MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Roreltute
Wednesday, September 12, 2007
1:1 Tin, Josua thih hnu chuan heti hi a ni a, Israela thlahte chuan, "Kanaan hote chu dova kan tana bei tûrin tunge han kal hmasa phawt ang le?" tiin LALPA chu an rawn a.
1:2 Tin, LALPA chuan, "Juda han kal rawh se: ngai teh u, a kutah ram chu ka pe tawh e," a ti a.
1:3 Tin, Judan a unau Simeona hnênah,"Kanaan-hote bei tûrin ka ram chanpualah hian l o chho ve rawh; kei pawh i ram chanpualah ka lo kal ve dawn nia," a ti a. Chutichuan Simeona chu a hnênah a kal ve ta a.
1:4 Tin, Juda chu a han kal a; tichuan Kanaan-hote leh Periz-hote chu LALPAN an kutah a pe ta a: tin, Bezek khuaah mi singkhat an that a.
1:5 Tin, Bezek khuaah chuan Adoni-zedeka-bezeka an han hmu a: tin, an bei a, Kanaan- hote leh Periz-hote chu an that chiam a.
1:6 Adoni-zedeka-bezeka erawh chu a tlan a; tichuan an um a, an man a, a kutzungpuite leh a kezungpuite an tansak a.
1:7 Tin, Adoni-zedeka-bezeka chuan, "Lal sawmsarih kutzungpui leh kezungpui tan chhumte chuan ka dawhkan hnuaia buh mal an chhar thin a: ka tih ang chiahin Pathianin mi thungrul ve ta a nih hi le," a ti a. Tin, Jerusalem khuaah an hruai a, chutah chuan a thi ta a.
1:8 Tin, Juda thlahte chuan Jerusalem an han do va, an la a, khandaihin an bei a, khawpui chu an hal a.
1:9 Tin, chu mi hnuah chuan Juda thlahte chu Kanaan-ho tlâng rama awm te, Chhim lama awm te, phaia awm te chu do tûrin an zuk kal a.
1:10 Tin, Juda chuan, Kanaan-ho Bebron khuaa awmte chu a va bei a: (a hma chuan Hebron khaw hming chu Kiriath-arba a ni.) tichuan Sesaia te, Ahimana te, Talmaia te an that a.
1:11 Tin, chuta tangin Debir khuaa awmte chu a bei a. (A hma chuan Debir khaw hming chu Kiriath-sepher a ni.)
1:12 Tin, Kaleban, "Tupawh Kiriath-sepher khua chu bei a, la apiang chu ka fanu Aksai nupuiah ka neihtir ang," a ti a.
1:13 Tin, Kaleba nau Kenaza fapa Othnielan a la a: tichuan a fanu Aksai chu nupuiah a neihtir ta a.
1:14 Tin, a pasal hnên a va thlen chuan a pa ram dil tûrin a lo fuih a, tin, sabengtung ata a chhuk a; Kaleba chuan a hnênah, "Enge i duh le?" a lo ti a.
1:15 Ani chuan, "Eng emaw dil che ka duh a ni, chhim lam ram ro takah mi lo awmtir ta si a, tuikhur mi pe tel bawk tûrin ka ngen a che," a ti a. Tichuan tuikhur chhakta leh thlangta chu a pe ta a.
1:16 Tin, Mosia puzawn Ken-ho thlahte chu Arad chhim lama Judai thlalerah chuan Juda thlahte nen tum khawpui ata chu an han chho va; an zingah chuan an han cheng ve a a.
1:17 Tin, Juda chu a unau Simeona nen an thawk a, Zephath kihuaa awm Kanaan-ho chu an that a, an tichimit vek a. Chu khawpui hming chu Horma an ti.
1:18 Tin, Juda chuan Gaza khua a ram chin nen, Askelon khua a ram chin nen, Ekron khua a ram chin nen a la bawk a.
1:19 Tin, LALPA chu Juda hnênah a awm a; tichuan tlâng rama chengte ch a hnawt bo vek a; ruama chenghote erawh chu thir tawlailirte an neih avângin an hnawtchhuak thei lo a ni.
1:20 Tin, Mosian a lo sawi tawh angin Hebron khua chu Kaleba an pe a: chuta mi Anaka fapa te pathum chu a hnawt chhuak a.
1:21 Tin, Benjamina thlahte chuan Jebus-ho Jerusalem khuaa awmte chu an hnawt chhuak lo: Jebus-hote chu Benjamina thlahte nen tun thleng hian Jerusalem-ah an la cheng za ta reng a ni.
1:22 Tin, Josefa chhûnget pawh chu Bethel khaw bei tûrin an thawk ve bawk a: tin, an hnênah LALPA a awm a.
1:23 Tin, Josefa chhûngte chuan Bethel khuaah chuan enthlatute an tir a. (A hma chuan chu khaw hming chu Luz a ni.)
1:24 Tin, enthlatute chuan mi pakhat khaw chhûng ata lo chhuak hi an han hmu a, a hnênah, "Khawngaih takin khawpui chhûng luhna min entir teh khai, tichuan tha takn kan ti dawn che nia," an ti a.
1:25 Tin, khawpui chhûng luhna hchu a entir a, tichuan khandaihin chu khua chu an bei a; chu mi leh a chhûngte zawng zawng erawh chu an zuah a.
1:26 Tin, chu mi chu Hit-ho ramah a lût a, khua a siam a, chu mi khaw hmingah chuan Luz a vuah a: tun tlengin chu mi hming chu a la pu a a ni.
1:27 Tin, Manasea chuan Beth-sean khua leh a khawpera awm te, Tanaak khua leh a khawpera awm te, Dor khua leh a khawpera awm te, Ibleam khua leh a khawpera awm te, Megido leh a khawpera awmte chu a hnawt chhuak lo: chu ramah chuan Kanaan-hote erawh chu an awm ta reng a.
1:28 Tin, heti hi ani a, Israela thlahte chuu an lo chai tak tial tial chinah chuan Kanaan- hote chu hnathawka rawih atân an awmtir a, an hnawtchhuak fai vek ta lo.
1:29 Tin, Ephraima chuan Gezer khua Kanaan-ho awmte chu a hnawtchhuak lo; Kanaan- ho chu Gezer khuaah chuan an zingah an cheng ve ta zawk a ni.
1:30 Zebuluna chuan Kitron khuaa awmte leh Nahalal khuaa awmte chu a hnawt chhuak lo.Kanaan-ho chu an zingah an cheng ve a, hnathawka rawih atân an awm ta zawk a ni.
1:31 Asera chuan Ako khuaa awm te, Zidon khuaa awm te, Ahlab khuaa awm te, Akzib khuaa awm te, Helba khuaa awm te, Aphik khuaa awm te, Rehob khuaa awmte chu an hnawt chhuak lo:
1:32 Asera thlahte chu chu mi rama awm Kanaan-hote zingah chuan an cheng ve ta zawk a ni: anni chuan an hnawt chhuak lo a ni.
1:33 Naphtalia chuan Beth-semes khuaa awm te, Beth-anath khuaa awmte chu a hnawt chhuak lo; chu mi rama awm Kanaan-hote zingah chuan a cheng ve ta zawk a ni: amaherawhchu Beth-semes khua aawmte leh Beth-anath khuaa awmte chu a hnathawka rawih atân an awm ta a ni.
1:34 Tin, Amor-ho chuan Dana thlahte chu tlâng ramah an hnawt chho va, ruama an chhuk an phal si lo va,
1:35 Amor-ho erawh chu Heres tlângah te, Aijalon khuaah te, Saalbim khuaah te an awm ta reng a: nimahsela Josefa chhûngte kut chu a chak a, an hnathawka rawih atân an lo awm ta a ni.
1:36 Tin, Amor-ho ram chin chu Akrabim chhoihna leh Sel atangin a chho ta zel a ni.
2:1 Tin, LALPA vanrirhkoh Gilgal khua atangin Bokim khuaah a han chho va, tin, ani chuan, "Aigupta ram ata kha ka chhuahtir che u a, in thlahtute hnêna chhehchhama ka lo tiam tak ramah khan ka hruai lut che u a, 'In hnêna thu ka thlun kha ka bawhchhe tawp lo vang.
2:2 tichuan heng rama awmhote nen hian thu thlung suh ula;an maichâmte tihchimsak ang che u,' ka ti a: nimahsela ka thupêk in pawm lo va: eng vangin nge hetianga in tih?
2:3 Chuvangin, "Anni chu ka hnawhchhuahsak tawh lo vang che u, in nakahte hling ang an ni sawk ang a, tin, an pathiante chu in tan thang an ni ang,' ka ti bawk a nih kha," a ti a.
2:4 Tin, heti hi a ni a, LALPA vântirhkoh vin Israela thlahte zawng zawng hnênah chung thu chu a han sawi chuan, mipuiho chu rawn chhuah meuhvin an tap ta hlawm a.
2:5 Tin, chu mi hmun hmingah chuan Bokim an vuah a: tin, chutah chuan LALPA hnênah an inthawi ta a.
2:6 Josuan mipuite a tin, darhtir hnu chuan Israela thlahte chu mi tin, mahni chanpual theuh ram chu luah tûrin an kal ta a.
2:7 Josua dam chhûng leh upaho Josua khuma dam te, LALPAN Israelte tana thil ropui tak a tih zawng zawng hmu thintute dam chhûng chuan mipuiten LALPA rawng an bâwl thin a.
2:8 Tichuan Nuna fapa Josua, LALPA chhiahhlawh chu kum za leh kum sâwm miin a hi a.
2:9 Tin, Gas tlang hmâr lampang Ephraim tlâng rama ama chanpual ramri chhûng Timnath-heres khuaah chuan an phûm ta a.
2:10 Tin, chung chhuan zawng zawngte pawh chu an thlahtute hnên lamah an kal khawm zo ta a: tin, chu mite hnuah chuan LALPA leh Israelte tana a thiltihte pawh hre lo chhuan dang an la awm ta a.
2:11 Tin, Israela thlahte chuan LALPA mithmuhin thil sual an lo ti a, Baal-hote rawng an bâwl ta a.
2:12 LALPA an thlahtute Pathian, Aigupta ram ata hruaichhuaktu kha an hawisan a, pathian dang, an kiang vela awmho pathiante zinga mi chu an zui a, chibai an bûk ta a: tichuan LALPA chu a thinur ta a.
2:13 Tin, LALPA chu an hawisan a, Baala leh Astarothi rawng an bâwl ta a.
2:14 Chutichuan LALPA thin chu Israelte chungah chuan a ur ta a, anmahni rawk thintute kutah chuan a pe ta hlawm a, an hmêlma, an kiang vela awmte hnênah chuan a hrlah a, tichuan an hmêlmate chu an lo chelh ta lo va.
2:15 Khawiah pawh kal sela, LALPA kut chu an chungah a chhe lamin a tla zel a, LALPAN a lo sawi tawh ang leh, LALPAN an hnêna chhechhama a lo sawi tawh ang khan: tichuan mangan namenin an mangang ta lo va.
2:16 Tin, LALPAN rorêltute a siamsak a, chungte chuan anamhni rawktute kut ata chu an rawn chhan chhuak ta a.
2:17 Chuti chung pawhin an rorêltute thu chu an pawm lo va, pathian dangte lakah chuan an uire a, chibai an lo buk ta zawk a: an thlahtuten LALPA thupêkte pawma an zawh thin kawng chu an pensan ta thuai mai a.
2:18 Tin, LALPAN rorêltute a rawn siamsak chuan, LALPA chu rorêltu hnênah chuan a awm a, rorêltu dam chhûng chuan an hmêlmate kut ata chu a chhanchhuak zel a: anmahni hnehchiah leh timangangtute avângin an rum a, chuvangin LALPA chu a inchhir ta a.
2:19 Nimahsela heti hi a ni a, rorêltu chu a thih veleh, an hnungtawlh leh ta a, pathian dangte rawng an bâwl a, chibai bûk thuah an thlahtute ai mahin an lo che chhe lehzual ta a; an thiltih thinte leh an luhlulte pawh a bang hek lo.
2:20 Tin, LALPA thin chu Israelte chungah chuan a ur ta a; tichuan, "He hnamte hian an thlahtute thu ka pêk, ka thuthlun chu an bawhchhia a, ka thu an pawm ta si lo va;
2:21 chuvangin kei pawhin tun achinah zawng Josua thih hmaa hnawhchhuah bak hnamte hi ka hnawh chhuahsak tawh lo vang,
2:22 an thlahtute zawh ang khan LALPA dan an zawh dawn nge dawn lo tih Israel-hote fiah nan anmahni chu ka hmang ang," a ti a.
2:23 Chutichuan LALPAN chung hnamte chu hnawt chhuak nghal ta lovin a awmtir ta a; Josua kutah pawh a pe ta hek lo.
3:1 Heng hnamte hi a ni LALPAN Israelte Kanaan rama râl la bei ve ngai hauh lo fiahna tûra a awmtirte chu,
3:2 chung Israela thlah chhuanho, tun hmaa engmah la hre hauh lote chuan an lo hriat nan leh ral beih dan zirtir tûr atân chauh awmtir ani;
3:3 chungte chu Philistia-ho lal panga te, Kanaan mi zawng zawng te, Zindon-ho te, Lebanon tlânga awm Hiv-hote an ni, Baal-hermon tlang atanga hamath khaw luhna thlengin.
3:4 LALPAN Mosia hmanga an thlahtute thu a lo pêkte kha an pawm dawn leh dawn loh hriat nan chungho chu Israelte fiahna tûr an ni.
3:5 Tin, Israela thlahte chu Kanaan-ho te, Hit-ho te, Amor-ho te, Periz-ho te, Hiv-ho te, Jebus-hote zingah chuan an awm a;
3:6 tin, an fanute chu nupuiah an nei a, tin, an fanute chu an fapate an neihtir thung a, an pathiante rawng an bâwl a.
3:7 Tin, Israela thlahte chuan LALPA mithmuhin thil sual an lo ti ta a, LALPA an Pathian chu an theihnghilh a, Baal-ho leh Astoreti rawng an bâwl ta a.
3:8 Chutichuan LALPA thin chu Israelte chungah chuan a ur ta a, Mesopotamia ram lal Kusan-risathaima hnênah a hralh ta a; tichuan Israela thlahte chu Kusan-risathaima thu hnuaah kum riat
3:9 Tin, Israela thlahte chuan LALPA an auh veleh, LALPAN Israela thlahte chhandamtu a rawn siamsak a, chu mi chuan a rawn chhandam ta a, chu chu Kaleba nau Kenaza fapa Othniela a ni.
3:10 Tin, LALPA thlarau chu a chungah a lo thleng a, tichuan Israelte ro a rêlsak ta a; ral bei tûrin a va thawk a, tin, LALPAN Mesopotamia ram lal Kusan-risathaima chu a pe a: Kusan-risa
3:11 Tin, ram chu kum sâwmli ralmuangin a awm a. Tin, Kenaza fapa Othniela chu a thi ta a.
3:12 Tin, Israela thlahte chu LALPA mithmuhin thil sual an lo ti leh ta a: chutichuan LALPA mithmuha thil an lo tihsual avângin LALPAN Moab lal Eglona chu Israelte laka chakin a siam a.
3:13 Tin, ani chu Amona thlahte leh Amalek-hote a pun khawm a; tin, Israel-hote chu a va bei a, tum khawpui chu a luah ta a.
3:14 Tichuan Israela thlahte chu Moab lal Eglona thu hnuaiah kum sâwm leh kum riat an awm a.
3:15 Nimahsela Israela thlahte chuan LALPA an han auh veleh LALPAN Gera fapa Ehuda, Benjamin mi, mi veikhawr, chhandamtu a rawn siamsak a: tin Israela thlahte chuan Moab lal Eglona pêk tûr
3:16 Tin, Ehuda chuan khandaih hriam tawn, tawng chena seiin a chher a; chu chu a malpui ding lam puan hnuaiah a taivawn a.
3:17 Tin, Moab lal Eglona chu lawmman chu a han pe a: Eglona chu mi thau tak a ni a.
3:18 Tin, lawmman a han pêk zawh veleh chuan, lawmman kengtute chu a kaltir leh ta a.
3:19 Ani erawh chu Gilgal khaw kianga lung chherna hmun atangin a let leh a, "I e lalpa, thuruk hrilh tûr che ka nei e," a ti a. Tin, ani chuan,"Ngawi thiap rawh u," a ti a. Tichuan a bula dingho zawng zawngte chuan an chhuahsan ta vek a.
3:20 Tin, Ehuda chu a hnênah a va kal a; ani chu a thlan daihna pindanah a mah chauhin a lo thu a. Tin, Ehuda chuan, "Pathianin i hnêna sawi tûr thu mi chah e," a ti a. Tin, a thutphah ata chu a tho va.
3:21 Tin, Ehuda chuan a kut vei lamin a malpui dinglama khandaih chu a han phawrh a, a pumah a chiu ta vak mai a:
3:22 a fawng pawh chu a lût pil hmawk a; tin, a khandaih chu a thauvin a hnawh ping ta tlat a, a puma khandaih chu a phawi si lo va; a hnungah a tlang a ni.
3:23 Chutichuan Ehuda chu hulhliapah a chhuak a, pindan kawngkhârte chuan a kharhung a, a kalh ta tlat a.
3:24 Tin, chutia a chhuah tak hnu chuan, a chhiahhlawhte chu an lo kal a; tin, an han hmuh chuan ngai teh, pindan kawngkate chu a lo inkalh tlat mai a; "A thlandaihna pindanah a va inthiar fihlim rih a ni ang chu maw," an ti a.
3:25 Tin, zahthlak khawpin an nghak ta reng mai a: tin, ngai teh, pindan kawngkate chu a hawng ta hauh lo mai a; chutichuan chabi an la a, an han hawng a: tin ngai teh, an lalpa chu chhuatah chuan, thiin a lo lum der mai a.
3:26 Tin, Ehuda lah chu khatia an nghah reng chhûng khan a lo tlan bo tawh a, lung chherna hmun kha a pel a,
3:27 Seira-ah a tlan a. Tin, heti hi a ni a, chu mi hmun a thlen chuan Ephraim tlâng ramah chuan tawtawrâwt a ham ta, tin, Israela thlahte chu tlâng ram ata a hnênah an chhuk a, ani chuan an hma a hruai ta a.
3:28 Tin, ani chuan an hnênah, "Mi zui rawh u khai: LALPAN in hmêlma Moab-hote hi a pe tawh che u a ni," a ti a. Tichuan an zui thla a, Moab ram dep Jordan lui kaite chu an man a, tumah an kaitir phal lo.
3:29 Chu mi tum chuan Moab-ho singkhat lai, mi awmkhauh thiau leh mi chak huaisen tha thiau an that a; pakhat mah tlan chhuak an awm lo.
3:30 Chutichuan chu mi ni chuan Moab-hote chu Israel hote lakah an lo tawm ta a. Tin, ram chu kum sâwmriat chhûng ralmuangin a awm a.
3:31 Tin, a hnuah chuan Anatha fapa Samgara a lo lang ve a, chu mi chuan Philistia-ho mi zaruk sebâwng chhunna tiangin a chhun hlum a: amah bawk chuan Israel-hote chu a chhandam a ni.
4:1 Ehuda thih hnu chuan Israela thlahten LALPA mithmuhin thil sual an lo ti leh ta a.
4:2 Tichuan Hazor khaw thuttu, Kanaan ram lal Jabina hnênah chuan LALPAN a hralh ta a: chu mi sipai hotu ber chu Sisera a ni a, Jentail-te ram Haroseth khuaa awm a ni.
4:3 tin, Israela thlahte chuan LALPA an au va: ani chuan thiir tawlailir zakua lai a nei si a; tin, kum sâwmhnih chhûng zet Israela thlahte chu nasa takin a hnehchhiah a ni.
4:4 Tin, chung lai chuan zâwlnei Bebori, Lalpidotha nupuiin Israelte ro a rêl a.
4:5 Ephraim tlâng rama Rama leh Bethel khaw inkara Debor tum thing hnuaiah a awm thin a: tin, Israela thlahte chu a hnênah an ro reltir tûrin an kal thin.
4:6 Tin, Kedes-naphtali ram ata Abinoama fapa Baraka chu a chah a, a hnênah, "LALPA Israelte pathianin, 'Tabor tlângah han kal langin, Naphtalia thlahte leh Zebuluna thlahte mi singkhat hruai rawh.
4:7 Tichuan Kison luiah Jabina sipai hotu Sisera chu a tawlailirte leh a hote nen ka rawn tir ang a; tin, ani chu ka pe che,' tiin thu a pe a ni lâwm ni?" a ti a.
4:8 Tin, Barakan a hnênah, "Mi kalpui ve la, tichuan ka kal ang e: mi kalpui ve dawn loh erawh chuan ka kal lo vang," a ti a.
4:9 Tin, ani chuan, "Ka kalpui ve mawlh ang che: amaherawhchu i kalnaah chuan hming that i hlawh dawn lo a nih chu; LALPAN Sisera chu hmeichhe hnênah a hralh dawn a ni," a ti a. Tin, Debori chu a tho va, Baraka hnênah Kedes khaw lamah chuan a kal ve ta a.
4:10 Tin, Baraka chuan Zebulun-ho leh Naphtali-ho chu Kedes-ah a chah khawm a; mi singkhat amah nen an han kal a: tin, Debori pawh a hnênah chuan a han kal ve a.
4:11 Tin, Ken mi Hebera chu Ken mi Mosia puzawn Hobaba thlahte zing ata a lo awm hrang a, Kedes kianga Zaananim rama sasaw thing hmun daihah a puan in a va zar a.
4:12 Tin, Abinoama fapa Baraka chu Tabor tlângah a chho tih Sisera an hrilh a.
4:13 Tichuan Sisera chuan a tawlailir zawng zawng, thir tawlailir zakua leh a hote Jentail-te ram Haroseth khua ata. Kison luiah a khawm chiam a.
4:14 Chutichuan Debori chuan Baraka hnênah, 'Khai le, vawiin hi LALPAN Sisera chu a pêk ni che a ni e: I hma hruaitu chu LALPA a ni lâwm ni?" a ti a. Tichuan baraka chu Tabor tlang ata a chhuk a, mi singkhatin an zui thla a.
4:15 Tin, LALPAN Sisera leh, a tawlailir zawng zawng leh, a sipaiho zawng zawngte chu khandaihin Baraka hmaah chuan a tibuai ta nuai hlawm a; tin, Sisera chu a tawlailir ata a chhuk a, a kein a tlan bo ta daih a.
4:16 Baraka erawh chuan tawlailirte leh sipaiho chu Jentail ram Haroseth thleng chuan a um ta a: tichuan Sisera sipaiho zawng zawngte chu khandaihin an that vek a: pakhat mah dam an awm lo.
4:17 Sisera erawh chu Ken mi Hebera nupui Jaeli puan inah kein a tlan lût a: hazor lal Jabina leh Ken mi Hebera chhûngte chu inrem reng an ni a.
4:18 Tin, Jaeli chu Sisera hmuak tûrin a lo chhuak a, a hnênah, "Ka pu, lo lut rawh, ka hnênah lo lut rawh; hlau suh," a ti a. Tichuan puan in chhûngah chuan a hnênah a lût ta a, tin, ani chuan puanin a khuh a.
4:19 Tin, a hnênah, "Khawngaih takin tui tlemte mi han pe teh khai, ka tui a hal em mai e," a ti a. Tin, bawnghnute um a han hawng a, a intir a, a khuh leh ta a.
4:20 Tin, a hnênah, "Puan in kawngkaah khan ding la, tichuan, 'Hetah hian mi an awm em? Tia an rawn zawh che chuan, 'Awm lo,' lo ti zel ang che," a ti a.
4:21 Chutichuan Hebera nupui Jaeli chuan puan in khenkilhna a la a, tuboh a keng a, zawitein a pan phei a, khenkilhna chuan a bekbawrah a kheng a, a kheng tlang a, leiah a bûr ta ngur mai a; a chauvin a mut a tui hle mai si a; tichuan a thi ta a.
4:22 Tin, ngai teh, Barakan Sisera a rawn um chu, va hmuah tumin Jaeli chu a va chhuak a, a hnênah, "Lo kal teh khai, i mi zawna chu ka lo entir teh ang che," a ti a. Tichuan a hnênah a va kal a; tin, ngai teh, Sisera chu a lo thi reng ma a, puan in khenkilhna chu abekbawrah alo bûr ngur mai a.
4:23 chutichuan Pathian chu mi ni chuan Israela thlahte hmaah Kanaan ram lal Jabina chu a titlâwm ta a.
4:24 Tichuan Israela thlahte chua Kanaan ram lal Jabina an hmin ta deuh deuh va, Kanaan ram lal Jabina chu chhe der khawpin an lo siam ta a.
5:1 Chutichuan Debori leh Abinoama fapa Baraka chuan chu mi ni chuan,
5:2 "Hotute chuan Israel zingah zai an zap a. Mipuite chu chak takin an lo inpek tak hi, LALPA chu fak rawh u.
5:3 Aw, nangni lalte u, lo ngaithla ula; Aw, nangni hotute u, beng lo chhi rawh u; Keimah ngeiin LALPA chawimawiin hla ka sa ang a, LALPA, Israelte Pathian fakin hla ka sa ang.
5:4 LALPA, Seir ram ata i lo kal chhuah a, Edom phul ata i lo kal chhuah khan, Lei chu a nghing dur dur a, vante pawh a lo far a, A ni, chhûngte chuan ruah a surtir a.
5:5 Tlangte chu LALPA hmaah a lo khur a, Sinai tlâng lam pawh saw - LALPA Israelte Pathian hmaah chuan.
5:6 Anatha fapa Samgara dam laite leh, Jaeli dam laite khan, lamliante chu a thing thup a. Zin veivakte chu kawng mai maiahte an kal thin a.
5:7 Israel rama khuate chu luah lohvin a ram zo va, a ram zo va. Kei Debori ka chet a, Israel ram nu hi ka chet hma loh kha chuan.
5:8 Pathian tharte a vuan a; Tichuan kulh kawngkhâr bulahte khan indona a lo awm a: Israel rama singli zet zingah Phaw leh fei kha awm rêng rêng a awm em ni?
5:9 Ka rilru chu Israel-hote rorêltu, Mipuite hnêna chak taka inpete lamah chuan a awm: LALPA chu fak rawh u.
5:10 Nangni sabengtung vâr chunga chuangte u, Nangni puan phah chhah taka thute u; Nangni mi mirte u, chung thute chu puang rawh u.
5:11 Thal kaptute thawm rêng rêng hriat phâk loh, Tui chawina hmunah chuan LALPA thil fel tihte chu an sawi an sawi ang, Israel ram chunga a thil fel tihte ngei chu. Chutichuan LALPA mipuite chu kulh kawngkhâr lamahte chuan an zu chhuk a.
5:12 Harh la, harh la, Debor; Harh la, harh la, hla sa rawh.
5:13 Tichuan mi lian la awm chhûngte leh mipuite chu an lo chhuk a; Mi chak tak mi beihpui tûrin LALPA chu a lo chhuk ta.
5:14 Ameleka zungzamte chu Ephraim atangin an lo chhuk a; Benjamin, i mite zinga miten an rawn zui che, Makir atangin ram rorêltute an lo chhuk. Tin, Zebulun atangin ziaktu tiang kengtute chu an lo chhuk.
5:15 Isakar mi liante chu Debori hnênah an tel a; Isakara angin, Baraka pawh: Ruam lamah chuan amah nen an tlan chhuk chiam a. Reuben-ho tui luannahte chuan An tum a ruh hle mai.
5:16 Eng atân nge berâm huang kârahte i thut reng, Berâm rual kohna phenglawng ngaithla tûr maiin? Reuben-ho tui luannaahte chuan Ngun taka i ngaihtuah chhuahna a awm a,
5:17 Gilead-ho chu Jordan ralah an awm reng a: Tin, Dan-ho chu engah nge lawngah te an awm reng? Aser-ho chu tuifinriat kamah an thu hle hle a, An litengsawlahte chuan an awm reng.
5:18 Zebulun-ho leh Napthali-ho hi Phul hmun sânga thih huam reng mi hi.
5:19 Lalten an rawn bei a, Tichuan Kanaan lalte chuan Megido tui kiang, Taanak khuaha an bei a: Sum lak reng an nei lo
5:20 Van atangin an rawn bei a; Arsiten an hmun atangin Sisera chu an rawn bei a.
5:21 Kison luiin anni chu a hnawl vek a Hmasâng lui, Kison lui chuan. Aw ka thlarau, chak takin kal zel rawh.
5:22 Tichuan sakawrte chu an per ta tlut tlut a, Sakawr chakte chu an zuan an zuan avângin.
5:23 'Meroz chu ânchhia lawh r'u,' LALPA vanrihkohvin a ti, Chuta awmte chu nasa takin ânchhia lawh rawh u; LALPA tanpuiin, LALPAN mi chak tak a beinaa tanpui tûra an lo kal loh avângin,'
5:24 Hmeichhia azawngah Jaeli, Ken mi Hebera nupui hi engthawl ber a ni ang, Hmeichhia puan ina chengho azawngah chuan a engthawl ber a ni ang.
5:25 Ani chuan tui a rawn dil a, hnute tui a lo pe a. Mi tha novin hnutetui khal a lo pe a.
5:26 Kilhna a keng a, A ding lamin hnathawk mi tuboh; tin, tuboh chuan Sisera chu a kheng a, a luah a kheng tlang a, A ni, a bekbawrah chuan a kheng a, a kheng bûr ta ngur a.
5:27 A ke bulah a awp rawk a, a tlu a, a bawk ta der a: A ke bulah a awp rawk a, a tlu a, a tlu ta a: A awp rawkna hmunah chuan a thi ta der mai.
5:28 Sisera nu chu tukverah a han dak a, Zawngdaikalh awngah a au va, 'Engati nge a tawlailir a lo thlen har? Engati nge a tawlailir a muan? A ti.
5:29 A hmeichhe fingten an lo chhang a, A ni, amah a inchhang chawp leh a,
5:30 'An hmu zo ta lo vem ni? râllâk an insem ta lo em ni ;e? Mi tinin nula pahnih khat emaw theuh; Sisera chan tûr chu râllâk puan ze hrang hrang, Râllâk puan zehmawi, ze hrang hrang, Râllâk nghawnga bah tûr puan a khing hniha zehmawi, ze hrang hrang,' tiin.
5:31 Chutiang chuan aw LALPA, I hmêlmate zawng zawng chu boral vek sela: Amah hmangaihtute erawh chu chak taka kal, ni ang hi ni rawh se," tiin hla an sa a. Tin, ram chu kum sâwmli chhûng ralmuangin a awm a.
6:1 Tin, Israel thlahte chuan LALPA mithmuhin thil an lo tisual ta a: tichuan LALPAN Midian-ho kutah kum sarih a awmtir a.
6:2 Tin, Midian-hote chuan Israel-hote chu an lo hmin ta a: tichuan Midian-hote avâng chuan Israela thlahte tlângah khur te, puk te, kulh te an siam a.
6:3 Tin, heti hi ani a, Israelhoten thil an han chin tehian Midian-hote, Amalek-hote, khawchhak fateho chu an han chho va;
6:4 an han bei a; awmhmun an han khuar a, Gaza thlengin leia thil toe chu an tihchhiatsak a, Israel ramah ei tûr rêng rêng an zuah lo, berâm te, bawng te, abengtung te lamin.
6:5 An ran rualte leh an puan inte nen an lo thawk a, khau ang maiin tam takin an lo thawk si thin a; anmahni leh an sanghawngseite chu chhiar sen pawh an ni lo: ram tichhe tûrin an lo kal thin a ni.
6:6 Chutichuan Israel-hote chu Midain ho avâng chuan an lo rethei ta hle mai a; tin, Israela thlahte chuan LALPA chu an au ta a.
6:7 Tin, heti hi a ni a, Midan-ho avânga Israela thlahten LALPA an han auh ve leh chuan,
6:8 LALPAN Israela thlahte hnênah chuan zâwlnei a rawn tir a: ani chuan an hnênah, "LALPA Israelte Pathianin, heti hian a ti a ni, 'Aigupta ram ata chu ka hruai chho che u a, bawihho kut ata leh, hnehchhiatu che u zawng awng kut ata chu ka chhan chhuak che u a,
6:9 Aigupta-ho kut ata leh, hnehchhiahtu che u zawng zawng kut ata chu ka chhanchhuak che u a, in hma ata anmahni chu ka hanwtchhuak a, an ram chu ka pe che u a;
6:10 tin, keiin, Kei hi LALPA in Pathian ka nih hi, heng in awmna ram neitu Amor-ho pathiante hi in hlau hlek tûr a ni lo ve, ka ti a: nimahsela ka thusawi chu in pawm ta si lo,' a ti e," a ti a ni.
6:11 Tin, LALPA vântirhkoh a lo kal a, Ophra khuaa Abiezrit mi Joasa sasaw thing hnuaiah a thu a: tin, a fapa Gideonan Midian-hote hmuh theih loh tûrin grêp sawrna khurah buh a lo vua a.
6:12 Tin, LALPA vântirhkoh chu a hnênah a rawn inlâr a, a hnênah, "Nang mi chak huaisen, LALPA hchu I hnênah a awm e," a ti a.
6:13 Tin, Gideonan a hnênah, "Aw ka pu, LALPA kan hnêna a awm si chuan, eng tizia nge hetianga kan chunga thil a lo thlen si? Min thlahtute khan, 'LALPAN Aigupta ram ata chu min hruai chho a ni lâwm ni?' tia a thiltih mak tak takte min hrilh thinte kha khawiah nge a nih zawh tak? Tunah zawng Midian-ho kutah min pe tawh alawm," a ti a.
6:14 Tin, LALPA chuan mah chu a en a, a hnênah, "He i chakna hian kal la Israel-ho hi Midian-ho lak ata chhandam ang che: ka tir che a ni lâwm ni?" a ti a.
6:15 Tin, ani chuana hnênah, "Aw LALPA, engtin nge Israel-hote hi ka han chhandam tehlul ang? Ngai teh, Manasea thlah zingah hnam rethei ber kan ni a, kei lah hi ka pa chhûngte zinga te ber ka ni si a," a ti a.
6:16 Tin, LALPA chuan a hnênah, "I hnênah ka awm zel dawn alawm, tichuan Midian-ho chu pakhat ang maiin ai hneh vek mai ang," a ti a.
6:17 Tin, ani chuan a hnênah, "I mittlung ka lo nih chuan, nangmah ngeiin mi bia a ni tih chhinchhiahna eng emaw mi entir ta che.
6:18 I hmaa hlan tûr thil pêk ka va lak a, I hnêna ka lo kal leh hma loh chuan heta ta hi khawngaih takin lo kal bo hauh suh ang che," a ti a. Tin, ani chuan, "I lo kal leh hma loh chuu ka lo awm reng ang e," a ti a.
6:19 Tin, Gideona chu alut ta a, kêl no leh chhangphut epha khat dawidim telh loh a buatsaih a: a sa chu fawngah a dah a, tin, a tui chu belah a dah a, sasaw thin ghnuaiah a hnênah chuan a rawn keng a, a rawn hlan a.
6:20 Tin, Pathian vântirhkoh chuan a hnênah, "Sa leh chhang dawidim telh loh kha la langin, he lung chungah hian dah la, a tui kha bun chhuak rawh," a ti a.
6:21 Chutiang chuan a han ti a. Chutichuan LALPA vântirhkoh chuan a tiang ken hmawr chuan sa leh chhang dawidim telh loh chu a han khawih a; tin, lung atang chuan mei a lo chhuak a, sa leh chhang dawidim telh loh chu a kang ral ta vek a; tin, LALPA vântirhkoh chu a hmuh theih lohvah a kal ta a.
6:22 Chutichuan Gideona chuan LALPA vântirhkoh ani tih a hre ta a; tin, Gideonan, "E khai aw, aw Lalpa PATHIAN! LALPA vanrirhkohchu a hmai chhan ngeiah ka hmuh tak chu le," a ti a.
6:23 Tin, LALPAN a hnênah "Thlamuang takin awm la, hlau suh: I thi lo vang," a ti a.
6:24 chutichuan Gideonan chutah chuan LALPA tan maichâm a siam a, Jehova-salom a vuah a: tun thlengin Abiezrit mite khua Ophra-ah a la awm reng a ni.
6:25 Tin, heti hi a ni a, chu zan vekah chuan LALPAN a hnênah, " I pa bâwngpa, bâwngpa pahnihna kum sarih mi chu la langin, I pa neih Baala maichâm hi tichim la, a bula Asera hi kit rawh:
6:26 tin, he kulh chungah hian kawngzawng nei tein LALPA i Pathian tan maichâm siam langin, bâwngpa pahnihna chu la la, Asera i kih tûr thing hmangin hâlral thilhlan hlan rawh," a ti a.
6:27 Chutichuan Gildeona chuan a chhiahhlawhte zinga mi sawm a hruai a. LALPAN a hnêna a sawi ang chuan a ti ta a; tin, heti hi ani a, a pa vangin, chhunah a ti ngam lo va, zanah a ti a ni.
6:28 Tin, khawpuia mite chu zing taka an han thawh chuan ngai teh, Baala maichâm chu tihchimin a lo awm a, a bula Asera chu kih thlukin a lo awm a, maichâm siam chunga bâwngpa pahnihna hlan chu a lo awm ta mai a.
6:29 "Hei tu tih nge maw ni chu le?" tiin an inbe hlawm a. Tin, an han inzawh a, an han indap vel hnu chuan, "Joasa fapa Gideona tih a lo ni reng alawm maw le," an ti ta a.
6:30 Tichuan khawpuia mite chuan Joasa hnênah, "I fapa chu han hruai chhuak rawh, a thi ngei tûr a ni: Baala maichâm a tihchim avfang leh a bula Asera a kih avângin," an ti a.
6:31 Tin, Joasa chuan amah rawn khingtu zawng zawng hnênah chuan, "Baala chu in tan dawn a ni maw? Amah chu in hum dawn a ni maw? Tupawh amah tan apiang chu zingah la la hian tihhlum tûr a ni: pathian anih chuan a maichâm an tihchim avângin, intan chawp ang hmiang," a ti a.
6:32 Chutichuan, "A maichâm tihchim avangin Baalan amah khing rawh se,: tiin, chu mi ni chuan Jerubaala a vuah ta a.
6:33 Tichuan Midian-ho zawng zawngte leh Amelek-hote leh, khaw chhak fate chu an pung khawm chian a; lui an kan a, Jazreel ruamah an inkulh a.
6:34 Nimahsela LALPA thlarau chu Gideona chungah a lo thleng a; tin, tawtawrâwt a hantum a: tichuan Abiezer-ho chuan an pn khawm ta chiam a.
6:35 Tin, Manase-ho zawng zawng zingah mite a tlantir a; chungho pawh chuan an pan khawm ta chiam a: tin, Aser-hote hnênah te, Zebulun-ho hnênah te, Naphtali-ho hnênahte pawh miet a tlantir a; anni pawh chuan an han fin ve ta a.
6:36 Tin, Gedeonan Pathian hnênah, "I sawi anga keima kuta Israelte hi i chhandam dawn chuan,
6:37 ngaiteh, hrui zawlah berâm hmuh ka dah ang a, berâm hmulah chuah chuan dai alo awm a, lei zawng zawngte chu a lo ro vek chuan, i sawi angin keima kutin Israelte hi i chhandam dawn ani tih ka hria ang," a ti a.
6:38 Chutiang chu a lo ni ta ngei a: a tuk zing taka a han thawh a, berâm hmul chu a han hmeh sawr chuan berâm hmula mi chu dai berhbu khat zet a han sawr chhuak ta mai si a.
6:39 Tin, Gideonan Pathian hnênah, "Ka chungah thinrim suh ang che, vawikhat tal ka han sawi leh teh ang; khawngaih takin vawi khat tal berâm hmulin mi fiahtir leh teh ang che; tun tumah chuan berâm hmuh chauh chu lo hul sela, lei chung zawng zawngah dai lo awm leh thng rawh se," a ti a.
6:40 Tin, chutiang chuan berâm hmuh chauh chu a lo hul a, lei chung zawng zawngah chuan dai a lo awm ta thung a.
7:1 Chutichuan Jerubaala (chu mi chu Gideona a ni) leh a hnêna mipui awm zawng zawngte chu zing takah an tho va, Harod lui bulah an inkulh a: tin, Midian-hote kulh chu an awmna hmâr lampang More tlang bul ruamah a ni.
7:2 Tin, LALPAN Gideona hnênah, "I hnêna awmte kha Midian-hote an kuta ka pêk nan zawng an tam lutuk a, chutilozawng Israel-hoten, 'Keimahni kut ngeia inchhandam kan ni alawm,' tiin mi uankhum dah ang e.
7:3 Chuvangin ngai teh, mipuihote beng hriatah, 'Tupawh hlau leh khur apiang chu kir leh sela, Gilead tlang ata hi haw leh rawh se,' tiin puang rawh," a ti a. Tichuan mipuite chu sing hnih leh sânghnih an kir leh a; tin, singkhat an la awm a.
7:4 Tin, LALPAN Gideona hnênah, "Mite kha an la tam lutuk fo mai; luiah hruai thla la, chutah chuan keimah ka thliarsak ang che: heti hi a ni ang a, 'He mi hi chu i hnênah kal ve rawh se,' ka tih apiang chu, i hnênah kal se la; tin, 'He mi hi chu i hnênah kal ve suh se,' ka tih apiang chu kal suh se," a ti a.
7:5 Chutichuan mipuite chu luiah chuan a hruai thla a: tin, LALPAN Gideona hnênah, " Ui anga a leia tui a liaha liak apiangte chu a hrangin dah zel langin; chutiang bawkin kuna thingthia tui dawt apiangte pawh," a ti a.
7:6 Tin, an kut phaha mi a liaha liakte chu mi zthum an ni a, mi dang zawng zawngte chu kuna thingthia tui dawt vek an ni.
7:7 Tichuan LALPAN Gideona hnênah, "Mi zathum, a liaha liakate kha hmangin ka chhandam dawn che u a, Midian-hote hi i kutah ka pe dawn a ni: mipui zawng zawngte chu mahni hmun theuhvah haw vek rawh se," a ti a.
7:8 Chutichuan mipuite chuan ei tûrte leh an tawtawrâwtte chu an keng a: tin, Israel mi zawng zawngte chu an puan in lamah a hawtir ta vek a, mi zathumte erawh chu a awmtir a: tin, Midan-ho kulh chu an hnuai ruamah chuan a ni.
7:9 Tin, heti hi a ni a, chu m zanah chuan LALPAN a hnênah, "Tho la, kulhah chuan zuk chhuk rawh khai; i kutah ka pe tawh e.
7:10 Amaherawhchu zu chhuk i hlauh chuan, I chhiahhlawh Pura nen hian kulhah chuan zuk kal phawt ula;
7:11 tichuan an thusawi i hria ang a; chu mi hnuah zawng i kut chu tihchakin a awm ang a, kulhah chuan i kal ngam tawh ang," a ti a. Chutichuan a chhiahhlawh Pura nen chuan kulha ral vengho tawntirh ber awmnaah chuan an zuk kal a.
7:12 Tin, Midian-hote leh Amalek-hote leh khawchhak fateho zawng zawng chu ruamah chuan khau ang maiin tam tak an lo awm hmur mai a; an sanghawngseite chu chhiar sen rual loh, an tam lam chu tuifinriat kama tiauvaivur zat zet an ni a.
7:13 Tin, Gideona a zuk thlen chuan, ngai teh, mi pakhat hian a thianpa chu a mumang a lo hrilh a, a hnênah, "Ngai teh, mumang ka lo nei a, tin, ngai teh, barli chhang hlawm hi Midian-ho kulhah hian a lo lum a, puan inah hian alo lum lut a, a rawn tichim a, a tilet ling tawp a, puan in chu a per ta thlawp mai a," a tia .
7:14 Tin, a thianpa chuan a chhâng a, "Chu chu Israel mi, Joasa fapa Gideona ngunhnam anih mai chu: Pathianin Midan-ho leh sipaiho zawng zawng chu akutah a pe a nih chu," a ti a.
7:15 Tin, chuti chu a ni a, Gideonan chu mumang leh a awmzia an inhrilhfiah chu a hriatin, Pathian a be ta a; tichuan Israel-hote kulh lamah chuan a kir leh a, 'Tho rawh u khai; LALPAN Mididan sipaihote chu in kutah a pe tawh ani e," a ti a.
7:16 Tichuan mi zathumte chu pawl thumin a siam a, an vai chuan tawtawrâwt leh bel ruak, a chhûnga meichhe dah sa a pe theuh va.
7:17 Tin, ani chuan an hnênah, "Min en ula, ka tih angin ti ve zel ang che u: tin, ngai teh u, kulh tawntirh ber ka thlen veleh, ka tih ang zelin ti ve ang che u.
7:18 Kei leh ka hnêna awm zawng zawngte hian tawtawrâwt kan han ham veleh, kulh vela awm zawng zawngte pawhin tawtawrâwt in ham vek bawk ang a, 'LALPA tan leh Gideona tan,' ti theuh vang che u," a ti a.
7:19 Chutichuan Gideona leh a hnêna awm mai zate chu zan ven laita, ralveng an inthlak hlim chhawn lai takin kulh tawntirh an zuk thleng a : tin, tawtawrâwt chu an han ham a, an bel ken chu an tikeh sawm vek a.
7:20 Tin, a pawl thum chuan tawtawrâwt chu an ham a, an bel chu an tikeh a, an vei lamin meichher an keng a, an ding lamin tawtawrâwt ham tûr an keng a; tin, "LALPA leh Gideona ngunhnam," tiin an au dur dur a.
7:21 Tin, kulh vêlah mi tin, mahni dinhmun theuhvah chuan an ding vek a: tichuan sipaiho zawng zawng chu an tlan ta a; tin, an au chiam a, an tlânchhiattir ta a.
7:22 Tin, tawtawrâwt zathum chu an ham a, tin, LALPA sipaiho zawng zawngte chu anmahni leh anmahni khandaihin a inbeihtir ta chiam a: tichuan sipaihote chu Zerera lampang Beth-sita thleng, Tabath kianga Abel-mehola ramri thlengin an tlânchhia a.
7:23 Tin, Israel-ho chu Naphtali atang te, Aser atang te, Manase zawng zawng atangte chuan an pung khawm a, Midian-ho chu an um ta a.
7:24 Tin, Gideonan Ephraim tlâng ram zawng zawngah chuan, "Midian-ho hi rawn bei rawh u, Beth-bara thlengin luite hu lo lak khalh ang che u, Jordan lui nen," tiin mite a tlan veltir a. Chutichuan Ephraim-ho zawng zawng chu an pung khawm a, Beth-bara thlengin luite chu Jordan lui nen an lo lak khalh vek a.
7:25 Tin, Midian lal pahnih Oreba leh Zeeba an man a; tin, Oreba chu Oreb lungpuiah an that a, tin, Zeeba chu Zeeb grêp sawr khurah an that a, Midan-ho chu an um ta a; tichuan Oreba leh Zeeba lu chu Jordan lui rala Gideona hnênah an rawn la a.
8:1 Tin, Ephraim-hote chuan a hnênah, "Engtiziaa hetianga min ti nge i nih a, Midian-ho i beihnaah chuan min sawm ve loh?" an ti a. An hau nasa hle mai a.
8:2 Tin, ani chuan an hnênah, "Nangni aiin engnge ka tih uchuak bik le? Abiezer-ho grêp lawh ai chian Ephraim-ho grêp hmaih chhar hi a nasa zawk lo vem ni?
8:3 Pathianin Midian-ho lal Oreba leh Zeeba chu in kutah a rawn pe ta a ni a: tichuan nangni ai hian keiin engnge ka lo tih uchuak theih bik ni?" a ti a. Chutichuan chu mi thu a han sawi chuan a chunga an thinrim chu a reh ta a.
8:4 Tin, Gideona leh a hnêna mi zathum awmte chuan Jorda lui chu an zuk thleng a, an kan a, chu chung chungin an um zel a.
8:5 Tin, Sukoth khuaa mite hnênah chuan "Heng ka hnungzuite hi khawngaih takin chhangper pe teh u khai; an chau tawh em mai a, Midian-ho lal Zeba leh Zalmuna ka um a ni e," a ti a.
8:6 Tin, Sukoth khuaa mi lianhote chuan, "Zeba leh Zalmuna chu i kuta awm tawh ang renga chutia i sipaihote chhang kan han pêk mai tûr chu?" a ti a.
8:7 Tin, Gideona chuan, "Aw le, LALPAN Zeba leh Zalmuna chu ka kuta mi pêk hunah thlaler hling leh hnimhlingneite chuan in taksa chu ka chhun thlêr diai duai mai ang maw le," a ti a.
8:8 Tin, chu ta tang chuan Penuel-ah a han kal a,an hnênah chutiang bawk chuan a sawi leh a: tin, Penuel khua amite chuan Sukoth khuaa mite chhan ang bawkin an lo che ve a.
8:9 Tin, Penuel khuaa mite hnênah chuan, "Remna thu hawna ka lo kir leh hunah, he kulh hi ka rawn tichim ang maw le," tiin a sawi bawk a.
8:10 Zeba leh Zalmuna chu Karkor-ah an awm a, an sipaihote khawchhak fate sipaiho thi bang zawng zawng, singkhat leh sângnga laite nen: khandaih keng mi thiau nuaikhat leh singhnih an thi si a.
8:11 Tin, Gideona chu Noba leh Jogbeha chhak lama puan ina chenghote kawngah a han chho va, sipaihote chu a han bei a; sipaihote chu ralmuang takin an lo awm si a.
8:12 Tin, Zeba leh Zalmuna chu an tlânchhe ta a; tin, ani chuan a um a; tichuan Midian-ho lal pahnih Zeba leh Zalmuna chu a man a, sipaiho zawng zawngte chu a tibuai ta nuai nuai a.
8:13 Tin, Joasa fapa Gideona chu Heres chho atangin indona ata chu a lo kir leh ta a.
8:14 Tin, Sukoth khua atlangvâl pakhat hi a man a, thute a zawt a: tichuan Sukoth khuaa mi lianhote leh, upate hming chu a ziahsak vek a, sawmsarih leh pahnih a an ni a.
8:15 Tin, Sukoth khuaa mite hnênah chuan a han kal a, "Zeba leh Zalmuna hi en teh u le, he mite alawm 'Zeba leh Zalmuna chu i kuta awm tawh ang reng a, chutia i mi chaute chhan gkan han pêk mai tûr chu?' tia mi tihel vei kha," a ti a.
8:16 Tichuan chu mi khaw upate chu a man a, thlaler hling leh hnimhlingneite chuan Sukoth mite chu a zirtir a.
8:17 Tin, Penuel khaw kulh chu a tichim a, khuaa mite pawh chu a that a.
8:18 Tichuan Zeba leh Zalmuna hnênah chuan,"Tabor tlanga in mi thahte kha mi eng ang nge an nih?" a ti a. Tin, anni chuan, "Nangmah ang bawk hi an ni; lal fa anna an nei theuh mai," an ti a.
8:19 Tin, ani chuna, "Ka unau, ka nu fapate ngei an ni asin: LALPA c hu anung ngei ang hian, anni chu lo zuah ta ni ula chu, ka that lo tûr che u," a ti a.
8:20 Tin, a fapa upa ber Jethera hnênah chuan, "Khai le, nangin that rawh," a ti a.Nimahsela tlangvâl chuan a khandaih a phawi lo; tlangvâl mai a la nih avangin a hlau a ni.
8:21 Tichuan Zeba leh Zalmuna chuan, "Nangmah kha lo thawk la, min rawn bei ta che: patling leh patling inbeih tûr alawm," an ti a. Tin, Gideona chu a tho va, Zeba leh Zalmuna chu a that ta a, tin, an sanghawngsei nghawnga nghawngkawlte chu a la a.
8:22 Chutichuan Israel mite chuan Gideona hnênah, "Nangin ka chungah ro rel tawh ang che, nang leh i fapa leh, i fapaa fapate chen pawhinL nangin Midian-hote lakah hian min chhandam ta si a," an ti a.
8:23 Tin, Gideonan an hnênah, "Kei zawngin in chungah hian ro ka rel lo vang a, ka fapa lahin in chungah ro a rêl hek lovang: LALPAN in chungah ro a rêl zawk ang," a ti a.
8:24 Tin, Gideonan an hnênah, Thil pakhat erawh chu dil che u ka duh a ni, mi tinin in râllâk bengbeh chu mi pe ta theuh che u," a ti a. (Ismael-ho an nih avângin rangkachak bengbeh an nei a ni).
8:25 Tin, anni chuan, "Kan pe mawlh ang che, " an ti a. Chutichuan puan an phah a, mi tinin an râllâk bengbeh chu an theh chhuak ta theuh va.
8:26 Tin, chung râllâk bengbeh a dilte chu a rih lam rangkachak sekel sângkhat leh zasarih a ni; nghawngkawl e, bengbeh te, Midan lalte puan sen duk tiam lovin, an sanghawngseite khaidiat awrh pawh tel lovin.
8:27 Tin, Gideona chung chuan ephod a siam a, a awmna Ophra khuaah a dah a: chu tah chuan chu mi lakah chuan Israel-ho zawng zawng chu an lo uire zo ta a: tichuan Gideona leh a chhûngte tan pawh thang a lo ni a mai a.
8:28 Chutichuan Midian-ho chu Israela thlahte hmaah chuan tihtlâwmin an lo awm awm ta a, tichuan an chechang thei ta lo va. Tin, Gideona dma chhûng chuan ram chu kum sâwmli chhûng ralmuangin a awm a.
8:29 Tin, Joasa fapa Jerubaala chu a in lamah a awm ta a.
8:30 Tin, Gideona chuan ama hrin ngei fapa sawmsarih a nei a: nupui tam tak nei a ni a.
8:31 Tin, Sekem khuaa a hmeiin fapa a hrinsak bawk a, a hmingah Abimeleka a sa a.
8:32 Joasa fapa Gideona chu tar kuna damin a thi a, tichuan Abiezrit mi Ophra khuaa a pa Joasa thlanah an phûm ta a.
8:33 Tin, heti hi a ni a, Gideona thih veleh chuan Israela thlahte chu an lo hnungtawlh leh ta a, Baal-e lakah an uire a, Baal-berith chu an pathianah an lo siam ta a,
8:34 Tin, Israela thlahte chuan an vela hmêlmate zawng zawng lak ata chhan chuaktu LALPA an Pathian chu an hre ta lo va:
8:35 Jeru-baala (Gideona chu) Israel-hote chunga theihtawpa that chhuah thintu chhûngte chungah pawh chuan that an chhuah ve ta hek lo.
9:1 Tin, Jerubaala fapa Abimeleka chu Sekem khuaah a nu nutate hnênah a kal a, a nu pate chhûngkua zawng zawngte nen a bia a,
9:2 "Sekem khuaa mi zawng zawngte beng hriatah thu sawi ula, 'Jerubaala fa zawng zawng mi sawmsarihten in chunga ro an rêl ange tha zawk in tih, pakhatin in chungah ro a rêl?' ti teh u khai: tin, kei pawh in thisen zawmpui ka ni tih hi hre reng bawk ang che u," tiin a sawi a.
9:3 Tin, a nu nutate chuan Sekem khua ami zawng zawngte beng hriatah chuan chung a thu zawng zawng chu an sawi a: tichuan Abimeleka zui duhna rilru an lo pu ta a: "Ani chu kan unau a ni alawm," an ti ta si a.
9:4 Tin, Baal-berith in ata tangka sawmsarih an pe a, chu chuan Abimelekan mi ho tak tak leh , mi tawrawt pui puite a ruai a, anni chuan amah chu an zui a.
9:5 Tin, Ophra khuaa a pa inah a va kal a, Jerubaala fapa, a unau sawmsarihte chu lung pakhat chungah a that hlawm a: Jerubaala fapa naupang ber Jothama erawh chu a damah a tang a: a lo biru hlau a ni.
9:6 Tin, Sekem khuaa mi zawng zawng leh Beth-milo a mi zawng zawng chu an pung khawm a, tichuan Abimeleka chu Sekem khuaa lungphun bul sasaw kiangah chuan lalah an siam ta a.
9:7 Tin, chu chu Jothama an hrilh chuan Gerizim tlang chhipah a han ding a, aw ring takin a au va, an hnênah, "Nangni Sekem khuaa mite u, ka thusawi hi ngaithla teh u, tichuan Pathian pawhin in thu a lo ngaithla ve dawn nia.
9:8 Vawikhat chu thing hi an lal atâna hriak thih tûrin an va chhuak a; olive thing hnênah hian, 'Nang kan lalah awm ta che,' an ti a.
9:9 Nimahsela olive thing chuan an hnênah, 'Pathian leh mihring chawimawi phah nana an mi hmanna ber ka hriak hi chhuahsanin thing chungah lehlam lehlaman ka peh ka pheh tehlul ang maw?' a ti a.
9:10 Tin, thingte chuan theipui kung hnênah hian, 'Hawh teh, nang kan lalah awm ang che,' an va ti a.
9:11 Nimahsela theipui kung chuan an hnênah, 'Ka thlumna leh ka rah tha tak hi chhuahsanin, thing chungah lehlam lehlaman ka phe ka phe tehlul ang maw?' a ti a.
9:12 Tin, thingte chuan grêp hrui hnênah, 'Hawh teh, nang kan lalah awm ang che,' an ti a.
9:13 Tin, grêp hrui chuan an hnênah, 'Pathian leh mihring tilawm thintu ka uain hi chhuahsanin thing chungah lehlam lehlaman ka phe ka phe tehlul ang maw?' a ti a.
9:14 Chutichuan thin gzawng zawng chuan hling hnênah, 'Hawh teh, nang kan lalah awm ang che,' an ti a.
9:15 Tin, hling chuan thing hnênah, 'In lal atâna hriak mi thih takzet in nih chuan ka hlimah hian lo bi ta che u: in nih loh erawh chuan hlingah chuan mei lo chhuakin Lebanon tlanga sidar thingte chu kang zo vek rawh se,' a ti a.
9:16 Chutichuan Abimeleka in lal atâna in lo siam ta mai hi tih takzet leh fel taka ti in nih a, Jerubaala leh a chhûngte chu tha taka in tih a, a phu ang zela a chunga lo tite in nih a;
9:17 (Ka pa hian ral a lo dosak che u a, a lo thih phah ta hial a, Midian-ho kut ata chu a lo chhanchhuak ta che u a:
9:18 vawiinah hian ka pa chhûngte chungah chuan in lo hel a, a fapate sawmsarih zet lung pakhat chungah in lo tihlum a, in unaupa a nih avângin a bawihnu fapa Abimeleka hi Sekem khaw mite lalah in lo siam ta si a;)
9:19 vawiinah hian Jerubaala leh a chhûnge chunga tih takzet leh fel taka ti in ni phawt zawngin le, Abimeleka chungah hian lawm rawh u, tin, ani pawh in chungah hian lawm rawh se:
9:20 chutiang a nih loh erawh chuan Abimeleka atang hian mei lo alh chhuak sela, Sekem khuaa mite leh Beth-milo mite chu kang zo vek rawh se; tin, Sekem khuaa mite leh Beth-milo atangin mei lo alh chhuak sela, Abimeleka chu kang zo vek rawh se," a ti a.
9:21 Chutichuan Jothama chu a tlan a, a tlan bo va, Beer-ah a tlan a, a unaupa Abimeleka a hlauh avângin chutah chuan a awm ta reng a.
9:22 Tin, Abimeleka chu Israel-ho chungah kum thum a lal a.
9:23 Tin, Pathianin Abimeleka leh Sekem khuaa mite karha chuan rilru sual a awmtir a, tichuan Sekem khuaa mite chuan Abimeleka chungah vervek takin an ti ta a:
9:24 chu chu Jerubaala fapa sawmsarihte chunga rawng taka an tih avânga an chunga phuba lakna a lo thlen theihna tûr leh, anmahni thattu an unaupa Abimeleka chungah leh, a unaute that tûra a kut lo tichaktu Sekem-hote chunga an thisen awm theihna tûrin a ni.
9:25 Tin, Sekem khuaa mite chuan tlang chhipahte amah chang rutute an dah a, chu mi kawnga kal apiangte chu an lo suam thin a; chu mi thu chu Abimeleka an hrilh a.
9:26 Tin, Ebeda fapa Gaala a unauteho nen an lo thawk a. Sekem khuaah an lût a: Sekem- hote chuan an lo ringhlel lo va.
9:27 Tin, lo lamah an va kal a, an grêp huana mi an lo va, an chil a, an kût a, an pathian inah an lût a, an eiin an in a, Abimeleka chu ânchhia an lawh a.
9:28 Tin, Ebeda fapa Gaala chuan, "Tunge ni Abimeleka chu? Sekema pawh hi tunge maw anih a, keinin a rawng kan han bawl tehlul tûr chu? Jerubaala fa a ni lâwm ni? Zebula hi a upa a ni lâwm ni?Sekema pa Hamora hote rawng i bâwl ang u hmiang; engah nge a ni rawng chu kan bawl ang?
9:29 Hengho hi ka thuin han awm teh sela chu aw! Abimeleka hi ka han titlâwm der mai tûr," a ti a. Tin, Abimeleka hnênah, "I sipaite tipung la, lo thawk rawh khai," a ti a.
9:30 Tin, chu mi khaw rorêltu Zebula chuan Ebeda fapa Gaala thusawi chu a lo hriat chuan a thin a ur ta thut a.
9:31 Tichuan fin vervekin, Abimeleka hnênah chuan, "Ngai teh, Ebeda fapa Gaala leh a unauteho Sekem-ah an lo kal a; tin, ngai teh, i chunga helpui tumin khua amite an fuihpawrh e.
9:32 Chutichuan i hote nen azan azanin lo thawk ula, phulah lo chang rawh u:
9:33 tichuan heti hi a ni ang a, zingah ni chhuah veleh, tho la, khua chu rawn bei mai ang che: tin, ngai teh, amah leh a hote chuan an rawn beih dawn veleh che, remchang i tih dan ang angin an chungah lo ti mai ang che," tia hrilh tûrin mite a tlantir a.
9:34 Chutichuan Abimeleka leh a hote zawng zawng chu azan azan chuan an tho va, pawl lia insiamin Sekem khua chu an hual ta a.
9:35 Tin, Ebeda fapa Gaala chu a va chhuak a, khawpui luhna kawngkaah chuan a va ding a: tin, Abimeleka chu ahote nen chuan an chan rukna hmun ata chu an lo thawk ta a.
9:36 Tin, Gaalan mipuite a han hmuh chuan Zebula hnênah, "Ngai teh, tlang chhip atangin mipuite an lo chhuk e," a ti a. Tin, Zebula chuan a hnênah, "Tlang hlim saw mihring angina i hmu mai ani ang," a ti a.
9:37 Tin, Gaala chuan, "En ta che maw le, ram lai taka saw mipui an lo chhuk, pawl khat phei chu Meonemim sasaw thing, kawngah an lo kal saw," a ti leh a.
9:38 Tichuan Zebual chuan a hnênah, "Tunge maw Abimeleka, a rawng kan han bawl tûra chu ni?' tia i sawina ka kha khawiah nge ni ta, hengho hi i mi hmusitate ngei kha an ni lâwm ni? Va chhuak la, va bei mawlh rawh khai," a ti a.
9:39 Tichuan Gaala chuan Sekem-hote hma chu a va hruai a. Abimeleka chu a va bei ta a.
9:40 Tin, Abimeleka chuan a lo um a, a tlânchhe ta a, khawpui luhna kawngka thlengin mi tam tak hliamin an tlu phung a,
9:41 Tin, Abimeleka chu Aruma khuaah chuan a awm ta a" tichuan Zebula chuan Gaala leh a uanute ho chu Sekem khuaa awm thei lo tûrin a hnawt chhuak ta vek a.
9:42 Tin, heti hi a ni a, a tukah chuan mipuite chu phulah hian an va kal chhuak a; tin, Abimeleka an va hrilh a.
9:43 Tin, mipuite chu a hruai a, pawl thumah a siam a, phulah chuan an chang a: tin, a han hawi a, tin, ngai teh, mipuite khawpui ata an lo chhuak a, tichuan anmahni chu a lo bei a, a lo that a.
9:44 Tin, Abimeleka leh a pawlhote chuan an lo bawh a, khawpui luhna kawngakaah chuan an va ding a: tin, pawl hnihte chuan phula awmho zawng zawng chu an bawh chiam a, an that ta hlawm a.
9:45 Tin, Abimeleka chuan khawpui chu chu mi ni chuan nilengin a bei a, tichuan khawpui chu a la a, a chhûnga mite ch a that a: khawpui chu a chhu chhe vek a: chiin a theh ta a.
9:46 Tin, Sekem kulha awm zawng zawngte chuan chu mi thu chu an lo hria a, Elberith kulhbingah an lût ta vek a.
9:47 Tin, Sekem kulah mi zawng zawngte chu an awm khawm vek tih Abimeleka an hrilh a.
9:48 Tin, Abimeleka leh a hnêna awmho zawng zawngte chu Zalmon tlângah an chho va; tin, Abimeleka chuan hreipui a keng a, thing zâr a chek thla a, a pu ta a: tin, a hote hnênah chuan, "Ka tih dan in hmu a, ka tih ang hian nangni pawhin ti ve thuai thuai rawh u," a ti a.
9:49 Tin, mi awng zangin thin gzar chu an chek thla ve theuh va, Abimeleka chu an zui a, kulhbing vêlah chuan an dah zel a, tin, kulhbingah chuan an hal khum ta a; chutichuan Sekem khulha mi zawng zawngte pawh chu an thi a, mipa leh hmeichhia sângkhat lai an ni.
9:50 Tichuan Abimeleka chu Thebez khuaah a kal a, Thebez khua chu a hal a, a la a.
9:51 Amaherawhchu chu khawpui chhûngah chuan kulhpui a awm a, chutah chuan mipa leh hmeichhia zawng zawng leh khawpui chhûnga mi zawng zawng chu an tlan lût a, an inkhar khum tlat a, kulh chungah chuan an awm khawm a.
9:52 Tin, Abimeleka chu kulh lamah chuan a han kal a, a han bei a, hal tumin kulh kawngka bulah a kal a.
9:53 Tin, hmeichhia tuin emaw buh rawtsawmna chung lam lung hi Abimeleka luah a zuk thlak a, a lu ruh a keh a.
9:54 Tichuan râlthuam kengtu tlangvâl chu a han ko thuai a, a hnênah, "I khandaih kha phawi la, mi han that theh khai, tichuan miten, 'hmeichhe thah a ni,' mi tih loh nan," a ti a. Tin, a tlangvâl chuan a vit tlang ta zawk a, tichuan a thi ta a.
9:55 Tin, Israel-hote chuan Abimeleka chu a thi tih an hriat veleh, mi tin, mahni in lamah an haw ta theuh va.
9:56 Abimeleka a unaute sawmsarih a thah a, a pa chunga a tih dan kawnga a suahsualna kha Pathianin chutiang chuan a lo thungrul ve ta a ni:
9:57 i sualna zawng zawng kha Pathianin a rawn thungrul ve tha thung a: tin, Jerubaala fapa Jothama ânchhia kha an chungah chuan a lo tla ta a ni.
10:1 Tin, Abimeleka hnuah chuan Israel hote chan chhuak tûrin Isakar mi Dodoa fa Pua fapa Tola a lo chhuak a, Ephraim tlâng ram Samir khuaah a awm a>
10:2 Tin, kum sâwmhnih leh kum thum Israelte ro a rêl a, tin, a thi a, Samir khuaah an phûm a.
10:3 Chu mi hnuah chuan Gilead mi jaira a l chhuak a, kum sâwmhnih leh kum hnih Israelte ro a rêl a.
10:4 Tin, chu mi chuan fapa sawmthum, sabengtung no sawmthum chunga chuang thin mi a nei a, tin, Gilead ramah khaw sawmthum an nei a, chung chu tun thleng hian Havoth-Jair an ti a.
10:5 Tin, jaira chu a thi a, Kamon khuaah an phûm a.
10:6 Tin, Israela thlahte chuan LALPA mithmuhin thil sual an lo ti leh ta a, Baala-te leh Astarothi, Suria-ho pathiante, Zidon ho pathian te, Moab-ho pathian te, Amona thlah pathian te, Philistia-ho pathiante rawng an lo bawl ta a; tichaun LALPA chu an hawi- san a, a rawng an bâwl ta l va.
10:7 Tichuan LALPA chu Israelte chungah chuan a thinrim ta hle mai a, Philistia-hote hnênah leh Amona thlahte hnênah a hralh ta a.
10:8 Tin, chu mi kum chuan Israela thlahte ch an timangangin, an hnehchhiah êm êm mai a: Jorda ral Gilead rama Amor-ho rama Israela thlah awm zawng zawngte chu kum sâwm leh kum riat chhûng zet an hnehchhiah a.
10:9 Tin, Amona thlahte chu Juda-ho te, Benjamin-ho te, Ephraima thlahte bei tûrin Jorda ral an kai a; chutichuan Israel-hote chu mangan namenin an mangang ta lo va.
10:10 Tin, Israela thlahte chuan, "Kan Pathian chu kan lo hawisan tak ngei a, Baal-te rawng chu kan lo bawl tak avnaign i chungah thil kan lo tisual ta a ni," tiin LALPA an au va.
10:11 Tin, LALPAN Israela thlahte hnênah, "Aigupta-ho lak ata te, Amor-ho lak ata te, Amona thlahte lak ata te, Philistia-ho lak ata te ka chhan chhuak che u a ni lo vem ni?
10:12 Zidon-hote Amalek-ho te, Maon-hote pawhin an hnehchhiah che u a; tin, mi au va, tichuan an kut ata chu ka chhan chhuak che u a.
10:13 Nimahsela nangnin mi hawisan a, pathian dangte rawng chu in bawl ta zawk a: chuvangin ka chanchhuak tawh lo vang che u.
10:14 In thlann pathiante chu au ta che u: anni chuan in mangan hunah chuan chhan chhuak che u ang hmiang," a ti a.
10:15 Tin, Israela thalhte chuan LALPA hnênah, "Thil kan lo tisual ta ani : nangin tha i tih ang angin kan chungah rawn ti langin; a chhan erawh chu vawiinah hian khawngaih takin min rawn chhan chhuak hram rawh khai," an ti a.
10:16 Tichuan an zinga hnam dang pathiante chu an dah bo vek a, LALPA rawng chu an bawl ta a: tin, Israel-hote manganna avâng chuan a rilru a lungngai ta êm êm a.
10:17 Tin, Amona thlahte chu an pung khawm a, Gilead ramah chuan an va inkulh a. Tin, Israela thlahte chu an inkhawm ve chiam a, Mizpe khuaah an inkulh a.
10:18 Tin, mipuiho, Gilead rama mi lianhote chu an inbia a, "Amona thlahte bei tan tûr hi tunge awm le? Gilead rama awm zawng zawngte chunga hotuah a awm ang," an ti a.
11:1 Tin, Gilead mi Jephtha chu mi chak huaisen a ni a, nawhchizuar fapa a ni: tin, Gileada chuan Jephtha chu ahring a.
11:2 Tin, Gileada nupui chuan fapate a hrinsak a; tin, anupuia fapate chu an lo puitlin chuan Jephtah chu an hnawtchhuak a, a hnênah, "Nang zawngin kan pa in ro i luah thei lovang: hmeichhe dang laka fa i ni si a," an ti a.
11:3 Chutichuan Jephtha chu a unaute ho hnên ata chu atlan bo va, Tob ramah a awm ta a: tin, Jephtha hnênah chuan mi ho tak takte an cheng khawm a, an zui thin a.
11:4 Tin, heti hi ani a, nakin deuhvah chuan Amona thlahte chuan Israel-hote chu an do ta a.
11:5 Tin, heti hi ani a, Amona thlahte chuan Israel-hote chu an han do chuan, Gilead-ho upate chu Tob rama mi Jephtha hruai tûrin an kal chhuak ta a.
11:6 Jephtha hnênah chuan, "Amona thlahte kan beih theihna tûrin kan hotu berah lo awm ta che," an ti a.
11:7 Tin, Jephthan Gilead-ho upate hnênah chuan, "Mi hua a, ka pa in ata chu mi hnawtchhuak a ni lâwm ni? Enga ti nge in mangan veleh ka hnêna in lo kal hi? a ti a.
11:8 Tin, Gilead-ho upate chuan Jephtha hnênah, "Chuvang tak chuan a lawm tunah hian i lam kan lo hawi leh, Amona thlahte ve bei tûra kan hnêna i kal theihna tûrin; tin, Gilead rama awm zawng zawngte chungah kan hotuah i awm ang," an ti a.
11:9 Tin,Jephtan Gilead-ho upate hnênah chuan,"Amona thlahte bei tûra mi hruai hawn leh a, tin, LALPAN anni chu mi pêk chuan in hotuah ka awm tak meuh ang maw?" a ti a.
11:10 Tin, Gilead-ho upate chuan Jephtah hnênah, "LALPA chu kan karah hretu ani ang; i thu ang angin kan ti ngei ngei ang," an ti a.
11:11 Chutichuan Jephtha chu Gilead-ho upate hnênah chuan a kal ta a, tin, mite chuan hotu atân leh a puipa ber atân an lo siam ta a: tin, Jephtha chuan Mizpe khuaah LALPA hmaan thu engkim a sawi ta a.
11:12 Tin, Jephtahn Amona thlahte lal hnênah chuan, "Eng tiziaa hetia kan ram rawn bei tûra ka hnêna lo kal mai nge maw i nih le?" tiin palai a ti r a.
11:13 Tin, Amona thlahte lal chuan, "Israel-ho Aigupta ram ata an lo chhuah lai khan ka ram an lak avâng alawm, Arnon atanga Jabok leh Jorda thlengin: chuvangin chun gramte chu tlang takin mi rawn pe leh mai rawh," tiin Jephtha palaite chu a lo chhang a.
11:14 Tichuan Hjephthan Amona thlahte lal hnênah palai a tir leh a:
11:15 a hnênah, "Jephthan heti hian at i e, 'Israel-hote Moab ram an laksak lo va, Amona thlahte ram pawh an laksak hek lo:
11:16 Aigupta ram ata an lo chhuahna Tuifinriat Sen thlenga thlaler kha an kal tlang a, Kades kha an thlen khan,
11:17 Israel-hovin Edom lal hnênah, Khawngaihtakin i ram kan kal tlang ang e, tiin palai a tir a: nimahsela Edom lal chuan a lo ngaithla duh lo va. Tin, chutiang bawkin Moab lal hnênah a tir leh a: nimahsela a lo remti lo va: tichuan Israel-hote chu Kades-ah an awm ta a.
11:18 Tichuan thlaler chu an kal tlang a, Edom ram leh Moab ram chu an kal hual a, Moab ram chhak pampangah an kal a, Arnon lehlam pangah awmhmun an khuar a; Moahb ram chhûngah zang an lût hauh lo a ni, Arnon chu Moab ramri chin a ni si a.
11:19 Tin, Israel-hovin Amor-ho lal Sihona, Hesbon lal hnênah palai an tir a; Israel-ho chuan a hnênah, kan hmun lama kal nan khawngaih takin i ram kan kal tlang ang e, ant i a.
11:20 Nimahsela Sihona chuan Israel-ho chu a ram kal tlang atân chuan a ring zo lo va: Sihona chuan a mite zawng zawng chu a khawm a, Jahaz khuaah a inkulh a, Israel-ho chu a bei ta a.
11:21 Tin, LALPA, Israel-te Pathianin Sihona leh ahote zawng zawng chu Israel-hote kutah a pe a, an that ta a: chutichuan Israel-hote chuan chu mi ram Amor-hote awmna ram zang zang chu an nei ta vek a.
11:22 Tichuan Amor-ho ramri chin zawng zawng Arnon atanga Jabok thleng rakin an nei ta vek a ni.
11:23 Chutichuan LALPA, Israelte Pathianin a mi Israel-hote hmaah Amor o chu a chhuhsak a ni a, nangin i neihsak theih thu em mi?
11:24 I pathian Kemosan i puala a lo ruatsak che chu i nei dawn a ni lâwm ni? Chutichuan LALPA kan Pathianin kan hmaa a chhuhsakte chu kan nei ang.
11:25 Moab lal Zipora fapa Balaka aiin i chak zawk em ni/ ani chuan Israel-hote kha a chawk buaiin, a do ngai em ni?
11:26 Israel-ho Hesbon-ah leh a khawperah te, Aroer leh a khawperah te, Arnon ramri dep khawpui zawng zawngahte chuan kum zathum zet an awm lai khan, eng vanga la lova lo la awm reng nge i nih?
11:27 Chuvangin i chungah hian thil engmah ka tisual lo ve, nangmah zawk hian mi beih i tum avângin ka chungah hian thil i tisual ani e: LALPA Rorêltu chuan tunah hian Israel thlahte leh Amona thlahte kara thu chu ngaihtuah rawh se,' a ti," tiin.
11:28 Nimahsela Amona thlahte lalchuan Jephtha thuchah chua lo ngaithla duh lo va.
11:29 Chutichuan LALPA thlarau chu Jephtha chungah a lo thleng a, tichuan Gilead leh Mansea ram a kal tang a, Gilead rama Mizpe a kal tlang a, tin, Gilead ram Mizpe atang chuan Amona thlahte hnênah chan a kal zel a.
11:30 Tin, Jephthan LALPA hnênah chhia a chham a, "Amona thlahte hi ka kuta mi pêk takmeuh chuan,
11:31 heti hi a ni ang a, Amona thlahteho hnên atanga ralmuanga ka hawn leh hun chuan engpawh ka kawngka atanga mi rawn hmuak hmasa ber paiang chu LALPA ta tûr ani ang a, hâlral thilhlan atân ka hmang ngei ngei ang," a ti a.
11:32 Chutichuan Jephtha chu Amona thlahte beit ur hchuan a kal ta a; tin, LALPAN a kutah a pe ta a.
11:33 Tin, Arorer atanga Mintih thlengin a bei zel a, khaw sawmhnih zet, tin, Abelkeramim thlenign a that chiam a. Chutichuan Amona thlahte chu Israela thlahte hmaah chuan an lo tlâwm ta a.
11:34 Tin, Jeptha chu a awmna Mizpe khuaa a in chu a thleng ta a, tin, ngai teh, a fanu chuan khuangtete nen lamin a lo hmuak a: a fa neih chhun a ni a; amah lo chu fapa leh fanu dang rêng rêng anei lo.
11:35 Tin, heti hi ani a, amah a han hmuh veleh chuan, a puante a pawtthlêr a, "E khai, ka fanu! Mi titlâwm ta hle mai a, mi timangangtu zinga mi i ni ta: LALPA lamah ka ka ka lo ang ta si a, chu chu zûk leh thei ka ni ta lo," a ti a.
11:36 Tin, ani chuan a hnênah, "Ka pa, LALPA lamah i ka zu lo ang ta chia; i kaa i thu chhuak ang ngeiin ka chungah i ti tûr alawm; LALPAN i hmêlma Amona thlahte chung ngeiah chuan i phuba zuk la ta si a," a ti a.
11:37 Tin, a pa hnênah chuan, "Hetiang hian ka ti ang e: thla hnih chhûng chu keimahin ka han tal hrang ang a, tlângahte ka han rawl ang a, ka nulatna hi ka han sûn ang e, kei leh ka thianteho nen hian," a ti a.
11:38 Tin, ani chuan, "Kal ta che," a ti a. Tichuan thla hnih thang tûrin a tir a: tin, a chhuak ta a, amah leh a thianteho nen chuan, tin, tlângahte chuan a nulatna chu a han sun a.
11:39 Tin, heti hi ani a, thla hnih hnuah chuan a pa hnênanah a haw leh ta a, ani chuan chhia a lo chham tawh ang khan a chungah a ti ta a: mipa tumahinan pawl lo.
11:40 Chutichuan Israel-hote zingah chuan Israela fanuten Gilead mi Jephtha fanu chu kum tin ni li sun danah an lo nei ta a,
12:1 Tin, Ephraim-hote chu an pungkhawm chiam a, hmâr lam panin an kal a; tin, Jephtha hnênah, "Engati nge Amona thlahte bei tûra i lo kal phei a, i hnêna kal tûra min rawn sawm ve loh ni? I inah kan hal khung dawn che a ni," an ti a.
12:2 Tin, Jephthan an hnênah, "Amona thlahteho hi ka mite nen theihtawp chhuahin kan bei ani a; ka chah lai che u khan an kut ata mi chhan chhuak si lo.
12:3 Tichuan nangnin mi chhanchhuak duh lo tih ka hriat veleh, thih dawn miah lovin ka tang a, Amona thlahte bei tûrin ka va thawk a, tichuan LALPAN anniho chu ka kutah mi pe ta a: chuvangin eng atân nge mi bei tûra vawiinah hian in lo thawh ni?" a ti a.
12:4 Chutichuan Jephtha chuan Gilead mi zawng zawng chu a khawm chiam a, Ephraim ho chu a bei ta a: tin, Gilead-hote chuan Ephraim-ho chu an that ta chiam a, "Nangni Ephraim hnam tlan boho, nangni Gilead-ho, Ephraim-ho zingah leh Manase-ho zinga tel ve mai maih" an tih thin avângin.
12:5 Tin, Gilead-hote chuan Ephraim-ho dep Jorda lui kaite chu an lo man a: tin, heti hi ani a, Ephriama-ho tlan bote chuan, "Ka lo kai ang e," an tih apiangin, Gilead-hote chuan an hnênah, "Ephraim mi i ni em?" an lo ti zel a. Annin, "Ni lo ve," a lo tih chuan,
12:6 A hnênah, "Shiboleth' han ti teh," an lo ti a, tin, ani chuan, "Siboleth" a lo ti zawk thin a; a lam fiah ve thiam si thin lo va; tichuan an man a, Jorda lui kaiahte chuan an lo that zel a: tichuan chu mi tm chua Ephraim-ho chu singli leh sânghnih an that a.
12:7 Tin, Jephtha chuan Israel-ho chungah kum ruk ro a rêl a. Tichuan Gilead mi Jephtha chu athi a, Gilead rama khaw pakhatah an phûm ta a.
12:8 Tin, a hnuah chuan Beth-lehem khuaa mi Ibzanan Israel-ho chungah ro a rêl a.
12:9 Chu mi chuan fapa sawmthum a nei a, fanu sawmthum ram dangah a kaltir a, tin, a fapate tan chuan ram danga mi fanu sawmthum a hruaisak bawk a. Tin, Israel-ho chungah kum sarih ro a rêl a.
12:10 Tin, Ibzana ch a thi a, Beth-lehem khuaah an phûm a.
12:11 Tin, a hnuah chuan Zebulun mi Elonan Israel-ho chungah ro a rêl a; Israel-ho chungah kum sâwm ro a rêl a.
12:12 Ti Zebulun miElona chu a thi a, Zebulun rama Aijalon khuaah an phûm a.
12:13 Tin, chu mi hnuah chuan Pirathon mi, Hilela fapa Abdonan Israel-ho chungah ro a rêl a
12:14 Chu mi chuan fapa sawmli leh tupa sawmthum sabengtung no sawmsarih chunga chuang thin mi a nei a: ani chuan Israel-ho chungah kum riat ro a rêl a.
12:15 Tin, Pirathon mi, Hilela fapa Abdona chu a thi a, Ephraim ram, Amalek mite tlâng ramah Pirathon khuaah an phûm ta a.
13:1 Tin, Israela thlahte chuan LALPA mithmuhin thil sual an lo ti leh ta a; tichuan LALPAN Philistian-ho kutah kum sâwmli a awmtir a.
13:2 tin, Zora khuaah Dan hnam mi pakhat a awm a, a hming chu Manoa a ni a; a nupui chu a ching a, nau rêng rêng a pai ngai lo va.
13:3 Tin, LALPA vântirhkoh hmeichhe hnênah chuan a rawn inlâr a, a hnênah chuan, "Ngaiteh khai, i ching a, nau rêng rêng i la pai ngai lo va: nimahsela i rai ang a, fapa i hring ang.
13:4 Chutichuan fimkhur rawh khai, uain leh zu rêng rêng in suh la, ei thiang lo thil rêng rêng pawh ei hauh suh ang che;
13:5 ngai teh, i rai ang a, fapa i hring dawn si a; a luah chuan bakmehna rêng rêng rawih a ni lovang: naupang chu chhula a awm lai atnagin Pathian tan Nazarit mi a n dawn si a: ani chuan Israel-hote hi Philistia mie kut ata chu a chhanchhuak tan ang," a ti a.
13:6 Chutichuan hmeichhia chuan a pasal hnênah, "Pathian mi mi pakhat ka hnênah a lo kal a, a hmêl chu vântirhkoh hmêl ang, tihbaiawm tak a ni; khawi lam mi nge anih ka zawt hlei lo va, ani chuan a hming mi hrilh bawk lo va:
13:7 amaherawhchu ka hnênah, 'Ngai teh i rai ang a, fapa i hring ang; chutichuan uain leh zu rêng rêng in suh la, ei thian glo thil rêng rêng pawh ei hauh suh ang che: naupang chu chhula a awm lai atanga a thih thlengin Pathian tana Nazarit mi a ni dawn si a,' a ti a," tiin a sawi a.
13:8 Chutichaun Manoa chuan LALPA hnênah a ngen chiam a, a hnênah, "Aw LALPA, khawngaih takin Pathian mi i rawn tirha kha ka hnênah lo kal leh sela, naupang lo piang tûr ch engtin nge ka nt ihang min han zirtir rawh se," a ti a.
13:9 Tin, Pathianin Manoa thusawi chu alo ngaithla a; tin, hmeichhia chu phula a thut laiin a hnênah Pathian vântirhkoh chu a lo kal leh a: a pasal Manoa erawh chu a hnênah a awm ve lo va.
13:10 Tin, hmeichhia chu hmanhmawh takin a tlan ta thuai a, a pasal chu a va hrilh a, a hnênah,"Ngai teh, hman nia ka hnêna lo kala kha ka hnênah a rawn inlâr leh ta e,"a ti a.
13:11 Tichuan Manoa chu a tho va, anupui chu a zui a, chu mi hnên chu a va thleng a, a hnênah, "Nangmah hi em ni hmeichhe hnêna thu sawitu chu?" a ti a. Tin, ani chuan, "Ni e," a ti a.
13:12 Tin, Manoa chuan, "I thu ang zel chuan lo thleng rawh se: naupang awm dan tûr chu engtin nge ni ang a, engnge ni a thawh tûr chu ni ang le?" a ti a.
13:13 Tin, LALPA vântirhkoh chuan Manoa hnênah, "Hmeichhe hnêna ka sawi zawng zawng kha, ngaihtuah tha mai rawh se.
13:14 Grêp hruia m rêng rêng chu ei tûr ani lo va, uain leh zu rêng rêng a in tûr ani lo, ei thian glo thil rêng rêng pawh a ei tûr a ni lo; thu ka pêk tak zawng zawng kha vawng tha rawh se," a ti a.
13:15 Tin, Manoan LALPA vântirhkoh hnênah chuan, "Khawngaih takin kan chelh ang chia, kêl no kan han buatsaih sak rih ang che," a ti a.
13:16 Tin, LALPA vântirhkoh chuan Manoa hnênah, "Min chelh mah la, i chaw zawng ka ei lovang: tin, hâlral thilhlan tûra buatsaih i nih chuan LALPA hnênah i hlan tûr a ni," a ti a. Manoa chuan ani chu LALPA vântirhkoh ani tih a hre si lo va.
13:17 Tin, Manoan LALPA vântirhkoh hnênah chuan, "Tunge i hming, i thusawi ang ngeia a lo theln huna kan chawimawit heihna tûr chein?" a ti a.
13:18 Tin, LALPA vântirhkoh chuan a hnênah, "Engati nge ka hming mi zawh? Sawi mi a ni hlei nem," a ti a.
13:19 Chutichuan Manoan kêl no chu ei tûr thilhlan nen a la a, lungpui chungah LALPA hnênah ahlan a: tin, vântirhkoh chuan thilmak tak a ti ta a, Manoa leh anupui chuan an thlir reng a.
13:20 Heti hi ani a, maichâm atanga meialh chu van lama a chhoh lai chuan, LALPA vântirhkoh chu maichâma meialhah chuan a chho ta si a: Manoa leh anupui chuan an thlir reng a; leiah an bawkkhup ta der a.
13:21 Amaherawhchu LALPA vântirhkoh chu Manoa leh a nupui hnênah chuan a rawn inlâr leh ta lo. Tichuan Manoa chuan LALPA vântirhkoh a ni tih a hre ta a.
13:22 Tin, Manoa chuan a nupui hnênah, "Pathian kan hmuh tak avâng hian kan thi ngei ang," a ti a.
13:23 Nimahsela anupui chuan a hnênah, "LALPAN min tihhlum a tumte chuan hâlral thilhlante leh ei tûr thilhlan kan hlante kha a chhang duh hlei nang, heng ang zawng zawngte pawh hi min entir lo vang a, heng ang thilte pawh hi tun tumah min hrilh hek lovang," a ti a.
13:24 Tin, hmeichhia chuan fapa chu a hring ta a, a hmingah Samsona an sa a; tin, nausen chu a lo sei lian a, LALPAN mal a sawmsak a.
13:25 Tin, Zora leh Estaol inkara Mahane-dan hmunah chuan LALPA thlarauvin a rawn khawih harh tan ta a.
14:1 Tin, Samsona chu Timna khuaah chuan a zuk kal a, Timna khuaah chuan Philistia-ho fanute zinga mi hmeichhe pakhat hi a zuk hmu a.
14:2 Tin, a lo hawn chhoh leh chuan a nu leh a pa chu a hrilh a. "Timna khuah, Philistia-ho fanute zinga mi hmeichhe pakhat ka hmu a: ka nupuiah mi neihsak rawh u," a ti a.
14:3 Tichuan a nu leh a pa chuan a hnênah, "I unaute fanute zingah emaw, ka nc hite zawng zawng zingah hian emaw hmeichhia na awm hauh lo em ni le, Philistia-ho serhtan lohte zinga nupui tûr i zuk zawn tak mai?" an ti a. Tin, Samsona chuan a pa hnênah, "MI neihsak mai rawh; ka duh em asin maw ;e," a ti a.
14:4 Nimahsela a nu leh a pa chuan chu chu LALPA tih ani tih an hre lo va: Philistia-ho chungah remchang a zawng a ni si a. Chutih lai chuan Philistia-hote chuan Israel- hote chungah ro an rêl a.
14:5 Chutichuan Samsona chu a nu leh a pa nen Timna khuaah chuan an zuk kal a, Timna khuaa Grêp hmun hi an zu thlang e: tin, ngai teh, sakeibaknei vanglai hian a lo rum a.
14:6 Tin, LALPA thlarau chu a chungah nasa takin a lo thleng a, tichuan kel n pawh sawm ang maiin apawt sawm ta mai a, engmah a keng si lo va: nimahsla a thiltih chu a nu leh a pa a hrilh lo.
14:7 Tin, a zuk kal a, hmeichia chu a kawm a; Samsona chuan a duh hle mai a.
14:8 Tin, nakin deuhvah chuan zuk neih tumin a kal leh a, sakeibaknei ruang chu en tumin a va peng a: tin, ngai teh, sakeibaknei taksaah chuan khuai hi alo awm mur mur a, a zu pawh a lo awm a.
14:9 Tin, chu chu a la a, a kal leh ta a, a kal pahin a ei zel a, tin, a nu leh a pa hnên chu a han thleng a, a pe ve a, anni pawh chuan an ei a: amaherawhchu khawzu chu sakeibaknei taksaa mi a lak ani tih engmah a hrilh lo va.
14:10 Tin, a pa chu hmeichhe hnênah chuan a zuk kal a: tin, chutah chuan Samsonan ruai a theh a; chu chu tlangvâlte tih dan ani reng a.
14:11 Tin, heti hi a ni a, amah an hmuh veleh, a hnêna awm ve tûrin thiam sawmthum an hruai a.
14:12 Tin, Samsona chuan an hnênah, "Tunah hian thu khirh ka zawt teh ang che u le: ruaitheh ni, ni sarih chhûnga mi hrilhfiah theih a, in hriat chhuah theih chuan puan zai sin silh sawmthum leh inthlakna puan sawmthum ka pe ang che u;
14:13 amaherawhchu mi hrilhfiah theih loh chuan, puan zai sin silh sawmthum leh inthlakna puan sawmthu mi pe tûr a ni," a ti a. Tin, anni chuan a hnênah, "I thu khirh chu han sawi teh le, kan lo ngaithla ang e," an ti a.
14:14 Tin, ani chuan an hnênah, "Eitu ata ei tûr lo chhuak a, Chak tak ata thil thlum tak lo chhuak, tih hi," a ti a. Tin, a ni thum chhûngin chu thu khrih chu an hrilhfiah thei ta lo va.
14:15 Tichuan heti hi a ni a, ani sarih ni chuan Samsona nupui hnênah, "I pasal hi he thu khrih min hrilhfiah tûrin thlem rawh, chutilo chuan nang leh i pa chhûngte hi kan hal dawn a ni: min tikawnkaw tûrin a ni maw min sawm? A ni lâwm ni?" an ti a.
14:16 Tichuan Samsona nupui chu a hmaah a tap a, "Mi lo hmangaih lovin, mi hua a lo nih zawk hi le: ka chiteho lem thu khirh i zawt a, kei zawng mi hrilhfiah ve si lo va," a ti a. Tin, ani chuan a hnênah "Ngai teh, ka nu leh ka pa pawh ka hrilh lo va, nang ka hrilh ang che maw?" a ti a.
14:17 Tin, an ruaitheh, ni sarih chhûng zang chuan a hmaah a tap a tap mai a: tin, heti hi a ni a, a ni sarih ni chuan a ngen tlut tltu avângin a hrilh ta nge nge a: tin, ani chuan a thu khirh chu a chiteho a hrilh ve a a.
14:18 Tin, a ni sarih ni, ni tlak hmain chu mi khuaa mite chuan a hnênah, "Khawizu aia thlum zawk engnge ni le? Tin, sakeibaknei aia chak zawk engnge ni le?" an ti a. Tin, ani chuan an hnênah, "Ka bawngla hian lei let suh ula chuan, Ka thukhirh hi in hre chhuah hauh lo vang le," a ti a.
14:19 Tin, LALPA thlarau chu a chungah nasa takin a lo thleng a, tin, Askelon khuaah a zuk kal a, mi sawmthum a that a, an thuam a hlihsak a, inthlakna puante chu thu khirh hrilhfiahtute chu a pe ta a. Tichuan a thin a rim ta êm êm mai a, a pa in lamah a chho ta a.
14:20 Nimahsela Samsona nupui chu thian atâna a hman, a thiana kha an lo pe ta mai a.
15:1 Nimahsela heti hi ani a, a nakin deuhvah chuan, buh seng hun lai hian, Samsona chuan kêl no kengin a nupui a va kan a; "Pindan chhûngah sawn ka nupui hnênah ka va lût dawn e," a ti a. Nimahsela apain a luh a lo phal ta lo va.
15:2 Tin, a pa chuan, "Amah hi i haw hle emaw ka ti a; chuvangin i thian ka lo pe ta a ni: a nau hi amah aiin a hmêl a tha zawk ani lawm maw ni? A aiah khawngaih takin nei zawk mai rawh khai," a ti a.
15:3 Tin, Samsonan an hnênah, "Tun tum chu Philistia-te pawi khawih mah ila dem ka kai lo vang," a ti a.
15:4 Chutichuan Samsona chuan sihal zathum a va man a, meicher a la a, an mei leh mei chu a zawm a, an mei inkar theuhvah chuan meichher chu a dah theuh va.
15:5 Tin, meichherte chu a han hal veleh chuan Philistia-ho buh ding zingah chuan a tlan luhtir chiam a, buhphal leh buh la dingte chu, oliv hmunte nen lam a kang ta vek a.
15:6 Chutichuan Philistia-hote chuan, "Tu tih nge maw ni le?' an ti a. Tin, anni chuan, "Timna khuaa mi makpa Samsona tih a ni, a nupui a chhuhsak a, a thianpa kha a neihtir avângin," an ti a. Tin, Philistia hote chuan an pafain an han hal hlum ta a.
15:7 Tin, Samsonan an hnênah, "Hetianga in tih chuan in chungah phuba ka la ve phawt ang a, chu mi zawhah chuan ka ti tawh lo vang," a ti a.
15:8 Tichuan a bei vak a, a that chiam a: tin, a chhuk thla a, Etam lungpui keh karah a awm ta a.
15:9 Chutichuan Philistia-ho chu an han chho va, Judai ramah chuan an han inkulh a. Lehi hmunah an inzar chiam a.
15:10 Tin, Judai rama mite chuan, "Engtizia nge min bei tûra in lo kal mai?" an ti a. Tin, anni chuan, "Samsona phuara kan chunga a tih ang bawka a chungah ti ve tûrin kan lo kal a ni," an ti a.
15:11 Chutichuan Judai rama mi, mi sângthum Etam lungpui keh karah chuan an zuk kal a, Samsona hnênah, "Philistian-ho hi kan chunga rorêltute an ni tih i hre na nge? Eng tiziaa hetianga kan chunga thil rawn ti ta mai nge i nih le?" an ti a.
15:12 Tin, ani chuan an hnênah, "Nangmah hi phuar a, Philistia-ho kuta pe tûrin kan lo chhuk a ni," an ti a. Tin Samsonan an hnênah, "Nangni chuan mi tihlum lo tûrin ka hnênah chhia chham rawh u," a ti a.
15:13 Tin, anni chuan a hnênah, "Tihlum lo ve; amaherawhchu kan phuar tlat ang chia, an kutah kan pe dawn che a ni: thah zawng kan that hauh lo vang che," tiin an sawi a. Tichuan hruizen thar pahnihin an phuar a, lungpui ata chu an hruai chho ta a.
15:14 Lehi hmun a lo thlen chuan Philistia hovin an lo hmuak a, an lo au dur dur a; tin, LALPA thlarau chu a chungah nasa takin a lo thleng a, tichuan a ban phuarna hruizen chu ziza zai kang chat ang mai a lo ni ta a, a phuarnate chu a kut ata a tla ta tawp mai a.
15:15 Tin, sabengtung khabe ruh tharlam hi a hmu a, a han ban a, a la a, chu chuan mi sângkhat a vawhlum a.
15:16 Tin, Samsona chuan, Sabengtung khabe ruhin ka tiang pawng thêr thûr mai le, Sabengtung khabe ruhin mi sângkhat ka vaw hlum e," a ti a.
15:17 Tin, heti hi a ni a, thu a sawi zawh veleh chuan a khabe ruh ken chu a paih ta a; tin, chu hmun chu Ramath-lehi an lo ti ta a.
15:18 Tin, a tui a lo hal ta êm êm mai a, LALPA a au va, "Nangin i chhiahhlawh kut hi hmangin ropui takin mi lo chhan chhuak ta a: tunah hian tuihalin ka thi mai dawnin, serhtan lohho kutah hian ka tlu lut mai dawn em ni ang le?" a ti a.
15:19 Nimahsela Pathianin Lehi hmuna khuarkhurum awm chu a han tikhichat ta phuk a, tin, tui a lo chik chhuak ta a; tin, chu chu a han in veleh a rilru a lo chak leh ta a, a lo harh ta huai a: chutichuan chu mi hmingah chuan En-hakore an ti ta, tun thlengin Lehi hmunah chan a la awm reng a.
15:20 Tichuan Philistia-ho hun lai chuan Israelte chungah kum sâwmhnih ro a rêl a ni.
16:1 Tin, Samsona chu Gaza khuaah a kal a, chutah chuan nawhchizuar hi a va hmu a, a pâwl ta a,
16:2 Tin, "Samsona hetah a lo kal e," tiin, Gaza mite chu an hrilh a. Tichuan an hual ta a, khawpui kulh kawngka bulah chuan zna khuain an chang a, zankhua chuan an ngawi thiap a, "Khua lo var teh phawt se, tichuankan that dawn nia," an ti a.
16:3 Tin, Samsona chu zan lai thlengin a mu a, tin, zan laiah chuan a tho va, khawpui kulh kawngkhârte leh a ban pahnih chu a chelh a, a kalhnate nen lam chuan a phawi chhuak vek a, a kovah a pu a, Hebron zawn tlang chhipah a pu chho ta luah mai a.
16:4 Tin, heti hi a ni a, nakin deuhvah chuan Sorek ruama mi hmeichhe pakhat a ngaizawng ta a, a hming chu Delili a ni.
16:5 Tin, Philistia-ho mi liante chu a hnênah an han chho va, a hnênah, "Amah chu kan hneh a, phuara kan sawisak theih nan a chakna chhan hriat tumin thlem rawh khai: tichuan kan zavai hian tangka sângkhat leh zakhat kan pe theuh ang che," an ti a.
16:6 Chutichuan Delili chuan Samsona hnênah, "I chak viauna chhan hi mi hrilh teh khai, engtin nge sawisak tûrin phuar theih i nih ang?" a ti a.
16:7 Tin, Samsonan a hnênah, "Thal hrui thar, la ro hlek lo pasarihin mi phuar sela, tichuan ka chak lo vang a, mi dang ang mai bawk ka ni ang," a ti a.
16:8 Chutichaun Philistia-ho mi liante chuan thalhrui thar pasarih, la ro hlek lote chu an han pe a, chung chuan an phuar ta a.
16:9 Pindan chhûng rilah changrutute a dah a. Tichuan a hnênah, "Samson, Philistia-hovin an rawn bei dawn che, " a ti a. Tin, thlahruite chu meiin ziza hrui tawm a kang chat ang mai hian a tichat ta mai a. Chutichuan a chakna chhan chu hriat ani lo.
16:10 Tin, Delili chuan Samsona hnênah, "Ngai teh, mi tihder a, dawt mi hrilh a nih hi: engtia phuar theih tûr nge i nih mi hrilh tawh rawh khai," a ti a.
16:11 Tin, ani chuan a hnênah, "Hruizen thar, la hman hlek lohvin mi han phuar mai sela, tichuan ka chak lo vang a, midang ang mai bawk ka ni ang," a ti a.
16:12 Chutichuan Delili chuan hruizen thar a la a, a phuar ta a, tin, a hnênah, "Samson, Philistia hovin an rawnbei dawn a che," a ti a. Pindan chhûng rilah chuan a changrutute kha an awm a. Tin, a kut phuarna chu lazai tihchah ang maiin a han tichat ta a.
16:13 Tin, Delili chuan Samsona hnênah, "Mi i la tihderin, dawt mi la hrilh cheu a nih hi: engtia phuar theih tûr nge i nih mi hrilh teh khai," a ti a. Tin, a hnênah, "Ka sam phiar sarih hi puanah tah hnan la ani mai," a ti a.
16:14 Tin, kilhnain a kilh bet tlat a, a hnênah, "Samson, Philistia-hovin an rawn bei dawn ac he," a ti a. Tichuan a mu chu a han harh a, puanbu kilh behna leh puanbu chawp chuan a tithlawh ta vek mai a.
16:15 Tin, a hnênah, "I thinlung hi mi pe hlek silovin, eng tiziaa, "Ka hmangaih che," ti thei nge maw i nih le? Hei vawi thum tlawng i mi tihderhna chu i tilang tawh ani a, i chak viauna chhan hi mi la hrilh ta lo fo mai a," a ti a.
16:16 Tin, heti hi a ni a, ni tin, a ngen tlut tlut a, a thlem a tlem thin avângin thihna khawp hialin a rilru a lo mangang ta a.
16:17 Tichuan a rilru zawng zawng chu a hrilh ta vek a, ahnênah, "Ka luah hian bakmehna rêng rêng rawih a la ni ngai lo va; ka nu chhula ka awm lai atanga Pathian tana Nazarit mia lo awm ka ni a: tuinah hian lo inmet ta ila, ka chakna chu a bo vek mai ang, tichuan ka chak lo vang a, mi dang ang mai bawk ka ni ang," a ti a.
16:18 Tin, a rilru zawng zawng chu a hrilh ta vek tih Delili chuan a hriat veleh Philistia-ho mi liatne chu, "Lo chho leh phawt rawh u, a rilru zawng zawng chu mi hrilh vek tawh e," tiin a chah ta hlawm a. Chutichuan Philistia-ho mi liante chu a hnênah chuan an han kal a, tangka chu an keng a.
16:19 Tin, a mal chungah a muthilhtir a; tin, mi a ko a, a sam phiar sarih chu a hlep thla ta vek a; tichuan a sawisa tan ta a, tin, a chakna chu a bo ta vek mai a.
16:20 Tin, "Samson, Philistia-hovin an rawn bei dawn a che," a han ti a. Tin, a mu chu a han harh a, "Ni dang ang bawk khan ka chhuak leh mai ang a, ka tal chhuak leh mai ang chu," a ti a. Nimahsela LALPAN a kalsan tawh tih rêng rêng a hre lo va.
16:21 Tin, Philistia-ho chuan an man a, a mit an kher chhuahsak a; tin, Gaza khuaah an chukpui a, dar kawlte an buntir ta a; lung inah buh a rawt sawm thin a.
16:22 Nimahsela a lu meh kha a lo chawr leh ta a.
16:23 Tin, Philistia-ho mi liante chu an pathian Dagona hnêna inthawina ropui tak hlan tûr leh inchawk hlim tûrin an pung khawm chiam a: "Kan pathianin kan hmêlmapa Samsona min pe tawh alawm," an ti a.
16:24 Tin, mipuite chuan an han hmuh chuan an pathian chu an fak a, "Kan pathianin kan hmêlmapa leh kan ram tichhetu, mi tam tak min thattupa chu kan kutah min pe ta alawm," an ti a.
16:25 Tin, heti hi ani a, an thinlung a hlim lai tak chuan, "Samsona chu ennawm atân han ko teh u," an ti a. Tichuan Samsona chu lung in ata an va ko chhuak a; tin, a hmaah chuan ennawmah a awm ta a: ban leh abn inkarah hian an dintir a.
16:26 Tin, Samsona chuan a kaitu naupang hnênah, "He mi in dotu ban hi mi han dehtir teh khai, ka han ngheng teh ang," a ti a.
16:27 Chu mi in chu mipa leh hmeichhiain an khat mup mai a; Philistia-ho mi lian zawng zawng chu chutah chuan an awm vek a; tin, Samsona ennawma thlirtute chu in chungah chuan mipa leh hmeichhia sâng thum lai an awm a.
16:28 Tin, Samsona chuan LALPA a au va, "Aw LALPA pathian, khawngaih takin mi han hre reng langin, khawngaih takin tun tumah chauh hian mi han tichak la, aw Pathian, ka mit khinghnih phuba hi Philistia-hote chungah hian ka han la thaui teh ang," a ti a.
16:29 Tin, Samsona chuan chu mi in dotu ber sut pahnih chu a han dek a, a kut dinglamin pakhat,
16:30 tin, Samsona chuan, "Philistia-ho hi ka han thihchilh teh ang," a ti a. Tichuan a theihtawpin a kun vak a; tin, mi liante leh mipui a chhûnga awm zawng zawngte chu in chuan a delh ta chiam mai a. Chutichuan a dam laia a tihhlumte ai chuan a thihchilhte chu an tam zawk a.
16:31 Tichuan a unaute leh a pa chhûngte zawng zawng chu an lo chhuk a, an la a, an zawn chho va, Zora leh Estaol inkara a pa Manoa phûmna hmunah an phûm ta a. Tichuan kum sâwmhnih Israel-hote chungah ro a rêl a ni.
17:1 Tin, Ephraim tlâng ramah mi pakhat a awm a, a hming chu Mika a ni.
17:2 Tin, ani chuan a nu hnênah, 'Tangka sângkhat leh zakhat an ruksak chia, nang pawhin ânchhia i lawh a, ka beng hriat ngeia i sawi kha ngai teh, kha tangka kha ka hnênah a awm asin, keima lak a ni e," a ti a. Tin, a nu chuan, "Ka fapa chu LALPA malsawmin awm rawh se," a ti a.
17:3 Tin, tangka sângkhat leh zakhat chu a nu a pe leh a, tin, a nu chuan, "He tangka hi keima kut ngeiin ka fapa puala milem siam nan leh milema chhun atân LALPA hnênah ka hlan e: chuvangin tunah hian ka pe leh dawn che ni," a ti a.
17:4 Tin, tangka chu anu a han pêk chuan, a nu chuan tangka zahnih chu a la a, tangkaraw chhertu a pe a, ani chuan milemah a lo siam a, milemah a lo chhûng a: chu chu Mika inah chuan a awm a.
17:5 Tin, chu Mika chuan pathiante in a nei a, ephod leh milemte a siam a, a fapa pakhat chu a puithiam atân a tihrang ta a.
17:6 Chunglai chuan Israel ramah lal an awm lo va: mi tinin mahni tha tihzâwng zâwngin an ti mai a.
17:7 Tin, Bethlehem-juda-a mi Juda hnam, Levi chi tlangvâl pakhat a awm a, chutah chuan a va awm ve lawk a.
17:8 Chumi chu Bethlehem-juda khawpui ata a chhuak a, awmna zawngin a a vak ani a: chutia a vahna lamah chuan Ephraim tlâng rama Mika in chu a va thleng a.
17:9 Tin, Mika chuan a hnênah, "Khawi atanga lo kal nge i nih le?" a ti a. Tin, ani chuan a hnênah, "Bethlehem-Juda-a mi Levi chi ka ni a, awmna hmun zawngin ka vak a ni," a ti a.
17:10 Tin, Mika chuan a hnênah, "Ka hnênah hian awm ta che, ka paah leh puithiamah awm langin, kum tin, tangkarua tlang sawm ka pe ang chian, silhfen silh khat leh i ei tûrte pawh," a ti a. Chutichuan Levi chi chu a lût ta a.
17:11 Tin, Levi chi chuan chu mi hnêna awm chu a remti ta a; tichuan chu tlangvâl chu a fapa pakhatah a awm ta a.
17:12 Tin, Mika chuan Levi chi chu a tihrang ta a, tichuan tlangvâl chu a puithiamah a lo awm a, Mika inah chuan a awm ta a.
17:13 Chutichuan Mika chuan, "Tunah zet chuan Levi chi ka puithiam atân ka nei tawh si a, LALPAN mi tihmuingil ngei ang tih ka hria e," a ti a.
18:1 Chung lai chuan Israel ramah lal an awm lo va: tin, chung lai chuan Dan chite chuan ram luah tûr an zawng a; chutih lai pawh chuan Israel chite zingah ram luah tûr an la chang ve si lo va.
18:2 Tin, Dana thlahte chuan an hnam pum pui zinga mi, pasaltha pang,a Zora leh Estaol khua atangin ram va enthla tûr leh, va thlithlai tûrin an tir a; an hnênah chuan, "Va kal ta ula, ram chu va thlithlai teh u," an ti a; Tichuan Ephraim tlâng rama mIka in chu an va thleng a, chutah chuan an riak ta a.
18:3 Mika in kianga an awm lai chuan Levi chi tlangvâl aw chu an han hria a, chu lam chu an va pan a, a hnênah, "Tuin nge hetah hian rhuai che? He hmunah hian engnge maw i tih le? Engtin nge hetah hian i khawsak?" an ti a.
18:4 Tin, ani chuan an hnênah, "Mika hian heti hian min lo siam ta a, mi ruai a, a puithiamah hian ka awm a ni," a ti a.
18:5 Tin, anni chuan a hnênah, "Kan kalna tûrah hian kan hmuingil dawn nge dawn lo tih kan hriat theih nan Pathian min rawnsak teha ng che," an ti a.
18:6 Tin, puithiam chuan an hnênah, "Thlamuang takin kal tawh u: in kalna tûr chu LALPANIN a hriatpui zel a che u," a ti a.
18:7 Chutichuan m pangate chu an chhuak ta a, Lais khuaah an va lût a, chuta mite chu Zidon mite ang bawka ralmuang tak leh thlamuang taka an awm hle hlezia na va hmu a; chu mi ramah chuan engmaha han intichhe thei tûra thu neitu lem chuang tumah an awm lo va, Zidon-hote nen lah an inhlat a, inhmanna rêng rêng an nei si lo.
18:8 Tin, Zora leh Estaol khuaa an unaute hnên lamah chuan an haw ta a: tin, an unaute chuan an hnênah, "Engtin nge ni le?" an ti a.
18:9 Tin, anni chuan, "Tho rawh u khai, i han bei ang u: ram chu kan han hmu ta ngei ma a, ngai teh u, a tha hle a nia: in chechang na nge?" Chu mi rama han luh a, han luah tûr chuan muang suh u khai.
18:10 In han kal chuan ralmuanga awm mite a nia in han hmuh ang ni, ram lah chu a zau si a: Pathianin a pe tawh che u ania; leia thil awmah zawng engmah tlakchham tûr awm hauh lohna hmun a nia," an ti a.
18:11 Tichuan Zora leh Estaola khua tang chuan Dan hnamte chu indona thuam inbelin mi zaruk an chhuak ta a.
18:12 Tin, an han chho va, Judai ram Kiriath-jearim khuaah awmhmun an han inkhuar a: chuvangin chu mi hmun chu tun thlengin Mahane-dan an la ti a ni: ngai teh, Kiriath-jearim thlang lama awm a ni.
18:13 chuta tang chua Ephraim tlâng ram lam an pan a, Mika in chu an han thleng a.
18:14 Chutichuan Lais ram enthla tûra m panga hnênah chuan, "Heng inahte hian ephod te, milem te, milem siam chawp te, mi lem chhun chawpte a awm tih in hria em? Chutichuan engtin nge in tih dawn ngaihtuah rawh u," an ti a.
18:15 Tin, chuta ta chu an peng a, Levi chi tlangvâl awmna Mika in ngei chu an va thleng a, a chungchnag thu an zawt a.
18:16 Tin, Dana thlah, mi zaruk indona thuam inbelte chu kulh kawngka bulah an ding a.
18:17 Tin, mi panga ram enthlatute chu an han chho va, an han lût a, milem siamchawp te, ephod te, milem te, milem chhun chawpte chu an la a; tin, puithiam chu mi zaruk indona thuam inbelte zinga kulh kawngka bulah chuan a ding ve a,
18:18 Tin, chungte chu Mika ina an han luh a, milem siam chawp te, ephod te, milem puithiam chuan an hnênah, "Engnge maw in tih chu le?" a ti a.
18:19 Tin, anni chuan, "Ngawi rawh, i kutin i hmui kha hup la, kan hnênah lo kal ve la, kan paah leh puithiamah lo awm rawh: i tan hian chhûng khat chauh puithiama awm nge tha zawk, Israel zinga chi khat leh hnam khat puithiama awm?" an ti a.
18:20 Tin, puithiam rilru chu a lawm ta hle mai a, tichuan ephod te, milem te, milem siam chawpte chu a la a, mipuiho zingah chuan a tel ve ta a.
18:21 Chutichuan an kal chhuak ta a, an fanau te tete, ran te, bungrua te chu an hmachhawm zel a.
18:22 Mika in atanga thui fe an han kal chhuah hnu chuan Mika thenawmte chu an inpun khawm a. Dana thlahteho chu an va umpha ta a.
18:23 Tin, Dana thlahteho chu an han au va. Tin, anni chu an lo lehhawi a. Mika hnênah chuan, "Engni ti nge ni le, mi khati zozai i rawn kalpui mai?" an ti a.
18:24 Tin, ani chuan, "Ka Pathian siamte leh puithiam chu in kalpui a, in kal ta daih mai a, engnge neih ka neih tak ni? Eng ti tiha, 'Eng i ti nge ni le?' mi ti mai nge in nih chu le?' a ti a.
18:25 Tin, Dana thlahteho chuan a hnênah, "Kan zingah hian tawng mai mai suh khai, chuti lo zawng mi thinchhe kut i tuar mai ang a, i chhûngte nen hian in nun in chan mai tûr ania," an ti a.
18:26 Tichuan Dana thlahteho chu an kal ta a: tin, Mika chuan beih ngam rual niin a hre si lo va, a in lamah a haw leh ta a.
18:27 Tin, Mika thil siam leh, a puithiam neih c hu an kalpui ta a, Lais khua, ralmuanga awm hle hlete hnên chu an han thleng a, khandaihin an han that a; tin, khua chu an hal ta a.
18:28 Zidon atanga a hlat em avângin a han chhan chhuaktu tûr lah tumah an awm si lo va, tute nen mah inhmanna rêng rêng an nei lo bawk a; Beth-rehob bul ruama awm a ni. Tin, khua chu an din leh a, chutah chuan an awm ta a.
18:29 Tin, a khaw hmingah chuan Israela fa, an thlahtu Dana chawiin, Dan an vuah a: amaherawhchu a tirah c huan chu khua chu Lais an ti thin a ni.
18:30 Tin, Dana thlahte chuan milem siam chawp chu an mahni tan an lo din ta a: tin, Mosia Gersoma fapa Jonathana leh a fapate chu, ram chu miin an lak hma loh chuan Dan chite puithiamah an awm ta a.
18:31 Chuti chuan Mika siam milem siam chawp chu Silo khuaa Pathian in a awm chhûng zawng chuan an din ta.
19:1 Tin, heti hi a ni a, chung lai Israel rama lal an awm loh lai chuan Levi chi, mi pakhat hi Ephraim tlâng ram tawp lamah a awm a, Beth-lehem-Judai rama mi hmeiah a nei a.
19:2 Tin, a hmei chuan a uiresan a, tichuan Beth-lehem-judai rama a pa hnênah a tlansan a, chutah chuan thla li zet a awm a.
19:3 Tin, a pasal chu a tho va, a chhiahhlawh leh sabengtung pahnih hruaiin tlang taka va thlem a, lungawia hruai haw leh tumin a va um zui a: tin, ani chuan a pa inah chuan a lo hruai lut a: tin, nula pa chuan a hmuh chuan a lo lawm hle mai a.
19:4 Tin, a pu, nula pa chuan a hnêna awm tûrin a lo chelh a; a hnênah chuan ni thum a awm a: tichuan an eiin an intlang a, chutah chuan a thleng a.
19:5 Tin, heti hi ani a, ani lo ni chuan zing takah an tho va, ani chu chhuah tumin a tho va; tin, nula pa chuan a makpa hnênah chuan, "Chhang tlem tal eiin i thinlung chu tiharh rih la, chu mi hnuah chuan in la kal ang chu maw le," a ti a.
19:6 Chutichuan an thu a, an pahnih chuan an eiin an in dun a: tin, nula pa chuan chu mi hnênah chuan, "Lungawi takin riak hram rawh khai, i thinlung chu hlim takin awm rawh se," a ti a.
19:7 Tin, chu mi chu chhuah tumin a han tho va, nimahsela a pu chuan a thlem chiam a, tichuan a riak leh ta a.
19:8 Tin, a ni nga tuk zing takah chuan chhuah tumin a tho va; tin, nula pa chuan, "I thinlung chu tiharh rih la maw le, tlai ni nem hun thleng tal chuan awm rih rawh khai," a ti a; tin, an pahnih chuan chaw te an ei dun leh ta a.
19:9 Tin, chu mi chu a hmei nen, a chhiahhlawh nen chhuah tuma a han thawh chuan a pu, nula pa chuan a hnênah, "Ngai teh, hei khua pawh a tlai tawh a, zanin chu riak leh rih hram rawh khai: ngai teh, khua pawh a htim hnai mai tawh alawm, hetha hian riak leh la, i thinlung chu hlim taka a awm theih nan; tichuan naktuk zing takah i tho vang a, i haw mai tûr alawm," a ti a.
19:10 nimahsela chu mi chuan chu mi zan chuan riah a duh ta lo va, a tho va, a chhuak ta a, Jebus khaw zawn a va thleng a (chu ch Jerusalem khua a ni) sabengtung pahnih thuam sa a hruai a; a hmei pawh chu a tel ve a.
19:11 Jebus khaw kiang a thlen chuan khua a tlai hle tawh a; tin, chhiahhlawh chuan a pu hnênah, "Hawh teh, he Jebus0ho khaw puiah hian i lut mai ang khai, i riak teh ang u," a ti a.
19:12 Tin, a pu chuan a hnênah, "Israel thlahte ni si lo hnam dang khuaahte chuan lût lo ve: Gibea khaw lam i pan zel zawk ang u," a ti a.
19:13 Tin, a chhiahhlawh hnênah, "Hawh heng hmun khawii zawk emaw hi i pan ang: Gibea khuaah emaw, Rama khuaah emaw kan riak dawn nia," a ti a.
19:14 Chutichuan an kal leh ta zel a; Benjamin-ho Gibea khaw kiang an thlen chuan ni a tla ta a.
19:15 Tin, Gibea khuaa riak tûr chuan an lût ta a: tin, a lût a chu khawpui khaw laiah chuan a thu a: tumah thleng peih rêng rêng an awm lo va.
19:16 Tin, ngai teh, putar pakhat hi tlaiah chuan a feh a lo hawng a; chu mi chu Ephraim tlâng rama mi ani a, Gibea khuaah chuan a va awm rih lawk a ni: chu mia mite erawh chuan Benjamina chite an ni.
19:17 Tin, a han hawi a, khawlaia mikhualpa chu a han hmu a; tin, putar chuan, "Khawiahnge i kal dawn le? Khawi atanga lo kal nge i nih?" a ti a.
19:18 Tin, ani chuan a hnênah, "Beth-lehem-judai ram atanga Ephraim tlang tawp ram lama kal tum ka ni; chuta awm chu ka ni a, Beth-lehem-hudai ramah ka va kal a; tunah hian LALPA inah kal ka tum a ni; tumah mi thleng peih an awm lo a ni.
19:19 Kan sabengtun atn phei chuan buh pawl leh ran chawte zawng kan nei a; tin, kei leh, i bawihnu leh, i chhiahhlawhte hnêna awm ve tlangvâl tante pawh hian chhang leh uain a awm bawk a: engmah tlakchham zawng kan nei hauh lo ve," a ti a.
19:20 Tin, putar chuan, "Thlamuang takin awm rawh khai; i mamawh zawng zawngte chu keimah ka tum vek ang e; khawlaiah zawng riak lul suh ang che," a ti a.
19:21 Chutichuan a inah a hruai lut a, sabengtungte chu chaw ape a: tin, an kete an sil a, an eiin an in ta a.
19:22 Chutia hlim leh lawm taka an awm lai chuan, ngai teh, chu mi khuaa mi, Beliala fapa thenkhat chuan in chu an rawn hual vel ta hlawm a, kawngkhâr an rawn chhu dawt dawt a; in neitupa putar hnênah chuan, "I ina lo thlengpa kha han hruai chhuak rawh, kan lo pawl teh ang," an ti a.
19:23 Tin, in neitupa chu an hnênah a va chhuak a, an hnênah chuan, "Ni lo ve, ka unaute u, chuti ema sual chu ti lul suh u khai; he mi hi ka mikhual anih hi, hetiang thil atthlak tak zawng ti lo ve.
19:24 Ngai teh u, hetha hian ka fanu nula leh a hmei an awm a; anni chu ka rawn hruai chhuak ang a, anni chu tlâwm ula, tha in tih ang apiangin an chungah ti nang che u: he mi chungah erawh hi chuan chutiang thil attlak chu ti suh ang che u," a ti a.
19:25 Nimahsela chu mite chuan a thu an pawm duh lo va: chutichuan mi chuan a hmei chu a man a, an hnênah chuan a va hruai chuak ta a; tin, anni chuan an lo pawl a, khawvar hma loh chuan zankhuain an lo sawisa hrep a: tin, khua a lo var veleh, an chhuah ta a.
19:26 Chutichuan hmeichhia chu khua alo var veleh a kal a, a hotupa thlen inpa kawngka bulah chuan a tlu thlawp a, khaw en hnu thhlengin a awm ta reng a.
19:27 Tin, a hotupa chu zingah chuan ahan tho va, kawngkate chu a han hawng a, kal tumin a va chhuak a: tin, ngai teh, a hmeinu chu kawngka bulah chuan rahkaah a lo tlu zangphar der mai a.
19:28 Tin, ani chuan a hnênah, "Tho rawh, i kal ang," a han ti a; nimahsela a lo chhang ta hauh lo mai a: tichuan a sabengtung chungah a hlang a; tin, a tho va, a hmun lamah chuan a kal ta a.
19:29 Tin, in a va thlen chuan chemte a la a, a hmei chu a fukte hmun sâwm leh hmun hnihah a chan sawm a, Israel ram zawng zawngah a thawn darh a.
19:30 tin, heti hi ani a, a lo hmu apiang chussan, "Israela thlahte Aigupta ram ata an lo chhuah achin hetiang thiltih rêng rêng hi tun thleng hian a la awm ngaiin hmuh a la ni ngai hauh l mai: ngaihtuah ula, inrawn ula, sawi teh u," an ti a.
20:1 Chutichuan Israela thlahte zawng zawng chu an thawk ta chiam a, thu khat vuain Dan khua atanga Beer-seba khaw thlenign Gilead rama mite nen Mizpe khuaah LALPA hnênah an inkhawm ta a.
20:2 Tin, mi zawng zawng hotute, Israel chite zawng zawng lam pawh chu Pathian mite inkhawmhonaah chuan an va tel a, sipai khandaih keng mi nuai li an ni a.
20:3 (Benjamina thlahte chuan Israela thlahte chu Mizpe khuaah an han chho tih an lo hria a.) Tin, Israela thlahte chuan "Eng tiziaa hetianga suahsualna hi lo awm nge ni min hrilh teh u?" an ti a.
20:4 Tin, Levi chi, hmeichhia an thaha pasal chuan, "Benjamin chite awmna Gibear khuaah ka hmei nen riah tumin kan va lût a.
20:5 Tin, Gibea mite chuan min rawn bei ta mai a, zanah in an rawn hual a; mi thah an tum a, ka hmei chu an sawisa hrep a, a lo thi ta a.
20:6 Tichuan ka hmei ruang chu ka la a, ka chan a, Israel-ho ram luah zawng zawngah ka thawn darh a: Israel ramah hian thil tenawm tak leh atthlak tak an lo ti ta si a.
20:7 Nangni Israel thlahte u, in vai hian ngai teh u, in ngaihdan leh in remtih dan chu sawi rawh u khai," a ti a.
20:8 Tichuan mipuiho zawng zawng chu thukhat vuain an thu tho thup a, "Tumah mahni puan in lamah kan haw hauh lo vang a, tumah mahni inah kan lût hek lo vang.
20:9 Gibea-ho kan tih dan tûr hetiang a ni; thum kan vawr ang a:
20:10 Israel-hote chunga thil dik lo tak an tih ang zela an tih a, Gibea hmuan Benjabim-ho kan han beihnaa mipuite ei tûr lo hlantu at Israel hnam zawng zawng zinga mi zakhatah sawm zel, sângkhatah za zel, singkhatah sâng zel kan thlang chhuak ang," an ti a.
20:11 Chutichuan Israel mi zawng zawng chu thukhat vaw thapin chu khawpui bei tûr chuan an pung khawm ta a.
20:12 Tin, Israel hnamte chuan Benjami hnam zawng zawngte hnênah chuan, "IN zinga hetiang suahsualhan lo awm ta mai hi eng tizia nge ni?
20:13 Gibea khuaa mi Beliala fate chu rawn hruai rawh u, tichuan Israel rama sual hi a reh theih nan kan lo tihlum ang e," tiin mi an tir a. Nimahsela Benjamin chite chuan an unau Israela thlahte thusawi an lo pawm duh l va.
20:14 Tin, Benjami thlahte chu Israela thlahte do tûrin khawpui ata te an lo chhuak khawm a, Gibea khuaah an lût chiam a.
20:15 Tin, chu mi nia Benjamin thlahte khawpui ata khandaih kenga chhuakho chu, Gibea khuaa mi zasarih thlan thiau thiam lovin singhnih leh sânguk n ni.
20:16 Chung zawng zawng zingah chuan veikhaw zasarih, thlan thiau an awm a; an vai chuan virvawma samzai tia pawh thelh hlek lo mi an ni.
20:17 Tin, Israel mite chu Benjamin mite tiam lovin khandaih keng thiau nuai li an ni: chungho zawng zawng chu indo mi vek an ni.
20:18 Tin, Israela thlahte chu an tho va, Bethel-ah an han chho va, Pathian an han rawn a, "Benjamina thlahte chu tunge han bei hmasa ang le?" an ti a. Tin, LALPAN "Juda-ho han kal hmasa rawh se," a ti a.
20:19 Tichuan Israela thlahte chu zingah an tho va, Gibea khua chu an han hual a.
20:20 an thawk a; tin, Israel mite chuan Gibea khuaah chuan bei tûrin tan an han siam a.
20:21 Tin, Benjamina thlahte chu Gibea khua ata an lo chhuak a, chu mi ni chuan Israel-hote zinga mi singhnih leh sânghnih an rawn that t buaih mai a.
20:22 Tin, mipuiho Israel mite chu an han infuih leh a, an beih tan nia an beihna hmunah vek chuan bei tûrin tan an han siam leh a.
20:23 (Tin, Israela thlahte chu an han chho va, Pathian hmaah tlai thlengin an han tap a, "Kan nau Benjamina thlahte hi bei tûrin kan han thawk leh dawn em ni ang?" tin, LALPA an zawt a. Tin, LALPA chuan, "Han bei leh rawh u," a ti a.)
20:24 Tin, a ni hnih niin Israela thlahte chuan Benjamina thlahte chu an han hnaih a.
20:26 Chuti chuan Israela thlahte zawng zawng leh, mipuiho zawng zawng chu an han chho ve, Bethel-ah an han kal a, an tap a, LALPA hmaah an thu a, chu mi ni chuan tlai thlengin chaw an nghei a; tin, LALPA hnênah hâlral thilhlan leh remna thilhlante an hlan a.
20:27 Tin, Israela thlahte hchuan LALPA an rawna,(chung lai chuan chutah chuan Pathian thuthlung bâwm chu a awm a,
20:28 tin, chung lai chuan Arona fa Elazara fapa Phinehasa chuan a rawng a bâwl thin a ni a,) " Kan unau Benjamina thlahte chu kan han bei leh ang nge, kan bansan tawh mai ang?" tiin. Tin, LALPAN, "Han chho leh rawh u, naktukah zawng in kutah ka pe tawh dawn e," a ti a.
20:29 Tin, Israel-hote chuan Gibea khaw vêlah chuan changtu an indah ru ta a.
20:30 Tin, Israela thlahte chu Benjamina thlahte bei tûrin a ni thum ni chuan an han thawk leh a, ni dang ang bawk khan Gibea khaw bei tûr chuantan an han siam leh a.
20:31 Tin, Benjamina thlahte chu mite bei tûr chuan an va chhuak a, khua chu an chhuahsan a; tichuan ni dang ang bawk khan mite chu beiin an that tan leh ta mai a, phul faia Bethel khaw chhohna leh Gibea khaw kang lamlianahte chuan Israel-hote chu sawmthum an that a.
20:32 Tin, Benjamin thlahte chuan, "A hma ang bawk khan kan hmaah an tlâwm leh ta le," an ti a. Israela thlahte erawh chuan, "I tlan ang u khai, khawpui ata hi lamlian lamah i tawlh chhuahtir ang u," an ti a.
20:33 Tichuan Israel-ho zawng zawng chuan ant an hmun chu an chhuahsan a, Baal-tamar hmunah tan hmun an siam a: tin, Israel-ho aruka lo chang rutute khan an channa hmun Maaregeba hmun ata an lo chhuak a.
20:34 Tin, Israel-ho zawng zawng zinga thlan thiau singkhatin Gibea khua chu an bei a, an iebi chu a nasa ngei mai: nimahsela anni chuan an chan a chhe dawn ta ngei mai tih zawng an hre lo.
20:35 Tin, LALPAN Benjamin-ho chu Israel-hote hmaah chuan a tihlum chiam a: Israel thlahte chuan chu mi ni chuan Benjamin-ho chu mi singhnih leh sângnga leh za an that a: chungho zawng zawng chu khandaih keng mi vek an ni.
20:36 Chutichuan Benjamina thlahte chuan an tlâwm ta tih an lo inhre ta a: Israela thlahte chuan Gibea khawbei tûra a ruka changtute an dah kha an rin avângin Benjamin-ho chu an han hnungtawlhsan a ni.
20:37 Tin, a ruka changtute chuan Gibea khua chu an bawh ta thut a; tichuan a ruka changtute chu an inzar darh a, khuaa mi zawng zawng khandaihin an bei ta chiam a.
20:38 Israel-hote leh a ruka changtue khan an intiamna chu khawpui chhûnga mei tihkhung ngut ngut a ni.
20:39 Tin, Israel-hote chu an han tawlh rih a, tichuan Benjamin-h chuan an han bei tan a, Israel mite chu sawmthum lai an that a, "Kan inbeih tirh ni ang bawk khan kan hmaah an tlâwm leh ta ngei mai le." an ti a.
20:40 Nimahsela khawpui chhûngah chuan meikhu a lo din tak luah veleh, Benjamin-ho chu an han lehhawi a, tin, ngai teh, khawpui chu a pumin van lamah a khu chho ta ngut ngut mai a.
20:41 Tichuan Israel-hote chu an rawn inher leh ta a, tin, Benjamin-ho chuan mak an ti hle a: an chan a chhe dawn tih an hre ta si a.
20:42 Chuvangn Israel-hote hmaah chuan thlaler lamah an tlânchhe ta a; nimahsela an um zui ngat ngat a; tin, khawpui ata lo chhuakte chuan chutah chuan an lo thlum a.
20:43 Benjamin mite chu an hual ta tlat a, an um a, ni chhuahna lam Gibea dep an chawlhna hmunah an umpha a.
20:44 Benjamin-ho chu mi singkhat leh sângriat an thi a; an vai chuan mi chak huaisen thiau an ni.
20:45 Tin, an tawlh a, thlaler lam Rimon lungpuiah an tlânchhia a: mi sângnga chu lamlianahte an rawt a; Gidom thlengin an um zui ngat ngat a, mi sânghnih an that a.
20:46 Chutichuan chu mi ni a Benjamin-ho thi zawng zawngte chu khandaih keng mi thiau singhnih leh sângnga an ni a, an vai chuan mi chak huaisen an ni.
20:47 Mi zaruk erawh chu thlaler lam Rimon lungpuiah an tlânchhia a, chu mi Rimon lungpuiah chuan thla l an awm a.
20:48 Tin, Israel-hote chu Benjamin-ho chhûnga mi tawhphawt chu ran te, an hmuh apiang te khandaihin an sat hlum zel a: chu lo pawh chu khua an hmuh apiangte pawh chu an hal zel a.
21:1 Tin, Israel mite chuan Mizpe khuaah, "Kan zinga mi tumahin kan fanute hi Benjamin-ho nupuiah i neihtir hauh suh ang u," tiin chhia an chham a.
21:2 Tin, mipuiho chu Bethelah an kal a, Pahian hmaah tlai thlengin an thu a, an awte chhuahin an tap vak vak a.
21:3 Anni chuan, "Aw LALPA, Israelte Pathian, eng tizia nge Israelte zinga hetiang thil hi a lo awm a, vawiinah hian Israelte hi hnam khata kim ta lo nge ni le?" an ti a.
21:4 Tin, heti hi ani a, a tukah chuan mipuiho chu zing takah an tho va, chutah chuan maichâm an siam a, hâlral thilhlante leh remna thilhlante an hlan a.
21:5 Tin, Israel thlahte chuan, "Israel hnam zawng zawng zinga LALPA hnêna pungkhawmho zinga han tel ve lo chu tute nge ni le?" an ti a. Mizpe khuaa LALPA hnêna han kal ve lo apiangte chu, "Tihhlum ngei tûr ani ang," tiin chhia an lo chham tawh tlat si a.
21:6 Tin, Israela thlahte chu an unau Benjamin-ho chungchangah chuan an inchhiar ta a, "Vawiinah hian Israel-ho zinga hnam khat chu chhawk an ni ta si a.
21:7 A awm chhunate tan chuan annupui tûr engtin nge kan tih tak ang le? Kan fanute hi nupuiah neihtir hauh lo tûrin LALPA hming chhalin chhia kan chham ta si a," an ti a.
21:8 Tin, anni chuan, "Israel-ho hnasm zinga mi tu hnam ber nge ni Mizpe khuaa LALPA hmaa han inlan ve lo hi le?" an ti a. Tin, ngai teh, pungkhawmho awmna hmunah chuan Jabes-gilead mite chu pakhat mah an kal ve lo va.
21:9 Mipuiho an han inchhiar chuan, ngai teh, Jabes-gilead rama awmte chu pakhat mah an lo awm lah lo va.
21:10 Tin, inkhawmhote chuan mi huaisen tha thiau singkhat leh sânghnih an tir a, "Kal ta ula, Jabes-gilead rama awmte chu hmeichhie leh an fanaute tete nen khandaihin va sat hlum vek rawh u.
21:11 In tih dan tûr chu hetiang ani , mipa zawng zawng leh hmeichia, mipa mutpui tawh phawt chu tiboral vek ang che u," tiin thu an pe a.
21:12 Tin, Jabes-gilead rama awmte zingah chuan nula zali, mipa la pawl ngai hauh loh an hmu a; tichuan an awmna Silo khuaah chuan an hruai a, chu chu Kanaan ram a ni.
21:13 Tin, inkhawmho zawng zawngte chuan mi an tir a, Rimon lungpuia awm Benjamin-ho an va bia a, an hnênah inrem thu an puang a.
21:14 Tin, chu veleh chuan Benjamin-ho chu an kir ta a; tin, Jabes-gilead rama hmeichheho an zuahte chu an pe a: chuti chung pawhin an la indaih ta l va.
21:15 Tin, Israel hnam zinga LALPAN intihhranna alo siam tak avângin mipuiho chu Benjamin-ho chungchangah chuan an inchhir ta a.
21:16 Chutichuan inkhawmho upate chuan, "A la damte nupui tûr hi engtin nge kan tih ang le, Benjamin-hozinga an hmeichhiate chu tihboral an lo ni ta si a?" an ti a.
21:17 Anni chuan, "Israel hnam hi tihmanga a awm loh nan Benjamin-ho la awm chhûngte hi nge thlah kan neihtir theih ang le?"
21:18 Kan fanute hi nupuiah kan neihtir thei si lo va," an ti a; Israela thlahte chuan, "Tupawh Benhamin-ho nupuia neihtir apiang chu ânchhe dawngin awm rawh se," tiin chhia an lo chham tawh si a.
21:19 Tin, anni chuan, "Ngai teh u, Bethel hmâr lam, Bethelh atanga Sekem kalna lamlian chhak lampanga Lebona chhim lama awm Silo khuaah kum tin, LALPA tan kut a awm thin kha," an ti a.
21:20 Tin, anni chuan Benjamina thlahteho hnênah chuan, "Va kal ta ula, grêp hmunah va chang ru tawh u;
21:21 tin, lo thlir ula, tichuan ngai teh u, Silo khuaa nulaho lamnaa lam tûra an lo chhuah chuan, grêp hmun ata chu lo chhuak ula, Silo nulaho chu mahni nupui atân man theuh ula, Benjamin-ho ramah kal vek ang che u.
21:22 Tin, heti hi ani ang a, an pate emaw, an nutate emaw sawisel tûra kan hnêna an lo kal leh, an hnênah, 'Min khawngaih rawh u khai: indonaah khan an nupui tûr kan lo mansak theuh ta si lo va: nangni lahin in lo pe bawk si lo va: lo pe ni ula, thiam loh in hlawh dawn si a,' kan lo ti dawn nia," tiin thu an pe a.
21:23 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
21:24 Tin, chu veleh chuta tang chuan Israel thlahte chu mahni chi chi leh mahni hnam hnamin an intêl hrang a, chuta ta chu anmhani ram theuhvah chuan an haw leh ta a.
21:25 Chung lai chuan Israelte zingah lal rêng rêng an awm lo va: mi tinn mahni tha tihzâwng zâwngin an ti mai a ni.
posted by zoblog @ 2:27 PM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog