MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

I Korinth
Wednesday, September 12, 2007
1:1 Paula, Pathian duhzawnga Krista Isua tirhkohva koh leh kan unaupa Sosthena chuan,
1:2 Korinth khuaa Pathian kohhranho awm, Krista Isuaa tihhran, mi thianghlim ni tura kohte hnenah ram tina kan Lalpa (anmahni leh keimahni Lalpa) Isua Krista hming lam zawng zawng hnenah nen:
1:3 Pathian kan Pa leh Lalpa Isua Krista hnen ata khawngaihna leh remna inhnenah awm rawh se.
1:4 Krista Isuaa Pathian khawngaihna in hnena pek avang khan in chung thu-ah Pathian hnenah lawmthu ka hril fo thin;
1:5 engkimah, thusawi tinrengah leh hriatna tinrengah, amahah chuan tihhausaka in awm thu-ah khan;
1:6 chutiangin Krista thu ka hriattir chu nangmahniah tihngheha a awm kha;
1:7 chutichuan kan Lalpa Isua Krista inlarna nghakin, thilpek reng rengah in hlawhtling lo lo ve;
1:8 ani chuan kan Lalpa Isua Krista ni-ah chuan sawiselbova in awm nan a tawp thlengin a tinghet bawk ang che u.
1:9 Pathian, a Fapa Isua Krista kan Lalpa pawlnaa ko luttu che u kha a rinawm a ni.
1:10 Tin, unaute u, in zain thu thuhmun in sawi a, inzinga inthenna reng a awm lohna turin, rilru hmunkhat leh ngaihtuahna hmunkhata fel taka in inzawm tlat zawkna turin kan Lalpa Isua Krista hmingin ka ngen a che u.
1:11 Ka unaute u, in chungchang thu chu in zingh inhnialnate a awm tih Kloii chhungte chuan mi hrilh a ni.
1:12 Hei hi a ni ka tih chu, mi tinin, “Kei Paula pawl ka ni,” “Kei zawng Apollova pawl ka ni,” “Kei zawng Kiphaa pawl ka ni,” “Kei zawng Krista pawl ka ni,” in tih hlawm hi.
1:13 Krista chu thenin a awm em ni? Paula in aia khenbehin a awm em ni? A nih loh leh, Paula hminga baptis-in in awm em ni?
1:14 Krispa leh Gaia lo chu in zinga mi tumah ka baptis loh che u avangin Pathian hnenah lawmthu ka sawi thin a ni;
1:15 chutilochuan miin keima hminga baptis in ni emaw an ti dah ang e.
1:16 Stephana chhungte erawh chu ka baptis bawk a; chung lo chu mi dang ka baptis emaw ka hre lo.
1:17 Krista chuan baptis turin mi tir si lo, Chanchin Tha hril turin mi tir zawk a ni; thu finga hril lovin, chutilochuan Krista kraws chu engmah lovah an chantir dah ang e.
1:18 Kraws thu chu boral mekte tan chuan atna a ni si a; keini chhandam mekte tan erawh chuan Pathian thiltihtheihna a ni zawk e.
1:19 “Mi fing finna chu ka tiboral ang a, Remhre remhriatna chu ka paih thla ang” tih ziak a ni si a.
1:20 Mi fing chu khawiah nge? Lehkhaziaktu chu khawiah nge? He khawvela hnialtu chu khawiah nge? Pathianin khawvel finna hi atthlak a ni tih a hriattir lo vem ni?
1:21 Pathian finnaah chuan khawvelin finna hmanga Pathian an hriat theih loh hnuin, thu hril atthlak hmanga a ringtute chhandam chu Pathianin tha a ti hle si a.
1:22 Judate chuan chhinchhiahnate an phut thin a, Grikte chuan finna an zawng bawk thin a;
1:23 keini erawh chuan Krista khenbeh thu kan hril thin a nih hi; chu chu Judate tan chuan tlukna, Jentailte tan thu atthlak a ni a;
1:24 nimahsela Judate pawh ni sela, Grikte pawh ni sela, kohte tan zawng Krista, Pathian thiltihtheihna leh Pathian finna chu a ni.
1:25 Pathian atna chu mihring aiin a fing zawk a, Pathian chak lohna pawh chu mihring aiin a chak zawk bawk si a.
1:26 Unaute u, a kohna che u hi ngaihtuah teh u, tisa lama mi fing tam tak te, mi chak tam tak te, mi tha tam tak te koh an nih lohzia hi;
1:27 nimahsela Pathianin khawvel thil ate chu a thlang zawk a, mi fingte chu a tihmualpho theihna turin; tin, Pathianin khawvel thil chak lote chu a thlang a, thil chakte chu a tihmualpho theihna turin;
1:28 tin, khawvel thil chhia leh thil hmuhsitawmte, thil awm lote nen lam Pathianin a thlang a, thil awmte chu engmah lova a siam theihna turin;
1:29 chutichuan Pathian hmaah mi tumah an inchhuang thei lo vang.
1:30 Nangni erawh chu ama zarah Krista Isuaah chuan in awm a ni; ani chu Pathian hnen ata kan tan finnaah siam a ni, felnaah te, thianghlimnaah te, tlannaah te nen;
1:31 chutichuan an ziak ang khan, “A chhuang apiangin Lalpa chhuang rawh se.”
2:1 Tin, unaute u, kei zawng Pathian thuruk hrilh che uin in hnena ka lo kal lai khan, thusawi ropui leh finna ropui nena lo kal ka ni lo.
2:2 Isua Krista, amah ngei khenbeha a awm thu chauh lo chu in zingah engmah reng hriat ka tum loh kha.
2:3 Tin, chak lo leh hlauvin, nasa taka khur chungin in zingah ka awm a.
2:4 ,5 Tin, in rinna chu mihring finna innghat lovin, Pathian thiltihtheihnaa innghata a awm theih zawkna turin, ka tawngka chhuak leh ka thu hrilhte chu thu finga thlemna thuin a ni lo va, Thlarau leh thiltihtheihna hriattirin a nih zawk kha.
2:5 ,4 Tin, in rinna chu mihring finna innghat lovin, Pathian thiltihtheihnaa innghata a awm theih zawkna turin, ka tawngka chhuak leh ka thu hrilhte chu thu finga thlemna thuin a ni lo va, Thlarau leh thiltihtheihna hriattirin a nih zawk kha.
2:6 Amaherawhchu puitlingte zingah chuan thu fing zawng ka sawi thin, nimahsela he khawvel thu fing hi a ni lo, he khawvel roreltu boral turte thu fing hi a ni hek lo;
2:7 Pathian thu fing thuruk chu kan sawi zawk thin a ni, thu fing inthup, kan ropuina tura Pathianin khawvel awm hmaa a ruat lawk tawh chu.
2:8 Chu chu he khawvel roreltute reng reng hian an hre lo; hria sela chuan ropuina Lalpa chu an khengbet lo vang.
2:9 “Mita hmuh ngai loh, benga hriat ngai loh, Mihring rilrua lut ngai lo, Patianin a hmangaihtute tan A buatsaih apiangte chu,” tih ziak ang zawk khan.
2:10 Keini erawh chu chung chu Pathianin Thlarauvin min hriattir ta a ni; Thlarau chuan engkim a chhui chhuak si thin; a ni. Pathian thu ril pawh.
2:11 Mihring thute chu mihring rilru, a chhunga awm vek lo chuan mihring zingah tuin nge hria ang? Chutiang bawkin Pathian thute chu Pathian Thlarau vek lo chuan tuman an hre lo.
2:12 Chutichuan athlawna Pathianin thil min pekte chu kan hriat theihna turin, keini zawngin khawvel thlarau ni lovin, Thlarau, Pathian hnena mi chu kan hmu zawk a ni.
2:13 Mihring finna zirtir thua sawi lovin, Thlarau zirtir thua sawi zawkin, Thlarau lam thute chu thlarau lam mite hnena hrilhfiahin, chung thil min pek thute pawh chu kan sawi thin.
2:14 Khawvel mi chuan Pathian Thlarau lam thilte chu a lawm thin lo, ani ngaih chuan atthlak a ni si a; Thlarauva hriat fiah a nih avangin a hre thei lo reng reng bawk a ni.
2:15 Thlarau mi erawh chuan thil engkim a hre fiah thin a, ani lah chu tuman an hre fiah si lo.
2:16 Tuin nge Lalpa rilru hre tawha amah chu zirtir thei ang? Keini erawh chuan Krista rilru kan pu a ni.
3:1 Tin, Unaute u, thlarau mite hnena sawi angin in hnenah thu ka sawi thei lo va, tisa mite hnena sawi angin ka sawi zawk kha, Kristaa nausente hnena sawi ang maiin.
3:2 Chaw ni lovin, hnutein ka chawm che u kha, chaw in la ei theih loh avang khan; a ni, tunah pawh in la ei thei ta lo fo a ni,
3:3 tisa mi in la nih fo avangin. In zingah itsikna leh inhnialna a awm thin avang hian tisa mi la niin mihring angin inla awm a ni lo vem ni?
3:4 Mi pakhatin, “Paula pawl ka ni,” mi dang in, “Kei zawng Apollova pawl ka ni,” in tih chhung zawng mihring in la ni lo vem ni?
3:5 Apollova chu engnge a nih le? Paula pawh chu engnge a nih? Rawngbawltu, nangmahni rintirtu che u chauh an ni asin, chu pawh chu Lalpan a pek ang ve ve chauh zelin a ni.
3:6 Keiin ka phun a,Apollovan tuiin a chawm a,nimahsela Pathianin a thantir a ni.
3:7 Chutichuan a thantirtu Pathian chauh lo chu,a phuntu chu engmah a ni hek lo.
3:8 Tin, a phuntu leh tuia chawmtu chu pumkhat an ni, nimahsela anmahni thawh rim ang zelin mahni lawmman an hmu ve ve ang.
3:9 Keini zawng Pathian hnathawhpuite kan ni si a; nangni Pathian thlawhhma chu in ni a, Pathian in sak chu in ni bawk a.
3:10 Pathian khawngaihna mi pek ang zelin in sa hotu ber fing tak angin keiin lungphum ka rem a, mi dangin a chungah in an sa a. Nimahsela mi tin a chunga an sakzia turah fimkhur theuh rawh se.
3:11 Lungphum rem tawh sa lo chu lungphum dang tuman an rem thei tawh si lo va, chu lungphum chu Isua Krista chu a ni.
3:12 Tin, lungphum chungah chuan tupawhin rangkachakin emaw, tangkain emaw, lung man tamin emaw, thingin emaw, hnimin emaw, buhpawlin emaw in sa sela,
3:13 mi tin hnathawh chu a lang tawh ang. Ni chuan a tilang dawn si a, meia a inlar dawn avangin; mei ngei chuanin mi tin hnathawh chu eng ang nge a nih a fiah tawh ang.
3:14 Tu hnathawh pawh a chunga a sak chu a awm reng chuan chu mi chuan lawmman a hmu ang.
3:15 Tu hnathawh pawh a kan chuan chu mi chuan a chan ang; amah tak erawh chu chhandamin a awm ang, amaherawhchu meia kal tlang ang maiin.
3:16 Pathian in in nih leh Pathian Thlarau nangmahniah a awm reng tih in hre lo vem ni?
3:17 Tupawhin Pathian in chu a tihkhawloh chuan chu mi chu Pathianin a ti khawlo vang; Pathian in chu a thianghlim si a, chu in chu nangmahni in ni e.
3:18 Tuman mahni intihder suh se. In zingah tupawh he khawvelah hian finga a inngaih chuan a lo fin theihna turin mi aah lo chang rawh se.
3:19 He khawvel finna hi Pathian ngaih chuan atna a ni si a. “Ani chuan mi fingte chu anmahni fin verveknain a awk thin,” tih ziak a ni si a;
3:20 “Lalpa chuan mi fingte ngaihtuahnate chu athlawn a ni tih a hria,” tih ziak a ni leh bawk a.
3:21 Chuvangin tuman mihringte chhuang suh se. Engkim hi in ta a ni vek si a;
3:22 Paula emaw, Apollova emaw, Kiphaa emaw, khawvel emaw, nunna emaw, thihna emaw, thil awmsa emaw, thil lo la awm tur emaw, a zavaiin in ta vek a ni;
3:23 nangni pawh Krista ta in ni a; Krista pawh chu Pathian ta a ni.
4:1 Keiniho hi Krista rawngbawltuah leh Pathian thuruk enkawltuah miin min ngai rawh se.
4:2 Hetah hian enkawltu chu mi rinawm nih a ngai bawk a ni.
4:3 Nimahsela nangnin mi fiahna leh mihring ngaihtuahnain mi fiahna chu ka tan thil te tak te a ni; mahni pawh ka infiah ngai hek lo.
4:4 Engmah indemna ka inhre si lo va; nimahsela chu chuanin thiam mi chantir chuang lo; mi fiahtu chu Lalpa a ni zawk.
4:5 Chutichuan a hun hma hian engmah fiah suh u, Lalpa lo kal hma loh zawng; ani chuan thima thil thuhrukte chu engah a rawn la chhuak ang a, thinlunga tumte pawh a tilang bawk ang; chu mi hunah chuan mi tinin Pathian lakah chuan mahni chan tawkah fak an hlawh theuh tawh ang.
4:6 Tin, unaute u, thu ziakte chu in khum lohna turin, keimahniah hian in zir theih nan, chung thute chu in thatna turin kei leh Apollova ka inbel a ni, in zingah tuman pakhat chhuangin pakhat in uan khum loh nan.
4:7 Nang tuin nge tilem chuang che; I dawn loh chu engnge i neih ni? I dawn a nih si chuan engati nge dawn ni lo anga i uanpui ni?
4:8 Tun apangin in tlai ta a, tun apangin in hausa ta a, kan tel lovin ro in rel ta a nih hi le; a ni, rorel tak tak ula chu ka duh a ni, keini pawhin nangmahni nen a ro kan rel theih nan.
4:9 Pathianin keini tirhkohte hi thi tura ruat sa angin a hnuhnung berah min tar chhuakah ka ngai a ni; khawvelte leh vantirhkohte leh mihringte mithmuha ennawma siamin kan awm hi.
4:10 Keini zawng Krista avangin mi a kan ni a, nangni erawh chu Krista-ah chuan mi fing inni zawk e; keini zawng kan chak lo va, nangni erawh chu in chak e; nangni zawng mi chawimawiin in awm a, keini erawh chu mi hmuhsitin kan awm zawk a ni.
4:11 Tun thleng pawh hian kan riltamin kan tuihal a, silhfen kan khawp lo va, mi kut thak hnawihna kan ni a, awmna bulbal kan nei lo va;
4:12 mahni kuta thawkin kan rim hle a; miin min hauvin mal kan sawmsak thin a; miin min tihduhdahin kan tuar hram thin a; miin min hekin kan thlem thin a; tun thleng pawh hian khawvel hnawmhnawk, thil zawng zawng bawlhhlawh angin miin min siam a ni.
4:14 In zahna trin heng thu hi ka ziak lo va, ka fa duh takte anga zilh tur che uin ka ziak zawk a ni.
4:15 Kristaah chuan zirtirtu sangkhat nei mah ula, pa zawng tam tak in nei si lo a ni; keiin Krista Isuaah chuan Chanchin Thain ka hring che u a nih kha.
4:16 Chutichuan, mi zir turin ka ngen a che u.
4:17 Chu mi avang chuan Timothea, Lalpaa ka fa duh tak leh rinawm chu in hnenah ka rawn tir a ni; ani chuan Kristaa ka awm dan, ram tina kohhranho pawl tina ka zirtir thin ang hi a hriattir leh ang che u.
4:18 Tin, kei in hnena lo kal tawh lo tur ang maiin thenkhat in uang a ni.
4:19 Nimahsela Lalpain rem a tih chuan rei lo te chinah in hnenah ka lo kal ang; chutichuan mi uangte thu chu ni lovin, an thiltihtheihna chu ka hre zawk tawh ang.
4:20 Pathian ram chu thu-ah a awm lo va, thiltihtheihnaah a awm zawk a ni.
4:21 Engnge in duh zawk? Vuakfung nen nge in hnenah ka lo kal ang a, hmangaihna leh thuhnuairawlh rilru puin?
5:1 In zingah inngaih a awm tih thu a thang vel chiam a ni; chuting inngaih chu Jentailte zingah pawh awm ngai hlei lo, in zinga mi pakhatin a pa nupui a neih kha.
5:2 Tin, chu thil titu chu in zing ata hnawh chhuah nana lungngaih tak aruangin in uang zawk si a.
5:3 Keimah ngei hi, taksain ka tel lo na a, thlarauvah erawh chuan ka tel a, thil chuti kau titu chu tunah pawh Lalpa Isua hmingin inzinga tel ang takin ka ngaihtuah zo tawh;
5:4 nangni leh ka thlarau chu kan Lalpa Isua thiltihtheihnaa inkhawmin,
5:5 mi chutiang chu, a thlarau Lalpa niah chuan chhandamin a awm theih nan a tisa tiboral turin, Setana pe ila ka ti a ni.
5:6 In uan chhan hi a tha lo ve, Dawidim tlemtein chhang hlawm chu apumin a fan chhuak thin tih in hre lo vem ni?
5:7 Dawidim tel lo in ni ang bawkin chhang hlawm thar in lo nih theih nan dawidimhlui chu thianfai rawh u. Kan Kalhlen Kutna tur pawh an talh tawh si a, Krista ngei chu;
5:8 chuvangin i kut ang u, dawidim hluia kut lovin, nunchhiat leh sualna dawidima kut hek lovin takna leh dikna chhang, dawidim telh lohvin i kut zawk ang u.
5:9 Ka lehkha thawnah khan inngaih hmangte pawl lo turin in hnenah ka ziak kha;
5:10 he khawvela inngaih hmangte emaw, duham leh hleprute emaw, milem betute emaw hi zawng pawl hauh loh tur ti ka ni lo ve; chutiang ni sela chuan khawvel ata kal chhuak ngei tur in ni dawn si a.
5:11 Tunah erawh chuan tupawh, unau hming pu siin, inngaih hmang mi emaw, miduham emaw, milem be mi emaw, hauh hmang mi emaw, zu ruih hmang mi emaw, hlepru mi emaw ni sela, pawl lo turin inhnenah ka ziak a ni; mi chutiang hnenah chuan ei pawh ei lo turin.
5:12 Pawn lam mite chu keia lo ngaihtuah tur em ni? Pathianin a ngaihtuah ang chu!
5:13 In zinga mite chu nangmahni ngaihtuah tur a ni lawm ni? Mi sual chu in zing ata hnawt chhuak rawh u.
6:1 In zingah tupawhin mi dang chungah thupawi nei ula, mi thianghlimte hmaa thlen lovin, mi fel lote hmaah in thlen ngam dawn em ni?
6:2 A nih leh, mi thianghlimte chuan khawvel an ngaihtuah dawn tih in hre lo em ni le? Tin khawvel mah hi in ngaihtuaha a awm dawn chuan thil te berte pawh chu ngaihtuah tlak lo em ni in nih le?
6:3 Tun dam chhung khawsak thute chu sawi loh, vantirhkohte lam pawh kan ngaihtuah dawn tih in hre lo vem ni?
6:4 Chutichuan tun dam chhung khawsak thute ngaihtuah tur in neihin kohhranho zinga mi hmuhsitawmte chu in ngaihtuahtir thin em ni?
6:5 In zahna turin ka sawi a ni. A unaute kara thu titlu thei mi fing pakhat tal in zingah in hmu thei lo a ni ang maw,
6:6 unauvin a unau rorelnaa a thlen zawk thin? Ring lote hmaah a ni nghal si.
6:7 A ni, hei hi in fel zawh zan lohna pakhat chu a ni pang mai, thupawi inneih tawn thin hi. Engati nge dik lo taka tihna chu in tuar zawk loh? Engati nge tihdawnna chu in tuar zawk loh?
6:8 A ni, nangmahni ngeiin in unaute chungh pawh in tidik lo va, in tidawng zawk thin.
6:9 A nih leh, mi fel lote chuan Pathian ram an luah lo vang tih in hre lo em ni le? Bumin awm suh u; inngaih hmangte emaw, milem betute emaw, uirete emaw, mi hurte emaw, mawngkawhurte emaw,
6:10 ruk hmangte emaw, mi duhamte emaw, zu ruih hmangte emaw, mi hau hmangte emaw, hleprute emawin Pathian ram an luah lo vang.
6:11 Tin, nangni thenkhat chutiang mi in nih thin kha; nimahsela Lalpa Isua Krsta hmingah leh kan Pathian Thlarauvah tlenfai in ni tawh a, tihthianghlim in ni tawh a, thiam chang in ni tawh.
6:12 Thil engkim tih ka tan a thiang a, nimahsela thil engkim tih a tha kher lo; thil engkim tih ka tan a thiang a, nimahsela eng bawihah mah ka inphal lo.
6:13 Ei turte chu pum tan a ni a, pum chu ei turte tan a ni; nimahsela Pathianin a tiboral ve ve dawn. Tin, taksa hi inngaih nan a ni lo va, Lalpa tan a ni zawk e; Lalpa pawh chu taksa tan a ni.
6:14 Tin, Pathianin Lalpa chu a kai tho va, keini pawh a thiltihtheihnain min kai tho ve bawk ang.
6:15 In taksa chu Krista pengte a ni tih in hre lo vem ni? Krista pengte chu laksakin nawhchizuar pengahte ka siam dawn em ni le? Hnai lo ve.
6:16 A nih leh, nawhchizuar zawm chu amah nen pumkhat an ni tih in hre lo em ni le? “An pahnihin tisa pumkhat an lo ni tawh ang,” a ti si a.
6:17 Lalpa zawm erawh chu amah nen thlarau pumkhat an ni. Inngaih hi tlansan rawh u. Mihring thil tihsual tinreng hi taksa pawn lamah a ni; mi ngaih hmang erawh chuan ama taksa chungah thil a tisual a ni.
6:19 A nih leh, in taksa chu,in chhunga awm Pathian hnen atanga in hmuh Thlarau Thianghlim in a ni tih in hre lo em ni le? Mahni ta pawh in ni lo va,
6:20 Mana lei in ni tawh asin, chuvangin in taksaah chuan Pathian chawimawi rawh u.
7:1 Tin, in thil ziak thute kha chu : Mipa tan hmeichhe khawih loh a tha a ni.
7:2 Nimahsela inngaihnate a awm thin avangin mipain nupui bik nei theuh sela, hmeichhia pawhin pasal bik nei theuh rawh se.
7:3 Pasal chuan a nupui hnenah a chan tur tawk chu pe rawh se; chutiang bawkin nupui pawhin a pasal hnenah a chan tur tawk chu pe bawk rawh se.
7:4 Nupui chuan ama taksa chungah thu a nei lo va, a pasal chuan thu a nei zawk a ni; chutiang bawkin pasal pawhin ama taksa chungah thu a nei lo va; a nupui chuan thu a nei zawk a ni.
7:5 Tawngtai tura in inpek theih nan reilote atan rem in tih ve ve chauh loh chuan atua mah intidawng suh u, chu mi hnu chuan in awm dan pangngaiin awm leh thuai ula, chutilochuan insum zawh loh avangin Setanan a thlem dah ang che u.
7:6 Nimahsela he thu hi thu pe lamin ka sawi lo va, phal lam thuin ka sawi zawk a ni.
7:7 Nimahsela mi zawng zawng keimah ang tak hian awm vek sela ka duh a ni. Amaherawhchu mi tinin Pathian hnen ata thilpek mahni hmuhzawng an nei theuh a ni, pakhatin kawng dangin, pakhatin kawng dangin.
7:8 Nimahsela lengtulte leh hmeithaite hnenah chuan heti hian ka ti a ni : Keimah ang tak hian awm sela an tan a tha ang.
7:9 Insum theihna an neih loh erawh chuan innei rawh se; hur aiin inneih chu a tha zawk si.
7:10 Tin, innei sate hnenah chuan thu ka pe (keima pek erawh chu ni lovin, Lalpa pek a ni zawk): Nupui chuan a pasal then suh se;
7:11 a then vek chuanin pasal nei tawh lovin awm law law rawh se, a nih loh leh a pasal nen vek innei leh rawh se; tin, pasal chuan a nupui ma suh se.
7:12 Mi dang hnenah erawh chuan Lalpa ni lovin keimahin ka sawi : Unau tupawhin nupui ring lo mi nei sela, ani chuanin a hnena awm reng a lungnih chuan ma suh se.
7:13 Tin, hmeichhia pasal ring lo mi nei chuanin a pasalin a hnena awm reng a lungnih chuan then suh se.
7:14 Pasal ring lo mi chu a nupui zarah tihthianghlimin a awm a, nupui ring lo mi pawh chu a pasal zarah tihthianghlimin a awm bawk si a; chuti ni suh sela in fate chu an thianghlim lo vang; nimahsela an thianghlim reng e.
7:15 Nimahsela a ring lo zawk chuan then sela, then mai rawh se, chutiangah zawng unaupa emaw, farnu emaw hre an ni tawh lo ve; Pathian erawh chuan inrem taka awm turin min ko a ni.
7:16 Aw nupui, i pasal i chhandam dawn leh dawn loh engtin nge i hriat ni? Aw pasal, i nupui i chhandam dawn leh dawn loh engtin nge i hriat ni?
7:17 Engpawh ni sela, Lalpa chuan mi tin hnena a sem pangngai ang theuh leh, Pathianin mi tin a kohna pangngai ang theuhvah awm rawh se. Chutiangin kohhran pawl zawng zawngah ka ruat thin.
7:18 Serh tan tawh hnu koh an awm em? Serh tan loh mi lo ni suh se. Serh tan lova awm koh an awm em? Serh tantir suh se.
7:19 Pathian thupekte pawm chauh lo chu serh tan hi engmah a ni lo va, serh tan loh pawh hi engmah a ni hek lo.
7:20 Mi tin kohva an awm laia an chan pangngaiah chuan awm reng theuh rawh se.
7:21 Bawiha i awm koh i ni em? Engto teh chiam suh, remchang a awm erawh chuan chhuah tum mai rawh.
7:22 Bawiha awm Lalpa kohva chu Lalpa bawih chhuahtir a ni si a; chutiang bawkin bawih lova awm kohva chu Krista bawih a ni.
7:23 Mana lei in ni tawh; mihringte bawihah lut suh u.
7:24 Unaute u, mi tin kohva in awm laia in chan pangngaiah chuan Pathian hnenah awm reng rawh u.
7:25 Tin, nula thianghlim lam thu-ah zawng Lalpa thupek reng ka nei lo va; nimahsela rinawma awm turin Lalpa hnen ata khawngaihna hmu ka nih avangin ka ngaihtuahzia ka sawi ang.
7:26 Chutichuan tun lai hrehawm avang hian hei hi thain ka ring, mi a awm ngaia awm reng hi.
7:27 Nupuiah phuar belhbawm i ni em? Phelhna zawng suh. Nupuiah phuar belhbawm loh i ni em? Nupui zawng suh.
7:28 Nimahsela nupui i neih chuan thil i tisual lo ve, nula thianghlim pawhin pasal a neih chuan thil a tisual hek lo. Amaherawh chu chutiang mite chuan tisaah chuan hrehawm an tuar ang; nimahsela kei zawngin tuar lohtir che u ka duh a ni.
7:29 ,30 Amaherawhchu unaute u, hei hi ka ti a ni: tun achinah chuan nupui neite chu nei lo anga an awm theihna tur leh, tapte chu tap lo anga an awm theihna tur leh, lawmte chu lawm lo anga an awm theihna tur leh, leitute chu nei lo anga an awm theihna tur leh, khawvel hmangtute chu hmang lutuk lova an awm theihna turin hun hi tihtawiin a awm a ni; he khawvel awm dan hi a boral mek a nih hi.
7:30 ,29,31 Amaherawhchu unaute u, hei hi ka ti a ni: tun achinah chuan nupui neite chu nei lo anga an awm theihna tur leh, tapte chu tap lo anga an awm theihna tur leh, lawmte chu lawm lo anga an awm theihna tur leh, leitute chu nei lo anga an awm theihna tur leh, khawvel hmangtute chu hmang lutuk lova an awm theihna turin hun hi tihtawiin a awm a ni; he khawvel awm dan hi a boral mek a nih hi.
7:31 ,29,30 Amaherawhchu unaute u, hei hi ka ti a ni: tun achinah chuan nupui neite chu nei lo anga an awm theihna tur leh, tapte chu tap lo anga an awm theihna tur leh, lawmte chu lawm lo anga an awm theihna tur leh, leitute chu nei lo anga an awm theihna tur leh, khawvel hmangtute chu hmang lutuk lova an awm theihna turin hun hi tihtawiin a awm a ni; he khawvel awm dan hi a boral mek a nih hi.
7:32 Nimahsela lungkham nei lova in awm ka duhsak che u a ni. Nupui nei lo chuan Lalpa tihlawm theihnazia tur ngaihtuahin Lalpa lam thil chu a lungkham thin.
7:33 Nupui nei erawh chuan a nupui tihlawm theihnazia tur ngaihtuahin khawvel lam thil chu a lungkham zawk thin.
7:34 Tin, pasal nei leh nula thianghlim chu an inang lo bawk a. Pasal nei lo chuan a taksa leh a thlarauvah chuan thianghlim takin a awm theihna turin Lalpa lam thil chu a lungkham thin; pasal nei erawh chuan a pasal tihlawm theihnazia tur ngaihtuahin khawvel lam thil chu a lungkham zawk thin.
7:35 Chung chu nangmahni thatna turin ka sawi a ni; khuahkhirh che u ka tum a ni lo va, awm dan mawi tawka in awm theihna tur leh, Lalpa rawng chu buai lova in bawl theihna turin ka sawi zawk a ni.
7:36 Amaherawhchu tupawhin a fanu nula thianghlim a len reitir kawngah tidik lova a inrin chuan, ani chu a vanglai a nih a, a tul bawk si chuah, a tih duh chu ti rawh se; thil a tisual lo ve; neihtir rawh se.
7:37 Nimahsela rilru nghet tak pu a, tul ti lova, ama duhzawng erawh chu hlen theia a fa nula thianghlim chu vawn reng a rilrua tum tlattu chuan a titha zawk ang.
7:38 Chutichuan pasal neihtirtu chuan a titha e, nimahsela a neihtir lotu chuan a titha lehzual a ni.
7:39 Nupui chu a pasal a dam chhung chuan phuar a ni; nimahsela a pasal a thih tawh chuan a duh apiang a nei thei ang, amaherawhchu Lalpaa awm mi a ni tur a ni.
7:40 Nimahsela keia ngaih chuan a awm ngia a awm reng chuan a eng a thawl zawk ang; kei pawhin Pathian Thlarau chu nei ve bawkin ka inring a ni.
8:1 Tin, milemte laka inthawina thilte thu kha chu: Kan zain hriatna kan nei theuh tih kan inhria. Hriatna zawngin mi a uantir thin a, hmangaihna erawh chuan mi a siam tha thin.
8:2 Tupawhin thil eng emaw hriaa a inrin chuan a hriat tur ang chu a la hre lo ve.
8:3 Amaherawhchu tupawhin Pathian a hmangaih chuan chu mi ngei chu ama hriat a ni.
8:4 Chutichuan, milemte laka inthawina thil ei kawngah zawng, khawvelah hian milem reng reng chu engmah a nih lohzia leh pakhat chauh lo chu Pathian dang reng reng an awm lohzia chu kan hria.
8:5 Vanah emaw, leiah emaw, pathian hming pute awm mah sela, (chutiang pathian tam tak leh lalpa tam tak an awm si a,)
8:6 keini tan erawh chuan Pathian pakhat chauh (Pa chu) a awm a, ama hnen atangin engkim a chhuak a, keini pawh ama tana awm kan ni; Lalpa pakhat chauh (Isua Krista chu) a awm bawk a, amah avangin engkim a awm a, keini pawh amah avang bawka awm kan ni.
8:7 Amaherawhchu chu hriatna chu mi zawng zawngah a awm lo; chutichuan thenkhatin tun thlengin milem be thang an nih avangin, milem laka inthawina thil ang taka ngaiin an ei thin; tichuan an chhia leh tha hriatna chu a chak loh avangin a lo bawlhhlawh thin.
8:8 Nimahsela ei tur hian Pathian mit min tluntir chuang lo vang; ei mah suh ila kan chhe chuang hek lo, ei mah ila kan tha chuang hek lo.
8:9 Nimahsela fimkhur rawh u, chutilochuan duh duha in tlat theihna hi eng emaw tiin mi chak lote tan tlukna a lo ni dah ang e.
8:10 Nang, hriatna nei mi, tupawhin milem biakna ina chaw kila an hmuh si che chuan anni chu mi chak lo lo ni sela, an chhia leh tha hriatna chuan milem laka inthawina thil ei a lo ngam dawn lawm ni?
8:11 Tichuan, i hriatna avang chuan mi chak lo (unau a thih ai Kristan a thisaka) chu, a boral dawn a ni.
8:12 Unaute chunga chutiang thil in tihsual a, an chhia leh tha hriatna chu a chak loh nak alaia in hliam hlauh hian, Krista chungah thil tisual in ni.
8:13 Chu mi avang chuan ei tur hian ka unau a tihtluk chuan, ka unau ka tihtluk lohna turin kumkhuain sa reng reng ka ei tawh lo vang.
9:1 Zalen ka ni lo vem ni? Tirhkoh ka ni lo vem ni? Kan Lalpa Isua ka hmu tawh lo vem ni? Nangniho chu Lalpaa ka hnathawh in ni lo vem ni?
9:2 Mi dangte tan tirhkoh ni mah suh ila, nangni tan tal zawng ka ni; Lalpaa ka tirhkoh nih chhinchhiahna chu nangmahni hi in ni asin.
9:3 Mi chhuahchhaltute ka chhanna chu hei hi a ni.
9:4 Ei leh in turin thu ka nei lo vem ni?
9:5 Tirhkoh dangte leh Lalpa unaute leh Kiphaa ang khan nupui ring mi, hruai vel turin thu kan nei lo vem ni?
9:6 A nih loh leh, hna thawk lo turin kei leh Barnaban thu kan nei lo bik em ni?
9:7 Sipai tu nge mahni inchawma ral kap ngai ni? Tuin nge a rah ei si lovin grep huan siam ngai ni? A nih loh leh tuin nge ran rual hnute ei si lo lovin, ran rual enkawl ngai ni?
9:8 Chung thu chu mihring ang maiin ka sawi em ni? Dan thu pawhin chung ngei chu a sawi bawk lo vem ni?
9:9 Mosia Dan Lehkhabuah chuan, “Sebawngpain buh a chil laiin a hmui phuar suh ang che,” tih ziak a ni si a. Pathianin sebawngpa tan mai em ni a ngaihtuahsak ni?
9:10 Keimahni tan chauh a sawi a ni lawm ni? Ni e, keimahni tan a ni an ziak ni: lei lettu chuan beisei neiin leh tur a ni a, buh vawtu pawh chuan chan neih ve beiseiin vuak tur a ni si a.
9:11 Keinin thlarau lam thilte chu in hnena kan tuh tawh chuan tisa lam thilte chu seng mah ila, thil hlawk tak em ni ang?
9:12 Mi dang mahin in chunga thuneihna chu an chan chuan keini hi chang tur kan ni lehzual lawm ni? Nimahsela chu thuneihna chu kan hmang lo; Krista Chanchin Tha kan dal lohna turin engkim kan tuar hram hram zawk a ni.
9:13 Thil serh buatsaih veltute chuan Pathian biak ina mi thil an ei leh, maicham rawngbawltute chuan maicham nen chanvo an nei tih in hre lo vem ni?
9:14 Chutiang takin, Lalpa chuan Chanchin Tha hriltute chu Chanchin Tha chu an ei hmuh nan a ruat a ni.
9:15 Nimahsela, kei zawngin chung chu pakhat mah ka hmang lo a ni; ka chunga chutianga in tih nan heng thu hi ka ziak a ni hek lo; tupawhin ka chhuan hi engmah lova an siam ai chuan thi mai ila ka tan a tha zawk si a.
9:16 Chanchin Tha hril mah ila, chhuan tur reng reng ka nei si lo, tih makmawh ka chungah a innghat a ni si a; Chanchin Tha hril suh ila, ka chung a pik dawn si a.
9:17 Chu chu mahni thu thuin ka tih chuan lawmman ka nei a ni; nimahsela mahni thu thuin a nih si loh chuan Chanchin Tha enkawlna hna mi kawltir mai a ni ang.
9:18 Ka lawmman chu engnge ni le? Chanchin Thaa ka thuneihna chu ka hman zawh loh nan, Chanchin Tha ka hrilhin, hlawh lova Chanchin Tha rawng ka bawl theih hi a ni.
9:19 Tuma bawih ni mah suh ila, mi tam lehzual ka lak luh theihna turin mi zawng zawng bawihah ka insiam ta.
9:20 Tichuan, Judate ka lak luh theihna turin Judate hnenah Juda mi angin ka awm thin; Dan hnuaia awmte ka lak luh theihna turin Dan hnuaia awmte hnenah Dan hnuaia awm angin ka awm thin, Dan hnuaia awm si lovin;
9:21 dan nei lote ka lak luh theihna turin dan nei lo te hnenah dan nei lo angin ka awm thin, Pathian dan awih lo si lovin, Krista dan zawm siin.
9:22 Chak lote ka lak luh theihna turin chak lote hnenah chak lo angin ka awm thin; eng emaw ti tala thenkhatte tal ka chhandam theihna turin mi zawng zawng hnenah engkim ka ni tawh.
9:23 Chanchin Tha avangin engkim ka ti thin, chan ka neih ve theih nan.
9:24 Intlansiakhote chu an zain an tlan a, nimahsela pakhat chauhvin lawmman a hmu thin tih in hre lo vem ni? In hmuh theih nan chutiang takin tlan rawh u.
9:25 Tin, intihsiaknaahte chuan a bei talh talh apiang chu engkimah an insum thin a ni. Anni zawngin lallukhum chhe thei hmu turin an bei a, keini erawh chuan lallukhum chhe thei lo hmu turin.
9:26 Chutichuan, tiam chin lam panin ka tlan ngat ngat a ni, boruak mai hnek lovin mahni ka inhnek zawk thin a,
9:27 chuvang chuan ka taksa ka tichhel a, ka thuhnuaiah ka dah tawh a ni, chutilochuan mi dangte hnena ka tlangaupui hnu pawhin eng emaw tiin keimah ngei hi paih thlakin ka awm dah ang e.
10:1 Unaute u, heng hi in hriat loh ka duh lo ve, khatia min thlahtute zawng zawng chhum hnuaia an awm vek a, an zaa tuifinriat pawh an kai vek a,
10:2 an zaa chhumah leh tuifinriatah pawh Mosia bel tura baptisa an awm vek a,
10:3 an zaa thlarau lam chaw hmunkhat pawh an ei theuh va,
10:4 an zaa thlarau lam in tur hmunkhat pawh an in theuh kha; anmahni zuitu thlarau lam lungpuia mi kha an in theuh si a; chu lungpui chu Krista a ni.
10:5 Nimahsela, an zinga mi tam zawk chungah chuan Pathian a lungni ta lo va; thlalerah khan tluhlumin an awm a.
10:6 Tin, chung chu kan tan entirna a ni, thil sual an chak ang bawk khan kan chak ve loh nan.
10:7 An zinga thenkhat milem betu an ni ang khan milem betu ni suh u, “Mipui chu ei leh in turin an thu hlawm a, infiam turin an tho leh a,” tih ziak ang kha.
10:8 An zinga thenkhatin nula an ngai a, ni khatah singhnih leh sangthumin an tlukhlum phah ang khan i inngai hek suh ang u.
10:9 An zinga thenkhatin Lalpa an fiah a, rula tihborala an awm phah ang khan Lalpa chu i fiah hek suh ang u.
10:10 An zinga thenkhat an phunnawi a, tiboraltu tihborala an awm phah ang khan phunnawi hek suh u.
10:11 Tin, chung chu entirna turin an chungah a lo thleng a nih kha; keini, hun tawp lo thlennate hi, min zilhna turin an ziak a ni bawk a.
10:12 Chuvangin, dinga inring chu fimkhur rawh se, chutilochuan a tlu dah ang e.
10:13 Mihring tuar theih ang chauh lo chu thlemna reng reng in chungah a thleng ngai lo. Pathian zawng a rinawm a ni, ani chuan in tuar theih tawk aliam chu thlemna in tawh a phal lo vang; in tuar theihna turin thlemna rualin tlan chhuahna kawng a siam nghal zawk ang.
10:14 Chuvangin, ka duh takte u, milem biak hi tlansan rawh u.
10:15 Mi fingte hnena sawi angin ka sawi a ni; ka thusawi hi ngaihtuah rawh u.
10:16 Malsawmna no mal kan sawmsak thin hi Krista thisen tawmpuina a ni lo vem ni? Chhang kan phel thin hi, Krista Taksa tawmpuina a ni lo vem ni?
10:17 Keini mi tam tak hi chhang tlang khat, taksa pumkhat kan nih hi; kan zain chhang tlang khata mi kan chang theuh si.
10:18 Tisa lama Israelho chu en teh u; inthawina sa eitute chuan maicham chu an tawmpui lo vem ni?
10:19 Milem leh a hnena thil hlante chu chaw tak khuka khukpui tur ka tihna em ni? Ni suh e,
10:20 Jentailte inthawina chu Pathian lakah ni lovin, ramhuaiho lakah an inthawi thin a ni tih ka sawi zawk a ni; nangni zawngin ramhuaiho in tawmpui ka duhsak lo che u asin.
10:21 Lalpa no leh ramhuai no in in kawp thei lo vang; Lalpa dawhkana mi leh ramhuai dawhkana mi in ei kawp thei hek lo vang.
10:22 A nih loh leh, Lalpa chu thik turin chawhthawh kan tum a ni maw? Amah aiin kan chak zawk em ni?
10:23 Thil engkim tih a thiang a, nimahsela thil engkim tih a tha kher lo. Thil engkim tih a thiang a, nimahsela thil engkim tihin mi a siam tha lo.
10:24 Tupawhin mahni thatna tur zawng lovin mi dang thatna tur zawng zawk rawh se.
10:25 Sa dawra an zawrh apiang chu chhia leh tha hriatna avanga engmah zawt kher lovin ei mai rawh u;
10:26 lei leh a chhunga mi zawng zawng hi Lalpa ta a ni si a.
10:27 Ring lo mi zinga tuin emaw a sawm che u a, kal in duh si chuan chhia leh tha hriatna avanga engmah zawt kher lovin,an hlui che u apiang chu ei mai rawh u.
10:28 Amaherawhchu, tuin emaw, “Hei hi inthawina a ni,” tiin a hrilh che u chuan, a hriattir che u avang leh chhia leh tha hriatna avangin ei suh u –
10:29 nangma chhia leh tha hriatna ka ti lo va, mi dang chhia leh tha hriatna chu a ni ka tih zawk ni. Engah nge mi dang chhia leh tha hriatnain ka zalenna a sawisel ni;
10:30 Lawm taka ka chan chuan a chunga lawmthu ka sawina chungah hian engah nge sawichhiat ka nih ni?
10:31 Chutichuan, in ei pawhin, in in pawhin, in tih apiangah pawh, Pathian ropuina tur hlirin ti rawh u.
10:32 ,33 Keiin mahni sawtna zawng lovin, chhandam an nih theihna turin mi tam tak sawtna zawng zawkin, mi zawng zawng engkima ka tihlawm ang tak hian, Judate tan pawh Grikte tan pawh Pathian kohhranho tan pawh an tluk phahna tur reng reng engmah ti suh u.
10:33 ,32 Keiin mahni sawtna zawng lovin, chhandam an nih theihna turin mi tam tak sawtna zawng zawkin, mi zawng zawng engkima ka tihlawm ang tak hian, Judate tan pawh Grikte tan pawh Pathian kohhranho tan pawh an tluk phahna tur reng reng engmah ti suh u.
11:1 Mi zirtute ni rawh u, kei pawh Krista zirtu ka ni ang bawk hian.
11:2 Tin, engkima mi hriat reng avang leh, thurochhiah ka hrilh che u ang taka in vawn tlat avangin ka fak a che u.
11:3 Amaherawhchu, mipa tawh phawt lu chu Krista a ni, hmeichhe lu chu mipa a ni, Krista lu chu Pathian a ni tih in hriat ka duh a ni.
11:4 Mipa, lukhum khum chunga tawngtai emaw, thu hril emaw apiangin an lu chu an timualpho a ni.
11:5 Amaherawhchu, hmeichhia lukhum khum lova tawngtai emaw, thu hril emaw apiangin an lu an timualpho a ni; ziah kawn nen thuhmun reng a ni si a.
11:6 Hmeichhia lukhum khum lova a awm si chuan met law law rawh se; amaherawhchu hmeichhe tan lu meh emaw, ziah kawn emaw a zahthlak si chuan lukhum khum zawk rawh se.
11:7 Mipa zawng Pathian anpui leh ropuina a nih avangin lukhum khum tur a ni lo reng reng si a; hmeichhia erawh chu mipa ropuina a ni.
11:8 Mipa hi hmeichhia atanga chhuak a ni lo va; hmeichhia erawh chu mipa atanga chhuak a ni zawk a.
11:9 Mipa hi hmeichhe tana siam a ni hek lo; hmeichhia erawh chu mipa tana siam a ni zawk.
11:10 Chu mi avang chuan vantirhkohte avangin hmeichhiain mipa thuneih chhinchhiahna a khum tur a ni.
11:11 Nimahsela, Lalpaah chuan hmeichhia hi mipa lovin a awm thei lova,mipa pawh hi hmeichhia lovin a awm thei hek lo.
11:12 Hmeichhia hi mipa atanga chhuak a ni ang bawkin,mipa pawh hi hmeichhe laka piang a ni si a; amaherawhchu engkim hi Pathian atanga chhuak vek a ni.
11:13 Nangmahni inngaihtuah rawh u, hmeichhiain lukhum khum lova Pathian hnena tawngtai hi a mawi em ni?
11:14 Mipa hian sam sei a neih chuan a tan a zahthlak a ni tih,in thinlung pianpui pawhin a hriattir lo che u em ni?
11:15 Hmeichhia erawh chuan sam sei a neih chuan a tan ropuina a ni zawk; a sam chu a khuhna tura pek a ni si a.
11:16 Engpawh ni rawh se, hnial an awm a nih pawhin keini zingah chutiang dan kan nei lo, Pathian kohhranho pawhin an nei hek lo.
11:17 Amaherawhchu, he thu ka hrilh che uah hian ka fak thei lo a che u, in that lehzualna tur lam ni lovin, in chhiat lehzualna tur lam zawka in inkhawm thin avang hian.
11:18 A hmasa berin, kohhranhova in inkhawmin in zingah inthenna a awm thintih mi sawi ka hre si a; rin pawh ka ring deuh bawk a ni.
11:19 In zinga a taktakte chu an lan theih nan, in zingah rin hranna pawh a awm bawk tur reng a ni.
11:20 Chutichuan, in inkhawmin, Lalpa zanriah ei rual a ni lo,
11:21 mi tinin in eiin mahni zanriah in ei hmasa si thin a; tichuan mi pakhat ril a tam a, mi pakhat a rui si a.
11:22 Eng tizia nge? Ei leh inna tur in in nei lo vem ni? A nih loh leh, Pathian kohhranho in hmusitin, engmah nei lote chu in mualpho em ni? In hnenah engnge ka sawi tak ang? Ka fak dawn che u em ni? He mi kawngah hian ka fak thei lo a che u.
11:23 Ka thu hrilh chhawn che u kha Pathian hnen ata ka hmuh asin, khatia, Lalpa Isua chuan mantira a awm zana chhang a lak a,
11:24 lawmthu a sawi zawha a phel a, “Hei hi ka taksa in aia pek tura chu a ni, mi hriat reng nan hei hi ti thin rawh u,” a tih kha.
11:25 Chutiang bawka zanriah ei zawha no pawh chu a lak a, “He no hi ka thisena thuthlung thar chu a ni, in in apiangin mi hriat reng nan hei hi ti thin rawh u,” a tih kha.
11:26 Chu chhang chu in ei a, no chu in in apiangin, a lo kal leh hma loh zawng Lalpa thihna chu in entir thin a ni si a.
11:27 Chuvangin, tupawh ei tlak lova chhang chu ei emaw, Lalpa no in emaw apiang chu, Lalpa taksa leh thisen chungah thiam loh a chang ang.
11:28 Chutichuan, mi mahni infiah chawp zawk rawh se, chutiangin chhang chu eiin no chu in rawh se.
11:29 A ei leh a intu chuan Lalpa taksa chu khun taka a ngaihtuah si loh chuan mahni chunga rorelna turin a eiin a in thin a ni si a.
11:30 Chuvangin, in zinga mi tam tak in chak lovin in bawrhsawm a ni, duai pawh in muhil lo ve.
11:31 Amaherawhchu, khun takin mahni inngaihtuah thin ila chuan rorelsakin kan awm thin lo tur.
11:32 Nimahsela, rorelsaka kan awm pawhin, khawvel nena thiam loh changa kan awm ve loh nan, Lalpa thununin kan awm thin a ni.
11:33 Chuvangin, ka unaute u, ei tura in inkhawmin innghak hlawm thin rawh u.
11:34 In inkhawm chu rorelna in tuar phah lohna turin tupawhin a ril a tam chuan a in lamah ei rawh se. Tin, thu dang chu ka lo kal hun apiangah ka rawn tifel ang e.
12:1 Tin, unaute u, thlarau lam thilpek thute chu in hriat loh ka duh lo ve.
12:2 Jentailte in nih lai khan eng tizia pawha an hruai ang che u apiang khan, khang milem aw nei lote lamah khan hruai bovin in awm tih in hria e.
12:3 Chuva,ngin tuman Pathian Thlarauva thusawiin, “Isua chu anchhe dawng a ni,” an ti ngai lo; tin, tuman, Thlarau Thianghlimah chauh lo chuan, “Isua chu Lalpa a ni,” an ti thei ngai lo tih ka hriattir a che u.
12:4 Tin, thilpek hrang hrang a awm a, Thlarau erawh chu hmunkhat a ni.
12:5 Rawngbawl dan hrang hrang pawh a awm a, nimahsela Lalpa chu hmunkhat a ni.
12:6 Hnathawh dan hrang hrang pawh a awm a, Pathian erawh chu hmunkhat a ni – mi zawng zawnga engkim thawktu chu.
12:7 Nimahsela, sawt tlanna turin Thlarau hriattirna chu mi tin hnena pek theuh a ni.
12:8 Mi pakhat hnenah Thlarauvah chuan finna thu pek a ni a; mi dang hnenah chu Thlarau vek thu chuan hriatna thu pek a ni a;
12:9 tin, mi dang hnenah chu Thlarau vekah chuan rinna pek a ni a; mi dang hnenah Thlarau hmunkhatah chuan tihdam theihna thilpekte pek a ni a;
12:10 mi dang hnenah thilmak tihtheihnate pek a ni a; mi dang hnenah thu hrilh theihna pek a ni a; mi dang hnenah thlaraute hriat dik theihna pek a ni a; tin, mi dang hnenah tawng chi hrang hranga thusawi theihnate pek a ni a; mi dang hnenah tawng hriat lohte hrilhfiah theihna pek a ni si a;
12:11 nimahsela chung zawng zawng chu, Thlarau hmunkhat vek chuan mi tin hnenah a duh ang zela sem theuhvin a thawk thin.
12:12 Taksa hi pumkhat a ni a, peng tam tak a nei a, taksa pengte zawng zawng chu tam mah sela,taksa pumkhat a ni si a;Krista chu chutiang bawk chu a ni.
12:13 Kan zain, Judate emaw, Grikte emaw, bawih emaw, bawih lo emaw, taksa pumkhata awm turin Thlarau pakhat chauhvah baptis-in kan awm theuh si a, Thlarau pakhat chauh min intir theuh bawk a.
12:14 Taksa hi peng khat chauh a ni si lo va, peng tam tak a ni zawk.
12:15 Kephah hian, “Kut ka nih loh avangin taksaa tel ka ni lo ve,” ti sela, chu mi avang chuan taksaa tel lo a ni chuang lo ve.
12:16 Tin, beng hian, “Mit ka nih loh avangin taksaa tel ka ni lo ve,” ti sela, chu mi avng chuan taksaa tel lo a ni chuang lo ve.
12:17 Taksa pum pui hi mit ni vek sela, ri hriatna chu khawiah nge a awm ang? A pum puiin ri hriatna ni vek sela, rim hriatna chu khawiah nge a awm ang?
12:18 Nimahsela Pathianin peng tinrengte hi taksaah hian a duhna apiangah a awmtir theuh tawh a ni.
12:19 Chutichuan, chung zawng zawng chu peng khat chauh ni sela, taksa hi khawiah nge a awm ang?
12:20 Amaherawhchu, peng tam tak an ni zawk a, nimahsela taksa pumkhat chauh a ni si a.
12:21 Tin, mit hian kut hnenah, “Engah mah ka duh lo va che,” a ti thei lo; lu pawh hian kephahte hnenah, “Engah mah ka duh lo va che u,” a ti thei bawk hek lo.
12:22 A ni, chutih ahnekin taksa peng chak awm lo zawnga langte hi an pawimawh zawk em em a ni;
12:23 tichuan taksa peng chawimawi tlak loh zawka kan ruat thinte hi, chung ngei chu kan chawimawi nasa zawk thin; chutichuan kan peng mawi lote hian mawina nasa zawk an hmu thin;
12:24 ,25 kan peng mawite erawh hi chuan chutianga tih an ngai lo. Taksaah hian inthenna reng reng a awm lova, a pengte hian inang taka an inbuaipui tawn theuh zawkna turin Pathianin mawina nei lo peng chu chawimawi nasa zawkin, taksa hi a remkhawm a ni zawk.
12:25 ,24 kan peng mawite erawh hi chuan chutianga tih an ngai lo. Taksaah hian inthenna reng reng a awm lova, a pengte hian inang taka an inbuaipui tawn theuh zawkna turin Pathianin mawina nei lo peng chu chawimawi nasa zawkin, taksa hi a remkhawm a ni zawk.
12:26 Chutichuan, peng khatin a tuar chuan peng zawng zawngin an tuarpui thin, peng khat chawimawiin a awm chuan peng zawng zawngin an lawmpui thin.
12:27 Chutichuan,nangniho hi Krista taksa chu in ni a a pengte in ni theuh bawk a.
12:28 Tin, Pathianin thenkhat chu kohhranho zingah a dah a – a pakhatnaah chuan tirhkohte, a pahnihnaah chuan thuhriltute, a pathumnaah chuan zirtirtute a dah a; chu mi hnuah chuan thilmak tithe a awm a; chu mi hnuah chuan tihdam theihna thilpekte, tanpui theihna thilpekte, rorel thiamna thilpekte, tawng chi hrang hranga thusawi theihna thil pekte chu a awm leh a.
12:29 An zain tirhkoh an ni vek em ni? An zain thuhriltu an ni vek em ni? An zain zirtirtu an ni vek em ni? An zain thilmak titu an ni vek em ni?
12:30 An zain tihdam theihna thilpek te an nei vek em ni? An zain tawng hriat lohtein thu an sawi vek em ni? An zain thu an hrilhfiah vek em ni?
12:31 Thilpek ropui berte chu chak hle zawk rawh u. Tin, kawng tha lehzual ka entir dawn a che u.
13:1 Mihring tawngte leh vantirhkoh tawngtein thu sawi mah ila, hmangaihna ka neih si loh chuan dar, ri mai mai emaw, dar benthek, ri mai mai emaw ka lo ni ang.
13:2 Tin, thu hrilh theihna neiin, thuruk zawng zawng leh hriatna zawng zawng hre vek mah ila, tlang sawn theihna khawp hial rinna famkim nei mah ila, hmangaihna ka neih si loh chuan engmah ka ni lo vang.
13:3 Tin, mi retheite chawm nan ka sum zawng zawng pe vek mah ila, ka taksa pawh kang turin inpe mah ila, hmangaihna ka neih si loh chuan ka tan engmah a sawt lo vang.
13:4 Hmangaihnain a dawhthei a, ngil a nei bawk thin; hmangaihnain a itsik lo va; hmangaihna a infak lo va, a uang lo va,
13:5 a che mawi lo lo va, mahni hma a sial lo va, a thinur duh lo va, sual lamah a ngaihtuah lo va;
13:6 fel lohnaah a lawm lo va, thutak erawh chu a lawmpui thin a;
13:7 engkim a tuar hram hram a, engkim a ring a, engkim a beisei a, engkim a tuar chhuak thin.
13:8 Hmangaihna hi engtikah mah a reh lo vang; amaherawhchu thu hrilhnate hi awm mah sela tihban a la ni ang a, tawng hriat lohte hi awm mah sela a la bang ang a, hriatna hi awm mah sela tihban a la ni ang.
13:9 A kim lovin kan hria a, a kim lovin thu kan hril bawk thin a ni.
13:10 A famkim a lo thlen hunah erawh chuan a kim lo hi tihban a ni tawh ang.
13:11 Ka naupan laiin naupang tawngin ka tawng a, naupang hriatin ka hria a, naupang ngaihtuahin ka ngaihtuah thin; tuna ka lo puitlin hnu hian naupang tih dan chu ka ban tawh.
13:12 Tunah zawng darthlalangah kan hmu riai ruai a ni, chutih hunah erawh chuan inhmatawnin a ni tawh ang; tunah zawng a kim lovin ka hria, chutih hunah erawh chuan mi hriat kim thin ang hian ka hre kim tawh ang.
13:13 Chutichuan, heng pathum, rinna te, beiseina te, hmangaihna te hi a awm reng ang; tin, hengahte hian a ropui ber chu hmangaihna hi a ni.
14:1 Hmangaihna hi um zel ula, thlarau lam thilpekte pawh chak cheu rawh u, amaherawhchu thu in hrilh theihna tur lek phei chu chak bik rawh u.
14:2 Tawng hriat lohva thusawi chuan mihring hnena sawi ni lovin, Pathian hnena sawi a ni zawk si a, tumah a thusawi chu an hre si lo; nimahsela thlarauvah chuan thuruk a sawi a ni.
14:3 Thu hriltu erawh chuan mihring hnenah siamthatna thu te, fuihna thu te, thlamuanna thu te a sawi zawk thin.
14:4 Tawng hriat lohva thusawi chuan mahni chauh a insiam tha thin, thu hriltu erawh chuan kohhranho a siam tha zawk thin.
14:5 Tin, in zain tawng hriat lohtea thu in sawi ka duhsak che u a, nimahsela thu in hrilh ka duhsak lehzual che u a ni; kohhranhovin insiamthatna an hmuh theihna turin a hrilhfiah leh nghal loh chuan thu hriltu chu tawng hriat lohtea thusawitu ai chuan a ropui zawk reng reng a ni.
14:6 Tunah unaute u, tawng hriat lohtea thusawiin in hnenah lo kal ang ila, hriattirna lam emaw, hriatna lam emaw, thu hrilna lam emaw, zirtirna lam emaw, in hnena ka sawi si loh chuan, engnge ka tihsawtna che u awm ang?
14:7 Thil nung lo, ri theite pawh, phenglawng emaw, tingtang emaw hi mumal neia a rik loh chuan eng hla nge an tuma an kaih, engtin nge a hriat theih ang?
14:8 Tawtawrawt hi mumal nei lova a rik chuan tunge ral kap turin inbuatsaih ang?
14:9 Chutiang bawkin nangni pawhin lei hian tawng hriat awla in sawi loh chuan eng thu nge in sawi engtin nge a hriat ang? Boruaka tawng mai in ni ang asin.
14:10 Khawvelah hian tawng chi hrang tam tak a awm a ni ang e, nimahsela awmze nei lo reng reng a awm si lo.
14:11 A tawng awmzia erawh chu ka hriat si loh chuan kei hi a sawitu tan awze mi ka ni ang a; a sawitu pawh chu ka tan awze mi a ni bawk ang.
14:12 Chutichuan, nangni pawhin thlarau lam thilpekte chunga thahnem inngaih avang hian kohhranho siamthatna tura in ngah theih nan zawng rawh u.
14:13 Chuvangin, tawng hriat lohva thusawi chuan a hrilhfiah theih nan tawngtai rawh se.
14:14 Tawng hriat lohva ka tawngtai chuanka thlarau zawngin a tawngtai ngei a, ka hriatna erawh chu a hlawk chuang lo.
14:15 Engtin nge ni ta ang le? Thlarauvin ka tawngtai ang a, hriattheihna pawhin ka tawngtai bawk ang; thlarauvin hla ka sa ang a, hriattheihna pawhin ka sa bawk ang.
14:16 Chutilochuan, thlarauvin mal sawmsak mah la, la hre lote awmnaa awm chuan i lawmthu sawiah chuan engtin nge “Amen” a tih theih ang, i thusawi chu hre thei lo puiin?
14:17 Nang zawngin lawmthu i sawi tha zet tak a, mi dang erawh chu a siam tha chuang si lo.
14:18 Nangmahni zawng zawng aiin tawng hriat lohtea thu ka sawi hnem zawk avangin Pathian hnenah lawmthu ka sawi a,
14:19 nimahsela kohhranho inkhawmnaah chuan tawng hriat lohva thu singkhat sawi aiin mi dangte ka zirtir theih nan ka hriattheihnain thu panga chauh sawi ka duh zawk a ni.
14:20 Unaute u, rilru lamah naupang suh u; amaherawhchu sual kawngah zawng nausen ula, rilru lamah erawh chuan puitling rawh u.
14:21 Dan Lehkhabuah chuan, “ ‘Awze mite kain leh ram danga mite hmuiin heng mite hnenah hian thu ka sawi ang a; chuti pawhin mi ngaithla chuang loving,’ Lalpan a ti,” tih ziak a ni.
14:22 Chuvangin, tawng hriat lohte hi ringte tan chhinchhiahna a ni lo va, ring lote tan a ni zawk; thu hril erawh hi chu ring lote tan chhinchhiahna a ni lo va, ringte tan a ni zawk.
14:23 Chuvangin, kohhranho zawng zawng in inkhawmin, in zaa tawng hriat lohtea thu in sawi chuan la hre lote emaw, ring lote emaw lo lut sela, a an ti dawn lo che u em ni?
14:24 In zaa thu in hrilh erawh chuan ring lo emaw, la hre lo emaw lo lut sela, a thiam lohzia in zaa tihlan a ni tawh ang a, inzaa chhuahchhalh a ni tawh ang;
14:25 a thinlunga thurukte chu tihlanin a awm tawh ang; chutichuan bawkkhupin Pathian chibai a buk ang a, Pathian in zingah a awm tak zet tih a puang ang.
14:26 Unaute u, engtin nge ni ta ang le? In rawn inkhawmin fakna hla emaw, thu zirtir emaw, hriattirna thu emaw, tawng hriat loh emaw, hrilhfiahna emaw in nei theuh thin a. Engkim siam thatna turin tih ni rawh se.
14:27 Tupawhin tawng hriat lohva thu an sawi chuan pahnihin emaw, a tam berin pathumin emaw ni sela, inchhawk zelin ni bawk rawh se; tin, mi pakhatin hrilhfiah rawh se;
14:28 hrilhfiahtu an awm loh erawh chuan kohhranho inkhawmnaah chuan ngawi rengin awm sela, mahni leh Pathian hnenah sawi rawh se.
14:29 Thu hriltute pawhin pahnihin emaw, pathumin emaw sawi sela, mi dangte chuan ngun takin ngaihtuah rawh se.
14:30 Amaherawhchu, a kianga thu mi dang hnenah hriattirna thu pekin a lo awm chuan a hmasa chu ngawi mai rawh se.
14:31 Mi zawng zawngin an zir theihna tur leh mi zawng zawng thlamuanga an awm theihna turin, in zain pakhat zelin thu in hril thei si a.
14:32 Thu hriltute thlaraute chu thu hriltute thu thuin an awm a ni.
14:33 Pathian chu buaina Pathian a ni lo va, remna Pathian a ni zawk si a, mi thianghlim kohhranho pawl zawng zawnga a awm ang hian.
14:34 Kohhranho inkhawmnaah chuan hmeichheho chu ngawi rengin awm rawh se; anni zawng an thusawi phal a ni si lo; Dan Lehkhabuin a sawi ang bawk khan thu zawmin awm zawk rawh se.
14:35 Tin, engpawh zir an duh chuan in lamah mahni pasal zawt rawh se; kohhranho inkhawmnaa hmeichhe thusawi hi a zahthlak si a.
14:36 Pathian thu hi nangmahni laka chhuak a ni maw? A nih loh leh nangmahni hnen chauhvah a lo thleng a ni maw?
14:37 Tupawh thu hriltuah emaw thlarau miah emaw a inngaih chuan in hnena thu ka ziak hi Lalpa thupek a ni tih lo hre rawh se.
14:38 Nimahsela, tupawhin a hriat loh chuan hre lovin awm mai rawh se.
14:39 Chutichuan, ka unaute u, thu hrilh hi chak hle ula, tawng hriat lohtea thusawi pawh hi khap suh u;
14:40 nimahsela engkim mawi tak leh fel taka tih ni rawh se.
15:1 Tin, unaute u, Chanchin Tha ka hrilh che u kha ka hriattir leh ang che u; chu Chanchin Tha chu in lawm a, chu miah vek chuan in din a;
15:2 ka thu hrilh che u kha in ring mai mai a nih loh va, in pawm tlat a nih chuan chu miah bawk chuan chhandam mekin in awm a ni.
15:3 A hmasa berin ka hmuh ve bawk chu ka hrilh chhawn che u kha; khatia, Krista chu Pathian Lehkha thu ang zela kan sualte avanga a thih a,
15:4 an phum a, Pathian Lehkha Thu ang zela ni thum nia kaihthawha a awm a,
15:5 Kiphaa hnena a lo inlar te kha; chu mi hnuah chuan sawm leh pahnihte hnenah a inlar leh a,
15:6 chu mi hnuah chuan unau zanga aia tam hnenah a inlar leh a, chu mi zinga mi tam zawk chu tun thlengin an la dam cheu va,thenkhat erawh chu an muhil ta a;
15:7 chu mi hnuah chuan Jakoba hnenah a inlar leh a; chu mi hnuah chuan tirhkoh zawng zawngte hnenah;
15:8 tin, a tawp berah chuan a hun lova piang ang, keima hnenah pawh a inlar a.
15:9 Kei zawng tirhkoh zinga te ber, Pathian kohhranho ka tihduhdah avanga tirhkohva vuah tlak loh ka ni si a.
15:10 Nimahsela Pathian khawngaihna avangin ka nih nih ka ni ta; tin, a khawngaihna mi pek chu athlawnin a awm lo va; chutih ahnekin anmahni zawng zawng aiin ka thawh rim zawk kha; nimahsela keimahin ka thawk lo va, Pathian khawngaihna ka hnena awm khan a thawk zawk a ni.
15:11 Engpawh ni sela, kei pawhin anni pawhin, khati khan kan hril thin a, khati khan nangnin in ring bawk a.
15:12 Tin, Krista thu, mitthi zing ata kaihthawhin a awm tih an hrilh si chuan, engtizia nge in zinga thenkhatin, “Mitthi thawhlehna reng reng a awm lo,” in tih ni?
15:13 Mitthi thawhlehna reng reng a awm si loh chuan Krista pawh kha kaihthawhin a awm lo vang;
15:14 tin, Krista kha kaihthawhin a awm loh chuan kan thu hrilh hi engmah lo a ni ang a, in rin pawh engmah lo a ni bawk ang.
15:15 A ni, Krista a kai tho tih Pathian kan hriatpui avang khan Pathian lam thu-ah hriatpuitu dawthei kan lo ni bawk ang – mitthite kaihthawha an awm loh chuan amah pawh a kai tho lo vang chu.
15:16 Mitthite kaihthawhin an awm si loh chuan Krista pawh kha kaihthawhin a awm lo vang;
15:17 tin, Krista kha kaihthawhin a awm loh chuan in rin chu engmah lo a ni ang a, in sualnaah chuan in la awm fo a ni ang. 18Chuti a nih chuan Kristaa muhil tawhte kha an boral ta a ni ang.
15:19 Tun dam chhung chauhva Krista chunga beiseina kan neih chuan mi zawng zawnga khawngaihthlak ber kan lo ni ang.
15:20 Nimahsela Krista chu mitthi zing ata kaihthawhin a awm tak zet a ni, muhilte thawh hmahruaitu a lo ni ta.
15:21 Mihring vanga thihna a lo awm avangin, mihring avang vekin mitthi thawhlehna a lo awm ta bawk a.
15:22 Adama-ah chuan mi zawng zawng an thi thin ang hian Krista-ah chuan mi zawng zawng tihnunin an awm bawk ang.
15:23 Nimahsela mahni hun theuh zelah; Krista chu thawh hmahruaitu a ni a; chu mi hnua a lo kal lehnaah chuan Krista tate chu.
15:24 Chu mi hnuah chuan a tawp chu a lo la thleng ang; chu mi hnuah chuan rorelna zawng zawngte leh, thuneihna leh thiltihtheihna zawng zawngte a tihbo hnuah, Pathian hnenah, Pa hnen ngeiah chuan ram chu a pe ang;
15:25 a hmelma zawng zawng a ke hnuaia a dah hma loh chuan ani chu lalah a awm tur reng a ni si a.
15:26 Hmelma hnuhnung ber tihbova awm tur chu thihna hi a ni.
15:27 “Ani chuan a ke hnuaiah engkim a dah si a,” nimahsela, “A hnuaiah engkim dahin a awm,” a tih hian, a hnuaia engkim dahtu chu a tel ve lo tih a lang reng a ni.
15:28 Tin, a hnuaia engkim dahin a awm hun chuan Fapa ngei pawh chu a hnuaia engkim dahtu hnuaiah chuan dahin a awm bawk ang, Pathian chu engkima engkim a nih theihna turin.
15:29 Chutiang a nih loh chuan mitthi puala baptisma changte chu engtin nge an tih ang? Mitthite chu kaihthawha an awm dawn hauh loh chuan eng atan nge anmahni puala baptisma an chan thin le?
15:30 Eng vangin nge keini pawh hi darker tina hlauhthawnawma kan awm thin ni?
15:31 Unaute u, Krista Isua kan Lalpaa ka chhuanna che u chu chhalin, “Ni tin ka thi thin,” ka ti a ni.
15:32 Mihring tih angin Ephesi khuaa sakawlhte kha sual ka nih chuan ka tan engnge sawt ang? Mitthi kaihthawha an awm dawn loh chuan i eiin i in ang u hmiang, naktukah kan thi dawn alawm.
15:33 Bumin awm suh u; “Thian sualte chuan nungchang tha an tikhawlo thin.”
15:34 Fel takin harh ula, thil tisual suh u; thenkhat chuan Pathian hriatna reng in neih loh hi; hei hi in lo zahna turin ka sawi a ni.
15:35 Nimahsela tuin emaw, “Mitthite chu engtin nge kaihthawhin an awm dawn? Taksa eng ang puin nge an lo kal dawn?” a ti a ni ang e.
15:36 Nang mi a, nangmah ngeiin i tuh thin pawh hi a thih zet loh chuan tihnunin a awm hlei nem;
15:37 tin, i tuh thin hi, a taksa la awm tur chu i tuh lo va, a fang mai i tuh awk thin, buh fang emaw, chi dang fang emaw a ni thei e;
15:38 nimahsela Pathianin ama duh ang zelin taksa a pe thin, a fang tin hnenah mahni taksa theuh chu.
15:39 Tisa zawng zawng hi tisa chi khat a ni lo va; mihring tisa a dang a, sa tisa a dang a, sava tisa a dang a, sangha tisa a dang a ni.
15:40 Van taksate a awm bawk a, lei taksate pawh; nimahsela van taksa ropuina chu a dang a, lei taksa ropuina chu a dang a ni.
15:41 Ni ropuina chu a dang a, thla ropuina chu a dang a, arsite ropuina chu a dang a; arsi leh arsi pawh ropuinaah chuan a inang si lo.
15:42 Mitthi thawhlehna pawh hi chutiang bawk a ni. Tawih theia tuhin a awm a; tawih thei lova kaihthawhin a awm;
15:43 chawimawi lohva tuhin a awm a, ropui taka kaihthawhin a awm: chak lova tuhin a awm a, thiltihtheihna neia kaihthawhin a awm;
15:44 mihring lam taksaa tuhin a awm a, thlarau lam taksaa kaihthawhin a awm. Mihring lam taksa a awm chuan thlarau lam taksa pawh a awm ang.
15:45 Chutiang bawkin, “Mihring hmasa ber Adama chu mi nung a lo ni,” tih ziak a ni; Adama hnuhnung zawk chu nunna petu thlarau a lo ni a.
15:46 Nimahsela thlarau lam chu a awm hmasa lo va, mihring lam chu a awm hmasa zawk; chu mi hnuah chuan thlarau lam chu a awm a.
15:47 Mihring hmasa ber chu leia mi, leia siam a ni a; mihring pahnihna chu vana mi a ni.
15:48 Leia siam mi ang kha leia siam mite pawh hi an ni a; vana mi ang kha, vana mite pawh chu an ni.
15:49 Tin, leia siam mi anna kha kan put angin, vana mi anna chu kan pu bawk dawn a ni.
15:50 Unau te u, “Tisa leh thisen hian Pathian ram chu a luah thei lo vang a; tawih thei hian tawih thei lo chu a luah hek lo vang,”tih ka sawi a nih hi.
15:51 ,52 Ngai teh u, thuruk ka hrilh dawn che u hi: Kan zain kan muhil kher lo vang a, nimahsela kan zain tawtawrawt hnuhnung ber rik hunah chuan reilo teah, mit khap kar lovah tihdanglamin kan awm vek tawh ang; tawtawrawt chu a ri dawn si a, chutichuanmitthite chu tawih thei lova kaihthawhin an awm ang a, keini pawh tihdanglamin kan awm tawh ang.
15:52 ,51 Ngai teh u, thuruk ka hrilh dawn che u hi: Kan zain kan muhil kher lo vang a, nimahsela kan zain tawtawrawt hnuhnung ber rik hunah chuan reilo teah, mit khap kar lovah tihdanglamin kan awm vek tawh ang; tawtawrawt chu a ri dawn si a, chutichuanmitthite chu tawih thei lova kaihthawhin an awm ang a, keini pawh tihdanglamin kan awm tawh ang.
15:53 He tawih thei hian tawih theih lohna a sin tur a ni a, he thi thei pawh hian thih theih lohna a sin bawk tur a ni.
15:54 Chutichuan he tawih thei hian tawih theih lohna a sin a, he thi thei hian thih theih lohna a sin hunah, chu mi hun ngeiah chuan, “Hnehnain thihna a lem zo ta,” tih thu ziak hi a lo thleng ang.
15:55 Aw thihna, i hnehna chu khawiah nge a awm tak? Aw thihna, i tur chu khawiah nge a awm tak?
15:56 Thihna tur chu sual a ni a; sual thiltihtheihna chu dan thu chu a ni.
15:57 Nimahsela kan Lalpa Isua Krista zara hnehna min petu Pathian hnenah chuan lawmthu awm rawh se.
15:58 Chuvangin ka unau duh takte u, nghet takin, tihchet rual lohvin Lalpa hna thahnemngai taka thawk fovin awm rawh u, in thawhrimna chu Lalpaah chuan a thlawn ngai lo tih in hre si a.
16:1 Tin, mi thianghlimte tana thawhlawm thu kha zawng, Galatia rama kohhranho pawl hnenahte thu ka pek angin nangni pawhin lo ti ve rawh u.
16:2 Ni sarih ni hmasa berah chuan mi tinin, malsawmna in hmuh angzia zelin dah khawl theuh ula; ka lo kal huna thawhlawm khawn reng reng a awm loh nan.
16:3 Tin, in khawngaih thilpek chu Jerusalem khuaa kalpui turin ka lo thlen hunin tupawh tha in tih apiang lehkhate kengin ka tir ang.
16:4 Tin, ka kal vena awm a nih phei chuan ka hnenah an kal ang.
16:5 Tin, Makedonia ram ka fan chhuah hnuah chuan in hnenah ka lo kal ang; Makedonia ram chu ka fang reng reng dawn si a.
16:6 Nangni hnenah erawh chuan ka cham reng a ni thei e, thlasik chhung zawng pawh a ni mahna, khawiah pawh ka kalna tur apiangah nangnin mi thlah theihna turin.
16:7 Tuna kal pah maia hmuh che u ka duh lo va, Lalpan rem a tih chuan in hnenah rei deuh cham ka beisei si a.
16:8 Nimahsela, Pentikost thlengin Ephesi khuaah hian ka cham reng ang,
16:9 kawngka zau tak leh sawt tak ka tan a inhawng si a,dotute tam tak an awm bawk.
16:10 Tin, Timothea kha a lo thlen chuan ti lova in hnena a awm nan fimkhur rawh u; keiin ka thawh ang bawk hian Lalpa hna chu a thawk si a.
16:11 Chuvangin, tuman hmusit suh se; ka hnena a lo kal theih nan thlamuang takin thlah zawk ang che u; unaute rualin amah lo hmuh ka beisei si a.
16:12 Kan unau Apollova thu kha chu, unaute ruala in hnena lo kal turin ka ngen chiam a, nimahsela tunah zawng lo kal a duh hauh lo va; a remchan hunah erawh chun a lo kal ang.
16:13 Inveng ula, rinnaah chuan ding nghet ula, intihuai ula, chak takin awm rawh u.
16:14 In tih apiang chu hmangaiha tih ni vek rawh se.
16:15 Unaute u, Stephana chhungte chu Akaia rama awih hmahruaitute an ni a, mi thianghlimte rawngbawl turin an inpe tih in hria e;
16:16 chutiang mite hnenah leh, hnathawha tanpui leh, thawk rim apiangte hnenah chuan intulut turin ka ngen a che u.
16:17 Tin, Stephana te, Phortunata te, Akaika te an lo kal hi ka lawm a ni, in awm loh pawh lang lovin mi siam avangin.
16:18 Anni hian ka rilru leh in rilru an tiharh si a, chutichuan hetiang mite hi lawm rawh u.
16:19 Asia ram kohhranho pawlte hian chibai an buk a che u. Akuila leh Priskilli, an ina kohhran inkhawmho nen hian Lalpaah chuan chibai tam takin an buk a che u.
16:20 Unau zawng zawng hian chibai an buk a che u. Fawh thianghlimin chibai inbuk theuh rawh u.
16:21 Kei Paulan keima kut ngeia chibai ka bukna che u a nih hi.
16:22 Tupawhin Lalpa a hmangaih loh chuan anchhe dawngin awm rawh se. Kan Lalpa chu a lo kal e.
16:23 Lalpa Isua Krista khawngaihna chu in hnenah awm rawh se.
16:24 Krista Isuaa ka hmangaihna hi inzaa hnenah awm rawh se. Amen.
posted by zoblog @ 11:33 AM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog