| Wednesday, September 12, 2007 |
1:1 Tin, heti hi a ni a, LALPA chhiahhlawh Mosia thih hnu chuan Mosia rawngbâwltu Nuna fapa Josua hnenah LALPAIN,
1:2 "Ka chhiahhlawh Mosia chu a thi ta a; chutichuan tho la, nang leh heng mipuiho zawng zawngte nen hian Jordan lui hi kan ula, anmahni, Israela thlahte ka pêk ramah chuan kal rawh u.
1:3 Mosia hnena ka sawi tawh ang khan in kephaha in rah apiang chu ka pe vek ang che u.
1:4 Thlaler atang leh he Lebanon tlâng atanga lui lian pui pui Euphrates lui thlenga Hit-ho ram zawng zawng, ni tlangna lam tuifinriat zau tak thlengin in ramri a ni ang.
1:5 I dam chhûng zawng tumah reng rengin an chelh lo vang che: Mosia hnena ka awm ang khan i hnenah pawh ka awm ve dawn e: ka tithlâwn lovang chia, kal pawh ka kalsan tawp lo vang che.
1:6 Chak tak leh huai takin awm rawh: an thlahtute chhechham pêk ka lo tiam tak ram kha, hengho hi i luahtir dawn si a.
1:7 Ka chhiahhlawh Mosian dan zawng zawng zawm tura thu a pêk che kha zawm tlat turin chak tak leh huai takin awm phawt mai rawh: i kalna apianga i lo hmuingil zel theihna turin i ding lamah emaw, i vei lamah emaw pensan hauh suh ang che.
1:8 He dan bu hian i ka chu chhuahsan hlek suh se; chu mi thu ziak zawng zawng chu i zawm tlat theih nan chhun leh zan i ngaihtuah lawk tur a ni: tichuan i kawngte chu i lo titluang zel ang a, i lo hmuingil zel dawn nia.
1:9 Thu ka pe che a ni lawm ni? Chak tak leh huai takin awm rawh; hlau suh la, zam hek suh: LALPA i Pathian chu i kalna apiangan i hnenah a awm zel dawn alawm," tiin a sawi a.
1:10 , 11 Chutichuan Josuan mipui hotute hnenah chuan, "Riah hmun va fang ulangin, mipuite hnenah, 'Ei turte buatsaih rawh u khai, ni thum chhûngin LALPA in Pathianin ram luah tur a pêk che u hi luah turin Jordan lui hi in kan dawn a ni e,' tiin thu pe ang che u," tiin thu a pe a.
1:11 , 10 Chutichuan Josuan mipui hotute hnenah chuan, "Riah hmun va fang ulangin, mipuite hnenah, 'Ei turte buatsaih rawh u khai, ni thum chhûngin LALPA in Pathianin ram luah tur a pêk che u hi luah turin Jordan lui hi in kan dawn a ni e,' tiin thu pe ang che u," tiin thu a pe a.
1:12 Tin, Reuben-hote, Gad-hote leh Manase hnam zatvete hnenah chuan Josuan,
1:13 "LALPA in Pathianin chawlhna a pe che u a, he ram hi a la pe dawn che u tia LALPA chhiahhlawh Mosian thu a pêk che u hi hre reng ang che u.
1:14 In nupui te, in fanau te tete leh in ran rualte hi chu Jordan lui rala Mosian ram a lo pêkah che u chuan an awm ang a; nangni mi chak huaisenho zawng erawh chu inrâlthuamin in lo kai hmasa ang a: in unaute in lo tanpui ang a,
1:15 LALPAN in unaute chu nangmahni ang bawka chawlhna apêk a, LALPA in Pathian ram a pêk chu anni pawhin an luah ve hma loh chuan: tichuan LALPA chhihhlawh Mosian Jordan lui ral, ni chhuahna lam ram in puala a lo pêk tawh che u lamah chuan in let leh ang a, in la luah dawn nia," tiin a sawi a.
1:16 Tin, anni chuan, "Tih tura i thu min pêk zawng zawng chu ka ti zel ang e: tin, i mi tirhna apiangah pawh kan kal zel ang.
1:17 Kawng engkima Mosia thu kan zawm zel thin ang khan, i thu pawh kan zawm zel ang e; LALPA i Pathian chu Mosia hnena a awm thin ang khan i hnenah hian awm ve phawt mai rawh se.
1:18 Tupawh i thupêk chunga hel a, thu i pêk apiang zawm duh lo chu tihhlum tur an ni ang: chak tak leh huai takin awm phawt mai rawh." tiin Josua chu an chhang a.
2:1 Tin, Nuna fapa Josua chuan, "A ram leh Jeriko khuate chu va en vel teh u," tiin mi pahnih Sitim hmun atangin a ruk tein enthlatu atan a tir a. Tin, an va kal a, nawhchizuar pakhat, a hming Rahabi inah an va lut a, chutah chuan an thleng ta a.
2:2 Tin, miin, "Ngai teh, zaninah hian ram en thlithlai turin Israel thlahte an lo kal e, " tiin Jeriko khaw lal chu an hrilh a.
2:3 Tin, Jeriko kahw lal chuan, "I ina lo thleng mikhualte kha han hruai rawh: ram pum pui en thlithlai tura lo kal an ni e," tia hrilh turin Rahabi hnenah mi a tir a.
2:4 tichuan hmeichhia chuan mi pahnihte chu a hruai a, a thukru a; tin, an hnenah, "Ni, mite chu ka hnenah chuan an lo kal ngei mai a, nimahsela khawi atanga lo kal nge an nih zawng ka hre lo:
2:5 tin, heti hi a ni a, khaw thim, kulh kawngka khar hun dawn lai vel khan chu mite chu an chhuak leh ta a: khawi lamah nge an kal tak pawh ka hre lo: um thuai ula, in la um pha ang e," a ti a.
2:6 Nimahsela in chungah a hruai chho va, in chungah a ziza kung tian khawm zingah a thukru a ni a.
2:7 Tin, mite chuan Jordan lui lamah kai thlengin an um ta a; tin, a umtute chu an chhuah veleh chuan kulh kawngka chu an khar ta a.
2:8 Tin, an mut hmain in chungah an hnenah chuan a han kal a;
2:9 chu mite hnenah chuan, " He ram hi lalpain a pe tawh che u a,
2:10 Aigupta ram ata in lo chhuah khan LALPAN Tuifinriat Sen kha a tihkangsak che u a, Jordan lui rala Amor-ho lal pahnih Sihona leh Oga-te tihboral tak hlauh dan te.
2:11 Chu chu kan lo hriat veleh kan hlau a, mi tinin an hlau che u a, an zam zo ta, nangmahni avang hian zam lo reng reng an awm lo: LALPA in Pathian chu chung lam vanah leh hnuai lam leiah Pathian ani si a.
2:12 Chutichuan hei in chungah hian ka khawngaihzia che u ka lo lantir ta a ni a, nangni pawhin ka pa chhûngte chungah in khawngaihna chu rawn lantir ve ula,
2:13 ka nu leh ka pte, ka nutate, ka laizawnte leh an neih apiangte chu zuah ula, thihna lak ata kan nunna hi min chhanhimsak turin LALPA hming chhalin khawngaih takin ka hnenah chhia chham ula, chhinchhiahna tak meuh mi siamsak rawh u khai," a ti a.
2:14 Tin, mite chuan a hnenah, "Kan thiltih hi i sawi chhuah dawn loh chuan in thih ai kan thi ang; tichuan heti hi a ni ang a, LALPAN ram hi min pêk hunah kan khawngaihna chein, i chungah rinawm takin kan ti ang e," an ti a.
2:15 Chuti chuan tukverhah hruizenin an thlak thla ta a: a in chu khawpui kul tlanga awm a ni si a, kulh chungah chuan a awm a ni.
2:16 Tin, an hnenah chuan, "Tlang lam panin kal tawh ukhai, chutilo chuan a umtute che u khan an hmu hlauh dan ang che u; tin, chutah chuan ni thum va biru ang che u; a rawn umtu che u an kir leh hma loh chuanL chu mi zawhah erawh chuan in kal leh dawn nia," a ti a.
2:17 Tin, mite chuan a hnenah, " I chhe min chhamtir ngawt hi zawngin thiamloh min chantir dawn mai hauh lo a ni a.
2:18 Ngai teh, he rama kan lo luh hian he la sen h i mi thlâkna tukverhah hian lo tawn bet ang che: tin, in chhûngah i hneha i pa te, i nu te, i nutate leh i pa chhûngte zawng zawng chu hruai lut vek ang che.
2:19 Tin, heti hi a ni ang a, tupawh i in kawngka atanga khawlaia chhuak apiang chu ama lu chungah a thisen chu a awm ang a, keini zawng thiamloh changin kan awm lo vang: tin, tupawh in chhûnga i hnena awm apiangte chu an chunga kut an thlak chuan, kan lu chungah thisen chu a awm ang.
2:20 Amaherawhchu kan thiltih i i sawichhuah chuan chhia min chhamtirnaah hian thiamloh changin kan awm lo vang," an ti a. Ani chuan, "In thu ang zel chuan ni ang hmiang," a ti a. Tichuan anni chu an kaltir ta a, an kal ta a: tin, tukverhah chuan la sen chu a tawn bet a.
2:22 Tichuan an kal ta a, tlang chu an va thleng a, chutah chuan ni thum, a umtute chu an kir leh hma loh chuan an va awm a: a umtute chuan kawng tluangin an zawng a, nimahsela an hmu zo lo va.
2:23 Chutichuan mi pahnihte chu an kir leh a, tlang ata chu an chhuk a, an kan a, Nuna fapa Josua hnen chu an va thleng a; an chunga thil thleng zawng zawng chu an hrilh a.
2:24 Tin, Josua hnenah chuan, LALPANIN a ram pum puia chu kan kutah a lo pe tak meuh mai; chu chang ani lo va, chu mi rama cheng zawng zawngte ch kan hmaah an tui zel mai ani," an ti a.
3:1 Tin, Josua chu zing takah a tho va, Israel thlahte zawng zawng nen chuan Sitim hmun ata chu an insuan a, Jordan lui an va thleng a: an kai hmain chutah chuan an riak a.
3:2 Tin, heti hi a ni a, ni thum chinah hotute chuan riahhmun chu an va fang vel a,
3:3 " LALPA in Pathian thuthlung bâwm leh puithiamho Levi chiten an zawn lai in hmuh hunah chuan in awmna hmun ata hi insuan ula, zui ang che u.
3:4 Amaherawhchu nangmahni nena a inkâr chu teha tawng sanghnih emaw a ni tur a ni: hnaih suh ang che u, tichuan in kalna tur kawng chu in hre thei dawn nia; tun hmain he mi kawng hi zawng in la zawh ngai si lo va," tiin mipuite chu thu a pe a.
3:5 Tichuan Josuan mipuite hnenah, "Intithianghlim rawh u: naktukah LALPAN in zingah thil mak takte a ti dawn e," a ti a.
3:6 Tin, Josuan puithiamte hnenah chuan, "Thuthlung bâwm hi zawn ula, mipuite hmaah kai ang che u," tiin a sawi a. Chutichuan thuthlung bâwm chu an zawn a, mipuite hma chu an hruai ta a.
3:7 Tin, LALPAN Josua hnenah, "Mosia hnena ka awm ang khan i hnenah pawh ka awm dawn e tih an hriat theih nan vawiinah hian Israel-ho zawng zawng mithmuhah ka chawimawi tan dawn a che.
3:8 Tin, thuthlung bâwm zawntu puithiamhote chu, 'Jordan lui in thlen chuan tui chu dai ula, vaukam bulah ding reng rawh u,' tiin thu a pe ang che," a ti a.
3:9 Tin, Josuan Israela thlahte hnenah chuan, "Lo kal ula, LALPAN in Pathian thu hi rawn ngaithla teh u khai," a ti a.
3:10 Tin, Josua chuan, "Hemiah hian Pathian nung chu in zingah a awm a, in hmaah hian Kanaan-hote, Hit-hote, Periz-ho te, Girgas-ho te, Amor-ho te, Jebus-hote hi a hnawtchhuak ngei gnei dawn a ni tih in hria ang.
3:11 Ngai teh u, leilung pumpui Lalpa thuthlung bâwm chuan in hmaah Jordan lui a kan e.
3:12 Chutichuan Israel hnamte zinga mi hi sâwm leh pahnih hnam tin, aiah mi pakhat zel thlang chhuak ang che u.
3:13 Tin, heti hi a ni ang a, Lalpa leilung pum pui Lalpa bâwm zawntu puithiamte kephah chu Jordan tuia a innghah veleh chuan Jordan tui, chhak lam atanga tui lo luangte chu a chat hlauh ang a tichuan a lo inhlawm ding luah mai ang," a ti a.
3:14 Tin, heti hi a ni a; mipuite chu Jordan lui kai tura an puan in ata an chhuah chuan, thuthlung bâwm zawntu puithiamhote chu mipuite hmaah chuan an kal a;
3:15 bâwm zawntu puithiam ke chuan vaukam tui a han rah veleh, (buh seng chhûng zawng hi chuan Jordan lui hi a kuang zawng zawngah aliam reng thin a,)
3:16 chhak lam atanga tui lo luang thla la chu a ding ta a, hla feah Zarethan ram bula Adam khuaah chuan a lo inhlawm ding ta luah a: tin, Araba tuifinriat, Tuifinriat Al lama luang chhuk lai chu a chat ta hlauh va: tichuan mipuite chu Jeriko khaw zawn takah chuan an kai ta a.
3:17 Tin, LALPA thuthlung bâwm zawntu puithiamte chu Jordan lui laiah lei charah an ding reng mai a, tin, mipuiho zawng zawngte chuan Jordan lui an kai fai vek thlengin Israel-ho zawng zawngte chu lei charah an kal kai ta vek a.
4:1 Tin, heti hi a ni a, a hnam pum pui chuan Jordan lui an kai fai vek hnuin LALPAN Josua hnenah chuan,
4:2 "Mipuite zinga mi hi mi sâwm leh pahnih, hnam tina mi pakhat zel thlang chhuak langin
4:3 an hnenah, 'Jordan lui lai, puithiamhote dina lai taka mi saw lung sâwm leh pahnih la ula, pu phei ula, riahhmun, zanina in riahna turah dah ang che u,' tiin thu pe ang che."
4:4 Chutichuan Josua chuan Israela thlahte zinga mi sâwm leh pahnih, hnam tina mi a thlan chhuahte chu a ko va:
4:5 tin, Josua chuan an hnenah, "LALPA in Pathian bâwm hmaah khan Jordan lui laiah kai ula, Israela thlahte a hnam zat zelin, mi tinin lung pakhat theuh pu ang che u.
4:6 tichuan heng hi in zingah chhinchhiahna a la ni dawn nia, nakinah in faten, 'heng, 'Heng lungte hi eng in tihna nge ni le?' tia an la rawn zawh hunah chuan,
4:7 nangnin an hnenah, 'LALPA thuthlung bâwm hmaah Jordan tuite a lo chah tak avang a ni; Jordan akan laiin, Jordan tuite chu a lo chat ta a ni: tichuan heng lungte hi Israela thlahte kumkhuaa an hriatrengna tur a nih hi,' in la ti dawn nia," a ti a.
4:8 Tin, Israela thlahte chuan Josuan thu a pêk ang chuan an ti a, Israel thlahte a hnam zat zelin, Jordan lui laia mi lung sâwm leh pahnih an la a; tin, an riahna hmunah an pu phei a, chutah chuan an dah a.
4:9 Tin, thuthlung bâwm zawntu puithiamho dinna lai tak, Jordan lui laiah chuan Josuan lung sâwm leh pahnih a phun a: chung chu tunt hlengin a la awm reng a ni.
4:10 Mosian Josua thu a lo pêk tak zawng zawng anga LALPAN mipuite hnena ti tura Josua thu a pêk chu an tih zawh vek hma loh chuan puithiam bâwm zawntute chu Jordan lui laiah chuan an ding reng mai a: tichuan mipuite chu an intihmanhmawh a, an kai ta a.
4:11 Tin, heti hi a ni a, mipui zawng zawng chu an kai fai vek hnu chuan LALPA bâwm leh puithiamte chu mipuite mithmuhah chuan an kai ve ta a.
4:12 Tin, Reubena thlah te, Gada thlahte leh Manse hnam zatvete chu Mosianan hnena a lo sawi tawh ang khan Israel thlahte hmaah chuan inrâlthuamin an kai a:
4:13 Râlthuama inthuam diam mi singli lai indo turin Jeriko phaiahte chuan LALPA hmaah an kai a ni.
4:14 Chu mi ni chuan LALPAN Josua chu Israel-ho zawng zawng mit hmuhah a chawimawi a; Mosia an tih ang bawk khan a dam chhûng zawng chuan an tih ta a.
4:15 ,16 Tin, LALPAN Josua hnenah chuan, "Puithiamho, thuhriattirna bâwm zawntute kha Jordan lui ata lo chhuah thu pe rawh," tiin a sawi a.
4:16 ,15 Tin, LALPAN Josua hnenah chuan, "Puithiamho, thuhriattirna bâwm zawntute kha Jordan lui ata lo chhuah thu pe rawh," tiin a sawi a.
4:17 Chuti chuan Josuan puithiamhote chu, "Jordan lui ata kha lo chhuak tawh rawh u," tiin thu a pe a.
4:18 Tin, heti hi a ni a, puithiamho, LALPA thuthlung bâwm zawntute chu Jordan lui lai ata an lo chhuah a, puithiam kete chuan khawmual a rah veleh, Jordan tuite chu a luan pangngaiin a lo luang leh a, a hma ang bawk khan a kuang zawng zawngah chuan aluang liam leh ta dul dul a.
4:19 Tin, mipuite chu thla khatna, ni sawm nin Jordan lui ata chu an chhuak a, Jeriko chhak lampang Gilgal-ah awmhmun an khuar ta a.
4:20 Tin, chung lung sâwm leh pahnih, Jordan lui ata an put chhuah chu Josuan Gilgal-ah chuan a phun a.
4:21 Tin, Israel thlahte hnenah chuan, "Nakin hnua in thlahten an pate, 'Heng lungte hi eng tihna nge ni le?' tia an la zrawn zawh hunah chuan,
4:22 "Israel-hote chuan Jordan lui hi lei charah an kal kai a ni,' tiin in thlahte chu in la hriattir dawn zuk nia.
4:23 LALPA in Pathianin hmanah Tuifinriat Sen chu kan kai hma khan, LALPA in Pathianin Jordan tuite hi in kai hma loh chuan in hmaah a tikang chat ta anih hi:
4:24 leilunga hnam tinrengin LALPA kut hi a lo chak ani tih an hriat theih a, LALPA in Pathian chu kumkhuaa an tih theih nan," tiin a sawi a.
5:1 Tin, heti hi a ni a, Jordan lui piah thlang lama awm Amor-ho lal zawng zawngte leh tuifinriat kama awm Kanaan ram lal zawng zawngte chuan an kai hma loh chuan LALPAN Jordan tuite chu Israela thlahte hmaah chuan a tikang chat tih an lo hriatin, Israela thlahte avang chuan an thinlungte chu a lo tui zo va, zam lo reng reng an awm hek lo.
5:2 Chutih lai chuan LALPAN Josua hnenah, "Meilung chemte siam langin, Israela thlahte hi an serh tan a tum hnihna tansak leh rawh," a ti a.
5:3 Tin, Josuan meilung chemte chu a siam a, Israel thlahte chu vun hmawr tlângah serh a tansak a.
5:4 Josuan an serh a tan chan chu hei hi a ni: Aigupta ram ata chhuak ho zawng zawng, mipa râl kap mi zawng zawngte kha Aigupta ram ata an chhuah hnu khan kawng lakah thlalerah an thi zo ta a ni.
5:5 Aigupta ram ata chhuakho zawng zawngte kha chu serhtan sa vek an ni a: amaherawhchu Aigupta ram ata an chhuaha thlalera kawng laa piang zawng zawngte kha chu serhtan an ni ve lo.
5:6 LALPA aw an ngaihthlâk duh loh avanga mipuiho zawng zawng, Aigupta ram ata lo chhuak, râl kap mite chen a, tihborala an awm vek thlengin Israel thlahte chu thlalerah kum sawmli zet an vak an vak a: LALPAN chechhama a lo tiam tawh ang ngeiin, an thlahtute hnena a lo tiam tawh hnutetui leh khawizua luang ram chu an hmuh ve a phal ta lo a ni.
5:7 Tichuan an thlahte anmahni aia a dinate chu Josuan an serh a tansak a: kawnglakah khan an serh tan a nih loh avangin, serhtan loh an lo ni reng si a.
5:8 Tin, heti hi a ni a, mipuiho zawng zawng serh an tan zawh chuan an dam hma loh zawng an riahhmun, mahni awmna theuhvah chuan an awm a.
5:9 Tin, LALPAN Josua hnenah, "Vawiinah hian Aigupta ho hmusitna che u hi nangmahni ata chu ka lum bo ta e," a ti a. Chutichuan chu mi hmun chu tunthlengin Gilgal an lo ti ta a ni.
5:10 Tin, Israela thlahte chuan Gilgal-ah awmhmun an khuar a; tin, Jeriko phaiah te chuan chu mi thla ni sâwm leh ni li ni tlaiah chuan Kalhlen Kûtin an kut a.
5:11 Tin, Kalhlen Kût zawh tuk ni la la chuan chu mi rama buh chhang dawidim telh loh leh chhangper kan an ei a.
5:12 Tin, chu mi rama buh an ei tuk atang chuan manna kha a tla ta lo va; Israela thlahte chuan manna chu an dawng leh ta ngai bawk hek lo; chu mi kum chuan Kanaan rama buh leh bal chu an ei ta zawk a ni.
5:13 Tin, heti hi a ni a, Josua chu Jeriko khaw bula a awm lai chuan a dak a, a han en a, tin, ngai teh, a hma zawn lawkah chuan mi pakhat a khandaih phawi sa kengin a lo ding reng a: tin, Josuan a han pan a, a hnenah chuan, "Kan lama tang nge i nih, kan hmêlmate lama tang?" a ti a.
5:14 Tin, a ni chuan, "Ni lo ve, LALPA sipaihote hotua lo kal ka ni zawk e," a ti a. Tichuan Josua chu leiah a bawkkhup a, chibai abuk a, a hnenah, "Ka LALPAN a chhiahhlawh hnenah hian engnge sawi tur aneih le?" a ti a.
5:15 Tin, LALPA sipaihote hotu chuan Josua hnenah, "I kephah ata i pheikhawk kha phelh rawh; i dinna hmun kha a thianghlim a ni e," a ti a. Tichuan Josua chuan a phelh ta a.
6:1 (Jeriko khua chu Israel-te an luh theih loh nan an khar tlat a: tumah an chhuak lo va, tumah an lût hek lo.)
6:2 Tin, LALPAN Josua hnenah, "En teh, Jeriko leh an lal leh mi chak huaisente hi i kutah ka pe tawh e.
6:3 Tin, râl kap mi zawng zawngte hian khawpui hi velin vawi khat chu in han vel chhuak pawht ang a. chutiang chuan ni ruk in ti tur a ni.
6:4 Tin, puithiam pasarihin bâwm hma lamah berampa ki tawtawrâwt pasarih an keng ang a, tin, a ni sarih ni chuan khawpui chu vawi sarih in vel chhuak ang a, tin, puithiamten tawtawrâwtte chu an ham ang.
6:5 Tin, heti hi a ni ang a, berampa ki an ham rik ruai ruai hun a, tawtawrâwt ri in hriat chuan, mipui zawng zawng chu ring takin au dur dur rawh se; tichuan khawpui kulh chu a chim rup ang a, mipui chu mahni hma zawn theuhvah chuan an chho vang," a tia .
6:6 Tin, Nuna fapa Josua chuan puithiamhote chu a ko va, an hnenah, "Thuthlung bâwm hi zawn ula, puithiam pasarihin LALPA bâwm hma lamah chuan berampa ki tawtawrâwt pasarih keng rawh se," a tia .
6:7 Tin, ani chuan mipuihote hnenah chuan, "Kal zel ula, khawpui chu vel chhuak rawh u, tin, inrlathuamho kha LALPA bâwm hmalamah chuankal zel rawh se," a ti a.
6:8 Tin, chutiang chu a lo ni ta a, Josuan mipuihote hnena thu a sawi zawh chuan LALPA hmaa berampa ki tawtawrâwt pasarih keng puithiam pasarihte chu an kal zel a, tawtawrâwt chu an ham a: tin, LALPA thuthlung bâwm chuan a zui a.
6:9 Tin, inrâlthuamho chu tawtawrâwt ham ham puithiamte hmaah chuan an kal a, tin, hnudaltute chuan bâwm chu an chhawm a, puithiamho chuan kal pahin tawtawrâwt an ham zel a.
6:10 Tin, Josuan mipuite chu, "Au suh ula, in aw pawh hriat ni suh sela, au tura thu ka pêk ni che u a thlen hma loh chuan in ka atangin thu reng reng chhuak hek suh se: chumi hunah chuan au vang che u," tiin thu a pe a.
6:11 Chutichuan LALPA bâwm chu khawpui vawikhat velin a han vel chhuahtir a; tin, riahhmunah chuan an kal a, riahhmunah chuan an riak leh ta a.
6:12 Tin, Josua chu zing takah a tho va, puithiamte chuan LALPA bâwm chu an zawn a.
6:13 Tin, LALPA bâwm hmaa berampa ki tawtawrâwt pasarih keng puithiam pasarihte kha an kal zel a, tawtawrâwt an ham a:
6:14 Tin, a ni hnih ni chuan khawpui chu vawi khat an han vel chhuak elh a, riahhmunah chuan an kir leh a: chutiang chuan ni ruk an ti a.
6:15 Tin, heti hi a ni a, a ni sarih ni chuan zing tak vartianah an tho va, an tih dan pangngaiin vawi sarih an vel chhuak a: chu mi ni chauh chuan khawpui chu vawi sarih an vel chhuak a.
6:16 Tin, heti hi a ni a, a vawi sarihnaa puithiamhoten tawtawrâwt an han ham chuan Josuan mipuiho hnenah, "Au rawh u khai: LALPAN khawpui hi a pe tawh che u asin.
6:17 Khawpui hi a chhûnga thil awm zawm zawng chawp hian LALPA tana hluihlawn vek tur a ni: Rahabi nawhchizuar chauh, amah leh in chhûnga a hnena awm zawng zawngte erawh chu kan mi tirhte kha a lo thuhruk avangin zuah tur a ni.
6:18 nangni chu chu thil hluihlawn lakah chuan inthiarfihlim hlauh rawh u, chutilochuan in hluihlawn hnu chuan thil hluihlawn chu in la dah ang e, Israel-ho ruahhmun hi thil hluihlawnah in siam mai ang a, manganna in thlen dah ang e.
6:19 Tangkarua te, rangkachak te, dar leh thir bungbelte erawh chu LALPA pual a ni vek a: LALPA sum ina dah tur a ni ang," a ti a.
6:20 Chutichuan mipuite chu an au va, puithiamten tawtawrâwt an ham a: tin, heti hi a ni a, mipuiten tawtawrâwt an ham a: tin, heti hi a ni a, mipuiten tawtawrâwt ri an han hrat veleh chuan mipuiho chu an au ta dur dur a, kulh chu a chim ta rup a, tichuan mipuite chu mahni hma zawn theuhvah chuan an chho va, khawpuiah chuan an lut a, khawpui chu an la ta a.
6:21 Tin, khawpui chhûnga mi zawng zawng - a hmei apa, a pui apangin - bawngpa te, beram te, sabengtungte nen khandaihin an tihlum fai vek a.
6:22 Tin, Josuan mi pahnih ram va enthlatute hnenah khan, "Nawhchizuar inah sawn va lut ula, a hnenaa chhia in lo chham tawh ang khan chu hmeichhia chu a neih zawng zawng nen va hruai chhuak rawh u," a ti a.
6:23 Tin, enthlatu tlangvalte chu an va lut a, Rahabi nen, a nu nen, a nutate nen, a neih zawng zawngte nen c huan an va hruai chhuak a, a laichun unaute zawng zawng pawh an va hruai chhuak a; Israel ho riahhmun pawn lamah an awmtir ta a.
6:24 Tin, khawpui chu a chhûnga thil awm zawng zawng nen meiin an hal vek a: tangkarua te, rangkachak te, dar leh thir bungbelte chauh chu LALPA sum inah an dah a.
6:25 Amaherawhchu Rahabi nawhchizuar leh aneih zawng zawng leh a pa chhûngte chu Josuan a zuah vek a; tichuan Israel-hote zingah chuan tun tlengin a la tel ta reng a ni; Josuan Jeriko khua enthla tura a tirhte khaa lo thuhruk avangin.
6:26 Tin, chu mi lai chuan Josuan, "He Jeriko khawpui hi rawn din apiang chu LALPA hmaah anchhe dawngin awm rawh se: a fa tir chanin a lungphum chu a phum ang a, a fa tlum ber chanin a kulh kawngkate chu a din ang," tiin anni chu a vau va.
6:27 Chutichuan LALPA chu Josua hnenah a awm a; tin, a ram pum puiah chuan a hming a lo thang ta a.
7:1 Amaherawhchu Israela thlahte chuan thil hluihlawnah chuan thil an lo tisual ta a: Juda hnama mi Zera fa Zabdia, chu mi fapa Karmia, chu mi fapa Akana chuan thil hluihlawn a lo la ta: tichuan Israela thlahte chungah chuan LALPA thin a lo rim ta a.
7:2 Tin, Josuan Jeriko khua atangin Bethel chhak lam Beth-aven dep Ai khua-ah chuan mi a tir a, an hnenah, "Han, "Han kal ta ula, ram han enthla teh u," tiin a sawi a. Tin, mite chu an han kal a, Ai khua chu a han enthla a.
7:3 Tin, Josua hnenah an kir leh a, a hnenah, "Mi zawng zawng chu han kal kher suh se; mi sanghnih emaw sangthum emaw vel han kal sela, Ai khua bei rawh se; mi zawng zawng han tihhah kher tur a ni lo ve; tlemte chauh an ni si a," an ti a.
7:4 Chutichuan mipui zinga mi, mi sangthum emaw chutah chuan an han kal a: tin, Ai-ho hmaah chuan an lo tlanchhe ta a.
7:5 Tin, Ai-hote chuan mi sawmthum leh paruk emaw lai an lo that a: kulh kawngka bul atangin Sebarim thleng hialin an rawn um a, an liam thlaknaah chuan an that hlawm a: tin, mite thinlung chu a tui zo va, tui ang mai an lo ni ta a.
7:6 Tin, Josua chuan a puante a pawtthler a, LALPA bâwm hmaah amah leh Israel-ho upate chu an hmaia lei sin tlai thlengin an bawkkhup a; tin, an luah vaivut an phul a.
7:7 Tin, Josua chuan, "E khai aw, eng atan nge aw LALPA Pathian, keini mipuiho hi tihboral tura Amor-ho kuta pêk atan Jordan lui hi min hruaikai tehlul nio? Jordan lui ralah khan lungawi taka awm hle hle tak zawk tur aw!
7:8 Aw Lalpa, hetia hmêlmate uma Israel-ho an tlanchhe ta mai hi engtin nge ka tih tak ang le?
7:9 Kanaan-hote leh heng lai rama cheng zawng zawngte hian an hria ang a, min rawn hual ang a, lei ata hi kan hming an tiboral daih dawn a nih hi: i hming ropui tak hi engtin nge i tih tak ang le?" a ti a.
7:10 Tin, LALPA chuan Josua hnenah, "Tho rawh, engati nge khatia i bawhkhuh reng ni?
7:11 Israel-ho hian thil an tisual ani e; a ni, ka thuthlung pawm tura thu ka pêk kha an bawhchhia anih hi; a ni, thil hluihlawna mi pawh kha an la bawk a ni; an ru bawk a, an zep ru bawk a, an bungraw zingah ngei an thukru a ni.
7:12 Chuvangin alawm Israela thlahten an hmêlmate an ngam theih loh, hluihlawn chu in zing ata in tihboral phawt loh zawngin in hnenah hian ka awm dawn tawh lo a ni.
7:13 Tho la, mipuiho hi tithianghlim phawt mai rawh, tin, an hnenah, 'Naktuk atan intithianghlim rawh u khai: LALPA Israelte Pathian, Aw Israelte u, in zingah hian hluihlawn thil a awm ani e: in zing ata hluihlawn thil hi in lak bo hma loh zawng in hmêlmate in hneh thei lo vang.
7:14 Chutichuan zingah a chi chia rawn inlantir tur in ni: tin, heti hi a ni ang a, LALPAN chu mi chi a lo mana chu a hnam hnamin in rawn inlan leh tur a ni; tin, LALPAN chu mi hnam a lo mana chu a chhûng chhûngin in rawn inlan leh tur a ni; tin, LALPAN chu mi chhûng a lo man chu a mal malin in rawn inlan leh tur a ni.
7:15 Tin, heti hi a ni ang a, tupawh hluihlawn thil lo la apiang chu amah leh a neih zawng zawng meiin hal vek tur a ni ang: LALPA thuthlung a bawhchhiat avang leh, Israel-hote zinga thil sual âtthlâk tak a tih avangin, a ti a ni,' ti ang che" a ti a.
7:16 Chutichuan Josua chu zing takah a tho va, Israel-hote chu a chi chiin a rawn inlantir a; tin, Juda chite chu man an ni ta a:
7:17 tin, Juda hnamte chu a rawn inlantir leh a; tin, Zer hnamte chu a lo man a: tin, Zer-ho chhûngte chu a mal malin a rawn inlantir leh a; tin, Zabdia chu man a lo ni a:
7:18 tin, a chhûngteho chu a mal malin a rawn inlantir leh a; tichuan Juda chia mi Zera fapa Zabdia chu mi fapa Karmia, chu mi fapa Akana chu man a lo ni ta a.
7:19 Tin, Josuan Akana hnenah chuan, "Ka fapa, LALPA Israelte Pathian chu fak rawh aw; a hnenah chuan inpuang rawh khai; i thil tih zep suh khai," a ti a.
7:20 Tin, Akanan Josua chu a chhang a, a hnenah, "LALPA Israelte Pathian chungah chuan thil ka lo tisual ta ngei mai, hetiang hian ani ka lo tih tak ni:
7:21 Râllâk zinga mi Babulon ram puan tha tak leh, tangka sekel zahnih leh, rangkachak tlang sekel sawmnga buk ka hmu a, ka awt ta em a, ka la ta mai a ni; tin, ngai teh, ka puan in chhûngah leiah thuhruk a ni a, tangka chu chu mi hnuaiah chuan a awm." a ti a.
7:22 Chutichuan Josuan mite a tir a, puan in chhûngah chuan an va tlan a; tin, ngai teh, a puan inah chuan thuh rûk a lo ni ngei a, a hnuaiah chuan tangka chu a awm.
7:23 tichuan puan in chhûng ata chu an la a, Josua leh Israela thlahteho zawng zawng hnenah chuan an rawn la a; tin, anni chuan LALPA hmaah an dah a.
7:24 Tin, Josua leh Israel-ho zawng zawngte chuan Zera fapa Akana chu tangka te, puan te, rangkachak tlang te, a fapa te, a fanu te, a bawngpa te, a sabengtung te, a beram te, a puan in te leh a neih zawng zawngte nen chuan an hruai a: Akor ruamah an chhohpui a.
7:25 Tin, Josuan, "Engati nge min tihmangan le? LALPAN vawiinah hian nang pawh a timangang ve dawn che a nih hi," a ti a. tichuan Israel-ho zawng zawng chuan ani chu lungin an deng a; tin, anni chu meiin an hal a, lungin an deng a.
7:26 Tin, a chungah chuan lung an tiang vum thur a, tun thhleng hian a la awm; tin, LALPAN a thinrimna nasa tak chu a lamlet ta a. chutichuan chu mi hmun hmingah chuan tun thleng hian Akor ruam an la ti reng a.
8:1 Tin, LALPAN Josua hnenah, "Hlau suh la, zam hek suh: râl kâp mi zawng zawng i hnenah hruai langin, tho la, Ai khuaah han kal rawh: ngai teh, Ai khaw lal leh, a mite leh a khua leh a ram chu i kutah ka pe tawh e:
8:2 Jeriko leh an lal chunga i tih ang khan Ai khua leh an lal chungah pawh i ti dawn nia; râllâk leh rante chauh chu nangmahni pualah nei ang che u: khawpui chang ru tur a hnung lamah dah ang che," a ti a.
8:3 Chutichuan Josua leh râl kap mi zawng zawngte chu Ai khaw lama han kal tur chuan an thawk ta a: tin, Josuan mi chak huaisen singthum a thlang chhuak a, zanah a kaltir a.
8:4 An hnenah, "Ngai teh u, khawpui hnung lamah khawpui bei turin chang ru ang che u: khawpui atanga hla takah chuan kal suh ula, inpeih rengin awm ngawt mai rawh u,
8:5 tin, kei leh ka hnena awmho zawng zawngte chuan khawpui chu kan rawn hnaih ang a: tin, heti hi a ni ang a, hman ang bawk amin rawn bei tura an lo chhuah veleh, an hmaah kan tlanchia ang a;
8:6 tichuan min um turin an chhuak ang a, khua ata thui fe kan thlem chhuah thlengin; anni chuan, 'Hman ang bawk khan kan hmaah an tlanchhe leh ta le,' an ti dawn nia; tichuan an hmaah kan tlanchhia ang a;
8:7 tin, chan rukna ata in lo chhuak ang a, khawpui chu in la dawn nia: LALPA in Pathianin in kutah a pe dawn e.
8:8 Tin, heti hi a ni ang a, khawpui chu in lak veleh, khawpui chu hal ang che u: LALPA thu ang zelin in ti tur a ni: ngai teh u, thu ka pêk tawh che u hi," tiin thu ape a.
8:9 Tin, Josua chuan a kaltir ta a: tichuan chan rûkna hmunah chuan ankal a, Ai khaw thlang lamah Bethel leh Ai khaw inkârah chuan an awm a: Josua erawh chu chu mi zan chuan mipuite zingah a riak a.
8:10 Tin, Josua chu zing takah a tho va, mipuite chu a kai khawm a, tin, amah leh Israel-ho upate chu mipuiho hmaah chuan Ai khaw lamah an han kal ta a.
8:11 Tin, mipuiho zawng zawng, a hnena râl kap mi awmte chu an han kal a, an han hnaih a, khawpui bulah chuan an han kal a, Ai khaw hmar lampangah an han riak a: Ai khua nena an inkârah chuan ruam a awm.
8:12 Tin, mi sangnga lai a hruai a, khawpui thlang lampang Bethel leh Ai khaw inkârah chuan a chan ruktir a.
8:13 Chutichuan mipui, khawpui hmar lampanga sipaihote tanhmun leh khawpui thlang lampanga a changrutute tanhmun chu an han ruat fel a; tin, Josua chu chu mi zan chuan ruam lai takah a kal a.
8:14 Tin, heti hi a ni a, Ai khaw lalin chu chu a lo hmuh veleh, hmanhmawh takin zing takah a tho va, chu mi khuaa mite chu amah leh a hote zawng zawng nen, a hmun ruat Araba zawnah chuan Israel-hote chu beio turin an chhuak ta a, nimahsela khaw hnung lamah chuan amah bei turin an chang ru tih a hre lo va.
8:15 Tin, Josua leh Israel-ho zawng zawngte chu dawl ta ni awm takin an awm a, thlaler lam kawngah an tlan chiam a.
8:16 Tin, khawpuia awm zawng zawngte chu anmahni um turin an ko khawm a: tichuan Josua chu an um a, khawpuia ta chu thui fe thlem chhuahin an awm ta a.
8:17 Tin, Ai khuaah leh Bethel khuaah chuan Israel-hote um lo chu pakhat mah an awm ta lo va: khawpui chu khar lohvin an chhuahsan ta mai a, Israel hote chu an um ta a.
8:18 Tin, LALPAN Josua hnenah, "I fei ken kha Ai khaw lam hawiin lek rawh; i kutah ka pe dawn a ni a," a ti a. Tichuan Josua chuan a fei ken chu khawpui lam hawiin a han lek ta a.
8:19 Tin, changrututekha an awmna ata chu an lo chhuak thuai a, tin, a kut a han phar veleh an tlan a, khawpuiah chuan an lut a, an la ta a; tin, khua chu an hal ta thuai a.
8:20 Tin, Ai-hote chuan an hnung lam chu an han thlir chuan, ngai teh, khawpui chu van lama khu chho ngut ngutin an hmu ta a, khawii lam mah maha tlan theihna reng reng an nei ta lo mai a: tichuan thlalera tlante khan a umtute chu an lo let ve ta thung a.
8:21 Tin, Josua leh Israel-ho zawng zawngte chuan changrututen khawpui an lâk a, khawpui khu chu a chho ngut ngut an han hmuh chuan an let leh a, Ai hote chu an that ta a.
8:22 Tin, midangte chu a bei turin khaw chhûng ata an lo chhuak a; chutichuan Israel-hote chuan an karcheh ta a, then a lehlamah an awm a, a then a lehlamah: tichuan an that a, pakhat mah zuah leh chhuah reng reng pawh an nei lo va.
8:23 Tin, Ai khaw lal chu anungin an man a, Josua hnenah an hruai a.
8:24 Tin, heti hi a ni a, Israel hote chuan Ai khuaa mi phula awm zawng awng chu thlaler rama an va umna hmuna an thah zawh a, an zaa khandaiha an thah chimih vek hnu chuan, Israel-ho zawng zawngte chu Ai khaw lamah an kir leh a, khandaihin an han bei a.
8:25 Tin, chu mi nia thi zawng zawngte chu a hmei a pain singkhat leh sanghnih an ni. Ai khuaa mi zawng zawngte chu.
8:26 Josuan a fei lekna kut chu Ai-ho zawng zawng a tihboral der hma loh chuan a la thla si lo va.
8:27 LALPAN Josua thu a pêk a, tih tur a tih ang ngei khan chu khawpuia rante leh râllâkte chauh chu Israel-hote chuan anmahni pualah an nei a.
8:28 Chutichuan Josuan Ai khua chu a hal a, kumkhua atan leipawngah a siam a, tun thleng hian tihtiau alo ni ta.
8:29 Tin, Ai khaw lal chu tlai thlengin thing lerah a khai a: tin, ni tlak dawnin Josuan thu ape a, tichuan a ruang chu thingler ata an la thla a, khawpui kulh kawngka luhnaah an paih a, a chungah lung an tiang vum thur a, tun thlengin a la awm.
8:30 ,31 Tin, Mosia dan lehkhabua ziak tawh angin, LALPA chhiahhlawh Mosian Israela thlahte thu a lo pêk tawh ang khan, Josuan Ebal tlangah LALPA Israelte Pathian atan maichâm an siam aL chutah chuan LALPA tan halral thilhlante an hlan a. remna inthawiin an inthawi a.
8:31 ,30 Tin, Mosia dan lehkhabua ziak tawh angin, LALPA chhiahhlawh Mosian Israela thlahte thu a lo pêk tawh ang khan, Josuan Ebal tlangah LALPA Israelte Pathian atan maichâm an siam aL chutah chuan LALPA tan halral thilhlante an hlan a. remna inthawiin an inthawi a.
8:32 Tin, chutah chuan Israela thlahte hma ngeiah Mosian dan a ziak kha lungahte chuan a ziak chhawng a.
8:33 Tin, Israel-ho zawng zawng, an upate leh hotute, an rorêltute nen, Levi chi puithiamho, LALPA thuthlung bâwm zawntute hmaah, bâwm leh lampangah chuan hnam dang pawh, chumi rama piang pawh an ding za vek a; a zatve chu Gerizim tlang pangah an awm a, a zatve chu Ebal tlang pangah an awm a; lalpa chhiahhlawh Mosian israel hote chu mal a sawmsak phawt tur a ni tih thu a pêk tawh ang kha.
8:33 Tin, chu mi zawhah chuan dan thu zawng zawng, malsawmna thu leh anchhe dawn thu chu a chhiar a, dan lehkhabua chuang zawng zawng ang kha.
8:34 Mosia thupêk zawng zawng chu Israel-ho pungkhawm zawng zawng leh, hmeichhiate leh naupang te te teleh, an zinga hnam dang cheng vete hriatah chuan Josuan chhiar loh reng reng a nei lo.
9:1 Tin, heti hi a ni a, Jordan rala lalho zawng zawng - tlânga mi te, phaia mi te, tuifinriat zau tak kam tluana Lebanon thlenga awm zawng zawng - Hit-ho te, Amor-ho te, Kanaan mite, Periz-ho te Hiv-ho te, Jebus-hoten an lo hriat chuan,
9:2 Josua leh Israel-ho chu thu khat vuaa beih rawn tumin an pungkhawm chiam a.
9:3 Nimahsela, gibeon khuaa awmte chuan Josuan Jeriko khua leh Ai khua a tih dan an lo hriat chuan,
9:4 fin vervekin an che ve ta thung a, palai angin an insiam a, ip hlui tak tak an sabengtung an phurhtir a, uain peng hlui tak, a chhe thawm tawhte nen;
9:5 pheikhawk hlui tak tak bel tup hi an bun a, puan hlui tak an inbel a; an ei tura an rawn ken chhangte chu ro hulh, hmuar un a ni a.
9:6 Josua hnenah Gilgal-a an riahhmunah chuan an va kal a, a hnenah leh Israel hote hnenah chuan, "Ram hla tak atanga lo kal kan ni a: chutichuan kan hnenah hian thu thlung rawh u," an ti a.
9:7 Tin, Israel-hote chun Hiv-hote hnenah chuan, "Kan zinga cheng ve hi in lo ni reng ang e; engtin nge in hnenah thu kan thlun theih ang?" an ti a.
9:8 Tin, anni chuan Hosua hnenah, "I chhiahhlawhte kan nih hi," an ti a. Tin, Josua chuan an hnenah, "Tute nge maw in nih le? Khawi lam atanga lo kal nge in nih?" a ti a.
9:9 Tin, anni chuan a hnenah, "LALPA i Pathian hming avangin i chhiahhlawhte hi ram hla tak atanga lo kal kan ni e: a hmingthanzia te, Aigupta rama a thiltih zawng zawng te,
9:10 Jordan lui rala Amor ho lalte pahnih - Hesbon ram lal Sihona te, Basan ram lal Astaroth khuaa awm Oga te chunga a thiltih zawng zawng te kha kan lo hre si a.
9:11 Tin, kan upate leh kan rama chengho zawng zawngten kan hnenah, 'Kalkawng atan ei turte keng ula, anmahni va be rawh u, tin, an hnenah, In chhiahhlawh kan nih hi: kan hnenah thu thlung ang che u,' ti ang che u," tiin an sawi a.
9:12 Heng kan ei atana kan chhangte hi in hnena lo kal tura kan lo chhiah niin kan in atanga a luma kan rawn ken a ni a; nimahsela tunah zawng en teh mah u, a ro hul tawh a, a hmuar un tawh hi:
9:13 tin, heng uain peng kan thunnate pawh hi a thar a ni a; en teh mah u, a pawh vek tawh hi: tin, heng kan puante leh kan pheikhawkte pawh hi kan lo kalna a thui khawp a, a hlui vek tawh hi," an ti a.
9:14 Tin, mite chuan an ei tur han ken chu an lo la a, LALPA kamchang reng an ngai lo va:
9:15 tichuan Josua chuan anmahni nen inremna a siam a, anmahni chu zuah turin an hnenah thu a thlung ta a: tin, pungkhawmho mi liante pawh chuan an hnenah chhia an chham a.
9:16 Tin, heti hi a ni a, an hnenah thu an thlun achin ni thum hnuah chuan a, khaw thenawm, anmahni zinga lo awm ve reng an ni tih an hre chhuak ta a.
9:17 tin, Israel thlahte chu an kal zel a, a ni thum niin khawpuite chu an va thleng a. An khawpuite chu Gibeon te, Kephira te, Beeroth te, Kiriath-jearim te a ni.
9:18 Pungkhawmho mi liante chuan LALPA, Israelte Pathian chhala an hnena chhia an lo chham tawh avangin , Israela thlahte chuan an khawih lo. Tichuan pungkhawmho zawng zawngte chu mi lianho chungah chuan an phunnawi ta a.
9:19 Nimahsela mi lianho zawng zawngte chuan pungkhawmho zawng zawngte hnenah chuan, "LALPA, Israelte Pathian chhalin an hnenah chhia kan lo chham awh si a: chuvangin anmahni chu kan dek thiang lo a ni.
9:20 hetiang hian an chungah ti ila, i zuah mai ang u; chuti lo zawng an hnenah chhia kan lo chham tawh si avangin kan chungah hian thinurna a lo thleng mai ang asin," an ti a.
9:21 Tin, mi lianho vek chuan an hnenah, "Zuahin awm rawh se," an ti a. Chutichuan pungkhawmho zawng zawng thing fawmtuah leh tui chawituah an lo awm ta a; mi lianhoten an hrilh ang chuan.
9:22 Tichuan Josuan anmahni chu a kohtir a, an hnenah, "Engati nge, 'Ram hla tak atanga lo kal kan ni e,' tia min bum mai le? Kan zinga cheng ve in lo ni reng mai si a.
9:23 Chuvangin anchhe dawng in lo nih tak hi, eng lai pawhin in zinga mi thenkhat hi bawih an ni reng ang a, ka Pathian in atana thing fawmtu-ah leh tui chawituah an awm fo vang," tiin a sawi a.
9:24 Josua chu an chhang a, "LALPA, in Pathian chuan he ram hi a pe a, a chhûnga chengte zawng zawng tihhlum vek turin a chhiahhlawh Mosia chu thu a pe ngei tih kan ring a; tichuan hma in rawn sawn zel dan kan hriatin min thah kan hlau va, hetiang hian kan rawn ti ta mai a ni.
9:25 Tunah hian ngai teh, i kuta awm kan ni a: i ngaiha tha leh dika hriat ang ang chuan kan chungah hian ti zel mai ang che," an ti a.
9:26 Chutichuan an chungah chutiang chuan a ti ta a, Israela thlahte lak ata chu a chhanchhuak a, anmahni chu an that ta lo va.
9:27 Tin, Josuan chu mi ni chan a ruatna apiangah pungkhawmhote leh LALPA maichâm atan thing fawmtu-ah leh tuichawitu-ah a ruat a, tun thleng hian.
10:1 Tin, heti hi a ni a, Jerusalem khaw lal Adoni-zedekan Josuan Ai khua a la a, a tichhe der a, Gibeon khuaa mite chuan Israel-hote nen inremna an siam a, an zingah an cheng ve ta tih a lo hriat chuan,
10:2 a hlau ta hle mai a; Gibeon khua chu khaw lian tak lal khawpui ang a ni si a, Ai khua aiin a ropui zawk a, a mihring zawng zawngte pawh chu mi chak tak an ni si a.
10:3 Chutichuan Jerusalem lal Adoni-zedeka chuan Hebron khaw lal Hohama te, Jarmuth khaw lal Pirama te, Lakis khaw lal Japhia te, Eglon khaw lal Debira teho chu,
10:4 "Lo kal ula, min rawn pui rawh u khai, Gibeon i va bei teh ang u: Josua leh Israela thlahte nen inremna an siam ta si a," tiin a chah khawm a.
10:5 Chutichuan Amor-ho lalte panga Jerusalem khaw lal te, Hebron khaw lal te, Jarmuth khaw lal te, Lakis khaw lal te, Eglon khaw lal te chu an pungkhawm a, an sipaiteho zawng zawng nen an han chho va, Gibeon khaw ep an awm ta mp a, an bei ta a.
10:6 Tin, Gibeon-hote chuan an riahhmun Gilgal-ah, Josua hnenah mi an tir a, "I chhiahhlawhte hi ngaihthah suh ang che; rang takin kan hnenah lo chho la, min rawn chhandam la, min rawn tanpui rawh: tlâng rama chengho Amor lalte min bei turin an pungkhawm chiam e," tiin.
10:7 Chutichuan Josua leh a hnena ralkap mi zawng zawngte leh mi chak huaisenho zawng zawngte chu Gilgal atang chuan an han chho va.
10:8 Tin, LALPAN Josua hnenah, "Anni chu hlau suh khai: i kutah ka pe vek awh e; an zinga mi tumah chelh tur reng reng che an awm dawn lo ve," a ti a.
10:9 Chutichuan Josua chuan a bei ta thut a; zankhua Gilgal atanga lo han kal tawh a ni a.
10:10 Tin, LALPAN Israel-hote hmaah chuan anmahni chuan tam tak a that a, Beth-horon chhohan lam kawngah a um a, Azeka leh Mekeda khaw thlengin a that zel a.
10:11 Tin, heti hi a ni a, Israel-ho hmaa an tlanchhiat a, Beth-horon atanga liam thlakna hmuna an awm lai chuan LALPAN rvan atangin rial lian pui puiin Azeka khaw thlengin a zuk dentir chiam a, an thi a: Israela thlahten khandaiha an sahhlum ai mahin rial denhlum chu an tam zawk a ni.
10:12 Chutichuan LALPAN Amor-hote chu Israela thlahte a pêk ni chuan Josuan LALPA hnenah thu a sawi a; Israel-hote mithmuhah, "Nia, Gibeon khaw chhûngah ding reng rawh; Nang pawh Thlaa, Aijalon ruamah hian awm reng rawh," a ti a.
10:13 Tichuan mite chuan an hmêlmate chunga phuba an lak hma loh chuan ni chu a ding ta reng a, thla pawh chu a awm ta reng a. He thu hi Jasara buah ziak ani lo vem ni? Tichuan ni ch van lai zawlah a awm ta reng a, ni khat pumhlum lai tlak zai reng reng a rel lo.
10:14 LALPAN chutianga mihring aw a ngaihthlak ni ang chuan a hmain ni reng reng a awm ngai lova, a hnuah pawh a awm ngai hek lo: LALPAN Israel-hote chu a dopui a ni si a.
10:15 Tin, Josua leh Israel-ho zawng zawngte chu an riahhmun Gilgal-ah an kir leh ta vek a.
10:16 Tin, chung lal pangate chu an tlan bo va, Makeda pukah an biru a.
10:17 Tin, "Lal pangate chu an hmu ta, Makeda pukah an biru a ni," tiin Josua an hrilh a.
10:18 Tichuan Josuan, Puk kawngkaah chuan lung luan pui pui lum ula, a vengtute pawh lo awmtir rawh u:
10:19 nangni erawh chu awm suh u: in hmêlmate chu um ta zel ula, hnu daltute kha that ula; an khuaah reng reng luhtir suh u: LALPA in Pathianin in kutah anmahni chu a pe tawh si a," a ti a.
10:20 Tin, heti hia ni a, Josua leh Israela thlahten an chimin hma lovah an thah chiam zawh a, an awm chhunate chu kulhpui nei khuaah te an tlan luh hnu chuan,
10:21 mi zawng zawng chu Josua hnen lamah Makeda-ah chuan râlmuang takin an lo haw leh ta a: tumahin Israela thlahte lamah reng reng an lei an phut lo.
10:22 Chutichuan Josuan,'Pûk kawngka kha han hawng tawh ula, lal pangate kha pûk ata ka hnenah han hruai rawh u," a ti a.
10:23 Tin, chutiang chuan an ti a, chu mi lal panga, Jerusalem khaw lal te, Hebron khaw lal te, Jarmuth khaw lal te, Lakis khaw lal te, Eglon khaw lalte chu pûk ata a hnenah an rawn hruai a.
10:24 Tin, heti hi a ni a, chung lalte chu Josua hnena kal ve râl kap mite zinga puipa deuh deuhte hnenah chuan, "Lo kal hnai ula, heng lalho ring hi han rap teh u," a ti a. Tichuan an lo kal hnai a, an ring chu an rawn rap ta a.
10:25 Tin, Josuan an hnenah, 'Hlau suh ula, zam hek suh u; chak tak leh huai takin awm rawh u: in hmêlma zawng zawng iin do te chungah LALPAN hetiang hian a ti zel dawn a ni e," a ti a.
10:26 Tin, chu mi zawhah chuan Josuan a bei a, a tihlum a, thing panga lerah a khai a: tichuan tlai thlengin thinglerah chuan an inkhai a.
10:27 Tin, heti hi a ni a, ni tlak dawnin Josuan thu a pe a, thingler ata an la thla a, an birukna pukah khan an paihlut a, pûk kawngka chu lung lian pui puiin an chhin a, tun thleng pawh hian an la awm reng.
10:28 Tin, Josuan chu mi ni chuan Makeda khua chu a la a, an lal chawpin khandaihin a bei a; chu khuaa awm zawng zawngte nen chuan a tihlum fai vek a, pakhat mah zuah reng reng a nei lo: tichuan Jeriko khaw lal chunga a tih ang bawk khan Mekeda khaw lal chungah pawh a ti a.
10:29 Tin, Josua chu Israel-ho zawng kawnge nen Makeda khua atangin Libna khua chu an bei a:
10:30 tichuan LALPAN chu khua chu an lal chawpin Israel-te kutah a pe leh bawk a; tin, chu khua chu beiin a chhûnga awm zawng zawngte chu khandaihin a tihlum vek a; a chhûnga mi pakhat mah zuah reng reng a nei lo; tichuan Jeriko khaw lal chunga a tih ang bawk khan chu mi khaw lal chungah pawh a ti a.
10:31 Tin, Josua chu Israel-ho zawng zawngte nen Libna khua atangin Lakis khaw lamah an kal a, tanhmun an khuar a, an bei ta a:
10:32 tichuan LALPAN Lakis khua chu Israelte kutah a pe a, a ni hnih niin a la a, chu khua chu beiin a chhûnga awm zawng zawngte chu khandaihin a tihlum vek a, Libna khaw chunga a tih ang bawk khan.
10:33 Chutichuan Gezer khaw lal Horama chu Lakis khua pui turin a han kal a; tin, Josua chuan a mah leh a hote nen pakhat mah zuah hlek lovin a lo that phiar a.
10:34 Tin, Josua chu Israel-ho zawng zawngte nen Likis khua atangin Eglon khaw lamah an kal a, tanhmun an khuar a, an bei ta a:
10:35 tin, chu mi ni chuan an la a, tin, chumi ni vek chuan chu khua chu beiin a chhûnga awm zawng zawngte chu a tihlum fai vek a, Lakis khaw chunga a tih ang bawk khan.
10:36 Tin, Josua chu Israel-ho zawng zawngte nen Eglon khua atangin Hebron khaw lamah an kal a, an bei ta a:
10:37 tichuan an la a, chu khua leh an lal leh, a khawper zawng zawngte chu khandaiha beiin a tihlum vek a, Eglon khaw chunga a tih ang bawk khan pakhat mah zuah reng reng a nei lo va; a khua lama chhu chhe vekin a chhûnga awm zawng zawngte chu a tihlum fai vek a.
10:38 Tin, Josua leh Israel-ho zawng zawngte chu Debir khaw lamah an let leh a; an bei ta a:
10:39 tichuan chu khua leh, an lal leh, a khawper zawng zawngte chu a la a; tin, khandaihin an bei a, a chhûnga awm zawng zawngte chu a tihlum fai vek a; pakhat mah zuah reng reng a nei lo: Hebron khaw chunga a tih ang khan Debir khua leh an lal chungah pawh a ti a; Libna khua leh an lal chunga a tih ang bawk khan.
10:40 Chutichuan Josuan a ram pumin, tlâng ram te, Chim ram te, phai ram te, awih pangper ramte chhu chhe vekin an lal zawng zawng chu a tihlum vek a: pakhat mah zuah reng reng anei lo: LALPA, Israel-te Pathian thupêk angin nung tawh phawt chu a tichimit ta vek zawk a.
10:41 Tin, Josua chuan Kades-barnea atanga Gaza thlengin, Gosen ram zawng zawng nen Gibeon thlengin a chhu chhe vek a.
10:42 Chung lalho zawng zawngte leh an ramte chu LALPA, Israelte Pathianin Israel-hote chu a dopui avangin, Josua chuan tumkhata a amn vek an ni. Tin, Josua leh Israel-ho zawng zawngte chu an riahhmun Gilgal-ah an kir leh ta vek a.
11:1 Tin, heti hi a ni a, Hazor khaw lal Jabinan chu chu a lo hriat chuan, Madon khaw lal Jobaba te, Simron khaw lal te, Aksaph khaw lal te,
11:2 hmar tlâng ram lal te, Kineroth chim lama Araba lal te, phai ram lal te, thlang lam panga Dor khaw zosâng lal te,
11:3 chhak lam leh thlang lama awm Kanaan mi te,, tlang lama awm, Amor-ho te, Hit ho te, Periz-ho te, Jebus-ho te, Mizpa ram Hermon tlang hnuaia awm Hiv-ho hnenahte mi a ti r a.
11:4 Tin, an sipaihote zawng zawng nen mi tam tak, an tam lam chu tuifinriat kama tiau vaivut zat zet, akawr leh tawlailir tam tak nen an thawk ta chiam a.
11:5 Chung lalho zawng zawngte chu an intawk khawm a, Israel-hote chu beih tumin Meron tuiahte chuan an riak khawm a.
11:6 Tin, LALPAN Josua hnenah, "Anni chu hlau suh: naktu hetih hun hian anniho chu tihhlum sa vekin Israelte ka rawn pe mai dawn e: an sakawr thate i chhahsak ang a, an tawilairte chu i halsak dawn nia," a ti a.
11:7 Chutichuan Josua leh râl kap miz awng zawngte chu Meron tuiahte chuan an va thawk ta thut a, an bawh ta a.
11:8 Tin, LALPAN anmahni chu Israelte kutah a pe a, an bei a, Zidon ropui thleng te, Misrephothmaim hmun thleng te, chak lampanga Mizpeh ruam thleng tein an um a: pakhat mah zuah reng reng nei lovin an that vek a.
11:9 Tin, LALPAN a tirh angin Josua chuan an chungah a ti a: an sakawr thate a chhahsak a, an tawlailirte chu a halsak a.
11:10 Tin, chutih lai chuan Josua chu a let leh a, Hazor khua chu a la a, an lal chu khandaihin a that a; tun hma chuan Hazor khua chu chunlgai vel ram zawng zawng zinga khawpui ber a ni.
11:11 Tin, chu khua aawm zawng awngte chu khandaihin a that vek a, an tichimit vek a, nung tawh phawt chu pakhat mah an zuah lo: tichuan Hazor khua chu a hal ta a.
11:12 Tin, chu lalho khawpui zawng zawngte leh an lal zawng zawngte chu Josuan a amn vek a, khandaiha beiin a that a, a tichimit vek a; LALPA chhiahhlawh Mosian thu apêk ang khan.
11:13 Mualpawnga khawpui lo din sa tawhte erawh kha chu, Hazor khua ngawt lo chu Israel-hote chuan pakhatmah an hal lo; chu khua erawh chu Josuan a hal a ni.
11:14 Tin, chung khawpuia an râllâk zawng zawngte leh rante chu Israela thlahte chuan anmahni pualah an nei a; mihring eawh chu an tihboral vek hma loh zawng khandaihin an that zel a, nung tawh phawt chu zuah an nei lo.
11:15 LALPAN a chhiahhlawh Mosia thu a pêk ang bawkin, Mosia pawhin Josua chu thu a pe ve a: chutiang chuan Josuan a ti zel a: LALPAN Mosia thu a pêk zawng zawng chu tih loh reng reng a nei lo.
11:16 Chutichuan Josuan chung ram zawng zawng, tlâng ram te, Chhim ram zawng awng te, Gosen ram zawng awng te, phai ram te, Araba te, Israel-ho tlâng ram te, an phai ramte nen a la vek a.
11:17 Seir tlang han sutu Halak tlang atanga Hermon tlang hnuaia Lebon ruama Baalgad thlengin; an lal zawng zawngte chu a man a, a that a, a tihlum a.
11:18 Josuan chung lalho zawng zawng chu rei tak a do a ni.
11:19 Gibeon khuaa awm Hiv-hote tih chauh lo chu Israel-hote nena remna siam khua reng reng an awm lo: dona an lak vek a ni.
11:20 LALPAN Mosia thu a pêk anga a tihchimih vek a, duhsakna nei hlek lova a tiboral theihna tura an thinlung tihkhauhsaka Israel-hote dotir thintu chu LALPA chu a ni si a.
11:21 Tin, chung lai chuan Josua chu a kal a, tlâng ram atang te, Hebron khua atang te, Debir khua atang te, Anab khua atang e, Judai tlâng ram zawng zawng atang te, Israel tlâng ram zawng zawng atangtein Anakim-ho chu a tichimit vek a: Josua chuan an khawpuite chawpin a tiboral vek a.
11:22 Israela thlahte ramah chuan Anakim-ho chu pakhatmah awm an awm tawh lo: Gaza khuaah te, Gath khuaah te, Asdod khuaah te erawh chuan awm chu an la awm.
11:23 LALPAN Mosia hnena a sawi zawng zawng ang khan Josua chuan Israelteho chu an hnam inthen dan ang zelin an rochan atan a pe hlawm a. tichuan ram chu râlmuangin a awm ta a.
12:1 Hengte hi a ni chung ram lal, Israela thlahten an tihboral a, an ram Jordan lui ral, ni chhuahna lal ram, Arnon chhak lampanga Araba zawng zawng nena an neihsak lalte chu:
12:2 heng Amor-ho lal Shihona, Hebona awm chuan Arnon ruam sira awm Aroer khua atangin ro a rêl a ni a. tin, ruam lai taka khawpui te, Amona thlahte ramri Jabok lui thlengin Gilead ram zatve chungah chuana rel bawk a;
12:3 tin, chhak lamah chuan Araba-ah Kineroth dil thlengin a ni a; tin, chhak lamah vek Beth-jesimoth kalna kawng lamah Araba tuifinriat, Tuifinriat Al thlengin a ni a; tin, chhim lamah Pisga awih pangper hnuai thlengin a ni a a;
12:4 tin, Astaroth leh Edrei khuaa awm Repahim hnam la awm chhunte zingah chuan Basan lal Oga a lal a:
12:5 ani chuan Hermon tlangah te, Salka khuaah te leh Basan ram zawng zawngah Gesurbon lal Sihona ramri chin Gilead ram zatve thlengin ro a rêl a.
12:6 LALPA chhihhlawh Mosia leh Israela thlahte chuan chunghote chu an that a: tin, LALPA chhiahhlawh Mosia chuan Reuben chi e, Gad chi te, manase hnam zatvete chu an rochanah a sem a.
12:7 Tin, heng ram lalho hi a ni Josua leh Israela thlahten Jordan lui ral thlang lampanga an thlahte chu, Lebanon ruam Baal-gad atanga Seir tlang han sutu Halak tlang thlengin; tin, Josua chuan Israel hnamte an inthen dan ang zelin chu ram chu an rochan atan a pe hlawm a;
12:8 tlâng ramah te, phai ramah te, Araba-ah te, tlang pangper amah te, thlaler ramah te, Chhim ramah te, chung chu Hit mi te, Amor mi te, Kanaan mi te, Periz m te, Hiv mi te, Jebus mi te ram kha a ni.
12:9 Jeriko khaw lal, pakhat, Bethel khaw depa Ai khaw lal, pakhat,
12:10 Jerusalem khaw lal, pakhat, Hebron khaw lal, pakhat,
12:11 Jarmuth khaw lal, pakhat, Lakis khaw lal, pakhat,
12:12 Eglon khaw lal, pakhat, Gezer khaw lal, pakhat,
12:13 Debir khaw lal, pakhat, Geder khaw lal, pakhat,
12:14 Horma khaw lal, pakhat, Arad khaw lal, pakhat,
12:15 Libna khaw lal, pakhat, Adulam khaw lal, pakhat,
12:16 Makeda khaw lal, pakhat, Bethel khaw lal, pakhat,
12:17 Tapua khaw lal, pakhat, Hepher khaw lal, pakhat,
12:18 Aphek khaw lal, pakhat, Lasaron khaw lal, pakhat,
12:19 Madon khaw lal, pakhat, Hazor khaw lal, pakhat,
12:20 Simronmeron khaw lal, pakhat, Aksaph khaw lal, pakhat,
12:21 Taanak khaw lal, pakhat, Megido khaw lal, pakhat,
12:22 Kedes khaw lal, pakhat, Karmel tlânga Joneam khaw lal, pakhat,
12:23 Dor khaw zosânga Dor khaw lal, pakhat; Gilgal-a Goim hnamho lal, pakhat,
12:24 Tirza khaw lal, pakhat; lal zawng zawng chu sawmthum leh pakhat an ni.
13:1 Tin, Josua chu a lo upa a, a lo tar ta hle mai a; tin, LALPA chuan a hnenah, " I lo upain i lo tar ta hle a, ram lah chu lâk tur a la tam mai si a.
13:2 Heng ramte hi a ni la lâk loh chu: Philistia ram zawng zawng leh Gesur-ho ram zawng zawng chu:
13:3 Aigupta ram bula awm Sihor atanga hmar lampanga Ekron ramri thlengin (Chu chu Kanaan mite rama ngaih a ni); Philistia-ho lal panga, Gaza nitem Asdod mite, Askelon mite, Git mite leh Ekron mite chu: chim lama Avim ram pawh:
13:4 Kanaan mite ram zawng zawng leh Ziedon mite rama Meara, Amor-ho ramri Aphek khaw thlengin:
13:5 tin, Gebal mite ram leh ni chuahna lam Lebanon ram zawng zawng, Hermon tlang hnuai Baal-gad atanga Hamath khaw luhna thlengin:
13:6 Lebanon atanga Misrephoth-maim hmun thlengi, tlâng rama cheng zawng zawng, Zidon mi zawng zawngte chu; anni chu Israela thlahte hmaah hian ka hnawtchhuak ang a: thu ka pêk che ang khan Israel-hote rochanah siamsak phawt mai ang che.
13:7 Chutichuan he ram hi hnam kuate leh Manase hnam zatvete rochanah semsak ang che," a ti a.
13:8 Amah nen Reuben chite leh Gad hote chuan Jordan chhak lampangah khan an chanpual tur Mosian a pêk chu an lo dawng tawh a, LALPA chhiahhlawh Mosia ngeiin a lo pêk tawh ang khan:
13:9 Arnon ruam sira awm Aroer khua atang leh ruam lai taka khawpui leh, Medeba phai ram zawng zawng, Dibon thlengin;
13:10 tin, Amor-ho lal Sihona, Hesbon khuaa lala thua khawpui zawng zawng, Amona thlahte ramri thlengin;
13:11 tin, Gilead ram leh Gesur-ho leh Maakat-ho ramri chin leh Hermon tlang zawng zawng leh Basan ram zawng zawng, Salka khaw thlengin;
13:12 Astaroth leh Edrei khuaa lala thu Basan ram lal Oga ram zawng zawng nen (chung chu Rephaim hnam la awm chhunte an ni); chungho chu Mosian a lo bei a, a lo hnawtchuak tawh a ni.
13:13 Amaherawhchu Gesur-hote leh Maakat-hote chu Israela thlahte chuan an hnawtchhuak lo: Gesur-ho leh maakat-ho zawng tun thleng hian Israel-hote zingah an la cheng ta reng zawk a ni.
13:14 Levi hnamte chauh a ni rochan tur a pêk ve loh ni: a hnena a lo sawi tawh ang khan LALPA, Israelte Pathian tana meia thilhlante chu an rochan a ni zawk si a.
13:15 Tin, Rebena thlahte hnam chu an chhûngkaw zir zelin Mosian ram a lo pe tawh a.
13:16 Tin, an ramri chu Arnon ruam sira awm Aroer khua atanga ruam lai taka khawpui leh Medeba phai ram zawng zawng:
13:17 Hesbon leh chu mi phai rama khawpui zawng zawng: Debon te, Bamothbaal te Bethbaal-meon te:
13:18 Jahz khua te, Kedemoth te, Mephaath te;
13:19 Kiriathaim te, Sibma te, ruam tlanga Zereth-sahar te;
13:20 Bethpeor te, Pisga awih pangper te, Beth-jesimoth te;
13:21 phai ram khawpui zawng zawng te, Hesbona rorêl, Amor-ho lal Sihona mi lian ho , Midian-hote lala awm Evia te, Rekema te, Zura te, Hura te, Reba te an awmna ram chawpa Mosian a lo tiboral takte nen khan a ni.
13:22 Beora fapa Balaama, aienthiam pawh Israela thlahten mi dang an thlahte zingah chuan khandaihin an that zel a.
13:23 Tin, Reubena thlahte ram chin chu Jordan leh a kam zawng chu a ni. Heng ram leh khawpuite leh khuate hi a ni Reubena thlahte tana an chhûngkaw zir zela rochana an ruat chu.
13:24 Tin, Mosian Gad chi, Gada thlahte chu an chhûngkaw zir zelin ram a pe a.
13:25 Tin, an ramri chu Jazer khua leh Gilead ram khawpui zawng zawng leh Amona thlahte ram zatve, Raba khaw depa awm Aroer thlengin;
13:26 Hesbon atanga Ramathmizpe leh Betonim thlengin; Mahanaim atanga Debir ramri thlengin;
13:27 tin, ruamah chuan Beth-haram te, Beth-nimra te, Sukoth te, Zaphon te, Hezbon leh Sihona ram dang te, Hezbon leh Sihona ram dang e, Jordan leh a kam te, Jordan ral chak lampanga Kinereth dil tawp rak thlengin a ni.
13:28 Hengte hi a ni Gada thlahte tana an chhûngkaw zir zela an rochana ruat chu, a khawpuite leh khuate chu.
13:29 Tin, Mosian Manase hnam zatvete chu ram a pe a, Manasea chi zatvete tan a ni an chhûngkaw zir zela a pêk ni.
13:30 Tin, an ramri chu Mahanaim atangin Basan ram zawng zawng, Basan ram lal Oga ram zawng zawng leh basan rama Jair khawpui zawng zawngte nen, chu chu khaw sawmruk a ni:
13:31 tin, Gelead ram te, Edrei khuate nen: chung chu Manasea fa Makira thlah, Makira thlah zatvete tan, an chhûngkaw zir zela ruat a ni.
13:32 Heng Moab phai, Jeriko zawn, Jordan ral, chhak lampang te hi a ni Mosian an rochan tura a lo sem chu.
13:33 Levi chite erawh chu Mosian rochan tur a pe ve lo: an hnena a lo sawi tawh ang khan LALPA, Israelte Pathian chu an rochan a ni zawk.
14:1 Hengte hi ani Israela thlahten Kanaan rama an lâk, puithiam Eleazara te, Nuna fapa Josua te, Israela thlahte hnam chhûngkaw puipaten an rochan atana an lo sem takte chu,.
14:2 hnam kuate leh hnam zatvete chanpual atana LALPAN Mosia hmanga thu a lo pêk tak ang khan,
14:3 Mosia chuan hnam hnih leh hnam zatvete kha Jordan ralah khan an rochan tur a lo pe ta si a; Levi chite erwah chu an zingah rochan tur a pe ve lo.
14:4 Josefa thlahte chu hnam hnih an ni, Manase leh Ephraim chu: Levi chiteho chu chu mi ramah chuan chanpual an pe lo, an awmna tur khawpuite leh a daivel ran tlatna tur hmun leh an in lo khuarna ngawt lo chu.
14:5 LALPAN Mosia thu apêk ang khan Israela thlahte chuan an ti a, ram chu an sem a.
14:6 Chutichuan Juda thlahte chu Gilgal khuaah Josua hnenah an va kal a: Keniz mi Jephunia fapa Kaleba chuan a hnenah, "Kadesh-barnea hmuna Pathian mi Mosia hnena LALPAN ka chungchang leh i chungchang thua a thusawi kha i hria a.
14:7 LALPA chhiahhlawh Mosian Kades-barnea hmun atanga ram va en thla tura mi tirh lai khan kum sawmli mi ka ni tawh a; tin, ka rilrua awm ang chiah chu a hnenah ka thlen leh a. a.
14:8 Amaherawhchu ka unau ka hnena kal vete khan mipuite thinlung an tihtuisak a: kei erawh chuan LALPA ka Pathian chu ka pawm tlat a.
14:9 Tichuan Mosian chu mi ni chuan, 'LALPA ka Pathian hi i pawm tlat avangin i kein a lo rah tak ram chu kumkhuain nangmah leh i thlahte rochan tur ani ngei ngei ang,' tiin chhia a chham a.
14:10 Tichuan ngaiteh, LALPAN Mosia hnena chung thu chu a sawi achin Israel-hote thlalera an vah chhûng zawngte khan LALPAN a sawi tawh angin kum samwli leh kum nga zet chu mi damtir a; tichuan ngaiteh, tunah hian kum sawmriat leh kum nga ka lo ni ta a,
14:11 Chuti chung pawhin tun thleng pawh hian Mosia mi tirh lai ang mai bawk khan ka la chak reng a, hmana indo leh chhuahvah nan thahrui ka nei ang bawk khan tunah pawh hian ka la nei reng asin.
14:12 Chutichuan he tlang, LALPAN kha mi nia a lo sawi tah kha mi pe ta che; khatia Anakim-hote an awm a, an khawpuite pawh a ropuiin, kulha hung khup a ni tih khami ni khan i hriat kha; LALPA chuan mi awmpuiin, anmahni chu ka hnawtchhuak thei mahna, LALPAN a lo sawi tawh ang khan," a ti a.
14:13 Chutichuan Josua chuan mal a sawm a; tin Jephunia fapa Kaleba chu a rochan atan Hebron kua chu a pe ta a.
14:14 Tichuan Hebron khua chu tun thleng hian Keniz mi, Jephunia fapa Kaleba rochan a lo ni ta a ni; LALPA, Israelte Pathian chu a pawm tlat avangin.
14:15 Tin, Hebron khaw hming chu a hma chuan Kiriath-arba a ni; Arba chu Anakim-ho szinga mi lian ber a ni. Tichuan ram chu râlmuangin a awm ta rih a.
15:1 Tin, Juda thlahte hnam an chhûngkaw zir zela an chanpuala ruat chu Edon ramri chin chhim lampang, Zin thlaer thleng hialin, chhim tawp thleng rakin a ni.
15:2 Tin, chhim lampanga an ramri chin chu Tuirinriat Al tawp rak, chim chawng litengsawl atangin a ni;
15:3 tin, Akrabim chhohna chhim lam panin a kal zel a, Zin a va thleng a, tin, Kadesbarnea chhim lamah a chho va, Hezron a va thleng a, tin, Adar-ah a chho va, Karka a kualkhung a:
15:4 tin, Azmon-ah a kal zel a, Aigupta luiah a chhuak a; tichuan tuifinriat chu ramri tawp chin chu a ni: chu chu chhim lampangah in ramri chin tur chu a ni ang.
15:5 Tin, chhak lampang ramri chu tui - Tuifinriat Al, Jordan chhuah tak chu a ni. Tin, Hmar lampang ramri chu tuifinriat lingtengsawl, Jordan chuah atangin a ni a:
15:6 tichuan ramri ch Beth-hogla-ah a chho va. Beth-araba hmarah a kal zel a: tin, ramri chu Rebena fapa Bohana lungah a chho zel a:
15:7 tin, ramri chu Akor ruam atangin Debir-ah a cho zel a, tin, lui chhim lama awm Adumim-a chhohna depa Gilgal lam panin hmar lamah a kal zel a: tin, ramri chu Ensemes tuiahte chuan a kal zel a, tichuan ramri chu En-rogel-aha chhuak a ni.
15:8 tin, ramri chu Honoma fapa ruamah Jebus-ho ram sir chhim lam (chu chu Jerusalem a ni) thlengin a chho va; tin, ramri chu Hinom thlang lampang ruam bula awm tlang chhipah a chho va, chu chu Rephaim hmar lampang ruam tawp rak a ni:
15:9 tin, ramri chu tlang chhip atangin Nephtoa lui tuite thlengin a kaltir a, Ephron tlanga khawpuiahte a kal zel a, tin, ramri chu Baala-ah (chu chu Kiriath-hearim ani_ an kaltir:
15:10 tin, ramri chu Baala atangin thlang lampang ah Seir tlang thlengin a insawh kual thla leh a, hmar lampangah Jearim (chu chu Kesalon a ni) tlang hrulah akal zela , Beth-semes-ah a chhuk a. Timna lamah a kal zel a:
15:11 tin, ramri chu hmar lampang Ekron hrulah a kal chuak a, tin, ramri chu Sikron-ah an kaltir a, tin, Baala tlangah a kal zel a, Jabneel-ah a chhuak a; tichuan ramri chu tuifinriatah a va tawp a ni.
15:12 Tin, thlang lampang ramri chu tuifinriat zau tak leh a kam chin zawng chu a ni. Chung ramri chin zawng chu ani Juda thlahte tana an chhûngkaw zir zela ruat chu.
15:13 Tin, Jephunia fapa Kelaba chu LALPAN Josua thu apêk angin Juda thlahte zingah chuan chanpual a siamsak ve a, chu chu Kiriath-arba a ni a, Arba chu Anaka pa a ni (chu chu Hebron an ti bawk).
15:14 Tin, Kaleba chuan chu khua ata chu Anaka fapate pathum Sesaia te, Ahimana te, Talmaia te, Anaka fate chu a hnawt chhuak a.
15:15 Tin, chu tang chuan Debir khuaa mite a han run a; a hma chuan Debir khaw hming chu Kiriath-sepher a ni.
15:16 Tin, Kaleban, "Tupawh Kiriath-sepher han bei a, han la thei apiang chu ka fanu Aksai nupuiah ka neihtir ang." a ti a.
15:17 Tin, Kaleba unau Kenaza fapa Othnielan a han la a: tichuan a fanu Akai chu nupuiah a neihtir ta a.
15:18 Tin, a pasal hnen a va thlen chuan a pa ram dil turin a lo fuih a. tin, sabengtung ata a chuk a; Kaleba chuan a hnenah, "Enge i duh le," a lo ti a.
15:19 Ani chuan, "Eng emaw dil che ka duh a ni: chhim lam ram ro takah mi lo awmtir ta si a, tuikhur mi pe tel bawk turin ka ngen a che," a ti a. Tichuan tuikhur chhakta leh thlangta chu a pe ta a.
15:20 Chung ch ani Juda thlahte hnam an chhûngkaw zir zela an rochan chu.
15:21 Tin, chhima Edom ramri va deptu Juda thlahte hnam khawpui hmawrtawngte chu Kabzeel te, Eder te, Jagur te;
15:22 Kina te, Demona te, Adada te;
15:23 Kedes te, Jazor te, Ithnan te;
15:24 Zip te, Telem te, Bealof te;
15:25 Hazor-adata e, Kerioth-hezron (chu chu Hazor a ni) te;
15:26 Amam te, Sema te, Molada te,
15:27 Hazargada te, Hesmon te, Beth-pelet te;
15:28 Hazar sual te, Beer-seba te, Biziothia te;
15:29 Baala te, Iim te, Ewzem te; Eltolad te, Kesil te, Horma te,
15:30 Ziklag te Madmana te, Sasana te;
15:31 Lebaoth te, Silhim te, Ain te, Rimon te ani khawpuiz awng zawng te chu a khawperte nen khaw sawmhnih leh kaw kua a ni.
15:32 Lebaoth te, Silhim te, Ain te, Rimon te a ni: khawpi zawng zawngte chu akhawperte nen khaw sawmhih leh khaw kua a ni.
15:33 Tin, phai ram lamah chuan Estaol te, Zora te, Asna te;
15:34 Zanoa te, Enganim te, Tapua te, Enam te;
15:35 Jarmuth te, Adulam te, Soko te, Azeka te;
15:36 Saaraim te, Adithaim te, Gedera te, Gederothaim te: khawpuite chu a khawperte nen khaw sâwm leh khaw li a ni.
15:37 Zenan te, Hadasa te, Migdal-gad te;
15:38 Dilean te, Mizpe te; Joktheel te;
15:39 Lakis te, Boz-kat e, Eglon te;
15:40 Kabon te, Lahmam te, Kitlis te;
15:41 Gederot te, Beth-dagon te, Naama te, Makeda te; khawpuite chu a khawperte nen khaw sâwm leh khwa ruk a ni.
15:42 Libna te, Ether te, Asan te;
15:43 Iphta te, Asna te, Nezib te;
15:44 Keila te, Akzib te, Maresa te; khawpuite chu a khawperte nen khaw kua a ni.
15:45 Ekron leh a chhehvel khuate leh a khawper chu
15:46 Ekron atanga tuifinriat thleng hialin Asdod hrula awm zawng zawng a khawperte nen.
15:47 Asdod leh a chhehvel khuate leh a khawperte chu; Gaza leh a chhehvel khuate leh a khawperte chu; Aigupta lui leh tuifinriat zau leh a kam chin thlengin.
15:48 Tin, tlâng ram lamah chuan Samir te, Jatir te, Soko te;
15:49 Dana te, Kiriath-sana (chu chu Debir ani_ te;
15:50 Anab te, Estemo te, Anim te;
15:51 Gosen te, Holon te, Gilo te; khawpuite chu akhawperte nen khaw sâwm leh khaw khat a ni.
15:52 Arab te, Duma te, Esan te;
15:53 Janim te, Beth-tapua te, Apheka te;
15:54 Humta te, Kiriath-arba (chu chu Benron ani_ te, Zior te; khawpuite chu a khawperte nen khaw kua a ni.
15:55 Maon te, Karmle te, Zip te, Juta te;
15:56 Jezreel te, Jokdeam te, Zanoa te;
15:57 kain te, Gibea te, Timna te; khawpuite chu khawperte nen khaw sawm a ni.
15:58 Halhul te, Beth-zur te, Gedor te;
15:59 Maarat te, Beth-anot te, Eltekon te; khawpuite chu a khawperte nen khawruk a ni.
15:60 Kiriath-baal te (chu chu Kiriath-jearim a ni), Raba te; khawpuite chu a khawperte nen khaw hnih a ni.
15:61 Thlaler lamah chuan Beth-araba te, Midin te, Sekaka te;
15:62 Nibsan te, chi Khawpui te, En-gedi te; khawpuite chu a khawper nen khaw ruk a ni.
15:63 Jerusalem khua ami Jebus-ho erawh chu Juda thlahten an hnawtchhuak thei l va; chutichuan Jebus-hote chu Juda thlahte nen tun thleng hian Jerusalemah an la cheng za ta reng a ni.
16:1 Tin, Josefa thlahte chanpual chu, Jeriko zawn Jordan atangin thlaler kiang, chhak lampanga Jeriko tuiahte chuan an chhuak a, Jeriko atang chuan tlâng ramah Bethel thlengin a chho zel a;
16:2 tin, Bethel atangin Luz-ah a chhuak a, Ark-ho ramria Ataroth thlengin a kal zel a;
16:3 tin, thlang lampangah Japhlet-ho ramri thlengin a chhuk zel a: chu chu tuifinriatah a chhuak a.
16:4 Tichuan Josefa thlahte manase leh Ephraim chite chuan chanpualah a nei ta a.
16:5 Tin, an chhûngkaw zir zela Ephraima thlahte ramri chu hetiang a ni: chhak lampanga an chanpual ramri chu Ataroth-adar a ni a, Beth-horon chhakta thlengin;
16:6 tin, ramri chu Mikmethath hmara thlang lampangah a chhuak a; tin, ramri chu chhak lampangah Taanath-silo thlengin a let leh a, Janoa chhak lamah a kal zel a;
16:7 tin, Janoa atang chuan Ataroth-ah te, Naara-ah te a chhuk zel a, Jeriko a tleng a, Jordan-aha chuak a.
16:8 Tapua atangin ramri chu thlang lampangah Kana luite thlengin akal a; chu chu tuifinriatah a chhuak a. Chung chu a ni Ephraima thlahte hnam an chhhungkaw zir zela an chanpual chu.
16:9 Manasea thlahte chanpual zinga Ephraima thlahte tana khawpui ruat hransakte nen, a khawpui zawng zawngte leh a khawper pawh.
16:10 Tin, Gezer-a awm Kanaan hote chu a hnawtchuak lo va Kanaan mite chu Ephraim- hote zingah tun thleng hian an la awm a, hnathawka rawih atan chhiahhlawhah an awm ta zawk a ni.
17:1 Tin, Manasea thlahte chanpual chu heng hi a ni; ani chu Josefa fa tir kha a ni a. Gileada pa, Manasea fa tir Makira erawh chu indo mi a ni avangin Gilead leh Basan ram chu anei a.
17:2 Tin, chanpual chu Manasea thlahte dang zawng zawng tan an chhûngkaw zir zelin a ni; Abiezera thlahte tan te, Heleka thlahte tan te, Asriela thlahte tan te, Sekema thlahte tan te, Hephera thlahte tan te, Semidia thlahte tan te: chungte chu an chhûngkaw zir zela Josefa fapa Manasea thlah mipate chu an ni.
17:3 Manasea fa Makira, chu mi fa Gileda, chu mi fa Hephera, chu mi fa Jelophehada erawh chuan fapa nei lovin fanu hlir a nei a ni: chung a fanu hmingte chu Malai te, Novai te, Hoglai te, Milkai te, Tirzai te a ni.
17:4 Tin, puithiam Eleazara hmaah leh Nuna fapa Josua hmaah leh mi lianhote hmaah an va kal a, "Kan unaute zingah hian chanpual min pe ve turin LALPAN Mosia kha thu a pe a ni," tiin a sawi a: chutichuan LALPA thupêk angin an pa unaute zingah chuan chanpual a pe ve ta a.
17:5 Tin, Jordan rala mi Gilead leh Basan ram tiam lovin, Manasea chanpualah hmun sawm a tlu a;
17:6 Manasea fanute chuan a fapate zingah chanpual an neih ve avang a ni: tin, Gilead ram chu Manasea fapa dange chuan an chang a.
17:7 Tin, Manasea ramri chu Sekem chhak lama awm Aser atanga Mikmethath thlengin a ni; tin, ramri chu ding lampangah En-tapua mite awmna thlengin a kal a.
17:8 Tapua ram chu Manasea ta a ni a: Manasea ramri depa Tapua erawh chu Ephraima thlahte ta a ni.
17:9 Tin, ramri chu Kana luiteah, luite chhim lampangah chuan a chhuk thla a: chung khawpite chu Manasea khawpuite zinga mi, Ephraima ta a ni: tin, Mansea ramri chu luite hmar lampangah a ni a, tin, tuifinriatah a chhuak a:
17:10 chhim lampang chu Ephraima ta a ni a, hmar lampang chu Manasea ta a ni a, tuifinriat chu a ramri a ni; hmar lamah chuan Aser thlengin a va ni a, chhak lamah chuan Isakar thlengin a han ni a.
17:11 Isakar leh Aser ramah chuan Manasean Beth-sean leh a chhehvel khua te, Ibleam leh a chhehvel khua te, Dor-a awmte leh a chhehvel khua te, Endor-a awmte leh a chhehvel khua te, Taanak-a awmte leh a chhehvel khua te, Mefido-a awmte leh a chhehvel khua te, zo khawsang pathumte chu a nei a.
17:12 Nimahsela Manasea thlahte chuan chung khawpuia awmte chu an hnawtchhuak thei lo va: Kanaan mite chu chung ramah chuan an awm lui tlat mai a.
17:13 Tin, heti hi a ni a, Israela thlahte chu an lo chak tak tial tial chinah chuan, Kanaan hote chu hnathawka rawih atan an awmtir a, an hnawtchhuak fai vek ta lo.
17:14 Tin, Josefa thlahten Josua hnenah, "Engtizia nge maw ni rochun tur chanpual hmun khat chan khat chauh min pêk bik ni le, kan tam tehlul nen, LALPA lahin tun thlengin mal min sawm nasat hle mai si nen?" tiin an sawi a.
17:15 Tin, Josuan an hnenah, "In tam ahnu, Periz hote leh Rephaim-ho ram ngawte khi in awm nan han thiat ta che u; Ephraim tlâng ram hi in tan a chep luattuk si chuan," a ti a.
17:16 Tin, Josefa thlahte chuan, "tlâng ram hi kan tan a tawk lo a ni: phai rama Kanaan cheng zawng zawng, Beth-sean leh a khawpuia awmte leh Jezreel ruama awmte hian thir tawlailir an nei theuh bik a," an ti a.
17:17 Tin, Josuan Josefa chhûnge, Ephraima leh Manasea thlahte hnenah chuan, "In tam hle a, chak pawh in chak bawk a: chutichuan chan khat chauh zawng in nei lo vang chu:
17:18 tlâng ram khi in tan ni ang hmiang; ram ngaw mah ni sela, in thiat ang a, a ram chin zawng chu in ta ani dawn nia: Kanaan-hote chuan thir tawlailirte neiin, chak hle mah sela in la hnawtchuak dawn a ni," tiin a sawi a.
18:1 Tin, Israela thlah mipuiho zawng awng chu Silo khuaah an inkhawm chiam a, chutah chuan inbiakna puan in an zar a: ram chu an thu hnuaiah a lo awm ta a,
18:2 Tin, Israela thlahte zingah chuan an chanpual la sem ve loh hnam sarih an la awm a.
18:3 Tichuan Josuan Israela thlahte hnenah chuan, "LALPA in thlahtute Pathianin a lo pêk tawh che u ram hi eng chen nge luah lova in la muan dawn le?
18:4 Hnam hrang theuhva mi mi pathum zel inthlang chhuak ula: anni chu ka lo tir ang a, anni chu an thawk ang a, ram chu an va fang ang a, an chanpual tawk tur ang theuh zelin an va ziak ang a; tin, ka hnenah an lo kir leh ang a.
18:5 Tin, hmun sarihah an then phawt ang a: Juda-ho chu chhim lamah an chanpualah an awm ang a, tin, Josefa chhûngte chu hmar lamah an chanpualah an awm ang.
18:6 Tin, ram chu hmun sarihah ve then ula, chu mi ziak chu mi rawn pe ang che u: tichuan hetah hian LALPA kan Pathian hmaah thum ka lo vawrsak ang che u.
18:7 Levi-ho hi zawngin in zingah hian chanvo an nei ve lo va: LALPA puithiam hna hi an chanpual a ni si a. tin, Gad-ho te, Reuben-ho te leh Manase hnam zatvete kha zawngin Jordan chhak lamah khan an chanpual chu LALPA chhiahhlawh Mosian a lo pêk kha an lo chang tah a," a ti a.
18:8 Tichuan chu mite chu an thawkchhuak ta a, tin, ram chanchin va ziak chhuak turte chu Josuan, "Ram chu va fang ta ula, rawn ziak chhuak ula, ka hnenah rawn thlen leh ula, hetah Silo khuaah hian LALPA hmaan thum ka lo vawrsak ang che u," tiin thu a pe a.
18:9 Tin, mite chu an kal a, ram chu an va fang a, hmun sarihah an then a, lehkhabuah a khuain an ziak chhuak a, riahhmun Silo-ah chuan Josua hnenah an kal leh a.
18:10 Tin, Josuan Silo-ah chuan LALPA hmaan thum a lo vawrsak a: chutah chuan Josuan Israela thlahte chu an inthen dan ang zel chuan ram chu a sem ta a.
18:11 Tin, thumvawr chu Benjamina thlahte hnam an chhûngkaw zir zelin an chungah a ltu ta a: tin, an ramri chin chu Juda thlahte leh Josefa thlahte inkâr a ni.
18:12 Tin, hmar lampanga an ramri chin chu Jordan atangin a ni: tin, ramri chu Jeriko sirah hmar lampangah a chho zel a, tin, thlang lampangan tlâng ramah a chho zel a; ramri tawpna chu Beth-aven thlalerah a ni.
18:13 Tin, ramri chu chuta tangin Luz lamah, Luz (chu chu Bethel a ni) sirah, chhim lampangah a kal zel a; tin, ramri chu Beth-horon thlangta chhim lampanga tlang hrulah Ataroth-adar-ah a chhuk a.
18:14 Tin, ramri chu a kal zel a, Beth-horon chhim lampanga tlang bul atang chuan thlang laman chhim lampangah a kual phei a; chu chu Kiriath-jearim a ni) Juda thlahte khawpuiah a tawp a: chu chu thlang lampang ram chu a ni.
18:15 Tin, chhim lampanga ram ch u Kiriath-jearim tawp atangin a ni, tin, ramri chu thlang lamah a chhuak a, Nephtoa lui tuiahte chuan a kal zel a:
18:16 tin, ramri chu Rephaim hmar lampang ruama Hinoma fapa ruam bula tlang hmawrah chuan a chhuk a; tichuan Jebus-ho sirah, chhim lampangan Honom ruamah a chhuk a, tin, En-rogel-ah a chhuk a;
18:17 tin, hmar lamzawngin a kal a, En-semes-ah a kal a, Adumin chhohna dep Geliloth-ah a kal a, tin, Reubena fapa Bohana lungah a chhuk a:
18:18 tin, Araba sir hmar lampangah a kal zel a, Araba-ah a chhuk a:
18:19 tin, ramri chu Beth-hogla sir, hmar lampangah a kal zel a: tin, ramri tawpna chu Jordan chhim tawp, Tuifinriat Al hmar litengsawlah a ni: chu chu chhim lam ramri a ni. Jordan chu chhak lam panga ramri chin a ni.
18:20 Chu chu ani Benjamin thlahte an chhûngkaw zir zela an chanpual ramin a hual chhûng chu.
18:21 Tichuan Benjamin thlhate an chhûngkaw zir ang zela an khawpuite chu Jeriko te, Beth-hogla te, Emek-keziz te;
18:22 Beth-araba te, Zemaraim te, Beth-el te;
18:23 Avim te, Para te, Ophra te;
18:24 Kephar-amoni te, Ophni te, Geba te; khawpui sâwm leh pahnih a khawperte nen:
18:25 Giben te, Rama te, Beeroth te;
18:26 Mizpe te, Kephira te, Moza te;
18:27 Rekem te, Irpeel te, Tarala te;
18:28 Zela te, Eleph te, Jebus te (chu chu Jerusalem a ni), Gibeath te, Kiriath te a ni; khawpui sâwm leh pali a khawperte nen. Chu chu a ni Benjamina thlhate an chhûngkaw zir zela an chanpuala ruat chu.
19:1 Tin, thumvawr vawi hnihna chu Silmeona chungah, Simeona thlahte hnam chungah an chhungkaw zir zelin a tlu leh ta a: an chanpual chu Juda thlahte chanpual zingah a tel ve a ni.
19:2 An chanpuala tlute chu Beer-seba (Seba emaw) te, Molada te:
19:3 Hazar-sual te, Bala te, Ezem te;
19:4 Eltolad te, Bethul te, Horma te;
19:5 Ziklag te, Beth-markaboth te, Hazar-susa te;
19:6 Beth-leboath te, Saruhen te; khawpui sâwm leh pathum a khawperte nen:
19:7 Ain te, Rimon te, Ether te, Asan te: khjawpui pali a khawperte nen:
19:8 chung khawpui vela khawper zawng awng Baalath-beer Chhim Rama thlengin.
19:9 Chung chu a ni Simeona thlhate hnam an chhûngkaw zir zela an chanpual chu Juda thlahte chan zinga mi a ni: Juda thlahte chanpual chu an tan a zau lutuk si a: chuvangin Simeona thlahte chanpual chu a chan zingah a tel ve a ni.
19:10 Tin, thumvawr vawi thumna chu Zebuluna thlahte chungan an chhûngkaw zir zelin a tlu leh ta a: tin, an chanpual ramri chu Sarid thlengin a ni:
19:11 tin, an ramri chu thlang lampangah Marala thleng rakin a kal zel a, Debeseth an va thleng a: tin, Jokneam bula luite a va thleng a;
19:12 tin, Sarid atangin chhak lampang ni chhuahna lamah Kisloth-tabor ramri thlengin a kawi cho va; Deberath-ah a chhuak a, tin, Japhia-ah a chho leh a;
19:13 tin, chuta tang chuan chhak lampangah Gath-hepher leh Eth-kazin ah a kal zel a, Nea lam panin Romon-ah a chhuak a;
19:14 tin, ramric hu hmar lamah Hanathon-aha kual phei a: tin, a chhuahna chu Iphtah-el ruamah a ni;
19:15 tin, Katath te, Nahalal te, Simron te, Idala te, Bethlehem te; khawpui sâwm leh pahnih a khawperte nen.
19:16 Chung chu ani Zebulun thlahte an chhunkaw zir zela an chanpual a ruat chu; khawpuite leh a khawperte chu.
19:17 Tin, thumvawr vawi lina chu Isakara chungah, Isakara thlahte chungah an chhûngkaw zir zelin a tlu leh ta.
19:18 Tin, an ramri chin chu Jezreel te, Kesuloth te, Sunem te;
19:19 Hapharaim te, Sion te, Anaharath te;
19:20 Rabith te, Kision te, Ebez te;
19:21 Remeth te, Enganim te, En-hada te, Beth-pazez te thlengin a ni;
19:22 tin, ramri chuan Tabor te, Sahazurma te, Beth-semes te a va thleng a; tichuan an ramri chhuahna chu Jordan-ah a ni: khawpi sâwm leh paruk a khawperte nen.
19:23 chung chu a ni Isakara thlahte hnem chhûngkaw zir zela an chanpuala ruat chu; khawpute leh a khawperte chu.
19:24 Tin, thumvawr vawi ngana chu Asera thlahte hnam chungah an chhûngkaw zir zelin a tlu leh ta a.
19:25 Tin, an ramri chin chu Helkath te, Hali te, Beten te, Aksaph te;
19:26 Alamemel te, Amad te, Misal te a ni; thlang lampangah Karmel leh Sihor-libnath a zuk thleng a;
19:27 tin, ni chhuahna lampangah Beth-dagon-ah a kual chho va, tin, Zebulun leh hmar lampangah Iphtah-el ruamah Bethemek leh Neiel a va thleng a; tin, vei lampangan Kabul te,
19:28 Ebron te, Rehob te, Hamon te, Kana te, Zidon ropui thleng rakin a kal zel a;
19:29 tin, ramri chu Ramaah leh Tura khawpui kulh neiah a kual phei a: tin, ramri chu Hosa-ah a kual phei zel a; tichuan a chuahna chu Akzibram tuifinriatah a ni:
19:30 Uma te, Aphek te, Rehob te; khaw sawmhnih leh pahnih a khawperte nen.
19:31 Chung chu a ni Asera thlahte hnam an chhûngkaw zir zela an chanpual chu; chung khaw puite leh a khawperte chu.
19:32 Tin, thumvawr vawi rukna chu Napthtalia thlahe chngah an chhûngkaw zir zel bawkin Naphtalia thlahte chungah a tlu leh ta a.
19:33 Tin, an ramri chin chu Heleph atang te, Zaananima sasua atang te, Adami-nekdeb leh Jabneel atang tea Lakum thleng a ni;
19:34 tin, ramri chu thlang lampangah Aznoth-tabor-ah a chhuk a; tin, chuta tangin Hukok-ah a kal a: tin, chhim lamah Zebulun a va thleng a, thlang lamah Aser a thleng a, tin, ni chhuahna lamah Judai rama Jordan a han thleng a.
19:35 Tin, khawpui kulh neite chu Zidim te, Zer te, Hamath te, Rakath te, Kinereth te;
19:36 Adama te, Rama te, Hazor te;
19:37 Kedes te, Edrei te, En-hazor te;
19:38 Iron te, Migdal-el te, Horem te, Bethanath te, Beth-semes te a ni; khawpui sâwm leh pakhua a khawperte nen.
19:39 Chung chu a ni Naphtalia thlahte hnam an chhûngkaw zir ang zela an chanpual chu, khawpuite leh a khawper te nen.
19:40 Tin, thumvawr vawi sarihna chu Dana thlahte hnam chungah an chhûngkaw zir zelin a tlu ta a.
19:41 Tin, an chanpual ramri chu Zora te, Estaol e, Irseme te;
19:42 Saalabin te, Aijalon te, Ithla te,
19:43 Elon te, Timna te, Ekron;
19:44 Elteke te, Gibethon te, Baalath te;
19:45 Jehud te, Bene-berak te, Goth-rimon te;
19:46 Me-jarkon te, Rakon, Jopa dep ramte nen a ni.
19:47 Tin, Dana thlahte ramri chuan chung chu a va pel a ni: Dana thlahte chuan Lesem an han bei a, an la a, khandaihin an tiboral a, an nei ta a, chutah chuan an awm ta nghal a ni a, an pu Dana hming chawiin Lesem chu Dan an lo ti ta a ni.
19:48 Chung chu ani Dana thlahte hnam an chhûngkaw zir zela an chanpual chu: chung khawpuite leh a khawperte nen.
19:49 Chutichuan an chanpual atana ramri siam ang zelin ram chu an lo sem zo ta a; tichuan Israela thlahten Nuna fapa Josua chu an zingah chanpual an siamsak ve a:
19:50 LALPA thupêk angin Ephraim tlâng rama a khawpui dil Timnath-sera khua ngei chu an pe a: tin, khawpui chu a siam a, chutah chuan a awm ta a.
19:51 Chungte chu a ni puithiam Eleazara te, Nuna fapa Josua te leh Israela thlahte hnam chhûngkaw puipaten Silo-a LALPA hmaah inbiakna puan in kawngkaa thumvawra an rochan atana an lo sem takte chu. Chutichuan ram then chu an zo ta a ni.
20:1 Tin, LALPAN Josua chu a bia a,
20:2 "Israela thlahte hnenah hian, 'Inhumhimna khuate siam rawh u khai, Mosia hmanga in hnena ka sawi tawh kha:
20:3 tupawh hre lova mi that palhtu chu, chutah chuan a tlan lut thei dawn nia: tichuan thisen phubalatu lakah chuan in tan inhumhimna a ni ang.
20:4 Tin, chung khawpuite zinga a engah emaw chuan a tlan ang a, khawpui kulh kawngka luhnaah a va ding a, chu mi khaw upaho beng hriatah a chanchin chu a va thlen ang a: tin, anni chuan khaw chhûngah an hnenah an hruai lut ang a, an zinga a chen ve theihna turin awmna tur chu an ruatsak ang.
20:5 Tin, thisen phubalatuin a rawn um chuan, a thattu chu a kutah an lo pe tur a ni lo; a thenawm chu hre lovin a that a ni a, tun hmain huatna a nei si lo va.
20:6 Mipui hmaa rorêlsak tura a din hma leh chung laia puithiam lala awma chu a thih hma loh chuan, chu mi khuaah chuan a awm reng tur a ni; tin, chu mi hunah chuan mi thattu chu a ma khaw chhûng ngei, a tlan chhuahsan khua, ama in chhûngah ngei chuan a lut leh tur ani,' tiin sawi ang che," tiin.
20:7 Tichuan Naphtali tlâng rama Galili-ah Kadesh khua te, Ephraim tlâng rama Sekem khua te, Judai tlâng rama Kiriath -arba khua (chu chu Hebron a ni)_ te chu an ruat ta a.
20:8 Tin, chhak lamah Jordan ralah Jeriko-ah chuan Reuben hnam rama thlaler phai zawla Bezer khua te, Gad hnam rama Gilead ram Ramoth khua te, Manase hnam rama Basan rama Golan khuate an ruat a.
20:9 Chung khuate chu a ni Israela thlahte zawng zawng leh an zinga hnam dang awmte tana ruat chu: tupawh mi that palhtu chu chutah chuan a tlan luh a, mipuite hmaa a din zet hma loh chuan thisen phubalatu kuta a thih lohna turin.
21:1 Tichuan Levi chi chhûngkaw puipate chu puithiam Eleazara hnenah leh Nuna fapa Josua hnenah leh Israela thlahte hnam chhûngkaw puipate hnenah te chuan an va kal a;
21:2 Kanaan rama Silo khuaah chuan," LALPAN Mosia hmangin kan awmna tur khawpuite, kan ran tlatna tur a daivelte nen min pe turin thu a lo pe tawh asin," tiin a an sawi a.
21:3 Chutichuan Israela thlahte chuan LALPA thupêk angin an chanpual ata chung khawpuite chu a daivelte nen Levi chite an pe a.
21:4 Tin, thumvawr chu Kophath mite hnam chungah a tlu ta a: tichuan puithiam Arona thlah Levi chia mite chuan Juda hnam chanpuala mi te, simeon hnam chanpual mi te, Benjamin hnam chanpuala mi te khawpui sâwm leh pathum thumvawrin an chang ve a ni.
21:5 Tin, Kohatha thlah dangte chuan Ephraim hnam thlahte chanpuala mi te, Dan hnam chanpuala mi te, Manasea hnam zatvete chanpuala mi te, khawpui sawm thumvawrin an chang ve a ni.
21:6 Tin, Gersona thlahte chuan Isakar hnam thlahte chanpuala mi te, Aser hnam chanpuala mi te, Naphtali hnam chanpuala mi te, basan rama Manasea hnam zatvete chanpuala mi te, khawpui sâwm leh pathum thumvawrin an chang ve a.
21:7 Meraria thlahte chuan an chhûngkaw zir zelin Reuben hnam chanpuala mi te, Gad hnam chanpuala mi te, Zebulun hnam chanpuala mi te khawpui sâwm leh pahnih an chang ve a.
21:8 Tin, Israela thlahte chuan LALPAN Mosia hmanga thu a pêk ang khan Levi mite chu khawpuite leh a daivelte chu thumvawrin an pe a.
21:9 Tin, Juda thlahte hnam chanpuala mi te, Simeona thlahte hnam chanpuala mite chu an pe a; heng khawpui a hming lamte hi:
21:10 chung chu Levi thlah, Kohat-ho hnam te, Arona thlahteho ta tur a ni: thumvawr chu an chungah a tlu hmasa ber reng a.
21:11 Tin, Judai tlâng rama Kiriath-arba khua chu a daivelte nen an pe a, chu Arba chu Anaka pa a ni a, (chu chu Hebron a ni).
21:12 Khawpui chhehvelte leh a khawperte erawh chu Jephunia fapa Kaleba chanpual atan an pe a.
21:13 Tin, puithiam Arona thlahte chu Hebron, mi thattute inhumhimna khawpui chu a daivelte nen, Libna khua a daivelte nen;
21:14 Jatir khua a daivelte nen, Estemoa khua a daivelte nen;
21:15 Holon khua a daivelte nen, Debir khua a daivelte nen;
21:16 Ain khua a daivelte nen, Juta khua a daivelte nen; Beth-semes khua a daivelte nen, chung hnam hnihte chanpuala mi khawpui pakuate chu an pe a.
21:17 Tin, Benjami hnam chanpuala mi chu Gibeon khua a daivelte nen, Geba khua a daivelte nen,
21:18 Anathoth khua a daivelte nen, Almon khua a daivelte nen; khawpui pali an pe bawk a.
21:19 Arona thlah, puithiamho khawpui zawng zawng chu khawpui sâwm leh pathum a ni, a daivelte nen.
21:20 Tin, Kohatha thlahte chhûngkua, Levi-ho, Kohatha thlah dangte pawh chuan an chanpual khawpuite chu Ephraim hnam chanpuala mi a ni an neih ni.
21:21 Tin, mi thattute inhumna khawpui Ephraim tlâng rama Sekem chua daivelte nen, Gezer khua a daivelte nen,
21:22 Kibzaim khua a daivelte nen, Beth-horon khua a daivelte nen;khawpui pali an pe a.
21:23 Tin, Dan hnam chanpuala mi Elteke khua a daivelte nen, Gibethon khua a daivelte nen;
21:24 Aijalon khua a daivelte nen, Gath-rimon khua a daivelte nen, khawpui pali, Tin, Manase hnam zatvete chanpuala mi Taanak khua a daivelte nen; Gath-rimon khua a daivelte nen khawpui pahnih.
21:25 Kohatha thlah dangte hnam khawpui zawng zawng chu khaw sawm a ni, a daivelte nen.
21:27 Tin, Gersona thlahteho, Levi hnam te chu Manase hnam zatvete chanpuala mi, mi thattute inhumhimna khawpui, Basan rama Golan chu a daivelte nen; Be-estera khua daivelte nen; khawpui pahnih an pe a.
21:28 Tin, Isakar hnam chanpuala mi Kision khua a daivelte nen, Daberath khua a daivelte nen;
21:29 Jarmuth khua a daivelte nen, En-ganim khua a daivelte nen; khawpui pali.
21:30 Tin, Aser hnam chanpuala mi Misal khua a daivelte nen Abdon khua a daivelte nen;
21:31 Helkath khua a daivelte nen, Rehob khua a daivelte nen, khawpui pali.
21:32 Tin, Naphtali hnam chanpuala mi, mi thattute inhumhimna khawpui, Ralili rama Kades chu a daivelte nen, Hamoth-dor khua a daivelte nen, khawpui pathum.
21:33 Gerson-ho an chhukaw zir zela an chanpual khawpui zawng awng chu khawpui sâwm leh pathum a ni, a daivelte nen.
21:34 Tin, Meraria thlahteho chhûngkua, Levi-ho dangte chu Zebulun hnam chanpuala mi Jorneam khua a daivelte nen, Karta khua a daivelte nen,
21:35 Dimna khua a daivelte nen,Nahalal khua a daivelte nen, khawpui pali.
21:36 Tin, Reuben hnam chanpuala mi Bezer khua a daivelte nen, Jahaz khua a daivelte nen,
21:37 Kedemoth khua a daivelte nen, Mephaath khua a daivelte nen; khawpui pali.
21:38 Tin, Gad hnam chanpuala mi, mi thattute inhumhimna khawpui, Gilead rama Ramoth a daivelte nen, Mahanaim khua a daivelte nen;
21:39 Hesbon khua a daivelte nen,Jazer khua a daivelte nen; a vaiin khawpui pali.
21:40 Chung zawng zawng chu Levi ho chhûngkaw dangte Meraria thlahteho an chhûngkaw zir zela a ni khawpuite chu a ni; tichuan an chanpual chu khawpui sâwm leh pahnih a ni.
21:41 Israela thlahteho chanpuala mi Levi-ho khawpui zawng zawng chu khawpui sawmli leh pariat a ni, a daivelte nen.
21:42 Chung khawpuite chuan daivel a nei theuh a ni: chung khawpui zawng zawng chu chuatiang vek a ni.
21:43 Chutichuan LALPAN an thlahtute chhechhama pêk a lo tiam tak ram zawng zawng chu Israelte chu a pe a; tichuan ram chu an luah a, awmhmun an khuar ta a.
21:44 Tin, LALPAN an thlahtute hnena chhechhama a lo tiam tawh ang ngei khan hmun tinah muanna a pe a: an hmêlma zawng zawngte chu tumah an hmaa tang thei reng reng an awm lo; LALPAN an hmêlma zawng zawngte chu an kutah a pe vek a.
21:45 LALPAN Israela chhûngte hnena a tha lam thu a lo sawi zawng zawng kha thlawn reng reng a awm lo va, a lo thleng vek a ni.
22:1 Chutichuan Josuan Reuben-ho te, Gad-ho te, Manase hnam zatvete chu a ko ve,
22:2 an hnenah, "LALPA chhiahhlawh Mosian thu a pêk apiang che u pawh in pawm zel a:
22:3 hei lehchen hi vawiin thlengin in unauteho chu in thlahthlam lo va, LALPA in Pathianin tih tura thu apêk che u in zawm thin a.
22:4 Tichuan LALPA in Pathianin an hnena a lo sawi tawh ang khan in unaute hi muanna a lo pêk tak hi: chuvangin LALPA chhiahhlawh Mosian Jordan rala in chanpual atana ram a lo pêk tak che uah khan, in puan in lamahte chuan haw leh tawh u.
22:5 LALPA chhiahhlawh Mosian LALPAN in Pathian chu hmangaih a, a kawng zawng zawng chu zawh a, a thupêkte chu pawm a, amah chu vuan tlat a, in thinlung zawng zawng leh in thlarau zawng zawnga a rawng bawl tlat tura thu a lo pêk che u kha, chu thupêk leh dante chu fimkhur takin vawn that tum phawt mai ang che u,m" a ti a.
22:6 Chutichuan Josuan anmahni chu mal a sawm a, a kaltir ta a: tichuan an puan in lamahte an haw ta a.
22:7 Tin, manase hnam zatvete kha Mosian Basan ramah chanpual a pe a: a zatve dangte kha erawh chu Josuan thlang lampang Jordan ralah an unaute zingan chanpual a pe awk a. Tin, Josuan an in lama a hawntir dawn lai khan mal a asawm a,
22:8 an hnenah, "In puan in lamah te chuan hausa takin haw ta ula, ran tam tak nen, tangka te nen, rangkachak te nen, dar te nen, thirte nen, silhfen tam takte nen: in hmêlmate laka in râllâkte kha in unaute nen insem tlang rawh u," tiin a sawi a.
22:9 Tin, Reuben thlahte leh Gada thlahte leh manase hnam zatvete chu an kir leh a, Kanaan ram Silo khua ata chu Israela thlahte hnen atang chuan Gilead ram, LALPAN Mosia hmanga thu a lo pêk tak ang khan an chanpual renga a lo ruat tawh rama kal turin an chhuak ta a.
22:10 Tin, Kanaan rama Jordan bial an va thlen chuan Reubena thlahte leh, Gada thlahte leh, Manase hnam zatvete chuan Jordan lui kamah chuan maichâm lianpui langsar tak an siam ta a.
22:11 Tin, Israela thlahte chuan, "Ngai teh u, Reubena thlahte leh Gada thlahte leh, Manase hnam zatvete khan Kanaan ram bul tak, Jordan bial, Israela thlahte ram lampangah maichâm an siam e," tia mi sawi an hria a.
22:12 Tin, chu chu Israela thlahteho chuan an lo hriatin, Israela thalhate mipuiho zawng zawng chu anmahni han do tumin Silo khuaah an inkhawm ta chiam a.
22:13 Tin, Israela thlahte chuan Gilead rama Reubena thlahte leh, Gada thlahte leh, Manase hnam zatvete hnenah chuan puithiam Eleazara fapa Phinehasa an tir a;
22:14 a hnenah mi lian sawm, Israel-ho hnam zinga chhûngkaw puipa ber pakhat zel nen; chungte chu Israel-ho hnam zinga an chhûngkaw puipa ber zelte an ni.
22:15 Tin, Reubena thlahte leh, Gada thlahte leh, Manase hnam zatvete hnenah Gilead ramah chuan an kal ta a, an hnenah,
22:16 "LALPA mipuiho zawng zawngin, 'Israelte Pathian chungah engnge maw in tihsual le, LALPA chungah vawiinah hian hel tuma maiham siamin vawiinah hian LALPA chu in hawisan le?
22:17 Peor hmuna bawhchhiatna te kha kan tan te luaah ngaih theih em ni? Tun thleng pawh hian khang kan sualte kha kan la intleng fai zo lo a ni a, LALPA mipuiho zingah kahn hri kha a leng na chungin,
22:18 vawiinah hian LALPA chu hawisan in tum chu le? Tichuan vawiina LALPA chunga in lo hel ta mai hi naktukah zawng Israel mipuiho zawng zawng chungah a thinrim ngei dawn mai.
22:19 Amaherawhchu in ram luah hi a bawlhhlawh chuan, LALPA ram chhûng, LALPA biak buk awmna hmunah lo kal ve mai ula, kan zingah cheng ve ta mai che u; amaherawhchu LALPA kan Pathian maichâm tih loh maichâm dang siam zawngin LALPA chungah hel suh ula, kan chungah pawh hian hel ma ta che u.
22:20 Zera fapa Akana khan hluihlawn thil-ah khan thil a tisual a, Israel mipuiho zawng zawng chungah khan thinurna a tla a ni lawm ni kha? Kha mi kha ama bawhchhiatnaah amah ngawtin a boral bik loh kha,' an ti a sin," tiin a sawi a.
22:21 Chutichuan Reubena thlahte leh, Gada thlahte leh, Manase hnam zatvete chuan Israel- ho hnam puipate chu an chhang a, an hnenah,
22:22 ,23 "LALPA pathiante Pathian, LALPA, pathiante Pathian chuan a hria a: Israel-ho pawhin an hria ang; kan maichâm siam hi LALPA hawisan tum a, hel tumna emaw, thilsual tumna emawa siam kan nih chuan (vawiinah pawh hian min zuah lo mai rawh,) halral thilhlannan emaw, ei tur thilhlan nan emaw, remna thilhlan nan emaw a nih chuan, amah lalpa ngeiin rawn ngaihtuah ang hmiang.
22:23 ,22 "LALPA pathiante Pathian, LALPA, pathiante Pathian chuan a hria a: Israel-ho pawhin an hria ang; kan maichâm siam hi LALPA hawisan tum a, hel tumna emaw, thilsual tumna emawa siam kan nih chuan (vawiinah pawh hian min zuah lo mai rawh,) halral thilhlannan emaw, ei tur thilhlan nan emaw, remna thilhlan nan emaw a nih chuan, amah lalpa ngeiin rawn ngaihtuah ang hmiang.
22:24 Nakin hnuah hian in thlahten kan thlahte hnenah hian, 'Nangnin LALPA, Israelte Pathian hi enga in hman phâk vena nge maw awm ni?
22:25 nangni Reubena thlahte leh Gada thlahte u, LALPAN keini leh nangni tan Jordan hi ramri china a siam a sin ni: LALPAAH hian chanpual in nei ve hlei nem,' an la rawn ti hlauh dah ang e tia a, fimkhur avanga tih chhan nei taka ti kan ni asin: in thlahtehovin kan thlahte chu lalpa tih nachang hre lovin an la siam maithei asin: in thlahtehovin kan thlahte chu lalpa tih nachang hre lovin an la siam maithei asin.
22:27 keini leh, nangni leh, kan hnua kan thlahteho karah hriatna a ni ang, tichuan kan halral thilhlante leh kan inthawina te leh, kan remna thilhlante hian LALPA rawng kan bawl theih nan leh, an thlahte pawhin nakinah kan thlahte hnenah chuan, LALPAAH chanpual in nei ve lo ve, an la tih loh nan,' kan ti a ni.
22:28 Chuvangin, 'Heti hi a ni ang a, nakin hnuahte kan hnenah emaw, kan thlahte hnenah emaw chutianga an la rawn tih huna keinin, En ta che u, kan thlahtuten LALPA maichâm awm dan an siam hi, halral thilhlanna tur leh inthawina tur ani lo ve; keini leh nangni karah hriatna a ni zawk e, kan la tih atan,' kan ti a sin.
22:29 LALPA chungah chuan helin vawiinah hian LALPA hawisan a, LALPA kan Pathian maichâm, a biak buk bula maichâm ngawt lo hi halral thilhlan nan emaw, ei tur thilhlan nan emaw, inthawi nan emaw maichâm siam kan nih lohzia mai chu," an ti a.
22:30 Tin, puithiam Phinehasa leh a hnena awm mipuiho mi lian, Israel-ho hnam puipate chuan Reubena thlahte leh Gada thlahte leh Manasea thlahte thusawi an hriat chuan a tilawm ta hle a.
22:31 Tin, puithiam Eleazara fapa Phinehasa chuan Reubena thlahte leh Gada thlahte leh Manasea thlahte hnenah chuan, "LALPA chungah thil in tihsual loh avangin, tunah zawng LALPA chu kan zingah a awm ngei ani tih kan hre ta alawm: tichuan Israela thlahte hi lalpa kut ata in chhan chhuak ta anih hi," a ti a.
22:32 Chutichuan puithiam Elazara fapa Phinehasa leh mi lianho chu Reubena thlahte leh Gada thlahte hnen atang chua Gilead ram ata chu Kanaan ram lamah Israela thlahte hnen lamah chuan an haw leh ta a, thu chu an va thlen leh a.
22:33 Tin, chung thu chuan Israela thlahte chu a tilawm hle a; tin, Israela thlahte chuan Pathian chu an fak ta a; tichuan Reubena thlahte leh Gada thlahte chu an han do va, an awmna ram han tihchhiatsak thute chu an sawi leh ta lo va.
22:34 Tin, Reubena thlahte leh Gada thlahte chuan chu maichâm chu Ed an ti a: "LALPA chu Pathian a lo ni ngei mai tih kan karah hian hriattir anih hi," an ti a ni.
23:1 Tin, heti hi a ni a, kum eng emaw zat lai a lo vei hnu a, LALPAN Israel-hote chu an kiang vela hmêlma zawng zawngte laka muanna a pêk hnu chuan Josua pawh chu a lo upain, a lo tar ta hle a:
23:2 tichuan Josuan Israel-ho zawng awngte, an upate leh an puipa te, an rorêltute leh an hotute chu a kohtir a, an hnenah, "Kei zawng ka lo upain, ka lo tar ta:
23:3 LALPA in Pathianin nangmahni avanga heng hnam zawng zawngte chunga a tih dan hi in hmu a; LALPA in Pathianin, amah ngeiin a ni, dosak che u ni.
23:4 Ngai teh u, heng hnam a la awmate hi heng hnam ka tihbo takho zawng zawng ramte nen hian, Jordan atanga ni tlakna lam tuifinriat zauna tleng rakin in chite rochanah ka ruatsak a che u.
23:5 Tin, LALPA in Pathianin inhmaah hian a hnawtchuak ang a, in hmuh phak lohvah a hnawt bo vek ang a; tichuan LALPA in Pathianin in hnena a sawi tawh ang khan a ram chu in nei dawn nia.
23:6 chuvangin Mosia dan lehkhabua ziak zawng zawngte hi ding lamah emaw, vei lamah emaw in pensan hauh loh nan huai takin pawm ula, ti rawh u;
23:7 heng hnam in zinga la awmate nen hian inchiahpiah lova an pathiante hming pawh lam lo va, an hming chhala chhia chham lo va, an rawng pawh bawl lo va, kuna chibai in bûk hek loh nan vawiin thlenga in la tih cheu thin ang hian,
23:8 LALPA in Pathian chu vuan tlat zawk thin ang che u.
23:9 LALPAN in hmaah chi ropui tak leh chak takte chu a hnawhchhuah tak vek hi: nangni hmaah zawng vawiin thlengin tumah tang thei reng reng an awm loh hi.
23:10 In zinga mi pakhatin mi sangkhat a um ang: in hnena a lo sawi tawh angin, LALPA in Pathian hian a ni, dosak thin che u ni.
23:11 Chutichuan LALPA in Pathian chu hmangaih turin fimkhur tha hle rawh u.
23:12 chutilochuan in hawisan hlauh va, heng hnam, la awmho in zinga la cheng rengte hi in kungkaih a, anmahni nena nupui pasala in inneih a, anmahni chu in pawl a, anni pawhin an pawl vaih che u zawngin,
23:13 LALPA in Pathianin heng hnamte hi in mithmuhah chuan a hnawhchhuahsak dawn tawh tawp lo che u a, LALPA in Pathian ram tha tak a pêk che u ata hi in boral vek hma loh chuan anmahni chu in tan thang leh fal leh, in nak atana vuakna tiang leh, in mit atana hling an lo ni zawk ang tih chiang takin hre rawh u.
23:14 Tin, ngai teh u, tunah hian leilung zawng zawng dan angin ka kal ve dawn ta a ni: LALPA in Pathianin in chungchang a tha lam a lo sawi tawh zawng zawngte kha thlawn pakhat mah a awm lo tih chu in thinlung zawng zawng leh in rilru zawng zawngin in hria e; in chungah a lo thleng ta vek a, pakhat mahk thlawh a awm lo ve.
23:15 Tin, heti hi a ni ang a, LALPA in Pathianin thil tha in hnena a sawi zawng zawngte kha in chunga a lo thleng ta vek ang bawk hian, LALPA in Pathianin he ram tha tak a pêk che u ata hi a tihboral vek hma loh che u chuan LALPAN thil tha lote chungah a la rawn thlentir ve ang.
23:16 LALPA in Pathian thuthlung, pawm tura a pêk che u hi in bawhchhiat a, pathian dangte rawng in bawl a, kuna chibai in bûk chuan, LALPA thinurna chu in chungah a ling ang a, ram tha tak a pêk che u ata hi in boral thuai mai ang," a ti a.
24:1 Tin, Josuan Israel hnam zawng zawngte chu Sekem-ah a ko khawm a, Israel-ho upa te, an puipa te, an rorêltu te, an hotute a kohtir a; tin, Pathian hmaah an rawn inlan hlawm a.
24:2 Tin, Josuan mi zawng zawng hnenah chuan, "LALPA, Israelte Pathianin heti hian a ti a ni: 'In thlahtute kha hman laiin Lui piah lamah khan a awm thin a, Abrahama pa leh Nahora pa Tera meuh pawh kha: anni chuan pathian dangte rawng an bawl thin a.
24:3 Tin, in thlahtu Abrahama kha Lui ral ata ka hruai chhuak a, Kanaan ram chhûng zawng zawngah khan ka hruai a, a thlahte chu ka tipung a, Isaaka kha ka pe a.
24:4 Tin, Isaaka chu Jakoba leh Esauva ka pe a: tin, Esauva chu a chanpual atan Seir tlang ka pe a; tin, Jakoba leh a fate kha Aigupta-ah an zuk chhuk a.
24:5 Tin, Mosia lehArona ka tir a, Aigupta ram chu an zingah thilmak tiin ka hrem a; tin, chu mi zawhah chuan ka hruai chhuak che u a.
24:6 Tin, inthlahtute chu Aigupta ram ata ka hruai chhuak a: tin, tuipui in va thleng a; tichuan Aigupta mite chuan in thlahtute chu tawlailirte leh sakawr chung chuang mite nen Tuifinriat Sen thlengin an um a.
24:7 Tin, anni chuan LALPA an han au va, Aigupta mite nena an inkâr chu a rawn tithim ta muip a, tin, tuipui a rawn tuamtir a, a chimpil ta a; tichuan Aigupta rama ka thiltih kha in mit ngeiin a hmu a; tin, thlalerah khan rei tak in awm a.
24:8 Tin, Jordan lui rala awm Amor ho ramah chuan ka hruai che u a; tin, an lo do che u a: tichuan in kutah ka pe a, an ram chu in luah ta a; tin, anni chu ka tihboralsak ta che u a.
24:9 Tin, Moab leh Zipora fapa Balaka kha a lo thawk a, Israel-hote a lo do va; tin, Beora fapa Balaama kha an chhiahhlawh tur che uin a kohtir a:
24:10 a sawm ta zawk che u a: chutichuan a kut ata chu ka chhanchhuak ta che u a ni.
24:11 Tin, Jordan lui in kai a, Jeriko khua in han thleng a; tin, Jeriko khua amiten an lo do che u a, Amor-ho te, Periz ho te, Kanaan ho te, Hit ho te, Girgas-ho te, Hiv ho te, Jebus-ho te nen kha; tichuan anni chu in kutah ka pe ta a.
24:12 Tin, in hmaah khawinghla ka tir a, chu chuan in hmaah anmahni chu a um a, Amor-ho lalte pahni ngei kha; in khandaihin emaw, in thalngulin emaw ani hek lo.
24:13 Tin, in thawhchhuah hauh loh ram leh nangmahni siam hauh loh khawpuite ka pe che u a, chungah chuan in awm a; in phun loh grep huan leh oliv huana mite chu in ei a,' tiin.
24:14 Chuvangin LALPA chu tih ula, tih takzet leh dik takin a rawng chu bawl ula: inthlahtuten Lui ral leh Aigupta rama a rawng an bawl thin pathiante kha paih vek ula; LALPA rawng bawl ang che u.
24:15 Tin, LALPA rawngbâwl hi a tha lo awm anga in hriat chuan vawiinah hian tu rawng nge in bawl dawn thlang mai rawh u; in thlahtuten Lui rala a rawng an bawl thin pathiante kha nge, in luah ram Amor-hote pathiante kha? Kei leh ka chhûngte erawh hi zawngin LALPA rawng ania kan bawl dawn ni," a ti a.
24:16 Tin, mipuite chuan, "LALPA Pathian chu kalsanin pathian dangte rawng chu kan bawl loh turzia mai chu;
24:17 amah LALPA kan Pathian ngeiin alawm kan thlahtute nen Aigupta ram bawih ata min hruai chhuak a, kan mithmuha chhinchhiahna ropui tak takte ti a, kan kalna apiang leh, mipui zawng zawng kan tawn tlangna pawha min veng him zeltu chu.
24:18 tichuan LALPAN kan hma ngeiah hnam tin, chung rama awm Amor-hote ngei chu a hnawt chhuak vek a: chuvangin keini pawhin LALPA rawng a ni kan bawl dawn ni: amah chu kan Pathian a ni si a," an ti a, an chhang a.
24:19 Tin, Josuan mipuite hnenah chuan, "LALPA rawng chu in bâwl thei lo vang; ani zawng Pathian thianghlim ani si a; Pathian thikthuchhia a ni a; in bawhchhiatnate leh in sualnate chu a ngaidam lo vang.
24:20 LALPA chu in kalsan a, hnam dang pathiante rawng in bawl zawngin, in chunga a tha chung hian in chungah thil tha lovin a tuan ve ang a, a tiboral mai tur che u a nia," a ti a.
24:21 Tin, mipuite chuan Josuan hnenah, "Ni lo ve, LALPA rawng kan bawl tlat zawk dawn a ni," an ti a.
24:22 Tin, Josuan mipuite hnenah,"A rawngbâwl tumin LALPA chu in thlang ta ngei mai tih thu hretute chu nangmahni ngei hi in ni ta e," a ti a. Tin, anni chuan, "thu hretute chu kan ni ta alawm." an ti a.
24:23 Tin, amah vek chuan, "Chuti anih chuan in zinga hnam dang pathian awmte chu dah bo daih ula, in thinlunge chu LALPA, Israelte Pathian lamah chuan thlektir rawh u," a ti a.
24:24 Tin, mipuite chuan Josua hnenah," LALPA kan Pathian rawng chu kan bawl ang a, a thu kan zawm zel ang," an ti a.
24:25 Chutichuan Josuan chu mi ni chuan mipuite hnenah thu a thlung a, Sekem khuaah chuan dan leh rorêlna a ruatsak a.
24:26 Tichuan hosuan chung thu chu Pathian dan buah a ziak a; tin, lung lianpui a la a, LALPA hmun thianghlim bula sasaw hnuaiah a phun a.
24:27 Tin, Josuan mipuiho zawng zawng hnenah chuan, "Ngai teh u, he lung hi kan thu hretu ni rawh se," LALPAN kan hnena thu a sawi zawng zawng chu a hriat tak vek hi, chuvangin in thu hretu ani dawn a ni, chutilozawng in Pathian hi in phatsan mai dah ang e," a ti a.
24:28 chutichuan Josuan mipuite chu anmahni chanpual ram theuhvah a hawntir ta a.
24:29 Tin, heti hi a ni a, chung thil hnuah chuan Nuna fapa Josua LALPA chhiahhlawh chu kum za leh kum sawm miin a thi a.
24:30 Tin, Gas tlâng hmar lampang, Ephraim tlâng rama ama chanpual ramri chhûng Timnath-sera-ah chuan an phum ta a.
24:31 Tin, Josua dam chhûng leh, upaho Josua khuma dam te, LALPAN Israel-hote tana thil a tih zawng zawng hretute dam chhûng hchuan Israel-hoten LALPA rawng an bawl thin a.
24:32 Tin, Israela thlahten Aigupta ram ata Josefa ruh an chhawm chhoh kha Sekem khuaa hmun, Sekema pa Hamora fate laka Jakoban tangkaa zaa a leiah khan an phum a: tichuan chung chu Josefa thlahte pualah a lo awm ta a.
24:33 Tin, Arona fapa Eleazara chu a thi a; tin, Ephraim tlâng rama a puala an pêk, a fapa Phinehasa tlângah chuan an phum ta a. |
posted by zoblog @ 2:30 PM  |
|
|
|
