngte kha in hmu a;
29:3 fiahna nasa tak te, chhinchhiahna te, thil mak te in mit ngeia in hmuh kha:
29:4 nimahsela LALPAN vawiin thleng hian hriat thiamna thinlung te, hmuh theihna mit te, hriat theihna bengte a la pe lo che u a ni.
29:5 Thlalerah kum sawmli ka hruai ta che u a; in silhfente chu in sin chul lo va, in pheikhawk bunte chu in bun chul lo bawk a.
29:6 Kei hi LALPA in Pathian ka ni tih in hriat theih nan chhang in ei lo va, uain pawh, zupui pawh in in lo va.
29:7 Tin, he hmun in lo thlen hian Hesbon lal Sihona leh Basan lal Oga chu min do turin an lo thawk a, anni chu kan lo hneh a;
29:8 tin, an ram chu kan la a, Reuben-ho te, Gad-ho te, Manase hnam zatve te luah atan kan pe a.
29:9 Chutichuan in thiltih zawng zawnga in hmuingil zel theih nan he thuthlung thute hi pawm ula, zawm rawh u.
29:10 Tunah hian in zain hnam puipa te,
29:11 in upa te, in hotute Israel mi zawng zawng, in fanau tete te, in nupui te, in awmpui ram dang mi, in thing kittu leh in tui chawitute chenin LALPA hmaah in ding a ni.
29:12 LALPA in Pathianin in pawm tura thuthlung a siamah hian vawiinah in lut dawn ta a;
29:13 in thlahtu Abrahama te, Isaaka te, Jakoba te hnênah leh in hnena a lo tiam tawh anga in pathian a nih theih nan, ama mi atan a tinghet che u a ni.
29:14 He chhechham leh thuthlung thu hi in hnênah chauh thlung ka ni lo va,
29:15 vawiina LALPA kan Pathian hmaa dingte leh tuna kan hnena awm ve lote hnênah pawh hian a ni;
29:16 (Aigupta rama kan awm dan te, hnam dangte tawn tlânga in kal tlang dan te in hria a;
29:17 an zinga an thil tenawm te leh an milem, thing leh lung te, tangkarua leh rangkachakte in hmu bawk a.)
29:18 Chutilochuan in zinga mipa emaw, hmeichhia emaw, chhûngkua emaw, hnam emaw, chung hnam pathiante be tur chuan an thinlungin tunah hian LALPA kan Pathian chu hawisanin, in zingah thil kha leh sai chawr chhuahna bulte in lo awm dah ang e;
29:19 tin, chuti a nih zawngin he chhechham thu hi hre reng si a, luhlul taka duh ang agna a awm pawha a tan engmah pawi lo tur anga mahni inthlamuan chawp chu,
29:20 chutiang mi chu LALPAN a ngaidam dawn hauh lo va, LALPA thinurna leh athikna chuan chu mi chu a ur ang a, he lehkhabua ânchhe chuang zawng zawng hi a chungah a awm ang a, LALPAN van hnuai ata a hming chu a thai bo zawk ang.
29:21 He dan bua chuang ânchhe thuthlung zawng zawng ang hian Israel hnam zawng zawng zing ata tihrangin thil tha lo lamah LALPAN a teltir ang.
29:22 Tin, thangthar lo la awm tur, in hnua in fate lo la awm tur leh, ram dang mi hla tak atanga lo kal turte chuan, chu mi rama hri leh LALPAN natna a veitir te,
29:23 a ram pum pui chu kat leh chi leh kanghlum, engmah chin lohna, engmah chawr lohna, hlobette pawh chawr lohna, Sodom leh Gomora leh Adma leh Zeboiim tihchhiat, LALPA thinur leh thinrima a tihchhiat anga chhia a nih an hmuh hun chuan
29:24 hnam tinin, 'Engvangin nge he ram hi hetianga LALPAN a tih? He thinur ling nasa tak hi engtizia nge ni?' an ti ang.
29:25 Chutichuan miin, 'Aigupta ram ata a hruai chhuah laia a thuthlun, LALPA an pi leh pute pathian thuthlung chu an hawisan a,
29:26 pathian dang, an hriat ngai loh pathian te, anin a ruatsak ni lote rawng an bawl a, an biak vang a ni;
29:27 chuvang chuan he lehkhabua chuang anchhia zawng zawng thlentir turin he ram chungah hian LALPA thin a thawk a ni;
29:28 tin, thinrim leh thinur leh thinrim tak maiin an ram ata a pawt chhuak vek a, ram dangah a theh lut a ni, tuna an awm dan ang hi,' an ti ang.
29:29 Thil inthupte chu LALPA kan Pathian ta a ni a, thil tihlante erawh chu he dan thu zawng zawng hi kan zawm theih nan keini leh kan thlahte ta kumkhua tur a ni.
30:1 Tin, LALPAN a hnawhdarhna che u hnam dang zinga in awm laia in chungah heng tuna malsawmna leh anchhia in hnena ka sawi hi a lo thlenin, duh thlan tur in neih hi hre reng ang che u.
30:2 LALPA in Pathian lam in hawi leh a, tuna thu ka pêk che u ang hian nangni leh in fate nen in thinlung zawng zawng leh in rilru zawng zawnga a awka in zawm hunah chuan,
30:3 LALPA in Pathianin in sal nihna, a tibo vang a, a khawngaih ang che u a, LALPA in Pathianin hnam tin zinga a tihdarhna che u ata a hruai khawm leh ang che u.
30:4 In zinga mi van tawp thlenga hnawhchhuah an awm chuan, LALPA in Pathian in chuta ta chu a hruai khawm ang che u a, chuta ta chu a hruai chhuak ang che u;
30:5 tin, LALPA in Pathianin in pi leh puten an luah ramah khan a hruai lut leh ang che u a, in luah ang a; ani chuan a tihmuingil ang che u a, in pi leh pute khumin a tipung ang che u.
30:6 Tin, in nun theihna tura LALPA in Pathian chu in thinlung zawng zawng leh in rilru zawng zawnga in hmangaih theihna turin LALPA in Pathianin in thinlung leh in thlahte thinlung a tansak ang che u.
30:7 Tin, LALPA in Pathianin heng ânchhia zawng zawngte hi a tiduhdahtu che u, in hmêlmate leh a hawtu che u chungah a awmtir ang.
30:8 Tin, in lo hawi leh ang a, LALPA awka hi in pawm ang a, vawiina thu ka pêk che u, a thupêk zawng zawngte hi in zawm ang.
30:9 Tin, LALPA in Pathian chuan in kutkawih zawng zawngah te, in rila rahah te, in bawng rual pungah te, in lei rahah te nasa takin a tipung ang che u a, in pi leh pute chunga a lawm ang khan in chungah LALPA a lawm leh ang;
30:10 he dan bua chuang a thupêk te, a dan te zawm tura LALPA awka in zawm a, in thinlung zawng zawng leh in rilru zawng zawnga LALPA in Pathian lam in hawi phawt chuan.
30:11 He thupêk, tuna ka pêk che u hi in tan a har lutuk lo va, a hlat lo bawk che u a ni.
30:12 'Kan hriata kan zawm theihna turin tunge vanah min kalsak ang a, min han laksak ang?' tih turin vana mi an ni lo va,
30:13 'kan hriata kan zawm theihna turin tuifinriat ralah tunge min kalsak ang a, min rawn laksak ang?' ti turin tuifinriat rala mi ani hek lo.
30:14 In zawm theih nan thu chuan a hnaih hle che u a, in kaah leh in thinlungah a awm a ni.
30:15 Tunah hian in hmaah nunna leh thatna, thihna leh thil tha lo ka dah a;
30:16 LALPA in Pathian hmangaih tur te, a kawng zawh tur te, a thupêk te, a dan te, a rorêl te pawm tura tuna thu ka pêk che u hi in zawm chuan nungdamin in awm ang a, in lo pung ang a, in va luah tur ramah chuan LALPA in Pathianin mal a sawm dawn che u a ni.
30:17 Amaherawhchu in thinlungin khaw dang a hawi a, in ngaihthlak loh va, hruai bova in awm a, pathian dangte in biak a, a rawngte in bawl chuan,
30:18 in boral ngei ngei ang tih tunah hian ka hrilh che u a ni; Jordan lui kan a, luah tura in va luhna ramah chuan in dam rei lo vang.
30:19 In hmaah nunna leh thihna, malsawmna leh ânchhia ka dah tih tunah hian in chungchang thua hretu atan lei leh van ka ko a ni; chutichuan nunna chu thlang rawh u, in nun theih nan, nangni leh inthlahte nen;
30:20 LALPA in Pathian hmangaih a, a awka awih a, amah vuan tlatin; amah chu in nunna, in dam reina a ni si a; tichuan in pu Abrahama te, Isaaka te, Jakoba te chhechhama pêk a tiam ramah chuan in awm dawn a ni," a ti a.
31:1 Tin, Mosian Israel mi zawng zawng hnênah heng thu hi a va sawi a.
31:2 An hnênah, "Tunah chuan kum za leh sawmhnih ka lo ni ta a; ka chhuakvak thei tawh lo va; tin, LALPAN, 'He Jordan lui hi I kan lo vang,' mi ti a.
31:3 LALPA in Pathian chuan in hma a hruai ang a; heng hnamte hi a tihbo sak ang che u a, an ram chu in luah ang; tin, LALPAN a lo sawi tawh angin Josuan in hma a hruai ang.
31:4 Tin, LALPAN Amor-ho lal te, Sihona leh Oga leh an ram chunga a tih ang khan an chungah a ti ang; anni chu a tiboral a nih kha.
31:5 LALPAN anni chu a hlan ang che u a, thu ka pêk che u thupêk ang zawng zawng khan an chungah in ti tur a ni.
31:6 Chhel tak leh huai takin awm ula, tih suh ula, anni chu hlau hek suh u; in hnena kala chu LALPA in Pathian a ni si a; a tithlawn lo vang che u a, kal pawh a kalsan tawp lo vang che u," a ti a.
31:7 Tin, Mosian Josua chu a ko va, Israel mite zawng zawng mithmuhah a hnênah, "Chak tak leh huai takin awm rawh, heng mite hnênah hian an pi leh pute LALPAN chhechhama pêk a lo tiam tawh ramah chuan I kal tur ani a, anniho hi I luahtir tur a ni.
31:8 Tin, i hmahruaitu chu LALPA ani ang a, I hnênah a awm zel ang a, a tithlawn lo vang chia, kal pawh a kalsan tawp lo vang che; hlau suh la, zam hek suh," a ti a.
31:9 Tin, Mosia chuan chu dan chu a ziak a, LALPA thuthlung bawm zawntu Levia fapa puithiamte leh Israel upateho zawng zawng chu a pe a.
31:10 Tichuan Mosian, "Kum sarih kum, ngaihdam kum apianga bawkte kutah,
31:11 hmun a la ruat tura Israel mi zawng zawng LALPA in Pathian hmaa an rawn inlan hunah he dan hi Israel mi zawng zawng hriatah in chhiar tur a ni.
31:12 Mipuiho a hmei apa, in fanau te te te, in awmpui ram dang mi te, anni chuan an ngaihthlak a, an zir a, LALPA in Pathian chu an tih a, he dan thu zawng zawng hi fimkhur taka an zawm theih nan leh
31:13 an fate la hre ve lote pawhin an hriat a, Jordan lui kana in va luah tur rama in awm chhûng zawng zawnga LALPA in Pathian tih an zir theih nan ko khawm rawh u," tiin thu a pe a.
31:14 Tin, LALPAN Mosia hnênah, "Ngai teh, I thih hun a lo hnai ta a; Josua chu ko la, inbiakna puan inah chuan va inlan rawh u, thu ke pe dawn e," a ti a. Tin, Mosia leh Josua chu an kal a, inbiakna puan inah chuan an va inlan a.
31:15 Tin, LALPA chu Puan Inah chuan chhumdingin a inlâr a; tin, chhumding chu Puan In kawngka lu chungah chuan a ding a.
31:16 Tin, LALPAN Mosia hnênah, "Ngai teh, i pi leh pute hnênah i muhil dawn ta a, heng mite hi an tho vang a, an va awmna turte zingah chu ram pathiante lakah chuan an uire ang a, mi hawisan ang a, ka thuthlung an hnena ka thlun chu an bawhchhia ang.
31:17 Chutichuan, chu mi hun chuan an chungah ka thin a thawk ang a, ka hawisan ang a, ka bikbosan ang a, an ral ang a, thil tha lo leh manganna tam tak an chungah a thleng ang a; chutichuan chu mi ni chuan, 'Kan Pathian kan zinga a awm loh avangin heng thil tha lo hi kan chungan a lo thleng a ni lawm ni?' an ti ang a.
31:18 Pathian dangte lam hawia thil tha lo an la tih tur zawng zawng avang chuan an lakah chu mi hun chuan ka inthup ngei ngei dawn a ni.
31:19 Chuvangin hetiang hla hi in tan phuah la, Israela thlahte zirtir rawh; Israela thlahte chungchang thu-ah he hla hi mi hriatpuitu a nih theih nan vawntir rawh.
31:20 An pi leh pute hnena chhechhama ka tiam, hnutetui leh khawizua luang ramah chuan ka hruai a, ei leh bara an awm a, an tlai a, an lo thau hun meuh chuan pathian dangte lam an hawi ang a, an rawngte an bawl ang a, mi hmusit ang a, ka thuthlungte an bawhchhe dawn ani.
31:21 Tin, heti hi ani ang a, thil tha lo leh manganna tam tak an chunga a lo thlen hunin he hla hi a hriatchuahtirtu a ni ang; an thlahte ka atangin theihhnghilh theih a ni dawn si lo va; tunah ka chhechham rama ka hruai hma reng pawhin an suangtuah vel dan chu ka hre sa tawh reng ani," a ti a.
31:22 Chutichuan Mosian chu hla chu, chu mi ni la la chuan a phuah a, Israela thlahte a zirtir a.
31:23 Tin, Nuna fapa Josua chu a fuih a, "Chhel tak leh huai takin awm rawh khai; Israela thlahte chu an hnena chhechhama ka tiam ramah chuan I hruai lut dawn a ni; tin, I hnênah ka awm zel ang," a ti a.
31:24 Tin, heti hi a ni a Mosian he dan thute hi lehkhabua a ziak zawha peih diam a nih hnuin,
31:25 thuthlung bawm zawntu Levi-hote chu Mosian,
31:26 "He dan bu hi la ula, in chungchang thua hretu atan LALPA in Pathian thuthlung bawm sirah dah rawh u.
31:27 Hel in chinzia leh in luhlulzia te ka hria a ni; ngai teh u, tuna ka la dampui lai che u mahin LALPA chungah in hel thin a; ka thih hnu lek phei chuan engti takin nasa ang maw!
31:28 An benghriata heng thu hi ka sawi a, an chungchang thua hretua lei leh van ka koh theih nan in hnam puipa zawng zawng te, in hotute min koh khawmsak rawh u.
31:29 Ka thih hnu chuan nasa takin in intichhia ang a, ka thupêk che u kawng ata hi in peng ang tih ka hre reng a ni; tin, a tawpah phei chuan thil tha lovin a tlakbuak ang che u; in kut thiltiha tithinur tura LALPA mithmuha thil tha lo in tih dawn avangin," tin thu a pe a.
31:30 Tichuan Mosian, Israel pungkhawmho zawng zawng benghriatah chuan he hla thu hi a tawp thlengin a sawi vek a.
32:1 "Beng lo chhi ru vante u, ka hril dawn e; Ka tawngkam chhuak leilungin ngai se:
32:2 Ruahtui angin ka thu chu a sur ang, Dai angin ka thusawi chu a far ang; Hlobet no dep chunga ruah ang leh Hnim hnah chunga ruah angin
32:3 LALPA hming chu ka puang dawn e: Ropuina kan Pathian pe r'u.
32:4 Lungpuia chu, a thiltih a fel famkim; A awm dan zawng zawng chu dan a ni: Pathian rinawm, khawlohna nei lo, Fel leh tha a ni.
32:5 Tha lo takin a chungah an ti a, a fate an ni lo, an sawisel kaina a ni, Chhuan bengtlalo leh tihmawh an ni.
32:6 Aw mi a leh fing lote u, Chutin maw, LALPA chu in thungrulh dawn? A hringtu che, I pa a ni lawm ni? A siam chia, a din nghet che.
32:7 Hmasang nite chu hre reng la, Chhuan tam tak kumte chu ngaihtuah teh: I pa zawt la, a kawhhmuh ang che; I upate pawh, an hrilh ang che.
32:8 Chungnungberan hnamte ram a pêk laia, Mihring fate a then lai khan Hnamte ramri a kham a, Israela thlahte zatin.
32:9 LALPA chanvo chu a mite an ni a; Jakob-ho chu a rochan an ni.
32:10 Thlaler ramah a chhar a, Thlaler ruak rum vung vungah; A vela awm chilhin a enkawl a, A mit naute angin a vawng:
32:11 Mupuiin a bua no a chawk tho va, A no chunga thla a zap a, A thlate a zar a, a la a, A thlaa a chawi thin angin:
32:12 LALPA chauhin a hruai thin a, Ram dang pathian ni lovin.
32:13 Lei hmun sangah te a chuantir a. Lova thil hawng a eitir thin a; Lungpui ata khawizu a dawttir thin a, Lung chang ata hriak nen;
32:14 Bawng hnute khal, beram hnute, Beram no thaute nen, Basan ram berampa leh kelte, Buh kal thaute nen: Grêp thisen uain I in a.
32:15 Mahse Jesurun-ho an lo thau va, an inchhek a; I lo thau va, I lo chum a, I lo maih ta a; A siamtu Pathian a hawisa ta, A chhandamna Lungpui chu a ngainep.
32:16 Ram dang pathiantein a thikthu a chawk tho va, Thil tenawmin a chawk thinrim.
32:17 Pathian ni lo, ramhuaite hnênah an inthawi a, An hriat ngai loh pathiante hnênah, Pathian tharte tlai khawhnua lo awm, In pi, in pute hlauh ngai loh hnenan.
32:18 A hringtu che Lungpui I ngaisang lo, A siamtu che Pathian I theihnghilh bawk.
32:19 Chu chu LALPAN a hmu a, a hua, A fanu leh fapate tihthinur vangin.
32:20 Ka bikbosan ang a, Engtin nge an awm dawn tehreng,' a ti: Chhuan bengtlalo an ni, Rin kai lo fanute.
32:21 Pathian ni lo thilin ka thikthu an chawk tho va; An thil lawi lovin mi tithinur a; Chia sawi lohtein ka thiktir ang a, Hnam a tein ka tithinrim ang.
32:22 Ka thinur a alh a, Seol mawng kil lam a kang, Leilung, a thil hawng chawpin a kang zo, Tlâng nghahchhante a kang.
32:23 An chungah chhiatna ka tiang khawm ang a, An chungah thal ka thlah ang;
32:24 Riltamin an rawp ang a, meipui leh chhiatna namen lovin a kangral ang, An chungah ramsa hate ka tir ang a, Vaivuta tleng mite tur nen.
32:25 Pawn lamah khandaihin an thi ang a, Chhûng lamah thlabarin, Nula tlângval, hnute hne lai, Lua kelsam tote nen lam.
32:26 ,27An hmêlmate chuan ngaisualin, 'Kan kut chu chawisanin a awm ta, Heng zawng zawng hi LALPA tih a ni tawp lo,' hmêlma thinrim chuan an ti ang tih hlauthawng lo ila chuan, 'Ka tidarh vek ang a, Mihring zinga anmahni hriat rengna ka tibo teh daih ang,' ka ti mai tur.
32:27 ,26An hmêlmate chuan ngaisualin, 'Kan kut chu chawisanin a awm ta, Heng zawng zawng hi LALPA tih a ni tawp lo,' hmêlma thinrim chuan an ti ang tih hlauthawng lo ila chuan, 'Ka tidarh vek ang a, Mihring zinga anmahni hriat rengna ka tibo teh daih ang,' ka ti mai tur.
32:28 Finna nei lo hnam an ni a, Anmahniah hriat thiamna a awm lo.
32:29 Aw, fing sela chuan heng hi an hre thiam ang a, An tun hnu lam thu an ngaihtuah tur!
32:30 Engtin nge pakhatin sang a um ang a, Pahnihin sing an tlan chhiattir ang,
32:31 An lungpuiin a hralh a, LALPAN a hlan a nih si loh chuan? An lungpui chu kan lungpui ang a ni si lo, Kan hmêlmate ngei ngaih dan pawhin,
32:32 An grêp hrui chu Sodom grêp hrui, Gomora rama mi a ni: A grêpte chu mit grêp a ni, A bawrte chu a kha
32:33 An uainte chu drakon tur leh Rulrial tur tha tak a ni.
32:34 Chu chu ka khawl khawm Ka robawma char chiah a ni lawm ni?
32:35 Phuba lak leh thungrulh chu keima tih tur a ni, An rahbi a tleu hunin; An chhiatna ni chu a lo hnai ta, An chunga thil lo thleng turte chu a lo thleng thuai ang.
32:36 LALPA chuan a mite ro a rel dawn a, A chhiahhlawhte pawh a tihsak ang, A thiltihtheihna a bo va, Khuahkhirh leh khirh loh tumah reng awm lova a hmuh hun chuan.
32:37 'Khawiah nge an pathian, An rin lungpui,
32:38 An inthawina thau eitu, An in tur thilhlan uain intute chu? Lo thovin rawn pui che u sela, Nangmahni humtu ni rawh se.
32:39 Kei, keimah ngei ka nih hi hria ula, Pathian dang an awm lo ve; Ka tihlum thin a, ka tinung bawk thin; Ka hliam thin a, ka tidam bawk thin; Ka kut ata mi chhuhsak thei reng reng an awm lo.
32:40 Van lamah ka kut ka phar a, Ka nunna chhalin ka sawi e,
32:41 Ka khandaih tle ka tahhriam a, Ka kutin rorêlna a vawn chuan Ka hmêlmate chungah phuba ka la ang a, Mi hawtute chu ka thungrul ang.
32:42 Ka thalte chu thisenin ka tirui ang a, Ka khandaihin tisa a lem ang; Thahte leh salte thisen nen Hmêlma hotute lu atangin, ka ti,' a ti ang.
32:43 Aw, nangni hnam tin, te u, a mite nen lawm rawh u; A chhiahhlawhte thisen phuba chu a la dawn a ni; Amah dotute chungah phuba a la dawn, A ram leh a mite tan inremna famkim a siam ang."
32:44 Tin, mipuite benghriatah chung hla thu zawng zawng chu Mosian a va sawi a, amah nen Nuna fapa Hosea nen.
32:45 Tin, Mosian chungtu zawng zawng chu Israel mi zawng zawngte nena a sawi zawh chuan,
32:46 an hnênah, "Tuna in hnena ka thu hriattir che u ah hian in thinlung nghat ula, heng dan thu zawng zawngte hi fimkhur taka zawm turin in fate thu pe rawh u.
32:47 In tan thil engmah lo mai mai ani lo va, in nunna a ni si ; tin, heng thil ti hian luah tura Jordan in va kan ramah chuan in dam rei dawn a ni," a ti a.
32:48 Tin, chu mi ni vek chuan LALPAN Mosia a bia a,
32:49 "Moab rama Jeriko zawna Abarim tlângdunga Nebo tlângah chuan han chho la, Israela thlahte luah tura ka pêk Kanaan ram chu han thlir rawh;
32:50 tichuan i unaupa Arona Hor tlânga a thi a, a chite hnena hruai ani ta ang bawk khan i lawn chhohna tlângah chuan i thi ang a, i chite hnena hruai i ni ang;
32:51 Zin thlalera Kades-a Meriba tuia Israela thlahte zinga ka chunga in sual avang leh Israela thlahte zinga mi chawimawi loh avang khan.
32:52 Ram chu i han hmu ang a; nimahsela Israela thlahte ka pêk ramah chuan i lut lo vang," tiin.
33:1 He malsawmna hian a ni, Pathian mi Mosian a thih hmaa Israel thlahte mal a sawm ni.
33:2 "Sinai atangin LALPA chu a lo kal a, Seir atangin an hnênah a thawk a, Paran tlâng atangin a eng chhuak a, Mi thianghlim sangsawm zing atangin a lo kal; A kut dinglamah chuan an tan dan alh thei a awm a.
33:3 A ni, chi tinte chu a hmangaih a, A mi thianghlim zawng zawngte chu i kutah an awm a. I ke bulah an thu a; I thu chu an pawm theuh vang.
33:4 Mosia chuan dan min pe a, Jakob-ho mipui tan roluah tur.
33:5 Jesurun-ah a lal a, Mipuiho puipate an pung khawm a, Israel chi zawng zawng a huhovin
33:6 Reubena chu dam reng sela, thi lovin, A mite erawh chu tlem thung rawh se," a ti a.
33:7 Tin, hei hi Juda-ho mal a sawmna a ni; 'LALPA, Juda aw chu ngaithla la, A mite hnênah hruai lut rawh; A kutin a tan a chuh a, A hmêlmate beihpuitu i ni ang,"
33:8 Tin, Levi-ho chungthuah chuan; "I Thumim leh i Urim chu i mi thianghlim hnênah a awm, Masa-a i fiah a, Meriba tuiahte i beih kha;
33:9 "Ka nu leh ka pa ka hre lo,' titu khan, A unaute a hre hek lo. Ama fate ngei pawh a hre hek lo; I thu chu a pawm a, I thuthlung an zawm a ni.
33:10 Jakob-ho chu i rorêl-te an zirtir ang a, Israel-hote i dan; I hmaah rimtui an dah ang, I maichamah pumhal thilhlan.
33:11 Malsawm rawh, LALPA, a sum a pai, A kutkawihte lo pawm la; A beitute kawng chu vua la, A hawtute kawng nen, an chet leh tawh loh nan," a ti a.
33:12 Tin, Benjamin-ho chungthuah chuan, LALPA duh taka chu a kiangah himin a awm ang; Nilengin a awp ang a, A paw thin ang," a ti a.
33:13 Tin, Josef-ho chungthuah chuan, "A ram chu LALPA malsawmin awm rawh se, Van thil hlu daitein, Tui thuk hnuaia lama tuitein,
33:14 Ni rah chhuah thil hlu tein, Thlaten thil hlu a chhuah tein,
33:15 Hmasang tlâng tea thil duhawm ber tein, Chatuan tlânga thil hlutein,
33:16 Leilung leh a chunga thil hlutein, Hnimbuka awma duhsaknain; Malsawmna chu Josef-ho lu chungah lo awm rawh se, A unaute hnen ata tihhrana chhipah chuan.
33:17 A ropuina chu a bawngpa piang hmasa ropuina ang ani a, A ki chu sele chal ki ang a ni; Chung chuan hnam tin, a si ang, kawlkil thlengin; Ephraim-ho sangsawm te an ni a, Manase-ho sangte an ni," a ti a.
33:18 Tin, Zebulun-ho chungthuah chuan, "Lawm rawh, Zebulun, i vahchhuahnaah te, Tin, Isakar, i puan inah te.
33:19 Tlângah chi tin an ko vang a, Tahchuan felna inthawinate an hlan ang; Tuifinriat mukna an tlan dawn si, Tiauva ro inphumte nen," a ti a.
33:20 Gad-ho chungthuah chuan, "Gad-ho tizautu chu fakin awm rawh se. Sakeibakneipui angin a chang a, Ban a ham thler a, a ni, chhip zawl te pawh.
33:21 A tha lai ber atan a thlang a, Rorêltu chanvo chu vohin a awm si a. Puipahote hnênah a kal a, LALPA rorêlna fel a zui a; Israelte hnena a rorêlnate chu," a ti a.
33:22 Dan-ho chungthu-ah chuan, "Dana sakeibaknei no a ni, Basan atanga lo zuang chhuak chu," a ti a.
33:23 Naphtali-ho chungthuah chuan, "Aw, Naphtali, duhsaknaa lungawi, LALPA malsawmnaa tlai, Chhim leh thlang luah rawh," a ti a.
33:24 Aser-ho chungthuah chuan, "Asera chu fanauva malsawmin awm sela, A unaute zingah tlatlum sela; Hirakah a ke chiah rawh se.
33:25 I kalhnate chu thir leh dar ani ang, I dam chhûng ni angin i chakna pawh a awm ang," a ti a.
33:26 "Pathian ang tumah reng an awm lo, aw Jesurun, A pui tur chea vana chuang, Ropui taka vana chuang chu.
33:27 Chatuan Pathian chu i awmna a ni a, Hnuai lamah chuan chatuan ban a awm, Hmêlmate chu a vai kiansak chia, 'Tiboral rawh,' a ti.
33:28 Tin, Israela chu ralmuang takin a awm a, Jakoba tuichunchhuah a pumbil; Buh leh uain ramah chuan, A ni, a vanten daifim an fartir.
33:29 I nihlawh e, aw, Israel, Nang ang reng tunge awm, LALPA chhandam mite? Nangmah puitu phaw, I ropuina khandaih a ni! I hmêlmate i hnênah an intulut ang a, An hmun sangte i chil ang," a ti a.
34:1 Tin, Mosia chu Moab phai atangin jeriko zawna Nebo tlâng, Pisga tlâng chhipah chuan a han chho va, Tin, LALPAN Gilead ram zawng zawng, Dan thlengin a entir a;
34:2 Naphtali leh Ephraim ram zawng zawng, Manase leh Judai ram zawng zawng, a thlang lam tuifinriat thleng;
34:3 Chhim ram leh tum khawpui Jeriko Phai ruam, Zoar thlangin.
34:4 Tin, LALPAN a hnênah, "He ram hi a ni, Abrahama te, Isaaka te, Jakoba te hnena, 'I thlahte ka la pe ang,' tia chhechhama ka lo tiam kha; a hmuh zawng ka hmuhtir phawt chia, nimahsela chutah chuan i kal lo vang," a ti a.
34:5 Chutichuan LALPA chhiahhlawh Mosia chu a LALPA thu angin Moab ramah chuan a thi ta a.
34:6 Tin, Beth-peor zawna Moab rama ruamah a phum a; nimahsela a thlan chu tun thlengin tumahin an hre lo.
34:7 Mosia chu a thih chuan kum za leh kum sawmhnih mi a ni; a mit a thim lo va, a tha pawh a thum chuang lo.
34:8 Tin, Israela thlahte chuan Mosia chu Moab phaiah ni sawmthum an tah a; chutichuan Mosia suna tah nite chu a lo tawp ta a.
34:9 Tin, Nuna fapa Josua chu finna thlarauvin a khat a; Mosia chuan a chungah a kut a nghah avangin; tin, Israela thlahte chuan a thu an zawm a, LALPAN Mosia thu a pêk ang chuan an ti a.
34:10 Tin, chuta chin chu Israelte zingah Mosia anga LALPAN hmaichhan meuhva a biak zawlnei reng reng an lo awm ta lo va;
34:11 chhinchhiahnate zawng zawng leh thilmal zawng zawngte, Pharaoa leh a chhiahhlawh zawng zawng hnen leh Aigupta ram zawng zawng a entir a.
34:12 Kut chak tak leh hlauhawm tak tak tea Israel mi zawng zawngte mithmuha Mosian a tih ang ti vete.
posted by zoblog @ 2:35 PM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog