|
| Wednesday, September 12, 2007 |
1:1 Mi suaksualte remruat anga awm ngai lo va, Mi sualte kawng pawha ding ngai lo va, Hmusittute thutphah pawha thu ngai lo mi chu a eng a thawl e.
1:2 A lawmna chu LALPA danah a ni zawk a; A dan thu chu achhun azanin a ngaihtuah thin.
1:3 Ani chu tuiluang kianga thingphun A huntea rah thin. A rah pawh uai ngai lo ang hi a ni a; A thiltih apiang chu a hmuingil zel ang.
1:4 Mi suaksualte erawh chu chutiang an ni lo va; Buhsi thliin a lenbo ang hi an ni zawk.
1:5 Chuvangin mi suaksualte chu rorêlna hmaah chuan an ding thei lo vang a, Mi suaksualte pawh mi felte inkhawmnaah chuan an ding thei hek lo vang.
1:6 LALPA chuan mi felte kawng chu a hre si thin: Mi suaksualte kawng erawh chu a boral ang.
2:1 Hnam tin chu engati nge an thinur a, Mi tinin engati nge thil sâwt lo an ngaihtuah?
2:2 Leia lalte an hel a, Hotute pawhin LALPA leh a hriak thiha chu An phiar hlawm a,
2:3 "An phuarnate hi tichatin An hruihrualte hi kan hnên ata i paih daih ang u," tiin.
2:4 Vana thua chu a nui ang a: Lalpa chuan anniho chu a nuihzabur ang.
2:5 Chumi hunah chuan thinurin an hnênah thu a sawi ang a, Thinrim takin anmahni a timangang tawh ang:
2:6 "Keimah ngeiin ka tlâng thianghlim Zionah chuan, Ka lal siam chu ka thuttir ta a ni," a ti a.
2:7 Thuruat chu ka hril dawn: LALPAN ka hnênah, "Nang zawng ka fapa i ni e; Vawiin hian ka hring che a ni.
2:8 Mi dil rawh, tichuan i rochan atân hnam tin ka pe ang chia, Kawlkil tawp thlengin i ro atân ka pe bawk ang che.
2:9 Anni chu thir tiangin i tikeh ang a; Belvawtu bel an paih keh sawm ang hian i paih keh sawm ang," a ti a.
2:10 Chutichuan, aw lalte u, fing tawh ula, Leia rorêltute u, thununi awm tawh rawh u.
2:11 Tih chungin LALPA rawng bâwl ula, Khûr chungin lawm rawh u.
2:12 Fapa chu fawp rawh u, chutilochuan a thinur ang a, kawng lakah in boral dah ang em, A thin chu a thawk thuai dawn si a. Amaha an rinna nghat zawng zawngte chu an eng a thawl e.
3:1 LALPA, mi dotute hi an va pung ta êm! Mi beitute hi tam tak an ni.
3:2 Ka chungchang thu an sawi a, "Pathianin a pui lo vang" an ti a. (Selah)
3:3 Nimahsela, aw LALPA, nang chu ka velin ka phaw i ni a; Ka ropuina leh ka lu dawm kangtu i ni e.
3:4 Ka awin LALPA chu ka au va, A tlâng thianghlim atangin mi chhâng thin a. (Selah)
3:5 Kei zawng ka mu chu ka lo muhil ta a; Ka han harh leh a; LALPA chuan mi lo chelh reng thin a ni.
3:6 Mi dova, mi hual veltu, Mi singkhat pawh hi ka hlau lo vang.
3:7 Aw LALPA, tho la; aw ka Pathian, mi chhandam rawh; Mi dotute zawng zawng chu an biang ruhah i vaw si a; Mi suaksualte ha chu i tibal a.
3:8 Chhandamna hi LALPA ta ni: I malsawmna chu i mite chungah awm rawh se. (Selah)
4:1 Aw ka felna Pathian, ka koh hun che chuan mi chhâng ang che;Ka manganin nangin mi tithawveng thin a: Mi khawngaih la, ka tawngtaina hi mi ngaihthlâksak ang che.
4:2 Aw mihring fate u, ka ropuina hi eng chen nge mualphonaa in chantir dawn?: Eng chen nge thil engmah lo hi in ngainat ang a, dawt thu in zawn dawn? (Selah)
4:3 LALPA chuan Pathian ngaihsak mi chu ama tan a dah hrang tih hi hre zawk rawh u: LALPA chuan, ka koh apiangin a lo ngaithla ang.
4:4 Hlau ula, thil tisual suh u: In khumlaizawlah chuan in thinlungah inngaithuah ula, ngawi thiap rawh u (Selah)
4:5 Felna inthawinate chu hlan ula LALPA chu ring rawh u.
4:6 "thatna rêng rêng tuin nge mi hmuhtir ta ang le?" titute chu tam tak an awm. LALPA, nang ngeiin i hmêl eng khan min han en ang che.
4:7 An buh leh an uain lo hlawk changa an lawmna aia, Lawmna nasa zawk ka thinlungah hian i awmtir a.
4:8 Thlamuang takin ka mu ang a, ka muhil bawk ang: LALPA, nangmah ngei hi a ni, mahni chauh pawha him taka mi awmtir thin hi ni.
5:1 Aw LALPA, ka thu-ah hian beng lo chhi la, Ka ngaihtuahna hi ngaihtuah ang che.
5:2 Ka Lal leh ka Pathian, ka au thawm hi ngaithla ang che; I hnêna tawngtai ka ni si a.
5:3 Aw LALPA, zingah chuan ka aw hi i lo hre thin ang a; Zingah chuan ka tawngtaina hi i hmaan ka rel fel diam ang a, ka lo ngaihven thin ang.
5:4 Suahsualnaa lawm thin Pathian i ni si lo va: Mi sual chu i hnênah an thleng lo vang.
5:5 Mi uangthuangte chu i mithmuhah an ding thei lo vang a: Thil tisualtute zawng zawng chu i haw thin.
5:6 Dawt thu sawi hmangte chu i tiboral ang a: LALPAN thisen chhuah hmang leh bum hmang mi chu a ten riau thin.
5:7 Kei erawh chu, i ngilneihna nasa tak avângin, i inah ka lo lut ang a: Tih chung chein i biak in thianghlim lam hawiin chibai ka buk thin ang che.
5:8 Aw LALPA, ka hmêlmate avângin hian i felna avâng chuan mi hruai la; I kawng chu ka hmaah hian titluang ang che.
5:9 An kaah chuan rinawmna rêng rêng a awm lo va; An kawchhûng chu suahsualna hlir a ni: An hrawk chu thlan inhawng a ni a; An leiin mi an fak der thin.
5:10 Aw Pathian, anniho hi thiam loh chantir ang che; Anmahni remruat ngeite chu tluk phah nân hmang rawh se. An bawhchhiatna tam tak avâng chuan nam chhuak ang che; I chungah an hel si a.
5:11 Nangmaha an rinna nghat zawng zawngte erawh chu nangmahah chuan lawm sela, I hum thin avângin hlimin au kumkhua hlawm rawh se: I hming ngainate pawh nangmahah chuan lawm takin awm rawh se.
5:12 Mi fel chu mal i sawm dawn si a; Aw LALPA, ani chu phaw ang hian duhsaknain i hual vêl ang.
6:1 Aw LALPA, thinurin mi zilhhau suh la, Thinrimin mi thunun hek suh ang che.
6:2 Aw LALPA, mi khawngaih ang che; ka chau zo ta si a: Aw LALPA, mi tidam ang che; ka ruhte hi a na vek si a,
6:3 Ka nunna pawh a mangang êm êm bawk a ni: Aw LALPA, nangin eng chen nge mi thlahthlam dawn le aw?
6:4 Aw LALPA, lo kir leh la, ka nunna chhanhim la: I ngilneihna avângin mi chhandam ang che.
6:5 Thih hnu chuan nangmah hriat rengna a awm si lo va: Seol-ah tuin nge lawm thu hrilh dawn che?
6:6 Ka rumna lamah ka chau ta; Zan tin, ka mutna chu mittuiin ahuh a; Ka khum chu ka mittuiin ka tihuh thin.
6:7 Hmuh pawh ka hmu thei ta lo: Hmêlma avângin ka tap a, ka mit pawh a thim zo ta.
6:8 Nangni thil tisualtu zawng zawngte u, mi kalsan vek rawh u; Seol-ah tuin nge lawm thu hrilh dawn che?
6:9 LALPAN khawngaih ka dilna chu a ngaithla tawh a; LALPAN ka tawngtaina chu a lawm ang.
6:10 Mi dotute zawng zawng chu an mualphovin an mangang êm êm ang a; An kir leh ang a, vawilehkhatah an la mualpho thut ang.
7:1 Aw LALPA ka Pathian, nangmahah ka rina ka nghat a: Mi umtute zawng zawng lakah hian mi chhandamin mi chhanhim ang che:
7:2 Chutichuan, chhanhimtu awm lovin, sakeibaknei angin, Ka nunna hi pawt sawmin, a sawisa dah ang e.
7:3 Aw LALPA ka Pathian, hetiang ti ka lo nih a, Ka kuta sualna lo awm a nih a,
7:4 Ka thian chu sualnaa thungrul ka lo nih chuan, (A ni, enga khawlai lova mi dotu hi ka chhanhim zawk a ni;)
7:5 Dotu hian ka nunna hi umin, umphak mai rawh se; A ni, kan nun hi leiah chil thluin, Ka ropuina hi vaivut zingah dah mai rawh se. (Selah)
7:6 Aw LALPA, thinurin tho la, Mi dotute thinrimna dovin thawk la: Ka tan intiharh rawh; dikna i phut si a.
7:7 Tichuan mi tin inkhawmho chuan hual vêl che rawh se. Tin, nang chu an chungah chung lamah chuan kir leh ang che.
7:8 LALPAN mi tin, ro a rel thin: Aw LALPA, keimaha ka felna leh ka rilru thatna awm ang zel hian ro mi rel ang che:
7:9 Aw, mi suaksualte suahsualna chu lo tawp tawh sela, mi felte erawh chu tinghet ang che: Pathian fel tak chuan thinlungte leh rilrute a fiah thin si a.
7:10 Ka phaw chu Pathian hnênah a awm, Amah chu thinlung dik tak pu chhandamtu a ni.
7:11 Pathian chu rorêltu fel tak a ni, A ni, ni tin, mi sualte chunga lungnihlohna nei Pathian a ni.
7:12 Mi a hawikir loh zawngin ani chuan a khandaih a tat hriam ang; A thal ngul chu a kuai a, a peih ta.
7:13 Thihna hriamhreite chu amah thah nân a siam ta diam bawk a; A thalte chu alh theiin a siam a.
7:14 En teh, sualna a vei a; A ni, thil tihsualna a pai a, dawt thu a hring ta a.
7:15 Khuarkhurum a siam a, thuk takin a lai a, Ama hum siamah chuan a tla ta a.
7:16 A thil tihsualna chu ama lu chung ngeiah a lo kir leh ang a, Rawng taka a thiltih chu ama chhip ngeiah a tla ang.
7:17 LALPA chu, a felna avâng hian, a hnênah lawm thu ka sawi ang a: LALPA Chungnungbera hming fakin ka zai bawk ang.
8:1 Aw LALPA, kan Lalpa, Lei chung zawng zawngah hian, i hming chu a va tha êm! I ropuina chu van chungahte khian i dah a.
8:2 Hmêlma leh phuba latu tihdaihna tûrin, Nangmah dotute avângin Nausente leh hnute hne laite kaa chhuak chuanin chakna i tinghet a.
8:3 I van, i kut chhuak te, Thla leh arsi i ruathote khi, ka ngaihtuah chang chuan,
8:4 Mihring hi eng nge maw a nih a, i hriat reng thin ni? Mihring fapa pawh hi eng nge maw a nih a, i kan thin ni?' ka ti thin.
8:5 Ani chu Pathian aia hnuai deuh chahvin i siam a, Ropina leh chawimawina i khum tir si a.
8:6 I kut chhuak chungahte hian thu i neihtir a; A ke hnuaiahte engkim i dah a:
8:7 Berâm leh bawng zawng zawngte nên, A ni, ram sate nên pawh;
8:8 Chungleng sava leh tuifinriat sânghate, Tuifinfiata kawnga kal apiangte nên.
8:9 Aw LALPA, kan Lalpa, Lei chung zawng zawngah hian i hming a va tha êm.
9:1 LALPA hnênah chuan ka thinlung zawng zawngin lawm thu ka sawi ang a; I thilmak tih zawng zawng chu ka hriattir ang.
9:2 Nangmahah chuan ka lawmin ka hlim ang a: Aw, nang Chungnungber, i hming fakin ka zai ang.
9:3 Mi dotute chu an tlânchhiat veleh, I hmaah chuan an petek a, an boral a ni.
9:4 Ka tana awm rengah leh ka thu-ah hian nangin mi tan si a; Fel taka rorêlin lalthutphahah chuan i thu a.
9:5 Hnam tin i zilhhau va, mi suaksualte i tiboral a, An hming hchu kumkhaw tlaitluan atân i thai bo ta a.
9:6 Dotute chu an mang zo va, kumkhua atân engmah nei lovin an awm ta; I khaw tihtiau tawhte chu, Anmahni hriat rengna lamin a boral ta bawk a.
9:7 LALPA erawh chu kumkhua atân lalah a thu a: A lalthuphah chu rorêlna tûrin a buatsaih ta.
9:8 Ani chuan khawvel hi fel takin ro a rêlsak ang a, Thlei bik nei lovin mi tin, ro chu a rêl ang.
9:9 Chutichuan LALPA chu hnehchhiahna tuarte tan chuan kulhbing sâng a lo ni ang a, Mangan hunahte chuan kulhbingsâng a lo ni ang.
9:10 Tichuan i hming hretute chuan an ring ang che; Nang zawngin, LALPA, nangmah zawngtute chu i kalsan ngai si lo.
9:11 LALPA, Ziona awm chu, fakin zai ula; Mite zingah chuan a thiltihte chu hril rawh u.
9:12 Thisen chhuah chhuahchhal thintu chuan anni chu a hre reng si thin a: Miretheite au thawm a theihnghilh ngai lo.
9:13 Aw LALPA, mi khawngaih la; Thihna kawngkhâr ata mi kai chhuak thintu, Mi hawtute avânga ka manganna hi en teh;
9:14 Nangmah fakna zawng zawng chu ka hriattir theihna tûrin; Zion fanu kawngkaahte chuan, I mi chhandamnaah hian ka hlim ang.
9:15 Hnam tin chu an khuarkhurum siamah chuan an pil a: An len phah rukah chuan anmahni ke ngei a awk ta a. LALPA chu a inhraittir a, ro a rel ta a:
9:17 Mi suaksual chu ama kut chhuak ngeiah chuan a awk thin a. (Higgaion Selah) Mi suaksualte chu Seol-ah an kir leh ang. Hnam tin Pathian theihnghilh hmang zawng zawngte chu.
9:18 Pachhiate chu theihnghilhin an awm fo lo vang a, Retheite beiseina chu kumkhua chuan a bo hek lo vang.
9:19 Aw LALPA, tho teh; mihring maiin ngam che suh se. Hnam tin chu i mithmuhah hian rorêlsakin awm rawh se.
9:20 Aw LALPA, anni chu tihlau la; Hnam tinin mihring mai an ni tih inhre rawh se. (Selah)
10:1 Aw LALPA, engati nge hla taka i din thin le: Engati nge mangan laitea i inthup thin le?
10:2 Mi suaksualte chapona avângin mi tetheite chu nekin an awm thin; An thil sual ngaihtuah chhuahahte chuan anmahni ngei awk rawh se.
10:3 Mi suaksual chuan a thinlung duhzawng a chhuang a, Mi duham chuan LALPA chu a paih thla a, a hmusit thin.
10:4 Mi suaksual chuan chapo hmêl puin, "A phut lo vang," a ti thin. A ngaihtuahna zawng zawng chu, "Pathian reng a awm lo," tih hlir a ni.
10:5 A awm dante chu eng lai pawhin a nghet reng a; I rorêlnate chu chung lam hla takah, ahmuh phak lovah, a awm daih a: Amah dotue zawng zawng lah chu anuihsan mai thin.
10:6 A rilruah chuan, "Ka nghing lo vang: Chhuan zawng zawng thlengin mangangin ka awm lo vang," a ti a.
10:7 A ka chu ânchhe lawhnana te, tihderna te, tihduhdahnatein a khar a: A lei hnuaiah chuan thil tihsualna leh khawlohna aw a.
10:8 Khaw tina chan rukna hmunahe a thu thin a: Hmun fianrialahte chuan pawikhawih lo mite a that thin: A mitin engmah ti thei lo mi chu a chang ru reng thin a ni.
10:9 Sakeibakneiin apuka a chang ru angin ani chuan fianrialah a chang ru reng thin a: Mi rethei man tûrin a chang thin a: Mi rethei chu aman ngei a, tichuan a lenin ahnuk bo thin.
10:10 A bawk per a, a kun a, Engmah ti thei lo mite chu ami chakteho tihtlukin an awm thin.
10:11 A rilruah chuan, "Pathianin a theihnghilh a ni: A hmai chu a thup a; engtikah mah a hmu lo vang," a ti thin a.
10:12 Aw LALPA, tho la;aw Pathian, i kut han lek teh: Mi retheite chu theihnghilh suh ang che.
10:13 Eng vangin nge mi suaksual chua Pathian a hmusit a, A rilruin, "I phut lo vang" a tih thin ni?
10:14 Hmuh chu i hmu tawh reng a; i kuta thungrul tûrin thil tihsual leh tihvuina i en reng si a: Engmah ti thei lo mi chu i hnênah a inkawltir thin a: Pa nei lo tanpuitu i nih thin kha.
10:15 Mi suaksual ban chu titliak la; Mi sual chu, a suahsualna zawng chhuak ang che, i hmuh loh thuai hma loh chuan.
10:16 LALPA chu kumkhaw tlaitluan atâna Lalber a ni a: Hnam tin chu ama ram ata an boral ta.
10:17 17-18, LALPA, leia mi chu hlauhawm taka a awm leh tawh lohna tûrin, Pa nei lo leh hnehchhiahna tuarte rorêlsak nân, Thuhnuairawlhte duhzawng chu i ngaithla tawha: An thinlung chu i buatsaih ang a, i beng chu i ngaihthlâktir ang.
10:18 17-18, LALPA, leia mi chu hlauhawm taka a awm leh tawh lohna tûrin, Pa nei lo leh hnehchhiahna tuarte rorêlsak nân, Thuhnuairawlhte duhzawng chu i ngaithla tawha: An thinlung chu i buatsaih ang a, i beng chu i ngaihthlâktir ang.
11:1 LALPA-ah chuan ka rinna ka nghat thin. Engtizia nge ka nuna hnênah hian, "In tlângah chuan, sava angin, thlawk bo rawh u.
11:2 En teh u, thinlung dik tak pu thim hnuaia an kah theihna tûrin, Mi suaksualte chuan thal ngul an kuai a, An thal chu a hruiah an vuah diam saw.
11:3 Lungphûmte chu tihchhiata a awm chuan, Mi felin eng nge a tih theih ang?" in tih ni?
11:4 LALPA chu a biak in thianghlimah a awm a, LALPA chu, a lalthutphah zawng vanah a awm; Mihring fate hi amitin a en a, an thiltihte a hmu.
11:5 LALPA chuan mi fel chu a fiah thin a: Mi suaksual leh nunrawnna ngaina erawh chu a nunnain a haw thin.
11:6 Misuaksualte chungah chuan thangte a surtir ang a; Mei leh kat leh thli lum tak hi an no chan tûr ani ang.
11:7 LALPA chu a fel si a; felni hi angaina thin a: Mi dik takte chuan a hmêl an la hmu ang.
12:1 LALPA, mi tanpui rawh; Pathian ngaihsak mi an awm tawh si lo va; Mihring fate zing ata hi m rinawm chu an bo ta si a.
12:2 Mi tinin an vengte hnênah thu engmah lo mai mai an sawi thin a: Mi fak derna hmui leh bumna thinlung puin thu an sawi thin.
12:3 LALPA chuan fak derna hmui zawng zawng chu a hlep ang a, Thu chapo tak sawine lei nên chuan:
12:4 Anni chuan, "Kan lei hian kan hneh ang a; Kan hmuite hi keimahni ta ngei alawm, tunge kan chungah lal awm ni?" an ti thin.
12:5 LALPA chuan, "Retheite an hnehchhiah avâng leh, pachhiate rum avângin. Ka tho nghal mai ang a; An nuihsanna chu him takin ka awmtir teh ang," a ti a.
12:6 LALPA thute hi thu thianghlim tak a ni; Tangka, lei chunga rawhtuina meia fiah a, Vawi sarih tihthianghlim tawh hnu ang hi a ni.
12:7 Aw LALPA, nangin anni chu i vawng tha ang a, Heng thangtharte lakah hian kumkhuain i humhim ang.
12:8 Mihring fate zingah hian sualna chu chawimawia a awmin, Mi suaksualte chu an vâk vêl ruai thin.
13:1 Aw LALPA, eng chen nge mi theihnghilh kumkhua dawn le? Eng chen nge ka lakah hian i hmai i thup dawn le?
13:2 Nilengin ka thinlunga lungngaihna neiin, Eng chen nge ka rilruah rem ka ruat ka ruat dawn? Eng chen nge ka hmêlma chu ka chungah chawimawia a awm dawn?
13:3 Aw LALPA ka Pathian, ngaithuah la, mi chhâng teh khai: Ka mit mi tihvarsak ang che, chutilochuan thihna muthilhin ka muhil dah ang e;
13:4 Ka hmêlma chuan, "Amah ka ngam ta," a ti dah ang e; Ka nghinin mi dotute an lawm dah ang e.
13:5 Nimahsela kei zawngin i ngilneihna hi ka ring a ni: I mi chhandamnaah hian ka thinlung a lawm ang:
13:6 Ka chunga tha taka a tih tak avângin LALPA chawimawiin hla ka sa ang.
14:1 Mi â chuan, a rilruin, "Pathian reng a awm lo," a ti a. An chhe zo va, thil tenawm tak an ti a; Tumah thl tha ti reng an awm lo.
14:2 "Hre thiama, Pathian zawng rêng rêng An awm emaw," tiin, LALPA chuan van atangin mihring fate hi a zuk en a.
14:3 A ni lo lamah an peng ta vek a; bawlhhlawh takin an lo awm ta hlawm a; Tumah thil tha ti reng an awm lo, pakhat te mah an awm lo.
14:4 Thil tisualtute zawng zawng chuan hriatna rêng rêng an ei lo vem ni? Chhâng an ei angin ka mite an ei zo vek thin a, LALPA lah an ko ngai hek lo.
14:5 Pathian chu mi fel thlahte zingah a awm thin avângin, An hlau êm êm ang.
14:6 Mi rethei remruat chu in mualphosak thin, LALPA chu a inhumhimna a nih avângin.
14:7 Israel-ho chhandamna chu Zion atangin lo chhuak teh sela aw! LALPA chuan amite sala an awm chu ahruai kir leh hunah, Chu mi hunah chuan Jakob-ho an hlim tawh ang a, Israel-ho an lawm tawh ang.
15:1 LALPA, i puan inah chuan tunge lo miikhual ang? I tlâng thianghlimah chuan tunge lo awm ang?
15:2 Dik taka awm a, fel taka tia, A rilrua thutak sawi mi chu;
15:3 A leia mi rel a ngai lo va, A thian chung pawha thil sual ti ngai lo va, A vengte hming pawh sawichhe ngai lo mi chu.
15:4 Mi sual tak chu ahmusitin a awm thin a; LALPA thihtute erawh chu a chawimawi thin a; Mahni tana pawi tûr pawh chhechhama tiam tawh chu tidanglam ngai lova,
15:5 A pung um tûra a tangka puktir ngai lo va, A thiam zawk thiam loh chantirna tûra thamna pawh la ngai lo mi chu. Chung thil titu chu engtikah mah a nghing lo vang.
16:1 Aw Pathian, mi humhim rawh: nangmahah chuan ka rinna ka nghat si thin a.
16:2 LALPA hnênah chuan, "Nang chu ka LALPA ini a: Nangmah lo chu thatna rêng rêng ka nei lo ve.
16:3 Leia mi thianghlim awmte zawng, Anni chu mi tha, ka lawmna zawng anwg awmna chu an ni," ka ti a ni.
16:4 LALPA-a pathian dang thlangtute chu, an lungngaihnate a la pung ang: An thisen hlan in mite chu ka hlan ve lo vang a, Ka hmuiin an hmingte ka lam hek lo vang.
16:5 LALPA chu ka ro chan tûr leh ka no chan tûr chu a ni: Nangin ka chanpual chu mi tihnghehsak thin a.
16:6 Tehna hruite chu hmun nuam takahte ka pualah a tla ta hlauh a ni; A ni, ro tha tak ka luah ta a ni.
16:7 LALPA, rem mi ruatsaktu chu, ka fak ang a: A ni, zanahte hian ka rilruin mi thunun thin.
16:8 LALPA chu ka hmaah ka awmtir fo va; Ka ding lama a awm avângin ka nghing lo vang.
16:9 Chu vangin ka thinlung hi a lawm a, ka ropuina hi a hlim a: Ka tisa pawh him takin a awm ang.
16:10 Ka thlarau Seol hnênah i hnutchhiah dawn si lo va: I mi thianghlim hi tawihna hmuh i phal dawn hek lo.
16:11 Nangin nunna kawng chu mi hriattir ang a: I hmaah chuan hlima khah liamna a awm a; I kut dinglamah chuan kumkhaw lawmna tûr a awm a.
17:1 Aw LALPA, ka felna thu hi hria la, ka au thawm hi ngaithla la; Dawt sawi ngai lo hmui atnaga chhuak ka tanwgtainaah beng lo chhi ang che.
17:2 Ka chungthu tlukna chu i hma atanga chhuak ni sela I mitin thlei bik neih lona en rawh se.
17:3 Ka thinlung hi i fiah a; zanah mi tlawh a; Mi fiah tawh a, engmah i hmu si lo va; Ka kain a sawi sual lo vang ka ti tlat a ni.
17:4 Mihring thiltihah zawng, i hmuia thu chhuak avângin Mi nunrawng kawna kal lo tûrin ka invawng tha a ni.
17:5 Ka ke pente hian i kawng chu a zawh tlat a, Ka kete hi a tlu ngai lo va.
17:6 Aw Pathian, ka ko thin chia, nangin mi chhâng dawn si a: Ka lamah hian i beng rawn dawh la, ka thu sawi hi ngaithla ang che.
17:7 Aw, nangmaha rina nghat apiang anmahni beitute laka i kut ding lama chhandam thintu, I ngilneihzia mak tak chu lantir ang che.
17:8 8-9, Mi suaksual mi tichhetu, Mi do tlata mi hual veltut lakah chuan Mit naute angin vawng tha la, I thla hnuaiahte mi thukru ang che.
17:9 8-9, Mi suaksual mi tichhetu, Mi do tlata mi hual veltut lakah chuan Mit naute angin vawng tha la, I thla hnuaiahte mi thukru ang che.
17:10 Mahni an inchawm thau va, An kain chapo takin an tawng thin.
17:11 Tunah hi zawng kan ke penna apiangah mi hual vêl tawh a, Leia min titlu tûrin an mitte chu kan chungah an fuktir tlat a.
17:12 Anni chu sakeibaknei sa seh chak tak ang leh, Sakeibaknei vanglai hmun fianrialtea bawk reng ang mai chu an ni.
17:13 Aw LALPA, tho la, Amah chu hmachhawn la, kuntir tlat rawh: Ka nunna hi mi sualsualte lakah i khandaihin chhanhim la,
17:14 Aw LALPA, i kutin mihringte lakah, Khawvel mihringte lakah hian, chhanhim ang che; Anni chanvo zawng tun damchhûnga an neih hi a ni a, An pum chu i rovin i tikhahsak thin a; Fate lungawi tawk zetin an nei a, An sum hman bang chu a fasente an thihsan thin.
17:15 Kei erawh zawngin felna neiin i hmêl ka hmu ang a: Nangmah anna nei a ka men hunah chuan ka lungawi tawk zet ang. Nangmah anna nei a ka men hunah chuan ka lungawi tawk zet ang.
18:1 Aw LALPA, ka chakna, ka hmangaih a che.
18:2 LALPA chu ka lungpui leh, ka kulhpui leh, mi chhanhimtu a ni; Ka Pathian, ka lungpui nghet tak a ni a, amahah chuan rinna ka nghat ang; Ka phaw leh, ka chhandamna ki leh ka kulhbing sâng a ni. Fak tlak LALPA chu ka ko vang a, Chutichuan mi dotute lakah chhandamin ka awm ang.
18:4 Thihna hruihrualte chuan mi zem a, Pathian ngaihsak lona tuiliante chuan mi tihlau va.
18:5 Seol hruihrualte chuan mi phaur vêl a: Thihna thangte chuan mi awk a.
18:6 Ka manganin LALPA chu ka ko thin a, Ka Pathian ka au thin. Ani chuan a biak in atang chuan ka aw a hria a. A hmaa ka au thawm chu abengah a lût t a.
18:7 Chu veleh lei hi a nghing a, a khur ta a, A thinur avângin tlangte pawh chu A nghahchante lamin a khurin a nghing ta a.
18:8 A hnar atang chuan meikhu a chho tqa ngut ngut a, A kaa chhuak mei chuan a kang ta hluah hluah a, Chu chuanin meihawl pawh a tialh ta dur dur a.
18:9 Ani chuan vante pawh a tikun a, a chhuk ta a; A ke hnuaiahte chuan thim chhah mup hi a lo awm a.
18:10 Cherub chungah a chuang a, a thlaawk taa. A ni, thli thlaahte chuan a thlawk ta thuak a:
18:11 Thim hi a bihrukna hmunah, amah hual velna bukteah, asiam a; Tuia thimna, vana chhum chhan mupte chu.
18:12 A hmaa enna avâng chuan a chhum chhah mupte chu a kiang a, Rialte leh meilingte a tla ta dur dur a.
18:13 LALPA chu vanahte khian a ri dur dur bawk a, Chungnungbera chuan a aw a chhuah a; Rialte leh meilingte a tla ta dur dur a.
18:14 Tin, a thlate chu akap chhuak a, annihho chu tidarh a; A ni, kawlte a phettir zawih zawih reng a, a tibuai ta nuai hlawm a.
18:15 Chu veleh, aw LALPA, i zilhhau avânga, I hnara thaw chhuakin a chhem vâk avâng chuan, Tui luiannate chu a lo lang a, Leilung nghahchhante chu tihlanin a awm ta.
18:16 A ni chuan chung lam atangin a rawn bana, mi chelh a; Tui tam tak ata mi hnuk chhuak a.
18:17 Mi dotu chak tak lakah chuan mi chhanhim a, Mi hawtute lakah pawh; kei atân chuan an chak lutuk si a.
18:18 Anni chuan ka vanduai ni chuan mi bei a, Nimahsela LALPA chu ka rinpui ber a ni.
18:19 Ani chuan hmun thawl takah mi hruai chhuak a; Ka chunga a lawm avângin mi lo chhanhim ta a ni.
18:20 LALPA chuan ka felzia ang ngeiin ka chungah a ti a; Ka kutte a thianghlimzia ang ngeiin mi rul a ni.
18:21 LALPA kawngte chu ka zawh a, Ka Pathian hnên ata sual takin kal bo ngai si lo va.
18:22 A rorêlna zawng zawng ka hmaah a awm thin a,m A thuruatte chu ka paih ngei si lo va.
18:23 Ama lakah chuan sawiselbo ka ni bawk a, Ka khawlohna ata ka inthiarfihlim thin a.
18:24 Chuvangin LALPA chuan ka felzia ang zelin mi lo rul ta a, Ka kutte a mithmuha a thianghlimzia ang zelin.
18:25 Mi khawngaih thei tak lakah chuan khawngaih thei takin i intilang ang a; Mi tha famkim lakah chuan tha famkimin i intilang ang a;
18:26 Mi thianghlim lakah chuan thianghlimin i intilang ang a; Tin, mi luhlul lakah chuan luhlulin i intilang ang.
18:27 Hreawm tuar mite chu i chhandam dawn si a; Mit chapote erawh chu i tilawm ang.
18:28 Nangin ka khawnvar hi mi halsak dawn si a; LALPA ka Pathianc huan ka thimna hi a tieng ang.
18:29 Nangma tanpuiin ral ka bawh si a; Ka Pathian tanpui bawkin kulh bang ka zuan khum a ni.
18:30 Pathian zawng, a kawng chu a tha famkim a; LALPA thu chu fiah a ni tawh; Amaha rinna ngaht zawng zawngte tan chuan ani chu phaw a ni.
18:31 LALPA lo chu tunge Pathian awm ni? Ka Pathian lo chu tunge lungpui awm ni?
18:32 Chaknaa ka taia mi hrengtu leh, Ka kawng titha famkimtu Pathian chu.
18:33 Ani chuan ka ke hi zukpui ke angin a siam a, Ka hmun sâng takahte mi awmtir thin a.
18:34 Ka kutte hi ral kap tûrin a zirtir trhin a, Chutichuan ka bante hian dar thla ngul a kuai zo hial a.
18:35 Nangin i chhandamna phaw chu mi pe bawk a: I kut ding lamin mi kai a, I inngaitlâwmnain mi siam lian ta,
18:36 Ka hnuaia ka ke penna chu i tizau va, Tichuan ka kete hi a tleng lo.
18:37 Mi dotute ka um ang a, ka um phak mai ang: Tihborala an awm hma lo chuan ka hawi kri tawh hek lo vang.
18:38 An thawh leh theih lohna tûrin ka sat chhawk ang a: Ka ke hnuaiah hian an tlu hlawm ang.
18:39 Nangin inbeihna atân chuan chaknain ka taiah mi hreng si a: Mi rawn beitute chu ka hnuaiah i tudawl ta a.
18:40 Mi hawtute chu ka tihboral theihna tûrin, Nangin mi dotute chu mi hnuchhawnin i awmtir ta bawk a.
18:41 Anni chu ka au va, nimahsela chhandamtu tûr tumah an awm lo va: LALPA ngei chu an au va, nimahsela a chhâng si lo.
18:42 Chu veleh vaivut thli len mi ang mai hian ka vaw sawm dep a:aw LALPA, i zilhhau avânga, Kawtlai chirhdiak ang mai hian ka paih chhuak ta a.
18:43 Nangin mite insualna lakahte chuan mi chhanhim a; Hnam tin lu-ah mi siam a: Ka hriat ngai loh mite chuan ka rawng an bâwl tawh ang.
18:44 Ka chanchin an hriat veleh ka thu an zawm ang a: Mikhualte chu ka hnênah an intulut ang.
18:45 Mikhualte chu an zam ang a, An kulhbing atate chu khru chungin an lo chhuak ang.
18:46 LALPA chu a nung reng e; ka lungpui chu fakin awm sela; Mi chhandamtu Pathian chu chawimawiin awm rawh se:
18:47 Phuba mi laksaktu leh, Mi tin, ka hnuaia tudawltu Pathian ngei chu.
18:48 Ani chuan mi dotute lakah mi chhanchhuak a: A ni, nangin mi beiotute chung lamah chuan mi chawi kang a: Mi nunrawng lak ata chu mi chhanhim thin a.
18:49 Chuvangin, aw LALPA, hnam tin zingah chuan lawm thu ka hrilh ang chia, I hming akin ka zai bawk ang.
18:50 Ani chuan chhandamna ropui tak a lal siam hnênah a pe thin a; A hriak thiha chungah, Davida leh a thlahte chun gngeiah chuan, Kumkhuain a ngilneihzia a lantir ang.
19:1 Vante khian Pathian ropuizia chu a hriattir a; Boruak zau tak khian akut chhuak chu alantir thin a.
19:2 Chhun hian chhun hnêna thu a sawi chhawng zel a, Zan hian zan hnênah hriatna a lan chhawntir zel a,
19:3 Thu sawi rêng rêng leh tawng rêng rêng a awm lo va; An aw chu benga hriat theih a ni lo.
19:4 An tehna hrui chu leilung luah zawng zawngah zam chhuahin a awm a; An thu chu kawlkil thelngin a thang chhuak ta a. Chungahte chuan ni tan khian puan in a zar a,
19:5 Chu ni chu mo neitu tûr a pindan ata chhuak ang chu a ni a, Mi chak tak angin a tlanna kawng a tlan tûr chu a hlim thin.
19:6 A chhuahna chu kawl kil tawp atangin a ni a, A tlan kualna chu a tawp lehlam thlengin a ni a, A lum hre lova thuhruk rêng rêng a awm lo.
19:7 LALPA dan chu a tha famkim a, nunna suam tha thin: LALPA thuhriattir chu a rinawm a, mi mawl a tifing thin;
19:8 LALPA thunnunna thu chu a dik a, thinlung a tilian thin: LALPA thupêk chu a thianghlim a, mitte a tivar thin.
19:9 LALPA tihna chu a fai a, kumkhua atân a awm thin: LALPA rorêlnate chu a tak a, a fel vêl vek a ni.
19:10 Chung chu rangkachak aia duhawm zawk a ni a, a ni, rangkachak thianghlim tam tak ai pawhin: Khawizu leh khawithlar aiin a thlum zawk bawk a ni
19:11 Chu lo pawh chu chung chuan i chhiahhlawh hi zilhin ka awm thin a: Chung amw chu lawmman nasa tka neihna a ni thin.
19:12 Tuin nge mahni tihsualte hre thei ang? Sual inthupte lakah hian mi tifihlim ang che.
19:13 Thil tisual lui lo tûrin i chhiahhlawh hi mi chelh tlat la; Ka chungah thu neihtir suh ang che: chutichuan tha famkimin ka awm ang a, Bawhchhiatna nasa tak lakah saiwselbovin ka awm ang.
19:14 Aw LALPA, ka lungpui leh mi tlantu, Ka kaa thu chhuakte leh ka thinlunga ngaihtuahnate hi i mithmuhah lawmtlak takin awm rawh se.
20:1 mangan ni chuan LALPAN chhâng che rawh se; Jakoba Pathian hming hchaun hmun sângah hlang che rawh se;
20:2 Hmun thianghlim atang chuan tanpuina tirhsak che sela, Zion atang chuan tichak che rawh se;
20:3 I thilhlan zawng zawng chu hre reng sela, I hâlral thilhlan chu lawm rawh se: (Selah)
20:4 I thinlung duhzawng chu pe phal che sela, I remruat zawng zawng hchu hlawhtlintir che rawh se.
20:5 I chhandamnaah chuan hlimin ka zai ang a, Kan Pathian hmingin kan puanzarte hi kan la zar ang: LALPA chuan i dilna zawng zawng chu hlawhtlntir rawh se.
20:6 LALPAN a hriak thiha hi a chhandam tih tunah ka hre ta; A kut ding lam chandamna thain A van thianghlim atang khian amah a la chhâng a.
20:7 Thenkhatin tawlailirte an ring a, thenkhatin sakawrte an ring. Keini erawh chuan LALPA kan Pathian hming chu kan lam zawk ang.
20:8 Anni zawng an kun a, an tlu ta a: Keini erawh chu kan tho va, kan ding mar ta zawk a.
20:9 LALPA, chhandam rawh: Kan koh hun chuan Lalberin min chhâng rawh se.
21:1 Aw LALPA, lal chu i chaknaah hian ahlim ang a, I chhandamnaah hian a va hlim nasa dawn êm!
21:2 A thinlung duhzawng chu i pe a, A hmuia a thil dil chu i phal lo lo ve. (Selah)
21:3 Thatnaa malsawmnate in i hmuak si a: Rangkachak thinghlim lallukhum i khumtir a.
21:4 Ani chuan nunna a dil chia, i lo pe a; Kumkhaw tlaitluana dam rengna chu.
21:5 I tanpui avângin a ropui êm êm a: Chawimawina leh ropuina a chungah i nghat thin a.
21:6 Kumkhua atân malsawmna nasa tak dawngin i siam si a: I hmaa hlimnain i tilawm thin.
21:7 Lal chuan LALPA chu a ring si a, Chungnungbera ngilneihna avnaign a nghing lo vang.
21:8 I kutin nangmah dotute zawng zawng chu a zawng chhuak vek ang a: I kut dinglamin nangmah hawtute a zawng chhuak ang.
21:9 I thinur hunah chuan anni chu rawhtuina mei alh hluah hluah angin i siam ang. LALPA chuan ani chu thinurin a lem zo vang a, Mei chuan a kang ral mai ang.
21:10 An rahte chu lei ata i tiboral ang a, An thlahte chu mihring fate zing ata i tiboral bawk ang.
21:11 I chungah khan thil sual tih an tum si a; Thil sual an ngaihtuah chhuak a, an hlen thei si lo.
21:12 Nangin anni chu i hnunghchawntir dawn si a, I thla hruite chu an hmai tinin i kuai peih diam ang.
21:13 Aw LALPA, i chaknaah chuan chawimawiin lo awm ang che: Chutichuan i thiltihtheihna fakin hla kan sa ang.
22:1 Ka Pathian, ka Pathian, engah nge mi kalsan? Engah nge mi tanpi tûrin i hlat êm a, ka rumna thute atanga i hlat le?
22:2 Aw ka Pathian, chhunah ka au va, nimahsela i chhâng si lo va; Zanah ka au bawk a, ka ngawi chuang lo.
22:3 Nimahsela, aw nang Israel-ho faknaa cheng htin, Nang zang i thianghlim a ni.
22:4 Min thlahtute chuan an lo ring chai: An ring a, tichuan nangin i lo chhanhim thin.
22:5 An au chia, tichuan chhanhimin an lo awm thin a: An ring chia, tichuan mualphovin an awm ngai lo.
22:6 Kei erawh chu mihring rêng rêng ka ni lo va, changpat mai ka ni a; Mihringte sawichhiat leh mite hmusit ka ni.
22:7 Mi hmu apiangin mi nuihsan a: An hmui an kum a, an lu an thing a,
22:8 "LALPA chungah innghat ta che, ani chuan maah hi chhanhim ang hmiang: A chunga a lawm avângin chhanhi ang hmiang," an ti a.
22:9 Nang erawh chu chhul ata mi la chhuaktu chu i ni a: Ka nu hnute chunga ka awm lai khan nangin mi rintir a.
22:10 Chhul atang rengin nangma chunga nghah ka ni a: Nang chu ka nu pum chung atang rengin Pathian i ni.
22:11 Mi hlat lul suh ang che: manganna tûr a hnai si a; Tanpuitu tûr rêng rêng an awm si lo.
22:12 Bâwngpa tam takin mi hual vêl a. Bansan rama bâwngpa chak takate chuan mi hual vek khup a.
22:13 Sakeibaknei koham hahum hamng angin An kain mi an khum a.
22:14 Tui anga leihbuakin ka awm a. Ka ruh zawng zawng pawh pelhsawlhin a awm a: Ka thinlung hi khawihnun ang a ni a; Ka ril zingahte hian a tui zo ta a.
22:15 Ka tha hi lampei angin a ro zo va; Ka lei pawh hi ka dangah a bet ta tlat a; Nangin thihna vaivutah hian mi hruai lut ta ani hi.
22:16 Ui chuan mi hual vêl si a: Thil tha lo titu awm khawmte chuan mi hual tlat a; Ka kut leh ka kete hi a tipawp a.
22:17 Ka ruh zang zang hi ka chhiar thei a; Anni lah chuan mi enin mi melh reng a:
22:18 Ka silhfente an insem a, Ka kawr atân thum an vawr a,
22:19 Nang erawh chuan, aw LALPA, mi hlat lul suh la: Aw, mi tichaktu, mi tanpui tûrin hmanhmawh ang che.
22:20 Ka nunna hi khandaih lakah chuan chhanhim la; Ka neih chhun tak hi ui thiltihtheihna lakah chuan chhanhim ang che.
22:21 Sakeibaknei kaa mi chu mi chhandam ang che; A ni, selepa kia mi chu nangin mi chhâng ta,
22:22 Ka unaute hnênah i hming ka hril ang a: Inkhawmho zingahte chuan ka fak ang che.
22:23 LALPA tihtute u, amah chu fak rawh u; Jakoba thlah zawng zawngte u, amah chu chawimawi rawh u; Israela thlah zawng zawngte u,m amah chu hlau rawh u.
22:24 Ani chuan hreawm tuartu hreawmzia chu ahmusit si lo va, a ten hek lo; A hmai chu alakah a thup hek lo; Amah a auhin a NGAITHLA ZAWK A.
22:25 Inkhawmna ropui taka ka fak thinna che hi nangma hnêna mi a ni: Amah tihtute hmaah chuan ka thutiam ka hlen ang.
22:26 Thuhnuairawlthe chuan an ei ang a, an tlai ang: Amah zawngteute chuan LALPA chu an fak ang: In thinlung chu kumkhuain nungin awm rawh se.
22:27 Kawlkila mi zawng zawng pawhin an hre leh ang, LALPA lam an hawi tawh ang a: Hnam tina chi tin, i hmaah an kun ang.
22:28 Ram chu LALPA ta a ni a: Hnam tin chunga rorêltu a ni si a.
22:29 Leia mi neinung zawng zawngte chuan an eiin chibai an bûk ang a: Vaivuta chhuk tûr zawng zawngte chu ahmaah an la kun ang, Mahni nunna tinung reng thi lo chu.
22:30 Thangtharten a rawng an bâwl ang a; Thangthar lo awm zelte hnênah chuan LALPA chanchin chu an hril ang.
22:31 LALPAN a mite a chhanhim,' tiin La piang tûrte an hrilh ang.
23:1 "LALPA chu mi vengtu a ni a; ka tlachham lo vang.
23:2 Ani chuan hlobet hring dup hmunahte mi bawhtir thin a: Chawlhna tui kamahte mi hruai thin.
23:3 Ka nunna hi mi siam that thin a, Ama hming avângin felna kawngahte mi hruai thin.
23:4 A ni, thihna hlim kawr ruam zawh mah ila, thil tha lo rêng rêng ka hlau lo vang; nang ka hnênah i awm si a; I talhtum leh i tiangin mi thlamuan thin a ni.
23:5 Mi dotute mit hmuhah ka hmaah hian dawhkan i buatsaih thin a: Ka lu hi hriak i thih tawh a, ka novah hian a liam reng a.
23:6 Matheilovin thatna leh ngilneihnain ka dam chhûng zawng hian mi zui zel ang a: Tichuan LALPA inah kumkhuain ka awm reng ang.
24:1 Leilung leh a chhûnga thil awm zawng zawng hi LALPA ta ani a; Khawvel leh a chhûnga chengte nên hian.
24:2 Tuifinriat chungahte amahin a din a ni si a, Luipui chungahte pawh atinghet bawk a.
24:3 LALPA tlângah tunge chho vang a, A hmun thianghlimah tunge ding ang?
24:4 Kut fai leh thinlung thianghlim nei a, A rilru engmah lo mai mai lama dah ngai lo va, Bum tuma chhechham ngai lo mi chu.
24:5 Ani chuan LALPA hnên ata malsawmna a dawng ang a, A chhandamtu Pathian hnên ata felna a dawng bawk ang.
24:6 Pathian zawngtute chu chutiang mi chu an ni, Aw Jakoba Pathian, i hmêl zawngtute chu,(Selah)
24:7 Aw kulh kawngkate u, in lu chungte kha chawi sâng ula; Nangni kawngkhâr hlunte u, inkhai sâng rawh u: Tichuan ropuina Lal hi a lo lût dawn nia. Ropuina lal chu tunge ni? LALPA chak tak leh thiltithei tak, LALPA, indonaa thiltithei tak chu a ni.
24:9 Aw kulh kawngkate u, in lu chungte kha chawi sâng ula, A ni, kawngkhâr hlunte u, chawisâng rawh u: Tichuan ropuina Lal hi a lo lut dawn nia.
24:10 Chu ropuina Lal chu tunge ni? Sipaihote LALPA chu, Amah ngei hi ropuina Lal chu a ni. (Selah)
25:1 Aw LALPA, ka rilru hi i hnênah ka dah tlat thin.
25:2 Aw ka Pathian, nang ka ring chia, Mualphovin mi awmtir suh la; Mi dotute mi ngam chu phal suh ang che.
25:3 a ni, nangmah nghaktu rêng rêng chu tumah mualphovin an awm lo vang: A vang awm lova vervek taka titute erawh chu mualphovin an awm ang.
25:4 Aw LALPA, i kawngte chu mi hriattir la; I kalkawng chanchinte mi zirtir ang che.
25:5 I thutakah chuan mi hruai la, mi zirtir ang che. Nang hchu mi chhandamtu Pathian i ni si a; Nilenga ka nghah reng che hi.
25:6 Aw LALPA, i lainatnate leh i ngilneihziate chu hre reng ang che; Hmasânga lo awm kumkhua tawha ni si a.
25:7 Ka tleirawl lai sualnate leh ka bawhchhiatnate chu hre reng suh ang che; Aw LALPA, i thatna avângin, I ngilneihan avângin mi hre reng ang che.
25:8 LALPA chu a thain a dik a ni: Chuvangin mi sualte chu kawng a entir ang.
25:9 Thuhnuairawlhte chu rorêlna felah a hruai ang a: Thuhnuairawlhte chu ama kawng chanchin a zirtir bawk ang.
25:10 A thuthlun leh athuhriattirte zamwtute tan chuan LALPA kalkawng zawng zawngte chu ngilneihna leh thutak vek a ni.
25:11 Aw LALPA, i hming avângin Ka khawlohna ngaidam ang che, nasa tak ani si a.
25:12 LALPA tih mi chu tunge ni? Chu mi chu a kawng thlant ru chu a la entir ang.
25:13 A nunna chu nuamsak takin a awm ang a; A thlahte chuan ram chu an la luah ang.'
25:14 LALPA thuruk chu amah tihtute hnênah a awm a, A thuthlun chu anmahni a hriattir ang.
25:15 Ka mitin LALPA lam a en fo thin; Ani chuan ka kete hi len ata a la chhuak dawn si a.
25:16 Ka lamah hian lo hawi la, mi khawngaih ang che; Khawhar leh hreawm takin ka awm si a.
25:17 Ka thinlung buainate hi a lo nasa ta a; Aw, ka manganna atate hi mi hruai chhuak ang che.
25:18 Ka hreawmzia leh ka manganzia hi ngaihtuah la, Ka sual zawng zawng ngaidam ang che.
25:19 Mi dotute chu ngaihtuah teh, tam tak an ni a; Nasa takin mi haw si a.
25:20 Aw, ka nunna vawng tha la, mi chhanhim ang che. Mualphovin mi awmtir suh ang che, nangmahah chuan ka rinna ka nghat si a.
25:21 Ka rilru thatna leh ka diknain mi chhanhim rawh se, Ka nghak reng si chia.
25:22 Aw Pathian, Israel-ho hi An manganna zawng zawng ata chhan chhuak ang che.
26:1 Aw LALPA, ro mi relsak ang che, rilru tha tak puin ka awm si a.
26:2 Aw LALPA, mi en fiahin, mi fiah la; Ringhlel lovin LALPA chu ka ring bawk a. Ka rilru leh ka thinlung hi tithianghlim ang che. I ngilneihzia chu ka hmaah a awm si a, I thutakah ka awm fo bawk a.
26:4 Mi engmah lo mai maite hnênah ka thu ngai lo va; Vervekte hnênah pawh ka lût hek l vang.
26:5 Thil tha lo titute inkhâwmho chu ka hua a, Mi sualsuakte hnênah ka thu lo vang.
26:6 Ka kutte hi sawiselbonain ka sil ang a, Chutiangin, aw LALPA, i maichâm chu ka kal hual ang;
26:7 Lawm thu sawina ka tihrik theih a, I thilmak tih zawng zawng thute chu ka hrilh theih nân.
26:8 LALPA, i awmna in chu ka ngaina a, I ropuina awmna pawh.
26:9 Ka nuna hi mi sualte zingah la tel suh la, Ka nun pawh hi thisen chhuah hmangte szingah la tel hek suh ang che:
26:10 An kutah chuan ngaihtuahna sual a awm a, An kut ding lam chu thamnain a khat a.
26:11 Nimahsela kei zawng rilru tha puin ka awm ang: Mi tlan la, mi khawngai ang che.
26:12 Ka ke hi hmun zawl takah a ding a; Inkhawmnaahte chuan LALPA chu ka fak ang.
27:1 LALPA chu ka eng leh mi chhandamtu a ni; tunge ka tih ang? LALPA chu ka nuna kulhbing a ni; tunge ka hlauh vang?
27:2 thil tha lo tiho, mi dotute leh ka hmêlmate chuan, ka sa ei tuma mi bei lai khan, An inchhuih a, an tlu ta hlawm a.
27:3 Sipai pawlhovin mi bei tumin mi ep reng mah sela, Ka thinlung hian a hlau lovang: Ka chungah indona lo chhuak mah sela, Chuti pawhin ka ring tlat ang.
27:4 LALPA hnênah thil pakhat ka dil a, chu mawlh chu ka zawng ang; LALPA mawizia hmu tûr leh, a biak ina thu zawt tûrin Ka dam chhûng zanga LALPA ina ka awm reng theihna tûr chu.
27:5 Mangan ni chuan a bukteah mi dah ru dawn si a, A humhimna puan inah chuan mi thukru ang a: Lungpui chungah mi hlang kai ang.
27:6 Tunah hchuan mi do ta, mi hual veltute chung lamah ka lu hi chawikanin a awm ang; Tichuan a puan inah chuan hlimna inthawinate ka hlan ang a; Ka zai ang, a ni, LALPA fakin ka zai ang.
27:7 Aw LALPA, ka awa ka auh che chuan ngaithla ang che: Mi khawngaih la, mi chhâng bawk ang che.
27:8 "Ka hmêl zawng rawh u," tia i sawi lai khan; ka thinlung chuan i hnênah, "LALPA, i hmêl ka zawng ang," a ti a.
27:9 Ka lakah hian i hmai thup suh la; I chhiahhlawh hi thinurin tibo suh ang che: Nang chu mi tanpuitu i ni thin a; Aw mi chhandamtu Pathian, mi paih thla suh la, mi kalsan lul suh ang che.
27:10 Ka nu leh ka pa chuan mi kalsan ta si a, Nimahsela LALPA chuan mi la pawm ang.
27:11 Aw LALPA, i kawng chu mi entir la; Ka hmêlmate avâng hian Kalkawng phei takah mi hruai ang che.
27:12 Mi dotute duh duha tihah mi pe lul suh ang che: Hretu derten mi bei a, nunchhiat thu chhak chhuak thintute chuan.
27:13 Mi nung ramah hian LALPA thatna hmuh inring suh ila chuan ka chauh tawh tûr a ni.
27:14 LALPA chu nghak reng rawh; Chak takin awm la, i thinlung chu intihuai rawh se; A ni, LALPA chu nghak reng rawh.
28:1 Aw LALPA, ka koh dawn che hi; Ka lungpui, ka lakah i beng chhu ngawng suh ang che: Chutilo zawng, nangin mi ngawihsan chuan, Khuakhurruma chhukte ang maiin ka lo awm dah ang e.
28:2 Ka auh chea ka kutte hi i biakna hmun thianghlim lama ka phar chuan, Khawngaiha ka dilna awte hi ngaithla ang che.
28:3 Mi suaksualte zingah leh thil tisualtute zingah chuan Mi hnuk bo tel suh ang che: Chunghote chuan an vengte hnênah remna thu an sawi thin a, Nimahsela an thinlungahte chuan thil tihsualna a awm reng si a.
28:4 An thiltih ang zel leh, an thiltihte a sualzia ang zelin rul la; An kuta na thawh ang zelin rul la; An sual man hmuhtir ang che.
28:5 LALPA hnathawhte leh A kuta a thiltih chu an ngaihsak loh avângin Ani chuan anniho chu siam tha lovin a tichhia ang.
28:6 Khawngaih ka dilna awte hi a ngaihthlâk avângin LALPA chu fakin awm rawh se.
28:7 LALPA chu ka chakna leh ka phaw a ni a Ka thinlung hian mah chu a ring a, tichuan puihin ka awm a; Chuvangin ka thinlung hi nasa takin a hlim a; Ka hlain amah ka fak a.
28:8 LALPA chu an chakna ani a, A hriak thiha tan chuan chhandamna kulhbing a ni.
28:9 I mite chhandam la, i rochan chu malsawm ang che: Anniho chu chawm la, kumkhuain pawm ang che.
29:1 Aw mi thiltithei tak fate u, LALPA hnênah pe ula; LALPA hnênah chuan ropuina leh chakna pe rawh u.
29:2 LALPA hnênah a hming ropuina chu pe ula; Thianghlim mawina inbelin LALPA chu chibai bûk rawh u.
29:3 LALPA aw chu tui chungahte chuan a ri a: Ropuina Pathian chu a lo ri dur dur a, Lalpa ngei chu tui tam tak chungahte a lo ri a.
29:4 LALPA aw chu thiltithei tak a ni a; LALPA aw chu ropui ta a ni.
29:5 LALPA aw chuan sidar thingte chu a titliak ang a; A ni, LALPA chuan Lebanon tlânga sidar thingte chu a titliak seng sung thin.
29:6 Bawng no tualchai angin a chettir thin a; Lebanon leh Sirion tlange chu sele no ang maiin.
29:7 LALPA aw chuan meialhte a phel thin.
29:8 LALPA aw chuan thlalêr a nghawr nghing a; LALPA chuan Kadesh thlalêr chu a tinghing thin.
29:9 LALPA aw chuan zukpuite chu no a chhiattir a, Ngawpui thin ghnahte chu a nuai kawlh vek thin a: A biak inah chuan thlengkimin, "A ropui e," an ti theuh thin.
29:10 LALPA chu Tuilet lai khan lalah a thu a, A ni, LALPA chu kumkhua atân lalah a thu a ni.
29:11 LALPA chuan a mite hnênah chakna a pe ang a, LALPA chuan a mite chu thlamuannain mal a sawm ang.
30:1 Aw LALPA, ka chawimawi ang che; nangin mi kai chhuak a, Mi dotuet chu mi diriamtir loh avângin.
30:2 Aw LALPA ka Pathian, Ka au chia, nangin mi tidam ta a.
30:3 Aw LALPA nangin ka nunna hi Seol ata chu i hruai chhuak a; Khuarkhuruma ka chhuk lohna tûrin nangin mi hum nung zel a.
30:4 Aw, a mi thianghlimte u, LALPA fakin zai ula, A hming thianghlim chu fak rawh u.
30:5 A thinur chu mit khapkar chauh ani si a; A duhsaknaah chuan nunna a awm thin. Tahna hi riak tûrin tlai lamah a lo lut thei a, Zingah erawh chuan hlimna a lo thleng thin.
30:6 Kei zawngin ka nun khawnawm lai chuan, "Engtikah mah ka nghing lo vang," ka ti a.
30:7 LALPA, nangin i duhskna avângin ka tlâng chu i lo din nghehtir tawh a: Nimahsela i hmai i thup a, ka lo mangan tak kha.
30:8 Aw LALPA, nang ka au chia; LALPA hnên ngeiah chuan khawngaihna ka dil kha;
30:9 Thi ila, leilawtah chhuk ila, i tan hlawkna eng nge awm? Vaivutin a fak dawn che êm ni?
30:10 Aw LALPA, ngaithla la, mi khawngaih ang che: LALPA, nang mi tanpuitu ni ang che.
30:11 Ka mitthi ngaihna chu ka tan lamnaah i chantir a; Ka saiip puan chu mi hlihsak a, hlimnain ka taiah mi hreng ta a:
30:12 Ka ropuina hi, ngawi reng lova, nangmah faka a zaina tûrin. Aw LALPA ka Pathian, kumkhuain lawm thu ka hrilh fo vang che.
31:1 Aw LALPA, nangmahah chuan ka rinna ka nghat thin a; Engtikah mah mualphovn mi awmtir suh la; I felna avângin mi chhanhim ang che.
31:2 Ka lamah hian i beng rawn dawh la; Ka lamah hian i beng rawn dawh la; mi chhanhim thuai la: Ka tan lungpui nghet tak, mi chhandamna tûra humhimna in, lo ni ang che.
31:3 Nang chu ka lungpui leh ka kulhpui i ni si a; Chuvang chuan i hming avângin mi hruaiin mi kai ang che.
31:4 Ka awh nân a ruka len an phah lakah hian mi hnuk chhuak ang che; Nang chu ka kulhbing i ni si a.
31:5 I kutah ka thlarau ka kawltir e: Aw LALPA, thutak Pathian, nangin mi tlan ta.
31:6 Thil engmah lawilo mai maite ngaihsakho chu ka hua a; Kei erawh zawngin LALPA ka ring a ni.
31:7 I ngilneihna avâng hian ka hlimin ka lawm ang: Ka manganna hi i hmu si thin a; Ka nunna hi a hrehawm laite pawhin i hre thin.
31:8 Tin, mi dotu kutah nangin mi khung lo va; Ka ke hi hmun thawl takah i nghat ta zawk a.
31:9 Aw LALPA, mi khawngaih ang che, mangangin ka awm si a: Ka mit hi lungngaihna avângin a rawp telh telh a, a ni, ka nunna leh ka taksa lamin.
31:10 Ka dam chhûng hi lungngaiin a ral ta si a, ka kumte hi rumin a ral ta bawk a ni: Ka khawlohna avângin ka tha a thum a, ka ruhte pawh a rawp zo ta a.
31:11 Mi dotute avângin ka hming hi alo chhe ta a, A ni, ka vengte lakah nasa takin a chhe ta a ni, ka hmêlhraitte tan pawh hlauhawm tak ka ni ta a: Kawtlaia mi hmuate lah khan mi tlansan ta si a.
31:12 Mitthi an theihnghilh ang takin theihnghilhin ka awm a: Bel keh ang mai ka ni ta.
31:13 Mi tam tak mi hekna ka hre si a, Ka vêla hlauhawm vawm chu; Mi phair ho lai khan. Ka nun mi laksak an tum a.
31:14 Nimahsela, aw LALPA, ka ring chia: "Ka Pathian i ni," ka ti a.
31:15 Ka hunte chu i kutah a awm a: Mi dotute kut ata leh, mi tiduhdahtute lakah hian mi chhanhim ang che.
31:16 I hmêlin i chhiahhlawh hi han chhun eng la: I ngilneihna avângin mi chhandam ang che.
31:17 Aw LALPA, mualphovin mi awmtir suh ang che; ka ko si chia: Mi suaksualte chu mualphovin awm sela, Seol-ah ngawi rengin awm rawh se.
31:18 Hmui dawtheite chu tawng thei lovin Chungte chuan chapo leh hmusi chungin Tawng chaltlai takin mi fel an sawi chhe thin.
31:19 Aw, i thatna, nangmah tihtut tana i khawl khâwm chu, a va ropi êm! Mihring fate mithmuha nangmaha rinna nghatte tana i tihsak chu.
31:20 Anni chu mihring phiarna lakah chuan i humhimna mithmuhah i thukru ang a: Lei hnialhratna lakah chuan bukteah i dah ru ang.
31:21 LALPA chu fakin awm rawh se: A ngilneihzia mak tak chu khawpui nghet takah mi hmuhtir si a.
31:22 Kei lah chuan, ka hamhaihin, "I mithmuh ata paih bovin ka awm ta," ka lo ti ta mai a: Nimahsela ka auh che khan khawngaih ka dilna awte kha i lo hre si a.
31:23 Aw, a mi thianghlim zawng zawngte u, LALPA chu hmangaih rawh u: LALPA chuan mi rinawm chu a humhim a, Chapo taka titu chu nasa takin a rul thin.
31:24 LALPA beisei zawng zawngte u, Chak takin awm ula, in thunlung chu intihuai rawh se.
32:1 A bawhchhiatna ngaihdama awm a, a sualna hliahkhuha awm chu, a eng a thawl e.
32:2 Mi, LALPAN khawlohna neia a ruat lohva, A thlarauva tihderna rêng rêng awm lova chu, a eng a thawl e.
32:3 Ka ngawih reng lai khan, nilenga ka rum thina lamah ka ruhte hi a chang zo vek a ni.
32:4 Achhun azanin i kutin mi delh si a: Ka taksa hnawnna pawh, thal rumin thil a tidanglam angin, alo danglam tak hial kha. (Selah)
32:5 Ka sualna chu i hnênah ka puang a, Ka khawlohna chu ka zep ta lo va: "Ka bawhchhiatna chu LALPA hnênah thupha ka chawi tawh ang," ka ti a; Tichuan ka sual khawlohna chu i lo ngaihdam tak kha. (Selah)
32:6 Chuvang chuan, Pathian ngaihsak mi tinin zawn hmuh awla i awm laiin i hnênah tawngtai theuh rawh se: Tui liante chu a lo liam hun chuan anni chu a chim pha thuai dawn lo nia.
32:7 Nang chu ka bihrukna hmun i ni a; nang chuan manganna lakah mi humhim ang a; Chhanhimna hlatein mi hual veltir ang. (Selah)
32:8 Fing taka awmtir chein i kalna tûr kawng chu ka entir ang chia: Ka mita en reng chung chein rem ka ruatsak zel ang che.
32:9 Ngaihtuahna nei hlei lo sakawr emaw, sabengtung emaw angin awm suh u: Chung chuan thunun nân lakam thir barh an ngai a,
32:10 Chutilochuan i kai thei lo vang. Mi suaksual tan chuan lungngaihna tam tak a awm ang a: LALPA ringtu erah chu ngilneihnain a hual vêl zawk ang.
32:11 Mi felte u, LALPA-ah chuan hlimin lawm ula: Thinlung dik tak pu zawng zawngte u, hlimin au rawh u.
33:1 Aw, mi felte u, LALPA-ah chuan hlimin zai rawh u; Mi dk tan chuan Pathian fak hi a awm reng a ni.
33:2 Tingtangin LALPA hnênah chuan lawm thu sawi ula: Perhkhuang hrui sawm nei mi nên amah fakin zai rawh u.
33:3 Amah chawimawiin hla thar sa ula; Thawm nasa tak nên thiam takin tum rawh u.
33:4 LALPA thu chu a dik a; A thiltih zawng zawng chu rinawm taka tih a ni si thin a.
33:5 Felna leh rorêlna fel hi a ngaina thin a: Leilung hi LALPA ngilneihnai a khat a.
33:6 LALPA thuin vante chu siam ani a; Chunga awmho zawng zawngte pawh chu a kaa thaw chuan siam an ni bawk a.
33:7 Ani chuan tuifinriat tuite chu englo dahkhawm thur angin a tikhawm a: Tui thuk takte chu dah khawmna inahte a dah tha thin.
33:8 Leilung luah zawng zawng chuan LALPA chu tih sela: Khawvela awm zawng zawng chu amah hlauvin awm rawh se.
33:9 Ani chuan a sawi a, a lo awm ta a; Thu a pe a, a lo awm nghet ta si a.
33:10 LALPAN hnam tin remruat chu engmah lovah a chantir a: Mi tin, ngaihtuahte chu engmah sawtna nei lovin a siam thin.
33:11 LALPA remruat erawh chu kumkhuain a awm nghet ang a. A thinlunga a ngaihtuahte ch chhuan zawng zawng thlengin a awm nghet ang.
33:12 LALPA Pathian a nei hnam chu an eng a thawl e; Ama rochana a thlan mite chu.
33:13 LALPA chuan van atang khian a thlir a; Mihring fate zawng zawng hi a hmu thin a;
33:14 Leia awm zawng zawng hi A awmna hmun atang khian a rawn thlir thin;
33:15 An zaa thinlung siam thina, An thiltih zawng zawng ngaihtuah thintu chuan.
33:16 Lal rêng rêng hi sipaiho tam vang ngawta chhandama awm an awm ngai lo: Mi chak hi chak êm êm vang ngawtin chhanhim an ni ngai lo.
33:17 Sakawr hi inchhandam nân engmah ani lo va: A chak êm êm avâng maiin tumah a chhanhim hek lo vang.
33:18 Ngai teh, LALPA mit chu amah tihtute chungah chuan a fu reng thin a, A ngilneihna beiseitute chungah chuan;
33:19 An nunna thihna laka chhanhim tûr leh Tam tlaka anmahni tungnung tûrin.
33:20 Ka nunna hian LALPA a nghak reng a: Ani chu mi tanpuitu leh ka phaw a ni.
33:21 Amahah chuan kan thinlung hi a hlim dan a ni, A hming thianghlim kan rin avângin.
33:22 Aw LALPA, i ngilneihna chu kan chungah awm rawh se, Kan beisei ang zel chein.
34:1 Englai pawhin LALPA chu ka fak ang a: Amah fakna chu ka kaah a chhuak fo vang.
34:2 Ka nunna hian LALPA chu a chhuang ang a: Thuhnuairawlhte chuan chu chu an hria ang a,a n lawm ang.
34:3 Aw, LALPA chu mi fakpui ula, A hming chu i chawimawi tlâng ang u.
34:4 LALPA chu ka zawng a, tin, ani chuan mi chhâng a, Ka hlauhzawng zawng lakah chuan mi chhanhim ta a.
34:5 Amah an en a, tin, an lo eng ta a: An hmêlte chu engtikah mah a zak lo vang.
34:6 He mi srethei hi a au va, tin, LALPA chuan a hria a, A manganna zawng zawngah chuan a chhan chhuak ta a.
34:7 Amah tihtute chu, an vêlah LALPA vântirhkoh chuan a awm chilh a, A chhanhim thin.
34:8 Aw, LALPA thatzia chu tem chhin teh reng u: Amaha rina nghat mi chu a eng a thawl e.
34:9 Aw, a mi thianghlimte u, LALPA chu tih rawh u: Amah tihtute tan chuan tlakchhamna rêng rêng a awm si lo.
34:10 Sakeibaknei vanglaite chu an tlachhamin an ril a tam thin a: LALPA zawngtue erawh chuan thil tha rêng rêng an tlachham lo vang.
34:11 Hawh u, naupangte u, ka thu ngaithla rawh u: LALPA tih dan ka lo zirtir ang che u.
34:12 Thatna a hmuh theih nana, nunna duh a Damrei ngaina mi chu tunge ni?
34:13 I lei chu sual lakah veng tha la, I hmui chu tihderna thu sawi lo tûrin veng tha rawh.
34:14 Sual kalsan la, thil tha ti rawh; Remna zawng la, a umin um rawh.
34:15 LALPA mit chuan mi felte lam a en thin a, A beng chuan an au hre tûrin a ngaithla reng thin.
34:16 LALPA hmêl chuan thil tisualtute chu a do thin, Anmahni hriat rengna chu lei ata tiboral tûrin.
34:17 Mi felte chu an au va, tin, LALPA chuan a lo hria a, An manganna zawng zawngah chuan a chhan chhuak ta a.
34:18 LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin.
34:19 Mi fel hreawmnate chu a tam a, Nimahsela LALPAN chung zawng zawngah chuan a chhan chhuak thin a.
34:20 A ruh zawng zawng a vawng tha a, Pakhat mah tihtliah a ni lo.
34:21 Thil tha lovin mi suaksualte chu a tihlum ang a: Mi fel hawtute chuan thiam loh an chang a.
34:22 LALPA chuan a chhiahhlawhte nunna chu a tlan thin a. Amaha rinna nghatte chu pakhat mah thiam loh chang an awm lo vang.
35:1 Aw LALPA, mi beitute chu nangin bei la: Mi dotute chu nangin do vang che.
35:2 Phawte leh phaw lian chelh la, Mi tanpui tûrin ding ang che:
35:3 Fei pawh phawi la, mi umtute kawng lo dang la: Ka nunna hnênah hian, "I chhandamtu ka ni e," ti ang che.
35:4 Ka nunna tihbo tuma zawngtute chu, tihmualphova tihzahin awm sela: Mi tihchhiatna tûr suangtuahtute chu, tlânchhiattirin hrilhhai takin awm rawh se. LALPA vântirhkohvina khalh zel siin, Buh si thli len angin awm rawh se.
35:6 LALPA vântirhkohvina um zel siin, An kawng hchu thim tak leh nal tak ni rawh se.
35:7 A vang awm lovin min awh nân an len chu khuarkhurumah an phah ru a, A vang awm lovin an nunna tlak nân khuarkhurum an lai si a.
35:8 A inrin loh hlanin chhiatna achungah thleng sela; A len phah rukah khan amah ngei awk bawk sela; Chu miah chuan tla chhe rawh se.
35:9 Tichuan ka nunna hi lalpaah chuan a hlim ang a: A chhandamnaah chuan a lawm ang.
35:10 Ka ruh zawng zawng hian, "LALPA mi rethei, a khin zawh rual loh laka chhanhimtu, A ni, rethei leh pachhia, a ram thintu laka chhanhimtu, Nang ang rêng rêng tunge awm?" a ti ang.
35:11 Hretu fel lo takte anlo tho va; Ka thil hriat hauh loh thu-ahte mi chhal a.
35:12 Ka nunnain thil chan khawpin thil tha thil sualin mi rul a.
35:13 Kei erawh chuan ka dam lohvin saiip ka sin a: Chaw ka nghei a, kun tlawk tlawkinka tawngtai a.
35:14 Unau tan emaw thian tan emaw ni awm takin: Lusun ang maia kunin ka vei ka vei a, Mahni nu sun ang maiin.
35:15 Nimahsela kei ka bai chuan anni chu an lawm zawk a, an inkhawm hial a: Mi sual mai maite chu mi bei tûrin an inkhawm a, chu chu ka lo hre si lo va; Bang duh lovin mi sawisa nek a:
35:16 Ruaithehnatea nuihza fiamthu sawitute mai mai angin An ha mi thial khum a.
35:17 LALPA, nangin eng chen nge i en dawn le? Ka nunna hi tihchiat an tumna lakahte chuan chhan chhuak la, Ka neih chhun tak hi sakeibaknei lakahte chuan chhan chhuak ang che.
35:18 Inkhawmna ropui takah chuan lawm thu ka hrilh ang chia: Mi tam tak zingah ka fak ang che.
35:19 Ka hmêlmate chuan dik o takah mi diriam suh se: Enga khawlawi lova mi hawtute chu an mitin inbe hek suh se.
35:20 Remna thu reng an sawi si lo va: He rama awm hle hlete bumna thute an suangtuah zawk a ni.
35:21 A ni, an kain mi an khum huau va; "Chei! Chei! Kan mitin kan hmu ta," an ti a.
35:22 Aw, LALPA, nangin i hmu e, ngawihsan suh ang che: Aw, Lalpa, mi hlat lul suh ang che.
35:23 "Ka Pathian leh ka Lalpa, ka rorêl tûrin, A ni, ka thua mi tan tûrin, intiharh la, meng ang che.
35:24 Aw LALPA ka Pathian, i felna avângin ro mi rel la; Anni chuan mi diriam suh se.
35:25 An rilru chuan, "Chei! Chutiang chu alawm kan duh ni," ti suh se: "Ani chu kan lem zo ta," ti hek suh se.
35:26 Ka chhiatna chunga lawmtte chu mualpho tak leh hrilhhai takin awm hlawm sela; Ka chunga intiliante chu mualphona leh zahna sintirin awm rawh se.
35:27 Ka felna chunga lawmte chu hlima auvin lawm takin awm sela: A ni, "A chhiahhlawh vanneihna chunga lawm thin LALPA chu Chawimawiin awm rawh se.
35:28 Tichuan, ka lei hian felna thu a sawi ang a, I fakna thu pawh nilengin a sawi bawk ang.
36:1 Mi suaksual bawhchhiatna chan ka thinlung chhûngah hian thu a sawi a, "A mithmuhah Pathian hlauhna reng a awm lo," tiin.
36:2 "Ka khawlohna an hmu chhuak lo vang, an haw hlei lo vang e," tiin. Mahni mithmuhah mahni vek a infak chawp si thin a.
36:3 A kaa thu chhuakte chu sualna leh bumna thu hlir a ni thin a: Finvar leh thil tha tih a bang ta a.
36:4 A khumlaizawlah chuan thil sual a suangtuah thin a; Kawng tha lovah chuan akal lui a; Sualna chu a ten lo.
36:5 Aw, LALPA, i ngailneihna chu vanahte kihian a awm a; I rinawmna chuan van dumte khi a tawng a ni.
36:6 I felna chu Pathian tlangte ang ani a; I rorêlte chu tui thuk zau tak ang a ni: Aw LALPA, mihring leh sa i humhim thin.
36:7 Aw Pathian, i ngilneihna chu a va hlu êm! Mihring fate chuan i thla hnuai an chuh thin.
36:8 Anni chu i in chhûng htil thain an tlai êm êm ang a; I lawmna luia mi chu i intir bawk ang.
36:9 Nunna tuikhur ch i hnênah a awm si a: I engah chuan eng kan la hmu ang.
36:10 Aw, nangmah hretute chungah chuan i ngilneihna chu lantir zel la; Thnlung dik tak pute chungah pawh i felna chu lantir zel ang che.
36:11 Chapo ke chu mi bei tûrin ka lamah pen suh sela. Mi suaksual kut pawhin mi hnawt bo suh se.
36:12 Sawtah sawn thil tisualtute chu an tlu reng a: Nam thluk an ni a, an tho thei tawh lo vang.
37:1 thil tha lo titute avângin intilungngai duh suh la. Fel lo taka tite chu awt hek suh.
37:2 Hlobet angin ah thlukin an awm thuai ang a, Hnim hring angin an la vuai dawn si a.
37:3 Lalpa chu ring la, thil tha ti rawh; He ramah hian awm la, rinawmna um zel rawh.
37:4 LALPA chungah chuan lawm bawk rawh; Tichuan i thinung duhzawngte chu a pe ang che.
37:5 I awm dan tûr chu LALPA chungah nghat la; Amah chu ring la, aman a ti vek ang.
37:6 I felzia chu eng angin a chhuahtir ang a, I thiam chanzia pawh chhun lai ang maiin.
37:7 LALPA-ah chuan chawl la, amah chu nghak fan fan rawh; A awm dana vanneihna dawngtu avângin intilungngai duh suh, Ngaihtuahna sualte puitlintu avâng chuan.
37:8 Thinur hi bansan la, thnrim hi sim rawh. Intilungngai duh suh - thil tihsualah a lo tlak mai thin a ni.
37:9 thil tha lo titute chu tihboralin an awm dawn si a: LALPA nghaktute erawh chuan ram hi an luah ang.
37:10 Rei lote achinah mi suaksual chu a awm tawh dawn si lo: A ni, a awmna hmun chu en en mah la, a awm tawh lo vang.
37:11 Thuhnuairawlhte erawh chuan ram hi an luah ang a: Remna chenin an hmuingil ang.
37:12 Mi suaksual chuan mi fel aphiar a, A ha a thial khum thin.
37:13 Lalpa chuan ani chu anuihsan ang: A ni alo thleng dawn tih a hriat avângin.
37:14 Rethei leh pachhiate tithlu tûr leh Awm dan dikte tihlum tûrin. Mi suaksualte chuan khandaih an phawi a, an thal ngul an kuai bawk a.
37:15 An khandaih chuan anmahni thinlung chu a chhun ang a, An thla ngulte chu tihtliahin a awm bawk ang.
37:16 Mi fel thil tlemte neih chu Mi suaksual tam tak thil neih rei rui te ai chuan a tha zawk a ni.
37:17 Mi suaksual bante chu tihtliahin a awm dawn si a: Mi fel erawh chu LALPAN a chelh reng thin.
37:18 LALPA chuan mi tha famkim nite chu a hria a: An rochun tûr chu kumkhuaa awm reng tûr a ni.
37:19 Hun tha lovah an mualpho lo vang a; Tam kumahte pawh an puar ang.
37:20 Mi suaksualte erawh chu an boral ang a, LALPA dotue pawh phul hnim duah ang an ni ang: Tihboralin an awm ang a, meikhuah an zam ral ang.
37:21 Mi suaksual chuan a puk a, ape leh thin lo va: Mi fel erawh chuan mi a khawngaih a, a pe zawk thin.
37:22 A malsawmna dawngtute chuan ram hi an luah dan a, A ânchhelawh dawngtue ch utihgboralin an awm dawn a ni.
37:23 LALPA chuan an kalna tûrah a hruai thin a, A duhzawng titute ch a veng thin.
37:24 Tlu mah sela, an tlu hlen lo vang: LALPAN a kutin a chelh reng si a.
37:25 Naupang ka lo ni tawh a, tunah tar ka lo ni ta a, Nimahsela mi fel chu kalsana a awm ka hmu ngai lo va, A thlahte chaw khawn pawh ka hmu ngai hek lo.
37:26 Nilengin mi a khawngaih a, a puktir thin a; A thlahte pawh an eng a thawl thin.
37:27 Sual kalsan la, thil tha ti rawh; Tichuan kumkhuain cheng reng ang che.
37:28 LALPA chuan rorêlna fel a ngaina si a, A mi thianghlimte chu a kalsan ngai lo; Kumkhua atân vawn thatin an awm a: Mi suaksual thlahte erawh chu tihboralin an awm ang.
37:29 Mi felte chuan ram hi an luah ang a, A chhûngah hian kumkhuain an awm ang.
37:30 Mi fel ka chuan finna thu a sawi thin a, A lei chuan rorêl felna thu a sawi bawk thin.
37:31 A Pathian dan chu a thinlungah a awm a; A pensan ngai lo.
37:32 Mi suaksual chuan mi fel chu a en thla a, Tihhlum a tum thin.
37:33 LALPAN ani chua kutah a kalsan lo vang a, A ro an rel hunah chuan thiam loh chantir a phal hek lo vang.
37:34 LALPA chu nghak la, a kawng chu zawh rawh. Tichuan ram hi luah tûrin a chawimawi ang che:
37:35 Mi suaksualte tihborala an awm lai chu i la hmu ang. Mi suaksual chu nasa taka thu neia, A tona hmuna thing chawr duah hluah anga a tawi bum lai ka hmu a.
37:36 Nimahsela kawngah mi ava kal a, tin, ngai teh, ani chu a lo awm ta lo mai a: A ni, ka zawng a, nimahsela hmuh theih ani lo.
37:37 Mi sawiselbo chhinchhiah la, mi dik tak chu en rawh, Chutiang mi tawpna tûr chu thlamuanna a ni dawn si a.
37:38 Bawhchhetute erawh chu a ruala tihchhiatin an awm hlawm ang a, Mi suaksualte tawpna chu boralna a ni ang.
37:39 Amaherawhchu mi felte chhandamna chu LALPA lak ata a ni a: Ani chu mangan laia an kulhbing a nithin a.
37:40 LALPAN anni chu a tnapuiin a chhanhim thin a, Amahah chuan an tlukluh avângin Mi suaksualte lakah chuan a chhanhimin a chhandam thin.
38:1 Aw LALPA, thinurin mi zilhhau suh la: Thinrimin mi thunun hek suh ang che.
38:2 I thalte chu ka pangah a bur tlat a, I kutin mi nem tlawk tawlk si a.
38:3 I lungnih lohna avnaign ka tisaah hian dam lai reng a awm lo va; Ka sualna avângin ka ruhahte hian hrisel lai rêng rêng a awm hek lo.
38:4 Ka khawlohnate chuan ka lu hi a chim pil a, Phur rit tak ang, ka zawh rual loh hi a ni.
38:5 Ka âtna avângin Ka pemte h a uihin a khawlo zo ta a.
38:6 Ka na a, ka kun tlawk tawlk a; Nilengin lungngaiin ka van ruai thin a.
38:7 Ka kawng hi a sa hluah hluah vek a; ka tisaah pawh hian dam lai reng a awm lo.
38:8 Ka chau va, ka sil urh a; Ka thinlung nawm lohna avângin ka rum vâk vâk a.
38:9 LALPA, ka duhzawng zawng zawng hi i hmaah a awm vek a; Ka rum pawh hi i lakah thuruk a ni lo.
38:10 Ka thin hi a phu hlawp hlawp a, thahrui ka nei ta lo va: Ka mit varna lah chuan mi awm lohsan ta bawk a.
38:11 Mi hmangaihtute leh ka thiante chu ka thil vei lakah hian an inthiarfihlim thin a; Ka laichinte pawh hla takah an ding thin.
38:12 Ka nunna tihbo tuma zawngtute chuan min awh nân thangte an kam thin a; Ka chhiatna tûr zawngtue pawh chuan thu tha lo takte an sawi a, Nilengin bumna thute an ngaihtuah thin.
38:13 Nimahsela kei chu mi bengngawng angin hre lovin ka awm a; Tawng thei lo mi ka âng ngai lo angin ka awm.
38:14 A ni, mi tawng hre thei lo, A kaa zilhhauna reng chhuak ngai lo angin ka awm.
38:15 Aw LALPA, nangmah ka beisei si chia: Aw LALPA ka Pathian, nangin mi chhâng ang.
38:16 "Chutilochuan mi diriam ang a, Ka ke a tleu veleh ka chungah an intilian dah ang e," ka ti a ni.
38:17 Ka bai dawn dawn si a, Ka lungngaihna pawh ka hmaah a awm fo a ni.
38:18 Ka khawlohna chu ka puang ang a; Ka sualna avânga lungngaiin ka awm dawn a ni.
38:19 Nimahsela mi dotute chu an thothang a thain, an chak a: Dik lo taka mi hawtute chu an pung ta luai a.
38:20 thil tha thil Saula rul thintute hi thil tha ka um avângin mi dotute an ni a.
38:21 Aw LALPA, mi kalsan lul suh la: Aw ka Pathian, mi hlat lul suh ang che.
38:22 Aw LALPA mi chhandamtu, Mi tanpui tûrin hmanhmawh ang che.
39:1 "Ka lei hian thil ka tihsual lohna tûrin Ka awm dante hi ka veng tha ang a: Mi suaksualte ka hmaa an awm chhûng zawng Ka ka hi hmui phuarnain ka phuar ang," ka ti a.
39:2 Chutichuan ngawi rengin tawng lovin ka awm a, A tha lamah pawh ka ngawi reng a; Nimahsela ka lungngaihna chu chawhthawhin a awm zawk mah a.
39:3 Ka kawchhûngah hian ka thinlung a sa huam huam a; Ka ngaihtuah ka ngaihtuah chuan mei chu a alh chhuak a; Tin, ka lei hian thu ka sawi ta a:
39:4 "LALPA, ka tawpna tûr leh, ka dam chin tûr chu Engtin nge ni tih, mi hriattir la; Ka derdepzia hi mi hriattir ang che.
39:5 Ngai teh, ka dam chhûng hi kutphah bawk lekin i siam a; Ka kum hi i mithmuhah chuan engmah tham ani lo va; Mi tin, hi an that lai ber pawhin an pumin engmah lo mai an ni.
39:6 Mi tin, hi hlim angin an leng tak meuh va: (Selah) An buai thlawn tak meuh thin a ni.Ro a khawl khâwm thin a, a khawmtu tûr a hre si lo.
39:7 Tin, LALPA, tunah eng nge ka nghah le? Nangmahah a ni, ka beiseina a awm ni.
39:8 Ka bawhchhiatna zawng zawng lakah mi chhanchhuak la: Mi a sawichhiatin mi awmtir suh ang che.
39:9 Nangma tih a nih avângin Ka tawng lo va, ka ka ka ang hek lo
39:10 I mi vuakna hi ka hnên ata mi lak sawnsak la: I kutthlâka tihboral ka nih hi.
39:11 Mi a bawhchhiatna avânga zilhhaunatea i thunun hian, A duhawmna hi sulrul angin i tichhe thin a; Mi tin, hi engmah lo mai an ni (Selah)
39:12 Aw LALPA, ka tawngtaina hi ngaithla la, ka auhnaah hian beng chhi la; Ka mittui tla hi ngawihsan suh ang che. I mikhual ka ni a, Mi thlahtute zawng zawng ang khan pem mai ka ni si a.
39:13 Aw, heta tak ka chhuah a, ka awm loh hlen daih hma hian, Ka harh lehna tûrin mi zuah ang che.
40:1 LALPA chu ka nghak fan fan a; Tichuan annin mi rawn thek a, ka au chu a ngaithla ta.
40:2 Boralna khuarkhurum ata, chirhdup ban tak ata chu mi khai chhuak ta abawk a; Tin, ka ke chu lungpui chungah a nghat a, ka ke pente chu a tinghet a.
40:3 Hla thar ka kaah a dah ta bawk a, kan Pathian fakna chu: Mi tam takin chung chu an hmu ang a, an hlau ang a, LALPA chu an ring tawh ang.
40:4 LALPA chu a rinchhana nei a, Chapote leh dawt lama penge ngaihsak lo mi chu, a eng a thawl e.
40:5 Aw LALPA ka Pathian, nangin thilmak i tihte leh, Keimahni lam i ngaihtuahnate hi a tam êm êm mai a, Chung chu i hmaa tihlan sen rual a ni lo va; Hriattirin hri dawn ila, Chhiar sen rual a ni lo vang.
40:6 Inthawina leh thilhlan chungah hain lawmna reng i nei lo va; Ka bengte hi mi tihawngsak ta a: hâlral thilhlan leh sual tana thilhlan chu i phut lo.
40:7 Chu veleh chuan, keiin, 'Ngai teh, ka lo kal e; Lehkhabu zialah chuan ka thu ziak a ni a:
40:8 Aw ka Pathian, i duhzawng tih hi ka lawmzawng tak a ni; A ni, i dan thu chu ka thinlungah a awm reng e," ka ti a.
40:9 Inkhawmna ropui takah chuan felna chanchin tha ka tlangaupui a; Aw LALPA, ngai teh, Ka ka hi ka ui lo vang tih i hria e.
40:10 I felna chu ka thinlung chhûngah ka zep lo va; I rinawmna leh i chhandamna thu chu ka tlangaupui zawk a: I ngilenihna leh i takina chu inkhawmna ropui taka mite lakah chuan ka thup lo ve.
40:11 Aw LALPA, i lainatnate chu ka lakah ui suh la: I ngilneihna leh i takina chuan mi humhim fo rawh se.
40:12 Thil tha lo chhiar sen loh chuan mi hual vêl si a, Ka khawlohnate chuan mi umphak a, chutichuan ka dak thei ta lo va; Chung chu ka samzaite ai hian a tam zawk a, ka thinlung hi a chau ta.
40:13 Aw LALPA, khawngaih takin mi chhanhim la: Aw LALPA, mi tanpui tûrin hmanhmawh ang che.
40:14 Ka nunna tihbo tuma zawngtute chu Mualpho tak leh zak takin awm hlawm sela; Ka chhiatna chunga lawmte chu Hawi kirtirin tihzahin awm rawh se.
40:15 "Chei! Chei!" mi tutute chu An mualpho avângin mangang takin awm rawh se.
40:16 A zawngtu che zawng zawng chu nangmahah chuan hlim tak leh lawm takin awm sela: I chhandamna ngainatute chuan, "LALPA chu chawimawiin awm rawh se," ti fo rawh se.
40:17 Kei zawng rethei leh pachhe tak ka ni a, Nimahsela LALPAN mi ngaihtuah thin a: Nang chu mi tanpuitu leh mi chhanhimtu i ni a; Aw ka Pathian, rei rial lul suh ang che,
41:1 Retheite ngaihtuah mi chu a eng a thawl e, Mangan ni chuan LALPAN a ni chu a chhanhim ang.
41:2 LALPAN ani chu humhimin a tinung ang a, leiah hian malsawmin a awm ang: Amah dotue duh duha tihah pe suh ang che.
41:3 LALPAN a chauhna mut hmunah chuan a tichak ang a: Nangin a dam loh laiin a mutna i siamsak vek thin.
41:4 Keiin, "Aw LALPA, mi khawngaih la, Ka nunna hi tidam ang che, i chungah thil ka tisual si a, ka ti a.
41:5 Mi dotute chuan, "engtikah nge a thih ang a, a hming a bo vang?" tiin, Mi sawichhe thin a.
41:6 Tin, an zinga tuin emaw mi rawn kan lahin, thu engmah lo mai mai a sawi thin a; A thinlung chuan sualna a la khâwm thin a: A kal chhuah veleh mi a hrilh thin.
41:7 Mi hawtute zawng zawng chuan mi hekna thu sesein an la a: Mi tihchhiatna tûr an suangtuah thin.
41:8 "Natna tha lo takin a tlakbuak ta a: Tuna a mu hi a tho leh tawh lo vang," an ti a.
41:9 A ni, ka thian kawmngeih, ka rin tak, ka chhâng eipui ngei chuan A ke artui ka chungah a lek ta.
41:10 Nimahsela, aw LALPA, nangin mi khawngaih la, Anmahni ka thungrulh t heihna tûrin mi kaitho leh ang che.
41:11 He mi-ah hian ka chungah i lawm tih ka hria, Mi dotu chuan mi ngam thin loh avâng hian.
41:12 Kei zawng rilru tha tak ka putnaah hian nangin mi chelh reng a, A hmaah chuan kumkhua atân mi dah a.
41:13 LALPA, Israela Pathian chu, Chatuan ata chatuan thlengin fakin awm rawh se.
42:1 Sakhi, luite tui chaka a thaw huam huang ang hian, Aw Pathian, ka nunna hi nangmah chakin a thaw huam huam a ni.
42:2 Ka nunna hi pathian chakin, Pathian nung chakin, a tuihal a ni: Engtikah nge Pathian hma ka thlen ang a, ka inlan ang aw?
42:3 Ka mittui hi a chhun azanin ka chaw a ni. "Khawiah nge i Pathian le?" mi lo ti chamchi a.
42:4 Heng thil hi ka hre reng a, ka nunna hi ka chhûngah ka leihbua a, Mipui zinga ka kal a, hlimna leh fakna ri nena, mi tam tak kut, Pathian biak in pana an hma ka hruai thinziate kha.
42:5 Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: a hmêla damna avângin Amah chu ka la fak dawn si a.
42:6 Aw ka Pathian, ka nunna ka chhûngah hian a kun reng a: Chuvangin Jordan leh Hermon ram atang te, Mizar tlâng atangte hian ka hre reng che a ni,
42:7 I tui luang ri dur durahte hian tui thuk leh tui thuk chu an inau va: I tuifawn leh i tui inchhawk zawng zawngte chuan mi vur pil ta a.
42:8 Nimahsela LALPAN a ngilneihna chu chhunah thu a pe ang a, A hla chuan zanah mi awmpui ang, Ka nuna Pathian hnêna tawngtaina chuan.
42:9 Pathian ka lungpui hnênah chuann, "Engah nge mi theihnghilh le? Engah nge dotu hnehchhiahna avânga lungngaia ka van ruai thin le?" ka ti ang.
42:10 Ka ruha khandaih awm ang maiin mi dotute chuan mi sawichhe thin a; "Khawiah nge i Pathian le?" mi lo ti chamchi a.
42:11 Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: amah chu ka la fak dawn si a, Ka hmêl tidamtu leh ka Pathian chu.
43:1 Aw Pathian, ro mi rel la, Pathian ngaihsak lo hnam chungah hian ka thu mi sawipui ang che: Aw, mi bumhmang mi dik lo lakah hian mi chhanhim ang che.
43:2 Nang hchu ka chakna Pathian i ni si a; engah nge mi thlauhthlak le? Engah nge dotu hnehchhiahna avânga lungngaia ka van ruai thin le?
43:3 Aw, i eng leh i thutak chu tir chhuak la, anni chuan mi hruai sela: I tlâng thianghlim leh I awmnate chu mi thlen rawh se.
43:4 Chutichuan Pathian maichâm kiangah ka kal ang, Pathian ka hlimna êm êm kiangahc huan: Aw Pathian, ka Pathian, tingtangin ka fak bawk ang che.
43:5 Aw ka nunna, engah nge i kun reng? Engah nge ka chhûngah hian i buai ni? Pathian beisei rawh: amah chu ka la fak dawn si a, Ka hmêl tidamtu leh ka Pathian chu.
44:1 Aw Pathian, hmasânga an dam laia i thiltihte khat Min thlahtuten min hrilh a, kan bengin ka hria.
44:2 Nangin i kut ngeiin hnam tin chu i hnawt chhuak a, anni chu i phun ta thung a; Mi tin, chu i tirethei a, anni chu i zar zautir tat hung a.
44:3 Ram hi luah tûra anmahni khandaiha an lak a ni lo va, Anmahni bana inchhandam an ni hek lo: An chunga i lawm avângin I kut dinglam leh, i ban leh, i hmêl angin a ni zawk.
44:4 Aw Pathian, nang chu ka Lal i ni: Jakoba chhanhim nân tu pe ang che.
44:5 Nangmah avângin min dotute chu kan si thlu ang a; I hming avângin min beitute chu kan chil nek ang.
44:6 Ka thal ngul hi ka ring dawn si lo va, Ka khandaih hian mi chhandam hek lo vang.
44:7 Min dotute lakah chuan nangin min chhandam ta zawk a, Min hawtute chu i timualpho ta bawk a,
44:8 Nilengin Pathian kan chhuang a, I hming chu kumkhuain kan fak bawk ang. (Selah)
44:9 Tunah erawh chuan nangin min thlauhthla a, min tizak a; Kan sipaiho hnênah lah i chhuak ve ta ngai lo va.
44:10 Dotute lakah chuan mi tlanchhittir thin a: Min hawtute chuan sum chu an duh duh an la thin.
44:11 Berâm talh tûr angin min dah a, Hnam tin zingah min tidarh bawk a.
44:12 I mite hi engmah lovah i hralh a, An man chu i hausakpui chuang si lo.
44:13 Nangin kan vêla mite sawichhiatin min awmtir a, Kan dep vêla mite hmusit leh nuihsanin min awmtir bawk a.
44:14 Nangin hnam tin zingah a chhe lam tehkhinnaah min awmtir a, Mi tin, zinga mite lu thinsanin min awmtir bawk a.
44:15 Ka zahna hi nilengin ka hmaah a awm thin a, Ka mualphona hian mi khuh zo ta,
44:16 Sawihnawmtu leh sawichhetu aw avâng leh, Hmêlma leh phubalatu avângin
44:17 Chung zawng zawng chu kan chungah a thleng a; nimahsela kan theihnghilh ngai lo chia, I thuthlungah hian aderin kan ti ngei hek lo.
44:18 Kan thinung hi a hawi kir lo va, Kan ke pente hian i kawng chu a pensan ngai hek lo;
44:19 Nangin sihalte awmnaah min sawisak nek a, Thihna daihlima min khuna tûr hian.
44:20 Kan Pathian hming kan theihnghilh emaw, Ram dang Pathian lama kan kutte kan phar emaw chuan,
44:21 Pathianin chu chu a zawng chhuak lo vang êm ni? Thinlunga thurukte hi a hre reng si a.
44:22 A ni, nangmah avângin nilengin thahin ka awm thin; Berâm talh tûrte anga ngaih kan ni.
44:23 Aw LALPA, harh ta che, engah nge i muthilh ni? Meng la, kumkhua chuan min thlauhthla suh ang che.
44:24 Eng vangin nge i hmai i thup a, Kan hreawmzia leh hnechhiah kan tuarzia hi i theihnghilh thin ni?
44:25 Kan nuna hi vaivut siin a kun a; Kan pum lah leiah abet tlat si a.
44:26 Min tanpui tûrin tho la, I ngilneihna avângin min tlan ang che.
45:1 Ka thinlung hi thil thain a liam zawih zawih a; Lalber chungchang thu a ka thil phuah chu ka sawi dawn e: Ka lei hi lehkha ziak thiam tak kawlawm a ni.
45:2 Mihring fate ai hian i hmêl a tha zawk a; Khawngaihna hi i hmuiah leih a ni: Chuvangin Pathianin kumkhua atân mal a sawm che a ni.
45:3 Aw, mi chak, i khandaih i kawngah vawng rawh, I ropuina leh i mawina nên.
45:4 Thutak leh thuhnuairawlhna leh felna avângin I mawina inbelin hmuingil takin skawr chunga chuangin kal zel ang che. Tichuan i kut ding lamin thil rapthlak takte a zirtir dawn che nia.
45:5 I thal chu a zum a: Lalber dotute thinlungah chuan a bur reng a: Mi tin, chu i hnuaiah an tlu thin a.
45:6 Aw Pathian, i lalthuphah chu chatuanin a awm tûr a ni: Thlei bik neih lohna laltiang chu i ram laltiang chu a ni.
45:7 Felna chu i ngaina a, suahsualna chu i huat kha; Chuvangin, Pathian, i Pathian chuan, i thiante aia nasain Hlimna hriak a thih tak che hi.
45:8 I silhfen zawng zawng chu murra rim te, aloe rim e, thakthing rimte a nam rum rum a; Sainghova siam lal intea tingtang chi hrang hrang ir lo chhuakte chuan a tihlim che anih hi.
45:9 I hmeichhe thate zingah chuan lalho fanute an tel ve a; I ding lamah chuan Ophir rangkachaka incheiin lalnu chu a ding a.
45:10 Aw, ka fanu, ngaithla la, ngaithuah la, beng chhi rawh; I mite leh i pa ina mite chu theihnghilh rawh;
45:11 Chutichuan lalberin i hmêl tha tak hi a duh dawn nia: Ani chu i Lalpa a ni si a; tichuan amah chu chibai bûk thin ang che.
45:12 Tura fanu chu thilpek kengin chutah chuan a awm ang a; Mi zinga hausate ngei chuan i khawngaihna an ngen ang.
45:13 Lal in chhûnga lal fanu chu a ropui vêl vek a: A silhfen chu rangkachaka zeh mawi a ni.
45:14 Puan thui mawi sinin lalber hnênah an hruai ang a: Amah zuitu, a thian nulahote chu, I hnênah an hruai ang.
45:15 Lawm tak leh hlim takin an hruai ang a: Lalber inah chuan an lût ang.
45:16 I pate aiah i fate an awm ang a, Anni chu lei chung zawng zawngah hian mi lianah i siam ang.
45:17 I hming hi chhuan zawng anwgah hian hriat reng tûrin ka siam ang: Chuvangin mi tinin kumkhaw tlaitluanin lawm thu an hrilh ang che.
46:1 Pathian chu kan inhumhimhna leh kan chakna, Mangan laia tanpui vartu hnai reng a ni.
46:2 Chuvangin leilung hi lo danglamin, Tlangte hi tuifinriat chhûng daihah insamw mah sela kan hlau lo vang;
46:3 A tuite chu ri hum humin phul bulh bulh mah sela, A fawn nasat avângin tlangte hi nghing dur dur mah sela, kan hlau chuang hek lo vang. (Selah)
46:4 Lui pakhat a awm a, chu mi pengte chuan Pathian khawpui chu a tilawm thin. Chungnungbera awmna hmun thianghlim chu.
46:5 Pathian chu a lai takah a awm a; a nghing lo vang a: Pathianin khawfing chah hunah chuan a tanpui ang.
46:6 Hnam tin an ri hum hum a, ramte chu a nghing a: A ni chuan a aw a chhuah a, leilung hi a lo tui zo ta a,
46:7 Sipaihote LALPA chu kan hnênah a awm a; Jakoba Pathian chu kan kulhbingsâng a ni. (Selah)
46:8 Hawh u, LALPA thiltihte hi en rawh u, Leilunga thil a tihchhiatziate hi.
46:9 Ani chuan indonate chu kawlkil thlengin a tireh thin a; Thal ngul chu a titliak a, fei chu a sat bung thin a; Tawlailirte chu meiah a rawh ral thin.
46:10 Ngawi ula, Pathian ka ni tih hi hre rawh u: hnam tin zingah chawimawiin ka awm ang a, leiah hian chawimawiin ka awm ang.
46:11 Sipaihote LALPA chu kan hnênah a awm a; Jakoba Pathian chu kan kulhbingsâng a ni. (Selah)
47:1 Aw, mi tinrengte u, in kut beng ula; Hlimna awin Pathian hnênah au rawh u.
47:2 LALPA Chungnungbera chu a hlauhawm si a; Lei chung zawng zawnga Lal ropui ak a ni.
47:3 Ani chuan mi tin, chu kan hnuaiah a tudawl ang a, Hnam tin chu kan ke hnuaiah a tudawl bawk ang.
47:4 Ani chuan kan roluah tûr chu min thlansak ang, A hmangaih Jakoba chhuan ber ram chu. (Selah)
47:5 Pathian chu au thawm nên a chho va, LALPA chu tawtawrâwt ri nên a chho ta e.
47:6 Pathian fakin zai ula, fakin zai rawh u.: Kan lalber fakin zai ula, fakin zai rawh u.
47:7 Pathian chu khawvel zawng zawng Lal a ni si a: Hre thiama fakin zai rawh u.
47:8 Pathian chu hnam tin chungah lalah a thu a: Pathian chu a lalthutphah thianghlimah chuan a thu a.
47:9 Abrahama Pathian mite ni tûrin Mi ti zinga mi liante chu an awm khâwm a: Leilung phawte chu Pathian ta ani si a; Ani chu nasa taka chawimawiin a awm.
48:1 LALPA chu a ropui a, nasa taka fak tûr a ni, Kan Pathian khawpuiah, a lang thianghlimah chuan.
48:2 A sanziaa mawi tak, khawvel zawng zawng hlimna chu, Zion tlâng chu a ni, hmâr lampanga, Lal ropui tak khawpi chu.
48:3 A lal inahte chuan Pathianin kulhbing sâng a nih a inhriattir a.
48:4 Ngai teh, lalte chu an inpun khâwm a, An lo kal a.
48:5 An hmu a, tichuan mak an ti a; An mangang a, an kal bo ta thuai a.
48:6 Chutah chuan khurhnain a man a, Hmeichhe nau vei natna angin a man bawk a.
48:7 Khawchhak thliin Tarsis lawng liante chu i tichhe thin a.
48:8 Sipaihote LALPA khawpuiah, kan Pathian khawpuiah chuan, Benga kan hriat ang ngeiin kan hmu ta: Pathianin chu khawpui chu kumkhua atân a tinghet ang. (Selah)
48:9 Aw Pathian, i biak in chhûngrilah chuan I ngilneihzia hi kan ngaihtuah tawh.
48:10 Aw Pathian, i hming ang ngeiin I fakna chu kawlkil thlengin a awm a: I kut dinglam chu felnain a khat a ni.
48:11 I rorêlnate avângin Zion tlâng chu lawm takin awm sela, Juda fanute chu hlim takin awm rawh se.
48:12 Zion chu velin, kal hual ula: A ralven in sângte pawh chhiar rawh u.
48:13 A kulhte chu chhinchhiah ngun ula. A kal inte chu ngaihtuah rawh u; Thangthar lo awm lehte hnêna in hrilh theih nân.
48:14 He Pathian hi kumkhaw tlaitluana kan Pathian a ni dawn si a: Thih thleng pawha min hruaitu a ni ang.
49:1 Mi tinrengte u, hei hi ngaithla ula; Khawvela awm zawng zawngte u, beng lo chhi rawh u:
49:2 Mi te leh mi lian, Mi hausa leh mi rethei pawhin.
49:3 Ka kâ hian finna thu a sawi ang a; Ka thinlung ngaihtuah chu hriat thiamna thu a ni ang.
49:4 Tehkhin thu-ah ka beng ka chhi ang a: Ka thu ril sawi chu tingtangin ka hrilhfiah ang.
49:5 Ni tha lovahte, ka ke artui bula khawlohna khawlohna chuan mi hual vêl pawhin, Engah nge ka hlauh vang?
49:6 Mahni sum ringa, Mahni hausakna nasa tak chhuangtute chuan;
49:7 Tuman an unau pawh an tlan thei tawp lo vang a, Pathian hnênah tlanna an peksak thei hek lo vang:
49:8 (An nun tlanna tûr chuan thil nasa tak sen tûr a ni a, Kumkhua pawha atina tin, loh mai tûr a ni:)
49:9 A dam reng fo va, Tawihna a hmuh lohna tûr chuan.
49:10 Mi finge pawh an thi a, Mi a leh mi mawlte pawh an boral ve ve a, An sum mi dangte an hnutchhiah thinte chu a hre si a.
49:11 An rilru ngaihtuah dan chu, An inte chu kumkhuaa awm tûr ang leh, An awmnate chu chhuan zawng zawng thlenga awm tûr angin a ni; An ramte chu anmahni hming vek an puttir thin.
49:12 Nimahsela mihring hi chawimawiin an awm reng lo va: Sa boral thinte ang mai hi an ni e.
49:13 Chung an awm dan chu an âtna a ni: Nimahsela, an hnu-ah chuan miten an thu sawite chu tha an ti thin.
49:14 Talh tûr berâm Seola thlun khâwm ang an ni, (Selah) Thihna chu an vengtu a ni ang a: Khua a varin mi felten an chungah ro an rel ang a; An taksa a ral ang a, Seol chu an chenna in tûr a ni.
49:15 Ka nunna erawh chu Pathianin Seol kut ata a tlan chuak ang; Ani chuan mi lawm dawn si a. (Selah)
49:16 Mi tihhausaka a lo awm a, A chhûngkaw ropuina chu a lo nasat tulh tulh pawhin, hlau suh ang che;
49:17 A thih hunah chuan engmah a chhawm dawn lo va; A ropuina chuan a zui thla dawn si lo.
49:18 A dam laiin intiengthawl mah sela, (A hlawhtlin avângin mi'n fak thin mah se,)
49:19 A thlahtute chhuan hnênah a kal ang; Engtikah mah eng hmu rawh lo tûrte hnênah chuan.
49:20 Mihring, chawimawia awma, hrait thiamna nei si lo chu, Sa boral thinte ang mai hi an ni.
50:1 Pathian, Pathian ngei, LALPA chuan thu a sawi a, Leilung hi ni chhuahna atanga a tlakna thlengin a ko ta.
50:2 Mawi famkimna, Zion atang chuan, Pathian chu a eng chhuak ta a.
50:3 Kan Pathian chu a lo kal ang a, a ngawi reng lo vang: A hma lamah chuan mei a kang hluah hluah ang a, A vêlah chuan thlipui nasa tak a thleh bawk ang.
50:4 A mite ro a rel theihna tûrin Chung lam vante leh lei hi a ko vang,
50:5 "Ka mi thianghlimte ka hnênah rawn hruai khâwm rawh u, Sa talha kan hnêna thu thlungtue chu," tiin.
50:6 Tichuan, vante khian a felna chu a tlangaupui ang, Amah Pathian ngei chu rorêltu a ni si a. (Selah)
50:7 "Aw ka mite u, ngaithla rawh u, thu ka sawi dawn e; Aw Israel, ngaithla rawh, ka hriat fiahtir dawn a che: Kei hi Pathian, i Pathian ngei chu ka nih hi.
50:8 I inthawinate avângin ka zilhhau lo vang che; I hâlral thilhlante chu ka hmaah a awm chawt si a.
50:9 I in ata chu bâwngpa rêng rêng ka la chhuak lo vang a, I ran huang atate kelpate pawh ka la chhuak hek lo vang.
50:10 Ramhnuaia sa tinrenge hi ka ta a ni si a, Tlâng sângkhat lai chunga ran awmte pawh chu.
50:11 Tlânga sava zawng zawng ka hre vek a: Ram sate pawh hi ka ta a ni.
50:12 Riltam mah ila ka hrilh lo vang che: Leilung leh a chhûnga thil awm zawng zawng hi kqa ta a ni si a.
50:13 bâwngpa sa ka eiin Kel thisen ka in dawn êm ni?
50:14 Pathian hnênah lawm thu sawi inthawina chu hlan zawk la; I thutiam pawh Chungnungera lakah hlen rawh:
50:15 Tin, mangan niah chuan mi ko la; Ka chhanhim ang che, tichuan nangin mi chawimawi dawn nia," a ti a.
50:16 Mi suaksual hnênah erawh chuan, Pathianin, "Ka thuruat hi eng tiziaa hriattira, ka thuthlung hi eng tiziaa i kaa lam ngun nge i nih?
50:17 Thunun i hua a, Ka thute hi hnung lamah i paih zel si a.
50:18 Rukru i hmuhin rem i tihpui a, Uirepate lah i kawppui bawk thin.
50:19 I ka hi sual i pe a, I lei hian humna a siam bawk thin.
50:20 Thu chungin i unau i sawisel a; Mahni nute fapa ngei chu i hek thin.
50:21 Chung thil chu i ti a, nimahsela ka ngawi reng a; Chutichuan nangmah ang diakah mi ruat thin: Nimahsela ka zilhhau ang chia, i mithmuhah indawt zelin ka tilang ang.
50:22 Nangni Pathian theihngilhtute u, hei hi ngaihtuah rawh u khai! Chutilochuan ka pawt sawm dah ang che u, nangmahni chhanhimtu reng an awm dawn si lo.
50:23 Tu pawh lawm thu sawi inthawina hlan apiang chuan mi chawimawi thin a; Tin, a awm dan vawng uptu hnênah chuan Pathian chhandamna ka entir ang," a ti a.
51:1 Aw Pathian i ngilneih êm avângin mi khawngaih la: I lainatna nasat avângin ka bawhchhiatnate hi thai bo vang che.
51:2 Ka khawlohnate hi mi silfaisak var la, Ka sual hi mi thlenfaisâng ang che.
51:3 Ka bawhchhiatnate hi ka hre ta si a: Ka sual hi ka hmaah a awm fo thin a ni.
51:4 I chungah, i chung chauhvah thil ka tisual a, I mithmuha thil sual ka lo ti ta a: Thu i sawiin thiam i chan theih a, Ro i relin sawiselbo i nih theih nân.
51:5 Ngai teh, khawlohnaa dinin ka awm a; Ka nun sualin mi pai a,
51:6 Ngai teh, chhûngril lamahte hian takina i duh thin a: Tichuan lang lo lamah hian finna mi hriattir ang.
51:7 Husop-in mi tifai la, tichuan ka fai ang: Mi silfai la, tichuan vur aiin ka var ang.
51:8 Hlimna leh lawmna chu bengin mi hriattir ang che; I ruh tihtliahte hi a hlim theih nân.
51:9 Ka sualnate lakah hian i hmai thup la, Ka khawlohna zawng zawng thai bo vang che.
51:10 Aw Pathian, keimahah hian thinlung thianghlim tak siam la; Ka kawchhûngah hian thlarau dik tak siam thar leh ang che.
51:11 I hnên ata hi mi paih bo suh la; I thlarau thianghlim hi mi laksak suh ang che.
51:12 I mi chhandam hlimna chu mi pe leh la: Thlarau tihnuamin mi chelh reng ang che.
51:13 Chutichuan bawhchhetute chu i kawng chanchinte ka zirtir ang a; Tichuan, mi sualte chu i lamah an hawi leh ang.
51:14 Aw Pathian, nang mi chhandamtu Pathian, thisen chhuahnate lakah mi chhanhim ang che.Tichuan ka lei hian i felna thu hi hlim takin hlaah a sa ang.
51:15 Aw LALPA, nangin ka hmui hi hawng ang che; Tichuan ka ka hian i fakna chu a hriattir dawn nia.
51:16 Inthawina chungah lawmna i nei si lo va; chuti ni suh sela chuan ka pe ang: hâlral thilhlan chungah lungawina reng i nei lo ve.
51:17 Pathian duhzawng inthawinate chu thlarau lungchhia hi a ni. Aw Pathian, thinlung lungchhia leh inchhir ngawih ngawih hi i hmusit lo vang.
51:18 I duhzawng takin Zion chungah thil tha ti la; Jerusalem kulh chu rem ang che.
51:19 Chutichuan felna inthawinate chungah lawmna i nei tawh ang a, hâlral thilhlan leh hâlral pumhlan chungah chuan: Chutichuan i maichâm chungah chuan bâwngpate an hlan tawh ang.
52:1 Aw, mi chak, engati nge thil tihsual i chhuan ni? Pathian ngilneihna chu a awm fo thin ni.
52:2 I leiin thil sual tak tih a suangtuah thin; Bakmeh chem hriam tak bumhmang ang hian.
52:3 Tha aiin sual i ngaina zawk a; Felna thusawi aiin dawt thu sawi i ngaina zawk bawk a. (Selah)
52:4 Aw, nang lei mi bumhmang, Thu mi lem zo thei zawng zawng chu i ngaina thin.
52:5 Pathianin kumkhua atân a tiche ve ang che, A man ang chia, i awmna atangin a hnuk chhuak ang chia, Mi nung ram ata hi a pawt chhuak daih ang che. (Selah) Mi felte pawhin an hmuin an hlau vang a, An nuihsan ang,
52:6 "En teh u, he mi hi a ni, Pathian akulhbinga siam duh lova, A hausakna nasa tak ring zawka, A sualnaa intichak vei chu ni," tiin.
52:8 Kei erawh zawng Pathian ina oliv thing chawr duah hluah ang ka ni: Pathian ngilneihna chu kumkhaw tlaitluanin ka ring ang.
52:9 Chu chu i tih avângin, kumkhuain lawm thu ka hrilh fo vang che: I mi thianghlimte mithmuhah chuan i hming chu ka nghak reng ang, a tha si a.
53:1 Mi a chuan a rilruin, "Pathian reng a awm lo," a ti thin a. An chhe zo va, thil sual tenawm tak an ti a; Tumah thil tha ti reng an awm lo.
53:2 Hre thiama Pathian zawng rêng rêng an awm emaw tih hre tûrin Pathianin van atnagin mihring fate hi a zuk en a.
53:3 An kir leh ta theuh va; bawlhhlawh takin an lo awm ta vek a; Tumah thil tha ti reng an awm lo, pakhat mah an awm lo.
53:4 Thil tisualtute chuan hriat rêng rêng an nei lo vem ni? Chhang an ei angin ka mite an ei zo vek thin a, Pathian lah an lam ngai hek lo.
53:5 Hlauhna rêng rêng awm lohnaah chuan hlau êm emin an awm a: Pathianin bei tuma eptu che ruhte chu a tidarh ta si a; Pathianin anni chu aa paihthlak avângin i timualpho ta a.
53:6 Israel-ho chhandamna chu Zion atangin lo chhuak teh sela aw! Pathian chuan amite sala an awm chu a hruai kir leh hunah, Chu mi hunah chuan Jakpb-ho an hlim ang a, Israel-ho an lawm ang.
54:1 Aw Pathian, i hmingin mi chhandam la, I chaknain ro mi rel ang che.
54:2 Aw Pathian, ka tawngtaina hi ngaithla la; Ka kaa thu chhuakahte hian beng lo chhi ang che.
54:3 Mikhualte chuan mi bei ta si a, Mi nunrawngten ka nunna hi tihbo tumin an zawng bawk a: Pathian chu an hmaah an dah lo. (Selah)
54:4 Ngai teh, Pathian chu mi tanpuitu a ni a: LALPA chu ka nunna chelhtute zinga mi a ni.
54:5 Ani chuan sualna chu ka hmêlmate chungah a thungrul ang: Nangin anni chu i thutakina avâng chuan tiboral ang che.
54:6 Mahni duh thua thilhlanin i hnênah ka inthawi ang a; Aw LALPA, i hming ch ka fang ang, a tha si a.
54:7 Ka manganna zawng zawngah chuan mi chhanchhuak ta si a; Mi dotute chunga ka thu duhthusam thleng chu ka mitin a hmu ta a ni.
55:1 Aw Pathian, ka tawngtainaah hian beng lo chhi la; Khawngaih ka dilnaah hian inthup suh ang che.
55:2 Mi ngaithla la, mi chhâng ang che. Ka mangan thu avângin ka van ruai a, ka rum thin;
55:3 Dotu thawm avângte, Mi suaksual hnehchhiahna avângtein. Anni chuan sualnain mi lum khumin, Thinurin mi tiduhdah si a.
55:4 Ka kawchhûngah hian ka thinlung a na êm êm a: Thih rapthlaknate chuan mi delh a.
55:5 Tihna leh khurhnain mi bawh a, Hlauhnain mi khuh zo ta.
55:6 Tichuan, "Aw, thuro anga thla neih ka va duh êm! Chutichuan ka thawlk daih ang a, thlamuang takin ka awm ang a.
55:7 Ngai teh, hla takah ka leng ang a, Thlalêrah ka awm ang a. (Selah)
55:8 Thli na tak leh thlipui hi Bikna hmunah ka kalsan thuai tûr," ka ti a.
55:9 Aw Lalpa, an lei chu tichhiain tithlêr ang che: Khawpuiah chuan inpawngnekna leh innghirnghona ka hmu si a.
55:10 Achhun azanin khawpui chu kulh tlângah an vêl an vêl a: A chhûngah chuan sualna leh hrehawmna a awm bawk a.
55:11 Suahsualna a chhûngah a awm a: Bumna leh tihderna chuan a kawtlai chu a chhuahsan ngai lo.
55:12 Mi sawichhetu chu hmêlma ani si lo va; Ni sela chu, ka tuar thei zawk tûr: Ka chunga intiliana chu mi hawtu a ni hek lo; Ni sela chu ka bihruksan tûr:
55:13 Nimahsela nang, ka mi anpui, Ka thian, ka thian kawm ngeih i ni miau si a.
55:14 Kam thlum taka kan inbiakrawn thin a, Mipui zinga Pathian biak ina kan len thin kha.
55:15 Thihna an chungah lo thleng thut sela, Khuarkhurumah chuan a nung chungin chhuk rawh se: Suahsualnate chu an awmnaah leh an kawchhûngahte a awm si a.
55:16 Kei zawngin Pathian ka ko vang a; Tichuan LALPAN mi chhandam ang.
55:17 Tlaiah te, zingah te, chhunah te ka mangan thu ka sawin ka rum ang a: Tichuan, anin ka aw a ngaithla ang.
55:18 Ka chunga mi beina lakah chuan ka nunna hi thlamuang takin a chhanhim ta a: Mi beitute chu an tam si a.
55:19 Pathian, hmasâng chena awm renga chuan, A ngaithla ang a, anmahni a chhâng ang, (Selah) Danglamna nei ngai lo, Pathian tih ngai si lote chu.
55:20 Amah nena inremte chungah chuan a kut a lek a: A thuthlung chu a tibawrhbang ta a.
55:21 A ka chu hnutetui khal angin a tlawr a, A thinlung erawh chu indona a ni si a: A thute ch hriak aiin a nal a, Nimahsela khandaih pawhi sate a ni si a.
55:22 I rit phurh chu LALPA chungah nghat la, tichuan anin a tichak ang che; Mi fel chu engtikah mah tiihnghin a phal lo vang.
55:23 Nimahsela, aw Pathian, nangin anni chu boralna khuarkhurumah chuan i chhuktir ang: Thisen chhuah hmang mite chu an damchhûng chanve pawh an dam zo lo vang. Kei erawh chuan nang ka ring ang che.
56:1 Aw Pathian, mi khawngaih ang che; mihringin mi lem zawh an tum si a: Nilengin mi beiin mi hnehchhiah thin.
56:2 Ka hmêlmaten nilengin mi lem zawh an tum a: Chapo taka mi beiotute hi an tam si a:
56:3 Ka hlauh chang apiangin, Nangmah ka ring ang che.
56:4 Pathian ka ring a, a thu ka fak ang a: Pathian ka ring a, ka hlau lo vang: Tisa chuan eng nge mi tih theih ang?
56:5 Nilengin ka thute an la kawi thin a; An ngaihtuahna zawng zawng chu ka that lohna tûr lam hlir a ni.
56:6 An inkhawm a, an biru a, Ka hniakte an chhinchhiah thin a, Ka nunna tihbo tuma an nghak thin ang hian.
56:7 An sual hremna an pumpelh dawn êm ni? Aw Pathian, thinurin mi tin, chu ti tlâwm ang che.
56:8 Nangin ka vahvaihnate hi i chhinchhiah thin a: Ka mittuite hi i savun pengah chuan thun ang che; I lehkhabuah a chuang hlawm lawm ni?
56:9 Ka koh hun che ngei chuan mi dotute chu an tlanchhia ang: Hei hi ka hria Pathianin mi tan hi.
56:10 Pathianah chuan a thu ka fak ang a: LALPA-ah chuan a thu ka fak ang.
56:11 Pathian ka ring ,a ka hlau lo vang; Mihringin eng nge mi tiht heih ang?
56:12 Aw Pathian, i hneha thutiamte ka nei a: Lawm thu sawi Inthawinatein ka rul ang che.
56:13 Ka nunna hi thihna lakah i chhanhim si a: Ka kete hi tlu lo tûrin i chhanhim a ni lâwm ni? Mi nung engah hian Pathian hmaa ka len theih nân.
57:1 Aw Pathian, mi khawngaih rawh, mi khawngaih rawh; Ka nunna hi nangmahah chuan a tlu lut si a: A ni, i thla hnuai chu ka chuh ang, Vanduainate hi a kian hma loh chuan.
57:2 Pathian Chungnungbera chu ka au vang; Pathian engkim mi tihsaktu chu.
57:3 Mi lem zawh tumtu chuan mi sawichhiat hunah Ani chuan van atangin a rawn tir ang a, mi chhandam ang; (Selah) Pathianin a ngilneihna leh a thutak chu arawn tir chhuak ang.
57:4 Ka nunna hi sakeibaknei zingah a awm a; Mihring kang zingah ka awm a, An hate chu fei leh thal ang ani a, An lei lah khandaih rhiam tak ang.
57:5 Aw Pathian, nang hchu van khum daih khian chawimawiin lo awm ang che; I ropuina chu leilung zawng zawng chungah hian lo awm rawh se.
57:6 Ka ke awh nân len an phah a; Ka nunna hi a kun ngawih ngawih a: Ka hmaah khuarkhurum an lai a; Anmahni ngei a lai takah an tla ta a.(Selah)
57:7 Ka thinlung hi a nghet a ni, aw Pathian, ka thinlung hi a nghet a ni: Hla ka sa ang, a ni, fakna hla ka sa ang.
57:8 Ka ropuina, harh rawh; perhkhuang leh tingtangte u, harh rawh u: Kei chu zing takah ka harh ang.
57:9 Aw LALPA, mi tin, zingahte lawm thu ka hrilh ang che: Hnam tin zingah nangmah fakin ka zai ang.
57:10 I ngilneihna hchu van tawng khawpin a nasa si a, I thutak chu van dum tawng khawpin a nasa bawk a.
57:11 Aw Pathian, nang chu van khum daih khian chawimawiin lo awm ang che: I ropuina chu leilung zawng zawng chungah hian lo awm rawh se.
58:1 Felna thu chu ngawi rengin maw i sawi tak tak? Aw mihring fate u, dik takin maw ro in rel?
58:2 A ni, in thinlungah chuan thil sual tak in ti thin a; Leia in kuta thi rawng taka tih chu in buk thin a.
58:3 Mi suaksualte chu an nu pum chhûng atang renga Pathian laka thenin an awm a: An pian veleh dawt thu sawiin an vâk bo thin.
58:4 An tûr chu rul tûr ang a ni a: Rulrial bengngawng, a beng hup thin ang chu an ni;
58:5 Chu chuan rul dawi at thiamte aw chu a ngaithla thin lo, Eng anga thiam pawhin dawi mah sela.
58:6 Aw Pathian, an kaah chuan an hate chu tibal la: Aw LALPA, Sakeibaknei vanglaite ha lian pui puite chu kher chhuak chhuak ang che.
58:7 Anni chu tui chak taka luang angin tuiral sela: A thaltea a tinin, sah chhum angin awm zel rawh se.
58:8 Kawngkawrawi, tuia ral mai thin ang hi ni sela: A hun lova hmeichhe nau hrin, ni hmêl rêng rêng hmu lo ang hi ni rawh se.
58:9 In belte chuan hling thing lum a hriat hma pawhin Ani chuan thawngaleivirin a la bo vang, A hring leh a kang lai pawh.
58:10 Mi fel chuan phuba lakna chu a hmuhin a lawm ang a: Mi suaksual thisenah chuan a ke chu a sil ang.
58:11 Chutichuan miten, "Mi fel tan chuan lawmman a lo awm tak tak a: Leiah hian rorêltu Pathian a lo awm tak tak a nih hi," an ti ang.
59:1 Aw ka Pathian, mi dotute lakah mi chhanhim la: Mi beitute lak ata hmun sângah mi hlang ang che.
59:2 Thil tisualtute lakah mi chhanhim la, Thisen chhuah hmangte lakah mi chhandam ang che.
59:3 Aw LALPA, ka bawhchhiatna avâng ni lovin, ka sual avâng ni hek lovin, Ngai teh, ka nuna hi an chang reng si a, Mi chakte chu mi bei tûrin an pung khâwm a ni.
59:4 Ka sual loh pawhin an tlan a, an inbuatsaih a: Mi tanpui tûrin intiharh la, en rawh.
59:5 Aw LALPA, sipaihote Pathian, Israelho Pathian, Nangmah ngei chu hnam tinreng talwh tûrin tho lo: Mi vervek sual takte rêng rêng chu khawngaih suh ang che. (Selah)
59:6 Tlai lamah an lo kal leh a, ui angin an chiau chul a, Khawpui chu an vêl an vêl a.
59:7 Ngai teh, an kain an irhc hhuak a; An hmuiah chuan khandaihte a awm a: "Tunge hria awm ni?" an ti mai a.
59:8 Niamhsela aw LALPA, nangin anni chu i nuihsan zawk ang a; Hnam tinreng chu i nuihzabur ang.
59:9 Aw mi tichaktu, ka nghak reng ang che, Pathian chu ka kulhbingsâng ani si a.
59:10 Ka chunga ngilnei Pathian chuan mi hmuak ang a: Pathianin ka hmêlmate chngah ka thu duhsam chu mi hmuhtir ang.
59:11 Anni chu that suh ang che, chutilochuan ka miten an theihnghilh dah ang e: Aw LALPA, kan phaw ber, I thiltihtheihnain tidarh la, titlâwm ang che.
59:12 An ka sualna avâng leh an hmuioa thu chhuak avângin An chapona ngeiah chuan rawk rawh se, An thu sawi thin ânchhe lawhna leh dawt thu avâng pawhin.
59:13 Anniho chu thinrimin tiboral la, an awm tawh lohna tûrin tiboral la: Pathianin Jakob-ho zingah ro a rel tih hre hlawm rawh se, Kawlkil thlengin. (Selah)
59:14 Tin, tlai lamah lo kal leh sela, uii angin chiau chul sela, Khawpui chu vêl vêl rawh se.
59:15 Anni chu ei tûr zawngin an vâk an vâk ang a, An tlai loh chuan an awm zankhua ang.
59:16 Nimahsela kei chuan i chakna thu hi hlaah ka sa ang a; A ni, zingah chuan i ngilneihna thu hi hlim takin hlaah ka sa ang:
59:17 Nang chu ka kulhbing sâng, Ka mangan nia ka inhumhimna i ni si thin a. Aw mi tichaktu, nangmah fakin ka zai ang a: Pathian chu ka kulhbingsnag, ka chunga ngilnei Pathian chu a ni si a.
60:1 Aw Pathian, nangin min thlauthla a, min tichhia a; I lo thinur ta a; aw, min tung ding leh ang che.
60:2 He ram hi i tikhur a; i tikhi ta a: A kakte ch siam tha leh ang che; a nghing a nghing si a.
60:3 I mite hi thil khirh takte i tawhtir a: Paina uain chu min intir ta a.
60:4 Nangmah tihtute hnênah chuan puanzar i pe ta a, Thutak avânga zar a ni theih nân. (Selah)
60:5 I duh takte hi chhanhima an awm theih nân, I kut ding lamin chhandam la, min chhâng ang che.
60:6 Pathianin a thianghlimnaah chuan heti hian a sawi a, "Ka hlim ang a: Sekem khua chu ka sem ang a, Sukoth ruam chu ka sem darh bawk ang>
60:7 Gilead ram chu ka ta a ni a, Manase ram pawh ka ta ani a; Ephraim ram pawh chu ka lu humhimna a ni a; Juda ram chu ka laltiang a ni.
60:8 Moab ram chu ka insilna bel ani a; Edom ramah chuan ka pheikhawk ka paih ang: Philistia ram, nang chu keimah avâng hian au ta che," tiin.
60:9 Khawpui nghet takah chuan tuin nge mi hruai lut ang? Edom ramah chuan tuin nge mi hruai ang?
60:10 Aw Pathian, nangmah ngeiin min thlauhthla a ni lâwm ni? Aw Pathian, ka sipaihote hnênah lah i chhuak ve ta si lo.
60:11 Dotute bei tûrin min tanpui ang che: Mihring tanpuina chu engmah lo mai mai ani si a>
60:12 Pathian zarah huai takin kan ti ang: Ani chu min dotute rap bettu tûr a ni si a.
61:1 Aw Pathian, ka au thawm hi lo hria a; Ka tanwgtaina hi ngaithla ang che.
61:2 Ka thinlung a chauh laiin kawlkil atang hian ka ko vang che: Lungpui ka aia sâng zawkah chuan mi hruai ang che.
61:3 Nang chu ka tan humhimna, Dotute lakah ralven in sâng nghet tak i ni si a.
61:4 I puan inah chuan kumikhuain ka awm ang a: I thla hnuai bihrukna hmunah chuan ka tlulut ang. (Selah)
61:5 Aw Pathian, nang hchuan ka thutiamte i ngaithla si a: I hming tihtute ram luah chu mi pe a.
61:6 Lal dam chhûng hi i tisei ang a: A kumte chu chhuan tam tak tluk a ni ang.
61:7 Pathian hmaah kumkhuain a awm reng ang: Aw, amah humhim theihna tûrin ngilneihna leh thutak buatsaih ang che.
61:8 Chutichuan ka thutiamte ni tin, ka hlen theih nân, Kumkhuain i hming fakin ka zai ang.
62:1 Ka nuna hian Pathian chauh a nghak a, Amah atang chuan ka chhandamna a lo chhuak dawn a ni.
62:2 Amah chauh chu ka lungpui leh mi chhandamtu a ni: Ka kulhbing sâng ani a; nasa tak chuan ka nghing lo vang.
62:3 Nangni zawng zawngin, tihlum tûrin, Lung bang awn bei ang leh, pal tlu lek lek bei angin, Eng chen nge mi pakhat hi in bei dawn?
62:4 A ropuina atanga namthla tûr ngawtin an inrawn a; Dawt sawi hi an lawmzawng tak a ni. An kain mal an sawm a, nimahsela an rilruin ânchhia an lawh si thin. (Selah)
62:5 Ka nunna, Pathian chauh nghak rawh; Ka beiseina hi ama hnên atanga chhuak ani si a.
62:6 Amah chauh chu ka lungpi leh ka chhandamna a ni: Ka kulhbing sâng ani a; ka nghing lo vang.
62:7 Pathian hnênah ka chhandamna leh ka ropuina a wm a: Ka chakna lungpui leh ka inhumhimna chu Pathianah a awm.
62:8 Nangni mipuite u, englai pawhin amah ch ring ula; In thinlung ch ahmaah chuan leihbaw rawh u; Pathian chu kan tan inhumhimna a ni. (Selah)
62:9 Mi chi tete hi engmah lo mai an ni, mi chi liante pawh hi dawt mai an ni: Bûknaah chuan an kang daih ang a; Engmah lo mai mai ai pawhin an zâng zawk a ni.
62:10 Hnehchhiahna hi ring suh ula; Mi ram hman hi chhuanah neih hek suh ula; Hausaknate a lo pun chuan a chungah in thinlung chu nghat suh u.
62:11 Pathianin vawi khat a sawi a; E! hei hi vawi hnih ka hre ta; Thiltihtheihna hi Pathian ta a ni tih hi:
62:12 Aw LALPA, ngilneihna hi i ta bawk a ni: Mi tin, an thiltih ang theuhvin i rul si thin a.
63:1 Aw Pathian, nang chu ka Pathian i ni a; zing takah ka zawng ang che: Ram ro chau tak, tui awm lohnaah hian Ka nunna hi nangmah chakin a tihal a ka tisa hia a ngai che a ni.
63:2 Chutiang bawkin hmun thianghlimah chuan ka en reng che kha, I thiltihthiehna leh i ropuina hmu tûrin.
63:3 I ngilneihna hi nunna aiin a that zawk avângin. Ka hmu hian a fak ang che.
63:4 Chutiang bawkin ka dam chhûng zawngin ka fak ang chia: I hmingin ka kutte ka phar ang.
63:5 Ka nuna hi thling leh thaua tlai angin a tlai ang a; Ka ka hian hlim hmui puin a fak bawk ang che;
63:6 Ka khumlaizawla ka hriat reng chia, Zana i chungchang thu ka suangtuah lai chuan.
63:7 Nang chu mi tanpuitu i ni si a, I thla hnuaiah chuan hlimin ka zai dawn a ni.
63:8 Ka nunna hian a zui tlat chia: I kut ding lamin mi kai thin.
63:9 Ka nuna tihbo tuma zawngtute erawh chu Lei hmun hnuaihnungahte chuan an lût ang.
63:10 Khandaih thiltihtheihna hnênah pêk an ni ang a; Sihalte chan an ni tawh ang.
63:11 Lal erawh chu Pathianah a hlim ang a: Amah chhala chhechham apiang chuan an chhuang ang: Dawt thu saw hmang kate chu huhin a awm dawn si a.
64:1 Aw Pathian, ka mangan thu-ah hian ka aw hi lo hria la: Dotute hlauhawmna lakah hian ka nuna humhim ang che.
64:2 thil tha lo titute inrawn rukna lakah mi thukru ang che, Thil tisualtute inhawr khawmho lakah chuan:
64:3 ,4 Chungte chan khandaih angin an lei an tat hriam a, Mi sawiselbo chu hmun fianriala an kah theihna tûrin An thal, thu kha-te chuanin, an tin, a: Hlau lovin vawilehkhatah an kap nghal thut thin.
64:4 ,3 Chungte chan khandaih angin an lei an tat hriam a, Mi sawiselbo chu hmun fianriala an kah theihna tûrin An thal, thu kha-te chuanin, an tin, a: Hlau lovin vawilehkhatah an kap nghal thut thin.
64:5 Thil sual ti-ah chuan an infuih a; Thang aruka kam thu-ahte an inbe thin a; "Tuin nge chung chu hmu ang?" an ti a.
64:6 Khawlohna an zawng chhuak thin a; "Thahnemngai takin kan zawng zo ta," an ti a: An chhûng lam ngaihtuahna leh thinlung chu thuk tak ani theuh nghal a.
64:7 Nimahsela Pathianin anmahni a kap ang a: Vawilehkhatah thlaa hliamin an awm ang.
64:8 Chutiang chuan, anmahni leh lei ngei chuan anmahni a do avângin, tihpetekin an awm ang a; Anmahni hmu apiangin an lu an thing ang.
64:9 Tichuan, mi zawng zawngin an hlau vang a; Pathian hnathawh chu an hril ang a, A thiltih chu fing takin an ngaihtuah ang.
64:10 Mi felte chu LALPA-ah an lawm ang a, amahah chuan rinna an nghat ang a; Thinlung dik tak pu zawng zawngte chuan an chhuang ang.
65:1 Aw Pathian, Zion-ah chuan faknain a nghak reng a che: Thutiam chu i lakah hlen a ni ang.
65:2 Aw tawngtaina ngaithlatu, I hnênah tisa zawng zawng chu an lo kal ang>
65:3 Khawlohnate chuan mi hneh thin na a: Kan bawhchhiatnate chuan mi hneh thin na a:
65:4 Kan bawhchhiatnate zawng nangin i tleng fai ang chu. Mi, i biak in hung chhûng kawtlaiahte awm thei tûra I thlan a, i kiang i pantir chu, a eng a thawl e: I in thatna chu kan tlai ang, I biak in hmun thianghlim thatna chuan,
65:5 Aw min chhandamtu Pathian, Thil rapthlaktein fel takin min chhâng ang: Nang kawlkila mi zawng zawng leh, Tuifinriat chung hla taka awmte rinna chu i ni:
65:6 Thiltihtheihnaa taia inhrenga, Mahni chaknaa tlangte tinghet thintu chu i ni;
65:7 Tuifinriat ri hum hum, a fawn ri hum humte leh, Mi tin sa mur mur tireh thintu chu a ni.
65:8 Kawlkil tawpa awmte pawh chuan i hriattirnate chu an hlau thin a: Zing lehtlai chhuahnate chu hlimin i autir thin.
65:9 Lei hi i kan a, tuiin i chawm a, Nasa takin i titha thin: Pathian lui chu tuiin a khat a: Lei hi chutianga i buatsaih hnu chuan an tan buh i siamsak thin.
65:10 Lei hi a leileh rin khawhna thlurte chu tui tam takin i chawm a; A vung thlurte chu i timuka; Ruahtuiin i tinem a; A thil tote chu mal i samw thin a.
65:11 Kum chu i thatna i khumti ra; I kalna kawngte chu thil thain a far thin.
65:12 Thlalêra ran tlatna hmunahte chuan a far a: Tlangte pawh chu hlimnaa phuar velin an awm a.
65:13 Ran tlatna hmunte chu ran rualin a dap in a dap a; Ruamte pawh chu buhin a tlim hmur a; Hlimin an au va, hla an sa bawk a.
66:1 Leilung luah zawng zawngte u, Pathian chawimawiin hlim takin au ula;
66:2 A hming ropuizia chu hlain sa chhuak ula: A fakna chu tiropui rawh u.
66:3 Pathian hnênah, "I thiltihte chu a va rapthlak êm! I thiltihtheihna nasatzia avângin nangmah dotute chu i hnênah an intulut ang.
66:4 Leilung luah zawng zawng hian chibai an bûk ang chia, Nangmah fakin an zai ang a; I hming fakin an zai ang," ti rawh u. (Selah)
66:5 Hawh u, pathian thitihte hi en rawh u8; Mihring fate chunga a thiltihah hian ahlauhawm a ni.
66:6 Ani chuan tuifinriat kha lei rovah a chantir a: Luipui kha kein an kal kai a: Chutah chuan anmahah kan hlim a.
66:7 A thiltihtheihan chuan kumkhuain ro a rel a; A mitin hnam tin a en thin: Helhmangte chu inchawimawi suh se. (Selah)
66:8 Aw, mi tinte u, kan Pathianchu fak ula, Amah fakna thawm chu hriattir rawh u.
66:9 Ani chuan kan nunna hi a tinung reng a, Kan kete hi tihsawn aphal lo.
66:10 Aw Pathian, nangin mi fiah a: Tangkaraw fiah angin min fiah a.
66:11 Nangin lenah min hruia lût a; Kan kawngah hian hur rit tak i nghat a.
66:12 Mihringte, tawlailir chunga chuangin, kan lu chungah i kaltir a; Mei leh tui kan kal tlâng a; Nimahsela hmun chenghnawng taka lût tûrin min hruai chhuak a.
66:13 hâlral thilhlante nên i inah ka lût ang a, Ka thutiamte hchu i lakah ka hlen ang,
66:14 Ka hmuiin a sawi a, Manganga ka awm laia ka kain a sawite chu.
66:15 Sa thau tak hâlral thilhlante i hnênah ka hlan ang a, berâmpa hal rimtui nên; bâwngpa te, kelte nên ka hlan ang. (Selah)
66:16 Hawh u, Pathian tih zawng zawngte u, ngaithla rawh u, Tichuan ka nunna tana a thiltih chu ka hriattir ang che u.
66:17 Ani chu ka kain ka au va, Ka leia chawimawiin a awm a.
66:18 Ka thinlunga sualna ka ngaihsak chuan LALPAN mi ngaithla lo vang:
66:19 Nimahsela, Pathianin mi ngaithla tak tak a; Ka tawngtaina thawm chu a bengkhawn a ni.
66:20 Pathian, ka tawngtaina hlawhchhamtir lova, ka laka a ngilneih bang hek lova chu, Fakin awm rawh se.
67:1 Pathianin min khawngaih sela, mal min sawm sela, A hmêl chu kan chungah rawn entir rawh se; (Selah)
67:2 I kawng chu lei chunga mi hriat a nih theih a, I chhandamna chu hnam tinreng zingah hriat a nih theih nân.
67:3 Aw Pathian, mi tinin fak che rawh se; Mi tinrengte chuan fak che rawh se,
67:4 Aw, hnam tin chu lawm taka awmin, hlimin zai rawh se: Nangin mi tin, chu thlei bik nei lova ro relsakin,
67:5 Lei chunga hnam tin chu i rawp dawn si a. (Selah) Aw Pathian, mi tinin fak che rawh se; Mi tinrengte chuan fak che rawh se,
67:6 Lei hian a thil to chu a pe a: Pathian, keimahni Pathian ngei chuan mal min sawm ang.
67:7 Pathianin mal min sawm ang a; Kawlkila mi zawng zawng pawhin amah an tih ang.
68:1 Pathian chu tho sela, a dote chu tihdarhin awm sela; Amah hawtute pawh chu a hmaah tlânchhe rawh se.
68:2 Mei khu hi len bova a awm angin, anni chu len bo vang che: Khawihnun hi mei luma a tuiral angin, Mi suaksualte chu Pathian hmaah boral rawh se.
68:3 Mi felte erawh chu lawm takin awm sela; Pathian hmaah hlim rawh se: A ni, lawm takin hlim rawh se.
68:4 Pathian chawimawiin hla sa ula, a hming fakin zai rawh u; Tawlailira thlalerte kal tlâng tûra tan chuan lamlian tûr chhûng pawng ula; A hming chu JAA a ni; a hmaah chuan hlim rawh u.
68:5 Pathian a awmna thianghlima awm chu. Pa nei lote pa leh hmeithaite ngaihtuahtu a ni.
68:6 Pathian chuan mi malte chu chhûngkaw zingahte a teltir thin a: Mi tangho chu a hruai chhuak a, vanneihnaah a hruai lut thin: Helhmangte erawh chu ram rovah an awm thin.
68:7 Aw Pathian, i mite hma hruaia i lo chhuah a, Thlalêra i kal tlâng lai khan, (Selah)
68:8 Lei hi a nghing dur dur a, vante pawh khi Pathian hmaah chuan a far a: Sinai tlâng meuh pawh saw Pathian hmaah, Israel-ho Pathian hmaah chuan, a nghin dur dur kha,
68:9 Aw Pathian, nang chuan ruah tam tak i surtir a, I rochan chu, a chauh lai khan, i tinghet a.
68:10 I hote chuan chutah chuan awmhmun an khuar a: Aw Pathian, nang chuan i thatnain retheite tan i buatsaih a.
68:11 LALPAN thu a pe a, Chanchin hriltu hmeichhe tam takin an hril darh a,
68:12 Sipaiho lalte chu an tlânchhia a, an tlachhia a: In nghaktunu chuan râllâk sum chu a sem a.
68:13 Thuro thla tangkaruaa tuam a, A thla hmawr pawh rangkachak eng taka tuamangin Berâm huang karahte i mu dawn êm ni?
68:14 Engkimtitheian chutah chuan lalte a tihdarh lai chu, Zalmon tlânga vu sur lai ang a ni.
68:15 Basan tlâng chu Pathian tlâng a ni a; Basan tlâng chu tlâng sâng tak a ni.
68:16 Tlâng sâng takte u, Pathianin a awmna tûra a tlâng duh chu Engah nge itsika in melh ni? A ni, LALPA chu chutah chuan kumkhuain a awm reng dawn asin.
68:17 Pathian tawlailir chu a sing a sing, a sâng a sâng tam tak a ni: LALPA chu, Sinai tlânga a awm ang khan, chung zingah chuan hmun thianghlimah a awm ta.
68:18 Nang chu chung lamah i chho va, i mante chu salah i hruai a; Mihringte zingah thilpekte i dawng a, A ni, helhmangte zingah pawh; LALPA Pathianc hu an hnêna a awm theih nân.
68:19 Lalpa, kan phur ni tina min phurhsaktu, Min chhandamtu Pathian chu fakin awm rawh se. (Selah)
68:20 Pathian chu kan tan chhanhimtu Pathian a ni; Thihna ata chhuahnate chu Lalpa JEHOVA ta a ni bawk.
68:21 Nimahsela Pathianin amah dotute lu chu a sat phel phawk ang, A thiam lohnaa la kal zela lu vun sam buk tak chu.
68:22 Lalpan, "Basan ram atangin ka hruai leh ang a, Tuifinriat mawng thuk tak ata ch ka hruai leh ang,
68:23 I ke chu thisena i hnim theih a, I ui leite chuan i dote laka chan a neih theih nân," a ti a.
68:24 Aw Pathian, i kal laite an hmu a, Ka Pathian ka Lalber hmun thianghlima kal laite chu.
68:25 Nula khuangte bengho laiah chuan, Hla satute an kal hmasa a, englo tumtute chuan an zui a.
68:26 Inkhawmnaahte hian Pathian fak ula, Israela tuihnaa chhuakte u, LALPA chu fak rawh u.
68:27 Fa tlum Benjamin-hovin hma hruaiin Juda-ho mi liante leh an upahote, Jebulun-ho mi liante, Naphtali-ho mi lianten an zui a.
68:28 I Pathian chuan i thiltihtheihna chu thu a pe a: Aw Pathian, kan tan thil min tihsak chu tichak ang che.
68:29 Jerusalem-a i biak in avângin Lalhovin lawmmante an la rawn kensak ang che.
68:30 Sakawlh phairuang zinga cheng chu zilh la, Hnamdang, bawngchal leh bawng no rualte chu zilh la, Kuna an tangkate i hmaa na hlan hma chu; Indo chak mite chu tidarh rawh.
68:31 Aigupta ram atangin mi liante an lo chhuak ang a; Ethiopia-ho chu an kut Pathian lama phar tûrin an hmanhmawh ang.
68:32 Leilung ramte u, Pathian chawimawiin hla sa ula; Aw, LALPA fakin zai rawh u; (Selah)
68:33 Vante van hmasânga awmte chunga chuanga chu; Ngai teh, a aw a chhuah e, aw nasa tak mai chu.
68:34 Pathian hnênah chuan chakna pe rawh u: A ropuina chu Israel-ho chungah a awm a, A chakna chu van dumahte khian a awm
68:35 Aw Pathian i hmun thianghlim atangte chuan i hlauhawm a ni: Amah Israel-ho Pathian ngei chuan a mite hnênah chakna leh thiltihtheihna a pe thin a ni. Pathian chu fakin awm rawh se.
69:1 Aw Pathian, mi chhandam chang che; Tuite chu ka nuna thleng hian a lût ta si a.
69:2 Chirhdup thuk tak, rahchhan rêng rêng awm lohnaah, ka pil tual tual hi: Tui thuk tak, tui lian mi chimpilnaahte, ka lo luh tak hi.
69:3 Ka auna lamah ka chau va; ka dang a ro zo va: Ka Pathian ka nghahnaah hian ka mit a vai zo ta a.
69:4 Enga khawlawi lova mi hawtute chu ka samzai aiin an tam a: Dik lo taka mi dova mi tihboral tumte chu mi chak tak an ni: Ka lak si loh pawh mi rulhtir a.
69:5 Aw Pathian, nang chuan ka atzia hi i hria a; Ka thiam lohnate pawh hi i lakah thup ani lo.
69:6 Aw LALPA, sipaihote PATHIAN, nangmah nghaktute chu keimah avângin mualpho suh sela: Aw Israel-ho Pathian, nangmah zawngtue chu keimah avângin tihzahin awm suh se.
69:7 Nangmah avânga sawi chiat ka tuar avângin, Zahnain ka hmai a khuh zo ta.
69:8 Ka unaute lakah mikhual ka lo ni ta a, Ka nu fanaute lakah hriat ngai loh mi ka lo ni ta.
69:9 I ina ka thahnemngaihnain mi ei zo va; Nangmah sawichhetute sawi chhiatnate chu ka chungah atla ta.
69:10 Ka tah a, chaw nghei chunga ka nunna ka thunun leh, Chu chu mi sawichhiatna a lo ni a.
69:11 Ka silhfena saiip ka hman leh, An tan chhe lama tehkhinna ka lo ni zel a.
69:12 Kulh kawngkaa thute chuan ka chungchang thu an sawi a; Zu ruih hmangte hla ka nih hi.
69:13 Nimahsela, aw LALPA, kei zawngin hun lawmawmah i hnênah a ni, ka tawngtai ni: Aw Pathian, i ngilneihna nasa tak avângin I chhandamna thutakin mi chhâng ang che.
69:14 Chirhdup ata hi mi chhanhim la, mi piltir lul suhang che4L Mi hawtute lakah leh tui thuk tak ata hi chhanhimin mi awmtir ang che.
69:15 Tui lianin mi chim pil suh sela, Tui thuk takin mi lem hek suh se; Khuarkhurum pawhin a ka mi chip hnan suh se.
69:16 Aw LALPA, mi chhâng ang che; i ngilneihna chu a tha si a: I lainatna nasatzia ang zelin ka lam hi lo hawi ang che.
69:17 I chhiahhlawh lakah hian i hmai pawh thup suh ang che; Ka mangang si a; mi chhâng thuai ang che.
69:18 Ka nuna hi rawn hnaih in, tlan la: Mi dotute avâng hian mi chhanhim ang che.
69:19 Nangin mi mi sawichhiatna te, ka mualphona te, ka zahnate hi i hria e: Mi dotute chu i hmaah an awm vek a ni.
69:20 Mi mi sawi chhiatna hian ka lung a tichhia a; nasa takin ka lungngai bawk a: Tichuan mi khawngaihtu tûr ka zawng , nimahsela tumah an awm si lo va; Mi thlamuantu tûrte ka zawng bawk a, nimahsela tumah ka hmu si lo.
69:21 Ka chaw atân englo kha mi pe leh nghal a; Ka tuihal lahin uain thur inah mi pe a.
69:22 An hmaa an dawhkan chu thang lo ni sela; Thlamuang taka an awm laiin fal lo ni rawh se.
69:23 An mitte chu, an hmuh theih loh nân, tihthimin awm rawh se; An kawngte chu tikhur fo vang che.
69:24 I lungnih loh êm emna chu an chungah leihbua la, I thinur thinrimna chuan anni chu man rawh se.
69:25 An awmna chu lo ram sela; An puan inahte chuan tumah awm suh se.
69:26 I vuaka chu an tiduhdah a, I hliamate lungngaihzia chu an saiw si thin a.
69:27 An khawlohna chu khawlohnain belhchhah la: Anni chu i felnaah chuan lût suh se.
69:28 Anni chu nunna bu ata thai bovin awm sela, Mi felte zingah chuan ziak ni ve suh se.
69:29 Nimahsela kei chu rethei tak leh lungngai tak ka ni a: Aw Pathian, i chhandamna chan hmun sângah mi dah rawh se.
69:30 Pathian hming chu hlain ka fak ang a, Lawm thu sawiin amah chu ka chawimawi ang.
69:31 Chutiang chuan bawngchal emaw ki leh tin, nei bâwngpa emaw ai chuan, LALPA a tilawm zawk ang.
69:32 Thuhnuairawlhte chuan chu chu an hmu a, an lawm a: Nangni Pathian zawngte u, in thinlung chu nungin awm rawh se.
69:33 LALPAN pachhiate chu ngaithlain, A mi tangte chu a hmusit si lo va.
69:34 Lei leh van chuan amah chu fak rawh se, Tuifinriatte leh an chhûnga thil che thei tawh phawtte nên.
69:35 Pathianin Zion chu chhan chhuakin, Juda khuate ch a din dawn si a; Tichuan chutah chuan an awm ang a, an nei nghal ang.
69:36 A chhiahhlawhho thlahte pawh chuan an rochung ang a; A hming ngainatute chu a chhûngah an awm ang.
70:1 Aw Pathian mi chhanhim tûrin hmanhmawh la; Aw LALPA, mi tanpui tûrin hmanhmawh ang che.
70:2 Ka nuna tihbo tuma zawngtute chu, Mualpho tak leh zak takin awm sela; ka chhiatna chunga lawmte chu Tlânchhiattirin tihzahin awm rawh e.
70:3 "Chei! Chei! Titute chu An mualpho avângin tlânchhiattirin awm rawh se.
70:4 A zawngtu che zawng zawng chu nangmahah chuan hlim tak leh lawm takin awm sela; I chhandamna ngainatute chuan "Pathian chu chawimawiin awm rawh se," ti fo rawh se.
70:5 Nimahsela kei chu rethei leh pachhe tak ka ni a: Nang chu mi tanpuitu leh mi chhanhimtu i ni a; Aw LALPA, rei rial lul suh ang che.
71:1 Aw LALPA, nangmahah chuan ka rinna ka ngaht thin a: Engtikah mah mualphovin mi awmtir suh ang che.
71:2 I felna avânga mi chhanhimin, mi chhan chhuak la: Ka lamah hian i beng rawn dawhin, mi chhandam ang che.
71:3 Ka tan awmna lungpui, ka kal theih fona tûr, lo ni ang che: Nangin mi chhandam tûrin thu i pe a; Ka lungpui leh ka kulhpui i ni si a.
71:4 Aw ka Pathian, mi suaksual kut ata mi chhan chhuak ang che, Mi fel lo leh nunchhe tak kut ata chu.
71:5 Aw Lalpa PATHIAN, nang chu ka beiseia chu i ni si a: Ka naupan tet ata ka rina chu i ni.
71:6 Ka nu pum atang rengin nangma kaihin ka awm thin a: Ka nu ril ata mi la chhuaktu i ni a; Nangmah a ni, ka fak fo dawn che ni.
71:7 Mi tam tak ngaihin thilmak ang ka ni a; Nimahsela nang chu ka inhumhimna nghet tak i ni.
71:8 Ka ka hi i faknain a khat ang a, Nilengin i chawimawinain a khat bawk ang.
71:9 Ka tar hunin mi paihthla suh la; Ka tha thum hunin mi kalsan suh ang che.
71:10 Mi dotute chuan ka chungchang thu an sawi si a; Ka nuna changtue an inrawn bawk a,
71:11 "Pathianin a kalsan ta: Um ula, man rawh u; chhanhimtu tûr reng an awm si lo," tiin.
71:12 Aw Pathian, mi hlat lul suh la: Aw ka Pathian, mi tanpui tûrin hmanhmawh ang che.
71:13 Ka nunna dotue chu mualpho leh boralin awm sela; Ka chhiatna tûr zawngtute chu sawichhiatna leh zahnaa khuhin awm rawh se.
71:14 Nimahsela kei zawngin ka beisei fo vang a, Ka la fak zual deuh deuh ang che.
71:15 Ka ka hian i felna thu a hril ang a, Nilengin i chhandamna thu a hril bawk ang; A tam chin ka hre si lo.
71:16 Lalpa PATHIAN thiltih ropui takte nên ka lo kal a: I felna, nangma felna thu chauh ka saiw ang.
71:17 Aw Pathian, ka naupan tet ata chu nangin mi zirtir a; Tun thlengin i thilmak tiht chu ka hriattir thin.
71:18 A ni, aw Pathian, ka tara ka lu tuah hnu pawhin mi kalsan lul suh ang che; I chakna hi thangthar leht hnênah leh, I thiltihtheihna hi lo la awm tûr apiangte hnêna ka hriattir hma loh zawng.
71:19 Aw Pathian, i felna pawh a sâng êm êm a ni; Aw Pathian, nang thil ropi takte titu, Nangmah ang hi tunge awm?
71:20 Nang, manganna tam tak leh nasa tak min hmuhtirtu chuan Mi tinung leh ang a, Leu thuk tak ata min hruai chhuak leh ang.
71:21 Nangin ka ropuina mi tihpunsak la, Lo hawi lehin mi thlamuan ang che,
71:22 Perhkhuangin ka fak bawk ang che, Aw ka Pathian, i thutak ngei chu ka fak ang. Aw nang Israel-ho Mi Thianghlim, Tingtang nên nangmah fakin ka zai ang.
71:23 Nangmah faka ka zai hunin ka hmui hi a hlim êm êm ang a; Ka nunna i tlan pawh hi a hlim êm êm ang.
71:24 Ka lei pawh hian nilengin i felna thu a sawi ang: Ka chhiatna tûr chu an mualphovin an zak ta si a.
72:1 Aw Pathian, i rorêlnate chu lal pe la, I felna chu lal fapa pe ang che.
72:2 I mite chu felnain ro a relsak ang a, I mi retheite chu rorêlna felin ro a relsak ang.
72:3 Tlâng lian leh tlâng tete hian felnain Mite hnênah thlamuanna an rawn thlen ang.
72:4 Ani chuan mi zinga retheite chu ro a relsak ang a, Pachhe fate chu a chhandam ang a, Hnehchiahtu erawh chu a tisawm ang.
72:5 Ni khi a awm chhûng chuan an hlau vang che, Thla awm chhûng zawng pawhin, chhuan awm chhûng chuan an hlau vang che,
72:6 Ani chu hlobet rawt chunga ruah angin a tla ang a: Lei chawmtu ruahtui ang maiin.
72:7 A dam lai chuan mi felte chu an duah hluah hluah ang a, Thlamuanna nasa tak chu a duah hluah hluah bawk ang, thla awm loh hma loh chuan.
72:8 Ani chuan tuifinriat atanga tuifinriat dang thleng pawhin thu a nei bawk ang, Luipui atanga kawlkil thleng pawhin.
72:9 Thlalêra awmte chu a hmaah an kun ang a; Amah dotute pawh chuan vaivut an liak ang.
72:10 Tarsis ram leh thliarkara lalten lawmman an rawn keng ang a: Sheba leh Seba ram lalten thilpekte an rawn hlan ang.
72:11 A ni, lal zawng zawng chu a hmaah an bawkkhup ang a: Hnam tinrengin a rawn an bawl ang.
72:12 Pachhiain a auhvin ani chuan a chhanhim ang a, Mi rethei, tanpuitu nei lo pawh chu, a chhanhim ang a.
72:13 Mi rethei leh pachhiate chu a khawngaih ang a, Pachhiate nunna chu a chhandam ang.
72:14 An nunna chu hnehchhiahna leh nunrawnna lak ata a tlan ang a, An thisen chuani ngaih chuan hlu tak ani dawn si a.
72:15 Tin, an nung ang a: Sheba ram rangkachak chu amah pêk ani ang a; Miten ani chu an tawngtaisak fo vang a; Nilengin mal an sawmsak ang.
72:16 Leiah, tlâng chungahte hian, buh tam tak a awm ang a; A vui chu Lebanon angin a nghing suau suau ang a, Khuaa mite chu lei hlobet angin an duah hluah hluah ang.
72:17 A hming chu kumkhuain a dai lo vang a: A hming chu ni a awm chhûng chuan dai lovin a awm zel ang a: Mite ch amahah chan malsawmin an awm ang a; Hnam tinrengin amah chu nihlawh an ti ang.
72:18 LALPA Pathian, Israel-hoi pathian chu fakin awm rawh se, Amah chauh hian thilmak a ti thin a:
72:19 A hming ropui tak hi kumkhuain fakin awm bawk sela; Lei pum pui pawh hi a ropuinaa tihkhahin awm rawh se. Amen, Amen.
72:20 Jesaia fapa Davida tawngtainate chu a tawp ta.
73:1 Pathian chu Israel-ho chungah a lo tha ngei mai, Thinlunga thianghlime chungah chuan.
73:2 Nimahsela kei zawngin ka rap pelh thelh thelh a; Ka ke pente hi a tlei lek lek a ni.
73:3 Mi suaksuate vanneihzia ka hmuhin, Mi uangthuangte chu ka awt si a.
73:4 An thih lai chuan tuarna reng an nei lo va; An chakna chu a nghet zawk mah si a.
73:5 Mi dang anga hreawmin an awm lo va; Mi dang anga sawisakin an awm hek lo.
73:6 Chuvangin chapona chuan khaidiat angin an nghawng a vêl a; Nunrawnna chuan silhfen angin a tuam a.
73:7 Thau avângin an mit a pawng a: Thinlunga thu duhsam aia nasa an nei a.
73:8 An nuihsan a, sual takin hnehchhiahna thu an sawi a: Chapo takin an tawng thin a.
73:9 An ka chu vanahte khian an dah a, An lei chuan leilung hi a fang tlâng thin a.
73:10 Chuvangin amite chu chutah chuan an kri leh a, Tui nova khat chu anmahni in fai kelhin a awm a.
73:11 "Pathianin engtin nge a hriat ang? Chungnungberan a hre chhuak ang êm ni?" an ti a.
73:12 En teh, hengho hi mi suaksualte an nih hi; Nuamsa aka awm fovin an hausa deuh deuh thin.
73:13 Athlawn maiin a ni, ka thinlung hi ka tihfai a, Ka kutte sawiselbonaa ka sil ni.
73:14 Nilengin sawisakin ka awm a, Tuk tin, zilhhauvin ka awm si a.
73:15 "Chutiangin ka sawi ang," lo ti ta ila; Ngai teh, i fateho chhuan chungah vervek taka ti ka lo ni ang.
73:16 Chu chu ka hriat theihna tûrizia ka ngaihtuahin, Ka tan ahar lutuk a ni;
73:17 Pathian hmun thianghlimah ka luh a, An tawpna tûr chu ka ngaihtuah hma chuan.
73:18 Anni chu hmun nal takahte i dah ngei a: Chhiatnaahte i paihthla thin a.
73:19 Engtizia nge mitkhapkar chauhva an tiau tak ni aw! Thil rapthlak taktea tihboral daihin an awm ta a nih hi.
73:20 Miin men hnua mumang an ngeinep angin, Aw LALPA i harh hunin anmahni lem pawh chu i ngainep ang.
73:21 Ka thinlung hi a lungngai a, Ka rilruah pawh chhun angin ka awm si a:
73:22 Mi mawl leh engmah hre lo ka ni a, I lakah chuan sa ang mai ka nih hial thin kha.
73:23 Nimahsela i hnênah ka awm fo va: Ka kut ding lam hi i lo chelh thin a.
73:24 Nangin i remruatnain mi hruai ang a, Chu mi hnuah chuan ropuinaah khian mi lawm ang.
73:25 Vanah khian nang lo chu tunge ka neih? Leiah pawh hian nang lo chu ka duh tumah an awm lo.
73:26 Ka tisa leh ka thinlung hi a chau ta a: Nimahsela Pathian chu kumkhuaa ka thinlung chakna tûr leh ka chanvo tur a ni.
73:27 Ngai teh, nangmah hlata awmte chu an boral dawn si a: A uiresantu apiang che chu i tiboral ta a.
73:28 Kei atân erawh zawng Pathian hnaih hi a tha a ni: Lalpa PATHIAN chu ka inhumhinaah ka hmang a, A hnathawh zawng zawng thu chu ka hrilh theih nân.
74:1 Aw Pathian, engati nge kumkhua atân min thlauhthlâk le? Engati nge i ran tlatna hmuna berâmte chungah hian i thinur a khuk le?
74:2 I mite inkhawmho, hmasânga i lei, Hnam i ro atân i tlan kha, hre reng ang che; I awm thinna Zion tlâng nên.
74:3 Chhe let der tawh chu han fang teh, Dotuten hmun thianghlimah chuan thil sual tinreng an tih tak hi.
74:4 Nangmah dotute i mite inkhawmho zingah an haw haw dur dur a; An chhinchhiahnate chu chhinchhiahna tûrin an tar ta a.
74:5 Mi, ngawbing thing Hreipuia tinte angin an lang a.
74:6 Tunah chuan a thil ker mawi zawng zawngte chu Hreite leh tubohtein an tichhe hlawm a.
74:7 I hmun thianghlim chu an hal a; I hming awmna chu leia chim khawp hialin an bawrh ta a.
74:8 An rilruah chuan, "I tichhe vek hlawm ang u," an ti a: He rama Pathian inkhawmna in zawng zawng hi an hal chhe zo ta a.
74:9 Kan chhinchhiahnate chu kan hmu ta lo va; Zâwlnei rêng rêng an awm ta lo va; A rei tûr chin hria rêng rêng kan zingah an awm hek lo.
74:10 Aw Pathian, dotu chuan eng chen nge a sawichhiat dawn che? Hmêlma chuan i hming hi kumkhuain a sawichhe dawn êm ni?
74:11 Engati nge i kut, i kut ding lam kha, i lak tak le? Phawrh chhuak leh la, anniho chu tiboral rawh.
74:12 Nimahsela, Pathian chu hmasâng chena ka Lal a ni, Lei lai taka chhandamna siam thintu chu.
74:13 Nang chuan i chaknain tuifinriat kha i tithen a: Nang chuan tuia drakonho lute chu i tikeh a.
74:14 Nang chuan liviathan lûte chu i tikeh sawm a, Ani chu thlalêra mi awmte hnênah chuan chaw atân i pe a.
74:15 Nang chuantuihna leh tui lian chu i sah huk a: Nang chuan lui lian tak takte i tikang a.
74:16 Chhun hi i ta ani a, zan pawh i ta a ni: Nangin entu leh ni khi i buatsaih a.
74:17 Nangin leilung ramrite zawng zawng chu i kham vek a: Nangin nipui leh thlasik hi i siam a.
74:18 Aw LALPA, hei hi hre reng ang che, dotu chuan a sawichhiat chia, Hnam â tak chuan i hming a sawichhiat kha.
74:19 Aw, i thuro nunna hi ram sakawlh hnênah chuan pe lul suh la: I mi retheite nunna kumkhua chuan theihnghilh suh ang che.
74:20 Thuthlung kha rawn pawisa ang che. Thuthlung kha rawn pawisa ang che. Lei hmun thim laite chu nunrawnna awmnain a khat si a.
74:21 Aw, hnechhiahna tuarte chu mualphovin kir suh sela: Rethei leh pachhiate chuan i hming fak rawh se.
74:22 Aw Pathian, tho la, nangma thu chu insawi chawp la. Mi â chuan nilengin a sawichhiatzia che chu hre reng ang che.
74:23 Nangmah dotute thawm chu theihnghilh suh ang che: A beituho che sa mur mur chu a chho fo thin a ni.
75:1 Aw Pathian, lawm thu kan hrilh a che; Lawm thu kan hrilha che, i hming a hnai si a: Miten i thilmak tih thute chu an hril thin.
75:2 A hun ka ruatah chuan Dik takin ro ka rel ang.
75:3 Lei leh a chunga awm zawng zawngte chu an tuiral zo ta: Keiin a bante chu ka phun a ni. (Selah)
75:4 Mi uangthuangte hnênah chuan, "Uangthuang takin awm suh u," ka ti a: Mi suaksualte hnênah, "In ki tisâng suh u," ka ti bawk a.
75:5 In ki chu chung lamah tisâng suh ula; Ring khawng chungin tawng suh u.
75:6 Tihsanna chu chhak lam ata a ni hek lo, thlang lam ata a ni hek lo, Chhim lam ata lah a ni hek lo.
75:7 Pathian chu rorêltu a ni zawk: Anic haun pakhat a tilawm a, pakhat a tisâng thin.
75:8 LALPA kutah chuan no a awm si a, a uain chu a phul a: Thil dang nena chawhpawlhin akhat a, chuta mi chu a bun chhuak a: Matheilovin a nawite lam chu leia mi suaksual zawng zawngte chuan an in fai kelh ang.
75:9 Nimahsela kei chuan kumkhuain ka hriattir ang a, Jakoba Pathian fakin ka zai ang.
75:10 Mi suaksualte ki zawng zawng pawh ka tansak ang a; Mi felte ki erawh chu tihsanin a awm ang.
76:1 Juda-ho zingah chuan Pathian chu hratin a awm a: Israel-ho zingah chuan ahming a ropui a ni.
76:2 Salem-ah chuan abawkte chu a awm a, Tin, ama awmna chu Zion-ah aawm a.
76:3 Chutah chuan thalte ch a tichhia a: Phaw te, khandaih te, indonate nên. (Selah)
76:4 Nang chu i ropuiin i va nasa êm, râllâk sum dah khawmna tlângah chuan.
76:5 Pasalthate chu rawkin an awm a, An muhil chu an muhil hlen ta a; Mi chakte pawh tumahin an kut an lek thei ta lo.
76:6 Aw Jakoba Pathian, i zilhhauva avângin Tawlailir leh sakawr pawh muthilhtir derin an awm ve ve a.
76:7 Nang, nangmah ngei chu, tih tûr i ni a: I thinur tawh phawt chuan, tunge i mithmuhah ding thei ang le?
76:8 I rorêl thu chu van atangin i hriattir a; Lei hian ahlau va, a ngawi ta a,
76:9 Leia mi thuhnuairawlh zawng zawngte chhandam tûra, Pathian chu rorêl tûra a thawh lai khan. (Selah)
76:10 Mihring thinur chuan a tiropui zual che a, I thinurin a hmaihte chuan i inhreng ang.
76:11 Thu tiam ula, LALPA in Pathian lakah hlen rawh u: A vêla mi zawng zawng chuan tih tûra chu lawmmante rawn sinsak rawh se.
76:12 Ani chuan rorêltute huaina chu a sat bung ang a: Ani chu leia lalte tan chuan a hlauhawm a ni.
77:1 Ka awin Pathian chu ka au vang a; Ka awin Pathian ngei chu ka au vang a, ani chuan ka lamah beng a lo chhi ang.
77:2 Ka mangan ni chuan Lalpa ka zawng a: Ka kut hi zanah pawh la thla lovin ka phar reng a; Ka nuna hian thlamuan a duh lo.
77:3 Pathian ka hre reng a, ka buai thin: Ka ngaihtuah a, ka thlarau hi a chau thin. (Selah)
77:4 Ka mitte hi i chelh meng reng thin a: tawng thei lo khawpin ka mangang thin.
77:5 Hmasâng nite ka ngaihtuah a, Hman lai kumte chu.
77:6 Zanah ka ngaihtuah neuh neuh a, Ka dawn vêl a, ka inzawt thin a; Ka thlarau pawhin thahnemngai takin a zawng a.
77:7 Lalpa chuan kumkhuain a thlauhthla dawn êm ni aw? Engtikah mah a lawm dawn tawh lo êm ni aw?
77:8 A ngilneihna chu a bo hlen kumkhua dawn êm ni aw? A thutiam chu chhuan zawng zawng thlengin a bo dawn êm ni aw?
77:9 Pathian chuan khawngaih a theih nghilh êm ni aw? Thinurin a lainatnate chu a khar ta êm ni aw? (Selah)
77:10 Tin, "Chu chu ka chak lohna avâng a ni; Nimahsela Chungnungbera kut dinglam kumte kha ka hre reng ang e.
77:11 LALPA thiltih thute kha ka sawi ang a; Hmasânga i thilmak tihte kha ka hre reng ang e.
77:12 I hnathawh zawng zawng kha ka ka ngaihtuah bawk ang a, I thiltihte pawh kha ka chhut ang e," ka ti a.
77:13 Aw Pathian, i kawng chu hmun thianghlimah a awm a: Kan Pathian ang hi pathian ropui tunge awm?
77:14 Nang chu thilmak ti thintu Pathian chu i ni a: Mi tin, zingahte chuan i chakzia i hriattir thin.
77:15 I banin i mite chhan chhuak a, Jakobha leh Josefa fate chu. (Selah)
77:16 Aw Pathian, tuite chuan an hmu hia; Tuite chuan an hmu chia, an hlau va; Tui thuk takte chu an khur bawk a.
77:17 Chhumte khian tui an leihbua a; Vante khian aw an chhuah a: I thalte pawh a phe zawk zawk a,
77:18 I khawpui ri thawm chu thawnga leivirah a awm a; Kawlphete chuan khawvel hi a en zawk zawk a: Lei hi khurin a nghing dur dur a.
77:19 I kawng chu tuifinriatah a awm a, I kalkawngte chu tui zau takah a awm a, I hniakte pawh hmuh theih ani lo.
77:20 Mosia leh Arona kutin I mite chu berâm rual angin i hruai thin a.
78:1 Aw ka mite u, ka dan thu-ah hian beng lo chhi ua: Ka kaa thu-ahte hian in beng rawn dawh rawh u.
78:2 Tehkhin thuin ka ka ka ang ang a; Hmasânga thu ril sawite kha ka sawi chhuak ang:
78:3 Chung chu ka bengin kan hria a, kan rilruin kan hre bawk a, Min thlahtute pawhin min hrilh kha.
78:4 Chung chu an fate lakah kan zep lo vang a, Thangthar lo la awm tûr hnênah LALPA fakna thu leh, A chakzia leh a thilmak tak tihziate chu kan hril zawk ang.
78:5 Jakob-ho zingah dan a ruat a, Chung chu thlahtute hnênah thupêkin a pe a Anni chuan chung thu chu an fate hnênah an hriattir tûrin:
78:6 Thangthar lo la awm tûr, naupang lo la piang tûrte chuan, an hriat theih nân; Chungte chu an thawh a, an fate an la hrilh chhawn zelna tûrin:
78:7 An beiseina chu Pathianah an nghah theih a, Pathian thiltihte chu an theihnghilh loh va, A thupêkte chu an zawm zawk nân:
78:8 Leh, an thlahtute anga, Chhuan luhlul leh helhmang; Chhuan thinlung siam dik lo, Pathian laka rilru rinawm lo pua an awm loh nân.
78:9 Ephraima thlahte chu râlthuama inthuam a, thal ngul kengin, Inbei niah chuan an tlânchhia a.
78:10 Pathian thuthlung chu an zawm lo va. A danah awm an duh lo bawk a,
78:11 A thiltihte chu an theihnghilh a, A thilmak tih a hmuhtirte nên khan.
78:12 An thlahtute mithmuhah thilmak takte a ti thin, Aigupta ramah, Zoanphulahchuan.
78:13 Tuifinriat chu a tithen phawka, anni chu a kaltir a; Tuite chu englo dah khawm thur angin a dintir luah a.
78:14 Chhunah chuan chhumin a hruai a. Zankhuain mei engin a hruai bawk thin a.
78:15 Thlalerah chuan lungpuite a tiphel a, Tui thuk tak ata ang mai hnianghnara in tûr a pe a.
78:16 Lungpui atang chuan luite a tichhuak a, Tuite chu luipuite angin a luan thlaktir a.
78:17 Chuti chung pawhin a chungah thil an lo tisual ta cheu va, Ram rovah chuan Chungnungbera chungah an hel a.
78:18 An châkna tihren nana ei tûr dilin, An thinlungin Pathian an fiah a.
78:19 A ni, Pathian an sawi hnawm a; "Thlalêrah hian Pathianin dawhkan a buatsaih thei emaw chu?
78:20 Ngai teh, lungpui chu a vua a, tuite kha a lo khawh chhuakin, Luite chu a kuang a liam dul dul ta tak a; Chaw pawh a pe thei nghal emaw chu? A mite tan hian sa a buatsaih ang emaw chu?" an ti a.
78:21 Chutichuan LALPA chuan a lo hria a, a thin a rim ta a: Jakob-ho chunga mei a lo alh chhuak a, Israel-ho chungah thinurna a lo chho ta a;
78:22 Pathian an rin loh va, A chhandamna pawh an rin loh avângin.
78:23 Nimahsela chung lam van dumte khi thu a pe a, Van kawngkhârte khi a hawnsak a;
78:24 An ei atân manna kha an chungah a zuk surtir a, Van buh chu a pe a ni.
78:25 Mihringten mi chake chhâng chu an ei a: Puarna khawpin chaw a rawn pe a.
78:26 Khaw chhak thli chu vanah a tlehtir a: A thiltihtheihnain chhim thli chu a hruai a.
78:27 Sa chu vaivut zat laiin an chungah sa surtir a, Sava thla nei chu tuifinriat tiau vaivut zat laiin:
78:28 An riahhmun laiah a tlaktir a, An awmna buk kiiang vêlahte chuan.
78:29 Chutichuan an ei a, an puar hle a; An chaka chu a pe ta a ni.
78:30 An châk a la reh lo va. An chaw chu an kaah a la awm a,
78:31 Chu mi lai tak chuan Pathian thinurna chu an chungah a chho va, An mi nalh nalhte thenkhat a that a, Israel tlangvâlte chu an vawthlu hlawm a.
78:32 Chuti chung pawhin a chungah thil an lo tisual ta cheu va, A thilmak tihte chu an ring chang lo.
78:33 Chuvangin an dam chhûng nite chu engmah lo ang maiin a tihralsak a, An dam chhûng kumte chu hlauhnain a tihralsak bawk a.
78:34 Anmahni a thah apiangin amah chu an zawng thin a. An kir leh a, zing takah Pathian an zawng thin a.
78:35 Pathian chu an lungpui a ni tih leh Pathian Chungnungbera chu an tlantu a ni tih an hre chhuak thin.
78:36 Nimahsela amah chu an kain an fak der a, An leiin an hnênah dawt thu an sawi thin.
78:37 An thinlung chu a lakah a dik si lo va, An thuthlungah chuan a rinawm hek lo.
78:38 Nimahsela, ani chu lainatnaa a khah avângin an khawlohna chu ngaidam a, anni chu a tiboral lo: A ni vawi tam tak a thinurna chu a la kir a, A thinrimna chu azain a chawk tho duh thin lo.
78:39 Tisa chauh an ni tih a hre reng a; Thli, let leh lo tûra tleh liam thin ang hi.
78:40 Thlalêrah khana chungah an va hei zingin, Ram rovah khan amah chu an va tilungngai zing êm!
78:41 An hawi kir lehin Pathian an fiah a, Israel-ho Mi Thianghlim chu an ti vui thin.
78:42 A kut chu an hre reng lo va, Dotu laka a chhanhim ni chu an hre reng thin hek lo.
78:43 Khatia Aigupta rama a chinchhiahnate a dah a, Zoan phulah a thilmakte a dah bawk a;
78:44 An luipuite chu thisenah a chantir a, An luite chu thisenah a chantir bawk kha, tichuan an in thei ta lo va.
78:45 An zingah tho tam tak a tir a, chung chuan anmahni a ei zo va; Chungute a tir bawk a, chung chuan anmahni a tiboral ta a.
78:46 An thil tote pawh chu pangang a pe a, An thawh rim tah chu khaukhuap a pe bawk a.
78:47 An grêp hruite chu rialin a tithi a, An theipui kungte pawh chu vurin a tithi bawk a.
78:48 An rante pawh chu rial a pe a, An ran rualte chu tek sa tak a pe bawk a.
78:49 A thinur nasa tak chu an chungah a tlak a, Thinrimna te, lungnih loh êm emna te, manganna te hi, thil tha lo tak thlentu tirhkoh pâwl chu.
78:50 A thinurna atân chuan kawng a siamsak a, A nunna chu thihna lakah a hmum lo va, An nun chu hri a pe ta zawk a;
78:51 Aigupta rama fa tir awm zawng zawng a tihlum a, Hama puan intea an chakna rah hmasa berte chu:
78:52 Nimahsela ama mite chu berâm angin a hruai chhuak a, Ran rual angin thlalêrah khan a hruai a.
78:53 Him takin a hruai a, chutichuan engmah an hlau lo va: Nimahsela tuifinriat chuan an hmêlmate chu a khuh zo ta a.
78:54 Tin, a hmun thianghlim ramri chu a hruai thleng a, He tlâng, a kut ding lama a leia hi.
78:55 Hnam tin chu an hmaah a hnawt chhuak a, Anni chu hruia tehin rochan atân a sem a, An puan inahte chuan Israel hnamte chu a awmtir ta a.
78:56 Nimahsela, Pathian Chungnungbera chuu an fiah a, a chungah an hel a, A thuhriattirte chu an zawm si lo va;
78:57 Hawi kirin, an thlahtute angin vervek takin an ti ta zawk a: Thal ngul rinawm lo angin an kal kawi a.
78:58 An hmun sângtein amah chu an tithinur si a, An milem siamtein an thiktir bawk a.
78:59 Pathian chu chu a lo hriatin a thin a rim a, Israel-ho chu a ten ta êm êm a:
78:60 Chutichu a Silo biak buk, Mihring zinga a puan in dah chu, a kalsan a;
78:61 A chakna chu salah a mantir a, A ropuina chu dotu kutah a mantir ta bawk a.
78:62 A mite chu khandaih hnênah a pe a; A rochan chungah chuan a thin a rim ta a.
78:63 Meiin an tlangvâlte chu a kangral a, An nulate chuan inneihna hla rêng rêng an nei ta lo.
78:64 An puithiamte chu khandaiha tihtlukin an awm a; An hmeithaite chu tah rêng rêng an tap lo.
78:65 Chutih lai chuan LALPA chu, mi an muhil an harh angin, a harh ta a, Mi chak uain vanga au ang hian.
78:66 Amah dotute chu a vaw kir a, Kumkhaw hming chhiatna a hlawhtir ta a.
78:67 Chu lo pawh chu Josefa puan in chu a duh lo va, Ephraim hnam chu a thlang lo bawk a;
78:68 Juda hnam chu a thlang ta zawk a, A hmangaih Zion tlâng chu.
78:69 A in thianghlim chu van sângte ang khian a sa a, Kumkhua atâna a tihngheh leilung ang hian.
78:70 A chhiahhlawh Davida chu a thlang a, berâm huang atate chu ala chhuak a:
78:71 berâmpui no hruaite zuite atangin a hruai chhuak a, A mite Jakob-ho leh a rochan Israel-ho chawm tûrin.
78:72 Chutichuan ani chuan a thinlung thatna ang zelin anniho chu a chawm a; A kut thiamnain a hruaitaa.
79:1 Aw Pathian, hnam tin i rochanah hian an lût a: I biak in thianghlim hi an tibawlhhlawh a; Jerusalem hi lung chim khawmah an siam ta thluah a.
79:2 I chhiahhlahte ruang chu chungleng savate chawah an pe a, I mi thianghlimte sa chu ram sate an pe a.
79:3 An thisen chu Jerusalem vêlah hian tui angin an leihbua a; Anmahni phûmtu tûr lah tumah an awm si lo.
79:4 Kan vêla mite sawichhiatin kan lo awm a, Kan dep vêla mite hmusit leh nuihsanin kan lo awm ta a.
79:5 Aw LALPA, i thinur kumkhua dawn êm ni? I thikna chu mei angin a alh dawn êm ni?
79:6 Nangmah hre lo hnam tin chungah hian i thinur chu leihbua ang che, I hming lam lo ram chungahte pawh.
79:7 Jakob-ho chu an ei zo va, An awmna chu an tiram ta si a.
79:8 Min thlahtute khawlohnate kha kan lakah chuan hre reng suh ang che: I lainatnate chuan min hmuak thuai rawh se: Nasa taka tihhniamin kan awm ta si a.
79:9 Aw min chhandamtu Pathian, i hming ropui nân min tanpui la: I hming avngin min chhanhim la, kan sualte hi thleng fai ang che.
79:10 Engti nge hnam tinin, "Khawiah nge an Pathian kha le?" an tih ni? I chhiahhlawhte thisen chhuak phuba lakna chu Kan mithmuhah hnam tin zingah hian hriat ni rawh se.
79:11 Mi tang rum chu i hmaah thleng rawh se; I thiltihtheihna nasat avângin thi tûra ruatte chu humhim la;
79:12 Aw LALPA, nangmah an sawichhiatna che kha, Kan vêla mite an angchhûngah a leh sarihin rul leh ang che.
79:13 Chutichuan, keini i mite, i ran tlatna hmuna berâmte hian, Kumkhuain lawm thu kan hrilh ang chia: Chhuan zawng zawng thlengin nangmah fakna chu kan hriattir zel ang.
80:1 Aw Israel-ho Vengtu, berâm pâwl anga Josef-ho hruaitu, beng lo chhi ang che; Nang cherubte chunga thua chu, lo eng chhuak ang che.
80:2 Ephraim-ho leh Benjamin-ho leh Manase-ho mithmuhah chuan i chakna kha chawk tho lo, Mi chhandam tûrin lo kal ang che.
80:3 Aw Pathian, min hawi kirtir leh la; I hmêl kha tieng ang che, tichuan chhandamin kan awm dawn nia.
80:4 Aw LALPA, sipaihote Pathian, Eng chen nge i mite tawngtaina chungah hian i thinur dawn le?
80:5 Anni chu mittui chhângin i chawm a, Mittui hi in tûrintehna lian takin i pe thin.
80:6 Nangin kan vêla mite tan inhnialnaah min siam thin a, Min dotute chu an nui tlâng thin.
80:7 Aw sipaihote Pathian, min hawi kirtir leh a; I hmêl kha tieng ang che, tichuan chhandamin kan awm dawn nia.
80:8 Aigupta ram ata grêp hrui i rawn la a: Hnam tin chu i hnawt chhuak a, i phun ta a.
80:9 A hma i tifai zel a, Thuk takin zung a kai a, ram chu a awh ta vek a.
80:10 Tlangte chu a hlim tuamin a awm hlawm a, A pengte chu Pathian sidar thingte ang mai a ni.
80:11 A tangte chu tuifinriat thlengin a zam chhuahtir a, A chawrnote chu Luipui thlengin.
80:12 Engati nge a palte chu i tihchhiat ni?
80:13 Ramhnuaia sânghal chuan a tichhia a,Ram sate pawhin an tlan thin.
80:14 Aw sipaihote Pathian, khawngaih takin hawi kir leh ang che: Van atang khan rawn en chhuk la, he grêp hui hi en la, rawn kan ang che,
80:15 A kung i kut ding lamin a phun leh, A peng i tana i tihkhauh nên hian.
80:16 Meiah a kang ta, kihin a awm ta: I hmêla zilhhauhna avângin an boral thin.
80:17 I kut kha i ding lama ki chungah awm rawh se, Mihring fapa i tana i tihchaka chungah hian.
80:18 Chutichuan kan kirsan lo vang che: Min tiharh la, tichuan i hming kan lam dawn nia.
80:19 Aw LALPA, sipaihote Pathian, min hawi kirtir leh la; I hmêl kha tieng ang che, tichuan chhandamin kan awm dawn nia.
81:1 Pathian min tichaktu chawimawiin hlim takin zai ula: Jakob-ho Pathian chawimawiin hlim takin au rawh u.
81:2 Fakna hla sa ula, khuangte te, tingtang ngaihnawm tak te, perhkhuangte nên rawn keng rawh u.
81:3 Thla tharah chuan tawtawrâwt ham ula, Thla hlei ngaa kan kut niah nên.
81:4 Israel-ho tana thuruat a ni si a, Jakob-ho Pathian dan a ni.
81:5 Chu chu Josef-ho zinga thuhriattir nân a ruat a ni., Aigupta ram chunga a kal chhuah lai kha: Ka tawng hriat loh benga ka hriatna kha.
81:6 An koki chu thil rit atangin ka la sawn a: An kutte chu kho la thlahtir a
81:7 Manganin mi ko va, ka chhanhim che u a: Khawpui ri bihrukna hmunah khan ka chhâng che u a; Meriba tuiahte khan ka fiah che u kha. (Selah)
81:8 Aw, ka mite u, ngaithla ula, ka hriattir ang che u: Aw Israel-hote u, ka thu ngaithla duh teh ula aw!
81:9 Ram dang pathian rêng rêng chu in zingah an awm tûr ani lo va; Mi dang pathian rêng rêng chu in biak tûr ani hek lo.
81:10 Kei, LALPA in Pathian chu ka ni, Aigupta ram ata hruai chhotu che u kha: In ka ang zau ula, ka tikhat dawn nia.
81:11 Nimahsela ka mite chuan ka awm an ngaithla si lo va; Israel-ho chuan min duh loh kha.
81:12 An thinlung sak vangin ka thlahthlam a, An duh ang anga awm tûrin.
81:13 Aw, ka mite hian ka thu ngaithlain, Israel-ho hi ka kawngahte hian kal sela chu aw!
81:14 An hmêlmate chu ka tilawm thuaiin, Anmahni dotute chungah chuan ka kut ka lek tûr.
81:15 LALPA hawtute chu a hmaah khurin an kun ang a, Kumkhuain hrem an tuar ang.
81:16 Nangni chu buhchangrumin ka chawm ang che u a, Lungpuia khawzuin ka titlai ang che u.
82:1 Pathian chu Pathian inkhawmna siamah chuan a ding a; Pathianhote zingah ro a rel a.
82:2 Eng chen nge dik lo taka ro in rel a, Mi suaksualte ch in duhsak bik dawn? (Selah)
82:3 Retheite leh pa nei lote ro chu rel ula: Hreawm tuarte leh pachhiate chungah chuan tidik rawh u.
82:4 Retheite leh pachhiate chu chhan ula: Mi suaksual kut ata chhanhim rawh u.
82:5 An hre lo va, hriat thiamna an nei hek lo; Thimah chuan an vei an vei a: Leulung nghahchhan zawng zawng chu a nghing ta a.
82:6 "Pathiante in ni a, In zain Chungnungbera fate in ni," ka tih kha.
82:6 Nimahsela mihringte ang maiin in la thi ang a, Mi lian paikhat ang khan in la tlu ang.
82:8 Aw Pathian, tho la, lei ro hi rel ang che: Hnam tinreng hi i rochung dawn si a.
83:1 Aw Pathian, tawng lovin awm suh ang che: Aw Pathian, ngawi reng suh la, awm hle hle lul suh ang che.
83:2 Ngai teh, nangmah dotute chu an sa mur mur a: Nangmah hawtute chu an dak hraw hraw a.
83:3 I mite hi vervek takin an phiar a, I mi thuhrukte chungah hian a chhe lamin an inrawn hlawm a.
83:4 "Hawh u, an hnam hloh khawpin i tiboral ang u! Israel-ho hming rêng rêng hi hriat renga a awm tawh lohna tûrin," an ti a.
83:5 Thu khat vuain an inrawn a; I chungah a chhe lama ti tûrin thu an intiam hlawm a.
83:6 Edom-ho leh Ismael-ho puan in te, Moab-ho leh Hagar-ho te;
83:7 Gebal-ho leh Amon-ho leh Amalek-ho te; Philistia-ho tûra khuaa awmte nên:
83:8 Asuri-ho pawh an lamah an ta ve; Lota thlahte chu an tanpui a. (Selah)
83:9 Anniho chu Midian-ho chunga i tih ang te, Kison luia Sisera chunga i tih ang te, Jabina chunga i tih angte khan ti ve ang che:
83:10 Chu mite chu Endor khuaah an boral a; Lei atân ekdur ang mai an lo nih tak kha.
83:11 An mi liante chu Oreba leh Zeeba ang khan siam la, A ni, an lal zawng zawngte chu Zebaha leh Zalmuna ang khan siam ang che.
83:12 Chu mite chuan, "Pathian awmnate chu luahsak ang u," an tih kha.
83:13 Aw ka Pathian, anniho chu vaivut vir chung chung ang hian siam ang che; Buh sisawp thli chhem len ur ur ang mai hian.
83:14 Ram kangtu mei ang leh, Tlâng kangtu meialh ang hian;
83:15 Anni chu i thlipuiin um la, I thli na takin tihlau ang che.
83:16 Aw LALPA, i hming an zawn theih nân An hmêl chu zahnain tikhat ang che.
83:17 Kumkhuain mualpho leh mangang takin awm sela; A ni, tihzaha awmin boral rawh se:
83:18 Nangmah chauh hi JEHOVA hming pu, Leilung zawng zawng chunga Chungnungber i nih an hriat theih nân.
84:1 Aw sipaihote LALPA, I awmnate chu a va duhawm êm!
84:2 Ka nunna hian LALPA biak in hung chhûng kawtlaite chu a ngai êm êm a, a ni; a chauh phah hial a;Ka thinlung leh ka tisa hi Pathian nung hnênah chuan a au chhuak a.
84:3 Aw sipaihote LALPA, ka lal leh ka Pathian I maichâm bulahte chuan Chawngzawngin bu a chhep a, Vamur pawhin bu anei, ano dahna tûrin.
84:4 I inah awmte chu an eng a thawl e: Nang chu an fak fo vang che. (Selah)
84:5 Nangmahah chakna nei mi chu a eng a thawl e; A thinlung Zion panna lamliante awma chu.
84:6 Tahna ruam chu an zawhin tuihna awmnate an siam thin a, A ni, ruahtui tla hmasa chuan malsawmnain a khuh thin.
84:7 Chakna atangin chak lehzualnaah an kal thin a, Zion-ah Pathian hmaah chuan an inlan theuh thin.
84:8 Aw LALPA, sipaihote Pathian, ka tawngtaina hi mi ngaihthlâksak la: Aw Jakob-ho Pathian, beng lo chhi ang che. (Selah)
84:9 Aw Pathian kan phaw ber, en teh, I hriak thiha hmêl hi en teh.
84:10 I biak in hung chhûng kawtlaia ni khat awm hi, ni sângkhat aiin a tha zawk si a. Suahsualna puan intea awm ai chuan, Kan Pathian ina kawngkhâr vengtu nih pawh ka duh zawk a ni.
84:11 LALPA Pathian chu ni leh phaw a ni si a: LALPA chuan khawngaihna leh ropuina a pe ang a: Dik taka awmte lakah chuan thil tha rêng rêng a ui lo vang.
84:12 Aw sipaihote LALPA, Nangmah ring mi ch a eng a thawl e.
85:1 LALPA, iram chungah hian i lawm a: Jakob-ho sala an awm chu i hruai kir leh ta a.
85:2 I mite khawlohnanate i ngaidam a, An sualna zawng zawng i khuh zo ta a.
85:3 I thinrimna zawng zawng chu i la bo va; I thinurna nasa tak chu i hawisan ta a.
85:4 Aw min chhandamtu Pathian, min hawi kirtir la, Kan chunga i thinurna chu tibâng ang che,
85:5 Kan chungah i thinurn kumkhua dawn êm ni le? I thinur chu chhuan zawng zawng thlengin i lantir zel dawn êm ni?
85:6 Nangmahah chuan i mite an hlim theih nân Min tiharh leh dawn lawm ni?
85:7 Aw LALPA, i ngilneihna chu min hmuhtir la, I chhandamna chu min pe bawk ang che.
85:8 Pathian LALPA thu sawi tûr chu ka ngaithla ang: A mite leh a mi thianghlimte hnênah thlamuanna thu a sawi dawn si a: Nimahsela anni chu atna lamah hawi leh tawh su h se.
85:9 A chhandamna chu amah tihtute hnaihah chan a awm ngei ngei thin a ni; Kan ramah hian ropuina a awm theih nân.
85:10 Ngilneihna leh thutak an intawk a; Felna leh remna an infawp a.
85:11 Thutak chu lei atangin a chawr chhuak a; Felna chuan van atangin a rawn en chhuk ta a.
85:12 A ni, LALPA chuan thil tha a pe ang a; Kan ram hian a thil to chu a pe bawk ang.
85:13 Felna chuan a hma a hruai ang a, A hniakte chu kawngah a siam ang.
86:1 Aw LALPA, ka lamah hian i beng rawn dawh la, mi chhâng ang che; Rethei leh pachhe tak ka nih hi.
86:2 Ka nunna hi vawng tha ang che; Pathian ngaihsak mi ka ni si a: Aw, nang ka Pathian, nangmah ringtu, i chhiahhlawh hi chhandam ang che.
86:3 Aw LALPA, mi khawngaih ang che; Nilengin ka au si thin chia.
86:4 I chhiahhlawh nunna hi tihlim ang che; Aw LALPA, ka rilru hi i hnênah ka dah tlat si thin a.
86:5 LALPA, nang chu i tha a, ngaihdam i peih a, A kotu apiang che chungah ngilneihna i ngah si thin a.
86:6 Aw LALPA, ka tawngtainaah hian beng lo chhi la; Khawngaih ka dilna aw hi ngaithla ang che.
86:7 Ka mangan ni chuan ka ko vang che; Nangin mi chhâng dawn si a.
86:8 Aw LALPA, pathiante zingah nang ang rêng rêng an awm lo va, I thiltihte ang hi thiltih rêng rêng a awm hek lo.
86:9 Aw Lalpa, i siam hnam tinrengte chu an lo kal ang a, i hmaah an lo kun ang a; I hming chu an rawn chawimawi ang.
86:10 Nang chu i ropui si a, thilmakte i ti bawk thin a: Nangmah chauh hi Pathian i ni.
86:11 Aw LALPA, i kawng chu mi entir ang che; i thutakah ka awm ang: I hming tih tûrin thinlung sakhat mi puttir ang che.
86:12 Aw Lalpa, ka Pathian, ka thinlung zawng zawngin ka fak ang chia; I hming hi kumkhuain ka chawimawi ang.
86:13 Ka chunga i ngilneihna chu a nasain; Ka nunna hi khuarkhurum hnuaihnung ber ata i chhanhim si a.
86:14 Aw Pathian, mi chapote chuan mi bei a, Mi nunrawng awm khawmte chuan ka nunna hi tihbo tumin an zawng a, nang chu an hmaah an dah thin lo che.
86:15 Nimahsela, aw LALPA, nang chu Pathian, lainatnaa khat, mi khawngaih thei, Thinnel, ngilneihna leh thutak ngah i ni.
86:16 Aw, ka lam lo hawi la, mi khawngaih ang che; I chhiahhlawh i chakna pe la. I bawihnu fa hi chhandam ang che.
86:17 Mi duhsakna tilang ang che; Mi hawtute chuan chu chu an hmuh a, an mualphona tûrin, LALPA, nangin mi tanpui a, mi thlamuan avângin.
87:1 A lungphûm chu tlâng thianghlimahte chuana awm.
87:2 LALPA chuan Zion kulh kawngkhârte chu Jakob-ho awmna zawng zawng aiin a ngaina zakw a ni.
87:3 Aw Pathian khawpui, I chungchang thu ropui takin an sawi thin a ni. (Selah)
87:4 Mi hretute zingah an tel ve tih, Rahab leh Babulon chungchang thu ka sawi ang: Philistia leh tûra hi, Ethiopia nên hian, en teh u; He mi hi chuta piang chu a ni.
87:5 A ni, "He mi leh saw mi saw amaha piang an ni a; Chungnungbera ngei chuan amah chu a tinghet ang," tih Zion chungchang thu chu an sawi ang.
87:6 LALPAN, mi tin, hming a ziak hunah chuan, He mi hi chuta piang chu a ni," tiin a chhiar ang. (Selah)
87:7 Hla satuten, a lamate nên chuan, "Ka tuihna zawng zawng chu nangmahah a ni, a awm ni," an ti ang.
88:1 Aw LALPA, mi chhandamtu Pathian, Achhun azanin i hmaah ka au thin a;
88:2 Ka tawngtaina hi hmaah lut sela; Ka au thawmah hian i beng rawn dawh ang che:
88:3 Ka nunna hi mangannatein a khat a, Ka nun hi Seol chu a rawn hnaih ta si a.
88:4 Khuarkhuruma chhkte zinga chhiar tel ka ni a; Chakna rêng rêng nei lo mi ang ka ni:
88:5 Ral thahho thlana mute anga Mitthi zinga paih thlak ka ni; Chungte chu i hriat tawh loh, I kut ata tihboral an ni.
88:6 Khuarkhurum hnuaihnung berah mi muttir ta a, Hmun thm tak, thuk takahte chuan.
88:7 I thinrimna chuan mi delh tlat a. Nangin i tuifawn zawng zawngin mi tihreawm ta a. (Selah)
88:8 Ka hmêlhriatte chu mi hlatah i awmtir a; An tana tenawm takah mi siam ta a: Kharkhipin ka awm a, ka chhuak thei lo a ni.
88:9 Hrehawmna avângin ka mit a chhe telh telh a: Aw LALPA, ni tin, ka ko chia, I lamah ka kutte ka phar a.
88:10 Mitthite tan chuan thilmak i ti dawn êm ni? Thi tawhte chuan thovin an fak dawn che êm ni? (Selah)
88:11 I ngilneihzia chu thlanah hriattirin, I rinawmzia chu Boralna hmunah hriattirin a awm dawn êm ni?
88:12 I thilmak tihte chu thimah hriatin a awm dawn êm ni? I felna chu theihnghilhna ramah hriatin a awm bawk dawn êm ni?
88:13 Aw LALPA, kei erawh chuan ka au chia, Ka tawngtaina chuan zingah a hmuak ang che.
88:14 LALPA, engati nge ka nuna hi i thlauhthlak le? Engati nge ka lakah i hmai i thup ni?
88:15 Ka naupan tet ata hrehawm tuar leh thi lek lekin ka awm thin a; I thil rapthlak takte ka tuarin ka thauvah mi man thin.
88:16 I thinrim nasa tak chuan mi vur pil a; I thil rapthlak takte chuan mi tiboral ta a.
88:17 Chung chuang nilengin tui angin mi vêl a; Mi hual vêl hlawm a.
88:18 Mi hmangaihtu leh ka thian chu mi hlatah i awmtir ta a, Ka hmêlhriatte ch thimah i awmtir ta bawk a.
89:1 LALPA ngilneihna thute chu kumkhuain hlaah ka sa ang a: Ka kain i rinawmzia chu chhuan zawng zawng thlengin ka hriattir ang,
89:2 "Ngilneihna chu kumkhua atân rem chhohvin a awm ang a; I rinawmna chu vanahte ngei khian i tinghet ang," ka ti ta a ni.
89:3 Ka mi thlan hnênah chuan thu ka thlung a, Ka chhiahhlawh Davida hnênah chhia ka chham ta a;
89:4 "I thlahte chu kumkhua atân ka tinghet ang a, I lalthutphah pawh chhuan zawng zawng thlengin ka rem chho vang," tiin (Selah)
89:5 Aw LALPA, vante khian i thilmak tih hi an fak ang a; Mi thianghlimte inkhawmnaah khian i rinawmna hi an fak bawk ang.
89:6 Van dumahte khian LALPA nena tehkhin theih tunge awm ni? Mi thiltithei tak fate zingah khian LALPA ang,
89:7 Mi thianghlimte inrawn khawmnaah Pathian hlauhawm tak, A kiang vêla mi zawng zawng aiai tih ber tûr chu, tunge awm ni?
89:8 Aw LALPA sipaihote Pathian, Aw JAA, nang anga mi chak tunge awm? I rinawmna chu i vêlah a awm si a.
89:9 Nang chuan tuifinriat chapona chungah ro i rel thin a: A tuifawn invawrh laite chu i tireh thin.
89:10 Nang chuan Rahab chu ral thah angin i tikeh sawm a; Nangmah dotute chu i ban tha chakin i tidarh ta a.
89:11 Vante khi nangma ta ani a, lei pawh hi nangma ta a ni: Khawvel leh a chhûnga thil awm zawng zawng hi nangma din a ni.
89:12 Chhim leh hmâr chu nangma siam ani a: Tabor leh Hermon chu i hming avângin hlimin an zai thin.
89:13 Nang chuan ban thiltithei tak i nei a: I kut chu a chak a, i kut dinglam chu chawimawiin a awm a.
89:14 Felna leh rorêlna fel chu i lalthutphah nghahchahn ani a: Ngilneihna leh thutak chu i hmaah an kal thin.
89:15 Thawm hlimawm hre thin hnam chu an eng a thawl e: Aw LALPA, anni chu i hmêl engah an awm thin.
89:16 I hming avângin nilengin an hlim thin a: I felna avângin chawimawiin an awm thin
89:17 Nang chu an chakna ropuina i ni si a" I duhsakna avângin kan ki hi chawimawiin an awm thin
89:18 Kan phaw hi LALPA ta ani si a; Kan lal hi Israel-ho Mi Thianghlim ta a ni.
89:19 Chu mi lai chuan i mi thianghlimte hnênah inlârnaah thu i sawi a, Mi pakhat chak tak chungah chuan tanpuina ka nghat a; Mi pakhat, mie zinga thlan chhuah chu ka chawimawi ta a.
89:20 Ka chhiahhlawh Davida chu ka chhar a; Ka hriak thianghlim chuan amah chu ka thih ta a:
89:21 Ka kut hi a hnênah tihnghehin a awm ang a; Ka ban hian ani chu a tichak ang.
89:22 hmêlma chuan a ngam lo ang a; Mi sual chuan a tlâwm hek lo vang,
89:23 Amah dotute chu ahmaah ka vaw thlu ang a, Amah hawtute chu ka sawisa ang.
89:24 Ani hnênah erawh chuan ka rinawmna leh ka ngilneihna chu a awm ang a; Ka hming avângin a ki chu chawimawiin a awm bawk ang.
89:25 A kut chu tuifinriatah chuan ka nghahtir ang a, A kut ding lam chu luipuiahte chuan.
89:26 Ani chuan, 'Nang chu ka pa, Ka Pathian, ka inchhandamna lungpui i ni,' tiin, mi au vang,
89:27 Tin, keiin ani chu fatirah ka siam ang a, Leia lalte zingah chngnungberah ka siam ang,
89:28 Ka ngilneihna chu kumkhuain a tan ka vawn thatsak ang a, Ka thuthlun chu a hnênah a awm nghet ang.
89:29 A chi thlahte chu kumkhuain ka awmtir ang a, A lalthutphah ch van awm chhûng ni chenin ka awmtir bawk ang.
89:30 A fate chuan ka dan hi an hawisan a, Ka rorêlnate anga an awm loh va,
89:31 Ka thuruat an bawhchiat a, Ka thupêkte an vawn that loh chuan,
89:32 An bawhchhiatnate chu tiangin ka rawn kan ang a, An khawlohnate chu vuakin ka rawn kan ang.
89:33 Nimahsela, ka ngilneihna chu a hnên ata ka laksak vek lo vang a, Ka rinawmna chu data chan ka phal hek lo vang.
89:34 Ka thuthlung chu ka bawhchhe lo vang a, Ka hmuia thu chhuak chu ka tidanglam hek lo vang.
89:35 Vawi khat ka thianghlimna chhalin chhia ka chham a; Davida hnênah dawt ka saiw lo vang;
89:36 A chi thlahte chu kumkhuain an awm ang a, A lalthutphah chu ka hmaah ni angin a awm bawk ang.
89:37 Thla angin kumkhua aan tihnghehin a awm ang a, Van duma hretu rinawm ang khian," i ti a. (Selah)
89:38 Nimahsela nang chuan i thlauthlain i duh lo va, I hriak thiha chungah chuan i thin a rim ta a.
89:39 I chhiahhlawh thuthlun chu i ten a: A lallukhum chu leia paih thla hialin i titlâwm ta a.
89:40 A dai zawng zawng chu i titlu a; A kulhbingte chu i tichhe ta a.
89:41 Kawngka kal apiangin a thil an laksak thin a: A vêla mite sawi chhiatin a lo awm ta a.
89:42 Amah dotue kut ding lam chu i chawimawi a; A hmêlma zawng zawngte chu i tihlim ta a.
89:43 A ni, a khandaih hma chu i beng per a, Ani chu inbeihnaah chuan i din nghehtir ta lo va.
89:44 A enna chu i tihrehsak a, A lalthuphah chu leiah i paih thla ta a.
89:45 A tlangvâl lai nite chu i tihtawisak a; Ani chu mualphonain i khuh ta si a. (Selah)
89:46 Aw LALPA, i biru kumkhua dawn êm ni? Eng chen nge i thinrim chu mei anga a alh dawn le?
89:47 Aw, ka hun hi a tawi tûrzia hre reng la: Mihring fate zawng zawng hi i va siam engmahlo êm!
89:48 Eng mi nge thih ni hmêl hmu lova nung a, Seol kut atanga a nunna chhanhim tûr chu? (Selah)
89:49 Lalpa, i hman lai khawngaihna i rinawmnaa Davida hnêna chhechhama i tiamte kha, Khawiahnge a awm tak?
89:50 Lalpa, i chhiahhlawhte an sawi chhiatna hre reng ang che; Hnam chak takte zawng zawng sawichhiatna ka angchhûnga ka tuar thinzia hi;
89:51 Aw LALPA, nangmah dotue sawichhiatna, I hriak thiha hniakte sawichhiatna chu.
89:52 LALPA chu kumkhuain fakin awm rawh se. Amen, Amen.
90:1 Lalpa, nang chu chhuan zawng zawng chenah Kan awmna i ni thin.
90:2 Tlangte pian hmaa, Leilung leh khawvel i din hma pawh khan, Chatuan ata chatuan thleng pawhin nang chu Pathian i ni.
90:3 Nang chuan mihring hi boralnaah i kirtir thin a; "Mihring fate u, kir leh rawh u,m" i ti thin.
90:4 Nang ngaih chuan kum sângkhat hi Nimin ral ta ang lek kha ani si a, Zan ven khat chhûng ang lek bawk a ni.
90:5 Anni chu tui lian angin i len bo thin a; thang khat mu ang chauh an ni; Zingah chuan hlobet chawr chuak ang an ni.
90:6 Zingah chuan a lo duahin a chawr chhuak a; Tlai lamah chuan ah thlukin a awm a, a vuai thin.
90:7 I thinurnaa tihboralin kan awm a, I thinrimnaa tihmanganin kan awm bawk si a.
90:8 Kan khawlohnate chu i hmaah i dah a, Kan sual zep rukte chu i hmêl engah i dah ta a.
90:9 Kan dam chhûng ni zawng zawng hi i thinrimnaah a ral thin a: Kan dam chhûng kumte hi thawnthu angin kan titawp thin.
90:10 Kan dam chhûng kumte chu kum sâwmsarih ani a, Chakna avângin kum sâwmriat pawh a ni thei a; Nimahsela a reina chu thawhrimna leh lungngaihna mai a ni; A ral thuai a, keini pawh kan thlawk bo thin a nih hi.
90:11 Tuing nge i thinurna thiltihtheihzia hria a, Nangmah tih tûrzia ang i thinrimna chu hria le?
90:12 Kan dam chhûng nite chhiar dan tûr min zirtir ang che, Finna thinlung kan neih phah hialna tûrin.
90:13 Aw LALPA, lo kir leh ang hche; eng chen nge i thinur dawn? I chhiahhlawhte chung thu-ah chuan i rilru lamlet ang che.
90:14 Aw, zingah chuan i ngilneihnain mi titlai ang che; Kan dam chhûng zawng zawng hian kan hlima kan lawm theihna tûrin.
90:15 Nangin min tihhreawm ni leh, thil tha lo kan tawh kum chhûng hun angte khan min tilawm ang che.
90:16 I hnathawh chu i chhiahhlawhte hnênah lang sela, I ropuina chu an fate hnênah lang rawh se.
90:17 Tin, LALPA kan Pathian mawina chu kan chungah awm rawh se: Kan kut hnathawh hi kan chungah tinghet bawk ang che; A ni, kan kut hnathawh hi tinghet ang che.
91:1 Chungnungbera bihrukna hmuna awma chu Engkimtitheia hlimah chuan a awm reng ang.
91:2 LALPA chung thu-ah chuan, "Ani chu ka inhumhimna leh ka kulhpui; Ka Pathian, ka rina chu a ni," ka ti ang.
91:3 Ani chuan thang kamtu thang lakah leh Hri tha lo tak lakah chuan a chhanhim dawn che a ni.
91:4 A thlain a khuh ang chia, A thla hnuaiah chuan i tlu lut ang; A thutak chu phawte leh phaw lian a ni.
91:5 Zana thil rapthlak chu i hlau lo vang a, Chhuna thla lo leng thin chu i hlau hek lo vang:
91:6 Thim hnuai ahri leng thin chu i hlau lo vang a, Chhun laia thil tichhe thin chhiatna chu i hlau hek lo vang.
91:7 I sirah sâng an tlu ang a, I ding lamah sing an tlu bawk a; Nimahsela nang chu a hnaih lo vang che.
91:8 I mitin i en ang a, Mi suaksualte rulhna chu a hmuhin i hmu chauh ang.
91:9 Aw LALPA, nang hchu ka inhumhimna i ni si! Chungnungbera chu i awm nân i hmang a;
91:10 thil tha lo rêng rêngin a tawk lo vang chian, Hri rêng rêng pawhin i puan in a rawn hnaih hek lo vang.
91:11 I kawng tinrenga humhim tûr chein, I chung thu-ah zawng vântirhkohte chu thu a pe dawn si a.
91:12 An kutin an dawm ang chia, Chutilochuan i kein lung i chhuih dah ang e.
91:13 Sakeibaknei leh rulrial chu i rap ang a: Sakeibaknei vanglai leh rulpui chu i chil nek ang.
91:14 Ka chungah a hmangaihna a nghah tlat avângin ka chhanhim ang a: Ka hming a hriat avângin hmun sângah ka hlang a.
91:15 Ani chuan mi ko vang a, tichuan ka chhâng ang; Kei chu a mangan lai chuan a hnênah ka awm ang a: Amah chu ka chhanhimin ka chawimawi ang.
91:16 Dam reinain ka tilungawi ang a, Ka chhandamna chu ka hmuhtir bawk ang.
92:1 LALPA hnêna lawm thu sawi leh, Aw Chungnungber, i hming faka zi hi thil tha tak ani a:
92:2 ,3 Thil tum theih hrui sawm nei mi te, perhkhuang te, tingtang lung tichhe thei tea Zinga i ngilneihna tihlan leh, Zan tin, i rinawmna tihlan hi thil tha tak a ni.
92:3 ,2 Thil tum theih hrui sawm nei mi te, perhkhuang te, tingtang lung tichhe thei tea Zinga i ngilneihna tihlan leh, Zan tin, i rinawmna tihlan hi thil tha tak a ni.
92:4 LALPA, nang chuan i hnathawhin mi tilawm si a: I kut thiltihte avângin hlimin ka zai ang.
92:5 Aw LALPA, i thiltihte chu a va ropui êm! I ngaihtuahnate chu a thuk êm êm a ni.
92:6 Mi mawl chuan hei hi a hre lo va; Mi âin a hre thiam hek lo:
92:7 Mi suaksualte hlobet anga an lo chawr a, Thil tisualtute zawng zawng an lo duah hluah hluah hian, Kumkhua atâna tihboralin an awm dawn a lo ni thin, tih hi:
92:8 Aw LALPA, nang erawh chu kumkhua atân sâng taka rawm reng i ni.
92:9 Aw LALPA, ngai teh, nangmah dotute hi, Ngai teh, nangmah dotute hi an boral dawn a ni; Thil tisualtute zawng zawng hi tihdarhin an awm vek ang.
92:10 Nimahsela ka ki hi selepa ki angin i chawimawi a: Hriak thara thih ka ni ta.
92:11 Ka mitin ka hmêlmate chunga ka thu duhsam thleng chu ahmu ta a, Ka bengin thil tha lo titu mi rawn beitute chunga ka thu duhsam thleng thawm chu a hre ta.
92:12 Mi fel chu tum angin a duah hluah hluah ang a: Lebanon tlânga sidar thing angin a thang uak uak ang.
92:13 LALPA ina phunte chu Kan Pathian biak in hung chung kawtlaiah chuan an duah hluah hluh ang.
92:14 Tar hnuah pawh an la rah fo vang a; Tui pai teuhvin an hring hluah hluah ang:
92:15 LALPA chu mi dik tak ani tih lantirna tûrin; Ani chu ka lungpui ani a, amahah chuan fel lohna rêng rêng a awm lo.
93:1 LALPA chu lalah a thu a, a ropuinain a inthuam a; LALPA chu a inthuam a, chaknain ataiah a inhreng ta a: Khawvel pawh hi, a nghin theih lohna tûrin, tihnghehin a awm a.
93:2 I lalthutphah chu hmasânga lo tihngheh tawha ni a: Nang chu chatuana awm tawh i ni.
93:3 Aw LALPA, luipuite chuan an chhuah a, Luipuite chuan an aw an chhuah a, Luipuite chuan an ri nasa tak chu an chhuah a.
93:4 Tui tam tak awte aiin, Tuifinriat fawn chak takte ai pawhin, Chung lama LALPA chu a chak a ni.
93:5 I thuhriattirte chu a rinawm êm êm a: Aw LALPA, kumkhuain Thianghlimna hi i in nên a inmawi a ni.
94:1 Aw LALPA, nang phuba lakna thu neitu Pathian, Nang phuba lakna thu neitu Pathian, eng chhuak ang che.
94:2 Nang leia rorêltu, thawk la: Chapote chu an sual man rul ang che.
94:3 LALPA, mi suaksualte chuan eng chen nge, Mi suaksualte chuan eng chen nge an ngam dawn le?
94:4 Anni chu an tawng mai mai a, chaltlai takin thu an sawi a: Thil tisualtute zawng zawng chu an infak chawp thin.
94:5 Aw LALPA, i mite chu an tikeh sawm a, I rochan chu an tihreawm thin
94:6 Hmeithai leh mikhual chu an tihlum a, Pa nei lo chu an that thin.
94:7 "LALPAN a hmu lo vang a, Jakob-ho Pathianin a ngaihtuah hek lo vang," an ti thin a ni.
94:8 Mi zinga mi mawlte u, ngaihtuah rawh u: Mi âte u, engtikah nge in fin awn aw?
94:9 Beng vuahtu chuan a hre lo vang êm ni? Mit siamtu chuan a hmu lo vang êm ni?
94:10 Hnam tin thununtu'n a zilhhau lo vang êm ni, Mihring finna zirtirtu chuan?
94:11 LALPA chuan mihring ngaihtuahte chu Engmah lo mai mai ani tih a hria.
94:12 ,13 LALPA i thununa i dan i zirtirte chua n nihlawh e, Mi sualte tlak nân hum laih zawh hma chu. Mangan niah i hahchawlhtir dâwn sia.
94:13 ,12 LALPA i thununa i dan i zirtirte chua n nihlawh e, Mi sualte tlak nân hum laih zawh hma chu. Mangan niah i hahchawlhtir dâwn sia.
94:14 LALPA chuan amite apaih thlu dawn si lo va. A rochan chu akalsan hek lo vang.
94:15 rorêlna chu felna lamah a kir leh ang a: Thinlung dik tak pu zawng anwg chuan chu chu an zui ang.
94:16 Tunge thil tha lo titute mi beisak tûrin tho vang? Tunge thil tisualtute mi beisak tûrin ding ang?
94:17 LALPA chu mi tanpuitu ni suh sela chuan, Ka nunna hi rang takin hmun rehah a awm tawh tûr a ni.
94:18 "Ka ke a tleu ve," ka tih kha, Aw LALPA, i ngilneihna chuan mi kai a.
94:19 Ka rilrua ngaihtuah tam tak ka neih lai chuan I thlamuannate chuan ka nunna hi a tihlum thin.
94:20 Suahsualna lalthutphah, dana thil tihsualna siam thina chuan Pawlna che a nei dawn êm ni?
94:21 Mi fel nunna bei tumin an pung khâwm hlawm thin a, Thisen sawiselbo chu thiam loh an chantir bawk thin.
94:22 Nimahsela LALPA chu ka kulhbing sâng a lo ni a; Ka Pathian chu ka inhumhimna lungpui a lo ni.
94:23 Ani chuan anmahni sualna ngei chu an chungah atlaktir a, Anmahni that lohna ngeiah chuan a tiboral ang a; LALPA kan Pathian chuan a tiboral ang.
95:1 Aw lo kal rawh u, LALPA chawimawiin hlim takin i zai ang u: Kan inchhandamna lungpui chawimawiin hlim takin i au ang u.
95:2 Lawm thu sawiin a hmaah i kal ang u khai, Fakna hla saa amah chawimawiin hlim takin aw i chhuah ang.
95:3 LALPA chu Pathian ropui tak a ni si a, Pathian zawng zawng chungah Lal ropi tak a ni.
95:4 Ama kutah chuan lei hmun thuk takte chu a awm a; Tlâng chhip sâng takte chu a ta a ni b awk a.
95:5 Tuifinriat hi a ta a ni, ama siam a ni si a; Khawmual pawh hi a kut chhuak a ni.
95:6 Aw lo kal ula, chibai bûkin i kun ang u khai; LALPA min Siamtu hmaah i thingthi ang u:
95:7 Ani chu kan Pathian ani a, Keini hi a ran tlatna hmuna m leh, a kuta berâmhote kan ni si a. Vawiin hian a aw chu lo hre teh ula aw!
95:8 Meriba-a an tih ang khan in thinlung tikahuh suh u, Thlalêra Masa ni ang khan:
95:9 Chu mi lai chuan in thlahtute chuan mi thlem a, Mi fiah a, ka thiltih chu an hmu a.
95:10 kum sâwmli chhûng zet chu mi chhuanho chungah chuan ka lungni lo va, "An thnlunga ngaihsual hmang mi an ni a, Ka kawngte pawh an hre lo," ka ti a:
95:11 Chuvangin, "Ka chawlhnaah chuan an lût lo vang," tiin, Thinurin chhia ka chham ta a.
96:1 Aw LALPA chawimawiin hla thar sa ula: Leilung luah zawng zawngte u, LALPA chawimawiin zai rawh u.
96:2 LALPA chawimawia hla sain, ahming fak ula; Ni tin, a chhandamna thu chu hriattir rawh u.
96:3 Hnam tin zingah a ropuizia hril ula, Mi tinrengte zingah a thilmak tihte chu hril rawh u.
96:4 LALPA chu a ropui a, nasa taka fak tûr ani si a: Pathian zawng zawng aia tih tûr a ni.
96:5 Mipuiho pathiante chu milemte an ni si a. LALPA erawh chuan vante khi a siam a ni.
96:6 Chawimawina leh ropuina a hmaah an awm a: Chakna leh mawina chu a hmun thianghlimah an awm.
96:7 Mi tina chi tinreng te u, LALPA chu pe ula, LALPA chu ropuina leh chakna pe rawh u.
96:8 LALPA chu a hming ropuina chu pe ula: Thilhlan tûr kengin a biak in hung chhûng kawtlaiahte chuan lo kal rawh u.
96:9 Aw, thianghlim mawina inbelin LALPA chu chibai bûk ula: Leilung luah zawng zawngte u, a hmaah khur rawh u.
96:10 Hnam tin zingah chuan, "LALPA chu lalah a thu," ti rawh u: Khawvel pawh hi a nghin theih lohna tûrin, tihnghehin a awm a: Ani chuan thlei bik nei lovin mi tin, ro chu a rel ang.
96:11 Vante khi lawm takin awm sela, lei pawh hi hlim takin awm rawh se; Tuifinriat leh a chhûnga thil awm zawng anwg hi ri hum hum rawh se;
96:12 Lo leh a chhûnga awm zawng anwg hi lawm takin awm rawh se: Chutih hunah chuan ramhnuaia thing zawng zawng hi hlimin an zai ang,
96:13 LALPA hmaah chan: ani chu alo kal edawn a ni; Lei rorêl tûrin a lo kal dawn si a: Khawvel hi fel takin ro a relsak ang a, Mi tinte chu a thutakin ro a relsak bawk ang.
97:1 LALPA chu lalah a thu a; lei hi hlim takin awm sela; Thliarkar tam tak takte chu lawm takin awm rawh se.
97:2 Chhumte leh thim chhah mup chu a vêlah a awm a: Felna leh rorêlna fel chu a lalthutthleng nghahchhan a ni.
97:3 A hma lamah chuan mei akal a, A vêla mah dotute chu a kangral thin.
97:4 A kawlphete chuan khawvel hi a en zawk zawk a: lei hian a hmu a, a khur a,
97:5 Tlangte chu khawihnun ang hian LALPA hmaah a tuiral ta a, Khawvel zawng zawng LALPA hmaah chuan.
97:6 Vante khian a felna chu atlangaupui thin a, Mi tinreng chuan a ropuizia an hmu ta a.
97:7 Milem siam chawpte rawngbawltu zawng anwg chu mualphovin awm rawh se, Milemho chhuangtue chu: Nangni pathian zawng zawngte u, amah chibai bûk rawh u.
97:8 Zion tlâng chuan a hria a, lawm takin a awm a, Juda fanute chu hlim takin an awm bawk a;
97:9 Aw, LALPA i rorêlnate avângin. LALPA nang hchu leilung zawng anwg chungah hian chungnung ber i ni si a: Nang chu pathian zawng zawng chung daihah chawimawiin i awm a
97:10 Aw LALPA hmangaihtute u, sual haw rawh u. Ani chuan ami thianghlimte nunna chu a vang tha thin a; Anni chu mi suaksualte kut ata a chhanhim thin.
97:11 Mi felte tan khua alo eng a, Thinlung dikte tan lawmna alo thleng.
97:12 Mi felte u, LALPA-ah lawm takin awm ula; A hming thianghlim chu fak rawh u.
98:1 Aw, LALPA chawimawiin hla thar sa rawh u; Thil mak takte a ti ta si a: A kut ding lam leh a ban thianghlim chuan amah atân chhandamna a siamsak ta a.
98:2 LALPA chuan a chhandamna chu ahriattir a: A felna chu hnam tin mithmuhah chuan fiah takin alantir ta a.
98:3 Israel chhûngte chunga a ngilneihzia leh a rinawmzia chu a hre reng a: Kawlkila mi zawng zawng pawhin kan Pathian chhandamna chu an hmu ta a.
98:4 Leilung luah zawng zawngte u, LALPA chawimawiin hlim takin au ula: Au chhuak ula hlimin zai rawh u, a ni, fakna hla sa rawh u.
98:5 tingtang nên LALPA fakin zai rawh u; tingtang leh fakna hla thawm nên.
98:6 Tawtawrâwtte leh tawtawrâwt bi nei ri nên, Lalber, LALPA hmaah chuan, hlim takin au rawh u.
98:7 Tuifinriat leh a chhûnga thil awm zawng zawng hi ri hum hum rawh se; Khawvel leh a chhûnga chengte nên hian;
98:8 Luipuite chuan an kut beng sela; Tlangte chu hlimin zaiho rawh se,
98:9 LALPA hmaah chuan; lei rorêl tûrin a lo kal dawn si a: Khawvel hi fel takin ro a relsak ang a, Thlei bik nei lovin mi tin, ro chu a rel ang.
99:1 LALPA chu lalah a thu a; mi tin, chu khur rawh se: Ani chu cherubte chungah athu a; lei hi nghing rawh se.
99:2 LALPA chu Zion khaw chhûngah chuan ropui tak ani a; Mi tinrengte chungah chuan chungnung daih a ni.
99:3 Anni chuan i hming ropui tak hlauhawm tak chu fak rawh se; Amah chu a thianghlim a ni.
99:4 Lalber chakna chuan rorêlna a ngaina a; Nang chuan thlei bik neih lohna i tinghet thin a, Nang chuan Jakob-ho zingah ro i rel a, fel takin i ti thin.
99:5 LALPA kan Pathian chu chawimawi ula, A ke nghahchhan bulah chuan chibai bûk rawh u: Amah chu a thianghlim a ni.
99:6 A puithiamte zingah chuan Mosia leh Arona, A hming lamtute zingah chuan Samuela; Anni chuan LALPA chu an ko va, ani chuan a chhâng ta a:
99:7 Chhumdingah chuan an hnênah thu a sawi a: A thuhriattirte leh thuruat a pêk chu an zawm a.
99:8 Aw LALPA kan Pathian, nang chuan anni chu i chhâng a: Nang chu anmahni ngaidamtu Pathian i ni , An thiltih chungahte phuba la thin mah la.
99:9 LALPA kan Pathian chu chawimawi ula, A tlâng thianghlimah chuan chibai bûk rawh u; LALPA kan Pathian chu a thianghlim si a.
100:1 Ram zawng zawngte u, LALPA chawimawiin hlim takin au rawh u.
100:2 Lawm chungin LALPA rawng bâwl ula: Hla sa chungin a hmaah lo kal rawh u.
100:3 LALPA chu Pathian ani tih hre rawh u: Min siamtu chu amah chu ani a, ama ta kan ni. A mit leh a ran tlatna hmuna berâmhote chu kan ni.
100:4 Lawm thu sawi chungin a kawng kharah chuan lût ula, Fak chungin a biak in hung chhng kawtlaiah chuan lût rawh u: A hnênah lawm thu saiw ula, a hming chu fak rawh u.
100:5 LALPA chu a tha si a; angilneihna chu kumkhuain a awm ang a; A rinawmna chu chhuan zawng zawng thlengin a awm ang.
101:1 Ngilneihna leh rorêlna thu chu hla-ah ka sa ang a: Aw LALPA, nangmah fakin ka zai ang.
101:2 Kawng tha famkimah chuan fing takin ka awm ang a: Aw engtikah nge ka hnênah i lo kal ang? Ka in chhûngah thinlung tha famkim puin ka awm ang.
101:3 thil tha lo rêng rêng ka mithmuhah chuan ka dah lo vang: Kal pengte thiltih chu ka hua a ni; Keimahah a bet lo vang.
101:4 Thinlung luhlul chuan mi kalsan ang a: Thil sual rêng rêng ka mithmuhah chuan ka dah lo vang:
101:5 Tupawh a vêngte a ruka rêl apiang chu, chu mi chu ka tiboral anga; Mit sâng leh thinlung chapo pu mi chukangaithei lo vang.
101:6 He rama mirinawmte chunga hian ka mit a fu ang, ka hnêna an awm theih nân. Kawng tha famkim zawhtu chu, chu mihuan ka a rawng a bâwl ang.
101:7 Bumhmang mi chu ka in chhûngah a awm lo vang a: Dawt heh mi chu ka mithmuhah tihnghehin a awm lo vang.
101:8 Tuk tin, he rama mi suaksualte zawng zawng hi ka tiboral ang; LALPA khawpui ata hi thil tisualtute zawng zawng tiboral tûrin.
102:1 Aw LALPA, ka tawngtaina hi ngaithla la, Ka au thawm hi i hnên thleng rawh se.
102:2 Ka mangan niah ka lakah hian i hmai thup suh la: Ka lamah hian i beng rawn dawh la; Ka koh hun che chuan mi chhâng thuai ang che.
102:3 Ka dam chhûng nite hi meikhu angin a zam ral a, Ka ruhte hi thingthu angin a sa a.
102:4 Ka thinlung hi hlobet anga êm hlumin a awm a, a vuai zo ta; Chaw ei pawh ka theihnghilh si a.
102:5 Ka rum thawm avângin Ka ruhte hi ka tisaah a bet tlat a ni.
102:6 Thlalêr tuivalawng ang ka nia; Khaw ram chhimbuk ang mai ka lo ni ta.
102:7 Ka meng reng a, Chawngzawng, in chunga amah chauh va awm ang ka lo ni ta.
102:8 Mi dotute chuan nilengin mi sawichhe thin a; Ka chunga kawlhte chuan keimah anga awm tûrin ânchhia na lawh thin.
102:9 Vut hi chaw nagin ka ei a, Ka in tûr chu mittui nên ka pawlh ta si a,
102:10 I lungnih loh êm êm leh i thinur avângin: Nangin mi la kang a, mi paih bo ta si a.
102:11 Ka dam chhûng nite hi tlai hlim ral lam tung tawh ang a ni a; Hlobet angin ka vuai ta a.
102:12 Aw LALPA, ang erawh chu kumkhuain i awm ang a; Nangmah hriat rengna pawh chhuan zawng zawng thlengin a awm bawk ang.
102:13 I tho vang a, Zion tlâng chu i khawngaih ang: Ani chu khawngaih a hun tawh si a, a ni, hun ruat chu a tlâng ta.
102:14 I chhiahhlawhte chuan a lungte chu an ngainain, A vaivut pawh an khawngaih si a.
102:15 Chutichuan hnam tinin LALPA hming chu an tih ang a, Leia lal zawng zawng chuan i ropuina chuan tih bawk ang.
102:16 LALPA chuan Zion khua chu a din leh ta si a, A ropuinaa intuamin alang ta a;
102:17 Pachhiate tawngtaina ch angaihsak a, An tawngtaina chu ahmusit lo.
102:18 Chu chu thangthar lo la awm tûr tan chuan ziak ani ang a: Hnam siama lo la awm tûr chuan LALPA chu an fak ang.
102:19 Ani chuan ahmun thianghlim sâng tak atangin a zuk en a; LALPA chuan van atang khian lei hi a hmu a;
102:20 Mi tang rum chu ngaithla tûr leh, Thi tûra ruatte chu phelh tûrin;
102:21 ,22 LALPA rawngbawl tûra Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nân.
102:22 ,21 LALPA rawngbawl tûra Mi tin, leh ram tin, an inkhawm huna, Miten LALPA hming chu Zion khuaa na hrilh theih a, A fakna thu chu Jerusalem khuaa an hrilh theih nân.
102:23 Ani chuan kawng lakah hian ka tha a tithum a; Ka dam chhng hi a titawi a.
102:24 "Aw ka Pathian, ka vanglai niahte hian mi la bo suh ang che," ka ti a: Nanga kumte chu chhuan awm chhûng zawng zawngin a awm ang.
102:25 Leilung nghahchhan chu hmasânga i phûm tawh ani a; Vante pawh i kut chhuak a ni.
102:26 Chungte chu a la boral ang a, nang erawh chu i awm reng ang: A ni, chung zawng zawngte chu silhfen angin a la hlui ang a; Puan angin i thlak ang a, a lo danglam tawh ang:
102:27 Nang erawh chu i pangngai fo va, I kumte chuan ral ni reng a nei lo vang.
102:28 I chhiahhlawhte fate chu an awm reng ang a, An thlahte chu i hmaah tihnghehin an awm ang.
103:1 Aw ka nuna, LALPA chu fak la; Ka kawchhûnga awm zawng zawngte u, a hming thianghlim chu fak rawh u.
103:2 Aw ka nunna, LALPA chu fak la, A thiltih that zawng zawng chu theihnghilh suh u.
103:3 Ani chuan i khawlohna zawng zawng a ngaidam thin a; I natna zawng zawng a tidam thin a;
103:4 Boralna lak ata i nun chu a tlan thin a; Ngilneihna leh lainatnate a khumtir thn chia;
103:5 I ka chu thil thain a titlai thin a; Chutichuan i tleirawlna chu mupui anga siam tharin a awm leh thin.
103:6 LALPA chuan, hnehchhiahna tuar zawng zawngte tan, Thil felte tihsakin, rote a relsak thin.
103:7 A kawngte chu Mosia a hriattir a, A thiltihte chu Israela thlahte a hriattir bawk a.
103:8 LALPA chu lainatnaa khat, mi khawngaih thei tak, Thinnel tak, ngilneihna ngah tak a ni.
103:9 Ani chuan a hau lo fo vang a; A thinur chu a pai kumkhua hek lo vang.
103:10 Kan sualnate angin kan chungah a ti lo va, Kan khawlohnate angin min thungrul hek lo.
103:11 Van khi lei chung sâng taka awm angin, Amah tihtute chunga a ngilneihna chu a nasa a ni.
103:12 Chhak leh thlang a inhlat ang hian, Kan bawhchhiatnate ch kan hnên ata a dah sanw ta diah a.
103:13 Pain a fate a khawngaih ang hian, LALPA chuan mah tihtue chu a khawngaih thin.
103:14 Kan taksa siam dan hi a hriat a, Vaivut mai kan ni tih a hriat reng avângin.
103:15 Mihring zawng, a dam chhûng nite chu hlobet ang a ni a; Phul pangpar ang hian a vul thin a.
103:16 Thliin a chhem a, a bo thin a ni; A awmna chuan a hre leh tawh lo vang.
103:17 LALPA ngilneihna erawh chu amah tihtute chungah chuan chatuan ata chatuan thlengin a awm ang a, A felna pawh an tuchhuan thlengin a awm ang;
103:18 A thuthlun zawm apiangte leh, A thuhrilhte awih tuma hre reng apiangte chungah chuan.
103:19 LALPA chuan alalthutphah chu vanahte khian a tinghet a; A ram chuan engkim chungah ro a rel a.
103:20 A vântirhkohte u, A thu ngaithlaa, a thu zawm thin,
103:21 LALPA chu fak rawh u: A sipaihote u, a duhzawng ti thin, a rawngbawltute u, LALPA chu fak rawh u.
103:22 A rorêlna hmun zawng zawnga a thiltih zawng zawngte u, LALPA chu fak rawh u: Aw ka nunna, LALPA chu fak rawh.
104:1 Aw ka nunna, LALPA chu fak rawh. Aw LALPA ka Pathian, nang chu i ropui êm êm a;
104:2 Chawimawina leh ropuinain i inthuam a. Nang chuan eng chu puan angin i inbel a; Vante khi puan in chung angin i kai pharh a:
104:3 Ani chuan a pindan chungnung kalkhangte chu tuiahte khian a khang a: Chhumte khi a tawlailirah a siam a; Thli thla chungahte chuan a leng a:
104:4 A vântirhkohte chu thliahte a chantir a; A rawngbawltute chu mei alh dur durah a chantir thin:
104:5 Leilung nghahchhante chu a phûm a, Kumkhuaa a nghin loh nân.
104:6 Nang chuan leilung hi tui thuk tak chu puan angin i sintir a; Tuite chu tlâng chungahte chuan a awm po va.
104:7 I zilhhauna avâng chuan a tlan bo va; I khawpui ri thawm avâng chuan a kal bo ta thuai a;
104:8 Tlângahte a chho va, kawrahte a chhuk a, A tan hmun i buatsaih lamah chuan.
104:9 A pelh loh tûrin ri i kham a; Lei chim pil tûra alet leh tawh lohna tûrin.
104:10 A ni chuan kawrahte chuan tuihnate a tir chhuak a; Tlâng karahte chuan a luang a:
104:11 Chungte chuan ram sa tinrengte in tûr a pe thin a; Ram sabengtungte chuan an tuihal an tireh thin.
104:12 A kamahte chuan chungleng savante awmna an nei thin a. Thing buk zingahte chuan an hram thin.
104:13 Ani chuan a pindan chungnung atangte khian tlângte chu tuiin a chawm thin a: Lei hi i thiltih rahtein a tlai thin
104:14 Hlobet chu rante tan a totir thin a, Thlai chu mihring hmanah a totir bawk thin; Lei atangin ei tûr a chhuahtir theih nân:
104:15 Mihring thinlung tihlawmna uain nên, A hmai tihmawmna tûr hriak nên, Mihring thinlung tihchakna chhâng nên.
104:16 LALPA thingte chu a tlai thin; Lebanon tlânga sidar thing a phunnate chu.
104:17 Chutah chuan savaten bu an chhep thin: Vacha erawh chu fâr thingte chu a in a ni.
104:18 Tlâng sângte chu sathar tan ani a; Luipuite chu sazupui tan inhumhimna a ni.
104:19 Ani chuan thla khi hunbi hriat nân a ruat a: Ni khian a tlâk hun chu a hre thin.
104:20 Nang chuan thim i siam a, zan a lo ni thin a; Chu mi hunah chuan ramhnuaia sa tinrengte chu an tla chuak thin.
104:21 Sakeibaknei vanglaite chuan an sa seh tûr chu hahum zuiin, Pathian hnên ata an ei tûr an zawng thin.
104:22 Ni a chhuak a, an kal bo va, An awmna puk theuhvahte chuan an mu thin a.
104:23 Mihring chu hna thawkin a chhuak a, Tlai lam thlengin a thawk rim thin.
104:24 Aw LALPA, i thiltihte chu a va tam êm! Finnain i siam vek a ni: Leilung hi i hausaknain a khat a nih hi.
104:25 Sawta saw tuifinriat a awm, nasa tak, zau tak mai chu, Saw mi-ah sawn thil bawkvaka kal chhiar sen loh a awm a, Sa te leh sa liante chu.
104:26 Sawta saw lawngpuite a kal saw; Sawtah sawn Liviathan a awm, a chhûnga inkhel tûra i siamna chu.
104:27 Chung zawng zawng chuan an nghâk theuh che a ni, A hun taka an chaw i pêk theih thinna tûrin.
104:28 Anmahni i pêk an chhar thin a; I kut i phar a, thatnain an tlai thin.
104:29 I hmai i thup a, an mangang thin a; An thaw chu i laksak a, an thi a,
104:30 An vaivutah chuan an kir leh thin. I thlarau chu i tir chhuak a, siamin an awm thin a; Lei chung pawh hi i siam thar leh thin.
104:31 LALPA ropuina chu kumkhuain awm sela; LALPA ch a thiltihahte chuan hlim rawh se:
104:32 Ani chuan lei hi a en a, a khur thin a; Tlangte chu a khawih a, a khu chhuak thin.
104:33 Ka dam chhûng zawngin LALPA chawimawiin hla ka sa ang a: Ka nun chhûng zawngin ka Pathian fakin ka zai ang.
104:34 Ka ngaihtuahna hi a tan thlum ak ni rawh se; Kei chu LALPA-ah chuan ka hlim ang.
104:35 Mi sualte chu lei atang hian tihboralin awm sela, Mi suaksualte chu awm tawh suh se. Aw ka nuna, LALPA chu fak rawh. LALPA chu fak rawh u.
105:1 Aw LALPA hnênah lawm thi hril ula, a hming lam rawh u; Mi tin, zingah chuan a thiltihte chu hriattir rawh u.
105:2 Amah chawimawiin hla sa ula, amah fakin zai rawh u; A thilmak tih zawng zawng thu chu titi rawh u.
105:3 A hming thianghlim chu chuang rawh u. LALPA zawngtute thinlung chi hlim rawh se.
105:4 LALPA leh a chakna chu zawng ula; A hmêl chu zawng fo rawh u.
105:5 ,6 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorêl chuakte chu.
105:6 ,5 Aw, a chhiahhlawh Abrahama thlahte u, Jakoba thlah, a thlante u, A thilmak tihte hre reng rawh u; A thilmakte leh a kaa a rorêl chuakte chu.
105:7 Ani chu LALPA kan Pathian chu a ni a: A rorêlte chu lei chung zawng zawngah hian a awm.
105:8 A thuthlun chu kumkhuain a hre thin a, Chhuan sângkhat thlenga a thu lo pêk chu;
105:9 Abrahama hnêna a thuthlun leh, Isaaka hnêna a chhechham chu;
105:10 Chu vek chu thuriat atân Jakoba hnênah a tinghet a, Israela hnêna kumkhaw thungthlung atân:
105:11 "Kanaan ram hi ka pe ang che, I ro chanpual tûr chu," tiin:
105:12 Mi tlêmte chauh an nih lai kha; A ni, tlemte mai, chu mi ramah chuan mikhual an ni nghal si a:
105:13 Hnam hrang hrang hnênah an kal lawr an kal lawr a. Ram hrang hang atangin mi hrang hrangte hnênah
105:14 Tuma hnehchhiah a phal lo va: A ni, anmahni avângin lalte pawh a zilhhau va;
105:15 "Ka hriak thihate chu tawk suh ula, Ka zâwlneite pawi rêng rêng pawh khawih suh u," tiin.
105:16 Chu mi rama tla tûrin tam a ko va; Ei tûr rêng rêng a awm lohtir ta a.
105:17 An hmaah mi a tir a; Josefa chu chhiahhlawh atân hralhin a awm a:
105:18 A kete chu kawlin a tina a; Thir khaidiat bunin a awm ta a:
105:19 A thu a thlen h ma loh chuan; LALPA thuin amah chu a fiah thin a.
105:20 Lalber chuan mi a tir a, a phelh a, A chuah ta a, mi tin, rorêltu ngei chuan.
105:21 A chhûngte chunga hotuah leh, A sum zawng zawng chunga rorêltuah a siam a:
105:22 A mi liante chu a duh duha phur tûr leh, A upaho tifing tûrin.
105:23 Israela pawh chu Aiguipta ramah a kal a; Jakoba chu Hama ramah chuan a awm ta rih a.
105:24 A mite chu nasa takin a tipung a, Anmahni dotute aiin a tichak ta zawk a.
105:25 A mite haw tûrin an thinlung a lamlettir a, A chhiahhlawhte chunga vervek taka ti tûrin.
105:26 A chhiahhlawh Mosia chu a tir a, A mi thlan Arona nên.
105:27 Anni chuan a chhinchhiahnate chu an zingah an entir a, Hama ramah chuan thilmakte an entir a.
105:28 Ani chuan thim a tir a, a tithim ta a; Tichuan a thute chu an hnial ta lo va.
105:29 An tuite chu thisenah a chantir a, An sânghate chu a tihlum ta a.
105:30 An ram chu chunguin a khat ta a, An lalte pindanah lam pawh.
105:31 Ani chuan thu a sawi a, tichuan tho tam tak a lo kal a, Hrik pawh an ram chhûng zawng zawngah a lo kal bawk a.
105:32 An hnênah ruah aiah rial a pe a, An ramah chuan mei alh zawk zawk a pe ta bawk a.
105:33 An grêp hruite leh an theipui kungte a tithi a; An rama thingte chu a titliak ta bawk a.
105:34 Ani chuan thu a sawi a, tichuan khaukhuapte an lo kal a, Pangangte nên, chhiar sen rual loh mai hian.
105:35 Chunge chuan an rama thlai tinrenget chu an ei zova, An lei rahte pawh an ei zo ta bawk a.
105:36 An rama fa tir awm zawng zawng a tihlum a, An chakna zawng zawng rah hmasa berte chu.
105:37 Tichuan, tangka leh rangkachak nên a hruai chhuak ta a: Anma hnamte zingah chuan mi chak lo pakhat mah an awm lo.
105:38 An chhuah lai chuan Aigupta-ho chu an lawm a: Anni chu an lo hlauh tak avângin.
105:39 Ani chuan hliahtu atân chhum a zamtir a, Zana en tûrin mei a pe bawk a.
105:40 An dil a, tichuan vahmim a rawn hruai a, Van chawin anmahni a titlai ta a.
105:41 Lungpui chu a hawng a, tichuan tui a lo chhuak dur dur a, Hmun rovahte chuan lui ang mai hian a luang ta a.
105:42 A thu thianghlim kha a hre reng si a, A chhiahhlawh Abrahama nên khan.
105:43 Tichuan, a mite chu hlim takin a hruai chhuak ta a, A mi thlante chu hla sa chung zelin.
105:44 Tin, hnam tin ramte chu a pêksak a; Anni chuan mi tin, thawh chhuak sa chu an luah ta a;
105:45 A thuruatte chu an zawm theih a, A dante chu an vawn that theih nân. LALPA chu fak rawh u.
106:1 LALPA chu fak rawh u. Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a.
106:2 Tunge LALPA thiltih ropui takte chu sawi thei a, A fakna zawng zawng hriattir vek thei le?
106:3 rorêlna vawng thate chu an eng a thawl e, Englai pawha fel taka titu nên.
106:4 Aw LALPA, i mite i duhsaknain mi hre reng la, Aw, i chhandamna nên mi kan ang che:
106:5 I mi thlante nihlawhna ka hmuh theih a, I rochanho nena ka chhuan theih nân.
106:6 Min thlahtute nên khan thil kan tisual a, Thil sual kan ti a, sual takin kan ti ta a.
106:7 Min thlahtute khan Aigupta rama i thilmak tihte kha an hre thiam lo va; I ngilneihna nasa tak kha an hre reng ta lo va: Tuifinriatah an hel ta zawk a, Tuifinriat Senah khan.
106:8 Chuti chung pawhin ama hming avângin anni chu a chhandam ta a, A thiltihtheihna ropui tak chu a hriattir theihna tûrin.
106:9 Tuifinriat Sen chu a zilhhau va, tichuan a kang ta a: Chutichuan anni chu thlalêrah hruai tlâng ang maiin tui thuk takahte chuan a hruai tlâng ta a.
106:10 Anmahni hawtu kut ata chu a chhandam a, Hmêlma kut ata chu a tlan ta a.
106:11 Tuite chuan anmahni dotute chu a khuh zo va, Pakhat mah dama chhuak an awm ta lo va.
106:12 Chu mi lai chuan a thute chu an ring a; A fakna hla an sa a.
106:13 Nimahsela a thiltihte ch an theihnghilh ta thuai a; A remruat chu an nghak peih lo va:
106:14 Thlalêrah chuan thil an chak êm êm a, Ram rovah chuan Pathian an fiah ta zawk a.
106:15 An thil dil chu a pe a; Nimahsela an nunnaah chan cherna aluhtir ta a.
106:16 An riahhmunah chuan Mosia chu an itsik a, LALPA mi thianghlim Arona nên.
106:17 Lei chu a ang a, Dathana chu a lem a, Abirama pawlte chu a khuh zo ta a.
106:18 An pâwl zingah chuan mei tihalhin a lo awm a; Meialh chuan mi suaksualte chu a kang ral ta.
106:19 Horeb tlângah chuan bawng no lem an sima a, A lem chhun chu an be ta a.
106:20 Chutiang chuan an ropuina chu Bâwngpa hlobet ei mi ang lekah an chantir ta a.
106:21 Pathian an chhandamtu an theihnghilh ta a, Aiguta rama thil ropui tak tak
106:22 (Hana ramah thilmak takte, Tuifinriat Sen kamah thil rapthlâk takte) titu chu.
106:23 Chuvangin, a tiboral dah ang e, ti-a, a thinrim tikir tûrin, A mi thlan Mosia ch aluhna tûrah chuan a hmaah ding lo phei sela chuan, A tiboral ang tih a sawi a.
106:24 A ni, ram duhawm tak chu an ngainep a, A thu chu an ring duh lo va;
106:25 An puan inahte chuan an phunnawi ta zawk a, LALPA aw chu an ngaithla duh lo va.
106:26 Chuvangin an lamah chuan a kut a phar a, Anniho chu thlaleraa tihtlukna tûr leh,
106:27 An chi thlah tûrte chu hnam tin zinga a tihtluk a, Ram tina a tihdarhna tûrin.
106:28 Baal-peora lamah chuan an bet a, Mitthi hnêna thilhlante chu an ei ve ta a. Tichuan hri chu an chungah alo leng ta a.
106:29 Chutiang chuan an thiltihtein ani chu an tithinur a, Tichuan hri chu an chungah a lo leng ta a.
106:30 Chu mi lai chuan Phinehasa chu a ding a, ro a rel a: Tichuan hri chu tihrehin a awm ta a.
106:31 Chu chu a felnaa ruat a ni, Kumkhuain chhuan zawng zawng thlengin.
106:32 Meriba tuiahte pawh chuan ani chu an tithinur a, Chutichuan anmahni avângin Mosia chungah thil tha lo a thleng ta hial a:
106:33 A thlarau chunga an hel a, A hmuia tha lo taka a sawi avângin.
106:34 LALPAN an hnêna tihboral thu a pêk angin Mipuihote ch an tiboral lo va.
106:35 Hnam tin chu an pawlh a, An thiltihte chu an zir zawk a.
106:36 An milem rawngte an bawl a; Chung chu an tant hang a lo ni ta a.
106:37 A ni, ramhuai hnênahte chan an fapate an fanutein an inthawi a,
106:38 Thisen sawiselbo, an fapate leh an fanute thisen ngei chu an chuah ta a. Chungho chu Kanaan ram milemte hnênah an inthawi a; Chu mi ram chu thisenin a lo bawlhhlawh ta a.
106:39 Chutiang chuan an hnathawhtea tihbawrhbanin an awm a, An thiltihahte chuan an lo uire ta a.
106:40 Chuvangin LALPA thin chu a mite chungah a thawk a, A rochan chu a ten ta a.
106:41 Tichuan anni chu hnam tin kutah a pe a; Anmahni hawtute chuan an chungah ro an rel ta a.
106:42 Anmahni dotuten an hnehchhiah a, An kut hnuaiah chuan tihtlâwmin an awm ta a.
106:43 Vawi tam tak anni chu a chhanhim a; Nimahsela a remruatnaah chuan an hel thin a, An khawlohnaah chuan tihhniamin an awm ta a.
106:44 Chuti chung pawhin ani chuan, an au thawm a hriat chuan, An mangang chu a ngaihsak a:
106:45 A thuthlun chu anmahni a hriatsak reng a, A ngilneihna nasat avângin a rilru a lamlet ta a.
106:46 Sala hruaitu zawng zawngte chu Anmahni a khawngaihtir a.
106:47 Aw LALPA kan Pathian, min chhandam la, Hnam tin zing ata min hruai khâwm ang che, I hming thianghlim chu fak tûr leh I fakna chhuang tûrin.
106:48 LALPA, Israel-ho Pathian chu, fakin awm rawh se, Chatuan ata chatuan thleng pawhin. Mi zawng zawng chuan, "Amen," ti rawh se. LALPA chu fak rawh u.
107:1 Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a.
107:2 LALPA mi tlante chuan chutiang chu sawi rawh se, Dotu kut ata a tlan,
107:3 Ram tin, ata a hruai khâwm, Chhak leh thlang, chhim leh hmâr atate chuan.
107:4 Thlalêra ram ro kawngah chuan an vâk an vâk a; Mihring awmna khua rêng rêng an hmu lo va.
107:5 Riltam leh tuihalin An nunna hchu an kawchhûngah a chau ta a.
107:6 Chu veleh an buainaah chuan LALPA chu an au va, Ani chuan an manganna atate chu a chhanhim a.
107:7 Mihring awmna khuaa na kal theih nân Kawng ngil takah a hruai ta a.
107:8 Aw, mihringte hian LALPA chu a ngilneihna avâng leh, Mihring fate chunga a thilmak tihte avâng hian fak teh sela aw!
107:9 Ani chuan nuna thil chak êm êm chu a titlain, Nunna riltam chu thatnain a tipuar si thin a.
107:10 Thim hnuaiah leh thihna hlima thua, Hrehawmna leh thira phuarte chu;
107:11 Pathian thu chungahte an hel a, Chungnungbera remruat chu an ngaihnepa vnagin:
107:12 Ani chuan an thinlung chu thawhrimnain ahmin ta a; An tlu a, tanpuitu tûr rêng rêng an awm si lo va,
107:13 Chu veleh an buainaah chuan LALPA chu an au va, Ani chuan an manganna atate chu a chhandam a.
107:14 Thim hnuai ata leh thihna hli ata chu a hruai chhuak a, An phuarnate chu a tichat ta a.
107:15 Aw, mihringte hian LALPA chu a ngilneihna avâng leh, Mihring fate chunga a thilmak tihte avâng hian fak teh sela aw!
107:16 Ani chuan dar kawngkhârte chu a tichhia a, A kalhna thir tlawnte chu a tibung ta si a.
107:17 Mi âte chu an bawhchhiatna avâng leh, An khawlohnate avângin an intihreawm thin a.
107:18 An nunna chuan ei tûr tinreng hi a ten a; Thihna kulh kawngkhârte chu an hnaih thin a.
107:19 Chu veleh an buainaah chuan LALPA chu an au va, Ani chuan an manganna atate chu a chhandam thin.
107:20 A thu chu a tir chhuak a, anni chu a tidam thin a, An boralna tûr atate chu a chhandam thin.
107:21 Aw, mihringte hian LALPA chu a ngilneihna avâng leh, Mihring fate chunga a t hilmak tihte avâng hian fak teh sela aw!
107:22 Anni chu lawm thu sawi inthawinate chu hlan sela, A thiltihte chu hla sain hril rawh se.
107:23 Tuifinriatah lawng liana zuk kal a, Tui zau tak chungte hnathawk thinte chuan;
107:24 Chungte chuan LALPA thiltihte leh, Tui thuk taka a thilmak tihte chu an hmu thin.
107:25 Ani chuan thu a pe a, thlipui a tlehtir a, Chu chuan a tuifawnte ch a tisâng thin.
107:26 Vanah an chho tual tual a, thuk takah an chhuk leh tual tual thin a: Manganna avângin an nunna chu a tuiral thin.
107:27 Zu rui angin an thle an thle a, an pei thlawk thlawk a, Awm ngaihna rêng rêng an hre thin lo.
107:28 Chu veleh an buainaah chuan LALPA chu an au va, Ani chuan an manganna atate chu a hruai chhuak thin.
107:29 Thlipui chu a tibang thuap a, Chutichuan a tuifawnte a reh thup thin.
107:30 Tin, a reh tak avângin an lawm thin a; Ani chuan an ngaih tak thli upah chuan a hruai thleng thin.
107:31 Aw, mihringte hian LALPA chu a ngilneihna avâng leh, Mihirng fate chunga a t hilmak tihte avâng hian fak teh sela aw;
107:32 Anni chuan mite inkhawmnaah amah chu fak sela, Upaho thutnaah chuan fak rawh se.
107:33 Ani chuan luipuite chu thlalêrah a chantir thin a, Tuihnate chu lei rovah a chantir bawk thin.
107:34 Ram tha chu ram ro alah a chantir thin, A chhûnga awmho suahsual avangin.
107:35 Thlalêr chu dilah a chantir thin a, Ram ro chu tuihnaahte a chantir bawk thin.
107:36 Chutah chuan riltamte chu a awmtir thin, Awmna tûr khua an buatsaih a,
107:37 Lote an neih a, grêp huante an siam a, A rah lo pungte chu an hmuh theihna tûrin.
107:38 Anni chu mal a samw thin a, chutichuan nasa taka tihpunin an awm a; An rante chu a hmuh a phal thin lo va.
107:39 Tin, hnehchhiahna te, hrehawmna te lungngaihna te avângin, An hmuih ta telh telh a, an kun ta tlawk tlawk thung a.
107:40 Ani chuan mi liante chungah hmusitna a leihbaw thin a, Thlalêr, kawng rêng rêng awm lohnaah chuan a vah a vahtir a.
107:41 Nimahsela retheite chu hrehawmna atangin hmun sângah a hlang thin a, Ran rual angin chhûngte a siamsak thin.
107:42 Mi dik takte chuan chu chu an hmu ang a, an lawm ang; Khawlohna zawng zawng chuan a ka a hup ang.
107:43 Tupawh fing apiangin chungte chu an vawng tha ang a, LALPA ngilneihnate an ngaihtuah ang.
108:1 Aw Pathian, ka thinlung hi a nghet a ni; Hla ka sa ang, a ni, fakna hla ka sa ang, ka ropuina ngeiin.
108:2 Perhkhuang leh tingtangte u, harh rawh u: Kei chu zing takah ka harh ang.
108:3 Aw LALPA, mi tin, zingahte lawm thu ka hrilh ang che: Hnam tin zingah nangmah fakin ka zai ang.
108:4 I ngilneihna chu van khum khawpin a nasa si a, I thutak chuan van dumte khi a tawng hial bawk a.
108:5 Aw Pathian, nang chu van khum daih khian chawimawiin lo awm ang che: I ropuina chu leilung zawng zawng chungah hian chawimawiin awm bawk rawh se.
108:6 I duh takte hi chhanhima an awm theih nân, I kut ding lamin chhandam la, min chhâng ang che.
108:7 Pathianin a thianghlimnaah chuan heti hian a sawi a, "Ka hlim ang a: Sekem khua chu ka sem ang a, Sukoth ruam chu ka sem darh bawk ang.
108:8 Gilead ram chu ka ta a ni a; Manase ram ka ta ani a; Ephraim ram pawh chu ka lu humhimna a ni a; Juda ram chu ka laltiang a ni.
108:9 Moab ram chu ka insilna bel a ni a; Edom rmaah chuan ka pheikhawk ka paih ang a: Philistia ram chu ka au khum ang.
108:10 Khawpui kulh neiah chuan tuin nge mi hruai lut ang? Edom ramah chuan tuin nge mi hruai ang?
108:11 Aw Pathian, nangin min thlauthla a ni lâwm ni? Aw Pathian, kan sipaihote hnênah lah i chhuak ve ta si lo.
108:12 Dotute bei tûrin min tanpui ang che: Mihring tanpuina chu engmah lo mai mai a ni si a.
108:13 Pathian zarah huai takin kan ti ang: Ani chu min dotute rap bettu tûr a ni si a.
109:1 Aw, ka fak Pathian, ngawi reng suh ang che;
109:2 Mi suaksual ka leh ka bumhmang chu ka chungah an ang si a: Anni chuan lei dawtheiin ka hnênah thu an sawi a.
109:3 Huatna thuin mi hual vêl a, Enga khawlawi lovin mi do va.
109:4 Ka hmangaih avângin mi dotute an lo ni ta a: Nimahsela kei chu tawngtai tûrin ka inpe tlat a.
109:5 Anni chuan thil tha hchu thil sualin mi rul a, Ka hmangaihna chu huatnain mi rul bawk a.
109:6 Nangin a chungah mi sual dah la: A ding lamah hektu ding rawh se.
109:7 rorêlsaka a awm hunin thiam loh changin chhuak sela; A tawngtaina chu sualnaah lo chang rawh se.
109:8 A dam chhûng nite chu tlem sela; A hotu nihna chu mi dangin chang rawh se.
109:9 A fate chu pa lovin awm sela, A nupui chu hmeithaiin awm bawk rawh se.
109:10 A fate ch mi vakvai lo niin, kut dawh sela; An ei tûr chu an hmun ramahte chuan zawng rawh se.
109:11 A pung uma tangka puktirtu chuan a neih zawng zawng chu laksak vek sela; Mikhualte chuan a thawhrim rah chu rawk rawh se.
109:12 A chunga ngilneihna lantir zeltu tûr tumah awm suh sela; A fa, pa nei lo te khawngaihtu tûr tumah awm hek suh se.
109:13 A thlahte chu tihboralin awm sela; Thangthar lo la awm lehah chuan an hming chu thai bovin awm rawh se.
109:14 A thlahtute khawlohna chu LALPA hnênah hriat rengin awm sela; A nu sualna chu thai bovin awm suh se.
109:15 Chungte chu LALPA hmaah awm fo rawh se. Ani chuan anmahni hriat rengna chu lei ata a tihboral theih nân.
109:16 Ngilneihna lantir nachang a hriat loh va, Mirethei pachhia leh lungchhiate chu Tihhlum tuma a tihduhdah zawk avângin.
109:17 A ni, mi ânchhe lawh hi a duhzawng ani a, tichuan ama chungah alo thleng a; Mi malsawm hi alawmzawng a ni lo va, tichuan amah hlat daihah a awm a.
109:18 Kawrfuala inthuam angin ânchhe lawhnain a inthuam a, Chu chu a kawchhûngahte chuan tui angin a lut a, A ruhahte chuan hriak angin a lût bawk a.
109:19 Chu chu a tan a inbel thinna silhfen angin awm sela, A inhren fona kawnghren ni bawk rawh se.
109:20 Chung chu mi dotute leh ka nunna sawichhetute LALPAN a thungrulhna a ni.
109:21 Nimahsela, aw PATHIAN, Lalpa, nangin i hming avângin mi tihpui la, I ngilneihna a that avângn mi chhanhim ang che,
109:22 Rethei leh pachhe tak ka ni a, Ka thinlung hi ka kawchhûngah hliamin a awm bawk si.
109:23 Hlim ral lam tung tawh ang hian ka ral a: Khaukhuap ang hian len bovin ka awm a.
109:24 Ka khupte hi chaw nghei avângin a chak ta lo va; Ka tisa hian thau reng a pu ta lo.
109:25 Anmahni sawichhiat ka lo ni ta a: Mi hmuh veleh an lu an thing thin.
109:26 Aw LALPA, ka Pathian, mi tanpui la; Aw i ngilneihna avângin mi chhandam ang che:
109:27 Chu chu i kut ani tih an hriat theih a, LALPA, nangin i tih a ni tih an hriat theihna tûrin.
109:28 Annin ânchhia lawh rawh se, nang erawh chuan malsawm zawk ang che: An thawh veleh an mualpho vang a, I chhiahhlawh erawh chu a hlim ang.
109:29 Mi dotute chu zahna puan sintirin awm sela, Kawr intuam angin anmahni mualphonain intuam rawh se.
109:30 Ka ka hian LALPA hnênah lawm thu nasa tak ka sawi ang: A ni, mipui zingah amah chu ka fak ang.
109:31 Ani chu pachhe ding lamah a ding ang, A nunna rorêlsaktute lak chhandam tûrin.
110:1 LALPA thu chhuak chuan, ka lalpa hnênah, "I hmêlmate i ke nghahchhana ka siam hma loh zawng Ka ding lamah thu rawh," a ti a.
110:2 LALPA chuan i chakna tiang chu Zion tlâng atangin a tir chhuak ang: Nangin nangmah dotute zingah ro rel rawh.
110:3 I mite chu i thiltihtheihna niah chuan mahni duh thuin an inpe thin: Thianghlim mawinaah, zing pum chhûng atangin, I tleirawl daifim chu i nei a.
110:4 LALPAN chhia a hcham a, a lamlet tawh lo vang, "Nang zawng Melkisedeka awm dang anga Chatuan Puithiam i ni e," tiin.
110:5 LALPA, i ding lama awm chuan A thinur niah chuan lalte a sat chhum rem rum ang.
110:6 Hnam tin, zingah ro a rel ang a, Hmunte ch ruangin a tikhat ang a, Ram tam takah chuan lu chu a sat phel rem rum ang.
110:7 Kawng laka luitea mi a in ang a: Chuvang chuan a lu ch a hchaiw sâng ang.
111:1 LALPA chu fak rawh u. Mi dik takte inrawn khawmnaah leh inkhawmnaah chuan Ka thinlung zawng zawngin LALPA hnênah lawm thu ka hrilh ang.
111:2 LALPA thiltihte chu a ropui a, A chnga lawm apiangten zawn chhuah a ni thin.
111:3 A hnathawh chu a zahawmin a ropui a ni; A felna chu kumkhua aawm tûr a ni a.
111:4 Ani chan a thilmak tihte chu a hriat rengtir a: LALPA ch mi khawngaih thei tak, lainatnaa khat a ni.
111:5 Amah tihtute chu ei tûr a pe a: A thuthlun chu kumkhuain a hre reng ang.
111:6 A thiltihte thiltihtheihzia ch amite hnênah alantir a, Hnam tin rochan chu anmahni pein
111:7 A kut thiltithe chu thutak leh rorêlna fel ani a; A thununna thu zawng zawngte ch a rinawm a ni.
111:8 Chung chu kumkhaw tlaitluan atân tihnghehin a awm a, Thutak leh dik taka tih a ni hlawm a.
111:9 Ani chuan amite hnênah tlanna a rawn tir a; A thuthlun chu kumkhua atân a ruat a: A hming chu a thianghlimin a zahawm a a ni.
111:10 LALPA tihna chu finna bul a ni a; Chutianga ti apiangte chuan hriat thiamna tha an nei a: Amah fakna chu kumkhuaa awm tûr a ni.
112:1 LALPA chu fak rawh u, LALPA tih mi ch a eng a thawl e, A thupêkahte nasa taka lawm mi chu.
112:2 A thlahte chu leiah hian chak takin an awm ang a; Mi dik takte chhuan chu malsawmin an awm ang.
112:3 A inah chuan sum leh hausakna a awm a; A felna chu kumkhuaa awm tûr a ni.
112:4 Mi dik tan chuan thimah chuan eng alo chhuak thin a: Ani chu mi khawngaih thei tak, lainatnaa khat, fel ta a ni.
112:5 Mi khawngaiha puktir thin mi ch thatin a vur thin a; Ani chu fel takin a khawsa ang.
112:6 Engtikah mah a nghing dawn si lo va; Mi fel chu kumkhuaa hriat rengin a awm ang.
112:7 Chanchin tha lo takte a hlau lo vang: LALPA ringin a thinlung chu a nghet a ni.
112:8 A thinlung chu anghet a, a hlau lo vang. Amah dotute chunga a thu duhsam thleng chu a hmuh hma loh zawng.
112:9 A sem darh a, pachhiate a pe a; A felna chu kumkhuaa awm tûr a ni: A ki chu chawimawinaa chawimawiin a awm ang.
112:10 Mi suaksual chuan chu chu a hmu ang a, a thinur ang a; A ha a thial ang a, a tuiral ang: Mi suaksualte duhzawng chu a boral ang.
113:1 LALPA chu fak rawh u. Aw LALPA chhiahhlawhte u, fak ula, LALPA hming chu fak rawh u.
113:2 LALPA hming chu fakin awm rawh se. Tun atanga, kumkhuain.
113:3 Ni chhuahna atanga a tlakna thlengin LALPA hming chu fak tûr a ni.
113:4 LALPA chu hnam tinrengte chungah chuan chungnung daih a ni a, A ropuina chuan vante khi a khum daih a ni.
113:5 ,6 LALPA kan Pathian, Chung lama thutphah neia, Vana thil awmte leh leia thil awmnte en tûra Intihnuai thina ang hi, tunge awm?
113:6 ,5 LALPA kan Pathian, Chung lama thutphah neia, Vana thil awmte leh leia thil awmnte en tûra Intihnuai thina ang hi, tunge awm?
113:7 Ani chuan rethei chu vaivut ata a kai tho thin a, Pachhia chu ekdur ata a chawi kang thin;
113:8 Mi liante hnêna a awmtir theihna tûrin, A mite zinga mi liante hnên ngeiah chuan.
113:9 Ani chan hmeichhe ching chu in lo a vawntir a, Fanau nei nu hlim takah a siam thin. LALPA chu fak rawh u.
114:1 Israel-ho chu Aigupta ram ata a chhuak a, Jakob-a chhûngte ngei chu awze mi szing ata an chhuah lai khan,
114:2 Juda-ho chu hmun thianghlim an lo ni ta a, Israel-ho ch a rorêlna ram an lo ni ta bawk a.
114:3 Tuifinriat chuan chu chu a hmu a, a tlan bo va; Jordan lui chu tihkirin a awm ta a.
114:4 Tlâng liante chu berâm chalte angin an tualchai a, Tlâng te te ch berâmpa tirte angin.
114:5 Aw nang tuifinriat, eng i ti nge ni, i tlan bo tak ni? Nang Jordan, eng i ti nge ni, i kir leh tak ni?
114:6 Nangni tlâng liante u, eng in ti nge ni, berâm chalte anga i ntualchai tak ni? Nangni tlâng tete u, eng in ti nge ni, berâmpa tir anga in tualchai tak ni?
114:7 Nang leilung, LALPA hmaah khur rawh, Jakob-ho Pathian hmaah chuan;
114:8 Ani chuan lungpui chu dilah a chantir a, Meilung tuihnaah a chantir bawk a.
115:1 Aw LALPA, keini min pe lovin, keimahni min pe lovin, I hming chu ropuina pe zawk ang che, I ngilneihna leh i thutak avângin.
115:2 Engati nge hnam tinin, "Khawiah nge an Pathian kha le?" an tih ni?
115:3 Kan Pathian chu vanah a awm si a: A duh apiang a ti a ni.
115:4 An milemte chu tangka leh rangkachak an ni a, Mihring kut chhuak an ni.
115:5 Kate an nei a, ant awng thei si lo va; Mitte an nei a, an hmu thei si lo va;
115:6 Bengte an nei a, an hre thei si lo va; Hnarte an nei a, rim an hre thei si lo va;
115:7 Kutte an nei a, engmah an khawih thei si lo va; Kete an nei a, an kal thei si lo va; An hrawkin an tawng thei hek lo.
115:8 Chung siamtute chu chungte ang chuan an awm ang; A ni, chung ringtu apiangte chu.
115:9 Aw Israel-hote u, LALPA chu ring rawh u; Ani chu anmahni tanpuitu leh an phaw a ni.
115:10 Aw Arona chhûngte u, LALPA chu ring rawh u: Ani chu anmahni tanpuitu leh an phaw a ni.
115:11 LALPA tihtute u, LALPA chu ring rawh u: Ani chu anmahni tanpuitu leh an phaw a ni.
115:12 LALPA chuan min hre reng a; mal min sawm ang: Israela chhûngte ch mal a sawm ang a; Arona chhûngte chu mal a sawm ang.
115:13 LALPA tihtute chu mal a sawm ang, A lian a tein.
115:14 LALPA chuan tipung deuh deuh che u rawh se, Nangmahni leh in fate nên.
115:15 LALPA malsawm dawngtu in ni. Ani chu lei leh van siamtu a ni.
115:16 Vante khi LALPA vante an ni a; Leilung erawh hi chu mihring fate a pe a ni.
115:17 Mitthite chuan LALPA chu an fak lo va, Hmun reh taka chhukte rêng rêng chuan an fak hek lo;
115:18 Keini erawh chuan LALPA chu kan fak tawh ang. Tun atanga, kumkhuain. LALPA chu fak rawh u.
116:1 LALPA chu ka hmangaih a ni, ka aw leh Khawngaih ka dilnate chu a ngaithlak avângin.
116:2 Ka lama a beng a rawn dawh avângin Ka dam chhûng zawngin amah chu ka ko vang.
116:3 Thihna hruihrualte chuan mi zem a, Seol natnate chuan mi man a: Manganna leh lungngaihna ka lo tawk a.
116:4 Chu veleh chuan LALPA hming chu ka lam a; "Aw LALPA, khawngaih takin ka nunna hi chhanhim ang che," tiin.
116:5 LALPA chu mi khawngaih thei tak leh fel tak ani a; A ni, kan Pathian chu mi lainat thei tak a ni.
116:6 LALPA chuan mi mawlte chu a humhim thin a: Tihhniamin ka awm a, ani chuan mi chhandam ta a.
116:7 Aw ka nunna, i chawlhnaah chuan kir leh rawh; LALPA chuan i chungah tha takin a ti ta si a.
116:8 Ka nunna hi thihna lakah, Ka mitte hi mittui lakah,
116:9 Ka kete hi tlukna lakah i chhanhim si a. Mi nung ramah hian LALPA hmaah ka leng ang.
116:10 Ka ring a, thu ka sawi dawn anih hi: Nasa taka tihhreawmin ka awm kha. Ka hamhaihin, "Mi zawng zawng dawt an ni," ka lo ti ta mai a.
116:12 Ka chunga a thiltih that zawng zawng avâng hian LALPA chu eng nge ka pêk ve thung ang?
116:13 Chhandamna no ka la ang a, LALPA hming chu ka lam ang.
116:14 Ka thutiamte chu LALPA lakah ka hlen ang, A ni, amite zawng zawng hmaah chuan.
116:15 A mi thianghlimte thihna chu LALPA ngaih chuan hlu tak a ni.
116:16 Aw LALPA, i chhiahhlawh ka ni takzet mai: I chhiahhlawh, i bawihnu fapa chu ka ni a; Mi phuarnate chu ka phelh ta a.
116:17 Lawmthu sawi inthawinate chu ka hlan ang chia, LALPA hming chu ka lam ang.
116:18 Ka thutiam chu LALPA lakah ka hlen ang. A ni, a mite zawng zawng hmaah chuan;
116:19 LALPA biak in hung chhûng kawtlaiah, Aw Jerusalem, i lai takah ka hlen ang. LALPA chu fak rawh u.
117:1 Aw hnam tinrengte u, LALPA chu fak ula; Mi tinrengte u, amah chu fak rawh u.
117:2 A ngilneihna chu kan chungah a nasain, LALPA thutak chu kumkhuain a awm dawn si a. LALPA chu fak rawh u.
118:1 Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a.
118:2 A ngilneihna chu kumkhuain a awm ang tih, Israel-hote chuan sawi rawh se.
118:3 A ngilneihna chu kumkhuain a awm ang tih, Aron chhûngte chuan sawi rawh se.
118:4 A ngilneihna chu kumkhuain a awm ang tih, LALPA tihtute chuan sawi rawh se.
118:5 Ka manganna atangin LALPA chu ka ki va: LALPA chuan mi chhâng a, hmun thlawl takah mi rawmtir ta a.
118:6 LALPA chu ka lama tang a ni; ka hlau lo vang: Mihringin eng nge mi tih theih ang?
118:7 LALPA chu ka lama tang, mi tanpuitute zinga mi a ni: Chuvangin mi hawtute chungah ka thu duhsam chu ka hmu ang.
118:8 Mihring rin ai chuan LALPA-a rinna nghah hi a tha zawk a ni.
118:9 Mi liante rin ai chuan LALPA-a rinna nghah hi a tha zawk a ni.
118:10 Hnam tinrengin mi hual vêl a: Anni chu LALPA hmingin ka tiboral ang.
118:11 Anni chuan mi hual vêl a; a ni, mi hual vêl a: Anni chu LALPA hmingin ka tiboral ang.
118:12 Khuaite angin mi hual vêl a; hling alh angin tihmihin an awm: Anni chu LALPA hmingin ka tiboral ang.
118:13 Ka tlukna tûrin mi chhun vâk i tum zuau zuau a: Nimahsela LALPA chua nmi tanpui ta hlauh va.
118:14 LALPA chu ka chakna leh ka hla a ni: Mi chhandamtu a lo ni ta bawk a.
118:15 Lawmna leh chhandamna thawm chu mi felte puan inah a awm thin a:
118:16 LALPA kut ding lam chu chawimawiin a awm thin a: LALPA kut ding lam chuan huai takin a ti thin.
118:17 Ka thi lo vang, ka dam ang a, LALPA thiltihte chu ka hrattir zawk ang
118:18 LALPA chuan nasa takin mi thunun a: Thihna hnênah erawh chuan mi pe êm lo.
118:19 Felna kulh kawngkhârte hi mi hawnsak rawh u: Hengah hian ka lût ang a, LALPA hnênah lawm thu ka hril ang.
118:20 Hei hi LALPA kawngkhâr a ni; Mi felte chu an lût ang.
118:21 I hnênah lawm thu ka sawi nag, nangin mi chhângin, Mi chhandamtu i lo ni ta si a.
118:22 In satute lung duh loh kha A kila lung tangkai ber alo ni ta.
118:23 Chu chu LALPA tih a ni a; Kan mithmuhah a mak a ni.
118:24 Hei hi LALPA ni ruat chu ani a; He mi-ah hian kan hlimin kan lawm ang.
118:25 Aw LALPA, khawngaih takin chhandam la: Aw LALPA, khawngaih takin vanneihna rawn tir ang a.
118:26 LALPA hminga lo kal chu a eng a thawl e: LALPA in atang hian mal kan sawm che u a ni.
118:27 LALPA chu Pathian a ni, ani chuan eng min ep a: Inthawina tûr ch hruihrualin thlung rawh u; maichâm ki ngeiahte chuan.
118:28 Nang chu ka Pathian i ni a, lawmthu ka hrilh ang chia: Ka Pathian i ni a, ka chawimawi ang che.
118:29 Aw, LALPA hnênah lawm thu hrilh rawh u; ani chu a tha si a: A ngilneihna pawh kumkhuain a awm dawn si a.
119:1 Kawnga mi tha famkimte chu an eng a thawl e, LALPA dan zawhtute chu.
119:2 A thuhriattirte zawmtute chu an eng a thawl e, Thinlung zawng zawnga zawngtute chu.
119:3 A ni, anni chu fel lohna rêng rêng an ti lo va; A kawngahte chuan an kal thin.
119:4 Nangin i thununna thute chu thupêkin min pe a, Thahnemngai taka kan zawm theihna tûrin.
119:5 Aw, i thuruatte chu zawm tûrin Ka awm dante hi tihnghehin awm teh sela aw!
119:6 Chu mi hunah chuan ka mualpho lo vang, I thupêkte zawng zawng ka pawisak hunah chuan.
119:7 Thinlung dik tak puin lawm thu ka hrilh ang che, I rorêlna felte chu ka zir hunah chuan.
119:8 I thuruat chu ka zawm ang e. Aw mi kalsan hlen suh ang che.
119:9 Tleirawlin engtin nge a awm dan a tihthianghlim ang? I thu ang zela a awm dan veng thain.
119:10 Ka thinlung zawng zawng hian ka zawng chia: Aw, i thupêkte ka kal bosan chu phal lul suh ang che.
119:11 I chunga thil ka tihsual loh nân I thu chu ka thinlungah ka khawl khâwm a.
119:12 Aw LALPA, i eng a thawl e; I thuruatte chu mi zirtir ang che.
119:13 I kaa i rorêl chhuak zawng zawngte chu Ka hmuiin ka hriattr ta.
119:14 I thuhriattir kawngah chuan ka hlim a, Hausakna zawng zawnga ka hlim ang maiin.
119:15 I thununna thute chu ka ngaihtuah ang a, I kawngte chu ka ngaihsak bawk ang.
119:16 I thuruat chungahte chuan ka lawm ang a: I thu chu ka theihnghlh lo vang.
119:17 Ka nun theihna tûrin i chhiahhlawh chungah hian tha takin ti ang che; Chutichuan i thu ka zawm ang.
119:18 I dan thu atanga thilmak ka hmuh theih nân, Ka mitte hi mi tihvarsak ang che.
119:19 Leiah hian mikhual ka ni a: I thupêkte chu ka lakah zep suh ang che.
119:20 Ka nunna hi keh sawmin a awm a, Englai pawha i rorêlnate a ngaih avângin.
119:21 Mi chapo, ânchhe dawngte chu, i zilhhau va, I thupêkte vah bosan thinte chu.
119:22 Sawi chhiatna leh hmusitna hi ka hnên ata la bo vang che; I thuhriattirte chu ka zawm si a.
119:23 Mi liante pah an thu a, mi sawisel a: Nimahsela i chhiahhlawh hian i thu ruatte chu a ngaihtuah zawk si a.
119:24 I thuhriattirte chu ka lawmna a ni a, Rem mi ruatsaktute pawh a ni.
119:25 Ka nunna hi vaivutah a bet tlat a: I thu ang zelin mi tiharh ang che.
119:26 Ka awm dante chu ka hriattir chian, nangin mi chhâng a: I thuruatte chu mi zirtir ang che.
119:27 I thununna kawng chu mi hriat thiamtir ang che: Chutichuan i thilmak tih thute chu ka ngaihtuah ang.
119:28 Ka nunna hi lungngaih avângin ka tuiral thin. I thu ang zelin mi tichak ang che.
119:29 Awm dan dik lo hi ka hnên ata la sawn la: I dan khawngaih takin mi pe ang che.
119:30 Awm dan rinawm ka thlang a: I rorêlnate ka hmaah ka awmtir a.
119:31 I thuhriattirahte hian ka bet tlat a: Aw LALPA, mi timualpho suh ang che.
119:32 I thupêk kawngah chuan ka tlân ang. Ka thinlung hi i tihzau hunah chuan.
119:33 Aw LALPA, i thuruat kawng chu mi entir ang che; Tichuan a tawp thlengin ka zawh dawn nia.
119:34 Hriat thiamna mi pe ang hche, tichuan i dan chu ka vawng tha dawn nia; A ni, ka thinlung zawng zawng hian ka zawm ang.
119:35 I thupêk kawngah mi kaltir ang che; Chu mi-ah chuan ka lawm si a.
119:36 I thuhriattir lamah chuan ka thinlung hi thlektir ang che, Duhamna lamah ni lovin.
119:37 Thil engmah lo mai mai en lo tûrin ka mit mi laktir la, I kawngahte chuan mi tiharh ang che.
119:38 I thu chu i chhiahhlawh hnênah hian tinghet ang che, Chu chu nangmah tihtu tan a ni.
119:39 Mi sawichhiatna ka hlauh hi la bo vang che, I rorêlte chu a tha si a.
119:40 Ngai teh, i thununa thute chu hriat ka chak thin a: I felna avângin mi tiharh ang che.
119:41 Aw LALPA, i ngilneihnate chu ka hnênah lo kal rawh se, I chhandamna ngei chu, i thu ang zelin.
119:42 Chutichuan, mi sawi chhetu chhanna tûr ka nei ang; I thu ka ring si a.
119:43 Tin, thutak thu chu ka ka ata hi la chhuak vek suh ang che; I rorêlnate chu ka beisei si thin a.
119:44 Chutichuan i dan chu ka zawm fo vang, Kumkhaw tlaitluanin.
119:45 Tin, dip dal lovin ka leng ang; I thununna thute chu ka zawng si a.
119:46 I thuhriattir thute chu lalho hmaah ka sawi ang a, Ka zak lo vang.
119:47 Tin, i thupêk, ka ngaihnat chungahte chuan, Ka lawm ang.
119:48 I thupêk, ka ngaihnat lamahte chuan ka kutte ka phar ang a; I thuruatte chu ka ngaihtuah ang.
119:49 I chhiahhlawh hnêna thutiam chu hre reng ang che, Nangin mi beiseitir avângin.
119:50 Chu chu ka hrehawmnaah pawh ka thlamuanna a ni: I thu chuan mi tiharh ta si a.
119:51 Chapote chuan nasa takin mi nuihzabur a: Nimahsela i dan chu ka kalkawisan lo.
119:52 Aw LALPA, hmasânga i rorêlte chu ka hre reng a, Ka inthlamuan thin.
119:53 Lungnih lohna nasa tak hian mi tlakbuak ta a, Mi suaksual i dan kalsantute avângin.
119:54 Ka khualzinna inah hian I thuruatte chu ka hla a ni thin.
119:55 Aw LALPA, zanah chuan i hming ka hre reng thin a, I dan pawh ka zawm thin.
119:56 Chung chu ka nei a, I thununa thute chu ka vawn that avângin.
119:57 LALPA chu ka chanvo a ni: I thu ka zamw ang tih ka sawi tawh kha.
119:58 Ka thinlung zawng zawngin i khawngaihna ka ngen a: I thu ang zelin mi khawngaih ang che.
119:59 Ka awm dante ka ngaihtuah a, I thuhriattir lamah chuan ka ke ka pen ta a.
119:60 I thupêkte zawm tûrin Ka hmanhmawh a, rei ka rial lo.
119:61 Mi suaksualho hruaihrualte chuan mi zem hlawm reng a; Nimahsela i dan chu ka theihnghilh lo.
119:62 Zan laiah lawm thu hrilh tûr chein ka hto vang, I rorêl felte avângin.
119:63 Nangmah tihtu zawng zawng leh, I thununna thute zawmtute thian ka ni.
119:64 Aw LALPA, leilung hi i ngilneihnain a khat a ni: I thuruatte chu mi zirtir ang che.
119:65 Aw LALPA, i thu ang zelin I chhiahhlawh hi i titha thin.
119:66 Ngaihtuah thiamna leh hriatna mi zirtir ang che; I thupêkte chu ka ring si a.
119:67 Tihhreawma ka awm hma khan ka vâk bo thin a; Tunah erawh chuan i thu ka zawm ta.
119:68 Nang chu i tha a, thil tha i ti bawk a; I thuruatte chu mi zirtir ang che.
119:69 Chapote chuan ka chungah dawt an phuahchawp a: Ka thinlung zawng zawng hian i thununna thute chu ka vawng tha ang.
119:70 An thinlung chu rilbawh thau angin a thau va; Kei erawh chu i dan chungah ka lawm thin.
119:71 I thuruatte chu ka zir theih nana Tihhreawma ka lo awm kha ka tan a tha a ni.
119:72 Rangkachak leh tangka sâng tam tak ai chuan I kaa dan chhuak chu ka tan a tha zawk e.
119:73 I kutin mi siamin, mi din a ni: I thupêkte chu ka zir theih nân hriatthiamna mi pe ang che.
119:74 Nangmah tihtute chuan mi hmu ang a, an lawm ang; I thu chu ka beisei thin avângin.
119:75 Aw LALPA, i rorêlte chu a fel tih leh, Nang chuan rinawm takin a ni, mi tihhreawm ni tih ka hria.
119:76 I chhiahhlawh hnêna i thutiam ang zelin Khawngaih takin i ngilneihna chu ka thlamuanna tûr ni rawh se.
119:77 Ka nun theihna tûrin i lainatnate ka hnênah lo kal rawh se: I dan chu ka lawmna a ni si a.
119:78 Chapote chu mualphovin awm rawh se; dik lo takin mi titlâwm ta si a: Nimahsela i thununna thute chu ka ngaihtuah ang.
119:79 Nangmah tihtute chu ka lamah hawi rawh se, Tichuan i thuhriattirte chu an hre dawn nia.
119:80 Ka mualpho lohna tûrin Ka thinlung hi i thuruatahte chuan tha famkimin awm rawh se.
119:81 Ka nunna hi i chhandamna ngaiin a chau ta a: Nimahsela i thu ka beisei thin.
119:82 I thu thlir nân ka mit a vai zo ta a, "Nangin engtikah nge mi thlamuan ang?" ka ti, ka ti thin a.
119:83 Meikhu ur savun peng ang chu ka lo ni ta si a; Nimahsela i thuruatte chu ka theihnghilh lo ve.
119:84 I chhiahhlawh kum chin tûr hi engzat nge ni dawn? Mi tiduhdahtute chungah hian engtikah nge ro i rel dawn?
119:85 Mi chapo, i dan anga awm lote chuan, Ka tlak nân khuarkhurumte an lai a
119:86 I thupêk zawng zawng hu a rinawm a ni: Anni chuan dik lo takah mi tihduhdah thin hi; mi tanpui ang che.
119:87 Anni chuan leiah hian mi tiboral thelh thelh a; Nimahsela i thununna thute chu ka hawisan si lo va.
119:88 I ngilneihna ang zelin mi tiharh ang che; Chutichuan i kaa thuhriattir chu ka zawm dawn nia.
119:89 Aw LALPA, kumkhua atân I thu chu vanah nghet takin a awm a.
119:90 I rinawmna chu chhuan zawng zawng thlengin a awm ang: Leilung hi i tinghet a, a awm reng a ni.
119:91 Chungte chu vawiin hian i rorêlte angin an awm reng a; Thil zawng zawng chu i chhiahhlawhte an ni si a.
119:92 I dan chu ka lawmna ni suh sela chuan, ka hrehawmnaah khan ka boral tawh tûr a ni.
119:93 I thununna thue chu engtikah mah ka theihnghilh lo vang; Nangin chung chun mi tiharh ta si a.
119:94 I ta ka nih hi, mi chhandam ang che; I thununna thute chu ka zawng si a.
119:95 Mi suaksualte chuan mi tihboral tumin mi nghak thin a; Nimahsela i thuhriattirte chu ka ngaihtuah ang.
119:96 That famkimna zawng zawng tawp chu ka hmu ta a, I thupêk erawh chu a zau khawp mai a ni.
119:97 Aw, i dan hi ka va ngaina êm! Nilenga ka ngaihtuah thin a ni.
119:98 I thupêkte chuan mi dotute aia fing zawkin mi siam a; Kumkhuaa ka hnêna a awm fo thin aangin.
119:99 Min zirtirtu zawng zawng aiin finna ka nei zawk a ni; I thuhriattirte hi ka ngaihtuah a nih thin avângin.
119:100 Tarte ai chuan ka hre thiam zawk a ni, I thununna thute hi ka vawn that avângin.
119:101 I thu ka zawm theihna tûrin Kawng sualah rêng rêng chuan ka kete hi pen ka phal lo.
119:102 I rorêlna lakahte chuan ka peng lo; Nangin mi zirtir avângin.
119:103 I thute hi ka tan a va thlum êm! A ni, ka ka atân a va thlum êm! A ni, ka ka atân chuan khawizu aiin a thlum zawk.
119:104 I thununna thute avângin hriat thiamna ka nei thin: Chuvangin awm dan dik lo tinreng hi ka hua a ni.
119:105 I thu hi ka ke atânte hian khawnvar a ni a, Ka kawng atân eng a ni.
119:106 I rorêlna fel takte chu zamw tûrin Chhia ka chham a, ka tinghet bawk a.
119:107 Nasa taka tihhreawmin ka awm a: Aw LALPA, i thu ang zelin mi tiharh ang che.
119:108 Aw LALPA, khawngaih takin ka kaa duh thua thilpêkte hi la la, I rorêlnate chu mi zirtir ang che.
119:109 Ka nunna hi ka kutah a awm fo thin a; Nimahsela, i dan chu ka theihnghilh ngai lo.
119:110 Mi suaksualte chuan ka awh nân thang an kam a; Nimahsela i thununa thute chu ka vah bosan lo ve.
119:111 I thuhriattirte chu kumkhuaa rochunah ka la a; Ka thinlung tihlimtu a ni si a.
119:112 Kumkhuain, a tawp thlengin, I thuruatte anga ti tûrin ka thinlung ka thlektir a.
119:113 Rilru mumal nei lo mite chu ka hua a; I dan erawh chu ka ngaina a ni.
119:114 Nang chu ka bihrûkna hmun leh ka phaw i ni a: I thu ka beisei a ni.
119:115 Nangni thil tha lo titute u, mi kalsan rawh u; Ka Pathian thilpekte ka vawn that theih nân.
119:116 Ka nun theihna tûrin i thu ang zelin mi chelh reng la, Ka beisei chungah hian zakin mi awmtir suh ang che.
119:117 Mi kai ang che, tichuan ka him ang a, I thuruatte chu ka pawisa fo dawn nia.
119:118 I thuruatte vah bosantu zawng zawng chu i hmusit a; An bumna hchu dawt a ni si a.
119:119 Leia mi suaksualte zawng zawng chu englo êkchhia angin i tibo thin a: Chuvangin i thuhriattirte chu ka ngaina a ni.
119:120 Ka tisa hi nangmah tihin a khur a; I rorêlnate chu ka hlau bawk a.
119:121 Ro ka rel a, fel takin ka ti thin a ni: Mi hnehchhiahtute lakah mi thlahthlam suh ang che.
119:122 I chhiahhlawh chungchang thu-ah, a thatna tûrin a bul tum la: Chapoten mi hnehchhiah suh se.
119:123 I chhandamna thlir nân ka mit a vai zo ta a, I thu fel tak thlir nân nên.
119:124 I ngilneihna avângin i chhiahhlawh chungah hian ti la, I thuruatte chu mi zirtir ang che.
119:125 I chhiahhlawh ka ni a, hriat thiamna mi pe ang che; I thuhriattirte chu ka hriat theih nân.
119:126 LALPA, thawh a hun ta; I dan hi engmah lovah an siam ta si.
119:127 Chuvangin i thupêkte chu rangkachak aiin ka ngaina a ni, A ni , rangkachak thianghlim ai pawhin.
119:128 Chuvangin kawng tinreng thua i thununna thu zawng zawngte chu dikin ka hria a; Awm dan dik lo tinreng hi ka hua a ni.
119:129 I thuhriattirte chu a mak a ni: Chuvangin ka nunna hian a vawng tha thin.
119:130 I thu hrilhfiah hian mite a tieng a; Mi mawlte chu a hriat thiamtir thin.
119:131 Ka ka ka ang zau va, ka thaw hlawp hlawp a; I thupêkte chu ka chak avângin.
119:132 Ka lam lo hawi la, mi khawngaih ang che, I hming ngainatutte i khawngaih ang khan.
119:133 Ka ke pente hi i thu-ah tinghet la; Sualna rêng rêng ka chungah thu neihtir suh ang che.
119:134 Mihring hnehchhiahna lakah chuan mi chhanhim ang che: Chutichuan i thununna thute chu ka zawm dawn nia.
119:135 I hmêlin i chhiahhlawh chhun eng la; I thuruatte chu mi zirtir ang che.
119:136 Ka mittui hi lui tui angin a luang thla a, I dan an zawm loh avângin.
119:137 Aw LALPA, nang chu i fel a, I rorêlte pawh a dik a ni.
119:138 I thuhriattirte chu fel tak leh Rinawm êm emin thu i pe a.
119:139 Ka thehnemngaihna hian mi tiboral ta, Mi dotuten i thu an theihnghilh tak avângin.
119:140 I thu hi a thianghlim êm êm a ni; Chuvangin i chhiahhlawh hian a ngaina a ni.
119:141 Mi te leh mi hmusit ka ni a: Nimahsela i thununna thute chu ka theihnghilh ngai lo ve.
119:142 I felna chu kumkhaw felna tûr ani a, I dan pawh thutak a ni.
119:143 Manganna leh thlaphanna chuan mi tlakbuak ta a: Nimahsela i thupêkte hi ka lawmna a ni.
119:144 I thuhriattirte chu kumkhua atân a fel a ni: Hriat thiamna mi pe ang che, tichuan ka nung reng ang.
119:145 Ka thinlung zawng zawngin ka ko chia; aw LALPA, mi chhâng ang che: I thuruatte chu ka vawng tha dawn nia.
119:146 Ka ko thin chia; mi chhandam ang che. Tichuan i thuhriattirte chu ka zawm dawn nia.
119:147 Khawfing chat chu ka khalh a, ka au thin a: I thute chu ka beisei thin.
119:148 I thu ka ngaihtuah theihna tûrin Ka mitin zan vente chu ka men khalh thin.
119:149 I ngilneihna ang zelin ka aw hi ngaithla la: Aw LALPA, i rorêlnate ang zelin mi tiharh ang che.
119:150 Ngaihtuahna sual umho chuan an an rawh hnaih a; Anni chu i dan hlata awm an ni.
119:151 Aw LALPA, nang chu i hnai a; I thupêk zawng zawng chu thutak a ni.
119:152 Hmasângin, i thuhriattirte atangin, Chung chu kumkhua atân i tinghet tih ka lo hre tawh.
119:153 Ka hrehawmzia hi ngaihtuah la, mi chhanhim ang che; I dan chu ka theihnghilh ngai si lo va.
119:154 Ka thu mi sawipuiin, mi tlann la; I thu ang zelin mi tiharh ang che.
119:155 Chhandamna chu mi suaksualte laka hla a ni; I thuruatte chu an zanw loh avângin.
119:156 Aw LALPA, i lainatnate chu a nasa a ni: I rorêlnate ang zelin mi tiharh ang che.
119:157 Mi tiduhdahtute leh mi dotute chu tam tak an ni. Nimahsela i thuhriattirte chu ka kal kawisan lo.
119:158 Vervek taka titute chu ka en a, ka lungni lo va; I thu an zawm loh avângin.
119:159 I thununna thute ka ngainatzia hi ngaihtuah la; Aw LALPA, i ngilneihna avângin mi tiharh ang che.
119:160 I thu infinkhawm chu thutak a ni a; I thu infinkhawm chu thutak a ni a, I rorêlna fel tinreng pawh hi kum khuain a awm reng ang.
119:161 Mi lianten enga khawlawi lovin mi tiduhdah a; Nimahsela ka thinlung chuan i thute a ni, a hlauh ni.
119:162 I thu-ah hian ka hlim a ni. Thil ropui tak râllâka hmutu angin.
119:163 Dawt hi ka huain ka ten a; I dan erawh chu ka ngaina a ni.
119:164 Ni khatah vawi sarih ka fak thin che a ni. I rorêl felte avângin.
119:165 I dan ngainatute chuan thlamuanna nasa tak an nei a, Tlukna rêng rêng an nei lo.
119:166 Aw LALPA, i chhandamna ke beisei reng a, I thupêkte angin ka ti thin.
119:167 Ka nunna hian i thuhriattirte chu a zawm thin a; Ka ngaina êm êm a ni.
119:168 I thununna thute leh i thuhriatirte chu ka zamw thin a; Ka awm dan zawng zawng hi i hmaa awm ani si a.
119:169 Aw LALPA, ka au thawm hi i hmaah lo hnai rawh se: I thu ang zelin hriat thiamna mi pe ang che.
119:170 Khawngaih ka dilna hi i hmaah thleng rawh se: I thu ang zelin mi chhanhim ang che.
119:171 Ka hmui hian fakna thu sawi rawh se; Nangin i thuruatte chu mi zirtir thin avângin.
119:172 Ka lei hi i thu fakin zai rawh se; I thupêk zawng zawng chu felna a ni avângin.
119:173 I kut chu mi tanpui tûrin inpeihsain awm rawh se: I thununa thute chu ka thlang si a.
119:174 Aw LALPA, i chhandamna chu ka chak thin a; I dan chu ka lawmna a ni.
119:175 Ka nuna hi nung rawh se, tichuan a fak dawn che nia. I rorêlnate pawhin mi tanpui rawh se.
119:176 Berâm bo angin ka vâk bo va; i chhiahhlawh hi zawng ang che; I thupêkte chu ka theihnghilh ngai si lo va.
120:1 Ka mangannaah chuan LALPA chu ka au va, Tichuan, anin mi chhâng a.
120:2 Aw LALPA, hmui dawtheite lakah leh, lei mi bumhmang lakah chuan, Ka nunna hi chhanhim ang che.
120:3 Nang lei bumhmang, I hnênah eng nge an pêk ang chia, eng nge an belhchhah ang che?
120:4 Mi chak thal zum takte, Juniper thing lingte nên.
120:5 Mesek-ho ramah ka awm leh, Kedar-ho pian in zingah ka awm hi, ka chung a va pik êm!
120:6 Ka nuna hian remna hawtu hnênah Rei tak awmna a nei tawh.
120:7 Kei chuan inrem ka duh a: Nimahsela thu ka sawi veleh indo an duh thin.
121:1 Tlâng lamahte khian ka mit ka len chho vang: Khawi lama mi nge mi tanpuina tûr lo thleng ang?
121:2 Mi tanpuina tûr chu LALPA Lei leh van siamtu hnêna mi a lo thleng ang.
121:3 Ani chuan i ke chu tihsawn a phal lo vang a: Nangmah vengtu chu a muttlu lo vang.
121:4 Ngai teh, Israel-ho vengtu chu A muthluin, a muhil hek lo vang.
121:5 LALPA chu nangmah vengtu ani a: LALPA chu i ding lama hliahtu che a ni.
121:6 Chhunah niin a êm lo vang chia, Zanah thlain a êm hek lo vang che.
121:7 LALPA chuan sual tinreng lakah a veng ang chia; I nuna chu a veng ang .
121:8 LALPA chuan i chhuak leh i lût chu a veng ang che, Tun atanga, kumkhuain.
122:1 "LALPA inah i kal ang u," Ka hnêna an tih lai khan ka lawm a,
122:2 Aw Jerusalem, i kulh kawngkhâr chhûngah Kan kete chu a din tak hi;
122:3 Jerusalem, khawpui din thar Rinawm taka rem chu:
122:4 LALPA hming fak tûrin Chutah chuan hnamte chu an chho thin, LALPA hnamte chu, Israel-ho hnêna thuhriattirna atân.
122:5 Chutah chuan rorêl nân lalthutphahte hun a ni si a Davida chhûngte lalthutphahte chu,
122:6 Jerusalem thlamuanna tûr dilsak rawh u: Nang ngainatute chu an thawveng ang.
122:7 I kulh chhûngahte chuan thlamuanna awm sela, I lal inahte chuan thawvenna awm rawh se.
122:8 Ka unaute leh ka thiante avângin "I chhûngah thlamuanna awm rawh se," ka ti ang.
122:9 LALPA kan Pathian in avâng chuan I thatna tûr ka zawng ang.
123:1 Aw, nang vana thu thin, I lamah ka mit ka len chhoh thin hi.
123:2 Ngai teh, chhiahhlawhte mitin an pu kut lam a en thin ang leh, Chhiahhlawhnu mitin a pi kut lam a en thin angin, Keini mit pawhin LALPA kan Pathian lam a en reng a ni, Min khawngaih hma loh chuan.
123:3 Aw LALPA, min khawngaih rawh, min khawngaih rawh: Hmusitnain ka khah nasat hi,
123:4 Mi nuamsate deuna leh Chapote hmusitnain Kan nunna hi a khat nasa hle.
124:1 "Kan lama tang chu LALPA ni suh sela chuan," Israel-hovin ti rawh se;
124:2 "Miten mi bei lai khan Kan lama tang chu LALPA ni suh sela chuan:
124:3 Kha mi lai ngei khan anni chuan kan nung chungin min lem tawh ang, Kan chunga an thin a thawh lai khan:
124:4 Kha mi lai ngei khan tuite chuan min chim pil tawh ang a, Lui chuan kan nuna hi a vur pil tawh ang: Kha mi lai ngei khan tui chapote chuan kan nuna hi a vur pil tawh ang.
124:6 Sa seh anga seh tûra an haa min pe lotu LALPA chu, fakin awm rawh se.
124:7 Thangkamtute thang ata sava a chhuak angin kan nunna hi a chuak ta: Thang chu a chhe ta a, keini hi kan chhuak ta hlauh a ni.
124:8 Min tanpuina tûr chu. LALPA, lei leh van siamtu hmingah a awm," tiin.
125:1 LALPA ringtute chu Zion tlâng, tihnghin rual loh, kumkhuaa awm reng tûr ang chu an ni.
125:2 Tlângte chu Jerusalem vêla a awm angin LALPA chu a mite vêlah a awm thin, Tun atanga, kumkhuain.
125:3 Suahsualna laltiang chu mi fel ram chan chhûngah chuan a innghat dawn si lo; Mi felte chuan an kuttea khawlohna an ban loh nân.
125:4 Aw LALPA, tha taka awmte chungah chuan tha takin ti ang che, An thinlunga dik taka awmte chungah pawh.
125:5 An kawng kawitea pengho erawh hi zawng LALPA chuan thil tisualtute nên a hruai chhuak ang. Israel-ho chungah chuan thlamuanna awm rawh se.
126:1 LALPAN Zion salte a hruai kir leh lai khan, Mumanga mangtute ang mai kan ni a.
126:2 Chu mi lai chuan kan ka chu nuihin a khat a, Kan lei chu hla sakin: Chu mi lai chuan hnam tin, zingah, "LALPAN an tan thil ropui take a tihsak a ni," an ti a.
126:3 LALPA chuan thil ropui takte min tihsak a; Kan lawm hle a ni.
126:4 Aw LALPA, sala kan tang hi min hruai kir leh ang che, Chhim rama luite angin.
126:5 Mittui tla chunga tuhte chuan hlim takin an at ang.
126:6 Tap chungin buh chi feh chhuahpui mah sela, A buh phalte kengin hlim takin a lo haw leh ang.
127:1 LALPAN in a sak loh chuan, A satute chuan an thawk rim thlawn mai a ni: LALPAN khawpui a vawn that loh chuan, A vengtu chu a meng thlawn mai a ni.
127:2 Zing takah in tho va, tlai takah in chawl a, Thawhrimna chaw in ei thin hi, in tan a thlawn mai a ni: Hetiang hian a mi duh tak chu a muthilhtir thin a ni.
127:3 Ngai teh, fanaute hi LALPA laka kan rochan an ni a: Rila rah hi a lawmman mi pêk a ni.
127:4 Vanglai fate chu Mi chak kuta thlal awmte ang hi an ni.
127:5 A thal bâwm faa khat nei mi chu an nihlawh e: Kulh kawngkaa an dote an biak lai phawin An mualpho lo vang.
128:1 LALPA tih apiang chu an eng a thawl e, A kawng zawhtute chu.
128:2 I kut thawhrim rah chu i ei dawn si a: lawm takin i awm ang a, thawvengin i awm bawk ang.
128:3 I nupui chu, i in chhûng rilah chuan, Grêp hrui rah duh mi tak angin a awm ang a: I fate chu, i dawhkan vêlah chuan, oliv tiakte angin an awm ang.
128:4 Ngai teh, LALPA tih mi chu Chutiang chuan malsawmin an awm ang.
128:5 LALPA chuan Zion atangin mal a sawm ang che. Tichuan, i dam chhûng zawngin Jerusalem thatna i hmu ang.
128:6 A ni, i tute chu i la hmu ang. Israel-ho chungah chuan thlamuanna awm rawh se.
129:1 "Ka naupan tet ata miten vawi tam tak mi timangang a," Israel-hovinb ti rawh se;
129:2 "Ka naupan tet ata miten vawi tam tak mi timangang a," Nimahsela mi hneh si lo.
129:3 Leilettuten ka hnungzangah hian lei an let a; An leileh rin khawh thlurte chu an tisei hle a.
129:4 LALPA chu a fel a ni: Mi suaksualte hruihrualte chu a zai chat ta a," tiin.
129:5 Anni chu mualpho leh tlânchhiattirin awm rawh se, Zion hawtu zawng zawngte chu.
129:6 A than san hmaa vuai mai thin, In chunga hlobet angin awm rawh se:
129:7 Tuman chu chu an at khâwm lova Tuman seng tûrin an tel hek lo.
129:8 "LALPA malsawmna in chungah awm rawh se; LALPA hmingin mal kan sawm che u hi," A kal peltuten an ti ngei hek lo.
130:1 Aw LALPA, tui thuk tak atang hian ka au a che. LALPA, ka aw hi ngaithla ang che:
130:2 Khawngaih ka dilna aw hi I bengin ngaithla rawh se.
130:3 LALPA, nangin khawlohnate i chhinchhiah chuan, Aw LALPA, tunge ding ang le?
130:4 Nimahsela i hnênah ngaihdamna a awm a ni, Tiha i awm theih nân
130:5 LALPA chu ka nghak reng a, ka nunna hian a nghak reng a, A thu pawh ka beisei a ni.
130:6 Vengtuten khawvar an thlir aia nasain, A ni, vengtuten khawvar an thlir aia nasa mahin, Ka nuna hian LALPA chu a thlir reng thin a ni.
130:7 Aw Israel-hote u, LALPA chu beisei rawh u; LALPA hnênah chuan ngilneihna a awm si a, A hnênah tlanna tam tak a awm bawk a.
130:8 Tichuan ani chuan Israel-ho chu An khawlohna zawng zawng ata a chhanchhuak ang.
131:1 LALPA, ka thinlung hi a chapo lo va, ka mitte hi a sâng hek lo: Thil ropui takahte ka intelh ngai hek lo va, Ka tana thil mak lutukahte pawh.
131:2 Ka nunna hi ka awi tleiin ka tikhui ta ngei a; Naupang hnute hnek ban tawh a nu hnêna a awm angin, Ka nunna hi naupang hnute hnek ban tawh angin ka hnênah a awm a.
131:3 Aw Israel-hote u, LALPA chu beisei rawh u, Tun atanga, kumkhuain.
132:1 LALPA, Davida chu a hrehawm tuarna zawng zawng Hriatpui ang che;
132:2 LALPA hnêna chhia chham a, Jakoba Mi Chaka henna thu a tiamzia kha:
132:3 "Ka awmna inah ka lût hauh lo vang a, Ka khumah ka kai hek lo vang;
132:4 Ka hahchawl lo ang a, Mutmu ka tuah hek lo vang;
132:5 LALPA tan hmun, Jakoba Pathian chak tan, In ka zawn chhuah hma loh chuan.
132:6 Ngai teh, Ephratha-ah a chanchin kan hria a, Jearin hmunah kan hmu ta a.
132:7 A awmnaah chuan kal ila, A ke nghahchhan bulah chibai i bûk ang u.
132:8 Aw LALPA, tho la, i chawlh hmun tûrah chuan lût ang che; Nang nên, i chakna bâwm nên.
132:9 I puithiamte chu felnain inthuam sela; I mi thianghlimte ch hlimin au rawh se.
132:10 I chhiahhlawh Davida avângin I hriak thiha hmêl chu hawi kirtir suh ang che.
132:11 LALPA chuan Davida hnênah thutakin chhia a chham ta a; Chu chu a hawisan lo vang: "I taksa raha mi i lalthutphahah chuan ka thuttir ang.
132:12 I fate chuan ka thuthlun leh, Ka thuhriattir, anmahni ka la zirtir tûr chu, an zamw chuan, An fate pawh kumkhuain i lalthutphahah chuan an thu zel ang," tiin.
132:13 LALPA chuan Zion chu a thlang si a; A awmna atân a duh a.
132:14 "Hei hi kumkhua atâna ka chawlhhmun tûr a ni: Hetah hian ka awm reng ang; ka duhzawng a ni si .
132:15 A ei tûr chu mal ka sawm rei rui ang a: A mi retheite chu chhângin ka titlai ang.
132:16 A puithiamte chu chhandamin ka thuam ang a: A mi thianghlimte chu hlimin an au chiam ang.
132:17 Chutah chuan Davida ki chu ka chawr chuahtir ang: Ka hriak thih atân chuan khawnvar ka ruat ta a.
132:18 Amah dotute chu mualphonain ka thuam ang a: Ani chungah erawh chuan a lallukhum chu a tle sur ang," tiin.
133:1 Ngai teh, unaute inngeih dial diala awm khâwm hi A va thain, a va nuam êm!
133:2 Lûa hriak hlu tak, Khabe hmula luang thla, Arona khabe hmul ngeia luang thla a, A kawrfual hmawra luang thla ang kha a ni;
133:3 Hermon daifim Zion tlangtea tla thin ang hi a ni:
133:5 Chutah chuan LALPAN malsawmna thu a pe a, Kumkhuaa nuna tûr chu.
134:1 Ngai teh u, LALPA chhiahhlawh, LALPA ina zana ding thin zawng zawngte u, LALPA chu fak rawh u.
134:2 In kutte chu hmun thianghlim lamah phar ula, LALPA chu fak rawh u.
134:3 LALPAN Zion atangin malsawm che rawh se; Lei leh van siamtu ngei chuan.
135:1 ,2 LALPA chu fak rawh u. LALPA hming chu fak ula; Aw LALPA chhiahhlawh, LALPA ina dinga, kan Pathian in hung chhûng kawtlaia dingte u, Amah chu fak rawh u.
135:2 ,1 LALPA chu fak rawh u. LALPA hming chu fak ula; Aw LALPA chhiahhlawh, LALPA ina dinga, kan Pathian in hung chhûng kawtlaia dingte u, Amah chu fak rawh u.
135:3 LALPA chu fak rawh u; LALPA chu a tha si a: A hming faki nzai rawh u; a nuam si a.
135:4 LALPA chuan Jakob-ho hi ama tan a thlang si a, Israel-ho hi a ro bik atân a thlang bawk a.
135:5 LALPA chu ropui tak ani tih leh, Kan LALPA chu Pathian zawng zawng aiin a chungnung a ni tih, ka hre si a.
135:6 LALPA chuan a duh apiang chu a ti thin a, Vanah te, leiah te, tuifinriatah te, tui thuk tak zawng zawng ah te pawh.
135:7 Ani chuan chhumte kawlkil atangte chuan a chhohtir thin a; Kawlphete ruah atân a siam thin a; A sum in atangte chuan thli ala chhuak thin.
135:8 Ani chuan Aigupta rama fa tirte chu a tihlum a, Mihring leh sate pawh.
135:9 Aw Aigupta ram, ani chuan chhinchhiahnate leh thilmakte i chhûngah a rawn tir a, Pharaoa chungah leh a chhiahhlawh zawng zawng chungahte chuan.
135:10 Ani chuan hnam tam tak a tihlum a, Lal ropui tak takte a that a;
135:11 Sihona, Amor-ho leal leh, Oga, Baan ram lal leh, Kanaan rama mi zawng zawng chu:
135:12 An ram chu rochan atân a pe a, A mi Israel-ho rochan atân.
135:13 Aw LALPA, i hming chu kumkhuain a awm ang a; Aw LALPA, nangmah hriatrengna chu chhuan awm zawng zawngin a awm bawk ang.
135:14 LALPA chuan a mite chu ro a relsakin, A chhiahhlawhte chungthu-ah chuan a rilru a lamlet dawn si a.
135:15 Hnam tin, milemte chu tangka leh rangkachak an ni a, Mihring kut chhuak an ni.
135:16 Kâte an nei a, an tawng thei si lo va; Mitte an nei a, an hmu thei si lo va;
135:17 Bengte an nei a, an hre thei si lo va; An kaah chuan thaw rêng rêng a awm hek lo.
135:18 Chung siamtute chu chungte ang chuan an awm ang; A ni, chung ringtu apiangte chu.
135:19 Aw Israela chhûngte u, LALPA chu fak rawh u: Aw Arona chhûngte u, LALPA chu fak rawh u:
135:20 Aw Levia chhûngte u, LALPA chu fak rawh u: LALPA tihtute u, LALPA chu fak rawh u.
135:21 LALPA chu Zion atanga fakin awm rawh se, Jerusalem-a awma chu. LALPA chu fak rawh u.
136:1 Aw, LALPA hnênah lawm thu hril rawh u; ani chu a tha si a: A ngilneihna pawh kumkhuain a awm dawn si a.
136:2 Aw, pathiante Pathian hnênah chuan lawm thu hril rawh u: A ngilneihna pawh kumkhuain a awm dawn si a.
136:3 Aw, LALPA hnênah lawm thu hril rawh u: A ngilneihna pawh kumkhuain a awm dawn si a.
136:4 Amah chauhva thilmak ropui tak ti thintu hnênah chuan: A ngilneihna pawh kumkhuain a awm dawn si a.
136:5 Finnaa van siamtu hnênah chuan: A ngilneihna pawh kumkhuain a awm dawn si a.
136:6 Lei hi tui chunga dah duaitu hnênah chuan: A ngilneihna pawh kumkhuain a awm dawn si a.
136:7 Entu ropui tak: A ngilneihna pawh kumkhuain a awm dawn si a.
136:8 Ni, chhûnga rorêltu atân: A ngilneihna pawh kumkhuain a awm dawn si a.
136:9 Thla leh arsiho, zana rorêltu atâna siamtu hnênah chuan: A ngilneihna pawh kumkhuain a awm dawn si a.
136:10 Kut chak leh ban pharin: A ngilneihna pawh kumkhuain a awm dawn si a.
136:11 Aigupta-ho fa tirte tihhlumsak a: A ngilneihna pawh kumkhuain a awm dawn si a.
136:12 Israel-ho an zing ata hruai chhuaktu hnênah chuan: A ngilneihna pawh kumkhuain a awm dawn si a.
136:13 Tuifinriat Sen tithen phawk a: A ngilneihna pawh kumkhuain a awm dawn si a.
136:14 Israel-ho alai taka kaitir a: Sihona, Amor-ho lal leh:
136:15 Pharaoa leh a sipaiho erawh Tuifinriat Sena tiboraltu hnênah chuan: A ngilneihna pawh kumkhuain a awm dawn si a.
136:16 A mite thlalêra hruaitu hnênah chuan: A ngilneihna pawh kumkhuain a awm dawn si a.
136:17 Lal ropui tak takte tihlum a: A ngilneihna pawh kumkhuain a awm dawn si a.
136:18 Lal hmingthang tak tak: A ngilneihna pawh kumkhuain a awm dawn si a.
136:19 Sihona, Amor-ho lal leh: A ngilneihna pawh kumkhuain a awm dawn si a.
136:20 Oga, Basan ram lalte thata: A ngilneihna pawh kumkhuain a awm dawn si a.
136:21 An ram rochana: A ngilneihna pawh kumkhuain a awm dawn si a.
136:22 A chhiahhlawh Israela rochana petu hnênah chuan: A ngilneihna pawh kumkhuain a awm dawn si a.
136:23 Ani chuan kan hnam tlâwm lai khan min hre reng a: A ngilneihna pawh kumkhuain a awm dawn si a.
136:24 Min dotute lakah min chhanhim a: A ngilneihna pawh kumkhuain a awm dawn si a.
136:25 Ani chuan tisa zawng zawng hnênah ei tûr a pe thin a: A ngilneihna pawh kumkhuain a awm dawn si a.
136:26 Aw, van Pathian hnênah chuan lawm thu hril rawh u: A ngilneihna pawh kumkhuain a awm dawn si a.
137:1 Babulon lui kamahte, Chutah kan thu a, a ni, kan tap thin, Zion kan ngaihtuahin.
137:2 Lui laia tuipuisuthlahahte chuan Kan tingtangte chu kan bâng thin a.
137:3 "Zion hla pakhat min saksak rawh u," tiin, Chutah chuan sala min hruaituten hla saah min ngen a, Min tiretheituten hlimah min ngen bawk si thin.
137:4 Mi ramahte chuan LALPA hla engtin nge kan sak theih ang?
137:5 Aw Jerusalem, ka theihnghilh che chuan, Ka kut ding lam hian a thil thiam hi theihnghilh ve rawh se.
137:6 Ka hriat reng loh che chuan, Ka lei hi ka dangah bet tlat rawh se; Ka hlimna ber aia Jerusalem ka duh zawk loh chuan.
137:7 Aw LALPA, Jerusalem ni chu Edoma thlahte chungah a chhe lamin hre reng ang che; "A lungphûm lam pawhin Tichim rawh u, tichim rawh u," titute kha.
137:8 Aw Babulon fanu, tihborala awm tûr; Kan chunga i tih anga Thungrul tûr che chu lawm takin a awm ang.
137:12 I fanau te tete chhuhsaka, lungpui vuak nana hmangtu tûr chu Lawm takin a awm ang.
138:1 I hnênah ka thinlung zawng zawngin lawm thu ka sawi ang a: Pathianho hmaah chuan nangmah fakin ka zai ang.
138:2 I biak in thianghlim lam hawiin chibai ka bung ang chia, I ngilneihna leh i thutak avângin i hming ka fak ang; I thu chu i hming rêng rêng ai chuan i tilian si a.
138:3 Ka auh ni che khan nangin mi chhâng a, Ka nunna tichakin mi fuih a.
138:4 Aw LALPA, leia lal zawng zawng chuan lawm thu an hrilh ang che, I kaa thu chhuakte chu an hre si a.
138:5 A ni, LALPA awm dan thute chu hlaah an sa ang; LALPA ropuizia chu a nasa si a.
138:6 LALPA chu chungnuung tak a ni na a, mi tlâwmte chu a ngaihsak thin a: Mi chapote erawh chu hla tak atangin a hre thin.
138:7 Manganna zingah leng mah ila nangin mi tiharh ang; Mi dotute thinur bei tûrin i kut i phar ang a, I kut dinglamin mi chhandam ang.
138:8 LALPA chuan ka chungchanga a tih tûr chu a hlen ang: Aw LALPA, i ngilneihna chu kumkhuain a awm ang a; Nangma kut thiltihte hi bansan suh ang che.
139:1 Aw LALPA, nangin ngun takin mi en chhuak a, mi hre ta.
139:2 Nangin ka thut leh ka din hi i hre thin a, Ka ngaihtuahna hi hla tak atang pawhin i hre thiam thin.
139:3 Ka kal leh ka mu hi mi en ngun thin a, Ka awm dan zawng zawng hi i hre vek a.
139:4 Ngai teh, aw LALPA, nangin i hriat fai vek loh chu, Ka leiah hian thu rêng rêng a awm lo.
139:5 Nangin ka hnung lam leh ka hma lamah min hual a, Ka chungah i kut i nghat bawk a.
139:6 Chuti kauva hriatna chu ka tan a mak lutuk a; A sâng êm a, ka phak lo a ni.
139:7 I thlarau hnên ata hi khawiah nge ka kal ang? I hma ata hi khawiah nge ka tlan bo vang?
139:8 Vanah han lawn ila, chutah chuan i awm si a: Seol-ah mutna siam ila, ngai teh, chutah chuan i awm bawk si a.
139:9 Zing thla zârin, Tuifinriat tawp daihah va awm ila;
139:10 Chutah pawh chuan i kutin mi hruai ang a, I kut ding lamin mi chelh dawn si a.
139:11 "Thimin min khuh bo tlat se, Ka vêl eng hi zan thim ni se" ti mah ila;
139:12 Thim pawhin i lakah chuan engmah a hliah lo va, Zan hi chhun angin a eng zawk a ni: I tan chuan thim leh eng hi thuhmun reng a ni.
139:13 Nangmah ngeiin ka rilru i nei a: Ka nu pum chhûngah mi khuh a.
139:14 I hnênah lawm thu ka hrilh ang che; hlauhawm tak leh mak taka siam ka ni si a: I thiltihte hi mak tak a ni a; Chu chu ka nunna hian a hre chiang hle a ni.
139:15 A ruka siama ka awm a, Lei hmun hnuaihnung bera mawi taka siama ka awm lai khan Ka ruhrel chu i lakah thupin a awm lo.
139:16 Ka riruang la famkim lo chu i mitin a hmu a, I lehkhabuah chuan ka pengte zawng zawng hi ziak vek a ni a, A ni tela siamin a awm zel a, A pakhat mah la awm hmain,
139:17 Aw Pathian, i ngaihtuahnate chu k tan a va hlu êm! A infin khâwm chu a va nasa êm!
139:18 Chhiar dawn ila, a tam lam chu tiau vaivut aiin a tam zawk ang: Ka han men chuan, i hnênah ka la awm cheu thin a ni.
139:19 Aw Pathian, mi suaksualte chu i that ngei ang: Chutichuan, nangni thisen chhuah chak mite u, mi kalsan rawh u.
139:20 Anni chuan sual takin an sawichhe si chia, Nangmah dotute chuan i hming chu an sawi nawmnah thin.
139:21 Aw LALPA, nangmah hawtute chu ka haw lo vem ni? Nangmah beitute chungah chuan kalungni lo vem ni?
139:22 Anni chu huat tak tein ka hua a: Mi dotu-ahte ka ruat hlawm a.
139:23 Aw Pathian, ngun takin min en chhuak la, ka thinlung hi hria ang che: Mi fiah la, ka ngaihtuahnate hi hria ang che:
139:24 Tin, keimahah hian suahsualna kawng rêng rêng a awm nge awm lo en la, Chatuan kawngah chuan mi hruai ang che.
140:1 Aw LALPA, misual lakah chuan mi chhanhim la; Mi nunrawng lakah chuan mi humhim ang che:
140:2 Anni chuan a n thinlungah thil tihsualte an ngaihtuah thin a; Do tûrin an inkhawm fo thin.
140:3 An lei chu rul angin an tihriam a; An heh chhûngah chuan rulrial tûr a awm a. (Selah)
140:4 Aw LALPA, mi suaksual kut lakah chuan mi vawng tha la; Mi nunrawng lakah chuan mi humhim ang che: Anni chuan ka ke pente hi nam kawi an tum a.
140:5 Mi chapote chuan ka awh nân thang an kam ru a, hruihrualte nên; Kawng sirah chuan len an phah a; Ka awh nân thangte an kam a. (Selah)
140:6 LALPA hnênah chuan, "nang chu ka Pathian i ni a: Aw LALPA, khawngaih ka dilna awte hi lo bengkhawn ang che.
140:7 Aw PATHIAN, Lalpa, min chhandamna tichaktu, Nang chuan inbei niah chuan ka lu mi khuhsak a.
140:8 Aw LALPA, mi suaksual duhzawngte chu phal suh la; An ngaihtuahna sual chu puitlintir suh ang che; chutilochuan an inchawimawi dah ang e," ka ti a. (Selah)
140:9 Mi hual veltute lu chu, Anmahni hmuia an thu sual sawi chuan khuh rawh se.
140:10 Meilingte an chungah tla sela: Meia paihin awm sela;
140:11 An thawh leh tawh lohna tûrin khuarkhurum thuk takahte paihin awm rawh se. Thu tha lo sawitu chu leiah hian tihnghehin a awm lo vang a: Mi nunrawng tichhe tûrin thil tha lovin a pel ang.
140:12 LALPA chuan hrehawm tuarte chu an thu-ah a tan ang tih ka hria, Pachhiate chu an tana awm rengah nên.
140:13 Matheilovin mi felte chuan i hming an fak ang a: Mi dikte chu i hmaah an awm ang.
141:1 LALPA, ka koh che hi, ka hnênah lo kal thuai la: Ka koh chein ka aw-ah hian beng lo chhi ang che.
141:2 Ka tawngtaina hi englo rimtui tak angin i hmaah tihchhuahin awm sela; Ka kut phar hi tlai lam inthawina angin awm rawh se.
141:3 Aw LALPA, ka ka bulah hian vengtu thuttir la; Ka hmui kawngkhâr hi veng ang che.
141:4 Suahsualna thilte Thil tisual mite tihpui tûr chuan, Ka thinlung hi thi tha lo rêng rêng lamah chuan thlektir suh la: An ei tûr tak takte chu mi eitir suh ang che.
141:5 Mi fel chuan mi vaw rawh se, khawngaihna a ni ang; Mi zilhhau rawh se, lua hriak thih ang a ni a; Ka luin duh lo suh se: An suahsualn pawhin ka tawngtai zel dawn si a.
141:6 An rorêltute chu lungpui sirah paih thlakin an awm a; Anni chuan ka thute chu an ngaithla tawh ang; a thlum si a.
141:7 Mi'n lei a leh a, a tihsawm ang hian, Ka ruhte hi thlan kovah tihdarhin a awm a.
141:8 Aw PATHIAN, Lalpa, ka mitin i lam a en si thin a: Nangmahah chuan ka rinna ka nghat thin; ka nunna hi saruakin hnutchhiah suh ang che.
141:9 Ka awh nana thang an kam lekah chuan mi humhim ang che, Thil tisualtute thang lakahte nên.
141:10 Keiin ka kal pelh lai takin, Mi suaksualte chu anmahni lenahte chuan tlu lut rawh se.
142:1 Ka awin LALPA chu ka au va; Ka awin LALPA hnênah khawngaihna ka dil thin.
142:2 A hmaah ka mangan thu ka sawi a; A hmaah ka buaina ka hriattir thin.
142:3 Ka thlarau chu chhûngah a chauh lai kha, nangmah ngeiin ka kawng chu i hria a. Ka kalna kawngah hian ka awh nân thang an kam ru a.
142:4 Ka ding lam hi thlek la, en teh; tumah mi hria rêng rêng an awm tak loh hi: Ka inhumhimna a awm ta lo va; tumah rêng rêngin ka nunna hi an ngaihsak ta lo.
142:5 Aw LALPA, ka au chia; "Nang chu ka inhumhimna, Mi nung rama ka chanvo i ni," ka ti a.
142:6 Ka au thawm hi ngaithla ang che; nasa taka tihhniamin ka awm ta si a: Mi tiduhdahtute lakah hian mi chanhim ang che; ka aiin an chak zawk si a.
142:7 I hming ka fak theih nân, ka nuna hi tan in atangin hruai chhuak ang che: Mi felte chuan mi hual vêl ang; Nangin tha taka mi tih dawn avângin.
143:1 Aw LALPA, ka tawngtaina hi ngaithla la; khawngaih ka dilnaah hian beng lo chhi la: I rinawmna avâng leh i felna avângin mi chang ang che.
143:2 I chhiahhlawh chungah hian rorêl suh ang che; I mithmuhah chuan mi nung rêng rêng thiam chang an awm dawn si lo.
143:3 Dotu chuan ka nunna a tiduhdah si a; Ka nun hi leiah a vaw thlu a: Thi tawh daihte angin, hmin thim takahte mi awmtir a.
143:4 Chuvangin ka thlarau hi ka kawchhûngah a chau va; Ka thinlung hi ka kawchhûngah a mangang ta a.
143:5 Hmasâng nite chu ka hre reng thin a; I thiltih zawng zawngte chu ka ngaihtuah thin a: I kut hnathawhte chu ka chhut thin.
143:6 Ka kutte hi i lamah ka phar thin a: Ka nunna hi, ram chau tak angin, nangmahah a tuihal thin.
143:7 Aw LALPA, mi chhâng thuai ang che; ka thlarau a chauh dawn hi: Ka lakah hian i hmai thup suh ang che; Chutilochuan khuarkhuruma chhukte ang maiin ka lo awm dah ang e.
143:8 Zingah chuan i ngilneihna thu mi hriattir ang che; Nang ka ring si thin chia: Ka kalna tûr kawng chu mi hriattir ang che; Ka rilru hi i hnênah ka dah tlat si thin a.
143:9 Aw LALPA, mi dotute lakah chuan mi chhanhim ang che: I mi thuhruk tûrin i hnênah ka lo tlan a ni.
143:10 I duhzawng tih mi zirtir ang che; ka Pathian i ni si a: I thlarau chu a tha a ni; ram dik takah chuan mi hruai ang che.
143:11 Aw LALPA, i hming avângin mi tiharh la: I felna avângin ka nuna hi manganna ata hruai chhuak ang che.
143:12 I ngilneihna avângin mi dotute chu tiboral la, Ka nuna timangangtu zawng zawng chu tiboral ang che; I chhiahhlawh ka ni si a.
144:1 LALPA ka lungpui chu fakin awm rawh se, Ani chuan ka kutte hi ral kah a zirtir thin a, Ka kut zungtangte hi bei tûrin a zirtir bawk thin:
144:2 Ka ngilneihna leh ka kulhpui, Ka kulhbing sâng leh mi chhanhimtu, Ka pawh leh ka rinna nghahna, Ka hnuaia ka mite tudawl thintu chu a ni.
144:3 LALPA, mihring hi eng nge maw a nih a, i hriat thin ni? Mihring fapa pawh hi eng nge maw a nih a, i ngaihtuah thin ni?
144:4 Mihring hi engmah lo mai ang a ni a: A dam chhûng nite chu hlim ral thin ang hi a ni.
144:5 Aw LALPA, i vante tikunin lo chhuk la: Tlangte chu khawih ang che, tichuan a khu chhuak ang.
144:6 Kawl phettir la, anniho chu tidam ang che; I thalte chu kap chhuak la, tibuai nuai ang che.
144:7 Chung lam atangin i kut rawn ban la; Mi chhan chhuak la, tui lian atate hi mi chhanhim ang che, Mikhualte kut ata hi;
144:8 An ka chuan dawt a sawi a, Chhechham chung pawhin dawt an sawi.
144:9 Aw Pathian, nangmah chawimawiin hla thar ka sa ang a: Perhkhuang hrui samw nei mi nên enangmah fakin ka zai ang.
144:10 Amah chu a ni, lalho hnêna chhandamna pe a, Khandaih mi tikhawlo thei laka a chhiahhlawh Davida chhanchhuaktu chu ni.
144:11 Mi chhanchhuak la, mikhualte kut ata mi chhanhim ang che. An ka chuan thu engmah lo mai mai an sawi thin a, An kut ding lam chu kut ding lam dik lo a ni.
144:12 Thlai thang duang ang mai, Kan fapate thang duang sela; Kan fanute pawh lal in kil Lung chher mawi ang lo ni se;
144:13 Kan buhzemte lo khatin Thil tinreng awm reiruiin, Kan berâmte pawhin no sâng tam tak, Sing tam tak kan phulahte hring sela,
144:14 Kan bâwngpaten phur thur thur sela, Kan ran rualte rawktu leh hruaibotu awm lovin Kan kawtthlêrahte mangang au thawm awm lo sela.
144:15 A ni, LALPA Pathiana nei mite chu lawm takin an awm thin.
145:1 Aw Lalber, ka Pathian, ka chawimawi ang chia: I hming hi kumkhaw tlaitluanin ka fak ang.
145:2 Ni tin, ka fak ang chia; I hming hi kumkhaw tlaitluanin ka fak ang.
145:3 LALPA chu a ropui a, nasa taka fak tûr a ni; A ropuizia chu chhui chhuah rual ani lo.
145:4 Chhuan khatin chhuan dang hnênah i thiltihte chu an fak chhawng zel ang a. I thiltih ropi takte chu an hriattir ang.
145:5 Nangmah chawimawina ropui tak leh, I thimak tihte chu ka ngaihtuah ang.
145:6 Miten i thiltih rapthlak takte chakzia chu an sawi ang a; Kei pawhin i ropuizia ka hriattir bawk ang.
145:7 I thatna ropui tak an hriat reng chu an sawi ang a, I felna thu hi hlim takin hlaah an sa ang.
145:8 LALPA chu mi khawngaih thei, lainatnaa khat; Thinnel, ngilneihna nasa tak nei a ni.
145:9 LALPA chu engkim chungah pawh a tha a ni; A lainatnate chu a thil siam zawng zawng chungah a awm a.
145:10 Aw LALPA, i thilsiam zawng zawng chuan i hnênah lawm thu an hril ang a; Mi thianghlimte pawhin an fak ang che.
145:11 I ram ropuizia thu saiwin, I thiltihtheihna thu chu titiah an la hmang ang;
145:12 Mihring fate hnanah a thiltih ropui takte leh, A ram mawina ropuizia hriattir tûrin.
145:13 I ram chu chatuan ram tûr a ni a, I thu neihna chu chhuan awm chhûng zawng zawgin a awm reng ang.
145:14 LALPA chuan tlute zawng zawng ch a chelh reng thin a, Kun ngawih ngawiha awm zawng zawngte chu a kaitho thin.
145:15 I thil siam zawng zawng mitte chuan an nghak thin che a ni; Nangin a hun takah an chaw i pe thin.
145:16 I kut i phar a, Thil nung zawng zawng chakna chu i tihrehsak thin.
145:17 LALPA chu a awm dan zawng zawngah a felin, A thiltih zawng zawngah mi khawngaih thei tak a ni thin.
145:18 LALPA chuan akotu zawng zawngte chu a hnaih thin a. Tih tak zeta amah kotu zawng zawngte chu.
145:19 Amah tihtute duh chu a hlawhtlintir ang a; An au thawm a hria ang a, anni chu a chhandam ang.
145:20 LALPA chuan amah hmangaihtute zawng zawng chu a vawng tha thin a; Mi suaksual erawh chu a tiboral vek ang;
145:21 Ka kâ hian LALPA fakna thu a sawi ang; Tin, tisa zawng zawng hian a hming thianghlim chu kumkhaw tlaitluanin fak rawh se.
146:1 LALPA chu fak rawh u. Aw ka nunna, LALPA chu fak rawh.
146:2 Ka dam chhûng zawngin LALPA chu ka fak ang a: Ka nun chhûng zawngin ka Pathian fakin ka zai ang.
146:3 Mi liante chu ring suh ula, Mihring fapa, tanpuina rêng rêng awm lohna chu, ring hek suh u.
146:4 A thawin a chuahsan a, ani chu a leilungah a kir leh a; Chu mi ni ngei chuan a ngaihtuahnate chu a bo nghal a ni.
146:5 Jakoba Pathian tanpuitua nei chu, lawm takin a awm thin, LALPA Pathiana beiseina neitu chu:
146:6 Ani chu lei te, van te, Tuifinriatte leh an chhûnga awm zawng zawng siamtu a ni; Ani chuan thutak kumkhua atân a vawng tha thin a;
146:7 Ani chuan hnehchhiahna tuarte tan ro a rel thin a; Ani chuan riltamte hnênah chaw a pe thin: LALPA chuan mi tângte a chhuah thin a;
146:8 LALPA chuan mitdelte mit a tizvar thin a; LALPA chuan kun ngawih ngawihte chu a kai tho thin a; LALPA chuan mi felte chu a hmangaih thin a;
146:9 LALPA chuan mikhualte chu a vawng tha thin a; Pa nei lo leh hmeithai chu a chelh reng thin a; Mi suaksualte kawng erawh chu a tiletling thin.
146:10 LALPA chu kumkhuain lalah a thu ang, Aw Zion, i Pathian chu chuan zawng zawng thlengin lalah a thu ang.
146:13 LALPA chu fak rawh u.
147:1 LALPA chu fak rawh u; Kan Pathian faka zai hi a tha si a;
147:2 Chu chu a nuamin, fak hi a awm reng a ni. LALPA chuan Jerusalem chu a din leh a; Israel hnawh chhuahhote chu a hruai khâwm leh a.
147:3 Lungchhiate chu a tidam a, An hliamnate chu a tuam thin a.
147:4 Arsi tam chin a chhiar a; An hming a vuah theuh hlawm thin a.
147:5 Kan Lalpa chu a ropui a, thiltihtheih lamah pawh chak tak ani a; A finna chuan tawpintai a nei lo.
147:6 LALPA chuan thuhnuairawlhte chu a chelh reng a: Mi suaksualte chu leiah a titlâwm thin.
147:7 Lawm thu sawia LALPA chawimawiin hla sa ula; tingtang nên kan Pathian fakin zai rawh u.
147:8 Ani chuan van khi chhum a zam hliahtir a, Leilung atân ruah a buatsaih a, Tlângahte chuan hlobet a totir thin a.
147:9 Ani chuan sa hnênah a ei tûr a pe thin, Choak no hram hramte hnênah nên.
147:10 Ani chu sakawr chakna chungah chuan a lawm lo va: Mihring ke chungahte pawh lawmna rêng rêng a nei thin lo.
147:11 LALPA chuan amah tihtute chungah chuan lawmna a nei thin, A ngilneihna beiseitute chungah chuan.
147:12 Aw Jerusalem, LALPA chu fak rawh; Aw Zion, i Pathian chu fak rawh.
147:13 Ani chuan i kulh kawngkhârte kalhna thing tlawnte a tikhauh va; I chhûnga i fanau awmte chu mal a sawm si a.
147:14 I ramri chhûngah chuan remna a siam a; Buh tha ber chiin a tikhat thin che a ni.
147:15 A thupêk chu leiah hian a tir chhuak a; A thu chu chak takin a tlan thin.
147:16 Vûr sur chu berâm hmul angin a pe a; Vûr tla chu vut angin a theh darh thin.
147:17 A tui khal chu chhâng them nawi angin a paih chhuak thin a: Ama vawhna hmaah chuan tunge ding thei ang?
147:18 A thu chu a tir chhuak a, chung chu a titui a: A thli a tlehtir a, chutichuan tuite chu a lo luang thin.
147:19 A thu chu Jakob-ho hnênah a lantir a, A thuruatte leh a rorêlte pawh chu Israel-ho hnênah a lantir thin.
147:20 Ani chuan eng hnam chungah mah chutiang chuan a ti ngai lo: A rorêl lah chu an hre hek lo. LALPA chu fak rawh u.
148:1 LALPA chu fak rawh u. Van atangte khian LALPA fak ula: Chung lamahte khian amah chu fak rawh u.
148:2 A vântirhkoh zawng zawngte u, amah chu fak ula: A sipaiho zawng zawngte u, amah chu fak rawh u.
148:3 Ni leh thlate u, amah chu fak ula: Arsi engho zawng zawngte u, amah chu fak rawh u.
148:4 Van sângte u, amah chu fak ula, Van chunga tui awmte u, amah chu fak ve rawh u.
148:5 Chungho chuan LALPA hming chu fak rawh se: Ani chuan thu a pe a, siamin an lo awm ta si a.
148:6 Ani chuan chungho chu kumkhaw tlaitluan atân a tinghet a: Thu, boral lo tûr chu, a ruat a.
148:7 Lei atang hian, Nangni drakonte leh tui thuk zawng zawngte u:
148:8 Mei leh rial te, vur sur leh chhumte u; A thu zawm thin thlipuite u:
148:9 Tlâng lian leh tlâng te zawng zawngte u; Thing rah duhte leh sidar thing zawng zawngte u:
148:10 Ram sate leh ran zawng zawngte u; Rannungte leh chungleng savate u:
148:11 Leia lalte leh mi tinrengte u; Mi liante leh leia rorêltu zawng zawngte u:
148:12 Nula leh tlangvâlte, Putar leh naupangte u, LALPA chu fak rawh u:
148:13 Chungho chuan LALPA hming chu fak rawh se; A hming chauh chu chawisanin a awm si a: A ropuina chuan lei leh van a khum daih a.
148:14 A mite ki chu a chawimawi bawk a, A mi thianghlim zawng zawng fakna chu; Israel fa, a kianga mite fakna chu, LALPA chu fak rawh u.
149:1 LALPA chu fak rawh u. LALPA chawimawiin hla thar sa ula, Mi thianghlimte inkhawmnaah chuan a fakna hla sa rawh u.
149:2 Israel-ho chu an siamtu chungah chuan lawm sela: Zion fate chu an Lalber chungah chuan hlim rawh se.
149:3 An hming chu lamin fak sela Khuangte leh tingtang nên amah fakin zai rawh se.
149:4 LALPA chu a mite chungah a lawm si thin a: Thuhnuairawlhte chu chhandamnai a timawi ang.
149:5 Mi thianghlimte chu ropuinaha lawm takin awm sela; An khumlaizawlahte hlimin zai rawh se.
149:6 Pathian chawimawia fakna chu an kaah awm sela, Khandaih hriam tawn an kutah awm bawk rawh se;
149:7 Hnam tin, chunga phuba laa, Mi tin, chunga hremna thlentir tûr leh,
149:8 An lalte chu khaidiata phuar a, An mi thate chu thir kawlte buntir tûr leh,
149:9 rorêl ziak saa an chunga rel tûrin: Chu chawimawina ch a mi thianghlim zawng zawng chuan an nei hlawm a. LALPA chu fak rawh u.
150:1 LALPA chu fak rawh u. Pathian chu a hmun thianghlimah chuan fak ula:
150:2 A thiltihtheihna boruak zau takah khian amah chu fak rawh u. A thiltih ropui takte avângin amah chu fak ula:
150:3 A ropui nasat êm avângin amah chu fak rawh u. Tawtawrâwt riin amah chu fak ula:
150:4 Perhkhuang leh tingtangin amah chu fak rawh u. Khuangte leh lamin amah chu fak ula: Tingtang chi hrang hrang leh phenglawngin amah chu fak rawh u.
150:5 Darbenthek ri thum miin amah chu fak ula: Darbenthek ri fiak miin amah chu fak rawh u.
150:6 Engkim, thaw thei tawh phawt chuan LALPA chu fak rawh se. LALPA chu fak rawh u. |
posted by zoblog @ 12:09 PM  |
|
| 1 Comments: |
-
Sam pumpui...a va han țha em!!!
|
| |
| << Home |
| |
|
|
|
|
Sam pumpui...a va han țha em!!!