| Wednesday, September 12, 2007 |
1:1 Tin, Davida chu a lo upain, a lo tar ta hle a; tichuan puanin an khuh thin a, nimahsela a lum thei chuang hauh lo va.
1:2 Chutichuan a puipaten a hnênah, "Kan pu lal tan hian nula i zawng teh ang u: lal bulah hian awm reng sela, enkawl rawh se; tin, i angchhûngah hian lo mu sela, kan pu lal hi a lo lum thei dawn nia," an ti a.
1:3 Chutichuan Israel ram zawng zawngah chuan nula hmêltha an zawng a, Sunam mi Abisagi an va hmu a, lal hnênah chuan an hruai ta a.
1:4 Chu nula chu a hmêl a tha hle mai a; lal chu a enkawl a, a rawng a bâwlsak thin a; nimahsela lal chuan a pâwl lo.
1:5 Tichuan Hagithi fapa Adonija chuan, "Keimah ka la lal dawn hi maw," tiin a inngai ropui hle mai a: tawlailir leh sakawr chung chuang mie, mi sawmnga a hmaa tlan tûrte nen a buatsaih a.
1:6 A pa lah chuan eng lai mahin, "Engati nge hetiangin i tih," tiin a tilungni lo ngai si lo va; tin, amah hi hmêltha tak a ni bawk a, Absaloma chhâng a ni.
1:7 Ani chuan Zeruii fapa Joaba leh, puithiam Abiathara chu a rawn a: anni chu Adonija lamah an tang a, an tanpui thin a.
1:8 Puithiam Zadoka te, Jehoaiada fapa Beinaia te, zâwlnei Nathana te, Simeia te, Reia te leh Davida ho mi huaisente erawh chu Adonija lamah an tang ve lo va.
1:9 Tin, Adonija chuan berâm te, sebâwng pa te, ran chawm thaute Zoholet lungah a talh a, chu chu En-rogel bula awm a ni; tin, lal fapa a unau zawng zawngte leh Judai rama lal puipaho zawng zawngte chu a sawm a.
1:10 Zâwlnei Nathana te, mi huaisenhote leh a unaupa solomona erawh chu a sawm ve lo.
1:11 Chutichuan Nathanan Solomona nu Bat-sebi hnênah, "Hagithi fapa Adonija hi kan pu Davida hriat lohvin a lal ta mai tih i hre na nge?
1:12 Chutichuan nangma himna tûr leh i fapa Solomona himna tûr ka lo hrilh teh ang che.
1:13 Lal Davida hnênah va lût ta la, a hnênah, 'Aw lalpa, ka pu, i bawihnu hnênah hian i fapa Solomona hi, ka hnua a la lal ngei ngei dawn a, amah hi ka lalthutthlengah hian a lo thu dawn e, ti khan chhia i chham ani lâwm ni kha? Engati nge Adonija lala a awm tak mai?' va ti teh.
1:14 Ngai teh, lal i va biak lai takin, kei pawhin ka rawn zui lut ve mai ang chia, i thu sawi chu ka rawn nemnghehpui dawn che nia," tiin a sawi a.
1:15 Tin, Bat-sebi chu lal hnênah pindanah chuan a va lût a: lal chu a upa tawh hle mai a, Sunam mi Abisagi chuan lal rawng chu a bawl a. Tin, Bat-sebi chuan lal chu kunin chibai a bûk a. Tin, lal chuan, "Engnge i duh le?" a lo ti a.
1:17 Tin, ani chuan, "Ka pu LALPA i Pathian hming chhalin i bawihnu hnênah hian, 'I fapa Solomona hi ka hnuah a la lal ngei ngei dawn a, amah hi ka lalthutthlengah hian a la thu dawn e,' ti khan chhia i chham tawh a.
1:18 Ngai teh, hei Adonija a lal ta reng mai: nang ka pu lalpa lah hian i hre ve si lo va:
1:19 bâwngpa te, ran chawm thau te, berâmte a talh teuh va, lal fapa zawng zawngte leh, puithiam Abiathara leh, sipai hotu Joaba te a sawm a: i chhiahhlawh solomona erawh chu a sawm ve lo.
1:20 Tichuan ka pu, lalpa hnuah hian a lalthutthlengah tunge la thu dawn tih i hrilh changin Israel-ho zawng awng mit hi nang, ka pu, lalpa, i chungah a fu thup a ni.
1:21 Chutilozawng heti hi ani ang a, ka pu, lalpa hi a puteho hnêna a muthilh ve hunah chuan, kei leh ka fapa Solomona hi thil tisualtuah min ruat mai dawn a ni," a ti a.
1:22 Tin, ngai teh, chutia lal abiak lai tak chuan, zâwlnei Nathana chu a lo lut ve a.
1:23 "Enteh, zâwlnei Nathana a lo kal e," tiin lal an hrilh a. Tin, lal kiang a va thlen chuan lal hmaah chuana hmaia lei siin a bawkkhup a.
1:24 Tin, Nathana chuan, "Aw lalpa, ka pu, 'Ka hnuah Adonija hi a lal ang a, ka lalthutthlengah a thu ang,' i ti em ni?
1:25 vawiinah hian a chhuk a, bâwngpa te, ran chawm thau te, berâmte a talh teuh mai a, lal fapa zawng zawngte, sipai hotu te, puithiam Abiathara te a sawm a; tin, ngai teh, an eiin an inho va, 'Pathianin lal Adonija hi humhim rawh se,' an ti a ni.
1:26 Amaherawhchu kei i chhiahhlawh ngei leh, puithiam Zadoka leh, Jehoiada fapa Benaia leh, i chhiahhlawh Solomona hi zawng min sawm ve lo a ni.
1:27 Hei hi lalpa ka pu thua tih a nih si chuan, lalpa ka pu hian a hnua lalthutthlenga thu tûra hi tu ber nge ni tih i chhiahhlawhte hi lo la hrilh lo a ni ang maw?" a ti a.
1:28 Chutichuan lal Davida chuan a chhâng a, "Bat-sebi mi han kohsak teh u," a ti a. Tin, lal kiangah chuan a va kal a, lal hmaah a va ding a.
1:29 Tin, lal chuan chhia a chham a, "Manganna zawng zawnga ka nunna humhimtu LALPA nunna chhalin,
1:30 i hnênah LALPA Israelte Pathian hming chhala, 'I fapa Solomona hi ka hnuah chuan a la lala ngei ngei ang, ka aiah ka lalthutthlengah hian a la thu dawn e,' tia chhia ka chham ang ngei kha, vawiin ngeiah pawh hian ka la ti dawn a ni," a ti a.
1:31 Chutichuan Bat-sebi chu a hmaia lei siin a bawkkhup a, lal chu chibai a bûk a, "Ka pu, lal Davida hi kumkhuain dam reng rawh se," a ti a.
1:32 Tin, lal Davidan, "Puithiam Zadoka leh, zâwlnei Nathana leh Jehoiada fapa Benaia mi va koh teh u," a ti a. Tin, a hmaah chuan a va kal a.
1:33 Tin, lalc huan a hnênah, "In pu puipate hruai ula, ka fapa Solomona hi keima sabengtung ngei chungah chuantir ula, Gihon hmunah zuk hruai rawh u:
1:34 tin, puithiam Zadoka leh zâwlnei Nathanan Israelte lal atân hriak zuk thih rawh se: tin, tawtawrâwt ham ula, 'Pathianin lal Solomona humhim rawh se,' ti rawh u.
1:35 Tichuan amah chu in zui chho vang a, ka lalthutthlengah hian a lo thu dawn nia; amah hi ka aia lal tûr a ni si a: tin, amah hi Israel ram leh Judai hotu atân ka ruat a ni e," a ti a.
1:36 Tin, Jehoiada fapa Benaia chuan lal chu a chhâng a, "Amen: LALPA, ka pu lalpa Pathian pawhin remti ve rawh se.
1:37 LALPA chu ka pu, lalpa hnêna a awm thin angin, Solomona hnênah pawh awm ve zel sela, ka pu lal Davida lalthutthleng aiin a lal thutthleng chu tiropui zawk rawh se," a ti a.
1:38 Chutichuan puithiam Zadoka te, zâwlnei Nathana te, Jehoiada fapa Benaia te, Keret mite, Pelet mite chu an zuk kal a, Solomona chu Davida sabengtung chungah an chuantir a, Giho hmunah an hruai a.
1:39 Tin, puithiam Zadoka chuan Puan In ata hriak dahna ki a la a, Solomona chu a thih ta a. Tin, tawtawrâwt an ham a; tichuan mi zawng anwgin, "Pathianin lal Solomona humhim rawh se," an ti a.
1:40 Tin, mpuiho zawng awng chuan amah chu an zui chho va, mipuite chuan phenglawngte an tum a, an lawm nasa khawp a, an thawm ri chuan lei a nghawr khi a.
1:41 Tin, Adonija leh a sawmho a hnêna awm zawng zawngte chuan an ruaitheh zawh chuan an han hria a. Tin, Joaban tawtawrâwt ham rik a han hriat chuan, "Khawpui chhûnga thawm ri awm ta dur dur chu engtizia nge maw ni chu le?" a ti a.
1:42 Chutia a tih lai tak chuan ngai teh, puithiam Abiathara fapa Jonathana a va kal a: Adonija chuan, "Lo kal teh khai; nang zawng mi fel i ni a, chanchin tha i rawn thlen chawk ang chu maw?" a lo ti a.
1:43 Tin, Jonathanan a chhâng a, Adonija hnênah chuan, "Thlen lo ve, kan pu, lal Davidan Solomana lalah a siam ta a lawm maw le:
1:44 ama rualin puithiam Zadoka te, zâwlnei Nathana te, Jehoiada fapa Benaia te, Keret mite, Pelet mite lalin a tir a, lal sabengtung chungah an chuantir ta:
1:45 tin, puithiam Zadoka leh zâwlnei Nathanan Gihon hmunah lalatân hriak an thih ta a: chuta tang chuan hlim takin an lo chho va, chu chuan khawpui chhûng a khawk rum rum a ni. Chu chu a ni in thawm hriat chu.
1:46 Tin, Solomona chu ram lalthutthlengah chuan a thu ta bawk a.
1:47 Tin, lal puipate chu, 'I Pathianin a hming aiin Solomona hming chu titha zawk sela, i lalthutthleng aiin a lalthutthleng chu toropui zawk rawh se,' tia kan pu lal Davida lawmpui tûrin an kal chiam bawk a; tin, lal chu khum siin a kun a.
1:48 Tin, lal pawh chuan heti hian a ti, 'LALPA, Israelte Pathian, vawiin ngeia ka lalthutthlenga thu tûr rawn ruattu chu fakin awm rawh se, ka mit ngeiin a hmuh tak hi," a ti a.
1:49 Tin, Adonija mi sawmte zawng zawng chuan an hlau ta a, an tho va, mahni kawng kawngah an kal ta vek a.
1:50 Tin, Adonija chuan Solomona chu a hlau ta a; a tho va, maichâm ki a va vuan ta a.
1:51 Tin, "Ngai teh, Adonijan lal Solomona a hlau va; 'Lal Solomona hian a chhiahhlawh hi khandaiha tihlum lo tûrin ka hnênah chhia chham phawt rawh se,' tin, maichâm ki a vuan e," tiin Solomona chu an hrilh a.
1:52 Tin, Solomona chuan, "Mi rinawm tak a nih a tihlan phawt chuan a samzai khat pawh leiah a tla lo vang: amaherawhchu suahsualna a nei tih hriatna a awm chuan a thi ang," a ti a.
1:53 chutichuan lal Solomona chuan mi a ti ra, maichâm ata chu an va hruai thla a. Tin, a va kal a, lal Solomona chu chibai a bûk a: tin, Solomona chuan a hnênah, "I inah haw tawh," a lo ti a.
2:1 Tin, Davida thih hun chu a lo hnai ta a: a fapa Solomona chu thu a pe a,
2:2 "Leilung zawng zawng dan angin ka kal ve dawn ta a ni: tichuan chak takin awm la, patling takin awm rawh;
2:3 I thil tih apiang leh, i hawina lam apianga i hmuingil theih nan Mosia Dana ziak anga, LALPA i Pathianin a kawngte zawh tûr leh, a thuruat te, a thupêk te, a rorêlte leh a thuhriattirte pawh tûra thu apekte hi zawm rawh:
2:4 LALPAN ka chungchang thua, 'I thlahten an thinlung tak leh, an rilru taka ka mithmuha thutaka awm tûra an awm dana an fimkhur chuan Israrelte lalthutthlenga thu tûr i hmai lo vang,' tia a sawi kha a tinghe dawn nia.
2:5 Tin, Zerui fapa Joaba mi tihzia, Isralte sipai hotu pahnih Nera fapa Abnera leh, Jethera fapa Amasate a tihzia ngei kha i hria e. Khatia a thah a, inrem laia indo thisen chhuaha a chhuah a, a taia kawnghrenah leh a pheikhawk buan indo thisen a tih kaiziate kha.
2:6 Tichuan i rem hriat dan angin ti langin, a lua kelsam to hi thlanah thlamuang takin liamtir suh ang che.
2:7 Gilead mi Barzilaia fate chungah erawh chhuan khawngaihna lantir langin, i dawhkana chaw kiltuah teltir ve ang che: i unau Absaloma laka ka tlanbo lai khan ka hnênah an lo kal si a.
2:8 Tin, ngai teh Bahurim khuaa mi Benjamina thlah, Gera fapa Simeia hi i hnênah a awm a, ani chuan Mahanaim hmuna ka kal lai khan ânchhe tha lo tak min lawh a: amaherawhchu Jordan-ah mi hmauk tûrin a lo chhuk a, chutah chuan, 'Khandaihin ka that lo vang che,' tiin lalpa hming chhalin a hnênah chhia ka lo chham tawh a.
2:9 chutichuan thiam chang zawngin chhuah suh, mi fing i ni si; a chungah engtia i tih tûr nge ni tih zawng i hre mai ang a; a lua kelsam to chu thisen nen thlanah i liamtir dawn nia," a ti a.
2:10 Tin, Davida chu a puteho hnênah a muhil ve ta a, Davida khawpuiah an phûm a.
2:11 Israel -hote chuang Davida lal chhûng chu kum sâwmli a ni: Hebron khuaah kum sarih a lal a, Jerusalem khuaah kum sâwmthum leh kum thum a lal a.
2:12 Tin, Solomona chu apa Davida lalthutthlengah chuan a thu a: tichuan a ram chu nasa taka tihnghehin a lo awm ta a.
2:13 Tin, Hagithi fapa Adonija chu Solomona nu Bat-sebi hnênah a kal a. Ani chuan, "Tha lam thua lo kal em i nih le?" a ti a. Anin, "Tha lam thuah ni e," a ti a.
2:14 Tin, "I hnênah eng emaw sawi tûr ka nei a ni," a ti leh a. Ani chuan, "Sawi ta che," a ti a.
2:15 Tin, ani chuan, "Ram hi ka ta ani tawh tih leh, Israel-ho zawng zawngte pawh hian keimah hi lal atân mi thlir reng a ni tih i hria a; nimahsela ram chu ka unaupa tan a lo inlet leh ta zawk a: LALPA lo ruat danah a ta ani reng a ni.
2:16 Tunah hian thil pakhat dil tûr che ka nei a, mi remtih lohsak lul suh ang che," a ti a. Tin, ani chuan a hnênah, "Sawi ta che," a ti a.
2:17 Tin, ani chuan, "Khawngaih takin lal Solomona mi biaksak la, (i thu zawng a hnial awm si lo va,) Sunam mi Abisagi hi nupuiah mi neihtir rawh se," a ti a.
2:18 Tin, Bat-sebi chuan, "Aw le, lal chu ka lo biaksak ang che," a ti a.
2:19 Chutichuan Bat-sebi chu Adonija biaksak tûrin lal Solomona hnênah chuan a kal ta a. Tin, lal chu amah lawm tûrin a tho va, a hmaah a kun a, a lalthutthlengah chuan a thu a, tin, lal nu tan chuan lalthutthleng ahuntir a; adinglamah hchuan a thu ta a.
2:20 Tichuan, "Thil pakhat te takte ka dil dawn che ani min remtih lohsak lul suh ang che," a ti a. Tin, lal chuan a hnênah, 'Dil ta che, ka nu: ka remtih lohsak hauh lo vang che," a ti a.
2:21 Tin, ani chuan, "Sunam mi Abisagi hi i unaupa Adonija nupui atân neihtir rawh," at i a.
2:22 Tin, lal Solomona chuan chuan a chhâng a, a nu hnênah chuan, "Eng tiziaa Sunam mi Abisagi hi Adonija tana dil nge maw i nih le? Ram pawh hi dilsak ta nghal law law che; ani chu ka u a ni alawm; ama tan leh puithiam Abiathara leh Zeruii fapa Joaba tan pawh chuan dil ta che," a ti a.
2:23 Chutichuan lal Solomona chuan LALPA hming chhalin, "Adonija thil dil hian ama chungah thihna thu sawi aniha a nih loh nâ chuan Pathianin a tih tihin min ti mai sela, chu aia nasa pawhin.
2:24 Tichuan LALPA, a thutiam anga mi tinghet a, ka pa Davida lalthutthlenga mi thuttir a, chhûngkua mi lo dinsaktu nunna chhalin ka sawi e, Adonija hi vawiin ni la la hian tihhlum ngei ngei tûr a ni," tiin chhia a chham ta a.
2:25 Chutichuan lal Solomona chuan Jehoiada fapa Benaia chu a tir a ani chuan a va bei a, a that ta a.
2:26 Tin, puithiam Abiathara hnênah chuan lalin, "Anathoth khuaah nangma in leh lovah haw daih tawh; thi mai tlak zawng i ni a: nimahsela ka pa Davida hmaa lalpa PATHIAN bâwm i lo zawn thin avâng leh, ka pa hreawm tuarna zawng zawngahte chuan i lo tuar ve tawh thin avângin tunah zawng ka tihlum rih lo vang che," a ti a.
2:27 Chutichuan Solomona chuan Abiathara chu LALPA puithiam anihna a ban ta a; LALPAN Silo khuaa Elia chhûngte chungchang thu a sawi kha a thlentir theihna tûrin.
2:28 Tin, chu mi thu chu Joaban a lo hria a : Joaba chu Absalima lamah khan a tang lo na a, Adonija lama tang a ni si a. Tichuan Joaba chu LALPA Puan inah a tlan a, maichâm kite chu a vuan ta a.
2:29 Tin, "LALPA Puan ina Joaba a tlan a, ngai teh, maichâm bulah a awm," tiin lal Solomona chu an hrilh a. Tichuan lal Solomona chuan Jehoiada fapa Benaia chu, "Han bei tawh," tiin a tir a.
2:30 Tin, Benaia chu LALPA Puan inah a han kal a, a hnênah chuan, "Lalin lo chhuak rawh se,' a ti e," a ti a. Tin, ani chuan, "Ni lo ve; hetah hian ka thi mai ang e," a ti a. Tin, Benaia chuan, "Joaban hetiang hian a lo ti a, hetiang hian mi lo chhâng a ni," tiin lal hnênah thu a thlen leh a.
2:31 Tin, lal chuan, a hnênah, "A sawi ang chuan han ti la, han bei la, phûm rawh," a vang awm hauh lova Joaban thisen a chhuah lak ata kha kei leh ka pa chhûngte hi i tihfihlim theihna tûrin.
2:32 Tichuan amah aia mi fel zawk leh tha zawk mi pahnih, Nera fapa Abnera, Israel sipai hotu leh Jethera fapa Amasa, Judate sipai hotu kha ka pa David hriat lohva a beih a, khandaiha a thah avângin LALPA a thisen chu ama lu chungah ngei a rawn lettir ang.
2:33 Chutichuan thisen chu Joaba lu chungah leh a thlahte lu chungah kumkhuain a let ang a: Davida chungah te, a thlahte chungah te, a chhûngte chungah te, a lalthutthleng chungahte erawh chuan LALPA hnên atanga thlamuanna kumkhuain a awm reng ang," a ti a.
2:34 chutichuan Jehoiada fapa Benaia chu a han chho va, a han bei a, a that ta a; tin, thlalêrah ama inah chuan an phûm ta a.
2:35 Tin, lalin Jehoiada fapa Benaia chu sipaihote chungah a ai a awhtir a: tin, puithiam Zadoka chu lalin Abiathara ai a awhtir a.
2:36 Tin, lalin Simeia chu a kohtir a, a hnênah, "Jerusalem-ah hian in sa la, chutah chuan awm la, chuta ta chu khawi dangah mah chhuak suh.
2:38 I chhuah ni, Kidron lui i kan ni la la chuan i thi ngei ngei ang tih hre rawh khai: i thisen chu nangma lu chungah ngei a awm ang," a ti a.
2:38 Tin, Simeia chuan lal hnênah, "A dik alawm: lalpa ka puin a sawi ang chuan i chhiahhlawhin a ti zel ang," a ti a.
2:39 Tin, Simeia chu Jerusalem-ah chuan rei fe chu a awm a. Tin, heti hi ani a, kum thum a lo vei hnu chuan Simeia chhiahhlawhte zinga pahnih chu gath khaw lal Maaka fapa Akisa hnênah an tlan a. Tin, 'Ngai teh, i chhiahhlawhte chu Gath khuaah an awm e," tiin Simeia chu an hrilh a.
2:40 Tin, Simeia chu a tho va, a sabengtung a thuam a, a chhiahhlawhte zawng tûrin Gath khuaah Akisa hnênah chuan a kal ta a: tin, Simeia chuan gath khua ata a chhiahhlawhte chu a va hruai ta a.
2:41 Tin, Simeia chu Jerusalem khua ata a chhuak a, gath khuaah a va kal a, a lo haw leh tih Solomona chu an hrilh a.
2:42 Tin, lal chuan Simeia chu a kohtir a, a hnênah, "I chhiah ni, ram danga i chhuah ni la la chuan i thi ngei ngei ang,' ti khan LALPA hming chhalin chhia ka chhamtir chein, ka hriattir che ani lâwm ni? Tin, nang pawhin ka hnênah khan, 'I thu sawi ka hriat hi a tha e," i tih kha.
2:43 Eng vanga LALPA chhechham leh thu ka pêk che kha hlen lo nge i nih?" a ti a.
2:44 Tin, lal vek chuan Simeia hnênah, "I thinlung chhûngril suahsualzia, ka pa Davida chunga i tihziate kha i hre vek a: chutichuan LALPAN i suahsualna hi nangma lu chungah ngei a rawn lettir ang.
2:45 Lal Solomona erawh chu malsawmin a awm ang a. Davida lalthutthleng chu LALPA hmaa kumkhuaa tihngheh ani ang," a ti a.
2:46 Chutichuan lal chua Jehoiada fapa Benaia chu thu a pe a; ani chu a chuak a, a va bei a, a that ta a. Tichuan ram chu Solomona kutah tihnghehin a awm ta a.
3:1 Tin, Solomonan Aigupta lal Pharaoa nena inkungkaihna a siam a, Pharaoa fanu a nei a, ama in leh LALPA in a sak hma leh Jerusalem khua kulha a hung vêl hma loh chuan Davida khawpuiah a awmtir a.
3:2 Mipuihote chu hmunsângahte an inthawi mai thin a, chu mi hma chuan LALPA hming atân in sak a la awm rih loh avangin:
3:3 Solomona chuan LALPA chu a hmangaih a, a pa Davida thuruatte chu a zawm thin a: hmun sângahte a inthawi a, rimtuite a hal mai thin pawh a.
3:4 Tin, lal chu inthawi tûrin Gibeon khuaah a kal a; chu chu hmun sâng pawimawh taka chu ani si a; Solomona chuan chu mi maichâm chungah chuan hâlral thilhlan sângkhat zet a hlan a.
3:5 Tin, Gibeona khuaah chuan LALPA Solomona hnênah zanah a mumangah a rawn inlâr a: tin, Pathianin, "Dil teh, engnge ka pêk ang che?" a ti a.
3:6 Tin, Solomona chuan, "I chhiahhlawh ka pa Davida kha i mithmuhah thutakah leh, felnaah leh, thinlung dik tak pua a awm ang zel khan nang chuan a hnênah khawngaihna nasa tak i lantir a; nangin k he khawngaihna nasa tak hi a tan i vohsak a, nangin a lalthutthlenga thu tûr fapa i pe a, vawiina a lo awkm ta ngei ang hian.
3:7 Tichuan aw LALPA ka pathian, nangin i chhiahhlawh hi ka pa Davida aiah chuan lalah i lo siam ta a: kei zawng naupang chhia mai ka ni a; thu haw lam leh kal lam pawh hi ka la hre lo va.
3:8 I chhiahhlawh hi mite i thlanho, mi tam tak, an tam avânga chhiar sen rual loh leh, a zat hriat sen rual lohte zingah hian a awm a ni a.
3:9 Chutichuan i mite rorêlsakna tûrin i chhiahhlawh hi hriatna thinlung pe ang che, a chhia leh a tha ka thliar theih nan; i mi heti zozai hi tuin nge rorêlsak thei ang le?" a ti a.
3:10 Tin, Solomona chu thil chu a dil avângin, chu thu sawi chuan LALPA a tilawm hle mai a.
3:11 Tin, Pathianin a hnênah, "Nangin i tan dam reina dil lova, hetiang hi i dil zawk avâng leh, i tan hausaknate pawh dil lova, i hmêlmate thihna pawh dil lova, i tan rorêl thiamna i dil zawk avângin,
3:12 ngai teh, i dil ang chuan ka ti ta a: ngai teh, finna leh hriatna thinlung ka pe a che; tichuan i hmaah nangmah ang rêng rêng tumah an awm lo va, i hnuah pawh nangmah ang rêng rêng chu tumah an lo awm tawh hek lo vang.
3:13 Tin, i dil loh, hausakna leh ropuina pawh ka pe bawk ang che; tichuan i dam chhûngin lal zingah chuan nangmah ang rêng rêng an awm lo vang.
3:14 I pa Davidan a zawh anga ka thuruatte leh ka thupêkte pawm tûra ka kawngte i zawh chuan ka dam reitir bawk ang che," a ti a.
3:15 Tin, Solomona chu a han harh a, ngai teh, mumang a lo ni a: tin, Jerusalem-ah a kal a, LALPA thuthlunna bâwm hmaah a ding a, hâlral thilhlan leh remna thilhlante a hlan a, a puipa zawngte tan ruai a theh a.
3:16 Hmeichhe pahnih, nawhchizuar, lal hnênah chuan an kal a, ahmaah an han ding a.
3:17 Tin, hmeichhe pakhat chuan, "Aw ka pu, hmeichhia nen hian in khata cheng dun kan ni a; chu mi ina a awm ve lai chuan nau ka hring a.
3:18 Tin, heti hi a ni a, ka nau hrin achin ni thum hnuah chuan he hmeichhia pawh hian a hring ve a; a awmdun kan ni a; chu ina awm keimahni pahnih ngawt lo chu, chu inah chuan tumah mikhual awm an awm lo va.
3:19 Tin, he hmeichhe fa hi zanah a lo thi a; a delhhlum a ni.
3:20 Tichuan zan laiah a tho va, i bawihnu hi a muthilh hlanin, ka fapa ka bula mi chu a la a, a pawm a, a fa thia chu mi pawmtir a.
3:21 A tûk zinga ka fa hnute pe tûra ka han thawh chuan, ngai teh, a thi a lo ni reng mai a: nimahsela zingah ka han en chian chuan, ngai teh, ka fapa, ka hrina kha kha a lo ni hauh lo mai a," a ti a.
3:22 Tin, hmeichhe dang chuan, "Ni lo, a dam zawka hi ka fapa ani a, a thia hi i fapa a ni," a ti ve a. Pakhata chuan, "Ni lo, a htia hi i fapa a ni a, a dama hi ka fapa ani zawk," a la ti tlat bawk a. Chutiang chuan lal hmaah chuan an sawi ve ve a.
3:23 Tichuan lal chuan, "Pakhatin, 'A dam zawka hi ka fapa ni a, a thia hi ifapa ni' a ti a: tin, pakhatin, 'Ni lo a htia hi i fapa a ni a, a dama hi ka fapa ani zawk,' a ti bawk si a," a ti a.
3:24 Tin, lal chuan, "Khandaih mi han lak teh u," a ti a. Tichuan khandaih chu lal hmaah chuan an rawn la a.
3:25 Tin, lal chuan, "Naute dama kha bung hnihah chhuah ula, a chanve chu pakhat kha pe ula, a chanve chu pakhat kha pe rawh u," a ti a.
3:26 Tichuan naute dama nu chuan a fa chu alainat êm êm mai si a, lal hnênah chuan, "Aw ka pu, naute dama hi mah pe mai rawh, a thah zawng that lul suh ang che," a ti a. Pakhat zawk erawh chuan, "Ka ta ni bik hek suh, i ta ni bik hek suh; bung mai rawh," a ti a.
3:27 Tichuan lal chuan a chhâng a, "Naute dama kha pe rawh u, that hlek suh u: amah ngei kha anu a nih kha," a ti a.
3:28 Tin, Israel-ho zawng zawng chuan chu thua lal rel dan chu an lo hria a; lal chu an tih ta hle mai a: rorêlna tûrin Pathianin finna chu amahah chuan a awm tih an hre ta si a.
4:1 Tin, lal Solomona chu Israel-ho zawng zawng lalah a awm ta a.
4:2 Hengte hi a mi lianho neihte chu an ni: Zadoka fapa Azaria chu puithiam a ni a;
4:3 Sisa fapa Elihorepha leh Ahijate chu lehkha ziaktu an ni a; Ahiluda fapa Jehosaphat chu chanchin ziaktu ani a;
4:4 Jehoiada fapa Benaia chu sipai hotu a ni a Zadoka leh Abiathara chu puithiam an ni a:
4:5 Nathana fapa Azaria chu hotute chunga mi ani a; Nathana fapa Zabuda chu puithiam leh lal thian a ni fawm a;
4:6 Ahisara chu in chhûng lam hotu ani a; Abda fapa Adonirama chu hnathawka rawih luihte hotu a ni.
4:7 Tin, Solomona chuan Israel-ho zawng zawng chungah chuan hotu sâwm leh pahnih a nei a, chungho chuan lal tan leh a chhûngkuate tan chuan ei tûr an ngaihtuah thin a: mi pakhatin kum khatah thla khat zel ei tûra ngaihtua tûr a ni.
4:8 Hengte hi an hmingte chu a ni: Ephraim tlâng ramah Ben-hura:
4:9 Makaz khuaah te, Saalbim khuaah te, Beth-semes khuaah te, Elon-bethhanan khuaah te Ben-dekera;
4:10 Aruboth ramah Ben-heseda; ani chuan Sok leh Hepher ram zawng zawng a chang tel a:
4:11 Dor khaw zosâng ram zawng zawngah Ben-abinadaba; ani chuan Solomona fanu Taphathi nupuiah a nei a:
4:12 Taanak khua leh Meggido khuaah te, Jezreel khaw hnuai, Zarethan khaw bula awm Beth-sean bial zawng zawngah te, Beth-sean atanga Abelmehola-ah te, Jokmeam ram dep thlengin Ahiluda fapa Baana:
4:13 Ramoth-gilead khuaah Ben-gebera; ani chuan Mansea fapa Jaira khua, Basan rama Argob bial, khaw ropui tak tak khaw sawmruk, kulh leh a kalhna dar tlawn neite pawh a chang tel a:
4:14 Mahanaim khuaah Idoa fapa Ahinadaba:
4:15 Naphtali ramah Ahimaaza; ani pawh chuan Solomona fanu Basemathi nupuiah anei a:
4:16 Aser leh Bealoth khuaahte Husaia fapa Baana:
4:17 Isakar ramah Parua fapa Jehosaphata:
4:18 Benjamin raman Ela fapa Simeia:
4:19 Amor-ho lal Sihona leh Basan lal Oga ram, Gilead ramah Uria fapa Gebera; chu ramah chuan htou pakhat a awm.
4:20 Judate leh Israelte chu tuifinriat kama tiau vaivut zat zetin an tam a, an eiin an in a, hlim takin an awm thin a.
4:21 Tichuan Solomona chuan Lui atangin Philistia-ho ram leh Aigupta ramri thlengin ram zawng zawng chungah chuan ro a rel a: lawmmante an rawn keng thin a, Solomona dam chhûng zawng chuan a rawng an bâwl thin a.
4:22 Solomona ni khat ei tawk chu chhngphut dip tak tehkhawng sawmthum leh chhangphut tehkhawng sawmruk ani a;
4:23 bâwngpa thau tak sawm te, bâwngpa tla mi sawmhnih te, berâm za te nen; chung lo pawh chu sakhi te, sângai te, sakhipa te, ar chawm thaute pawh.
4:24 Luiral piah lam ram zawng zawng -Tipsa atanga Gaza thlengin, Lui ral piah lama lalho zawng zawng chungah chuan a lal a: a chhehvela mi zawng zawngte nen chuan ralmuangin an awm hlawm a.
4:25 Tin, Solomona dam chhûng zawng chuan Judaho leh Israel-ho chu Dan atanga Beer seba khaw thlengii mi tin, mahni grêp hrui bulah leh mahni theipui bulah hchuan thlamuang takin an awm theuh va.
4:26 Tin, Solomona chuan a tawlailir hnuktu sakawr in singli leh sakawr chung chuang mi singkhat leh sânghnih a nei a.
4:27 chung hotute chuan mahni chan thla zelah Solomona leh lal Solomona dawhkana rawn kil vetu zawng zawngte ei tûr chu an ngaihtuah thin a; pêk kim loh an nei ngai lo.
4:28 Mi tinin an tih tûra ruat ang zelin a awmna tûr hmunah chuan sakawrte leh ran tlan chak takt tan barli leh buhpawlte an rawn dah bawk thin a.
4:29 Tin, Pathianin Solomona chu finna leh hriatna nasa tak leh, rilru zauna tuifinriat kama tiau vaivut ang mai a pe a.
4:30 Solomona finna chuan khawchhak fate zawng zawng fina leh Aigupta mite finna zawng zawng chu akhum vek a.
4:31 Mi zawng zawng aiin a fing a ni: Mahola fa te, Ezra mi Ethana te, Hemana te, Kalkola te, Darda te ai pawhin: tichuan a vêl hnam zawng zawngte zingah chuan a hming a thang ta a.
4:32 Thufing sângthum a sawi a: tin, a hlate chu sângkhat leh panga a ni.
4:33 Thing chanchinte pawh Lebanon tlâng sidar thing atanga kulha lo chawr chhuak hussop chenin a sawi thin a: sa chanchin te, bawkvaka kal chi chanchin e, sângha chanchin te pawh a sawi thin a.
4:34 Tichuan Solomona finna chanchin hre tawh phawt chu khawvel lalho zawng zawng atangin chi tina mi a finna ngaithla tûr an lo kal thin a.
5:1 Tin, tûra lal Hiraman Solomona hnênah a mite a tir a; a pa aiah lal atân hriak an thih tih a lo hre ta si a: Hirama chu Davida ngaina thintu a ni fo reng a.
5:2 Tin, Solomona chuan Hirama hnênah,
5:3 "Ka pa Davida khan LALPAN a kephah hnuaia a dah hma loh kha chuan a vêl kil tin, kil tanga indonate avâng khan, LALPA a Pathian hming atân in a sa thei lo tih i hria a.
5:4 Tunah erawh chuan LALPA ka Pathianin kil tin, kil tangah muannna min lo neihtir ta a; hmêlmate an awm ta lo va, vanduaina pawh a awm ta hek lo.
5:5 Tin, ngai teh, LALPAN ka pa Davida hnêna, 'I fapa i aia i lalthutthleng ka la luahtir tûra chuan ka hming atân in chu a la sa ang,' tia a lo sawi tawh ang khan, LALPA ka Pathian hming atân in sak ka tum a.
5:6 Chutichuan Lebanon tlânga mi sidar thigte mi kihsak tûrin thu pe langin, ka chhiahhlawhte pawh i chhiahhlawhte zingah an tel ve ang a; tin, i chhiahhlawhte hlawh chu i sawi ang apiang ka pe zel ang che: Zidon mite anga thing kih thiam kan zingah tumah an awm lo tih i hre si," tiin mi a tir a.
5:7 Tin, heti hi a ni a, Hiraman Solomona thu a lo hriat chuan a lawm ta êm êm mai a, "Heng mi tam tak chunga roel tûra fapa fing tak Davida petu LALPA chu vawiinah hian fakin awm rawh se," a ti a.
5:8 Tin, Hiraman Solomona hnênah, "I thu mi han chah chu ka lo hria a: sidar thing thu leh far thing thu chu i mamawh apiang ka lo ti ang e.
5:9 Ka chhiahhlawhten Lebanon tlâng atangin tuifinriat thlengin an rawn la thla ang a: tin, i hmun mi ruatsak tûra tuifinriata tawlh tûrin ka teltir ang a, tin, chu mi hmunah chuan ka phelhtir ang a, nangin i lo la dawn nia: tin, nang pawhin ka chhûngkuate ei tûr tumin ka mamawh i lo phuhru ve thung ani ang chu," tiin mi a tir a.
5:10 Chutichuan Hirama chuan sidar thing leh far thing chu Solomona chu amamawh apiang a pe a.
5:11 Tin, Solomonan Hirama chu a chhûngkuate ei atân buh tehkhawng sawmhnih a pe a: chu chu Solomonan kum tina Hirama a pêk thin dan chu a ni.
5:12 Tin, LALPAN a tiam ang ngeiin Solomona chu finna a pe a; tin, Hirama leh Solomona karah chuan inremna a awm a; an pahnih chuan thu an thlung dun ta a.
5:13 Tin, lal Solomona chuan Israel-ho zawng zawng zinga mi hnathawka rawih lui pâwl a siam a; rawih lui pâwl chu mi singthum an ni.
5:14 Lebanon-ah chuan thla khata inthlak zelin singkhat a tir thin a: thla khat Lebanon-ah an han awm a, thla hnih anmahni in lamah: Adoni rama chu hnathawka rawih luihte hotu a ni.
5:15 Tin, Solomona chuan thil phur mi singsarih leh, lung chher mi singriat tlângahte a nei a;
5:16 chungte chu tiam lovin Solomona chuan a hna chunga hotu bik, hnathawk vengtu sângthum leh zathum anei bawk a.
5:17 Tin, lal thupêkin in lungphu chu lung chher saa rem tûrin lung lian pui pui, lung man tam tak takte an rawn la a.
5:18 Tin, in satuho Solomona mite leh Hirama mite leh Gebal mite chuan lungte chu an chher a, in sakna tûr chuan thing leh lungte chu an buatsaih a.
6:1 Tin, heti hi ani a, Israela thlahte Aigupta ram ata an chhuah achin kum zali leh sawmriatna kum, Israel-hote chunga Solomona a lal kum lina, Ziv thla, thla hnihna thla chuan LALPA in sak chu a tan a.
6:2 Tin, Solomonan LALPA tana in a sak chu a dung lam tawng sawmruk ani a, a vang lam chu tawng sawmhnih a ni a, a san lam chu tawng sawmthum a ni.
6:3 Tin, chu mi ina hmung thianghlim hma lama hulhliap chu a in vang lam che, tawng sawmhniha sei a ni a, a hma lama mi vang lam chu tawng sawm a ni.
6:4 Tin, in atân chuan tukverh zimte thil kawkalh awmin a siam a.
6:5 Tin, a in bang velin, biak in bang vêlah pawh, biakna hmung bang vêlah pawh chu mi in bang si chuan in chhawng nei a sa a: tin, a vêl chuan pindan a siam a:
6:6 a chhawng hnuaihnung ber chu a vang lam tawng nga a ni a, a laita chu a vang lam tawng ruk ani a, a pahthumna chu a vang lam tawng sarih a ni: kalkhangte chu in banga inrawlh ngai lovin pawn lamah chuan a velin in bangah chuan a nghahna a siam vang a ni.
6:7 Tin, in chu, an sak lai chuan lung laihna hmuna chher sa veka sak a ni: tichuan an sak chhûng zawng chu tuhoh ri te, hreipui ri te, thir hriamhrei ri rêng rêngte chu mi inah chuan hriat ani lo.
6:8 Pindan laita berte kawngka chu chu mi in ding lampangah chuan a awm a: a laitaah chuan rahka vialah an lawn chho va, tin, a laita atang chuan a pathumnaah.
6:9 Chutichuan in chu a han sa a, a zo ta ; in chu sidar khanchhuk leh a phekin a khuh a.
6:10 Tin, in chhawng neite chu a insi vekin tawng nga theuhva sângin a sa a: chungte chu in nen chuan sidar thinga zawm a ni.
6:11 Tin, LALPA thu chu Solomona hnênah a lo thleng a,
6:12 "He in i sak lai mek chungchang thu hi - ka thuruatte i pawm a, ka rorêlte i zawm a, ka thupêk zawng zawngte zawm tûra i pawm phawt zawngin i pa Davida hnêna ka lo sawi tawh, ka thu kha i chungah hian ka tinghet ang.
6:13 Tin, Israela thlahte zingah hian ka cheng ang a, ka mi Israel-hote hi ka thlahthlam lo vang," tiin.
6:14 Tichuan Solomona chuan in chu a sa a, a zo ta a.
6:15 In chhûng lam bangah chuan sidar thingphel a hmang a; a chhuat atanga chung lam bang thlengin a chhûng lamah chuan thing a bel vek a: a chhuatah chuan thingphel a phah belh a.
6:16 Tin, in kawmchar lam tawng sawmhnih chu a chhuat atanga a bangte chenin sidar thingphel vekin a siam a: biakna hmun, hmun thianghlim ber atân pawh a chhûng lamah chuan ahmang a.
6:17 Tin, in, biakna hmun bula biak in chu a dung lam tawng sawmli a ni.
6:18 Tin, in chhûng lamah chuan a kuhmum leh a par parh lema ker mawi sidar thing a awm a: a vai chuan sidar thing vek ani a; lung rêng rêng a lang lo.
6:19 Tin, LALPA thuthluna bâwm dahna tûrin chu mi inah a chhûnga biakna lamah chuan hmun a buatsaih a.
6:20 Tin, chu mi biakna hmun chhûng chua dung lam tawng sawmhnih, a vang lam tawng sawmhnih, a san lam tawng sawmhnih a ni a; chu chu rangkachak hlir hlak tiin a luan a: tin, sidar maichâm chu a luan bawk a.
6:21 Chutichuan Solomona chuan chu mi in chhûng chu rangkachak hlir hlak tiin a luan a:
6:22 tin, in chu a zaa a peih thlengin a pumin rangkachak tiin a luan zel a: b iakna hmunamaichâm pum pui pawh chu rangkachak tiin a luan a.
6:23 Tin, biakna hmunah chuan tawng sawm ve vea sâng, cherub pahnih olive thingin a siam a.
6:24 Tin, cherub thla pakhat chu tawng nga ani a, cherub thle lehlam chu tawng nga bawk a ni: thla pakhat hmawr atang a thla lehlam hmawr inkar chu tawng sawm a ni.
6:25 Cherub pakhat pawh chu tawng sawm a ni a: Cherubte chu intiat chiah leh pian dan inang ve ve chiah a ni.
6:26 Cherub pakhat sanzawng chu tawng sawm ani a, cherub pakhat pawh chu chu mi chen bawk chu a ni.
6:27 Tin, cherubte chu in chhûngril zawkah chuan a dah a; tin, cherubte thla chu a inzar a, pakhat thla chuan bang lehlam a va dek a, tin, cherub pakhat a thla pawh bang leh lam chu a dek bawk a; chu mi in lai takah chuan an thla leh an thla chu a insi a.
6:28 Tin, cherub-te chu rangkachak tiin aluan a.
6:29 Tin, in bang zawng zawngte chu a velin cherub te, tum thing leh pangpar parh lemte ker mawiin chhûng lam leh pawn lamah chuan a siam a.
6:30 Tin, a in chhuat chu chhûng lam leh pawn lamah rangkachak tiin a luan a.
6:31 Tin, biakna hmun luhna atân olivthing kawngkhâr a siam a: kawngka lu chung leh kawngka biangte chu a bang hmun ngaa then a hmun khat tiat a ni.
6:32 tin, oliv thingin kawngkhâr pahnih a siam a; chu miah chuan cherubte, tum thin gleh pangpar parh lem te ker mawiin a siam a. chung chu rangkachak tiin a luan a; tin, cherubte leh tum thingte chu rangkachak a hnawih a.
6:33 Tin, biak in luhna atân a bang hmun lia thena hmun khat tiatin oliv thing kawngka ban a siam bawk a:
6:34 far thing kawngkhâr pahnih nen; kawngkhâr pakhata phek hnih chu thlep thei a ni a, kawngkhâr pakhata phek hnih pawh chu thlep thei a ni.
6:35 chungahte chuan cherub te, tum thing leh pangpar parh lemte a ker a: cchung ker mawi chu mam takin rangkachak tiin a luan a.
6:36 Biak in hung chhûng kawtlai chhûngril zawk chu lung chher chhawng thum leh, sidar thingphel thuah khatin a siam a.
6:37 A kum lina, Ziv thlaah chuan LALPA in lungphûm chu rem a ni a. Tin, kum leh kum khatna, bul thla, thla riatnaah chuan in chu ruahman ang chiahin, a engkim chu peih vek a ni a. Chutichuan kum sarih a sa a ni.
7:1 Tin, Solomona chuan ama in chu kum sâwm leh kum thum a sa a, a in chu a peih vek a.
7:2 Lebanon Ngawpui In sidar ban tlar li, ban chunga sidar thingphel chungah chuan a sa bawk a; a dung lam chu tang za ani a, a vang lam chu tawng sawmnga a ni a, a san lam chu tawng sawmthum a ni.
7:3 Tin, chu chu bana innghat pindan sawmli leh panga chung lamah chuan sidar thingphela khuh ania ; tlar khatah chuan sâwm leh pa nga zel.
7:4 Tin, tlar thumin tukverh a awm a, eng leh engte chu tlar thumin a inep vek a.
7:5 Tin, kawngkhâr leh ban zawng zawngte chu thingphelin kil lia siam a ni a: eng leh engte chu tlar thumin a inep vek a.
7:6 Tin, hulhliap chu ban neiin a siam a; a dung lam chu tawng sawmnga ani a, a vang lam chu tawng sawmnag a ni a, a vang lam chu tawng sawmthum a ni a; tin, chung hmaahte chuan hulhliap a siam a; bante leh ahmaa luhna kailawnte nen.
7: Tin, a rorêlna tûr lalthutthleng hulhliap, rorêlna hulhliap chu a siam bawk a: chu chu chhuat lehlam atanga a lehlam thlenga sidar thinga khuh a ni.
7:8 Tin, a awmna tûr in, hulhliap chhûng, hungchhûng kawtlai danga awm chu chutiang bawka siam a ni. Pharaoa fanu (Solomona nupuia neiha chu) chu hulhliap ang bawk chuan a in a saksak bawk a.
7:9 chung zawng zawng chu lung man tam tak tak, lung a tawk chiah zela chher, zainaa zaia sak a ni a, chhûng lam pawh, pawn lam pawh a lungphûm atanga a ler thlengin, tin, chutiang bawkin pawn lamah hungchhûng kawtlai zau tak thlengin.
7:10 Tin, lungphu chu lung man tam tak tak, lung lian pui pui, lung tawng sawmte, lung tawng riattea rem a ni a.
7:11 Chu mi chung lam chu lung man tam tak tak, lung a tawk chiah zela chher, leh sidar thing a ni a.
7:12 Tin, a velin hungchung kawtlai zau tak chu lung chher chhawng thum leh sidar thingphel thuah khata hung a ni a; LALPA in hungchhûng kawtlai chhûngril zawk leh, in hulhliap ang bawk khan.
7:13 Tin, Lal Solomonan mi a tir a, tûra khua ata Hirama a ko va.
7:14 Chu mi chu Naphtali hnam hmeithai fa a ni a, a pa chu tûra khuaa mi, dar chher mi a ni a; ani chu dar chher kawngah rêng rêng chuan a fingin a hrethiamin a themthiam hle mai a. Lal Solomona hnênah chuan a kal a, a hna zawng zawng chu a thawhsak vek a.
7:15 tin, tawng riata sâng dar ban pahnih a siam a; a lehlam chu tawng sâwm leh tawng hnih a ni ve ve a.
7:16 Ban chhipa dah tûr dar chhun bawk pahnih a siam a: bawk pakhat san lam chu tawng nga ani a, tin, bawk pakhat san lam pawh chu tawng nga a ni.
7:17 Ban chhipa bawk atânte chuan tial chik chek leh herh chin chiante hi a awm a; bawk pakhat atân chuan pasarih, tin, bawk pakhat atân pawh chuan pasarih bawk.
7:18 Tichuan bante chu a siam a; chung ban chhipa bawkte tuamna tûr chuan tial chik cher pakhat chungah a velin tlar hnih a awm a: tin, chutiang bawk chuan bawk pakhat chungah pawh a awmtir bawk a.
7:19 Tin, hulhliap chhipa bawkah chuan lili lem hi a chuang a, tawng li.
7:20 Tin, ban pahnih chhipa bawkahahte chuan a tlângah, tial chik chek bul lawkah chuan pawmgranet te a awm bawk a: tin, pawmgranet chu chu mi bawkahte chuan a tlângah, tial chik chek bul lawkah chuan pawmgranet te a awm bawk a: tin, pawmgranet chu chu a bawkahte chuan zahnih ve ve a tlarin a awm a.
7:21 Tin, biak in hulhliapah chuan bante chu a dintir a: ding lam ban chu a dintir a, a hmingah Jakin a vuah a: tin, vei lam ban chu a dintir a, a hmingah Boaz a vuah a.
7:22 Tin, a ban chhipah chuan lili lem a chuang a: tichuan ban lam hna chu peih a ni ta a.
7:23 Tin, dar tuizêm lianpui, tawng sawm tla, a san lam tawng nga a chhûng a: a tlâng chu tawng sawmthum bial vêl a ni.
7:24 Tin, a tlâng hnuaiah chuan kuhmum leh hian a vêl chhuak a, tawng sawm a ni a, zem vêl chuan a awm a: chung kuhmumte chu tlar hnihin a awm a, chhûng tel nghal a ni.
7:25 chu chu bâwngpa sâwm leh pahnih chungah a innghat a, pathumin hmâr lam an hawi a, pathumin thlang lam an hawi a, pathumin chhim lam an hawi a, pathumin chhak lam an hawi a. Tin, tuizêm chu an chungah chuan a inhung a, an mei lam chuan chhûng lam a hawi a,
7:26 tichuan kutphah bawka chhah a ni a; a tlâng chu lili pangpar ang, no tlâng anga siam ani a: bath sânghnih dawng a ni.
7:27 Tin, hunchhan swm darin a siam a; hunchhan pakhat sei lam chu tawng li ani a, a vang lam chu tawng li bawk a ni a, a a san lam chu tawng thum a ni.
7:28 Tin, hunchhan siam dan chu hetiang hi a ni: chung chuan khuar a nei a, a khuarte chu a tlangte inkarah a awm a:
7:29 tin, a tlangte inkar khuarahte chuan sakeibaknei te, sebâwngpa te, cherub te a chuang a; a tlâng chungahte chuan ahunchhan a awm a: tin, sakeibakneite leh sebâwngpate hnuai lamah chuan cheimawina te tete pawh a awm thliah a.
7:30 Tin, hunchhanahte chuan dar tawlailir pali leh dar tlung a awm theuh va: a kil liahte chuan innghahna a awm theuh va: insilna bel hnuai lamah chuan a innghahna chhun a awm a, a sir theuhvah chuan cheimawina a awm theuh va.
7:31 Tin, belval kual chhûng kotlang chu tawng khat tla a ni a: a rawng kotlang chu belval anga bial a ni a, tanwg khat leh a chanve a ni: tin, a rawng tlâng vêl chu tial mawi ani a, a khuarte chu kil li a ni a, a bial lo.
7:32 Tin, tawlailir palite chu a khuar hnuai lamahte chuan a awm a; tin, tawlailir tlungte chu hunchhanah chuan a awm a: tawlailir san lam chu tawng khat leh a chanve a ni.
7:33 Tin, chu tawlailir siam dan chu sakawr tawlailir ke siam dan ang hi a ni a: a tluing te, a belval kual te, a chhunkalhna te, a lai bawkte chu chhun vek a ni.
7:34 Tin, hunchhan kil li theuhvah chuan innghahna pali a awm a: chu mi innghahnate chu hunchhan nen pumkhat vek a ni.
7:35 Tin, a hunchhan chungah chuan belvalkuial, tawng chanvea sâng hi a awm a: hunchhan chunga a hunna kete leh akhuarte chu pumkhat vek a ni.
7:36 Tin, a hunna ke phekahte leh, a khuarahte chuan a zau angzia ziain cheub te, sakeibaknei te, tum thingte a hchuantir a, a vêl chuan cheimawina hi a awm thliah a.
7:37 Chutiang vek chuan hunchhan sawmte chu a siam a: a vai chuan pumkhata chhun a ni theuh va, intiat thiau, siam dan inang chiah vek a ni.
7:38 Tin, insilna bel sawm darin a siam a: insilna bel pakhat chuan bath sawmli a dawng a: insilna bel chu tawng li theuh a ni: hunchhan sawm chungah chuan insilna bel pakhat a inhung theuh va.
7:39 Tin, buhchhante chu in ding lampangah panga a hung a, in vei lampangah panga: tin, tuizêm chu in ding lampangah chhak lamah chhim chhawngin a hung a.
7:40 Tin, Hirama chu insilna bel te, vut lawhna te, maihûnte a siam a. Chutichuan Hirama chuan LALPA in atân Solomona a siamsak zawng zawng chu a peih ta vek a:
7:41 ban pahnih te, ban chhipa bel anga bawk pahnih te, ban chhipa bel anga bawk pahnih tuamna tial chik chek pahnih te,
7:42 chu mi tuamna tial chik chek pahnih atâna pawmgranet zali te, ban chhipa bel anga bawk pahnih tuamna tûr tial chik chek ve ve atâna pawmgranet tlar hnih te kha;
7:43 tin, hunchhan sâwm leh hunchhan chunga insilna bel sawm te,
7:44 tuizêm leh a hnuaia sebâwngpa sâwm leh pahnih te,
7:45 belte leh, vut lawhnatte leh, maihûnte nen: chung bungbêl zawng zawng LALPA in atâna Hiraman lal Solomona a siamsak chu dar nawh tleta siam vek a ni.
7:46 Jordan phai zawlah Sukkoth leh Zarethan inkar bellei hmunah a ni, lal chuan a chhun ni.
7:47 Tin, Solomona chuan chung bungbêl zawng zawngte chu a tam êm êm avângin buk chhuah lohvin a dah mai a: dar buk zat chu hriat chhuah rual a ni lo.
7:48 Tin, Solomona chuan LALPA ina bungbêl awm zawng zawng chu a siam a; rangkachak maichâm leh chhangdah awmna dawhkan chu, rangkachakin.
7:49 Tin, biakna hmun hma zawn khawnvar dahna dinglama panga leh vei lama panga chu rangkachak hlir hlakin; pangpar te, khawnvarte leh chaichete leh rangkachakin;
7:50 no te, khawnvar puan chehna te, maihûn te, fian te, meilakna te chu rangkachak hlir hlakin; in chhun gril zawk , hmun thianghlim ber kawngkhâra mite leh in (biak in chu) kawngkhâr vuahnate chu rangkachakin.
7:51 Chutichuan lal Solomonan LALPA in atâna a siam zawng zawng chu a lo peih ta vek a. Tichuan Solomona chuan a pa Davida lo hlan sa tawh - tangkarua te, rangkachak te, bungbêl te chu a la lût a, LALPA ina rote zingah a dah ta a.
8:1 Chutichuan Solomona chuan Israel upaho te, an hnam puipa zawng zawng te, Israela thlahho chhûngkaw puipate chu, Jerusalem khuaa lal Solomona hnênah chuan Davida khawpui Zion ata LALPA thuthlung bâwm zawn chho tûrin a khâwm chiam a.
8:2 Tin, Israel mi zawng zawngte chu Ethanim thla (thla sarihnaah chuan kutnaah lal Solomona hnênah an inkhawm chiam a.
8:3 Tin, Israel upaho zawng zawngte chu an lo kal a, puithiamte chuan bâwm chu an zawn a,
8:4 Tin, LALPA bâwm leh, inbiakna puan in leh, Puan Ina bungbêl thianghlim zawng zawngte chu an zawn chho va; chungte chu puithiamte leh Levi chite chuan an zawn chho va.
8:5 Tin, lal Solomona leh Israel-ho pungkhwm zawng zawng, a hnêna rawn inkhawmte chu bâwm hmaah an awmho va, berâm leh bâwm hmaah an awmho va, berâm leh bâwngpa a tam avânga chiar sen rual loh leh a zat hriat sen rual lohvin an inthawi a.
8:6 Tin, chuan puithiamte chuan LALPA thuthlung bâwm chu a awmna tûrah an la lût a, in chhûnga biakna hmun, hmun thianghlim berah, cherub te thla hnuaiah chuan.
8:7 Cherubte chuan bâwm awmna chung zawnah chuan an thla an zar reng si a, cherubte chuan bâwm leh zawnfunge chu an huap vek a.
8:8 Tin, a zawnfungte chu a sei khawp a, a zawnfung hmawrte chu biakna hmun hma, hmun thianghlim atang chuan a hmuh theih a; a maherawhchu pawn lamah zawng a lang lo: tun thleng hian chutah chuan a la awm reng a ni.
8:9 Aigupta ram ata an chhuaha LALPAN Israela thlahte hnêna thu a thlun laia Mosian Horeb tlânga lungphek pahnih a dah chauh lote kha chu, chu mi bâwm chhûngah chuan engmah dang a awm lo.
8:10 Tin, heti hi a ni a, puithiamhote chu hmun thianghlim ata an lo chhuah veleh chuan lalpa in chu chhum chuan a khat ta muip mai a, puithiamhote chu hmun thianghlim ata an lo chhuah veleh chuan lalpa in chu chhum chuan a khat ta muip mai a,
8:11 tichuan chhum avâng chuan puithiamte chu rawngbawlin an awm thei ta lo hial a: LALPA ropuinain LALPA in chu a tikhat ta vek si a.
8:12 Chutichuan Solomonan thu a sawi ta a: "LALPAN, 'Thim chhah mupah chuan ka awm ang,' a ti reng a.
8:13 I chenna tûr in, kumkhuaa i awmna tûr chu ka lo saksak ta ngei che a nih hi," a ti a.
8:14 Tin, lal chu a lehhawi a, Israelho pungkhawm zawng zawngte chu mal a sawm a: tichuan Israel-ho pungkhawm zawng zawngte chu an ding thuip a.
8:15 ,16 Tin, ani chuan, "LALPA, Israelte Pathian, ka pa Davida hnêna ama ka ngeia, 'Aigupta ram ata ka mi Israel ka hruai chhuah ni atangin Israel-ho hna zinga khawii khua mah hi ka hming awmna tûr in sak nan ka la thlang ngai lo va, amaherawhchu ka mi Israelte hotu atân hian Davida hi ka thlang a ni,' tia lo sawitu, ama kut ngeia rawn puitlintu hi fakin awm rawh se.
8:16 ,15 Tin, ani chuan, "LALPA, Israelte Pathian, ka pa Davida hnêna ama ka ngeia, 'Aigupta ram ata ka mi Israel ka hruai chhuah ni atangin Israel-ho hna zinga khawii khua mah hi ka hming awmna tûr in sak nan ka la thlang ngai lo va, amaherawhchu ka mi Israelte hotu atân hian Davida hi ka thlang a ni,' tia lo sawitu, ama kut ngeia rawn puitlintu hi fakin awm rawh se.
8:17 Ka pa Davida khan Israelte Pathian, LALPA hming atan in sak a rilruin a tum thin a.
8:18 Nimahsela, LALPAN ka pa Davida hnênah, 'I rilruah chuan ka hming atân in sak in sak i tum thin a, hetiang rilru i lo pu hi i ti tha e:
8:19 nimahsela nang zawngin in chu i sa lo vang: i fapa, i thalbea la chhuak tûra chuan ka hming atân in chu a la sa zawk ang,' a lo ti tawh a.
8:20 Tin, LALPAN a thusawi chu a rwan tinghet ta a; LALPA lo tiam tawh ang ngeiin ka pa Davida hmun chu ka lo luah tain, Israel lalthutthlengah chuan ka lo thu ta a, Israelte Pathian, LALPA hming atân in chu ka lo sa ta ngei si a.
8:21 Chutichuan bâwm awmna tûr hmun chu ka lo r uat a a, chu miah chuan Aigupta ram ata a hruai chhuah laia ka pa hnêna a lo thlun, LALPA thuthlung chu a awm a," a tia .
8:22 Tin, Solomona chu LALPA maichâm hma, Israel pungkhawmho zawng zawng hmuhah a ding a, van lam banin a kut a phar a,
8:23 ,24 "Aw LALPA, Israelte Pathian, i chhiahhlawh an thinlung zawng zawnga i mithmuha awm tha hnêna thuthlung hlena khawngaihna tilang thin, i chhiahhlawh ka pa Davida hnêna thutiam hlentu, chung lam vanah leh hnuai lam leiah hian nangmah ang hi Pathian dang rêng rêng an awm lo ve: a ni, nangin i kain thu i sawi a, i kutin i rawn hlawhtlintir ta a, vawiina a lo awm ta ngei ang hian,
8:24 ,23 "Aw LALPA, Israelte Pathian, i chhiahhlawh an thinlung zawng zawnga i mithmuha awm tha hnêna thuthlung hlena khawngaihna tilang thin, i chhiahhlawh ka pa Davida hnêna thutiam hlentu, chung lam vanah leh hnuai lam leiah hian nangmah ang hi Pathian dang rêng rêng an awm lo ve: a ni, nangin i kain thu i sawi a, i kutin i rawn hlawhtlintir ta a, vawiina a lo awm ta ngei ang hian,
8:25 Chutichuan aw LALPA, Israelte Pathian, i chhiahhlawh ka pa Davida hnêna, 'I thlahte chu ka mithmuha i awm anga ka mithmuha awm ve tûra an awm dana an fimkhur phawt chuan ka mithmuhah Israelte lalthutthleng a thu tûr i hmai lo vang,' tia i lo tiam tak kha hlen ang che.
8:26 Chutichuan aw ka pa Davida hnêna thu i lo sawi tawh kha khawngaih takin thlentir ngei ang che.
8:27 Nimahsela Pathian chu leiah hian a awm tak meuh ang emaw chu? Ngai teh, van leh vante vanah pawh i leng lo nasa lehzual awm em!
8:28 Nimahsela aw LALPA ka Pathian, vawiina i chhiahhlawhin a auhna che leh tawngtaina a chham hi ngaihthlâksakin, i chhiahhlawh tanwgtaina leh dilna hi rawn ngaihsak ang che:
8:29 he mi hmun lam hawia i chhiahhlawh hian tawngtaina a chham tûr chu ngaithlaa nangin, 'Chutah chuan ka hming chu a awm ang,' i tihna hmun ngei in lamah hian chhun leh zana i mit i len reng thin theihna tûrin.
8:30 Tin, i chhiahhlawh leh i mi Israelte hian he mi hmun lam hawia an tawngtai hunin an dilnate lo ngaihthlâksak thin ang che; a ni, i chenna hmun vanan lo ngaithla langin; tin, lo ngaithlain ngaidam ang che.
8:31 I Mi tupawhin a vengte hchungah t hil tisualin, chhechhamtir hial lo tul sela, he mi ina i maichâm hmaah hian rawn chham sela,
8:32 nangin van atangin lo ngaithla langin, che la, mi sual chu ama lu chungah ngei a awm dan nghata thiam loh chantirin mi fel chu a felna ang anga hlawhtira thia chantirin i chhiahhlawhte ro relsak ang che.
8:33 I mi Israelte hian i chungah thil an tihsual avânga hmêlmate laka an lo tlâwm a i lam an lo hawi leh a, i hming an fak a, he mi ina tawngtaia thil an rawn dil chua,
8:34 nangin van atangin lo ngaihthlâksak la, i mi Israelte sualna chu ngaidam la, an pute ram i pekah hruai leh ang che.
8:35 I chunga thil an tihsual avânga van a pin a, ruahte a lo sur loh hunah chuan, he mi hmun la hawia an tawngtai a, i hming an fak a, anmahni i tihretheih avânga an suale an sim chuan,
8:36 nangin van atangin lo ngaithla la, i chhiahhlawhte leh i mi Israelte sualna hi ngaidam langin, an kalna tûr kawng tha i kawhhmuh dawn si a, tin, i mite an rochan atâna i pêk i r amah hian ruah han surtir ang che.
8:37 Kan ramah hian tam te a lo tlak a, hrite a lo len a, rona emaw, tawihna a lo awm a, an hmêlmatn an kawngka vêlahte an rawn hual a, hri engpawh natna engpawh a lo thlen chuan,
8:38 i mi Israel zawng zawngte zinga mahni thinlunga hri awma hria a, he mi in la hawia kut rawn phar apiangin tawngtaina leh dilna an rawn hlan rêng rêng chu
8:39 i awmna van atangin lo ngaithla la, ngaidam la, che la, nang an thinlung hretu, mi tin, an awmdan ang zelin hlawhtir ang che; )nang zawng, nangmah chuah hi mihring zawng zawngte thinlung hretu i ni si a;)
8:40 kan pute i pêk rama an awm chhûng zawng hian an tih theihna tûr chein.
8:41 I mi Israelte ni lo hnam dang mi, i hing avânga ram hla tak ata lo kalte chungchang thu pawh hi;
8:42 (i hming ropui tak te, i kut chak tak te, i ban i phar thute hi an la hre hlawm dawn si ;) chungte chuan he mi in lam hawia an rawn tawngtai hunin,
8:43 nangin i awmna van atangin lo ngaithla la, hnam dang mi chuan a dil ang ang che chu lo tihsak ang che; i mi Israel ang bawka khawvela hna tinin i hming an hriat a, an tih chia, he mi ka in sak hian i hming a pu ani tih an l o hriat theih nan.
8:44 I miten an hmêlmate chu i tirhna lam apiangah lo bei sela, i khawpui thlan lam hawi leh, i hming atâna in ka lo sak la hawia LALPA hnêna an tawngtai chuan,
8:45 an tawngtaina leh an dilna chu nangin van atangin lo ngaithla la, an thuah che ang che.
8:46 I chunga thil tisual a, (tumah thil tisual lo an awm si lo va,) an chunga i thinur a, hmêlma kuta i pêk a, hmêlma ram hla takah emaw, hnai teah emaw pawh sala an hruai a,
8:47 sala an hruaina rama an inngaihtuah chhuah a, an inchhir a, 'Thil kan lo tisual a, dik lo tak leh sual takin kan ti ta,' tia sala hruaitute rama an rawn ngen che erawh a,
8:48 an hmêlma sala hruaitute rama na thinlung tak leh an rilru taka i lam an lo hawi a, an pute i pêk ram leh, i khawpui thlan lam leh i hming atâna ka in sak lam hawia i hnêna an tawngtai chuan,
8:49 an tawngtaina leh an dilna chu nangin i awmna van atangin lo ngaithla la, an thuah che ang che;
8:50 tin, i mi i chunga thil tisual tute leh i laka an lo bawhchhiat kawnga an bawhchiatna zawng zawngte chu ngaidam la; sala hruaitute chuan anmahni an khawngaih theih nan khawngaihna neihtir ang che:
8:51 I mi i rochan, Aigupta ram ata, thir rawhtuina chhûng ata i hruai chhuahte an ni si a:
8:52 an auhna apiang che a i lo ngaihthlâk tûra i chhiahhlawh dina leh, i mi Isreal dilna lama i mit i len theih nan,
8:53 Aw LALPA PATHIAN, ka pute Aigupta ram ata i hruai chhuah laia i chhiahhlawh Mosia hmanga i sawi angin i rochan atân khawvel hnam tin, zing ata i tihrang ani si a," a ti a.
8:54 Tin, heti hi a ni a, Solomonan LALPA hnêna a tawngtaina leh dilna zawng zawng a chham zawh c huan, LALPA maichâm lama thingthia, van lam bana a kut phara a awm chu a tho va.
8:55 ,56, Tin, a ding a, aw ring takin, "A thutiam zawng zawng ang zela a mi Israelte chawlhna petu LALPA chu fakin awm rawh se: a chhiahhlawh Mosia hmanga a thutiam tha zawng zawngte kha thu pakhat mah a thlawn lo va,
8:56 ,55 Tin, a ding a, aw ring takin, "A thutiam zawng zawng ang zela a mi Israelte chawlhna petu LALPA chu fakin awm rawh se: a chhiahhlawh Mosia hmanga a thutiam tha zawng zawngte kha thu pakhat mah a thlawn lo va,
8:57 LALPA kan Pathian chu ka pute hnêna a awm ang khan kan hnênah awm sela: min kalsanin, min thlahthlahthlam suh se:
8:58 tichuan a kawng zawng zawngte zawh tûr leh, kan pute thu a pêk tawh anga a thupêkte, a thuruatte, a rorêlte pawm tûra kan thinlungte a lama a hawitir theihna tûrin.
8:59 ,60, Tin, LALPA hi pathian a ni a, tumah dang an awm lo tih khawvela hnam tinin an lo hriat theihna tûra a chhiahhlawh thuah leh, a mi Israelte thuah hian a ni zir ang zela a chet theihna tûrin heng ka thu sawi, LALPA hmaa dilna ka thlente hi chhun leh zan lalpa kan Pathian hmaah chuan cham reng rawh se.
8:60 ,59, Tin, LALPA hi pathian a ni a, tumah dang an awm lo tih khawvela hnam tinin an lo hriat theihna tûra a chhiahhlawh thuah leh, a mi Israelte thuah hian a ni zir ang zela a chet theihna tûrin heng ka thu sawi, LALPA hmaa dilna ka thlente hi chhun leh zan lalpa kan Pathian hmaah chuan cham reng rawh se.
8:61 Chutichuan a thuruat anga awm tûr leh a thupêkte zawm tûrin LALPA kan Pathian lamah chuan in thinlungte tha famkim rawh se, vawiin ang hian," tiin Israel pungkhawmho zawng zawngte chu mal a sawm a.
8:62 Tin, lal leh Israel-ho zawng zawngte chuan LALPA hmaah inthawin an hlan za a.
8:63 Tin, Solomonan LALPA tana a hlan remna thilhlan inthawi nan sebâwngpa 22,000 leh, berâm 120,000 a hlan a. Chutiang hchuan lal leh Israela thlahte zawng zawng chuan LALPA in chu an hlan a ni.
8:64 Chu mi ni vekah chuan lalin LALPA in hma zawna hun ghchung kawtlai tak chu a tithianghlim a, chutah chuan hâlral thilhlan te, chhangphut thilhlan te, remna thilhlan sa thau te chu a hlan a, LALPA hmaa dar macham chu chung thilhlante dawng tûra a tet luattuk avângin.
8:65 Chutichuan chu mi tum chuan Solomona leh Israel-ho zawng zawng, mipui pungkhawmho tam tak, Hamath khaw luhna achin Aigupta ram lui thlenga mit echu LALPA kan Pathian hmaah chuan ni sarih leh ni sarih, ni sâwm leh ni lo chhûng zet an kut zaa .
8:66 A ni riat ni chuan mipuihote chu a tintir a, tin, lal chu mal an sawm a, tichuan LALPAN a chhiahhlawh Davida leh ami Israelte chunga a thatna chuti zozaia alantir avâng chuan rilru hlim leh lawm takin an in lamah an haw ta a.
9:1 Tin, heti hi a ni a, Solomonan LALPA in leh lal in a saka Solomonan chak taka a tum zawng zawng a tihzawh vek hnuah chuan,
9:2 Gibeon khuaa a hnêna a inlâr ang khan LALPA chu Solomona hnênah a rawn inlâr leh a.
9:3 Tin, LALPA chuan a hnênah, "I tawngtaina leh i dilna ka hmaa i rawn thlente kha ka lo ngaithla a: he mi in i sak hi kumkhuaa ka hming awmtir nan ka tithianghlim tawh e; ka mit leh ka thinlung chu chutah chuan a awm kumkhua tawh ang.
9:4 Tin, nang pawh hi thu ka pêk apiang che anga ti tûra i pa Davida awm anga thinlung tha tak pu leh rilru dik tak pua ka mite hmuha i awm a, ka thuruatte leh ka rorêlte i pawm reng zangin,
9:5 Israelte chungah hian i ram lalthutthleng chu kumkhua atân ka tinghet ang; i pa Davida hnênah 'Israelte lalthutthlenga thu tûr i hmai lo vang,' tia ka lo tiam tawh ang khan.
9:6 Amaherawhchu nangin emaw, in thlahten emaw mi zui chu min kirsan a, ka thupêkte leh ka thuruate ka hriattir che u hi in pawm loh va, pathian dangte rawng in va bawl a, in vabiak chuan,
9:7 Israel hote hi ram ka pêk ata ka tiboral ang a; tin, he mi in ka hming atâna ka tihthianghlim tawh sa hi ka mithmuh phak lovah ka sawn bo daih ang; tichuan Israelte hi hnam tinrengte zingah tihelna leh a chhe lam tehkhinnaah hman an la ni ang a:
9:8 tin, he in i sâng teh mah sela, a kal pel apiangte chuan maik tiin an la faifuk ang a, 'Engati nge LALPAN he ram leh he in hi heti taka a tih le?' an ti ang.
9:9 Tin, miten, 'LALPA an Pathian, an pute Aigupta ram ata hruai chhuaktu kha an kalsan a, pathian dangte an vuan a, an bia a, an rawngte an bawl tak vang a ni; chuvangin LALPAN heng chhiatna zawng zawngte hi an chungah a rawn thlentir ta anih hi,' tiin an la chhâng ang," a ti a.
9:10 Tin, heti hi a ni a, Solomonan in pahnih, LALPA in leh lal in a sak chhûng, kum sâwmhnih a vei hnuin
9:11 (tûra lal Hiraman Solomona chu sidar thin te, far thing te, rangkachakte a mamawh apiang a tum vek ani a,) lal Solomona chuan Hirama chu Galili rama khaw sawmhnih a pe a.
9:12 Tin, Hirama chu tûra khua atangin Solomonan khua apekte chu en tûrin a chhuak a; a duhzawng a ni lo hle a.
9:13 Tin, ani chuan, "Ka unaupa, heng i kawh mi pekte hi khaw engnge maw ni ngai le?" a ti a. Tichuan tun thleng hian Kabul ram an ti ta a ni.
9:14 Tin, Hirama chuan lal chu rangkachak talent 120 a thawn a.
9:15 Lal Solomonan hnathawka rawih lui pâwl a siam chhan chu hei vang hi a ni: LALPA in leh ama in satu atân leh, Millo te, Jerusalem kulh te, Hazor khua te, Megiddo khua te, Gezer khua te siamtu atân a ni.
9:16 Aigupta lal Pharaoa chu a han chho va, Geer khua han la a, a hal a, chu khua a awm Kanaan hote chu a that a, a fanu Solomona nupui chu inthlahna thilpek atân alo pe tawh a ni.
9:17 Tin, Solomonan Gezer khua te, Beth-horon thlangta zawk khua te,
9:18 Baalath khua te, Israel rama thlalêr Tamar khua te,
9:19 Solomonan thil dah khawmna khua neih zawng zawng te, a tawlailir dahna khua te leh, a sakaw chungchuang mi dahna khua te, Jerusalem khuaah te, Lebanon-ahte leh a rorêlna ram chhûng zang zanga Solomonan chak taka siam a tum zawng zawngte chu a siam a ni.
9:20 Tin, Israela thlahte ni ve lo, Amor-ho te, Hit-ho te, Periz-ho te, Hebus-ho la awm chhun zawng zawngte kha chu,
9:21 an thlah, chung rama la awm Israela thlahten an tihboral zawh vek theih lohvate zingah chuan Solomonan chhiahhlawh, hnathawka rawih luih pâwl a siam a, tun thleng hian.
9:22 Israela thlahte erawh chu Solomonan chhiahhlawhah a siam ve lo va: indo mi te, a puipa te, a mi lian te, a sipai hotu te, a tawlailir leh a sakaw chungchuang mi hotute an ni zawk a ni.
9:23 Chungte chu Solomona hna chunga hotu bik 550, hnathawk vengtute chu an ni.
9:24 Pharaoa fanu erawh chu Davida khaw pui ata chu ama in, Solomonan a saksakah chuan a chho ta a: tichuan Millo chu a siam ta a.
9:25 Tin, Solomona chuan LALPA tana maichâm a siamah chuan kum tin, vawi thum hâlral thilhlan leh remna thilhlan a hlan thin a, LALPA hmaa maichâmah chuan rimtuite a hal tel bawk thin a. Chutichuan in chu a peih ta a.
9:26 Tin, lal Solomona chuan Edom rama Tuirinfiat Sen kam Eloth bula awm Eziongeber hmunah lawng rual a siam a.
9:27 Tin, Hioraman a chhiahhlawh lawng mite tuifinriata che thang, lawnga Solomona chhiahhlawhte kalpuiah a ti ra.
9:28 Chumite chu Ophir-ah an va kal a, chuta mi chu rangkachak talent 420 an rawn hawn a, lal Solomona hnênah an rawn thlen a.
10:1 Tin, LALPA hming atâna a thiltih chungchang thua Solomona hming thanzia Seba lalnuin a lo hriat chuan thu khirh tak taka fiah tumin a hnênah a kal a.
10:2 Tin, Jerusalem khuaah hnungzuitu tam tak hruaiin, englo rimtuite leh rangkachak tam tak leh lunghlute phur sanghawngseite kengin a kal a: tin, Solomona hnên a thlenc huan a thinlunga a thu pai zawng zawng chu phawrh fai vekin a bia a.
10:3 Tin, Solomona chuan thu zawh zawng chu a chhâng vek a: lal hriat loh, a hrilhfiah theih loh rêng rêng a awm hauh lo mai.
10:4 Tin, Seba lalnuin Solomona finzia zawng awng te, a in sak te,
10:5 a dawhkana ei tûr te, a puipateho thut dan te, a rawngbawltuho bawl dan te, an inchei dan te, ano hlantu te, LALPA ina ahlan hâlral thilhlante a han hmuh chuan a rilru ahlei anei ta lo va.
10:6 Tichuan lal hnênah, "I thiltihte leh i finziate keima rama ka lo hriat kha thuthang dik tak a lo nih ngei hi le.
10:7 Nimahsela keimahin ka mit ngeia ka rawn hmuh hma loh chuan an sawi chu ka awih lo va, tichuan ngai teh, a zatve pawh mi lo hrilh hlei nem, an sawi ka lo hriat aiin i finzia leh i thatzia a lo nasat hi.
10:8 I mite, heng i chhiahhlawh, i bula awm fova i finna thu ngaithla fovate hi an nihhlawh e!
10:9 LALPA i Pathian, i chunga lawm êm êm, Israelte lathutthlenga thutirtu che hi fakin awm rawh se: LALPAN Israelte hi kumkhuain a hmangaih a, chuvangin fel taka rorêl tûrin lalah a siam che anih hi," a ti a.
10:10 Tin, lal chu rangkachak talent za leh sawmhnih leh englo rimtui tam zet mai leh lunghlue a pe a: Seba lalnuin lal Solomona englo rimtui a pêk ang zozaia tam hi a lût ta ngai lo.
10:11 Tin, Hirama lawngrual, Ophir atanga rangkachak va phurte pawh chuan Ophir atangin almug thing tam tak leh lunghlute an rawn phur a.
10:12 Tin, lalin almug thingte chu LALPA in leh lal in hung nan leh hla satute tan tingtang leh perhkhuangte siam nan lam pawh a hmang a: tun thlengin chutiang almug thing rêng rêng chu a lûtin, hmuh pawh hmuh a ni ta ngai lo.
10:13 Tin, lal Solomonan a duhsak avânga a pêkte bakah pawh lal Solomona chuan Sdeba lalnu chu a duh zawng zawng, a dil apiang chu a pe a. Chutichuan a awmna ram lamah a hawng leh ta a, a hote nen.
10:14 ,15 Solomona hnêna kum khat chhûnga rangkachak lut rih lam chu sumdawngtute laka lût leh thil zuartute, mi in awmpawlhho lal zawng zawngte lal ram awptute laka lûtte chhiar lovin, rangkachak talen zaruk leh sawmruk leh paruk buk a ni.
10:15 ,14 Solomona hnêna kum khat chhûnga rangkachak lut rih lam chu sumdawngtute laka lût leh thil zuartute, mi in awmpawlhho lal zawng zawngte lal ram awptute laka lûtte chhiar lovin, rangkachak talen zaruk leh sawmruk leh paruk buk a ni.
10:16 Tin, lal Solomona chuan rangkachak den phekin pawh lian zahnih a siam a: phaw pakhatah rangkachak sekel zaruk a duh a.
10:17 Tin, rangkachak den phekin phaw zathum a siam a; phaw pakhatah rangkachak maneh thum a duh a: chung chu lal chuan Lebanon ngawpui inah a dah a.
10:18 Tin, lal chuan saingho lalthutthleng ropui tak a siam bawk a, chu chu rangkachak tha ber tiin a luan a.
10:19 Lal thutthleng kai chhohnaah chuan rahka paruk a awm a, chu mi lalthutthleng hnung lam chu a lo kum phei kulh a: a thutna sir tuakah chuan dona a awm ve ve a, tin, dona bulahte chuan sakeibaknei sâwm leh pahnih a ding a;
10:20 Tin, rahka parukah chuan, a sik tuakah sakeibaknei sâwm leh pahnih a ding a; chutiang chu khawi ramah mah an siam ngai lo.
10:21 Lal Solomona no zawng zawng chu rangkachak vek ani a, tin, Lebanon ngawpui ina bungbêl zawng zawngte pawh chu rangkachak hlir hlak vek a ni a: tangkarua rêng rêng a awm lo; Solomona dam lai chuan chu chu enghuah mah an ngai lo.
10:22 Lal chuan tuifinriatah chuan Hriama lawng rual kawppuitu Tarsis lawng rual anei a: Tarsis lawng rual chuan kum thum dan zelah rangkachak te, tangkarua te, saingho te, zawng te, arawn te a rawn phur si thin a.
10:23 Chutichuan lal Solomona chuan khawvela lal zawng zawngte chu hausakah leh finah a khum vek a.
10:24 Pathianin a thinlunga finna thu a dahsak chu ngaithla tûrin khawvela mi zawng zawngte chuan Solomona chu an rawn pan huai huai thin a.
10:25 Tin, mi tinin lawmman kum tin, pêk bi neiin tangkaraw bungbêl te, rangkachak bungbêl te, puan te, râlthuam te, englo rimtui te, sakawr te, sabengtung te an rawn pe thin a.
10:26 Tin, Solomona chuan tawlailirte leh sakawr chung chuang mite a khâwm chiam a: tawlailir sângkhat leh zali leh sakawr chung chuang mi singkhat leh sânghnih a nei a, chung chu tawlailir dahna khuaah te, Jerusalem khuaa lal awmnaah te chuan a awmtir a.
10:27 Tin, lal chuan Jerusalem khuaah chuan a tam em avângin tangkaruate chu lung ang maia ngaih khawpin a awmtir a, sidar thingte chu phaia theipui thing ang leka ngaih khawpin a an awmtir a.
10:28 Tin, Solomona neih sakawrte chu Aigupta ram ata rawn tawlh chhuah a ni a; tin, lal sumdawngtute chuan chung chu a rual rualin an lo khar thin a, a ruala lei zela ni.
10:29 Aigupta rama mi tawlailir chu tangkarua sekel zaruk zelin an tithleng thin a, tin, sakawr chu tangkarua sekel za leh sawmnga zelin: chutiang bawk chuan Hit-ho lal zawng zawngte leh Suria lalte pawh an tihthlensak thin a ni.
11:1 Solomona chuan Pharaoa fanu chang lo pawh hnam dang hmeichha tam tak Moab te, Amon te, Edom te, Zidon te, Hit-ho hmeichhiate a hmangaih a;
11:2 chung hnamho chungchang thu chu LALPAN Israela thlahte hnênah, "Anmahni pâwl suh ula, anni pawhin pâwl che u suh se: an pathiante lamah in thinlung an hruai kawi ngei dawn si a," tiin alo sawi tawh reng a; chungho chu Solomona chuan hmangaihnain a vuan tlat a.
11:3 Tichuan nupui zasarih, lal fanu a nei a, hmei zathum nen: tin, a nupuite chuan a thinlung an hruai kawisak ta a.
11:4 Tin, heti hi a lo ni ta a, Solomona chu a lo upa hnu chuan, a nupuite chuan pathian dangte lamah a thinlung an hruai kawisak a: tichuan a pa Davida thinlung angin LALPA a Pathian lamah chuan a thinlung chu alo tha famkim ta lo va.
11:5 Solomona chuan Zidon-ho pathiannu Astorethi leh Amon-ho pathian tenawm tak Milkoma chu a lo zui ve ta mai a.
11:6 Tin, Solomona chuan LALPA mithmuhin thil sual alo ti ta a, a pa Davida angin LALPA chu a zui tlat ve ta lo va.
11:7 Chutichuan Solomona chuan Jerusalem bula tlângah Moab-ho pathian tenawm tak Kemosa tan leh, Amona thlahte pahtian tenawm tak Moleka tan hmun sâng a lo siam ta a.
11:8 Chutiang bawkin hnam dang a nupui zawng zawng an pathiante hnêna inthawia rimtuite hal thinte tan pawh a siamsak a.
11:9 ,10 Chutichuan LALPA Israelte Pathian, a hnêna vawi hnih lai inlâr a, he thu pathian dangte a zui tûr ani lo tih thu lo petu chu a thinlungin a hawisan tak avângin Solomona chungah chuan LALPA thin a lo uur ta a: LALPAN thu apek chu pawm si hek lo.
11:10 ,9 Chutichuan LALPA Israelte Pathian, a hnêna vawi hnih lai inlâr a, he thu pathian dangte a zui tûr ani lo tih thu lo petu chu a thinlungin a hawisan tak avângin Solomona chungah chuan LALPA thin a lo uur ta a: LALPAN thu apek chu pawm si hek lo.
11:11 Chuvangin LALPAN Solomona hnênah chuan, "Hetiang hian i lo awm ta a, ka thuthlungte leh ka thuruatte pawm tûra thu ka pêk che hi i lo pawmta si lo va, ram hi ka chhuhsak ngei ngei ang chia, i chhiahhlawh ka pe ang.
11:12 Amaherawhchu i pa Davida avângin i dam chhûng em chuan ka ti rih lo vang a: nimahsela i fapa zawng ka chhuhsak dawn a ni.
11:13 Ram zawng zawng erawh chu k achhuhsak vek lo vang a; nimahsela ka chhiahhlawh Davida avâng leh ka thlan Jerusalem avâng hian hna khat chu i fapa ka pe ang," a ti a.
11:14 Tin, LALPAN Edom mi, Hadada chu Solomona hmêlmaah a rawn din chhuak ta a: amah chu Edom rama lal thlah a ni.
11:15 Tin, heti hi a ni a, Davfida Edom rama a awm laia, an mi thahte phûm tûra sipai hotu Joaba a han kal a, Edom mi mipa fa tawh phawt chu a han thah vek hnu khan,
11:16 (Joaba leh Israel mi zawng zawngte chu thla ruk zet, Edom rama mipa zawng zawng a tihhlum vek hma loh chuan an awm a ni a;)
11:17 Hadada chu a pa chhiahhlawhte zinga Edom mi thenkhatte nen Aigupta rama kal tûrin an tlan a; Hadada chu naupangte a la ni a.
11:18 Midian ramata an chhuak a, Paran-ah an kal a: tin, Pran atangin mite an hruai a, Aigupta ram, Aigupta ram leh Pharaoa hnên an zuk thleng a; ani chuan in te a lo pe a, ei tûrte a lo ngaihtuahsak a, ramte a lo pe bawk a.
11:19 Hadada chuan Pharaoa mit a ltung hle mai a, tichuan a nupui ngeia laizawn, lalnu Tahpenesi laizawn chu nupuiah a neihtir a.
11:20 Tin, Tahpenesi laizawn chuan fapa Genubatha a hrinsak a, Tahpenesiin Pharaoa inah a hnute hnek banna a siamsak a: tin, Genubatha chu Pharaoa inah Pharaoa fate zingah chuan a awm ta a.
11:21 Tin, Hadadan Aigupta ram atanga Davida chu a puteho hnênah amuhil ta tih le, sipai hotu Joaba pawh a thi tawh tih a lo hriatin, Hadada chuan Pharaoa hnênah, "Kan rama ka haw theih nan mi chhuahtir ta che," a ti a.
11:22 Chutichuan Pharaoan a hneah, "Ka hnêna i awm hian tlakchham engnge i neih ni le, ngai teh, chutia in ram lama haw leh i tum tak mai?" a ti a. Tin, ani chuan, "Engmah phei chu nei lo ve: nimahsela mi kaltir rêng rêng rawh khai," a ti a.
11:23 Tin, Pathianin a hmêlmaah Eliada fapa Rezona, a pu Hadadezera, Zoba lal hnên ata tlan bo tawh kha a rawn din chhuak leh a:
11:24 Davidan Zoba khuaa mite a thah khan ani chuan a hnênah mite a kai khâwm a, sipai hotuah a lo tang ta a: tin, Damaska khuaah an kal a, chutah chuan an awm a, Damaska khuaha chuan lalah a thu ta a.
11:25 Hadada tihhreawmna belhchhahin Solomona dam chhûng zawng, Israelte hmêlma a ni fo thin reng a. Israelte a haw hle mai a, Suria ram chungah ro a rel a.
11:26 Tin, Bebata fapa Jeroboama, Zereda khuaa Phraim mi, Solomona chhiahhlawh pawh chuan, (a nu hming chu Zeruii a ni a, hmeithai ani a,_ chu mi pawh chuan lal chungah a kut a lek ve a.
11:27 Lal chunga akut a rawn lek chhan chu hetiang hi a ni: Solomonan Milo a siam a, a pa Davida khua chu a chhe lai te a siam tha a.
11:28 Chu Jeroboama chu mi chak huaisen a ni a: tichuan Solomonan chu tlangvâl chu mi taima tak nia a hriat avângin Josefa chhûngte hnathawh zawng zawng chunga hotuah a siam a.
11:29 Tin, chung lai chuan heti hi a ni a, Jeroboama Jerusalem khua ata a kal chhuak chu Silo mi zâwlnei Ahijan kawng lakah a lo hmu a; Ahija chuan puan thar a sin a; an pahnih chuah chuan phulah an awmdun a.
11:30 Tin, Ahija chuan a puan thar sin chu a la a, phel sâwm leh phel hnihah apawtthlêr a,
11:31 Jeroboama hnênah chuan, "Phel sawm hi la rawh khai: LALPA, Israelte Pathianin heti hian a ti a ni: "Ngai teh, ram hi Solomona ka chhuhsak ang a, hnam sawm chu ka pe dawn che a ni:
11:32 (amaherawhchu ka chhiahhlawh Davida avâng leh Israel hnam zawng zawng zinga ka thlan khawpui, Jerusalem avâng hian hnam khat zawng anei ang chu:)
11:33 anni chuan mi kalsan a, Zidon-ho pathiannu Astarothi te, Moab-ho pathian Kemosa te, Amon-ho thlahte pathian Milkomate an biak avâng leh ka mithmuha thil tha ti tûr leh ka thuruatte leh ka rorêlte hi pawm tûra a pa Davida anga ka kawngte an zawh loh avangin.
11:34 Ram pumpui zawng ka chhuhsak lo vang: amaherawhchu ka thuupekte leh ka thuruatte pawmtu, ka thlan, ka chhiahhlawh Davida avângin a dam chhûng hchuan lalah ka la awmtir ang:
11:35 nimahsela ram hi a fapa ka chhuhsak ang a, nangmah hi ka pe dawn che a ni, hnam sawmte chu.
11:36 Tin, ka chhiahhlawh Davidan ka hming awmtir nana ka thlan khawpui Jerusalem-ah hian ka hmaa khawnvar aneih reng theihna tûrin hnam khat chu a fapa ka pe ang.
11:37 Nang hi ka ruat ang chia, i duh ang angin ro i rel ang a, Israelte lalah i awm ang.
11:38 Tin, heti hi ani ang a, thu ka pêk apiang che i pawm a, ka kawngte i zawh a, ka chhiahhlawh Davida anga ka thuruatte leh ka thupêkte zawm tûra ka mithmuha thil tha i tih chuan i hnênah ka awm zel ang a, Davida ka din nghehsak ang khan chhûngkaw nghet ka dinsak ang chia, Israelte hi ka pe ang che.
11:39 Chuvang chuan Davida thlah chu ka tihreawm dawn ai, amaherawhchu kumkhua zawngin a ni lo vang,' a ti e," tiin.
11:40 Chutichuan Solomona chuan Jeroboama chu thah a tum ta a: nimahsela Jeroboama chu a tho va, Aigupta ramah, Aigupta ram lal Sisaka hnênah a tlan a, Solomona thih hma loh chuan Aigupta ramah a awm ta a.
11:41 Solomona chanchin dangte leh, a thiltih zawng zawng leh a finnate chu Solomona thiltih ziakna buah a chuang a ni lâwm ni?
11:42 Solomonan Israel-ho zawng zawng chunga Jerusalem khuaa ro a rel chhûng chu kum sâwmli a ni.
11:43 Tichuan Solomona chu a pute hnênah chuan amuhil a, apa Davida khawpuiah chuan an phûm ta a: tin, a fapa Rehoboama chu a aiawhin a lal ta a.
12:1 Tin, Rehoboama chu Sekem khuaha akal a; Israel-ho zawng zawng chu Sekem khuaah chuan lala siam tûrin an kal tawh si a.
12:2 Tin, heti hi ani a, Nebata fapa Jeroboaman chu mi thu chu a lo hriat chuan (lal Solomona hnên atanga a tlan bona Aigupta rama la awm a ni a, tichuan Jeroboaman Aiguipta rama a la awm reng hc a zuk kohtir a;)
12:3 Jeroboama leh Israel pungkhawmho zawn zawng chu an lo kal a, rehoboama hnênah,
12:4 "I pa khan kan nghawngkawl a tirit em thin a: chuvangin i pa min chhawr rimna leh, a nghawngkawl rit tak kan chunga a nghah hi min tihzansak la, tichuan i rawng kan bawl ang e," tiin an rawn sawi a.
12:5 Tin, ani chuan an hnênah, "Ni thum chhûng chu lo va kal kiang ta rih ula, tin, ka hnênah lo kal leh ang che u," a ti a. Tin, mipuite chu an kal kiang ta a.
12:6 Tin, lal Rehoboama chuan a pa Solomona dam laia a bula awm thin upahote chu, "Heng mipuihote hi ka chhan dan tûr rem engnge mi ruatpui le?" tiin a rawn a.
12:7 Tin, anni chuan a hnênah, "Tunah hian hengho chhiahhlawha i awm a, an rawng i bâwl a, anmahni chu i chhan a, an hnêna thu tha tak sawi i tum chuan, kumkhuain i chhiahhlawhah an awm ang," tiin an sawi a.
12:8 Nimahsela upaho remtuatpui chu a pawm lo va, ama rualpui tlangvâlho, a bula awm thinte chu a rawn ta zawk a.
12:9 An hnênah chuan, "Heng mipuiho, ka hnêna, 'I pan kan chunga nghawngkawl anghah hi min tihzansak rwah,' tia sawitute hi ka chhan dan tûr rem engnge min ruatpui le?" a ti a.
12:10 Tin, a rualpui tlangvâlhote chuan a hnênah, "Heng mipuiho, 'I pa khan kan nghawngkawl a tirit em thin a, nang chuan min tihzaksak rawh khai,' i hnêna titute hnênah chuan hetiang hian ti la, hetiang hian an hnênah sawi ang che: 'Ka pa kawng ai chuan ka zungte hi a lian zawk.
12:11 Ka pa khan ngawhngkawl rit ak a lo bahtir che u a, kei chuan in nghawngkawl chu ka belhchhah dawn a sin: ka pan vuaknain a lo hring thin che u a, kei rawh chuan khawmualkaikuangin ka hring dawn che u a ni,' tin," an sawi a.
12:12 Chutichuan Jeroboama leh mipuiho zawng zawng hchu llain, "Nithum chinah ka hnênah lo kal leh ang che u," tia a hrilh ang khan, a ni thum ni chuan Rehoboama hnênah an va kal a.
12:13 Tin, lal chuan, mipuite chu chang takin a lo chhâng a, upahote remruatpui kha a pawm lo va;
12:14 tlangvâlhote remruatpui ang khan, "Ka pan in nghawngkawl a lo tirit a, kei chuan in nghawngkawl chu ka belhchhah dawn asin, ka pan vuaknain a lo hring thin che u a, kei erawh chuan khawmualkaikuangin ka hring dawn che u a ni," a ti a.
12:15 Chutichuan lal chuan mipuite thu sawi kha a pawm ta lo va; chu chu LALPA avâng a ni, LALPAN Silo mi Ahija hmanga, Nebada fapa Jeroboama hnea a thu lo saiw tawh kha a tihngheh theih nan.
12:16 Tin, Israel-ho zawng zawng chuan lalin an thu sawi a pawm lo tih an hriatin, mipuite chuan, "Davidaah hian chanvo engnge kan neih le? Jesaia fapaah chuan roluah tûr kan nei hek lo: aw Israelte u, in puan in lamah haw rawh u: David, i chhûngkua ngaihtuah mai tawh," tiin lal chu an chhang a. Chutichuan Israel-ho chu an puan in lamah an kal ta a.
12:17 Israela thlah, Judai ram khua awmte erawh chu, an chungah Rehoboaman ro a rel a.
12:18 Tichuan lal Rehoboama chuan hnathawka rawih luihte hotu Adorama a tir a; ani chu Israel-ho zawng zawng chuan lungin an deng a, a thi ta a. Tin, lal Rehoboama chu Jerusalem khuaa tlan tumin a tawlailirah a chuang ta thaui a.
12:19 Chutichuan Israel-hote chu Davida chhûngte chungah an lo hel ta a ni, tun thleng hian.
12:20 Tin, heti hi ani a, Israel-ho zawng zawngin Jeroboama chu a lo kir leh tih an hriatin, punkhawmnaa lo kal tûrin an kohtir a, Israel-ho zawng zawng chunga lalah an siam ta a: Juda hnam ngawt lo chu Davida chhûngte zui tumah an awm lo.
12:21 Tin, Rehoboama chuan Herusalem khua a han thlen chuan, Israela chhûngtte chu dova Solomona fapa Rehoboama rama la leh tûrin Juda chhûngte zawng zawng leh, Benjamin hnam, mi huaisen thiau thlan chhua 180,000 zet a khâwm a.
12:22 Nimahsela Pathian mi Semaia hnênah Pathian thu a lo thleng a,
12:23 "Judai ram lal Solomona fapa Rehoboama hnênah leh Juda leh Benjamina chhûngte zawng zawng hnênah leh mipui dangte hnênah chuan,
12:24 LALPAN heti hian a ti, Han kal suh u, Israela thlah, in unauteho chu han do hek suh u: mahni in lamah haw leh vek tawh u; hei hi keimah tih ani e, tiin,' sawi rawh," tiin. Chutichuan LALPA thu ang chuan an kir a, an haw leh ta vek a.
12:25 Chutichuan Jeroboama chuan, Ephraim tlâng ramah Sekem khua a siam a, chutah chuan a awm a; tin, chuta tang chuan a chhuak a, Penuel khua a siam a.
12:26 Tin, Jeroboama chuan a rilruin, "ram hi Davida chhûngte ta a lo ni leh nghe nghe ang a:
12:27 he miteho hi Jerusalem khuaa LALPA ina inthawinate hlan tûra an kal chuan, he miteho thinlung hi an LALPA Rehoboama, Judai ram lal lamah hian a thle leh mai ang a, tichuan kei hi mi that ang a, Judai ram lal Rehoboama lamah an pakai leh mai ang a," a ti a.
12:28 Chutichuan lal chuan mi a rawn a, rangkachak bawng no lem pahnih a siam a; an hnênah chuan, "In tan Jerusalem khuaa han kal chu a harsa lûtuk em a; aw Israelte u, en teh u, Aigupta ram ata hruai chhuaktu che u in pathiante hi," a ti a.
12:29 Tin, pakhat chu Bethel-ah a dah a, pakhat hchu Dan-ah a dh a.
12:30 Chu thil chu sual a lo ni ta a ni: mipuite chu a pahniha be tûrin Dan thleng thlengin an kal si a.
12:31 Tin, hmun sâng inte a san a, Levia fate ni lo, vantlang zinga mi puithiamahte a siam a.
12:32 Tin, Jeroboama chuan Judai rama kut an neih ang bawkin thla riatna, chu mi thla ni sâwm leh ni nga ni chu kut niah a ruat ve a, maichâmah chuan a han kal a; Bethel-ah chuan a bawng no lem siam hnêna inthawiin chutian g chuan a ti a ni: tin, a siam hmun sâng puithiamte chu Bethel-ah a dah a.
12:33 Tin, amahin a du anga a ruat thla ngei, thla riatna, ni sâwm leh ni nga niah chuan Bethel-a a maichâm siamah a han kal a: tin, Israel thlahte tan kut a ruat a, maichâma rimtui hal tûrin a han kal a.
13:1 Tin, ngai teh, Judai ram atangin Pathian mi, LALPA thuin Bethel-ah a lo kal a: tin, Jeroboama chu maichâm bulah rimtui hal tûrin a lo ding a.
13:2 Tin, LALPA thuin maichâm chu a au khum a, "Aw maichâm, maichâm, LALPAN heti hian a ni, 'Ngai teh, Davida chhûngte zingah fapa hming Josia a lo piang ang a, i chunga rimtui hal thintu, hmun sâng puithiamte hi i chungah hian inthawi nan a la rawn hlan ang a, i chungah hian mihring ruhte an la rawn hal ang,' tiin," a ti a.
13:3 Tin, chu mi ni vek chuan chhinchhiahna a pe a, "Hei hi LALPAN chhinchhiahna tûr a tih chu a ni: 'Ngai teh u, maichâm hi ala khi phawk ang a, a chunga meivapte hi a la bawk vek ang,' tih hi," tiin.
13:4 Tin, heti hi a ni a, Pathian miin Bethel-a maichâm a han au khum thu lalin a hriat chuan, Jeroboama chuan, "man rawh u," tiin maichâm atang chuan a kutin a han ban a. Tin, man tuma a banna kut chu alo zeng ta a, tichuan a kut chu a la leh thei ta lo va.
13:5 Pathian miin LALPA thua chhinchhiahna tûra a sawi ang khan maichâm pawh chu a khi bawk a, maichâma meivapte chu a baw ta vek a.
13:6 Tin, lal chuan a chhâng a Pathian mi hnênah chuan, "Ka kut hi alo lem leh theihna tûrin LALPA i Pathian khawngaihna ngen la, min tawngtaisak teh khai," a ti a. Tin, Pathian mi chuan LALPA hnênah a ngen a, tin, lal kut chu a lo dam leh a, a hma ang bawkin a lo awm leh ta a.
13:7 Tichuan lal chuan Pathian mi hnênah, "Ka in lamah ka hnênah lo kal la, va chawl hahdam rih tawh khai, tin, lawmman ka pe dawn che nia," a ti a.
13:8 Tin, Pathian mi chuan lal hnênah, "I in lo zatve pawh mi pe dawn mah la, i hnênah zawng ka lo kal chuang lo vang, he mi hmunah hian chhâng ka eiin tui rêng rêng pawh ka in hek lo vang:
13:9 Chhâng va eiin tui rêng rêng pawh va in suh la, i va kalna kawngah pawh haw leh tawh suh,' tia LALPA thua tirh ka ni asin," a ti a.
13:10 chutichuan kawng dangah akal a, Bethel-a a lo kalna kawngah chuan a haw leh ta lo va.
13:11 Bethel khuaah chuan zâwlnei putar pakhat hi a awm a; afapa pakhat chuan chu mi nia Bethel-a Pathaim mi thiltih zawng zawng chu a hrilh vek a: lal hnêna, a thu sawite pawh chu an pa an hrilh bawk a.
13:12 Tin, an pa chuan an hnênah, "Khawi lam kawngah nge a kal tak?" a ti a. A fapate chuan Judai ram atanga lo kal Pathian mi haw lehna kawng chu a kawhhmuh a.
13:13 Tichuan a fapate hnênah, "Sabengtung mi han siam teh u," a ti a. Chutichuan sabengtung chu an siamsak a: tichuan a chuang ta a:
13:14 Tin, pathian mi chu a um ta a, sasqaw thing hnuaia a thu hi a va hmu a: a hnênah, "Nangmah hi em ni Judai ram atanga lo kal Pathian mi chu?" a ti a. Tin, ani chuan, "Ni e," a ti a.
13:15 Tichuan ani chuan a hnênah, "Ka in lamah ka hnênah lo kal la, chhâng va ei rawh khai," a ti a.
13:16 Tin, ani chuan, "I ruala kir leh thei ka ni lo va, i hnêna lo kal thei pawh ka ni hek lo: he mi hmunah hian i hnênah chhâng ka eiin tui rêng rêng pawh ka in hek lo vang:
13:17 Chhâng va eiin, tui rêng rêng pawh va in suh la, i va kalna kawngah pawh lo kir leh tawh suh,' tia LALPA thua hrilh ka ni si ," a ti a.
13:18 Tin, ani chuan a henah, "Kei pawh nangmah ang bawka zâwlnei ka ni alawm: vântirhkohvin LALPA thuin, 'Chhangte eia tuite in tûrin i inlamah hruai kir leh rawh khai,' tiin mi bia a sin," a ti a. Nimahsela a hnênah dawt a sawi a ni.
13:19 Chutichuan a hnênah chuan a kir leh ve a, a inah chuan chhangte a eiin tui te a in ta a.
13:20 Tin, heti hi a ni a, dawhkan an kil lai chuan a hruai kirtu zâwlnei hnênah chuan LALPA thu chu a lo thleng a:
13:21 Judai ram atanga lo kal Pathian mi hnênah chuan, "LALPAN heti hian a ti, LALPA thu sawi i awih loh va, LALPA i Pathianin thu a pêk che i pawm loh avâng leh,
13:22 i lo kir leh a, chhâng va eiin tui reng pawh va in suh ang che, a tihna hmun ngeiah chhâng i ei a, tuite i in avângin i ruang hi i pute thlana dah ani ve lo vang,' tiin, "tiin a sawi chhuak ta a.
13:23 Tin, heti hi a ni a, chhangte a ei a, tuite a in zawh chuan, zâwlnei a hruai kir leha chu sabengtung a siamsak a.
13:24 Tin, a kal ta chu kawng lakah sakeibaknei nen an intawk a, a lo she ta a: tin, a ruang chu kawngah chuan thehthal derin a awm a, sabengtung chu a bulah chuan a ding a, sakeibaknei pawh chu ruang bulah chuan a ding ve reng a.
13:25 Tin, ngai teh, mi an va kal a, kawnga ruang thehthal dera awm leh ruang buala sakeibaknei ding reng chu an va hmu a: zâwlnei putar pui awmna khuaah chuan an va sawi a.
13:26 Tin, kawng lak ata va hruai kir lehtu zâwlnei chuan chu mi thu a lo hriat veleh chuan, "Pathian mi, LALPA thu sawi awih duh lopa kha anih chuL chuti chuan LALPAN a hnêna a sawi, a thu ang ngeiin LALPAN sakeibaknei hnênah a pe a, a lo ham a, a sehhlum ta a nih chu," a ti a.
13:27 Tin, a fapate hnênah chuan, "Sabengtung mi siamsak leh u," tiin a sawi a. Tin, an siamsak ta a.
13:28 Tin, a kal ta a, a ruang kawnga thehthal dera lo awm leh sabengtung leh sakeibaknei ruang buala lo ding reng chu a va hmu a: sakeibaknei chuan ruang chu a lo la ei lo va, sabengtung pawh chu a lo la tipem lo va.
13:29 Tin, zâwlnei chuan chu Pathian mi ruang chu a hlawm a, sabengtun gchungah chuan a hlang a, a kirpui ta a: tichuan zâwlnei putar awmna khuaah chuan sun tûr leh vui tûrin a lût ta a.
13:30 Tin, a ruang chu ama thlanah a zalh a; tichuan, "A va pawi tehluul em, ka unaupa! " tiin a tah a.
13:31 Tin, heti hi a ni a, a vui hnu chuan a fapate hnênah, "Ka thih hunah Pathian mi phûmna thlanah hian mi rawn phûm ve ang che u: a ruh bulah ka ruhte hi rawh dah ang che u.
13:32 Pathian thua Bethel-a maichâm leh, Samari ram khawpuitea hmuns ang in zawng zawng a au khumna thu kha lo thleng ngei tûr a ni si a," tiin a sawi a.
13:33 Chung thil hnuah pawh Jeroboama chuan a awm dan dik lo chu a la ban chuang lo va, vantlang zinga mi hmun sâng puithiam atân a la siam ta cheu va: hmun sâng puithiamte an awm theihna tûrin a duh apiang a tihrang thin a.
13:34 Chu thil chu Jeroboama chhûngkaw sualna anmahni tichimittu leh khawvel ata tiboral hlauhtu a lo ni ta .
14:1 Chung lai chuan Jeroboama fapa Abija a dam lo va.
14:2 Tin, Jeroboama chuan a nupuia hnênah, "Tho la, Jeroboama nupui ani tih an hriat loh nan che intidanglam la, Silo-ah va kal teh khai; ngai teh, chutah chuan zâwlnei Ahija, he miteho chunga lala ka la awm tûr ka chungchang thu sawitu kha a awm e.
14:3 Tin, chhangper sâwm leh chhâng hlawm te te leh khawizu um khat keng langin, a hnênah va kal teh: naupang awm dan tûr chu a lo hrilh ang che," a ti a.
14:4 Tin, Jeroboama nupui chuan chutiang chuan a ti a, a tho va, Silo-ah chuan a kal a, Ahija inah chuan a va kal ta a. Ahija chuan khua a hmu thei tawh lo va: a upat avângin a mit a thim tawh si a.
14:5 Tin, LALPAN Ahija hnênah, "Ngai teh, Jeroboama nupui a fapa chungchanga rawn tûr chein a lo kal e; a dam lo a ni a: hetiang hian lo hrilh ang che: heti hi ani ang a, a lo luh hunah chuan hmeichhe dang ni awm takin a rawn insiam dawn a ni, " a ti a.
14:6 Tin, heti hi a ni a, Ajijan chutia kawngkaa a lo luh laia a ke rah ri a han hriat veleh chuan, "Nang, Jeroboama nupui, lo lut rawh khai; eng tiziaa mi danga insiam nge i nih? Chanchin tha lo tak hrilh tûr chea tirh ka ni asin.
14:7 Kal leh ta la, Jeroboama hnênah, 'LALPA, Israelte Pathianin heti hian a ti, Mipuite zing ata hi ka chawisâng chia, ka mi Israelte chungah hian hotuah ka siam chia,
14:8 Davida chhûngte ram ka chhuhsak a, chu chu ka pe chia: nimahsela nang zawng ka chhiahhlawh Davida angin i awm ve lo va, ani zawngin ka thupêkte a pawm a, ka mithmuha thil tha chauh tih tumin a thinlung zawng zawngin mi zui thin a;
14:9 nang erawh chuan i hmaa mite zawng zawng aiin thil i tisual nasa bik a, mi tihthinrim nan pathian dangte leh milem chhunte i siam a, mi hnuchhawnsan ta a:
14:10 chuvangin, ngai teh, Jeroboama chhûngkaw chungah hian thil tha lo ka rawn thlentir ang a, Jeroboama atang hian mipa fa tawh phawt chu Israel rama mi khuahkhirh leh khirh loh pawh ka tiboral ang a, miin ek a phait fai hliau ang mai hian Jeroboama chhûngkua hi a mang vek hma loh chuan ka phiat bo hlauh dawn a ni.
14:11 Jeroboama chhûngkaw zinga mi, khawpuai thi apiangte chu uiin an ei ang a; tin, rama thi apiangte chu chungleng savaten an ei ang: chu chu LALPAN a sawi tawh a ni, ti ang che.'
14:12 Chutichuan tho la, i in lamah haw leh mai tawh: khawpui chhûng i rah veleh naupang chu a hti dawn a ni.
14:13 Tichuan Israel-ho zawng zawngin an sun ang a, an vui ang; Jeroboama chhûngkaw zingah chuan amah chuah chu thlana dah tûr a ni dawn si a: Jeroboama chhûngkaw zingah hian amah chauhvah hian LALPA Israelte Pathian chunga thtna eng emaw a lan avângin.
14:14 Tin, LALPAN tun la laa Jeroboama chhûngkua rawn tiboraltu tûr Israelte chunga lal a insiam ang; tunah pawh hian engtin nge ni ta ang le?
14:15 LALPA chuan tuia rairuang nghing nging ang maiin Israelte chu a rawn vaw nghing ang a; tichuan LALPA thin tirima an Aser-te chu a siam avângin an pute a lo pêk tawh, he ram tha tak ata hi Israel-hotek chu a la pawt chhuak fai vek ang a, Lui piah lamah chuan a la tidarh vek ang.
14:16 Tin, Israel-hote htil tihsualtira a tih Jeroboama sualnate avângin Israel-hote chu a hawisan ang," a ti a.
14:17 Tin, Jeroboama nupui chu a tho va, a chhuak ta a, Tirza khua chu a va thleng a: tin, in kawngka bul a va thlen veleh chuan naupang chu a thi ta a.
14:18 Tin, LALPAN a chhiahhlawh zâwlnei Ahija hmanga thu a lo sawi tawh ang ngei khan Israel-ho zawng zawngte chuan an vui a, an sûn ta a.
14:19 Jeroboama chanchin dang-a ral bei thu te, a rorêl thu te chu - ngai teh, Israel lalte lal lai thu ziakna buah chuan a chuang a.
14:20 Tichuan Jeroboama rorêl chhûng chu kum 22 a ni: tin, a pute hnênah a muhil a, a fapa Nadaba chu a aiawhin a lal ta a.
14:21 Tin, Solomona fapa Rehoboama chu Judai ramah a lal a. A lal tantirh lai chuan Rehoboama chu kum sâwmli leh kum khat mi ani a, LALPAN a hming awmtir nana Israel hnam zawng zawngte zinga a thlan khawpui Jerusalemah chuan kum 17 a lal a: a nu hming chu Naami, Amon mi a ni.
14:22 Juda-ho chuan LALPA mithmuhin thil sual an ti a; an pute thiltih zawng zawng khûma an sualnate chuan a thikthu a chawhthawhsak a.
14:23 Tlâng sâng tinah leh thing hring tin, hnuaiah hian lungphunte phunin hmun sângte leh Aser-te lam hi an siam bawk si a;
14:24 Tin, chu ramah chuan mipa inzuar te pawh an awm a: Israel thlahte hmaa LALPAN a hnawhchhuah tak hnamte thiltih tenawm tinreng ang chu an ti ve a.
14:25 Tin, lal Rehoboama lal kum nga kum chuan heti hi a ni a, Aigupta lal Sisakan Jerusalem khua chu a han bei a:
14:26 LALPA ina rote leh lal ina rote chu a la a, a vai chuan a la ta vek a: tin, Solomona rangkachak phaw siam zawng awngte chu ala tel vek a.
14:27 Tin, lal Rehoboama chuan chung aiah chuan lal Rehoboama chuan chung aiah chuan dar phawte a siam a, lal in kawngka vengtu hotute a kawltir a.
14:28 Tin, heti hi ani a, lal chu LALPA ina a luh apiangin vengtute chuan an keng a, tin, vengtute pindanah an dah leh zel thin a.
14:29 Rehoboama chanchin dangte leh a thiltih zawng zawngte chu Juda lalte lal lai thu ziakna buah chuana chuang a ni lâwm ni?
14:30 Rehoboama leh Jeroboama chu indo rêng rêngin an awm thin a.
14:31 Tin, Rehoboama chu a pute hnênah chuan a muhil a, Davida khawpuiah a pute zingah chuan an phûm ta a: a nu hming chu Naami, Amon mi a ni. Tin, a fapa Abijama chu a aiawhin a lal ta a.
15:1 Nebata fapa lal Jeroboama kum sâwm leh kum riat a lal kum chuan Juda hote chungah Abijama chu a lal tan a.
15:2 Jerusalem khuaah kum thum a lal a: a nu hming chu Kaaki, Abisaloma fanu a ni.
15:3 A hmaa a pain thil sual a tih zawng zawngte kha a ti ve a: a pu Davida thinlung angin a thinlung chu LALPA a Pathian lamah a tha famkim ve lo va.
15:4 Nimahsela Davida avângin LALPA a Pathianin a hnua a fapa la tundinna tûr leh Jerusalem khua din nghet tûrin Jerusalem khuaah chuan khawnvar a neihtir a;
15:5 Hit mi Uria chungchang tih lovah chuan Davidan LALPA mithmuha thil tha a tih thin avâng leh a dam chhûng zawnga ti tûra thu a pêk tawh phawt chu a hnial ngai hauh loh avnaign.
15:6 Rehoboama nen an indo reng thin a.
15:7 Abijama chanchin dangte leh a thiltih zawng zawngte chu Juda lalte lal lai thu ziakna buah chuan a chuang a ni lâwm ni? Tin, Abijama leh Jeroboama chu an indo thin a.
15:8 Tin, Abijama chu apute hnênah chuan a muhil a; tichuan Davida khawpuiah an phûm ta a: tin, a aiawhin a fapa Asa chu a lal ta a.
15:9 Israel lal Jeroboama kum sâwmhnih a lal kum chuan Asa chu Juda-hote chungah a lal tan a.
15:10 Tin, kum sâwmli leh kum khat Jerusalem-aha lal a: a nu hming chu Maaki, Abisaloma fanu a ni.
15:11 Tin, Asa chuan apu Davida ang bawkin LALPA mithmuha thil tha a ti thin a.
15:12 Tin, mipa inzuarhote chu a ram ata a hnawt chhuak a, a putena milem an lo siam zawng zawngte chu a thehthang bo vek a.
15:13 Tin, a nu Maaki pawh chu, milem tenawm tak tak Aseri a siamsak avângin, a lalnu nih a ban a; tin, Asa chuan a milem siam chu a sat thlu a, Kidron luiah a hal a.
15:14 Hmun sângte erawh chu a thehthang bo lo va: nimahsela Asa thinlung chu a dam chhûng zawng LALPA lamah a tha famkim a ni.
15:15 Tin, a pain thil alo hlan sa tawhte leh, amah ngeiin a lo hlan tawh, tangkarua te, rangkachak te, bungbêlte chu LALPA inah a la lût a.
15:16 Tin, Asa leh Israel leh Baasa chu an lal chhûng zawng an indo reng thin a.
15:17 Tin, Israel lal Baasa chuan Juda-ho a han bei a, Juda lal Asa hnêna lût tûr leh chhuak tûr dan nan Rama khua a siam a.
15:18 Chutichuan Asan LALPA in leh lal ina ro la awm, tangkarua leh rangkachak zawng zawngte chu a la a, a chhiahhlawhte a pe a; tin, lal Asa chuan Damasaka khuaa awm Suria lal Heziona fa tabrimona fapa Benhadada hnênah chuan,
15:19 "Kei leh nanga karah leh ka pa leh i pa karah thuthlung a awm a: ngai teh, lawmman atân tangkarua leh rangkachak ka han thawn a che; ti teh, Israel lal Baasa hian mi tinsanna tûrin a hnêna i thuthlun kha that teh mai," tiin a thawn a.
15:20 Tin, Benhadada chuan lal Asa thu chu a lo pawm a, tichuan Israel khuate chu bei tûrin sipai hotute a tir a, Ijon khua te, Dan khua te, Abel-bethmaaka khua te, Kineroth bial zawng zawng, Naphtali ram zawng zawngte nen a bei a.
15:21 Tin, heti hi ani a, Baasan chu mi thu chu a lo hriat veleh Rama khaw siam chu a bang a, Tirza khuaah a awm ta a.
15:22 Chutichuan lal Asa chuan Judai ram zawng zawngah thu a than vêl ta a; tumah awl rêng rêng an awm lo: tichuan Baasan Rama khaw siam nana lung leh thing a hmante chu an thiar a; tin, chung hmang chuan lal Asan Mizpe khua leh Banjamin rama Geba khua a siam a.
15:23 Asa chanchin dang zawng zawng te, a thiltih zawng zawng te, a khaw siamte chu Juda lalte lal lai thu ziakna buah chuan a chuang a ni lâwm ni? Amaherawhchu a tar lamah a keah hri eng emaw alo vei ta a.
15:24 Tin, Asa chu a pute hnênah a muhil a, a pu Davida khawpuiah a pute zingah an phûm ta a; tin, a fapa Jehosaphata chu a aiawhin a lal ta a.
15:25 Tin, Jeroboama fapa Nadaba chu Juda lal Asa lal kum hnihnaah chuan Israel- hote chungah a lal tan a, Israel hote chungah kum hnih a lal tan a, Israel hote chungah kum hnih a lal a.
15:26 LALPA mithmuhin thil tha lo tak a ti thin a, a pa kawng zawh chu a zawh ve a, Israel-hote thil tihsualtira a tih sualna kha a ti ve a.t
15:27 Tin, Isakara chhûngte zinga mi Ahija fapa Baasan amah a phiar ru a, Philistia-ho chan, Gibbethon khuaah Baasa chuan a that ta a; Nadaba leh Israel-hoz awng zawngte chuan Gibbethon khua chu an hual lai a ni.
15:28 Juda lal Asa lal kum thumnaah a ni, Baasa chuan a thah a, a aiawha a lal ni.
15:29 Tin, heti hi a ni a, lal anih veleh chuan a tihchimih hma loh chuan Jeroboama chhûngte zawng zawng chu a that a; nung tawh phawt chu pakhat mah Jeroboama chu a zuahsak lo; LALPAN Silo khuaa mi a chhiahhlawh Ahija hmanga a lo sawi tawh ang khan:
15:30 chu chu Israel hote htil tihsualtira a tih, Jeroboama sualnate avâng leh LALPA, Israelte Pathian chu a tihthinrim avâng a ni.
15:31 Nadaba chanchin dangte leh a thiltih zawng zawngte chu Israel lalte lal lai thu ziakna buah a chuang a ni lâwm ni?
15:32 Tin, Asa leh Israel lal Baasa chu an lal chhûng zawng an indo reng thin a.
15:33 Juda lal Asa lal kum thumnaah chuan Ahija fapa Baasa chu Tirza khuaan Israel-ho zawng zawng chungah a lal tan a, kum sâwmhnih leh kum li a lal a.
15:34 LALPA mithmuhin thil tha lo tak a ti thin a, Jeroboama kawng zawh chu a zawh ve a, Israel-hote thil tihsualtira a tih sualna kha a ti ve a.
16:1 Tin, Baasa chungchâng thuah Hanania fapa Jehua hnênah LALPA thu a lo thleng a:
16:2 "Vaivut ata ka chawisâng chia, ka mi Israelte chunga hian hotuah 'ka siam chia; tin, nangin Jeroboama kawng zawh chu i zawh ve a, an sualnatea mi tihthinrim nân ka mi Israelte thil i tihsualtir a;
16:3 ngai teh; Baasa leh a chungte hi ka tibo hlauh dâwn a ni; tichuan Bebata fapa Jeroboama chhûngte ang maiin i chhûngte hi siam ang.
16:4 Baasa chhûngkaw zinga mi khawpuia thi apiangte chu chungleng savaten an ei ang," tiin.
16:5 Baasa chanchin dangte, a thiltih te, a thiltih theihziate chu Israel lalte lal lait hu ziakna buah a chuang a ni lâwm ni?
16:6 Tin, Baasa chu a pute hnênah chuan a muhil a, Tirza khuaah an phûm ta a; tin, a fapa Ela chu a aiawhin a lal ta a.
16:7 Tin, Baasa leh a chhûngte chungchahng thuah chuan a kutchuaka LALPA tihthinrim nana Jeroboama chungte anna neia LALPA mithmuha thil tha lo tak a tih avâng leh amah chu a thah avângin Hanania fapa zâwlnei Jehua hmanga a sawi LALPA thu chu a lo thleng a.
16:8 Juda lal Asa lal kum sâwmhnih leh kum ruknaah chuan baasa fapa Ela chu tirza khuaan Israel-ho chungah a lal tan a, kum hnih a lal a.
16:9 Tin, a puipa Zimria, a tawlailir zatve chunga hotuin a phiar ru a: chutih lai chuan Tirza khuaah, tirza khuaa a in chhûng lam hotu Arza inah a lo inin rui a:
16:10 Tin, Juda lal Asa lal kum sâwmhnih leh kum sarih kumah chuan Zimria chu a va lût a, a bei a, a that a, a aiawhin a lal ta a.
16:11 Tin, heti hi a ni a, a han lal tan a, a lalthutthlenga a han thut veleh chuan, Baasa chungte zawng zawng chu a that vek a: a laichinte leh a thiante zinga mi mipa fa tawh pawht chu pakhat mah a zuah lo.
16:12 ,13 Chutiang chuan LALPA, Israelte Pathian chu an lawilohnaa tihthinrim nana Israelhote thil tihsualtira an tih, Baasa sualna zawng zawng leh a fapa Ela sualnate avânga LALPAN zâwlnei Jehua hmanga Baasa chungchâng thua a lo sawi tawh ang khan, Zimria chuan Baasa chungte zawng zawng chu a tiboral vek a ni.
16:13 ,12 Chutiang chuan LALPA, Israelte Pathian chu an lawilohnaa tihthinrim nana Israelhote thil tihsualtira an tih, Baasa sualna zawng zawng leh a fapa Ela sualnate avânga LALPAN zâwlnei Jehua hmanga Baasa chungchâng thua a lo sawi tawh ang khan, Zimria chuan Baasa chungte zawng zawng chu a tiboral vek a ni.
16:14 Ela chanchin dangte leh a thiltih zawng zawngte chu Israel lalte lal lai thu ziakna bulah a chuang ani lâwm ni?
16:15 Juda lal Asa lal kum sâwmhnih leh kum sarihnaah chuan, Zimria tirza khuaa ni sarih a lal a. Philistia-ho chan khuaah ni sarih a lal a. Philistia-ho chan Gibbethon khua chu, mite chuan an hual a ni.
16:16 Tin, a hualtute chuan Zimrian a phiar ru a, lal a that ta tih an sawi an lo hria a; chutichuan Israel-ho zawng zawng chuan sipai hotu Omria chu, chumi ni chuan an riah hmunah Israelte chunga lalah an siam ta a.
16:17 Tin, Omria chu Israel-ho zawng zawngte nen gibbethon khua atang chuan an han chho va, tirza khua an han hual ta a.
16:18 Tin, heti hi a ni a, Zimrian khua chu an la tih a hriat chuan, lal ina kulhah a tlan lût a, lal inah chuan a inhâlkhum a, a thi ta a,
16:19 LALPA mithmua thil tha lo tak tia a sualnate avâng leh Jeroboama kawng zawhc hu zawh vea Israel-hote thiltihsualtira a sualna avângin.
16:20 Zimria chanchin dangte leh, a phiarrukna thute chu Israel lalte lal lai thuziakna buah a chuang a ni lâwm ni?
16:21 Chutichuan Israel mipuite chu pawl hnihah an lo inthen ta a: mipi zatve chuan Ginatha fapa Tibnia chu lala siam tumin an zui a; tin, a zatvein Omria an zui a.
16:22 Nimahsela Omria zuitute chuan Ginatha fapa Tibnia zuitute chu an hneh ta a: tichuan tibnia chu a thi a, Omria chu a lal ta a.
16:23 Juda lal Asa lal kum sâwmthum le kum khatnaa Omria chu Israelte chungah a lal ta a, kum sâwm leh kum hnih a lal a: Tirza khuaah kum ruk a lal a.
16:24 Tin, Semera ta Samari tlâng chu tangka talent hnihin a lei a; tin, tlângah chuan khu a siam a, a khaw siam hmingah chuan chu mi tlâng neitu Semera hming chawin Samari aputtir a.
16:25 Omria chuan LALPA mithmuhin thil tha lo tak a ti thin a, a hmaa mite zawng zawng aiin thil a tisual nasa bik a,
16:26 Nebata fapa Jeroboama dan zawng zawng ka a la a, an lawilohna avânga Israel-hote thil a tihsualtirna ang khan a sual ve si a.
16:27 Omria thiltih chanchin dangte leh a thiltihtheihzia a tilan thute chu Israel lal lai thu ziakna buah a chuang a ni lâwm ni?
16:28 Chutichuan Omria chu apute hnênah chuan amu hil a, Samari khuaah an phûm ta a: tin, a fapa Ahaba chu a aiawhin a lal a.
16:29 Juda lal Asa lal kum sâwmthum le kum riatnaa Omria fapa Aaba chu Israelte chungah a lal tan a: tin, Omria fapa Ahaba chu Samari khuaan kum sâwmhnih leh kum hnih Israelte chungah a lal a.
16:30 Tin, Omria fapa Ahaba chuan a hmaa mite zawng zawng aiin LALPA mithmuin thil tha lo tak a ti thin a.
16:31 Tin, heti hi a ni a, Nebata fapa Jeroboama sualna ang tih vete chu engma lova ngai ni awm takin, Zidon-ho lal ethbaala fanu Jezebeli nupuiah a nei a, Baala rawngte bawlsanin a be ve ta mai a,
16:32 Tin, Samari khuaa Baala in a sakah chuan Baala tan mâicham a siam a.
16:33 Tin, Ahaba chuan Aseri a siam a; a hmaa Israel lalte zawng zawng aiin Ahaba chuan LALPA, Israelte Pathian tihthinrimna thil a ti nasa bik a ni.
16:34 A lal lai chuan Bethel mi Heilan Jeriko khua a siam a: a fatir Abirama chanin a lungphûm chua phûm a; tin, a fa tlum Seguba chanin a kulh kawngkhârte chu a din a, lalpan Nuna fapa Josua hmanga a lo sawi tawh ang khan.
17:1 Tisbe khua, gilead rama Tisbe khuaa mi Elijan Ahaba hnêna chuan, "LALPA, a bula ka awm thinna Israelte Pathian nunna chalin ka sawi e: kum eng emaw i chung chu ka thu lo chuan dai leh ruah rêng rêng a tla lo vang," a ti a.
17:2 Tin, LALPA thu chu a hnênah a lo thleng a,
17:3 "Heta ta hi chhuak la, khawchhak lam panin kal la, Jordan bula awm Kerith luiah han biru rawh
17:4 Tin, heti hi a ni ang a; chuta a chawm tûr che in choâkte thu ka pe tawh e," tiin.
17:5 Chutichuan a kal a, LALPA thu ang chuan a ti ta a: Jordan bula awm Kerith luiah chuan a han awm ta a.
17:6 Tin, choâkten zing lamah chhang leh sa an rawn putsak thin a, tlai lamah chhang leh sa an rawn putsak leh thin a; tin, lui tui chu a tlan a.
17:7 Tin, nakin deuhvah chuan heti hi a ni a, hung ramah chuan ruah rêng rêng a sur loh avângin lui chu a lo kang chat ta a.
17:8 Tin, LALPA thu a hnênah a lo thleng a,
17:9 "Tho la, Zidon rama Zarephath khuaah kal la, chuta chuan awm rawh: ngai teh, a chawm tûr chein hmeithai pakhat thu ka pe tawh e," tiin.
17:10 chutichuan a tho va, Zarephath khuaah chuan a kal ta a; tin, chu mi khaw kulh kawngka chu a va thlen chuan, ngai teh, hmeithai pakhat thing fawm hi a lo awm a; tin, ani chu a han au va, "Belin ti tlemte mi han lak teh khai, ka lo in ang e," a han ti a.
17:11 Tin, la tûra a kal chu a han au va, "Chhang tlemte paw mi han ken te ang che," a ti a.
17:12 Tin, a ni chuan, "LALPA i Pathian nunna chhalin ka sawi e, chhang zawng ka nei lo va, belah chhangphut vei khat lek leh, umah sahriak tlemte chauh ka nei a; tin, ngai teh, ka hawna ka tan leh ka fapa atâna siamna tûrin thingtang pahnih emaw lek ka fawm a ni a, tichuan ka ei ang a, kan ti mai ang," a ti a.
17:13 Tin, Elijan a hnênah, "Hlau suh; i sawi ang chuan va ti ta che: amaherawhchu chu mi chuan chhang te tak te mi han siam phawt la, chu chu mi rawn lak la, chu mi zawhah chuan i tan leh i fapa atân i la siam dâwn nia.
17:14 LALPA, Israelte Pathianin heti hia a ti a ni, 'LALPAN lei chungah hian ruah a rawn surtir hma loh chuan chhangphut bel chu a ruang chuang lo ang a, sahriak um pawh a kang lo vang,' tiin," a ti a.
17:15 Tichuan Elija sawi ang chuan a va t a: tin, amah le a chhûngte leh Elija nen chuan ni engzat emaw lai an ei a.
17:16 Elija hmanga a sawi LALPA thu ang khan chhangphut bel chu a ruak chuang lova, sahriak um pawh a kang hek lo.
17:17 Tin, chung thil hnua chuan heti hi a ni a, in neitunu, hmeiche fapa chu a lo dam lo ta a; a na chu a na hle mai a, a thaw a tawp ta a.
17:18 Tin, ani chuan Elija hnênah, "Aw nang Pathian mi, nang leh kei hi engnge mawi kan ni? Kan sualna hriatchhuahtir tûr leh ka fapa mi thahsak tûra lo kal i ni hi le!" a ti a.
17:19 Tin, ani chuan a hnênah, "I fapa chu mi han pe teh," a ti a. Tichuan a pawm lai chu a laksak a, a awmna pindanah chuan a pawm cho va, ama khumah a muttir a.
17:20 Tin, LALPA a au va, "Aw LALPA ka Pathian, ka chenna hmeithainu chungah pawhhian a fapa tihlumsakin thil tha lo i rawn thlentir ta em ni le?" a ti a.
17:21 Tichuan naupang chungah chuan vawi thum a bawk a, LALPA chu a au va, "Aw LALPA ka Pathian, khawngaih takin he naupang nunna hi amahah hian han awmtir leh ang che," a ti a.
17:22 Tin, LALPAN Elija thu chu a lo ngaihthlâksak a; tichuan naupang nunna chu amahah chuan a lo awm leh a, a lo harh leh ta a.
17:23 Tin, Elija chuan naupang chu a hruai a, pindan ata chu in chhûngah a chhukpui a, a nu a pe ta a: tin, Elijan, "En teh, i fapa hi a dam leh ta e," a ti a.
17:24 Tin, hmeichhia chuan Elija hnênah, "Tunah zet chuan Pathian mi i ni a, i kaa LALPA thu hi thutak a ni tih ka lo hre ta," a ti a.
18:1 Tin, ni rei fe hnua chuan heti hi a ni a, a kum thum kumaha chuan LALPA thu Elija hnênah a lo thleng a, "Va kal la, Ahaba hnêna va inlan rawh; tichuan lei chungah hian ruah ka rawn surtir dâwn e," tiin.
18:2 Tin, Elija chu Ahaba hnênah inlan tûr chuan a kal ta a. Samari ramah chuan tam chu a nasa hle mai a.
18:3 Tin, Ahaban Obadia, a in chung lam hotu chu a ko va. Obadia chu LALPA tih mi tak a ni a;
18:4 heti hi a ni a, Jezebelin LALPA zâwlneite a rawt chiam lai khan Obadia chuan zâwlnei za a hruai a, pukah sawmnga telin a thukru a,c hhang leh tuiin a chawm thin a ni)
18:5 Tin, Abahan Obadia hnênah, "Tuihna zawng zawng leh luikawr zawng zawng awmna lam ram va fang teh khai; sakawr leh sabengtungte hi kan chhandam theihna tûrin hlobette kan hmuhsak thei mahna, chutilochuan rante hi kan chan vek da ang e," a ti a.
18:6 Chutichuan ram fan chauh tûr an insem a: Ahaba chu amahin kawng danga a kal a, tin, Obadia chu amahin kawng dangah a kal a.
18:7 Tin, chutia Obadia a kal lai chuan, ngai teh, Elija nen an intawk a: tin, ai chuan a la hria a, tichuan a bawkkhup a, "Nang i ni maw, ka pu Elija?" a ti a.
18:8 Tin, ani chuan a chhâng a, "Ni e, kal ta la, Nai teh, Elija sawtah sawn a awm e,' tiin a pu va hrilh rawh,"
18:9 Tin, ani chuan, "Thil eng nge ka tihsual a, i chhiahhlawhhi thah tûra Ahaba kuta pek i duh mai le?
18:10 LALPA i Pathian nunna chhalin ka sawi e, ka puin nangmah zawntir lohna hnam leh ram rêng rêng a nei lo asin: 'Hetah a awm lo ve,' an tih chuan an hmu loh che thu-ah ram leh hnam chu chhia a chhamtir zel mai a ni a.
18:11 Tunah hian nangin, 'Kal ta la, ngai teh, Elija sawtah sawn a awm e, tiin i pu va hrilh rawh,' i ti mai a.
18:12 Heti hi a ni ang a, ka kalsan veleh che hian LALPA thlarauvin ka hriat lohnaah a la bo si ang chia; tichuan Ahaba ka va hrilh a, a rawn hmuh theih si loh che chuan mi that mai ang asin: nimahsela i chhiahhlawh hian ka tleirawl tirh ata LALPA chu ka tih thin si a.
18:13 Jezeblein LALPA zâwlneite a rawt chiam laia ka thiltih, LALPA zâwlneite zinga mi 150 tela puka ka thuhruka, chhang leh tuia ka chawmziate kha ka pu hi an hrilh lo che em ni?
18:14 Tunah hian nangin, 'Kal ta la, ngai teh, Elija chu sawta sawn a awm e, tiin i pu va hrilh rawh,' i ti mai a: mi that ngei ang le," a ti a.
18:15 Tin, Elija chuan, "A bula ka awm thinna sipaihote LALPA nunna chhalin ka sawi e, vawiinah hian ahnêna ka inlan ngei ngei dâwn a ni," a ti a.
18:16 Chutichuan Obadia chu Ahaba be tûrin a kal a, a va hrilh ta a: tin, Ahaba chu Elija hmuh tumin a kal ta a.
18:17 Tin, heti hi a ni a, Ahaban Elija a va hmuh chuan Ahaban a hnênah, "Nang i ni maw, Israel-ho timangangtupa?" a ti a.
18:18 Tin, ani chuan a chhâng a, "Israel-ho ka timangang lo ve; nang leh i pa chungten alawm timangang zâwk ni, LALPA thupêkte hi hawisan a, Baala-te i pawm zâwkah hian.
18:19 Chutichuan tunah hian Israel-ho zawng awng leh Baala zâwlnei zali leh sawmnga leh, Aseri zâwlnei, Jezebeli dawhkana chawhlui kil ve thin zali-te kha ka hnênah Karmel tlângah hian va koh khawmtir rawh," a ti a.
18:20 Chutichuan Ahaban Israel thlahteho zawng zawng hnênah mi a tir a, zâwlneihote chu Karmel tlânga chuan a ko khâwm a.
18:21 Tin, Elija chuan mipuiho zawng awng ch a va hnaih a, "Tuilairapin eng chen nge in awm dâwn? LALPA chu Pathian a ni chuan, amah chu zui ula; tin, Baala a ni leh, ama chu zui rawh u," a ti a. Mipuite chuan kam khat mahin an chhang lo va.
18:22 Tichuan Elijan mipuite hnênah chuan, "LALPA zâwlnei la awm chu keimah chauh hi ka ni a; Baala zâwlneite eaw chu mi 450 an ni a.
18:23 Chutichuan bâwngpa pahnih min han pe sela; annin bâwngpa pakhat chu an puala thlang sela, chan sawm sela, thing chungah chuan dah sela, a hnuaiah mei chhem lovin: tin, keiin bawng pakhat chu ka buatsaih ve ang a, thing chunga chuan ka dah ang a, mei ka chem bik lo vang e.
18:24 Tin, nangnin in pathian hming chu lam ula, kei pawhin LALPA hming ka lam ang a: tichuan meia rawn chhângtu Pathian apiang chu Pathian ni raw se," a ti a. Tin, mi zawng zawng chuan an chhang a, "A dik alawm," an ti a.
18:25 Tichuan Elijan Baala zâwlneite hnêna chuan, "Nangnin bâwngpa pakhat hi in pualah thlang ula, buatsaih hmasa rawh u; nangni zawng in tam deu hi; tin, in pathian hming chu lam ula, amaherawhchu a hnuaiah mei chem su u," a ti a.
18:26 Tin, bâwngpa an pual chu an la a, an buatsaih a, "Aw Baala, min han chang rawh khai," tiin zing atangin chhun thlengin Baala hming chu an lam a> nimahsela aw riva rêng rêng chu a awm lo va, changtu rêng rêng lah an awm hek lo. Tin, an mâicham siam vêlah chuan an zuang a zuang mai a.
18:27 Tin, chhhun lai takah chuan heti hi a ni a, Elija chuan anmahni chu tielin, "Au ring che u le: pathian ani si a; a inngaihtuah rih emaw, a bibo rih lawk emaw, a thang bo rih emaw emaw, a nih loh leh a muhil hlauhva, tihharh tûr emaw ani ang e," a ti a.
18:28 Tin, ring takin an au va, an tih thin danin chemte leh feitein thi chuak zawih zawih khawpin an inzaiin an invit a.
18:29 Tin, ni a lo thlengher chuan heti hi a ni a, tlai lam inthawi hun thlengin an sawi dual dual mai a; nimahsela aw riva rêng rêng a awm lo va, changtu tûr rêng rêng emaw an awm bawk hek lo.
18:30 Tichuan Elijan mipuiho zawng zawng hnênah chuan, "Min rawn hnaih teh u khai, " a ti a; tin, mipuiho zawng zawng huan an va hnaih a. Tin, LALPA mâicham tihchim taw chu a siam tha a.
18:31 Tin, "I hming chu Israela a ni ang," tia LALPA thu lo dawngtu Jakoba fate hnam zat lung sawm le pahnih Elijan a la a.
18:32 Tin, lungte chuan LALPA hmingin maichâma a siam a; tin, mâicham vêl chu buh chi tehkhawng hnih leng zetin a lai khuar a.
18:33 Tin, thing chu a han chep fel a, bâwngpa chu a chan sawm a, thing chungah chuan a dah a. Tin, "Bel pali tuiin tikhat ula, hâlral thillan leh thing hi han leih rawh u," a ti a.
18:34 Tin, "Han leih rawh u," a ti a; an han leih leh a. Tin, "Han leih nawn leh rawh u," a ti a; an han leih nawn leh a.
18:35 Tin, tui chu mâicham vêlah chuan a luang ta dul dul a; tin, laih khuar chu tuiin a tikhat bawk a.
18:36 Tin, tlai lam inthawi hun lai chuan eti hi a ni a, zâwlnei Elija chuan a va pan hnai a, "Aw LALPA, Abrahama te, Isaaka te, Israela te Pathian, nang hi Israel rama Pathian i ni leh, kei hi i chhiahhlawh ka nih a, heng zawng zawng hi nangma thua ti ka nih vawiinah hian hre hlawm rawh se.
18:37 Mi lo ngaihthlâksak la, heng mipuite hian nang LALPA hi Pathian i ni a, an thinlungte i lamlettir leh ta a ni tih hi an lo hriat theih nân aw LALPA, mi lo ngaithlaksak ang che," a ti a.
18:38 Tichuan LALPA mei chu a lo tla a, hâlral thilhlan te, thing te, lung te, vaivute chu a kangral a, laih khuara tui chu a hip kang ta vek a.
18:39 Tin, mipuiho zawng zawngin chu chu an han hmu chuan an bawkkhup a, "LALPA hi a lo ni. Pathian chu, LALPA hi a lo ni, Pathian chu," an ti a.
18:40 Tin, Elijan an hnênah, "Baala zâwlneite hi man ula, pakhat mah chhuah suh u," a ti a. Tin, an man a, Elijan Kison luiah a hruai thla a, chutah chuan a that hlawm a.
18:41 Tichuan Elijan Ahaba hnênah, "Han cho ta langin, eiin han in tawh rawh; ruahpui sur tûr thâwm a awm a nia," a ti a.
18:42 chutichuan Ahaba chu ei leh in tûrin a han cho ta a. Tin, Elija chu Karmel tlâng chhip lamah a han chho va; tin, lei lama a kun a, a kapkara a hmai a rawlh a.
18:43 Tin, a chiahhlawh hnênah, "Han chho ta la, tuifinriat lam han thlir teh khai, a ti a. Tin, a han chho va, a han thlir a; "Engmah a awm lo," a ti a. Tin, ani chuan, "Kal leh rawh, vawi sarihin, " a ti a.
18:44 Tin, a vawisarihnaa chuan, heti hi a ni a, "Ngai teh, tuifinriat atangin mihring kut tiak lek chhum a ho nel nel e," a ti a. Tin, ani chuan, Han kal ta la, Ahaba hnênah, 'I tawlailir bautsaih la, chhuk tawh rawh, ruahin a dang dah ang che,' ti ang che," a ti a.
18:45 Tin, rei lo teah chuan heti hi a ni a, vân chu thli leh chhumin alo duk ta kuih mai a. ruahpui vanawn a lo sur ta a. Tin, Ahaba chu tawlailira chuangin Jezreel khuaah a kal ta a.
18:46 Tin, LALPA kut chu Elija chunga a awm a; tichuan puan a veng a, Ahaba hmaah chuan Jezreel khaw luhna thlengin a tlan ta a.
19:1 Tin, Ahaban Elija thiltih zawng zawng, khandaiha zâwlnei zawng zawng a thah thute nen Jezebeli a hrilh a.
19:2 Tichuan Jezebeli chuan Elija hnênah, "Kha mite zinga mi pakhat nunna ang khan naktuk hetih hun hmaa i nunn ka siam sak ve loh che huan pathianten an ti tihin mi ti mai sela, chu aia nasa pawhin," tin, mi a tir a.
19:3 Tichuan a hlau va, a tho va, a tlanche ta a, Judai rama Beer-seba khua a va thleng a, chutah chuan a chhiahlawh a hnutchhiah a.
19:4 Ani erawh chu thlalera ni khat bana a kal a, Juniper thing hnuaiah hian a thu a; tin, thih a dil ta a, "A tawk ta e; aw LALPA, tunah hian ka nunn hi la mai teh, ka pute aiin ka tha chuang bik si lo va," a ti a.
19:5 Tichuan Juniper thing hnuaiah chuan a mu a, a muhil ta a; tin, ngai te, vântirhkoh hian a rawn khawih a, a hnênah, "Tho la, ei rawh," a ti a.
19:6 Tin, a han en vêl a, ngai teh, a lu bulah chuan chhangper lung saa hem hmin diam leh tuithawl hi a lo awm a. Tichuan a ei a, a in a, a mu leh ta a.
19:7 Tin, LALPA vântirhkoh chu a lo kal nawn leh a, a rawn khawih a, "Tho la, ei rawh, i kalna tûr i chelh lo vang e," a tia.
19:8 Tin, a tho va, a eiin a in a, tichuan chu chaw avâng chuan Pathian tlâng Horeb thlengin ni sawmli leh zan sawmli a kal a.
19:9 Tin, chuta pûk pakhat chu a va thleng a, chutah chuan a awm ta a; tin, ngai teh, LALPA thu a hnênah a lo thleng a, ahnênah, "Heta hian eng nge i tih, Elija?" a ti a.
19:10 Ani chuan, "LALPA sipaihote Pathian tan hian thahnem ka ngai êm êm thin a, Israel thlahte lah chuan i thuthlung an hawisan a, i maichâmte an tichim a, i zâwlneite khandaihin an sathlum si a; a la awm chu keimah chauh hi ka ni a,ka nunn mi laksak an tum a ni," a ti a.
19:11 Tin, ani chuan, "Va chhuak la, tlângah sawn LALPA hmaah va ding rawh," a ti a. Tin, ngai teh, LALPA a lo kal a, thlipui na takin tlangte chu LALPA hmaan chuan a rawn chem khi a, lungpuite ch a phel rem rum a; nimahsela thli-ah chuan LALPA ch a awm lo: tin thli tleh zawng chuan lir a lo nghing a; nimahsela lirnghinga chuan lalpa chu a awm lo.
19:12 Tin, lirnghin zawh chuan mei a lo chuak a; nimahsela meiah chuan LALPA chu a awm lo; tin, mei zawhah chuan aw dam diai hian a lo chhuak a.
19:13 Tin, heti hi a ni a, Elijan chu chu a hriat chuan a puanina hmai a khuh a, a va chuak a, pûk kawngkaah a va ding a. Tin, ngai teh, awin a hnênah, "Heta hian engnge i tih, Elija?" a rawn ti a.
19:14 Tin, ani chuan, "LALPA, sipaihote Pathian tan hian thahnem ka ngai êm êm thin a, Israela thlahte lah i thuthlung an hawisan a, i maichâmte an tichim a, i zâwlneite khandaihin an sathlum si a; a la awm chu keimah chau hi ka ni a, ka nunn mi laksak an tum a ni," a ti a.
19:15 Tin, LALPAN a hnênah, "Haw leh ta langin,thlaler lama Damaska khuaan kal rawh: i va thlen chuan Suria lal atân Hazaela hriak i thih ang a;
19:16 tin, Israel lal atân Nimsia fapa Jehua hriak i thih ang a; tin, i aiawha zâwlnei ni tûrin Abemehola khuaa mi Saphata fapa Elisa hriak i thih bawk ang.
19:17 Tin, heti hi a ni ang a, Hazaela khandaih pumpelh apiang chuan Jehuan a that ang a; tin, Jehua khandaih pumpel apiang chu Elisan a that ang.
19:18 Nimahsela Israel ramah hian Baala hmaa la thingthi ngai lo leh, la fawp ngai lo mi sângsarih ka tan ka hum dâwn a ni," a ti a.
19:19 Chutichuan chuta ta chu a chuak ta a. Saphata fapa Elisa chu a va hmu chhuak a, ani chuan lei a lo let a, a hmaa chuan sebâwng tuak sâwm leh tuak hnih a awm a, a sâwm leh pahnihna chu amahin a lo khalh a; tin, Elija chuan a va pan a, a puan a va bahtir a.
19:20 Tin, sebâwngte chu a kalsan a, Elija chu a um a, "Ka nu leh ka pa ka va fawp rih zet ang e aw, tichuan ka rawn zui ang che," a ti a. Tin, ani chuan a hnênah, "Va haw ta che, eng nge ka tih che kha le?" a ti a.
19:21 Tin, a va zui chu a hawng a, sebâwng tuak khat a khala chu a talh a, a sa chu sebâwng thuamhnawte chuan a chhum a, mite a sem a, an ei ta a. Tichuan a tho va, Elija chu a um a, a rawng a bâwlsak ta a.
20:1 Tin, Suria lal Benhadadan a sipaiho zawng zawnga khâwm vek a: lal sawmthum leh pahnih an tel a, sakawr leh tawlailirte nen a han cho va, Samari khua a han hual a, a ha bei a,
20:2 Israel lal Ahaba hnêna chuan khawpui chhunga mi a tir a, a hnênah, "Benhadadan heti hian a ti,
20:3 I tangka leh i rangkachakte kha ka ta a ni e; i nupuite leh i fate, a tha thate chenin ka ta a ni,' tiin," a ti a.
20:4 Tin, Israel lal chuan a lo chhang a, "Aw lalber, ka pu, i sawi ang chuan a ni alawm; keimah leh ka neih zawng zawng chu i ta a ni e," a ti a.
20:5 Tin, a mi tirhte chu an kal leh a, "Benhadadan heti hian a ti, "I hnênah, i tangka te, i rangkachak te, i nupui te, i fate chu mi pe tûr a ni, tiin mi ka rawn tir tak a;
20:6 nimahsela naktuk hetih hun vela hian ka mite i hnênah ka rawn tir ang a, i in leh i mite in hu an rawn dap dâwn a nia; tin, heti hi a ni ang a, i mit la apiang chu an la ang a, an rawn kalpui vek ang,' tiin," an ti a.
20:7 Tichuan Israel lal chuan a rama upaho zawng zawng chu a ko va, "Lo hre teh u khai, he mi hian thil tha lo tak tih a tumzia hi; ka hnenah mi a rawn tir a, ka nupui te, ka fa te, ka tangka te, ka rangkachakte a rawn ngen a, ka lo hnial pawh a ni si lo," a ti a.
20:8 Tin, upaho zawng zawng leh mipuiho zawng zawng chuan a hnênah, "Lo bengkhawn duh suh, rem pawh ti hek suh," an ti a.
20:9 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
20:10 Tin, Benhadadan a hnêna mi a tir leh a, "Ka hnung zuitute zawng zawng hian Samari khaw vaivut vei khat theuh pawh an hmuh theih dâwn chuan pathianten an ti tihin mi ti sela, chu aia nasa pawhin," a ti a.
20:11 Tin, Israel lal chuan a chhâng a, "Mi a inrâlthuam lai rengin, a inrâlthuamna hlip thla tawh ang rengin an uang ngai lo ve,' tiin va hrilh rawh u khai," a tia .
20:12 Tin, heti hi a ni a, amah leh lalten bukte azuah an lo inho laiin chu mi thu chu Benhadadan a lo hria a, a mite hnênah chuan, "Insiam rawh u khai," a ti a. Tichuan khaw bei tûr chuan an insiam ta a.
20:13 Tin, ngai teh, zâwlnei pakhat hian Israel lal Ahaba a va hnaih a, "LALPAN heti hian a ti: 'Heng mipui tam tak hi i hmu em? Ngai teh, vawiinah hian i kutah ka pe dâwn a ni; tichuan kei hi LALPA chu ka ni ti i hria ang,' tiin," a ti a.
20:14 Tin, Ahaban, "Tu hmangin maw?" a ti a. Tin, ani chuan, "LALPAN heti hian a ti, 'Ram thentea hotute tlangvâlho hmang hian,' tiin," a ti a. Tichuan ani chuan, "Tuinnge râl rêl ang," a ti a. Tin, ani chuan a chang a, "Nangmahin," a ti a.
20:15 Tichuan ani chuan ram thetea hotute tlangvâlho chu a han khâwm a, zahnih leh sawmthum leh pahnih an ni a; tin, chu mite zawhah chuan mi zawng zawng, Israelta thlahte zawng zawng chu a khâwm a, sângsarih an ni a.
20:16 Tin, chhun lai takah hian an va chhuak ta a. Benhadada leh lalho, amah tanpuitu lal sawmthum leh pahnihte erawh chu bukteah an lo in-in tui a.
20:17 Tin, a ram thentea hotute tlangvâlho chu an va chhuak hmasa a; tin, Benhadadan mi a tir a, anni chuan, "Samari khua atanga lo chhuak an awm e," tiin an hrilh a.
20:18 Tin, ani chuan, "Inrem tuma lo kal an nih leh a nungin lo man ula; indo tuma lo kal an nih leh a nung bawkin lo man rawh u," a ti a.
20:19 Tichuan chungho, ram thentea hotute tlangvâlho leh a rawnzuitu sipaihote chu khua ata an chhuak a.
20:20 Tin, an va bitum theuh chu an va that a: tichuan Suria-ho chu an tlânchhe ta a. Israel-ho chuan an um a; tin, Suria lal Benhadada chu sakawr chung chuangin sakawr chung chuang mite nen an tlan chhuak ta a.
20:21 Tin, Israel lal chu a va chhuak a, sakawr leh tawlailirte chu a va bei a, Suria-ho chu a that chiam a.
20:22 Tin, zâwlnei chuan Israel lal chu a va hnaih a, a hnênah, "Intichak sauh sauh langin, i tih dan tûr ngaihtuah rawh khai, kum a lo vei hian Suria lal chuan a rawn bei leh dâwn che a nia," a ti a.
20:23 Tin, Suria lal hote chuan a hnênah, "An pathian hi tlâng pathian a ni a; chuvângin keimahni aiin a chak a ni hi: phaizawlah bei tawh ila, anni ai chuan kan chak zâwk ngei ang e.
20:24 Tin, hetiangin ti ang che: lalho hi an zavaiin thlak vek la, an aia rawm awptute dah langin;
20:25 tin, sipai sakawr leh tawlailir te, i chan tak zat chiah kha sipaiho din tha leh ang che; tichuan phaizawlah ka bei ang a, anni ai chuan kan chak zâwk ngei ang e," an ti a. Tin, an thu chu a pawm a, chutiang chuan a ti ta a.
20:26 Tin, a kum lehah chuan heti hia ni a, Benhadadan Suria-ho chu a khâwm a, Israel-hote bei tûrin Aphek khuaah a han cho va.
20:27 Tin, Israel thlahte chu an pung khâwm a, ei tûrte an chek te te a, bei tûrin an thawk ta a; tin, Israela thlahte chuan kêl no tlem te te rual hnih ang lek hian an va ep ve a; Suria-hote erawh chu a ram khah an khat mup mai a.
20:28 Tin, Pathian mi chuan Israel lal chu a va hnaih a, ava bia a, a hnênah, "LALPAN heti hian a ti: 'Suria-hovin LALPA chu tlâng pathian a ni a, ruam pathian zawng ani lo va, an ti a ni; chuvângin heng mipui tam takte hi i kutah ka pe dâwn e, tichuan kei hi Lalpa chu ka ni tih in hria ang,' tiin," a ti a.
20:29 Tin, ni sarih chhûng zet chu an inep reng a. Tin, heti hia ni a, a ni sarih ni chuan an inbei ta a; tin, Israela thlahte chuan Suria mite chu ni khatah sipai nuaikhat an that a.
20:30 Mi dangte erawh chu Aphek-ah, khawpui chhûngah an tlan lût a, a la awmate chu mi singhnih leh sângsarih kulh chimin a delh hlawm a. Tin, Benhadada chu a tlânchhia a, khawpui chhûngah pindan chung rilan a lût a.
20:31 Tin, a hoten a hnênah, "Ngai teh, Israela chhûngkaw zinga lalte hi mi khawngaih thei tak lal an ni ti thu kan ria a: saiin puan fengin, kan lu-ah hruia inhlingin Israel lal hnênah min va kaltir rawh khai; ani chuan a zuah duh mial mahna che," an ti a.
20:32 Chutichuan saiip puan an fêng a, an lu-ah hruia inhlingin Israel lal hnênah min va kaltir rawh khai; ani chuan a zuah duh mial mahna che." a ti a. Chutichuan saiip puan an feng a, an lu-ah hruiin an hling a, Israel lal hnêna chuan an va kal a, "I chhiahlawh Benhadadan, "Khawngaih takin mi zuah rawh se,'a ti e," an ti a. Ani chuan, "A la dam ani maw? Ka unaupa a ni alawm," a ti a.
20:33 Chu mite chuan ngaih tha takin, a rilru thu tak a sawi a ni ang ti ringin, "I unaupa Benhadada ni e," an ti var a. Tichuan ani chuan, "Va kal ula, rawn hruai rawh u," a ti a. Tichuan Benhadada chu a lo chhuak a, a hnênah a kal a; tin, ani chu tawlailirah a lo chuantir a.
20:34 Tin, Benhadada chuan a hnênah, "Ka pain i pa laka khua a lo lak takte kha ka pe kir leh ang a: tin, ka pain Samari khuaa dawrpui hmun a siam ang khan Damaska kuaah i dawrpui hmun tûr i siam ve dâwn nia," a ti a. Tin, chutianga thu inthlung chuan ka kaltir ang che." a ti a. Chutichuan a hnênah thu a thlung a, a kaltir ta a.
20:35 Tin, zâwlnei fapate zinga mi pakhat hian LALPA thuin a thianpa hnênah, "Mi han vaw teh khai," a ti a. Tin, chu mi chuan a vaw du lo va.
20:36 Tichuan a hnênah, "LALPA thu i awih loh avângin, ngai the, nang hian mi liamsan veleh sakeibakneiin a lo she ang che," a ti a. Tin, a liamsan tak veleh chuan sakeibakneiin a lo hmu a, a she ta a.
20:37 Tichuan mi dang a va mu leh a."Mi han vaw teh khai," a ti a. chu mi chuan a han vua a, a vaw sil ta a.
20:38 Chutichuan zâwlnei chu a kal a, kalkawngah lal a lo chang a, a chalhrênnaa a mit khuhin a i bawl danglam a.
20:39 Tin, lal a lo thlen chuan, lal chu a lo au va, "I chhiahhlawh hi indona runpui hmunah ka va kal a; tin, ngai teh, mi pakhat hi a lo awi a, ka hnêna mi pakhat a rawn hruai a, "He mi hi lo veng rawh, a tlanbo hlauh zawngin a nun aiah i nun i chân ang a, a nih loh leh tangka talent khat i pe tûr a ni,' a ti a.
20:40 Tin, i chhiahhlawh hi ka buai vêl chugavângin, a lo bo ta dai mai," a ti a. Tin, Israel lal chuan a hnênah, "chutiang tak chu a ni, i chunga thu tlu chu; nangmahin zuk titlu taw diam chia," a ti a.
20:41 Tin, ani chuan a mit ata chalhrenna chu a lim ta thuai a; tin, Israel lal chuan zâwlneite zinga mi a ni tih a hre ta a.
20:42 Tin, ani chuan a hnênah, "LALPAN heti hian a ti: Ka ânchhe lawha chu i chhuah tak avângin a nun aiah i nun, a mite aia i mite i chân ang,' tiin," a ti a.
20:43 Tin, Israel lal chu ngui tak leh lungni lo takin a haw a, Samari khuaah a kal ta a.
21:1 Tin, chung thil hnuah chuan heti hi a ni a, Jezreel mi Nabothan grêp huan a nei a, chu chu Jezreel-ah samari lal Ahaba in bul lawkah a awm a.
21:2 Tin, Ahaban Nabotha chu, "Ka in bul a nih avâng hian, thlai huanah i grêp huan hi mi pe rawh khai, a aia grêp huan tha zâwk ka pe ang che; a ni loh leh i duh zâwk phei chuan a tangkain a man tawk ka pe ang che," tiin a bia a.
21:3 Tin, Nabotan Ahaba hnênah, "Ka pute ro han pek che chu ka tan a awmin a awm lo ve," a ti a.
21:4 Tin, Jezreel mi Babtoahn chutiang thu a hnêna a sawi avâng chuan Ahaba chu ngui tak leh lungni lo takin a inah a lût ta a, "Ka pute ro ka pe thei lo vang che," a ti tlat si a. Tichuan a khumah a mu a, lehlam a hawi a, chaw rêng rêng a ei duh ta lo va.
21:5 Chutichuan a nupui Jezebeli chua va kal a, a hnênah, "Eng tizia nge i rilru chuti taka a lungngaih a, chaw rêng rêng i ei loh le?" a ti a.
21:6 Tin, ani chuan a hnênah, "Jezreel mi Nabotha ka bia a, a hnênah, 'I grêp huan i mi leitir rawh, a nih loh leh i duh zâwk chuan a aiah grêp huan dang ka pe ang che,' ka ti a; tin, ani chuan, 'Ka grêp huan zawng ka pe lo vang che,' tiin mi chhang alawm maw le," a ti a.
21:7 Tin, a nupui Jezebeli chuan a hnênah, "Israel ram lal hi i ni lâwm ni? Tho la chawi ei la, rilru hlim takin awm rawh khai Jezreel mi Nabotha grêp huan chu keiman ka pe ang che," a ti a.
21:8 Chutichuan Ahaba hmingin lehkha a ziak a, a nemnain a nem a, tin, lehkha chu a awmna khuaa Nabotha thenawm upate leh mi thate hnêna a thawn a.
21:9 Tin, lehkhaa chuan, "Chaw nghei thu lo puang ulangin, mipui zingah Nabotha chu hmatawntir ula;
21:10 mi pahnih Beliala fate a hmaah thuttir ula, 'Pathian leh lal i sawichhia a ni,' tia a hektu atân lo siam rawh u. Tin, hruai chhuak ula, lo denghlum rawh u," a ti a.
21:11 Tin, a awmna khua ami, a awmna khuaa awm upate leh mi thate chuan Jezebelin an hnêna a thawn lehkhaa a ziak ang chuan an lo ti a.
21:12 Chaw nghei thu an puang a, mipui zingah Nabotha chu an hmatawntir a.
21:13 Tin, mi pahni Beliala fapate chu a hmaa chuan a vat hu a: tin, Beliala mite chuan mipuiho hmaa chuan, "Nabotha hian Pathianleh lal a sawichia e," tiin ama Nabotha chu an hek a. Tichuan khua ata a hruai chhuak a, lungin an deng a, a thi ta a.
21:14 Tichuan Jezebeli hnênah, "Nabotha lungin an deng a, a thi ta e," tiin mi an tir a.
21:15 Tin, Jezebelin Nabotha chu lungin an deng a, a thi ta tiha hriatin heti hi a ni a, Jezebeli chuan Ahaba hnêna, "Tho la, Jezreel mi Nabotha grêp huan, a leitir phal loh che kha nei tawh rawh le: Nabotha chu a dam tawh lo, a thi taw e," a ti a.
21:16 Tin, Ahaban Nabotha a thi ta tih a hriatin heti hi a ni a, Jezreel mi Nabotha grêp huan nei tûra thawk thla tûrin Ahaba chu a tho ta a.
21:17 Tin, LALPA thu chu Tisbe mi Elija hnênah a lo thleng a:
21:18 "Tho la, Samari khuaa awm Israel lal Ahaba be tûrin zuk kal rawh kai: ngai teh, Nabotha grêp huana a awm a, neih tumin chutah chuan a chhuk a ni e.
21:19 A hnênah,'LALPAN heti hiana ti, I that a, i neihsak lehngal elo? tiin,' ti langin a hnênah, 'LALPAN heti hian a ti, Uiin Nabotha thisen an liahna hmun ngeia hian nanga thisen pawh hi an la liak ve dâwn a ni, tiin,' ti ang che," tiin.
21:20 Tin, Ahaban Elija hnênah, "Mi rawn hmu ta maw, ka hmêlmapa?" a ti a. Tin ani chuan a chhâng a, "Ka hmu ta che a ni hi, LALPA mithmuha thil tha lo ti tûrin inzuar ta hek che.
21:21 Ngai teh, i chungah hian thil tha lo ka rawn thlentir ang a, ka rawn tibo hlauh ang chia, Ahaba atang hian mipa fa tawh phawt chu Israel rama mi khuahkirh leh khirh loh pawh ka tiboral ang a,
21:22 nangin mi tihthinrim avâng leh Israelho thil i tihsualtir avângin Beata fapa Jeroboama chhûngte leh Ahija fapa Baasa chhûngte ang maiin i chungtehi ka siam ang," a ti a.
21:23 Tin, Jezebeli chungchâng thu pawh LALPAN a sawi a, "Jezreel khaw kulh bula uiin Jezebeli h a la ei ang.
21:24 Ahaba chhûngkaw zinga mi khawpuia thi apiangte hu uiin an ei ang a; rama thi apiangte chu chungleng savaten an ei ang," tiin.
21:25 A nupui Jezebeli fuihpawrha LALPA mithmuha thil tha lo ti tûra inzuar, Ahaba ang rêng rêng hi tumah an awm lo.
21:26 LALPAN Israela thlahte hmaa a hnawhchhuah Amor-hote thiltih tinreng ang, milemte biain thil tenawm takin a ti thin a.
21:27 Tin, Ahaban chung thu a hriat chuan heti hi a ni a, a puan a pawtthlêr a, saiip puan a sin a, chaw a ngei a, saiip puanah a mu a, dim takin a che ta a.
21:28 Tin, LALPA thu chu Tisbe mi Elija hnênah a lo thleng a,
21:29 "Ahaba ka hmaa a inngaihtlâwmzia hi i hmu em? Ka hmaa a inngaihtlâwm avâng hian ama chanah hi chuan thil tha lo ka thlentir lo vang a, a fapa chhanah erawh chuan a chhûngte chungah thil tha lo ka thlentir ang," tiin.
22:1 Tin, kum thum chhûng chu Suria ho le Israel-hote chu indo lovin an awm a.
22:2 Tin, a kum thum kum chuan heti hi a ni a, Juda lal Jehosaphata chu Israel lal hnêna a zuk kal a.
22:3 Tin, Israel chuan a puipate hnênah, "Ramoth-gilead kua hi keimahni ta ani tih hre reng sia engtia Suria lal hi chhusak lova awm mai mai kan i nge le?" a ti a.
22:4 Tin, Jehosaphata hnêna chuan, "Ramoth-gilead khua mi han beipui ve duh ang emaw chu?" a ti a. Tin, Jehosaphatan Israel lal hnêna chuan, "Kei leh nang, ka mite leh mite chu pumkhat kan ni a, ka sakawrte leh i sakawrte chu pumkhat an ni alawm," a ti a.
22:5 Tin, Jehosaphata chuan Israel lal hnênah, "LALPA thu ngaichang rih zet la maw le," a ti a.
22:6 Chutichuan Israel lal chuan zâwlneiho mi zali lai a ko khâwm a, an hnênah, "Ramoth-gilead kua bei tûrin ka han tawk ang nge thawk lo vang?" a ti a. Tin, anni chuan, "Han thawk rawh, Lalpan lal kutah a pe dâwn a ni," an ti a.
22:7 Nimahsela Jesaphatan, "Hetah hian LALPA zâwlnei dang tu emaw tal kan han rawn tur an awm lo vem ni le?" a ti a.
22:8 Tin, Israel lal chuan Jehosapahata hnênah, "LALPA min râwnsak tûr mi pakhat Imla fapa Mikaia zawng a la awm kha maw; nimahsela ani hi chu ka huatzawng tak a ni; ka chungchâng thu hi a chhe lam ngawt lo chu a tha rêng rêng a sawi ngai si lo va," a ti a. Tin Jehosaphata chuan, "Lal chuan chutiang chuan ti teh suh se a," a ti a.
22:9 Tichuan Israel lal chuan hotu pakhat a han ko va, "Imla fapa Mikaia han hruai thuai teh," a ti a.
22:10 Tin, Israel lal leh Juda lal Jehosaphata chu Samari kulh kawngka luhna bula hruih zawlah an lal puana intuamin, an lalthutthleng ve veah an thu a; tin, zâwlnei zawng zawngte chuan an hmaah thu an sawi a.
22:11 Tin, Kenaana fapa Zedekian thir kite a siamsak a, "LALPAN heti hian a ti, 'Hengte hian Suria-hote chu boral der kawpin i si ang,' tiin," a ti a.
22:12 Chutiang bawkin zâwlnei zawng zawngte chuan, Ramoth-gilead-ah chuan han cho la, han hlawhtling rawh khai. LALPAN lal kutah hian a pe dâwn a ni," tiin an sawi a.
22:13 Tin, Mikaia va ko tûra an tirha chuan a hnênah, "Ngai teh khai, zâwlnei hian thukhat vuain a tha lamin lal hnêna thu a sawi theuh va; an sawi tak theuh ang chuan han sawi ve la, a tha lamin han sawi ve rawh aw," tiin a sawi a.
22:14 Tin, Mikaia chuan, "LALPA nunna chhalin ka sawi e, LALPAN ka hnêna a sawi chu ka ni, ka han sawi dâwn ni," a ti a.
22:15 Tin, lal hnên a han thlen chuan, lal chuan a hnênah, "Mikai, Ramoth-gilead khua bei tûrin kan han thawk ang nge, thawk lo vang?" a ti a. Tin, ani huan a chhâng a. "Han thawk la, han hlawhtling rawh khai; LALPAN lal kutah a pe dâwn a ni," a ti a.
22:16 Tin, lalin a hnênah, "Thutak ngawt lo ka hnêna LALPA hminga sawi lo tûrin vawi engzat nge maw chia ka chhamtir dâwn che le?" a ti a.
22:17 Tin, ani chuan, "Israel-ho zawng zawngte chu vêngtu nei lo berâm angintlângahte an darh vek ka hmu a; LALPAN, 'Hengho hian hotu an nei ta lo va, mi tin, mahni in lamah thlamuang takin haw dial mai rawh se,' a ti a ni," a ti a.
22:18 Tin, Israel lal chuan Jehosaphata hnênah, "Ka chungchâng thu hi a chhe lam ngawt lo chu a tha lam rêng rêng zawng a sawi lovang tih ka hrilh che ani lâwm ni kha?' a ti a.
22:19 Tin, ani chuan, "Chuvângin LALPA thu hi ngaithla teh, LALPA chu a lalthutthlenga thu ka hmu a, vâna mipuiho zawng zawng, a dinglam leh veilama dingte nen.
22:20 Tin, LALPAN, 'Aaba hi Ramoth-gilead khuaa han kala rala thi tûrin tuin nge thlem ang?" a ti a ni. Pakhatin hetiang hian a ti a, mi dangin chutiang chuan a ti a.
22:21 Tichuan thlarau pakhat hi a lo chuak a, LALPA hmaah a ding a, 'Keiman ka thlem ang e,' a ti a.
22:22 Tin, LALPAN a hnênah, 'Engin maw?' a ti a. Tin, ani chuan 'Ka va kal ang a, a zâwlnei zawng zawngte hmuiah chuan thlarau dawtheiah ka va chang ang,' a ti a. Tin, anin, 'I thlem ngei ang a, hlawh pawh i hlawhtling bawk ang; va kal ta la, chutiang chuan va ti tawh le,' a ti a.
22:23 Chutichuan ngai teh, LALPAN heng i zâwlneiho zawng zawng hmuiah hian tlarau dawthei a dah a, i chungchang thu hi a tha lo lamin LALPAN a sawi tawh a ni," a ti a.
22:24 Tichuan Kenaana fapa Zedekia chuan a rawn naih a, Mikaia bianga a rawn beng a, "LALPA thlarau chuan i hnêna thu sawi tûrin khawi lamah nge mi kalsan?" a ti a.
22:25 Tin, Mikaia chuan, "Ngai rawh, pindan chhûngrila biru tûra i luh niin i la hria ang," a ti a.
22:26 Tin, Israel lal chuan, "Mikaia hi hruai ula, khawpui awptu Amona leh lal fapa Joasa hnêna kalpui leh tawh u;
22:27 tin, 'Lalin heti hian ati, He mi hi lung ina khung ula, thlamuang taka ka lo haw leh hma lo chuan chaw leh tui tlemte chauh pe raw u, tiin,' ti rawh u," a ti a.
22:28 Tin, Mikaia chuan, "Thlamuang taka i lo haw leh hrim chuan LALPAN kei mi hmangin thu a sawi lo ani ang le," a ti a. Tin, amah vek chuan, "Nangni, mipuite u, in vaiin lo hre rawh u," a ti a.
22:29 Chutichuan Israel lal leh Juda lal Jehosaphata chu Ramoth-gilead khuaah chuan an han cho va.
22:30 Tin, Israel lal chuan Jehosapahta hnênah, "Ka inbawl danglam ang a, inbeihnaah chuan ka han kal ve ang e; nang erawh chuan i lal puan sin ang che," a ti a. Tichuan Israel lal chu a inbawl danglam a, inbeihnaah chuan a han kal a.
22:31 Tin, Suria lal chuan a tawlailir chunga hotu sawmthum leh pahnihte hnênah chuan, "Israel lal ngawt lo chu mi te pawh, mi lian pawh a tuama bei su ang che u," tiin thu a pe a.
22:32 Tin, tawlailir chunga hotute chuan Jehosaphata an han hmuh chuan, heti hi a ni a, "Israel lal a ni ngei mai le," an ti a; tichuan beih tumin an hual ta a; tin, Jeosaphata chu a au chuak a.
22:33 Tin, tawlailir chunga hotute chuan Israel lal ani lo tih an hriat chuan heti hi a ni a, an um chu an let leh ta a.
22:34 Tin, mi pakhat hian tum bik nei lovin a thalngul a kuai a, Israel lal chu awmphaw leh awmphaw inkâra a kap a: tichuan a tawlailir khalhtu hnênah, "Kai her la, sipaiho zing ata hi mi chuahpui rawh khai, hliam na tak ka tawh tak hi," a ti a.
22:35 Tin, chu mi ni chuan inbeihna chu a nasa ta hle mai a; lal chu a tawlailir chuan Suria-hote hmuhah an dintir a, tin, tlai lama chuan a thi ta a: tin, amah an hliamna atang chuan thisen chu tawlailir chhûnga chuan a luang zawih zawih a.
22:36 Tin, ni tlâk dâwn vêl lai chuan, sipaihote zingah, "Mi tin, mahni khaw lamah mi tin mahni ram lama haw vek tawh rawh se," tiin an au vêl ta chiam a.
22:37 Chutichuan lal chu a thi ta a, Samari khuaah an luhpui a; tichuan Samari khuaah lal chu an phûm ta a.
22:38 Tin, Samari khaw dil kama tawlailir chu an sil a; tin, LALPA thu sawi ang ngei khan uiin a thite chu an liak ta a; (chutah chuan nawhchizuarhote chu an insil thin).
22:39 Tichuan Ahaba chanchin dangte, a thiltih zawng zawng te, a saingo in sak te, a khaw siam zawng zawngte chu Israel lalte lal lai thu ziakna buah a chuang a ni lâwm ni?
22:40 Chutichuan Ahaba chu a pute hnêna chuan a muhil ta a; tin, a fapa Ahazia chu a aiawhin a lal ta a.
22:41 Tin, Israel lal Ahaba lal kum linaa Asa fapa Jehosaphata chu Judate chunga a lal tan a.
22:42 Jehosaphata chu a lal tan la chuan kum sâwmthum leh kum nga a ni a; Jerusalem khuaa kum sâwm hnih leh kum nga ro a rêl a. A nu hming chu Azubi, Silhia fanu a ni.
22:43 Tin, a pa Asa kawng zaw zawng zawng chu a zawh ve a; pensan hauh lovin LALPA mithmuha thil tha a ti thin a; hmun sângte erawh chu a thehthang bo lo va, hmun sângahte chuan mite chu an la inthawiin, rimtui an la hal reng thin.
22:44 Tin, Jehosaphata chuan Israel lal nena inremna a siam a.
22:45 Tichuan Jehosaphata chanchin dang te, a thiltihtheihzia a tilan thu te, a râl beih thute chu Juda lalte lal lai thu ziakna bua a chuang a ni lâwm ni?
22:46 Tin, a pa Asa dam laia mipa inzuarho la awmate kha a ram ata a hnawtchuak vek a.
22:47 Tin, Edom rama chuan lal an awm lo va, lal aiawhtuin ro a rêl a.
22:48 Jehosaphata chuan Ophir-a rangkachak phur tûr Tarsis lawngte a tu a; nimahse an kal ta lo; Ezion-geber hmunah lawngte chu a chhe ta vek si a.
22:49 Tichuan Ahaba fapa Ahazian Jehosaphata hnênah, "Ka mite hi i mite nen lawngahte kal za ang hmiang," a ti a. Nimahsela Jehosaphata chuan a remti lo.
22:50 Tin, Jeosaphata chu a pute hnêna a muhil a, a pute zingah a pu Davida khawpuiah an phûm ta a; tin, a fapa Jehorama chu a aiawhin a lal ta a.
22:51 Tin, Juda lal Jehosaphata lal kum sâwm leh kum sarih kumin Ahaba fapa Ahazia chu Samari kuaah Israelte chungah a lal tan a, Israelte chunga kum hnih a lal a.
22:52 Tin, LALPA mithmuhah thil tha lo a ti thin a, a nu leh a pa kawng zawh te, Nebata fapa Israel-hote tihsualtirtu Jeroboama kawng zawhte a zawh ve thin a.
22:53 Tin, a pa ti ang apiang tiin Baala rawng a bâwl a, a be thin a, LALPA, Israelte Pathian chu a tithinrim thin a. |
posted by zoblog @ 2:20 PM  |
|
|
|
