| Wednesday, September 12, 2007 |
1:1 Hakalia fapa Nehemia thute chu. Heti hi a ni a, kum sawmhnihna, Kisleu thla a lal khawpui Susan-a ka awm laiin,
1:2 ka unau pakhat Hanania leh Judai ram ata mi thenkhatte an lo kal a; tin, Juda-ho sala tang chhuak la damte chanchin leh Jerusalem chanchin ka zawt a.
1:3 Tin, ka hnênah, "Sala tâng chhuak, chu mi rama dama la awmte chu chânchhe tak leh sawichhiatin an awm a: tin, Jerusalem kulh chu a chim rem rum tawh a, a kawngkhârte pawh a kang asin," an ti a.
1:4 Tin, heti hi a ni a, chung thu chu ka hriat chuan ka thu chawt a, ka tap a, ni eng emaw zat chu lungngaiin ka awm a; tin, chaw ka nghei a, van Pathian hmaah ka tawngtai a,
1:5 "Aw LALPA, van Pathian, Pathian ropui leh hlauhawm, nangmah hmangaiha i thupêk pawmtute chunga thuthlung hlena khawngaihna tilangtu;
1:6 Israela thlahte sualna, i chunga kan sualna thupha ka chawi chhûng hian i beng lo chhiin i mit lo meng la, i chhiahhlawh tangtaina, i hnêna a chhun azana i chhiahhlawh Israela thlahte ka ngtensakna hi lo ngaithla teh ang che; kei leh ka pa chhûngte chu kan lo sual ta si a.
1:7 I chungah tha lo takin thil kan lo ti ta a, i chhiahhlawh Mosia hnêna i pêk, thupêkte, dan te, rorêlte chu kan lo zawm ta lo va.
1:8 I chhiahhlawh Mosia hnêna, 'In bawhchhiat chuan hnam tin, zingah ka titaitam ang che u a;
1:9 amaherawhchu ka lam in lo hawi leh a, ka thupêkte in pawma in zawm chuan in zinga mi van tawp thleng pawha hnawhchhuah awm mah sela, chung ata pawh chu ka kai khâwm leh ang a, ka hming ka awmtirna tûra ka ruat hmunah chuan ka hruai leh ang,' tia thu i pek kha khawngaih takin hre reng ang che.
1:10 Tin, hengho hi i chhiahhlawhte leh i mite, i thiltihtheihna nasa tak leh i kut chak taka i tlan chhuahte an ni a.
1:11 Aw LALPA, khawngaih takin i chhiahhlawh tangtaina leh i hming tih lawmzawnga neih, i chhiahhlawhte tawngtainaah hian i beng lo chhi ang che; tin, vawiinah hian i chhiahhlawh hi min hlawhtlintir la, he mi mithmuhah hian khawngaih takin zahngaihna dawntir ang che," ka ti a, kei chu lal no hlantu ka ni si a.
2:1 Tin, heti hi a ni a, lal Artazerzia kum sâwmhnih a lal kum, Nisan thlaah uain an rawn hlui hnuin uain chu ka la a, lal chu ka pe a.Tun hma lam chuan a hmaah lungngai hmêl ka pu ngai lo va.
2:2 Tin, lal chuan ka hnênah, "I dam lo pawh a ni si lo va, eng tizia nge lungngai hmêl i put chu le? Thil dang a ni lo vang, i rilru lam a lungngai a nih hi maw," mi ti a. Chutichuan ka hlau ta êm êm mai a.
2:3 Tin, kei chuan lal hnênah, "Lal chu kumkhuain dam reng rawh se: mi thlahtute thlan awmna khua chu a ramin a kawngkhârte chu a kang vek si a, lungngai hmêl pu lo thei êm ka nih ang?" ka ti a.
2:4 Chutichuan lal chuan ka hnênah, "Eng nge ini i dil?" a ti a. Chutichuan van Pathian hnênah ka tawngtai ta a.
2:5 Tin, lal hnênah chuan, "Lal remtihzâwng a nih a, i chhiahhlawh hian i mit ka lo thlun thin chuan, Judai ramah mi thlahtute thlan awmna khuaah mi kaltir la, khua chu ka va din leh ang e," ka ti a.
2:6 Tin, lal chuan ka hnênah, (lalnu pawh a kiangah chuan a thu a) "Eng chen nge i thang ang a, eng tikah nge i lo haw leh ang?" a ti a. Chutichuan lal chuan lawm takin mi kaltir ta a; tin, keiin hunbi ka tiam a.
2:7 Chu chauh chu ni lovin lal hnênah chuan, "Lal remtihzâwng a nih chuan, lui rala rorêltute hmuh atân Judai ram ka thlen thlenga mi kaltir zel phalna tûrin lehkhate mi pe la;
2:8 tin, lal ngaw hak vengtu Asapha hmuh tûrin in venna kulhbing kawngkhâr rel atân te, khawpui kulh atân te, ka va luah tûr in atân te thing mi pêk theihhna tûrin lehkha mi pe bawk rawh," ka ti a. Tin, ka Pathianin mi duhsak avângin lal hnêna ka dil ang zelin mi pe a.
2:9 Chutichuan lui rala rorêltute hnên chu ka han thleng a, lal lehkhate chu ka han pe a. Tin, lal chuan ka hnênah sipai hotute leh sipai sakawr chung chuang mite a kaltir ve a ni.
2:10 Tin, Horon mi Sanbalata leh Amon mi, chhiahhlawh Tobia ten an lo hriat chuan, Israraela thlahte thawvenna ngaihtuah tûrin mi an lo kal zu nia tiin an lo lungni lo hle mai a.
2:11 Chutichuan Jerusalem ka han thleng a, ni thum ka han awm phawt a.
2:12 Tin, zanah chuan ka tho va, kei leh mi dang tlem te te nên; Jerusalem tana ka tih tûr ka Pathianin ka rilrua a dah chu tumah ka hrilh lo va, ka chuanna sa ngawt lo chu sa dang kan keng lo va.
2:13 Tin, zanah chuan ruam kawngkaah ka chhuak a, dragon tuichhunchhuah lam leh bawlhhlawh kawngka lamah ka kal a, Jerusalem kulh chim leh a kawngkhâr kangte chu ka en vêl a.
2:14 Tin, tuichhunchhuah kawngka leh lal dil thlengin ka kal zel a: nimahsela ka chuanna sa kal tlâng theihna rêng rêng a awm lo va.
2:15 Chutichuan zanah lui ka zawh chho va, kulh chu ka en a; tin, ka let leh a, ruam kawngkaah chuan ka lût a, chutiang chuan ka haw leh ta a.
2:16 rorêltute chuan khawiah nge ka kal a, eng nge ka tih pawh an hre lo: tin, Judate, puithiam te, mi thate, rorêltute leh mi dang hnathawktu tûr rêng rêng pawh ka lahrilh rih lo bawk a.
2:17 Chutichuan an hnênah, "kan chan a chhiatzia hi in hmu a, Jerusalem a ram tih te, a kawngkhâr te a kang tihte pawh in hria a: hawh u, sawichhiat kan nih tawh loh nân Jerusalem kulh chu i din leh ang u," ka ti a.
2:18 Tin, ka Pathian mi duhsak thute ka hrilh a, ka hnêna lal thu sawite pawh. Tin, anni chuan, "I tho vang u khai; i din teh tak ang u," an ti a. Chutichuan chu hna tha thawk tûr chuan an kut an tichak a.
2:19 Amaherawhchu Horon mi Sanbalata leh Amon mi, chhiahhlawh Tobia leh Arab mi Geseman an hriat chuan, mi nuihzatbur a, min hmusit a, "In thiltih hi eng tizia nge ni? Lal chungah in hel elo ni?" te min ti a.
2:20 Chutichuan an ni chu ka chhâng a, an hnênah, "Van Pathian chuan mi tihmuingil ang a; chutichuan keini a chhiahhlawhte chu kan tho vang a, kan din ang a: nangni erawh chuan Jerusalem-ah hian chanvo emaw, thuneihna emaw, hnuhma emaw in nei lo rêng rêng," ka ti a.
3:1 Chutichuan puithiam lal Eliasiba chu a unau puithiamte nên chuan an tho va, berâm Kawngka chu an siam a; an tithianghlim a, a kawngkhârte an siam a; Hamea in sâng thlengin an tithianghlim a, Hananela in sâng thleng chuan.
3:2 Tin, a dawt chu Jeriko miten an siam a. Tin, anmahni dawt chu Imria fapa Zakuran a siam a.
3:3 Tin, sângha Kanwgka chu Hasena fapaten an siam a; a relte an dah a, a kawngkhârte an rel a; a kalhnate leh a bahnate an rem a.
3:4 Tin, anni dawt chu Hakoza fa Uria fapa Meremothan a siam tha a. Tin, anni dawt chu Mesezabela fa Berekia fapa Mesulaman a siam tha a. Tin, anni dawt chu Bana fapa Zadokan a siam tha a.
3:5 Tin, anni dawt Teko-hovin an siam tha a; nimahsela an mi liante chuan an hotu hnaah chuan an ring an rawlh ve duh lo.
3:6 Tin, Kawngka Hlui chu Pasea fapa Joiada leh Besodeia fapa Mesulaman an siam tha a, a relte an dah a, a kawngkhârte an rel a, a kalhnate leh a bahnate an rem a.
3:7 Tin, anni dawt chu Gibeon mi Melatia leh Meronot mi, Jadonan, lui ral ram awptu thu hnuaia awm Gibeon mi leh Mizpa mite nên an siam tha a.
3:8 A dawt chu rangkachak chhertu zinga mi Harhaia fapa Uzielan a siam tha a. Tin, a dawt lehah chuan rimtui siamtu zinga mi Hananian a siam tha a, Kulh Chhah thlengin Jerusalem chu an siam tha a.
3:9 Tin, anni dawt chu Jerusalem bial chanve hotu Hura fapa Rephaian a siam tha a
3:10 Tin, anni dawt chu Harumapha fapa Jedaian a in zawn a siam tha a. Tin, a dawt chu Hasabneia fapa Hatusan a siam tha a.
3:11 Harima fapa Malkija leh Pahat-moaba fapa Hasuba-te chuan hmun dang leh Meipui Chhehna In sâng an siam tha a.
3:12 Tin, a dawt chu Jerusalem bial chanve hotu Halohesa fapa Saluman a fanute nên an siam tha a.
3:13 Ruam Kawngka chu Hanuna leh Znoa-hoten an siam tha a; an siam a, a kawngkhârte an rêl a, a kalhnate leh a bahnate an rem a, tin, Bawlhhlawh Kawngka thlengin kulh tawng sângkhat an siam bawk a.
3:14 Bawlhhlawh Kawngka erawh chu Bet-hakerem bial hotu Rakeba fapa Malkijan a siam tha a; a siam a, kawngkhârte a rel a, a kalhnate leh a bahnate a rem a.
3:15 Tin, Mizpa bial hotu Kolhozea fapa Salunan Tuikhur Kawngka chu a siam tha a; a siam a, a khuh a, a kawngkhârte a rel a, a kalhnate leh a bahnate a rem a; tin, lal huan kianga Sela dil hunga chu Davida khua atanga chhuk thla kailawn thlengin a siam tha bawk a.
3:16 Tin, a dawt chu Azbuka, Betzur bial chanve hotu fapa Nehemia chuan Davida thlan zawn leh dil khuaah leh mi huaisente in thlengin a siam tha a.
3:17 A dawt chu Levi-hovin an siam tha a, Bania fapa, Rehuma-te hovin. A dawt chu keila bial chanve hotu Hasabia chuan ama bial hmingin a siam tha a.
3:18 A dawt chu an unauten an siam tha a, keila bial chanve hotu Henada fapa Bavaia-te hovin,
3:19 Tin, a dawt chu Mizpa hotu Josua fapa Ezra chuan hmun dang, kulh kawi tannaa râlthuam dahna pan chhohan zawn a siam tha a.
3:20 A dawt chu Zebaia fapa Baruka chuan thahnem ngai takin hmun dang, kulh kawi tanna atanga puithiam lal Eliasiba in kawngkhâr thlengin a siam tha a.
3:21 A dawt chu Hokoza fa, Uria fapa Meremothan hmun dang, Eliasiba in kawngkhâr atanga Eliasiba in tawp thlengin a siam tha a.
3:22 Tin, a dawt chu a chheh vêla puithiamhovin an siam tha a.
3:23 Anni dawt chu Benhamina leh Hasuban an inzanw chu an siam tha a. An dawt chu Anania fa Maseia fapa Azarian a in kiang a siam tha a.
3:24 A dawt chu Henadada fapa Binuian hmun dang, Azaria in atanga kulh kawi tanna, a kil thlengin a siam tha a.
3:25 Uzaia fapa Palala chuan kulh kawi tanna zawn leh tan in kianga lal in chungnung zawk atanga lawr in sâng zawn a siam tha a. A dawt chu Parosa fapa Pedaian a siam tha a.
3:26 (Nethinho chu chhak lampanga Tui kawngkhâr zawn thleng leh in sâng lawr thlengi Ophel-ah an awm a.)
3:27 A dawt chu Teko-hovin hmun dang, in sâng lianpui lawr zawn leh Ophel kulh thlengin an siam tha a.
3:28 Sakawr Kawngka chung lam chu puithiamhoten mahni in zawn theuh an siam tha a.
3:29 Anni dawt chu Imera fapa Zadokan a in zawn a siam tha a. Tin, a dawt chu chhak lam kawngkhâr vengtu Sekania fapa Semaian a siam tha a.
3:30 A dawt chu Selemia fapa Hanania leh Zalapha fapa parukna Hanuna te chuan hmun dang an siam tha a. A dawt chu Berekia fapa Mesulaman a awmna zawn a siam tha a.
3:31 A dawt chu rangkachak chhertu zinga mi Malkija chuan Hamipkad kawngkhâr zawn Nethin-ho in leh sumdawngho in thleng leh a kil pan chhohna thlengin a siam tha a.
3:32 Tin, a kil pan chhohna leh a berâm Kawngka inkar chu rangkachak chhertuleh sumdawnghoten an siam tha a.
4:1 Nimahsela heti hi a ni a, Sanbalatân kulh kan siam tih a han hriat chuan, a thinur a, nasa takin a thin a tirim a, Judate a cheksawlh ta a.
4:2 Tichuan, a unaute leh Samari sipaite hmaah chuan thu a sawi a, Heng Juda mi chhiathahote hian eng nge maw an tih le? Khawpui sak that an tum êm ni vei le? An inthawi tehlul ang maw? Ni khat thil thu-ah an puitlin tehlul ang maw? Bawlhhlawh awm khâwm mai mai ata lung kang chhe tawh si an din thar leh ang maw?" a ti a.
4:3 Tin, a kianga Amon mi Tobia chuan, "Han din teh reng se; sihal pawh han lawn sela an lung kulh chu a tichim mai ang chu," a ti a.
4:4 Aw kan Pathian ngai teh, hmusitin kan awm hi: an mi sawichhiatna chu anmahni lu chungah lentir la, anni pawh khawii ramah emaw mualpho takin tantir reng ang che;
4:5 an bawhchhiatna chu khuh suh la, an sualnate chu i hma ata thaibovin awmtir suh ang che; kulh siamtute hmaah an tihthinur che hi.
4:6 Chutichuan kulh chu kan siam a; a san lam chanvein kulh zawng zawng chu kan zawm chhuak vek a; mipuite chuan thawh chakna rilru an pu hle mai a ni.
4:7 Amaherawhchu heti hi a ni a, Sanbalata te, Tobia te, Arab mi te, Amon mite leh Asdod miten Jerusalem kulh chu siam that a ni zel tih leh a chhe laite kan thawm tan tih an hriat chuan, an thinur ta hle mai a;
4:8 tichuan Jerusalem chu rawn beia buaina rawn siam an phiar tlâng ta a.
4:9 Nimahsela anmahni avângin kan Pathian hnênah kan tawngtai a, chhun leh zan an laka vengtu kan dah reng a.
4:10 Tin, Juda chuan, "Thawktute tha a chau zo tawh a, bawlhhlawh lah a nasa si a; kulh chu kan siam thei dawn ta lo a nih hi," a ti a.
4:11 Tin, kan hmêlmate lah chuan, "An zinga kan han kal a, kan han thah a, hna chu kan han tihtawpsak hma chuan an hre lo vang a, min hmu hek lo vang,"an lo ti bawk si a.
4:12 Nimahsela,Juda mi an kianga chengte chuan kan hnenna lo kalin kan hmêlmate min phiarna chu min hrilh fo bawk a.
4:13 Chuvang chuan kulh phen, a hniam lai ber, hmun thawthawl takahte mipuite chu a chung chhûngin an khan daih te, an fei te, an thla ngulte kengin tanhmun ka khuartir a.
4:14 Tin, ka han en vêl a, ka tho va, mi thate leh rorêltute leh mipi dangte hnênah chuan, "Anmahniho chu hlau hauh suh ula, LALPA ropui tak leh hlauhawm tak mai chu hre rengin in unaute, in fapa te, in fanu te, in nupui te, in inte hum tûrin bei rawh u," ka ti a.
4:15 Tin, heti hi a ni a, kan hmêlmaten kan lo hria tih leh an thiltih tum chu Pathianin engmah lovah a siam tih an hratin kulh lamah mahni hnathawhna theuhvah kan kal leh ta vek a.
4:16 Tin he ti hi a ni a,chuta chin chu ka tlangvalho zatvete chuan hna an thawk a,tin a zatvete chuan feite , phawte, thal ngulte ,awmphawte chu an kawl a; tin roreltu chuan Juda chhungte, kulh siamtu zawng zawngte chu an tan tlat a.
4:17 Kulh siamna tûr hmanraw phurtute pawhin an kut khing khatin hna an thawk a, khing khatin hriamhrei an keng a;
4:18 a siamtute chuan an khandaih an pai theuh va, chutiang chung chuan an siam a ni. Tin, tawtawrâwt hamtu chu ka kiangah a awm a.
4:19 Tin, mi thate leh rorêltute leh mipuite hmaah chuan, "Hna chu a nasain a zau êm mai a, kulhah hian kan darhsarhin kan inhlat hle mai si a;
4:20 tawtawrâwt ri in hriatna lam apiangah chuan chuta chuan kan hnênah lo tlan khâwm ula; kan Pathianin min dosak ang," ka ti a.
4:21 Chutiang chuan hna chu kan thawk a; tin, a zatve chuan khawfing chah atangin arsi lan thlengin feite chu an kawl reng a.
4:22 Chutiang bawkin chu mi lai vek chuan mipuite hnênah, "Zana min venga chhunlawna hnahawk atân tupawh an chhiahhlawhte nên Jerusalem chhûngah riak vek rawh se," ka ti a ni.
4:23 Chutichuan kei pawh, ka unaute pawh, ka tlangvâlte pawh, vengtu mi zui thinte pawh, tumah rêng rêngin kan silhfen kan hlip lo va, hriamhrei inbel chung theuhvin tui lamah chuan kan kal ta thin a.
5:1 Chutichuan mipuite leh an nupuite chu an unau Judate chunga phunnawiin an au ta mur mur mai a.
5:2 "Keiniho hi kan fapate leh kan fanute nên kan thahnem hle a, ei tûr lamah hian kan hautak hle si a," an ti a.
5:3 Thenkhatin, "Kan tam si a, ei tûr kan nei lo. Kan lote kan dahkham si a," an ti a.
5:4 "Lal hnêna chhiah chawi atân sum kan puk a, chu mi atân chuan kan lote leh kan grêp huante kan dahkham a.
5:5 Kan tisa chu kan unaute tisa ang bawk a ni a. Kan fate pawh an fate ang bawk an ni si a: nimahsela hei, kan fanute leh kan fapate hi chhiahhlawh atâna bawihah kan luhtir takngial dawn hi; kan fanu thenkhatte phei chu bawiah an lût tawh nghe nghe a: chhan ngaihna hre hek lo i, miin kan lote leh kan grêp huante lah chu an nei ta si a," tite an awm nual bawk a.
5:6 Chung thute leh an au thawm chu ka hriatin ka thinur hle mai a.
5:7 Chutichuan ka rilruin ka ngaihtuah a, mi thate leh rorêltute chu ka khak a, an hnênah, "Mi tinin in unaute a pung umin sum in puktir reng mai a," ka ti a. Tin, an chungchang ngaihtuah tûrin mi ka khâwm chiam a.
5:8 Tin, an hnênah, "Hnam dangte hnêna hralh kan unau Juda-hote chu kan theih ang angin kan tlan a: nangnin in unaute chu zawrh in tum a ni maw? Keini hnênah kher hian hralh an ni dawn em ni?" ka ti a. Chutichuan an ngawi reng mai a, chhanna engmah an hre lo va.
5:9 "In thiltih hi a tha tawp lo mai a ni: kan hmêlma, hnam dangte mi sawichhiatna avângte hian kan Pathian tih a in awm a tul a ni lâwm ni?
5:10 Kei leh ka unaute leh ka tlangvâlte pawhin chutianga a pung um chuan kan sum leh buh kan puktir ve bawk asin. A pung uma puktir hi i ban teh daih ang u khai.
5:11 Vawiinah ngei hian an lo te, an grêp huan te, an oliv huan te, an inte leh an sum leh an buh leh an uain leh hriak hmun zaa hmun khat in lak thin pawh chu pe leh vek rawh u khai," ka ti bawk a.
5:12 Chutichuan anni chuan, "kan pe leh vek ang, an lakah engmah kan phut lo vang; it ih ang tak chuan kan ti ang," an ti a. Chutichuan puithiamte ka ko va, an hmaah chuan mi thutiam ang taka ti ngei tûr chuan chhia ka chhamtir a.
5:13 Ka puan ven chu ka thing a, "He mi thutiam anga ti lo apiang hi Pathianin an in atang leh a hnathawh atangin hetiang hian thing thla rawh se; hetiang thinthlakin awm sela, tiruahin awm rawh se," ka ti a. Tin, pungkhawmho zawng zawng chuan, "Amen," an ti a, lalpa an fak a. Tin mipuite chuan chu mi thutiam ang chuan an ti ta a.
5:14 Chu lo pawh chu Judai rama an mahni awptu atâna ruat ka nih achin, lal Artazerzia kum sâwmhnih a lal kum atanga kum sâwmthum leh kum hnih a lal kum thleng, kum sâwm leh pahnih chhûng chuan kei leh ka unaute hian ram awptu buh chhiah kan la lo va.
5:15 Nimahsela tun hmaa ram awptu, mite lakah an lo hautak hle mai a, tangka sekel sawmli tiam lovin an chhangte leh uainte an laksak thin a; chu mi ahnu hmanah an chhiahhlawhte chu mite chungah an intilal hle mai a: nimahsela kei zawngin Pathian tihna avângin chutiang chuan ka ti ve lo.
5:16 A ni, he mi kulh hnathawk hian ka awm reng a, ram rêng rêng lei pawh ka lei lo va: ka tlangvâlho zawng zawng pawh hna chu thawkin chutah chuan an awm khâwm reng bawk a ni.
5:17 Chu chang pawh ni lovin kan vêla hnam dangte zing atanga lo kal tiam lovin Juda-te leh rorêltute zinga ka dawhkan kil mi za leh sawmnga an awm reng a ni.
5:18 Tin, ni khat atâna an buatsaih chu sebâwngpa pakhat leh berâm paruk a tha thiau a ni a; tin, arte pawh ka tan an buatsaih a, ni sawm dan zelah uain chi hrang hrang tam zet nên: chutiang chuan buatsaih mah sela, he mite tuar hi a rip êm avângin ram awptu pual chhang chu ka phut lo rêng rêng a ni.
5:19 Aw ka Pathian, he mite tana ka thiltih zawng zawng hi ka thatna tûrin hre reng ang che.
6:1 Tin, heti hi a ni a, Sanbalata leh Tobia leh Arab mi Gesema leh kan hmêlma dang rêng rêngten kulhte ka siam a, a pawp lai rêng rêng a awm ta lo tih an han hriat chuan (amaherawhchu chu mi lai chuan kawngkaah kawngkhâre ka la rel lo va.)
6:2 Sanbalata leh Gesema chuan, "Lo kal la, Ono phaia khaw pakhatah i intawk khâwm teh ang u," tiin thu min rawn thawn a, Nimahsela ka chunga thil tha lo tih an tum a lo ni reng a.
6:3 Tin, keiin an hnênah, "Hna ropui tak ka thawk a, ka lo chhuk thei lo: engah nge in hnêna ka rawn chhuksan hlanin hna chu a chawlh ang," tiin mi ka tir a.
6:4 Tin, chutiang hlir chuan vawi li thu min rawn thawn a; chutiang hlir chuan ka chhâng bawk a.
6:5 Chutichuan Sanbalata chuan chutiang bawkin a vawi nganaah chuan a chhiahhlawh lehkha char loh kengin ka hnênah a rawn tir a;
6:6 chumiah chuan, "Nang leh Juda-ho chuan hel in rilruk a, chuvang chuan kulh chu i siam ani tih thu hnam dangte zingah athang a, Gasmuan a sawi bawk a; tin, an sawi danhmangah chuan nang hi an lal nih i tum a.
6:7 Tin, "Judai ramah chuan lal a awm,' tia i chanchin Jerusalem-a puang vêl tûrin zâwlnei pawh i ruat tawh hial bawk a; heng thu hi lal hnênah an sawi thuai ngei ang a. Chuvangin lo kal la, i lo inrawn ang hmaing," tih a chuang a.
6:8 Chutichuan a hnênah, "I sawi ang rêng rêng hian engmah tih a awm lo, i phuahchawp mai a ni," tiin a hnênah mi ka tir a.
6:9 "An hnathawh chu an puitlin theih loh nân an kutte chu tihchak lohin a awm ang," tia mi sawi thaih duh vek an ni a. Chutichuan aw Pathian, ka kutte hi min tihchaksak teh ang che.
6:10 Chu mi zawhah chuan Mehetabela fa Delaia fapa Semaia, chhuak vâk thei lova inah chuan ka kal a; tin, ani chuan, "Pathian inah, biak in chhûng ngeiah inhmu ang khai, biak in kawngte i khar tlat ang: nangmah that tûrin an lo kal dawn a ni; zanah rawn thah che an tum a ni," a lo ti a.
6:11 Tin, kei chuan, "Keini ang hi han tlânchhe tûr êm kan nih? Mahni nun humhim tûr pawhin biak inah tunge lut duh ang? Ka lût tawp lo vang," ka ti a.
6:12 Tin, ka han hre chhuak a, Pathian tirh a lo ni hauh lo mai a, keimah mi dodalin chung thu chu a lo sawi a ni zawk a, Tobia leh Sanbalatân an rawih a lo ni reng a.
6:13 Ka hlau va, chutianga ka tih a, thil ka tihsual a, mi tihhmingchhiatna tûr an neih theih a min sawichhiat nân a ni, an rawih ni.
6:14 Aw ka Pathian, Tobia leh Sanbalata hi an thiltih ang zel hian hre reng ang che, zâwlneinu Goadii leh zâwlnei dang mi tihhlauh tum zawng zawngte nên hian.
6:15 Chutichuan kulh chu ni samwnga leh ni hnihah, Elul thla, ni sawmhnih leh ni nga niin peih a ni ta a.
6:16 Tin, heti hi a ni a, kan hmêlma zawng zawngten chu chu an lo hriat chuan kan vêla hnam dangte chuan an hlau ta a, chan chhe ta hlein an inhria a, hna chu kan Pathian thawh a ni tih an hre ta si a.
6:17 Chu lo rengah pawh, chung lai chuan Juda mi thate chuan Tobia chu lehkha tam tak an thawn thin a, tin, Tobia lehkha pawh an hmu bawk thin a.
6:18 Ani chu Ara fapa Sekania makpa a nih avângin Judai rama mi tam tak chhehchhama amah thurualpui an awm a; tin, a fapa Jehohanana chuan Berekia fapa Mesulama fanu chu nupuiah anei a ni a.
6:19 Ka hriatah a thiltih thatte an sawi thin a, ka thu sawite a hnênah an thlen bawk thin. Tichuan Tobia chuan min tihthaih tûrin lehkhate a rawn thawn thin a ni.
7:1 Tin, heti hi a ni a, kulhte kan siam a kawngkhârte ka rel a, kawngkhâr vengtute, hla satute, Levi-hote ruat an nih zawh chuan,
7:2 ka unau Hanania leh kulhbing hotu Hanania chu Jerusalem ka awptir a: mi rinawm tak, mi ahluana Pathian tih mi a ni si a.
7:3 Jerusalem kulh kawngkhârte hi ni a tlangsan fe hma chu hawng suh u, tlaiah, vengtute an tin, hmain, khar sela, kalh vek rawh se. Tin, Jerusalema awmte zinga mi, vengtute ruat ula, an mawna tûr ruatah awm se la, athen erawh chuan mahni in bul vêl an veng theuh tûr a ni.
7:4 Khua chu a zauvin a lian hle a; nimahsela a mi awmte an tlem hle mai a, inte pawh la sak loh a ni si a.
7:5 Tin, ka Pathianin ka rilruah, mi thate, rorletute, mipuite ko khâwm vek a, an thlahtute ang zela chhiar tûrin mi hriattir a. Tin, atir taka kal chhote thlahtute hming ziakna bu chu ka hmu chhuak a, chutah chuan hetianga ziak ka hmu a:
7:6 Sala hruai, Babulon lal Nebukadnezaran a hruaite zinga, sala tang chhuak a, Jerusalem leh Judai rama mahni khua theuhva haw leh a, chu mi rama awm tate chu hengte hi an ni:
7:7 Zerubabela te, Jesua te, Nehemia te, Azaria te, Ramia te, Nahamania te, Mordekaia te, Bilsana te, Misperetha te, Bigvaia te, Nehuma te, Bana te rual hian an kal a ni. Israel-ho zinga a mi vangtlang tam lam chu:
7:8 Parosa thlahte 2,172;
7:9 Sephatia thlahte 372;
7:10 Ara thlahte 652,
7:11 Jesua leh Joaba thlahte zinga Pahat-Moaba thlahte 2,818;
7:12 Elama thlahte 1,254;
7:13 Zatua thlahte 845;
7:14 Zakaia thlahte 760;
7:15 Binuia thlahte 648;
7:16 Bebaia thlahte 628;
7:17 Azgada thlahte 2,322.
7:18 Adonikama thlahte 667;
7:19 Bigvaia thlahte 2,067;
7:20 Adina thlahte 655;
7:21 Hezekia thlaha mi Atera thlahte 98;
7:22 Hasuma thlahte 328;
7:23 Bezaia thlahte 324;
7:24 Haripha thlahte 112;
7:25 Gibeona thlahte 95;
7:26 Bethlethem leh Netopha khua ami 188;
7:27 Anathot khuaa mi 128;
7:28 Bet-azmavet khuaa mi 42;
7:29 Kiriat-jearim te, Kephira te leh Berot khuaa mite 743;
7:30 Rama leh Geba khuaa mi 621;
7:31 Mikmas khua ami 122;
7:32 Beth-el leh Ai khuaa mi 123;
7:33 Nebo danga mi 52;
7:34 Elam danga thlahte 1,254;
7:35 Harima thlahte 320;
7:36 Jerikova thlahte 345;
7:37 Loda te leh Hadida te leh Onova thlahte 721;
7:38 Sena thlahte 3,930.
7:39 Puithiamte: - Jesua chhûngte zinga mi Jedaia thlahte 973;
7:40 Imera thlahte 1,502;
7:41 Pasura thlahte 1,247;
7:42 Hariam thlahte 1,017.
7:43 Levi-hote : - Hodeva thlaha mi Jesua leh Kadmiela thlahte 74.
7:44 Hla satute : - Asapha thlahte 148.
7:45 kawngkhâr vengtute : - Saluma thlahte, Atera thlahte, Talmona thlahte, Akuba thlahte, Hatita thlahte, Sobaia thlahte 138.
7:46 Nethin-ho : - Ziha thlahte, Hasupha thlahte, Tabaotha thlahte ;
7:47 Kerosa thlahte, Sia thlah te, Padona thlah te;
7:48 Lebana thlah te, Hagaba thlah te, Salmaia thlah te;
7:49 Hanana thlah te, Gidela thlah te, Gahara thlahte;
7:50 Reaia thlah te, Rezina thlah te, Nekoda thlahte;
7:51 Gazama thlah te, Uza thlah te, Pasea thlah te;
7:52 Besaia thlah te, Meunima thlah te, Nephusesima thlahte;
7:53 Bakbuka thlahte, Hakupha thlahte, Harhura thlahte;
7:54 bazlitha thlahte, Mehida thlahte, Harsa thlahte;
7:55 barkosa thlahte, Sisera thlah te, Tema thlah te,
7:56 Nezia thlah te, Hatipha thlahte.
7:57 Solomona chhiahhlawhte thlah: Sotaia thlahte, Sopheretha thlahte, Perida thlah te;
7:58 Jala thlahte, Darkona thlah te, Gidela thlah te;
7:59 Sephatia thlah te, Hatila thlahte, Pokeret-Hazebaima thlah te, Amona thlah te.
7:60 Nethin mi zawng zawng leh Solomona chhiahhlawhte thlah chu 392 an ni.
7:61 Tin, Telmela te, Telharsa te, Kerub te, Adon te, Imer atangtea lo chhote chu hengho hi an ni a; nimahsela an pi leh pute chhûngte leh an thlah zelte Israel mi an nih leh nih loh an chhui thei lo va;
7:62 Delaia thlah te, Tobia thlah te, Nekoba thlahte 642
7:63 Tin, puithiamte zinga mi; Hobaia thlahte, Hakoza thlah te, Gilead mi barzilaia fanu zinga mi nupuia nei a, an hming pu ta nghal Barzilaia thlahte chu:
7:64 chungho chuan an thlahtute ang zela chhiarte zingah chuan anhming ziakna an zawng a, nimahsela an hmu lo va; chuvangin bawlhhlawha ngaihin an awm a, an puithiam nihna chu an ban a.
7:65 Tin, ram awptu chuan anni chu Urim leh Thumim inbela puithiam a inbela puithiam a din hma loh chuan thil serhte chu an ei tûr ani lo tih a hrilh a.
7:66 Mipui pung kahwm zawng zawng chu 42,360 an ni a,
7:67 an chhiahhlawh hmeichhia leh mipa 7,337 tiam lovin: tin, hla satu hmeichhia leh mipa 245 an ni a.
7:68 An sakawr chu 736 a ni a; an sabengtung lian chi chu 245 ani a;
7:69 an sanghawngsei chu 435 ani a, an sabengtung chu 6,720 a ni.
7:70 Tin, chhûngkaw puipa thenkhatten chu mi hna atân chuan thil an thawh a. Ram awptu chuan thawhlawmah rangkachak darik sângkhat, maihun sawmnga, puithiam silhfen zanga leh sawmthum a thawh a.
7:71 Tin, chhûngkaw puipa thenkhahtten in sakna thawhlawmah rangkachak darik singhnih leh tangkarua buk sânghnih leh zahnih an thawh a.
7:72 Tin, midang zawng zawng pêk chu rangkachak darik singhnih leh tangkarua buk sânghnih leh puithiam silhfen sawmruk leh pasarih a ni.
7:73 Tichuan puithiamte, Levi-hote, kawngkhâr vengtute, hla satute leh mi thenkhatte leh Nethin-ho leh Israel mi zawngte chu mahni khua khuaah an awm ta a. Chutichuan thla sarihna a lo thlen chuan Israela thlahte chu an khuaahte chuan an awm a.
8:1 Tin, mi zawng zawng chu thu khat vuain Tui kawngkhâr hma zawn hmun zau laiah chuan an kal khâwm a; tin, lehkha ziaktu Ezra chu LALPA-in Israel-hote zawm tûra thu a pêk, Mosia dan bu chu rawn keng tûrin an hrilh a.
8:2 Chutichuan thla sarihna ni khat niin puithiam Ezra chuan pungkhawmho, nutling patling leh a hre thiam thei chin zawng zawng hmaah chuan dan chu a rawn keng a.
8:3 Tin, chuta mi chu Tui kawngkhâr hma zawn hmun zai laiah chuan nutling patling leh a hre thiam thei chinte hmaah chuan zing tak atangin chhun thlengin a chhiar a, tin, mi zawng zawng chuan dan bu thu-ah chuan an beng an chhi thup mai a.
8:4 Tin, chutiang atâna an siam reng thing dawhkhan sanah chuan lehkha ziaktu Ezra chu a ding a; tin, a sir ding lamah chuan Matithia te, Sema te, Anania te, Uria te, Hilkia te, Maseia te an ding a; tin, a vie lamah chuan Pedaia te, Misaela te, Malkija te, Hasuma te, Hasbadana te, Zakaria te, Mesulama te.
8:5 Tin, Ezra chuan mi zawng zawng mithmuhah chuan lehkhabu zial chu a han phelh a; (mi zawng zawng aia sânga ding ani a) tin, a han phelh chuan mi zawng zawng chu an ding ta vek a;
8:6 tichuan Ezra chuan LALPA, Pathian ropui tak chu a fak a. Tin, mipui zang zang chuan an ban pharin, "Amen, Amen," tiin an lo chhawn a; tin, an kun a, an hmaia lei siin LALPA chu chibai an bûk a.
8:7 Tin, Jesua te, Bania te, Serebia te, Jamina te, Akuba te, Sabethaia te, Hodija te, Maseia te, Kelita te, Azaria te, Jozabada te, Hanana te, Pelaia te, Levi-hote chuan mipuite chu dan an hrilhfiah a; mipuite chu an dinhmunah chuan an awm reng a.
8:8 Tin, lehkhabu, Pathian dan bua mi chu fiah takin an chhiar a; a awmzia an hrilhfiah a, tichuan an chhiar chu an hriat chiantir zel a.
8:9 Tin, ram awptu Nehemia leh puithiam leh lehkhaziaktu ni fawm Ezra leh mipuite zirtirtu Levi-hote chuan mipui zawng zawng hnênah chuan, "Vawiin ni hi LALPA in Pathian tana ni thianghlim ani a; lungchhe suh ula, tap hek suh u," an ti a. Dan thu chu an hriatin mipui zawng zawng chu an tap an tap mai si a.
8:10 Chutichuan ani chuan an hnênah, "Kal ula, thil thau eiin thil thlum in ula, engmah buatsaih nei lote tan chanpual thawn ang che u, vawiin ni hi kan LALPA tana ni thianghlim a nih hi, lungngaiin awm suh u; LALPA chunga lawmna chu in chakna a ni si a," a ti a.
8:11 Chutichuan Levi-hote chuan, "Ngawi hle hle rawh u, vawiin hi ni thianghlim ani si a; lungngaih pawh lungngai duh suh u," tiin mipui zawng zawng chu an tingawi ta thuap mai a.
8:12 Tichuan thu a hrilhfiah chu an hriat thiam avangin mipui zawng zawng chu ei tûr te, in tûr te, midang chanpual thawn tûr te, hlim taka awm tûr tein an tin ta vek a.
8:13 Tin, a ni hnih ni chuan mipui zawng zawng zinga chhûngkaw puipa te, puithiam te, Levi-hote chu dan thu zir tûr bawk chuan lehkha ziaktu Ezra hnenah an kal khawma.
8:14 Tin, LALPAN Mosia hmanga zawm tûra thu a pêk danah chuan thla sarihna kut laia Israela thlahte chhawlbuka an awm tûr thu ziak an hmu a,
8:15 "Tlângah kal ula, Oliv zar te, oliv suak zar te, lenhmui zar te, tum kau te, thing lian tak tak zar te chhawl buk san nân va la rawh u," tiin an khua zawng zawngah leh Jerusalem khuaa an tlangthantir tûr leh puan vêl tûr a nih thute an chhiar a.
8:16 Chutichuan mipuite chu an va kal a, an va la a, mi zawng zawngin an in chungah te, an kawtah te, Pathian in kawtah te, Tui kawngkhâr hmun zau laiah te, Erphraim kawngkhâr hmun zau laiah te chhawlbuk an insiam theuh va.
8:17 Tin, sal chhuak pungkhawmho zawng zawngte chuan chhawlbuk an siam a. Chhawlbukahte chuan an awm a: Nuna fapa Jesua hun atanga chu mi ni thleng chuan Israela thlahte chuan chutiang tak chuan an ti ngai lo va. Tichuan lawmna nasa tak a lo awm ta a.
8:18 Ni tin, a tantirh ni atanga a tawp thlengin Pathian dan bua mi a chhiar bawk a. Tin, ni riat ni chu kut tiak ni a ni a, thupêk angin inkhawmna urhsun takin an titawp thin.
9:1 Chutichuan chu mi thla ni sawmhnih leh ni li ni chuan Israela thlahte chu chaw nghei a, saiip puan sin a, lei kai luamin an kal khâwm a.
9:2 Tin, Israel hnam chu hnam dangte lakah an intihrang a, an ding a, an sualnate leh an pi leh pu bawhchhiatnate thupha an chawi a.
9:3 Tin, mahni hmun hmunah an ding a, chu mi ni hmun lia thena hmun khat chhûng chuan LALPA an Pathian dan bu an chhiar a; tin, hmun lea thena hmun khat dang chhûng chuan thupha an chawi a, LALPA an Pathian an bia a.
9:4 Chutichuan Levi-ho dawhkan sângah chuan jesua te, Bania te, Kadmiela te, Sebania te, Bunia te, Serebia te, Bania te, Kenania te chu an ding a, ring takin LALPA an Pathian an au va,
9:5 Chutichuan Levi mi, Jesua leh Kadmiela te, Bania te, Hasabneia te, Serebia te, Hodia te, Sebania te, leh Pethahia te chuan, "Ding ula, LALPA in Pathian chu chatuan ata chatuant hlengin fak rawh u; tin, chawimawina leh fakna zawng zawngina a phak loh, i hming ropui chu fakin awm rawh se," an ti a.
9:6 Israel mipuite chu hetiangin an tawngtai a, "LALPA, Nangmah chauh hi LALPA i ni a, vante van leh a chhûnga awm zawng zawngte nên, leilung leh a chhûnga awm zawng zawngte nên tuifinriat leh a chhûnga awm zawng zawngte nên i siam a, a azain i vawng tha thin a: tin vana awmhote chuan chibai an bûk thin che a.
9:7 Abrahama chu thlanga, Kaldai ram Ur khua ata hruai chhuak a, a hminga Abrahama saksaktu, LALPA Pathian i ni a;
9:8 tin, a thinlung chu i hmaah rinawmin i hria a, Kanan-hote, Hit-ho te, Amor-ho te, Periz-hote, Jebus-ho te, Girgas-hote ram chu pe tûrin a thlahte lam pe tûrin thu i thlung a; tin, i thu i hlen bawk a; fel tak i ni si a.
9:9 Aigupta rama kan pi leh pute hreawmzia chu i hmu reng a, Tuifinriat Sen kama an au thawmte chu i hria a;
9:10 Pharaoa leh a chhiahhlawh zawng zawngte leh a rama mi zawng zawngte chungah chhinchhiahnate leh thil makte i lantir a; chapo takin an chungah thil an ti tih i hre si a, tichuan tun thleng hian hming i insiam ta a.
9:11 Tin, an hmaah tuifinriat chu i tithen a, tichuan lei charah tuifinriat chu an kal tlâng a; tin, anmahni umtute chu tui thuk takah, tui thuk taka lung paih luh ang maiin i paih lut a.
9:12 Tin, chhunah chhumdingin i hruai thin a, zanah pawh an kalna tûr kawnga anmahni en tûrin meialh dingin i hruai thin a.
9:13 Sinai tlângah chuan i lo chhuk bawk a, van atangin an hnênah thu i sawi a, rorêlna dik tak te, dan dik tak te, thuriat leh thupêk tha takte i pe a,
9:14 tin, i chawlhni thianghlim chu anmahni i hriattir a, i chhaihhlawh Mosia hmangin thupêk te, thu ruat te, dante i pe a;
9:15 tin, an riltam tihren nân van atangin chhâng i pe a, an tuihal tihreh nân lungpui ata tui i tihchhuahsak a, pêk i tum ram chu luah tûrin i pe a.
9:16 Nimahsela anni leh kan pi leh pute chuan chapo takin thil an ti a, an intiluhlul a, i thupêkte chu an pawm lo va.
9:17 an awih duh lo va, an zinga i thil mak tihte pawh chu an hre duh tawh hek lo; an intiluhlul a, an helin an bawih nihna lamah let leh tûrin hotu an ruat ta zawk a: nimahsela nang chu ngaidam tûra inpeih reng Pathian, mi khawngaih thei, lainatna a khat, thin nel, ngilneihna ngah i ni a, anmahni i thlahthlam chuang lo va.
9:18 A ni, bawng no lem an insiam a, 'Hei hi a ni, Aigupta ram ata hruai chhuaktu che i Pathian chu,' an tiha, thinurthlak tak thil an tih laite pawh khan,
9:19 i ngilneihna nasa tak chuan thlalêrah khan i thlahthlam chuan lo va: kawnga anmahni hruai tûra an chunga chhumding chuan chhunah a kalsan lo va, anmahni en tûr leh ankalna tûr kawng kawhhmuh tûra meialh ding pawh chuan zanah a kalsan hek lo.
9:20 Anmahni zirtir tûrin i thlarau tha tak chu i pe bawk a, i manna chuan i chawm a, an tuihal tihreh nân tui i pe a.
9:21 A ni, thlalêrah khan kum sâwmli i chawm a, engmah an tlachham lo va; an silhfente a hlui lo va, an kete chu a vung lo va.
9:22 Tin, ram leh hnamte i pe a, chung chu an chanpual i sem theuh va: chutichuan Sihon-a ram, Hesbon lal ram leh Basan lal Oga ram chu an luah a.
9:23 An thlahte chu vana arsi zatin i tipung bawk a, an luah tûra an pi leh pute hnêna i lo sawi tawh ramah chuan i hruai lut ta a.
9:24 Chutichuan an thlahte chuan ram chu an luah ta a, tin, nangin chu mi rama awm Kanan mite chu an hmaah i titlâwm a, an duh duha tih atân an lalte leh chu mi rama mite nên an kutah i pe a.
9:25 Kulh nei khawpiute ram tha tak takte an la a, thil tha tinrenga khat inte an luah a, tuikhur hiah sa te, grêp huan te, oliv huan te, thei kung tam takte an nei a: tichuan an ei a, an puar a, an lo thau va, i thatna nasa takah chuan nuam an chen a.
9:26 Nimahsela an tihmawh a, i chungah an hel a, i dan chu an hnuchhawn daih a, i lam hawi lehtir tuma zilhtu i zâwlneite chu an that a, thinurthlak tak tak thil an ti a.
9:27 Chuvang chuan anmahni tihreawmtu an hmêlmate kutah chuan i pe a: an mangan laia an auh che khan van atangin i lo ngaithla a; tin, i ngilneihna nasa tak chuan an hmêlmate laka chhanchhuaktu tûr chhandamtute i pe a.
9:28 Nimahsela ralmuanga an han awm hnu chuan, i mithmuhah thil tha lo an ti leh mai a: chuvangin an hmêlmate kutah i hluihlawn a, tichuan an chungah thu an nei a; mahse an lamleta an auh che khan, van atangin i lo ngaithla a, vawi tam tak i ngilneihna chuan i chhanchhuak a;
9:29 tin, i dana i hruai luh leh theih nân i zilh thin a; nimahsela chapo takin thil an ti a, i thupêkte an pawm lo va, i rorêlna kalhin thil an tisual a; (miin an zawma an nunpui tûr chu;_ tin, tukkhum chan an chhawn a, an intiluhlul a, an ngaithla duh lo va.
9:30 Nimahsela kum tam tak anmahni i dawh a, i thlarauva i zâwlneite hmangin i zilh thin a; nimahsela an beng an chhu ngawng a; chuvangin chung rama mite kutah chuan i pe ta a.
9:31 Nimahsela i ngilneihna nasa tak chuan an tawp hlenna hlauh chu i thlensak lo va, i thlahthlam hek lo; Pathian, mi khawngaih thei tak, lainatnaa khat i ni si a.
9:32 chuvangin kan Pathian, Pathian ropui, engkim ti thei leh hlauhawm, thuthlung hlena khawngaihna tilangtu chuan kan chung leh kan lal te, kan mi lian te, kan puithiam te, kan zâwlnei te, kan pi leh pute leh i mite zawng zawng chunga Asuria lalte lal lai atanga tun thlenga hreawmna lo thleng zozaite hi thil te thamah ngai suh ang che.
9:33 Engpawh ni sela, kan chunga thil lo thleng zawng zawngah hian nang chu i fel a; nang chuan dik takin thil i ti a, keini erawh chuan thalo takin kan ti a ni;
9:34 kan lal te, kan mi lian te, kan puithiam te, kan pi leh pute pawhin i dan chu an zawm lo va, i thupêk leh i thu hriattir, anmahni i zilhnate chu an pawm hek lo.
9:35 An chunga i that thin tehlul nên, an ramah, ram zau tak leh ram tha tak i pekah chuan i rawng an bâwlsak si lo chia, an thil tihsual an ban chuan hek lo.
9:36 Ngai teh, tunah hi chuan bawih kan ni ta a, a chhûnga thil rah leh thil tha kan pi leh pute ei atân i pêk ramah hian bawih kan ni.
9:37 Kan sual avânga kan chunga lal atâna i ruatte lah chuan an neihnun phah a: kan taksa chungah leh kan ran chungah te lam pawh an duh duhin thu an nei a, kan mangang êm êm mai a ni.
9:38 Chung zawng zawng avâng chuan thu nghet tak kan thlung a, kan ziak a; kan mi lian te, kan Levi-hote leh kan puithiamten min nemnghehpui a.
10:1 Tichuan min nemnghehpuitute chu heng hi an ni: Hakalia fapa, ram awptu Nehemia leh Zedekia te;
10:2 Seraia te, Azaria te, Jeremia te;
10:3 Pasura te, Amaria te, Malkija te;
10:4 Hatusa te, Sebania te, Maluka te;
10:5 Harima te, Meremota te, Obadia e;
10:6 Daniela te, Ginethona te, Baruka te;
10:7 Mesulama te, Abija te, Mijamina te;
10:8 Mazia te, Bilgaia te, Semaia te: hengho hi puithiam an ni.
10:9 Tin, Levi-hote: Azania fapa Jesua e, Henadada fate zinga mi Binuia te, Kadmiela e;
10:10 tin, an unau Sebania te, Hodija te, Kelita te, Pelaia te, Hanana te;
10:11 Mika te, Rehoba te, Hasabia te;
10:12 Zakura te, Serebia te, Sebania te;
10:13 Hodia te, Bania te, Beniua te;
10:14 Mipui hotute: Parosa te, Pahat-Moaba te, Elama te, Zatua te, Bania te;
10:15 Bunia te, Azgada te, Bebaia te;
10:16 Adonija te; Bigvaia te, Adina te;
10:17 Atera te, Hezekia te, Azura te;
10:18 Hodia te, Hasuma te, Bezaia te;
10:19 Haripha te, Anathota te, Nobaia te;
10:20 Magpiasa te, Mesulama te, Hezira te;
10:21 Mesezabela te, Zadoka te, Jadua te;
10:22 Pelatia te, Hanana te, Anaia te;
10:23 Hosea te, Hanania te, Hasuba te;
10:24 Halohesa te Pilha te, Sobeka te;
10:25 Rehuma te, Hasabna te, Maseia te;
10:26 Ahia te, Hanana te, Anana te;
10:27 Maluka te, Harima te, Bana te.
10:28 Tin, mi dang, puithiamte, Levi-ho te, kawngkhâr vengtute, hla satute, Nethin-hote leh Pathian dan zawm tuma chung rama mite laka inthiarfihlim zawng zawng te, an nupui te, an fapate, an fanute, chinchang hre thei tawh chinte chuan
10:29 an unaute, an mi liante chu an vuan tlat a, Pathian chhiahhlawh Mosia pêk Pathian dan zawm tûra, LALPA, kan LALPA thupêk zawng zawngte leh a rorêlnate leh a thuratte chu zawm leh vawnga,
10:30 chu rama mite chu kan fanute neihtir lo va, kan fapate tan an fanute nei hek lova,
10:31 chu rama miten chawlhnia thil zawrh tûr bungrua emaw, ei tûr rêng rêng zawrh tûr emwa an rawn laka chawlhni emaw, awmni kham ni emawa leisak lova; kum sarihnaa ram dah tuia leiba zawng zawng thing lo tûrin ânchhe dawn huamin chhia an chham a.
10:32 Tin, kan Pathian in lama rawngbawlna atân sekel hmun thuma thena hmun khat kum tina pêk tûrin dan kan insiam bawk a.
10:33 chhâng dah atân te, chhangphut thilhlan fo tûr atân te, hâlral thilhlan fo tûr atân te, chawlhni atân te, thla thar atân te, hunbi nei kut atân te, thil thianghlim atân te, Israel mite tana inremna siamna tûra sual thawina atân leh kan Pathian in lama tih tûr zawng zawng tih nan te,
10:34 Kan pi leh pute chhûngkua ang zela kum tina hunbi ruata dan bua ziak anga LALPA kan Pathian maichâma hal tûr thing hlan kan Pathian ina chhektu tûr hriat nân puithiamho nên, Levi-ho nên, mipuite nên thum kan vawr a:
10:35 tin, kum tina kan lova thlai thar hmasa ber leh thing chi tinreng rah hmasa ber LALPA ina dah lut tûr te,
10:36 dana ziak anga kan fapa leh kan ran piang hmasa berte, kan bawng rual leh berâm rual zinga piang hmasa berte pawh kan Pathian ina rawngbawltu puithiame hnêna kan Pathian ina hruait tur te,
10:37 kan Pathian in pindana puithiamte hnêna kan chhâng hmeh hmasa ber te, kan then thilhlan te, thing chi tinreng rah te, uain leh hriak keng tûr e; kan lova mi sâwma pakhat Levi-hote pêk tûr tein dan kan insiam bawk a, anni Levi-hote chuan kan khaw zinga thlawhhma nei khua apiangah sâwma pakhat an la thin a ni a.
10:38 Tin, levi-hoten sâwma pakhat an lak laiin Arona thlah puithiam chu Levi hote hnênah an awm tûr a ni a; Levi hote chuan sawma pakhat an lak ata sawma pakhat chu kan Pathian inah, ro dahkhawmna pindanah chuan an rawn dah tûr a ni.
10:39 Israela thlahte leh Levia thlahte chuan buh leh uain leh hriak then thilhlan chu hmun thianghlim bungbêl leh rawngbawltu puithiam te, kawngkhâr vengtu te, hla satute awmna pindanah chuan an dah tûr a ni a: chutiang chuan a ni, kan Pathian in chu thlahthlam lo tûra dan kan insiam ni.
11:1 Mipui hotute chu Jerusalem-ah an awm a; sawm zinga pakhat zel khawpui thianghlim Jerusalem-a awmtir tûr leh sawm zinga pakua, khaw danga awm tûrte hriat nân a bak mipuite pawh chuan thum an vawr a.
11:2 Lungni taka Jerusalem-a awm tûra inpe zawng zawngte chuan mipuite fak an hlawh a.
11:3 Hengte hi chu mi ram hotu Jerusalem-a awmte chu an ni: amaherawhchu Judai ram khuaahte chuan, an khuaa mahni chan tûr theuhvah an awm a; chungte chu Israel-ho te, puithiamho te, Levi-ho te, Nethin-ho leh Solomona chhiahhlawhte thlah an ni.
11:4 Jerusalem-ah chuan Juda thlaha mi leh Benjamina thlaha mite an awm. Juda thlahte zinga mi: Pereza thlahte zinga mi, Mahalalela fapa Sephatia, chu mi fapa Amaria, chu mi fapa Sekaria, chu mi fapa Athaia, chu mi fapa Uzia leh
11:5 Silo mi fapa Zekaria, chu mi fapa Joiariba, chu mi fapa Adaia, chu mi fapa Hazaia, chu mi fapa Kolhozea, chu mi fapa Baruka, chu mi fapa Maseia.
11:6 Pereza thlah, Jerusalem-a awm zawng zawngte chu mi huaisen 468 an ni.
11:7 Tin, Benjamin thlahte zinga mi chu hengte hi an ni: Jesaia fapa Ithiela, chu mi fapa Maseia, chu mi fapa Kolaia, chu mi fapa Pedaia, chu mi fapa Joeda, chu mi fapa Mesulama, chu mi fapa Salua.
11:8 A dawt lehah chuan Gebaia te, Salaia te, an zain Benjamina thlah Jerusalem-a awmte chu mi 928 an ni.
11:9 Tin, Zikria fapa Joela chu an hotu a ni; Hasenua fapa, Juda chu khaw hotu ber dawttu a ni.
11:10 Puithiamte zinga mi; Joiariba fapa Jedaia te, Jakina te,
11:11 Pathian in hotu Ahituba fapa Meraiotha, chu mi fapa Zadoka, chu mi fapa Mesulama, chu mi fapa Hilkia, chu mi fapa Seraia te;
11:12 an unau, ina rawngbawltute zawng zawng nên 822 an ni a: tin, Malkija fapa Pasura, chu mi fapa Zekaria, chu mi fapa Amzia, chu mi fapa Pelalia, chu mi fapa Jerohama, chu mi fapa Adaia leh
11:13 a unaute, an chhûngkaw puipate nên 242 an ni a: tin, Imera fapa Mesilemotha, chu mi fapa Azarela, chu mi fapa Amasaia leh
11:14 an unau mi chak huaisente nên 128 an ni; an hotu chu Hegedolima fapa Zabdiela a ni a.
11:15 Tin, Levi-hote zinga mi; Bunia fapa Hasabia, Hasuba, chu mi fapa Semaia te;
11:16 Levi-ho puipate zinga mi, Pathianin pawn lam hna enkawltu Sabethaia leh Jozabada te;
11:17 Asapah fapa Zabdia, chu mi fapa Mika, chu mi fapa, tawngtaia lawm thu sawi tantu ber, Matânia e; a unaute zinga a dawttu Bakbukia te; Jeduthuna fapa Galala, chu mi fapa Samua, chu mi fapa Abda e,
11:18 Khawpui thianghlima Levi-ho awm zawng zawng chu 284 an ni.
11:19 Chung lote pawh chu kawngkhâr vengtu Akuba te, Talmona te leh an unaute kulh kawngka vengtute, 172 an ni a.
11:20 A bak Israelte leh puithiamte leh Levi-hote chu Judai ram khaw tinah mahni ram theuhvah an awm a.
11:21 Nethin-ho erawh chu Ophel-ah an awm a: Ziha leh Gispa chu Nethin-ho hotu an ni a.
11:22 Jerusalem khuaa Levi-hote hotu chu Asapha fa, hla satute zinga mi Mika, chu mi fapa Matânia, chu mi fapa Hasabia, chu mi fapa Bania, chu mi fapa Uzia a nia, Pathian in lam hna ngaihtuahtu a ni.
11:23 An chungchang thuah lal thupêk a awm a, hla satute chu ni tina an tla tawk ruat tûr thu a awm bawk si a.
11:24 Juda fapa Zera thlaha mi Mesezabela fapa Pethahia chu mipuite chungchang thu-ah engkima lal aiawh a ni a.
11:25 Tin, an khua leh an ram thuah chuan, Juda thlah thenkhatte chu Kiriat-arba leh a khawperah te, Dibon leh khawperah te, Zekabzela leh a khawperah e;
11:26 Jesua-ah leh Molada-ah leh Betpelet-ah te;
11:27 tin, Hazarsual-ah te, Beer-seba leh a khawperah te,
11:28 Ziklag-ah te, Mekona leh a khawperah te,
11:29 Enrimon-ah te, Adulam-ah leh an khawperah te, Lakis leh a ramah te, Azeka leh a khawperah te an awm a. Chutichuan Beer-seba atangin Hinom ruam thlengin awm hmun an khuar a.
11:30 Tin, Benjamina thlahte chu Geba piah lam Mikmas-ah te, Aija leh Bethel leh a khawperah te;
11:31 Anathot-ah te, Nob-ah te, Anania-ah te:
11:32 Hazor-ah te, Rama-ah te, Gitaim-ah te;
11:33 Hadid-ah te, Zeboim-ah te, Nebalat-ah te;
11:34 Lod-ah leh themthiamte ruam rama awm thin Levi-ho pâwl thenkhatte chu Benjamin ramah an tel ta a.
11:35 Lod-ah leh themthiamte ruam Ono-ah te an awm a.
11:36 Tin, Judai rama awm thin Levi ho pawl thenkhatte chu Benjamin ramah an tel a.
12:1 Sealtiela fapa Zerubabela leh Jesua hnêna kal chho puithiamte leh Levi-hote chu hengte hi an ni; Seraia te, Jeremia te, Ezra te,
12:2 Amaria te, Maluka te, Hatusa te,
12:3 Sekania te; Rehuma te, Meremotha e;
12:4 Idova te, Ginethoia te, Abija te;
12:5 Mijamina te, Madia te, Bilga te;
12:6 Semaia te, Joiariba te, Jedaia te;
12:7 Salua te, Amoka te, Hilkia te, Jedaia te. Hengho hi Jesua dam laia puithiam zing leh an unaute zinga an hotute an ni.
12:8 Chung lo pawh Levi-hote: Jesua te, Binuia te, Kadmiela te, Serebia te, Juda te, lawm thu sawinaa hotu Matânia te, amah leh a unaute chu.
12:9 Bakbukia leh Unova leh an unaute pawh chu a pawl pawlin an inchhawn thin a.
12:10 Tin, Jesua chuan Joiakima a hring a, Joiakima chuan Eliasiba a hring a, Eliasiba chuan Joiada a hring a,
12:11 Joiada chuan Jonathana a hring a. Jonathana chuan Jadua a hring a.
12:12 Tin, hengho hi Joiakima dam lai chuan puithiam, an chhûngkaw puipate an ni: Seraia thlaha mi Meraia te, Jeremia thlaha mi Hanania te,
12:13 Ezra thlaha mi Mesulama te, Amaria thlaha mi Jehohanana te;
12:14 Malukia thlah mi Jonathana te, Sebania thlaha mi Josepha te;
12:15 Harima thlaha mi Adna te, Meraiotha thlaha mi Helkaia te;
12:16 Idova thlaha mi Zekaria te, Ginethona thlaha mi Mesulama te,
12:17 Abija thlaha mi Zikria te; Miniamina thlaha mi te, Moadia thlaha mi Piltaia te;
12:18 Bilga thlaha mi Samua te; Semaia thlaha mi Jehonathana te;
12:19 tin, Joiariba thlaha mi Matenaia te, Jedaia thlaha mi Uzia te;
12:20 Salaia thlaha mi Kalaia te, Amoka thlaha mi Ebera e;
12:21 Hilkia thlaha mi Hasabia te, Jedaia thlaha mi Nethanela te.
12:22 Levia chite chungchangah chuan, Eliasiba te, Joiada te, Johanana te, Jadua te dam laiin chhûngkaw puipate chhinchhiah fel a ni a; chutiang bawkin puithiamte pawh Persia lal Daria lal thlengin chhinchhiah an ni a.
12:23 Eliasiba fapa Johanana dam lai thleng pawhin Levia fa, chhûngkaw puipate chu chanchin ziakna buah chuan an chuang a ni.
12:24 Tin, Levi-ho puipate: Hasabia te, Serebia te, Kadmiela fapa Jesua te leh an unau, Pathian mi Davida thupêk anga a pawl pawla inchhawna fak leh lawm thu sawitu tûrte nên.
12:25 Matânia te, Bakbukia te, Obadia te, Mesulama te, Talmona te, Akuba te chu kawngkhâr kianga bungraw dahkhawmna in leh kawngka vengtute an ni.
12:26 Hengho hi Jesua, Jozadaka fapaa fapa Joiakima dam laia mi leh ram awptu Nehemia leh Ezra puithiam leh lehkha ziaktu dam laia mi an ni a.
12:27 Jerusalem kulh an hlannaah chuan darbenthek te, perhkhuang te, tingtangte nena hla sa leh lawm thu sawia lawm taka a hlannaa tel tûra Jerusalem-a rawn hruai tûrin Levi-hote chu an hmun zawng zawng ata an zawng chhuak a.
12:28 Jerusalem chhehvel ata leh Netophat-ho khuate atangin hla satuho fate an kal khâwm a;
12:29 Bet-gilgal atang leh Geba leh Azmavet ram ata te pawh hla satute chuan Jerusalem vêlah chuan khua an lo siam ta hlawm si a.
12:30 Tin, puithiamte leh Levi-hote chu an intithianghlim a, tin, mipui te, kulh te, a kawngkhârte an tithianghlim a.
12:31 Chutichuan Juda-ho mi liante chu kulh chungah chuan ka hruai chho va, lawm thu sawia inzui duah duah a kal tûr pâwl lian tak pâwl hnih ka ruat a; pâwl khat chu Bawlhhlawh Kawngka lamah, kulh chung ding lampangah an kal a;
12:32 tin, anni chu Hosaia leh Juda-ho mi lian zatve te,
12:33 Azaria te, Ezra te, Mesulama te,
12:34 Juda te, Benjamina te, Semaia te, Jeremia te,
12:35 tawtawrâwt keng puithiam fapa thenkhatte, Asapha fapa Zakura, chu mi fapa Mikaia, chu mi fapa Matânia, chu mi fapa Semaia chu mi fapa Jonathana, chu mi fapa Zekariate;
12:36 a unau Semaia te, Azarela te, Milalaia te, Gilalaia te, Maia te, Nethanela te, Juda te, Pathian mi Davida tum thin thilte keng Hananiate chuan an zui a; tin, lehkha ziaktu Ezran an hma a hruai a:
12:37 tin, Tuikhur Kawngka an thlenin, kulh chhoh tanna an hmazawn Davida khaw kailawna chhovin Davida in chhakah an kal a, chhak lampanga Tui kawngka thleng rakin.
12:38 Tin, lawmthu sawitu pâwl dangte chu anmahni tawk tûrin an kal a, tin, keiin mipui zatvete nên Meipui chhehna In sâng chhakah, kulh chungah kulh chhah thlengin kan zui a;
12:39 Ephraim Kawngka chungah te, Kawngka hlui chungah te, sângha Kawngka chungah te, Hananela in sâng leh Hamea in sâng chungah te, berâm Kawngka thleng rakin: tin, Tan In Kawngkaah chuan an ding a.
12:40 Chutichuan lawm thu sawituho pâwl hnihte chu Pathian inah an ding a, kei leh rorêltu zatvete nên:
12:41 tin, tawtawrâwt keng puithiamho Eliakima te, Maseia te, Miniamina te, Milkaia te, Elioenaia te, Zekaria te, Hanania te;
12:42 tin, Maseiate, Semaia Elazara te, Jehohanana te, Malkija te, Elama te, Ezera te pawh. Tin, hlasatute chuan an hotu Jezrahia hovin ring takin an sa a.
12:43 Chu mi ni chuan inthawina nasa tak mai an hlan a, an hlim hle mai a; Pathianin hlim namen lohvin a tihlim a ni; tin, hmeichhiate leh naupangte chen pawhin an hlim hle mai a: chuti chuan Jerusalem hlimna chu hla tak atang pawhin an hria a.
12:44 Tin, chu mi ni chuan thawhlawm te, then thilhlan te, thlai thar hmasa ber te, sâwma pakhatte dahkhawmna pindantea hotu, danin a ruat ang, puithiam leh Leviaho chanvo khaw tin, lo zir ang zela la khawmtu tûrte an ruat a; Judate chu rawngbawltu puithiamte leh Levi-ho avâng chuan an lawm hle mai a ni.
12:45 Davida leh a fapa Solomona thupêk angin, hla satute leh kawngkhâr vengtute pawhin an Pathian rawngbawl dan tûr leh intihthianghlimna dan chu an zawm a.
12:46 Hman laia Davida leh Asapha dam lai chuan hla sa pâwl hotu an awm thin a, Pathian fakna leh lawmna hlate an sa thin a ni.
12:47 Zerubabela dam lai leh Nehemia dam lai chuan Israel zawng zawngin hla satute leh kawngkhâr vengtute chu ni tina an tla tawk tûr chanvo an siam thin a: tin, Levi-ho chanvo a tih hran sak bawk a; tin, an ni Levi hote chuan Arona fapate chanvo an tihhransak thin a.
13:1 Chu mi ni chuan mipui beng hriatah Mosia lehkhabu an han chhiar a; tin, chu miah chuan Amon mie leh Moab mite chu Pathian mite inkhawmnaah chuan engikah mah an tel ve hauh lo tûr a ni tih a chuang a;
13:2 Israela thlahte chhang leh tuia hmuak lova, anmahni ânchhe lawhtu Balama an rawih avângin khan: nimahsela kan Pathianin ânchhia chu malsawmnaah a chantir ta zawk a.
13:3 Tin, heti hi a ni a, dan chu an han ngaihthlâk zawh chuan Israel mite zinga ta a chawhpawlhtu hnam dang mie an tihrang ta a.
13:4 Chu mi hma chuan kan Pathian in pindantea hotu atâna ruat, puithiam Eliasiba, Tobia lamhnai chuan
13:5 tun hma lama Levi hote, hlasatute, kawngkhar vengtute chanvo, chhangphut thil hlante, rimtuite, bungbêl te, buh sawma pakhat te, uain leh hriak leh puithiamte tana then thilhlante an dah thinnna pindan zau tak Tobia a buatsaihsak a.
13:6 Nimahsela chung thil zawng zawng awm laite chuan Jerusalem khuaah ka awm lo va; Babulon lal Artazerzia kum sâwmthum leh kum hnih a lal kumin lal hnênah ka lal a, ni eng emaw zat hnuah phalna ka dil leh a:
13:7 tin, Jerusalem khuaah ka va kal a, Pathian in hung chhûng kawtlaitea pindan buatsaihsaka Tobia tana Eliasiban thil tha lo a tih chu kan han hre ta a.
13:8 Mi tilungni lo êm êm mai a: chuvangin Tobia in chhûng bungrua zawng zawng, chu mi pindan ata chu ka theh chhuak vek a.
13:9 Tin, thu ka pe a, pindante chu an thian fai a: tichuan Pathian in bungbêlte chu chhangphut thilhaln te leh rimtuite nên ka la lût leh a.
13:10 Tin, Levi-hote leh hla satute chu an chan ai pêk an nih loh avângin mahni lo lam theuhvah an tlan darh vek a ni tih ka hre leh ta bawk a.
13:11 Tichuan, rorêltute ka khak a, "Engati nge Pathian in chu thlahthlam anih reng mai le?" ka ti a. Tin, anni chu ka ko khâwm vek a, an hmun theuhvah ka awmtir leh a.
13:12 Chutichuan Juda mi zawng zawngte chuan buh sawma pakhat te, uain te, hriak te, thawhlawm dah khawmnaahte chuan an rawn la a.
13:13 Tin, puithiam Selemia leh lehkha ziaktu Zadoka leh Levi-ho zinga mi Pedaia te chu thawhlawm dahkhawmnate hotu atân ka siam a: anmahni puibâwmtuah chuan Matânia fa Zakura fapa Hanana a awm a; rinawma ngaih an ni a, an hnathawh chu an unaute hnêna thil sem vel a ni.
13:14 Aw ka Pathian, he mi thuah hian min hre reng la, ka Pathian in leh a rawngbawlna atâna ka thiltih thatte chu thai bo lul suh ang che.
13:15 Chung lai chuan Judai ramah chawlhnia uain sawr khurtea rap sawr te, buhphal rawn phur te, uain te, grêp te, theipuite leh phurrit tinreng phurhtir tûra sabengtung siam laite ka hmu a; chung chu chawlhniah Jerusalem-an an rawn phur lut a; ei tûr zawrh nite chuan a dik lohzia ka hriattir a.
13:16 Tûra rama mi chuta cheng vete pawhin sânghate leh bungraw tinrengte an rawn la a, chawlhniin Juda mite hnênah leh Jerusalem-ah an zuar a.
13:17 chutichuan Juda mi liante chu ka khak a, an hnênah, "Chawlhni tibawrhbanga in thil tha lo tih hi eng tizia nge ni?
13:18 In pi leh pute pawh khan hetiang hi an ti a ni lâwm ni? tin, kan Pathian chuan heng thil tha lo zawng zawngte hi kan chungah leh he khaw chungah hian a rawn thlentir ta a ni lâwm ni? Chuti chung pawhin chawlhni tibawrhbangin Israel mite chunga thinurna in la thlen belhtir cheu mai ka ti," ka ti a.
13:19 Tin, heti hi a ni a, chawlhni dawna Jerusalem kulh kawngkhâr a thim deuh veleh kawngkhârte khar tûrin thu ka pe a, tin, chawlhni a ral hma loh chuan hawn loh tûrin thu ka pe bawk a: chawlhnia thil phurh rêng rêng an lak luh loh nân ka tlangvâl thenkhatte kawngkhâr ka ventir a.
13:20 Chutichuan sumdawng mite leh bungraw tinreng zuar mite chu vawi khat emaw, vawi hnih emaw chu Jerusalem pawn lamah an riak a.
13:21 Chutichuan a dik lohzia ka hriattir a, an hneah, "Engati nge kulh bulah in riah? Hetianga in tih leh chuan in chungah ka kut ka thlak ang," ka ti a. Chuta chin chu chawlhni chuan an lo kal leh ta lo va.
13:22 Tin, Levi-hote chu inthian faia chawlhni tihthianghlimna tûra kulh kawngkhâr rawn veng tûrin thu ka pe a. Aw ka Pathian, he mi thuah pawh hian min hre reng la, i khawngaihna nasa tak avângin min zuah ang che.
13:23 Chung lai chuan Juda mi, Asdod hmeichhia te, Amon hmeichhia te, Moab hmeichhiate nupuia neite chu ka hmu a:
13:24 an fate chu Asdod tawngin an tawng zawk mah a, chungho tawng dan ang ang chauh lo chuan Juda tawngin an tawng thei lo va.
13:25 Tin, anni chu ka khak hlawm a, ânchhia ka lawh a, thenkhatte chu ka vua a, an samte ka pawh thlaksak a, an fanute chu chungho fapa te neihtir lo tûr leh chungho fanute chu an fapate tan emaw, anmahni tan emaw nei lo tûrin Pathian chhalin chhia ka chhamtir a.
13:26 "Israel lal Solomona pawh kha hetiang thilahte hian a sual ani lâwm ni? Chuti chung pawhin hnam tam tak zingah chuan amah ang lal an awm lo va, a Pathian mi duh tak a ni a, Pathianin Israel ram zawng zawng chunga lalah a siam bawk a; nimahsela ani meuh pawh chu ram dang hmeichhiain a tisual ta mai ani a.
13:27 Chutichuan ram dang hmeichhiate neia kan Pathian chunga thil tha lo tak mai hi ti tûrin in thu kan zawm dawn êm ni?" ka ti a.
13:28 Tin, puithiam lal Eliasiba fa, Joiada fapa pakhat chu Horan mi Sanbalata makpa a ni a, chuvangin ka hnên atangin ka tlanbotir ta a.
13:29 Aw ka Pathian, puithiamna hna leh puithiamna hna thuthlung leh Levi-ho thuthlung an tihbawlhhlawh avangin hre reng hlawm ang che.
13:30 Chutiang chuan ram dang mite lakah ka tithianghlim a, puithiam te, Levi-hote tan an hnathawhna theuhva an rawngbawl dan tûr ka ruatsak a;13:31 a hun ruat theuhva thing hlan atân leh thlai thar hmasa ber atânte nên. Aw ka Pathian, a tha lamin min hre reng ang che. |
posted by zoblog @ 12:15 PM  |
|
|
|
