| Wednesday, September 12, 2007 |
1:1 Heng hi Israela fapa Aigupta rama lûtte hming chu a ni; mi tin mahni chhûngte theuh nên Jakoba hnênah chuan an kal a;
1:2 Reubena te, Simeona te, Levia leh Juda te;
1:3 Isakara te, Jebuluna leh Benjamina te;
1:4 Dana leh Napthalia te, Gada leh Asera te.
1:5 Tin, Jakoba thâlbea chhuak zawng zawngte chu mi sawmsarih an ni: Josefa zawng Aigupta ramah chuan lo awm tawh sa reng a ni a.
1:6 Tin, Josefa leh a unautê zawng zawng leh chûng chhuanho zawng zawngte chu an thi ta vek a.
1:7 Tin, Israela thlahte chuan chi tam tak an thlah a, nasa takin an lo pung a, an lo tam ta êm êm mai a, an lo chak ta telh telh a; tin, chu ramah chuan an lo khat ta mup mai a.
1:8 Tin, Aigupta ramah chuan Josefa hre lo, lal thar a lo awm ta a.
1:9 Tichuan a mite hnênah, "Ngai teh u, Israela thlahte hi kan aiin an tamin an chak tâk zâwk hi le:
1:10 hawh u, anmahni hi tihhnathiamin i ti ang u; chutilochuan an lo pung zêl ang a, nakinah indonate a lo awm hian, kan hmêlmate lamah an pakai ve hlauh ang a, min bei ang a, he ram atang hian an tlân chhuak hlauh dah ang e," a ti a.
1:11 Chutichuan an phurrita tiretehi tûrin an chûngah hnathawk vêngtute an ruat ta a. Tichuan Pharaoa tân bungraw dah khâwmna tûr Pithom leh Rameses khuate an siam a.
1:12 Nimahsela anmahni chu an tihretheih nasat veleh an pung nasa deuh deuh va, an darh zau ta deuh deuh va. Tin, Israela thlahte avâng chuan an lungngai ta a.
1:13 Tin, Aigupta mite chuan Israela thlahte chu rim takin an thawhtîr a:
1:14 hnathawh hautak tak, lung chârna leh leirawhchante siamtîr leh lohvah hna tinrêngte, hreawm taka thawhtîrin an chhawr vak vak a, an thawhna zawng zawngah chuan rim takin an chhawr zêl a.
1:15 Tin, Aigupta lal chuan Hebrai nau chhar mite chu a bia a, chu mite chu pakhata hming Siphraii a ni a, tin, pakhata hming chu Puaii a ni a:
1:16 an hnênah chuan, "Hebrai hmeichhiate nau hrinna hmuna nau in chhar hunin, mipa fa a nih chuan tihlum zêl ang che u; hmeichhia a nih erawh chuan zuah tûr a ni," a ti a.
1:17 Nimahsela nau chhar mite chuan Pathian an tih a, tichuan Aigupta lal thupêk ang chuan an ti duh lo va, mipa fate chu an humhim ta zêl zâwk a.
1:18 Tin, Aigupta lal chuan nau chhar mite chu a kohtîr a, an hnênah chuan, "Engati nge hetianga thil in tih a, mipa fate chu in humhim zêl le?" a ti a.
1:19 Tin, nau chhar mite chuan Pharaoa hnênah, "Hebrai hmeichhiate hi Aigupta hmeichhiate ang an nih ve loh vang a ni; anniho hi zawngin an sam êm bîk a, tichuan nau chhartu lo thlen hma hian an lo hring tawh thîn a ni," an ti a.
1:20 Chutichuan Pathianin nau chhar mite chu a titha ta hle a: tichuan mite chu an lo tam ta hle a, an lo chak ta telh telh a.
1:21 Tin, heti hi a ni a, nau chhar miten Pathian an tih avângin chhûngkua neiin a siam ta a.
1:22 Tin, Pharaoan, "Mipa a lo piang apiang chu luiah in paih ang a, tin, hmeichhia apiang chu in humhim zêl tûr a ni," tiin a mite zawng zawng chu thu a pe a.
2:1 Tin, mi pakhat, Levia chhûngte zînga mi a va chhuak a, Levia fanu nupuiah a va nei a.
2:2 Tin, hmeichhia chu a rai a, tin, fapa a hring a: tin ani chuan nautê chu hmêl tha a ti êm a, thla thum a thukru a.
2:3 Tin, a lo thukru reng thei ta lo va, a tân luang lawng a la a, chu chu chirh leh alkatra-in a châr a, tin, nautê chu chutah chuan a muttîr a, tichuan lui kama phairuang zîngah chuan a dah ta a.
2:4 Tin, a chûngah eng tak la thleng ang maw tia hriat tumin a farnu chu hla feah a ding a.
2:5 Tin, Pharaoa fanu chu luia inbual tûrin a zu kal a; tin, a bâwihnute chu lui kamah chuan an kal ve a; tin, phairuang zînga bâwm a han hmuh chuan a bâwihnu a va lâktîr a.
2:6 Tin, a han hawn chuan nautê chu a hmu ta a: tin, ngai teh, nausên chu a tap ta a. Tin, a khawngaih ta êm êm a, "Hei Hebrai fa a nih hi le," a ti a.
2:7 Tichuan a farnu chuan Pharaoa fanu hnênah chuan, "He nautê awmsaktu tûr che Hebrai hmeichhia nau awmtu ka kohsak ang che chu?" a ti a.
2:8 Tin, Pharaoa fanu chuan a hnênah, "Kal rawh," a ti a. Tin, nula chu a kal a, chu nausên nu chu a ko ta a.
2:9 Tin, Pharaoa fanu chuan a hnênah, "He nautê hi kalpui ta la, mi awmsak ang che, tichuan i hlawh ka pe ang che," a ti a. Chutichuan hmeichhia chuan nautê chu a la a, a pawm ta a.
2:10 Tin, nautê chu a lo thang lian a, Pharaoa fanu hnênah a hruai a, tichuan a fapaah a awm ta a. Tin, "Tui ata ka lâk chhuah avângin," a ti a, a hmingah chuan Mosia a sa a.
2:11 Tin, heti hi a ni a, chûng laia Mosia a lo puitlin chuan, a unautê a va kan a, an phurritte chu a va hmu a: tin, Aigupta mi pakhat hian a unau pakhat Hebrai mi hi a vaw lai a han hmu a.
2:12 Tin, Mosia chu a hawi vêl ruai a, tin, tumah an awm lo tih a hriat veleh, Aigupta mi chu a vawhlum a, leiah a phûm ta a.
2:13 Tin, atûkah a va chhuak leh a, tin, ngai teh, Hebrai mi pahnih an lo insual a: tin, a thiam lo zâwka hnênah chuan, "Engati nge i thian i vuak le?" a ti a.
2:14 Tin, ani chuan, "Kan chûngah hotuah leh rorêltuah tuin nge siam che? Aigupta mi i tihhlum ang khân mi tihhlum i tum elo?" a ti a. Tin, Mosia chuan a hlau ta a, "An hre ta ngei zuk nia le" a ti a.
2:15 Tichuan Pharaoan chu chu a lo hriat veleh, Mosia chu thah a tum ta a. Nimahsela Mosia chu Pharaoa hnên ata a tlân bo va, Midian ramah a awm ta a: tin, tuichhunchhuah sîrah hian a thu a.
2:16 Tin, Midian rama puithiam chuan fanu pasarih a nei a: tin, anni chuan tui an rawn chawi a, an pa berâm rual in tûrin tui inna thlêngte chu an tikhat a.
2:17 Tin, berâm vêngtute an lo kal a, an rawn hnawt darh a: nimahsela Mosia chu a tho va, anmahni chu a rawn tanpui a, an berâm rual chu tui a intîr ta a.
2:18 Tin, an pa Reuela hnên an va thlenin ani chuan, "Engtizia nge vawiin chu in va lo haw hma ve le?" a ti a.
2:19 Tin, anni chuan, "Aigupta mi pakhatin berâm vêngtute lak ata min chhanhim a ni, tin, chu chang ni lovin, tui te min thâlsak a, berâm rual tui a intîr a ni," an ti a.
2:20 Tin, ani chuan a fanute hnênah chuan, "Chu, khawiah nge a awm le? Eng tizia nge in rawn hâwnsan mai ni le? Va ko ta che u, chaw te rawn ei ang hmiang," a ti a.
2:21 Tin, Mosia chuan chu mi hnêna awm chu rem a ti a: tin, a fanu Zipori chu Mosia a pe a.
2:22 Tin, fapa a hring a, tin, Mosian a hmingah Gersoma a sa a; "Mi rama pêm ka nih avângin," a ti a ni.
2:23 Tin, heti hi a ni a, ni rei fe chinah chuan Aigupta lal chu a thi ta a: tin, Israela thlahte chu an hnathawh hautak avâng chuan an rûm a, tin, an au va, tichuan an hnathawh hautak avânga an au thâwm chu Pathian hnêna a han thleng ta a.
2:24 Tin, Pathianin an rûm chu a hria a, tin, Pathianin Abrahama te, Isaaka te leh Jakoba te hnêna a thuthlun kha a hre reng a.
2:25 Tin, Pathian chuan Israela thlahte chu a thlîr reng a, tichuan Pathian chuan anmahni chu a zuk ngaihsak reng bawk a.
3:1 Tin, Mosia chuan a pu Jethroa, Midian ram puithiam berâm rual a vêng a: tin, berâm rual chu thlalêr thlang lampangah chuan a khalh a, tin, Pathian tlâng, Horeb chu a va thleng a.
3:2 Tin, hnim bukah LALPA vantîrhkoh, meialhin a hnênah a rawn inlâr a: tin, a han en a, tin, ngai teh, hnim buk chu meiin a kâng a, a hnim buka erawh chu a kâng ral si lo.
3:3 Tin, Mosia chuan, "Ka va pêng teh rêng ang, eng tizia nge ni hnim buk saw a kan ral loh, he thil mak tak hi ka va en teh ang e," a ti a.
3:4 Tin, LALPA chuan en tûra a va pêng chu a hmuhin, Pathianin hnim buk zing atang chuan a han ko va, "Mosi, Mosi," a han ti a. Tin, ani chuan, "Heta hi ka awm," a ti a.
3:5 Tin, ani chuan, "Rawn hnaih suh khai: i kephah ata i pheikhawkte kha phelh rawh, i dinna hmun kha lei thianghlim a ni e," a ti a.
3:6 Tin, "Kei hi i pa Pathian, Abrahama Pathian, Isaaka Pathian, Jakoba Pathian chu ka nih hi," a ti leh a. Tin, Mosia chuan a hmai a khuh ta a; Pathian a en ngam si lo va.
3:7 Tin, LALPA chuan, "Aigupta rama ka mi awmte chu an hreawmzia ka hmu reg asin, anmahni vêngtute avânga an au thâwmte chu ka lo hria a; an lungngaihnate chu ka hre reng si a;
3:8 tichuan Aigupta-ho lak ata chhanhim tûr leh chu mi ram ata chu hruai chhuaka Kanaan-hote, Hit-hote, Amor-hote Periz-hote, Hiv-hote, Jebus-hote awmna ram tha tak leh zau tak, hnutetui leh khawizu luanna rama hruai lût tûrin ka lo chhuak ta a ni.
3:9 Tin, ngai teh, Israela thlahte au thâwm chu ka hnên a lo thleng e: chu chang a ni lo va, Aigupta-hovin anmahni an hnehchhiahziate chu ka hmu reng a ni.
3:10 Chuvângin hawh teh, ka mi Israela thlahte chu Aigupta ram ata hruai chhuak tûrin Pharaoa hnênah ka tîr ang che," a ti a.
3:11 Tin, Mosia chuan Pathian hnênah, "Kei Pharaoa hnêna kala, Israela thlahte Aigupta ram ata zuk hruai chhuaktu atân chuan tunge maw ka nih le?" a ti a.
3:12 Tin, ani chuan, "I hnênah ka awm dâwn alâwm; tichuan keima tîrh ngei i ni tih hei hi i tân chhinchhiahna a ni ang: Aigupta ram ata mite chu i rawn hruai chhuah hunah chuan, he tlâng ngeiah hian Pathian rawng in la bâwl ang," a ti a.
3:13 Tin, Mosian Pathian hnênah, "Ngai teh, Israela thlahte hnênah chuan zuk kalin an hnênah, 'In thlahtute Pathianin in hnênah hian mi rawn tîr a ni e,' zuk ti ila; tin, anni chuan ka hnênah, 'Tunge ni a hming chu?' lo ti ang sela, an hnênah chuan engtin nge ka sawi ang?" a ti a.
3:14 Tin, Pathianin Mosia hnênah, "AWMA KA NI," a ti a; tin, a hnênah chuan, "Nangin Israela thlahte hnênah chuan, 'AWMA chuan in hnênah mi rawn tîr a ni e,' i ti tûr a ni," a ti a.
3:15 Tin, Pathian vêkin Mosia hnênah chuan, "Nangin Israela thlahte hnênah chuan, 'LALPA in thlahtute Pathian, Abrahama Pathian, Isaaka Pathian leh Jakoba Pathian chuan in hnênah hian mi rawn tîr a ni e: hei hi kumkhuaa ka hming chu a ni a, tin, hei hi chhuan zawng zawng thlenga mi hriat rengna chu a ni,' ti ang che.
3:16 Kal langin Israela upaho ko khâwm ang che, tichuan an hnênah, 'LALPA in thlahtute Pathian, Abrahama Pathian, Isaaka Pathian leh Jakoba Pathian chuan ka rawn kan ta ngei che u a, Aigupta rama in chûnga an tihzia te hi ka hmu ta ngei mai;
3:17 Aigupta rama tihhreawmna lak ata chu ka hruai chhuak ang che u a, Kanaan-hote, Hit-hote, Amor-hote, Periz-hote, Hiv-hote, Hit-hote ram, hnutetui leh khawizu luanna ramah chuan ka hruai lût ang che u ka tih tawh kha tiin ka hnênah a rawn inlâr ta a ni,' ti ang che.
3:18 Chutichuan i thu an lo ngaithla ang: tin, nang leh Israel upaho chu Aigupta lal hnênah in kal ang a, tin, a hnênah, 'LALPA, Hebraite Pathianin min rawn tlawh ta mai a; chuvângin thlalêr ni thum kalah LALPA kan Pathian hnêna kan va inthawi theihna tûrin khawngaih takin min kaltîr ang che,' ti ang che u.
3:19 Tin, Aigupta lal zawngin kût chak tak ngawt lo chuan a chhuahtîr hlei lo vang che u tih ka hria e.
3:20 tin, ka kut ka phar ang a, tin, Aigupta-ho chu an zînga thil mak tak ka la tih tûr zawng zawngte chuan ka la hrem ang: tin, chu mi hnuah zawng a chhuahtîr tawh ang che u.
3:21 Tin, he mite hi Aigupta-ho ka khawngaihtîr ang a: tin, heti hi a ni ang a, in kal hunah chuan ruakin in kal lo vang a,
3:22 hmeichhe tinin an vêngte leh an ina chêngte chu tângkaraw incheinate leh rangkachak incheinate leh silhfênte an la dîl zâwk ang a; tichuan in fapate leh in fanute chu in la bei ang; tin, Aigupta mite chu in rawk a ni ang," a ti a.
4:1 Tin, Mosia chuan, "Ngai teh, mi ring duhin ka thu an pawm lo vang: 'LALPA chu i hnênah a inlâr ngût lo vang e,' an ti mai âwm si a," tiin a chhâng a.
4:2 Tin, LALPA chuan a hnênah, "I kûta mi kha engnge ni?" a ti a. Tin, ani chuan, "Tiang," a ti a.
4:3 Tin, ani chuan, "Leiah khân han paih teh," a ti a. Tin, leiah chuan a han paih a, tin, rûlah a lo chang ta a; tin, Mosia chuan a tlânsan ta a.
4:4 Tin, LALPA chuan Mosia hnênah, "I kût khân han ban la, a meiah han la teh, (tin, a kut chuan a han ban a, a han la a, tin, a kutah chuan tiangah a lo chang leh ta a):
4:5 LALPA, an thlahtute Pathian, Abrahama Pathian, Isaaka Pathian leh Jakoba Pathian chu i hnênah a rawn inlâr ngei a ni tih an rin theihna tûrin," a ti a.
4:6 Tin, LALPA chuan a hnênah, "I kût khân i âwm zuk zen teh," a ti leh a. Tin, a âwm chu a zuk zen a: tin, a han pawrh chhuah leh chuan, ngai teh, a kût chu vûr anga vârin a lo phâr ta a.
4:7 Tin, ani chuan, "I kût khân i âwm zuk zen leh teh. (Tin, a âwm chu a zuk zen leh a; a âwm ata a han pawrh chhuah chuan, ngai teh, a tisa dang ang bawk chuan a lo awm leh ta a.)
4:8 Tin, heti hi a ni ang a, an rin duh loh che a, chhinchiahna hmasa zâwk chu an pawm duh loh chuan, chhinchhiahna hnuhnûng zâwk tal chu an ring ang.
4:9 Tin, heti hi a ni ang a, chûng chhinchhiahna pahnih ngei pawh an rin lohva, i thusawi pawh chu an pawm loh chuan, lui tui i zuk thâl ang a, lei chârah i bun ang a; tin, lui ata tui i zuk thâl chu lei chârah chuan thisenah a lo chang dâwn nia," a ti a.
4:10 Tin, Mosia chuan LALPA hnênah, "Aw LALPA, kei zawng tûn hma lamahte leh i chhiahhlawh hnêna thu i rawn sawi hnuah pawh hian mi tawnghmang thiam ka ni ve ngai lo a ni: mi tawng bân leh mi tawng mawh ka ni si a," a ti a.
4:11 Tin, LALPA chuan a hnênah, "Mihring kâ hi tu siam nge ni a, mitvâr te, mitdel te pawh hi tu tih nge ni? Kei LALPA hian a ni lo vem ni?
4:12 chuvângin kal mai rawh, i kâ chu keiman ka awmpui zêl ang a, i sawi tûr chu ka hrilh zêl ang che," a ti a.
4:13 "Ni lova, LALPA, mi dang tîr zâwk ta mai che," a ti a.
4:14 Tichuan LALPA chu Mosia chûngah a thinur ta a, a hnênah, "I unaupa Arona, Levia chi chu a awm lâwm ni? Ani zawngin tawnghmang a thiam tih ka hria a ni. Ngai teh, nangmah hmuak tûrin a lo kal nghe nghe asin: tin, a hmuh che zawngin a thinlung chu a lâwm hle mai ang.
4:15 Chutichuan nangin amah chu bia langin, thute chu fah vek ang che: tichuan i kâ leh a kâ chu keiman ka amwpui zêl ang a, in tih tûr chu ka hrilh zêl ang che u.
4:16 Tin, ani chu mipui hnêna i thu sawi chhawngtu a ni ang: tin, heti hi a ni ang a, i tân kâ a ni ang a, tin, nang chu a tân Pathian ang i ni ang.
4:17 Tin, nangin he tiang hi i keng ang a, chu chuan thilmakte chu i ti ang," a ti a.
4:18 Tin, Mosia chu a kal a, a pu Jethro hnênah a kîr leh ta a, tin, a hnênah, "Aigupta rama ka uanu awmte chu an la dam emaw an hnênah khawngaih takin ka va hâwng rih ang e," a ti a. Tin, Jethroa chuan Mosia hnênah, "Thlamuang takin kal ta che le," a ti a.
4:19 Tin, LALPA chuan Midian ramah Mosia hnênah chuan, "Kal la, Aigupta ramah chuan va kîr leh tawh rawh le: nangmah tihhlum tumtute kha an thi vek tawh e," a ti a.
4:20 Tin, Mosia chuan a nupui leh a fapate chu a hruai a, sabengtung chûngah a chuantir a, tin, Aigupta ramah chuan a kîr leh ta a: tin, Mosian Pathian tiang chu a keng a.
4:21 Tin, Lalpa chuan Mosia hnênah, "Aigupta ram i thlen hun chuan i kûta thilmak zawng zawng ka kentîr che hi Pharaoa hmaah chuan ti ngei ngei ang che: nimahsela a thinlung ka tihkhauhsak ang a, tichuan mite chu a chhuahtîr phal lovang.
4:22 Tin, nangin Pharaoa hnênah chuan, 'LALPAN, Israela hi ka fapa, ka fa tîr a ni e:
4:23 tichuan i hnênah, ka fapa chuan ka rawng a bâwl theih nan chhuahtîr rawh khai ka ti a; tin, i chhuahtîr phal lo vei a i fapa, i fa tîr chu ka tihlum ang, a ti e,' ti ang che," a ti a.
4:24 Tin, heti hi ani a, kalkawnga riah hmunah chuan LALPAN Mosia chu a zuk tlawh a, tihhlum a tum ta a.
4:25 Tin, Zipori chuan meilung a la a, Tin, a fapaa serhvun chu a tân a, Mosia ke a tawhtîr a; tichuan, "Ka tân pasal thisen chhuah hmang i lo nih hi le," a ti a.
4:26 Chutichuan, "Serh tân avângin pasal thisen chhuah hmang i lo nih hi" a ti a.
4:27 Tin, LALPAN Aron hnênah, "Mosia hmuak tûrin thlalêrah va kal rawh," a ti a. tin, a kal ta a, Pathian tlângah chuan a va hmu a, a fâwp a.
4:28 Tin, Mosia chuan LALPAN a tîrh thu zawng zawngte leh thilmak a tihtîr tûr zawng zawngte chu Arona a hrilh vek a.
4:29 Tin, Mosia leh Arona chuan Israela thlahte upaho zawng zawng chu an ko khâwm vek a:
4:30 tin, LALPAN Mosia hnêna a sawi zawng zawngte kha Arona chuan a sawi chhâwng leh vek a, tin, mipuite hmuhah chuan thilmakte chu a ti a.
4:31 Tin, mite chuan an âwih ta a: tin, LALPAN Israela thlahte chu a zuk kan a, an hreawmziate a zuk hmu ta a ni tih an hriatin an lu an kûn a, chibai an bûk ta a.
5:1 Tin, chu mi hnuah chuan Mosia leh Arona chu an va kal a, Pharaoa hnênah, "LALPA, Israela-hote Pathianin heti hian a ti, 'Ka mite hi thlalêrah ka hnênah lo kût tûrin rawn kaltîr rawh,' tiin," an ti a.
5:2 Tin, Pharaoa chuan, "Tunge maw ni LALPA, a thu ka han zawm a, Israel-hote ka han chhuahtîrna tûr chu ni le? LALPA chu ka hre lo ve, tin, Israela-hote lah ka chhuahtîr hek lovang," a ti a.
5:3 Tin, anni chuan, "Hebraite Pathianin mi rawn tlawh ta mai a: thlalêr ni thum kalah LALPA kan Pathian hnêna kan va inthawi theihna tûrin khawngaih takin kan va kal ang e; chutilochuan kan chûngah hian hri emaw khandaih emaw a rawn lêntîr mai dah ang e," a ti a.
5:4 Tin, Aigupta lal chuan an hnênah, "Engtizia nge nangni Mosia leh Arona hi, mipuite hnathawk lai in dâwngdahtîr ni? In hna chu va thawk rêng rêng tawh u," a ti a.
5:5 Tin, Pharaoa chuan, "Ngai teh u, he mi rama mite hi in lo tam ta hle mai a, tin, nangnin an phurrit phur chu in chawlhtîr mai a," a ti a.
5:6 Tin, chu nî ngei chuan Pharaoan hnathawk vêngtute leh an hotute hnênah chuan,
5:7 "Tûn achinah zawng tûn hma ang khân mite hi leirawhchana siam tûr buhpâwl in pe tûr a ni tawh lo ve, anmahni ngeiin buhpâwl chu thiar khâwm rawh se.
5:8 Tin, leirawhchan tûn hmaa an siam zât bawk kha anmahni lakah chuan in phût tûr a ni a; in tihtlêmsak hlek tûr a ni lo ve; an thatchhia a nih hi; chuvângin alâwm, 'Kan Pathian hnênah kan va inthawi ang e,' an tih ni.
5:9 Mite hi hnathawh hautak lehzual tuk rawh u khai, chûng chu thawk sela; dâwt thu mai maite hi ngaisâng suh se," tiin thu a pe a.
5:10 Tin, hnathawk vêngtute leh an hotute chu an kal chhuak a, mite hnênah chuan, "Pharaoan, 'Buhpâwl zawng ka pe dâwn tawh lo a che u,' a ti a ni.
5:11 Nangmahniin buhpâwl chu in hmuh theih ang ang va thiar khâwm rawh u: in hnathawh hi an tihtlêmsak chuang dâwn hlek lo che u a nia," an ti a.
5:12 Chutichuan mite chu Aigupta ram chhûng zawng zawngah chuan buhpâwl aiah buh bul zawng khâwmin an vâk darh chum chum a.
5:13 Tin, hnathawk vêngtute chuan, "Tûn hmaa buhpâwl awm lai ang bawk khân, in hnathawh, in ni tin hnathawhte hi thawk zo thuai thuai rawh u," tiin an tûr hmanhmawh chhên thîn a.
5:14 Tin, Pharaoa hnathawk vêngtuten Israela thlahte zinga hotu atâna an ruatte chu an vuaa, "Engati nge niminah te leh vawiinah te pawh tûn hma ang bawka leirawhchan siam hi in zawh loh ni?" tiin a chhang a.
5:15 Tichuan Israela thlahte hotute chu Pharaoa hnênah an va kal a, "I chhiahhlawhte hi engati nge heti taka min tih le?
5:16 I chhiahhlawhte buhpâwl rêng rêng min pe ta lo va, anni chuan, 'Leirawhchan siam rawh u, min ti si a: tin, ngai teh, i chhiahhlawhte hi min vua a; nimahsela nangma mite ngei thiam loh a ni zâwk a ni," tiin an mangan thu an va sawi a.
5:17 Nimahsela ani chuan, "In thatchhia a ni, in thatchhia a ni: chuvângin a ni, 'LALPA hnênah kan va inthawi ang e,' in tih ni.
5:18 Chuvângin kal ula, va thawk rawh u; buhpâwl zawng kan pêk dâwn loh che u hi, amaherawhchu leirawhchan an tuk zât che u kha chu in siam rêng rêng tûr a ni," a ti a.
5:19 Tin, "In ni tin hnathawh, in lei rawh chan siam hi in titlêm chuang hlei lo vang e," an tih veleh chuan Israela thlahte hotute chuan, an chan a chhe êm êm a ni tih an lo inhre ta a.
5:20 Tin, Pharaoa hnên atanga an lo chhuak chuan, Mosia leh Arona kawnga lo ding an rawn hmu a:
5:21 tin, an hnênah, "LALPAN en che u sela, rorêlsak che u rawh se; keimahni min thahna tûra an kûta khândaih kentîrin Pharaoa mithmuhah leh a chhiahhlawhteho lakah hian huat min phuttîr tâk avâng hian," an ti a.
5:22 Tichuan Mosia chuan LALPA lam a hawi a, "Lalpa, eng tizia nge he mite hi tha lo taka i tih le? Eng vângin nge mi tîrh ni?
5:23 Pharaoa hnêna i hminga thu sawi tûra ka lo kal achin he mite hi tha lo takin a ti a; nang lah chuan i mite hi i la chhan chhuak hauh si lo va," a ti a.
6:1 Tin, LALPA chuan Mosia hnênah, "Tûnah zawng Pharaoa chûnga ka tih dân tûr chu i hmu tawh ang: kut chak tak avâng chuan anmahni a chhuahtîr ang a, tin, kut chak tak avâng chuan a ram ata chu anmahni a hnawt chhuak ang," a ti a.
6:2 Tichuan Pathianin Mosia a bia a, a hnênah, "Kei JEHOVA ka ni:
6:3 Abrahama hnênah te, Isaaka hnênah te leh Jakoba hnênah te khân Pathian Engkimtitheiain ka lo inlâr ta a, ka hming JEHOVA-in erawh chuan an hnênah ka la inhriattîr lo va.
6:4 Tin, anmahni hnênah chuan, Kanaan ram, an mikhualna ram, rei lo tê an lo awm tawhna kha pêk tumin ka thinlung chu ka lo tinghet ta bawk a.
6:5 Tin, Israela thlahte Aigupta-hoten an bâwiha te rûm kha ka lo hre bawk a; tichuan ka thuthlung chu ka hre reng a ni.
6:6 chuvângin Israla thlahte hnênah chuan, 'Kei Jehova ka ni a, Aigupta-hote phurrit lak ata hi ka hruai chhuak ang che u a, an bâwiha in awm hi ka chhuahtîr ang che u; tin, nasa taka ngaihtuah che uin bân phar meuhvin ka tlan ang che u:
6:7 tin, ka mi atân ka nei ang che u a, tin, kei in tân Pathian ka ni ang a; tichuan kei hi Jehova, in Pathian, Aigupta-ho phurrit lak ata hruaichhuaktu che u ka ni tih in hria ang a.
6:8 Abrahama te, Isaaka te leh Jakoba te hnêna ka bân meuhva pêk ka tumna ramah khân ka hruai lût ang che u a; tichuan in rochanah ka pe ang che u: kei Jehova ka nih hi,' tiin hrilh ang che u," a ti a.
6:9 Tin, Mosian Israela thlahte hnênah chuan chûng thu chu a va sawi a: nimahsela rilru nguina avâng leh nasa taka tihretheihna avâng chuan Mosia thu chu an ngaithla duh lova.
6:10 Tin, LALPA chuan Mosia hnênah,
6:11 "Va kal la, Aigupta lal Pharaoa hnênah Israela thlahte hi a ram ata chhuahtîr tûrin va sawi rawh," tiin a sawi a.
6:12 Tin, Mosia chuan LALPA hmaah, "Ngai teh, Israela thlahten ka thusawi an ngaithla duh si lo va; kei mi tawng mawh thusawi tehlul hi Pharaoan engtin nge a ngaihthlak ang ni?" tiin a sawi a.
6:13 Tin, LALPA chuan Mosia leh Arona chu a bia a, "Aigupta ram ata Israelte hruai chhuak tûrin thu ka pe tawh che u a ni tih Israelte leh Aigupta lal chu hrilh rawh u," a ti a.
6:14 Tin, hêng hi an pate hnam bulpui berte chu an ni: Israela fa tîr Reubena fapa te chu; Hanoka te, Pallua te, Hezrona te, Karmia te an ni a: hêngte hi Reubena hnamte chu an ni.
6:15 Tin, Simeona fapate chu Jemuela te, Jamina te, Obada te, Jakina te, Zohara te, Kanaan hmeichhe laka a fapa Saula te an ni: hêngte hi Simeona hnamte chu an ni.
6:16 Tin, hêngte hi an thlahte ang zêlin Levia fapate hming chu a ni: Gersona te, Kohatha te, Meraria te an ni a; tin, Levia dam chhûng kum chu kum 137 a ni.
6:17 Tin, an hnam ang zêlin Gersona fapate chu Libnia leh Simeia te hi an ni.
6:18 Tin, Kohatha fapate chu Amrama te, Izhara te, Hebrona te, Uziela te an ni a; tin Kohatha dam chhûng chu kum 133 a ni.
6:19 Tin, Meraria fapate chu Mahalia leh Musia an ni. hêngte hi an thlahte ang zêla Levia hnamte chu an ni.
6:20 Tin, Amrama chuan a pa farnu Jokebedi nupuiah a nei a; tin, Arona leh Mosia a hrinsak a: tin, Amrama dam chhûng kum chu kum 137 a ni.
6:21 Tin, Izhara fapate chu Kora te, Nephega te, Zikria te an ni.
6:22 Tin, Uziela fapate chu Misaela te, Elzaphana te, Sithria te an ni.
6:23 Tin, Arona chuan Aminadaba fanu, Nasona, farnu Elisebi chu nupuiah a nei a; tin, Nadaba te, Abihua te, Eleazara te, Ithamara te a hrinsak a.
6:24 Tin, Kora fapate chu Asira te, Elkana te, Abiasapha te an ni; hêngte hi Kora ho hnamte chu an ni.
6:25 Tin, Arona fapa Eleazara chuan Putiela fanute zînga mi pakhat chu nupuiah a nei a; tin, Phinehasa a hrinsak a. Tin, hêngte hi an hnam ang zêla Levia thlah bulpui berte chu an ni.
6:26 Chu mi Arona leh Mosia te chu an ni LALPAN, "Aigupta ram ata Israela thlahte hi an pâwlho ang zêlin hruai chhuak rawh u," tia a hrilh ni.
6:27 Chu mite chu an ni Aigupta lal Pharaoa va biaa, Israela thlahte chu Aigupta ram ata chhuahtîr tûra va betute chu: chu mite chu Mosia leh Arona chu an ni.
6:28 Tin, heti hi a ni a, Aigupta rama LALPAN Mosia a biak nî chuan,
6:29 LALPA chuan, "Kei LALPA chu ka ni: Aigupta ram lal Pharaoa hnênah chuan i hnêna ka sawi zawng zawng hi sawi rawh," tiin Mosia chu a bia a.
6:30 Tin, Mosia chuan LALPA hmaah, "Ngai teh, kei mi tawng mawh ka ni si a, tichuan keia thusawi tehlul hi Pharaoan engtin nge a ngaihthlâk ang ni?" a ti a.
7:1 Tin, LALPA chuan Mosia hnênah, "Ngai teh, Pharaoa tân pathianah ka siam tawh che alâwm: tin, i unau Arona chu i zawlnei a ni ang.
7:2 Thu ka pêk apiang che chu i sawi chhuak zêl ang a; tin, i unau Aronân Pharaoa a ram ata Israela thlahte chhuahtîr tûrin a hrilh ang.
7:3 Tin, Pharaoa thînlung chu ka tikhauh ang a, tin, ka chhinchhiahna leh ka thilmakte chu Aigupta ramah hian ka tipung ang.
7:4 Nimahsela Pharaoan in thu a pawm duh lo vang, tin, Aigupta ram chhûngah hian ka kut ka nghat ang a, anmahni chu nasa taka ngaihtuahin ka mi Israela thlahte, ka pâwlhote hi Aigupta ram ata chu ka hruai chhuak ang.
7:5 Tin, Aigupta mite chuan, Aigupta ram chhûngah hian ka kut ka nghat ang a, anmahni chu nasa taka ngaihtuahin ka mi Israela thlahte, ka pâwlhote hi Aigupta ram chunga ka kut ka han phar a, an zîng ata Israela thlahte ka hruai chhuah hunah zet chuan kei hi LALPA chu ka ni tih an la hria ang," a ti a.
7:6 Tin, Mosia leh Aronân chutiang chuan an ti a; LALPAN anmahni thu a pêk ang ngei chuan an ti ta a.
7:7 Tin, Pharaoa an va biak lai khân Mosia chu kum 80 mi a ni a, tin, Arona chu kum 83 mi a ni.
7:8 Tin, LALPAN Mosia leh Arona hnênah, "Pharaoan, 'Thil mak han ti teh u,' a lo tih che u chuan nângin Arona hnênah, 'I tiang kha la la, Pharaoa hmaah paih ang che, tichuan rûlah a lo chang dâwn nia,' ti ang che," tiin a sawi a.
7:9 Tin, LALPAN Mosia leh Arona hnênah, "Pharaoan, 'Thil mak han ti teh u,' a lo tih che u chuan nângin Arona hnênah, 'I tiang kha la la, Pharaoa hmaah paih ang che, tichuan rûlah a lo chang dâwn nia,' ti ang che," tiin a sawi a.
7:10 Tin, Mosia leh Arona chu Pharaoa hnênah an va lût a, tin, LALPA thupêk ang chuan an han ti a: tin, Arona chuan a tiang chu Pharaoa leh a chhiahhlawhte hmaah chuan a han paih a, tin, rûlah a chang ta a.
7:11 Chutichuan Pharaoa pawh chuan mi fingte leh dawithiamte chu a ko ve a: tin, anni, Aigupta rama mitlâk dawithiamte pawh chuan chutiang bawkin an dawina chuan an han ti ve a.
7:12 An tiang chu an han paih theuh va, rûlah a chang theuh a ni: amaherawhchu Arona tiang chuan an tiangte chu a lem zo ta vek a.
7:13 Tin, Pharaoa thinlung chu tihkhauhvin a awm a, tichuan an thu chu a ngaithla duh ta lo va; LALPAN a lo sawi tawh ang khân.
7:14 Tin, LALPA chuan Mosia hnênah, "Pharaoa thinlung hi tihluhlulin a lo awm ta a, mite chu a chhuahtîr phal lo va.
7:15 Pharaoa hnênah chuan zîngah va kal ang che; ngai teh, tuiah a kal thîn a, tin, amah hmuh tumin lui kamah ding ang che; tin, i tiang rûla chang kha kêng ang che.
7:16 Tin, a hnênah, 'LALPA, Hebraite Pathianin, ka mite hian thlalêrah ka rawng an bawl theihna tûrin rawn kaltîr rawh, tiin i hnênah mi a tîr a ni e: tin, ngai teh, tun thlêngin i la ngaithla duh lo va.
7:17 chuvângin LALPAN, he miah hian kei LALPA chu ka ni tih i hria ang: ngai teh, he mi ka tiang ken hian luia tuite hi ka han vua ang a, tichuan thisenah a lo chang mai ang.
7:18 Tin, luia sanghate chu an thi ang a, tin, lui chu a uih hluah hluah ang; tichuan Aigupta miten luia tui chu an in lo vang, a ti e,' ti ang che," a ti a.
7:19 Tin, LALPAN Mosia hnênah, "Arona hnênah, 'I tiang kêng la, Aigupta ram tui chungah te, an dil chungah te chuan thisena a lo chan vekna tûrin phar rawh, tichuan Aigupta ram chhûng zawng zawngah, thing kuangahte leh lung kuangahte chuan thisen a awm vek mai ang,' ti ang che," a ti a.
7:20 Tin, Mosia leh Arona chuan LALPA thupêk ang chuan an han ti a; tin, tiang chu a han lek a, Pharaoa mithmuhah leh a chhiahhlawhte mithmuhah chuan luia tui chu a han vua a; tichuan luia tui zawng zawngte chu thisenah a chang ta vek a.
7:21 Tin, luia sanghate chu an thi ta vek a; tin, lui chu a uih ta hluah hluah a, tichuan Aigupta mite chuan luia tui chu an in thei ta lo va; tin, thisen chu Aigupta ram chhûng zawng zawngah chuan a awm zo ta vek a.
7:22 Tin, Aigupta rama mitlâk dawithiamte pawh chuan an dawi hmangin chutiang bawk chuan an han ti ve a: tin, Pharaoa thinlung chu tihkhauhvin a awm a, tichuan an thu chu a ngaithla duh ta lo va; LALPAN a sawi tawh ang khân.
7:23 Tin, Pharaoa chu a in lamah chuan a hâwng ta a, chûng pawh chu a thinlungah a lungkham chuang hauh lo mai a.
7:24 Tin, Aigupta mi zawng zawngte chuan tui in atân lui kam velte chu an lai chiam a; lui tui chu an in thei si lo va.
7:25 Tin, LALPAN lui a vuak achin chu ni sarih zet a tling a ni.
8:1 Tin, LALPAN Mosia chu a bia a, a hnênah, "Pharaoa hnênah va lût la, a hnênah, 'LALPAN, ka mite hian ka rawng an bawl theih nân chhuahtîr rawh.
8:2 Tin, i chhuahtîr phal loh zawngin, ngai teh, i ram chin zawng zawng hi chunguin ka hrem ang:
8:3 tin, lui chu chunguin a khat mur mur ang a, chungute chu i inah hian an lo lût chho vâng a, i mutna pindanah te, i khumah te, i chhiahhlawhte in chhûngah te, i mite zîngah te, i thukah te, i chhang hmehna thlêng chhûngah te an awm noh noh vang:
8:4 tichuan chungute chu nângmah leh i mite leh i chhiahhlawhtechungah chuan an vak noh noh mai ang, a ti e,' ti ang che," a ti a.
8:5 Tin, LALPAN Mosia hnênah; "Arona hnênah, 'I tiang kha i kutin luichungah te, luitechungah te leh tui tlinnachungah te lek langin, Aigupta ramah hian Chûngu rawn lêntîr chiam ang che,' ti rawh," a ti a.
8:6 Tin, Arona chuan Aigupta ram luichungahte chuan a kut a han phar a; tichuan chunguchu an lo chhuak a, Aigupta ram khahin a khat zo ta a.
8:7 Tin, mitlâk dawithiamte pawh chuan an dawi hmangin chutiang bawk chuan an han ti ve a, Aigupta ramah chuan chungute chu an han tichhuak ve a.
8:8 Chutichuan Pharaoa chuan Mosia leh Arona chu a kohtîr a, an hnênah, "Ka hnên atang leh ka mite hnên atanga Chûngu hi la bo tûrin LALPA hnênah ngên teh u; tichuan LALPA hnêna an inthawi theihna tûrin mite hi ka chhuahtîr ang e," a ti a.
8:9 Tin, Mosia chuan Pharaoa hnênah, "nângin he chawimawina hi hlawh zâwk ang che hmiang: i hnên atang leh i in atangtea chungute chu tihborala a awm a, lui chauhva a awmna tûrin, nângmah leh i chhiahhlawhte leh i mite tân chuan êngtik atân nge ka ngên ang?" a ti a.
8:10 Tin, ani chuan, "Naktûk atân le," a ti a. Tin, ani chuan, "I thu ang chuan ni ang hmiang: tichuan LALPA, kan Pathian ang rêng rêng hi tumah an awm lo tih i hria ang.
8:11 Tin, chungute chuan nângmah leh i inte leh i chhiahhlawhte leh i mite chu an chhuahsan vek ang che u a; luiah chauh an awm tawh ang," a ti a.
8:12 Tin, Mosia leh Arona chu Pharaoa chunga chungu a rawn lêntîr chungchang thu-ah chuan LALPA hnênah a ngên a.
8:13 Tin, LALPA chuan Mosia thu ang chuan a ti a; tin, in chhûnga mi te, in hung chhûng kawtlaia mi te leh lova mi chungute chu an thi fai ta vek a.
8:14 Tin, an chhar khâwm a, an dah vum thur mai a: tichuan a ram uihin a lo uih ta a.
8:15 Nimahsela Pharaoa chuan êngthawlna a lo awm ta tih a hriat veleh, a thinlung a tikhauh va, tichuan an thu chu a ngaithla duh ta lo va; LALPAN a lo sawi tawh ang khân.
8:16 Tin, LALPAN Mosia hnênah, "Arona hnênah, 'I tiang kha lek la, leia vaivut hi vaw rawh, Aigupta ram zawng zawnga vaivut hi thosia a lo chan theih nân,' ti ang che," a ti a.
8:17 Tin, chutiang chuan an han ti a; Arona chuan a tiang chu a kutin a han lek a, tin, leia vaivut chu a han vua a, tin, mihring chungah leh sa chungah chuan thosi chu a awm ta mur mur a; Aigupta ram chhûng zawng zawnga leia vaivut zawng zawng chu thosiah a chang zo ta vek a.
8:18 Tin, mitlâk dawithiamte pawhin an dawi hmangin thosi tihchhuah an han tum a, nimahsela an thei lo: tin, mihring chungah leh sa chungah chuan thosi chu a awm ta mur mur a.
8:19 Chutichuan mitlâk dawithiamte chuan Pharaoa hnênah, "Hei hi Pathian kut zungtang a nih hi," an ti a: tichuan Pharaoa thinlung chu tihkhauhvin a awm a, an thu chu a ngaithla duh lo va; LALPAN a lo sawi ang khân.
8:20 Tin, LALPAN Mosia hnênah, "zîng takah tho la, Pharaoa hmaah va ding ang che; ngai teh, tuiah a lo kal thin a, tin, a hnênah, 'LALPAN, ka mite hian ka rawng an bawl theih nân chhuahtîr rawh.
8:21 Chutilozawng, ka mite i chhuahtîr phal loh zawngin, ngai teh, ichungah leh i chhiahhlawhte chungah leh i mite chungah leh, i in chhûngahte chuan tho tam tak ka rawn tîr chiam ang a: tichuan Aigupta mite inte leh an chênna lei zawng zawngte pawh chu tho hlîrin a khat ang.
8:22 Tin, chu mi nî chuan ka mite awmna Gosen ram chu ka tihrang ang, chutah chuan tho rêng rêng a awm ve loh nân; tichuan leichungah hian kei hi LALPA chu ka ni tih in lo hre thei ang.
8:23 Tin, ka mite leh i mite chu ka thliar ang a: naktukah he chhinchhiahna hi a lo awm ang, a ti e,' ti ang che," a ti a.
8:24 Tin, LALPAN chutiang chuan a ti a; tichuan Pharaoa inah leh a chhiahhlawhte inah te leh Aigupta ram zawng zawngah te chuan tho tam pui mai chu an lût ta chiam a: tho tam tak chuan ram chu a tichhe chiam a.
8:25 Tin, Pharaoa chuan Mosia leh Arona a kohtîr a, an hnênah, "Kal ta ula, he ramah hian in Pathian hnênah chuan va inthawi mai tawh u," a ti a.
8:26 Tin, Mosia chuan, "Chutiang tih chu a fel hlei nêm! Aigupta miten thiang lo an tihte chuan LALPA kan Pathian hnênah kan inthawi dâwn zuk nia: ngai teh, Aigupta mite mithmuhah hian thiang lo an tihte chuan kan inthawi dâwn em ni ang? Lungin min dêng mai dâwn lâwm ni?
8:27 thlalêr ni thum kalah chuan kan va kal ang a, LALPA kan Pathianin tih tûra min pêk ang angin a hnênah kan va inthawi ang e," a ti a.
8:28 Tin, Pharaoa chuan, "thlalêra LALPA in Pathian hnêna in inthawi theihna tûrin ka kaltîr ang che u chu; amaherawhchu in kal hla vak tûr a ni lo ve: mi ngênsak ang che," a ti a.
8:29 Tin, Mosia chuan, "Ngai teh, i hnên atang chuan ka chhuak dâwn a ni a, naktukah hian Pharaoa leh a chhiahhlawhte leh amite chu tho tam pui hian a chhuahsan theihna tûrin LALPA hnênah ka ngên ang e: amaherawhchu mite LALPA hnêna an inthawi chu Pharaoa hian phal lovin, tihder leh tawh lul suh se," a ti a.
8:30 Tin, Mosia chu Pharaoa hnên ata a chhuak a, tichuan LALPA hnênah a ngên ta a.
8:31 Tin, LALPAN Mosia thu ang chuan a ti a; tichuan Pharaoa hnên ata leh a chhiahhlawhte hnên ata leh a mite hnên ata tho tam pui chu a tikiang ta a; pakhat mah a awm ta lo va.
8:32 Tin, Pharaoa chuan chu mi tum pawh chuan a thinlung a tikhauh leh a, tichuan mite chu a chhuahtîr phal ta lo va.
9:1 Chutichuan LALPAN Mosia hnênah, "Pharaoa hnênah va lût la, 'LALPA, Hebraite Pathianin, ka mite hian ka rawng an bawl theih nân chhuahtîr rawh.
9:2 I chhuahtîr phal loh va, i la hren rêng zawngin,
9:3 ngai teh, phula i rante chungah chuan LALPA kut a awm dâwn a ni, sakawr chungah te, sabêngtung chungah te, sanghâwngsei chungah te, bâwng rualchungah te, berâm tualchungah te chuan: hri nasa tak mai a lo lêng ang.
9:4 Tin, LALPAN Israel-ho ran leh Aigupta mite ran chu a tihrang ang a; tichuan Israela thlahte ta chu pakhat mah a thi lo vâng, a ti e,' tiin hrilh rawh," a ti a.
9:5 Tin, LALPA chuan "Naktukah LALPAN he ramah hian chutiang chu a ti dâwn e," tiin hun a ruat ta a.
9:6 Tin, LALPA chuan atûkah chutiangin a ti ta a, tichuan Aigupta mite ran zawng zawng chu a thi ta vek a; nimahsela Israela thlahte ran chu pakhat mah a thi ve lo va.
9:7 Tin, Pharaoa chuan mi a tîr a, tin, ngai teh, Israel mite ran chu pakhat mah a lo thi ve ta lo va. Nimahsela Pharaoa thinlung chu tiluhlulin a awm a, mite chu a chhuahtîr phal ta lo va.
9:8 Tin, LALPAN Mosia leh Arona hnênah, "Rawhtuina meia mi vut va thum ula Pharaoa mithmuhah Mosian vân lamah teh chiam rawh se.
9:9 Tin, Aigupta ram zawng zawng chungah hian vut dip takah a lo chang ang a, tin, chu chuan Aigupta ram chhûng zawng zawnga mi leh sa chu khawihli a veitîr theuh ang a, a durh leu chiam ang," a ti a.
9:10 Tin, rawhtuina meia vut chu an la a, Pharaoa hmaah chuan an va ding a; tin, Mosia chuan vân lamah a han teh chiam a; tichuan mi tin leh sa tinin khawihli durh leu an lo vei ta vek a.
9:11 Tin, khawihli avâng chuan mitlâk dawithiamte chuan Mosia chu an chelh ta lo va; mitlâk dawithiamte leh Aigupta mi zawng zawngte chuan khawihli chu an vei vek si a.
9:12 Tin, LALPAN Pharaoa thinlulng chu a tihkhauhsak a; tichuan an thu chu a ngaithla duh ta lo va; LALPAN Mosia hnêna a sawi tawh ang khân.
9:13 Tin, LALPAN Mosia hnênah, "zîng takah tho la, Pharaoa hmaah va ding la, tin, a hnênah, 'LALPA, Hebraite Pathianin, ka miten ka rawng an bawl theih nân chhuahtîr rawh.
9:14 Tun tumah zawng i chungah leh i chhiahhlawhte chungah leh, i mite chungah hian ka hril zawng zawngte hi ka lêntîr dâwn e; tichuan khawvêl zawng zawngah hian keimah ang rêng rêng hi tumah an awm lo tih i hria ang.
9:15 Chuti ni suh sela, ka kut ka thawh ang a, nâng leh i mite hi hriin ka hrem ang a, khawvêl ata hi ka tiboral daih tawh tûr che a ni:
9:16 nimahsela he mi avâng ngawt hian ka tungding chia, ka thiltihtheihna entîr tûr che leh khawvêl zawng zawnga ka hming a lo than theih nân.
9:17 Ka mite lâkah hian i la induh cheuvin, i la chhuahtîr lo vâng maw?
9:18 ngai teh, naktuk hetih hunah hian rial tam pui, Aigupta ram a lo awm tîrh ata, tun thlêng pawha la tla ngai lo chu ka tlâktîr ang.
9:19 Chutichuan phûla i rante leh i neih apiangte chu khungtîr thuai rawh khai; mi tin leh sa tin phûla awm, ina khung loh tawh phawt chu, rialin a dêng ang a, an thi ang, a ti e,' ti rawh," a ti a.
9:20 Pharaoa chhiahhlawhte zînga LALPA thu pawisa apiang chuan an chhiahhlawhte leh an rante chu in chhûngah an tlan luhtîr a:
9:21 tin, LALPA thu ngaisâng lo apiang chuan an chhiahhlawhte leh an rante chu phûlah chuan an awmtîr mai a.
9:22 Tin, LALPA chuan Mosia hnênah, "vân lamah i kut han lek rawh, Aigupta ram zawng zawngah hian mihring chungah te, sa chungah te, Aigupta ram chhûnga lova thlai tinrêng chungah te chuan rial a lo tlâk nân," a ti a.
9:23 Tin, Mosia chuan a tiang chu vân lamah a han lek a: tin, LALPA chuan khawpui ri leh rial a zuk tîr a, tin, leiah chuan mei te a lo tla a; tichuan LALPAN Aigupta ramchungah chuan rial a tlâktîr chiam a.
9:24 Chutichuan rial, mei leh riala inpâwlh, nasa êm êm mai, Aigupta ram zawng zawngah chuan, Aigupta hnam lo awm a chin, chutiang rêng rêng la awm ngai lo chu a lo awm ta a.
9:25 Tin, rial chuan Aigupta ram zawng zawnga phûla awm zawng zawng, mihringte leh sate chu a dêng a; tin, rial chuan lova thlai tinrêngte chu a dêng a, phûla thing tinrêngte chu a titliak vek a.
9:26 Gosen ram, Israela thlahte awmnaah chauh chuan rial a tla ve lo va.
9:27 Tin, Pharaoa chuan Mosia leh Arona chu a kohtîr a, an hnênah, "Tun tum zawng thil ka tisual ta a ni e: LALPA chu mi fel a ni a, kei leh ka mite hi kan sual a ni e.
9:28 LALPA hnênah ngên rawh u; hêng khawpui ri dur durte leh rialte hi a tawk tawh e; tichuan ka chhuahtîr ang che u a, in awm tawh lo vâng e," a ti a.
9:29 Tin, Mosian a hnênah, "Khua ata hi ka chhuah veleh, LALPA lamah ka kut ka phar ang a, khawpui rite chu a reh ang a, rial pawh a awm tawh hek lo vâng; tichuan lei hi LALPA ta a ni tih i hria ang.
9:30 Nimahsela nâng leh i chhiahhlawhteho hi zawngin LALPA Pathian hi in la tih chuang lo tih ka hria a ni," a ti a.
9:32 Nimahsela buh leh vai buhtun chu a dêng chhe lo, a la to rih loh avângin.
9:33 Tin, Mosia chu Pharaoa hnên atangin khua ata chu a chhuak a, tin, LALPA lamah a kut a phar a: tichuan khawpui rite leh rial tla chu a lo bâng ta a, tin, leichungah ruah pawh chu a baw tlawrh tlawrh ta lo va.
9:34 Tin, Pharaoan ruah leh rial leh khawpui rite chu a bâng ta tih a hriat veleh, a sual leh ta sauh va, amah leh a chhiahhlawhte nen an thinlung an tikhauh ta a.
9:35 Tin, Pharaoa thinlung chu tihkhauhvin a awm a, tichuan Israela thlahte chu a chhuahtîr phal ta lo va; LALPAN Mosia hmanga a lo sawi tawh ang khân.
10:1 Tin, LALPAN Mosia hnênah, "Pharaoa hnênah va lût rawh: a thinlung leh a chhiahhlawh thinlung chu ka tihkhauhsak tawh e, hêng ka chhinchhiahnate hi an zîngah ka entîr theihna tûrin;
10:2 tin, nâng pawhin i fa leh i fa fate benga Aigupta ram chunga thil ka tihzia leh, an zînga ka chhinchhiahnate ka tihzia hi i hrilh theihna tûrin; kei LALPA chu ka tih in hriat theih nân," a ti a.
10:3 Tin, Mosia leh Arona chu Pharaoa hnênah an va lût a, a hnênah, "LALPA, Hebraite Pathianin, 'Ka hmaah eng chen nge inngaithlâwm duh lova awm i tum ni? Ka mite hian ka rawng an bawl theih nân chhuahtîr rawh.
10:4 Chutia ka mite i chhuahtîr phal loh zawngin, ngai teh, nak tûkah i ram chhûngah hian khaukhuapte ka rawn lêntîr ang a:
10:5 tin, lei chung hi an dâp vek ang a, tumahin lei rêng rêng hi an hmu thei lo vang: tin, rialin a tihchhiat bâk, in hnêna la awmate hi an ei ang a, phûla in thing to apiangte chu an ei vek ang:
10:6 tin, i inte leh I chhiahhlawh zawng zawng inte leh Aigupta mi zawng zawng inte chu a khat vek ang; i thlahtute leh i thlahtute thlahtute pawhin khawvêla an lo awm achin tun thlêng pawhin chutiang chu an la hmu ngai lo a ni,' a ti e," an ti a. Tin, a lehhawi a, Pharaoa hnên ata chu a chhuak ta a.
10:7 Tin, Pharaoa chhiahhlawhte chuan a hnênah, "Hei hi kan tan êng chen nge maw thanga a awm dâwn le? Hêngho hian LALPA an Pathian rawng an bâwl theih nân kaltîr ta mai che maw le: Aigupta ram hi tihchhiat a nih tawh hi i la hre lo vem ni?" an ti a.
10:8 Tin, Mosia leh Arona chu Pharaoa hnênah an hruai leh a; tin, an hnênah, "Kal ula, LALPA in Pathian rawng chu va bâwl tawh u: amaherawhchu tute nge ni kal tûr chu?" a ti a.
10:9 Tin, Mosian, "Apui apangin kan kal ang, kan fapate leh kan fanute nên, kan berâm rualte leh kan bâwng rualte nên kan kal ang: LALPA hnênah kan kût ngei tûr a ni si a," a ti a.
10:10 Tin, ani chuan an hnênah, "LALPA chu in hnênah awm ang hmiang! In fanu tê tête nên chuan ka kaltîr mawlh ang che u le; inngaihtuah rawh u khai, thil sual tih in tum a nih hi le.
10:11 Hnai lo ve! nângi mipaho erawh chu kal ula, LALPA rawng chu bâwl rawh u' chu chu alâwm in duh," a ti a. Tin, Pharaoa hnên ata chu an hnawt chhuak ta a.
10:12 Tin, LALPAN Mosia hnênah, "Aigupta ramchungah hian khaukhuapte rawn lêntîr tûrin i kut phar rawh, Aigupta ramah hian an lo chhohva, he rama thlai tinrêng, rial den chhiat bâk zawng zawngte nên lam pawha an ei theihna tûrin," a ti a.
10:13 Tin, Mosian Aigupta ramchungah chuan a tiang chu a han lek a, tin, LALPAN chu mi nî, nilêng leh zankhuain chu mi ramah chuankhawchhak thli a rawn tlehtîr a; tin, atûkah chuan khawchhak thli chuan khaukhuap a rawn lên a.
10:14 Tin, khaukhuapte chu Aigupta ram zawng zawng chungah chuan an lêng a, tin, Aigupta ram chhûng zawng zawngah chuan an fu a; an tam êm êm mai a; tûn hmain khaukhuap chutiang rêng rêng a la awm ngai lo va, tûn hnuah pawh chutiang rêng rêng chu a awm leh tawh lo vang.
10:15 Lei chung zawng zawng hi an dâp vek mai si a, tichuan ram chu a thimin a thim mup mai a ni; tin, rial den chhiat bak, chu mi rama thlai tinrêng leh theirah zawng zawngte chu an ei vek a: tichuan Aigupta ram chhûng zawng zawngah chuan lovah thil hring rêng rêng, thing pawh thlai pawh a awm ta hauh lo mai a.
10:16 Tin, Pharaoa chuan Mosia leh Arona chu hmanhmawh takin a kohtîr a, an hnênah. "LALPA in Pathian chungah leh nângmahni chungah thil ka lo tisual ta e.
10:17 Chutichuan ka sual hi tûn tumah chauh hian ngaidam ang che, ka ngên a che, he thihna hi mi lâk bosak phawt mai tûrin, LALPA in Pathian hnênah ngên ang che," a ti a.
10:18 Tin, Pharaoa hnên ata chu a kal chhuak a, LALPA hnênah chuan a ngên ta a.
10:19 Tin, LALPA chuan khawthlang thli na tak mai a rawn tlehtîr a, chu chuan khaukhuapte chu a lên a, Tuifinriat Senah a lên thla ta vek a; Aigupta ramri chhûng zawng zawngah chuan khuakhuap pakhat mah a awm ta lo va.
10:20 Nimahsela LALPAN Pharaoa thinlung chu a tihkhauhsak a, tichuan Israela thlahte chu a chhuahtîr phal ta lova.
10:21 Tin, LALPAN Mosia hnênah, "Vân lamah i kut han lek rawh, Aiguptachungah hian a lo thim khup a, ai mit thlawn ang maia a lo thimna tûrin," a ti a.
10:22 Tin, Mosia chuan a kut chu vân lamah an han lek a; tin, Aigupta ram chhûng zawng zawng chu ni thum chhûng zet a thim mup a;
10:23 tumah rêng rêng an inhmu thei ta lo va, tumah mahni hmun ata ni thum chhûng zet chu an tawlhsawn thei lo bawk a: Israela thlahte zawng zawng awmna erawh chu a êng vek a.
10:24 Tin, Pharaoan Mosia a kohtîr a, a hnênah, "Kal ta ula, LALPA rawng chu va bawl tawh u; in berâm rualte leh in bâwng rualte erawh chu awm sela: in fanau tê tête pawh in hnênah kal ve rawh se," a ti a.
10:25 Tin, Mosian, "LALPA kan Pathian hnêna kan inthawi theihna tûrin inthawina tûrte leh hâlral thilhlan tûrte chu nângin kan kutah min pe tel ve bawk tûr a ni.
10:26 Kan rante chu kan hnênah an kal ve bawk tûr a ni; ran rêng rêng chu pakhat mah kan hnutchhiah lo vang; chûng zînga mi chu LALPA kan Pathian rawng kan bâwl nân kan hman ngei ngei tûr a ni si a; chu mi hmun kan va thlen hma loh chuan êngin nge LALPA rawng kan bâwl ang tih kan la inhre lo a ni," a ti a.
10:27 Nimahsela LALPAN Pharaoa thinlung chu a tihkhauhsak a, tichuan a chhuahtîr phal ta lo va.
10:28 Tin, Pharaoan a hnênah, "Ka hnên ata hi chhuak daih la, fimkhur rawh khai, ka hmêl rêng rêng rawn hmu tawh hlek suh; ka hmêl i hmuh nî la la chuan i thi ngei tûr a ni," a ti a.
10:29 Tin, Mosia chuan, "I sawi dik zet mai; i hmêl zawng hmuh nî ka nei leh tawh lo vang e," a ti a.
11:1 Tin, LALPAN Mosia hnênah chuan, "Pharaoa chungah leh Aigupta ram chungah hian vawi khat chu hri ka han lêntîr leh ang e; chu mi hnuah zawng a chhuahtîr tawh ang che u: a chhuahtîr vek vek che u zawngin heta ta hi a hnawt chhuak daih mai ang che u.
11:2 Chutichuan mipuite bengah hian thu va sawi rawh, mipa leh hmeichhe tinin an vêngte chu tangkaraw incheina leh rangkachak incheinate chu dîl rawh se," a ti a.
11:3 Tin, LALPAN mite chu Aigupta mite a khawngaihtîr ta a. Chu chang a ni lo va, Mosia chu Aigupta ramah chuan Pharaoa chhiahhlawhteho ngaihah leh mipuite ngaihah chuan mi ropui tak a ni a.
11:4 Tin, Mosia chuan, "LALPAN heti hian a ti, 'Zan lai velah chuan Aigupta ram chhûngah hian ka lo kal tlâng ang a:
11:5 tichuan Aigupta rama fa tîr zawng zawng lalthutphaha thu Pharaoa fa tîr atanga buh rawt sawmna bula awm bâwihnu fa tîr lam pawhin an thi ang, ran piang hmasa ber zawng zawngte nên.
11:6 Tin, Aigupta ram chhûng zawng zawngah chuan tahna nasa tak a awm ang a, chutianga nasa rêng rêng a la awm ngai lo va, chutiang rêng rêng chu a awm leh tawh hek lo vang.
11:7 Nimahsela Israela thlahteho zawng mihring leh sa lamah rêng rêng ui pawhin a lei a phût lo vang: LALPA chuan Aigupta mite leh Israela mite hi a thliar ngei a ni tih in hria ang.
11:8 Tin, hêng i chhiahhlawh zawng zawngte hi ka hnênah an lo chhuak ang a. Chhuak rawh, i hnung zuitute zawng zawng nên hian, tiin ka hmaah an kûn ang: tin, chu mi hnuah chuan ka chhuak ang,' tiin," a ti a. Pharaoa hnên ata chu thinrim zet maiin a chhuak ta a.
11:9 Tin, LALPAN Mosia hnênah chuan, "Pharaoan in thu a pawm lo vang: ka thil makte Aigupta ramah hian tihpuna a awm theih nân," a ti a.
11:10 Tin, Mosia leh Arona chuan Pharaoa hmaah chuan chûng thilmak zawng zawngte chu an ti a: tin, LALPAN Pharaoa thinlung chu a tihkhauhsak a, tichuan Israela thlahte chu a ram ata a chhuahtîr phal lo va.
12:1 Tin, LALPAN Mosia leh Arona chu Aigupta ramah chuan a bia a:
12:2 "Tûn thla hi in tân thla chhiar tanna a ni ang a: in tan kum khat chhûnga thla chhiar tanna a ni ang.
12:3 Israel-ho pung khâwm zawng zawngte hnênah hian, 'Tûn thla ni sawm nî takah hian mi tinin an chhûngkaw khawsa ang zêlin an chhûngkua atân berâm no pakhat la theuh sela:
12:4 tin, an chhûngkua chu berâm no talhna tham ni lo khawpa tlem lûtuk an nih chuan, a thenawm nên an chhûngkaw mihring zir zêlin berâm no pakhat intawm sela; mi tin ei tawk tûr ang zêl ngaihruatin berâm no chu in ruat tûr a ni.
12:5 In berâm no chu a pa, kum khat hnuai lam, hmêlhem lo a ni tûr a ni: berâm zînga mi emaw kel zînga mi emaw a ni tûr a ni a:
12:6 tin, chu mi thla ni sâwm leh ni li nî thlêngin in dah tûr a ni a: tichuan Israel-ho pung khâwm zawng zawng chuan tlai lamah an talh tûr a ni.
12:7 Tin, a thisen chu an la ang a, an eina tûr in kawngka biang pahnihah leh kawngka lu chungah an tât tûr a ni.
12:8 Tin, chu mi zân chuan a sa chu rawh sela, chhang dawidim telh loh nên ei rawh se; hnim khâ nên an ei tûr a a ni.
12:9 Tin, a helin ei suh sela, tui pawhin chhûm hauh suh sela, a rawhin rawh zâwk rawh se, a lu leh a ke chawpin, a kawchhûng nên.
12:10 Tin, atûk atân chuan êngmah in dah tûr a ni lo va; atûk thlênga a bâng la awm chu meiah in rawh ral tûr a ni.
12:11 Tin, hetiangin in ei tûr a ni; in puan vêngin, pheikhawk bunin, tiang kêngin; tin, hmanhmawh takin in ei tûr a ni; LALPA kalhlen a ni dâwn si a.
12:12 Chu mi zan chuan Aigupta ram chhûng chu ka fang dâwn si a, Aigupta rama fa tîr zawng zawng, mi leh sa chu ka tihlum ang a; Aigupta rama pathian zawng zawngte chu an ro ka relsak ang: LALPA ka nih hi.
12:13 Tin, thisen chu un tan in awmna inchhinchhiahna a ni anfg a; tin, thisen chu ka hmuh chuan ka kal hlen ang che u a, tichuan Aigupta ram ka hrem hunah chuan nângmahni tiboraltu tûr inchungah hri rêng rêng a lo lêng lo vâng.
12:14 Tin, he mi nî hi in tan hriat rêngna nî a ni ang a, LALPA tan kut nîah in ruat tûr a ni: in thlahte thlêngin kumkhaw thuruat atâna awm rêng tûrin kut nîah in hmang tûr a ni.
12:15 Ni sarih chhûng chu chhang dawidim telh loh in ei tûr a ni a: ni khat nî atang rêng chuan in in chhûng ata dawidim chu in thian fai vek tûr a ni: tupawh ni khat nî thlênga chhang dawidim telh ei apiang chu, chu mi chu Israel-ho zîng ata tihboral a ni ang.
12:16 Tin, ni khat niah chuan inkohkhâwmna thianghlim in nei ang a, tin, a ni sarih niin inkohkhâwmna thianghlim a awm leh ang; mi tinin an mamawh ei tûr buatsaih tih loh chu chu mi chhûng chuan hna rêng rêng thawh hlek tûr a ni lo, ei tûr buatsaih chauh tihthian a ni ang.
12:17 Tin, chhang dawidim telh loh kût nî chu in serh tûr a ni, chu mi nî ngei chuan Aigupta ram ata in mipuihote chu ka hruai chhuak si che u a: chuvângin in thlahte thlêngin kumkhaw thuruat atâna awm rêng tûrin chu mi nî chu in serh tûr a ni.
12:18 Thla khatna, chu mi thla ni sâwm leh ni li nî, tlai lamah chuan chhang dawidim telh loh chu in ei ang a, chu mi thla ni sawmhnih leh ni khat ni tlai tlêngin.
12:19 Ni sarih chhûng chu in in chhûngah rêng rêng dawidim a awm tûr a ni lo va; tupawh dawidim telh ei apiang chu, chu mi chu hnam dang pawh, in rama piang pawh ni sela, Israel-ho pung khâwm zîng ata hi tihboral tûr a ni ang.
12:20 Dawidim telh rêng rêng chu in ei tûr a ni lo va: in chenna hmun apiangah chuan chhang dawidim telh loh in ei tûr a ni,' tiin sawi ang che," tiin.
12:21 Tin, Mosian Israel upaho zawng zawng chu a koh khâwmtîr a, tin, an hnênah, "chhûngkaw tinin berâm notête chu va la chhuak ta ula, kalhlunna tûr talh rawh u.
12:22 Tin, husop kau in la ang a, tin, maihûna thisenah chuan in zu hnim ang a, tin, kawngka luchungah leh kawngka biang pahnihah chuan maihûna thisen chu tât ang che u; tin, khawvar hma loh chuan tumah mahni in ata in chhuak tûr a ni lo va.
12:23 LALPA chu Aigupta mite tihlum tûrin a lo kal tlâng dâwn si a; tichuan kawngka lu Chûng leh kawngka biang pahniha thisen kai a hmuh chuan LALPA chuan kawngka chu a kal hlên ang a, in in chhûngah chuan nângmahni tihlum tûrin tiboraltu chu a rawn luhtîr lo vâng.
12:24 Tin, hetiang hian nângmah leh i fate tâna kumkhuaa thuruat awm reng tûrin in rawn ti thîn tûr a ni.
12:25 Tin, heti hi a ni ang a, LALPAN pêk a lo tiam tawh anga a pêk che u ram chu in thlen hunin he rawngbâwlna hi in zâwm tûr a ni.
12:26 Tin, heti hi a ni ang a, in faten in hnêna, 'He rawngbâwlna awmzia hi êng tihna nge ni ngai le?' an rawn tih chuan,
12:27 nângnin, 'Hei hi LALPA kalhlên inthawina a nih, ani chuna Aigupta mite a tihhlum lai khân kan inte chu a rawn zuah a, Aigupta rama Israela thlahte in chu a rawn kal hlên a ni,' in la ti dâwn nia," a ti a. Tin, mipuite chu an lû an kûn a, chibai an bûk ta a.
12:28 Tin, Israela thlahte chu an kal a, chutiang chuan an ti a; LALPAN Mosia leh Arona thu a pêk ang chuan an ti ta a.
12:29 Tin, heti hi a ni a, zan laiah chuan LALPA chuan Aigupta rama fa tîr zawng zawng lalthutphaha thu Pharaoa fa tîr atanga rip chhûnga tâng fa tîr lamin a zuk tihlum ta vek a, ran piang hmasa ber zawng zawngte nen.
12:30 Tin, Pharaoa chu amah leh a chhiahhlawh zawng zawngte leh Aigupta mi zawng zawngte nên zânah chuan an tho ta a; tin, Aigupta ramah chuan tahna nasa tak a awm a; mitthi awm lohna in rêng rêng pakhat mah a awm si lo va.
12:31 Tin, Mosia leh Arona chu a zân a zânin a kohtîr a, "Tho ula, ka miteho zîng ata hi chhuak rawh u, nângmahni leh Israela thlahteho nên hian; tin, kal ula, in sawi ang khân LALPA rawng chu va bâwl tawh u.
12:32 In sawi ang khân in berâm rualte leh in sebâwng rualte pawh chu kalpui rawh u; kal tawh u; tin, kei pawh mal mi sâwm ve bawk rawh u," a ti a.
12:33 Tin, Aigupta mite chuan zan chu mi ram ata chu hmanhmawh taka tîr chhuak tûrin mite chu an tûr ta chhen a; "Kan thi vek a ni ta mai," an ti a.
12:34 Tin, mite chuan an chhang hmehte chu dawidim an telh hmain an la a, an chhang hmehna thlêngte chu an puanin an tuam a, an kokiah an bât ta mai a.
12:35 Tin, Israela thlahte chuan Mosia thu ang chuan an ti a; tin, Aigupta mite chu tangkaraw incheinate leh rangkachak incheinate leh, puante an dîl a:
12:36 tin, LALPA chuan mite chu Aigupta mite a khawngaihtîr a, chutichuan an dil apiang an neihtîr zêl a. Tin, Aigupta mite thil chu an rawksak ta a.
12:37 Tin, Israela thlahte chu Rameses khua ata an chhuak a, Sukoth hmun thlêngin an kal ta a, naupangte tiam lovin, mipa puitling hlîr nuairuk lai kein an kal a.
12:38 Tin, an hnênah chuan mipui inpâwlhsawp tam tak an kal ve bawk a; tin, ran rual tam tak, berâm leh bâwngte an chhawm bawk a.
12:39 Tin, Aigupta ram ata an ken chhuah chhang hmeh hmangin chhang, dawidim telh lohte chu an ur a, dawidim telh loh a ni si a; Aigupta ram chu hnawh chhuaha an awm avâng leh, an awm rei theih tâk lohva, ei tûr takngial pawh an inbuatsaih hman tak loh avângin.
12:40 Tichuan Israela thlahte Aigupta rama an awm chhûng chu, kum 430 a ni.
12:41 Tin, heti hi a ni a, kum 430 a lo ral chuan, chu mi nî ngei chuan heti hi a ni a, LALPA mipuiho zawng zawngte chu Aigupta ram ata an chhuak ta a.
12:42 Chu mi zân chuan Aigupta ram ata anmahni a hruai chhuah avângin LALPA tâna zân serh tak ni tûr a ni a: Israela thlahte zawng zawngin chhuan zawng zawng thlêngin chu zân chu LALPA zân atân serh hle tûr a ni.
12:43 Tin, LALPAN Mosia leh Arona hnênah, "Hei hi kalhlên thuruat dân tûr a ni ang: hnam dang chuan an ei ve tûr a ni lo va:
12:44 amaherawhchu miin a chhiahhlawh, tangkaa a lei tawhate chu a serh i tansak tawh phawt chuan a ei ve thei ang.
12:45 Hnam dang leh chhiahhlawh rawihte erawh chuan an ei tûr a ni lo va.
12:46 In khatah ei tûr a ni; pâwn lamah a sa rêng rêng ken chhuah tûr a ni lo; a ruh rêng rêng pawh in titliak tûr a ni lo ve.
12:47 Israel-ho zawng zawngin an zâwm tûr a ni.
12:48 Tin, hnam dang in hnêna awm hian LALPA kalhlên hi tih ve a duh chuan, a mipa zawng zawngte serh tan ni sela, tichuan rawn ti ve rawh se; ani chu chu mi rama piang anga ngaih a ni ang: amaherawhchu serhtan loh mi chuan a ei hauh tûr a ni lo.
12:49 Chu mi rama piang leh, hnam dang in zînga awmte tan hian dan angkhat a awm tûr a ni," a ti a.
12:50 Israela thlahte zawng zawng chuan chutiang chuan an ti a, LALPAN Mosia leh Arona thu a pêk ang ngei chuan an ti ta a.
12:51 Tin, heti hi a ni a, chu mi nî ngei chuan LALPAN Israela thlahte chu Aigupta ram ata mipuiho chu a hruai chhuak ta a ni.
13:1 Tin, LALPAN Mosia a bia a,
13:2 "Israela thlahte zînga fa tîr zawng chhûl keu hmasa ber apiang, mihring pawh sa pawh ka tân serhah in ruat tûr a ni; ka ta a ni e," tiin.
13:3 Tin, Mosian mipuite hnênah chuan, "Vawiin nî, Aigupta ram ata, bâwih ata in chhuah nî hi hre rêng ang che u; kut chak takin LALPAN he mi hmun ata hi a hruai chhuah che u hi: chhang dawidim telh rêng rêng chu ei tûr a ni lo ve.
13:4 Abib thla, vawiin nî hian in chhuak a ni.
13:5 Tin, heti hi a ni ang a, LALPAN Kanaan-hote, Hit-hote, Amor-hote, Hiv-hote,Jebus-hote ram, khawizu leh hnutetuia luanna ram, in thlahtute chhechhama pêk a tiamah khân a hruai thlen hunah che u chuan, he mi thla hian he rawngbâwlna hi in zâwm tûr a ni.
13:6 Ni sarih chhûng chu chhang dawidim telh loh in ei tûr a ni a, tin, a ni sarih nî chu LALPA tân kût nî a ni ang.
13:7 Ni sarih chhûng chuan chhang dawidim telh rêng rêng chu a awmin awm hlek suh se, in awmna hmunah rêng rêng dawidim pawh a awmin awm hlek suh se.
13:8 Chu mi niah chuan in fate hnênah, 'Aigupta ram ata kan lo chhuah lai khân LALPAN thil min lo tihsak vâng a ni e,' tiin in hrilh tûr a ni e.
13:9 LALPA dân chu in kaa a awm rêng theih nân, in kutah in tân chhinchhiahna leh in mit inkarah hian hriat rêngna tûr a ni ang: Kut chak takin LALPAN Aigupta ram ata a hruai chhuah che u hi.
13:10 Chutichuan he thuruat hi kum tin a hun takah chuan in rawn zawm thîn tûr a ni.
13:11 Tin, heti hi a ni ang a, LALPAN in hnênah leh in thlahtute hnêna chhechhama pêk a tiam tawh che u anga, Kanaan-hote rama a hruai thlen che u a, a pêk hun che u chuan,
13:12 chhûl keu hmasa ber apiang leh in ran piang thla hmasa ber apiang chu LALPA tân in dah hrang zêl tûr a ni; a pate chu LALPA ta tûr a ni ang.
13:13 Sabengtung piang hmasa ber apiang chu berâm novin in tlan tûr a ni ang. In tlan duh loh erawh chuan a nghawng chu in titliak tûr a ni: tin, in fate zînga mipa piang hmasa ber apiang chu in tlan tûr a ni.
13:14 Tin, heti hi a ni ang a, nakin lamah te in faten, "Hei êngtizia nge ni le?' tia an la rawn zawh hun che u chuan nângnin an hnênah, 'Kut chak takin LALPAN Aigupta ram ata bâwiha kan awm kha min hruai chhuak a ni:
13:15 tin, heti hi a ni a, Pharaoan kan chhuah thu a tihkhirh êm avângin, LALPAN Aigupta rama fa tîr zawng zawng, mihring fa tîr apiang leh ran piang hmasa ber apiang chu, a tihlum vek a: chuvângin a pa, chhûl keu hmasa ber apiang hian LALPA hnênah kan inthawi a nih hi: amaherawhchu kan fapate zînga fa tîr zawng zawngte chu kan tlan a ni,'ti ang che u.
13:16 Tin, in kutah in tân chhinchhiahna a ni ang: in mit leh mit inkara chalhrennate nên: kut chak takin LALPAN Aigupta ram ata min hruai chhuak ta si a," a ti a.
13:17 Tin, heti hi a ni a, Pharaoa mite chu a chhuahtîr phal veleh chuan, Pathianin Philistia-ho ram lamah chuan a hnai zâwk nain a hruai lo va; Pathianin, "Indonate an hmuhin an inchhîr ang a, Aigupta ramah an kîr leh hlauh dah ang e," a ti si a:
13:18 amaherawhchu Pathianin mite chu Tuifinriat Sen lam panin thlalêr lamah a hruai kikawi ta zâwk a: tin, Israela thlahte chu Aigupta ram ata chu inralring rêngin an chhuak ta a.
13:19 Tin, Mosian Josefa ruhte chu a chhawm a: Israelaa thlahte khka, "Pathianin a la rawn kan ngei ngei ang che u a; tin, ka ruhte hi heta ta in zawn chho tûr a ni," tiin chhia a lo chhamtîr tlat si a.
13:20 Tin, Sukoth hmun ata chu an chhuak a, thlalêr tawntîrh Etham hmunah an riak a;
13:21 Tin, LALPAN chhûn laiah chuan chhûm dingin an hma a hruai a; tin, zânah chuan anmahni ên tûrin meialh dingin an hma a hruai a; chhûn leh zân an kal theih zêlna tûrin:
13:22 chhûna chhum ding leh zâna meialh ding chuan mipui chu a kalsan ngai hauh lo a ni.
14:1 Tin, LALPAN Mosia a bia a,
14:2 "Israela thlahte hnênah hian thu sawi rawh khai, kir leh sela, Migdol hmun leh tuipui inkar Pi-hahiroth hmun bul, Baal-Zephon hmun bulah chuan riak rawh se: chu mi dep tuipui kamah chuan riak rawh u.
14:3 Tichuan Pharaoan Israela thlahte chungchâng thu-ah, 'Ram lakah an mangang ta zet le, thlalêrah an tâng ta,' a ti ang a.
14:4 Tin, keiin Pharaoa thinlung chu ka tihkhauhsak ang a, tichuan anmahni chu a ûm ang a; tin, keiin Pharaoa lâkah leh a sipaiho zawng zawng lâkah chuan chawimawina chu ka hlawh ang; tichuan Aigupta miten kei hi LALPA chu ka ni tih an hria ang," tiin. Tin, chutiang chuang an ti a.
14:5 Tin, mite chu an tlân bo zo ta tih Aigupta lal chu an hrilh a: tin, Pharaoa thinlung leh a chhiahhlawhte thinlung chu a lamlêt leh ta a, tichuan, "Israel mite kan rawngbâwl lai kan chhuahtîr ta ngawt mai hi engtiziaa hetianga ti ta nge maw kan nih chu le?" an ti ta a.
14:6 Tin, an tawlailîr an buatsaih a, tin, mite chu a hnênah a hruai a:
14:7 tin, tawlailîr zaruk tha thiau leh Aigupta rama tawlailîr zawng zawng, an zaa chunga hotute nen a hruai ta a.
14:8 Tin, LALPAN Aigupta ram lal Pharaoa thînlung chu a tihkhauhsak a, tin, Israela thlahte chu a ûm ta a: Israel thlahte lah chu induh takin an chhuak a ni si a.
14:9 Tin, Aigupta mite chuan sakawr zawng zawng leh Pharaoa tawlailîr leh a sakawr chung chuang mite leh a sipaihote nên chuan an ûm a, tin, Pi-hahiroth hmun bul, Baal-Zephon hmun depa tuipui kama an riak chu an va ûmpha ta a.
14:10 Tin, Pharaoan a va pan hnaih chuan Israela thlahte chu an han dâk a, tin, ngai teh, Aigupta mite chuan an lam chu an pan phei ta a: tichuan an lo hlau ta êm êm mai a: tin, Israela thlahte chuan LALPA chu an au ta a.
14:11 Tin, Mosia hnênah, "Aigupta ramah khân thlân a awm loh avângin em ni thlalêrah hian thi tûra min hruai chhuah ni? êng vângin nge ni hetianga min ti tûra Aigupta tam ata min hruai chhuah ni?
14:12 Aigupta ramah pawh khân, 'Aigupta mite rawngbâwl hian kan awm mai ang,' tiin i hnênah khân kan sawi rêng lo vem ni? thlalêra thih tlaw ngawt mai te ai chuan Aigupta mite rawng kha lo bâwl ta ila a that zâwk dâwn hi," an ti a.
14:13 Tin, Mosian mipuite hnênah chuan, "Hlau suh u, awm hle hle mai ula, LALPA chhandamna, vawiina a thawhsak tûr che u hi en ngawt mai rawh u, vawiina Aigupta mi in hmuhate hi kumkhuain in hmu leh dâwn tawh lo ve.
14:14 LALPAN a dosak ang che u a, nangni chu in awm hle hle mai ang," a ti a.
14:15 Tin, LALPAN Mosia hnênah chuan, "êng vângin nge maw mi auh le? Israela thlahte hi kal zêl tûrin hrilh ta che.
14:16 Tin, nang pawhin i tiang kha han la la, tin, tuipui chungah khân lek la, tui chu lo inthen rawh se: tichuan tuipui chhûng lei chârah Israela thlahte chu an kal ang.
14:17 Tin, keiin, ngai teh, Aigupta mite thinlung chu ka tihkhauhsak ang a, tichuan an ûm zêl ang: tin, Pharaoa lakah leh a sipaiteho zawng zawng lakah leh a tawlailîrte lakah a sakawr chung chuang mite lakah chuan chawimawina chu ka hlawh ang.
14:18 Tin, Pharaoa lakah leh, a tawlailîrte lakah leh a sakawr chung chuang mite laka chawimawina ka hlawh hunah chuan Aigupta miten kei hi LALPA chu ka ni tih an hria ang," a ti a.
14:19 Tin, Pathian vântîrhkoh, Israela mite hma hruai thîn kha an hnung lamah a insawn ta a; tin, chhûm ding kha an hma lam ata a insawn a, an hnung lamah a ding ta a:
14:20 tin, Aigupta mite leh Israel mite inkârah a lo tla ta a, tichuan chhûm chu a lo awm a, a thim bawk a, amaherawhchu chhûm chuan zân chu a tiêng a: tin, zankhuain a tu lam mah mah an inpan lo va.
14:21 Tin, Mosian tuipui chungah a kut a han phar a: tin, LALPAN zankhuain khawchhak thli na takin a rawn thlehtîr a, tuipui chu a nem kîrtîr a, tin, tuipui chu lei chârah a chantîr a, tin, tuite chu a lo inthen ta a.
14:22 Tin, Israela thlahte chu tuipui chhûng lei chârah chuan an kal ta a: tin, tuite chu an ding lampangah leh an vei lampangah chuan an tân bâng a lo ni ta mai a.
14:23 Tin, Aigupta mite chuan an ûm a, Pharaoa sakawr zawng zawngte leh a tawlailîrte leh a sakawr chung chuang mite chuan tuipui chhûngah chuan an ûm lût ta a.
14:24 Tin, heti hi a ni a, khawfing chah veleh, LALPAN Aigupta mite chu meialh ding leh chhûm dingah chuan a zuk timangang ta a.
14:25 An tawlailîr kete chu a thlawnsak a, an khalh chak thei ta l o va; chutichuan Aigupta mite chuan, "Israel-hote hi i tlânsan ang u; LALPAN an lama tangin he mite hi Aigupta mite a dopui a nih hi," an ti ta a.
14:26 Tin, LALPAN Mosia hnênah, "Aigupta mite, an tawlailîrte, an sakawr chung chuang mite chu tuiin a rawn chîm leh theihna tûrin i kut kha tuipui chungah han phar rawh khai," a ti a.
14:27 Tin, Mosian tuipui chungah chuan a kut chu a han phar a, tin, khua a vâr veleh chuan tuipui chu a luan pângngaiin a luang leh ta a; tin, Aigupta mite chu an tlân kîr leh a; tin, LALPAN Aigupta mite chu tuipui chhûngah chuan a paih thla ta a.
14:28 Tin, tuite chu a luang leh ta a, tichuan tawlailîrte leh sakawr chung chuang mite, tuipuia ûm lûttu, Pharaoa sipaiho zawng zawngte lam chuan tuiin a chîm pil ta vek a; pakhat mah chhuak rêng rêng an awm hauh lo mai a.
14:29 Israela thlahte erawh chu tuipui chhûng lei chârah chuan an kal vek a; tin, tuite chu an ding lampangah leh an vei lampangah chuan an tân bang a lo ni ta mai a.
14:30 Chutiang chuan a ni, LALPAN Israel-hote chu, chu mi nî chuan Aigupta mite kut ata a chhanchhuah ni; tin, Israel-hote chuan Aigupta mi thite chu tuipui kamah chuan an hmu a.
14:31 Tin, Israel-hote chuan LALPAN Aigupta mite chunga thil ropui tak a tih chu an hmu a, tin, mipuite chuan LALPA chu an tih a: tichuan LALPA leh a chhiahhlawh Mosia chu an ring ta a.
15:1 Chutichuan Mosia leh Israela thlahte chuan LALPA chawimawiin he hla hi an sa a, an sawi dual dual a, "LALPA chawimawiin hla ka sa ang, ropui takin a hneh tâk hi: Sakawr leh a chunga chuang chu tuipuiah a paih thla ta a.
15:2 LALPA chu ka chakna leh ka hla a ni, Ani chu ka chhandamna a lo ni ta bawk a: Ka Pathian a ni a, amah chu ka fak ang; Ka pa Pathian a ni a, amah chu ka chawimawiang.
15:3 LALPA chu indo mi a ni: A hming pawh LALPA a ni.
15:4 Pharaoa tawlailîrte leh a sipaihote chu tuipuiah a paih thla ta a: Tin, a sipai hotu thlante pawh Tuifinriat Senah an tlahlum zo ta.
15:5 Tui thûk takin a chîm zo ta: Lung angin tui thûk takah an pil ta.
15:6 I kut ding lam chu, aw LALPA, thiltihtheihnain a ropui a, i kut ding lam chuan, aw LALPA, hmêlma chu a tisawm ta dep a.
15:7 I ropuina nasa tak chuan nangmah dotute chu i tiboral vek a: i thinrim i rawn hrithla a, buhpâwl ang maiin an kângral zo ta a.
15:8 I hnâra thawin tuite chu a lo in tiang a, Tuite chu ênglo dah khâwm thûr angin a ding luah a: Tuifinriat chhûng daiha tui thuk takte chu a lo khal zo ta a,
15:9 Hmêlma chuan, 'Ka ûm ang a, ka ûmphâk ngei ang, râllâk sum chu ka sem ang: Anmahniah chuan ka châk daih ka hmu tawh ang: Ka khandaih ka phawi ang a, ka kutin anmahni chu ka tiboral ang,' a ti a.
15:10 I thli chu i han tlehtîr ta mai a, tuifinriatin a chîm pil ta vek a: Tui thûk takahte chuan suan angin an pil ta vang vang a.
15:11 Aw LALPA, pathiante zîngah hian nâng ang hi tunge awm le? Thianghlimna lama ropui leh, Fak tlâk nihna lama zahawm leh, thilmakte ti thin hi nang ang tunge awm le?
15:12 Nangin i kut ding lam i han phar a, Leiin anmahni chu a lem zo ta a.
15:13 Nangin i khawngaihnain mipui i tlante kha i hruai a: I chênna thianghlimah chuan i chaknain i hruai ta a.
15:14 Mi tinrêngin an hria a, an khûr thlu zo va, Philistia rama chêngte chu thlaphannain a man ta.
15:15 Tichuan Edom rama hotute chuan mak an ti hle a; Moab mi chakte chu khurhnain a rawn man a: Kanaan rama awm zawng zawngte chu an tui zo ta a.
15:16 Tihna leh hlauhnain a tlâkbuak a; I bân chaknain lung ang maiin a tingawi hle hle a; Aw LALPA, i mite an kai vek hma loh chuan, Mi i leite an kai vek hma loh chuan.
15:17 Nangin anmahni chu i hruai lût ang a, i roluahtu tlângah chuan i phun ang, Aw LALPA, nangin i awmna tûra hmun i buatsaihah chuan, Aw LALPA, hmun thianghlim i kut ngeiin a lo dinnaah chuan,
15:18 LALPA chuan chatuanin ro a rêl tawh ang," tiin.
15:19 Pharaoa sakawrte chu a tawlailîrte chawpin a sakawr chung chuang mite nên chuan tuipuiah an lût thla a, tin, LALPAN tuifinriat tuite chuang a rawn vûr leh ta a; Israela thlahte erawh chu tuipui chhûng leicharah chuan an kal vek a.
15:20 Tin, zawlnei Miriami, Arona farnuin khuangtê a keng a; tin, hmeichhia zawng zawngin khuangtê kenga lâmin an zui chhuak ve ta hlawm a.
15:21 Tin, Miriami chuan "LALPA chawimawiin hla sa rawh u, ropui takin a hneh tâk hi; Sakawr leh a chunga chuang chawpin tuipuiah a paih thla ta a," tiin hlain a hruai a.
15:22 Tichuan Mosian Israel-hote chu Tuifinriat Sen ata a hruai chhuak a, Sûr thlalêr lam panin an chhuak ta a; tin, thlalêrah chuan ni thum zet an kal a, tui an hmu zo ta lo va.
15:23 Tin, Mara hmun an va thlêng a, Mara hmuna tuite chu a lo khâk avâng chuan an in thei lo va: chuvâng chuan a hmingah Mara vuah a ni.
15:24 Tichuan, mipuite chuan, "Engnge ni kan in dâwn le?" tiin Mosia chungah an phunnawi ta a.
15:25 Tin, ani chuan LALPA chu a au va; tin, LALPA chuan thing pakhat hi a han kawhhmuh a, chu chu tuiah chuan a zuk paih lût a, tichuan tui chu a lo tui ta a. Chutah chuan chuan thuruat leh rorêlna a siamsak a; chutah chuan anmahni fiahna a siam a;
15:26 "LALPA i Pathian aw hi ngun taka i ngaihthlâk a, a mithmuha tha a tih zawngte i tih a, a thupêkte i ngaihsân a, a thuruat zawng zawngte i pawm chuan Aigupta mite chunga hri ka lêntîr tâk angte kha i chungah rêng rêng ka lêntîr ve lo vang: LALPA a tidamtu che ka nih hi," a ti a.
15:27 Tin, Elim hmun an va thlêng a, chutah chuan tuihna nei sâwm leh pahnih leh tum thîng sawmsarih a awm a; tin, chuta tui kamahte chuan an riak ta a.
16:1 Tin, Elim hmun ata chu an chhuak a, tin, Israela thlahte pung khâwmho zawng zawng chuan Aigupta ram ata an chhuah achin thla hnihna, ni sâwm leh ni nga niin Elim hmun leh Sinai tlâng inkâra Sin thlalêr an va thleng a.
16:2 Tin, thlalêrah chuan Israela thlahte pung khâwmho zawng zawng chu Mosia chungah leh Arona chungah an lo phunnawi ta a:
16:3 tin, Israela thlahte chuan an hnênah, "Aigupta rama sa bêl bula kan thut lai te khân LALPA kutah lo thi ta zâwk mai ila aw! Mipui pungkhâwmho zawng zawngte hi thlalêrah hian riltama tihhlum tûrin min hruai chhuak a nih hi le," an ti a.
16:4 Chutichuan LALPAN Mosia hnênah, "Ngai rawh, vân atangin in tân chhang ka rawn sûrtîr ang e; tichuan mipuiten ni tin ni khat atâna chanvo tâwk chauh zêl chu va chhar thîn rawh se, ka dân an zâwm nge zâwm lo ka fiah theih nân.
16:5 Tin, heti hi a ni ang a, a ni ruk nî chuan an va chhara chu an buatsaih ang a; tin, ni tina an chhar lehhnih zêl a ni ang," a ti a.
16:6 Tin, Mosia leh Aronan Israela thlahte zawng zawng hnênah chuan, "Tlai lamah chuan LALPA chu Aigupta ram ata hruai chhuaktu ngei che u a ni tih in hre dâwn e:
16:7 tin, zîngah pawh LALPA ropuina chu in hmu dâwn e; LALPA chunga in phunnawina kha a lo hriat tâk hi: keinite chu engnge kan nih a, kan chunga in phunnawi mai ni;" an ti a.
16:8 Tin, Mosian, "Chûng chu in la hria ang, LALPAN tlai lama sa ei tûr a pêk che u a, zîng lama chhang kham khawp a pêk hunah che u chuan, LALPA chuan a Chûnga in phunnawina kha a hre rêng si a: keinite chu engnge kan nih ni? Kan chunga phunnawi in ni hlei nêm, LALPA chunga phunnawi asin in nih ni," a ti a.
16:9 Tin, Mosian Arona hnênah, "Israela thlahte pung khâwmho zawng zawngte hnênah hian, 'LALPA kiang hnaiah lo kal rawh u: in phunnawinate kha a lo hriat tâk hi,' ti ang che," a ti a.
16:10 Tin, heti hi a ni a, Israela thlahte pung khâwmho zawng zawngte hnêna Aronan thu a sawi lai tak chuan thlalêr lam chu an han thlîr a; tin, ngai teh, LALPA ropuina chu chhûmah a lang ta a.
16:11 Tin, LALPAN Mosia a bia a,
16:12 "Israela thlahte phunnawinate kha ka lo hria a; an hnênah, 'Tlai lamah chuan sa in ei ang a, tin, atûkah chuan chhang kham khawp zetin in ei tawh ang; tichuan kei hi LALPA in Pathian chu ka ni tih in hria ang, a ti e,' ti ang che," tiin.
16:13 Tin, heti hi a ni a, tlai lamah chuan vahmîm an lo thlâwk chho chiam a, an riahhmun chu a dâp ta dul a: tin, atûkah chuan an riahhmun vêlah chuan dai a lo tla dup a.
16:14 Tin, dai tla chu a han hul veleh chuan, ngai teh, thlalêr lei chungah chuan thil pêr tê tê, vur thal tiat lek lek te hi a lo awm tuar mai a.
16:15 Chu chu Israela thlahten an han hmuh chuan, "Engnge maw ni chu le?" an inti hlawm a; engnge ni tih an hre si lo va. Tin, Mosian an hnênah, "LALPAN chhang in ei atâna a pêk che u a nih hi.
16:16 Hei hi a ni LALPAN, 'Mi tinin mahni kham khawp theuh chhar ulangin; mi pakhat tân omer khat zêl, in chhûngkaw mihring awm zât ang zêlin in chhar tûr a ni, mi tinin in puan in chhûnga awmte tân chuan in chhar tûr a ni,' tia thu a pêk chu ni," a ti a.
16:17 Tin, Israela thlahte chuan chutiang chuan an ti a, thenkhatin an chhar tam a, thenkhatin an chhar tlêm a.
16:18 Tin, omerin an han teh a, a chhar tam chuan a chuangin a nei lo va, a chhar tlêm chuan a tlachham hek lo; mi tinin mahni kham tawk theuh chu an chhar theuh va.
16:19 Tin, Mosian an hnênah, "Tumahin atûk lam atân chuan khêk suh ang che u," a ti a.
16:20 Nimahsela Mosia thu chu an pawm duh lo va; thenkhat chuan atûk lam atân an khêk a; tichuan a lo lung a, a lo rimchhe ta a; chuvângin Mosia chu anchungah a thinrim ta hle a.
16:21 Chutichuan tûk tin mi tinin mahni kham khawp lek zêlin an chhar thin a: nî a lo tlângsân veleh a tuiral vek thin a.
16:22 Tin, heti hi a ni a, a ni ruk nî chuan chhang chu a leh hnih - mi pakhat tan omer hnih zêl an chhar a: tin, chung pung khâwmho roreltu zawng zawngte chuan Mosia an va hrilh a.
16:23 Tin, ani chuan an hnênah, "Chu chu alâwm LALPAN, 'Naktuk hi chawlh der nî, LALPA tâna chawlhni thianghlim a ni e,' a tih chu: chuvângin a âwma âwm in duh leh âwm ulangin, a chhuma chhum in duh leh chhûm rawh u; chu mi bâng chu atûk lam atân in dah dâwn nia," a ti a.
16:24 Tin, Mosia hrilh ang chuan atûk lam atân an dah hrang ta a: chu chu a rimchhe lo va, a lung hek lo.
16:25 Tichuan Mosian, "Vawiin chuan hei hi ei rawh u; vawiin hi LALPA tân chawlhni a nih hi: vawiinah zawng leia tla in hmu lo vang.
16:26 Ni ruk chhûng chuan in va chhar thin ang a; a ni sarih nî erawh chu chawlhni a ni a, chhar tûr rêng rêng a awm lo vang," a ti a.
16:27 Tin, heti hi a ni a, a ni sarih nî chuan mi thenkhat chu chhar tûrin an va chhuak a, chhar tûr rêng rêng an hmu zo ta lo va.
16:28 Tichuan LALPAN Mosia hnênah, "Ka thupêkte leh ka dânte hi eng chen nge maw pawm duh loh in tum ni aw!
16:29 LALPAN chawlhni a pêk che u hi hre ta che u maw le, chuvângin ni ruk niin ni hnih tla tâwk tûr chhang a pe che u a nih hi; mi tin mahni hmun theuhvah awm hle hle mai rawh u, ni sarih nî chuan tumah a awmna hmun ata chhuak hauh suh se," a ti a.
16:30 Chutichuan mite chu ni sarih nî chuan an chawl ta a.
16:31 Tin, Israela chhûngte chuan chu mi hmingah chuan Manna an vuah a: koriender mu ang maia vâr ser a ni a; han ei chuan chhangpêr khawizu nêna siam ang a ni.
16:32 Tin, Mosian, "Hei hi alâwm LALPAN, 'Hei hi in thlahte thlêngin omer khat vawng tha rawh u: Aigupta ram ata ka hruai chhuah lai che u a, thlalêra ka chawm thinna che u chhang chu an rawn hmuh theih nân,' tia thu a pêk chu," a ti a.
16:33 Chutichuan Mosian Arona hnênah, "Bêl va la langin, omer khat manna hi khung rawh, in thlahte thlênga vawn rêng tûrin LALPA hmaah dah ang che," a ti a.
16:34 LALPAN Mosia thu a pêk ang chuan Arona chuan vawn rêng tûrin Thuhriattîrna hmaah chuan a dah a.
16:35 Israela thlahte chuan mihring chênna ram an thlen hma loh chuan kum sawmli chhûng chu manna an ei thîn a; Kanaan ramri dep an thlen hma loh chuan manna an ei thîn.
16:36 Omer khat hi epha hmun sâwma thena hmun khat hu a ni.
17:1 Tin, Isaela thlahte pung khâwmho zawng zawng chu Sin thlalêr ata an chhuak leh a, LALPA thupêk angin riah bi nei thliah thliaha riakin, Rephidim-ah an inkhuar a: tin, chutah chuan mipuite in tûr tui a awm ta lo va.
17:2 Chuvângin mipuite chuan Mosia chu an bei ta a, "Tui in tûr min pe rawh," an ti a. Tin, Mosian an hnênah, "Engati nge mi bei mai? Eng vângin nge LALPA in fiah ni?" a ti a.
17:3 Chutah chuan m ipuite chu tuihâlin an awm a ni a; tichuan mipuite chu Mosia chungah an phunnawi a, "Eng vângin nge kan fanaute leh kan rante nên hian tuihâla min tihhlum tûrin Aigupta ram ata min hruai chhuah ni?" an ti a.
17:4 Tin, Mosian, "Hêng mipuihote hi engtin nge ka tih ang? Lunga min denhlum hial pawh an duh âwm hi," tiin LALPA a au va.
17:5 Tin, LALPAN Mosia hnênah, "Mipuiho hma lamah kal langin, Israela thlahte upaho thenkhat hruai ve ang che; tin, i tiang, hmâna lui i vuakna kha keng langin kal rawh.
17:6 Ngai teh, Horeb-a lungpui chungah sâwn i hmaah ka lo ding ang a; tin, lungpui chu i han vua ang a, tichuan mipuite in tûr tui chu a lo luang chhuak mai ang," a ti a. Tin, Mosian Israela thlahte upaho mithmuhah chuan chutiang chuan a han ti a.
17:7 Chu mi hmun hmingah chuan Massa leh Meriba a vuah a, Israela thlahten an bei avâng leh, "Kan zîngah hian LALPA chu a awm nge maw awm lo le?" tia LALPA chu an fiah avângin.
17:8 Tin, Rephidim hmunah chuan Amalek-hovin Israel-ho chu an rawn bei ta a.
17:10 Tichuan Mosian a hnêna a sawi ang chuan Josua chuan a ti a, Amalek-ho chu a va bei ta a: tin, Mosia leh Arona leh Hura chu tlâng chhîpah an han lâwn a.
17:11 Tin, heti hi a ni a, Mosian a kut a phar veleh Israel-hote chuan an hneh thîn a.
17:12 Nimahsela Mosia bante chu a lo kham ta a; tichuan lung an han la a, a bulah chuan an dah a, chutah chuan a thu ta a; tin, Arona leh Hura chuan a kut chu an dawmsak ta a, pakhatin lehlam a dâwm a, pakhatin a lehlam a dawm a, chutichuan ni tlâk thlêngin a kutte chu a awm ngaiin a awm ta tlat a.
17:13 Tin, Josua chuan Amaleka leh a hote chu khândaih hriamin a tudawl ta a.
17:14 Tin, LALPAN Mosia hnênah, "He mi thu hi hriat reng atân lehkhabuah ziak la, Josua hriatah sawi chhuak thîn ang che: vân hnuaiah hian Amalekho hi an awm tih pawh hriat loh khawpin ka tichimit hlauh dâwn e," a ti a.
17:16 "LALPAN chhia a chham ta; LALPAN chhuan awm chhûng zawng zawng chuan Amalek-ho chu a do vang," a ti a.
18:1 Tin, Jetroa, Midian rama puithiam, Mosia puzawn chuan Pathianin Mosia leh a mi Israel-hote thil a tihsakzia zawng zawngte leh, LALPAN Israel-hote chu Aigupta ram ata a hruai chhuahzia te chu chu a lo hria a:
18:2 ,3 tin, Mosia puzawn Jetroa chuan Mosia nupui Zipori, Mosian a hâwntîr kha, a fapate pahnih nên a hruai a; chu mi pakhat hming chu Gersoma a ni a; "mi rama awm ka nih avângin," a ti a;
18:3 ,2 tin, Mosia puzawn Jetroa chuan Mosia nupui Zipori, Mosian a hâwntîr kha, a fapate pahnih nên a hruai a; chu mi pakhat hming chu Gersoma a ni a; "mi rama awm ka nih avângin," a ti a;
18:4 tin, pakhata hming chu Eliazara a ni; "Ka pa Pathian chu mi tanpuitu a ni a, Pharaoa khandaih lak ata chu mi chhanhim tâk avângin," a ti a:
18:5 tin, Mosia puzawn Jethroa chu Mosia fapate leh a nupui nên Mosia hnênah thlalêra a riahna Pathian tlângah chuan an va kal a:
18:6 tin, ani chuan Mosia hnênah, "Kei i puzawn Jethroa, i nupui nên i fa pahnih nên kan lo kal e," a ti a.
18:7 Tin, Mosia chu a puzawn hmuak tûrin a va chhuak a, chibai a va bûk a; chanchinte an inzâwt a; tichuan puan inah an lût ta a.
18:8 Tin, LALPAN Israel-ho avânga Pharaoa leh Aiguptate chûnga a tihzia zawng zawngte leh kawng lâka hrehawm an tuarzia zawng zawngte leh LALPAN anmahni a chhanhimzia te chu Mosia chuan a puzawn a hrilh a.
18:9 Tin, LALPAN Israel-hote chu Aigupta-ho lak ata a chhanhim a, anmahni thil a lo tihsak tâkzia leh an chunga a thatna zawng zawng avângte chuan Jethroa chu a lâwm êm êm mai a.
18:10 Tin, Jethroa chuan, "LALPA, Aigupta-ho lak ata leh Pharaoa lak ata chhanhimtu che u chu fakin awm rawh se; ani chuan Aigupat-ho thu hnuaia awm mipuite chu a chhanhim tâk hi.
18:11 Tûnah chuan LALPA chu pathian zawng zawngte ai chuan a ropui zâwk tih ka hre ta: a ni, chapo taka an beihnaah tak chuan a lo lang a ni," a ti a.
18:12 Tin, Mosia puzawn Jethroa chuan hâlral thilhlan leh Pathian tâna inthawina tûrte a va la a: tin, Arona leh Israel upaho zawng zawngte chu Mosia puzawn hnênah chuan Pathian hmaah chhang ei tûrin an kal a.
18:13 Tin, heti hi a ni a, atûkah chuan Mosia chu mipuite ro rêl tûrin a thu a: tin, mipuite chu zîng ata tlai thlengin Mosia kiang velah chuan an ding reng a.
18:14 Tin, Mosia puzawnin chutia mipuite tâna thil a tih zawng zawng chu a han hmuh chuan, "Mipuite hi thil engnge maw i tihsak chu le? Engtizia nge nangmah chauh hi i thut rang a, zîng ata tawh tlai thlenga mipui zawng zawngte hi i kiang vela an din rang?" a ti a.
18:15 Tin, Mosian a puzawn hnênah, "Mipuite hi Pathian râwn tûrin ka hnênah an lo kal a ni ber e:
18:16 thu eng emaw an neih chuan ka hnênah hian an lo kal thîn a: tichuan keiin a thenawmpa nêna an thu chu ka lo rêlsak a, tin, Pathian remruat leh a dânte chu ka lo hriattîr thîn a ni," a ti a.
18:17 Tin, Mosia puzawn chuan a hnênah, "I thiltih dân chu a tha lo ve a.
18:18 Nang leh hêng i hnêna mipui awmte hi in intichau zo ngei ang maw le: he hna hi i tân a hautak lûtuk a ni: nangmah chauhva han tlin mi a ni hlei nêm
18:19 Ka thu hi ngaithla teh khai, rem ka han ruatpui ang chia, i hnênah Pathian awm rawh se: nang hi Pathian lama mipui aiawhin awm langin, an thubuaite chu Pathian hnênah thlen ang che:
18:20 tin, thu ruatte leh dân chu i zirtîr ang a, an awmdan tûr leh an tih dan tûrte chu i kawhhmuh zêl tûr a ni.
18:21 Chu chang ni lovin, mipui zîng ata mi hmantlâk deuh deuh Pathian tih mite, mi dik takte, hlawkna dik lo tak haw mite-thlang chhuak langin: chutiang mite chu sang pâwl chunga hotuah te, za pâwl chunga hotuah te, sawmnga pâwl chunga hotuah te, sâwm pâwl chunga otuah te ruat langin:
18:22 chûngte chuan eng lai pawhin mite ro rêlsak rawh se: tin heti hi a ni ang a, thu lian deuh apiangte chu i hnênah an rawn thlen thîn ang a, thu tê tham erawh chu anmahniin rêl rawh se: chutichuan i tân a lo awlsam zâwk ang a, tin, anni chuan an chhâwk zâng hle dâwn che nia.
18:23 Chutianga i tih a, Pathian pawhin thu a pêk che chuan i tlin thei ang a, tichuan hêng mipuiho zawng zawngte pawh hi lungawi takin mahni awmna lamah chuan an tîn thei dâwn nia," a ti a.
18:24 Chutichuan Mosia chuan a puzawn thu sawi chu a pawm a, a sawi ang zawng zawng chuan a ti ta a.
18:25 Tin, Mosia chuan Israel-ho zawng zawng zîng ata chu mi hmantlâk deuh deuh a thlang chhuak a, mipui chunga hotuah a siam a, sâng pâwl chunga hotuah te, za pâwl chunga hotuah te, sawmnga pâwl chunga hotuah te, sâwm pâwl chunga hotuah te a ruat ta a.
18:26 Chûngte chuan eng lai pawhin mite ro an rêlsak thîn a: thu lian deuh apiangte chu Mosia hnênah an thlen thin a, thu tê tham erawh chu anmahnihovin an rêl thîn.
18:27 Tichuan Mosia chuan a puzawn chu a kaltîr ta a; tin, a awmna ram lamah chuan a haw leh ta a.
19:1 Israela thlahte Aigupta ram ata an chhuah achin a thla thumna, chu mi ni tak chuan Sinai thlalêr an thleng a.
19:2 Rephidim hmun ata an chhuah a, Sinai thlalêr an va thlen chuan thlalêrah chuan an riak a; chutah chuan Israel-hote chu tlâng bulah chuan an riak a.
19:3 Tin, Mosia chu Pathian hnênah a han chho va, tichuan LALPA chuan tlâng atangin a bia a, a hnênah, "Jakoba chhûngte hnênah hetiang hian ti la; tin, Israela thlahte hnênah pawh,
19:4 'Aigupta-hote chunga ka tiziate leh, mupui thlaa ka put che u a, ka hnêna ka hruai thlenzia che u hi in hmu a.
19:5 Chuvângin ka thu in ngaihthlâk tak zet a, ka thuthlung hi in pawm chuan khawvêl hnam zawng zawng zîngah hian ka tân ro thlan bîk in ni ang: khawvêl pum pui hi ka ta a ni si a:
19:6 tichuan ka tan puithiam chi, hnam thianghlim in ni ang,' tiin hrilh ang che. Hêng thu hi Israela thlahte hnêna i sawi tûr chu a ni," a ti a.
19:7 Tin, Mosian mipui zînga upahote chu a rawn ko khâwm a, LALPA thupêk zawng zawngte chu a hrilh vek a.
19:8 Tin, mipuiteho zawng zawng chuan, "LALPA sawi ang zawng zawngte chu kan ti zêl ang e," tiin, arualin an chhâng dual dual a. Tichuan Mosian mipuite thusawi chu LALPA a hrilh leh chhawng a.
19:9 Tin, LALPA chuan Mosia hnênah, "Ngai teh, ka biak lai tak che mipuiin an hriat ve theih a, kumkhuaa i thu chu an âwih fona tûrin chhûm chhah mupah i hnênah ka lo kal dâwn e," a ti a. Tichuan Mosian mipuite thusawi chu LALPA a hrilh leh chhâwng a.
19:10 Tin, LALPAN Mosia hnênah, "Mipuiho hnênah va kal la, vawiin leh naktûk hian anmahni chu tithianghlim ang che, an puante sufai sela,
19:11 a ni thum ni atân inpuahchah rawh se: a ni thum ni chuan mipuiho zawng zawng mithmuhah Sinai tlângan chuan LALPA a lo chhuk dâwn e.
19:12 An hnênah, 'Fimkhur ula, tlângah khian han lâwn hauh suh ula, tlâng hmâwr pawh han dek hlek suh ang che u: tupawh tlâng han dek apiang chu tihhlum ngei ngei tûr a ni ang:
19:13 kut rêng rêngin deh tûr a ni lo a, lunga denhlum ngei ngei tûr a ni, a nih loh leh, kah tlâng tûr a ni ang; sa pawh mihring pawh a nung lo vâng: tawtawrâwt a rîk ruai ruai hunah chuan tlângah khian an lâwn chho tûr a ni, a ti,' tiin mipuiho tân ri khamsak ang che," a ti a.
19:14 Chutichuan Mosia chu tlâng ata mipuiho zîngah chuan a lo chhuk a, mipuite chu a tithianghlim a; tin, an puante an su fai a.
19:15 Tin, mipuihote hnênah chuan, "A ni thum ni atân chuan inpuahchah rawh u: hmeichhe kiangah rêng rêng kal suh u," a ti a.
19:16 Tin, heti hi a ni a, a ni thum ni zîngah chuan khawpuite a lo ri a, kâwlte a lo phe a, tlâng chhipah chuan chhûm a lo zîng chhah mup a, tawtawrâwt ring êm êm maiin a lo ri a; tichuan mipui riahhmuna awmho zawng zawng chu an khûr a.
19:17 Tichuan Mosian mipuiho chu Pathian han be tûrin riahhmun ata chu a hruai chhuak hlawm a; tlâng bulah chuan an ding a.
19:18 Tin, Sinai tlângah chuan LALPA chu meia a lo chhuk avângin a khu phui ta mup a: tin, chu mi meikhu chu rawhtuina meikhu ang maiin a khu chho ngut ngut a, tichuan tlâng pum pui chu a nghîng dur dur a.
19:19 Tin, tawtawrâwt ri chu a ring telh telh a, Mosia chuan thu a han sawi a, Pathian awin a lo chhâng a.
19:20 Tichuan LALPA chu Sinai tlâng, tlâng chhîpah chuan a lo chhuk a: tin, LALPA chuan Mosia chu tlâng chhîpah a ko chho va; tichuan Mosia chu a han chho va.
19:21 Tin, LALPA chuan Mosia hnênah, "Zuk chhuk langin, mipuite khu zuk zilh rawh, chutilozawng LALPA hmêl hmuh tumin an lo lût tlâng mai ang e, mi tam tak an boral mai tûr a nia.
19:22 Tin, Puithiamho, LALPA kianga lo kal vete pawh chu intithianghlim ve rawh se, chutilozawng anchungah LALPA chu a tuan mai ang," a ti a.
19:23 Tin, Mosian LALPA hnênah, "Mipuiho hi Sinai tlângah hian an lo chho thei hlei nêm: nangin, 'Tlâng vêlah hian ri khamsak ula, tithianghlim ang che u,' tiin, nangmah ngeiin thu min tiam alâwm," a ti a.
19:24 Tin, LALPAN a hnênah, "Kal la, zuk chhuk tawh; tin, Arona nên lo chho leh ang che u: amaherawhchu puithiamho leh mipuiho chu LALPA hnêna lo kal tumin lo lût tlâng mai suh se chutilozawng an chungah a tuan mai tûr a nia," a ti a.
19:25 Chutichuan Mosia chu mipuite hnênah chuan a zuk kal a, chung thu chu a zuk hrilh a.
20:1 Pathianin heng thu zawng zawng hi a hrilh a,
20:2 "Kei, LALPA i Pathian, Aigupta ram ata, bâwih ata hruai chhuak tu che u ka ni.
20:3 Keimah lo chu Pathian dang rêng rêng i nei tur a ni lo.
20:4 Milem siam chawp leh thil, a anpui rêng rêng - chung lam vâna mi emaw, hnuai lam leia mi emaw, lei hnuai lama tuia mi emaw - i tân i siam tur a ni lo:
20:5 chung chu chibai i buk tûr a ni lo va, an rawng i bâwl tûr a ni hek lo; kei, LALPA i Pathian hi, Pathian thîkthuchhia, pate khawlohna avânga fate hrem thîn, mi hawtute chu chhuan thumna leh chhuan lina thlênga hrem thîn leh,
20:6 mi hmangaia ka thupêkte pawmtu sang tam takte chunga khawngaihna lantîr thîn ka nih hi.
20:7 LALPA i Pathian hming chu i lam mai mai tûr a ni lo; LALPA chuan a hming lam mai mai chu thiam loh chantîr lohvin a chhuah dâwn si lo va.
20:8 Chawlhni hi thianghlim taka serh tur a ni tih hre rêng rawh.
20:9 Ni ruk chhungin i thawk tur a ni a, i hna zawng zawng chu i thawk tur a ni:
20:10 a ni sarih nî erawh chu LALPA i Pathian tân chawlhni a ni e: chu mi nî chuan hna rêng rêng i thawk tur a ni lo, nang pawhin, i fapa pawhin, i fanu pawhin, i bâwihpa pawhin, i bâwihnu pawhin, i ran pawhin, i ina hnam dang pawhin:
20:11 ni ruk chhungin LALPAN lei leh vân te, tuifinriat leh a chhunga awm zawng zawngte chu a siam a, tin, a ni sarih nî chuan a lo chawl ta si a: chuvângin LALPAN chawlhni chu mal a sâwm a, a tithianghlim ta a ni.
20:12 I nu leh i pa chawimawi rawh; tichuan LALPA i Pathianin ram a pêkah che hian i dam rei dâwn nia.
20:13 Tual i that tur a ni lo
20:14 I uire tur a ni lo.
20:15 I ru tur a ni lo.
20:16 I vêngte chungah hretu derah i insiam tur a ni lo.
20:17 I vêngte chhungte chu i awt tur a ni lo va, i vêngte nupui chu i awt tur a ni lo, a bâwihpa emaw, a bâwihnu emaw, a bâwngpa emaw, a sabêngtung emaw, i vêngte ta rêng rêng chu engmah i awt tur a ni lo," tiin.
20:18 Tin, mipui zawng zawngte chuan khawpuirite, kâwlphe te, tawtawrâwt rite, tlâng khute chu an hmu a: tin, mipuiin an han hmuh chuan an khur a, hla takah an ding ta a.
20:19 Tichuan Mosia hnênah, "Nangman kan hnênah hian thu sawi teh zâwk khai, kan lo la ang e: amaherawhchu Pathian zawngin kan hnênah thu sawi teh tawh suh se, chutilozawng kan thi mai dah ang e," an ti a.
20:20 Tin, Mosia chuan mipuite hnênah chuan, "Hlau suh u: Pathianin a rawn fiah che u a nih hi, in mithmuhah tihbaia a awmna hi, in sual lohna turin a ni e," a ti a.
20:21 Tin, mipuite chu hla takah an la ding rêng a, Mosia chuan Pathian awmna thim chhah mup kiang chu a va pan a.
20:22 Chutichuan LALPAN Mosia hnênah, "Israela thlahte hnênah hian hetiangin va sawi rawh; 'Nangmahni ngeiin hei vân atanga ka rawn biakzia che u in hre tawh a.
20:23 Pathian dang rêng rêng chu ka kiangah chuan in rawn nei tur a ni lo; tangkaraw pathiante emaw, rangrachak pathiante emaw in tân in siam tur a ni lo.
20:24 ka tân lei maichâm i siam tur a ni, chutah chuan i berâmte leh i sebâwngte chu i hâlral thilhlanahte leh i remna inthawi nânte i hlan thîn tur a ni: hmun tinah ka hming ka hriattîrna apiangah chuan i hnênah ka lo kal thîn ang a, mal ka rawn sâwm thîn ang che.
20:25 Tin, lung maicham mi siamsak dâwn chuan lung chherin i siam tur a ni lo ve: i hriamhrei chu chu i hman hlauh zawngin i tibawlhhlawh a ni dâwn si a.
20:26 Ka maicham lâwn chhohna rahkaahte chuan lâwn pawh i lâwn chho tur a ni lo ve saruak a i awm a lan lohna turin.
21:1 "Tichuan hengte hi a ni an hnêna rorêl dân tur i hriattîr turte chu.
21:2 Hebrai mi, chhiahhlawhah lo lei ang la, kum ruk rawng a bâwl ang a: tin, a kum sarih kum chuan intlan lo pawhin a chhuak mai thei ang.
21:3 Amah ngawta lo lut a nih chuan, amah ngawtin a chhuak leh mai ang: nupui nei a nih chuan a nupui pawh chu a chhuak tel ve bawk ang.
21:4 A puin a nupui lo neihsak sela, tin, fanu emaw fapa emaw lo hrinsak sela; a nupui leh a fate chu a pu ta an ni ang a, anu erawh chu amah ngawtin a chhuak tur a ni.
21:5 Amaherawhchu bâwih chuan, ka pu te, ka nupui te, ka fate hi ka hmangaih êm mai a; ka chhuak duh lo ve, a tih tlat chuan,
21:6 a puin Pathian hnênah hruai sela, kawngkaah emaw kawngka biangah emaw hruai sela; tin, a puin a bêng chu thîr zumin vit sela; tichuan kumkhuain a rawng a bâwl tawh ang.
21:7 Miin a fanu chu bâwihnu atân hralh sela, chhiahhlawh mipate ang chuan a chhuak ve lo vang.
21:8 A pu chuan a nupui atân lo hual sela, ani chuan a pu chu lo tilâwm leh thei ta si lo sela, a intlantîr leh tur a ni, a lo bum avâng chuan hnam dangte hnêna zawrh leh theihna a nei hlek lo vang.
21:9 Tin, a fapa tâna nupuia hualsak duh a nih chuan, fanute en ang bawkin a en tur a ni.
21:10 Nupui dang lo nei leh mah sela, a ei tur sa te, a silhfên te, a nupui a nihna te kha a tihtlêmchuansak tur a ni lo ve.
21:11 Chu thil kawng thum chu a tih loh chuan tangka pe lovin a chhuak mai thei ang.
21:12 Tupawhin mi lo vua sela, chu mi chu thi ta sela, tihhlum ve ngei ngei tur a ni.
21:13 Tin, miin tum rêng vâng ni lova, Pathian chaltawhtîr a nih erawh chuan, a tlân luhna tur hmun ka ruatsak ang che.
21:14 Amaherawhchu miin tum lui rêngin a thenawm chu fin vervekin thah tum sela, thi turin ka maicham ata chu hruai ang che.
21:15 Tupawh a nu emaw a pa emaw vua apiang chu tihhlum ngei tur a ni.
21:16 Tupawh mihring ru-a zuar emaw, a la kawl lai ngei emaw an hmuh chuan, chu mi chu tihhlum ngei tur a ni.
21:17 Tupawh a nu emaw, a pa emaw ânchhia lawh apiang chu, tihhlum ngei tur a ni.
21:18 Tin, mi lo inhnial sela, pakhat chuan lungtumin chhu sela emaw, a kuttumin chum sela emaw, thih chu thi lo sela, amaherawhchu khumbetin tluk phah sela,:
21:19 lo tho leh theiin tiang hawlin lo kal leh thei sela, a kut thlâktua chu chhuah tûr a ni: a hun sen hu kha erawh chu a rul ang a, a dam feltîr viah tur a ni.
21:20 Tin, miin a chhiahhlawh emaw, a bâwihnu emaw tiangin vua sela, a kutah chuan lo thi ta sela, amah chu hrem ngei tur a ni.
21:21 Amaherawhchu ni khat emaw, ni hnih emaw dam sela, hrem tur a ni lo vang: a chhiahhlawh chu a sum leh pai a ni si a.
21:22 Tin, mi lo insual ta sela, hmeichhe nau pai vaw palh ang sela, a nau pai chu lo tla sela, chhiatna dang erawh chu awm lo sela: chu hmeichhe pasal chuan a ngên zât chu chawitîr ngei tur a ni; tichuan rorêltute ruat ang zât chu a pe tur a ni.
21:23 Amaherawhchu chhiatna dang lo awm sela chuan nun aia nun,
21:24 mit aia mit, hâ aia hâ, kut aia kut, ke aia ke,
21:25 tihkan aia tihkan, hliam aia hliam, vuak aia vuak i tuattîr tur a ni.
21:26 Tin, miin a chhiahhlawh mit emaw a bawihnu mit emaw vuain, lo tichhe ta sela, a mit avâng chuan a chhuahtîr tur a ni.
21:27 Tin, a bâwihpa hâ emaw, a bâwihnu hâ emaw lo vuak balsak sela, a hâ avâng chuan a chhuahtîr tur a ni.
21:28 Tin, sebâwngpain mipa emaw hmeichhia emaw lo sihlum ta sela, chu sebâwngpa chu lunga denhlum ngei tur a ni a, tin, a sa chu ei tur a ni lo va; sebâwngpa neitua erawh chu hrem loh tur a ni.
21:29 Amaherawhchu sebâwngpa chuan tun hma pawhin mi sik lo hmang thîn sela, tin, a neitu chu lo hriattîr tawh bawk sela, nimahsela khung duh chuang lovin, mipa emaw hmeichhia emaw lo sihlum ta sela, chu sebâwngpa chu lunga denhlum tur a ni a, a neitu pawh chu tihhlum bawk tur a ni.
21:30 A tlana tlan turin lo tuk zâwk sela erawh chuan a nunna aiah chuan an tuk zât apiang chu tlan nân pêk tur a ni.
21:31 Mi fapa emaw, mi fanu emaw pawh lo sihlum ni sela, hetiang dân bawk hian rêl tr a ni.
21:32 Sebâwngpain bâwihpa emaw, bâwihnu emaw lo sihlum ta sela, an pu chu tangka sekel sawmthum a pe ang a, tin, sebâwngpa chu lunga denhlum tur a ni ang.
21:33 Tin, miin khuarkhurum chhîn lo hawng sela emaw, miin khuarkhurum lo siam sela emaw, lo chhîn lo sela, sebâwngpa emaw sabêngtung emaw lo tla ta sela,
21:34 chu khuakhurum neitu chuan a rul tur a ni: ani chuan chung ran neitu chu tangka a pe ang a, tichuan anin ran thi chu a ruang a hlâwm ang.
21:35 Tin, mi pakhat sebâwngpain mi sebâwngpa lo sihlum sela, sebâwngpa dam zâwka chu an zuar ang a, a man chu an insem ang: tin, a thia pawh chu an insem ang.
21:36 Sebâwngpa chuan tun hma pawhin mi sîk lo hmang thîn sela, tin, a neitu chuan khung duh si lo sela, sebâwngpa aiah chuan sebâwngpa vek chu a pe ngei ngei tur a ni a, tin, ran thi ruang chu a hlâwm ang.
22:1 Tin, miin sebâwngpa emaw berâm emaw ru sela, tin, talhin emaw lo zuar ta sela, sebâwngpa pakhat aiah chuan sebâwngpa panga a chawi ang a, berâm pakhat aiah chuan berâm pali a chawi ang.
22:2 Rûkru, mi ina lut chu lo manin lo vawhlum ta sela,a thisen chhuah ve tur a ni lo ve.
22:3 Niin a rawn chhuah hnan hman erawh chuan a thisen chhuah ve tur a ni ang: (kimchang takin a pe kîr leh tur a ni; pêk tur a neih loh erawh chuan ruk a ruk avângin amah chu an zuar tur a ni.)
22:4 Rukruin a thil ruk - sebâwngpa emaw, sabêngtung emaw, berâm emaw - a nungin lo la nei rêng sela, a leh hnih a chawi tur a ni.
22:5 Miin lo emaw grep huan emaw lo ei zawhtîr ta sela, a ran chu lo thlah sela, mi lo chu lo pehtîr sela, ama lo tha ber leh, ama grêp huan tha ber chuan a rul leh tur a ni.
22:6 Mei chhuahin hling tawmte emaw lo manin, buhphalte emaw, buh ding lai emaw, lo emaw lo kâng ta vek sela, mei chhuahtu ngeia chuan a rul ngei tur a ni.
22:7 Miin a tangka emaw a bungrua emaw a thenawm vawntîr sela, tin, chu mi in ata chu miin lo ru ta sela, rukru chu an man chuan a leh hnih a chawi tur a ni.
22:8 Rukru chu an man si loh chuan, chu mi in neitupa chu Pathian kiangah va kal sela, a thenawmpa bungrua chu aman a lo lâk a nih leh nih loh va fiah rawh se.
22:9 Bawhchhiatna tawh phawt chu - sebâwngpa thu-ah emaw, berâm thu-ah emaw, silhfen thu-ah emaw, thil êngpawh bo chungchang thu-ah rêng rêng - miin, hei chu ka ta a ni, lo ti ta sela, an pahniha thubuai chu Pathian hnênah thlen tur a ni; Pathianin thiam loh a chantîr zâwk apiang chuan a thenawmpa lakah chuan a leh hnih a chawi ang.
22:10 Miin sabêngtung emaw, sebâwngpa emaw, berâm emaw, ran engpawh a thenawmpa lo enkawltîr sela; tin, lo thiin emaw, lo silin emaw, suamin emaw lo awm sela, tuman hmu si suh sela,
22:11 ani chuan a thenawmpa ran chu a khawih leh khawih loh thu-ah, an pahnih karah chuan LALPA hming chhâlin chhia a chham tur a ni; tichuan a neitu chuan chu chu a lo pawm ang a, ani chuan a rûl lo vâng.
22:12 Amaherawhchu ruksak ngei a nih chuan a neitu chu a rul tur a ni.
22:13 Sain seh sela, a them chu hriattîr nân rawn kêng rawh se; chu mi sa seh ai chu a rul tur a ni lo.
22:14 Miin a thenawmpa ran lo hawhsak sela, lo silin emaw lo thi emaw ta sela, tin, a neitupa chu awm lo sela, a rul ngei tur a ni.
22:15 A neitupa chu a awm ve rêng erawh chuan a rul tur a ni lo: man neia hawh a nih erawh chuan an inhawh dan dana thu a ni ang.
22:16 Miin nula, nupuia la hual loh chu lo thlemin lo mutpui sela, a man pein a nupui atân a nei ngei tur a ni.
22:17 A pain a neihtîr phal lul loh chuan nula man zah sum chu a pe rêng rêng tur a ni.
22:18 Dawithiamnu rêng rêng i zuah tur a ni lo.
22:19 Tupawh ran mutpui apiang chu tihhlum ngei tur a ni.
22:20 Tupawh LALPA hnênah chauh tih loh, pathian dang rêng rêng hnêna inthawi chu tihboral hlauh tur a ni.
22:21 Hnam dang i sawisa tur a ni lo va, i hnehchhiah tur a ni hek lo: nangni pawh Aigupta ramah khân hnam dang in nih kha.
22:22 Hmeithai emaw fahrah emaw in tirethei tur a ni lo.
22:23 Anmahni chu in tiretheih vaih a, mi rawn auh phawt chuan, an mi auhna aw chu ka lo ngaithla ngei ang a;
22:24 tichuan ka thinur chu a ling phut mai ang a, khandaihin ka rawn tihlum ang che u a; tin, in nupuite chu hmeithai an ni ang a, in fate pawh fahrahin an awm mai ang.
22:25 Ka miteho zînga mi in hnêna awm retheite tangka i puktîr chuan i leibatu angah i ngai tur a ni lo va; a lakah a pung i phut tur a ni hek lo.
22:26 I thenawm silhfên chu lo hrênsak ta ang la, ni tlâk hmain i pe leh tur a ni:
22:27 inthuam nâna a neih chhun a ni a, a taksa tihlum nâna a puan a ni si a: êng sinin nge a mut ang? Tin, heti hi a ni ang a, mi rawn auh chuan ka lo ngaithla ngei ang a; kei zawng mi khawngaih thei tak ka ni si a.
22:28 Pathian chu i hau tur a ni lo va, i mite zînga rorêltute chu ânchhia i lawh tur a ni hek lo.
22:29 I thlai thar hmasa ber leh i uain tui tla hmasa ber chu i hlân var tûr a ni. I fapa upa ber chu mi pe tur a ni.
22:30 Chutiang bawkin i sebâwngpate leh i berâmte pawh chu i ti tur a ni: ni sarih chu a pui hnênah a awm ang a, a ni riat nî chuan mi pe tur a ni.
22:31 Tin, ka tân mi thianghlim in ni tur a ni: chuvângin rama sa seh rêng rêngte chu in ei tûr a ni lo va; ui hnênah in teh mai tur a ni.
23:1 "Thuthang dik lo chu I sawi chhâwng mai mai tûr a ni lo ve: hretu fel lo tak nihna tûrin mi suaksual zîngah chuan I kut chu telh ve suh.
23:2 Thil sual tih tumin mipui chu I zui tûr a ni lo va; thubuaiah pawh a tam lam, a dik lo zâwk lamah chuan I tang ve mai tûr a ni hek lo:
23:3 mi rethei pawh a thubuaiah I tan bîk tûr a ni hek lo.
23:4 I hmêlma sebâwngpa emaw a sabengtung emaw bo I hmuh chuan, a hnênah I khalh hâwnsak leh ngei tûr a ni.
23:5 Nangmah hawtu che sabengtung a phurin a delh beh reng I hmuhin, puih duhna rêng nei lo mah la, I pui ngei tûr a ni.
23:6 I mi rethei chu a thubuaiah dik lo takin I rêlsak tûr a ni lo.
23:7 Thu dik lovah zawng inthiarfihlim daih rawh; tin, mi thiam leh mi felte chu tihlum suh; mi suaksualte chu thiam ka chantîr dâwn si lo va.
23:8 Tin, thamna rêng rêng I la tûr a ni lo: thamna chuan khaw hmu lai mitte hi a tihdelsak thîn a, mi fel thu chu a tihkhawlohsak thîn.
23:9 Hnam dang I hnehchhiah tûr a ni lo: nangni pawh Aigupta ramah khân hnam dang in lo nih tawh avângin hnam dang rilru put dân chu in hre si a.
23:10 Kum ruk chhûng chu I lovah buh tuh tûr a ni a, chuta a hâwng apiang chu khung zêl tûr a ni:
23:11 a kum sarih kum erawh chuan awmtîr la, dah tui rawh; tichuan I mi retheiten an ei ve thei ang a; tin, an lâk bâng awm apiang chu ram saten an ei ve dâwn nia. Chuvtiang bawkin I grêp huan leh I oliv huan pawh I ti ve bawk tûr a ni.
23:12 Ni ruk chhûngin I hna I thawk tûr a ni a, a ni sarih nî chuan I chawl rih tûr a ni: tichuan I sebâwngpa emaw I sabengtung emaw an lo châwl thei ang a, I bâwihnu fapate leh I hnam dangte pawh an lo hahdam ve thei dâwn nia.
23:13 Tichuan in hnêna ka sawi zawng zawng hi ngaihven ula: pathian dangte hming rêng rêng chu lam suh u, in kâ atangin chhuah pawh chhuak suh se.
23:14 Kum khatah vawi thum ka tân kût I nei tûr a ni.
23:15 Chhang dawidim telh loh kût I nei tûr a ni. Thu ka lo pêk tâk che ang khân, ni sarih chhûng chu chhang dawidim telh loh Abib thlaa hun ruatah khân I ei tûr a ni, (kha mi thlain a nih kha Aigupta ram ata I lo chhuah:) tichuan ka hmaah tumah hi kut ruakin in lo kal tûr a ni lo:
23:16 tin, lova I tuh, I thawhrim rah hmasa ber, buhseng k_t chu I nei tûr a ni: tin, kum ral veleh lovah I thawhrim rahte I khung vek hnuin pâwl kût I nei tûr a ni.
23:17 Kum khatah vawi thum I mipate zawng zawng chu LALPA Pathian hmaah an rawn inlan thîn tûr a ni.
23:18 Ka tân inthawina sa thisen chu chhang dawidim telh nên chuan I rawn hlân tûr ani lo; ka tân kûtna sathau chu zankhuain atûk thlengin awmtîr reng tûr a ni hek lo.
23:19 I lovah thlai thar hmasa ber chu LALPA I Pathian inah I rawn dah tûr a ni. Kêl no sa a pui hnutetuiin I chhûm tûr a ni lo.
23:20 Ngai the, kawnga vêng zêl tûr che leh hmun ka buatsaihah chuan hruai lût tûr chein I hmaah vântirhkoh ka rawn tîr dâwn e.
23:21 Ama zai ngai zêl ulangin, a thusawi pawm thîn ang che u; a chungah hel suh u: inbawhchhiatnate chu a ngaidam duh dâwn si lo va; amahah chuan ka hming a awm a nia.
23:22 Amaherawhchu a thusawi I pawmsak tak meuhva, ka sawi apiang I tih zêl chuan I hmêlmate hmêlma chu ka ni ve, ang a, I dote dova chu ka ni ve ang.
23:23 Ka vântirhkoh chuan I hma a hruai zêl ang a, Amor-hote, Hit-hote, Periz-hote, Kanaan-hote, Hiv-hote, Jebus-hote awmnaah chuan a hruai ang che: anni chu ka tiboral daih dâwn e.
23:24 An pathiante chu chibai I bûk tûr a ni hek lo va, an rawng I bâwl tûr a ni hek lo, an thiltih angte chu I ti ve tûr a ni hek lo, I tichimit vek tûr a ni a, an lungphunte chu I tikeh sawm vek zâwk tûr a ni.
23:25 Tin, LALPA in Pathian rawng chu in bâwl tûr a ni, tichuan I chhang leh I tui chu mal a sâwm ang a; tin, in zîng ata hri ka tikiang daih dâwn nia.
23:26 I ram chhûngah hian nau chhiat leh ching rêng an awm lo vang a: I dam chhûng nite chu ka tihtlingtlâksak ang che.
23:27 I hmaah chuan ka tihbaihna ka tîr ang a, I kalna tûr rama mite zawng zawng chu ka 0timangang ang a, tichuan I hmêlmate zawng zawng chu I hmaah ka tlânchhiattîr ang.
23:28 Tin, I hmaah khawinghal ka tîr ang a, chu chuan Hiv-hote, Kanaan-hote, Hit-ho te I hmaah chuan a ûm zêl ang.
23:29 Kum khata chhûng mai chuan ka hnawhchhuahsak lo vang che; chutilozawng ram chu a lo tiau mai ang a, ram sate chu I tân a lo tam lutuk dah ang e.
23:30 I lo puna ram chu I luah khah hma chuan zawi zawiin ka hnawhchhuahsak hret hret zâwk ang che.
23:31 I ramri chu Tuifinriat Sen atanga Philistia-ho tuipui thlengin, tin, thlaler atanga Lui thlengin ka khamsan ang che: chu mi rama awmte chu in kutah ka pe dâwn si a; tihchuan anmahni chu I hnawtchhuak tûr a ni.
23:32 An hnênah thu I thlung tûr a ni lo ve, an pathiante hnênah pawh I thlung tûr a ni hek lo.
23:33 I ram chhûngah an awm tûr a ni lo, chutilozawng ka chungah hian an sualtîr dah ang che: an pathiante rawng I bâwl vaih zawngin I tân thang a ni ngei dâwn a ni,' tiin," a ti a.
24:1 Tin, ani chuan Mosia hnênah, "Nang nên, Arona nên, Abihua nên, Israel upa sawmsarih nên LALPA hnênah lo chho ula, ralkhat atangin chibai rawn bûk ang che u:
24:2 tin, Mosia chu amah chauhvin LALPA hnênah lo kal sela; anniho erawh chu lo kal hnai suh se, mipuite pawh a hnênah chuan lo chho suh se," a ti a.
24:3 Tichuan Mosia chu a zuk kal a, LALPA thu zawng zawng leh rorêl dân tûr zawng zawngte chu mipui hnênah a zuk sawi a: tin, mi zawng zawng chuan, "LALPA sawi zawng zawngte chu kan ti ang e," tiin arualin an chhâng dual dual a.
24:4 Tin, Mosia chuan LALPA thu zawng zawng chu a ziak vek a, tin, atûk zîng takah a tho va, tlâng bulah chuan maichâm a siam a, tin, lungphun sâwm leh hnam hnih zâtin a phun bawk a.
24:5 Tin, Isreal thlahte zînga tlangvâlte chu a tîr a, chu mite chuan LALPA tân hâlralathilhlante an hlân a, tin, remna inthawiin sebâwngpatein an inthawi bawk a.
24:6 Tin, Mosia chuan chûng thisen zâtve chu a la a, maihûnahte a dah a; tin, thisen zâtve dang chu maichâmah a theh a.
24:7 Tin, thuthlunna bu chu a la a, mipuite hriatah chuan a chhiar a: anni chuan, "LALPAN a sawi zawng zawngte chu kan ti zêl ang a, mi tihâwih tak kan ni zêl ang," an ti a.
24:8 Chutichuan Mosian thisen chu a la a, mipuite chu a theh a, "Ngai the u, LALPAN hêng thu zawng zawng chungchâng thua in hnêna thu a lo thlun tawh, thuthlunna thisen a nih hi," a ti a.
24:9 Chutichuan Mosia leh Arona leh Nadaba leh Abihua leh Israel upa sawmsarihte chu an han chho va:
24:10 Israela Pathian chu an han hmu a; tin, a kephah hnuai chu sapphir lungrem ang mai, a thianzia chu vân thiang vek ang mai hi a ni a.
24:11 Tin, Israela thlahte zînga mi lianhote chungah chuan a kut a thlâk lo: tichuan Pathian chu an hmu a, an eiin an in hlawm a.
24:12 Chutichuan LALPA chuan Mosia hnênah, "Tlângah hian ka hnênah lo chho la, lo awm rawh; tichuan mipuite I zirtîr atâna lungphêka dân leh thupêk ka ziak chu ka lo pe ang che," a ti a.
24:13 Tin, Mosia leh a rawngbâwltu Josua chu an tho va: tin, Mosia chu Pathian tlângah chuan a han kal a.
24:14 Tin, ani chuan upate hnênah huan, "In hnêna kan lo kal hma chuan hetah hian min lo nghâk reng ang che u: ngai the u, Arona leh Hura in hnêna an awm hi: tupawhin thubuai eng emaw in neih chuan an hnênah hian in lo kal thîn dâwn nia," a ti a.
24:15 Chutichuan Mosia chu tlângah chuan a han chho va, tin, chhûmin tlâng chu a chîm ta hmur a.
24:16 Tin, LALPA ropuina chu Sinai tlângah chuan a awm reng ta reng a, chhûm huan ni ruk chhûng chu a chîm a: tin, a ni sarih nî chuan chhûm atangin Mosia chu a han ko va.
24:17 Tin, Israela thlahte mithmuhah chuan LALPA ropuina lan dân chu tlâng chhîpa thil kanralhmang mei ang mai a ni a.
24:18 Tin, Mosia chu chhûm zîngah chuan a va lût a, tlângah chuan a han lâwn a, tin, Mosia chu tlângah chuan ni sawmli leh zan sawmli a han awm a.
25:1 Tin, LALPAN Mosia chu a bia a,
25:2 "Israela thlahte hnênah thu va sawi la, ka hnênah thil rawn hlân rawh se: an thinlunga châk taka pe apiangte pêk chu ka tâna thilhlanah in la tûr a ni.
25:3 Hêngte hi a ni an hnên atanga hlan tûra in lâk tûrte chu: rangkachak te, tangka te, dâr te,
25:4 la dum pâwl te, sen duk te, sen lâr te, la zai sîn te, kêl hmul te,
25:5 tin, berâmpa vun chhum sen te, savun tha chi vun te, thingri thing te;
25:6 khâwnvâr atân hriak te, hriak thih mi atn leh hâl tûr rimtui tak atân englo rimtui te,
25:7 puithiam kawr leh kawr âwma zeh tûrin onukion-te leh lunghlute nên.
25:8 Tin, hmun thianghlim mi siamsak rawh se, an zînga ka chên ve theih nân.
25:9 Biak bûk lem leh a chhunga bungrua tûr zawng zawng lem ka entîr ang chiah che hian in siam tûr a ni.
25:10 Tin, thingri thingin bâwm siam sela: a dung lam chu tawng hnih leh a chanve ni sela, a vâng lam chu tawng khat leh a chenve ni sela, a sân lam chu tawng khat leh a chanve ni rawh se.
25:11 Tin, rangkachak hlîr hlak tîin I luan tûr a ni a, a chhûng leh a pâwn I luan tûr a ni a, tin, rangkachakin a tlâng I kâwm tûr a ni.
25:12 Chu mi atân chuan rangkachak khâng pali I chhûng t1r a ni a, a ke paliah chuan vuah vek tûr a ni; chu mi khâng pahnih chu a lehlamah vuah tûr a ni a, tin, khâng pahnih chu a lehlamah vuah tûr a ni.
25:13 Tin, thingri thing zâwnfungahte I siam tûr a ni a, rangkachak tîin luan tûr a ni.
25:14 Tin, bâwm chu zâwn theih tûrin a panga khângah chuan zâwnfungte chu I rawlh tûr a ni.
25:15 Chu bâwma khângah chuan zâwnfungte chu a invuah reng tûr a ni: phawi chhuah hlek tûr a ni lo ve.
25:16 Tin, bâwm chhûngah chuan thuhriattîrna ka la pêk tûr che chu I dah tûr a ni.
25:17 Tin, rangkachak hlîr hlakin zahngaihna thutphah I siam tûr a ni: a dung lam chu tawng hnih leh a chanve ni sela, a vâng lam chu tawng khat leh a chanve ni rawh se.
25:18 Tin, cherub pahnih rangkachakin I siam tûr a ni; zahngaihna thutphah hmâwr ve vea mi chu a chherin I chher tûr a ni.
25:19 A hmâwr lehlamah cherub pakhat siam la, a hmâwr lehlamah cherub pakhat siam bawk ang che: zahngaihna thutphah nêna inbelhbawm khâwm vekin a hmâwr ve ve a cherub pahnih chu in siam tûr a ni.
25:20 Tin, cherub-te chu inhmatawna zangaihna thutphah chu an thlaa hliapin, an thlate chu zâr duai tûr a ni; zangaihna thutphah lam chu cherub-te chuan an hawi ve ve tûr a ni.
25:21 Tin, bâwm chungah zahngaihna thutphah chu I dah tûr ani a, tin, bâwm chhûngah chuan thuhriattirna ka la pêk tûr che chu I dah tûr a ni.
25:22 Chutah chuan I hnênah ka lo kal ang a, tin, thuhriattîrna bâwm chunga cherub pahnih inkâr, zangaihna thutphah chung lam atangin Israel mite thu ka pêk tûr apiang chungchûng thuah chuan ka rawn be thîn ang che.
25:23 Tin, thingri thingin dawhkân I siam tûr a ni: a dung lam chu tawng hnih ni sela, a vâng lam chu tawng khat ni sela, a sân lam chu tawng khat leh a chanve ni rawh se.
25:24 Tin, chu chu rangkachak hlîr hlak tîin luan tûr a ni a, tin, rangkachakin a tlâng I kâwm tûr a ni.
25:25 Tin, kutphah bawka hlaiin a kâwm I siam tûr a ni a, tin, a kâwm chu rangkachakin a tlâng I kâwm leh tûr a ni.
25:26 Tin, chu mi atân chuan rangkachak khâng chu dawhkân pali I siam tûr ani a, tin, chu mi khâng chu dawhkân ke pali kil theuhvah chuan vuah tûr a ni.
25:27 Dawhkân chu zâwna, a zâwnfung chu rawlh theih tûrin khângte chu dawhkân a kâwm sia vuah tûr a ni.
25:28 Tin, dawhkân chu zâwn theih nân zâwnfungte chu thingri thingin I siam tûr a ni.
25:29 Tin, chu mi atân chuan thlêngte, note, a uain th6wlte, a bun chhuahna tûr berhbute I siam tûr a ni: chûng chu rangkachak hlîr hlakin I siam tûr a ni.
25:30 Tin, dawhkânah chuan ka hmaah chhangdah I hlui fo tûr a ni.
25:31 Tin, khâwnvâr dahna rangkachak hlîr hlakin I siam tûr a ni: chu mi khâwnvâr dahna chu a ngul bul leh angul chu chher tûr ani; a note, a parfungte, a pârte nên chuan inzawm vek tûr a ni:
25:32 tin, a sîrahte chuan pêng paruk lo pêng chhuak sela; khâwnvâr dahna ngul sîr lehlamah chuan pêng pathum awm sela, tin, khâwnvâr dahna ngul sîr lehlamah chuan pêng pathum awm bawk rawh se:
25:33 a leh lampang pêngah chuan vai umkhal kuhmûm ang no pathum, a pârfung leh a pâr I siam tûr a ni; tin, a leh lampang pêngah pawh vai umkhal kuhmûm ang no pathum, a pârfung leh a pâr I siam tûr a ni: chutiang chuan khâwnvâr dahna pêng paruk atân I siam tûr a ni;
25:34 tin, khâwnvâr dahna ngulah chuan no pali, vai umkhal kuhmûm anga siam, a pârfung leh a pârte a awm tûr a ni;
25:35 tin, chu mi inzawm vek pêng pahnih hnuaiah chuan pârfung awm sela, tin, chu mi inzawn vek pêng pahnih hnuaiah chuan pârfung awm sela, khâwnvâr dahna ngula pêng parukah chuan awm vek tûr a ni.
25:36 Chûng a pârfungte leh a pêngte chuan a zawm vek tûr a ni a: apum chuan rangkachak hlîr hlaka chher tûr a ni.
25:37 Tin, chu mi atân khânvâr pasarih I siam tûr a ni: tichuan khawnvarte chu an dah ang a, a hma zâwnte chu a ên theih nân.
25:38 Tin, chu mi atâna hman tûr chaichehte leh meivap dahnate chu rangkachak hlîr hlak a ni tûr a ni.
25:39 Chu mi khâwnvâr dahna leh a hmanrua tûr zawng zawng siam nân chuan rangkachak hlîr hlak talent khat I hmang tûr a ni.
25:40 Tichuan tlânga a lem ka entîr ang chiah che khân engkim I siam tûr a ni tih hre reng rawh khai.
26:1 "Tin, biak bûk, puanzâr sâwm neiin i siam bawk tur a ni; la zai sîn tak kawp, dum pawl te, sen duk te, sen lâr te hmangin cherub lemte thiam taka siam chuantîrin i siam tur a ni.
26:2 Puanzâr chu a sei lam tawng sawm hnih leh tawng riat theuh a ni ang a, puanzâr chu a hlai lam tawng li theuh a ni ang: puanzâr zawng zawng chu inchen vek tur a ni.
26:3 Puanzâr pangate chu inzawm tur a ni a; tin, puanzâr panga vêkte pawh chu inzawm bawk tur a ni.
26:4 Tin, puanzâr zawm khat hmawrtawng ber tlângah chuan a beng a dum pawlin i siam tur a ni a, chutiang bawkin puanzâr zawm lehlam hmawrtawng ber tlângah chuan i siam bawk tur a ni.
26:5 Puanzâr pakhatah chuan beng sawmnga i siam tur a ni a, tin, zawm khat puanzâr tlângah pawh chuan beng sawmnga i siam bawk tur a ni a; chûng bengte chu a inep thiah tur a ni.
26:6 Tin, rangkachak chilhbehnate sawmnga i siam tur a ni a, a chilhbehnate chuan puanzârte chu i chilh bet tur a ni a: tichuan biak bûk chu pindan pakhat a lo ni tur a ni.
26:7 Tin, biak bûk chung khuh nân kêl hmul puanzârte i siam tur a ni: puanzâr sâwm leh pakhat i siam tur a ni.
26:8 Puanzâr chu a sei lam tawng sawmthum theuh a ni tur a ni a, tin, puanzâr chu a hlai lam tawng li theuh a ni tur a ni: puanzâr sâwm leh pakhatte chu inchen vek tur a ni.
26:9 Tin, puanzâr pangate chu i thui zawm vek tur a ni a, tin, puanzâr paruk pawh chu thui zawm bawk tur a ni a, puan in hma lama puanzâr a parukna chuan a khuh tur a ni.
26:10 Tin, puanzâr zawm khat tlângah chuan beng sawmnga i siam tur a ni a, tin, puanzâr zawm lehlam tlângah pawh chuan beng sawmnga siam bawk tur a ni
26:11 Tin, dar chilhbehna sawmnga i siam tur a ni a, tin, chu mi chilhbehna chu puan tlanga a bengah chuan vuah tur a ni a, puan in chu chilh zawm vek tur a ni; pindan pakhat a lo nih theih nan.
26:12 Puan in puanzâr uai thla la chuang, a zatve la chuang chu biak buk kawmcharah a uai thla tur a ni.
26:13 Tin, puan in puanzâr a dung lam hmawr tuak ve vea tawng khat ve ve la chuanga chu biak buk bang lehlam lehlam khuh nân a uai thla tur a ni.
26:14 Tin, berâmpa vun chhum senin puan in chung khuhna te, savun tha chi vunin a chunga khuh lehnate i siam tur a ni.
26:15 Tin, biak bûk ban rem khâwm turte chu ngil taka dingin thingri thingin i siam tur a ni.
26:16 Tin, ban rem khâwm sei lam chu tawng sâwm ni sela, tin, a vâng lam chu tawng khat leh a chanve ni theuh rawh se.
26:17 Ban rem khâwm tinah chuan ke pahnih inzawmin a awm tur a ni: chutiang chuan biak bûk ban rem khâwm zawng zawng chu i siam tur a ni.
26:18 Tin, biak bûk atân ban rem khâwm chhim chhawng chhim lampang atân chuan ban rem khâwm sawmhnih i siam tur a ni.
26:19 Tin, chu mi ban rem khâwm sawmhnih nghahchhan atân chuan tangkaraw tlâng kerkuak sawmli i siam tur a ni; a ke pahnih atân ban rem khâwm pakhat nghahchhan kerkuak pahnih i siam tur a ni:
26:20 tin, biak bûk sîr lehlam hmâr chhawng lam atân ban rem khâwm sawmhnih i siam tur a ni:
26:21 Chûng atân chuan tangkaraw tlâng sawmli kerkuak nên, ban rem khâwm pakhat atân nghahchhan kerkuak pahnih keh, ban rem khâwm dang pakhat atân nghahchhan kerkuak pahnih i siam bawk tur a ni.
26:22 Tin, biak bûk kawmchar khawtlâng chhawng lam atân chuan ban rem khâwm paruk i siam tur a ni.
26:23 Tin, biak bûk kawmchar kil ve ve atân chuan ban rem khâwm pahnih i siam tur a ni.
26:24 Tin, a hnuai lamah chuan thlâwp tur a ni, chutiang bawkin a chhîp lam khâng hmasa ber thlengin tih vek tur a ni: chutiang chuan a pahnih chuan tih ve ve tur a ni; chûng chu a kil pahnih atân a ni tur a ni.
26:25 Tin, ban rem khâwm pariat, a nghahchhan tur tangkaraw tlâng kerkuak sâwm leh paruk nên a awm tur a ni; ban rem khâwm pakhat atân nghahchhan kerkuak pahnih zêl.
26:26 Tin, thingri thingin bangrel, biak bûk bang lehlam ban remkhâwm atân panga, biak bûk bang lehlam ban rem khâwm atân panga,
26:27 tin, biak bûk kawmchâr khawthlang chhawng lam ban rem khâwm atân pawh panga i siam tur a ni.
26:28 Tin, bangrel laita, ban rem khâwm lai taka mi chuan ban rem khâwm hmâwrtawng ber atangin a lehlam hmâwrtawng ber thlengin a thil tlâng tur a ni.
26:29 Tin, ban rem khâwmte chu rangkachak tîin i luan tur a ni a, tin, bangrelte thil nân rangkachak khângte i siam tur a ni: tin, chûng bangrelte chu rangkachak tîin i luan bawk tur a ni.
26:30 Chutichuan tlânga ka entîr dân ang chiah che khân biak bûk chu i sa tur a ni.
26:31 Tin, puanzâr tur la zai sîn tak kawp te, a dum pawl te, a sen duk te, a sen lârte hmangin cherub lemte mi thiam tak siam chuantîrin i siam tur a ni.
26:32 Chu chu thingri ban pali rangkachak tîa luanah chuan i zâr tur a ni, a bânna chu rangkachaka siam tur a ni, tin, tangkaraw tlâng kerkuak palia inphun tur a ni.
26:33 Tin, chu mi puanzâr chu puanzâr chilhbehnate hnuai lamah chuan i zâr a ni a, tin, chu mi puanzâr chhûng lamah chuan thuthlunna bâwm chu i dah lût tur a ni: tichuan puanzâr chuan hmun thianghlim leh hmun thianghlim ber chu a daidansak dâwn che u nia.
26:34 Tin, zahngaihna thutphah chu hmun thianghlim berah thuthlunna bâwm chhûngah chuan i dah tur a ni.
26:35 Tin, puanzâr pâwn lamah chuan dawhkân i hûng tur a ni a, tin, biak bûk chhim chhawng lam dawhkân epah chuan khâwnvâr dahna i hûng tur a ni: tichuan dawhkân chu hmar lampangah chuan i dah tur a ni.
26:36 Tin, Puan in kawngkâa zâr tur la zai sîn tak kawp te, a dum pawl te, a sen duk te, a sen lâr te hmangin, puan zeh mawi thiam taka zeh nên i siam tur a ni.
26:37 Tin, puanzâr zârna tur chuan thingri ban panga i siam tur a ni a, chûng chu rangkachak tîin i luan tur a ni; a bânnate chu rangkachaka siam tur a ni: chûng hûnna atân chuan dâr tlâng kerkuak panga i chhûng tur a ni.
27:1 Tin, thingri thing mâichâm, a dung lam tawngnga in i siam tur a ni; chu maicham chu kil li tur a ni: tin, a sanlam chu tawng thum tur a ni.
27:2 Tin, a kil li chhipahte chuan a kite i siam tur a ni: maicham nen chung a kite chu a inzawm vektu a ni.
27:3 Tin, meivap ruh chhuahna bel te, vutlawhna te, maihun te, sa thurna tur thirkawm te, mei lakna te i siam tur a ni: chung hmanrua zawng zawng chu darin i siam tur a ni.
27:4 Tin maichâm a tân chuan dâr lên i siam tur a ni; tin, chu mi lên chung, a kil liah te chuan dâr khâng pali i siamtur a ni.
27:5 Tin, chu chu maichâm dawhzâwl hnuai lam vel chuan i dah tur a ni, chu lên chuan maichâm chane chu a han thlen theih nân.
27:6 Tin, maichâm atân zâwnfung, thingri thing zâwnfung te i siam tur a ni a, chûng chu dâr tuiin iluan tur a ni.
27:7 Tin, chûng zâwnfungte chu chu khângah te chuan thawn luh tur a ni a, tichuan zâwnfungte chu a zâwnna turin maichâm sir pahnihah chuan a awm ve ve tur a ni.
27:8 Maichâm chu thingphela chhungin a kawrawngin i siam tur a ni: tlânga ka entîr ang chiah che khân an siam tur a ni.
27:9 Tin, biakbûk hung chhûng kawtlai i siam tur a ni: chhim chhawng chhim lampangah chuan, a sîr lehlam a tân a hung chhûng kawtlaia puanzar tur te, la zai sîn tak kawpa siam tawng zaa sei awm tur a ni:
27:10 chumi a tân chuan ban sawmhnih leh, dâr tlâng kerkuak sawmhnih a awm tur a ni; bana a bânnate leh a zârfungte chu tangkarua a ni tur a ni.
27:11 Tin, chutiang bawkin, hmârchhawng lampang dung lam puanzâr zâr turte chu tawng zaa sei awm tur a ni a, tin, chu mi atân chuan ban sawmhnih leh, dâr tlâng kerkuak sawmhnih a awm tur a ni.
27:12 Tin, a khawthlang lampang hung chhûng kawtlai vâng lam puanzâr tur te chu tawng sawmnga a sei awm tur a ni: a ban sâwm leh a nghahchhan keruak sâwm nên.
27:13 Tin, khawchhak lam chhawng, chhak lampang hung chhûng kawtlai vânglam chu tawng sawmngaa sei tur a ni.
27:14 Kawngka sîr eh lama puanzâr zâr turte chu tawng sâwm leh sawmngaa sei a ni tur a ni: a ban pathum leh a nghahchhan kerkuak pathum a awm tur a ni.
27:15 Tin, kawngka sîr leh lama puan zâr zârturte chu tawng sâwm leh tawng ngaa sei a ni tur a ni: a ban pathum leh a nghahchhan kerkuak pahtum a awm tur a ni.
27:16 Tin, a hung chhûng kawtlai kawngkaa zâr tur tawng sawmhnih a sei, la zâi sîn tak kawp te, a dumpawl te, a senduk te, a sen lârte hmangin, puan zehmawi thiam tak zeh nên a awm tur a ni: a ban pali leh a nghahchhan kerkuak pali a awm tur a ni.
27:17 A hung chhûng kawtlai ban zawng zawng te chu tangkarua zemchhuah vek tur a ni a; a bânna te chu tangkarua a ni tur a ni a, a nghahchhan kerkuak te chu dâr a i tur a ni.
27:18 A hung chhûng kawtlai ding lam chu tawngzâ ni sela, tin, a vânglam chu tang sawmnga ni sela, tin, a sânlam chu tawng nga ni sela, la zai sîn tak kawp a chhung i sela, tin, a nghahchhan kerkuak te chu dâr tlâng ni rawh se.
27:19 Biak bûk sak na zawng zawnga a hmanraw thil zawng zawng te leh, a hung chhûng kawtlai kilhbehna zawng zawng te chu dâr ek a i tur a ni.
27:20 Tin, khwnvâr chu eng lai pawh a dah fo thin a nih theih nân olive hriak fîm taka sâwr, chhit a tân i hnenah rawn la thîn turin Israela thlah te chu thu i pe tur a ni.
27:21 in biakna puan in chhûngah, thuhriattir dahna bula puanzâr pâwn lamah chuan Arona leh a fapaten LALPA hmaah chuan tlai atangin a tûk thlengin an buatsaih thîn tur a ni:hei hi Israel a thlahte tân kumkhuain an thlah te thleng pawhin thuruat ngheh tlat a ni tur a ni.
28:1 Tin, nangin i u Arona leh a fapa te chu Israel a thlahte zîng ata i hnenah hruai ang che, ani chuan puithiam rawngbâwl hna chu ka tân a thawh theih nân, Arona te, Arona fapa Nadaba ten Abihua te, Eleazara te, Ithamara te nên chuan.
28:2 Tin, i u Arona tân silhfen thianghlim, tiropuitu a tân leh timâwitu a tân i siam tur a ni.
28:3 Tin, mi themthiamho, finna thlarauva ka tihkhah zawng zawng te chu nangin bia la, Arona chuan puithiam rawngbâwlhna chu ka tân a thawh theihna tura tihthianghlima a lo awm theih nân a silhfente chu siamsak rawh se.
28:4 Tin, hengte hi a ni silhfên atâna an siam turte chu; âwmbel nên, puithiam kawr nên, kawrfual nên, kawrzeh mawi nên,puithiam lukhum leh kawnghren nên: tin, i u Arona leh a fapa te chuan puithiam rwngbawl hna chu ka tân an thawh theih nân silhfen thianghlim an siamsak tur a ni.
28:5 Tin, rangkachak zai te, la dum pawl te, sen duk te, sen lâr te, la zai sin tak kawp te nên an la tur a ni.
28:6 Tin, puithiam kawr chu rangkachak zai te, la dum pawl te, sen duk te, sen lâr te, la zai sìn tak kawpte hmangin, mi themthiam takin a buatsaih angin an siam tur a ni.
28:7 Tin, chu mi kawr hmawr hmalam leh hnung lama thui belhbawm, dârbak pahnih neihtìr tur a ni; a in zawm tlat theih na turin.
28:8 Tin, kawr chunga kâwnghren tur themthiam taka tah, chumi kawr chi bawk tluan khat vek hman tur a ni; chu chu rangkachak zai nên, la dum pawl nên, sen duk nên, sen lâr nên, la zai sìn tak kawp nêna tah tur a ni.
28:9 Tin, onukion lung pahnih i la tur a ni a, chutah chuan Israela thlah te hming i chuantìr tur a ni:
28:10 lung pakhat ah chuan an hming paruk, tin, lungdang pakhat ah chuan a la awma te paruk hming chu an piandân ang zêlin i chuan tìr tur a ni.
28:11 Hming nemnaa chuang, lunga ziak thiam miin a ziak thin ang hian Israela thlahte hming ang zêlin lung pahnih ah chuan i ziak tur a ni.
28:12 Tin, chu mi lung pahnih chu Israela thlah te hriatrengna lung atân puithiam kawr dârbakah chuan i bel tur a ni: ti chuan Arona chuan hriatrengna turin LALPA hmaah an hmingte chu a koki khing hnihah chuan a bât ang.
28:13 Tin, rangkachak zaite i phiar tur a ni a:
28:14 rangkachak hlîr hlak khaidiat pahnih nên; hruihrual anga herhin i siam tur a ni: tin, chu mi khaidiat herhte chu phiarah chuan i zawm tur ni.
28:15 Tin, rorêlna âwmbel, mithiam tak siam ang i siam tur a ni; puithiam kawr siam ang khân i siam tur a ni; rangkachak zai te, a dum pawl te, a sen duk te, a sen lâr te, la zai sîn tak kawpte hmangin i siam tur a ni.
28:16 Kil li neia siama thuah tur a ni; a dunglam khâpkhat, a vânglam pawh khapkhat bawk tur a ni.
28:17 Tin, chutah chuan lunghlu, lunghlu tar li i zep tur a ni: tlar khat na chu sardion te, topazion te,smarangdos te;
28:18 tin, tlar hnih na chu anthraks te, sappheiros te, sordonuks te,
28:19 tin, tlar thumna chu huakintos te, akates te,amethustos te,
28:20 tin, tlar lina chu berullos te, onukion te, laspis te a ni tur a ni: rangkachak ah chuan phûm thêt tur a ni.
28:21 Tin, lung te chu Israela thlah te hming ang zêlin, hnam sâwm leh hnam hnihte tân chuan a ni tur a ni:
28:22 Tin, âwmbel chuah chuan hruihrual ang khaidiat te, rangkachak hlirhlak herh i siam tur a ni a.
28:23 Tin, âwmbel chhûngah chuan rangkachak khâng pahnih i siam tur a ni a, tin, chu mi khang pahnih chu âwmbel tlâng hmâwr vê vê ah chuan i vuah tur a ni.
28:24 Tin, rangkachak khaidiat herh pahnih chu âwmbel tlâng hmâwr vê vêa khâng pahnihah chuan i thlung tur a ni.
28:25 Tin, khaidiat herh hmâwr lehlam pahnihte chu rangkachak zai phiar pahnih ah chuan i zawm tur a ni a, chu chu puithiam kawr hmalama dârbakah chuan i thlung tur a ni.
28:26 Tin, rangkachak khâng pahnih i siam tur a ni a, chûng chu âwmbel kil pahnih, puithiam kawrdep chhûng lampangah chuan i vuah tur a ni.
28:27 Tin, rangkachak khâng pahnih i siam tur a ni a, chûng chu a hmalama puithiam kawr dârbakna pahnih hnuai lampang, a inzawm na lai vêl, puithiam kawr hrênna themthiam taka tah chhûng lamah chuan i vuah tur a ni.
28:28 Tin, puithiam kawra khângah te chuan âwmbela khângte chu hrui dum pawlin an chilh zawm tur a ni, themthiam taka tah puithiam kawr hrênna chu lama awm theih nân leh, âwmbel chu puithiam kawr nên a inhran loh nân.
28:29 Tin, Arona chuan hmun thianghlima a kal hunah LALPA hmaah a hriatreng theih na turin a thinlung zâwn taka rorêlna âwmbel ah chuan Israela thlahte hming chu a pu zêl tur a ni .
28:30 Tin, rorêlna âwmbelah chuan Urim leh Thumim i dah tur a ni a; chu chu Arona chuan LALPA hmaa a kal hunah chuan a thinlung zâwnah chuan a dah zela tur a ni: tin, Rona chuan Israela thlah te rorêlna chu LALPA hmaa akal hunah a thinlung zâwnah chuan a pu zêl tur a ni.
28:31 Tin, puithiam kawr kawrfual a dum pawl hlîr hlak i siam tur a ni.
28:32 Tin, lai takah lu thawn nân tih-âwng tur a ni a; chu mi âwng chu a thlerchhiat theih mai loh na turin, kawrbânbûl angin a tlângvêl chu cheh tur a ni.
28:33 Tin, a fêmah te chuan pawmgranet lem - a dum pawl te, a sen duk te, a senlârtein-a fêm vêlin i siam tur a ni:
28:34 kawrfual fêm vêlah te chuan rangkachak tengeng pakhat leh pawmgranet pakhat, rangkachak tengeng pakhat leh pawmgranet pakhat zêl i siam tur a ni.
28:35 Tin, Arona chuan rawnga bâwlna turin chutiang chuan ain thuam tur a ni: tichuan hmunthianghlima LALPA hmaa a lo luh leh a chhuah hunah a ri chu hriat theih a ni tur a ni, chutilo chuan thi mai ang.
28:36 Tin, rangkachak hlîr hlak phêk i siam tur a ni a, a pangah chuan hming nemna a chuang ang, ‘LALPA PUAL’ ti i chuantîr tur a ni.
28:37 chu chu hrui dum pawlah chuan i bel tur a ni a, puithiam lukhumah chuan bel tur a ni; puithiam lukhum hma lamah a awm tur a ni.
28:38 Chu chu Arona chalah a awm tur a ni a, Israela thlahten an thilpêk thianghlim atâna an hlan tur thil serha sualna awmte chu Arona chaun a phur zêl tur a ni; chu chu LALPA hmaa chhân tlâka a awm theih nân a chalah a awm chawt tâwt tur a ni.
28:39 Tin, kawr chu puan zai sîn tak , zeh mawi i tah tur a ni, tin, puanzai sîn takin puithiam lukhum i siam tur a i.
28:40 Tin , Arona fapa te chu kawr i siamsak tur a ni a, tin, kawnghrên te, diarte i siamsak bawk tur a ni, tiropuitu leh timawitu a tân.
28:41 chûngchuan i u Arona leh a fapate chu i thuam tur a ni; tin, ka tân puithiam hna thawk a rawng an bâwl theihna turin, an mahni chu hriak thihin, tihrangin, i tithianghlim tur a ni.
28:42 Tin, an taksa saruak khuh nân puan zai sîn kekawr i siamsak tur a ni; kâwng atanga malpui thleng ni sela:
28:43 chu chu Aronas leh a fapate inbiakna puan ina an luh hun leh, hmun thianghlima rawngbâwl tura maichâm bula an kal hunin an ha zêl tur a ni; chutilochuan suala ngaihin an thi dah ang e: chu chu amah leh a hnu athlahte thleng pawha kumkhuaa thuruat ngheh a ni ang.
29:1 Tin, puithiam hnathawka ka rawng an bâwl theihna tura an mahni tihthianghlim nân an chuah hetiang hian i ti tur a ni: bâwngpa tuai pakhat leh berâmpa sawisêlbo pahnih nên,
29:2 chhang dâwidim telh loh nên, chhangpêr dawidim telh loh hriaka chawhpawih nên i ranla tur a ni: chhangphut dip tak chiin i siam tur a ni.
29:3 chûng chu fawng pakhata dahin, a fawng chawpin bâwngpa le berâmpa pahnih nên chuan i rawn keng tur a ni.
29:4 Tin, Arona leh a fapate chu inbiakna puanin kawngka bulah chuan rawn hruaiin, tiin i lo sil tur a ni.
29:5 Tin, silhfênte chu rawn lain, Arona chu kawr nên, puithiam kawr kawrfual nên, pithiam kawr nên âwmbel nên hâktîrin , puithiam kawr hrênna themthiam taka tah chuan i hrêng tur a ni:
29:6 tin, puithiam lukhum chu khumtîrin, lallukhum chuah chuan lukhum thianghlim chu i khumtîr tur a ni.
29:7 Tichuan hriak thih mi rawn lain, a lu-ah leihin i thih tur a ni.
29:8 Tin, a fapate chu rawn hruaiin kawr i hâktîr tur a ni.
29:9 Tin, Arona leh a fapate chu kawnghrêna hrêngin, dar i khim tîr tur a ni: tin, puithiam nihna chu kumkhua a tâna ruat ngheh tlatin an chang tawh ang: tin, Arona leh a fapate chu i tithianghlim tur a ni.
29:10 Tin, in biakna puanin bulah bâwngpa i rawn la tur a ni: Arona leh a fapate chuan bawngpa luchuah chuan an kut lo nghat rawh se.
29:11 Tichuan in biakna puanin kawngka bulah, LALPA hmaah chuan bâwngpa chu i lo talh tur a ni.
29:12 Tin, bâwngpa thisen chu lo lain, maichâm kîte chu i kut zungtangin i hnawih tur a ni; tin, maichâm bulah chuan thisen chu i leihbaw vek tur a ni.
29:13 Tin, a kawchu thau zawng zawng nên, a tin tuam tu râng nên, a kal pahnih leh a bawhtu thau te nên lain maichâm ah chuan i hâl tur a ni.
29:14 Bâwngpa sa leh a vun leh a êk erawh chu daipâwn lamah i hâl tur a ni: chu chu sual tâna hlan a ni.
29:15 Berâmpa pakhat i rawn la bawk tur a ni; tin, Arona leh a fapaten chu berâmpa luchuah chuan an kut lo nghat rawh se.
29:16 Tin, berâmpa chu lo talhin, a thisen chu lain, maichâm chu chu a vêlin i theh tur a ni.
29:17 Tin, berâmpa chu i chan tur a ni a, tin, a kâwchu leh a kete chu silin, a sahrangte nên, a lû nên i dah tur a ni.
29:18 Tin, berâmpa chu a pumin maichâmah chuan i hâl tur a ni: chu chu LALPA tâna hâlral thilhlan a ni a: LALPA tâna meihlan rimtui chu a ni e.
29:19 Tin, berâmpa pakhat i rawn kâi leh tur a ni; Arona leh a fapaten chu berâmpa luchuah chuan an kut lo nghat rawh se.
29:20 Tichuan berâmpa chu lo talhin, a thisen chu lain, Arona beng dinglam tlângah te, a fapate beng dinglam tlângah te, an kut dinglam zungpuiah te, an ke dinglam zungpuiah te i tât tur a ni a, tin, maichâm chu vêlah chuan thisen cu i theh tur a ni.
29:21 Tin, maichâm chua thisen leh, hriak thih mi chu rawn lain, Arona leh a silhfênahte leh, a fapate leh a hnêna tel ve a fapate silhfênte chu tihthianghlim an lo ni tawh ang.
29:22 Berâmpa thâu nên a mei thâu tak nên, a kawchhûng thâu nên, a thin tuamtu râng nan, a kal pahnih leh a bawhtu thâu te nên, a bawp dinglam nên i la bawk tur a ni; chu chu tihhranna berâmpa chu aw ni si a:
29:23 tin, fawnga chhang dâwidim telh loh LALPA tâna chhiaha mi chu chhangpêr pakhat nên, chhangpêr pan pakhat nên i telh tur a ni:
29:24 tin, chûng chu Arona kut le a fapate kut ah chuan i dah vek tur a ni a, LALPA hmaa thên thil hlan a tân i thên tur a ni.
29:25 Tin, an kut ata chu lâksakin, LALPA tâna rimtui a tân maichâmah hâlral thilhlan chuah chuan i hâl tur a ni: chu chu LALPA tâna meia thil hlan a ni.
29:26 Tin, Arona tihhranna berâmpa irâwm chu lain, LALPA hmaa thên thilhlan a tân i thên tur a ni: chu chu i chanvo tur ni rawh se.
29:27 Tin, Arona leh a fapate puala tihranna berâmpa irâwm, thên thil hlan leh châwikân thi hlan a bawp thên tawh leh châwikân tawh chu i tithianglim tur a ni:
29:28 chu chu Israela thlahte laka kumkhuaa Arona leh a fapate chanvo tura ruat a ni ang: chu chu chawkân thil hlan a ni si a: remna thil hlana an inthâwinate zînga Israela thlahten an chaikân thilhlan tur chu a ni ang, LALPA tâna an chawikân thil hlan ngei chu.
29:29 Tin, Arona silhfên thianghlim te chu a hnua a fapaten an la rochun zêl ang, chûngte chuan an in thuama hriak thih leh tihthianghlim an nih theih nân.
29:30 A fapa a aiawh a puithiam hna thawk tura ruata chuan hmunthianghlima rawngbâwl tura inbiakna puan ina a luh hunah ni sarih chhûng chu inthuamin a awm tur a ni.
29:31 Tin, tihhranna berâmpa chu rawn lain, a sa chu hmunthianghlimah i chhûm tur a ni.
29:32 Tichuan Arona leh a fapate mchuan berâmpa sa leh fawnga chhangpêr te chu in biakna puanin kawngka bulah ei rawh se.
29:33 Tin, chûng in remna thil, namahni tihhran nân leh tihthianghlim nâna hlante chu an ei tur a ni: amaherawhchu thil thianghlim a nih avângin midang zawngin man ei ve tur a ni lo.
29:34 Tin, chu mi tihhranna sa emaw atûk thlenga a bâng a la awm chuan, a bâng chu meiin i hâl tur a ni: chu chu thil thianghlim a nih avângin i ei tur a ni lo ve.
29:35 Tichuan thu ka pêk zawng zawng che ang hian Arona leh a fapate chuah chuan i ti tur a ni: ni sarih an mahni i tihrang tur a ni.
29:36 Tin, nitin sualhlan in thawina sebawngpa in remna turin i hlân tur a ni: tichuan inremna i siam hunin maichâm chu i tifai dâwn nia; tin, a tihtianghlim turin hriak i hnawih tur a ni.
29:37 Ni sarih maichâm atân inremna siamin, i tithianghlim tur a ni a: tichuan maichâm chu thil thianghlim tak a lo ni ang; maichâm dek a piang chu a lo thianghlim zêl ang.
29:38 Chutichuan maichâm chua i hlan tur chu hei hi a ni; nitin kumkhat tling berâm no pahnih zêl.
29:39 berâm no pakhat chu zîng lamah i hlân tur a ni a; tin, berâm no pakhat chu tlai lamah i hlân tur a ni:
29:40 berâm no pakhat hlannaah chuan chhangphut dip tak, epha hmun sâwma thena hmun khat nêna chawhpawlh i telh tur a ni a; in tur thil hlan atân uain hin hmun lia thena hmun khat nên .
29:41 Tin, berâm no pakngat chu tlai lamah i hlân tur a ni a, chu chu zîng lama ei tur thilhlan dân nang leh in tur thilhlan dân ang in rimtui, LALPA tâna meia thilhlan atân i hlân tur a ni.
29:42 Chu chu i thlahte thlenga inbiakna puanin kawngka bula LALPA hmaa hâlral thilhlan fo tur a ni ang: chutah chuan a bê tur che in ka lo kal thin ang.
29:43 Israela thlahte pawh chutah chuan ka rawn be thin ang; tichuan puanin chu ka ropui naa tihthianghlim a ni ang.
29:44 Tin, in biakna puan in leh maichâm chu ka tithianghlim ang: Arona pawh a fapate nên ka tâna puithiam hna thawka ka rawng an bâwl theih na turin ka tithianghlim bawk ang.
29:45 Tichuan Israela thlahte zîngah chuan ka chêng ang a, tin, an PATHIAN ka ni ang.
29:46 Chutichan an mahni ho zînga ka chên theihna tura Aigupta rama ta hruai chhuaktu LALPA an PATHIAN chu ka ni tih an hria ang: kei LALPA an Pahtian ka nih hi.
30:1 Tin, rimtui hâlna tur maichâm i siam tur a ni: thingri thingin i siam tur a ni.
30:2 A dunglam tawngkhat a vânglam tawng khat a ni tur a ni; kil li neia siam tur a ni: tin, a sânlam chu tawng hnih nisela: a kîte chu maichâm nan chuan in zawm vek tur a ni.
30:3 Tin, a chute , a pang vêlte leh a kîte chu rangkachak hlîr hlak tîin i luantur a ni; tin, a kotlâng vêlah chuan rangkachak i dah tur a ni.
30:4 Tin, a kotlâng hnuailamah, a sîr tuakah chuan rangkachak khâng pahnih i siam tur a ni; a sîr pahnihah chuan i siam tur a ni, chûng chu a zâwn fung rawlhna tur a ni ang.
30:5 Tin, thingri thinga zâwnfungte siamin rangkachak tîin i luantur a ni.
30:6 Tin, chu chu thuhriattîrnachua ka rawn biak thinna tur che zahngaihna thutphah hmaah, thuhriattîrna bâwm kianga puanzâr bulah i dah tur a ni.
30:7 Tin, Aronan chutah chuan englo rimtui tak hâl tur rimtui a hâl tur a ni: tuktin khâwnvârte a chei hun apiangin a hâl thin tur a ni.
30:8 Tin, Aronan tlai lamah khâwnvârte a dah hun chuan rimtui chu a hâl thin tur a ni: chu chu in thlahte thlenga LALPA hmaa rimtui a ni reng ang.
30:9 Chutah chuan rimtui dang emaw, hâlral thilhlan emaw, ei tur thilhlan emaw in hlân tur a ni lova; tin, chutah chuan in tur thilhlan pawh in leih tur a ni lo.
30:10 Tin, Aronan kumkhat ah vawikhat ki chuah te chuan inremna a siamtur a ni: inremna tura sual tawina thisen chuan kumtin vawikhat in thlahte thlengin inremna chu a siam thin tur a ni: chu chu LALPA tân thianghlim tak a ni,’’ tiin.
30:11 Tin, LALPAN Mosian hnenah, Israela thlahte awm zât i chhiar ang zel chuan mitinin an nunna tlanna chu LALPA an pe zêl tur a ni, i chhiar hun chuan an mahni i chhiar huna an zînga hri a lo lên loh nân.
30:12 Tin, LALPAN Mosian hnenah, Israela thlahte awm zât i chhiar ang zel chuan mitinin an nunna tlanna chu LALPA an pe zêl tur a ni, i chhiar hun chuan an mahni i chhiar huna an zînga hri a lo lên loh nân.
30:13 Heihi an pêk tur chu a ni: chhiar tawhte zînga tel tura kal apiangte chuan hmunhtianghlim sekel chanve an pe tur a ni (sekel chu gera sawmhnih a ni): LALPA puala atân sekel chanve.
30:14 Chhiar tawhte zînga tel tura kal apiang, kum sawmhnih a chin chulam zawng chuan LALPA puala thilhlan chu an pe tur a ni.
30:15 in nunna tlanna tura LALPA puala thil an hlan chuan sekel chanve aia tam chu mi hausa na pe tur a ni lo va, mi rethei pawhin chu mi aia tlêm chu a pe tur a ni lo.
30:16 Tin, Israela thlahte tlanna man tangka chu lo lain, in biakna puan ina rawngbâwl nân i lo ruat tur a ni; in nunna tlan nâna LALPA hmaa Israela thlahte tâna i hriat rengna a lo nih theina turin," tiin a sawi a.
30:17 Tin, LALPAN Mosia hnênah, insilna tur dâr maihûn, a hûn chhan dâr nên i siam bawk tur a ni: chu chu inbiakna puanin leh maichâm inkârah i hûng tur a ni; tin, chutah chuan tui i dah tur a ni.
30:18 Tin, LALPAN Mosia hnênah, insilna tur dâr maihûn, a hûn chhan dâr nên i siam bawk tur a ni: chu chu inbiakna puanin leh maichâm inkârah i hûng tur a ni; tin, chutah chuan tui i dah tur a ni.
30:19 Tin, Arona leh a fapaten chutah chuan an kete an sil thin tur a ni:
30:20 inbiakna puanin chhûnga an luh hun in emaw, LALPA tâna meia thilhlan hâl tura maichâm bula rawngbâwl tura an lo kal hun in emaw tui chuan an in sil tur a ni; chutilochuan an thi mai ang:
30:21 Chutichuan an thihlon nân an kut leh an kête chu an sil thin tur a ni: chu chu an tân kumkhua a tâna thuruat ani ang, a mah leh a thlahte leh an thlahte thleng atân pawh,’’ tiin a sawi a.
30:22 LALPA vêkin Mosia hnênah, Rimtui tuiber zînga mi-murra tui sekel zanga leh, thakthîng rimtui, chumi zâtve sekel zahnih leh sawmnga zet- leh fu rimtui sekel zahnih leh sawmnga leh,
30:23 LALPA vêkin Mosia hnênah, Rimtui tuiber zînga mi-murra tui sekel zanga leh, thakthîng rimtui, chumi zâtve sekel zahnih leh sawmnga zet- leh fu rimtui sekel zahnih leh sawmnga leh,
30:24 thakthîng chi dang sekel zanga, hmunthianghlima sekel an pêk thin ang, olive hriak tin khat nên rawn lain,
30:25 rimtui siamtu angin hriakthih chu hriak thianghlim a ni ang.
30:26 Tin, inbiakna puan in te, thuhriattîrna bâwm te,
30:27 dawhkân lehng a bungbêl zawng zawng te, khâwnvâr dahna leh a hmanrua te, rimtui hâlna maichâm te,
30:28 hâlral thilhlan maichâm leh a hmanrua zawng zawng te, maihûn leh a hûn chhan te nên, chu chuan i hnawih vek tur a ni.
30:29 Tin, thianghlim tak an lo nih theih nân i tithianghlim tur a ni: chûng dek a piangte chu an lo thianghlim zêl ang.
30:30 Tin, ka tân puithiam hnathawh thawka ka rawng an bâwl theih nân Arona leh a fapate chu hriak thihin i tithianghlim tur a ni.
30:31 Tin, Israela thlahte hnenah, ‘He hriak hi i thlahte thlenga ka hriak thianghlim thih mi chu a ni ang.
30:32 Mihring taksa ah chuan leih tur a ni lo va, he mi siam dân anga siam, a ang tak hian in siam tur a ni hek lo: hei hi zawng a thianghlima, tichuan in tân thil thianghlim a ni tur a ni.
30:33 Tupawhin a anpui siam sela emaw, chu mi chu a chipuite zînga ata tihboral a ni ang,"tiin sawi ang che,’’ tiin a sawi leh a.
30:34 Tin, LALPAN Mosia hnenah, Rimtui tui tak takte te, onuka te, ngalbanum te - la ang che; rimtui ti tak beraw fîm tak nên bûk in zât vekin;
30:35 chu chu rimtui siamtu siam angin chi-a al, fîm leh thianghlim takin rimtui i siam tur a ni:
30:36 a thente chu rawt dip dep tur a ni a, ka rawn biak thinna tur che inbiakna puan in chua thuhriattîrna bulah chuan i dah tur a ni: chu chu in tân thianghlim tak a ni ang.
30:37 Tin, chu mi rimtui i siamtur, a siam dân tur anga siam chu zawng nangmahni tân in siamtur a ni lo ve: LALPA tâna thil thianghlimah i ngai tur a ni.
30:38 Tupawhin hnim atân ngawta chutiang a siam chuan chu mi chu a chipuite zîng ata tihboral a ni ang.’’ a ti a.
31:1 ,2 Tin, LALPAN Mosia hnênah, Ngaiteh, Juda hnama mi Hura fapa Uria, chu mi fapa Bezalela chu ka thlang tawh a:
31:2 ,1 Tin, LALPAN Mosia hnênah, Ngaiteh, Juda hnama mi Hura fapa Uria, chu mi fapa Bezalela chu ka thlang tawh a:
31:3 ,4,5 tin, ani chu finna te, hriat thiamna te hriatna te, kawng tinrênga themthiamna te, thiltih tur fing taka suangtuah thiamna te, lunghlute zeh tura phel thiamna te, thing zai mawi dân thiamna te, kawng tinrênga themthiamna te nei turin PATHIAN thlarauvin ka tikhat tawh e.
31:4 3,5 tin, ani chu finna te, hriat thiamna te hriatna te, kawng tinrênga themthiamna te, thiltih tur fing taka suangtuah thiamna te, lunghlute zeh tura phel thiamna te, thing zai mawi dân thiamna te, kawng tinrênga themthiamna te nei turin PATHIAN thlarauvin ka tikhat tawh e.
31:5 3,4 tin, ani chu finna te, hriat thiamna te hriatna te, kawng tinrênga themthiamna te, thiltih tur fing taka suangtuah thiamna te, lunghlute zeh tura phel thiamna te, thing zai mawi dân thiamna te, kawng tinrênga themthiamna te nei turin PATHIAN thlarauvin ka tikhat tawh e.
31:6 Tin, ngai teh, a hnena thawk ve turin Dana hnama mi Ahisamaka fapa Oholiaba keimahin ka ruat leh e: thil siam tura thu ka pêk zawng zawng che
31:7 inbiakna puan in te, thuhriattîrna bâwm te, chu mi chhûnga zahngaihna thutphah te, Puan in chhûnga bungrua zawng zawng te,
31:8 tin, dawhkân leh a hmanrua te, rangkachak hlîr hlaka siam khâwnvâr dahna a hmanrua zawng zawng te nên, rimtui hâlna maichâm te;
31:9 tin, hâlrala thil hlanna maichâm, a bungbêl zawng zawng te nên, maihûn leh a hûn chhan te;
31:10 tin, silhfên mâwi taka tah te, puithiam rawng an bâwl huna hâk tur puithiam Arona silhfên thianghlim leh a fapate silhfên te;
31:11 tin, hriak thih mi te, hmun thianghlim atâna rimtui tui takte hi an siam theina turin mi themthiamho zawng zawng te finna ka pe e: tih tura thu ka pêk zawng zawng che ang khâ an ti tur a ni.’’ tiin a sawi a.
31:12 ,13 Tin, LALPAN Mosian hnênah, Israela thlahte hnênah chuan, ‘Ka chawlhnite hi in serh ngêi ngêi tur a ni; in thlahte thlenga keimah leh nangmahni inkâra chhinchhiahna a ni si a; kei hi LALPA nangmahni tithianghlimtu che u ka ni tih in hriat theih nân.
31:13 ,12 Tin, LALPAN Mosian hnênah, Israela thlahte hnênah chuan, ‘Ka chawlhnite hi in serh ngêi ngêi tur a ni; in thlahte thlenga keimah leh nangmahni inkâra chhinchhiahna a ni si a; kei hi LALPA nangmahni tithianghlimtu che u ka ni tih in hriat theih nân.
31:14 Chuvângin chawlhni hi in serh tur a ni; chu chu in tân ni thianghlim a ni si a; tupawh tibawlhlawh apiang chu tihhlum ngêi ngêi tur a ni: tupawh chu mi nia hna engpawh thawk chu, chu mi chu a chipuite zîng ata tihboral tur a ni.
31:15 Niruk chhûng hnathawh nân hman tur a ni a; a nisarih nî erawh chu chawlh dêrna chawlhni, LALPA tâna ni thianghlim a ni: tupawh chawlni a hnathawk apiang chu tihhlum ngêi ngêi tur a ni.
31:16 Chutichuan Israela thlahte hian chawlhni chu an thlahte thlenga kumkhuaa thu thlun nân chu chawlhni chu a na serh tur a ni.
31:17 Keimah leh Israela thlah te inkârah hian kumkhuaa thuthlun chhinchhiahna a ni: niruk chhûngin LALPAN lei len vâm a siama, tin, a nisarih nî chuan a châwl a; tin, a intihahdam ta a ni si a.’ ti bawk ang che,’ tiin a sawi a.
31:18 Tichuan sinai tlânga a mah a biak zawh chuan thuhriattîrna lungphêk pahnih, lung phêk, PATHIAN kutzunga ziak chu Mosia a pe ta a.
32:1 Tin, mipuite chuan Mosia chu tlâng ata lo chhuk thla har ta êmin an hria a, mipuite chu Arona hnênah an kal khâwm a, a hnênah chuan, "Khai, kan hma hruai turin pathiante min siamsak rawh; he Mosia, Aigupta ram ata min hruai chhuaktu lah hi a chanchin kan hre ta si lova," an ti a.
32:2 Tichuan Aronan an hnênah, "In nupui te, in fapate leh in fanute beh lai, rangkachak bengbehte kha han thlawn ula, ka hnênah han la rawh u," a ti a.
32:3 Chutichuan mipuiho zawng zawngte chuan rangkachak bengbeh an beh laite chu an thlawn vek a, Arona hnênah chuan an rawn la a.
32:4 Chutichuan mipuiho zawng zawngte chuan rangkachak bengbeh an beh laite chu an thlawn vek a, Arona hnênah chuan an rawn la a.
32:5 Tin, chu chu Aronan a han hmuhin, a hmaah chuan maichâm a siam ta a; tin, Arona chu a tlângau va, "Naktûk hian LALPA tân kût awm rawh se," a ti a.
32:6 Tichuan a tuk zing takah an tho va, halral thilhlante an hlan a; remna thilhlante an rawn la a; tichuan mipui chu ei leh in turin an thu khawm a, infiam turin an tho leh a.
32:7 Tin, LALPAN Mosia chu a bia a, "Zu chhuk tawh khai, i mite Aigupta ram ata i rawn hruai chhuahte khu an intichhe zo ta vek mai:
32:8 ka thupêkte chu an hawisan hma zet mai, bâwng no lem an insiam a, an bia a, a hnênah chuan an inthawi a, 'Aw Israelte u, hêngte hi Aigupta ram ata rawn hruai chhuaktu che u in pathiante an nih hi,' an ti e," a ti a.
32:9 Tin, LALPAN Mosia hnênah, "He miteho hi ka enthla reng a, ngai teh, hnam luhlul tak an lo nih hi:
32:10 tichuan lo ngawi rawh, anmahni kângral zo vek khawpin an chûngah ka thinur chu ling teh se: tin, nang hi chi ropui takah ka siam ang che," a ti a.
32:11 Tin, Mosian LALPA a PATHIAN hnênah, "LALPA, thiltihtheihna nasa tak leh, kut chak taka i mi, Aigupta ram ata i rawn hruai chhuahte chuah hian engah nge i thinurna chu a lin hle le?
32:12 Aigupta miten engah tehlul nge, 'An tana tha lo tur tlângahte thah tur leh lei chung ata kangral vek turin a hruai chhuak alo nih hi,' an la rawn tih ang le? I thinur nasa tak hi han tireh la, i mite chunga he thil tha lo tih i tum hi han lamlet leh ang che.
32:13 i chhiahhlawh Abrahama te, Isaaka te, Israela te hnêna, 'Vâna arsi zatin i thlahte chu ka la tipung ang a, he ram ka lo sawi tawh zawng zawng hi i thlahte ka la pe bawk ang a, tichuan kumkhuain an luah hlen tawh ang,' tia nangmah ngei inchhâla chhia i lo chham tawhnate kha hre reng ang che," tiin a ngên chiam a.
32:14 Tichuan LALPAN, "Ka mite chuah thil tha lo ka ti ang," a tih chu a lamlêt ta a.
32:15 Tin, Mosia chu tlâng ata thuhriattirna lung phêk pahnih kengin a let thla leh ta a; lung phêk a lehlam lehlam panga ziak chuan ve venate chu; a lehlam ve veahte chuan ziak a ni.
32:16 Tin, Lung phêkte chu PATHIAN kutchhuak a ni a, tin, a ziakte pawh chu PATHIAN ziak ngei, lung phêkte chua ziak a ni.
32:17 Tin, Josuan mipui au thâwm a han hriat chuan Mosia hnênah, "Riah hmun lamah indo thâwm ri a awm ka ti!" a ti a.
32:18 Tin, ani chuan, "Hnehtu au thâwm a nih loh chu, hnehate au thâwm pawh a ni hek lo; hla sa thâwm a ni ka hriat zawk ni," a ti a.
32:19 Tin, heti hi a ni a, riahhmun kiang a va thlen chuan, sebâwng no lem leh lâm chu a han hmu ta a: tichuan Mosia thinrim chu a ling ta phut mai a, a lung phêk kente chu a paih ta thuai a, tlâng hnuaiah chuan a paih keh ta a.
32:20 Tin, sebâwng no lem an siam chu a la a, meiah a rawh a, a râwt dip derh a, tuiah a phul chiam a, Israela thlahte chu a intîr ta a.
32:21 Tin, Mosian Arona hnenah huan, "Henghote hian i chungah engnge maw an tih a, hetiang thil sual nasa tak mai an chunga i thlentir le?" a ti a.
32:22 tin, Arona chuan, "Ka pu thinrim hi ling teh thut mai suh se a: heng mipuiho hi sual lam awn tlat mi an ni tih i hria alawm.
32:23 Ka hnênah, 'Kan hma hruai turin pathiante min siamsak rawh: he Mosia Aigupta ram ata min hruai chhuaktu lah hi a chanchin kan hre ta si lo va,' an rawn ti a.
32:24 Tin, keiin an hnênah, 'Tupawh rangkachak nei apiangin rawn thlawn rawh se,' ka ti a; chutichuan mi rawn pe a: tin, keiin meiah ka lo paih lût a, tichuan he sebâwng no lem hi a lo chhuak ta mai alâwm maw le," a ti a.
32:25 Tin, mipuite chu an duh duhin an tâl tih Mosian a hria a; (Arona chuan an hmêlmate laka hmuhsitawma awm khawpin an duh duhin a lo tâltîr ta si a);
32:26 tichuan Mosia chu riahhmun luhna kawngkaah a sing a, "Tupawh LALPA lama tang apiang chuka hnênah lo kal rawh se," a ti a. Tichuan Levia fate zawng zawng chu a hnênah an va kal khâwm a.
32:27 Tin, an hnênah, "LALPA, Israelte Pathianin, 'Mi tinin in khandaih pai ula, riahhmun chhûngah hian a luhna kawngka atanga kawngka lehlam thlengin vâk vêl ula, mi tinin in unaupa pawh, mi tinin in thianpa pawh, mi tinin in thenawmpa pawh that zêl rawh u,' a ti a ni," a ti a.
32:28 Tin, Levia fate chuan Mosia thu ang chuan an ti a: tin, chu mi nî chuan mi sangthum an thi a.
32:29 Tin, Mosian, "Vawiinah hian LALPA hnênah intihrang rawh u, a ni, mi tinin mahni fapa te, mahni unaupa te an lo do ta si a; tichuan vawiinah hian malsâwmnain a rawn vûr thei dâwn che u nia," a ti a.
32:30 Tin, heti hi a ni a, a tûkah chuan Mosian mipuite hnênah chuan, "Thil sual nasa tak mai in lo ti ta a, chutichuan LALPA hnênah ka han chho vang e; in sualnaah hian inremna ka siam thei mahna," a ti a.
32:31 Tichuan Mosia chu LALPA hnênah a han kal leh a, "Aw, hênghote hian thil sual nasa tak mai an lo ti ta a, rangkachak pathiante chu an lo insiam ta.
32:32 Amaherawhchu an sual i ngaidam thei ang emaw chu? i theih loh zawngin, i lehkhabua i lo ziak tawh ata kha mi thai bo turin ka ngên a che," a ti a.
32:33 Tin, LALPAN Mosia hnênah, "Tupawh ka chua thil tisual apiang chu ka lehkhabu ata ka thai bo vang.
32:34 Tichuan kal la, kalna tur ka hrilh tawh che hmunah khân mipuihote hi va hruai phawt rawh: ngai teh, ka vântirhkohvin i hma a hruai zêl ang: amaherawhchu ka rawn hrem hunah chuan an sualna ngeiah chuan ka rawn hrem dâwn a ni," a ti a. Tin, Arona din sebâwng no lem chu an siam avangin LALPAN mipuite chu a hrem ta a.
33:1 'Tichuan LALPAN Mosia chu a bia a, "Chhuak ula, Abrahama te, Isaaka te, Jakoba te hnêna, 'I thlahte tân ka la pe ang che,' tia chhia ka lo chham tâk ramah chuan nang leh Aigupta ram atanga i rawn hruai chhuahte nên hian heta ta hi han chho tawh u,
33:2 ,3 hnutetui leh khawizu luanna ramah chuan: tin, in hmaah vântirhkoh ka rawn tîr ang a; tichuan Kanaan-ho te, Amor-ho te, Hit-ho te, Periz-ho te, Hiv-ho te, Jebus-ho te chu ka hnawt chhuak ang a: kei zawng in zîngah ka han chho ve dâwn lo ve: hnam luhlul tak in lo ni si a: kawng lakah ka tiboral nghe nghe dah ang che u," a ti a.
33:3 ,2 hnutetui leh khawizu luanna ramah chuan: tin, in hmaah vântirhkoh ka rawn tîr ang a; tichuan Kanaan-ho te, Amor-ho te, Hit-ho te, Periz-ho te, Hiv-ho te, Jebus-ho te chu ka hnawt chhuak ang a: kei zawng in zîngah ka han chho ve dâwn lo ve: hnam luhlul tak in lo ni si a: kawng lakah ka tiboral nghe nghe dah ang che u," a ti a.
33:4 Tin, mipuiten chu thu lâwmawm lo tak chu an hriat chuan an tap hlawm a: tumah rêng rêng an inchei duh ta lo va.
33:5 Tin, LALPAN Mosia hnênah, "Israela thlahte hnênah, 'Hnam luhlul tak in ni e: in zîngah rei lo tê pawh ka han tel ve zawngin ka tiboral ngei ang che u: chuvângin in incheinate kha hlîp vek rawh u, tichuan ka tih dân tur che u ka hre thei ang, a ti,' ti ang che," a ti a.
33:6 Tin, Israela thlahte chuan an incheinate chu Horeb tlâng atang chuan an hlîp thla hlen ta a.
33:7 Tin, Mosian puan in kha a chhawm zêl a, riah hmun pâwn lam hla deuh takah a zar thîn a; chu chu inbiakna puan in a ti a. Tin, heti hi a ni a, tupawh LALPA zawng duh apiang chu riahhmun pawn lama inbiakna puan inah chuan an va kal thîn a.
33:8 Tin, heti hi a ni a, Mosia chu Puan in pana a chhuah hunin mipui zawng zawng hu an tho vek a, mi tin, mahni puan in kawngkaah an ding theuh va. Mosia, Puan ina a luh thlengin an thlîr reng thîn.
33:9 Tin, heti hi a ni a, Mosia chu Puan ina a luh veleh, chhûm ding chu a lo chhuk a, Puan in kawngkaah chuan a lo ding thîn a: tin, LALPAN Mosia chu a rawn be thîn.
33:10 Tin, mipui zawng zawngin chhum ding hcu puan in kawngkaa ding an hmu a: tichuan mipui zawng zawng chu an tho va, mahni puan in kawngka theuhvah chuan chibai an lo bûk thin a.
33:11 Tin, miin a thian a bia ang mai hian LALPAN Mosia chu inhmatawnin a be thin a, Tin,riahhmun lamah chuan a lo kir leh thin a: a rawngbawltu Nuna fapa Josua tlângval erawh chu puan in chhûng ata chu a lo chhuak leh ve thin lo.
33:12 'Tin, Mosian LALPA hnenah chuan, "Ngai teh, nangin ka hnenah, 'He mite hi han hruai chho rawh,' i ti a ni a: tunge ni ka hnena i rawn tirh ve dawn mi la hrilh si lo. Nang lah chua, 'I hmingah ka hre chiang che alawm, tin, ka mittlungin i awm tih ka hre bawk che a lawm,' i ti a.
33:13 Chuvangin i mit ka tlun si chuan, nangma ka hriat chian theih nan che leh i mittlunga ka awm theih nan tunah hian i kawngte hi khawngaih takin mi hriattir ang che: tin, he hnam hi i mite ngei an ni tih ngaihtuah ang che," a ti a.
33:14 Tin, ani chuan, "In zingah ka tel ve zel ang a, tichuan ka chawlhtir ang che u," a ti a.
33:15 Tin, ani chuan a hnenah, kan zinga i tel ve zel si loh chuan heta ta hi min hruai chhuak ma ta che.
33:16 Kei leh i mite hi i mittlungin kan awm a ni tih hi engtin nge hriatna a awm theih tak ang: Lei chua mihring zawng zawngte hi kei leh i mite nen kan inthliar hranna tur chuan nang kan hnena i kal thin hi a ni lo vem ni?" a ti a.
33:17 Tin, LALPAN Mosia hnenah, "Chu pawh chu i sawi ang chuan ka ti ang e: ka mit i tlung si a, i hmingah ka hre chiang bawk si chia,' a ti a.
33:18 Tin, ani chuan, "I ropuina chu khawngaih takin mi han entir teh," a ti a.
33:19 Tin, ani chuan, "Ka thatna zawng zawng chu i hmaah ka lantir ang a, LALPA hming chu i hmaah ka puang zel ang; tichuan ka khawngaih apiang chu ka khawngaih ang a, zah ka ngaihna chu apiangah chuan zah ka ngai ang," a ti a.
33:20 Tin, ani chuan, "Ka hmel zawng i hmu thei lo vang: mi hmua nung reng thei tumah reng reng an awm si lo va," a ti a.
33:21 Tin, LALPAN, "En teh, ka kianga hi hmun pakhat a awm hi, lungpui chhungah hian i ding ang a:
33:22 tin, heti hi a ni ang a, ka ropuinain a rawn kal pelh chu che chuan, lungpui khi chuah hian ka dah ang chia, ka kal pelh hma loh che chuan ka kutin ka han khuh ang chia:
33:23 tin, ka kut chu ka han la leh ang a, tichuan ka hnung lam chu i hmu ang: ka hmel erawh chu hmuh tur a ni lo ve," a ti a.
34:1 Tin, LALPAN Mosia hnenah, "Lung phêk pahnih hmana mi ang kha chher leh rawh: tin, lung phêkah chuan hmana i tihkeh tak lung phêka thu chuang ang kha ka ziak leh ang e.
34:2 Naktuk zingah inpeih chhuah tum ang che, tin, zingah chuan Sinai tlângah lo chho la, tlâng chhipah ka hmaan lo ding ang che.
34:3 i hnenah tumah lo kal ve suh se, tlângah reng reng chuan tumah a lanin lo lang hauh su se; beram rualte leh bawng rualte pawh tlâng pangah chuan tla hlek bawk suh se," a ti a.
34:4 Chutichuan lung phêk pahnih hmana mi ang kha a chher a, tin, Mosia chu zing takah a tho va, LALPAN thu a pêk angin Sinai tlângah chuan a han lawn a, tin, lung phêk pahnih a a keng a.
34:5 Tin, LALPA chu chhumah chuan a lo chhuk a, tin, a kiangah a va ding a, LALPA hming chu a lam ta a.
34:6 Tin, LALPA chuan a hma lamah chuan a kal pel a, "LALPA chu, LALPA chu, PATHIAN lainatnaa khat, mi khawngaih thei tak, thin nel tak, ngilneihna leh thu tak ngah,
34:7 mi sang tam tak chua khawngaihna lantir thin, khawlohna te, bawhchhiatna te, suahsualna te ngaidam thin; thiam lova ruatte chhuah mai ngai lo; pate khawlohna avanga fa te, fate fa leh te, chchuan thumna leh chuan lina thleng pawha hrem thin chu," tiin a puang ta a.
34:8 Tichuan Mosia chu a kaikun ta thuai a, chibai a bûk ta a.
34:9 Tin, ani chuan, "Tunah hian i mittlung ka nih chuan, aw Lalpa, Lalpa chu ka hnenah khawngaih takin kal ve ang hmiang; hnam luhlul tak an ni si a; tichuan kan khawlohna leh kan sualna ngaidam la, i rochan atan min nei ang che," a ti a.
34:10 Tin, ani chuan, "Ngai teh, thu ka thlung e: khawvel zawng zawng leh tu hnam zing maha la tih ngai loh, i mite zawng zawng mithmuhah hian thil mak ka ti dawn e: tichuan i vela awmho zawng zawngte hian LALPA thilti chu an hmu ang, i tana ka thiltih tur hi rapthlâk tak a ni dawn si a.
34:11 vawiina ka thupêk tur che hi pawm rawh: ngai teh, i hmaah chuan Amor-ho te, Kanaan-ho te, Hit-ho te, Periz-ho te, Hiv-ho te, Jebus-ho te ka hnawt chhuak dawn e.
34:12 Fimkhur rawh, chutichuan i kalna tur rama chengte hnenah thu i thlung ang a, in zingah hian thang a lo ni dah ang e:
34:13 amaherawhchu an maichamte chu in tichim vek tur a ni a, an lungphunte chu tikeh sawm vekin, an Asera-te chu in kit vek tur a ni:
34:14 Pathian dang reng reng chu i be tur a ni si lo va: LALPA chu a hming reng pawh thîkthuchhiaa a ni a, Pathian thîkthuchhia a ni si a:
34:15 chutilochuan chu mi rama mite hnenah chuan thu i thlung ang a, an pathiante lakah an uire ang a, an pathiante hnenah an inthawi ang a, an rawn sawm chein an inthawina chu i ei dah ang e;
34:16 tin, i fapate tan an fanute i nei ang a, an fanute chu an pathiante lakah an uire ang a, i fapate pawh an pathiante lakah an uiretir dah ang a.
34:17 Milem chhun pathiante chu i siam tur a ni lo.
34:18 Chhang dawidim telh loh Kût i nei tur a ni. Thu ka lo pêk tak che ang khan, ni sarih chhûng chu chhang dawidim telh loh Abib thlaa hun ruatah khan i ei tur a ni. Abib thla khan Aigupta ram ata chu i lo chhuak a ni si a.
34:19 Chhul keu hmasa ber apiang chu ka ta a ni; tin, i ran pa zawng zawng sebawngpa leh berampa piang thla hmasa berte pawh.
34:20 Tin, sabengtung piang thla hmasa ber chu beram novin i tlan tur a ni: tin, i tlan duh loh leh a ring chu i ulh tliak tur a ni. I fapa piang hmasa zawng zawng chu i tlan tur a ni. Tichuan ka hmaah tumah hi kut ruakin in lo lang tur ani lo.
34:21 Ni ruk chhûngin hna i thawk tur a ni a, a ni sarih ni erawh chuan i chawl tur a ni: lei leh lai leh bu seng lai pawhin i chawl tur a ni.
34:22 Chawlhkâr Kût, buh thar tirh Kût chu, kum a lo ral a, buh kchhung vek hnua pawl Kût nen i nei tur a ni.
34:23 i mipa zawng zawngte chu kum khatah vawi thum, Lalpa Pathian, Israelte Pathian hmaah chuan an rawn inlan thin tur a ni.
34:24 i hmaah hnam tin, ka hnawt chhuakin, i ramrite chu ka zauh dawn si a: kum khatah vawi thum LALPA i Pathian hmaa inlan tura i han kal huna chuan tumah in i ram hi an rawn ti hek lovang.
34:25 Ka tan inthawina sa thisen chu chhang dawidim telh nen chuan i rawn hlan tur a ni lo; Kalhlen Kût inthawina pawh chu a tuk thlengin awmtir tur a ni hek lo.
34:26 i lova thlai thar hmasa ber chu LALPA i Pathian inah i rawn dah tur a ni. Kel no sa, a pui hnutetuiin i chhum tur a ni lo," a ti a.
34:27 Tin, LALPAN Mosia hnenah, "Heng thute hi ziak rawh khai: heng ang thute hian ania, i hnenah leh Israelte hnena thu ka thlun ni,"
34:28 Tin, chutah chuan LALPA hneah ni sawmli leh zan sawmli a awm a; chaw reng reng a ei lo va, tui pah a in hek lo. Tin, lungphêkahte chuan thuthlunna thu, thu sawm pêkte chu a ziak ta a.
34:29 Tin, heti hia ni a, Mosia chu thu hriattirna lung phêk pahnih chu a kuta kengin Sinai tlâng ata chu a chhuk a, tlâng ata a chhuk chuan, Mosia chuan chutia an inbiakna avang chuan a hmai vun chu a lo eng ta tih a hre hauh lo va.
34:30 Tin, Arona leh Israela thlah zawng zawngten Mosia an han hmun chuan, ngai teh, a hmai vun chu a lo eng a; an rawn hnaih ngam lo va.
34:31 Tin, Mosian anmahniho chu a han au va; tin, Arona leh pungkhawmho roreltu zawng zawngte chu a hnenah an lo kir leh a: tin, Mosian anniho hu a lo bia a.
34:32 Chumi hnuah chuan Israela thlahte zawng zawng chuan an rawn hnaih a: tichuan Sinai tlânga LALPA nena an inbiakna zawng zawngte chu thu pein a lo hrilh chhawng a.
34:33 Tin, Mosian anmahni chu a biak zawh chuan a hmai chu hmai khuhnain a khu ta a.
34:34 Amaherawhchu Mosia LALPA be tura a hmaa a luh hun apiang chuan, a lo chhuah leh hma loh chuan hmaikhuhna chu a hlip thin a; tin, a lo chhuak leh thin a, a thupêkte chu Israela thlahte a hrilh chhawng thin a;
34:35 Tin, Israela thlahte chuan Mosia hmai chu an han en a, Mosia hmai vun chu a lo eng thin a: tin, Mosia chu Pathian be tura a luh leh hma chuan hmaikhuhna chuan a hmai a khuh leh thin a.
35:1 Tin, Mosian Israela thlah pung khawmho zawng zawngte chu a ko khawm a, an hnenah, "Heng hi a ni hi LALPAN in tih tura thu a pêk che u chu.
35:2 Ni ruk chhûng hna thawh nan hman tur a ni a, a ni sarih ni erawh chu in tan ni thianghlim, LALPA tana chawlh derna chawlhni a ni tur a ni: tupawh chu mi nia hna thawk apiang chu tihhlum tur ani ang.
35:3 Chawlhni chuan in chenna hmun reng rengahte chuan mei in chhem tur a ni lo," a ti a.
35:4 Tin, Mosian Israela thlahte pung khawmho zawng zawng hnenah chuan, "Hei hi a ni hi LALPAN thu apêk che u chu,
35:5 in zing ata LALPA tna thilhlan tur rawn la rawh u: tupawhin a thinlunga pêk chak apiang chuan LALPA tana hlan tur chu rawn la rawh se; rangkachak te, tangka te, dar te,
35:6 la dum pawl te, sen duk te, sen lâr te, la zai sin te, kel hmul te nen;
35:7 tin, berampa vun chhum sen te, savun tha mi te, thingri thingte nen;
35:8 tin, khawnvar atan hriak te, hriak thih mi atan leh hal tur rimtui tak atan englo rimtui nen;
35:9 tin, puithiam kawr leh kawr awma zeh turin onukion lungte leh lunghlute nen.
35:10 Tin, in zinga mi themthiam apiang chu lo kal sela, LALPAN siam tura thu a pêk apiang chu siam rawh se;
35:11 biak bûk te, a puan in te, a khuhna te, a chilhbehna te, a ban rem khawm te, a bangrel te, a ban te, a nghahchhan kerkuak te nen;
35:12 bawm leh a zawnfung te, zahngaihna thutphah te, a daidanna tur puanzar nen;
35:13 dawhkan leh a zawnfungte leh a hmanrua zawng zawng te, chhang dah te nen;
35:14 tin, eng atan khawnvar dahna te leh a hmanrua zawng zawng te, a khawnvar te, chhit en atan hriak te nen;
35:15 tin, rimtui halna maicham leh a zawnfung te, hriak thih mi te, hal tur rimtui tak te, tin, biak bûk kawngkaa zar tur kawngka puanzar te nen;
35:16 halrala thilhlanna maicham, a dar len leh a zawnfungte leh a hmanrua zawng zawng te, maihun leh a hun chhante nen;
35:17 biak bûk hung chhûng kawtlaia puan zar te, a ban te, a ban nghahchhan kekuar te leh a hung chhûng kawngkaa puanzar te nen;
35:18 biak bûk kil behna te, a hung chhûng kawtlai kilh behna te, a hrui te nen:
35:19 hmun thianghlima rawngbawlna tura silhfen mawi taka tah te, puithiam rawng a bawl huna hak tur puithiam Arona silhfen thianghlim leh a fapate silhfen te,' tiin," a ti a.
35:20 Tichuan Israela thlah pung khawmho zawng zawngte chu Mosia hnen ata an tin ta vek a.
35:21 Tin, mi tin, thinlung taka phur sarh apiang leh rilru taka phal apiang chu an lo kal a, inbiakna puan ina hman tur leh rawngbawlna lam atana thil hman tul apiang leh silhfen thianghlim tur chu LALPA tan an rawn thawh hlawm a.
35:22 Tin, a hmei apain pêk chak apiangte chu an lo kal a, banbun te, bengbeh te, hming nemna zungbun te, thi te, rangkachak incheina tinrengte an rawn la a; tin, mi tin rangkachak hlan tur nei apiangin LALPA tan an hlan theuh va.
35:23 Tin, mi tin la dum pawl te, sen duk te, sen lâr te, la zai sin te, kel hmun te , berampa vun chhum sen te, savun tha mi te nei apiangin an rawn keng hlawm a.
35:24 Mi tin, tangka leh dâr te thawh apiangin LALPA tana thilhlan tur an rawn keng a: tin, mi tin, thingri thing, hmanraw tinreng atana hman tlak nei apiangin an rawn la a.
35:25 Tin, hmeichhe themthiamho zawng zawngte chuan la an kai a, tin, chu an la kaih dum pawl te, sen duk te, sen lâr te, la zai sinte chu an rawn keng hlawm a.
35:26 Tin, hmeiche themthiam phur sarhho zawng zawngte pawhin kel hmun an kai a.
35:27 Tin, puithiam kawr leh kawr awma zel turin roreltuten onukion lungte leh lunghlute an rawn keng a;
35:28 tin, rimtui te, hriak te nen; chhit en atan te, hriak thih mi atan te, hal tur rimtui tak atan te pawh.
35:29 Israela thlahte chuan LALPA hnenah duh thua thilhlan an rawn hlan a: mi tin, a hmei apa, LALPAN Mosia kuta thil siam tura thu apêk zawng zawngte siamna tura thinlunga chak taka kengtue chuan.
35:30 Tin, Mosian Israela thlahte hnenah chuan, "Ngai teh u, LALPAN Juda hnama mi Hura fapa Uria, chu mi fapa Bezalela chu a thlang tawh e.
35:31 Chu mi chu finna te, hriatthiamna te, hriatna te, kawng tinrenga themthiamna te nei turin PATHIAN thlarauin a tikhat tawh a,
35:32 thiltih tur fing taka suangtuah thiamna te, rangkachak leh tangkarua leh dar chher thiamna te,
35:33 lunghlute zeh tura phel thiamna te, thing zai mawi dan thiamna te, kawng tinrenga themthiamna te nei turin.
35:34 Tin, amah nen, Dana hnama mi Ahisamaka fapa Oholiaba nen mite zirtir theihna finna a pe ve ve a.
35:35 Anni chu kawng tinrenga themthiamna te, englo ziak thiamna te, themthiamna te, la dum pawl te, sen duk te, sen lâr te, la zai sin te zehmawi thiamna te, puan tah thiamna te, hnathawh tinreng thiamna te, thiltih tur fing taka suangtuah thiamna te nei turin thinlung finnain a tikhat tawh e.
36:1 Tin, Bezalela leh Oholiaba mi leh themthiam tupawh LALPAN thu a pêk ang zela hmun thianghlima rawngbawlna hna tinreng thawk thei tura finna leh hriatthiamna a pêk apiangte chuan an bei tur a ni," a ti a.
36:2 Tin, Mosian Bezalela leh Oliaba leh mi themthiamho, LALPAN an thinlunga finna a pêk a, chu mi hna bei peih tura thinlung taka phur sarh apiang chu a ko va:
36:3 tin, Israela thlahten hmun thianghlima rawngbawl nana thil siam tura an rawn thawh zawng zawng chu Mosia hnen atangin an la zel a. Tin, tuk tin, duh thua thilhlante chu a hnenah an rawn hlen zel bawk a.
36:4 Tin, mi themthiamho zawng zawng, hmun thianghlim atana hna tinreng thawkte chuan an hnathawh lai chu antlansan theuh va,
36:5 Mosia hnenah, "LALPAN siam tura thu a pêk siam nan mite chuan a chuang aliamin thil an rawn la e," tiin an thlen a.
36:6 Tin, Mosia chuan thu a lo pe a, tichuan, "Hmun thianghlim atana thil pêk tur chu a hmei apa, tumahin rawn buatsaih tawh suh se," tiin an riahhmunah c chuan an tlângautir ta a. Chuti chuan mite chuan an rawn lak phal a ni ta lo va.
36:7 An neih sa chu siam tul apiang siamna tur chuan a tawk hle mai a, a tam lutuk mah a ni.
36:8 Tin, an zinga mi themthiam hna thawkho zawng zawngte chuan biak bûk chu puanzar sawm neiin an siam a; chu puanzarte chu la zai sin tak kawp te, dum pawl te, sen duk te, sen lâr te hmangin cherub lemte mi thiam tak siam chuantirin a siam a.
36:9 Puanzar hu a sei lam tawng sawmhnih leh tawng riat theuh a ni a, puanzar chu a hlai lam tawng li theuh a ni: puanzar zawng zawng chu a inchen vek a.
36:10 Tin, puanzar pangate chu a zawm vek a; tin, puanzar panga dangte pawh chu a zawm bawk a.
36:11 Tin, puanzar zawm khat hmawrtwng ber tlângah chuan a beng a dum pawlin a siam a: chutiang bawkin puanzar zawm lehlam hmawrtawng ber tlângah chuan a siam bawk a.
36:12 Puanzar pakhatah chuan beng sawmnga a siam a, tin, zawm khat puan zar tlângah pawh chuan beng sawmnga a siam bawk a: chûng bengte chu a inep thliah a.
36:13 Tin, rangkachak chilhbehna sawmnga a siam a, a chilhbehnate chuan puanzarte chu a chilh bet a: tichuan biak bûk chu pindan pakhat a lo ni t a.
36:14 Tin, biak bûk chu khuh nan kel hmun puanzarte a siam a: puanzar sâwm leh pakhat a siam a.
36:15 Puanzar chu a sei lam tawng sawmthum theuh a ni a, tin, puanzar chu a hlai lam tawng li theuh a ni: puanzar sâwm leh pakhatte chu a inchen vek a.
36:16 Tin, puanzar pangate chu athui zawm vek a, tin, puanzar paruk pawh chu a thui zawm vek a.
36:17 Tin, puanzar zawm khat hmawrtawng ber tlângah chuan beng sawmnga a siam a, tin, puanzar zawm lehlam tlângah chuan beng sawmnga a siam bawk a.
36:18 Tin, puan in chu pindan pakhat a lo ni theih nan a chilh zawna turin dar chilhbehna sawmnga a siam a.
36:19 Tin, berampa vun chhum senin puan in chu khuhna te, savun tha miin a chua khu lehnate a siam a.
36:20 Tin, biak bûk ban rem khawm turte chu ngil taka dingin thingri thingin a siam a.
36:21 ban rem khawm sei lam chu tawng sawm a ni a, tin, a vang lam chu tawng khat leh a chanve theuh a ni a.
36:22 Ban rem khawm tinah chuan ke pahnih inzawmin a zawm a: chutiang chuan biak bûk ban rem khawm zawng zawng chu a siam a.
36:23 Tin, biak bûk atan chuan ban rem khawmte a siam a; chhim chhawng chhim lampang atan chuan ban rem khawm sawmhnih a siam a:
36:24 tin, chu mi ban rem khawm sawmhnih nghah chhan atan chuan tangkaraw tlâng kerkuak sawmli a siam a; a ke pahnih atan ban rem khawm pakhat nghah chhan kerkuak pahnih leh a ke pahnih atan ban rem khawm dang pakhat nghah chhan kerkuak pahnih a siam a.
36:25 Tin, biak bûk sir lehlam hmar chhawng lam atan chuan ban rem khawm sawmhnih a siam a, tin, chhûng atan chuan ban rem khawmsawmhnih a siam a.
36:26 tin, chu atan chaun tangkaraw tlâng kekuak sawmli nen, ban rem khawm pakhat atan nghahchhan kerkuak pahnih nen, ban rem khawm dang pakhat atan nghah chhan kerkuak pahnih a siam a.
36:27 Tin, biak bûk kawmchar khawthlang chhawng lam atan chaun ban rem khawm paruk a siam a,
36:28 Tin, biak bûk kawmchar kil ve ve atan chuan chuan ban remkhawm pahnih a siam a.
36:29 Tin, a hnuai lamah chuan thlawp a ni a, chutiang bawkin a chhip lam kang hmasa ber thlengin thlawp a ni a, a kil pahnihah chuan chutiangin a ti ve ve a.
36:30 Tin, ban rem khawm pariat, a nghah chhan tur tangkaraw tlang kerkuak sâwm leh paruk nen a awm a, ban remkhawm tin, innghah nan kerkuak pahnih zel a awm a ni.
36:31 Tin, thingri thingin bangrel, biak bung ban nglehlam ban rem khawm atan panga,
36:32 biak bûk bang leh lam ban rem khawm atan panga, tin, biak bûk kawmchar khawthlang chhawng lam ban rem khawm atan pawh panga a siam a,
36:33 Tin, bangrel laita, ban rem khawm lai taka mi chu ban rem khawm h mawrtawng ber atangin a lehlam hmawrtawng ber atangin a lehlam hmawrtawng ber thlenga thil tlâng turin a siam a.
36:34 Tin, ban rem khawmte chu rangkachak tiin a luan a, tin, bangrelte thil nan rang kachak khangte a siam a, tin, chung bangrelte chu rangkachak tiin a luan a.
36:35 Tin, puanzar tur chu la zai sin tak kawp te, a dum pawl te, a sen duk te, sen lâr te hmangin cherub lemte mi thiam tak siam chuantirin a siam a.
36:36 Tin, chu mi atan chuan thingri ban pali a siam a, chu chu rangkachak tiin a luan a: a bannate chu rangkachak a ni: tin, chu nghah chhan atan chuan tangkaraw tlâng kerkuak pali a chu a.
36:37 Tin, Puan in kawngkaa zar tur la zai sin tak kawp te, a dum pawl te, a sen duk te, a sen lârte hmangin, puan zeh mawi thiam tak zeh nen a siam a:
36:38 tin, chu mi zarna tur ban panga a bannate nen a siam a: tin, ban lubawkte leh a zarfungte chu rangkachak tiin a luan a: tin, chu nghahchhan kerkuak pangate chu dar a ni a.
37:1 Tin, Bezalela chuan thingri thingin bawm chu a siam a: a dung lam chu tawng hnih leh a chanve a ni a, a vang lam chu tawng khat leh a chanve a ni a, a san lam chu tawng khat leh a chanve a ni;
37:2 tin, a chu leh a pawn chu rangkachak hlir hlak tiin a luan a, tin, rangkachakin a tlâng a kawm a.
37:3 Tin, chu mi a ke palia vuah atan chuan rangkachak khang pali a chhûng a; khang pahnih chu a lehlam atan a ni a, khang pahnih chu a lehlam atan a ni.
37:4 Tin, thingri thingin zawnfungte a siam a, chu chu rangkachak tiin a luan a.
37:5 Tin, bawm chu zawn teih turin a panga khangah chuan zawnfungte chu a rawlh a.
37:6 Tin, rangkachak hlir hlakin zahngaihna thutphah a siam a: a dung lam chu tawng hnih leh a chanve a ni a, a vang lam chu tawng khat leh a chanve a ni.
37:7 Tin, cherub pahni rangkachakin a siam a, zahngaihna thutphah hmawr ve vea mi ch a chherin a chher a;
37:8 a hmawr leh lamah cherub pakhat, a hmawr lehlamah cherub pakhat: zahngaihna thutphah nena inbelhbawm hlawm vekina hmawr ve vea cherub-te chu a siam a.
37:9 Tin, cherub te chu inhmatawna, zahngaihna thutphah chu an thlaa hliapin, an thlate chu an zar duai a; zahngaihna thutphah lam chu cherub-te chuan an hawi ve ve a.
37:10 Tin, thingri thingin dawhkan chu a siam a: a dung lam chu tawng hnih a ni a, a vang lam chu tawng khat a ni a, a san lam chu tawng khat leh a chanve a ni:
37:11 tin, chu chu rangkachak hlirhlak tiin a luan a, tin, rangkachakin a tlâng a kawm a.
37:12 Tin, kutphah bawka hlaiin a kawm a siam a, tin, kawm chu rangkachakin a tlâng a kawm leh a.
37:13 tin, chu mi atan chuan rangkachak khang pali a chhûng a, tin, chu mi khang chu dawhkan ke pali kil theuhvah chuan a vuah a.
37:14 Dawhkan chu zawn a, a zawnfung chu rawlh theih turin khangte chu a kawm siin a vuah a.
37:15 Tin, dawhkan chu zawn nan zawnfungte chu thingri thingin a siam a, tin, rangkachak tiin a luan a.
37:16 Tin, dawhkana bungbel - thleng te, no te, a bun chhuahna tur berhbu te, uain thawlte chu - rangkachak hlir hlakin a siam a.
37:17 Tin, khawnvar dahna chu rangkachak hlir hlakin a siam a: chu mi khawnvar dahna chu angul bul leh, a ngul chu a chherin a chher a; a no te, a parfung te, a parte chu a inzawm vek a:
37:18 tin, a sirahte chuan peng paruk a lo peng chhuak a: khawnvar dahna ngul sir lehlamah chuan peng pathum a awm a, tin, khawnvar dahna ngul sir lehlama chuan peng pathum a awm bawk a:
37:19 a lehlam pang pengah chuan vai umkhal kuhmum ang no pathum, a parfung le a par a siam a: chutiang chuan khawnvar dahna peng paruk atan a siam a.
37:20 Tin, khawnvar dahna ngulah chuan no pali, vai umkhal kuhmum anga siam a parfung leh a parte a awm a,
37:21 tin, chu mi inzawm vek peng pahnih hnuaiah chuan parfung a awm a; tin, cu mi inzawm vek peng pahnih hnuaiah chuan parfung a awm a, tin, chu mi inzawm vek peng pahnih hnuaiah chuan parfung a awm a, khawnvar dahna ngula peng parukah chuan a awm vek a ni.
37:22 chung a parfungte leh apengte chuan a zawm vek a: a pum chuan rangkachak hlir hlaka chher a ni.
37:23 Tin, chu mi atan chuan khawnvar pasarih nen, chaichehte nen, meivap dahnate nen rangkachak hlir hlakin a siam a.
37:24 Chu mi khawnvar dahna leh a hmanrua tur zawng zawng siam nan chuan rangkachak hlir hlak talent khat a hmang a.
37:25 Tin, rimtui hal nan thingri thingin maicham a siam a, a dung lam chu tawng khat a ni a, a vang lam chu tawng khat a ni a, kil li a ni; tin, a san lam chu tawng hnih a ni; a kite nen chuan a inzawm vek a ni.
37:26 Tin, a chung te, a pang velte le a kite chu rangkachak hli hlak tiin a luan a; tin, rangkachakin a tlâng a kawm a.
37:27 Tina kotlâng hnuai lamah, a sir tuakah chuan rangkachak khang pahnih a siama; a sir pahnihah chuan a siam a, chu chu a zawnfung rawlhna tur a ni.
37:28 Tin, thingri thing zawnfungte a siam a, rangkachak tiin a luan a.
38:1 Tin, thingri thingin halral thilhlan maicham chu a siam a: a dung lam chu tanwng nga a ni a, a vang lam chu tawng nga a ni a, kil li a ni; tin, a sang lam chu tawng thum a ni.
38:2 Tin, a kil li chhipahte chuan a kite a siam a; chu kite chu maicham nen a inzawm vek a; dar tiina luan vek a.
38:3 Tin, maicham atana hmanrua zawng zawng - bel te, vutlawhna te, maihun te, sa thuna thir kawm te, mei laknate - a siam a: chung hmanrua zawng zawngte chu darin a siam a.
38:4 Tin, maicham atan chuan dar len, meicham dawhzawl hnuai lam vel chuan a chanve thlengin a siam a.
38:5 Tin, zawnfungte rawlh nan dar len hungna kil lia vuah tur khang pali a chhûng a.
38:6 Tin, zawnfungte chu thingri thingin a siam a, dar tiin a luan a.
38:7 Tin, a zawnna turin maicham sira khangahte chuan zawngfungte chu a rawlh lut a; maicham chu thingphela chhungin a kawrawngin a siam a.
38:8 Tin, dar maihun, a hun chhan dar nen inbiakna puan in kawngka bula hmeiche rawngbawl thinte darthlalangin a siam a.
38:9 Tinbiak bûk hung chhûng kawtlai a siam a; chim chhawng chhim lam panga a hung chhûng kawtlaia puanzar zar tur chu la zai sin tak kawpa siam tawng zaa sei a ni:
38:10 chu mi atan chuan ban sawmhnih leh dar tlâng kerkuak sawmhnih a awm a: bana a bannate leh a zarfungte chu tangkarua a ni.
38:11 Tin, hmar lampanga puanzar zar tur chu tawng za a ni a, a bante chu sawmhnih leh dar tlâng kerkuak sawmhnih a ni a: bana a bannate leh a zarfungte chu tangkarua a ni.
38:12 Tin, thlang lampanga puanzar bante chu sawm a ni a, a nghahchhan kerkuak chu sawm a ni.
38:13 Tin, chhak chhawng chhak lampanga puanzar zar turte chu tawng sawmnga a ni.
38:14 Kawng ka sir lelama puanzar zar turte chu tawng sâwm leh tawng ngaa sei a ni a, a ban pathum leh a nghahchhan kerkuak pathum a ni;
38:15 a sir lehlam panga mi pawh chutiang bawk a ni: biak bûk hung chhûng kawtlai kawngka sir lehlam lehlama puanzar zar turte chu tawng sâwm leh tawng nga a ni; a bante chu pathum a ni a, a nghahchhan kerkuakte pawh pathum a ni.
38:16 Biak bûk hung chhûng kawtlai vela puanzar zar tur zawng zawngte chu la zai sin tak kawp vek a ni.
38:17 Tin, a ban nghahchhan kerkuakte chu dar a ni a; bana a bannate leh a zarfungte chu tangkarua a ni a; tin, a lubawkte chu tangkaraw tia luan a ni a, tin, biak bûk hung chhûng kawtlai ban zawng zawng zarfungte chu tangkarua vek a ni.
38:18 Tin, biak bûk hung chhûng kawtlai kawngkaa puanzar zar tur chu puan zehmawi thiam taka zeh a ni, la zai sin tak kawp te, a dum pawl te, a sen duk te, a sen lâr tea siam a ni:tin, a sei lam chu tawng sawmhnih a ni a, a san lam chu biakbûk hung chhûng kawtlai puanzar zar turte nena induh chiah, tawng nga bawk a ni.
38:19 Tin, a bante chu pali a ni a, a nghahchhan kerkuakte chu pali a ni a, dar vek a ni; abannate chu tangkarua a ni a, a lu bawkte leh a zarfungte chu tangkaraw tia luan a ni.
38:20 Tin, biak bûk leh a kawtlai chhung chung kilhbehna zawng zawngte chu dar vek a ni.
38:21 Biak bûk, thuhriattirna biak bûk atana hmanrua, Mosia thupêk anga puithiam Arona fapa Ithamara hova Levia chiten an chhiarte chu hengte hi a ni.
38:22 Tin, Juda hnama mi Hura fapa Uria, chu mi fapa Bezalela chuan LALPAN Mosia hnena siam tura thu a pêk zawng zawng kha a siam vek a.
38:23 A hnenah chuan Dana hnama mi Ahisamaka fapa Oholiaba, englo ziak thiam, kut themthiam, la dum pawl te, sen duk te, senlar te, la zai sin takte zehmawi thiamin a thawk ve a.
38:24 Hmun thianghlim atana hman tul apianga rangkachak hman zawng zawng, rangkachak hlana chu talent sawmhnih leh pakua leh, hmun thianghlima sekel an pêk thin anga chhiar chuan sekel zasarih leh sawmthum a ni.
38:25 Tin, mipui chhiar tawhte zinga tel apiangte tangka pêk chu talent za leh, hmun thianghlima sekel an pêk thin anga chhiar chuan sekel sangkhat leh zasarih leh sawmsarih leh panga a ni:
38:26 kum sawmhnih achin chulam chhiar tawhte zinga tel tura kal nuairuk leh sangthum leh zanga leh sawmngate chu hmun thianghlima sekel pêk thin anga chhiar chuan beka khat theuh (chu chu sekel chanve a ni) pe ang an ni.
38:27 Tin, tangka talent za chu hmun thianghlim ban nghah chhan kerkuak leh puan zarna ban nghah chhan kerkuak chhun nan an hmang a; ban nghah chhan kerkuak za chhun nan talent za an hmang a, ban nghah chan pakhat chhun nan talent khat zel an hmang a ni.
38:28 Tin, sekel sangkhat leh zasarih leh sawmsarih leh pangate chu hmangin bana bannate leh pangate chu hmangin bana bannate leh pangate chu hmangin bana bannate a siam a,a lubawkte chu tangkaraw tiin a luan a, a zarfungte a siam bawk a.
38:29 Tin, an dar hlante chu talent sawmsarih leh sekel sanghnih leh zali a ni.
38:30 Tin, chu chu inbiakna puan in kawngka ban nghahchhan kerkuakah te, dar maichamah te, a dar len leh maichama hmanraw thil zawng zawngah te,
38:31 biak bûk hung chhûng kawtlai vel ban nghah chhan kerkuakah te, biak bûk hung chhûng kawngka ban nghah chhan kerkuakah te, biak bûk chilhbelhna zawng zawngah te a siam vek a.
39:1 Tin, la dum pawl te, a sen duk te, a sen lâr te hmangin hmun thianghlima rawngbawlna tura silhfen mawi takte an siam a, Arona tan silhfen thianghlimte an siam bawk a; LALPAN Mosian thu a pêk ang khan.
39:2 Tin, rangkachak zai te, la dum pawl te, a sen duk te, a sen lâr te, la zai sin tak kawpte hmangin puithiam kawr chu a siam a.
39:3 Rangkachak chu pan takin an chhu per a, la dum pawl te, a sen duk te, a sen lâr te, la zai sin tak tea mi themthiam takin a zeh turin an zai thlur seng a.
39:4 A dar bak thui belhbawmin an siam a: a hmawr ve vea thui belhbawm a ni.
39:5 Tin, chumi kawr chunga kawnghren tur themthiam taka tah chu, chu mi kawr chi bawk tluan khat vek a ni a: rangkachak zai te, la dum pawl te, a sen duk te, a sen lâr te, la zai sin tak kawp tea tah a ni; LALPAN Mosia thu a lo pêk ang khan.
39:6 Tin, Israela thlahte hming ang zelin nemnaa ziak ang chuanna rangkachak zai phiara phum onukion lungahte chuan an ziak a.
39:7 Tin, Israela thlahte hriat rengna lung atan puithiam kawr darbakah chuan a bel a; LALPAN Mosia thu a pêk ang khan.
39:8 Tin, awmbel chu puithiam kawr siam ang bawk mi thiam tak siam angin rangkachak zai te, la dum pawl te, a sen duk te, a sen lâr te, la zai sin tak kawpte hmangin a siam a.
39:9 Chu chu kil li nei ani a; awmbel chu an thuah a: a dung lam chu khap ani a, a vang lam chu khap bawk ani a, thuah a ni.
39:10 Tin, chutah chuan lunghlute tlar liin an zep a: tlar khatna chu saridon te, topazion te, smarangdon te a ni a.
39:11 Tin, tlar hnihna chu anthrax te, sappheiros te, sardonukion te a ni a.
39:12 Tin, tlar thumna chu huakinthos te, akates te, amethutos te a ni a.
39:13 Tin, tlar lina chu krusolithos te, berullion te, onukion te ani a: rangkachak zai phiara phum fel thet a ni.
39:14 Tin, lungte chu Israela thlahte hming ang zelin, sâwm leh pahnih chu an hming an zelin a ni a; hming nemnaa chuang ang, hnam tin, an hming ang zelin, hnam sâwm leh hnam hnihte tan chuan a ni.
39:15 Tin, awmbel chuah chuan hruihrual ang khaidiat te, rangkachak hlir hlakherh an siam a.
39:16 Tin, rangkachak zai phiar pahnih leh rangkachak khang pahnih an siam a; tichuan awmbel tlâng hmawr ve veah chuan khangte chu an vuah a.
39:17 Tin, rangkachak khaidiat herh pahnih chu awmbel tlâng hmawr ve vea khang pahnihah chuan an thlung a.
39:18 Tin, khaidiat herh hmawr leh lam pahnihte chu rangkachak zai phiar pahnihah chuan an zawm a, chu chu puithiam kawr hma lama darbakah chuan an thlung a.
39:19 Tin, rangkachak khang pahnih an siam a, chung chu awmbel kil pahnih, puithiam kawr dep chu lampangah chuan an vuah a.
39:20 Tin, rangkachak khang pahnih an siam a, chu chu a hma lama puithiam kawr darbakna pahnih hnuai lam pang, a inzawmna lai vel, pithiam kawr hrenna themthiam taka tah chu lamah chuan an vuah a.
39:21 Tin, puithiam kawra khangahte chuan awmbela khangte chu hrui dum pawlin an chilh zawm a, themthiam taka tah puithiam kawr hrenna chung lama a awm theih nan leh awmbel chu puithiam kawr nen a inhran loh nan; LALPAN Mosia thu apêk ang khan.
39:22 Tin, puithiam kawr kawrfual, a dum pawl hlir hlaka tah a siam a,
39:23 tin, kawrfual lai tak chu kawr ban bul angin a tiawng a, a awng chu a thler chhiat thei mai lohna turin a tlâng vel chu a chep a.
39:24 Tin, kawrfual femahte chuan pawmgranet lem- a dum pawl te, a sen duk te, a sen lâr te, la zai kawptein an siam a.
39:25 Tin, rangkachak hlir hlak tengengte an siam a, chung tengeng chu kawrfual femah a velin pawmgranet inkarahte chuan an dah a, pawmgranet inkar zelah an dah a ni;
39:26 tengeng pakhat leh pawmgranet pakhat zel kawrfual femah a velin rawngbawlna tura inthuam nan an dah a; LALPAN Mosia thu apêk ang khan.
39:27 Tin, Arona leh a fapate tan chuan la zai sin taka tah kawrte an siama. La zai sin taka siam puithiam lukhum te, la zai sin taka siam diar tha tak te, la zai sin tak kawpa siam la zai sin kekawr te,
39:28 la zai sin taka siam puithiam lukum te, la zai sin taka siam diar tha tak te, la zai sin tak kawpa siam la zai sin kekawr te,
39:29 la zai sin tak kawp te, a dum pawl te, a sen duk te, a sen lâr te hmanga puan zehmawi thiam taka zeh kawnghren te nen; LALPAN Mosia thu a pêk ang khan.
39:30 Tin, lukhum thianghlim atana rangkachak phêk chu rangkachak hlir hlakin an siam a, a pangah chuan hming nemnaa chuang ang, "LALPA PUAL" tih an chuantir a,
39:31 Tin, puithiam lukhum chu lama bel turin hrui dum pawlin an thlung a; LALPAN Mosia thu a pêk ang khan.
39:32 Chutichuan ibiakna puan in biak bûk hna zawng zawng chu an zo ta a: tichuan LALPAN Mosia tih tura thu a pêk ang chiah zelin Israela thlahte chuan an ti a.
39:33 Tin, Mosia hnenah biak bûk an rawn kalpui a, Puan in te, a hmanrua zawng zawng te, a chilhbehna te a ban rem khawm te, a bangrel te, a ban te, a nghahchhan kerkuak te nen;
39:34 Berampa vun chhum sena siam a khuhna te, savun tha mia siam a khuhna te, a daidanna tur puanzar te nen,
39:35 thuhriattirn bawm le a zawnfung te, zahngaihna bawm le a zawnfung te, zahngaihna thutphah nen,
39:36 Dawhkan te, a hmanrua zawng zawng te, chhang dah te nen,
39:37 rangkachak hlir hlaka siam khawnvar dahna te, a khawnvar, khawnvar dah tur te, a hmanrua zawng zawng le chhit en atan a hriak nen;
39:38 rangkachak maicham te, hriak thih mi te, hal tur rimtui tak te, Puan in kawngkaa zar tur puan zar te nen,
39:39 dar maicham te, a dar len te, a zawnfung te, a hmanrua zawng zawng te, maihun leh a hun chan te nen;
39:40 biak bûk hun ngchhûng kawtlai puanzar te, a ban e, a ban nghahchhan kerkuak te, a hung chhûng kawngkaa puanzar te, a rui te, a kilhbehna te, inbiakna puan in biak bung chhûng a hmanraw thil zawng zawngte nen;
39:41 mun thianghlima rawngbawlna tura silhfen mawi taka tah te, puithiam Arona leh a fapaten puithiam rawng an bawl huna an hak tur silhfen thianghlimte nen.
39:42 LALPAN Mosia tih tura thu a pêk ang zawng zawng chu Israela thlahte chuan an ti vek a.
39:43 tin, Mosian chu hnathawh zawng zawng chu a han en a, ngai teh, an lo zo vek tawh a; LALPA thupêk ang takin an zo vek a ni: tichuan Mosian anni chu mal a sawm a.
40:1 ,2 Tin, LALPAN Mosia hnenah, "a thla khatna ni khat niah chuan inbiakna puan in biak bûk chu i din tur a ni.
40:2 ,1 Tin, LALPAN Mosia hnenah, "a thla khatna ni khat niah chuan inbiakna puan in biak bûk chu i din tur a ni.
40:3 Tin, a chuah chuan thuhriattirna bawm i dah tur a ni a, tin, bawm chu puanzarin i daidan tur a ni.
40:4 Tin, dawhkan kha la lutin, a chua thil awmte chu i dah fel tur a ni; khawnvar dahna kha la lutin, a khawnvarte chu i dah tur a ni.
40:5 Tin, hal tur rimtui halna rangkachak maicham kha thuhriattirna bawm hmaa dahin, bia bûk kawngka puanzar kha i zar tur a ni.
40:6 Tin, halrala thilhlanna maicham kha inbiakna puan in biak bûk kawngka bulah i chhung tur a ni.
40:7 Tin, inbiakna puan in leh maicham inkarah chuan maihun chhungin, chutah chuan tui i dah tur a ni.
40:8 Tin, biak bûk vel chuan a hung chhûng kawtlai puanzar chu i zar tur a ni.
40:9 Tin, hriak thih mi lain, biak bûk leh a chhûnga awm zawng zawngte chu hnawihin, i tithianghlim tur a ni, a bungbel zawng zawngte nen: tichuan a lo thianghlim ang.
40:10 Tin, halrala thilhlanna maicham leh a hmanrua zawng zawngte chu hriak hnawihin, maicham chu i tithianghlim tur a ni: tichuan maicham chu thianghlim tak a lo ni ang.
40:11 Tin, maihun leh a hun chhan chu hriak hnawihin i tithianghlim tur a ni.
40:12 Tin, Arona leh a fapate chu inbiakna puan in kawngka bula rawn hruaiin tuiin i sil tur a ni.
40:13 Arona chu silhfen thianghlimte chu i sintir tur a ni. Tichuan puithiam hna thawka ka tan rawng a bawl theina tura hriak thihin i tithianghlim tur a ni.
40:14 Tin, a fapate pawh rawn hruaiin kawr i haktir tur a ni:
40:15 tichuan puithiam hna thawka ka tan rawng an bawl theihna turin an pa hriak i thih ang khan anmahni chu hriak i thih tur a ni: hriak thiha an awm hi an thlahte thleng pawha kumkhuaa puithiam tura ruat an ni reng tawh ang tih an tan chhinchhiahna ani ang," tiin a sawi a.
40:16 Chutiang chan Mosian a ti a: LALPAN tih tura thu a pêk ang zawng zawng chuan a ti vek a.
40:17 Tin, heti hi a ni a, a kum hnihna thla tir ber, chu mi thla ni khat ni tak chuan biak bûk chu an lo din ta a.
40:18 Tin, Mosia chuan biak bûk chu a han din a, a nghah chhan kerkuakte a han rem a, a ban remkhawmte chu a han din a, a nghahchhan kerkuakte a han rem a, a ban remkhawmte chu a han din a, a bangrelte chu a han rawlh a, a bante chu a han tung a.
40:19 Tin, biak bûk chuah chuan puan in a zar a, chu mi puan in chu chu a khuhnain a khu leh a; LALPAN Mosia thu a pêk ang khan.
40:20 Tin, thuhriattirna chu alaa, bawm chhûngah a dah a, bawmah chuan a zawnfungte a rawlh a, bawm chhûnga chuan zahngaihna thuphah a dah a:
40:21 tin, bawm chu biak bûk chhûngah chuan a dah a, a daidanna puanzar chu a zar a, thuhriattirna bawm chu a daidang ta a; LALPAN Mosia thu a pêk ang khan.
40:22 Tin, dawhkan chu inbiakna puan in chu, biak bûk hmar lampang, puan zar pawn lamah chuan a chhung a,
40:23 Tin, dawhkanah chuan LALPA hmaah chhang chu a dah fel diam a; LALPAN Mosia thu a pêk ang khan.
40:24 Tin, khawnvar dahna chu inbiakna puan in chu biak bûk chim lampang dawhkan epah chuan a dah a.
40:25 Tin, khawnvarte chu LALPA hmaah chuan a dah a; LALPAN Mosia thu apêk ang khan.
40:26 Tin, rangkachak maicham chu inbiakna puan in chu puanzar hmaa chuan a dah a:
40:27 tin, a chhûngah chuan englo rimtui tak hal tur rimtui a hal a; LALPAN Mosia thu a pêk ang khan.
40:28 Tin, biak bûk kawngka puanzar a zar a.
40:29 Tin, inbiakna puan in biak bûk kawngka bulah chuan halrala thilhlanna maicham a chhung a, a chhûngah chuan halral thilhlan leh ei tur thilhlan a hlan a; LALPAN Mosia thu a pêk ang khan.
40:30 Tin, maihun chu inbiakna puan in leh maicham inkarah chuan a chhung a, insilna turin tui a chhûng a.
40:31 Tin, Mosia leh Arona leha fapate chuan chutah chuan an kut leh an kete an sil a,
40:32 inbiakna puan ina an luh dawn leh, maicham bula an kal dawnin an insil a ni: LALPAN Mosia thu a pêk ang khan
40:33 Tin, biak bûk leh maicham vel chuan hung chhûng kawtlai chu a siam a, a hung chhûng kawtlai kawngka puanzar chu a zar a. Chutichuan Mosian hna chu a zo ta a.
40:34 Tichuan inbiakna puan in chu chhumin a rawn tuam ta mup a, biak bûk chu LALPA ropuinain a lo khat ta a.
40:35 Tin, chutia chhum a lo zin tak mup a, LALPA ropuinaa biak bûk chu a lo khah tak avangin Mosia chu inbiakna puan in chhûngah chuan a lut thei ta lo va.
40:36 Tin, chhum chuan biak bûk chu a kian chhohsan veleh Israela thlahte chu an insawn zel a, an kalna tur lama an kal chhûng zawng chuan
40:37 chhum chuan a kian chhohsan loh erawh chuan a kian chhohsan hma loh zawng insawn lovin an awm reng thin.
40:38 Chhunah chuan LALPA chhum chu biak bûk chungah a zing a, chutah chuan zanah mei a lo awm thin a. Israel-ho zawng zawngte chuan an kalna tur lama an kal chung zawng chuan chu chu an hmu zel thin a ni. |
posted by zoblog @ 2:42 PM  |
|
|
|
