| Wednesday, September 12, 2007 |
1:1 1,2 Paula, Pathian bawih, chatuana nunna beiseia Pathian thlante rinna kawngah leh Pathian ngaihsak lam thutak hriatna kawnga Isua Krista tirhkoh bawk chuan: (Chu chatuana nunna chu Pathian, dawt sawi thei lova chuan khawvel awm hmain a tiam a;
1:2 1,2 Paula, Pathian bawih, chatuana nunna beiseia Pathian thlante rinna kawngah leh Pathian ngaihsak lam thutak hriatna kawnga Isua Krista tirhkoh bawk chuan: (Chu chatuana nunna chu Pathian, dawt sawi thei lova chuan khawvel awm hmain a tiam a;
1:3 nimahsela ama hun takahte chuan a thu chu thuchahah chuan a tilang ta, chu thuchah chu Pathian kan Chhandamtu thupek ang zela kawltir ka ni.)
1:4 Tita, kan rin thuhmun vanga ka fa taktak hnenah: Pa, Pathian leh Krista Isua min Chhandamtu hnen ata khawngaihna leh remna awm rawh se.
1:5 He mi avang hian Kret thliarkarah khan ka hnutchhiah che a ni, thil tihfel bakte chu i tihfel zelna tur leh, thu ka pek che ang khan khaw tinah upate i ruatna turin;
1:6 tupawh sawiselbo, nupui pakhat nei, fate Pathian thu ring, nawmsak bawl lutuk kawnga sawisel hlawh lo, dan ang lova awm lo nei ang nih tawh phawt chuan.
1:7 Kohhran hotu chu Pathian sum enkawltu a nih avangin sawiselbo ni tur a ni; mi tihmawh, thin ram, uain ruih hmang, mi velh hmang, hlepna bawlhhlawha duham mi ni tur a ni lo va;
1:8 mi lawm dan thiam, tha lam duh, rilru dik tak, mi fel, mi thianghlim, insum thei mi ni zawk tur a ni a;
1:9 zirtirna dik tak kawngah chuan mi a fuih theihna tur leh, hnialtute chu thiam loh a chantir theihna turin zirtirna ang zel thu rinawm chu pawm tlat mi ni bawk tur a ni.
1:10 Dan ang lova awm, thu sawi mai maite leh tihdertute mi tam tak an awm si a, serhtanho zinga mi an ni deuh ber;
1:11 chungho ka chu huhsak tur a ni, hlepna bawlhhlawh duh vanga thu zirtir loh tur zirtirin, mite a chhung chhungin an chawk khawlo si thin a.
1:12 Anmahni zinga mi, anmahni zawlnei zawlnei pakhat ngeiin, “Kret thliarkara mite chu dawthei te, sakawlh sual te, thatchhe chaw hehte an ni fo mai,” tiin a sawi kha.
1:13 ,14 Chu thu hriattir chu a dik a ni. Chuvang chuan Judaho thawnthute leh thutak hawisan thinte thupekte chu ngaihsak lovin, rinnaah chuan an dik theihna turin na takin zilhhau rawh.
1:14 ,13 Chu thu hriattir chu a dik a ni. Chuvang chuan Judaho thawnthute leh thutak hawisan thinte thupekte chu ngaihsak lovin, rinnaah chuan an dik theihna turin na takin zilhhau rawh.
1:15 Mi thianghlimte tan chuan engkim a thianghlim thin; nimahsela mi bawlhhlawh leh ring lote tan chuan engmah thianghlim reng a awm thin lo, an rilru leh an chhia leh tha hriatna reng pawh a bawlhhlawh tawh a.
1:16 Pathian hria an inti a, tenawm te, thu awih lo te, thil tha tinreng tih kawnga Pathian duh lohzawngte an ni, (an thiltihin an phatsan si.)
2:1 Nang erawh chuan zirtirna dik tak nena inhmeh thu sawi rawh.
2:2 Putarte chu insum thei, zahawm, rilru fel tak, rinna leh hmangaihna leh chhelnaah dik tak ni turin fuih rawh.
2:3 3-5 Pitarte pawhin Pathian Thu chu sawichhiatin a awm loh nan, la nula deuhte chu an pasalte hmangaih tur te, an fate hmangaih tur te, rilru fel taka awm tur te, thianghlim taka awm tur te, mahni ina thawktua awm tur te, ngilneia awm tur te, anmahni pasalte thu thua awm tur tea an thunun theihna turin an awm dan renga Pathian zah mite niin, hektute leh uain heh mite ni lova, tha lam zirtirtute ni turin fuih bawk rawh.
2:4 3-5 Pitarte pawhin Pathian Thu chu sawichhiatin a awm loh nan, la nula deuhte chu an pasalte hmangaih tur te, an fate hmangaih tur te, rilru fel taka awm tur te, thianghlim taka awm tur te, mahni ina thawktua awm tur te, ngilneia awm tur te, anmahni pasalte thu thua awm tur tea an thunun theihna turin an awm dan renga Pathian zah mite niin, hektute leh uain heh mite ni lova, tha lam zirtirtute ni turin fuih bawk rawh.
2:5 3-5 Pitarte pawhin Pathian Thu chu sawichhiatin a awm loh nan, la nula deuhte chu an pasalte hmangaih tur te, an fate hmangaih tur te, rilru fel taka awm tur te, thianghlim taka awm tur te, mahni ina thawktua awm tur te, ngilneia awm tur te, anmahni pasalte thu thua awm tur tea an thunun theihna turin an awm dan renga Pathian zah mite niin, hektute leh uain heh mite ni lova, tha lam zirtirtute ni turin fuih bawk rawh.
2:6 Chutiang bawkin tlangvalte chu rilru fel tak pu turin fuih rawh.
2:7 ,8 Lehlama tangte zinga miin kan chungh thu tha lo reng sawi tur an neih loh avanga an zah theih nan, engkimah thil tha tih kawngah tihhmuhtuah intilang la, i zirtirnaah chuan i takzia te, i zahawmziate i thu sawi dikzia sawisel rual loh te chu tilang rawh.
2:8 ,7 Lehlama tangte zinga miin kan chungh thu tha lo reng sawi tur an neih loh avanga an zah theih nan, engkimah thil tha tih kawngah tihhmuhtuah intilang la, i zirtirnaah chuan i takzia te, i zahawmziate i thu sawi dikzia sawisel rual loh te chu tilang rawh.
2:9 ,10 Bawihte chuan Pathian min Chhandamtu zirtirna thu engkima an cheimawi theih nan, hnial lovin, kutkem hmang lovin, rinawmna tha zawng zawng tilang zawkin, an pute thu thua awm tur leh, engkima an lawmzawnga awm turin fuih rawh.
2:10 ,9 Bawihte chuan Pathian min Chhandamtu zirtirna thu engkima an cheimawi theih nan, hnial lovin, kutkem hmang lovin, rinawmna tha zawng zawng tilang zawkin, an pute thu thua awm tur leh, engkima an lawmzawnga awm turin fuih rawh.
2:11 Mi zawng zawng hnenah chhandamna rawn thlenin Pathian khawngaihna a lo lang ta si a;
2:12 ,13 beiseina lawmawm – kan Pathian ropui tak Chhandamtu Isua Krista ropuina inlarna chu – nghakin, Pathian ngaihsak lohna leh khawvel chaknate bansanin, tun lai khawvelah hian insum leh fel tak leh Pathian ngaihsakin kan awm tur a ni tih min zirtir a.
2:13 ,12 beiseina lawmawm – kan Pathian ropui tak Chhandamtu Isua Krista ropuina inlarna chu – nghakin, Pathian ngaihsak lohna leh khawvel chaknate bansanin, tun lai khawvelah hian insum leh fel tak leh Pathian ngaihsakin kan awm tur a ni tih min zirtir a.
2:14 Ani chuan bawhchhiatna zawng zawng lak ata min tlan theihna tur leh, chi thlan bik, thil tha tiha thahnemngai, ama tana a tihthianghlim theihna turin kan aiin a inpek kha.
2:15 Thunei takin chung thu chu hrilh la, fuih la, zilh rawh. Tuman hmusit che suh se.
3:1 ,2 Lalte leh thuneitute laka intulut tur te, thu awih tur te, thil tha tinreng tiha inpeih tur te, tumah sawichhe lo tur te, kawhmawh bawl lo tur te, mi zawng zawng laka thuhnuairawlhna tinreng tilanga nunnem turtein anmahni hriat chhuahtir leh rawh.
3:2 ,1 Lalte leh thuneitute laka intulut tur te, thu awih tur te, thil tha tinreng tiha inpeih tur te, tumah sawichhe lo tur te, kawhmawh bawl lo tur te, mi zawng zawng laka thuhnuairawlhna tinreng tilanga nunnem turtein anmahni hriat chhuahtir leh rawh.
3:3 Keini pawh hmanah khan a tak te, thu awih lo te, buma awm te, chakna leh lawmna tinreng rawngbawl te, sual leh itsik hmanga awm te, tenawm te, inhaw tawn te kan ni si a.
3:4 Nimahsela, Pathian min Chhandamtu ngilneihzia leh mihring chunga a hmangaihzia chu a lo lan lai khan,
3:5 Thil fel taka tih, keimahni ngeia tithe chu, chu mi avang ni lovin, siamtharna silna leh Thlarau Thianghlim siamthat lehna chuanin a khawngaihna ang zel zawkin min chhandam ta.
3:6 Chu Thlarau Thianghlim chu Isua Krista min Chhandamtu zarah chuan nasa taka kan chunga a leih kha.
3:7 Chutichuan, a khawngaihnaa thiam chantira lo awmin, chatuana nun beiseina ang zela roluahtu tura siamin kan awm thei ang.
3:8 “Pathian ring tawhte chuan thil tha ti zel turin ngaihtuah rawh se,”tih thu hi a rinawm a ni, chung thu chanchin chu huai taka i hrilh tlat ka duh a ni. Chung thu chu mihringte tan a thain a sawt a ni;
3:9 nimahsela zawhna atthlak te, Dan thua insualna te chu hawisan zel rawh; chung chu thil sawt lo leh engmah lo a ni si a.
3:10 Rin hran nei mi chu vawi hnih khat zilh hnu chuan zilh duh tawh suh;
3:11 chutiang mi chu a kal pengin a sual a ni tih in hria e, amah leh amah thiam loh inchantir a ni si a.
3:12 Artema emaw, Tukika emaw i hnena ka rawn tirh hunah chuan Nikopoli khuaah ka hnenah lo kal hram hram ang che; chutah chuan thlasika awm ka tum si a.
3:13 Zina, dan hretu leh, Appollova chuan engmah an tlakchham loh nan an zinnaah chuan thahnemngi takin puibawm ang che.
3:14 Kan mite chu tlakchham an neih ngai loh nan hna tangkai thawka inhmang reng turin fuih la, an awm mai mai tur a ni lo.
3:15 Ka hnena awm zawng zawngte hian chibai an buk a che. Rinnaa min hmangaihtute kha chibai min buksak ang che. In zaa hnenah khawngaihna awm rawh se. |
posted by zoblog @ 11:12 AM  |
|
|
|
