MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Philippi
Wednesday, September 12, 2007
1:1 Paula leh Timothea, Krista Isua bawihte chuan Krista Isuaa mi thianghlim Philipi khuaa awm zawng zawngte hnenah, kohhran hotute leh rawngbawltute hnenah nen:
1:2 Pathian kan Pa leh Lalpa Isua Krista hnen ata khawngaihna leh remna in hnenah awm rawh se.
1:3 3-5 Ni hmasa ber atang khan tun thlengin Chanchin Tha puan darhnaa in tel ve thin avangin ka hriat chhuah apiang che uin ka Pathian hnenah lawm thu ka hril thin, nangmahni zawng zawng ka tawngtaisakna che u apiangah hlim taka dil fovin.
1:4 3-5 Ni hmasa ber atang khan tun thlengin Chanchin Tha puan darhnaa in tel ve thin avangin ka hriat chhuah apiang che uin ka Pathian hnenah lawm thu ka hril thin, nangmahni zawng zawng ka tawngtaisakna che u apiangah hlim taka dil fovin.
1:5 3-5 Ni hmasa ber atang khan tun thlengin Chanchin Tha puan darhnaa in tel ve thin avangin ka hriat chhuah apiang che uin ka Pathian hnenah lawm thu ka hril thin, nangmahni zawng zawng ka tawngtaisakna che u apiangah hlim taka dil fovin.
1:6 Nangmahnia thil tha ti tantu khan Isua Krista ni thlengin a tifamkim zel dawn, chu ngei chu ka ring tlat si a.
1:7 Nangmahni zawng zawng lamah chutiang rilru put chu kei atan chuan a awm reng a ni, ka thinlungah ka vawn che u avangin; ka kawlbunnaahte Chanchin Tha thiamna thu ka sawinaah leh ka tihnghehnaahte pawh, in zain khawngaihna chu mi tawmpuitute in ni si a.
1:8 Krista Isua lainatna chuan in zavaiin ka ngaihzia mai che u chu Pathian mi hriatpuitu a ni asin le.
1:9 Tin, in hmangaihnain hriat famkimna leh bengvarna tinreng a ngah lehzual nan ka tawngtai thin;
1:10 ,11 chutichuan Pathian ropuina leh fakna tura Isua Krista zara felna rah awm chuan lo khatin, Krista ni atan chuan ataktak leh sawiselbo in nih theihna turin thil tha bikte chu tha in ti thei ang.
1:11 ,10 chutichuan Pathian ropuina leh fakna tura Isua Krista zara felna rah awm chuan lo khatin, Krista ni atan chuan ataktak leh sawiselbo in nih theihna turin thil tha bikte chu tha in ti thei ang.
1:12 Tin, unaute u, ka chunga thil lo thlengte kha Chanchin Tha tihdarhna tur a lo ni ta hlauh zawk tih in hriat ka duh a ni;
1:13 chutichuan ka kawlbunnate hi Praitorian sipai pawl zawng zawng zingah leh mi dang zawng zawng hnenah chuan Krista avang a ni tih a lang chhuak ta:
1:14 Lalpaa unau tam zawkte pawh chuan ka kawlbunte avanga lo ring tlatin, hlau lovin Pathian thu hrilh kawngah an huai nasa lehzual a ni.
1:15 Thenkhat chuan itsikna leh elrelna avangin Krista thu chu an hril thin a, a then erawh chuan rilru tha tak puin an hril thung a;
1:16 chungte chuan Chanchin Tha tan turin Pathianin hna min pe a ni tih hriain hmangaihna avanga hril an ni.
1:17 Mi thenkhat zawngin an ti tak tak lo, elrelna avang chauhin kawl ka bun chungchangah hian buaina mi belhchhahsak tura ti an ni.
1:18 Engnge a pawina? Aderin emaw, atakin emaw Krista Thu hrilh a ni ta reng reng a, chu chuan mi tilawm tho ve. A ni, ka lawm zel ang.
1:19 Chu chu in mi tawngtaisakna avang leh Isua Krista Thlarau mi pek avangin ka chhandamna a lo ni dawn tih ka hre si a,
1:20 engah mah tihmualphovin ka awm dawn lo va,huai taka ka awm pangngai ang fovin, tunah pawh nunna avangin emaw, thihna avangin emaw, ka taksaah Krista chawimawiin a awm zawk dawn tih ka beiseina leh ka chakna ang zel hian.
1:21 Kei atan zawng nun hi Krista a ni si a, thih pawh hlawkna a ni.
1:22 Nimahsela, tisaa nun hi ka chan ni sela – chu chu ka hnathawh rah ni ang sela, chutichuan a engnge ka thlan zawk dawn zawng ka hre lo.
1:23 A lai laklawhah hian a ngaihna hre lovin ka awm mai a ni, kal chhuaha Krista hnena awm chakna ka neih avangin, chu chu a tha zawk em em si a.
1:24 Nimahsela, nangmahni avangin tisaa awm reng hi a tul zawk a ni.
1:25 Tin, chu chu ka rin tlat avangin ka awm reng dawn tih ka hria, a ni, rinnaah chuan in lo than lenna turin in zaa hnenah ka awm reng dawn tih ka hria.
1:26 chutichuan inhnena ka awm leh dawn avangin in mi chhuanna chu Krista Isuaa a nasat lehzual theihna turin.
1:27 ,28 Engpawh ni sela, in awm dan chu Krista Chanchin Tha nen inmawi phawt rawh se, chutichuan nangmahni rawn kan che u mah ila, in hnenah awm lo mah ila, thlarau hmunkhata ding nghetin, rilru hmunkhata Chanchin Tha rinna thu tana bei tlangin, dotute eng kawngah mah hlau lovin in awm tih, in chanchin ka hre thei ang, chu chu anmahni tan boral tur an nih hriattirna fiah tak a ni, nangni tan erawh chu chhandam tur in nih hriattirna fiah tak a ni zawk e, chu pawh chu Pathian laka mi a ni.
1:28 ,27 Engpawh ni sela, in awm dan chu Krista Chanchin Tha nen inmawi phawt rawh se, chutichuan nangmahni rawn kan che u mah ila, in hnenah awm lo mah ila, thlarau hmunkhata ding nghetin, rilru hmunkhata Chanchin Tha rinna thu tana bei tlangin, dotute eng kawngah mah hlau lovin in awm tih, in chanchin ka hre thei ang, chu chu anmahni tan boral tur an nih hriattirna fiah tak a ni, nangni tan erawh chu chhandam tur in nih hriattirna fiah tak a ni zawk e, chu pawh chu Pathian laka mi a ni.
1:29 Krista avanga amah in rin chauh ni lovin, amah avanga in tuar pawh phal a ni si a;
1:30 indona keimaha in hmuh thin, tunah pawh keimahah a awm tih in hriat, chu mi ngei chu in neih ve tak hi.
2:1 Chutichuan, Kristaah tanpuina reng reng te, hmangaih thlamuanna reng reng te, Thlarau pawlna reng reng te, lainatna leh khawngaihna reng reng te a awm chuan,
2:2 rilru hmunkhata awmin, hmangaihna hmunkhat neiin, inthuruala rilru hmunkhata awmin, ka lawmna tifamkim rawh u.
2:3 Elrel leh inngaihhlut avanga engmah ti lovin, mi tinin inngaitlawm takin mahni aiin mi dang tha zawkah ruat theuh rawh se;
2:4 mahni ta ta mai en lovin, mi dang ta pawh en theuh zawk rawh u.
2:5 He rilru, Krista Isua pawha awm bawk kha, nangmahniah awm rawh se;
2:6 ani zawngin Pathian anga awma Pathian tluka awm chu thil thlakhlelh hleih theihah a ruat lo va,
2:7 mihringte anga lo piangin, bawih angah a insiam a, amah leh amah a intitlawm ta zawk a.
2:8 Tin, mihring anga lo awmin, a inngaitlawm a, thi khawp hiala thu zawmin a lo awm ta a, kraws-a thihna ngei chu.
2:9 9-11 Chu mi avang chuan Isua hmingin mi tin – vana mite, leia mite, lei hnuaia mite nen – an thingthit nan leh Pa Pathian tihropuina turin, “Isua Krista chu Lal a ni,” tiin lei tinrengin a puan nan, Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.
2:10 9-11 Chu mi avang chuan Isua hmingin mi tin – vana mite, leia mite, lei hnuaia mite nen – an thingthit nan leh Pa Pathian tihropuina turin, “Isua Krista chu Lal a ni,” tiin lei tinrengin a puan nan, Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.
2:11 9-11 Chu mi avang chuan Isua hmingin mi tin – vana mite, leia mite, lei hnuaia mite nen – an thingthit nan leh Pa Pathian tihropuina turin, “Isua Krista chu Lal a ni,” tiin lei tinrengin a puan nan, Pathianin ani chu nasa takin a chawimawi ve ta thung a, hming zawng zawnga hming chungnung ber chu a pe ta a.
2:12 Chutichuan, ka duh takte u, thu in zawm fo ang khan ka awm chauhva thawk lovin, tuna ka awm loh hlan hian thawk zawk mahin, hlau leh khur chungin nangmahni chhandamna thawk chhuak rawh u;
2:13 ama lawmzawng atana tih tum tur leh bei tura nangmahnia thawktu chu Pathian a ni si a.
2:14 14-16 Chhuan bengtla lo leh tihmawhte zinga sual nei lo leh nuntlang, Pathian fa sawiselbote in nih theihna turin phunnawina leh inhnialnate awm lovin engkim ti rawh u, (chungho zingah chuan nunna thu hlanin khawvelah hian tiengtu angin in lang thin,) chutichuan athlawna tlan ka nih loh va, athlawna thawk rim ka nih hek loh avangin Krista niah chuan chhuan tur ka nei thei ang.
2:15 14-16 Chhuan bengtla lo leh tihmawhte zinga sual nei lo leh nuntlang, Pathian fa sawiselbote in nih theihna turin phunnawina leh inhnialnate awm lovin engkim ti rawh u, (chungho zingah chuan nunna thu hlanin khawvelah hian tiengtu angin in lang thin,) chutichuan athlawna tlan ka nih loh va, athlawna thawk rim ka nih hek loh avangin Krista niah chuan chhuan tur ka nei thei ang.
2:16 14-16 Chhuan bengtla lo leh tihmawhte zinga sual nei lo leh nuntlang, Pathian fa sawiselbote in nih theihna turin phunnawina leh inhnialnate awm lovin engkim ti rawh u, (chungho zingah chuan nunna thu hlanin khawvelah hian tiengtu angin in lang thin,) chutichuan athlawna tlan ka nih loh va, athlawna thawk rim ka nih hek loh avangin Krista niah chuan chhuan tur ka nei thei ang.
2:17 A ni, in rinna inthawina leh rawngbawlna chungah chuan leih buakin awm dawn mah ila ka lawm a ni, in zain ka lawmpui bawk a che u.
2:18 Chutiang bawkin nangni pawh lawm ulangin, mi lawmpui ve rawh u.
2:19 Nimahsela, in chanchin ka hriat a, ka thlamuan ve theihna turin, rei lo te chinah Timothea hi in hnena rawn tirh Lalpa Isuaah chuan ka beisei a ni.
2:20 Hetiang rilru pu, in awmzia tih tak zeta ngaihtuahsaktu tur che u tumah ka nei si lo.
2:21 An zain Isua Krista tan zawng lovin, mahni tan an zawng si thin.
2:22 Nimahsela, ani hi chu fiaha a awm tawhzia in hria, fain a pa rawng a bawl angin, Chanchin Tha tihdarh kawngah rawng mi bawlpui thin kha.
2:23 Chutichuan,ka chanchin tur ka hriat veleh ani hi rawn tir nghal ila ka ti a ni.
2:24 Nimahsela, keimah ngei pawh rei lo te china lo kal Lalpaah chuan ka inring tlat a ni.
2:25 Nimahsela, Epaphrodita, ka unaupa, ka hnathawhpui, ka sipaipui leh in tirhkoh, ka thil tlakchhama mi chhawmdawltu hi in hnena rawn tirh tulin ka hria.
2:26 Ani chuan in zain a ngai em em si che u a, a na tih in lo hriat avangin nasa takin a lungngai bawk a.
2:27 Thi chhawnga na zawng a ni ngei tak a; nimahsela Pathianin ani chu a khawngaih a; tin, ani chang ni lovin, lngngaih chunga lungngaih lehzualna ka neih loh nan kei mi khawngaih a ni fawm bawk e.
2:28 Chutichuan, ani hi in hmuh leh huna in lawm theihna tur leh kei ka lungngaih a thathnem theihna turin ka rawn tir hmanhmawh deuh a ni.
2:29 Chutichuan,ani hi hlim takin Lalpaah chuan lo lawm ulangin, hetiang mi hi ngaihlu rawh u;
2:30 in mi chhawmdawlna tlin bak chu chhunzawm nan thih dawn lova beiin, Krista hnathawhna avangin thi chhawngin a lo awm ta si a.
3:1 Atawp berah chuan ka unaute u, Lalpaah lawm rawh u. Thu pangngaite in hnena ziak nawn leh hi keia tan zawng ninawm a ni lo ve, nangni tan a sawt bawk si a.
3:2 Ui lakahte chuan fimkhur rawh u, thil tha lo titute lakah chuan fimkhur rawh u. Innghaisaho lakah chuan fimkhur rawh u.
3:3 Keini Pathian Thlarau zara Pathian bia leh, Krista Isua chhuang leh, tisa chunga rinna reng nghat lotute hi Serhtanho kan ni zawk si a.
3:4 Duh phei ila, kei pawh tisa chunga rinna nghat thei ka ni asin. Mi dang reng rengin tisa chunga rinna nghahchhan neia an inruat chuan kei ka inruat lehzual a ni;
3:5 Ni riat nia serh tan, Israela thlaha mi, Benjamina chia mi, Hebraite laka Hebraia piang ka ni a; Dan lamah chuan Pharisai ka ni a;
3:6 thahnemngaih lamah chuan kohhranho tiduhdahtu ka ni a; Dan thua felna lamah chuan sawiselbo ka ni.
3:7 Nimahsela, ka tana hlawkna tur apiangte chu chung chu Krista avangin channaah ka ruat ta a ni.
3:8 A ni tak meuh mai, ka Lalpa Krista Isua hriatna ropui bikzia avangin thil engkim pawh channaah ka ruat a ni; amah avangin thil zawng zawng ka chan ta vek a, chung chu hnawmhneah lek ka ngai a, Krista ka hmuh theihna tur leh,
3:9 mahni felna (Dana felna chu) nei lovin, Krista rin avanga felna (rin avanga Pathian laka felna chu) nei zawkin, amaha awm ka lo nih theihna turin;
3:10 a thihna anpuia thiin, amah nen, a thawhlehna thiltihtheihna nen, a tuarnate tawmpuina nen ka hriat theih nan;
3:11 mitthi zing ata thawhlehna chu ka chang thei hram mahna, tiin.
3:12 Hmu thawh reng inti ka ni lo va, famkim tawh reng inti pawh ka ni hek lo; “Krista mi man chhan chu ka man thei dah law maw,” tiin a umin ka um zawk a ni.
3:13 Unaute u, manah ka inngai lo. Amaherawhchu he thil pakhat hi ka ti thin – hnung lama thil awmte chu theihnghilha, hma lama thil awmte chu banin,
3:14 Krista Isuaa Pathian chung lam koh chhan lawman hmu turin, tiam chin lam chu ka pan talh talh a ni.
3:15 Chutichuan, puitling apiang chutiang rilru puin i awm ang u; tin, eng kawngah pawh rilru danglam pu in lo nih chuan, chu pawh chu Pathianin a la hriattir ang che u.
3:16 Engpawh ni sela, kan thlen chin atang khan hma i sawn zel ang u.
3:17 Unaute u, ka awm dan zirtute lo ni hlawm rawh u, tin, entawn tur keini min nei a, chu mi ang zela awmte chu en tha rawh u.
3:18 Mi tam tak an kal a, chu mite chu Krista kraws hmelma an ni tih an chanchin ka hrilh fo che u kha, tunah pawh tap chungin ka hrilh che u hi;
3:19 chungho tawpna chu boralna a ni, an pathian chu an pum a ni, an ropuina pawh chu an mualphona a ni, khawvel thil an duh thin a ni.
3:20 Keini zawng van khua leh tui kan ni si a, van atanga min chhandamtu Lal Isua Krista lo kal tur chu nghakhlel takin ka thlir a ni.
3:21 Ani chuan a thawhin, engkim pawh ama thu thuin a awmtir thei, chu mi thawhzia ang zelin kan tlawm lai taksa hi, ama taksa ropui anga awm turin a siam tha leh ang.
4:1 Chuvangin, ka unau duh tak leh ngaih tak ka lawmna leh ka lallukhumteu, chutiang chuan Lalpaah ding nghet rawh u, ka duh takte u."
4:2 Lalpaah chuan rilru hmun khat pu turin Euodii ka ngen a, Suntuki pawh ka ngen bawk a ni.
4:3 A ni, nang pawh ka nghawngkawl bahpui taktak, ka sawm bawk a che; khang hmeichhiate kha tanpui rawh. Chanchin Thaah chuan mi beihpui si thin a, Klemena nen, ka thawhpui dang Nunna Bua hming chuangte nen khan.
4:4 Lalpaah chuan lawm fo rawh u: ka ti leh pek thin ang, lawm rawh u.
4:5 In dawhtheihzia mi zawng zawng hriat ni rawh se. Lalpa chu a hnai e.
4:6 Engah mah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se.
4:7 Tichuan, Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u.
4:8 A tawp berah chuan unaute u, a dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte – thatna reng a awm a, fakna reng a awm phawt chuan – chung chu ngaihtuah rawh u.
4:9 In thil zir te, in thil pawm te, in thil hriat te, keimaha in thil hmuh te pawh kha, khang ang kha ti thin ang che u; tichuan Thlamuanna Pathian chuan a awmpui ang che u.
4:10 Nimahsela, in mi ngaihtuahsakna chu tun hnua in rawn tihthar leh tak avang hian Lalpaah chuan ka lawm hle a ni; chutiang kawng chu ngaihtuah kha zawng in ngaihtuah the meuh va, remchang erawh chu in hmu lo mai a ni.
4:11 Ka tlakchham thu sawi zawng ka ni lo ve; kei zawng eng ang pawhin awm mah ila, lungawi zel ka ching tawh si a.
4:12 Tlawm taka awm dan ka thiam a, hausaa awm dan pawh ka thiam bawk a; thil tinrengah leh thil zawng zawngah tlai leh riltama awm dan, hausa leh tlachhama awm dan thuruk chu ka hre chhuak tawh.
4:13 Mi tichaktuah chuan engkim ka ti thei a ni.
4:14 Nimahsela, ka mangannaahte hian mi lo manganpui hi in titha e.
4:15 Tin, nangni Philipi-a mite u, Chanchin Tha thlen tirh laia Makedonia ram atanga ka kal chhuah lai khan, nangni chauh lo chuan kohhran pawl pakhat mahin thilpek leh dawn kawngah chuan mi tanpui lo tih nangni ngeiin in hre bawk a;
4:16 Thessalonika khuaa ka awm lai pawh khan, ka tlakchhamna phuhruk turin, vawi khat chang ni lovin, vawi hnih lai in rawn thawn kha.
4:17 Thilpek chu zawng ka ni lo va; rah, nangmahni lama pung tur chu zawng ka ni zawk e.
4:18 Nimahsela, engkim ka nei a, ka ngah a ni; Epaphrodita kuta in thil mi thawnte chu ka lo hmu a, ka phuisui ta. Chung chu englo rimtui rim, inthawina chhan tlak, Pathian lawmzawng a ni.
4:19 Tin, ka Pathian chuan Krista Isuaa a ropuina ngahzia ang zelin in tlakchhamna tinreng pawh a phuhruksak ang che u.
4:20 Tin, kan Pathian leh kan Pa hnenah chuan chatuanin ropuina chu awm rawh se. Amen.
4:21 Krista Isuaa mi thianghlim tinreng chibai mi buksak ang che u. Ka hnena unau awmte hian chibai an buk a che u.
4:22 Mi thianghlim zawng zawngten chibai an buk che u a, Kaisara chhungte zinga mi hian an buk deuh ber a che u.
4:23 Lalpa Isua Krista khawngaihna chu in thlarau hnenah awm rawh se.
posted by zoblog @ 11:27 AM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog