MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Ezra
Wednesday, September 12, 2007
1:1 Persia lal Kura lal tirh kumin zawlnei Jeremia hmanga a lo sawi tawh chu LALPAN a thlen kimtir ta. He thupek pe tur leh a ram zawng zawnga chhiar vek tura thawn chhuak turin LALPA chuan Kura thinlung chu a chawk thova.
1:2 "Persia lal Kura chuan heti hian a ti, Khawvel ram zawng zawng chu LALPA, van Pathian chuan min pe ta a; tin, Judai rama Jerusalem-ah chuan a in saksak tûrin thu min pe a ni.
1:3 In zinga ama mite tawh phawt hnênah chuan a Pathian chu awm rawh se; tichuan Judai rama Jerusalem-ah chuan han chho sela, LALPA, Israel-hote Pathian in, Jerusalem-a awm chu han sa rawh se; amah chu Pathian a ni.
1:4 Tin, tupawh khawii hmunah pawh, an awmnaa la chambang apiangte chu, an awmna hmuna mite chuan Jerusalem-a awm Pathian in atân anmahni duh thua an thawh tiam lovin, tangkarua te, rangkachak te, bungrua te, ran tein lo tanpui rawh se," tiin.
1:5 Chutichuan Juda leh Benjamin chia chhûngkaw puipa deuh deuhte, puithiam te, Levi-ho te, Jerusalem-a LALPA in han sa tûra Pathianin an thinlung a chawh thawh zawng zawngte chu an thawk ta a.
1:6 Tin, anmahni duhthua thawh thiam lovin an vêla mi zawng anwgte chuan tangkaruaa siam bungbêl te, rangkachak te, bungrua te, ran te, thil hlu tak takte an pein, an tanpui a.
1:7 Lal Kura pawhin Nebukadnezaran LALPA ina bungbêl Jerusalem atanga a lak chhuah a,a pathiante ina a dahte chu a la chhuak leh a;
1:8 chung ngei chu Persia lal Kura chuan a vawngtu Mithredatha a lak chhuahtir a, a chhiar a, Juda puipa Sesbazara a hlan a.
1:9 Tin, heng hi a zat chin chu a ni: rangkachak maihûn sawmthum, tangkaraw maihûn sâng, chemte sawmhnih leh pakua;
1:10 rangkachak no sawmthum, tangkaraw no chi dang zali leh sawm, bungbêl dang sâng te nên.
1:11 Rangkachak leh tangkaraw bungbêl zawng zawng chu sângnga leh zali a ni. Salte chu Babulon ata Jerusalem-a an hruai chhoh lai khan Sesbazaran heng zawng zawng hi a keng chho va.
2:1 Judai rama mi sala hruai, Babulon lal Nebukadnezaran Babulon-a a hruai Jerusalem leh Judai rama kir leh, mi tin, mahni khaw lam theuhva hawte chu heng hi an ni.
2:2 Hengho hi Zerubabela te, Jesua te, Nehemia te, Seraia te, Reelaia te, Mordekaia te, Bilsana te, Mispara te, Bigvaia te, Rehuma te, Baana-te ruala kir an ni. Israel mite patling tam lam chu:
2:3 Parosa thlahte chu 2,172.
2:4 Sephatia thlahte chu 372.
2:5 Ara thlahte chu 775.
2:6 Pakhat moaba thlah zinga Jesua leh Joaba thlahte chu 2,812.
2:7 Elama thlahte chu 1,254.
2:8 Zatua thlahte chu 945.
2:9 Zakaia thlahte chu 760.
2:10 Bania thlahte chu 642
2:11 Bebaia thlahte chu 623.
2:12 Azgada thlahte chu 1,222.
2:13 Adonikama thlahte chu 666.
2:14 Bigvaia thlahte chu 2,056.
2:15 Adina thlahte chu 454.
2:16 Atera, Hezekia an tih bawk thlahte chu 98.
2:17 Bezaia thlahte chu 323.
2:18 Jora thlahte chu 112.
2:19 Hasuma thlahte chu 223.
2:20 Gibara thlahte chu 95.
2:21 An thlahtute atanga heng khuaa lo cheng tawh thinte pawh hetiang hian an kir leh a: Bethlehem mite chu 123,
2:22 Netophah mite 56.
2:23 Anathoth mite 128.
2:24 Azmavetha mite chu 42.
2:25 Kiriath-arima te, Kephira te, Beerotha mite chu 743.
2:26 Rama leh Geba mite chu 621.
2:27 Mikma mite 122
2:28 Bethel leh Ai mite 223
2:29 Neboa mite chu 52
2:30 Magbisa mite chu 156
2:31 Elam danga mite chu 1,254.
2:32 Harima mite chu 320.
2:33 Loda te, Hadida te, Onoa mite chu 725.
2:34 Jerikova mite chu 345.
2:35 Sena mite chu 3,630 an ni a.
2:36 Puithiamte: Jesua chhûngte zinga Jedaia thlahte chu 973.
2:37 Imera thlahte chu 1,052.
2:38 Pasura thlahte chu 1,247.
2:39 Harima thlahte chu 1,017 an ni.
2:40 Levi chite: Hodavia thlah Jesua leh Kadmiela thlahte chu 74 an ni.
2:41 Hla satute: Asapha thlahte chu 128 an ni.
2:42 kawngkhâr vengtu thlahte: Saluma thlahte, Atera thlahte, Talmon thlah te, Akuba thlah te, Hatita thlah te, Sobaia thlahte chu, an vaia finkhawmin 139 an ni.
2:43 Nethin-ho: Ziha thlah te, Hasupha thlah te, Tabaotha thlahte;
2:44 Kerosa thlahte, Siaha thlahte, Padona thlahte;
2:45 Lebana thlahte, Hagabaha thlahte, Akuba thlah te;
2:46 Hagaba thlahte, Salmaia thlah te, Hanana thlah te;
2:47 Gidela thlah te, Gahara thlah te, Reaia thlah te;
2:48 Rezina thlah te, Nekoda thlah te, Gazama thlah te;
2:49 Uza thlah te, Pasea thlah te, Besaia thlah te;
2:50 Asnaa thlah te, Meunima thlah te, Nephisima thlah te;
2:51 Bakbuka thlah te, Hakupha thlah te, Harhura thlah te;
2:52 Bazlutha thlah te, Mehida thlah te, Harsa thlah te:
2:53 Barkosa thlah te, Sisera thlah te, Tema thlah te;
2:54 Nezia thlah te, Hatipha thlah te.
2:55 Solomona chhiahhlawhte thlahte: Sotaia thlahte, Hassopheretha thlah te, Peruda thlah te;
2:56 Jaala thlah te, Darkona thlah te, Gidela thlah te;
2:57 Sephatia thlah te, Hatila thlah te, Pokereth-hazebaima thlah te, Amia thlahte:
2:58 Nethin mi zawng zawng leh Solomona chhiahhlawhho thlahte chu 392 an ni.
2:59 Tin, mi 652 Delaia thlah te, Tobia thlah te, Nekoda thlah te, Telmel atang te, Telharsa atang te, Kerub atang te, Adan atang te, Imer atang tea lo chuak chho an awm a,
2:60 nimahsela Israel mi an nih leh nih loh an chhui thei lo va.
2:61 Tin, puithiam chite zinga Habaia thlah te, Hakoza thlah te, Gilead mi Barzilaia fanu zinga mi nupuia neia an hming pu nghal Barzilaia thlahte chuan,
2:62 thlahtu chhuina hming ziaknaah an hming an hmu zo lo va, chuvangin puithiama pawm an ni ta lo va.
2:63 Ram awptu chuan urim leh thumim hmangtu tûr puithiam a awm hma loh chuan chaw thianghlim an ei a khap a.
2:64 Mipui pungkhawm zawng zawng chu 42,360 an ni a,
2:65 an chhiahhlawh mipa leh hmeichhia 7,337 tiam lovin: tin, hla satu mipa leh hmeichhia 200 an nei bawk a.
2:66 An sakawr chu 736 a ni a; an sabengtung chu 245 a ni a;
2:67 an sanghawngsei chu 435 a ni a, an sabengtung tê chi chu 6720 a ni.
2:68 Jerusalem-a LALPA in an thlen chuan chhûngkaw puipa thenkhatte chuan Pathian in chu a hmun ngaia din lehna thurin thil hlan an pe a:
2:69 an pêk theih tawkin in sakna thawhlawmah chuan rangkachak darik 61,000, tangka maneh 5,000, puithiam silfen za an pe a.
2:70 Chutichuan puithiam te, Levi chi te, vantlâng thenkhat te, hla satute, kawngkhâr vengtute leh Nethin-hote chu, an khuaahte an awm ta a, Israel mi zawng zawngte chu anmahni khuaah.
3:1 Tin, thla sarihna a lo thlena Israel mite chu khuaahte an awm lai chuan mite chu thukhat vuain Jerusalem khuaah an inkhawm a.
3:2 Chutichuan Jozadaka fapa Jesua leh aunau puithiamte leh Sealtiela fapa Zerubabela leh aunaute chu an tho va, Pathian mi Mosia dana chuang angin hâlral thilhlan nân Israelte Pathian maichâm an siam a.
3:3 Tin, maichâm chu a hmun ngaiah chuan an din a; chung rama awmte chu an hlau hle na a, maichâmah chuan LALPA tan hâlral thilhlante an hlan a, zing lam leh tlai lamah hâlral thilhlan chu an hlan thin a ni.
3:4 An ziak ang khan bawkte kût chuan an kût a, ni tina tih tûr chin ruat, a bi tawk thliah ang zelin ni tina hâlral thilhlan chu an hlan a;
3:5 chu mi hnuah chuan an ni tin, hâlral thihlan te, thla thar thilhaln te, LALPA tana kut ni an ruata an serh apianga thilhlan te; tin, mahni duh thua thilhlan, LALPA hnêna lawm taka hlan thinte chu an hlan a.
3:6 Thla sarihna, ni khat atangin hâlral thilhlante LALPA hnêna an hlan tan a: nimahsela LALPA biak in lungphûm chu an la phûm lo va.
3:7 Lung chhertu le themthiamte pawh tangka an pe a; tin, Persia lal Kuran a phal dan ang zelin, sidar thing Lebanon atanga tuifinriat, Jopa thlenga rawn la tûrin Zidon mite leh tûra mite chu ei tûrte leh in tûrte leh hriak te an pe a.
3:8 Tin, Jerusalem-a Pathian in an thlenna kum hnihna, thla hnihnaah chuan Sealtiela fapa Zerubabela te, Jozadaka fapa Jesua te, an unau puithiam leh Levi chi dangte leh sala chuak Jerusalem-a chho zawng zawng nen chuan an bei tan a; Levi chite chu kum sâwmhnih mi atanga a chung lam mite chu lalpa in saka hotu atân an ruat a.
3:9 ChutichuanJesua chu a fapate leh a unaute nen, Kadmiela, a fapate nen, Juda fapate nen chuan Pathian in satute chu an ho tlâng ta a: Henadada fapa te, an fapate leh an unau Levi chite nen.
3:10 Tin, a satuten LALPA in lungphûm an han rem chuan puithiamte chu an thuam inbel a, tawtawrâwt kengin Levia chi Asapha fapate chu Israel lal Davida tih dan ruat anga LALPA fak tûrin an dintir a.
3:11 "Ani chu a tha si a, a ngilneihna chu Israel mite chungah a awm kumkhua dâwn a ni," tiin LALPA fak leh a hnêna lâwm thu sawiin hlain an inchhawn a. LALPA in lungphûm an phûm tak avânga LALPA an faknaah chuan mipui zawng zawng chu an au dur dur mai a.
3:12 Puithiam leh Levi chi leh chhûngkaw puipa tam tak, a in hmasa hmutu putarhote erawh chu an mithmuhah he mi in lungphûm an phûm chuan an tap vak vak mai a; tin, mi tam tak chu an lâwm avângin an au vak vak bawk a:
3:13 chutichuan mite chuan lâwm avânga au thâwm leh mipui tap thâwm chu an thlei thei chuang lo va: mipui chu ring takin an au vak vak mai a, an thâwm chu hla tak atangin an hria a ni.
4:1 Juda mi leh Benjamina mite hmêlma te chuan sal chhuakovin LALPA, Israelte Pathian biak in an saksak tih an lo hriat chuan,
4:2 Zerubabela leh an chhûngkaw puipate hnen lamah an va kal a, an hnênah, "Kan sakpui ve ang che u; keini pawhin in zawn ang hian in Pathian chu kan zawng ve a; heta min hruai chhotu Assuria lal Essar-haddona a lal lai atang khan a hnêna kan inthawi thin asin," an ti a.
4:3 Nimahsela Zerubabela leh Jesua leh Israelte chhûngkaw puipa dangte chuan an hnênah, "kan Pathian in saksaknaa hian in tel vena kawng rêng rêng a awm lo ve; Persia lal Kura thu min pêk angin keimahniho ngawtin LALPA, Israelte Pathian kan saksak dâwn a ni," an ti a.
4:4 Chutichuan chu mi rama mite chuan Juda mite kut chu an tihchauhsak a, an in sa chu chu an tibuai a.
4:5 Persia lal Kura lal chhûng zawng, Persia lal Daria lal thleng hialin an thiltih tumte engmahlova siam tûrin sawipuitute an ruai a.
4:6 Chutichuan Ahasuera lal lai, a lal tantirh laiin Judai ram leh Jerusalem-a awmte hekna lehkha an phuah a.
4:7 Tin, Artazerzia lal lai chuan Bislama te, Mithredatha te, Tabeela te leh an thian dangte nen chuan Pesia lal Artazerzia chu lehkha an thawn a; an lehkha ziak chu Aramik tawngin Aramik hawrawpa ziak a ni.
4:8 Hotu Rehuma leh lehkha ziaktu Simsaia chuan Jerusalem-a mite hekin Persia lal Artazerzia hetiang lehkha hi an thawn a:
4:9 Lehkha thawntute chu: Hotu Rehuma leh lehkhaziaktu Simsaia leha thiante - rorêltute leh, ram awptu te, Persia mi te, Elam rama awm thin Erek mi te, Babulon mi te leh Susan mi te;
4:10 Mi ropui Asurpanipalan sala a hruai Somorasia khuaah leh Euphrates lui thlang lama a awmtir takte an ni.
4:11 Lal Artezerzia chu hetiangin lehkha an thawn a: "Lalber Artezerzia chi i chiahhlawh Euphrates lui khawthlang lam ram miten chibai kan bûk e.
4:12 I hnên atanga Juda mi lo chote chu kan hnênah Jerusalem-ah an lo kal a; khaw hel hmang leh sual chu an din tha a, a kulh chu an peih tawh a, a lungphûm chu an siam tha tawh tih lal chuan lo hre rawh se.
4:13 He mi khua hi an din a, a kulhte an siam zawh chuan, chiah te, thil neih man te leh leiman te an chawi duh lo vang a, a tawpah chuan lalte tan chhiatna a lo ni mai ang tih lalin lo hre rawh se.
4:14 Lal ina chi liak kan nih avângin lal mawi lohna hmuh hi kan tan a fel lo hle si a;
4:15 chuvângin i pi leh pute thil chhinchhiah ziakna buah i zawn a, chu mi ziakna buah chuan i hmuh a, he mi khua hi hel hmang khua a nih leh lalte leh an ramte tana thil hlauhawm tak a nih a, an hel kumkhua a, chu mi avângin he khua hi a lo chia a ni tih i hriat nan lehkha kan thawn a, lal kan hriattir a ni.
4:16 He mi khua hi an din a, a kulhte an peih vek chuan lui râl lama rêng rêng chuan chan i neih loh phah ang tih lal kan hriattir a ni," an ti a.
4:17 Chutichuan Lalber chuan chhanna a thawn a, "Hotu Rehuma te, lehkha ziaktu Simsaia te leh an thian dang Samaria ram leh Euphrates lui thlang lama awmte chibai ka bûk a che u.
4:18 Kan hnêna in lehkha rawn thawn kha ka hmaah fiah takin an chhiar a.
4:19 Tin, thu ka pe a, an zawng a, he khua hi hman atangin lal chunga an hel thin a, chutah chuan helna leh buaina a awm thin tih chu kan hmu chhuak a ni.
4:20 Jerusalem-ah khan lal thiltithei tak tak lui ral lehlam ram thlinga rorolte pawh an lo awm tawh a; chhiah te, thil neih man te, leiman te an la thin a.
4:21 Khang mite kha chawlhtir ula, thu ka pêk hma loh chuan khua chu din su se.
4:22 Muang hauh suh u: engah tehlul nge lalte tana chhiatna thil pawi tak a lo zualkai ang?" a ti a.
4:23 Chutichuan lal Artazerzia lehkha chu Rehuma leh lehkhaziaktu Simsaia leh an thiante hmaa an chhiar zawh chuan hmanhmawh takin Jerusalem-a Judate hnênah an kal a, thuneihnain an ban luihtir a.
4:24 Chutichuan Jerusalem-a Pathian in an bei chu an chawlhsan ta a; Persia lal Daria lal kum hnihna thlengin chawlhsan a ni ta a.
5:1 Chutih lai chuan zâwlnei pahni Jagaia leh Idova fapa Zekaria-te chuan Judai ram leh Jerusalem-a Juda awmte hnêna Israelte Pathian hmingin thu an sawi a.
5:2 Chutichuan Sealtiela fapa Zerubabela leh Jozadaka fapa Jesua chuan Jerusalem-a Pathian in chu an han bei tan leh ta a; tin, an hnêna chuan anmahni tanpuiin Pathian zâwlneite chu an awm a.
5:3 Chu veleh chuan lui râl ram awptu Tatenaia leh Sethar-bozenaia leh an thiante chu an hnênah chuan an kal a, an hnêna chuan heti hian an sawi a, "He in sa tûr leh he kulh tizo tûr hian tunge thu pe che u?" an ti a.
5:4 Tin, hetiang hian an hnênah, "He mi in sa tute hming hi tute nge ni?" kan ti a.
5:5 Nimahsela an Pathianmit chu Juda upate chungah chuan a fu a, Daria hnênah an thu chu thlen a, chhanna a lo thlen hma loh chuan ram awptute chuan an bantir chuang lo.
5:6 Lui râl lehlam awptu Tatenaia leh Sethar-bozenaia leh a thian, lui rala awm Apharsak-hoten lal Daria hnêna lehkha an thawn a,
5:7 hetiang hian an ziak a : - "Lal Daria hnêna thlamuanna kim awm rawh se:
5:8 Hei hi lalin lo hre rawh se. Judai ramah Pathian ropui tak in, lung lian tak taka sak leh bang thinga rem, taima tak leh tluang taka an lo bei tawhnaah chuan kan kal a.
5:9 Chutichuan, 'He in sa tûr leh he kulh tizo tûr hian tuin nge thu pe che u?' tiin an upate kan zâwt a.
5:10 An hotu hmingte chu kan ziak a, kan hriat fiahtir theih nân che an hmingte pawh chu kan zâwt a.
5:11 Tin, anni chuan heti hain min chhâng a, 'Lei leh vân Pathian chaihhlawhte kan ni a, kum kha leh chena sak, Israel lal ropui tak pakhat lo sak zawh tawh in chu kan sa tha leh a ni.
5:12 Amaherawhchu kan pi leh puten vân Pathian chu thinrim khawpin an tilungawi loh avângin Kaldai mi babulon lal Nebukadnezara kutah a pe a, ani chuan he in hi a tichhia a, mite chu Babulon lamah a hruai a.
5:13 Nimahsela Babulon lal Kura lal tirh kumin, lal Kura chuan he mi Pathian in hi sak that leh thu a pe a.
5:14 Tin, Pathian ina rangkachak leh tangkaruaa siam bungbêl - Jerusalem-a Pathian ina mi Nebukadnezaran a lak chauh, Babulon-a biak ina a lak lute chu lal Kura chuan babulon biak in ata a la chuak a, mi pakhat a hming Sesbazara, ram awptu atâna a siama chu a pe a;
5:15 tin, a hnênah, Heng bungbêl hi la la, kal la, Jerusalem-a biak inah dah la, tin, biak in chu a hmun ngaiah sak ni rawh se, a ti a.
5:16 Chutichuan Sesbazara ngei chu a kal a, Jerusalem-a biak in lungphûm chu a phûma: chuta chin chu tun thleng hian sak a ni ta reng a; nimahsela la peih loh ala ni reng a,' tiin.
5:17 Chutichuan lal tha tihzâwng a ni chuan, chutiang chu a ni ngei emaw, Babulin-a lal sum ina mi chu han zawng sela, tin, lal chuan he mi chungchâng thuah hian a du dan min hanhrilh rawh se," tiin.
6:1 Chutichuan lal Daria chuan thu ape a, Babulon-a an ro dah khawmna, lehkhabu dahna in chu an zawng ta a.
6:2 Tichuan Medai rama Akametha khuaa lal inah lehkhabu zial an hmu a, chutah chuan vawn that atân hetianga ziak hi a awm a:
6:3 "Jerusalema Pathian in chungchangah Lal Kura chuan a lal tantirh kumin hetiang hian thu a pe a: An inthawina thilhlanna in chu sak that leh ni se; a lungphûm pawh nghet taka rem ni rawh se.
6:4 A san lam tawng sawmruk, a zau lam tawng sawmruk, lung lian pui pui tlar thuma rem hnuah thingphek tlar khat siam tûr ani a, a sakna hi lal sum atanga pêk tûr a ni.
6:5 Tin, Pathian ina rangkachak leh tangkaraw bungbêl Nebukadnezaran Jerusalem biak in ata a lâk chhuah a Babulon-a a lâkte pawh pêk kir ni sela, Jerusalema-a biak ina a hmun ngai te veka la kirin, Pathian inah dah tûr a ni," tiin.
6:6 "Chuvangin lui ral ram awptu Tatenaia leh Sethar-bozenaia leh lui rala awm an thian Apharsak-hote u, intifihlim rawh u khai:
6:7 he Pathian biak in an sa leh hi engmah tih suh u; Judate awptu leh Juda upate chuan he Pathian in hi a hmun ngaiah sa rawh se.
6:8 Chu mi sak lehna tanpui tûr chuan thu ka pe a che u. Hna a bahlah loh nân a sakna tûr pawh Euphrates lui khawthlang bial chhiah, lal sum tûr atanga pêk thuai tûr a ni.
6:9 Tin, van Pathian tan hâlral thilhlan tûr an mamawh apiang, bâwngpa tuai te, berâmpa te, berâm no te, buh chi te, uain te, hriak te, Jerusalem-a puithiamte thu ang zelin ni tinin pêk ngei ngei tûr a ni:
6:10 chutichuan van Pathian chu rimtuia inthawinate an hlan thei ang a, lal leh a fapate chu an dam rei nân an tawngtaisak thei bawk ang.
6:11 Tupawh he thu tidanglam apiang, chu mi avâng chuan a khanchhuak phawisak a, amah chu chutah chuan khaikana, a in chu ek dura siam tûr a ni ang tih thu ka pe bawk a ni;
6:12 tin, chuta a hming awmtirtu Pathian chaun Jerusalem-a Pathian in tihchhiat tuma he thu tidanglam tûra kut lek apiang, lal zawng zawng leh hnam zawng zawngte chu tiboral vek rawh se. Kei, Darian thu ka pe a ni; zawm nghal chiah tûr a ni,"
6:13 Chutichuan lui ral ram awptu Tatenaia leh Sethar-bozenaia leh a thiante chuan lal Daria lehkhathawn avângin chutiang chuan an ti ta nghal a.
6:14 Tin, zâwlnei Hagaia leh Idova fapa Zekaria thu sawi avângin Juda upate chuan tlaung takin an sa a. Israelte Pathian thupêk ang leh Persia lal Kura leh Daria leh Artazerzia te thupêk ang chuan an sa a, an zo ta a.
6:15 Tin, in chu lal Daria kum ruk a lal kum, Adar thla, ni thum niin an zo va.
6:16 Tin, Israela thlah, puithiam te, Levi chite leh sal chhuakho dangte chuan chu mi Pathian in hlanna chu lawm takin an hmang a.
6:17 Tin, chu mi Pathian in hlannaah chuan bâwngpa za, berâmpa zahnih, berâm no zali an hlan a; tin, Israel zawng zawng tan sual thawi nân Israel hnam zatin kelpa sâwm leh pahnih.
6:18 Mosia lehkhabua chuang angin Jerusalem-a Pathian rawngbawl tûr chuan puithiamte leh Levi chite chu an pâwl theuhvah an awmtir a.
6:19 Tin, sal chhuakhote chuan thla khatna, ni sâwm leh ni li ni chu kalhlen kût ni atân an hmang a.
6:20 Puithiamte leh Levi chite chu an inthianho va, an za chuan an lo thianghlim ta a: chutichuan kalhlen kutna tûr chu sal chhuak ho zawng zawng tan leh an unau puithiamte leh anmahni tan an talh a.
6:21 Tin, Israela thlah, sal ata lo chhuak lehte leh LALPA, Israelte Pathian zawng tûra chu rama Pathian thu awih lo bawlhhlawhna ata inthiarfihlima, anniho zawm zawng zawng tate chuan an ei a,
6:22 chhâng dawidim telh loh kut chu lawm takin ni sarih an hmang a: LALPA chuan anni chu a tihlim a, Pathian, Israelte Pathian in saknaa an kutte tihchaksak tûrin Assuria lal rilru chu an lamah a thlektir a ni.
7:1 Tin, chung thil hnuah chuan Persia lal Artezerzia lal laiin Ezra chu Babulon atangin a chho va; chu mi chu Seraia fa a ni a, chu mi chu Azaria fa a ni a, chu mi chu Hilkia fa a ni a,
7:2 chu mi chu Saluma fa a ni a, chu mi chu Zadoka fa a ni a, chu mi chu Ahituba fa a ni a,
7:3 chu mi chu Amaria fa a ni a, chu mi chu Azaria fa a ni a, chu mi chu Meraiotha fa a ni a,
7:4 chu mi chu Zerahia fa a ni a, chu mi chu Uzia fa a ni a, chu i chu Bukia fa a ni a,
7:5 chu mi chu Abisua fa a ni a, chu mi chu Eleazara fa ani a, chu mi chu puithiam lal Arona fa ani a:
7:6 Ezra chu lehkhaziaktu, LALPA, Israelte Pathian pêk Mosia dan thiam tak a ni a. LALPA Pathianin a duhsakna avângin lal chuan a dil zawng zawng chu a pe zel a.
7:7 Tin, lal Artazerzia kum sarih a lal kum chuan Israela thlah thenkhatte, puithiam thenkhate, Levi chi thenkhat te, hla satu thenkhat te, kawngkhâr vengtu thenkhat te, Nethin-ho thenkhat te chu Jerusalem-ah an chho va.
7:8 Tin, lal chu kum sarih a lal kum, thla nganaah ani chu Jerusalem-ah a kal a.
7:9 Thla khatna, ni khat niin Babulon atangin a chhuak a, a. Pathianin amah chu veng zelin thla ngana, ni khat niin Jerusalem a thleng a ni.
7:10 Ezra chuan LALPA dan chu hriaa zamw tûr leh Israel-hote chu thuruatte leh rorêlte zir tir tûrin a thinlung a siam tlat a.
7:11 Tin, hei hi lal Artazerzian puithiam Ezra, lehkhaizaktu, LALPA thupêk thu leh Israel mite tana a thuruatte zirtu hnêna a lehkha thawn thu chu a ni.
7:12 "Lalte lal Artazerzian, puithiam Ezra, van Pathian dan ziaktu chibai ka bûk e.
7:13 Ka ram chhûnga Israel mi zawng zawng leh an puithiamte leh Levi chite Jerusalem-a mahni duh thua kal chakna nei apiangte chu, i hnêna kal tûrin thu ka pe a.
7:14 I kawl, Pathian dan ang zela Judai ram leh Jerusalem chanchin ngaichiang tûr leh.
7:15 Jerusalem-a awm Israelte Pathian mahni duh thua lal leh a rorêltuten an pêk tangka leh rangkachak keng tûra lal leh a rorêltu pasarihin an tirh che i ni a,
7:16 Babulon ram zawng zawnga i hmuh zat apiang tangka leh rangkachak, mahni duh thua mipuite leh puithiamten an pêk, Jerusalem-a an Pathian in atâna lawm taka an pekte nên;
7:17 chutichuan heng tangka hian bâwngpa te, berâmpa te, berâm no te, ei tûr leh in tûr thilhlan tûr nên i lei nghal ang a, tin, Jerusalem-a in Pathian ina maichâmah chuan i hlan dawn nia.
7:18 Tin, tangka leh rangkachak hman bangte chu in Pathian remtihzâwng awmin nang leh i unauten tha in tih ang angin ti ang che u.
7:19 Tin, i pathian in rawngbawl nana bungbêl an pêk che chu Jerusalem-a Pathian hnênah chuan hlan ang che.
7:20 Tin, i Pathian in atâna mamawh danga hman tulna a awm phawt chuan lal sum ina mi hmang ang che.
7:21 Kei, lal Artazerzia ngeiin lui rala sum enkawltu zawng zawngte chu, 'Puithiam Ezra, van Pathian dan ziaktuin a dil apiang che u chu,
7:22 tangka chu talent za, buh chu buk za, uain chu bath za, hriak chu bath za, chi chu engzat tih pawh awm chuang lovin pe nghal ang che u, tiin thu ka pe.
7:23 Van Pathianin thu a pêk apiang chu, chutiang chiahin van Pathian in atân tih ni rawh se; thinurna chu lal leh a fate ram chungah hian engah tehlul nge a awm ang ni?
7:24 Tin, puithiam te, Levi chite, hla satute, kawngkhâr vengtute, Nethin-hote, he Pathian ina rawngbawlte hi chhiah te, thil neih man te, leiman te chu chawitir loh tûr a nih kan hriattir bawk a che.
7:25 Tin, nang Ezra, i kawl pathianin finna a pêk che angin lui rala awmho zawng zawngte ro an relsak theih nân hotute leh rorêltute, i Pathian dan hre mite ruat la, hre lote chu zirtir ang che u.
7:26 Tin, tupawh i Pathian dan leh lal dan zawm lo apiang chu thi khawpin emaw, ram ata hnawhchhuahin emaw, an bungrua laksakin emaw, tan ina tantirin emaw an chungah rorêlna awm nghal tûr a ni," a ti a.
7:27 ,28 Jerusalem-a LALPA in timawi tûra lal chu hetiang rilru puttirtu leh lal leh a rorêltu hma leh lal mi lian lar tak takho hmaa ka chunga khawngaihna zamtirtu LALPA, kan pi leh pute Pathian chu fakin awm rawh se. Tin, LALPA ka Pathianin mi khawngaih a, mi tichak a, tichuan ka hnêna han kal ve tûrin Israel zinga mi hotu deuh deuhte ka thlang khawm ta a.
7:28 ,27 Jerusalem-a LALPA in timawi tûra lal chu hetiang rilru puttirtu leh lal leh a rorêltu hma leh lal mi lian lar tak takho hmaa ka chunga khawngaihna zamtirtu LALPA, kan pi leh pute Pathian chu fakin awm rawh se. Tin, LALPA ka Pathianin mi khawngaih a, mi tichak a, tichuan ka hnêna han kal ve tûrin Israel zinga mi hotu deuh deuhte ka thlang khawm ta a.
8:1 Hengte hi lal Arazerzia lal lai Babulon ram ata ka hnêna kal chhoho, chhûngkaw puipa leh an thlahte hmingte chu an ni.
8:2 Phinehasa thlahte zingah Gersoma; Ithamara thlahte zingah Daniela; Davida thlahte zingah Hatusa;
8:3 Sekania thlahte: Parosa thlahte zingah Zekaria; mipa za leh sawmnga nên.
8:4 Pahathmoaba thlahte zingah Zerahua fa, Eliehoenaia; mipa zahnih nên.
8:5 Sekania thlahte zingah jahaziela fa, mipa zathum nên.
8:6 Adina thlahte zingah Jonathana fa Ebeda, mipa sawmnga nên.
8:7 Elama thlahte zingah Athalia fa Jesaia, mipa sawmsarih nên.
8:8 Sephatia thlahte zingah Mikaela fa Zebadia, mipa sawmriat nên.
8:9 Joaba thlahte zingah Jehiela fa Obadia, mipa zahnih leh sâwm leh pariat nên.
8:10 Selomitha thlahte zingah Josiphia fa, mipa za leh sawmruk nên.
8:11 Tin, Bebaia thlahte zingah Bebaia fa Zekaria, mipa sawmhnih leh pariat nên.
8:12 Tin, Azgada thlahte zingah Hakatâna fa Johanana, mipa za leh sawm nên.
8:13 Adonikama thlahte zingah (A hnuhnug ber an ni a) an hming chu heng hi a ni; Elipheleta te, Jeuela te, Semaia te, mipa sawmruk nên.
8:14 Bigvaia thlahte zinga Uthaia leh Zabuda, mipa sawmsarih nên.
8:15 Ahava luiah chuan ka awm khawmtir a; chutah chuan ni thum kan awm a: tin, mipuite leh puithiamte chu ka han en vêl a, Levia thlahte rêng rêng ka hmu ve ta lo va.
8:16 Chutichuan puipa deuh deuh, Eliezera te, Ariela e, Semaia te, Elnathana te, Jariba te, Elnathana te, Nathana te, Zekaria te, Mesulama te ka chah a: zirtirtu Joiariba leh Elnathana te pawh.
8:17 Tin, Kasiphia hmuna hotu Idova hnênah ka tir a: kan Pathian ina rawngbawltu tûr rawn hruai tûrin Kasiphia hmuna Idova leh a unaute Nethinho hnêna an han sawi tûr ka hrilh a.
8:18 Tin, Pathian min khawngaihna avângin Issekela; Mahlia thlahte zingah; Israela fapa, chu mi fapa Levia; Serebia, a fate leh a unau sâwm leh pariat te nên;
8:19 Hasabia, Meraria thlahte zingah Jesaia, a unaute leh an fate sawmhnih nên.
8:20 Nethin-ho, Davida leh an mi lianten Levi chite rawngbawl tûra an pekte zinga mi Nethin-ho zahnih leh sawmhnih te nên min hruaisak a: an zaa hming ziak theuh a ni.
8:21 Chutichuan kan Pathian hmaa kan intitlâwm a, a hnêna keini leh kan fate leh kan bungrua zawng zawngte nêna tluang taka kal theihna dil tûrin Ahava luiah chuan chaw nghei thu ka puang a.
8:22 "Kan Pathian duhsakna chu amah zawngtute zawng zawng chungah an thatna tûrin a awm zel a; a thiltihtheihna leh a thinurna erawh chu amah hawisante chungah a awm zel thin," tia lal hnêna kan lo sawi tawh avângin kalkawnga kan hmêlmate laka min tanpui tûra sipai leh sakawr chung chuang mite lal dil chu zahthlâk ka ti si a.
8:23 Chutichuan chaw kan nghei a, chu mi chu kan Pathian kan dil chiam a; kan dilna chu min ngaihthlâksak a.
8:24 Chutichuan puithiam tupa deuh deuhte zinga mi sâwm leh pahnih, Serebia leh Hasabia leh an unaute zinga mi sawm ka tihrang a,
8:25 tin, lal leh a rorêltute leh a mi liante leh chuta awm Israelte zawng zawngin kan Pathian in atân an thilhlan, tangkarua te, rangkachak te, bungbêl te chu ka buk a, ka hlan a;
8:26 ka buka an kuta ka hlan chu tangkaraw talent zaruk leh sawmnga; tangkaraw bungbêl talent za; rangkachak talent za;
8:27 rangkachak berhbu sawmhnih, darik sângkhat theuh; dar tle mi mawi tak, rangkachak ang maia hlu bungbêl pahnih a ni a.
8:28 Tin, an hnênah, "LALPA tana tihthianghlim in ni a, bungbêlte pawh tihthianghlim a ni; tangkarua leh rangkachakte hi LALPA, in pi leh pute Pathian tana mahni duh thua hlan vek a ni.
8:29 Puithiam tupa deuh deuhte leh Levi chite leh Isreal mite chhungkaw puipa hmaa Jerusalem-a LALPA ina pindana in buk hma loh chuan veng ula, kawl rawh u," ka ti a.
8:30 Chutichuan puithiamte leh Levi chite chuan Jerusalem-a kan pathian ina ken tûrin tangkarua leh rangkachak leh bungbêl bukte chu an la ta a.
8:31 Chutichuan Jerusalem-a kal tûrin thla khatna, ni sâwm leh ni hnih niin Ahava lui atang chuan kan chhuak ta a; tin, kan pathian min khawngaih a, hmêlma lak ata leh kawng laka chang rutute lak ata chu min humhim zel a.
8:32 Tin, Jerusalem chu kan han thleng a, chutah chuan ni thum kan hahchawl a.
8:33 Tin, a ni li ni chuan, tangkarua te, rangkachak te, bungbêlte chu kan Pathian inah bukin puithiam Uria fapa Meremotha kutah kan hlan a; tin, a hnênah chuan Phinehasa fapa Elazara a awm a; tin, an hnênah chuan Levi chi Jesua fapa, Jozabada leh Binuia fapa Noadia te an awm a;
8:34 chhiar vek leh buk vek ani a; abuk zat chu, chu mi lai la la chuan an ziak vek a.
8:35 Sal chhuakhote chuan Israelte Pathian hnênah hâlral thilhlan an hlan a, Israel zawng zawng pualah bâwngpa sâwm leh pahnih, berâmpa sawmkua leh paruk, berâm no sawmsarih leh pasarih; sual thawi nân kelpa sâwm leh pahnih: heng zawng zawng hi LALPA hnêna hâlral thilhlan vek a ni.
8:36 Tin, lal thuruatte chu lal upate leh lui ral ram awptute chu an hrilh a; tin, anni chuan mipuie chu tanpuiin Pathian in sak chu an chhunzawmpui ta a.
9:1 Tin, chung thiltih zawh chuan miliante chuan, "Israel mite leh puithiamte leh Levi chite chu he ram mite lakah hian inthiarfihlim chuang lovin, Kanaan-ho te, Hit-ho te, Periz-ho te, Jebus-ho te, Amon-ho te, Moab-ho te, Aigupta ho te, Amor-hote thiltih tenawm tak an tih ang zel an ti ve a.
9:2 An fanute chu anmahni leh an fapaten an nei ta mai a; chutichuan chi thianghlim chu he ram mite nên hian an chawhpawlh a: a ni, mi liante leh rorêltute chu he mi bawhchhiat thuah hian a tupa berte an ni," tiin mi rawn hrilh a.
9:3 Tin, chu thil chu ka hriat chuan ka kawr leh ka puan ka pawt thlêr a, ka sam leh ka khabe hmul ka pawt thla a, a ngaihna hre lovin ka thu ta ngawih ngawih mai a.
9:4 Chutichuan sal chhuakho bawhchhiatna avânga Israelte Pathian thua khur apiangte chu ka hnênah an lo kal khâwm a; tlai lam inthawi hun thlengin a ngaihna hre lovin ka thu ta ngawih ngawih a.
9:5 Tin, tlai lam inthawi hun chuan ka lungngaihna ata ka kawr leh ka puan thlêr chung chuan ka tho va; tin, ka thingthi a, LALPA ka pathian lamah ka thingthi a, LALPA ka pathian lamah ka ban ka phar a;
9:6 tin, "Aw ka Pathian, i lam lo hawi hi ka zak a, ka hmai te a sen tawn tawn a ni, ka Pathian; kan bawhchhiatnate chu min chimpil khawpin a pung a, kan thiam lohna chuan van a tawng a.
9:7 Kan pi leh pute chenin tun thleng hian kan thiam lo let der a ni; kan bawhchhiatna avângin kan lalte, kan puithiamte nên ram dang lal man te, khandaiha thah te, sala tan te, rawk te, mualphonate kan tawk a, vawiina kan awm ang hian.
9:8 Tin, tunah hian kan pathian chuan kan mitte a tihvara, sala kan awm min tihhraha, a hmun thianghlimah chuan min awm nghehtlattirna tûrin a la awm chhunte chu min chhuahtirin, LALPA kan Pathian khawngaihna kan dawng rih mai a ni a.
9:9 Chhiah khua zawng kan ni ngei mai a; nimahsela kan pathian chuan chhiah khua kan nih chhûng pawhin min thlahthlam chuang lo va, min tiharh tûr leh kan Pathian in din tûr leh a chhe hnu chei leh tûr leh Judai ram leh Jerusalem-a kulh nei tûrin Persia lalte mithmuhah chuan kan chungah khawngaihna a zam zautir ta zawk a.
9:10 Aw kan pathian, tunah hian eng nge kan sawi tak ang? I thupêkte chu kan hawisan ta si a.
9:11 i chhiahhlawh zâwlneite hmanga, In va kalna tûr, in ram luah tûr chu a rama mi awmte bawlhhlawhna avângin a bhawlhhlawh a, kil tin, kil tang an tenawmnain a titenawm vek a ni.
9:12 Chuvangin in fanute chu an fapate neihtir suh ula, an fanute chu in fapate neihtir hek suh ula, an thawvenna leh an hmuingilna rêng rêng zawnsak hek suh ula, in lo chak a, chu mi rama thil tha chu in ei a, kumkhuaa in fate in in rochun theih nân, tia thu i pekte chu.
9:13 Tin, kan thiltih sual avâng leh kan thiam lohna nasa tak avânga kan chunga hetiang thil a lo awm a, nang kan pathian in kan bawhchhiatnain a phu aia nepa min hrem hnua la awm cheute min la nei tih hre reng chung siin,
9:14 i thupêkte chu kan bawhchhe lehin heng thil tenawm titute nên hian kan la inneih pawlh cheuhdawn êm ni? A bak reng awm lo leh pumpelh reng pawh awm lova min tiboral khawpin kan chungah i thinur hial dawn lawm ni?
9:15 Aw LALPA, Israelte Pathian, nang chu i fel a; a la awm chhuakte kan ni a, vawiinah keini ang hi , ngai teh, thiam lovin i hmaah kan awm a, he mi avâng hian tumah i hmaa ding thei rêng rêng kan awm lo a ni," ka ti a.
10:1 Tin, Pathian in lam hawia bawkkhupa tap chunga Ezran a tawngtai a, thupha a chawi lai chuan a hnênah chuan Israel mi, mi tam tak, ahmei apain naupangte nên an lo kal khâwm chiam a: mipuite chu nasa takin an tap ta a.
10:2 Tin, Elama thlah zinga mi Jehiela fapa Sekania chuan Ezra hnênah, "Kan Pathian chungah chuan thil chu kan tisual ta ngei mai a, tin, he mi rama hnam dang hmeichhiate chu nupuiah kan nei a: nimahsela Israel mite tan he mi chungchang thuah hian beiseina a la awm cheu a ni.
10:3 Chutichuan hawh u, ka pu leh kan Pathian thupêka khur apiangte remruat ang zelin, chung mipuite zawng zawng leh an laka piang apiangte chu then tûrin, kan Pathian hnênah thu i thlung teh ang u; tin, chu chu dan ang zela tih ni rawh se.
10:4 Tho rawh khai; he mi hi i puala lum a ni a, keini pawh i lama tang kan ni a, huai takin awm la, ti mai rawh," tiin a tihpui a.
10:5 Chutichuan Ezra chu a tho va, puithiam tupa deuh deuhte leh Levi chite leh Israel mi zawng zawngte chu, chu thu anga ti tûr chuan chhia a chhamtir a. Chutichuan chhia chu an chham ta a.
10:6 Chutichuan Ezra chu Pathian in lam a hawi chu a tho va, Eliasiba fapa Jehohanana pindanah a lût a; tin, chutah chuan zankhuain sal chhuakte thil tihsual avângin lungngaiin engmah a eiin a in lo va.
10:7 7-8, Tin, Judai ram zawng zawng leh Jerusalem-a sal chhuakho zawng zawng hnênah chuan Jerusalem-a inkhawm vêk a, tupawh an mi liante leh an upate thupêk anga ni thum chhûnga lo kal lo apiangte chu a bungrua zawng zawng hrensak vek a, amah pawh chu sal chhuaho zing ata hnawhchhuah tûr a ni ang tih thu an puang a.
10:8 7-8, Tin, Judai ram zawng zawng leh Jerusalem-a sal chhuakho zawng zawng hnênah chuan Jerusalem-a inkhawm vêk a, tupawh an mi liante leh an upate thupêk anga ni thum chhûnga lo kal lo apiangte chu a bungrua zawng zawng hrensak vek a, amah pawh chu sal chhuaho zing ata hnawhchhuah tûr a ni ang tih thu an puang a.
10:9 Chutichuan Juda mi leh Benjamin mite chu, chu mi ni thum chhûng chuan Jerusalema-ah an inkhawm vek a; chu chu thla kuana, ni sawmhnih ni a ni a; Pathian in kawt zau laiah chuan mipui zawng zawng chu an thu a, chung thu avâng leh ruahpui nasa tak a sur avâng chuan an khur an khur mai a.
10:10 Tin, puithiam Ezra chu a ding a, an hnênah, "Thil in lo tisual ta a, Israel mite thiam lohna belhchhahin hnam dang hmeichhiate nupuiah in nei a.
10:11 Chuvangin LALPA, in pi leh pute Pathian hnênah chuan thupha chawi ula, a lawmzawng ti tawh rawh u khai: tin, he rama hnam dang leh an hmeichhiate lak ata hi inthiarfihlim rawh u," a ti a.
10:12 chutichuan mipui zawng zawngte chu an chhâng a, ring takin, Kan chungchang thu chu i sawi ang tak chuan kan ti ngei tûr a ni.
10:13 Amaherawhchu mi kan tam si a, ruah sur hun lai a lo ni bawk si a, pawnah hian kan ding reng thei lo va, tin, ni hnih khat thila han tih mai mi ani bawk hek lo: he mi thuah hian kan lo bawhchhe nasa hle si a.
10:14 Mipui zawng zawng aiah kan mi liante ruat ni se la, kan chunga Pathian thinurna nasa tak hi a kian a, he mi thu hi kan tihfel hma loh chuan, kan khua a hnam dang hmeichhe neitute zawng zawng chu khaw tina an upate leh rorêltute nên an lo kal hun bi ruatah lo kal zel rawh se," an ti a.
10:15 Asahela fapa Jonathana leh Tikva fapa Jahzeia te chauhvin he mi thu hi an kalha tin Levi chi mesulama leh Sabethaian an tanpui a.
10:16 Tin, salchhuakho chuan chutiang chuan an ti ta a. Tin, puithiam Ezra chuan chhûngkaw puipate zinga mi an hming hmerh vekin a ruat a; tin, thla sawmna, ni khat niin chu mi thu chu ngaihtuahin an inkhawm a.
10:17 Tin, thla khatna, ni khat niin hnam dang hmeichhe neitute chu an tifel ta a.
10:18 Tin, puithiam fate zinga hnam dang hmeichhia nupuia lo nei an hriatte chu : - Jesua leh a unaute zingah Jozadaka fapa leh a unau Maaseia te, Eliezera te, Jariba te, Gedalia te.
10:19 Anni chuan an nupuite then tûrin thu an thlung a; tin, an thiam loh avângin an thiam lohna chu berâm rual zinga mi berâmpa pakhatin an thawi a.
10:20 Tin, Imera thlahte zinga Hanania leh Zebadia.
10:21 Tin, Harima thlahte zingah Maaseia te, Elija te, Semaia te, Jehiela te, Uzia te.
10:22 Pasura thlahte zingah Elioenaia te, maaseia te, ismaela te, Nethanela te, Jozabada te, Elasate an ni a.
10:23 Tin, Levi chite zinga Jozabada te, Simeia te, Kelaia te, (Kelita an ti bawk thin) Pethahia te, Juda te, Eliezera te an ni a.
10:24 Tin, hla satute zingah Eliasiba a ni a, kawngkhâr vengtute zingah Saluma te, Telema te, Uria te an ni a.
10:25 Tin, Israel-hote zingah Parosa thlaha mi Ramia te, Izia te, Malkija te, Mijamina te, Eleazara te, Malkija te, Benaia te.
10:26 Tin, Elama thlaha mi Matânia te, Zekaria te, Jehiela te, Abdia te, Jeremotha te, Elija te,
10:27 Tin, Zatua thlaha mi Elioenaia te, Eliasiba te, Matânia te, Jeremotha te, Zabada te, Aziza te.
10:28 Tin, Bebaia thlaha mi Jehohanana te, Hanania te, Zabaia te, Athlaia te.
10:29 Tin, Bania thlaha mi Mesulama te, maluka te, Adaia te, Jasuba te, Sela te, Jeremotha te.
10:30 Tin, Pahathmoaba thlaha mi Adna te, Kelala te, Benaia te, Maaseia te, matânia te, Bezalela te, Binuia te, Manasea te.
10:31 Tin, Hariam thlaha mi Eliezera te, Isija te, malkija te, Semaia te, Simeona te;
10:32 Benjamian te, Maluka te, Semaria te.
10:33 Hasuma thlaha mi Matenaia te, Matata te, Zabada te, Elipheleta te, Jeremaia te, manasea te, Simeia te.
10:34 Bania thlaha mi Maadaia te, Amrama te, Uela te;
10:35 Benaia te, Bedeia te, Keluhia te;
10:36 Vania te, Maremotha te, Eliasiba te;
10:37 matânia te, Matenaia te, Jaasua te,
10:38 Bania te, Binuia te, Simeia te,
10:39 Selemia te, Nathana te, Adaia te;
10:40 maknadebaia te, Sasaia te, Saraia te;
10:41 Azarela te, Selemia te, Semaria te;
10:42 Saluma te, Amaria te, Josepha te.
10:43 Neboa thlaha mi Jeiela te, Matithia te, Zabada te, Zebian te, Idova te, Joela te, Benaia te an ni.
10:44 Heng zawng zawng hian hnam dang nupuiah an nei a tin, thenkhat chuan chung an nupuite lakah chuan fate an nei a.
posted by zoblog @ 12:18 PM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog