MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Hla thlankhawmte
Wednesday, September 12, 2007
1:1 Hla thlan khâwmte, Solomona phuah chu.
1:2 Min fâwp rawh se, a hmuia fawhnate chuan, Uain hnehin a tha si, i hmangaihna.
1:3 I hriak hnawih mi chuan a nei, rim tha tak mai; Rimtui bun chuah ang a ni e, i hming zawng; Chuvang chuan an hmangaih che, nulaten.
1:4 Min zai langin, i hniakhnung kan um ang che; Min hruia lût ta, lal chuan a pindan chhûngah" Nangma tawnah kan hlimin kan lawm ang a, Ka hmu zel ang, i hmangaihna uain hnehin. An ngaina takzet che a ni e.
1:5 Ka hang na a, ka nalh a nia. Aw Jerusalem fanute u, Kedar puan inte leh Solomona puanzarte angin.
1:6 Ka han deuh avângin mi iai suh u, Ni sain min êm avâng pawh hian; Ka nu fapate ka chungah thinurin Grêp huan vengah mi siam ta a, Mahni huan erawh ka veng si lo.
1:7 Min hrilh rawh, aw nang ka hmangaih chuan, I ran rual khawiah nge i chawm a, Chhun laia i chawlhtirna thin chu: Engah nge kei ka vah ka vah ang, I thiante ran rual sirah chuan?
1:8 I hriat loh chuan, aw nang hmeichhia alaia mawi ber, Ran rual hniakhnungah chuan kal ta la, I keltete chawm la, berâmpute puan in sirah chuan.
1:9 Ka khaikhin thin che, aw ka hmangaih, Pharaoa tawlailir sakawr lâ nên chuan.
1:10 A nalh mang e, i biang, bahsam phiar mawi nên, I nghawnga lunghlu hruite nên chuan.
1:11 Rangkachak thirhrui ka siam ang che, Tangkaraw belmawi neiin.
1:12 thutna hmuna lalber awm laiin Ka nard rimtui chu a lêng chhuak e.
1:13 Ka duhtak chu ka tan murra têl a ni, Ka tanglaia châm ang hi.
1:14 Ka duhtak chu ka tan Henna pâr bâwr ang, Engedi grêp huana mi chu.
1:15 Ngai teh, i mawi e, ka hmangaih, ngai teh, i mawi e;I mit thuro ang mai a ni e.
1:16 Ngai teh, i mawi e, ka duhtak, a ni, lungtiawi, Kan khum pawh a hring reng e.
1:17 Kan in khanchhukte chu sidar thing, Kan inchhunte fâr thing lo ni e.
2:1 Ka lo ni e, Saron ros par leh phaizawla lili.
2:2 Hling zinga lili ang hi Ka hmangiah chu a ni, lanute zingah.
2:3 Ngaw hnuai thing zingaapple thing ang Ka duhtak chu a ni, tlangvâlte zingah. A hlimah chuan ka thu, nuam takin, A rah chu ka tan a thlum ngei e.
2:4 Ruai theh inah chuan kei mi hruai a, Ka chungah a puanzar chu hmangaihna.
2:5 Grêp thei chhanga mi tungnungin Mi tiharh teh u, apple theiin, Hmangaihnaah ka uai zo ta e.
2:6 A kut veilam chu ka lukhama'n A kut dinglamin mi pawm teh se!
2:7 Ka ngen tlat che u, aw Jerusalem fanute, Saza leh ram zukpui chhalin, Hmangaihna chu chawk thova tiharh lo tûrin; Amahin a duh hma chuan.
2:8 Ka duhtak aw chu, ngai rawh, a lo kal e, Tlângah zuang tumin mualah a tualchai e.
2:9 ka duhtak chuan a ang, saza emaw zuktuai; Ngai rawh, a ding reng ka bang phenah, A rawn bih kha tukverhahte chuan, Zawngdaikalh awngah a inlan e.
2:10 Ka duhtak chuan heti hian mi ti a. Tho la, ka hmangaih, ka enchim loh, lo kal ta che,
2:11 En teh, thlasik a ral a, Ruahtui a kangin a kiang ta si;
2:12 Leian pangpârte an lo lang a, Sirva zai vawr hun a lo thleng a, thuva awrawl hriat a ni ta, kan ramah hian;
2:13 Theipui kungin rah a chhuah a. Grêp hruite an lo pâr vul, An rimtuinate leng chhuakin. Tho la, ka hmangaih, ka enchim loh, lo kal ta che,
2:14 Aw ka thuva, lungpui keh kâra mi, Kham chhawrdawha awm, I hmêl min hmuhtir la, i aw min hriattir ta che; I aw a mawi a, i hmêl lah a nalh si.
2:15 Min mansak ula, sihalte, sihal note te, Grêp huan tichhetute chu, Kan grêp huante a par vul mek si, tiin.
2:16 Ka duhtak chu ka ta a ni, kei pawh a ta ka ni e, A ran rual tlattir thin kha, lili par zingah.
2:17 Ni a nema hlim a her bo hma loh chuan, Ka duhtak, Bether tlâng saza, zuk tuai ang chang rawh.
3:1 Zanah laikhum chungah ka dawn thin, ka hmangaih chu, Ka zawng ruai e, ka tawng si lo ve.
3:2 Ka tho vang a, khawpi daikawn ka vêl ang, Kawtthlêrah leh mual laiahte chuan; Ka zawng zel dawn e, ka hmangaih chu. Ka zawng ruai e, ka tawng si lo ve.
3:3 Khawpui venga kal hualtuten min hmu a; Ka hmangaih chu in hmu emaw? Ka ti a.
3:4 Anmahni ka pelh hnu lawkah chuan, Ka hmu ta e, ka hmangaih chu; Ka vuan ta a, ka kaltir leh tawh rua lo, Ka nu inah, mi paitu pindan chhûngah, Amah ka hruai luh hma loh zawng.
3:5 Ka ngen tlat che u, aw Jerusalem fanute, Saza leh ram zukpui chhalin, Hmangaihna chu chawk thova tiharh lo tûrin; Amahin a duh hma chuan.
3:6 Eng nge ni hei, meikhu ding ang thlalêr ata lo kal hi, Murra leh beraw rimtui nam rum rum Sumdawngtu paudar tinreng rim chenin?
3:7 Ngai rawh, Solomona zawnna tawlai chu, Râlhrât sawmrukin an din hual e, Israel râlhrât zinga mite chuan.
3:8 An zain khandaih an vawng, do thiam an ni: Mi tinin khandaih an pai, an khel chungah, Zantianga hlauhawm vang hian.
3:9 Lal Solomonan zawn bâwm a tan a insiam, Lebanon tlâng thin hmanrua ngeiin;
3:10 A bante a siam a, tangkaruain, A nghenchhan chu rangkachakin, A thutthleng chu puan sendukin; A chhûng lam chu an rem, duhawm takin, Jerusalem fanute chuan.
3:11 Kal chhuak ula, aw Zion fanute, Lal Solomona chu en r'u; A khumtir kha, a nun lallukhum, A nupui neih ni, a thinlung lawmna niah chuan.
4:1 Ngai teh, i mawi e, ka hmangaih, ngai teh, i mawi e; Thuro an iang e, i mitten, i hmai khuhna phenah chuan. I sam chu kel rual, Gilead tlâng panga bawk ang a ni.
4:2 I hate chu berâmpui rual hmul meh hlim, Bual zawh hlim ang chu a ni: An zaa kawppui nei theuhvin, Nei lo reng an awm lo, an zingah.
4:3 I hmuiten an iang e, sapsen zai, I âwka pawh a duhawm ngei e: I biangten pawmgranet phel an iang e, I hmai khuhna phenah chuan.
4:4 I nghawngin a iang e, Davida kulh bing sâng, Râlthuam dah nana siam chu; Phaw sângkhat an bang e, tah chuan, Râlhrâtte phaw theuh ngei chu.
4:5 I hnute pahnih hian a ang, no pahnih, Sazain phir a neih, lili par zinga tlate chu.
4:6 Ni a nem a, hlim a her bo hma loh chuan Ka kal nang e, murr talng leh Beraw mual lamah chuanin.
4:7 I mawi zo ngei e, ka hmangaih chu, Nangmahah demawm a awm lo ve.
4:8 Lebanon atangin lo kal ang che, ka thiannu, ka hnênah, Lebanon atangin ka hnênah: Amana chhipah chuan rawn chuan la; Senir leh Hermon chhip atang chuan, Sakeibaknei puk atang chuanin Keitete tlâng atang pawhin.
4:9 Ka thinlung i hneh zo ta, ka laina, ka thiannu, Ka thinlung i hneh zo ta, i mit sir zai vawi khatin, I nghawng thlun pakhat nên chuan.
4:10 A mawi mang e, i hmangaihna, ka laina, ka thiannu! Uain hnehin i hmangaihna a that zawkzia mai tak chu! Rimtui zawng zawng hnehin a tui zawk i hriak rim zawng.
4:11 Aw ka thiannu, i hmuiah a far e, khuaipui zû: I tawngkamah khawizu, hnute tui: I silhfen rim Lebanon rim ang.
4:12 Huan humhalh tlat a ni, ka laina, ka thiannu chu, Tuihna humhalh tlat, tuikhur hauh tlat.
4:13 Pawmgranet hmun ang a ni, i duhzawmzia, Rah tha ber ber chhuak thin te,
4:14 Henna leh nard nên, nard leh safron nên, Fu rimtui leh thakthing, beraw thing chi tinrengte nên, Murra leh aloe, rimtui ropui zawng nên pawh.
4:15 Nang chu huan tuikhur, tui nung chhunchhuah chu i ni, Luite lo luang Lebanon tlangan.
4:16 Harh la, aw hmâr thli, lo kal rawh, nang chhim thli, Ka huan hi rawn chhem ula, a rimtui leng chhuak rawh se; Ka duhtak chu a huanah lo lut sela, A rah tha ber ber chu ei rawh se.
5:1 Ka huanah chuan ka lo lut a, ka laina, ka thiannu. Ka murra ka rimtuite nên ka lawrkhawm a, Ka khawizu chu a thlar chawpin ka ei a, Ka uain ka in a, hnutetui nên. Ei rawh u, aw thiante u, in rawh u; A ni, in teuh mai rawh u, ka duhtakte u.
5:2 Ka muhil reng, ka thinlung erawh chu a harh, Chu, ka duhtakin a rawn kik chu! Min hawn rawh, ka laina, ka hmangaih, Ka thuro, ka sawiselbo, ka lu a huh zo si a, daiin, Ka sam chhâwl lêng, zan dai farte chuan, tiin.
5:3 Ka kawr ka hlip ta, engah nge ka hak ang? Ka ke ka sil ta, engah nge ka tihbawlhhlawh ang?
5:4 Ka duhtak chuan a rawn zen, kawngkhâr awngah, Amah ka ngai êm e - lung rilah. Ka duhtak kawng hawn tûrin ka tho, Tin, ka kut chu a far a, murrain, Murra a luang ka zungtangahte, Kawng kalh humna chungah chuan.
5:6 Ka duhtak tan chuan ka hawng ta, Mahse, ka duhtak lam ang let e, A tawng ka thlain a tuar zo lo Ka zawng ruai e, ka tawng si lo ve, Ka au chiam a, mi chhâng si lo va.
5:7 Khawpui venga kal hualtuten min hmu a, Min vua a, min hliam ta a, Kulh vengtu'n an hlip e, ka silhpuan.
5:8 Ka ngen tlat che u, aw Jerusalem fanute, Ka duhtak chu in hmuh chuanin Hmangaihnaah ka uai zo tih rawn hrilh r'u.
5:9 Mi aiin i duhtak chu eng nge a nih bik le? Aw hmeichhia alaia mawi ber, Mi aiin i duhtak chu eng nge a nih bik, Chuti ema min ngen le?
5:10 Ka duhtak chu a tha sen siar a, Sângsawm zingah a chungnung ber e.
5:11 A luin a iang e, rangkachak thianghlim, A sam kir chu dum zen e, lianak iangin.
5:12 A mitte chu lui te ui kam thuro ang, Hnutetuia inbuala fel taka thu chu.
5:13 A biangte chu hlo rimtui hmun, rimtui chhuah thin ang a ni, A hmuite chu lili par ang, murra tuiin a far e;
5:14 A kutzungte rangkachak tlawn, topaz lung phûm thiau ang, A sakruak chu saingho, sapphir-a chei ang a ni.
5:15 A ke chawn chu lung var tlawn, Rangkachak nghahchhana hun ang, A lan danin Lebanon tlangpui iang e, Sidar thing tha chungchuang ang.
5:16 A kam a thlum ber mai, a ni, a duhawm famkim; Hei hi ka duhtak chu a ni, hei hi ka thian a ni; Aw Jerusalem fanute u.
6:1 I duhtak chu khawiah nge a kal tak: Aw hmeichhia alaia mawi ber, Khawi lamah nge i duhtak lam ang a let, Keinin kan zawnpui theih nân che?
6:2 Ka duhtak chu a chhuk ta, a huan hlo rimtui hmunah chuan, Huanah a rna rual tlattir leh A lili par lawr tûrin.
6:3 Ka duhtak ta chu ka ni a, ka duh tak chu ka ta a ni: A ran rual tlattir thin kha, lili pâr zingah.
6:4 I mawi mang e, aw ka duhtak, Tirza iangin, I duhawm e, Jerusalem khawpui ang; Puanzar khai pheisen rual ang, ka zuam lo che.
6:5 I mit la tawh la, ka lakan hian, Min hmin tawh êm mai si hi. I bahsamin a iang kel chal hmul, I sam chu kel rual, Gilead tlâng panga bawk ang a ni.
6:6 I hate chu berâmpui rual bual zawh hlim ang chu a ni; An zaa kawppui nei theihvin, Nei lo reng an awm lo, an zingah.
6:7 I biangten pawmgranet phel an iang e, I hmai khuhna phenah chuan.
6:8 Lalnu sawmruk leh hmei sawmriat an awm a, Nula chhiar sen lohte nên.
6:9 Ka thuro zawng pakhat a ni, ka sawiselbovi chu, A nu fanu neih chhun te, a hringtu en phal loh chu. Hmeichhiaten amah an hmu a, nihlawh an ti; A ni, lalnu leh hmeite pawhin an fak thin.
6:10 Tu a ni nge zing eng mawi ang lo lang kha, Chhawrthlapui ianga mawi leh tûrni ianga chianga, Puanzar khai pheisen rual ang, ka zuam loh chu?
6:11 Thei pil sak hmunah ka zuk kal a, Ruama thil chawrno en tûr leh Grêp a kuhmum emwa, pawmgranet a par emaw en tûrin.
6:12 Ammi-nadib tawlailirahte Ka hriat loh hlanin mi lo dah, ka chakna chuan.
6:13 Kir rawh, kir rawh, aw nang Sulam mi, Kir rawh, kir rawh, ka thlir theih nân che, Engah nge Sula mi i thlir le, Mahanaim lama lam ang emin?
7:1 Pheikhawk bun chunga i pen mawizia; Aw mi ropui fanu! I mal mumin lunghlu iang e, Thawktu themthiam tak kut chhuak hnu chu.
7:2 I laibu lah berhbu hun, Uain pawlhsa kiamna ngai lo ang hian. I pum chuan a iang e, buh vum, Lili pâr hmuna chhun chu.
7:3 I hnute pahnih hian a ang, no pahnih, Sazain phir a neih kha.
7:4 I nghawngin a iang a ni, saingho kulhbing sâng; I mitten Hesbn-a dilte, Bath-rabbim luhna kianga mi ang e; I hnarin a iang a ni, Lebanon kulhbing, Damaska lam zuk hawi chu.
7:5 I thlungluin a iang, Karmel tlâng, I lubahsam pawh a dum ziar e, A thlai mawi lalin a tuar zo lo.
7:6 I mawizia leh lung i tihawizia, Aw hmangaih, lawmnate zingah!
7:7 I tlawntlai hian, tum thing a iang e, I hnuteten a rah bâwr a ang.
7:8 Tum thingah chuan ka lawn chho vang a, A kau ka vuan ang, ka lo ti a: I hnutein grêp bawr ang se, I thaw rimin apple ang bawk se,
7:9 I kam uain tha mi ang mai chu, Ka duhtak tan luang thla del del se, Muhilte hmuiah luang lut rawh se.
7:10 Ka duhtak ta chu ka ni a, Keima lamah a thinlai a châm reng e.
7:11 Hawh teh, ka duhtak, ramah chhuak ila, Thingtlâng khuaahte i riak teh ang.
7:12 Zingah grêp huanah kal ila, I en dun ang grêp, kuhmumin a vul emaw, Pawmgranet pawh a par emaw, Tah chuan ka pe ang che, ka hmangaihna.
7:13 Zawlaidi hlivin rimtui a chhuah a, Kan kawngka bulah thei tha tinreng A awm rui e, a hlui leh thar. I tan ka khekkhal aw ka duhtak.
8:1 Aw ka nuta, ka nu hnute hne ve ni teh la chuan, Pawna ka hmuh che pawhin ka fawp ang chia, Tuman mi dem lo vang.
8:2 Ka hruai ang chia, ka nu inah ka hruai lût ang chia. Anin mi lo zirtir tûr; In tûr rimtui ka intir ang chia, Ka pawmgranet tui ngei chu.
8:3 A kut veilam chu ka lukhama'n A kut dinglamin mi pawm teh se! :4 Ka ngen tlat che u, aw Jerusalem fanute, Hmangaihna chu chawk thova tiharh lo tûrin, Amahin a duh hma chuan.
8:5 Tunge ni hei, thlalêr ata lo chhova, A duhtaka rinchhani hi? Apple thing hnuaiah ka tiharh chia: A nu'n a veinaah che khan, Tah chuan a hringtu che chuan a vei che kha.
8:6 Min dah ta che, i tangah valthi angin, I bânah banbun iangin; Thihna chu Seol angin a nunrawng. A alh chhuak chu meialh chhuak a lo ni a, Meialh nasa tak mai chu.
8:7 Tui tam takin a tidai thei lo, hmangaihna zawng, Tui lianin a chim pil thei hek lo; Miin a in ro zawng zawng hmangaih aiah a pêk zawh chuanin Hmusitin a awm ngei dawn e.
8:8 Farnu te tak te chu ka nei a, A la um khel lo, a hnute pawh, Eng nge ka tih ang, kan farnu tan, Ama tan biahthu an hlan ni chuan?
8:9 Amah chu kulh bang lo ni se, Tangkaraw kulhbing kan siamsak ang: Amah chu kawngka lo ni sela, Sidar thing phelin kan tuam leh ang.
8:10 Ka ni alawm, kulh bang, Ka hnutein a ang, kulhbing sângte, A mithmuhah chuan muanna neitu ka lo ni.
8:11 Solomona'n a nei grêp huan, Baal-hamon-ah, Huanpute hnênah chuan a kawltir; Mi tinin an rawn lak tûr, thei man cheng sângkhat.
8:12 Ka grêp huan, ka ta liau liau, keima tan ngei a ni; Aw Solomon, nang chuan sâng i nei a, Huanpute chuan zahnih.
8:13 Nang, huanahte cheng thinnu, thiante chuan i aw an ngaithla a; Min ngaihthlâktir ve ta che.
8:14 Hmanhmawh ta che, ka duhtak, Rimtui tlânga saza, zuktuai ang chang rawh.
posted by zoblog @ 12:06 PM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog