MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Ephesi
Wednesday, September 12, 2007
1:1 Paula, Pathian duhzawnga Krista Isua tirhkoh chuan, Mi thianghlim Ephesi khuaa awm Krista Isuaa mi rinawmte hnenah chuan:
1:2 Pathian kan Pa leh Lalpa Isua Krista hnen ata khawngaihna leh remna in hnenah awm rawh se.
1:3 Kan Lalpa Isua Krista Pathian leh Pa chu fakin awm rawh se. Ani chuan van hmunahte khian Kristaah chuan thlarau lam malsawmsakna tinrengin mal min sawm a;
1:4 hmangaihnaa thianghlim leh sawiselbovin ama hmaah kan awm theihna turin leilung pianhmain Kristaa min thlan ang kha;
1:5 ,6 a khawngaihna ropuizia fak turin ama lungduha lawmzawng angin Isua Krista zarah ama tan faa siam tura min lo ruat lawk tawh avangin. Chu khawngaihna chu Duhtakaah chuan athlawnin min pe a;
1:6 ,5 a khawngaihna ropuizia fak turin ama lungduha lawmzawng angin Isua Krista zarah ama tan faa siam tura min lo ruat lawk tawh avangin. Chu khawngaihna chu Duhtakaah chuan athlawnin min pe a;
1:7 a thisen avangin amahah chuan kan tlanna kan nei a ni – a khawngaihna ngahzia ang zela kan bawhchhiatnate ngaihdamna chu.
1:8 Chu khawngaihna chuan aman fing tak leh remhre takin min vur a ni,
1:9 ,10 a duhzawng thuruk kan hnena min hriattirin; hun bi kim khawsak hunah a lawmzawng (engkim – vana thil awmte, lei chunga thil awmte pawh – Kristaa fawk khawm tur chu) amahin tih a tum ang kha; amah ngeiah chuan a ni.
1:10 ,9 a duhzawng thuruk kan hnena min hriattirin; hun bi kim khawsak hunah a lawmzawng (engkim – vana thil awmte, lei chunga thil awmte pawh – Kristaa fawk khawm tur chu) amahin tih a tum ang kha; amah ngeiah chuan a ni.
1:11 Ama duhzawnga remruat ang zela thil engkim titu tum anga ruat lawk ni tawhin, amahah bawk chuan a ro tura siam kan ni,
1:12 keini Krista lo beisei hmasa tawhte hi a ropui fakna kan lo nihna turin.
1:13 Amahah chuan nangni pawh thutak thu (in chhandamna Chanchin Tha chu) in ngaihthlak a, rin pawh in rin hnuin, amahah chuan Thlarau Thianghlim tiam chuan chhinchhiahin in awm kha.
1:14 Chu chu Pathian ropuizia fak nan ama ta ngei tlan chhuahna turin kan roluahna tura zakhamna a ni.
1:15 Chuvangin, kei pawhin Lalpa Isuaa rinna in zinga awm, mi thianghlimte zawng zawng chunga in lantir bawk thin chu ka lo hriatin,
1:16 ,17 kan Lalpa Isua Krista Pathian, ropuina Pa chuan amah hriatna kawngah finna leh hriat chiantirna thlarau a pek theihna tur che uin ka tawngtainaahte chuan in hming lamin in chunga lawmthu hrilh ka bang lo;
1:17 ,16 kan Lalpa Isua Krista Pathian, ropuina Pa chuan amah hriatna kawngah finna leh hriat chiantirna thlarau a pek theihna tur che uin ka tawngtainaahte chuan in hming lamin in chunga lawmthu hrilh ka bang lo;
1:18 chutichuan in thinlung mitte tihvara lo awmin, ama kohna beiseina te, mi thianghlimhovah chuan a ro luah tur ropui ngahzia te,
1:19 19-21 mitthi zing ata a kaihthawh lai leh, lalna te, thuneihna te, thiltihtheihna te, rorelna zawng zawng te,he mi khawvelah chauh ni lova khawvel lo la thleng tur pawha hming sak tinrengte chung daihah van hmunahte a ding lama a thuttir laia Kristaa a thawh, a thahrui chakna thawhzia ang zel khan keini ringtute lama a thiltihtheihna len nasatzia te hi, eng ang nge a nih in hre thei ang.
1:20 19-21 mitthi zing ata a kaihthawh lai leh, lalna te, thuneihna te, thiltihtheihna te, rorelna zawng zawng te,he mi khawvelah chauh ni lova khawvel lo la thleng tur pawha hming sak tinrengte chung daihah van hmunahte a ding lama a thuttir laia Kristaa a thawh, a thahrui chakna thawhzia ang zel khan keini ringtute lama a thiltihtheihna len nasatzia te hi, eng ang nge a nih in hre thei ang.
1:21 19-21 mitthi zing ata a kaihthawh lai leh, lalna te, thuneihna te, thiltihtheihna te, rorelna zawng zawng te,he mi khawvelah chauh ni lova khawvel lo la thleng tur pawha hming sak tinrengte chung daihah van hmunahte a ding lama a thuttir laia Kristaa a thawh, a thahrui chakna thawhzia ang zel khan keini ringtute lama a thiltihtheihna len nasatzia te hi, eng ang nge a nih in hre thei ang.
1:22 Tin, thil engkim a ke hnuaiah a dah a, amah chu engkim zawng zawng chungah lu atan kohhranho hnenah chuan a pe a,
1:23 kohhranho chu a taksa a ni, engkim engkima tikhattu famkimna chu.
2:1 Nangni pawh in bawhchhiat leh in sual te avanga thi in nih lai khan a tinung che u a ni;
2:2 chungahte chuan hmanah khanhe khawvel dan anga in awm kha, boruaka thuneihna lal, tuna awih lo fate chhunga thawk mektu thlarau dan ang hian.
2:3 Chung awih lo fate zingah chuankeini pawh hmanah chuan tisa leh rilru duhzawng tiin, kan tisa chaknate angin kan awm vek a, mi dangte ang bawkin thinurna faa piang reng kan nih kha;
2:4 nimahsela Pathian chuan khawngaihna a ngahin a mi hmangaihna nasa tak avang khan,
2:5 kan bawhchhiatnate avanga thi kan nih lai meuh pawhin Krista rualin min tinung ve a, (khawngaihnaa chhandam in ni ta e,)
2:6 Krista Isuaah chuan ama rual veka min kai thovin, van hmunahte ama hnenah min thuttir ta a:
2:7 chutichuan hun lo la thleng turahte chuan Krista Isuaah hian kan chungah ngilneiin a khawngaihna ngah nasatzia chu a entir thei ang.
2:8 Rinna avanga khawngaihnaa chhandam in ni; nangmahni thawh chhuah a ni lo va, Pathian thilpek a ni;
2:9 thiltih avang a ni lo ve, chutilochuan miin an chhuang dah ang e.
2:10 Thil tha ti atan Krista Isuaah chuan siama awmin ama kut chhuak kan ni si a; chu thil tha tih chu kan awmna turin Pathianin a buatsaih lawk a ni.
2:11 Chuvangin, hmana nangni tisaa Jentail, tisaa kuta siam “Serhtan” an tihten “Serhtanloh” an tihate u,
2:12 khatih lai khanin, Krista lovin, Israelho khua leh tui nen inmihranin, khawvelah hian beiseina reng nei lo leh Pathian lova awmin, tiamna thuthlung lakahte mikhuala in awm kha hre reng rawh u.
2:13 Tunah erawh chuan Krista Isuaah, nangni hmana hla taka awmte kha Krista thisen chuan tihhnaihin in lo awm ta a.
2:14 ,15 Amah chu kan inremna a ni si a; ani chuan intaina (thiltih turahte thupek dan awm chu) a tisaa tibovin, pawl hnihte chu pumkhatah a siam a, an kar pindanna bang chu a tichim a; chutichuan amahah chuan pahnihte chu mihring thar pumkhatah siamin inremna a siam thei ang a,
2:15 ,14 Amah chu kan inremna a ni si a; ani chuan intaina (thiltih turahte thupek dan awm chu) a tisaa tibovin, pawl hnihte chu pumkhatah a siam a, an kar pindanna bang chu a tichim a; chutichuan amahah chuan pahnihte chu mihring thar pumkhatah siamin inremna a siam thei ang a,
2:16 kraws zarah, taksa pumkhatah, pahnihte chu Pathian nen a inremtir thei bawk ang, chu mi kraws chuan intaina chu a tihhlum avangin.
2:17 Tin, a lo kalin, nangni hla taka awm thinte hnenah remna Chanchin Tha a hrilh che u a, hnai taka awm thinte hnenah pawh remna chanchin Tha a hrilh bawk a.
2:18 Ama zaran Thlarau hmunkhata Pa hnena luh theihna kan nei ve ve a ni.
2:19 Chutichuan, tunah mikhual leh mi chm mai in ni tawh lo va, mi thianghlimte nen chuan tualkhat leh Pathian chhungte in ni ta zawk a ni;
2:20 Krista Isua nge chu a kila lung pawimawh ber niin, tirhkohte leh zawlneite lungphum chunga sak in ni a;
2:21 amahah chuan lung rem hrang theuhte, rem taka chuktuahin, Lalpaah chuan biak in thianghlimah a chang zel thin a;
2:22 nangni pawh amahah chuan Thlarauva, Pathian awmna tura rem khawm in ni.
3:1 Chuvang chuan kei Paula, nangni Jentailte avanga Krista Isua mi tang hian –
3:2 nangni tan Pathian khawngaih enkawlna hna mi pek kha in lo hre tawh chawk ang a;
3:3 khatia, thuruk chu hriattirnaa hriattira ka awm kha, hmana tawi tea ka ziak ang thu kha;
3:4 kha mi avang khan, in chhiarin Krista thuruk ka hriatzia hi in hre thei ang.
3:5 Chu chu tun laia a tirhkoh thianghlimte leh a zawlnei thianghlimte hnenah Thlarau hriattirin a awm ta ang hian, tun hma lam khan mihring fate hnenah hriattirin a awm ngai lo;
3:6 chu chu hei hi a ni, Chanchin Tha avang hian Krista Isuaah chuan Jentailte hi roluahpui te, taksa pengpui te, thutiam dawnpui te an nih hi.
3:7 A thiltihtheihna thawhzia anga athlawna pek Pathian khawngaihna chu mi pek angzia zelin chu Chanchin Tha rawngbawltua siam ka ni.
3:8 ,9 Jentailte hnena Krista hausakna chhui chhuah rual lohte chanchin hril tur leh, thuruk chatuan atanga Pathian engkim siamtuah inthupa awm enkawlna chu engnge ni tih mi zawng zawng entir turin kei mi thianghlim zawng zawnga te ber aia te zawk hnenah hian chu khawngaihna chu pek a ni.
3:9 ,8 Jentailte hnena Krista hausakna chhui chhuah rual lohte chanchin hril tur leh, thuruk chatuan atanga Pathian engkim siamtuah inthupa awm enkawlna chu engnge ni tih mi zawng zawng entir turin kei mi thianghlim zawng zawnga te ber aia te zawk hnenah hian chu khawngaihna chu pek a ni.
3:10 ,11 Chutichuan, kan Lalpa Krista Isuaah tih a tum, a chatuana remruat ang zelin, tun laia van hmunahte khian lalna leh thuneihnate hnenah chuan Pathian finna tinreng kohhranho avangin hriattirin a awm thei ang;
3:11 ,10 Chutichuan, kan Lalpa Krista Isuaah tih a tum, a chatuana remruat ang zelin, tun laia van hmunahte khian lalna leh thuneihnate hnenah chuan Pathian finna tinreng kohhranho avangin hriattirin a awm thei ang;
3:12 chu Krista Isua kan rin avang chuan amah vekah chuan nelna leh ngam taka luh theihna kan nei.
3:13 Chutichuan, nangmahni vanga, ka hrehawm tuarnate avang hian beidawng lo turin ka ngen a che u, chungte chu in ropuina a ni.
3:14 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:15 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:16 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:17 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:18 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:19 14-19 Chuvang chuan Krista chu rinna avnga in thinlung a chen theih nan, a ropuina ngahzia ang zelin, a Thlarau zarah mihring chhungnung lamah chuan thiltihtheihna tihchakin a awmtir theihna tur che uin, Pa, lei leh vana chhungkaw tinreng hming chawi chhana hmaah chuan ka thingthi thin a; chutichuan Pathian famkimna tinreng tluka tihkhaha in awm theih nan, nangni hmangaihnaa zung kai leh nghahchhan neia awmin, mi thianghlim zawng zawng nen chuan a zauzia te, a seizia te, a sanzia te, a thukzia te hriat chian theihna leh, Krista hmangaihna hriat phak loh hriat theihna in nei thei ang.
3:20 Tichuan, keimahnia thawk thin thiltihtheihna ang zelin, kan dil leh kan ngaihtuah zawng zawng aia nasa zawk ti theitu hnenah ngei chuan,
3:21 chatuanin chhuan zawng zawng thlengin, kohhranhovah leh Krista Isuaah chuan ropuina awm rawh se. Amen.
4:1 1-3 Chutichuan, inngaihtlawmna leh thuhnuairawlhna zawng zawng nei a, hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.
4:2 1-3 Chutichuan, inngaihtlawmna leh thuhnuairawlhna zawng zawng nei a, hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.
4:3 1-3 Chutichuan, inngaihtlawmna leh thuhnuairawlhna zawng zawng nei a, hmangaihnaa indawh tawn chunga dawhtheihna neia remna phuarnaah chuan Thlarau inpumkhatna chu vawng tura bei a, a kohna che u phua awm turin, kei, Lalpaa mi tang hian ka ngen a che u.
4:4 A koh chhan che u beiseina hmunkhata koh in ni ang bawk khan taksa pakhat leh Thlarau pakhat chauh a awm a;
4:5 Lalpa pakhat, rinna hmunkhat, baptisma hmunkhat,
4:6 engkim Pathian leh Pa pakhat chauh a awm a; ani chu engkim chungah a awm a, engkim fang chhuakin a awm a, engkim chhungah a awm bawk a ni.
4:7 Nimahsela, athlawna Krista thilpek tehna ang zelin khawngaihna chu kan hnenah theuh pek a ni.
4:8 Chuvangin,“Chung lama a han chhoh lai khan Mante chu salah a hruai a, Mihringte hnenah pawh Thilpekte a pe a,” a tih chu.
4:9 (Tichuan, “A han chho,” tih hi, lei hmun hnuai berahte a lo chhuk hmasak zet loh chuan engtin nge ni ang le?
4:10 Lo chhuka chu engkim a tihkhah theih nana van zawng zawng chung daiha han chhova vek bawk kha a ni.)
4:11 11-13 Tin, rinna leh Pathian Fapa hriatna kawngah chuan thu khat vua a, puitling a, Krista famkimna lenzia tluka kan zaa kan lo awm hma loh zawng, rawngbawl hna thawk tura mi thianghlimte tihfamkim nan Krista taksa siam tha turin thenkhatte chu tirhkoh atan te, thenkhatte chu zawlnei atan te, thenkhatte chu Chanchin Tha hriltu atan te, thenkhatte chu kohhran chawmtu leh zirtirtu atan te a pe a;
4:12 11-13 Tin, rinna leh Pathian Fapa hriatna kawngah chuan thu khat vua a, puitling a, Krista famkimna lenzia tluka kan zaa kan lo awm hma loh zawng, rawngbawl hna thawk tura mi thianghlimte tihfamkim nan Krista taksa siam tha turin thenkhatte chu tirhkoh atan te, thenkhatte chu zawlnei atan te, thenkhatte chu Chanchin Tha hriltu atan te, thenkhatte chu kohhran chawmtu leh zirtirtu atan te a pe a;
4:13 11-13 Tin, rinna leh Pathian Fapa hriatna kawngah chuan thu khat vua a, puitling a, Krista famkimna lenzia tluka kan zaa kan lo awm hma loh zawng, rawngbawl hna thawk tura mi thianghlimte tihfamkim nan Krista taksa siam tha turin thenkhatte chu tirhkoh atan te, thenkhatte chu zawlnei atan te, thenkhatte chu Chanchin Tha hriltu atan te, thenkhatte chu kohhran chawmtu leh zirtirtu atan te a pe a;
4:14 chutichuan dik lohna ngamthlemna angin, fing verveka mihring bum chawpin, zirtirna thli tinrenga lehlam lehlama vawrh leh len len naupang kan ni tawh lo vang a,
4:15 hmangaiha thu dik tak sawiin, engkimah amahah kan thang lian thei zawk ang: amah chu Lu a ni, Krista chu.
4:16 Amah azarah taksa pumhlum chuan inzawmna tinreng thawh avanga rem taka inchuktuah leh inzawm khawmin, peng tin thawhzia ang theuhvin hmangaihnaa insiam tha turin taksa chu a lo tipung thin a ni.
4:17 Chutichuan, hei hi ka sawiin Lalpaah chuan ka hriattir che u a ni: Jentailte chu rilru lawi lo pua an awm angin awm tawh suh ula,
4:18 hriat lohna anmahniah a awm, chu mi hriat lohna avang chuan Pathian nunna lakah thena lo awmin, an hriatnaah chuan an lo thim a ni, an thinlung a chawlawl avangin.
4:19 Chungte chuan inhriat chhuah theihna reng reng an neih tawh loh avangin, thil bawlhhlawh tinreng duham taka ti turin hurnaah an inpumpek ta a.
4:20 Nangni erawh chuan chutiangin Krista chu in zir lo ve;
4:21 a aw ngaithlaa amahah zirtira awm in nih tawh phawt chuan, Isuaa thutak awm ang hi:
4:22 “In hman lai awm dan kawnga mihring hlui, bumna chakna anga chhe deuh deuh kha hlip thla ula,
4:23 in rilru thlarauvah chuan atharin lo awm ula;
4:24 mihring thar, thutak felna leh thianghlimnaa Pathian anga siam khan inthuam bawk ula,” tih thu hi.
4:25 Chutichuan, dawt sawi banin, mahni thenawm hnenah thu dik tak sawi theuh rawh u; inpeng tawn theuh kan ni si a.
4:26 Thinrim ula, sual erawh chu sual suh u; in thinur chu niin tlakpui suh se;
4:27 Diabola chu hmun kian hek suh u.
4:28 Ruk hmang chuan ru tawh suh sela; tlachham hnenah chuan pek tur a neih theihna turin a kuta thil tha thawkin rim zawk rawh se.
4:29 Thu tha lo reng in kaan chhuak suh se, a tulzia ang zela siam tha turin thu tha apiang chhuak zawk rawh se, a ngaithlatute tan khawngaihna a lo nih theih nan.
4:30 Tin, Pathian Thlarau Thianghlim chu tilungngai suh u, tlanna ni atan chuan amahah chhinchhiaha in awm kha.
4:31 Khakna te, thinurna te, tauhna te, anna te, sawichhiatna te zawng zawng chu bansanin awm rawh se, sualna zawng zawng nen.
4:32 Tin, inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u.
5:1 Chutichuan, a fa duh takte angin Pathian awm dan latute ni rawh u.
5:2 Tin, Kristan a hmangaih che u a, rimtui atan Pathian hnena thilhlanah leh inthawinaa kan aia a inpek ang bawk khan hmangaihnaah awm rawh u.
5:3 Nimahsela, mi thianghlimte tiha mawi awm rengin, inngaih leh bawlhhlawh zawng zawng, duhamna nen in zingah lam pawh lamin awm suh se;
5:4 zahmawh te, thu lawi lo sawi te, fiamthu te pawh, chung chu a mawi lo a ni; chung tih ai chuan lawmthu hrilh zawk rawh u.
5:5 Inngaih hmang leh mi bawlhhlawh leh mi duham reng reng chuan (mi duham chu milem betu a ni a) Krista leh Pathian ramah chuan chan reng an nei lo a ni tih in hre hle si a.
5:6 Tuman thu lawi lo maiin bum che u suh se; chung thil avang chuan Pathian thinur chu awih lo fate chungah a thleng si thin a.
5:7 Chuvangin, anmahni tawmpui suh ang che u.
5:8 8-10 Hmanah khan thim in ni a, tunah erawh chuan Lalpaah chuan eng in lo nih tak hi; Lalpa lawmzawng engnge ni tih fiahin, eng fate angin awm rawh u, eng rah chu thatna leh, felna leh, thutak zawng zawngah a lang si a.
5:9 8-10 Hmanah khan thim in ni a, tunah erawh chuan Lalpaah chuan eng in lo nih tak hi; Lalpa lawmzawng engnge ni tih fiahin, eng fate angin awm rawh u, eng rah chu thatna leh, felna leh, thutak zawng zawngah a lang si a.
5:10 8-10 Hmanah khan thim in ni a, tunah erawh chuan Lalpaah chuan eng in lo nih tak hi; Lalpa lawmzawng engnge ni tih fiahin, eng fate angin awm rawh u, eng rah chu thatna leh, felna leh, thutak zawng zawngah a lang si a.
5:11 Tin, thim thiltih rah nei ngai lovahte chuan telna reng nei suh ula, tel ahnekin a thiam lohzia hriattir zawk rawh u;
5:12 aruka an thil tih thinte chu a sawi pawh a zahthlak si a.
5:13 Amaherawhchu thil engkim a thiam lohzia hriattira awm hi eng tihlan a ni thin: tihlana awm apiang chu eng a ni si a.
5:14 Chuvangin, “Nang muhil! meng la, Mitthi zing ata tho rawh, Tichuan Krista chuan A chhun eng ang che,” a tih kha.
5:15 Chutichuan, mi fing lote anga awm lovin mi fingte anga awm zawkin, in awm danah fimkhur rawh u;
5:16 nite hi a that loh avangin remchannate lei zel rawh u.
5:17 Chu mi avang chuan a duh suh ula, Lalpa duhzawng engnge ni tih lo hre zawk rawh u.
5:18 Tin, uaiin ruiin awm suh u, chu miah chuan insum lohna a awm si a; Thlarauva khatin awm zawk rawh u.
5:19 Fakna hlate, Pathian hlate, thlarau lam hlatea inbe tawnin, Lalpa chu in thinlungah hla saksakin, tingtang kaihsak rawh u.
5:20 Kan Lalpa Isua Krista hmingin, Pathian, Pa ngei hnenah chuan engkim chungah lawmthu hril fo rawh u.
5:21 Krista tih dekin intulut tawn theuh rawh u.
5:22 Nupuite u, Lalpa hnena in intulut ang hian mahni pasalte hnenah intulut rawh u.
5:23 Krista chu amah ngei taksa chhandamtu nia kohhranho lu a ni ang bawk hian, pasal chu nupui lu a ni si a.
5:24 Chutichuan, kohhranho Krista hnena an intulut ang bawk hian nupuite chu engkimah an pasalte hnenah intulut rawh se.
5:25 Pasalte u, in nupuite hmangaih rawh u, Kristan kohhranho a hmangaih a, an aia mahni a inpe ang khan,
5:26 anni chu tuia sila thu chuan tifaiin a tihthianghlim theih nan;
5:27 chutichuan kohhranho chu bawlhhlawh kai lo leh zur lo leh, chutiang thil reng pu lovin, thianghlim leh hmelhem lova awm zawkin, amah leh amah kohhranho ropui takah a inpe chawp thei ang.
5:28 Chutiang bawkin pasalte pawhin mahni taksate angin mahni nupuite chu an hmangaih tur a ni. Mahni nupui hmangaihtu chu mahni inhmangaih a ni.
5:29 Tuman mahni tisa an haw ngai si lo va, an chawmin an duat zawk thin a ni. Kristan kohhranho a chawmin a duat ang hian;
5:30 a taksa pengte kan ni si a.
5:31 Chu mi avang chuan mipain a nu leh pa kalsanin a nupui a vuan ang a, tin, an pahnih chuan tisa pumkhat an lo ni tawh ang.
5:32 Hei hi thu ril thuk tak a ni; Krista leh a kohhran thu kei chuan a sawina niin ka hria.
5:33 Engpawh ni se, tupawhin mahni a inhmangaih angin mahni nupui hmangaih theuh sela, nupui pawhin a pasal hlau thiam rawh se.
6:1 Naupangte u, Lalpaah chuan in nu leh in pate thu zawm rawh u; chu chu thil dik a ni si a.
6:2 “I nu leh i pa chawimawi rawh,” (chu chu thupek tiam nei hmasa ber a ni.)
6:3 “Chutichuan, i tan a tha ang a, leiah hian i dam rei bawk ang.”
6:4 Tin, nangni pate u, in fate tithinur suh ula, Lalpa thununnah leh zilhnaah chuan enkawl zawk rawh u.
6:5 5-8 Bawihte u, Krista thu zawm angin tih dek leh khura thinlung sakhat vuanin, mihring tilawmtute mai anga mit rawng bawl lovin, Krista bawih anga thinlunga Pathian duhzawng ti zawkin, mihring rawng bawl ang mai ni lovin, Lalpa rawng bawl ang zawka duh tak chunga rawng bawlin, bawih ni sela, bawih ni suh sela, mi tinin thil tha an tih theuh apiang chu Lalpa hnen ata a ngai vek an hmu leh ang tih hriain, tisaa in hotute thu zawm rawh u.
6:6 5-8 Bawihte u, Krista thu zawm angin tih dek leh khura thinlung sakhat vuanin, mihring tilawmtute mai anga mit rawng bawl lovin, Krista bawih anga thinlunga Pathian duhzawng ti zawkin, mihring rawng bawl ang mai ni lovin, Lalpa rawng bawl ang zawka duh tak chunga rawng bawlin, bawih ni sela, bawih ni suh sela, mi tinin thil tha an tih theuh apiang chu Lalpa hnen ata a ngai vek an hmu leh ang tih hriain, tisaa in hotute thu zawm rawh u.
6:7 5-8 Bawihte u, Krista thu zawm angin tih dek leh khura thinlung sakhat vuanin, mihring tilawmtute mai anga mit rawng bawl lovin, Krista bawih anga thinlunga Pathian duhzawng ti zawkin, mihring rawng bawl ang mai ni lovin, Lalpa rawng bawl ang zawka duh tak chunga rawng bawlin, bawih ni sela, bawih ni suh sela, mi tinin thil tha an tih theuh apiang chu Lalpa hnen ata a ngai vek an hmu leh ang tih hriain, tisaa in hotute thu zawm rawh u.
6:8 5-8 Bawihte u, Krista thu zawm angin tih dek leh khura thinlung sakhat vuanin, mihring tilawmtute mai anga mit rawng bawl lovin, Krista bawih anga thinlunga Pathian duhzawng ti zawkin, mihring rawng bawl ang mai ni lovin, Lalpa rawng bawl ang zawka duh tak chunga rawng bawlin, bawih ni sela, bawih ni suh sela, mi tinin thil tha an tih theuh apiang chu Lalpa hnen ata a ngai vek an hmu leh ang tih hriain, tisaa in hotute thu zawm rawh u.
6:9 Tin, nangni hotute u, chutiang bawkin, anmahni leh nangmahni Hotu chu vanah a awm tih leh, ani chuan mi duhsak bik a nei lo tih hriain, vau lovin an chungah ti ve rawh u.
6:10 A tawp berah chuan Lalpaah leh a chakna thahruiah chuan thiltihtheihna neiin lo awm rawh u.
6:11 Diabola ngamthlemnate chu in do zawh nan Pathian ralthuam famkimin inthuam rawh u.
6:12 Kan buante hi tisa leh thisen an ni si lo, lalnate leh, thuneihnate leh, he thim chunga khawvel roreltute leh, van hmunahte thlarau sualho awmte an ni zawk e.
6:13 Chuvangin, ni tha lovah chuan in do zawhna tur leh, in tih zawh vek hnu pawha in din theihna turin, Pathian ralthuam famkim chu la rawh u.
6:14 Chutichuan, in kawng chu thutaka hrengin, felna awmphaw chu hain,
6:15 remna Chanchin Tha inbuatsaihna chu in keah bunin ding rawh u;
6:16 chung lo pawh chu rinna phaw la ula, chu mi chuan mi sual thal alh thei zawng zawng chu in timit thei ang.
6:17 Tin, chhandamna lukhum leh Thlarau ngunhnam (Pathian Thu chu) la ula,
6:18 tawngtaina leh dilna tinrengin eng hun pawha Thlarauva tawngtaiin, chu mi kawngah chuan mi thianghlim zawng zawng tan thahnemngai tak leh dil tlatin ngaihven rawh u;
6:19 Chanchin Tha thuruk huai taka puang tura ka ka ka ana thu sawitira ka awm theih nan ka tan pawh mi dilsak rawh u,
6:20 chu mi kawngah chuan ka sawi tur ang chu huai taka ka sawi theihna turin, Chu mi Chanchin Tha palai khaidiat bun ka ni.
6:21 Nimahsela, nangni pawhin engtin nge ka awm, ka chanchin in hriat theih nan, Tukika, Lalpaa unau duh tak leh rawngbawltu rinawm tak hian engkim a hriattir ang che u;
6:22 he mi avng tak hian amah chu in hnenah ka rawn tir a ni, ka chanchin in hriat theihna tur leh, ani hian in thinlung a tihthlamuan theihna turin.
6:23 Pa, Pathian leh Lalpa Isua Krista hnen ata remna leh rinna tel hmangaihna unaute hnenah khan awm rawh se.
6:24 Kan Lalpa Isua Krista chuai lova hmangaihtute zawng zawng hnenah khawngaihna awm rawh se.
posted by zoblog @ 11:28 AM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog