| Wednesday, September 12, 2007 |
1:1 Paula, Pathian duhzawnga Krista Isua tirhkoh leh Timothea kan unau chuan,
1:2 Kolossa khuaa Kristaa mi thianghlimte leh unau rinawmte hnenah chuan”Pathian kan Pa hnen ata khawngaihna leh remna in hnenah awm rawh se.
1:3 3-5 Vanah in tan beiseina an dahsak che u avangin, Krista Isua in rinzia leh mi thianghlim zawng zawngte chunga hmangaihna inneihzia kan lo hriat achin in tana tawngtai fovin, Pathian kan Lal Isua Krista Pa hnenah chuan lawmthu kan hril thin a. Chu mi beiseina chanchin chu, hmanah Chanchin Tha thutak thu-ah khanin hre tawh.
1:4 3-5 Vanah in tan beiseina an dahsak che u avangin, Krista Isua in rinzia leh mi thianghlim zawng zawngte chunga hmangaihna inneihzia kan lo hriat achin in tana tawngtai fovin, Pathian kan Lal Isua Krista Pa hnenah chuan lawmthu kan hril thin a. Chu mi beiseina chanchin chu, hmanah Chanchin Tha thutak thu-ah khanin hre tawh.
1:5 3-5 Vanah in tan beiseina an dahsak che u avangin, Krista Isua in rinzia leh mi thianghlim zawng zawngte chunga hmangaihna inneihzia kan lo hriat achin in tana tawngtai fovin, Pathian kan Lal Isua Krista Pa hnenah chuan lawmthu kan hril thin a. Chu mi beiseina chanchin chu, hmanah Chanchin Tha thutak thu-ah khanin hre tawh.
1:6 ,7 Chu mi Chanchin Tha chu khawvel zawng zawngah rahin a pung zel ang bawk hian in hnena a thlen kha. Chutiang bawkin Epaphra, kan bawihpui duh tak laka in zir angin tihtak zeta Pathian khawngaihna chu in ngaihthlaka inhriat ni achinah khan, nangmahniah pawh rahin a pung zel thin a ni. Epaphra hi kan ai awhin Krista rawngbawltu rinawm tak a ni a,
1:7 ,6 Chu mi Chanchin Tha chu khawvel zawng zawngah rahin a pung zel ang bawk hian in hnena a thlen kha. Chutiang bawkin Epaphra, kan bawihpui duh tak laka in zir angin tihtak zeta Pathian khawngaihna chu in ngaihthlaka inhriat ni achinah khan, nangmahniah pawh rahin a pung zel thin a ni. Epaphra hi kan ai awhin Krista rawngbawltu rinawm tak a ni a,
1:8 ani hian thlarauva in hmangaihna chu min hrilh bawk a.
1:9 chu mi avang chuan thlarau lam finna leh hriat theihna zawng zawng kawngah ama duhzawng hriat famkimnaah chuan in lo khah theih nan, kan hriat ni achin chu keini pawhin tawngtai leh dilsak che u kan bang lo;
1:10 10-12 chutichuan hnathawh tinrenga lo rahin, Pathian hriat famkimna kawnga lo sawt deuh deuhvin, hlim taka chhelna leh dawhtheihna tinreng nei tura a ropuina chakzia ang zela chakna tinrenga lo chakin, Pa, enga mi thianghlimhote ro chu tawm ve tlaka min rawn siamtu hnenah chuan lawmthu hrilin, kawng tinrenga amah tilungawi turin Lalpa zui tlakin in awm thei ang.
1:11 10-12 chutichuan hnathawh tinrenga lo rahin, Pathian hriat famkimna kawnga lo sawt deuh deuhvin, hlim taka chhelna leh dawhtheihna tinreng nei tura a ropuina chakzia ang zela chakna tinrenga lo chakin, Pa, enga mi thianghlimhote ro chu tawm ve tlaka min rawn siamtu hnenah chuan lawmthu hrilin, kawng tinrenga amah tilungawi turin Lalpa zui tlakin in awm thei ang.
1:12 10-12 chutichuan hnathawh tinrenga lo rahin, Pathian hriat famkimna kawnga lo sawt deuh deuhvin, hlim taka chhelna leh dawhtheihna tinreng nei tura a ropuina chakzia ang zela chakna tinrenga lo chakin, Pa, enga mi thianghlimhote ro chu tawm ve tlaka min rawn siamtu hnenah chuan lawmthu hrilin, kawng tinrenga amah tilungawi turin Lalpa zui tlakin in awm thei ang.
1:13 Ani chuan thim thuneihna laka min chhan chhuakin, a Fapa hmangaih taka ramah chuan min kaitir ta a;
1:14 amahah chuan kan tlanna kan hmu a ni – kan sualte ngaihdamna chu.
1:15 Ani chu hmuh theih loh Pathian anpui, thil siam zawng zawnga piang hmasa ber chu a ni a;
1:16 amahah chuan engkim siam a ni a, vana awmte, leia awmte nen, hmuh theihte, hmuh theih lohte nen, lalthutphahte pawh, rorelnate pawh, lalnate pawh, thuneihnate pawh; engkim ama siam a ni, ama ta tur bawka siam a ni;
1:17 tin, ani hi chu engkim awm hmain a awm reng a ni, amahah chuan engkim a ding ho bawk a ni.
1:18 Ani chu taksa (chu chu kohhranho) lu a ni a; engkimah chungnung ber a lo nih theih nan, a bulpui, mitthi zing ata piang hmasa bera chu a ni.
1:19 ,20 Famkimna tinreng chu amaha awm reng leh a kraws thisen chuan remna lo siamin, amahah chuan engkim amah nen a inremtir hi Pa lungnihzawng tak a ni si a;amah ngeiah chuan leia thil awmte pawh, vana thil awmte pawh amah nen a inremtir hi.
1:20 ,19 Famkimna tinreng chu amaha awm reng leh a kraws thisen chuan remna lo siamin, amahah chuan engkim amah nen a inremtir hi Pa lungnihzawng tak a ni si a;amah ngeiah chuan leia thil awmte pawh, vana thil awmte pawh amah nen a inremtir hi.
1:21 ,22 Tin nangni hmana in thiltih sualnaah khan ama lakah thenin in lo awm a, in rilruah chuan a hmelma in lo nih bawk kha, nimahsela tunah zawng, a hmaah chuan thianghlim tak leh, hmelhem lo leh, sawiselbova a dintirna tur che uin, a thihnain a tisa taksaah chuan amah nen a inremtir tawh che u a ni;
1:22 ,21 Tin nangni hmana in thiltih sualnaah khan ama lakah thenin in lo awm a, in rilruah chuan a hmelma in lo nih bawk kha, nimahsela tunah zawng, a hmaah chuan thianghlim tak leh, hmelhem lo leh, sawiselbova a dintirna tur che uin, a thihnain a tisa taksaah chuan amah nen a inremtir tawh che u a ni;
1:23 nghahchhan neia nghet taka awma, Chanchin Tha in hriata beiseina atanga sawn bo thin lova, rinnaah hian in awm reng phawt chuan: chu Chanchin Tha chu van hnuaia thil siam zawng zawngte zinga tlangaupui a nih kha; kei Paula hi chu mi rawngbawltua siam ka ni.
1:24 Tuna ka tuarsakna che uah hian ka lawm a, Krista hrehawm tuar bak chu a taksa avangin ka tisaah hian ka chhunzawm zel a ni; a taksa chu kohhranho hi an ni.
1:25 Pathian thu hril kim tura enkawlna hna Pathianin in tan mi pek ang zelin chungho rawngbawltua siam ka ni.
1:26 Mi zawng zawng laka a lo thup kumkhua thin, ama mite hnena a puan tak thuruk kha, tunah erawh chuan a mi thianghlimte hnenah lantirin a awm ta.
1:27 Chung mite hnenah chuan hnam tin tana a thuruk ropui leh hlu tak chu Pathianin hriattir a duh reng a ni; chu thuruk chu, Krista nangmahnia awm ropuina beisei chhan chu a ni;
1:28 mi tin Kristaah chuan thafamkima kan dintir theihna turin, mi tin zilhin, mi tin finna tinrenga zirtirin a chanchin kan hrilh thin hi;
1:29 chu mi ti tur chuan Krista chakna nasa tak keimaha thawk thin chu hmangin ka bei a, rim takin ka thawk a ni.
2:1 Nangmahni leh Laodikei khuaa awmte leh, tisaa ka hmel hmu lo apiangte tan eng tikauva nasain nge ka beihsak talh talh che u hi in hriat ka duh si a;
2:2 ,3 chutichuan Pathian tuhruk (finna leh hriatna ro zawng zawng thuhrukna Krista chu) an hriat theih nan, hriata rin tlatna lukhawng zawng zawng chu dawng tura hmangaihnaa insuih khawmin, an thinlungte chu thlamuangin a awm thei ang.
2:3 ,4 chutichuan Pathian tuhruk (finna leh hriatna ro zawng zawng thuhrukna Krista chu) an hriat theih nan, hriata rin tlatna lukhawng zawng zawng chu dawng tura hmangaihnaa insuih khawmin, an thinlungte chu thlamuangin a awm thei ang.
2:4 Tuman tawng kam thiamin an bum loh nan che u, chung chu ka ti a ni,
2:5 Tisain in hnenah awm mah suh ila, lawm taka awmin, in felzia leh Krista in rin nghehzia enin, thlarauvah chuan in hnenah ka awm si a.
2:6 ,7 Chuvangin, Krista Isua, Lalpa chu in lawm ang khan, amaha zung kai leh rem chhoh deuh deuhva awmin, an zirtir che u ang khan in rinnaah chuan nghet taka awmin, lawmthu sawi lo ngahin, amahan chuan awm rawh u.
2:7 ,6 Chuvangin, Krista Isua, Lalpa chu in lawm ang khan, amaha zung kai leh rem chhoh deuh deuhva awmin, an zirtir che u ang khan in rinnaah chuan nghet taka awmin, lawmthu sawi lo ngahin, amahan chuan awm rawh u.
2:8 Fimkhur rawh u, chutilochuan tupawhin Krista thu ang ni lovin, mihring thu rochhiah leh khawvel A Aw B ang zawkin an thu fing leh bumna mai maiin ral lakin an la dah ang che u.
2:9 Amahah chuan Pathian famkimna tinreng chu taksa neiin a awm reng si a.
2:10 Amahah chuan in famkim ta bawk a; ani chu lalna leh thuneihna zawng zawng lu a ni.
2:11 Krista serhtannaah chuan tisa taksa hlip vekin amah vekah chuan kuta serhtan ni lova serh tan in nih kha;
2:12 baptismaah chuan a hnena phum in lo ni ve tawh si a, chu mi vekah chuan mitthi zing ata amah kai thotu Pathian hnathawh rin avanga a hnena kaihthawh in nih ve kha.
2:13 Tin, nangni in bawhchhiatnate leh in tisaa serh tan lohna avangin thi in lo ni a, nangmahni ngei chu amah nen a tinung che u a nih kha; kan bawhchhiatna zawng zawngte min ngaidam a,
2:14 batna lehkha thupeka ziak, kan chunga awm, min dodal thina chu a thai bo tawh si a: chu ngei chu kraws-a khengbetin a la kiang ta a,
2:15 tin, lalna leh thuneihnate chu hlip thlain, chu kraws-ah chuan chungte chu hnehin, alangin hriattir nan a hmang ta a.
2:16 Chutichuan, ei thu-ah emaw, in thu-ah emaw, kut ni thu-ah emaw thla thar thu-ah emaw, chawlhni thu-ah emaw, tuman sawisel che u suh se;
2:17 chung chu thil lo thleng turte hlim a ni, a tak eawh chu Krista ta a ni.
2:18 Inlarna danglam bik hmua insawi a, khawvel rilru tak pu si a, engmah ni si lova intiveiho, taksa hi ngaihnep tur, vantirhkohte pawh biak tur tite chuan thiam loh chantir che u suh se. Chung hote chuan Lu, Krista chu an vuan tawh lo a ni.
2:19 Lu atang chuan taksa pum pui bung hrang hrang inzawm khawm chu a chawm a ni a, Pathian duhzawng ang zelin a thang lian thin a ni.
2:20 Khawvela zirtirna dik lote chu Kristaah in thihsan tawh si chuan, eng tizia nge khawvel mite ang leka, “Tawk suh, tem suh, dek suh,”
2:21 tih an mihring thil intuk chawp leh phuah chawp mai mai hnenah in intukluh leh tak mai: 22chungte chu ei zawha ral mai thil a ni.
2:23 Heng vantirhkoh biak tur tih te, taksa ngaihnep tih te, taksa tihhrehawm tih te hi tha fu awm chuan a lang a, mahse tisa chakna hneh turin a tangkai si lo.
3:1 Chutichuan, Krista hnenah kaihthawhin in awm ve tawh chuan chung lam, Pathian ding lama thu Krista awmnaa thil awmte chu zawng rawh u. Chung lama thil awmahte chuan in rilru nghat tlat rawh u, leia thil awmahte chuan nghat lovin.
3:3 In thi tawh a, in nunna chu Pathianah chuan Krista hnenah thuhrukin a awm si a.
3:4 Krista kan nunna chu a lo inlar hunah chuan nangni pawh ama hnenah ropui zingah in inlar ve ang.
3:5 Chutichuan, in taksa peng leia awmte hi tihlum rawh u, inngaihna te, bawlhhlawhnate, hurna te, chakna sual te, duhamna te hi (duhamna chu milem biakna a ni si a);
3:6 chung thil avang chuan a ni, Pathian thinur chu awih lo fate chunga a thlen thin ni;
3:7 nangni pawh hmanah chung thilahte chuan in nun lai khan, chungahte chuan in awm thin kha.
3:8 Tunah erawh chuan nangni pawhin heng zawng zawng, tauhna te, thinurna te, huatna te, sawichhiatna te, in kaa chhuak tawng zahmawh te hi tibo rawh u.
3:9 Dawt inhrilh tawn suh u; mihring hlui chu a thiltihte chawpin in hlip tawh a,
3:10 mihring thar chuan in inthuam tawh si a, chu mihring thar chu hriat famkimna nei turin, a siamtu anpui anga siam tharin a awm mek a ni;
3:11 chu miah chuan Grik mi leh Juda mi, serhtan leh tan loh, awze mite, Skuthia mi te, bawih te, bawih lo te pawh a awm theih lo; Krista chu engkim ni zawkin, engkimah a awm bawk a ni.
3:12 Chutichuan, Pathian mi thlan, mi thianghlim leh duh takte angin lainatna thinlung te, ngilneihna te, inngaihtlawmna te, thuhnuairawlhna te, dawhtheihna te chuan inthuam rawh u,
3:13 tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u.
3:14 Tin, chung zawng zawng chungah chuan hmangaihna inbel rawh u, chu chu phuar famkimna a ni.
3:15 Tin, Krista thlamuanna chuan in thinlungah ro rel rawh se, chutiang ni turin taksa pumkhata koh in ni reng asin; lawm nachang hre bawk rawh u.
3:16 Krista thu chu finna tinrengin nangmahniah awm teuh rawh se; fakna hla te,Pathian hla te, thlarau lam hla tea inzirtirin inzilh taWn ula, thinlunah neiin Pathian chu hla saksak rawh u.
3:17 Tin, in tih apiang chu thusawiah emaw, thil tihah emaw ama zarah Pa Pathian hnena lawmthu hril chungin Lalpa Isua hmingin ti vek rawh u.
3:18 Nupuite u, Lalpaa a awm tawk ang zelin in pasalte hnenah intulut rawh u.
3:19 Pasalte u, in nupuite hmangih ula, an lakah vin suh u.
3:20 Naupangte u, engkimah in nu leh in pate thu zawm rawh u, chu chu Lalpaah chuan a lawmam si a.
3:21 Pate u, in fate tinuar suh u, chutilochuan an bei a dawng dah ang e.
3:22 Bawihte u, tisaa in hotute thu hi engkimah zawm rawh u, mihring tilawmtute mai anga mit rawng bawl lovin, thinlung sakhat vuaa Lalpa tih dek chungin zawm zawk rawh u.
3:23 ,24 A rulhna roluah tur chu Lalpa hnen ata in hmu dawn tih hriain, in tih apiang chu mihring tan anga ti lovin, Lalpa tan anga ti zawkin, chak takin ti rawh u; Lalpa Krista rawng in bawl a nih hi.
3:24 ,23 A rulhna roluah tur chu Lalpa hnen ata in hmu dawn tih hriain, in tih apiang chu mihring tan anga ti lovin, Lalpa tan anga ti zawkin, chak takin ti rawh u; Lalpa Krista rawng in bawl a nih hi.
3:25 Thil dik lo titu chuan a thil dik lo tih man chu a hmu leh ang; mi thlei bikna reng a awm si lo va.
4:1 Hotute u, nangni pawhin vanah Hotu in nei tih hriain, in bawihte chungah a fel leh a mawi tawk chu ti rawh u.
4:2 Tawngtai fan fan ula, chu miah chuan lawmthu hril chungin ngaihven rawh u.
4:3 Mi phuarna chhan Krista thuruk chu hril turin Pathianin thu atan kawng min tihkuaksak theih nan keini pawh min tawngtaisak rawh u,
4:4 ka sawi tur ang taka ka puan theihna turin.
4:5 Remchanna lei zelin, pawn lama mite lakah chuan fing takin awm rawh u.
4:6 Mi tin engtia chhan theuh tur nge ni tih in hriat theih nan in tawngka chhuak chu, chia al, khawngaihna tel ni fo rawh se.
4:7 Lalpaa unau duh tak, rawngbawltu rinawm, kan bawihpui Tukika hian ka chanchin zawng zawng a hriattir ang che u.
4:8 He mi avang ngei hian ani chu in hnenah ka rawn tir a ni, ka chanchin in hriat theihna tur leh in thinlung a tihthlamuan theihna turin;
4:9 Onesima, unau rinawm leh duh tak, nangmahni zinga mi nen hian. Anni chuan heng lama thil awmzia zawng zawng hi an hriattir ang che u.
4:10 Aristarka, ka tanpuipa hian chibai a buk a che u; Marka, Barnaba tupa pawhin chibai a buk a che u, (ama chungchang thu-ah thupekte in hmuh kha; in hnena a lo kal chuan lo lawm rawh u;)
4:11 Isua, Justa an tiha hian chibai a buk bawk a che u. Chung chu serhtan mi an ni a; chung chauh chu Pathian ram thu lamah chuan ka thawhpui, mi thlamuantute an ni.
4:12 Epaphra, nangmahni zinga mi, Krista Isua bawihpa hian chibai a buk a che u, ani chuan Pathian duhzawng apianga puitling leh rin tlatna neia in din theihna turin a tawngtainaahte chuan nangmahni tan a bei fo thin a ni.
4:13 Nangmahni tan te, Loadikei khuaa awmho tan te, Heirapoli khuaa awmho tan te thahnem a ngai em em tih ka hriatpui asin.
4:14 Luka, daktawr duh tak leh Dema hian chibai an buk a che u.
4:15 Loadikei khuaa unau awmte kha chibai mi buksak ang che u; Numpha leh a ina kohhranho chu chibai mi buksak bawk ang che u.
4:16 Tin, he lehkha thawn hi in zinga in chhiar hnuin Loadikei kohhranho zingah pawh chhiartir ve rawh u; nangni pawhin Loadikei khuaa mi kha lo chhiar ve bawk ang che u.
4:17 Tin, Arkippa hnenah khan, “Rawngbawlna Lalpaa i hmuh kha hlen turin fimkhur rawh,” ti ang che u.
4:18 Kei Paulan, keima kut ngeia chibai ka bukna che u a nih hi. Ka kawlbunte hi hre reng rawh u. Khawngaihna in hnenah awm rawh se. |
posted by zoblog @ 11:26 AM  |
|
|
|
