| Wednesday, September 12, 2007 |
1:1 Zâwlnei Habakukan phurrit a hmuh chu.
1:2 Aw LALPA, eng chen nge ka au vang a, Min ngaihthlâk loh vang? Inpâwngnêkna thu I hnênah ka au chhuahpui a, Nangin i chhanhim si lo va.
1:3 Engatinge khawlohna te min entîr a, thiltih dik lo tak te hi I en reng? Inrawkna leh Inpâwngnêkna te Ka hmâah an awm reng si a: Inhauhna leh innghirnghona te a lo chhuah a ni.
1:4 Chuvângin dân thu chuan kori a tu hlei thei lo va, Rorêlna thu a chhuak ngai hek lo: Mi fel te chu mi suaksualte chuan an hual vêl a, Chuvângin rorêlna chu dik lo takin a chhuak thin a ni.
1:5 Hnamte chu en ula, thlîr reng ula, nasa takin mak ti rawh u; In dam chhûng hian thil kawngkhat ka tih hi, Chu thil tih chu min hrilh che u mah sela In âwih tawp lo vang.
1:6 Ngai rawh u, Kaldai mi, hnam kawlhsen tak leh Thu dâwn tâwi tak, chênna hmun, an ta lo pawh neih tum a lei vân paltlang thîntute chu ka chawk tho a nia.
1:7 An hlauhawmin anrapthlâk êm êm a ni, an rorêlna leh an ropuina chu an mahni atanga chhuak bawk a ni.
1:8 An sakawrte pawh keite aiin an tuan tha zawk a, Tlâilam chinghniate ai pawhin an hlauhawm zâwk a ni; An sakawr chungchuang hote chu hla tak ata lo kal an ni; Mupui sapan ang maiin an ding vung vung a.
1:9 Pâwngnêk tumin an lo kal hlawm a, chak takin hma lam an hawi tlat a ni; tiau vaivut ang maia tam salte an man hlawm thîn,
1:10 A ni, lalte pawh an chêksawlh a, Miliante chu an nuihzabûr a; Kulh nghet zawng zawngte pawh an tham lo, Lei an chhûng pâwng a, an la mai thîn si a.
1:11 Thlî ang maiin an rawn nuai a, An kal tlâng pur pur a, A maherawhchu, an chakna chu pathian an neih avângin Thiamloh an chang a ni.
1:12 Aw LALPA ka Pathian, ka mi Thianghlim, Chatuan mi i ni lo vem ni? I thi ngai lo. Aw LALPA, nangin an ni chu rorêl nân i thlang ta a, Aw lungpui, nangin anni chu thunun nân i din chhuak a ni.
1:13 Nang, thilsual hmu thei lokhawpa mit thianghlima In hnehchhiahna en thei lo chuan Engatinge mi vervêk taka titute chu i en theih a, mi suaksualten an aia mifel an ei zawh laia i ngawih renga,
1:14 Mihring hi tuifinriata sânghate leh rannung An chunga rorêltu nei bîk lote anga i siam ni?
1:15 Nghakuaiin a khai chhuak vek a, a lênin a man hlawm a, a lênkhang chuan a fûn khâwm a: Chuvângin a hlimin a lâwm a ni.
1:16 Chutih avâng chuan a lên hnênah inthâwina a hlân a, a lênkhang hnênah rimtui a hâl a, Anmahni avânga a chanvo a lo lêna eitûr a neih tamtak avângin.
1:17 Chuvângin alên chu tiruak leh thînin, Hnamte thah a hnial lo fo dâwn em ni?
2:1 Tin, ka vênnaah ka ding ang a, kulh chhûngah ka chuang ang a, ka vui thuah khân ka hnênah eng nge a sawi dâwna, keiin eng tin nge ka chhân dâwn tih hmu tûrin ka thlîr ang.
2:2 Tin, LALPA chuan heti hian mi chhâng a: Inlârna chu ziak la, a chhiartu in tlân paha a chhiar theih khawpa chiangin lung phêk chungah ziak rawh.
2:3 Inlârna hi hun ruat chhûng atân mai a ni nghe nghe si a, a kin ni chu a hnai tial tial a, a thlâwn lo vang. Rei deuh mahse, nghak rawh; a lo thlen ngei dâwn avângin a tlai chuang lo vang.
2:4 En teh, a chapo mang e, a rilru a va ngîl lo êm! Mifel erawh chu a rinna in a nung ang.
2:5 A ni, chu lovah pawh, uain heh chu bumhmang, michapo, in lam ngawrh lo mi a ni a; A châkna chu seol angin a hawng zau va, thihna ang a ni a, tih tlai theih a ni lo; A hnênah hnamtin a hruai khâwm a, mi zawng zawng a chhêk khâwm a ni.
2:6 Heng zawng zawngte hian a chungah tihelna thu, deuna thufing tawi - a ta si lova in tipunga, dahkham thila intimuktu chu, a chung a pik e! Eng chen nge a chin ang aw? Tiin an sawi lo vang em ni?
2:7 Nangmah eitutûr che an dingchhuak phutin a tihhreawmtu tûr che an harh ang a, An tan râllâk mai i la ni dâwn lâwm ni?
2:8 Hnam tamtak i rawk tawh avângin Hnam dang zawng zawngte pawhin an rawk vethung ang che; Mite thisen avâng leh ram chungah te, Khawpui leh a chhûnga chêng zawng zawngte hnêna I pâwngtihna avâng khân.
2:9 Misual kut ata him theihna tûra bû sâng taka chhep tûrin, a in atâna hlâwkna bawlhhlawh chîngtu chu a chung a pik e!
2:10 Mi tam takte tiboralin i in atân mualphona i phhiar a lo ni a, i nunna chungah thil i tisual a ni.
2:11 Lung chu bang ata a au vang a, thing hmanrua atangin khanchhukin a chhâwn ang.
2:12 Thisena khawpui din a, khawlohnaa khawpui siamtu chu a chung a pik e!
2:13 Ngai teh u, miten mei kan mai atâna an thawk a hnamte engmahlo atâna an inti-hah hi Sipai hote LALPA a ni lo vem ni?
2:14 Tuifinriat chu tuiin a khat vek angin LALPA ropuizia hriatnain lei hi a khat vek dâwn si a,
2:15 A thenawm hnêna zu intûr petu chu, a chung a pik e, nang, an saruak i hmuh theih nâna i tûr chawhpawlha tirûi tu chu!
2:16 Ropuina aiah zahnain a intitlai a, Nang pawhin in la, saruakin awm ve mai rawh; LALPA kut dinglam no chu i hnênah a lo lêt ang a, I ropuina chungah bawlhhlawh zahpuiawm tak a awm ang.
2:17 Lebanon tlâng i suasamna chuan a chhilh ang chia, Sate boralna chuan a tihlau vang che; Mihring thisen avâng leh ramte, khawpuite leh A chhûnga chêngte i suasam tawh avângin.
2:18 Milim chher chawp hi eng nge a sâwta, A siamtuin a siam ni? Milim chhûn chawp, dâwt zirtirtu mai, A siamtuin a ma kut chhuak a rin leh chawp si, Milim tawng thei hlei lo han siam hi eng nge a sawtna?
2:19 Thing hnênah, Harh rawh, tia Lung tawng thei lo hnênah, Tho rawh titu chu A chung a pik e! Hei hian a zirtîr dawn em ni? En teh rangkachak leh tangkaruaa luan a ni a, A chhûngah thaw rêng a awm tawp lo a ni.
2:20 LALPA erawhchu a in thianghlimah a awm a ni: Leia mi zawng zawngte chu ngawi thiap rawh se.
3:1 Sigionoth thlûk dâna zâwlnei Habakuka tawngtaina.
3:2 Aw LALPA, i chanchin an hril ka lo hria a, ka hlau va; Aw LALPA, hêng kum chhûng hian i hna tharthawh leh la, hêng kum chhûng hian tilâr ang che: Thinurnaah chuan zahngaihna telh thîn ang che.
3:3 Teman ram atangin Pathian a lo kal a, Mi Thiannghlima chu Paran tlâng atangin. (Selah) A ropuinain vânte khi a tuam a, A faknain lei a khata.
3:4 A tlêtzia chu êng ang mai a ni a; A kut atangin êng zâm a lo chhuak a, Chutah chuan a thiltihtheihna inthupin a awm.
3:5 Hripui chu a hmatawnah atanga, a hnungah chuan tek a tla rum rum a.
3:6 A dinga, lei chu a tinghîng dur dur a, a hawi vêla hnamte chu a tithlabâr a; Tlâng hlunte chu a tidarh a, kumkhaw mualte pawh an kimki a; a kawngte chu chatuan ata a ni.
3:7 Kusan puan inte chu hreawm tuarin ka hmu a, Midian ram puanzârte chu an khûr a.
3:8 LALPA chu luite chungah chuan a lungni lo ta a ni maw? Luite chungah chuan i thinrimin, tuipui chungah i thinur a ni maw, i sakawr, i chhandamna tawlailîr chungah i chuan tâk?
3:9 Peih diam a ni e, i thal ngûl, Hnamte tân chhechham a nghet e. (selah) I vaw phel ta, lei chu luiin.
3:10 Tlâng lianten an hmu chia, an hlau, tuifawnte pawh mual an liam ta: Tui thûk takin awrawl a chhuah, Sâng tak ah a bân a phar ta.
3:11 Tûrni chhawrthlapui an ding reng mahni hmunah, i thal lêng chhuak êngah te leh, i fei tlê zawr zawr êngah chuan.
3:12 Thinurin ram i chil chhuak a, thinrimin hnamte i pal ta.
3:13 I mite chhandam nan i chhuak, I hriak thiha chhandamnan chuan; Misualin a chhûng hlip zovin Nghahchhan lang rawtin i suasam (selah)
3:14 Arûktea rethei eirala lâwm tute, =hawngaleivir ang lo thawk e, mi tidarh nân; An tiang ngeiin i chhun ta a, a in do thiamte lu-ah chuan.
3:15 I sakawrin tuipui i zawh, Tuifâwn nasa tak mai chu.
3:16 Ka hriatin ka khûr, ti ralin, A aaw ah ka kha a in khâwng; Ka ruh a muatin, ka khûr a, mahni hmunah: Mahse sipai rualpui ang buaina ni Mipui chunga a lo thlen hunin Ka nghîng lo vang.
3:17 Theipui thing pâr vul dawn lovin, grêp hrui rah dawn hek suh seng, Olive thing pawh rah lovin, Lovin eitûr chhuah dawn lo seng, Huang ata ran rual tibovin, Ran inah ran awm lo mah seng.
3:18 Kalawm zel ang, LALPA-ah chuan, ka chhandamna pathianah chuan ka lâwm cheu dawn.
3:19 LALPA, Jehova, ka chakna, ka ke a siam, sakhi ke ang, Ka hmun sângah mi lentir ang. Hla hruaitu tan; ka tingtanga sak mi. |
posted by zoblog @ 11:51 AM  |
|
|
|
