| Wednesday, September 12, 2007 |
1:1 Benjamina rama Anathoth khuaa puithiamte zinga mi Hilkia fapa Jeremia thute;
1:2 Juda lal, Amona fapa Josia hun lai, a lal kum sawm leh pathumnaah chuan a hnênah LALPA thu a lo thleng a.
1:3 Juda lal, Josia fapa Jehoiakima lal lai pawhin a lo thleng a; Juda lal Josia fapa Zedekia kum sâwm leh kum khatna tâwp, Jerusalem sala hruai thla ngana thleng khân.
1:4 Tin, LALPA thu chu ka hnênah a lo thleng a;
1:5 "Pum chhûnga ka siam hmâ chein ka hria che a, Chhûl ata i chuah hmâ pawhin ka serh hrang che a, Hnamte hnêna zâwlneiah ka ruat tawh a che," tiin.
1:6 Tin, kei chuan, "E, Lalpa PATHIAN, ngai teh, thu ka sawi thiam lo, ka naupang si," ka ti a.
1:7 LALPA erawh chuan ka hnênah heti hian a ti a: Ka naupang, ti suh, Ka tirhna che apiang hnênah i kal ang a, Thu ka pêk che apiang i sawi tûr a ni.
1:8 Anmahni avângin hlau suh la,Chhan chhuak tûr chein i hnênah ka awm e, Tih hi LALPA thu chhuak a ni.
1:9 Tichuan, LALPA chuan a han ban a, a kâ a khawih a, tin, LALPA chuan ka hnênah, "Ngai rawh, i kâah ka thute ka dah ta,
1:10 En teh, hnamte leh lal ram chhûngah te,Pawt chhuak tûr te, thiat tûr te, tichhe tûr te, Paih thla tûr te, siam tha tûr leh din tûrin Hemi nîah hian ka dah che ni," a ti a.
1:11 Chu lo pawh LALPA thu ka hnênah a lo thleng a, "Jeremia, eng nge i hmuh?" a ti a, Tin, kei chuan,"Vai umkhal thing tang ka hmu," ka ti a.
1:12 Tin, LALPA chuan ka hnênah, "I hmu fuh hle mai: ka thu hlen tûrin ka inralring reng a ni," a ti a.
1:13 Tin, LALPA thu chu a vawi hnihnaah ka hnênah a lo thleng leh a, "Eng nge i hmuh?" tiin. Tin, kei chuan, "Bêl so bawrh bawrh, a rawng hmâr lam hawisan ka hmu," ka ti a.
1:14 Tichuan, LALPA chuan ka hnênah heti hian a ti a: Rama cheng zawng zawngte chungah hmâr lam ata thil tha lo a lo chhuak ang.
1:15 Ngai teh, hmâr lam lal ram hnam zawng zawng ka ko dâwn si a, tih hi LALPA thu chhuak a ni; an lo kal ang a, Jerusalem kawngka luhnaah te, a vêl kulh bang zawng zawng bulah te leh Juda khawpui zawng zawngahte an lalthutthlêng an hûng theuh vang.
1:16 Mi kalsan a, pathian dangte hnênah rimtui an hâl a, anmahni kut chhuak ngei an bia a; hêng an suahsualna zawng zawng chungchânga ka thu rêlte chu ka puang ang.
1:17 Chuvângin puan veng la, tho la, thu ka pêk zawng zawng che chu an hnênah va sawi rawh; an hmâah ka tizâm ang che.
1:18 Ngai rawh, he mi nîah hian ram pum pui te, Juda lal te, a hotu te, a puithiamte leh chumi rama mi lakah chuan khawpui kulh nei leh thîr ban leh ngên bangah ka siam che hi.
1:19 An bei ang chia, mahse an hneh lo vang che: chhan chhuak tûr chein i hnênah ka awm si a, tih hi LALPA thu chhuak a ni.
2:1 Tin, LALPA thu chu ka hnênah a lo thleng a, heti hian a ti:
2:2 Kal la, Jerusalem beng hriatah au rawh, LALPA chuan heti hian a ti: I tleirâwl laia i ngilneihzia te, Inhual laia mi hmangaihziate kha ka hre reng e; Tuk loh ram, thlalêra mi zuizia kha.
2:3 Israel chu LALPA tâna serh hran, a rah pung hmasa a ni, Amah ei raltu apiangin thiam loh an chang ang a, An chungah chhiatna a lo thleng ang, Tih hi LALPA thu chhuak a ni.
2:4 Aw Jakoba chhûngte leh Israel chhûng zawng zawngte u, LALPA thu hi ngaithla rawh u;
2:5 LALPA chuan heti hian a ti: In thlahtuten keimahah fel lohna eng nge an hmuh, Ka laka hla takah an lêng bo va, Engmah lo mai an ûm a, an lo uanthuan tâk ni?
2:6 LALPA, Aigupta ram ata min hruai chhuak a, Thlalêr, ram ro, khuarkhurum hmun, thihna hlim leh ram ro hmun, Tuma kal tlâng ngai lohna, Tuma awm lohna hmuna Min hruai tlangtu kha khawiah nge an ti hek lo.
2:7 Ram tha takah, a rah leh thatna ei tûrin, Ka hruai lût che u a, Mahse in han luh chuan Ka ram in tibawlhhlawh a, Ka rochan chu thil tenawmah in siam.
2:8 Puithiamte pawhin, LALPA chu khawiah nge? An ti lo va, Dân hmangtuten mi hre hek lo, Rorêltute ka lakah an hel a, Zâwlneiten Baal hmingin thu an sawi a, Thil sâwt lo tûrte an ûm a.
2:9 Tichuan ka khing ang che u a, In fate fa lehte pawh ka la khing fo vang, Tih hi LALPA thu chhuak a ni.
2:10 Kitim thliarkârah va kal ula, en rawh u, Kedarah mi tîr ula, ngun takin ngaihtuah rawh u, Hetiang thil a awm ngai erawm hriat nân.
2:11 Hnam dangte chuan an pathian an thlâk ngai em ni, Pathian tak ni hlei lo pawh? Ka mite erawh chuan an ropuina chu, Thil sâwt lo takin an thlâk ta zâwk a.
2:12 Aw vânte u, mak ti ula, Râp che u sela, tiau vek rawh u, Tih hi LALPA thu chhuak a ni.
2:13 Ka miten thil pahnih an tisual si, Kei, nunna tuikhur hi mi kalsan a, Tuikhuah an ker a, Tuikhuah khi, tui tling thei lo tûr chu.
2:14 Israel chu chhiahhlawh em ni? Vânlunga piang êm ni? Engati nge hnehchhiaha a awm tâk ni?
2:15 Sakeibaknei vânglaite chuan rûm khumin, A chungah aw an chhuah a, A ram chu an titiau zo ta, A khawpuite pawh luahtu nei lovin a kâng fai ta
2:16 Noph mi leh Tahpanes mite pawhin, I chhîp an tikawlh zo ta.
2:17 LALPA i Pathian chuan kawnga a hruai lai che a, I tlân bosan avângin, Chu chu i chunga i thlentîr a ni lâwm ni?
2:18 Nile tuite in tûra Aigupta kawng i zawh hi, Eng nge i tân hlâwk dâwn ni? Luipui tui in tûra Assuria kawng i zawh pawh hi,
2:19 I suahsualna chuan a tuartîr ang chia, I hnung tawlh thînna chuan a zilhhau vang che; Mi tihna nei lova LALPA i pathian i kalsan hi, Thil sual tak leh kha tak a ni tih hi, Lo hre chhuak la, hmu fiah tawh rawh, tih hi Lalpa, Sipaihote LALPA thu chhuak a ni.
2:20 Hmân ata tawh i nghâwngkawl titliakin, I hruite pawh i tichat tawh si a, I rawng ka bawl tawh lo vang, i ti a, Tlâng sâng tinahte, thingbuk hnuai apiangah te, Kunin i hur thil i ti a.
2:21 Chi dik tak hmangin grêp tha tak ka phun che a, Eng tiziaa inleta, ka tan grêp suaka lo chang ta nge i nih?
2:22 Chingalin insilin sabawn tam tak hmang mah la, I khawlohna chu ka mithmuhah a lang tho a ni, Tih i Lalpa PATHIAN thu chhuak a ni.
2:23 Ka intibawlhhlawh hlei nêm, Baal-te pawh ka ûm hek lo, Engtin nge i tih theih le? Kawr ruama i awm dânte en la, I thiltih tâkte chu hre rawh; Sanghâwngseilâ hur lai ang riai i nih kha.
2:24 Ram sabengtung thlalêra awm thin, A hur laia hnâr len ruai ang;A châkna chu tuin nge dâl zo vang? A zawngtu chu intihah duh suh se, A hunah chuan an hmu mai ang.
2:25 I keah pheikhawk bun lovin awm suh la, I dang pawh ro suh se; Nang erawh chuan, Beisei a bo zo ta, Awze mite ka ngai a, anmahni ka ûm ang, i tia.
2:26 Rûkru an phâwka a zak angin, Israel chhûngte an zak ta. Anmahni te, an lal te, an hotu te, An puithiam te, an zâwlneite pawh.
2:27 Thing bul hnênah, Ka pa i ni, tia, Lung bul hnêna, Mi hringtu i ni titute chu: Hmachhawn lovin an tukkhum chhah mi chhawn ta zawk a, An mangan hunah erawh chuan, Tho la, min chhandam ta che, an ti ang, I pathian, i siamte kha khawiah nge an awm tâk ni?
2:28 Anni chu tho zawk sela, i mangan laiin an chhandam thei mahna che; Aw Juda, i pathiante chu i khawpuite zât lai an ni alawm.
2:29 Engah nge ka chungah in vui fo le? In zain ka chungah thil in tisual si, Tih hi LALPA thu chhuak a ni.
2:30 In fate ka vua a, a sâwt lo, An that phah chuang hek lo: Sakeibaknei koham ang maiin, Nangmahni khandaih chuan in zâwlneite a ei ral a.
2:31 Aw thangtharte u, LALPA thu hi hre rawh u, Israel tân thlalêr ram ang ka ni em ni? Thim chhah mup ram ka ni em ni? Ka mite chuan engah nge, "Kan chhuak fel ta, I hnênah kan let leh lo vang," an tih hi?
2:32 Nula chuan a incheimâwinate a theihnghilh theiin, Mo thar chuan a inthuamna a theihnghilh thei em ni? Ka mite erawh chuan ni chhiarsên loh chhûngin Mi lo theihnghilh ta.
2:33 Ngaizâwngtu hmuh theihna tûrin i awm dân i va uluk ve! Hmeichhe sual hnênahte pawh i awm dân i zirtir tâk hi.
2:34 I puanfênahte pawh mi rethei pawikhawih lote Nunna thisen a lang a: Mi in an rawk lai kut man pawh ni si lo. Chu achhapah nangmah chuan,
2:35 "Thiam ka chang e, ka lakah thinurna a dai e," I la ti leh ta lai a, Ngai rawh, "Ka sual lo ve," i tih avângin, I chung thu ka rêl ang.
2:36 I awm dân thlâk zung zungin, Engah nge i vahvêl thin? Assuria i zahpui ang bawk khân, Aigupta pawh i la zahpui ang.
2:37 I kutte khumin an hnên ata i la chhuak leh ang, LALPAN i rinnate chu a paithla si a, Anmahniah chuan i hmuingîl lo vang.
3:1 "Miin nupui ma sela, Amah kalsanin pasal dang pawm se, Ani chuan a lo pawm leh ang êm? A ram chuan a bawlhhlawh phah hial dawn lawm ni?" tih a awm a. Nang erawh chu tlangvâl tam tak hnênah i hur bo va, Chuti chung chuan ka hnênah i lo kir leh ang maw? Tih i LALPA thu chhuak a ni.
3:2 Tlâng kawlh vul lamah i mitte len chho la en rawh, An mutpui lohna hmun che khawiah nge? Thlalêra Arabia mi ang maiin Anmahni nghâkin kawng sirahte i thu reng thin, I hurnate leh i suahsualnatein Ram chu i tibawlhhlawh zo ta.
3:3 Chumi avâng chuan ruah chu surtir a ni lo va, Ruah hnuhnung pawh a sur hek lo; Mi hur chal putin i pu a, I zak duh hauh si l va.
3:4 "Ka pa, ka tleirawl laia mi hruaitu i ni," tiin, Mi au hlim hlawl a ni lo vem ni?
3:5 A thin a ur kumkhua dawn êm ni? A tawp thlengin êm ni a ur dawn? Ngai rawh, chutiang chuan i tawng ngei a, Mahse a sual thei ang berin thil i ti a.
3:6 Chu lo pawh chu Josia lal laiin LALPAN ka hnênah heti hian a ti a: Hnung tawlh hmang Israel thiltih kha i hmu em? Tlâng sâng tinahte chho va, thing buk tin, hnuaiahte a hurna thil a tihte kha?
3:7 Tin, kei chuan heng thil zawng zawng a tih hnuah hian ka hnênah a la kir leh êm ang chu, ka ti a; mahse a lo kir chuang lo va; tin, a laizawnnu, bu hmang Juda chuan a hmu ve ta a.
3:8 Tin, ani chuan hnung tawlh hmang Israel chu a uire avâng ngeia ka ak a, makna lehkha ka pêk a huh pawhin a laizawnnu, bumhmang Juda chuan a hlau chuang lo va, chutih ahnekin a va kal a, hurna thil a va ti ve a.
3:9 Tin, a hur nawmnah mai mai avângin ram chu a tibawlhhlawh zo ta a; thing bul, lung bul hnênah a uire ta a.
3:10 Chuti chung pawhin a laizawnnu, bumhmang Juda chu thinlung taka lo kir lovin a der maiin a lo kir a, tih hi LALPA thu chhuak a ni.
3:11 Tin, LALPAN ka hnênah heti hian a ti a: Hnung tawlh thin Israel chuan a laizawnnu, bumhmang Juda ai chuan fel zawkin a intilang a.
3:12 Kal la, heng thu hi hmâr lamah va puang rawh; Hnung tawlh hmang Israel, lo kir rah, Tih hi LALPA thu chhuak a ni; Thinrim hmêl puin ka en lo vang che u a, Zahngai thei tak ka ni si a, Tih hi LALPA thu chhuak a ni, Ka thinur kumkhua lo vang.
3:13 LALPA i Pathian chunga i helna te, Thing buk hnuaia awze mite hnêna i inphalraina te, Ka tawngka chhuak i awih lohna tea I khawlohnaah chuan thupha chawi rawh, Tih hi LALPA thu chhuak a ni.
3:14 Aw hnung tawlh hmang fate u, lo kir rawh u, Tih hi LALPA thu chhuak a ni. Kilkawitu che u ka ni si a, In zinga ta khawpuia mi pakhat, Chhûngkuaa mi pahnih ka la ang che u a, Zionah ka hruai ang che u.
3:15 Ka lungdumzawng tak berâmpute ka pe ang che u a, annin hriatna leh hriat thiamnatein an chawm ang che u.
3:16 Tin, in lo tam a, rama in lo pun hunah, chung niahte chuan annin, "LALPA thuthlung bâwm" an ti tawh ngai lo vang; an rilruah a lût lo vang a, hriat pawh an hre reng hek lo vang; an thlahlel tawh lo vang a, an siam leh tawh hek lo vang.
3:17 Chumi hnuah chuan Jerusalem chu LALPA lalthutthleng an vuah ang a, chutah chuan hnam zawng zawngte chu LALPA hmingin Jerusalemah an lo kal khâwm ang: an thinlung sula khauhna ang chuan an kal tawh lo vang.
3:18 Chung niahte chuan Juda chhûngte chu Israel chhûngte nên an awmho vang a, hmâr lam ram atangin, in thlahtute hnêna roluah tûra ka pêk ramah chuan, an lo chhuakho vang.
3:19 Kei erawh chuan, Hnam tam takte zinga roluah tûr tha ber, Ram nuam tak mai pe chein, Fanaute zinga dah che ka duhzia mai chu! Ka pa, tia mi lam a, Mi zuina ata i peng bo lo vang tih ka lo ring a.
3:20 Nupui bum hmangin a pasal a uiresan angin, Aw Israel chhûnget u, mi bum ta a nih hi, Tih hi LALPA thuchhuak a ni.
3:21 Tlâng kawlh vul chungah thawm a awm e, Israel fate tap leh thil ngen thawm chu, LALPA Pathian an theihnghilh a, An awm dan an tikhawloh zawh tak avângin.
3:22 Aw hnung tawlh thinnate chu ka tidam ang e: En teh, i hnênah kan lo kal a nih hi, Nang chu LALPA kan Pathian i ni si a.
3:23 Tlangte hi a sawt lo va, Tlâng chunga thaw ri hum humte hi. Israel chhandamna chu LALPA kan Pathian ngeiah hian a ni, a awm.
3:24 Mahse chu thil tenawm tak chuan kan tleirawl lai ata kan thlahtuten tha an senna chu a ei ral ta; an berâm rual te, an ran rual te, an fanu te, an fapate chenin
3:25 Zakin i mu ang u khai, kan mualphonain min khuh rawh se; LALPA kan Pathian chungah thil kan tisual a, keini leh kan thlahtuten kan tleirawl lai ata vawiin ni thlengin LALPA kan Pathian tawngka kan awih loh avângin.
4:1 "Aw Israel, i lamlet chuan, ka hnênah ngei i lo let tûr a ni," Tih hi LALPA thu chhuak a ni. "I tenawmnate ka mithmuh lohva i dah bo va,
4:2 Tihtakzeta, thurel dik tak hmanga, fel taka, LALPA a nuna a nun chhûng chu, tia chhia i chham chuan, Hnamte chu amahah chuan engthawl an inti ang a, Amah chu an chhuan gtawh ang,"
4:3 Juda mite leh Jerusale hnênah LALPA i Pathian chuan heti hian a ti e: In lei khêk chu let ula, Hling zingahte chi theh suh u.
4:4 Nangni Judai rama mi leh Jerusalema chengte u, LALPA tan in serh tan ula, in thinlung serh tan rawh u, Chutilochu in thil sual tihte avângin, Ka thinurna chu mei angin a chhuak ang a, Tuma thelh theih lohvin a kang dah ang e.
4:5 Judai ramah hril ula, Jerusalemah puang rawh u, Ram pumah chuan tawtawrâwt ham ula, Ring takin au rawh u. "Rawn inkhawm ula, kulh nei khawpuiahte i lût ang u,m" ti r'u.
4:6 Zion lamah puanzar khai ula, Hlimna zawngin tlan ula, muang suh u, Hmâr ata thil tha lo ka rawn thlen dawn, Chhiatna nasa tak mai chu.
4:7 Ngaw hnuai pik ata sakeibaknei a chhuak e, Hnamte tichhetu tûr chu; A hmun ata a chhuak ta, a lo kal mêk e, I ram titiau tûr leh, I khawpuite chengtu nei lo khawpa tiram tûrin.
4:8 Chumi avâng chuan saiip puan feng ula, Tap ula, chiau vawng vawng rawh u; Kan laka LALPA thinurna nasa tak mai chu A la kiang si lo va.
4:9 "Chumi niah chuan heti hi a lo ni ang," Tih hi LALPA thu chuak a ni: "Lal thinlung a zam zo vang a, Hotute thinlung pawh; Puithiamte chu an hrilhai ang a, zâwlneite chuan mak an ti êm êm ang."
4:10 Tin, kei chuan, "A, Lalpa PATHIAN, He mite leh Jerusalem hi nasa takin i bum a nih hi, Muanna in nei ang,' i ti a, Khandaihin nunna a chhun tak zawk si hi," ka ti a.
4:11 Chutih lai chuan he mite leh Jerusalem hnênah, "Thlalêr tlâng kawlh vul ata thli lum tak, Ka fanu, ka mite zap fai tûr ni lo, thliar fai tûr ni hek lo,
4:12 thli na lûtuk, ka thuin a lo thleng dawn a ni: tunah pawh an chung thu reltu hi keimah ka ni," tih a ni ang.
4:13 Ngai teh, a lo chho vang, chhum pui angin, A tawlailir thawngaleivir ang maite chu; A sakawrte chu mupui aiin an chak zawk, Kan chung a va pik êm! Kan ral thum a nih hi.
4:14 Aw Jerusalem, suahsualna ata i thinlung tlengfai la, Chhandama i awm theihna tûrin; Eng chen nge i ngaihtuahna sual chu i pai dan?
4:15 Dan ram ata aw a lo chhuak a, Ephraim tlâng atangin thil tha lo a puang e.
4:16 Hnamte chu hrilh ula, Jerusalemah puang rawh u, Ngai teh, ram hla tak ata beitute an lo thleng. Judai khawpuite chungah an aw an chhuah e.
4:17 Thlawhhma vengtute ang maiin a velin an hual a, Ka chunga a hel avângin, Tih hi LALPA thu chhuak a ni.
4:18 I awm dan leh i thiltihte chuan, Heng hi i chungah a thlen a nih hi, Hei hi i chhiatna tûr chu a ni, A na êm êm a, i thinlung a chhun a ni.
4:19 Ka thin a na, ka thin a na, Ka thinlung ngeiah a nâ, Ka chhûngah ka thinlung a buai zo ta, Ka awm hle hle thei lo, Aw ka nunna, tawtawrâwt ri, Indona haw haw i hriat avângin,
4:20 Chhiatna chungah chhiatna a thleng ta, Ram pum pui chu rawkin a awm ta, Ka puan inte chu an tichhe phut a, Ka puanzarte pawh mit khap kar lovah.
4:21 Eng chen nge indona puanzar ka hmuh ang a, Tawtawrâwt ri ka hriat ang?
4:22 Ka mite chu an a êm a, mi hre si lo va, Naupang a tak, hriatna nei lo ang mai an ni, Thil sual tih an thiam a, Thil tha tih dan erawh chu an thiam lo.
4:23 Leilung chu ka han en a, ngai teh, Tiau leh ruakin a awm: Vante pawhin eng an nei lo.
4:24 Tlângte ka en a, ngai teh, a nghing a, Mual zawng zawng pawh an phe hlawk hlawk a.
4:25 Ka han en a, ngai teh, mihring an awm lo va, Chunglêng sava zawng zawng pawh an thlawk bo zo ta.
4:26 Ka han en a, ngai teh, mihring an awm lo va, Thlawhhma thate chu thlalêr a chang ta. Khawpui zawng zawng pawh a chim zo ta. LALPA leh a thnurna nasa tak hmaah chuan.
4:27 LALPA chuan heti hian a ti a ni: "Ram pum pui a tiau ang a, mahse ka titawp hlen lo vang.
4:28 Chumi avâng chuan lei chuan a sun ang a, Chung lam vante pawh a thim ang: Thu ka sawi tawh a, ka tu tawh a, Ka inchhir lo va, ka lam let dawn hek lo."
4:29 Sakawr chunga chuang leh thal ngul hmangtute thawmah, Khawpui pum pui chu an tlânchhia a, Ngawah an lût a, lungpui hmunahte an lawn a, Khaw tin, mai an rauhsan a, Luahtu pakhat mah awm lovin.
4:30 Tin, nang, rawka i awm hun chuan engtin nge i tih ang? Puan sen lâra intuamin, Incheina rangkachaka incheiin, I mitte hnawih dûr mah la, I intimawi thlawn mai mai a ni, I tlangvâlte chuan an hmusit tho chia, I nun lâk an tum a ni.
4:31 Fa tir hringtu na tuar lai, Zion fanu thaw huam huam ri chu, A kutte phar a, "Ka chung a va pik em! Tualthattute hmaah ka nun a chau zo ta," ti chu.
5:1 Jerusalem khawlaiahte tlan vêl ula, En ula, chhinchhiah ula a mual zawlte zawng ula, Mi pakhat tal fel taka tia, thutak zawng reng in hmuh theih chuan, Jerusalem chu ka ngaidam ang. LALPA a nuna a nun chung chu, ti mah sela, Dawtin chhia an chham mai a ni.
5:3 Aw LALPA, thutak chu i huh duh zawng a ni lâwm ni? Anni chu i vua a, mahse an lungngai chuang lo, Anni chu i tiral a, i thununa chu an pawm duh chuang lo, Lungpui aia changin an chal an ti chang ta, An lamlêt duh miau lo.
5:4 Tin, kei chuan, Heng hi mi chhia an ni a, an â bawk a, LALPA dan, an Pathian thurel chu an hre lo.
5:5 Mi liante hnênah ka va kal ta ang a, Ka va bia ang a, Anni chua nlalpa dan leh an Pathian thurelte chu an hriat kha, ka ti a. Mahse heng mite hian thu khat vuain, Nghawngkawl an titliak a, phuarna hruite chu an tichat ta a.
5:6 Chuvangin ngaw hnuaia sakeibakneiin anmahni a seha ng a, Thlalêr chinghniain anmahni a ei ral ang a, Keite chuan an khawpuite a chang a, Chuta lo chhuak apiang chu a pawt sawm ang; An bawhchhiatnate a tam a, An hnungtawlhnate a nasat avângin.
5:7 Engtin nge ka ngaihdam theih ang che? I fate chuan mi kalsan a, Pathian ni hlei lote chhalin chhia an chham a, Tlai deuhva ka hrai hnuah an uire a, Nawhchizua inahte an vir huai huai a.
5:8 Zing lama sakawr hrai puar ang mai an ni a, Mi tin, mahni thenawmpa nupui itin an hram a.
5:9 Heng thilte avâng hian ka hrem lo vang maw? Tih hi LALPA thu chuak a ni: Hetiang hnam chungah hian, Phuba ka inlaksak lo vang êm ni?
5:10 A palahte chuan lawn lut ula, tichhe rawh u, Amaherawhchu tichhe zo vek suh u, A zarte chu la bo ula, LALPA ta a ni si lo va.
5:11 Israel chhûngte leh Juda chhûngte chuan, Ka chungah vervek takin an ti si a, Tih hi LALPA thu chhuak a ni.
5:12 LALPA chu dawhtheia ngaiin "Engmah a tithei hlei lawng e, Chhiatna kan chungah a lo thleng lo vang, Tam emaw khandaih emaw kan tuar lo vang.
5:13 zâwlneite pawh puarpawleng mai an ni ang a, Anmahniah thu chu a awm si lo; An chungah chutiang tih a ni ang," an ti a.
5:14 Chuvangin LALPA, Sipaihote Pathian chuan heti hian a ti: Chutiang thu chu in sawi avângin, ngai rawh, I kâa ka thute chu meiah ka chantir ang a, Heng mipuite hi thingah, tin, a kang zo vang.
5:15 Ngai rawh u, aw Israel chhûngte u, Hla tak ata hnam, i hnênah ka rawn hruai ang, Tih hi LALPA thu chhuak a ni. Hnam chak tak mai, hnam hmasâng ata tawh, An tawng i hriat loh, an thusawi i hriat theih loh hnamte chu.
5:16 An thal bâwm chu thlan inhawng a ni a, An zain mi chak tak an ni vek a.
5:17 I buh seng sa leh i ei tûr an ei zo vek ang; I fanute i fapate ei tûr ngei chu: I ran rualte, i berâm rualte an ei ang a, I grêp hruite, i theipui kunge an ei ang a, I kulh nei khawpui, i rinpui ber thinte ngei kha. Khandaihin an tichhe vek ang.
5:18 Mahse chung niahte pawh chuan ka tichimit hlen lo vang che u, tih hi LALPA thu chhuak a ni.
5:19 Tin, heti hi a ni ang a, "Engah nge LALPA kan Pathianin heng thi zawng zawng hi an chungah a tih ni?" i miten an tih hunah chuan, "Mi kalsan a, in ramah Pathian dangte rawng an bâwl angin, in ram lovah, awze mite rawng in bâwl ang," an hnênah i ti tûr a ni.
5:20 Jakoba chhûngte zingah hei hi sawi chhuak ula, Judai ramah puang rawh u.
5:21 Aw hriat thiamna nei lo, mi âte u, Mit neia hmu si lote u, beng neia hre si lote u, Hei hi ngaithla rawh u.
5:22 Mi tih lo maw? Tih hi LALPA thu chhuak a ni, Ka hmaah hian in khur lo vang maw? Kei hi, tuipui kuam chin atâna tiaupho, Kumkhuaa a liam lohna tûra daidanna, Tuipui fawn invawrh vêl mah se a liam chuan theih lohva, Ri hum hum mah se apelh theih loh tûr siamtu chu ka nih hi.
5:23 Mahse he mite hian thinlung luhlul leh helhmang an pu a, An hel a, an tlan bo ta a.
5:24 AN thinlung pawhin, "LALPA kan Pathian a hun taka Ruah hmasa leh ruah hnuhnung surtirtu, Buh seng hun bi min ruatsaktu chu i tih ang u," an ti hek lo.
5:25 Heng thilte hi in khawlohnate chuan a tibo va, In sualnate chuan thi tha a chantir che u a ni.
5:26 Ka mite zingah mi suaksual an awm si a, Sava vehtuin a chan angin an chang reng a, Thang an kam a, mite an âwk a.
5:27 bâwm savaa khat ang maiin, An inte chu bumnain a khat a, Chuvangin an lo lian a, an hausak phah ta a.
5:28 An lo thau va, an lo hnum a, A ni, an suahsualna thiltihte chuan chin tawk a nei lo, Pa nei lote hmuingilna tûrin an lamah an tang lo va.
5:29 Heng thil avângte hian ka hrem lo vang êm ni? Tih hi LALPA thu chhuak a ni: Hetiang hnam chungah hian ka nunna chuan Phuba a la dan lo vem ni?
5:30 Chu ramah chuan thil mak tak leh rapthlâk tak a lo awm ta;
5:31 zâwlneite chuan dawt thu an hril a, Puithiamte chuan an thu thuin ro an rêl a, Ka mite chuan chutiang tih chu an du a ni. A tawpah chuan engtin nge in tih tak ang le?
6:1 Benjamin fate u, Jerusalem chung ata In himna tûrin tlan bo ula; Tekoa-ah tawtawrâwt ham ula Beth-hakkeremah hriattirna chhuah rawh u. hmâr lam aa chhiatna a lo thawk e, Tihchhiatna nasa tak mai chu.
6:2 Zion fanu hmêl tha tak leh no tak chu Ka tibo vang.
6:3 Berâmpute, an berâm rualte nên a hnên an lo thleng ang a, A vêlah an puan inte an kaih ang a, Mahni hmun theuhvah an tla ang.
6:4 Amah do tûrin inpuahchah rawh u, Tho ula, chhun laiah i bei ang u, Kan tan a va pawi êm! Ni lo her ta a, Tlai lam hlim a lo sâng ta.
6:5 Tho ula, zanah i bei mai teh ang u khai! A in tha thate i tichhia ang u.
6:6 Sipaihote LALPA chuan heti hian a ti: A thingte kit ula, Jerusalem beih nân mual pawng siam rawh u, Khawpui hrem tûr chu hei hi a ni, A chhûngah chuan hnehchhiahna hlir a ni.
6:7 Tuichhunchhuahin tui a tichhuak ang maiin A suahsualna chu a tichhuak thin, A chhûngah chuan pawngnekna leh inrawkna a awm tih hriat a ni a, Ka hmaah chuan natna leh inhliamnate a awm reng.
6:8 Ka rilruin a hransan daih hma che hian Aw, Jerusalem, fimkhur hle rawh, Chutilochuan luahtu nei lo rama siam chein, Ka titiau dah ang che.
6:9 Sipaihote LALPA chuan heti hian a ti: Israel awm chhunte chu grêp angin lo fai vek ula, Grêp lotu angin a zarte chu vai nawn rawh u.
6:10 An ngaihthlâk theih nân tunge ka biak ang a, Tunge ka hriattir ang? Ngai teh, beng lam serhtan loh an ni a, an ngaithla thei lo; Ngai teh, LALPA thu chu an tan thil hmuhsitawm a ni a, Lawmna reng an nei ta lo.
6:11 Chuvang chuan LALPA thinurnain ka khat a, Insûm hi ka ning ta; Khawlaia naupang chungah hrithla la, tlangvâl awmkhawmte chungah pawh, A nupui rualin pasal pawh lâk a ni ang a, Upate leh tar chhiate pawh.
6:12 An inte chu mi dang hnênah pêk a ni ang a, An thlawhhmate leh an nupuite nên; chumi rama chengte chungah chuan ka kut ka lek dawn si a, Tih hi LALPA thu chhuak a ni.
6:13 A te ber atangin a lian ber thleng pawhin Mi tin, duhamnain an khat si a; zâwlneite leh puithiamte meuh pawh, Mi tin, hlemhle takin an che a ni.
6:14 Ka mite hliamte chu, ngaihsam takin, "A tha alawm, a tha alawm," tiin an thawi a, A tha hauh si lo va.
6:15 Thil tenawm an tih pawhin an zak êm ni? Hnai lo ve, an zak tawp lo va, an hmai pawh a sen hek lo: Chuvangin tlute zingah chuan an tlu ve ang: Anni ka hrem hunah chuan paihthlakin an awm ang. LALPAN a ti.
6:16 LALPA chuan heti hian a ti: Kalkawngahte ding ula, en rawh u, Kawng tha awmna kawng hlunte chu zawt rawh u, Tah chuan kal ula, I thlarau tan chawlohna in hmu ang; Anni erawh chuan, "tah chuan kan kal lo vang," an ti a.
6:17 Tin, in tan râlvengtute ka ruat a, "Tawtawrâwt ri chu ngaithla rawh u," tiin: Anni erawh chuan, "Kan ngaithla lo vang," an ti a.
6:18 Chuvangin, aw, hnamte u, ngaithla ula, Aw, pungkhawmhote u, an chunga lo thleng tûr chu hre rawh u.
6:19 Aw, leilung, ngaithla rawh, Ngai teh, he mite chungah hian chhiatna ka rawn thlen dawn: An ngaihtuahna rahte ngei chu; Ka thute an ngaihthlâk loh avângin; Ka dante lah chu an paih thla der a.
6:20 Eng atân nge Seba ata beraw te, Ram hla tak ata fute ka hnên a lo thlen thin le? In hâlral inthawinate lawm tlâk a ni lo va, In inthawinate chuan mi tilawm hek lo.
6:21 Chuvangin LALPAN heti hian a ti, Heng mite hnênah hian tlûknate ka dah ang a, Tah chuan pate chu an fapate nên an tlu za ang a, Thenawm leh a thian pawh an boral ang.
6:22 Tin, LALPA chuan heti hian a ti: Ngai rawh u, hmâr lam ram ata mite an lo kal e, Lei hmun tap ata hnam ropui tak mai an lo thawk chhuak e.
6:23 Thal ngul leh fei an keng a, Nunrawng tak, zahngaihna rêng rêng nei lo an ni, An thawm chu tuipui ri hum hum ang a ni a; Sakawr chungahte an chuang a, Mi tin, raltu mi anga inthuamin, Aw, Zion fanu, an rawn bei dawn a che.
6:24 An thangva kan hria a, kan kutte a zawi zo ta, Na chuan min man ta, Hmeichhe nau vei na ang mai chu.
6:25 Ramah kal chhuak suh ula, Kalkawngah pawh kal hek suh u, Tah chuan hmêlma khandaih a awm si a, Kil tinah ral a ti e.
6:26 Aw, ka mi, ka fanu, saiip puan feng la, Vut zingah tal rawh; Fapa mal sun angin sun la, tap vâk vâk teh, Tichhetu kan chungah a lo thleng thut dawn si.
6:27 Ka mite zingah chhintu-ah leh fiantu-ah ka siam chia, An awm dan i hriat a, i fiah theih nân.
6:28 An zain helhmang, luhlul tak, Sawichhiat hmanga vâk vêl, Dâr leh thir ang an ni a, Chhe takin an che a.
6:29 Pumin a chhem huau huau va, Meiah chuan suan chu a tuiral a, Tihthianghlim tumna chu a thlawn mai a ni, Mi sualte paih bo an ni si lo.
6:30 Mite chuan tangkaraw êk chhia an vuah ang, LALPAN anmahni a hnawl avângin.
7:1 LALPA hnên ata Jeremia hnêna thu lo thleng chu:
7:2 LALPA in kawngkaah chuan ding la, chutah chuan he thu hi puang la, heti hian ti rawh: 'Nangni Juda mi zawng zawng, LALPA be tûra heng kawngkaa lûtte chuan LALPA thu hi ngaithla rawh u.'
7:3 Sipaihote LALPA chuan heti hian a ti: In awm dan leh in thiltihte chu siam tha ula, he hmunah hian ka chentir ang che u.
7:4 Hei hi LALPA in, LALPA in, LALPA in a nih hi,' tih dawt thute hi ring suh u.
7:5 In awm dan leh in thiltihte chu in siam that tak meuh va, m leh a thenawm kara thu dik taka in relsak a.
7:6 hnam dang mite, pa nei lo te, hmeithaite in hnehchhiah loh va, he hmunah hian mi fel thisen in chhuah loh va, in that lohna tûra pathian dangte in um hek loh chuan,
7:7 he ram hmasâng ata in thlahtute hnêna ka pêkah hian kumkhuain ka chentir ang che u.
7:8 Ngai rawh u, dat thu, sawtna awm hlei lo chu in ring zawk a.
7:9 Rukruin, tualthatin, uirein, dawta chhia chhamin Baal hnênah rimtui halin, pathian dang, in rhait ngai lohte umin,
7:10 tin, he in, keima hming ngei vuahah hian ka hmaah lo dingin, heng thil tenawm zawng zawngte hi ti zel chungin, "Chhan chhuah ka ni ta," in ti dawn êm ni? Ngai teh u, kei, keimah ngei hian ka hmu alawm, tih hi LALPA thu chhuak a ni.
7:11 He in, ka hming ngei hi vuah hi, in mithmuhah suamhmangte puk ang êm ni? Ngai teh u,kei, keimah ngei hian ka hmu alawm, tih hi LALPA thu chhuak a ni.
7:12 Atira ka hming ka chentirna, ka hmun Silo-ah chuan kal teh u, ka mi Israel suahsualna avânga ka thiltih chu va en rawh u.
7:13 Tunah hian heng thil zawng zawngte in tih a, zing tak taka thova in hnêna thu ka sawi lo sawite hi in ngaihthlâk loh va, ka lam che ua, in chhan loh avâng hian.
7:14 Silo chunga ka tih ang khan he in, ka hming vuah, angmahni leh in thlahtute hnêna ka hmun pêk, in rin thin chungah hian ka ti dawn a ni.
7:15 In unau zawng zawng, Ephraim chi pum pui meuh pawh ka paih chhuak ang khan ka mithmuh ata ka paih chhuak ang che u, tih hi LALPA thu chhuak a ni.
7:16 Chuvangin, heng mite tan hian tawngtai suh la, au chhuakin tawngtai suh la, ka hnênah dilsak hek suh: ka ngaithla dawn si lo che a.
7:17 Juda khawpuiahte leh Jerusalem kawtlaiahte an thiltih chu i hmu lo vem ni?
7:18 Naupangten thing an fawm a, an paten mei an chhem a, hmeichhiaten van lalnu hnêna hlan tûr chhâng an hmet a, pathian dangte tan in tûr thilhlan an hung chhuak a, mi tihthinrimna mai tûrin.
7:19 Keimah êm ni mi tihthinrim? Tih hi LALPA thu chhuak a ni: anmahni zahna tûrin anmahni a ni zawk lawm ni?
7:20 Chuvangin Lalpa, Lalpa PATHIAN chuan heti hian a ti: Ngai teh u, he hmun chungah te, mi leh sa chungah te, rama thing leh lei rah rah chungah te ka thinrimna leh thinurna chu ka hrithla ang ; a kang ang a, a mit lo vang.
7:21 Sipaihote LALPA, Israel Pathian chuan heti hian a ti: In inthawinaahte chuan hâlral inthawinate belh ula, sa ei rawh u.
7:22 hâlral thilhlante emaw inthawinate emaw chungchangah chuan in thlahtute hnênah thu ka sawi lo va, Aigupta ram ata ka hruai chuah lai pawh khan thu ka pe hek lo:
7:23 "Ka aw ngaithla ula, in Pathian ka ni ang a, nangni pawh ka mite in ni ang; in that theihna tûrin in awm dan tûr ka hrilh zawng anwg che u zawm rawh u," tiin thu ka pe zawk a ni.
7:24 Mahse an ngaithla lo va, beng an dawh hek lo: an thinlung sual chhuchhetin anmahni thu thuin an awm ta zawk a, hma lam pan aiin an hnungtawlh ta zawk a ni.
7:25 In thlahtute Aigupta ram ata an chhuah si atanga vawiin ni thleng hian ka rawngbawltu, zâwlnei zawng zawngte zing tak taka thovin in hnênah ka tir ni tin thin a.
7:26 Mahse mi ngaithla chuang lo va, beng an dawh hek lo: an rilru an tikhau va, an thlahtute ai chuan an sual ta awk a.
7:27 Tin, heng thu zawng zawngte hi an hnênah i sawi tûr a ni: mahse an ngaithla lo vang che; anmahni ko vang a, an chhâng lo vang che.
7:28 An hnênah, "He hnam hi LALPA an Pathian aw ngaithla lova, thununna dawng lo hnam an nih hi," i ti ang a: thudik a boral a, an ka ata paih bo a ni ta.
7:29 I sam tan la, paih bo la, hmun sâng kawlhahte tap chhuak rawh; LALPAN a thinurna dawngtu chhuanhote chu paihthlain a hnuchhawn chu paihthlain a hnuchhawn ta si a.
7:30 Juda fae chuan ka mithmuhah thil sual an ti si a, tih hi LALPA thu chhuak a ni: ka hming vuah inah chuan tibawlhhlawh tûrin an thil tenawmte chu an tdah ta.
7:31 An fanute, an fapate hal tûrin Ben-Hinom ruamah chuan Tophet bawlhmunte an siam a; chung chu ka thupêk a ni lo va, ka rilruah pawh a lût ngai hek lo.
7:32 chuvangin ngai teh u, nite chu a lo thleng danw, tih hi LALPA thu chhuak a ni: chu ruam chu,"Tophet" vuah a ni tawh lo vang a, "Ben Hinom ruam," vauh a ni hek lo vang; "Insamna ruam" vuah a ni tawh zawk ang: Tophet-ah chuan an phûm ang a, phûmna tûrhmun dang a awm tawh loh avângin.
7:33 Mite ruang chu chungleng savate leh ramsate chaw a ni ang: tuman an hnawt bo lo vang.
7:34 Tin, Juda khawpuiahte leh Jerusalem khawlaiahte chuan hlim thawmte leh lawm rite, moneitu awte, mo awte pawh ka tireh ang: a ram chu a tiau dawn si a.
8:1 Chumi hunah chuan, tih hi LALPA thu chhuak a ni: Juda lalho ruh te, a hotute ruh te, puithiamho ruh te zâwlneiho ruh te, Jerusalema chengho ruhte an thlan ata an la chhuak ang ;
8:2 ni te, thla te, vana awm zawng zawng, an hmangaih a, rawng an bâwl a, an u a, an zawn a, chibai an bûkate hmaah chuan an pho chhuak ang: lak khâwm an ni tawh lo vang a, phûm an ni hek lo vang; lei chunga êkdûr mai tûr an ni ang.
8:3 He mi chhûngkaw sual tak la awm chhun zawg zawng, ka hnawh darhna hmuna la chambangte chuan nun aiin thih an thlang zawk ang, tih hi sipaihote LALPA thu chhuak a ni.
8:4 Chu lo pawh chu an hnênah heti hian i sawi tûr a ni: LALPA chuan heti hian a ti: Mi an tlûkin an tho leh lo vang êm ni? Mi a pên bovin a lo kîr leh lovang êm ni?
8:5 Engatinge he Jerusalem mite hi, Kumkhuaa hnungtawlh tûra an tawlh thlûk tâk le? Bumna an vuan tlat, kîr leh an duh lo.
8:6 Ka beng chhîin ka ngaithla a, Tuman thudik an sawi lo, Tuman, eng nge ka tih tâk? Tiin an suahsualna an sim hek lo; Mi tinin mahni kawng an hawi ta theuh va, Indo hmuna sakawr lîm buan buan ang maiin.
8:7 A ni, vana vacha chuan a hunbite a hria a, Thuro te, Vamûr te, kanghlaite chu a hun takah an lo thleng thin a. Ka mite erawh chuan LALPA thu ruat an hre lo.
8:8 Engtin nge, Mi fing kan ni, LALPA dân kan hnênah a awm, in tih ni? Ngai teh u, lehkha ziak tute kawlawm dawthei chuan, Dâwtah an chantir zawk a ni.
8:9 Mi fingte chu an zakin an zâm ang a, Manin an awm ang; Ngai teh u LALPA thu chu an paih thla a, Anmahniah eng finna nge awm le?
8:10 Chuvangin an nuuite chu mi dangte hnênah ka pe ang a, An lote paw a la neitu tûrte hnênah; Mi tin, a tê ber atanga a ropui ber thlengin Awh hmang an ni a. Zâwlnei atanga puithiam thleng pawhin Mi tinin bum an hmang si.
8:11 Ka fanu, ka mite hliam chu ngaih sam takin, "A tha a lawm, a tha alawm" tiin an thawi a, A tha hauh si lo va.
8:12 Thil tenawm an tih hi an zak êm le? Hnai lo ve, an zak hauh lo va, an hmêl pawh a sen hek lo. Chuvangin tlute zîngah an tlu ve ang a, Anmahni hrem hunah chuan paihthlakin an awm ang, Tih hi LALPA thu chhuak a ni.
8:13 Anmahni ka tiboral vek ang, Tih hi LALPA thu chhuak a ni: Grêp hruite a rah lo vang a, Theipui kûngte a rah hek lo vang; A hnah pawh a vuai ang a, Anmahni chîm botu tûrte ka ruat tawh a ni.
8:14 Engatinge kan la thut reng le? Pung khâwm ula, khawpui kulh neiahte lut ula, Chut ah chuan i boral dial ang u; LALPA chunga kan sual tak avângin; LALPA kan pathian chuan tûr tui min intîrin, Boralnaah min dah a ni.
8:15 Muanna kan zawng a, thatna engmah a lo thleng lo, Tihdamna hun tûr pawh, ngai teh thlaphanna mai.
8:16 An sakawr hnar tum ri chu Dan atangin hriat a ni a, An sakawr chak hram thawmah chuan ram pumpui chu a khur a, An lo thleng a, a chhûnga awm zawng zawng, An ei zo vek ta, khawpui leh a chhûnga chengte nên.
8:17 Ngai teh u, in zîngah rulpui ka tîr ang a, Rul tûr nei, khawi ngam rual lohte chu: Chûng chuan a chû ang che u, Tih hi LALPA thu chhuak a ni.
8:18 Aw lungngaihnaah hian inthlamuan thei tak ila aw! Chhûngrilah chuan ka thinlung a chau zo ta.
8:19 Ngai teh u, ram hla tak ata, Ka fanu ka mite tap thawm chu, Zionah chuan LALPA a awm lawm ni; A chhngah a LAL a awm na nge? A milim siam chawpte leh hnam milemtein, Engahnge mi tihthinur ni?
8:20 Buh seng hun a liam ta, Nipui a tawp ta, chhandamin kan la awm lo.
8:21 Ka mite ka fanu natnaah chuan ka a ve si, Ka sûn a, thlaphânnain mi vuan ta.
8:22 Gilead-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh?
9:1 Ka lû hi tui ni se, ka mit hi mittui hnâr ni teh se aw! Ka mi, ka fanu thlahte tan chhûn zânin ka tap tûr;
9:2 Thlalêrah khualbûk nei thei ila aw! Ka mita kalsanin, awm bosan teh ila; Uire hmang mi an ni vek si a, Bumhmang awm khâwm mai an ni.
9:3 An lei chu thal ngûl angin dâwtah an hmang a, Ramah an thang lian, thutakah thang lovin, Sual lamah an thang zêl a,kei mi hre lo vin,Tih hi LALPA thu chhuak a ni.
9:4 Mahni thenawm lakah fimkhur theuh ula, In unaute reng ring suh u; Unaute chu bumhmang an ni si; =henawmte pawh rêl hmang an ni.
9:5 Mahni thenawm theuh an bum ang, Thudik lah an sawi lovang; An lei dawtsawi an zirtîr a, Khawlohna thawkin an hah thin.
9:6 Bumhmang zîngah i cheng a, An bumna avângin kei mi hre duh lo, Tih hi LALPA thu chhuak a ni.
9:7 Chuvangin sipaihote LALPAN heti hian a ti: Ngai teh u, anni chu ka titui ang a, ka fiah ang: Ka mi, ka fanu avâng chuan eng dang nge ka tih tak ang le?
9:8 An lei chu thihna thal a ni a, bum thu a sawi thin, Miin kâin a thenawm hnênah rem thu sawi mah se, A thinlungah amah chu a châng khiau thin.
9:9 Hêng thil tihte avâng hian ka hrem lo vang êm ni? Tih hi LALPA thu chhuak a ni: Hanm hetiang lakah hian phuba ka la lo vang maw?
9:10 Tlângte tan ka tap ang a, ka chiau vawng vawng ang, Thlalêr hlobet hmunte ka sun ang a, Tuma kal tawhlohna tûra a kan zawh tak avângin, Ran thâwm miten an hre tawh lo vang a, Chunglêng savate leh ramsate pawh an tlânchhia a, an kal bo tawh.
9:11 Tin, Jerusalem chu thil chhe awm khâwm maiah ka siam dawn, Sihalte chenna hmun a ni ang; Juda khawpuite chu chêngtu awm lovin ka titiau ang.
9:12 Hei hi hre thiam tûrin mi fing chu tunge ni? Puang tûra LALPA thu sawi lo dawngtu chu tunge ni? Eng vangin nge ram chu a chhiat zawh a, tuma kal lohna tûra thlalêr anga a kan tak ni?
9:13 Tin, LALPA chuan, Ka dan, an h maa ka dah, an kalsan a, ka tawngka chhuak an awih lo va, an zawm hek lo va,
9:14 an thinlung khauh zawm a, an thlahtuten an zirtir Baalate chu an um tak zawk avângin;
9:15 Sipaihote LALPA, Israel Pathian chuan heti hian a ti: Ngai teh u, anni, heng mite ngei hi saiin ka hrai ang a, tui kha ka intir bawk ang.
9:16 Hnam, anmahni leh an thlahtute pawhin an hriat ngai lohte zingah ka tidarh ang: ka tihboral vek hma chu khandaih ka umtir ang.
9:17 Sipaihote LALPA chuan heti hian a ti: Ngaihtuah ula, hmeichhia tap mite lo kal tûrin ko rawh u, Hmeichhe themthiamte chu lo kal tûrin ko bawk rawh u.
9:18 Lo hmanhmawh sela, min rawn tah khum teh se. Ka mittui a luan a, kan mitahte tui a puh theih nân.
9:19 Zion ata tap thawm hriat a ni si a, Kan chhiat nasatzia tak chu: Kan hrilhhai êm êm a, Kan ram kan kalsan avâng leh, Kan chennate an paihthlak avângin.
9:20 Aw nangni hmeichhiate u, LALPA thu chu ngaithla ula, A kam chhuak thu in bengah lut sela, In fanute tah zirtir ula, Mi tinin a thenawmnu hnênah sunna hla.
9:21 Kan tukverhahte thihna lawn lutin Kan lal inahte a lût tawh si a; Pawn atangin naupang tibo tûr leh, Khawlai ata tlangvâl tibo tûrin.
9:22 LALPA thu chhuak chuan heti hian a ti:"Mi ruangte chu tamlakah ekdur angin an tlu ang a, Buh sengtu buh hmaih ang maiin; Tuman an khâwm tawh lo vang," ti rawh.
9:23 LALPA chuan heti hian a ti: Mi fing chuan a finna chhuang suh sela, mi chak chuan a chakna chhuang hek suh sela, mi hausa chuan a sum leh pai chhuang hek suh se.
9:24 A chhuang apiang erawh chuan hei hi chhuang rawh se, kei LALPA hi, ngilneihna te, reldikna te, f elna leia hmang thintu chu ka ni tih mi hriat a, a hriat thiamna chu; heng thilte hi ka lawmzawng a ni si, tih hi LALPA thu chhuak a ni.
9:25 Ngai teh u, nite chu a lo thleng e, tih hi LALPA thu chhuak a ni, serhtan ni si, tan loh ang maite chu ka hrem ang;
9:26 Aigupta te, Juda te, Edom te, Amon fate leh Moab-te leh thlalêra cheng, baksam ziat kawnghote; hnam zawng zawng chu serhtanhote an ni si a, Israel chhûngte zawng awng pawh thinlunga serhtan loh an ni.
10:1 Aw, Israel chhûngte u, in hnêna LALPA thu sawi hi ngaithla rawh u,m
10:2 LALPA chuan heti hian a ti: Hnamte awm dan zir suh la, Vana chhinchhiahnate vangin zam hek suh u;
10:3 Mite dante chu engmah lo mai a ni si a, Ramhnuaiah thing an kit a, Hreipuia mi themthiam kutin an chei a,
10:4 Tangkarua leh rangkachakin an chei a, A chet loh nân thirkilhna leh tubohvin an kilh a.
10:5 Leipuia sava hlauh tûr mili mai an ni a. An tawng thei lo. Mahniin an kal theih loh avângin, Put sawn an ngai thin; Anni chu hlau suh u, Thil chhia an tithei lo va, thil tha an tithei hek lo.
10:6 Aw LALPA, nang ang tumah an awm lo ve, I ropui a, i hming chaknain a thang lian e.
10:7 Aw hnamte lal, tuin nge tih lo vang che? Chu chu i phu reng si a. Hnamte mi fing zawng zawng zingah te, An ram rêng rêng zingah pawh, Nang ang reng an awm lo ve.
10:8 Anni zawng mi mawl leh mi â an ni a, Milim zirtirna chu thing mai a ni.
10:9 Taris ata tangkaraw chher an rawn la a, Upaz ata rangkachak pawh, Mi themthiam kut chhuak vek an ni e.
10:10 LALPA erawh chu Pathian tak a ni, Pathian nung chatuan Lal a ni e, A thinurin lei a nghing a, Hnamten a thinrimna an tuar lo.
10:11 An hnênah hetiang hian in ti tûr a ni : Pathiante, lei leh van siamtu ni hlei lote chu lei ata an boral ang a, van hnuai atangin an bo vek ang.
10:12 A thiltihtheihnain lei a siam a, A finnain khawvel a din a, A remhriatnain van a tiparh a.
10:13 A aw a chhuah chuan, vanah tui a ri hum hum a. Kawlkil ata chhum a chhohtir a, Ruah sur nân kawl a phettir a, A robâwm ata thli a tlehtir a.
10:14 Mi tin an mawl a, hriatna an nei lo. Rangkachak chhertu pawhin a lem chher chu a zahpui a. A milim chhun chu dawt mai a ni si, Anmahniah thaw pawh a awm lo.
10:15 Engmah lo mai an ni, bumna hna mai, An hremna hunah an bo mai ang.
10:16 Jakoba chanvo zawng hetiang a ni lo. Thil zawng zawng bul a ni si; Israel hi a roluah hnam a ni a, A hming chu Sipaihote LALPA a ni.
10:17 Aw nang, huala awm mek chuan, I puanthuah lei ata la khâwm rawh.
10:18 LALPA chuan heti hian a ti a ni: Ngai rawh u, tunah rama chengte ka thing chhuak ang, An hriat thamin ka tihreawm ang.
10:19 Ka na avângin ka chung a pik e, Ka hliam a na a ni, Mahse, "Hei zet hi hrehawmna chu a ni, Ka tuar mai tûr a ni," ka ti.
10:20 Ka puan in a chhe ta, ka chat vek a, Ka hnên ata ka fate an chhuak a, an awm ta lo, Ka puan in zar tûr an awm tawh lo, Ka puanzar tungding tûrte.
10:21 Berâm vengtute chu an mawl a, Lalpa râwn nachang an hre lo; Chuvang chuan an hmuingil lo, An berâm rualte an darh zo.
10:22 Ngai rawh u, thawm chu a lo thleng, hmâr lam ata buaina ropui tak mai, Juda khawpuite titiauvin, Sihal chenna hmuna chantir tûrin.
10:23 Aw LALPA, mihring awm dan chu, mahni thu mai a ni lo tih ka hre ta: Tungchhova kal mihringah hian, A pheikhai hruai tûr a awm lo.
10:24 Aw LALPA, mi thunun la, a tawk chauhvin, Thinur lovin, chutilochu mi tibo dah ang e.
10:25 Awze mi, nang hre ngai lote chungah leh, I hming lam ngai lote chungah I thinurna hrithla ang che;Jakoba an ei zo va, A ni, an ei zo va, an ei ral a, A chenna ram an titiau va.
11:1 Jeremia hnêna LALPA thu lo thleng chu:
11:2 He thuthlung thute hi ngaithla ula, Juda mite leh Jerusalema chengte hnênah sawi rawh u:
11:3 Tin, nang chuan an hnênah, "LALPA Israel Pathian chuan heti hian a ti: He thuthlung thute ngaithla lotu chu ânchhe dawngin awm rawh se:
11:4 chu chu in thlahtute, Aigupta ram, thir rawhtuina ata ka hruai chhuah nia, ka tawngka chhuak awih ula, thu ka pêk zawng zawngte chu ti rawh u, tia ka thupêk chu a ni: tichuan ka mite in ni ang a,, kei chu in Pathian ka ni ang:
11:5 in thlahtute hnêna khawzu leh hnute tuia luang ram chhechhama pêk ka tiam kha ka hlen theih nân vawiinah a awm ang hian, ti rawh," a ti a. Tin, kei chuan, "Amen, Aw LALPA" tiin ka chhâng a.
11:6 I LALPA chuan ka hnênah, "Juda khawpuiahte leh Jerusalem khawlaiahte heng thu zawng zawng hi puang la, ;He thuthlung thute hi ngaithla ula, zawm rawh u.
11:7 In thlahtute Aigupta ram ata ka hruai chhuah ni ata tun thlengin ka tawngka chhuak awih rawh u," tiin ka hriattir thin a.
11:8 Mahse an awih lo va, beng an dawh hek lo, mi tin, mahni thinlung sual ang zelin an awm ta zawk a. Chuvangin heng thuthlung thu, ti tûra thu ka pêk, an tih loh zawng hi an chungah ka rawn thlen ta a ni," a ti a.
11:9 Tin, LALPA chuan ka hnênah, "Juda mite leh Jerusalema chengte zingah phiarrûkna a awm.
11:10 An thlahtu, ka thu ngaithla duh lotute khawlohna lamah chuan an let leh a: pathian dangte rawng bâwl tûrin an kal a: Israel chhûngte leh Juda chhûngte chuan an thlahtute hnêna ka thuthlung siam chu an bawhchhe ta.
11:11 Chuvangin LALPA chuan heti hian a ti: Ngai teh u, an chungah thil tha lo, an pumpelh tawp loh tûr chu ka rawn thlen ang; mi au vang a,mahse ka chhâng lo vang.
11:12 Tin, Juda khawpuite leh Jerusalema chengte chuan pathian, an hnena rimtui an halna thinte chu an au vang a, mahse an buai hunah chuan chung chuan an chhanhim tawp lo vang.
11:13 Aw Juda, i pathiante chu i khawpui zat an ni si: thil zahthlak tak, Baala hnêna rimtui halna tûr maichâm meuh pawh Jerusalem kawtthlêr zat ngawtin in lo din ta a.
11:14 Chuvangin hengte hi tawngtaisak suh la, an tan dilna emaw aw emaw chhuah hek suh; an buai huna mi auh chu ka ngaithla dawn si lo va.
11:15 Thil tenawm tak ti chungin, Ka duh tak chuan ka inah pual eng nge a neih? Thu intiamte leh sa serh chuan In chhiatna tûr a pumpelhtir thei ang che u êm ni? In chhuang thei êm ni?
11:16 LALPA chuan i hmingah, Oliv thing hring, rah tha mawi pui, a ti chia, Ri huau huauin a chungah mei a chhem a, A zârte pawh a tliak zo ta.
11:17 Sipaihote LALPA, nangmah phuntu che chuan, Israel chhûngte leh Juda chhûngte sualna, Baala hnêna rimtui hhlana, mi tihthinrimna thil, anmahni tana an thawh chhuah chunga thil tha lo tûr thu chu i chungah a puang chhuak ta.
11:18 LALPA chuan mi hriattir a, ka hre ta: Tichuan nang ngeiin an thiltihte mi kawhhmuh ta.
11:19 Kei erawh chu berâm no nunnem tak, Talh tûra hruai ang mai ka ni; Thing chu a rah chawpin, i tichhia ang u khai, Mi nung ram ata ani chu i tibo daih ang u, A hming rêng rêng hriat a nih loh nân, Tia ka chunga an thil phiar chu ka lo hre daih lo.
11:20 Mahse, aw Sipaihote LALPA, dik taka rel thintu, Chhûngril lam leh thinlung fiah thintu,An chunga i phuba lak chu mi hmuhtir ang che, Ka chungchang thu hi i hnênah ka kawltir si a.
11:21 Chuvang chuan Sipaihote LALPA chuan Anathoth mi, i nuna zawngtu, "Kan kuta i thih loh nân LALPA hmingin thu sawi suh," titute chungchangah chuan heti hian a ti:
11:22 Ngai rawh u, anmahni ka hrem ang a, tlangvalte chu khandaihin an thi ang a, an fanute, an fapate chu tamin an thi ang a;
11:23 thi bang reng an awm lo vang: Anathoth mite chungah chuan thil tha lo ka thlen dawn si a, an hremna kum tûr ngei chu.
12:1 Aw LALPA, i hnênah ka phunnawi pawhin, Nang zawng i dik thin; Mahse ka vuina thu chu ka sawi tho dawn. Engati nge mi suaksualte kawng chu a hmuingil thin ni? Engati nge bumhmang tawh phawtte chu nuamsa taka an awm thin le?
12:2 Anni chu i phun a, a ni, zung an kai ta a, An thang a, a ni, rah an chhuah ta: An hmuiah chuan i hnai a, An chhûngrilah zawng i hla si.
12:3 Aw LALPA, kei erawh chu mi hria a, Mi hmu a, i lamah ka thinlung i fiah thin, Anni chu berâm talh tûr ang maiin hnuk chhuak la, An talhna ni tûr chu ruat ang che.
12:4 Ram chuan eng chen nge a sun ang a, Ram pum pui thlaite chu an vuai ang? A chengate suahsualna avângin Ramsate chu an ral zo va, savate pawh; "Kan hun hnuhnung chu an hmu lo vang," an tih avângin.
12:5 Kea kal mite chu i tlansiakpuia, an tihchauh tawh che chuan, Engtin nge sakawrte i tlansiakpui theih ang? Muanna ramah him takin awm mah la, Jordan ram ngawah chuan engtin nge i tih ang?
12:6 I unaute, i pa chhûngkua ngeite chuan, Anni ngei chuan an bum tawh si chia; Anni chuan um chein ring takin an au chia, Thu tha tak sawi mahse awih rêng rêng suh.
12:7 Ka in-lo kalsanin ka roluah tûr ka paih bo ta; Ka nunnain a ngaih taki chu, A hmêlma hnênah ka pe ta.
12:8 Ka roluah tûr chu ramhnuai sakeibaknei ang a lo ni ta, Ka lakah a râwl a chhuah a, Chuvangin ka hua a ni.
12:9 Ka roluah tûr chu ka tan sahel ei sava tial a ni êm ni? Ramsa zawng va khâwm ula, Ei tûrin rawn hruai rawh u.
12:10 Berâmpu tam takte chuan ka grêp huan an tichhia a, Ka chan chu an rap bet a, Ka chanvo nuam tak mai chu Thlalêr ram tiau an chantir ta.
12:11 Ram tiauah an siam ta a, A tiau va, ka hnênah a vui a ni, A ram pum pui a tiau va, Mahse tuman an ngaihsak lo.
12:12 Thlalera tlâng kawlh zawng zawngah te, Tichhetute an lo thleng ta a; Ram tawp lehlam atanga lehlam thlengin LALPA khandaih chuan a ei zo ta si a, Muanna nei reng an awm ta lo.
12:13 Buh chi an tuh a, hling an seng a, An intihah hrep a, hlawkna awm si lovin, LALPA thinur nasa tak avângin In rah chhuahte chu in zahpui ang.
12:14 Ka mi Israelte hnêna roluah tûra ka pêk khawih chhetu, ka thenawm sualte zawng zawng chungchangah chuan LALPA chuan hetiangin a ti: "Ngai rawh u, an ram ata ka pawt chhuak ang a, an zing ata Juda chhûngte ka phawi chhuak ang.
12:15 Tin, heti hi a ni ang a, ka pawh chhuah hnuah anmahni ka khawngaih leh ang a, mi tin, roluah tûr leh mi tin, ama ram ngeiah chuan ka rawn hruai ang.
12:16 Tin, heti hi a ni ang a, Baala hnêna ka mite chhechham an zirtir ang bawk a, ka hming a, 'LALPA a nuna a nun chhûng chu' tia chhechham an zir a, ka mite awm dan ngun taka an zir chuan ka mite zingah ka din ang.
12:17 Mahse an ngaihthlâk loh chuan chu mi hnam chu a pawhin ka pawt chhuak ang a, ka tichhe zo vang," tih hi LALPA thu chhuak a ni.
13:1 LALPA chuan ka hnênah heti hian a ti a: Hrenpuan zai sin lei la, tihuh lovin hreng rawh.
13:2 Tichuan LALPA thu ang zelin hren chu ka lei a, ka hreng ta a.
13:3 Tin, LALPA thu chu ka hnênah a lo th leng leh a,
13:4 Hrênpuan i lei, i hren kha la la, tho la, Euphrates lui pan la, chuta lung keh karah chuan thukru rawh, tiin.
13:5 Tichuan LALPA thu mi pêk angin ka kal a,Euphrates lui bulah chuan ka thukru ta a.
13:6 tin, ni tam tak hnuah chuan LALPAN ka hnênah, Tho la, Euphrates lui pan la, hrenpuan ka thukruktir che kha la chhuak rawh, a ti a.
13:7 Tichuan Euphrates lui lamah chuan ka kal ta a, ka han hai a, hrenpuan chu ka thukrukna ata ka han phawrh chhuak a. Ngai teh, hrenpuan chu a lo mawih vek a; eng atân mah a tlaktlai ta lo.
13:8 Tin, LALPA thu chu ka hnênah a lo thleng a:
13:9 LALPA chuan heti hian a ti: Hetiang bawk hian Juda chapopui leh Jerusalem chhuantawlawl chu ka tichhe dawn a ni.
13:10 He hnam sual, ka thute ngaithla duh lova, anmahni rilru ngawltawt zai zuia pathian dangte rawng bâwl leh be tûra um zawktute hi he hrenpuan, eng atân maha tlaktlai lo ang hi an ni ang.
13:11 Hrênpuan chu mi kawnga a bet reng ang hian Israeal chhûngkaw pum pui leh Juda chhûngkaw pum pui hi ka mite leh ka hmingthanna leh ka mawina leh ka ropuina an lo nih theih nân ka hnêna bet reng tûra ka siam an ni si a; mahse an bengkhawn lo.
13:12 Tin, het hu hi an hnênah i sawi tûr a ni: LALPA Israel Pathian chuan heti hian a ti: Peng tinreng mai uainin a khat ang, tiin. Tin, annin i hnênah, Peng tinreng mai uainin a khat ang tih chu kan hre lo vem ni? An ti ang a.
13:13 Ti nangin an hnênah, LALPA chuan heti hian a ti: Ngai rawh u, he rama cheng zawng zawng, Davida thutthlenga thu lalte, puithiamte, zâwlneite leh Jerusalema cheng zawng zawngte zuy ruihnain ka tikhat ang.
13:14 Anmahni chu ka insuttir ang a, pate an fate nên, tih hi LALPA thu chhuak a ni: anmahni ka tihboral lohna khawp zawngin anni chu ka khawngaihin ka zuahin ka lainat lo vang.
13:15 Ngaithla ula, beng dawh rawh u; Chapo suh u, LALPA chuan thu a thlah tawh a ni.
13:16 LALPA in Pathian chu chawimawi ula, Thimna a thlentir hmaa thimhlim tlâng chungahte in ke a phêt hma hian, Eng in beisei lai takin thimah a chantir a, Thim chhah takah a siam dawn a ni.
13:17 Mahse in ngaihthlâk loh chuan In chapona avângin fianrialah ka tap ka tap ang; Ka mittui pawh nasa takin a luang reng a, LALPA berâm rual chu sala kaih an nih avângin.
13:18 Lal leh a nu hnênah te chuan, Thu hniam rawh u, in lukhuumte a tla ta si, In lallukhum ropui ngei chu, ti rawh.
13:19 Chhim khawpuite chu a ping zo ve, tuma hawn rual lohvin; Juda zawng zawng salah an tâng, A pum puiin an tâng zo ve.
13:20 In mit len ula en rawh u, hmâr lam ata lo thawkte saw Berâm rual i nei kha khawnge, I berâm rual duhawm tak kha?
13:21 Nangman thiana i siamte kha i chunga an dah hun chuan Engtin nge i tih ang? Hmeichhe nau vei ang mai hian Nâ i ti hle dawn lawm ni?
13:22 Eng vangin nge heng hi ka chungah a lo thlen? I ti rilru a nih chuan, i khawlohna avâng asin ni? I fenfual hlim a niha i saruak a lan ni.
13:23 Ethiopia mi hangin a vun a tidanglamin keitein a zia a thup thei êm ni? Chuti a nih chuan nangni thil sual tih ching thinte pawhin Thil tha in tithei ang chu!
13:24 Thlalêr thliin buh si a len ang maiin Anmahni ka tidarh ang.
13:25 Hei hi i chanvo, i puala ka ruatsak che chu a ni, Mi theihnghilh a, dawt i rinchhan avângin, Tih hi LALPA thu chhuak a ni.
13:26 Tichuan keimah ngeiin i fenfual chu I hmai khuh hialin ka hlimsak ang chia, I zahmawh a lang ang.
13:27 Tamlâka tlângah te i uirenate, i hur au thawmte, i inphalrai nasatzia te, Chung i thiltih tenawmte chu ka hmu ta. Aw Jerusalem, i chung a pik e! Tihthianghlim i nih hma chu eng chen nge ni dawn?
14:1 Khawkhêng chungchang Jeremia hnêna LALPA thu lo thleng chu: Juda chuan a sun a, a kulh kawngkate a ngui; Leiah an puan dur khumin an kun e, Jerusalem tap thawm a chho.
14:2 A mi thaten an chhiahhlawhte mi an chawitir a, Tuikhuah an pan a, tui an hmu lo. An tuibêl ruakin an kir a; An zam a,a n hrilhai a, an lu an khuh.
14:4 Lei lah a khi, ram puma ruah tui awm loh vangin. Leilettute chu an zam a, an lu an khuh a.
14:5 A ni, zukpui pawhin phulah no a hring a, A tlansan e, hnim hring a awm loh vangin.
14:6 Ram sabengtungte chu mual pawng charah an ding a, Lei thlâk hlawiin an thaw hlawp hlawp a: Peh tûr awm loh vangin an mit a thim rum rum.
14:7 Kan khawlohna chuan min hêk mah se, I hming vangin aw LALPA rawn thawk ang che; Kan tlûknate a tam si a, I chungah ngei thil ka tisual a.
14:8 Aw nang Israelho nghahfak, mangan laia chhandamtu, Engati nge he ramah hian mikhual ang maia Zan khat riaka zin ang leka i awm le?
14:9 Enga ti nge mi chi-ahg ang mai leh Pasaltha, chhandam thei si lo vang maia i awm le? Mahse nang chu, aw LALPA, kan zingah i la awm a, I hming kan pu a, min kalsan suh ang che.
14:10 LALPA chuan he mite chungchangah hian heti hian a ti: Vah bo hi an duh thin a, an ke pen an sumkar lo; Tichuan LALPAN anni chu a pawm lo va, An khawlohna chu a hre reng tawh ang a, An sualte chu a hrem ang.
14:11 LALPA chuan ka hnênah, He mite thatna tûr hi dilsak suh.
14:12 Chaw nghei mah sela an au chu ka ngaithla lo vang a, hâlral leh buhbal thilhlan hlan mah sela ka pawm lo vang; khandaih te, tam te, hripui tein anmahni ka tiboral zawk ang, a ti a.
14:13 Ti kei chuan, E, Lalpa PATHIAN, ngai teh, an hnênah zâwlneiten, Khandaih in tawk lo vang a, tam in ruat hek lo vang, he hmunah hian muan chiahna ka pe zawk dawn che u a ni, an ti thin asin, ka ti a.
14:14 Tin, LALPA chuan ka hnênah, zâwlneite chuan ka hmingin dawt an hril thin a nih chu; anni chu ka tir lo va, thu ka chah lo va, ka be bawk hek lo. An thil hmuh hleih lohte, thumvâwr tlaktlai lo te leh an rilru dawha-nate an hrilh che u a ni, a ti a.
14:15 chuvang chuan LALPA chuan heti hian a ti: Ka tirh hleih lohva ka hming chhala, He ramah hian tam leh khandaih a thleng lo vang, tia hriltu chung zâwlneite chu khandaih leh tamin an boral ang.
14:16 Tin, an thuhril lo dawnsawngtu hnam pawh hi tam leh khandaih avângin Jerusalem khawtthlêrah chuan paih chuah an ni ang a, anmahni leh an nupui te, an fanute an fapate nên, phûmtu reng an nei lo vang. An suahsualna chu an chungah ka leih dawn si a.
14:17 Tin, an hnênah he thu hi i sawi tûr a ni; Achhun azanin ka mittui luang rawh se, Hul rêng rêng suh se, Ka mi, ka fanu nula thianghlim chuan hliampui a tuar e, Kutthlâk na tak chu.
14:18 Daia ka chhuah leh, eheu, khandaiha thahte! Khawpuia ka luh leh, eheu, tampui mitthi! Ram tinah zâwlneite, puithiamte an vakvai hlawm a, A ngaihna rêng rêng an hre lo, tiin.
14:19 Juda chu i paih thla der em ni? Zion chu i lungten ta elo? Ka tan tihdamna awm lo lekin eng tizia nge min tuartir le? Muanna kan zawng a, thatna engmah a lo thleng lo; Tihdamna hun tûr pawh, ngai teh, thlaphanna mai.
14:20 Aw LALPA, ka suahsualzia kan pha lo ve, Kan pute khawlohna nên, i chungah kan tisual ta si a.
14:21 I hming avângin min hmusit suh la, I lalthutthleng ropui tihminghliau suh la, Ka hnêna i thuthlung hre rengin bawh bo suh ang che. Hnam dang pathiante zingah ruah surtir thei an awm êm? A nih leh, vanin ruahpui a thlen th ei êm ni? Aw LALPA kan Pathian, chu mi chu nang i ni lâwm ni? Heng htil zawng zawng hi i tih a ni si a, Kan nghahfak ber nang i ni e.
15:1 Tin, LALPA chuan ka hnênah heti hian a ti a: Mosia leh Samuela chu ka hmaah lo ding mah se, ka thinlungin he mite lam hi a hawi chuang lo vang. Ka hmuh phak lohvah hnawt chhuak la, kal bo rawh se!
15:2 Tin, khawiah nge kan kal ang? Tia an zawh che chuan an hnênah heti hian i ti tûr a ni:Heti hian LALPA chuan a ti:Thihna pual chu thihnaah; khandaih pual chu khandaihah; Tampui pual chu tampuiah, sal tanna pual chu sal tannaah.
15:3 Thil chi li ka ruatsak ang, tih hi LALPA thu chhuak a ni:tihlum tûrin khandaih, pet sawm tûrin ui, ei zo leh tiral tûrin chungleng sava leh ramsa kawlhte.
15:4 Juda lal Hezekia fapa Manasean Jerusalema a thiltih avângin lei lal ram zawng zawngte zinga vawrh lan vawrh lanah ka siam ang.
15:5 Tuin nge khawngaih ang che, aw Jerusalem? Tuin nge lungngaihpui ang che? I awm dan zawt tûrin tunge lo peng ang le?
15:6 Nangin mi paih thla a, i hnungtawlh zel a ni, Tih hi LALPA thu chhuak a ni. Chutichuan dimdawi che hi ka ning a, I chungah ka kut ka lek a, ka tiboral che a ni.
15:7 Ram puma kulh kawngkaahte chuan tawm thennain anmahni ka thian a. Fa lu hlohvin ka siam a, ka tiboral a. An awm dan an lamlet loh avângin.
15:8 Tuipui tiau aia tamin an hmeithaite ka tipung a, Chhun laiah ralkai tawhte chungah tichhetu ka thlen a, Manganna leh thil rapthlâk ka tlâktir phut a.
15:9 Lu sarih hringtu chu a chau va, a zal der a; Chhun a nih laiin a ni a liam ta a,A mualphovin a hming a chhia a. Tin, a la awmte chu an hmêlmate kutah Khandaiha thah tûrin ka pe ang, tih hi LALPA thu chhuak a ni.
15:10 Ka nu, ram pum puia nghirnghotu leh hnial kalhtua mi lo hring hi ka chung a va pik êm! Ka pûktir lo va, ka puksak hek lo; mahse an zain ânchhia mi lawh tho si.
15:11 LALPA chuan, Tihtak meuhvah chuan thil tha atân ka tinghet ang che; tihtak meuhvah chuan chhiatna ni leh hrehawm niah hmêlma chu i hnênah kut ka dawhtir ang, a ti a.
15:12 Miin thir, hmâr lama thir leh ngen chu a titliak thei dawn êm ni?
15:13 I sualna zawng zawng avâng hian i sum leh pai leh i ro thilte chu man lovin râllâk atân ka pe ang, i ram tluanin.
15:14 Ram i hriat ngai lovah chuan i hmêlmate rawng ka bawltir ang che. Ka thinrim avângin mei i chunga mut tûr chu a alh chhuak ta si a, a ti a.
15:15 Nangin i hria e, aw LALPA; Mi hre reng la, mi kan ang che, Mi tidhudahtute chungah phuba mi laksak ang che. I dimdawina hi keiin boral phah lo ila, Nangmah avânga hmingchhiat hlawh ka ni tih hria ang che.
15:16 I thute chu tihlan a ni a, ka ei a,I thute chu ka tan lawmna leh ka thilnlung hlimnaa ni; Aw LALPA, Sipaihote Pathian, i hming kan pu ta si a.
15:17 Nuamsip bawltuteho zingah ka tel lo va, ka hlimpui hek lo; Nangma kut vangin a falin ka thu a, Lungnih lohnain mi tikhat si a.
15:18 Engati nge ka na a reh theih lohva,Ka hlia a dam theih loh, tihdam duh lo ang mai hian? Ka lakah kawrte bumhmang tui kang thin ang hi a ni dawn êm ni?
15:19 Chutichuan LALPA chuan heti hian a ti:I lamlet chuan ngai ka awhtir ang chia, Ka hmaah i ding leh ang. Thil tlaktlai lo ata thil hlu hlir i sawi chhuah chuan, Keima kam chang i ni ang. Anni chuan i lam lo hawi sela, Nang erawh chuan an lam i hawi tûr a ni lo.
15:20 He mite lakah hi chuan ngen kulh bangah ka siam ang chia, An bei ang chia, mahse an hneh lo ang che, Chhandam tûr leh chhan chhuak tûr chein. I hnênah ka awm si a, tih hi LALPA thu chhuak a ni.
15:21 Mi suaksualte kut ata ka chhan chhuak ang chia, Mi nunrawngte humbeh ata ka tichhuak ang che.
16:1 LALPA thu chu ka hnênah a lo thleng a:
16:2 Nupui i nei tûr a ni lo va, he hmunah hian fanu fapate pawh i nei tûr a ni hek lo, tiin.
16:3 fanu fapa he hmuna piangte leh he rama nu leh pa anmahni hringtute chungchangah chuan LALPAN heti hain a ti a ni:
16:4 Hripuiin an thi ang a, tuma phûm loh leh tuma sun lohvin an awm ang; lei chung ekdur ang mai an ni ang; Khandaih te, tam tein an boral ang am an ruangte chu chungleng savate leh ramsate chaw a ni ang.
16:5 LALPA chuan heti hian a ti a ni: Khawhar inah lut suh la, sun tûrin kal suh la, anmahni tah suh; he mite lak ata hi ka thlamuanna ka hlip tawh si a, ngilneihna leh lainatnate nên, tih hi LALPA thu chhuak a ni.
16:6 He ramah hian mi lian leh mi tete an thi ang a; phu an ni lo vang a, tuman an sun lo vang a, an inzaiin an inziah kawn phah lo vang.
16:7 Lusunte chu an mitthi ngai thlamuan tûrin tuman ei tûr an hlui lo vang a, an nu emaw an pa emaw avâng pawhin hnemna no in tûr tuman an hun lo vang.
16:8 Tin, ei leh ina an zinga thu tûrin ruaithehna inah i lut tûr a ni lo.
16:9 Sipaihote LALPA, Israel Pathian chuan heti hain a ti si a: Ngai teh u, in mithmuhah, in dam chhûng hian mo aw te, moneitu aw te, hlim tawhm te, lawm rite he hmunah hian ka tireh ang.
16:10 Heng thu zawng zawng hi he mite hnêna i hrilh hunah annin, Eng vangin nge LALPAN kan chungah heti taka thil tha lo a rawn sawi chhuah ni? Eng nge kan khawlohna? LALPA kan Pathian chunga kan thil tihsual chu eng nge ni? Kan tih chuan,
16:11 heti hian i ti dawn nia: I puten mi kalsan vang a ni, pathian dangte an um a, an rawng an bâwl a, an bia a, mi kalsan a, ka dan an zawm lo va;
16:12 tin, nangnin in pute aia hleihluakin in ti a, ngai rawh u, mi tinin mahni rilru ngawltawt sual in zui a, kei mi ngaithla lo va;
16:13 chuvangin ka ram ata hi nangni leh in pute pawhin in hriat ngai loh ramah chuan ka hnawt chhuak ang che u, tah chuan a chhun azanin pathian dangte rawng in bâwl ang, ka khawngaih dawn si lo che u a, tih hi LALPA thu chhuak a ni.
16:14 Tichuan, ngai teh u, nite a lo thleng dawn e, LALPA thu chhua chuan a ti; "Israel fate Aigupta ram ata hruai chhuaktu a nuna a nun chhûng chu," ti tawh lovin,
16:15 "hmâr lam ram leh a um darhna ram zawng zawng ata Israel fate hruai chhuaktu LALPA a nuna a nun chhûng chu an ti tawh zawk ang. An pute hnên ka pêk, anmahni ram ngeiah chuan ka hruai kir leh dawn si a.
16:16 Sângha bei mi tam tak ka chah ang a, anmahni an man ang a; chu mi hnuah chuan ram mi tam tak ka chah chhuak ang a, an pel chhuak ang a, lungpui keh kara mite pawh.
16:17 An awm dan zawng zawngahte chuan ka mit a fu reng si a; ka lakah thupin an awm lo va, an khawlohnate pawh ka mit lakah thuhrûk a ni hek lo.
16:18 Tichuan an thil tenawm ruangtein ka ram an tihbawlhhlawh leh an tenawmnaa ka rochun ram an tihkhah avângin an khawlohna leh an sualna chu a let hnihin ka thungrul ang, tih hi LALPA thu chhuak a ni.
16:19 Aw LALPA, ka chakna leh ka kulhpui, Mangan nia ka inhumhimna, Kawlkil atangin hnamte a lo kal ang a, Kan pute chuan dawt, thil tlaktlai lo, Hlawkna nei hlei lo chauh lo chu engmah an rochung lo ve.
16:20 Miin pathiante a insiamsak thei êm ni? Chung chu pathian an ni hlei nem,' an ti ang.
16:21 Chuvangin, ngai teh u, tun tum hian anni chu ka hriattir teh phawt ang; ka kut leh ka thiltihtheihna ka hriattir ang a, ka hming hi LALPA a ni tih an hria ang.
17:1 Juda sualna chu thir kawlawm leh lunghlu hria hmawr zumin ziak a ni; an thinlung phekah kerin a awm a, an maichâm kiahte pawh;
17:2 thing hring bul leh mual pawngahte chuan an faten an maichâmte leh an Aser-te chu an hre reng si a. Aw nang ka tlâng, rama mi, ram dung tluana i sualna avâng hian i sum leh i ro zawng zawngte, i bawlhhmunte nên râllâkah ka pe ang.
17:4 I chanpual ka pêk che kha i chan ang a, i ram hriat ngai lovah chuan i hmêlmate rawng ka bawltir ang che, ka thinurna mei, kum khuaa kang tûr chu in chhem alh ta si a,
17:5 LALPA chuan heti hian a ti: Mihring rinchhana, mihring ban chakna ring a, LALPA hawisanna thinlung neitu chu Ânchhe dawngin awm rawh se.
17:6 Thlalêra hnimbuk to ire ang an ni a, thil tha chhuak tûr reng a hmu lo vang. Thlalêr ram ro, chi leilung, tuma luah lohvah chuan a cheng zawk ang.
17:7 LALPA ringtu, a rinchhan LALPA ni erawh chu a eng a thawl e.
17:8 Tui kianga thingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah thulh chuang si lo ang hi a ni ang.
17:9 Thinlung hi thil zawng zawng aiin Bumhmang ber, chhe lailet der ani a; Tuin nge hre thiam thei ang?
17:10 Kei LALPA hi mi tin, an awm dan ang zel leh An thiltih rah ang zela pe tûra Rilru en chhuaktu, thinlung fiahtu ka ni.
17:11 Mi, kut tling lova lo hausa chu varung, mahni tui ni lo awp keu ang a ni a, A la dam laiin amah an hransan ang a, A tawpah chuan mi â a lo ni mai ang.
17:12 Kan hmun thianghlim awmna chu Lalthuphah ropui tak, a tir ata chawisana awm chu a ni.
17:13 Aw LALPA, Israel nghahfak, Nangmah kalsantu zawng zawng chu an mualpho vang;Kei mi hawisantute chu lei vaivuta ziak ang lek an ni ang, LALPA, nuna tuikhur chu, an kal san ta si a.
17:14 Aw LALPA, mi tidam la, tichuan ka dam ang a, Mi chhanhi la, tichuan ka him ang, Ka fak fo thin chu i ni si a.
17:15 Ngai teh, ka hnênah, 'LALPA thu chu khawiah nge? Lo thleng ang hiang,' an ti thin a.
17:16 Thil tha lo thlen tûrin ka nawr lo chia, Chhiatna ni lah ka duh hek lo tih i hria; Ka kaa thu chhuak chu i hmai hmaa awm a ni,
17:17 Ka tan tihbaiawm ni suh ang che,Mangan nia ka inhumhimna i ni.
17:18 Mi tiduhdahtute chu mualpho sela, Kei erawh chu mualpho lo ila; Anni chu zam sela, kei erawh chu zam lo ila; Mangan ni an chungah thlen la, nasa takin tiboral ang che.
17:19 LALPA chuan ka hnênah heti hian a ti: Kulh kawngka lun ber, Juda lalte luh leh chhuahna leh Jerusalem kulh kawngka zawng zawngahte chuan va ding la;
17:20 tin, an hnênah, Nangni Juda lalte, Juda zawng zawngte, Jerusalema cheng zawng zawng heng kawngkaa lût thinte u, LALPA thu hi ngaithla rawh u.
17:21 LALPA chuan heti hian a ti e: In nun hi fimkhurpui hle teh u, Chawlhniin phur nei suh ula, Jersualem kulh kawngkaah luhpui hek suh u.
17:22 Tin, chawlhniin in in ata phur in din chhuak tûr a ni lo va, hna reng in thawk tûr a ni hek lo ;in pute hnêna ka thupêk angin chawlhni chu in serh thianghlim zawk tûr a ni.
17:23 Anni zawngin an ngaithla lo va, beng an dawh lo va; thunun chu an hriata an dawn loh nân an intiluhlul ta zawk a ni.
17:24 Tin, LALPA thu chhuak chuan heti hian a ti: Piawsa taka mi ngaihthlâka, chawlhnia he khawpui kawngkaa thil in phurh luh lohva, hna reng thawk lo va chawlhni in serh thianghlim zawk chuan,
17:25 he khawpui kulh kawngkaah hian lalte leh hotute, Davida thutthlenga thu tûrte chu tawlailirte leh sakawrahte chuangin an lo lut ang a, anmahni leh an mi liante, Juda mite leh Jerusalem a chengte nên; tichuan he khawpuiah hian mi an cheng hlen tawh ang.
17:26 Juda khawpui leh Jerusalem chhehvel atang te, Benjamin ram atang te, Sefela ram atang te, tlâng ram atang leh Chhim ram atang tein an lo kal ang a, hâlral thilhlan leh inthawinate, buhbal thilhlan leh rimtui te, lawmna inthawinate LALPA inah chuan an rawn la ang.
17:27 Mahse chawlhni serh thianghlim tûr leh chawlhnia phur neih loh leh Jerusalem kulh kawngkaa luhpui loh tûr thu-ah mi ngaihthlâk loh chuan a kulh kawngkaahte chuan mei ka chhuah ang a,Jerusalem lal inte chu a kang zo vang a,a mit lo vang.
18:1 LALPA lak ata Jeremia hnêna thu lo thleng chuan,
18:2 Tho la, belvawtu inah chuan zuk kal la, chutah chuan ka thute ka hriattir ang che, a ti a.
18:3 Tichuan belvawtu inah chuan ka zuk kal ta a, a bel siamna khawlah chuan a lo thawk a.
18:4 Hluma bel a siam lai chu a lo that loh chuan belvawtu chuan tha a tih angin bel dangah a din leh mai thin a.
18:5 Tichan LALPA thu chu ka hnênah a lo thleng leh a:
18:6 Aw Israel chhûngte u, he belvawtu tih ang hian ka tithei lo che u êm ni? Tih hi LALPA thu chhuak a ni. Ngai teh u, belvawtu kuta hlum ang mai hian ka kutah in awm a ni, aw Israel chhûngte u.
18:7 Engtikah pawh hnam emaw ram emaw chungchang thu-ah, Ka pawtchhuak ang a, ka thiat ang a, ka tichhia ang, tiin lo sawi pawh ni ila.
18:8 chu hna chuan a chung thu ka sai avânga a thil tha lo a hawisan chuan a chunga thil tha lo tih ka tum chu ka lamlet ang.
18:9 Tin, engtikah pawh hnam emaw ram emaw chungchang thu-ah, Ka siam ang a, ka din ang, tiin llo saiw pahw ni ila,
18:10 ka tawngka chhuak ngaithla lova ka mithmuha thil tha lo a tih chuan a tana thil tha tih ka tum chu ka lamlet bawk ang.
18:11 chuvangin Juda mite leh Jerusalema chengte hnênah chuan, LALPAN heti hian a ti: Ngai teh u, in chungah thi tha lo ka suangtuah a, ka phiar mek che u a ni, mi tinin an awm dan tha lo hawisan sela, in awm dan leh in thiltihte siam tha rawh u, va ti phawt rawh.
18:12 Nimahsela anni zawning, A awm lo ve! Mahni remruat ang angin kan awm ang a, mi tin, mahni rilru ngawltâwt sual ang zelin kan che ang, an ti thin a ni.
18:13 Chuvangin LALPA chuan heti hian a ti: Hnam dangte zawt teh mah u, hetiang reng tunge hre ngai? Nula Israel chuan thil tihbaiawm tak a tih tak hi.
18:14 Lebanon vur chuan a tlâng chhip a kiansan ngai êm ni? Kawlvalenchham tui dai a luang kang ngai êm ni?
18:15 Ka mite erawh chuan mi theihnghilh a, Engmah lo mai hnênah rimtui an hal a; Chung chuan an hmasâng kawngah a petektir, Kawngpui ni lo tumkawng lam an zawh a,
18:16 An titiau zo ta e a ram chu, Kumkhuaa chek khum tûrin. Veivak apiangin mak tiin an lu an thing.
18:17 Khawchhak thlipi angin hmêlma hmaah ka theh darh ang, An vanduai niah chuan ka hmêl ni lo, Ka tukkhum ka entir ang.
18:18 Tin, anni chuan, Hawh u, Jeremia hi i phiar ang u, puithiam lak ata dan a reh dawn si lo va, mi fing lak ata thurawn a reh hek lo vang a, zâwlnei lak ata thu a reh bawk hek lo vang. Hawh u, i sawichhe bawrh bawrh ang u khai, a thu rêng rêng i ngaihsak miah lo ang u, an ti a.
18:19 Mi ngaihsak la, aw LALPA, Mi dodaltute thu hi bengvar ang che.
18:20 Sual hi thil tha rulhna em ni ngai? Anni zawngin ka nunna atân hum an hiat si. An laka i thinurna tikiang tûr leh An tana thil tha sawi tûra I hmaa ka din thin kha hre reng ang che.
18:21 Tichuan an fate chu tampui-mitthi tawhtir la, Khandaih chakna tawntir rawh; An nupuite fa lu hlauhvin hmeithai rawh se. An mipate hripuiin thi sela, An tlangvâlte pawh indonaah khandaihin.
18:22 Runtute an hnên i thlentir phutin An in ata tap thawm thang rawh se. Mi man tûrin hum an hiat si a, Ka ke awh nân thang an kam si a.
18:23 Mahse nangin aw LALPA, Mi that tûra an mi phairna zawng zawng i hria e. An khawlohna ngaidam suh la, I mit hmuhan an sualna thai bo hek suh. I hmaah chuan tlu hlawm sela, I thinur niah chuan ti nek ang che.
19:1 LALPA chuan heti hian a ti: Kal la, belvawtu hlum bel va lei rawh; tin, mipuiho upate leh puithiam zinga upate hruai la;
19:2 Harsith kawngkhâr luhna bula Benhinom ruamah chuan kal la, chutah chuan i hnêna thu ka hrilh tûr che hi puang ang che.
19:3 Heti hian ti ang che: Juda lalte leh Jerusalema chengte u, LALPA thu hi hre rawh u. Israelte Pathian, Sipaihote LALPA chuan heti hian a ti: Ngai teh u, he hmunah hian a hria apiang beng tikhawrh hial khawpa thil tha lo ka rawn thlen dawn.
19:4 Mite chuan mi kalsan a, he hmun hi an tibawlhhlawh a, anmahni leh an pate leh Juda lalte pawhin an la hriat ngai hleih loh, pathian dangte hnênah rimtui an hal avâng leh he hmun hi ami thiam thisena tihkhah avâng leh
19:5 Baala hnêna hâlral thilhlan atâna na fate an hlalna tûr Baala hmun sângte an din avângin; chu chu ka thupêk ani lo va, ka sawi hek lo va, ka rilruah pawh a awm ngai lo.
19:6 Chuvangin, ngai teh, nite chu a lo thleng danw, LALPA thu chhuak chuan a ti; chung niahte chuan he hmun hi Topheth vuah a ni tawh lo vang a, Benhinm ruam vuah a ni hek lo vang: Insamna ruam vuah a ni tawh zawk ang.
19:7 Tin, he mi hmunah hian Juda leh Jerusalem thil tumte chu ka tilohtlawn ang a; tin, anni chu khandaihin anhmêlmate hmaah leh an nunna lak tumtute kutah ka tiltu ang; an ruangte chu chungleng savate leh leia ramsate chaw atân ka pe ang.
19:8 Tin, he khawpui hi mak tihah leh chek khuman ka siam ang a, a kal apiangin a chhiat tawhte avâng chuan mak an tia ng a, an chek khum bawk ang.
19:9 An fanute leh an fapate sa ka eitir ang a; tin, an hmêlmate leh an nunna lâk tumtuten an huala an tihmangan hunah chuan tupawhin an thenawmte sa an ei ang.
19:10 Tin, i kalpuite mithmuhah bel chu i tikeh ang a,
19:11 an hnênah heti hian a ti ang che, Sipaihote LALPA chuan heti hian a ti: hetiang bawk hian he mite leh he khua hi ka tikeh ang; belvawtu bel miin a tihkeh a, siam that leh rual a ni lo ang hian; tin, Topheth-ah an phûm ang, phûmna tûr hmun dang a awm loh avngin.
19:12 Chuti tak chuti tak chuan he hmun hi ka ti ang, tih hi LALPA thu chhuak a ni; tin, chutiang bawkin he khua hi Topheth anga siam hialin. A chhûnga chengte chungah pawh ka ti ang:
19:13 Jerusalem inte leh Juda lal ho inte-in tin, mai a chunga van lam thilte hnêna rimtui hal tawhna zawng zawng leh pathian dangte hnêna in tûr thil hlan leih chhuah tawhna zawng zawngte chu Topheth hmun ang maia tihbawlhlawh a ni ang.
19:14 Tin, Jeremia chu, LALPAN thu sawi tûra a tirhna hmun Topheth atang chuan a lo kal a; tin, LALPA in hung chhûngah chuan a dinga, mipui zawng zawng hnênah chuan heti hian a ti a:
19:15 Israelte Pathian, Sipaihote LALPA chuan heti hian a ti: Ngai teh u, thil tha lo ka sawi zawng zawng kha he khawpui leh a khawdang zawng zawngah hian ka rawn thlen dawn a ni: ka thu ngaithla lo tûra an thinlung an tih khauh avângin.
20:1 Tin, Imera fapa, LALPA ina hotupa ber, puithiam Pasura chuan Jeremian chung thute chu a sawi tih a lo hria a.
20:2 Tichuan Pasura chuan zâwlnei Jeremia chu a vua a, LALPA ina Benjamina kawngkhar chhaktaa kawlah chuan a tântîr a.
20:3 A tûkah chuan Pasuran Jeremia chu a phelhin, Jeremia chuan a hnênah, "LALPA chuan i hmingah Pasura a vuah lo ve, Magor-Misabiba a vuah zawk a che.
20:4 LALPA chuan heti hian a ti si a: Ngai rawh, nangma tan leh i thiante zawng zawng tan tih khaiah ka siam ang che: anni chu an hmêlmate khandaihin an tlu ang a, nang lah chuan i mitin i en ngawt ang. Juda ho zawng zawng chu Babulon lal kutah ka pe vek ang a: ani chu Babulonah salah a hruai ang a, khandaihin a that ang.
20:5 Chu a chhapah, khawpui hausakna zawng zawng te leh Juda lalte ro zawng zawng chu an hmêlmate kutah ka pe ang a, anni chuan an rawk ang a, an man ang a, Babulonah an hruai ang.
20:6 Tin, nang Pasur, i in chhûnga awm zawng zawngte nên salah in tang ang a; Babulonah chuan i kal ve ang a, chutah chuan i thi ang a, chutah chuan phûmin i awm ang a, nang leh i thian dâwt thi i lo hrilh thinte zawng zawng nên hian," a ti a.
20:7 Aw LALPA, nangin mi lo bum a, bumin ka awmta a nih hi, Nang chu kei ain i chak a, mi hneh a; Nilêngin nuihzabûr ka ni ta, mi tu pawhin mi nuihzat hi.
20:8 Thu ka sawi apiangin, ka au chhuak a, 'Inpâwngnêkna leh inramna,' tiin ka au va; LALPA thu chu ka tan chuan, nilenga dem leh hmuhsit hlawhna chauh a ni.
20:9 "Ani chu ka lam lo vang a, A hmingin tu ka sawi tawh hek lo ang," ti mah ila, Ka ruh chhûnga mei kang inkhung ta ang mai hian Ka thinlung chhûngah chuan a awm si thin, Ka pai hle hle zo lo va, ka chelh ngang lo a ni.
20:10 Mi tam takte phunru ka hria, Kil tinah hlauhawm a awm, "Hêk ula, i hêk tlâng ang u," tiin. Ka thenrual ka tlûk châng rengtute chuan "Bumin a awm ang a, kan hneh ang, A chungah kan phuba kan la ang," an ti a.
20:11 Mahse LALPA chu mi huaisen hlauhawm tak angin ka hnênah a awm a, Mi tiduhdahtute chu an tlu ang a, mi hneh lo vang. Mualpho takin an awm ang a, an hlawhtlin dawn loh avângin, An kumkhaw hmingchhiatna chu theihnghlilhin a awm lo vang.
20:12 Aw, Sipaihote LALPA, mi felte fiahtu, Thinlung leh rilru hmutlang thintu, An chunga i phuba lâk chu mi hmuhtîr teh, Ka chungchâng thu hi ka kawltîr ta si che a.
20:13 LALPA hnênah chuan hla sa ula, LALPA chu fak rawh u; Thilsual titute kut ata tanpui ngaite nunna chu a hum si a.
20:14 Ka pian chhuah nî chu ânchhe dawngin awm rawh se. Ka nuin mi hrin nî chu malsawmin awm suh se.
20:15 Ka pa hnêna, "Fapa i nei ta e" Tih thu rawn thlena, Rawn tilawmtu chu An chhe dawngin awm rawh se.
20:16 Chu mi chu, LALPAN khawngaih hlek lova A tihram khuate angin awm rawh se. Zîng lamah chuan an thâwm hria sela, Chhun a lo nih chuan râlkhêl thâwm;
20:17 Chhûl chhûnga mi tihhlum loh avâng khan; Chu ti nise, ka nu chu ka thlan ni mai tûr a, A chhûl chuan mi pai kum khua mai tûr .
20:18 Engah khe nge chhûl ata ka lo chhuah le, Thawkrim leh lungngaia awm tûra Mualpho rêng rênga ka dam chhûng nîte hmang tûr hian?
21:1 Lal Zedekian Malkiza fapa Pasura leh Maaseia fapa puithiam Zephania te chu Jeremia hnênah a tîr a,
21:2 Babulon lal, Nebukadnezzara chuan min do ta si a, LALPA chuan a thiltih ropui tak a tih thin ang khan min pui duh mialin, a kîrtîr leh mai law maw tih LALPA min lo zawhsak teh se, tia sawi tûrin, chuta Jeremia hnêna LALPA thu lo thleng chu hei hi a ni.
21:3 Tin, Jeremia chuan an hnênah, "Zedakia hnênah chuan hetiangin va sawi rawh u:
21:4 Israelte Pathian, LALPA chuan heti hian a ti: Ngai rawh, Babulon lal leh Kaldai mi, kulh pawna hualtu che i dona râlthuam hriamhrei chu ka tikîr dawn a ni; tin, he khawpui chhûngah hian anni chu ka hruai khâwm ang.
21:5 Keimah ngei pawhin thinrim leh lungni lo tak leh thinur takin bân pharin bân tha chak hmangin ka do ang che.
21:6 Hemi khuaa chêng mihringte leh rante hi ka tihlum ang a, hripuiin an thi ang.
21:7 Chumi hnuah chuan, LALPA thu chhuak chuan a ti, lal zedekia leh a thuihruaite leh midang he khuaa hri leh khandaih leh tama thi lo te chu Babulon lal Nebukadnezzara kutah leh an hmêlmate kutah leh anmahni thah tumtute kutah chuan ka pe ang. Khandaih hriamin a that ang a, a khawngaih hauh lo vang a, a zuah hek o vang a, a lainat bawk hek lo vang.
21:8 Tin, hêng mipuite hnênah hian heti hian va sawi rawh; LALPA chuan heti hian a ti: Ngai rawh u, thihna kawng leh nunna kawng ka dahsak che u hi.
21:9 He khawpui chhûnga awm chu khandaihin emaw, tâmin emaw, hrîin emaw an thi ang;Kaldai a hualtu che u hnêna chhuaka inpete erawh chu an nung ang, an nunna chu indona lawmman atân a ni ang.
21:10 He khawpui thatna tûr ni lo, a chhiatna tûr ka tum tlat tawh a ni; Babulon lal kutah pêk a ni ang a, ani chuan meiin a hâl ang, tih hi LALPA thu chhuak a ni.
21:11 Juda lal chhûngte chungchang thuah chuan; LALPA thu hi ngaithla rawh u,
21:12 Aw Davida chhûngte u! LALPA chuan heti hian a ti: Zîngah chuan ro dik takin rêl ula, Tiduhdahtu kut ata, rawk tuara chu chhan chhuak ula, Chutilochu ka thinurna mei angin a chhuak ang a, Tuma thelh rual lohvin a kâng ang e, In thilsual tih avâng hian.
21:13 Ngai teh u, ruam zawla chengte u, Nangni ruam zâwl lungpuia chênga, Tute nge kan awmnaah lo lût ang? Titute u, Ka khing dawn che u a ni, LALPA thu chhuak chuan a ti.
21:14 In thiltih rah ang zêlin ka hrem ang che u a, A ram ngawah chuan mei ka chhuak ang a, A vêl zawng zawng chu a kâng ral ang, LALPA thu chhuak chuan a ti.
22:1 LALPA chuan heti hian a ti: Juda lal inah zu kal la, he thu hi zu sawi rawh.
22:2 Aw Juda lal, Davida thutphah chunga thu, nang leh i thuihhruaite leh i mi heng kawngkhâra lûtte nên hian, LALPA thu hi ngaithla rawh u, ti la:
22:3 LALPA chuan heti hian a ti: Dik tak leh fal takin rorêl ula; tiduhdahtu kut ata rawk tuara chu chhan chhuak ula: tin, mikhual te, pa nei lote leh hmeithai chungahte dik lohna emaw pawngnekna emaw ching suh u; he hmunah hian mi thiam thisen pawh chhuah hek suh u.
22:4 He thu hi zaw ngei ni ula chuan, Davida thutphah chungah lalte chu tawlailirte leh sakawrte chunga chuangin, anmahni leh an thuihruaite leh an mite chu he in kawngkhârahte hian an lût ngei ang.
22:5 Amaherawhchu heng thute hi in ngaihthlâk loh chuan he in hi a ram ang tiin, mahni inchhalin chhia ka chham a ni, tih hi LALPA thu chhuak a ni.
22:6 LALPA chuan Juda lal chhûngkaw chungchang thu hetiangin a sawi a: Nang chu ka tan Gilead ang, Lebanon tlâng chhip ang i ni; Mahsela thlalêr ka chantir ang chia, uahtu awm lo khawpui ang mai hian.
22:7 Nangmah tiboral tûrte, hriamhrei nei theuhvin, Ka buatsaih ang a; I sidar thing thlante an kir ang a, Meiah an tuah ang.
22:8 Tin, hnam dang tam takten he khawpui hi an pal tlâng ang a, mi tinin mahni thenamwte hnênah LALPA chuan he khawpui ropui tak hi eng vanga heti taka ti ta nge maw ni chu le? An ti ang.
22:9 An Pathian, LALPA thuthlung chu an hawisan a, pathian dangte an biak a, an rawng an bâwl avâng a ni, tiin an chhâng ang.
22:10 Thi ta chutah suh ula, sun hek suh u; Kal bo taa erawh chu nasa takin tah rawh u, A lo kir leh dawn tawh si lo va, A pianna ram hi a hmuh leh dawn tawh loh avângin.
22:11 Juda lal Salluma, Josia fapa, a pa Josia aia rorêltu, he hmun ata kal chhuak ta chungchang thu chu LALPAN heti hian a sawi: Hetah hian a lo kir leh tawh lo vang.
22:12 Sala an hruaina hmunah, chutah ngei chuan a thi ang a, he ram hi a hmu leh tawh lo vang.
22:13 Fel lohnaa in sa a, Dik lohnaa a pindan chungnungte siamtu, Athlawna mahni thenawmte tha chhawr a, Hlawh pe duh lotu chung chu a pik e;
22:14 In ropui tak ka insak ang a, Pindan chungnung zau takte neiin, Tukverhte ka hawng ang a, Sidar thingin ka thuah chhuak ang a, Rawng sen ka hnawih ang titu chung chu,
22:15 Sidar thinga rual i khum avângin, Lalah i inngai maw? I pa khan a eiin a in a, Dik takin ro a rel a ni lo vem ni? Chu chu a tan a tha a ni.
22:16 Mi rethei leh tlachhamte chu a rêlsak a, Chu chu a tha a ni. Hei hi mi hriat dan tûr chu a ni lo vem ni? Tih hi LALPA thu chhuak a ni.
22:17 Nimahsela i duhamna atân te, Mi thiam thisen chhuah nân te, Hnehchhiah nân leh pâwngnek nân chauh I mit leh i rilru a ni.
22:18 Chuvang chuan Judate lal Jehoiakima, Josia fapa chung thu chu LALPA chuan heti hian a sawi a: Aw ka unaupa, tiin emaw, Aw ka farnu, tiin emaw An tah lo vang a, Aw LALPA, tiin emaw, Aw ropui ber, tiin emaw An sûn hek lo vang.
22:19 Jerusalem kulh pawn lama theh chhuaha, paihin, Sabengtung phûma phûmin a awm ang.
22:20 Lebanon-ah chho la, au rawh. Basan-ah i aw chhuah la, Abarim atangin au rawh. I hmangaihtu zawng anwg an boral ta si a.
22:21 I hlawhtlinin i hnênah thu ka sawi a, nang lah chuan ka ngaithla lo vang, i ti a, Ka aw-ka i ngaihthlâk loh hi I tleirawl atangin hei hi i awm dan a ni.
22:22 Thliin i berâmpute zawng zawng a chawm ang a, I hmangaihtute salah an tâng a, Nang pawh i sualna zawng zawng avângin, Mualpho tak leh mangang takin i la awm ngei ang.
22:23 Aw Lebanon tlânga cheng, Sidar thing zinga bu khuartu, Natna i chunga a lo thlena i han khawngaihthlâk tûrzia mai chu! Hmeichhe nau vei na ang mai hian.
22:24 A nuna ka nun chhûng chu, tih hi LALPA thu chhuak a ni; Juda lal Konia, Jehoiakima fapa chu ka kut ding lama nemna zungbun ni mah la. Chuta ta chu ka phawi ngei ang che.
22:25 Tin, thah tûra zawngtu che kutah, Babulon lal Nebukadnezzara kutah leh Kaldaiho kutah ngei chuan ka pe ang che.
22:26 I pianna ni lo ram dangah nang leh i nu a hringtu che hi ka paih chhuak ang che u a, chutah chuan in thi ang.
22:27 An rilrua kir leh an chak êm êmna ramah chuan an kir leh tawh hek lo vang.
22:28 He Konia hi bel keh sawm, hmusitawm a ni lâwm ni? Bel a chhûnga duhzawng awm lohan chu a ni lâwm ni? Engah nge amah leh a thlahte chu theh chhuah a Ram an hriat ngai lovah chuan paih chhuaha an awm?
22:29 Aw, leilung, leilung, leilung, LALPA thu hi ngaithla rawh,
22:30 LALPA chuan heti hian a ti, He mi hi fa nei lo, A dam chhûnga hlawhtling lo tûr mi â ni, A thlahte tumah hlawhtlinga, Davida thutphah chunga thu tûr leh Davida thutphah chunga thu tûr leh Judai rama rorêl leh tûr an awm dawn si lo, Tiin ziak rawh u.
23:1 Ka ran tlatna hmuan berâm tiborala tidarhtuho berâmpute chu an chung a pik e, tih hi LALPA thu chhuak a ni.
23:2 Chuvangin LALPA Israelte Pathian chuan ka mite vengtu berâmpuho chungchang thu-ah chuan heti hian a ti: Ka ran rualte chu in tidarh a, in um bo va, in kan lo va. Ngai rawh u, in thiltihsual avâng hian ka rawn kan dawn che u a ni. Tih hi LALPA thu chhuak a ni.
23:3 Tin, ka ran rual la awm chhunte chu ka um darhna ram zawng zawng ata ka hruai khâwm leh ang a, an huang chhûngah ka khalh khâwm ang a, rah duh tak an ni ang a, an pung ang.
23:4 Anmahni ngaihsak tûr an tan berâmpu ka dah ang a, an hlau tawh lo vang a,an mangang tawh hek lo vang a, atu-amah bo an awm tawh bawk hek lo vang, tih hi LALPA thu chhuak a ni.
23:5 Ngai teh u, Davida tan zar fel ka chhuahsak hun tûr chu a lo thleng dawn, tih hi LALPA thu chuak a ni; a ni chu lalah a thu ang a, fing takin a ti ang a, ram pumah dikna leh felna a hlen ang.
23:6 A hun chhûngin Juda chu chhandam a ni ang a, Israel chu hi takin a awm ang. Tin, hei hi a hming an la vuah tûr chu a ni,'LALPA chu kan felna a ni' tih hi.
23:7 Tichuan, ngai teh u, a hun a thleng dawn, LALPA thu chhuak chuan a ti. 'Israel mite Aigupta ram ata hruai chhuaktu LALPA chu a nuna a nun chhûng chu' ti tawh lovin,
23:8 hmâr lam aram leh a um darhna ram zawng zawng ata Israel chhûngte thlahho hruai chhuak a, hruai kir lehtu LALPA chu a nuna a nun chhûng chu' an ti tawh zawk ang. Tin, anmahni ram ngeiah an cheng ang.
23:9 Zâwlneite chungchang thu chu,
23:10 Lung rilah ka lung a va chhe êm,
23:11 ka ruh zawng zawngte chu a khur a, Zu rui ang mai ka ni, Zuin a fan hneh mi ang mai hian, LALPA vang leh a thu thianghlim avângin.
23:10 Ram chu uirehovin a khat a, Ânchhia avângin ram chuan a sun a, Thlalêr hnim hring hmunte chu a ro zo ta, An kawng chu a sual a, An chakna chu a dik lo.
23:11 Zâwlneite leh puithiamte chuan Pathian an pawisa lo va, ka in chhûng ngeiah pawh an sualna ka hmu, LALPA thu chhuak chuan a ti.
23:12 Chuvangin an tan an kalna kawng chu, Zan thim kawng nal ang hi a ni ang a, Tah chuan umin an awm ang a, an tawlhthlu ang. An chungah thil tha lo ka rawn thlen dawn si a, Anmahni hremna hun chu, LALPA thu chhuak chuan a ti.
23:13 Samari zâwlneite chungah tenawm ka hmu, Baala chhalin thu an sawi a, Israela an hruai bo va.
23:14 Jerusalem zâwlneiho chungah pawh Thil rapthlâk tak ka hmu, An uire a, dawtin an khawsa a, Tumahin an sual sim an tum loh phah a; Ka tan chuan Sodom khuaa mite ang an lo ni vek a, A khaw chhûnga mite zawng zawng pawh Gomora khuaa mite ang mai.
23:15 Chuvangin zâwlneiho chungchang thu-ah chuan Sipaihote LALPA chua heti hian a ti: Ngai rawh u, saiin ka chawm ang a, Thil kha ka intir ang a; Jerusalem zâwlnei hnên atang chuan Ram pumah Pathian pawisak lohna a chhuak si a.
23:16 Sipaihote LALPA chua heti hian a ti: zâwlnei in hnêna thu sawitute thu chu ngaithla suh u; engmah lo an ziritr che u a. LALPA ka ata ni lo anmahni rilru suangtuahte an sawi thin.
23:17 LALPA thu husittute hnênah chuan, 'I tan a tha ang,' an ti chamchi a; tin, mahni duhzawng ti lui tlattute hnênah chuan, 'thil tha lo engmah i chungah a lo thleng lo vang' an ti a.
23:18 LALPA remruatnaah tunge tel ngai a, A thu dawnga hre tûr tunge awm? A nih leh a thu chu tunge ngaihvena ngaithla awm?
23:19 Ngai teh u, LALPA thlipui chu, Thinurna chu a chhuak ta, A ni, thawngaleivir thlipui chu; Mi sualte lu chu a nuai ang.
23:20 LALPA thinrimna chu akir mai lo vang, A rilrua a tum tlat tawhte chu A hlen a, a tih zawh zet hma chuan; Ni hnuhnungahte chuan in la hre fiah ang.
23:21 zâwlneite chu ka tirh lohvin an tlan a, An hnêna thu ka saiw loh pawhin thu an sawi a.
23:22 Ka remruatnaah chuan awm ve ni sela,Ka thu hi ka mite hnênah an puang tûr a, n thiltih dik loh ata an hawi kirtir tûr.
23:23 Hla taka awm Pathian ni lovin, Hnaitea awm Pathian êm ni ka nih? Tih hi LALPA thu chhuak a ni.
23:24 Hmun biruah ka hmuh theih loh tûra boru thei an awm dawn êm ni? Tih hi LALPA thu chhuak a ni. Lei leh vanah hian ka khat a ni lâwm ni? Tih hi llapa thu chhuak a ni.
23:25 Mumangah ka mang e, mumangah ka mang e, tia ka hminga dawt sawitu zâwlneiho thu sawi chu ka hria a ni.
23:26 zâwlnei dawt sawi thin, mahni thinlung inbum chawpa thu saiw thinte thinlungah chuan hei hi eng chen nge a awm dawn?
23:27 Anni chuan an vengte hnênah an muamng hrilhin ka mite ka hming theihnghilhtir an tum a, an paten Baala avânga ka hming an theihnghilh ta ang khan,
23:28 zâwlnei mumang nei chuan a mang chu sawi rawh se, ka thu neitu chuan ka thu chu dik takin sawi rawh se. Buhpawl leh buh fang chuan eng nge inanna an neih? Tih hi LALPA thu chhuak a ni.
23:29 Ka thu chu mei ang, tuboh lung chhutsawmna ang a ni lo vem ni? Tih hi LALPA thu chhuak a ni.
23:30 chuvangin, ngai rawh u, zâwlneiho ka thu inruksak tawn thinte chu ka do a ni, tih hi LALPA thu chhuak a ni.
23:31 Ngai teh u, zâwlnei mahni dang tinal a, "LALPAN a ti" ti thinte chu ka do a ni, tih hi LALPA thu chhuak a ni.
23:32 Ngai teh u, mumang dawt mai mai sawi a, hril a, an dawt thute leh an uanthuanna thu lawi lote avânga ka mite hruai botu zâwlneite chu ka do a ni, LALPA thu chhuak chuan a ti; ka tir si lo va, thu ka pe hek lo va va, he mipuite hi an tihnemhnang hek lo vang; tih hi lalpa thu chhuak a ni.
23:33 Heng mipuite zinga mi tuin emaw, zâwlnei tuin emaw, puithiam tuin emaw, LALPA phurrit chu eng nge ni?' tia an zawh che chuan heti hian i chhâng dawn nia, 'Nangmahni hi phurrit chu in ni, ka paih bo dawn che u; tih hi LALPA thu chhuak a ni.
23:34 zâwlnei emaw, puithiam emaw, mi tuin emaw ;LALPA phurrit' ti an awm chuan, chu mi leh a chhûngte chu ka hrem ang.
23:35 Tichuan mi tupawhin a unaupa hnênah, 'LALPA chuan engtin nge a chhan, LALPA chuan eng nge a sawi?' tiin in inzawt ang.
23:36 LALPA phurrit chu i n lam tawh lo vang a, mi tupawh ama thu sawi chu a tan phurrit a ni dawn si a. Pathian nung, Sipaihote LALPA, kan Pathian thu chu in kailek zo ta si a.
23:37 zâwlnei hnênah chuan, 'LALPA chuan engtin nge a chhan che? LALPA chuan eng nge a sawi?' ti ang che.
23:38 Tin, 'LALPA phurrit chu' in tih vaih chuan. LALPA chuan heti hian ti, 'LALPA phurrit chu in ti tûr a ni lo; tia ka tirh che a, 'LALPA phurrit chu tia thu in sawi avângin;
23:39 tichuan, ngai rawh u, ka pawt dawk ngei ang che u, ka kiang hnai ata ka paih bo ang che u, nangni leh he khawpui in hnênah leh in pate hnêna ka lo pêk tawh nên hian.
23:40 Tin, kumkhaw dem chhiatna leh mualpho rengna theihnghilh rual loh chu in chungah ka rawn thlen ang.
24:1 Tin, LALPA chuan mi entir a, ngai teh, theipui bâwm hnih LALPA biak in hmaah a lo inhung a, Babulon lal Nebukadnezzaran Judate lal, Jekonia, Jehoakima fapa leh Juda hotute, mi themthiamte leh thirdengte nên Jerusalem atanga Babulon sala a hruai hnu khan.
24:2 bâwm khatah chuan theipui tha tak, theipui hmin hmasa ang mai, a awm a: bâwm dangah erawh chuan theipui chhe tak, ei tlak loh khawpa chhia a awm a.
24:3 Tin, LALPA chuan ka hnênah, Eng nge i hmuh, Jeremia? A ti a. Kei chuan, Theipui, theipui tha, tha tak mai; leh a chhia, ei tlak loh khawpa chhia, ka ti a.
24:4 Tin, LALPA thu chu ka hnênah a lo thleng a,
24:5 LALPA Israelte Pathian chuan heti hian a ti: Juda sal tangte, Kaldaiho rama an thatna tûra ka tirh chhuahte chu, heng theipui tha ang hian ka en dawn a ni.
24:6 An that nân an chungah ka mit ka fuktir ang a, he ramah hian ka hruai kir leh ang: anmahni ka din ang a, ka thiat lo vang; ka phun ang a, ka pawt lo vang.
24:7 Tin, LALPA ka ni tih mi hriat nân thinlung ka pe ang : ka mite an ni ang a, an Pathian ka ni ang: an thinlung zawng zawng nên ka hnênah an lo kir dawn si a.
24:8 LALPA chuan heti hian a ti: Theipui chhia, ei tlak loh khawpa chhia ang hian Judate lal Zedekia leh a hotute leh Jerusalema chambang, he rama la awmte leh Aigupta rama chengte chu, ka hawisan ngei ngei ang:
24:9 Hrehawm taka lei chung ram zawng zawng zinga vawrh lan vawrh lan tûrin, ka hnawhbona zawng zawnga sawichhiat leh tehkhin leh hauh leh ânchhe lawh ni tûrin ka hluihlawn ang.
24:10 Anmahni leh an pate hnêna ka pêk ram ata hi lem zawh an nih thelngin an zingah khandaih te, tam te, hri te ka tir ang.
25:1 Judate lal, Jehoiakima, Josia fapa kum linaa Juda mite zawng zawng chungchanga Jeremia hnêna thu lo thleng chu: chumi hun chu Babulon lal Nebukadnezzara kum khatna a ni a,
25:2 chu thu chu zâwlnei Jeremian Juda mi zawng zawng leh Jerusalema awm zawng zawngte hnêna a sawi chu a ni.
25:3 kum sâwmhnih leh kum thum chhûng ngawt, Judate lal Josia, Amona fapa kum sâwm leh kum thumna atanga tun thlengin LALPA thu chu a lo thleng thin a, zing tak taka thovin in hnênah ka sawi ka sawi a, mahse in ngaithla lo va.
25:4 Tin, LALPAN in hnênah a rawngbawltu zâwlneite zawng zawng a ti ra, zing tak taka thovin a tir a, mahse in ngaithla lo va, hre tûrin in beng in dawh hek lo;
25:5 chung zâwlneite chuan, mi tin, mahni sual kawng ata lo kir ula, LALPAN a hnênah leh in pate hnêna hman lai atanga kumkhua atâna a pêk che a ramah hian cheng rawh u:
25:6 Pathian dangte hnêna an rawng bâwl tûr leh chibai bûk tûr leh in kut hnathawha ka thin tiur tûrin kal suh u; tichuan ka tina lo vang che u, an ti thin a.
25:7 Mahse in tana tha lo tûra in kut hnathawktu mi tithinur tûrin mi ngaithla lo, LALPAN a ti.
25:8 Chuvangin Sipaihote LALPA chuan heti hian a ti: Ka thu in ngaithlak loh avângin,
25:9 ngai teh u, hmâr lam hnam zawng zawng chu ka chah ang, LALPA thu chhuak chuan a ti. Ka rawngbawltu Babulon lal Nebukadnezzara pawh ka chah ang a, anni chu he ram leh a chhûnga awmte leh heng vêla hnam awm zawng anwgte bei tûrin ka rawn hruai ang a; ka tiboral der ang a, mi tihah leh chek khumah leh tiau reng atân ka siam ang.
25:10 Tin, an hnên ata hlimna thawm leh lawmna thawm te, moneitu aw leh mo aw te, buh rawt thawm ri leh khawnvar engte ka la bo vang.
25:11 He ram pum pui hi a chhia ang a, a ram ang; tin, heng hnamte hian Babulon lal rawng kum sâwmsarih an bâwl ang.
25:12 Ti kum sâwmsarih a ral hunah Babulon lal leh chu hnam chu, Kaldaiho ram chu, an sualna avângin ka hrem ang a; kumkhuain ka titua ang. LALPA thu chhuak chuan a ti.
25:13 Chu ram chungah chuan ka thu an chunga ka sawi zawng zawng, Jeremia hnam zawng zawng chunga a sawi, he lehkhabua ziak zawng zawng hi ka thlentir ang.
25:14 Hnam hrang hrangte leh lal ropui tak takte chuan an zinga an mi duh an thing dawn si a; an thiltih ang zel leh an kut hnathawh ang zelin ka thungrul dawn a ni.
25:15 LALPA Israelte Pathai chuan ka hnênah heti hian a ti: Ka kuta he thinurna uain no hi la la, ka tirhna tûr che hnam zawng chu intir rawh.
25:16 An in ang a, an pai thlawk thlawk ang a, an a ang a, an hnêna ka tirh tûr khandaih avâng chuan, tiin.
25:17 Tin, LALPA kuta no chu ka la a, LALPAN mi tirhna hnam zawng chu ka intir a:
25:18 chung chu hengte hi an ni: Jerusalem leh Judai khawpui te, chuta lalte leh hotute chu, tiauna te, mak tihah te, chek khumah te, ânchhiaahte chang tûrin, tuna an awm dan ang hian:
25:19 Aigupta lal Pharaoa leh a chhiahhlawh te, a hotute leh ami zawng zawng te;
25:20 hnam dang pawlhtu zawng zawng te; Uz rama lal zawng te; Philistia rama lal zawng zawng, Askelon leh Gaza leh Ekron leh Asdoda la awm chhun lalte chu;
25:21 Edom leh Moab leh Amon thlah te;
25:22 Tura lal zawng zawngte leh Zidon lal zawng zawng leh tuipui kam lalte;
25:23 Dedan leh Tema leh Buz leh an bak sam met zawng zawngte;
25:24 Arabia lal zawng zawng te; thlalêra cheng hna inchawhpawlhho lal zawng zawngte;
25:25 Zimri lal zawng zawng te; Elam lal zawng zawng te; Media lal zawng zawng te;
25:26 hmâr lam lal zawng zawng te, a hla leh a hnai ami a indawt zelin; lei chunga awm khawvel lal ram zawng zawngte chu; tin, an in hnuah chuan Sesak lalin a in ang.
25:27 Tin, an hnênah Sipaihote LALPA, Israelte Pathian chuan heti hian a ti: In ula, rui ula, lua ula, tlu ula, tho leh suh u, khandaih in zinga ka tirh tûr avâng chuan, ti ang che.
25:28 Tin, i kuta no chu in tûra an lak duh loh chuan an hnênah heti hian ti ang che: Sipaihote LALPA chuan heti hian a ti: In in ngei ang;
25:29 hei, ka hming vuah khawpuiah thil tha lo ka ti tan a, nangni hrem loh tawpin in awm ang maw? Hrem lohvin in awm lo vang: leilunga cheng zang zangte chungah khandaih ka lek dan si a, tih hi Sipaihote LALPA thu chhuak a ni.
25:30 Chuvangin an chungah heng hi sawi la, an hnênah heti hian ti rawh: LALPA chu hmun sâng atangin a rum ang, A chenna thianghlim atangin a rawl a chhuah ang, A huang chungah nasa takin a rum ang, Grêp sawrtute angin a au vang, Leilung luah zawng zawngte chungah chuan.
25:31 Leilung tawp thlengin thawm a thang khâwk ang a, LALPA chuan hnamte a khing a, tisa zawng zawng chungah ro a rel dawn, Mi suaksual chu khandaih hnênah a pe ang, LALPA thu chhuak chuan a ti.
25:32 Sipaihote LALPA chuan heti hian a ti: Ngai teh, thil tha lo chuan hnam tin, a rawn hrut dawn e, Thlipui na tak mai lei hmun tawp atangin a lo thawk dawn.
25:33 Chumi nia LALPA thahte chuan lei tawp atangin lei tawp thlengin an dap ang a; sun loh leh khâwm loh leh phûm lovin an awm ang a;lei chunga ekdur mai an ni ang.
25:34 Berâmpute u, chiau vâk vâk ula, tap rawh u, Nangni berâm rual zinga puipate u, tal tawp tawp rawh u, Thaha in awm ni leh in darhsarh nite a lo thleng takzet a nih hi. Bel duhawm angin in tlu ang.
25:35 Berâmpute chuan tlan bona kawng an nei lo vang a, berâm rual zinga puipate pawhin pumpelhna kawng an nei lo vang.
25:36 Berâmpute tap thawm chu, berâm rual zinga puipate chiau ri nên, LALPAN an tlat hmun a tihram mek avângin.
25:37 Huang muan awmte chu tihreh thiapin an awm ta e, LALPA thinrimna nasa tak avângin.
25:38 A tawmna a chhuahsan ta, sakeibaknei ang maiin. An ram chu a chhe zo ta si a, Hnehchiahna rawng tak avâng Leh a thinrimna nasa tak avângin.
26:1 Juda lal Josia fapa Jehoiakima lal tantirhin he thu hi LALPA hnên ata a lo thleng a,
26:2 LALPA chuan heti hian a ti: LALPA in hung chhûngah ding la, Juda khawpui zawng zawng Pathian be tûra LALPA ina lo kalte hnênah chuan an hnêna sawi tûr thu ka pêk zawng zawng chu pakhat mah zep lovin sawi vk rawh.
26:3 Mi tinin an awm dan sual kalsanin an ngaithla mial mahna, an thil tih sual avânga an chunga thil tha lo tih ka tum chu ka lamlet theih nân.
26:4 Tin, nangin an hnênah, "LALPA chuan heti a ti: mi ngaihthlâk lova, ka dan in hmaa ka dah in zawm lova, zing taka thova tirin in hnêna ka tirh ka rawngbawltu zâwlnei thu in bengkhawn loh chuan (in lo bengkhawn tawh si lo va),
26:6 he in hi Siloh angin ka siam ang a, lei chunga hnam zawng zawngte ânchhia dawng tûrin ka siam ang," ti ang che.
26:7 Tin, puithiam te, zâwlneite leh mipui zawng zawngte chuan LALPA ina Jeremian heng thu a sawi hi an ngaithla a.
26:8 Tin, heti hi a ni a, mipui zawng zawngte hnên sawi tûra LALPAN thu a pêk zawng zawng chu a sawi zawhin, puithiam te, zâwlneite leh mipui zawng zawng chuan amah an man ta a. "I thi mawlh ang.
26:9 Engah nge LALPA hming chhala, 'He in hi Siloh ang a ni ang a, he khawpui hi luahtu awm lovin a tiau vang,' tia i sawi ni?" an ti a. Tichuan LALPA inah chuan mipui zawng zawng chuan Jeremia chu an bawr ta huai huai a.
26:10 Tin, Juda hotute chuan heng thu hi an hriatin, lal in atangin LALPA in luhna Kawngka tharah an thu a.
26:11 Ti puithiamte leh zâwlneite chuan hotute leh mipui zawng zawngte hnênah chuan, "He mi hi thi tlak a ni, khawpui chhiat tûr thu, in benga in hriat angin a sawi lawk si a," an ti a.
26:12 Ti hotue leh mipui zawng zawngte hnênah chuan Jeremia chuan, "I thu ngaihthlâk tak zawng zawng ang khan he in leh he khawpui chhiat tûr thu sawi tûrin LALPA-in mi tir a ni.
26:13 Chuvangin tunah hian a awm dan leh in chet dan siam tha ula, LALPA in Pathian thu chu awih rawh u; tichuan LALPA chuan in chunga thil tha lo thleng tûr a puan tawh chu a lamlet thei ang.
26:14 Kei rawh chu hei, in kuta ka awm hi. Dik leh tha in tih ang angin mi ti rawh u.
26:15 Mi tihhlum chuan, nangmahni leh he khawpui leh khua leh tuite chungah mi thiam thisen in thlen ngei dawn a ni tih hre mai rawh u; dik takin in benga heng thu zawng zawng hi sawi tûrin LALPAN in hnênah mi tir zuk nia," a ti a.
26:16 Tichuan hotute leh mipuite chuan, puithiamte leh zâwlneite hnênah chuan, "He mi hi thi tûr a ni lo ve, LALPA kan Pathian hminga kan hnêna thu sawi a nih hi," an ti a.
26:17 Tin, chumi rama upa tue emaw an lo ding a, mipui awm khawmte hnênah chuan,
26:18 "Mika, Monaseth mi chuan Juda lal Jezekia lal lai khan thu a sawi a, tin, Juda mi zawng zawngte hnênah chuan,'Sipaihote LALPA chuan heti hian a sawi:Zion chu lo anga leh a ni ang a, Jerusalem chu thil chhe awmkhawm a ni ang, A in tlâng chu ram ngaw hmun sâng ang a ni ang,' a ti a.
26:19 Juda lal Hezekia leh Judate zawng zawng khan amah an tihlum êm ni? LALPA hlauvin LALPA duhsakna chu an ngen a, LALPA chuan an chunga thil tha lo thleng tûr a puan chu a lamlet ta a ni lo vem ni? Keini zawngin kan chungah thi tha lo kan thlen dan a ni hi.
26:20 Tin, mi dang, LALPA hminga thu sawi Keriath-jearima mi Semeia fapa Uria kha a awm bawk a, Jeremia thu sawi zawng zawng ang bawkin he ram leh khawpui chhiat tûr thu a sawi a.
26:21 Lal Jehoiakima leh a mi ropuite zawng zawng leh hotute zawng zawngin an hriatin lal chuan tihhlum a tum a; mahse Urian a hriatin a hlau va, a tlan bo va, Aigupta ramah a kal ta a.
26:22 Tin, lal Jehoiakima chuan Aiupta ramah mi â tir a, Akbora fapa Elnathana leh mi dangte nên;
26:23 tin, Aigupta ram atangin Uria an hruai chhuak a, lal Jehoiakima hnênah an rawn hruai a, chu chuan khandaihin a tha a, a ruang chu vantlang thlanah an paih lut a," an ti a.
26:24 Mahse Saphana fapa Ahitkama chuan mipui hnêna tihhlum tûra an pêk loh nân Jeremia chu atân a.
27:1 Juda lal Josia fapa Zedekia lal tantirhin, LALPA hnên ata he thu hi a lo thleng a.
27:2 LALPA chuan ka hnênah heti hian a ti: Nghawngkawlte leh a hruite siam la, i nghâwgah bât rawh.
27:3 Tin, Edom lal te, Moab lal te, Amon mite lal te, tûra lal te, Zidon lal te hnênah Juda lal Zedekia hnêna mi tirh, Jerusalema lo kalte kutah thawn rawh.
27:4 Hêng thu hi an pute hnênah sawitîr rawh: Heti hian Israel pathian, Sipaihote LALPA chuan a ti: hetiang hian in pute hnênah in sawi tûr a ni:
27:5 ka thil tih theihna ropui tak leh ka ban pharin lei te, mihringte leh lei chunga sa te ka siam vek a, pêk âwm ka tihte hnênah chuan ka pe a.
27:6 Tûnah pawh ka rawngbawltu Babulon lal Nebukadnezzara kutah he ram zawng zawng hi ka pe tawh a ni, ramsate pawh ama rawngbawl tûrin ka pe bawk a ni.
27:7 Ama tiau hun a thlen hma chuan hnam zawng zawngin amah leh afapate leh afapaa fate rawng an bâwl ang, chumi hnuah erawh chuan hnam tam takte leh lal ropui takte chuan amah chu bâwiah an siam ang.
27:8 Tin, heti hi a ni ang a, Babulon lal Nebukadnezzara nghâwngkawl bât duh lo leh a rawngbâwl duh lo hnam leh lalna ram chu khandaih leh tam leh hripuiin, ama kuta ka tihboral vek hmâ zawng anmahni ka hrem zêl ang.
27:9 Nangni erawh chuan in zâwlneite, in aienthiam te, in mumang te, in chhamphual thiam te, in dawithiam te, in hnêna "Babulon lal rawng in bâwl lo vang" tia sawitute chu ngaithla suh u.
27:10 In ram atanga hla taka hruai bova in awm theih nân, in hnênah dâwt thu an sawi lâwk a ni: ka hnawh chhuah che ua in boral phahna tûrin.
27:11 Amaherawh chu Babulon lal nghâwngkawl bat a, a rawngbawl duh hnam chu an ram ngaiah ka awmtîr ang a, lei an let ang a, chutah chuan an cheng reng ang, tih hi LALPA thu chhuak a ni.
27:12 Tin, Juda lal Zedekia hnênah hêng thu zawng zawng ang zêl hian ka sawi a: Babulon lal nghâwngkawl bat ula, amah leh a mite rawngbâwl ula, in nung dawn nia.
27:13 Babulon lal rawngbawl duh lo hnam chungchang LALPAN a sawi tawh ang khan engah nge khandaihte, tâmte, hripuitea nang leh i mite chu in thih ang le?
27:14 Tin, zâwlnei in hnêna "Babulon lal rawngbâwl suh u" ti tute thu chu ngaithla suh u: in hnênah dawt thu an sawi mai a ni si a.
27:15 Ka tirh an ni si lo va, Ka hming chhâlin dâwt thu an sawi zawk thin, nangni leh in hnêna thu sawitu zâwlneite chu ka hnawhchhuah a, in boral theih nân, LALPA chuan a ti.
27:16 Puithiamte leh hêng mipuite zawng zawng hnênah pawh hian ka sawi bawk a: LALPA chuan heti hian a sawi a ni: Zâwlnei in hnêna thu sawitu, "Ngai rawh u, Babulon atangin LALPA in hlum bêlte chu rawn thlen a ni thuai dawn e' titute thu chu ngaithla suh u; in hnênah dawt an sawi a ni si a.
27:17 Anmahni ngaithla hauh suh u; Babulon lal rawngbâwl ula, in nung dawn nia; engah nge he khawpui hi atiau vang le?
27:18 Mahse zâwlnei an niha, LALPA thu an hnêna awm a nih meuh chuan LALPA in leh Juda lal in leh Jerusalem bungbêl hnutchhiaha la awmte chu Babulonah thlen a nih loh nân Sipaihote LALPA hnênah ngen ang hmiang.
27:19 Sipaihote LALPA chuan, ban sângte, dâr tuizêm te, a nghahchhante leh he khawpuia bungbêl hnutchhiaha awm chhunte,
27:20 Babulon lal Nebukadnezzaran Juda lal, Jehoiakima fapa, Jekonia leh Juda leh Jerusalema mi tha zawng zawng Jerusalem atanga Babulon sala a hruai tuma a lâl bâng chungchâng thu heti hian a sawi a,
27:21 a ni, Sipaihote LALPA, Israel Pathian chuan LALPA in leh Juda lal in leh Jerusalema bungbêl hnutchhiaha la awm chungchâng thu a sawi a ni:
27:22 Babulonah lâk bo an ni ang a, anmahni ka rawn kan hmâ loh chuan chutah chuan an awm reng ang; tin, ka la leh ang a, he hmunah hian ka dah kîr leh ang, tih hi LALPA thu chhuak a ni.
28:1 Tin, heti hi a lo ni a, chumi kum vek, Juda lal Zedekia lal tantirh lam, a kum ina, thla nganaah chuan zâwlnei Hanania, Azura fapa, Gibeon mi chuan puithiamte leh mipui zawng zawng hnênah, LALPA inah chuan, mi bia a, ka hnênah,
28:2 Sipaihote LALPA, Israel Pathian chuan heti hian a ti: Babulon lal nghawngkawl chu ka titliak ta.
28:3 Kum hnih pumhlum chhûngin LALPA in bungbêl Babulon lal Nebukadnezzaran hemi hmun ata a laka, Babulon thlenga a kalpui zawng zawng kha, he hmun ngeiah hian ka rawn thlen leh vek ang.
28:4 He hmunah hian Juda lal Jehoiakima fapa, Jekonioa leh Babulona kal Juda sal zawng zawng chu ka hruai kir leh ang; Babulon lal nghawngkawl ka titliak dawn si a, tih hi LALPA thu chhuak a ni,' tiin.
28:5 Tin, zâwlnei Jeremia chuan puithiamte leh LALPA ina ding mipui zawng zawng hmaah chuan zâwlnei Hanania hnênah,
28:6 zâwlnei Jeremia ngei chuan, "Amen, LALPA chuan chutiangin ti tak rawh se; LALPA ina bungbêlte leh sal tannaa mi zawng zawng babulon ata hemi hmuna rawn thlen tûra i sawi chu LALPA chuan ti ngei rawh se.
28:7 Amaherawhchu mipui zawng zawng leh nangma benga ka thu sawi hi ngaithla rawh khai.
28:8 Keimah leh nangma hmaah hmasâng zâwlneite chuan ram tam takte chungah leh lalna ram ropui takte chungah indona te, thil tha lo te, leh hripui thute an sawi thin a.
28:9 zâwlnei, muanna thu sawitu thu sawi chu a lo thlen hunah, chu zâwlnei chu LALPA chuan a tir ngei a ni tih a hriat mai ang chu," a ti a.
28:10 Tin, zâwlnei Hanania chuan nghawngkawl, zâwlnei Jeremian a bah chu a la a, a titliak a.
28:11 Tin, mipui zawng zawng hmaah Hanania chuan, "Heti hian LALPA chuan a ti: Hetiang ngei hian Babulon lal Nebukadnezzara nghawngkawl chu kum hnih pumhlum chhûng ngeiin hnamte zawng zawng nghawng ata ka titliak ang," a ti a. Tin, zâwlnei Jeremia chuan a kalsan ta a.
28:12 Tin, zâwlnei Hanania chuan zâwlnei Jeremia nghawng ata nghawngkawl a tihtliah hnuah chuan Jeremia hnênah LALPA thu a lo thleng a,
28:13 "Kal la Heti hian LALPA chuan a ti. Thing nghawngkawl chu i titliak a, a aiah thir nghawngkawl i siamsak zawk a nih hi.
28:14 Heti hian Israel Pathian, Sipaihote LALPA chuan a ti si a: Babulon lal Nebukadnezzara rawng an bâwl theih nân heng hnam zawng zawng hi thir nghawngkawl bahtir a ni: ama rawng an bâwl ang: ramhnuaia ramsate pawh amah ka pe bawk a ni, tiin.
28:15 Tin, zâwlnei Jeremia chuan zâwlnei Hanania hnênah, "Ngai rawh, Hana ni, LALPAN a tir awzawng lo che: Heng mite hi dawt i rintir mai a nih zawk hi.
28:16 chuvangin heti hian LALPA chuan a ti: Ngai teh, lei chung ata hi ka tibo daih ang che: LALPA chunga helna thu i sawi avângin kumin ngeiah hian i thi ang," a ti a.
28:17 Tichuan chumi ku vek, thla sarihnaah chuan zâwlnei Hanania chu a thi ta a.
29:1 Tin, zâwlnei Jeremian Jerusalem atanga sal tang upate, puithiamte, zâwlneite, mi dangte, Nebukadnezzara Jerusalem atanga Babulona a hruai tak, la dam chhunte hnêna a lehkha thawn thu chu heng hi a ni:
29:2 (lal Jekonia te, lalnu te, mi tilreh te, Juda leh Jerusalem hotu te, mi themthiam te, thirdengten Jerusale an chhuahsan hnu kha;)
29:3 Saphana fapa, Elasa leh Hilkia fapa, Gemaria te kutah a thawn a ni: (chungte chu Juda lal Zedekian Babulon ramah Babulon lal Nebukadnezzara hnêna a tirhte chu an ni:)
29:4 Israel Pathian, Sipaihote LALPA chuan sal tang anwg zang, Jerusalem atanga Babulon sala ka hruai tir takteho hnênah heti hian a ti:
29:5 Inte sa ula, chutah chuan cheng ula, huante siam ula, a rahte ei ula,
29:6 nupuite nei ula, fanute fapate hring ula: in fapate tan nupui neihsak ula, in fanute pasal neihtir ula, fanu fapa an hrin theih nân: chutah chuan lo pung ula, kiua lam pan suh u:
29:7 Sala ka tantirna che u khawpui thatna tûr zawng ula, LALPA hnênah dilsak rawh u:Lama thatnaah chuan nangni pawhin thatna in hmu dawn si a.
29:8 Israel Pathian, Sipaihote LALPA chuan heti hian a ti: In zingah zâwlneite leh aienthiamte chuan bum che u suh sela, an mumang an man pawh chu ngaithla hek suh u.
29:9 Ka hming chhalin dawt thu in hnênah an sawi a ni e: keima tirh an ni lo va, tih hi LALPA thu chuak a ni.
29:10 LALPA chuan heti hain a ti si a, Babulon tan kum sâwmsarih chu a kin veleh ka rawn kan ang che u a, in hnêna ka thutiam tha tak chu ka hlen ang a, he hmunah hian ka kirtir leh ang che u.
29:11 Nangni lama ka rilru putzia chu ka inhre si a, in hun hnuhnung tawpah chuan beiseina pe tûr che uin thil tha lo ni lovin thatna ka ngaihtuah asin.
29:12 Tin, mi lam ang a, ka hnênah in rawn tawngtai ang a, ka ngaithla ang che u.
29:13 Tin, mi zawng ang a, in thinlung zawng zawnga mi zanw hunah chuan mi hmu ang.
29:14 Tin, nangmahni hmuhin ka awm ang a, LALPA thu chuak chuan a ti, in awm dan ka let ang a, hna zawng zawng zinga ka tihdarhna che u hmun ata kha ka hruai khâwm leh ang che u, tih hi LALPA thu chhuak a ni; sala ka mantirna che u hmun ngeiah khan ka rawn thlen leh ang che u.
29:15 LALPA chuan Babulon ramah pawh hian zâwlnei min dinsak a, in ti si a.
29:16 LALPA chuan Davida thutphaha lal chungchang thu leh he khawpuia cheng mpui zawng zawng, sala hruai tel loh, in unaute chungchang thu-ah chuan heti hian a ti si a:
29:17 Sipaihote LALPA chuan heti hian a ti: Ngai rawh u, an chungah chuan khandaih te, tam te, hripuite ka rawn thlen ang a, theipui hut, a chhiat êm êm avânga ei tlak tawp loh ang mai in ka siam ang.
29:18 Tin, khandaih te, tam te, hripui tein ka umzui ang a, lei chunga lalana ram zawng zawngte zingah thil rapthlâk takah ka siam ang a, anmahni ka tihdarhna hnam zawng zawngte zingah chuan ânchhe dawngah, mak tih huai huaiah, chek khum talwk tawlka sawi chhiat ni tûrin ka siam ang.
29:19 Zing takah thovin ka rawngbawltu, zâwlneite hmang ka thu in hnêna ka rawn thlen chu an pawisak loh avângin, LALPA thu chhuak chuan a ti: in ngaithla duh si lo, tih hi LALPA thu chuak a ni.
29:20 chuvangin nangni Jerusalem atanga Babulona ka tirh, sal tang zawng zawngte u, LALPA thu chu ngaithla rawh u.
29:21 Israel Pathian, Sipaihote LALPA chuan Kolaia fapa, Ahaba leh Maaseia fapa, Zedekia ka hming chhala in hnêna dawt thu sawitute chungchang thu-ah chuan heti hian a ti: Ngai rawh u, Babulon lal Nebukadnezzara kutah ka mantir dawn e; in mithmuh ngeiah a that ang a;
29:22 Anahni thu-ah chuan Babulon rama Juda sal tang zawng zawng chuan "Babulon lalin meia a rawh Zedekia leh Ahaba ang mai khan LALPAN i chungah ti rawh se," tih hi ânchhe lawh fungah an chin phah ang.
29:23 Israel ramah chuan thi âtthlâk tak an tih a, an thenawm nupuite an uire a, ka hming chhalin ka thupêk lovin dawt thu an sawi avângin; kei a hretu leh a hraitpuitu ka ni e, tih hi LALPA thu chhuak a ni.
29:24 Tin, Nehelam mi, Semaia chungchang thu-ah chuan nangin heti hian i sawi tûr a ni,
29:25 Israel Pathian Sipaihote LALPA chuan heti hian a sawi a, Jerusalem mipui zawng zawng hnênah te, Maaseia fapa, zâwlnei Zephania leh zâwlnei zawng zawng hnênahte nangma hming ngeiin lehkha i thawn a,
29:26 LALPA chuan puithiam Jehoiada aiah puithiamah a siam che a, LALPA in vengtu in ni a, mi â zâwlnei inti apiang-te chu kawl te, thir kawlte i buntir tûr a ni a.
29:27 Tichuan engah nge Anathoth khua ami Jeremia, i hnêna zâwlnei inti chu in zilh loh?
29:28 Babulon ramah kan hnênah, 'Sal tanna tûr chu a rei dawn a, inte sa ula, chutah chuan cheng ula, a rahte ei rawh u' tih thu min tawn a ni, tiin.
29:29 Tin, puithiam Zephania chuan chu mi lehkha chu zâwlnei Jeremia hriatah a chhiar a.
29:30 Tin, Jeremia hnênah LALPA thu a lo thleng a.
29:31 "Sal tangho zawng zawng hnênah chuan Nehelam mi Semaia chungchang thu-ah chuan LALPAN heti hian a ti: ka tirh hauh lohvin Semaian in hnênah thu a sawi a, dat thu a rintir che a;
29:32 chuvangin LALPAN heti hian a ti: Ngai rawh u, Nehela mi Semaia leh athlahte chu ka hrem ang a, heng mite zingah mi pakhat mah a nei lo vang a, ka mite tanta thil ha ka tih tûr chu a hmu hek lo vang: LALPA chungah helna thu a sawi avângin, tih hi LALPA thu chhuak a ni, tiin thawn rawh," a ti a.
30:1 Jeremia hnêna LALPA thu lo thleng chu,
30:2 "LALPA Israel Pathian chuan heti hian a ti: I hnêna ka thu sawi tak zawng zawng kha lehkhabuah ziak rawh.
30:3 Ngai rawh, ka mi Israel leh Judate ka hruai kir nite chu a lo thleng mek e; ram, an thlahtute hnêna ka pêkah chuan ka hruai kir ang a, an luah tawh ang, tih hi LALPA thu chuak a ni, tiin LALPAN a ti.
30:4 Tin, Juda leh Israel chungchang thua LALPA thu sawite chu hengte hi a ni.
30:5 LALPA chuan heti hian a ti a ni: Thlaphang thawm ka hria, hlauva au thawm, Muanna ni lovin.
30:6 Zawt vêl ula, en vêl teh u, mipain nau an vei ngai êm? Engati nge hmeichhe nau vei ang renga, Mipate hian an tai an dawm theuhva An hmêlte a lo dan zawh tak?
30:7 Ehei! Chumi ni chu a ropui mang e, A ang reng chu a awm lo. Jakoba manganna ni a ni ngei mai, Mahse chhan chhuahin a awm tho vang.
30:8 Tin, chumi niah chuan heti hi a ni ang a, a nghawngkawl bah chu ka titliak ang a, a hrui chu a tichat ang: awze mite chuan amah chu rawngbawltuah an hmang ngai tawh lo vang:
30:9 LALPA an Pathian leh an lal atâna ka tundin tûr Davida rawng an bâwl zawk ang.
30:10 Chuvangin, aw ka rawngbâwltu Jakon, Hlau hauh suh, aw, Israel, za hek suh, Tih hi Lalpa thu chhuak a ni. Ngai rawh, hla tak ata ka chhan chhuak ang chia, An sal tanna ata i thlahte ngei chu, Tin, Jakoba chu a kir leh ang a, Tuman an tihlau tawh ngai lo vang.
30:11 Chhan tûr chein i hnênah ka awm reng si a, Ka tihdarhna che hnam zawng zawng chu, Ka titawp ang a, nang erawh chu titawp lovin: A tawk lekin ka hrem ang chia, Hrem loh chuan i chhuak tawp lo vang, Tih hi Lalpa thu chhuak a ni.
30:12 LALPA chuan heti hian a ti si a, I hliam chu tihdam rual a ni lo va, I pân chu a nasa a ni.
30:13 Tanpui tûr che an awm lo va, I damna tûr chu damdawi a awm hek lo.
30:14 A ngainatu che chuan an theihnghilh tawh chia, An ngaihsak tawh lo che: Hmêlma hliamin ka hliam ta chia, Dim lo tawpin ka hrem chia, I khawlohna a nasa a, I thiltih sualte a pun avângin.
30:15 Engah nge i hliam vanga i tah? I na chu tihdam rual a ni lo ve, I khawlohna a nasa a, I thiltih sualte a pun avângin. Heng thil hi ti chuangh ka ti a nih hi.
30:16 Amehrawhchu a eiraltu che zawng zawng chu, Eiralin an awm ang a, I hmêlma zawng zawng chu mi tin mai, Sala hruaiin an awm ang, A rawktu che chu rawkin an awm ang a, A râllâktu zawng zawng che chu râllâk atân ka pe ang.
30:17 Ka tihrisel leh ang chia, I hliam zawng zawng chu ka tidam ang; LALPA thu chuak chuan a ti; Hnawhchhuah' an vuah chia, Tuma ngaihsak loh Zion a nih hi, an tih che avângin.
30:18 LALPA chuan heti hian a ti, Ngai rawh, Jakoba puan in, sala tangte chu, ka hruai kir ang, A chenna hmunte ka khawngaih ang, A khawpui chu a awmna mual ngaiah chuan sak a ni ang a, A lal in chu a awm dan pangngaiin a ding leh ang.
30:19 Lawm thu sawina leh hlim thawmte chu, Chung atang chuan a lo chhuak ang. A mi chu ka tipung ang a, an tlem tham lo vang; Anni chu ka tiropui ang a, an tenau lo vang.
30:20 An fate pawh tun hma angin an awm ang a, Ka hmaah an pung khawmin an nghet ang a; Anmahni hnehchhiahtute tawh phawt chu ka hrem zel ang.
30:21 An hotu chu anmahni mi ngei a ni ang a, An rorêltu chu anmahni zinga lo chhuak ngei a ni ang; Amah chu mi rawn hnaih tûrin ka ti ang a, Ani chuan mi rawn hnaih ang; mahni thuin tunge mi rawn hnaih ngam hlei ang? Tih hi Lalpa thu chhuak a ni.
30:22 Tin, ka mite in ni ang a, Kei in Pathian ka ni ang.
30:23 Ngai rawh u, LALPA thlipui, a thinurna thlipui na tak mai chu a chhuak ta! Mi suaksualte lu chu a nuak nek ang.
30:24 A thinlung tumnate a hlena a tihzawh hma loh chuan, LALPA thinurna hlauhawm tak mai chu a lamlet lo vang:Ni hnuhnungahte chuan in la hre thiam ang.
31:1 "Chumi hunah chuan kei hi Israel chhûngkua zawng zawngte Pathian ka ni ang a, anni pawh ka mite an ni ang," tih hi LALPA thu chhuak a ni.
31:2 LALPA chuan heti hian a ti: Khandaiha thah bangte chuan, Thlalêr ramah khawngaih an hlawh: Ka chawlh hahdamtir lai khan.
31:3 Hmanah ka hnêna LALPA lo lang chuan, heti hian a ti: A ni, hmangaih tawp lovin ka hmangaih chia, Chuvangin lainatnain ka hruai haw che.
31:4 Ka din thar ang che, aw! Nula thianghlim Israel, Din ngheh i lo ni ang a, Khuangte nên i inchei leh ang a, Hlim lai lamna hmunahte chuan i tel ang.
31:5 Grêp huante Samari tlâng dung tluanin i siam ang a, Chuta chengten an ching ang a, A rahte chu an chen ang.
31:6 Ephrai tlâng ramahte chuan, Vengtute au ni a thleng dawn e, "Tho ru, Zionah i kal ang u, LALPA kan Pathian hnênah chuan," tiin.
31:7 LALPA chuan heti hian a ti e, Jakoba tan hlimin zai ula, Hnam ropui ber tan au chhuak rawh u; Puang ula, chawimawi ula, LALPA, Israel la awm chhun, i mite hi, Chhamdam ang che' ti rawh u.
31:8 Ngai rawh u, hmâr ram ata ka rawn hruai ang, Kawlkil tawp ata ka khâwm chhuak ang, Mitdel te, kebai te, hmeichhe nau pai te, vei mêk te nên, Mipui tam tak an lo thleng khâwm ang.
31:9 Mittui nên an lo kal ang a, thlamuang takin ka hruai haw ang, Tui luang lamahte ka lentir ang a, An petek lohna tûr kawng tluangahte chuan: Israel tan pa ka ni si a. Ephraim chu ka fa tir a ni.
31:10 Aw hnamte u, LALPA thu chu ngaithla ula, Tui kam ram hla takahte puang ula, Israel tidarhtu chuan a la hruai khâwm leh ang a, Berâmpuin a berâmte a vil angin a vil ang, tiin.
31:11 Jakoba chu LALPAN a tlan chhuak a, A aia chak lakah a chhan chhuak si a.
31:12 Zion chhipah zaiin an lo kal ang a, LALPA thatnaah chuan an lawm ang a, Buh te, uain te, hriak te, Berâm leh ranrual note chungahte an lawm ang; An nunna chu huan tui chawm ang a ni ang a, Kumkhuain an lungngai tawh hauh lo vang.
31:13 Tin, nula thianghlimte chu lamin an hlim ang a, Tlangvâlte pawh a tar azûr maiin an hlim ang. An lusunna lawmah ka chantirin ka thlamuang ang a, An lungngaihna ata ka tilawm ang.
31:14 Puithiamte nunna chu thauvin ka titlai ang a, Ka thatnain ka mite pawh an tlai ang, Tih hi LALPA thu chhuak a ni.
31:15 LALPA chuan heti hian a ti, Rama khuaah thawm an hria Mitthi ngaia tap tlawk tlawk, Rakilin a fate a tah a, A fate an awm tawh loh vangin Thlamuan theih a ni lo.
31:16 LALPA chuan heti hian a ti: Tap lo tûrin i aw chu sum la, I mittui hul rawh se, I thiltihin lawmman a nei dawn e, Tih hi LALPA thu chhuak a ni. Râl ram atangin an lo let ang.
31:17 I hun tawp lam chu nghahfâkawm tak a ni ang. Mahni ram ngeiah i fate chu an lo kir leh ang, Tih hi LALPA thu chhuak a ni.
31:18 Ephraima intah chu ka hre lul mai. "Nangin mi hrem a, bâwngpa tuai Sawi ka ni a, Mi lettir la, ka let ang e, LALPA ka Pathian i ni miau si a,
31:19 Mi lettir hnu chuan ka inchhir teh a, Mi thunun hnuah ka mal ka bêng a, Ka zak a, a ni, ka tleirawl lai hming chhiat tuarin Ka kimki a ni," a ti a.
31:20 Ephraim chu ka fapa duh tak, Ka nau ngainat tak a nih vang em ni, Amah ka thunun apianga ka thinlungah a chen tlat thin hi? Tichuan ka thinlungin a lainat thin a, A chungah zah ka ngai ngei dawn a ni, Tih hi LALPA thu chhuak a ni.
31:21 Kawng chhinchhiahnate insiam la, I tan kawng kawhhmuhnate phun rawh, I vah chhuahna lam kawng, Kawngpui lam ngei chu chhinchhiah tlat rawh: Aw nula thianghlim Israel, lo kir leh rawh, Heng i khawpui lamahte ngei hian,
31:22 Aw, nang fanu lepchhiah, Eng chen nge i vah rawlai dawn le? LALPA chuan leiah hian thil thar a siam tak hi, hmeichhiain mipa a hum ta zawk.
31:23 Israel Pathian, Sipaihote LALPA chuan heti hian a ti: An sal tana ata ka hruai kir hunah chuan Judai ram leh a khawpuiahte chuan hetiang tawngkam hi an hmang leh ang, Aw, felna chenna hmun, Aw tlâng thianghlim, LALPA chuan malsawm che rawh se, tih hi.
31:24 Chutah Judaho leh an khawpuia mi zawng angte chu an cheng za ang a, lo nei mite leh ranvulhtute nên.
31:25 Mi chaute chu ka titlai ta a, mi lungngai apiangte pawh ka tiharh tawh si a.
31:26 Tichuan ka han harh a, ka han hawi vêl a, mang tha tak chu a lo ni e.
31:27 Ngai teh, nite chu a lo thleng dawn e, Israel chhûngte leh Juda chhûngteah chuan mihring chi leh ran chi ka tuh ang, tih hi LALPA thu chhuak a ni.
31:28 Tin, heti hi a ni ang a, anmahni pawt chhuak a, tisâwm leh paih thlaa, tiboral a, tihreawm tûra ka chang ang khan anenthla thung ang, tih hi LALPA thu chhuak a ni.
31:29 Chung niahte chuan, 'Paten grêp thur an ei a, an fate ha a tim e' an ti tawh ngai lo vang.
31:30 Mi tinin mahni khawlohna an thihpui zawk ang a, grêp thur ei tawh phawt ha ngei chu a tim ang.
31:31 Ngai teh, nite chu a lo thleng dawn, tih hi LALPA thu chhuak a ni: chung niahte chuan Israel chhûngte leh Juda chhûngte hnênah chuan thuthlung thar ka siam ang.
31:32 An thlahtute Aigupta ram atanga hruai chhuak tûra an kut ka chelh nia ka thuthlun ang kha ni lovin an tan hotu ka ni chungin chu ka thuthlung chu an bawhchia a, tih hi LALPA thu chhuak a ni.
31:33 chung ni hnua Israel chhûngte hnêna thu ka thlun tûr erawh chu hei hi a ni, tih hi LALPA thu chhuak a ni: an chhûngrilahte ka thupêk ka dah ang a, an thinlungah ka ziak bawk ang a, kei hi an Pathian ka ni ang a, anni chu ka mite an ni ang; tumahin 'LALPA hre rawh; tiin mahni thenawm leh mahni unau an zirtir edawn tawh lo va; a te ber atangin a lian ber thlengin an zain mi hre theuh dawn si a, tih hi lalpa thu chhuak a ni: an bawhchhiatna chu ka ngaidam ang a, an sualna pawh ka hre reng dawn tawh si lo', tiin.
31:35 Heti hain LALPA, chhun tieng tûra ni petu, thla leh arsite tana dante ruatsak a, zan tieng tûra petu, tui fawnte ri hum hum tûra tuipui chawkthotu chuan a ti a ni: a hming chu Sipaihote LALPA a ni.
31:36 Heng dan ruatte hi ka hma ata a bo chauhvin Israel thlahte chu ka hma ata hnam nih an bang hlen ve ang, tih hi LALPA thu chhuak a ni.
31:37 LALPA chuan hetihian a ti: chung lam van khi teh theih a nih a, lei nghahchhante hi zawn chhuah theih a nih chauhvin Israel thlahte chu an thiltih takte avângin ka paih bo ve ang, tih hi LALPA thu chhuak a ni.
31:38 Ngai rawh, nite chu a lo thleng mek e, Hananel kulhbing sâng atangin kulh kil kawngka thlengin LALPA tan khawpui chu din a ni a, tih hi LALPA thu chhuak a ni.
31:39 A tehna hrui chu Gareb tlâng thlengin ngil takin a kal riah ang a, Goa lamah a kawi ang. Mitthi ruang leh vut paihna ruam pum pui leh tamlak zawng zawng, Kidron luikawr thlengin, chhak lampanga sakawr kawngka kil thleng chu LALPA tan serh tûr a ni; chu chu engtikah mah tihdarh leh thiat chhiat a ni tawh lo vang.
32:1 Juda lal Zedekia kum sâwmna, chu chu Nebukadnezzara kum sâwm leh kum riatnaa Jeremia hnêna LALPA thu lo thleng chu:
32:2 chumi lai chuan Babulon lal sipai rual chuan Jerusalem an hual a; tin, zâwlnei Jeremia chu Juda lal in vengtu hung chungah a tang a ni.
32:3 Juda lal Zedekia chuan, "Engah nge, ;LALPA chuan heti hian a ti; Ngai rawh, hemi khawpui hi Babulon lal kutah ka pe ang a, a la ang:
32:4 Juda lal Zedekia pawh Kaldai mite kut ata a chhuak lo vang a, Babulon lal kuta mantirin a awm ngeizawk ang a, inhmachhawnin an inbia ang a, a mit ngeiin a hmêl a hmu ang;
32:5 tin, Zedekia chu Babulon ramah a hruai ang a, amah ka tlawh hma loh chuan chutah chuan a awm reng ang; Kaldaite chu do mah ula in chhuak a ni,' tia i sawi ni?" tiin a tantir a ni.
32:6 Tin, Jeremia chuan, "LALPA thu chu ka hnênah a lo thleng a:
32:7 Ngai rawh, i pami Salluma fapa Hanamela chu Anathoth khuaa ka lo chu i tan lei rawh: ro khâwm thei i nih avângin mi leisak tûr a ni e' tiin i hnênah a lo kal ang": tiin.
32:8 Tichuan ka pami fapa Hanamela chu LALPA thu ang zelin vengtu hung chhûngah chuan ka hnênah a lo kal a, ka hnênah, 'Benjamin rama Anathoth khuaa ka lo chu mi leisak ta che, rokhawm thei i nih avângin i tlan tûr a ni, i tan lei mai rawh,'a ti a. Tichuan hei hi lalpa thu kha a ni tih ka hre ta a.
32:9 Tin, ka pami fapa Hanamela Anathoth khuaa mi lo chu ka lei ta a, tangka chu ka han buksak a, tangkarua sekel sâwm leh pasarih zet a ni.
32:10 Tin, lehkha ka ziak a, ka char a, hretute ka ko va, tangka chu bûknaah ka khai a.
32:11 Tin, inleina lehkha inlei dan leh a awmzia ziakna chu char leh char lohte chu ka la a.
32:12 Tin, ka pami fapa Hanamela mit hmuhah leh hretu leinaa hming chuang vete mithmuhah leh vengtu hung chhûnga Juda thu zawng zawng hmaah chuan Maaseia fapa Neria fapa Baruka chu thu ke pe a.
32:13 Tin, Baruka chu an hmaah thu ka pe a,
32:14 "Israela Pathian, Sipaihote LALPA chuan heti hian a ti: Heng ehkha, leina lehkha, char leh char lohte hi la la, hlum belah dah la, a awm rei theih nân.
32:15 Israel Pathian, Sipaihote LALPA chuan heti hian a ti si a: 'He ramah hian inte, lo te, grêp huante miten an la lei leh ang,'" tiin.
32:16 Tin, Neria fapa Baruka hnêna leina lehkha ka hlan hnuah chuan LALPA hnênah ka tawngtai a,
32:17 "Aw LALPA pathian, ngai rawh, i thiltihtheihna nasa leh i kut pharin lei leh van i siam ta a; i tan thiltih harsa lûtuk a awm rêng rêng lo va:
32:18 sâng tam takte hnêna khawngaihna vur thintu leh pate khawlohna an hnua an fate chung thungrultu: Pathian ropui leh thiltithei: a hming Sipaihote LALPA:
32:19 remruat thiam tak, thiltithei tak, mihring fate awm dan zawng zawng hmu chaingtu: mi tin, an awm dan leh an thiltih ang zela rultu:
32:20 Aigupta rama chhinchhiahna leh thilmak titu, vawiin thlenga Israelah leh mi dang zinga ti zeltu, vawiin ang renga mahni hming tilangtu,
32:21 I mi Israelte Aigupta ram ata chhinchhiahna te, thilmak te, kut chak leh ban phar leh thil rapthlâk nasa taka hruai chhuaktu,
32:22 he khawizû leh hnutetui luang ram an thlahtute henna chhehchhama pêk tiama petu.
32:23 An lo lût a, an luah vek a, mahse i awka an awih lo ve, i dan an zawm hek lo: tih tûra i pêk rêng rêng an ti lo va, chuvangin heng thil tha lo zawng zawng hi an chungah i thlentir a nih hi.
32:24 En teh, khawpui lakna tûr lei chhun pawnte a lo awm tak hi: khandaih te, tam te, hripui te avângin khawpui pawh chu a beitu Kaldaite kutah pêk a ni ta: i sawi tawh chu a lo theng ta: en teh, i hmuh tak hi.
32:25 Aw LALPA PATHIAN, nangin ka hnênah, "Lo chu tangkain lei la, thu hretute ko rawh: khawpui erawh zawng Kaldaite kutah pêk a ni ta, i ti," a ti a.
32:26 Tin, LALPA thu Jeremia hnênah a lo thleng a,
32:27 "Ngai rawh , kei LALPA hi tisa nei zawng zawngte Pathian ka ni a, ka tan harsa lûtuk a awm êm ni?" tiin.
32:28 Chuvangin LALPA chuan heti hian a ti: "Ngai rawh, he khawpui hi Kaldaite kutah leh Babulon lal Nebuanezara kutah ka pe ang a, a la ang:
32:29 Tin, hemi khawpui beitu Kaldaite hi an lo kal ang a, he khawpui hi an hal ang a, a kang ang, mi tithinur tûra Baala hnêna rimtui hlanna, pathian dangte hnêna in tûr hlan leih chhuahna in chung nei in zawng zawngte nên.
32:30 Israel fate leh Juda fate chuan an tleirawl tet ata ka mithmuhah thil tha lo hlir an ti si a: Israel fate chuan an kut hnathawhte chuan mi tithinur mai ani tih hi LALPA thu chhuak a ni.
32:31 He khawpui hi an sak tirh ata tun thlengin mi tithinurtu leh mi tithinrimtu a ni reng si a: ka hma ata ka tihbo daihan tûrin:
32:32 Israel fate leh Juda fate mi tithinur tûra an thil tha lo tih takte zawng zawng avângin, anmahni, an lalte, an hotute, an puithiamte, an zâwlneite, Juda mite Jerusale luahtu zawng anwgte nên.
32:33 Ka lam hawi lovin an tukkhum chhah mi chhawn a, ngun tak taka beiin zirtir tawh mah ila, zirtirna chu dawngsawng tûrin an bengkahwn si lo.
32:34 Ka hming chuanna in chu tibawrhbang tûrin an thil tenawmte an dah zawk a.
32:35 Tin, Ben Hinom ruama mi baala biakna hmun sângte chu an din a, an fanute, an fapate Moleka hnêna meia an paihna tûrin. Judaho thil sual tihtir tûra he tenawmna an tih hi ka thupêk a ni hauh lo va ka rilruah pawh a lût ngai hek lo.
32:36 Tin, ka mite an ni ang a, kei an Pathian ka ni ang.
32:37 Kumkhuaa mi tih hlen theih nân thinlung hmun khat leh awm dan hmun khat ka siamsak ang: anmahni leh an hnua an fate thatna tûrin.
32:38 Tin, an hnênah kumkhaw thuthlung ka siam ang a, anmahni hawisan lovin, an thatna ka ti fo vang; mi hransan loh nân an thinlungahte chuan mi tihna ka dah ang.
32:39 A ni, an thatna tih chu ka lawmzawng a ni ang a, ka thinlung zawng zawngin he ramah hian ka phun nghet ngei ang.
32:40 LALPA chuan heti hian a ti a ni: 'He mite chunga thil tha lo nasa tak ka thlen ang ngei khan anmahni hnêna thil tha ka tiam zawng zawngte chu ka thlen ngei ang.
32:41 Ram tiau, Kaldai te, kuta pêk tawh, mi leh sa awm tawh lo; in tih ramah hian lote an inlei leh dawn a ni.
32:42 Benjamina ramahte, Jerusalem khawpui vêl hmunahte, Judai ram khawpuiahte, tlâng ram khawpuiaah te, phai ram khawpuiahte leh chhim lam khawpuiahte chuan miten tangkain lo an lei ang a, leina lehkha an ziak ang a, an char ang a, hretute an ko vang: an awm dan ka lamlet dawn si a,' tih hi lalpa thu chhuak a ni.
33:1 Tin, Jeremia hnênah, vengtu hung chhûnga a la awm laiin, LALPA thu chu vawi hnihnaah a lo thleng leh a,
33:2 Thiltitu LALPA, nghet tûra siamtu LALPA (LALPA chu a hming a ni) chuan heti hian a ti:
33:3 Mi au la, ka chhâng ang che, thil ropui leh inthup i hriat ngai loh chu ka entir ang che.
33:4 Israel Pathian LALPA chuan he khawpui inte leh Juda lal inte, khandaih leh lei chhun pawnte laka venna siam tûra an thiat chhiat chungchang thu-ah chuan heti hian a ti:
33:5 Kaldaiho beio tûrin an lo kal a, ka thinur leh thinrimnaa ka thah ruangte chuan an tikhat zawk dawn, an sualna zawng zawng avângin he khawpui lakah hian ka hmêl ka lo thup tawh si a.
33:6 Ngai rawh, damna leh hriselna ka rawn thlen ang a, ka tidam ang: muanna leh himna nghet tak ka hmuhtir ang.
33:7 Tin, Juda awm dan leh Israel awm dan ka lamlet ang a, atira ka din ang khan ka din leh ang.
33:8 Tin, an kahwlohna, ka chunga an thiltih sualna lak ata ka tleng fai a, an khawlohna, ka chunga an thiltih sualna leh ka chunga an bawhchhiatnate zawng zawng chu ka ngaidam ang.
33:9 Tin, he khawpui hi leia hnam zawng zawng, an tana ka tihthat zawng zawng hmutute hmaah chuna ka tan hlimna te, chawimawina te, ropuina te ani ang a: thatna leh muanna an chungah ka thlen zawng zawng vangin hlauvin an khur ang.
33:10 LALPA chuan heti hian a ti: He hmun, 'Juda khahwpui meuh pawha mi leh sa awm tawh lova tiau, Jerusalem kawtthlêra mi leh sa leh chengtu awm lova ram tawh' an tihah hian,
33:11 hlimna aw te, moneitu aw te, mo aw te, 'Sipaihote LALPA hnênah chuan lawm thu hril rawh u, LALPA chu a tha si a: a ngilneihna kumkhuain a awm dawn si,' titute aw leh LALPA ina lawmna inthawina rawn kengtute aw chu an la hre leh ang. Atira a awm dan angin ram chu ka awmtir ang, tih hi LALPA thu chuak a ni.
33:12 Sipaihote LALPA chuan heti hian a ti: He hmun, mi leh sa awm lo khawpa tiau tawh leh a khawpui zawng zawngah hian, berâmpu an berâm rual bawhtirtute chenna hmun a la awm leh ang.
33:13 Tlâng ram khawpuiah te, phai ram khawpuiah te, chhim lam khawpuiah te, Benjamina ramah te, Jerusalem vêl hmunahte, Juda khawpuiah te, an chhiartu kut hnuaiah chuan berâmte an kal zung zung ang, tih hi LALPA thu chhuak a ni.
33:14 Ngai rawh, nite a lo thleng mek e, tih hi LALPA thu chhuak a ni, Israel chhûngte chungchangah leh Juda chhûngte chungchang thu tha tak ka lo sawi tawh chu ka hlen ang.
33:15 Chung niahte leh chumi hunah chuan felna Chawrno Juda hnênah ka chhuahtir ang, chu ramah chuan dik tak leh fel takin ro a rêl ang.
33:16 Chung niahte chuan Juda chu chhanhimtu a awm ang a, Jerusalem chu him takin a awm ang: tin, a hming put tûr chu hei hi a ni ang, "LALPA chu kan felna" tih hi.
33:17 LALPA chuan heti hian a ti a ni: Davida chuan Israel chhûngte lalthutthlenga thu tûr mi a hmai ngai lo vang:
33:18 Puithiam, Levia chite pawhin ka hmaa hâlral inthawi hlan tûr leh buhbal thil hlan tûr leh inthawi zel tûrin mi an hmai hek lo vang.
33:19 Tin, LALPA thu chu Jeremia hnênah a lo thleng a:
33:20 LALPA chuan heti hian a ti: Ka chhun ruat leh ka zan ruat thu hi in phelh theih a, chhun leh zan hi an hun taka awm lo tûra in tih theih chuan,
33:21 ka rawngbawltu Davida hnêna ka thuthlung pawh a lalthutthlenga thu tûr fapa a neih loh nân tihchhiat a ni ve chauh vang: Leiva chite, puithiam te, ka rawngbawltute hnêna mi pawh.
33:22 Vana awmho chhiarsen loh leh tuipuia tiau chhiarsen loh ang maiin ka rawngbawltu Davida thlah leh Levia ka rawngbawltu David thlah leh Levia chi rawng mi bawlsaktute ka tipung ang.
33:23 LALPA thu chu Jeremia hnênah a lo thleng a:
33:24 chhûngkaw hnih LALPAN a thlante chu a paih bo ta' tia he miten an sawi chu i ngaihtuah ngai lo vem ni? An mithmuha hnam tih tham an nih loh nân hetiangin ka mite chu an hmusit a ni.
33:25 LALPA chuan heti hian a ti: Ka chhun leh zan thu ruat chu a din hlen lohva, lei leh van awm dante hi ka ruat lo a nih chuan,
33:26 Jakoba thlahte leh ka rawngbawltu Davida thlahte chu ka paih bo vang,
33:27 Abrahama te, Isaaka te, Jakoba thlahte chungah rorêltuah a thlah ka la bo vang: an awm dante ka lamletsakin an chungah khawngaihna ka nei dawn si a.
34:1 Babulo lal Nebukadnezzara te, a sipai rual zawng zawngte, ama thu hnuaia lei lalna ram zawng zawngte leh mipui zawng zawngten a Jerusalem leh a khawpui zawng zawngte an beih laia LALPA hnên ata Jeremia hnêna thu lo thleng chu:
34:2 "Israel Pathian, LALPA chuan heti hian a ti: Juda lal Zedekia va bia la, heti hian hrilh rawh: LALPA chuan heti hian a ti: Ngai rawh, he khawpui hi Babulon lal kutah ka pe ang a, meiin a hâl ang:
34:3 a kut ata i chhuak tawp lo vang: man i ni ang a, a kutah a pe ang che, i mit ngeiin Babulon lal chu i hmu ang a, tawngka ngeiin in in bia ang a, Babulon ramah i kal tûr a ni.
34:4 Amaherawhchu, Aw Juda lal, Zedekia, LALPA thu hi ngaithla zêl teh: i chungchâng thu-ah chuan LALPA chuan heti hian a ti: khandaihin i thi lo vang a,
34:5 muang takin a nia i thih ang: i hmâa lal hmasa, i thlahtute rimtui an halsak ang khan, nang pawh an hâlsak ang che: an sûn ang chia, 'Ehei, ka pu,' tiin. Thu ka thlah tawh hi, tih hi LALPA thu chhuak a ni" tiin.
34:6 Tin, zâwlnei Jeremia chuan hêng thu zawng zawng hi Jerusalem Juda lal Zedekia hnênah a sawi a;
34:7 Babulon lal Sipai rualte chuan Jerusalem leh Juda khawpui la awm zawng zawng, Lakis leh Azeka an beih lai chuan: Juda khawpui zînga kulh neite chu hêngte chauh hi an ni tawh si a.
34:8 ,9 LAL Zedekian Jerusalema awm mipui zawng zawngte hnênah, "Mi tinin an chhiahhlawhnu te, an chhiahhlawhpa te, Hebrainu emaw, Hebraipa emaw an nih chuan, an chhuah tûr a ni: a unaupa Hebrai mi rawngbawlsakin tumah an awm tûr a ni lo," tia zalenna thu a puanna thu thlung a siam hnua lalpa hnên ata Jeremia hnêna thu lo thleng chu:
34:9 ,8 LAL Zedekian Jerusalema awm mipui zawng zawngte hnênah, "Mi tinin an chhiahhlawhnu te, an chhiahhlawhpa te, Hebrainu emaw, Hebraipa emaw an nih chuan, an chhuah tûr a ni: a unaupa Hebrai mi rawngbawlsakin tumah an awm tûr a ni lo," tia zalenna thu a puanna thu thlung a siam hnua lalpa hnên ata Jeremia hnêna thu lo thleng chu:
34:10 mi tinin rawngbâwl tunu emaw, rawngbâwl tu pa emaw a chhuah tûr a ni a, anmahni rawngbâwlsakin tumah an awm tûr a ni lo, tih thu thlung pawmtu hotu zawng zawng leh mipui zawng zawngte chuan thu thlung chu an awih a, an chhuahtîr ta ngei a;
34:11 amaherawhchu chumi hnuah chuan an lamlêt a, an rawngbâwltunu leh an rawngbawltupa an chhuahtîr tawhte chu an hnukkîr a, an thu hnuaiah an rawngbawl tu-ah an dah leh a.
34:12 Chuvangin Jeremia hnênah LALPA thu chu a lo thleng leh a;
34:13 "LALPA Israel pathian chuan heti hian a ti: Aigupta ram, bawih tânna ram ata ka hruai chhuah nî khan in thlatute hnênah thuthlung ka siam a,
34:14 Mi tinin a unaupa, Hebrai mi, a hnêna hralh tawh, kum ruk a rawng lo bawl tawh chu a kum sarihna tawpah chuan a chhuah tûr a ni' tiin: tin, in thlahtute erawh chuan mi ngai thla lo va, an beng and awh hek lo.
34:15 Tunah nangnin, in lo lamlêta, mi tinin a thenawmpa hnêna zalenna thu puangin ka mithmuhah thil dik chu in lo ti ta a: Ka hming vuah inah chuan ka hmâah thu thlung in lo siam ta a:
34:16 mahse in lamlêt leh a, ka hming in tibawrbangin in duh ang taka in chhuah tawh hnu, in chhiahhlawhnu lah in chhiahhhlawhpa chu in hruaikîr leh a, in thu hnuaiah rawngbawltu-ah te chhiahhlawhnuahte in dah leh a.
34:17 Chuvangin LALPA chuan heti hian a ti: Mitinin mahni unau leh mahni thenawm hnêna zalenna thu puang tûrin ka thu in ngaithla lova; ngai rawh u, keiin in hnênah zelenna thu ka puang e, tih hi LALPA thu chhuak a ni; khandaihte hripuite, tamtein a ni ang, leia lal ramte zawng zawng zíngah vawrh lân vawrh lân tûrin ka siam ang che u.
34:18 Tin, ka thu thlung bawhchhiate, ka hmâa bawng no zai phel kara kal tlâng meuhva thu tiama hlen lotu;
34:19 Juda hotute leh Jerusalem hotute, mi tilrehte, puithiamte, mipui zawng zawng, bawng no zai phel kara kalte chu;
34:20 an hmêlmate leh an nunna zawngtute kutah ka pe ang a: tin, a ruangte chu chungleng savate leh leia ramsate chaw atân mai a ni ang.
34:21 Tin, Juda lal Zedekia leh a hote chu an hmêlmate leh an nunna zawngtute leh babulon lal sipai rual, nangmahni kalsan tawhte kutah ka pe ang.
34:22 Ngai rawh u, hemi khawpuia lo kîr leh tûrin thu ka pe ang a, tih hi LALPA thu chhuak a ni, tichuan an bei ang a, an la ang a, meiin an hâl ang: tin, luahtu awm lovin Juda khawpuite chu ka titiau vek ang," tiin.
35:1 Juda lal Josia fapa Jehoiakima lal laia LALPA hnên ta Jeremia hnêna thu lo thleng chuan;
35:2 "Rebeka chhûngte hnênah kalin va bia la, LALPA ina pindan pakhatah hruai lut la, uain in tûr pe rawh," a ti a.
35:3 Tin, Habazinia fapa, Jeremia fapa, Jaazania leh a unaute, a fapa zawng zawngte, Rekaba chhûngte zawng zawng nên ka hruai a;
35:4 tin, Pathian mi Igdalia fapa Hanana fate pindan, LALPA inah chuan ka hruai lut a; chu pindan chu hotute pindan bul kawngka vengtu Salluma fapa Maaseia pindan chunga awm a ni:
35:5 tin, Rekaba thlahte paho hmâah chuan berhbute, note uaina khat ka hûng a, an hnênah, "Uain hi in rawh u" ka ti a.
35:6 Anni erawh chuan, "Uain chu ka in tawp lo vang; kan thlatu Rabaka fapa Jonadaba chuan 'Nangmahni leh in thlahte pawhin kumkhuain uain in in tûr a ni lo;
35:7 inte in sain thlai chi in tuhin, grêp huante in siamin in nei tûr a ni hek lo: in dam chhûngnîahte chuan puaninahte in cheng zawk tûr a ni, in awmna ramah chuan in dam rei theih nân' tiin thu min pe a ni.
35:8 Tichuan kan thlahtu Rekaba fapa Jonadaban awkâa thu min chah zawng zawng, kan dam chhûnga kei mahni leh kan nupuite, kan fapate leh kan fanutein uain in loh tûr te,
35:9 kan chenna in sak lo tûr te, grêp huan emaw lo emaw thlai chi emaw neih loh tûr chenin kan zawm a ni:
35:10 puaninahte chuan kan cheng zawk a, kan thlahtu Jonadaba thupêk zawng zawng chu awihin kan zawm vek a ni.
35:11 Tin, heti hi a lo ni a, Babulon lal Nebukadnezzaran ram a rawn beih lai khan keini chuan, 'Hawh u, Kaldai sipai rualte leh Suria sipai rualte hlau avângin Jerusalemah i kal ang u,' kan ti a, tichuan Jerusalemah hian kan lo cheng ta mai a ni," an ti a.
35:12 Tin, LALPA thu chu Jeremia hnênah a lo thleng leh a:
35:13 "Israel Pathian, Sipaihote LALPA chuan heti hian a ti: Juda rama mite leh Jerusalema mi chengte hnênah va sawi la, ka thute ngaithla tûrin zirtîrna chu an dawngsawng lo vang maw? Tih hi LALPA thu chhuak a ni.
35:14 Rebeka fapa Jonadaba thu, a fapa hnêna a pêk, uain in loh tûr chu an zawm a, vawiin thlengin engmah an in lo va, an thlahtu thupêk chu an zawm êm êm a ni: kei erawh chuan zîng tak ata thovin in hnênah thu sawi a, mi ngai thla lo va.
35:15 Ka rawngbawltu zâwlneite chu zing tak taka thovin in hnênah ka tir a, mi tin, in awmdan sual atangin lo kîr vek ula, inthiltihte chu siam tha ula, pathhian dangte chu an rawngbawl tûrin zui suh ula; tin, nangni leh in thlahtute hnêna ram ka pêkah chuan in cheng ang tiin; mahse in beng in dawh lo va, mi ngaithla hek lo.
35:16 Rekaba fapa Jonadaba thlate chuan an thlahtu thupêk an zawm a, he mite erawh hi chuan mi ngai thla si lo va;
35:17 Chuvangin LALPA Israel Pathian, Sipaihote Pathian chuan heti hian a ti: Ngai rawh u, Juda leh Jerusalema cheng zawng zawngte chungah chuan thil tha lo an chunga lo thleng tûr ka sawi chhuah tawhte kha ka rawn thlen ang: an hnêna thu ka sawi a, an ngaithla si lo va, anmahni ka auh leh mi chhang hek lo" tiin.
35:18 Tin, Jeremia chuan Rekaba thlahte hnênah, "Siapihote LALPA, Israel Pathian chuan heti hian a ti: In thlahtu Jonadaba thupêk in zawm a, a thuchhuak zawng zawng in zawm a, a thupêk zawng zawng ang zêla in tih avângin Rekaba fapa Jonadaba chuan kumkhuain ka hmâa ding tûr mi a hmai lo vang," tiin Sipaihote LALPA, Israel Pathian chuan a ti.
36:1 Tin, heti hi a ni a, Juda lal Josia fapa Jehoiakima la kum linaah he thu hi LALPA hnên ata Jeremia hnênah a lo thleng a:
36:2 "Lahkhabu zial la la, chutah chuan i hnêna ka thu sawi zawng zawng, Israel chung thu te, Juda chung thu te, hnam zawng chung thu te, i hnêna thu ka sawi nî ata Josia hun lai ata vawiin nî thlenga thu chu ziak rawh.
36:3 Juda chhûngte chuan an chunga thil tha lo tih ka tum zawng zawng chu, an ngaihthlâkin mitinin an awmdan sual an lamlêt thei mahna, an khawlohna leh an sualna ka ngaihdam theih nân," a ti a.
36:4 Tin, Jeremia chuan Neria fapa Baruka a ko va, tin, Baruka chuan LALPA thu zawng zawng, a hnêna a lo sawi tawh chu Jeremia tawngka ata lehkhabu zialah chuan a ziak a.
36:5 Tin, Jeremia chuan Baruka hnênah, "Khuahkhirh ka ni a, LALPA inah chuan ka kal thei lo va,
36:6 chuvângin nang kal la, LALPA thu ka tawngka ata lehkhabu ziala i zial kha chaw nghei nîah, LALPA ina mipuite beng hriatah va chhiar chhuak rawh; an khawpui ata lo chhuak Judate zawng zawng beng hriatah pawh i chhiar chhuak bawk tûr a ni.
36:7 Mi tinin an awmdan sual an lamlêtin, LALPA hmâah khawngaih an dilna chu an thlen thei mahnaite chunga thinrimna leh thinurna LALPA-in a puan tawh chu a nasa êm êm si a," tiin thu a pe a.
36:8 Tichuan Neria fapa Baruka chuan zâwlnei Jeremia thupêk zawng zawng ang zêl chuan LALPA inah LALPA thu lehkhabua mi chu a chhiar ta a.
36:9 Tin, heti hi a ni a, Juda lal Josia fapa Jehoiakima la kum ngana, thla kua naah chuan Jerusalema mi zawng zawngte chuan chaw nghei thu an puang ta a.
36:10 Tin, Baruka chuan LALPA Kawngka Thar luhnaah, hung chhûng chungnung zawka ziaktu Saphana fapa Gemaria pindan, LALPA ina miah chuan Jeremia thu lehkhabua mi chu,mi zawng zawng beng hriatah a chhiara a.
36:11 Tin, Saphania fapa Gemaria fapa Mikaia chuan lehkhabua mi LALPA thu zawng zawng chu a lo hriat chuan,
36:12 lal inah a chhuk a, ziaktu pindanah chuan a lût a, tinngai teh, tah chuan hotu zawng zawng chu an lo thu a, ziaktu Elisama te, Semaia fapa Delaia te, Akbora fapa Elnathana te, Saphana fapa Gemaria te, Hanania fapa Zedekia te leh hotu zawng zawngte chu.
36:13 Tin, Mikaia chuan mite beng hriata Barukan lehkhabua mi a chhiar thu a lo hriat zawng zawngte chu a hrilh a.
36:14 Tin, hotu zawng zawngte chuan Kusia fapa, Selemia fapa Nethania fapa Jehudia chu Baruka hnênah an tîr a, a hnênah, "Mite beng hriata i lo chhiar lehkhabu chu kengin lo kal rawh," ti tûrin. Tichuan Neria fapa Baruka chu lehkhabu zial kengin an hnênah a lo kal a.
36:15 Tin, a hnênah, "thu la, kan beng hriat ngeiah chhiar rawh le," an ti a, tichuan Baruka chuan an beng hriatah a chhiar ta a.
36:16 Tin, heti hi a lo ni a, chung thute chu an hriat chuan hlauvin an in en hlawm a, Baruka hnênah chuan, "Hêng thu zawng zawng hi lal kan hrilh ngei ngei ang," an ti a.
36:17 Tin, Baruka chu, " Hêng thu zawng zawng hi a kâ ata eng tiziaa ziak nge i nih, min hrilh teh khai?" tiin an zâwt a.
36:18 Tin, Baruka chuan, "Hêng thu zawng zawngte hi a tawngkain mi hrilh a, lehkhatuiin lehkhabuah chuan ka ziak mai a ni," tiin a chhâng a.
36:19 Tin, hotute chuan Baruka hnênah, "Kal la, Jeremia nên chuan biru rawh u; tuman in awmna hre suh se," an ti a.
36:20 Tin, hungchhngah lal hnênah an lût a; lehkhabu zial erawh chu ziaktu Elisama pindanah an dah ta a, a thu zawng zawngte chu tawngkain lal an hrilh a.
36:21 Tichuan lal chuan lehkhabu zial la tûrin Jehudia a tîr a, ziaktu Elisama pindan atang chuan a la a. Tin, Jehudia chuan lal leh lal bula ding hotu zawng zawngte beng hriatah a chhiar a.
36:22 Thla kuana a ni a, lal chu a thlasik inah chuan a thu a, a hmâah chuan meihawl thuka vâm a awm a.
36:23 Tin, heti hi a lo ni a, Jehudia chuan thlep thum emaw, thlep li emaw a chhiar chuan lal chuan a chemtêin a zai bung a, thuk meiah chuan a zial bu pum kangral vek tûrin a theh lut zel a.
36:24 Tin, lal leh a rawngbawltu, heng thu zawng zawng ngaithlatu tumahin an hlau lo va, an silhfên an thlêr hek lo.
36:25 Chu chang ni lovin Elnathana leh Delaia leh Gemaria te chuan lehkhabu zial chu hâl lo tûrin lal hnênah an ngen a: mahse a ngai thla duh lo.
36:26 Tin, lal chuan lal fapa Jerahmeela leh Azriela fapa Seraia leh Abdeela fapa Selamia te chu ziaktu Baruka leh zâwlnei Jeremia te man tûrin thu a pe a: mahse LALPA chuan anni chu a thukru a.
36:27 Tin, lehkhabu zial leh Jeremia kâ ata Barukan a ziak zawg zawng thute lalin a hâlral hnuah chuan LALPA thu chu Jeremia hnênah a lo thleng a,
36:28 "Lehkhabu zial dang la la, lehkhabu zial hmasaa thu zawng zawng, Juda lal Jehoiakiman a hâlral tâkte chu ziak leh vek rawh.
36:29 Tin, Juda lal Jehoiakima chungchang chuan heti hian ti ang che: LALPA chuan heti hian a ti:' Babulon lal a lo kal ngei ang a, he ram hi a tichhiain, heta ta mi leh sa a tiboral vek ang, tia ziakna chu, engah nge chutiang thu i ziak, tiin lehkhabu ziak chu i lo hâlral ta a:
36:30 chuvangin Juda la Jehoiakima chungthu-ah chuan LALPA chuan heti hian a ti: Davida thutphahah chuan mi thu tûr a nei lo vang: a ruang pawh chu chhun nisâ ah leh zan vur hnuaiah paih chhuah a ni ang.
36:31 Tin, an khawlohna avângin amah leh a thlahte leh a rawngbawltute ka hrema ang: tin, anmahni leh Jerusalema chengte leh Juda mite chungah chuan an chunga ka puan tawh, an ngaihthlâk loh thil tha lo zawng zawngte chu ka rawn thlen ang," tiin.
36:32 Tichuan Jeremia chuan lehkhabu dang a la a, ziaktu Baruka, Neria fapa chu a pe a, ani chuan chutah chuan Jeremia ka ata lehkhabu ziak tawh zawng zawng, Jehoiakima meia a hal ral tak thute chu a ziak a: chumi bakah a anpui thu tam tak a belh bawk a.
37:1 Tin, Josia fapa Jedekia, Babulon lal Nebukadnezzaran judai ram lala a siam chu Jehoiakima fapa Konia aiah a lo lal ta a.
37:2 Mahse amah leh a rawngbawltute leh a rama mite chuan LALPA thu zâwlnei Jeremia kâa sawi chu an ngaithla lo va.
37:3 Tin, lal Jedekia chuan Selemaia fapa Jehukala leh maaseia fapa puithiam Zephania chu zâwlnei Jeremia hnênah, "LALPA kan Pathian hnênah mi tawngtaisak rawh," ti tûrin a tîr a.
37:4 Tin, Jeremia chu mipuite zingah a duh duhin a la lêng thei a: taninah an la dah si lo va.
37:5 Tin, Pharaoa sipai rualte Aigupta atngin an lo chhuak tawh a: tin, Kaldaiho Jerusalem hualtute chuan an chan chin an hriatin Jerusalem chu an kîrsan ta a.
37:6 Tichuan LALPA thu chu zâwlnei Jeremia hnênah a lo thleng a,
37:7 "LALPA Israel Pathian chuan heti hian a ti: Juda lal, mi rawn tûra tîrtu hnênah chuan, Ngai rawh, Pharaoa sipai rual, nangmahni tanpui tûra lo kalte chu anmahni ram Aiguptaah chuan an kîr leh ang.
37:8 Kaldaite erawh chu an lo kal ang a, he khawpui hi an bei ang a, an la ang a, meiin an hal ang.
37:9 LALPA chuan heti hian a ti: Kaldaite chu min kalsan ngei ang tiin mahni in bum suh u; an kal dawn si lo.
37:10 Nangmahni beitu Kaldai sipai rual zawng zawng hi sawisa nek mah ula, an zinga mi hliam awm chhunte chauh pawhin mahni puan in atanga lo thovin he khawpui hi meiin an hal tho vang, tiin sawi tûr a ni," tiin.
37:11 Tin, heti hi a lo ni a, Pharaoa sipai rualte hlauva Kaldai sipai rualte chuan Jerusalem an kalsan lai chuan,
37:12 Jeremia chuan mite zînga a chanvo la tûrin Benjamin rama lût tûrin Jerusalem a chhuahsan a.
37:13 Tin, Benjamin kawngka a thlen chuan vêngtu hotu Hanania fapa Selamia fapa a hming Irija a lo awm a: chu chuan Kaldaite hnênah i in pe a ni, tiin zâwlnei Jeremia chu a lo man a.
37:14 Tin, Jeremia chuan, "Dawt a ni; Kaldaite hnênah ka in pe lo ve," a ti a: mahse a ngai thla lo va, tichuan Irija chuan Jeremia chu a lo man a, hotute hnênah a hruai a.
37:15 Tin, hotute chu Jeremia chungah an thinur êm êm a, an vua a, Ziaktu Jonathana inah an tântîr a; chu chu tanin atân an hman a ni si a.
37:16 Tin, Jeremia chu lei hnuai ripa a luh a, ni tam tak a awm hnuin
37:17 lal zedekia chuan a ko chhuak a: tin, lal chuan a inah a ruk tein a zawt a, a hnênah, "lalpa hnên ata thu eng emaw tal a awm êm?" a ti a. A hnênah, "Babulon lal kutah mantîrin i awm ang," a ti bawk a.
37:18 Tin, Jeremian lal Zedekia hnênah chuan, " Nangmah emaw i rawngbawltu emaw heng mite chungah eng thil nge ka tihsuala mi mantîr ni?
37:19 I hnêna, 'Babulon lal chu nangmah leh he ram do tûrin a lo kal lo vang,' tia thusawitu i zâwlneite chu khawiah nge an awm tak?
37:20 Aw ka ka pu, lalber ngaithla rawh, ka ngen a che; ziaktu Jonathana inah chuan mi kîrtîr lul suh, chutah chuan ka thi dah ang e," a ti a.
37:21 Tin, lal Jedekia chuan thu a pe a, tin, Jeremia chu vengtu hung chhûngah chuan a tântîr a, chhâng siamtute kawtthlêr ata nitin chhâng hlawm khat, khawpuia chhâng a awm chhûng chu a pe a, chutiang chuan Jeremia chu vêngtu hung chhûngah chuan a awm reng a.
38:1 Tin, Matâna fapa Sephatia leh Pasura fapa Gedalia leh Selemia fapa Jukala leh Malakia fapa Pasura te chuan, mipui zawng hnêna Jeremian,
38:2 "LALPA chuan heti hian a ti: hemi khawpuia awm rengte chu khandaihte, tâm te, hripui tein an thi ang a; Kaldaite hnêna inpete erawh chu an nung ang a, a nunna chu a inchhanhim ang a. a nung ang.
38:3 LALPA chuan heti hian ati: he khawpui hi Babulon lal sipai rualte kutah pêk a ni ngei ang a, a la ang," tia a sawi chu an ngaithla a.
38:4 Tin, hotute chuan lal hnênah, "Hemi hi tihhlum ni rawh se, kan ngena che; ani chuan an hena hetiang thute sawiin he khawpuia raltu mi la awmte leh mipui zawng zawngte tha a tithum zo si a: he mi hian he mipuite thatna a zawng lo va, an chhiatna a zawng zâwk a ni," an ti a.
38:5 Tin, lal Zedekia chuan, " Ngai rawh u, ani chu in kuta awm a lawm: lal hi in duh lohzâwng ti thei a ni hlei nêm," a ti a.
38:6 Tin, Jeremia chu an hruai a, vêngtu hung chhûnga awm lal fapa Malkia lei hnuai ripah chuan an paih lut a: Jeremia chu hruiin an thlâk thla a, chumi lei hnuai ripah chuan chirhdiak chauh lo chu tui a awm lo va: Jeremia chu chirhdiakah chuan a tla a.
38:7 Tin, Ethiopia mi, mi tilreh lal ina awm thin Ebedmeleka chuan Jeremia chu lei hnuai ripah an dah tih a lo hria a; chutih lai chuan lal chu Benjamin kawngkâah a thu a;
38:8 Ebedmeleka chu lal in ata a chhuak a, lal hnênah chuan,
38:9 "Ka pu, lalber, hêng miten zâwlnei Jeremia lei hnuaia ripa an lo paih thlâk hi nasa tak an ti a ni; riltam avângin a awmna hmunah chguan a thi mai dawn a lawm; khawpuiah chuan chhâng a awm tawh si lo," a ti a.
38:10 Tin, lal chuan Ethiopia mi mi Ebedmeleka chu thu a pe a, 'Heta tangin mi sawmthum hruai la, lei hnuai rip ata chu a thih hmâin zâwlnei Jeremia chu la chhuak rawh u, " tiin.
38:11 Tichuan Ebedmeleka chuan mite chu a hruai a, lal tangka in hnuaiah chuan an lût a, kawr hlui paihte leh silhfen chhiate an la chhuak a, lei hnuai ripah chuan Jeremia hnênah hruiin an thlak a.
38:12 Tin, Ethiopia mi Ebedmeeka chuan Jeremia hnênah, "Heng kawr hluite leh silhfen chhiate hi i zakhnuaiah hrui hian hren hnan rawh," a ti a. Tin, Jeremia chuan chutiang chuan a ti a.
38:13 Tin, Jeremia chu lei hnuai rip ata chu hruiin an khai chhuak ta a: tin, Jeremia chu vengtu hung chhûngah chuan a awm ta reng a.
38:14 Tin, lal Zedekia chuan Jeremia chu a ko va, LALPA ina luhna pathumnaah chuan a hnênah a hruai lut a: tin, lal chuan Jeremia hnênah, "Thil ka zawt ang chia; ka lakah engmah thup suh ang che," a ti a.
38:15 Tin, Jeremia chuan Zedekia hnênah, "Ka hrilh che chuan mi tihlu ngei dawn law ni? Thu ka rawn che chuan mi ngaithla dawn si lo," a ti a.
38:16 Tin, lal Zedekia chuan Jeremia hnênah, "LALPA he ka nuna siamtu hi a nuna a nun chhûng zawng ka tihlum tawp lo vang chia, i nunna zawngtute kutah chuan ka pe hek lo vang che," tiin a ruktein chhia a chham a.
38:17 Tichuan Jeremia chuan Zedekia hnênah, "Lalpa, sipaihote Pathian, Israel Pathian chuan heti hian a ti: Babulon lal hotute hnêna i inpek chuan i nunna chu i vawng him ang a, hemi khawpui pawh hi a kang lo vang, nang leh i chhûngte pawh in nung ang.
38:18 Babulon lal hotute hnêna i inpek loh erawh chuan he khawpui hi Kaldai kutah pêk a ni ang a, an hal ang a, an kut ata i chhuak tawp lo vang," a ti a.
38:19 Tin, lal Zedekian Jeremia hnênah, "Kaldai mite hnêna inpe tawh Judate mi mantirin mi nuihzabur mai ang tih ka hlau a ni," a ti a.
38:20 Jeremia erawh chuan, "An mantir lo vang che; i hnêna ka sawi LALPA aw hi awih mai rawh. Tichuan i tan a tha ang a, i nung bawk ang.
38:21 Inpek i duh loh erawh chuan hei hi LALPA thu mi kawhhmuh chu a ni:
38:22 Ngai rawh, Juda lal ina hmeichhe la awm zawng zawngte chu Babulon lal hotute hnênah hruaiin an awm ang a, chung hmeichhiate chuan, I thian tha thaten an bum chia, an hneh ta che, i ke chu chirhdiaka a tan veleh an hawisan che, an ti ang.
38:23 I nupui te, i fanaute chu Kaldai mite hnênah an hruai vek ang a, an kut ata i chhuak lo vang a, Babulon lal kutah manin i awm zawk ang a, nangmah avângin he khawpui hi a kang ang," a ti a.
38:24 Tin, Zedemia chuan Jeremia hnênah, "Heng thute hi tuman hre suh se, tichuan i thi lo vang.
38:25 Nimahsela hotuten kan biak che hi an hriat a, i hnêna an lo kal a, i hnêna, 'Lal hnêna i sawi chu min hrilh rawh; kan lakah engmah zep suh la, kan tihlum lo vang che; nangma hnêna lal thu sawite pawh,' an tih chuan,
38:26 nang chuan an hnênah, 'Jonathana ina mi kirtir lo va, chuta va thi lo tûrin lal hnênah dilna ka theh lût mai a ni,' i ti dawn nia," a ti a.
38:27 Tin, hotu zawng zawngte chuan Jeremia hnêna an lo kalin, an zawt ta ngei a, lalin thu a pêk zawng zawng ang zelin anni chu a hrilh a. Tichuan an biak chu an bang ta a; a thu ch hriat phak a ni si lo va.
38:28 Tichuan Jeremia chu Jerusalem lak ni thlengin vengtu hung chhûngah a awm ta reng a.
39:1 Tin, Juda lal Zedekia lal kum kuana thla sawmnaah chuan Babulon lal Nebukadnezzara leh a sipai zawng zawng chuan Jerusalem an bei a, an hual a.
39:2 Zedekia lal kum sâwm leh pakhatna thla lina, chu mi thla ni kuanaah chuan khawpui kolh chu an su tlâng a.
39:3 Tin, heti hi a ni a, Jerusalem an lak chuan Babulon hlal hotute zawng zawng chu an lo lut a, kawngka laitaah chuan an thu a, Nergal-sarezera te, Samgarnebo te, Sarsekima te, Rab-saria te, Nergalsarezera te, Rabmaga te leh Babulon lal hotu dang zawng zawng nen.
39:4 Tin, heti hi a lo ni a, Juda lal Zedekia leh raltu mi zawng zawng chuan anni chu an hmuhin an thlânchhia a, khawpui ata zanah lal huan kawng lamah kulh bang pahnih kar kawngkaah an tlan chhuak a, ani chu Arab-ah kawng lamah a chhuak a;
39:5 mahse Kaldaiho sipai rual chuan ani chu an um a, Jeriko phai zawlah Zedekia chu an um phâk ta a; tin, an man hnu chuan Babulon lal Nebukadnezzara hnênah, Hamath rama Riblah khuaah chuan an hruai a, tin, amah chuan a chung thu chu a rel a.
39:6 Tin, Babulon lal chuan Riblah khuaah chuan ama mithmuh ngeiah chuan Zedekia fapate chu a that a, Babulon lal chuan Juda mi tha zawng zawng a that bawk a.
39:7 Chu lo pawh chu Zedekia mit a kher chhuahsak a, kawl a buntir a, Babulon-ah a hruai a a.
39:8 Tin, Kaldai-hote chuan lal in leh mi dang in zawng zawng an hal a, Jerusalem kulh bangte pawh an tichhia a.
39:9 Tin, vêngtu hotu Nebuzaradana chuan khawpui mipui la awm leh a hnêna mahnia inpete leh mipui la awm chhunte chu babulonah salah a hruai a;
39:10 mahse vengtu hotu Nebuzaradana chuan Juda ram mi rethei engmah nei lote chu a hnutchhiah a, grêp huan leh lote a pe nghal a.
39:11 Tin, Babulon lal Nebukadnezzara chuan Jeremia chungchang thu-ah chuan vengtu hotu Nebuzaradana hnênah,
39:12 "Ani hi hruai la, tha takin ti la, tina rêng rêng suh, i hnêna a saiw ang zelin ti zawk rawh," tiin thu a pe a.
39:13 Tin, vengtu hotu Nebuzaradana chuan Nebusazbana te, Rabsaria te, Nergal-sarezara te, Rabmaga te leh Babulon lal sipai hotu deuh deuhte a chah vek a,
39:14 anni chuan Jeremia chu vengtu hung chhûng ata an ko chhuak a, Saphana fapa Ahikama fapa Gedalia hnênah a ina hawn tûrin an kawltir ta, tichuan mite zingah chuan a khawsa ta a.
39:15 Tin, LALPA thu chu, vengtu hung chhûnga khar khipa a awm lai chuan Jeremia hnênah a lo thleng a,
39:16 Ethiopia mi Ebedmeleka hnênah, Sipaihote LALPA, Israel Pathian chuan heti hian a ti: Ngai rawh, a thatna tûr ni lovin he khawpui chhiatna tûr zawkin ka thute ka rawn thlen ang a, chumi ni ngei chuan i hmaah hlen a ni ang.
39:17 Chumi niah chuan nang erawh chu ka chhan chhuak ang che, tih hi LALPA thu chhuak a ni, i mi hlauhte kutah pêk i ni lo vang.
39:18 Ka chhanhi ngei dawn si chia, khandaihin i tlu lo vang a, i nun chu i chhanhim ang, kei mi rin avângin, tih hi LALPA thu chhuak a ni, tiin va sawi rawh," a ti a.
40:1 Judai leh Jerusalem sal zawng zawng, Babulon sala an hruaite zinga Jeremia khaidiat vuan chunga a hruai laia vengtu hotu Nebuzaradanan, Ramah atanga a chhuahtir hnua LALPA hnên ata Jeremia hnêna thu lo thleng chu:
40:2 tin, vengtu hotu chuan Jeremia chu a hruai a, a hnênah, "LALPA i Pathian chuan he hmuna thil tha lo thleng tûr hi a lo puang tawh a.
40:3 Tin, LALPA chuan a rawn thlentir ta ngei a, a sawi ang zelin a ti ta a; LALPA chungah thil in tisual a, a tawngka in awih loh avângin he thil hi in chungah a lo thleng a nih hi.
40:4 Tunah chuan, ngai rawh, vawiin ni hian i kuta khaidiat bun chu ka phelsak a che. Babulona ka hnêna lo kal i duh leh lo kal la, i duh loh leh lo kal lo mai rawh; en teh, ram zawng zawng i hmaa a awm hi, kal rem i tih leh tha i tihna apiangah kal ang che," a ti a.
40:5 A la kir hmain ani chuan, "Juda khawpuite chunga awptua Babulon lalin a siam Saphana fapa, Ahikama fapa Gedalia hnênah kir la, mite zingah a hnênah awm rawh, anih loh leh kal rem i tihna apiangah kal mai rawh," a ti a.
40:6 Tichuan vengtu hotu chuan ei tûr leh thilpek a pe a, a kaltir ta a. Tin, Jeremia chu Ahikama fapa Gedalia hnênah Mizpah khuaah a kal a, a hnênah a rama mi la awm chhunte zingah chuan a awm ve ta a.
40:7 Tin, sipai pâwl hotu zawng zawng ram laka awmte chuan, anmahni leh an hoten Babulon lalin, Ahikama fapa Gedalia chu chumi rama mi rethei berte, Babulon sala hruai loh zawng zawng chu a kawltir tih an lo hriat chuan,
40:8 Mizpah khuaah, Gedalia hnênah an lo kal a, - Nethania fapa Ismaela te, Karena fa, Johanana leh Jonathana te, Tanhumetha fapa Seraia te, Netophath khuaa mi Ephaia fate leh Maakath khuaa mi fapa Jezania te leh an hote chu.
40:9 Tin, Saphana apa, Ahikama fapa Gedalia chuan anmahni leh an hote hnênah, "Kaldaite rawng bâwl chu hlau su hu: ramah hian awm hle hle ula, Babulon lal rawng bâwl ula, in tan a tha mai ang.
40:10 Kei zawng Mizpah khuaah hian ka awm ang a, Kaldai mi ka hnêna lo kal tûrte hmaah chuan nangmahni aiawhin ka ding ang: nangni erawh chuan uain te, nipui thei te, hriak te la khâwm ula, in belahte dah ula, khawpui in lak takahte chuan cheng rawh u" tiin chhia a chham a.
40:11 Chutiang bawkin Juda mi zawng zawng, Moab rama cheng te, Amon mite zinga chengte leh Edom rama hengte leh ram danga awmte chuan Babulon lalin Juda mi thenkhat a hnutchhiah a, an chungah Saphana fapa, Ahikama fapa, Gedalia a dah an hriatin,
40:12 Juda mi zawng zawng an hnawhdarhna ram zawng zawng atangin an lo kir a, Judai rama Mizpah khuaah Gedalia hnênah an lo thleng a, uain leh nipui thei an la khâwm ta teuh mai a.
40:13 Chu lo pawh chu Karea fapa Johanana leh sipai pawlte hotu, ram laka awm zawng zawng chu Mizpah khuaah Gedalia hnênah an lo kal a,
40:14 a hnênah, "Amon mite lal Baalisa chuan i nunna la tûrin Nethania fapa, Ismaela a tir tih i hria êm"? An ti a. Ahikama fapa Gedalia erawh chuan a awih lo va.
40:15 Tin, Karea fapa Johanana chuan Mizpah khuaah Gedalia hnênah, "Mi kaltir teh khai, Nethania fapa Ismaela chu ka va that mai ang e, tuman an hre lo vang: Juda mi i hnêna awm khâwm zawng zawng an darh vek a, Juda mi zawm chhunte boralna ti tûrin engah nge i nunna a lak ang"? tiin a ruktein a sawi a.
40:16 Ahikama fapa Gedalia erawh chuan Karea fapa Johanana hnênah chuan, "He thil hi i ti tûr a ni lo; Ismaela i sawi dan hi a dik lo ve," a ti a.
41:1 Tin, heti hi a ni a, thla sarihnaah chuan Elisama fapa Nethania fapa Ismaela, lal chia mi, lal khawnbawlte zinga pakhat chu, mi sawm hruaiin Mizpah khuaha Ahikama fapa Gedalia hnênah an lo kal a; tin, Mizpah khuaah chuan chaw an eiho va.
41:2 Tin, Nethania fapa Ismaela chu a mi hruai sawmte nên chuan an tho va, Saphana fapa Ahikama fapa, Babulon lalin ram awptua a siam Gedalia chu khandaihin an that ta a.
41:3 Tin, a hnêna Juda mi awm zawng zawng, Mizpah khua Gedalia hnêna awmte leh Kaldai raltu mi zawm vete chu Ismaela chuan a that bawk a.
41:4 Tin, Gedalia a thah hnu ni hnihnaah chuan heti hi a lo n a, tumah an hriat hmain,
41:5 Sekem atang te, Silo atang te, Samaria atangtein i sawmriat, an khabe hmul meta, an silhfente thlêra, mahni inzaiin, chhâng hlante leh rimtuite kengin LALPA inah hlan tûrin an lo kal a.
41:6 Tin, Nethania fapa, Ismaela chu Mizpah khua atangin anmahni hmuak tûrin a chhuak a, kawng tluanin a tap zel a: tin, heti hi a ni a, anmahni a han hmuh chuan an hnênah, "Ahikama fapa Gedalia hnênah lo kal rawh u," a ti a.
41:7 Tin, heti hi a lo ni a, khawpui chhûng an han thlen chuan Nethania apa Ismaela leh a mi hruaite chuan anni chu an that a, khuarkhurumah an paih ta a.
41:8 An zinga mi sawm erawh chuan, "Min that suh, ramah chuan buh te, buhban te, hriak te, khawizute ka thukru tehuh si a," an ti a. Tichuan anmahni chu a zuah a, an unaute zingah chuan a that tel ta lo va.
41:9 Tin, khuarkhurum, Ismaelan Gedalia ruala a mi thahte ruang a paihna chu lal Assan Israel lal Baasa a hlauh avânga a siam a ni. Nethania fapa Ismaela chuan chu chu ruangtein a tikhat a.
41:10 Tin, Ismaela chuan Mizpah khuaa mi nung awm chhun, lal fanute, Ahikama fapa Gedalia hnêna vengtu hotu Nebuzaradanan a kawltir, Mizpah khuaa la mi nung awm chhun, lal fanute, Ahikama fapa Gedalia hnêna vengtu hotu Nebuzaradanan a kawltir, Mizpah khuaa la awm zawng zawng nen salah a hruai ta vek a; Nethania fapa Ismaela chuan chungte chu sala hruaiin Amon mite ram panin a chhuak a.
41:11 Amaherawhchu Karea fapa Johanana leh a hnêna awm sipai pâwl hotu zawng zawng chuan Nethania fapa Ismaela thil thalo thalo tih zawng zawng chu an lo hriatin,
41:12 mi zawng awng an hruai chhuak a, Nerthania fapa Ismaela bei tûrin an kal a, tui tam tak awmna hmun Gibeon-ah chuan an va hmu.
41:13 Tin, heti hi a, Ismaela hnêna mi zawng zawng chuan Karea fapa Johanana leh a hnêna sipai pâwl hotu zawng zawng chu an han hmuhin an lo lawm ta êm êm mai a.
41:14 Tichuan Ismaelan Mizpah khua atanga sala a hruai zawng zawng chu an hawi a, an kal ta dua a,
41:15 Jethania fapa Ismaela erawh chu mi pariat nên Johanan lakah an tlan chuak hram a, Amon mite hnênah an kal ta a.
41:16 Tin, karea fapa Johanana leh a hnêna sipai pâwl hotu zawng zawng chuan, Nethania fapa Ismaela laka Johanan a chan chhuah tawh mi la awm chhun zawng zawng, indo mite, hmeichhia te, naupang te, mi tilreh te, Gibeon atanga a hruai lehte chu an hruai ta vek a.
41:17 Tin, an chhuak a, Kaldaiho avânga Agupta ramah tlan luh tumin Bethlehem khaw bula Geruth Chimham-ah chuan an chawl a.
41:18 Nethania fapa Ismaela chuan, Ahikama fapa Gedalia, Babulon lalin chu ram awptua a sia chu a thah avângin anni chu an hlau ta êm êm si a.
42:1 Tin, sipai pâwl hotute leh Karea fapa Johanana leh Hosaia fapa Jezania leh mipui zawng zawng, a te ber atanga a lian ber thlengin an lo hnai a,
42:2 zâwlnei Jeremia hnênah; "I hmaah kan dilna pawm ni sela, hemi la awm chhun zawng zawng tan ngei hian i Pathian hnênah min tawngtaisak tûrin kan ngen a che; in hmuh ang ngei hian mi tam takte; zing ata tlem te chauh hnutchhiahin kan awm ta si a,
42:3 LALPA i Pathianin kan kalna tûr kawng leh kan tih tûr thil min kawhhmuh theihna tûrin," an ti a.
42:4 Tin, zâwlnei Jeremia chuan an hnênah, "In thu chu ka hria e, ngai rawh u, in thu ang zelin LALPA in Pathian hnênah chuan ka dil ang e: tin, heti hi a niang a, LALPAN a chhanna che u apiang ka hrilh zel ang che u: in lakah engmah ka zep lo vang," a ti a.
42:5 Tin, anni chuan Jeremia hnênah, "LALPA i Pathianin kan hnêna a tirhna che thu zawng zawng ang zela kan tih loh chuan kan lakah LALPA chu thu hretu dik leh rinawm ni rawh se.
42:6 A chhia emaw a tha emaw kan tirhna che LALPA kan Pathian tawngka chhuak chu kan awih ngei ngei ang; LALPA kan Pathian tawngka chhuak kan awih chuan kan tan that theihna tûr a ni," an ti a.
42:7 Tin, heti hi a lo ni a, ni sawm hnuah LALPA thu chu Jeremia hnênah a lo thleng a.
42:8 Tichuan Karea fapa Johanana leh a hnêna sipai pâwl hotu awm zawng zawng leh sipai zawng zawng, te ber atanga lian ber thlengin a ko va,
42:9 an hnênah, "LALPA in Pathian, a hmaa in dilna thlen tûra in mi tirhna khan heti hian a ti e;
42:10 He ramah hian in awm reng chuan ka tungding ang che u a, ka thiat lo vang che u, ka phun ang che u a, ka pawt phawi lo vang che u, in chunga thil tha lo ka thlente chu ka sim tawh si a.
42:11 Babulon lal in hlauh thina chu hlau tawh suh u, amah chu hlau suh u," tih hi LALPA thu chhuak a ni; a kut ata chhandam tûr leh chhan chhuak tûr che uin in hnênah ka awm si a.
42:12 Tin, in chungah zah a ngaih theih nân zahngaihna ka phal ang che u a, in ram ngeiah ka kirtir ang che u.
42:13 Amaherawhchu, 'He ramah hian kan awm lo vang,' tia LALPA in Pathian aw chu in awih lo va,
42:14 Hnai lo, Aigupta ramah kan kal zawk ang a, tah chuan indona rêng rêng kan tawk lo vang a, tawtawrâwt ri pawh kan hre lo vang a, chaw tlakchham a awm hek lo vang, tah chuan kan cheng zawk ang,' in tih chuan,
42:15 Aw Juda awm chhunte u, LALPA thu chu hre rawh u khai; Sipaihote LALPA, Israel Pathian chuan heti hian a ti: Aigupta rama lût tûr leh chuta cheng tûrin in hawi lui a nih chuan,
42:16 heti hi a lo ni ang a, khandaih, in hlauh ngeia khan Aigupta ramah chuan a nang ang che u a, tam, in hlauh thina pawh khan Aigupta ramah chuan a umzui zel ang che u, tah chuan in thi ang.
42:17 Aigupta rama cheng tûra hawi luite zawng zawng chu chutiang chuan an awm ang a, khandaih te, tam te, hri tein an thi ang, thil tha lo an chunga ka thlen tûr lakah chuan tumah an chhuakin an him lo vang.
42:18 Sipaihote LALPA, Israel Pathian chuan heti hian a ti a ni: Jerusalema chengte chunga ka thinurna ka leih ang bawkin Aigupta ram in luh hunah chuan in chungah ka thinrimna ka leih bawk ang: ânchhe dawng leh mak tih huai huai, mi kamchhe tleuhna, sawichhiat in ni ang a, he hmun hi in hmu leh tawh rêng rêng lo vang.
42:19 Aw Juda awm chhunte u, LALPA chuan in chungchang a sawi tawh hi, Aigupta ramah chuan lût suh u, vawiinah hian ka hriat chiantir che u tih hre mawlh rawh u.
42:20 In nunna chan phah tûrin in inbum a ni mai; LALPA in Pathian hnênah chuan, "LALPA kan Pathian hnênah chuan min tawngtaisak la, LALPA kan Pathianin a tih apiang chu min hrilh la, kan ti zel ang e," tiin mi tir kha a ni a.
42:21 vawiin niah hian in hnênah ka puang ta a nih hi; mahse in hnêna a mi tirhna engah mah LALPA in Pathian awka chu in awih si lo va,
42:22 Chuvangin tunah zawng hre rawh u, chen in chakna hmun ngeiah chuan khandaih te, tam te, hri tein in thi ngei dawn a ni, tiin," a ti a.
43:1 Tin, heti hi a ni a, Jeremian mipuite zawng zawng hnêna LALPA an Pathian thu zawng zawng, LALPA Pathianin sawi tûra an hnêna a tirhna thu, heng thu zawng zawngte ngei hi a sawi tawpah chuan,
43:2 Hosaia fapa Azaria leh Karea fapa Johanana leh mi intivei zawng zawng chuan Jeremia chu an bia a, a hnênah, "Dawt i sawi a ni: LALPA kan Pathianin, 'Aigupta rama cheng tûrin in kal tûr a ni lo,' tia sawi tûrin a tir hlei nem che:
43:3 Kaldaite kutah mantira kan awm a min thah theihna tûr leh Babulon sala min hruai theihna tûrin Neria fapa Baruka chuan min bei tûrin a tir che a nih zawk hi," a ti a.
43:4 Chutichuan Karea fapa Johanana leh sipai pâwl hotu zawng leh mipui zawng zawng chuan Judai rama chêng tûrin LALPA tawngka chu an awih ta lo va.
43:5 Tichuan Karea fapa Johanana leh sipai pâwl hotu zawng zawng chuan Juda awm chhun zawng zawng, Judai rama cheng tûra hnawhc darha an awmna hnamte zinga ata lo kir,
43:6 hmeichhia te, mipa te, naupang te, lal fanute leh mi tin, vengtu hotu Nebuzaradanan Saphana fapa, Ahikama fapa Gedalia leh a hnêna an hnutchhiahte chu zâwlnei Jeremia leh Neria fapa Baruka te pawh, an hruai ta vek zawk a.
43:7 Tichuan Aigupta ram chu an thleng ta a, LALPA tawngka chu an awih si lo va; tin, Tahpanes khua ngei chu an thleng a.
43:8 Tin, Tahpanes-ah chuan Jeremia hnênah LALPA thu a lo thleng a,
43:9 "Lung lian pui pui la la, Tahpanesa Pharaoa in luhna bula leirawhchan siamnaa hlum chawh diaknaah chuan Judate mithmuh ngeiin phûm rawh.
43:10 Tin, an hnênah chuan, 'Sipahote LALPA, Israel Pathian chuan heti hian a ti: Ngai rawh u, ka rawngbâwltu Babulon lal Nebukadnezzara chu ka chah chhuak ang a, ani chuan a lalthutthleng a hung ang; ani chuan an chungah chuan a lal puan in a zâr ang.
43:11 Tin, a lo kal ang a, Aigupta ram chu a rawn ngahsai ang, thihna pual chu khandaihah.
43:12 Aigupta mite pathian inahte chuan mei a chhuah ang a, a kang ang a, salah a hruai ang; berâmpu, puan a inbel angin Aigupta ram chuy a inbel ang; chuta tangin ralmuangin a chhuak ang a,
43:13 Aigupta rama Beth-Semes lung ban sâng pui puite chu a tichim ang a, Aigupta pathian inte chu meiin a hal ang, a ti,' ti rawh," a ti a.
44:1 Aigupta rama Juda awm zawng zawng, Migdol khua te, Tahpanes khua te, Noph khua te leh Pathros rama chengte chungchanga Jeremia hnêna thu lo thleng chu:
44:2 Sipaihote LALPA, Israel Pathian chuan heti hian a ti: Jerusalem leh Juda khawpuite zawng zawng chunga thil tha lo ka rawn thlen zawng zawng chu in hmu tawh a; tin, ngai teh u, tunah hian a lo ram ta mai a ni a, tumah an cheng ta lo;
44:3 anni pawhin, nangni pawhin, in thlahtute pawhin pathian dangte an la hriat ngai hleih loh rawng bâwl tûr leh an hnêna rimtui halin, mi tithinur tûra, an suahsualna an tih tak avângin.
44:4 Chuti pawhin in hnênah chuan ka rawngbawltu zâwlneite zawng zawng zing tak taka thovin ka tir a, an hnênah, "Aw, he thil tenawm, ka huatzawng tak hi chu ti rawh suh u," tiin.
44:5 mahse an ngaithla chuang lo va, an suahsualna hawisana pathian dangte hnênah rimtui hal loh tûr thu chu an bengkhawn hek lo.
44:6 Chuvangin ka thinurna leh ka thinrimna chu Juda khawpuiahte leh Jerusalem kawtthlêrahte ka leihin a alh ta a, vawiin nia a awm ang hian a ram a, a tiau ta a nih hi.
44:7 chuvangin tunah zawng LALPA Sipaihote Pathian, Israel Pathian chuan, In zing ata ahmei apa, nausente leh hnute hne laite Juda zing ata tumah zuah lova rawt bo vek tûrin engati nge he thil tha lo tak hi in nuna chung ngeia in tih ni?
44:8 In va chenna Aigupta ram pathiante hnênah rimtui halin khawvel hnam zawng zinga ânchhe dawng leh sawichhiat in nih theihna tûr leh rawt bo in nih theihna tûrin in kut kawih ngeiin mi tithinur a ni.
44:9 In thlahtute suahsualna te, Juda lalho suahsualna te, an mipuite suahsualna te, nangmahni ngei suahsualnate leh in nupuite suahsualna, Judai ram leh Jerusalem kawtthlêra an tih takte chu in theihnghilh ta êm ni?
44:10 vawiin ni thleng pawh hian an la inchhir chuang lo va, in thlahtute leh nangmahni hmaa ka tarlan ka dan leh ka dan siamte chu in zawh lo va, in tih hek lo.
44:11 Chuvangin Sipaihote LALPA, Israel Pathian chuan heti hian a ti: Ngai rawh u,in chhiatna tûrin Juda zawng zawng rawt bo vek tûrin ka hmachhawn ang che u.
44:12 Tin, Juda awm chhun, Aigupta rama chen tuma hawi luite chu ka man ang a, an chimit vek ang; Aiguta ramah chuan an tlu ang a, khandaih leh tamtea tihboralin an awm ang; te ber atanga lian ber thlengin khandaih leh tamin an thi ang, ânchhe dawng leh mak tih huai huai leh mi kamchhe tleuhna leh sawichhiat an ni ang.
44:13 Jerusalem ka hrem ang bawkin Aigupta rama chengte chu khandaih te, tamte leh hripui tein ka hrem dawn si a.
44:14 Chutichuan Aigupta rama cheng tûra kal Juda awm chhunte chu Judai ram, an awm nana kir leh an chak êm emna ramah chuan kir tûrin pakhat mah nungdamin an chhuak lo vang, a ruka tlan chhuakte chauh lo chu tumah an kir lo vang.
44:15 Tichuan mi zawng zawng, an nupuiten pathian dangte hnêna rimtui an hal tih hriate leh hmeichhia chuta dingte mipui tam tak, Aigupta rama cheng mipui zawng zawng chuan, Pathros-ah chuan Jeremia chu an chhâng a, heti hain an ti a:
44:16 LALPA hminga kan hnêna i thu sawite kha zawng kan ngaihthlâksak lo vang che.
44:17 Keini leh min thlahtute, kan lalte leh kan hotuten Juda khawpuiahte leh Jerusalem kawtthlêrahte an lo tih tawh thin ang khan van lalnu hnêna rimtui halte leh a hnêna in tûr thilhlan bun chhuah te, kan tawngka chhuak apiang ang zel khan kan ti ngei ngei ang; chutih lai chuan ka hmuingil a, ei leh bar tûr a tam a, chhiatna reng kan hmu hlei nem.
44:18 Van lalnu hnêna thil hal leh a hnêna in tûr thilhlan bun chhuahte kan ban chinah hian engkim kan tlachham ta zawk a, khandaih leh tam tea tihboralin kan awm ta a ni.
44:19 Tin, hmeichhiate chuan, "Van lalnu hnêna rimtui kan hal lai leh a hnênea in tûr thilhlan kan bun chhuah laite khan kan pasalte remtih lohvin êm ni a biak nân chhâng kan siam a, a hnênah in tûr thilhlante kan bun chhuah kha?" an ti a.
44:20 Tichuan Jeremia chuan mipui zawng zawng, ahmei apain amah chhangtu zawng zawng hnên ngeiah chuan,
44:21 "Juda khawpuiahte leh Jerusalem kawtthlêrah te, nangni leh in thlahtute, in lalte leh in hotute, leh rama mipuite rêng rêngin rimtui an hal te chu LALPAN a hre rengin a rilruah a khung lo vem ni?
44:22 In thil sual tih avâng leh in thil tenawm tihte avângin LALPAN a tuar peih ta lo a nih kha; chumi avâng chuan, in ram chu tuna a aw ang hian ram tiau, mak tih huai huai, anchhe dawng, chengtu awm lo, a lo nih tak hi.
44:23 Rimtui in hal a, LALPA chungah in sual a, LALPA tawngka chhuakte chu in awih lo va, a dan emaw a dan siamte emaw a thu hriattirte emaw in zawm hek loh avângin he thil tha lo hi tuna a awm ang hian in chungah a lo thleng a nih hi," a ti.
44:24 Chu lo pawh Jeremia chuan mipui zawng leh hmeichhia zawng zawng hnênah, "Aigupta rama Juda zawng zawngte u, LALPA thu hi hre rawh u; Sipaihote LALPA, Israel Pathian chuan heti hian a ti:
44:25 nangni leh in nupuite chuan, 'Van lalnu hnênah rimtui hal leh in tûr thil hlan bun chhuahte chu ka lo tiam tawh ang zelin ka ti ngei ang,' tiin in kain in sawi tawh a, in kutin in puitlkin tawh bawk a. (In thutiamte chu tinghet ula, in thu tumte chu hlen law law rawh u.
44:26 Chuvangin nangni Juda, Aigupta rama cheng zawng zawngte u, LALPA thu hi ngaithla rawh u: Ngai rawh u: Ngai rawh u, LALPA Pathian a nuna a nun chhûng chu tiin Aigupta ram pum puia cheng, Juda mi tu kaah mah ka hming a ri tawh ngai lo vang tiin ka hming ropui chhalin chhia ka chham ani tih hi lalpa thu chhuak a ni.
44:27 Ngai rawh u, an thatna tûr ni lovin an chhiatna tûrin anmahni ka chang reng a ni: tichuan Juda mi, Aigupta rama awm zawng zawng chu khandaih te, tamtea tihralin an awm ang, an boral vek hma loh chuan.
44:28 Tin, khandaih tihral bang tlem te chu Aigupta ram ata chhuakin Judai ramah an lût ang; tin, Juda mi awm chhun zawng zawng, Aigupta rama cheng tûra kal tate chuan tu thu nge ding zawk dawn, ka thu nge an thu an hria ang.
44:29 Tin, hei in tan chhinchhiahna a ni ang: ka thu hi in chungah thil tha lo lam atân a ding ngei dawn tih in hriat theih nân he hmunah hian ka hrem dawn che u a ni tih hi LALPA thu chhuak a ni.
44:30 LALPA chuan heti hian a ti: Ngai rawh u, Pharaoa Hophra, Aigupta lal chu a hmêlma, a nuna zawngtute kutah ka mantir ang, Juda lal Zedekia, a hmêlma, a nunna zawngtu Babulon lal Nebukadnezzara kuta ka pêk ang bawk khan," a ti a.
45:1 Juda lal Jehoiakima, Josia fapa kum linaah Jeremia ka ata heng thute lehkhabua a ziak laia Neria fapa Baruka lehkhabua a ziak laia Neria fapa Baruka hnêna zâwlnei Jeremia thu sawi chu:
45:2 LALPA Israel Pathian chuan, Aw Baruk, i hnênah heti hian a ti: Nangin, Ka chung a va pik ta êm! LALPA chuan ka tuarnaah lungngaihna mi belhchhah ta si a: ka rum hi ka chauhpui a, hahdamna reng ka hmu zo lo, i ti a.
45:3 A hnênah chuan heti hian i sawi tûr a ni: LALPA chuan heti hian a ti: Ngai rawh, ka sak tawh chu ka thiat leh ang a, ka phun tawh chu ka pawt chhuak leh ang, ram pum pui mai chu:
45:4 tin, mahni tan thil ropui i zawng êm ni? Zawng lo mai rawh: tisa zawng zawng chungah thil tha lo ka rawn thlen dawn si a, tih hi LALPA thu chhuak a ni: mahse i nun zawng i kalna apiangah ka zuahsak hram ang che, tiin.
46:1 Hnamte chungchanga zâwlnei Jeremia hnêna LALPA thu lo thleng chu:
46:2 Aigupta thu: Euphrates lui kama Karkhemis khuaa awm, Juda lal Jehoiakima, Josia fapa kum linaa Nebukadnezzara a nghaisak Aigupta lal Pharaoa-Nekoa sipai rual chungchang thu:
46:3 Phaw bial te, phaw sawl te peih ula, ral tawn rawh u,
46:4 Sakawr thuam ula, sakawr chuang mite u, chuang rawh u, Dar lukhum khumin ding nghet ula, Fei tat hriamin thir kawr ha rawh u.
46:5 Eng tizia nge! An zam ta, tukkhum an chhawn, An ral tu mite chu an tlâwm a, bak lengin an tlânchhia, Hnung lam hawi lo lekin, Kil tinah ral a ti, Tih hi LALPA thu chhuak a ni.
46:6 Mi zuanzanmg an tlan bo thei lo, Ral tu mi an chhuak chuang hek lo, Saw hmâr Euphrates lui kamah sawn an pai a, an tlu zo ta.
46:7 Nile lui anga lo lian hi tunge ni? Luipui tui fawn vêl ang mai hi?
46:8 Aigupta chu Nile lui angin a lian a, Luipui tui fawn vêl ang maiin, Ka lian ang a, lei chung ka dap ang, Khawpuite leh a luahtute ka tichhia ang, a ti a.
46:9 Aw sakawrte u, tawn zel ula, Aw tawlailirte u, che vâk rawh u! Ral tu mite chuan hma tawn se, Ethiopia mi leh Put mi, phaw chawitute, Lub mi thal ngul hmang thiamte nên.
46:10 Chumi ni chu a ni, Lalpa, Sipaihote LALPA ni chu, Phuba lak ni, a hmêlmate chunga phuba a lak theihna chu: Khandaih chuan a ei zo vang a, a hne hlui ang, An thisen chu tlai takin a in ang; Sipaihote LALPA chuan hmâr ramah Euphrates lui kamah mi tam tak a talh tui mai a ni.
46:11 Aw, Aigupta fanu thianghlim, Gilead-ah chho la, thing hnai hnawih mi han la rawh, Damdawi tam tak i hmang thlawn ta, I tan damna reng a awm lo ve.
46:12 Hnamte chuan i mualphona chu an hria a, I tap chu lei pum a khat e, Ral tu mi leh ral tu mi an insu a, Leiah an tlu dun reng mai, tiin.
46:13 Nebukadnezzara, Babulon lal a lo kal a, Aigupta ram a rawn nghaisak tûrzia thu LALPAN zâwlnei Jeremia hnêna a sawi chu:
46:14 Aigupta ramah chuan hril ula, Migdol-ah puang rawh u; Noph-ah leh Tahpanes-ah chuan puang ula; Ding nghetin in ralring rawh u; I vêla mi khandaihin a ei zo tawh si a, tiin sawi rawh u.
46:15 Engatinge i mi chakte hnawlbo an nih? An ding zo lo, LALPAN a paih thlâk avângin.
46:16 Mi tamtakte chu a petektîr a, Ani an insu tlu rem rum a, "Hnehchhiahna khandaih tlansanin Hawh u i kîr ag u, kan pianna ramah Kan mite hnênah chuan," an ti a.
46:17 " 'Aigupta lal Pharaoa hi thâwm chang lian mai,' A hun tak chu a pumpelh a," tiin tah chuan an au va.
46:18 A nuna ka nun chhûng hi chuan, Tih hi Lalber, a hming Sipaihote LALPA thu chhuak a ni e, Tlângte zînga Tqabor tlâng angin Tuipui bula karmel tlâng angin a lo kal ngei ang.
46:19 Aw nang, fanu, Aigupta rama cheng, Saltang tûrin in siam mai rawh: Noph khua chu a tiau dawn si a, Chêng tûr awm lovin a kang ral ang.
46:20 Aigupta chu bawgla nalh tak a ni, Mahse hmâr ata ei chhetu tûr lo thawkin a lo kal e.
46:21 An zînga sipai rawih laite chu bawng tuai chawm thau ang mai an ni. Tukhum an chhawn a, an tlânchhia ding lovin, An chungah an chhiatna nî a thleng ta a ni, an hremna hun tûr chu.
46:22 Rûlpui tleng ang maiin thawm a nei a, A hmêlmate chu a rualin an lo kal a, Thing kittute angin hrei nên an rawn bei a.
46:23 A ram ngawpui fan chhuah zawh loh chu An rawn thiat ang, Khau puang aiin an tam zawk si a, Chhiarsen rual an ni lo.
46:24 Aigupta fanu chu a mualpho vang, Hmârlam a mi kutah mantîrin a awm ang.
46:25 Sipaihote LALPA, Israel Pathian chuan heti hian a ti: Ngai rawh u, No khuaa Amona leh Pharaoa; tin, Aigupta leh a pathiante, a lalte, Pharaoa ngei leh amah ringtute chu ka hrem ang.
46:26 An nunna zawngtute kutah leh Babulon lal Nebukadnezzara leh a rawngbawltute kutah chuan ka mantîr ang: chumi hunah chuan luahin a awm ang, hmasâng nîte ang bawkin, tih hi LALPA thu chhuak a ni.
46:27 Aw Jakob, ka rawngbawltu, hlau suh la, Aw Israel, zâm hek suh, Ngai rawh, hla tak ata ka chhan chhuak dawn si chia, I thlahte pawh an saltânna ram ata chu,Tin, Jakoba chu a lo kir ang a, Muang takin a awm hle hle ang a, Tuman an tihlau tawh lo vang.
46:28 Aw Jakob, ka rawngbawltu, hlau suh, Ka awmpui che hi, tih hi LALPA thu chuak a ni: Ka hnawh darhna che hnam zawng zawng chu ka titâwp ang a, Nang erawh chu ka titâwp hlen lo vang che: Dik takin ka hrem ang chia, Hrem loh chuan ka chhuah lo vang che.
47:1 Pharaoan Gaza a suasam hmâa Philistia mite chungchanga zâwlnei Jeremia hnêna LALPA thu lo thleng chu:
47:2 LALPA chuan heti hian a ti: Ngai rawh u, hmâr atangin tui a lo lian e, A kuang khatin a luang liam ang; Ram chu a chim ang a, a chhûnga awm zawng zawng nên, Khawpui leh a chhûnga chengte pawh chu; Mite an tap ang a, rama mi zawng zawng an chiau vawng vanwg ang.
47:3 A sakawr chak phei khâwng ri-ah, A indo tawlailîr ri dur durah, A tawlailîr nghawr thawmah te, Pate an zâm a, an fate hawi lo lêkin.
47:4 Philistia mi zawng zawng rawkna nî. tûra leh Sidon ata tanpuitu awm chhunte sah chhumna nî avângin, LALPA chuan tuipui kam Kaphtora la awm chhun, Philistia mite chu a tichhe dawn si a.
47:5 Gaza mite lu a kawng ta, Askelon chu a chimit ta a, A ram phaia la cheng chhunte chu; Eng chen nge i in zai dawn?
47:6 Aw LALPA khandaih, i awm hlê hlê hmâ eng chen nge? I paiah in khungin chawl la, awm hlê hlê rawh.
47:7 LALPAN tih tûr a pêk si che chuan, Eng tin, nge i awm hle hle theih ang? Askelon leh tuipui kam chunga che tûr in, A ruat miau si che chuan.
48:1 Moab chungchang thu: Sipaihote LALPA, Israel Pathian chuan heti hian a ti: Nebo chung a pik e! tihtiauvin a awm ta! Kiriathaim chu tihmualphovin a awm ta, lak sawn a ni a. Misgab chu tihmualpho leh tihchhiatin a awm ta.
48:2 Moab hmingthanna a bo ta. Hesbonah a chhiatna tûr relin "Hawh u, hnam a nihna ata i tibo vang u," an ti a. Aw Mademen khua, nang pawh tihreh der i ni ang a, Khandaihin a um dawn a che.
48:3 Horonaim atanga au thawm, Rawkral leh tihchhiatna nasa tak mai chu.
48:4 Moab a boral e, A fanaute tap thawm hriatin a leng e.
48:5 Luhith chhovah tapin an chho va, Horonaim chhukah boralna au thawm manganthlak an hria.
48:6 Tlan bo ula, in nun humhim rawh u, Thlalêr ram sabengtung angin awm rawh u.
48:7 I kutkawih leh i sum leh pai i rin vangin Nang pawh manin i awm dawn a ni; Khemos chu sala hruai a ni ang a, A puithiamte leh a hotute nên.
48:8 Khaw tinah tichhetu a lo thleng ang, Khaw pakhat mahin a pumpelh lo vang; Phai ram pawh chu a boral ang, Phaizawl pawh tihchhiat a ni ang, LALPAN a sawi tawh ang ngei khan.
48:9 A thlawh bo theih nân Moab chu thla pe ula, A khuate chu a ram ang a, chengtu awm lovin.
48:10 Thlahdah taka LALPA hna thawktu chu ânchhe dawngin awm sela, Thisen chhuah tûra a khandaih hmang duh lotu chu ânchhe dawngin awm rawh se.
48:11 A tleirawl ata Moab chu a nuamsa a, Nga ngul khawpui a tling reng a, Bel danga ruah tuah pawh a tawk lo va, Sala hruaiin a awm ngai hek lo, A tui ngaia tui rengin, a rim pawh a dang chuang lo ve.
48:12 Chuvang chuan ngai rawh u, "Ni chu a lo thleng e, a bun chhuaktu tûr chu ka rawn tir ang a, tin, annin an bun chhuak ang," tih hi LALPA thu chhuak a ni: a belte chu a tiruak ang a, a burte chu a tisawm ang a, Israel chhûngten an rinpui ber Bethel an zahpui8 angin Moab chuan Khemos a zahpui tawh ang.
48:14 Pasaltha leh ral tu mi husaisen kan ni e, Eng tiziaa ti in ni nge?
48:15 Moab chu tihramin a awm a, A khawpui chu mei khu-an a chang zo ta, A val rual tha zawng an tlu hlum zo,Tih hi Lalber, a hming Sipahaihote LALPA thu chhuak a ni e.
48:16 Moab chhiatna chu a lo thleng mek a,A tuarna tûr a tuah tep a ni.
48:17 Nangni a vêla mi zawngten amah sûnin A hming hria zawng anwg pawhin Tiang khauh leh tiang ropui a tliah tak le, ti rawh u.
48:18 Aw nang fanu, Dibona cheng, i ropuina chhuksan la, Tuihalin thu rawh: Moab rawktu chuan a bei chia, I kulhte chu a tichhe ta si a.
48:19 Aw Aroer-a chengnu, kawng bulah ding la,m en thlithlai rawh,Tlânchhepa leh relhrunu zawt la, Eng nge ni ta le?" tiin.
48:20 Moab tihmualpho a ni ta, a lo sawprawp ta si, Chiau vâk vakin tap rawh u, Moab tihram a ni ta, Tih Arnonah puang rawh u.
48:21 Ram zawl chungah rorêlna a lo thleng ta, Holon-ah te, Jahzah-ah te, Mephaath-ah te,
48:22 leh Dibon-ah te, Nebo-ah te, Beth-diblathaim-ah te,
48:23 leh Kiriathaim-ah te, Beth-gamul-ah te, Beth-Meon-ah te,
48:24 leh Kerioth-ah te, Bozrah-ah te, Moab rama khua zawng zawng, a hle leh a hnaiah te pawh.
48:25 Moab ki chu rawt chhum a ni a, a ban chu tihtliah a ni ta, tih hi LALPA thu chhuak a ni.
48:26 Amah chu tirui rawh u, LALPA chungah a intilian si a; tin, Moab chu ama luakah a tal ang a, nuihzaburin a awm bawk ang.
48:27 Israel chu i tan nuihzabur a ni tawh lawm ni kha? Rukhmang zingahte a tel êm ni? Ama chungchang i sawi apiangin i lu i thing si a.
48:28 Moab-a chengte u, Khawpui tlansan ula, kham karah cheng rawh u, Thuro, puk panga bu khuar thin angin rawm r'u.
48:29 Moab chapona chu kan lo hre ta, a chapo nangei mai, A indahsanzia te, a chapozia te, a chaltlaizia te leh A thinlung induhzia te chu.
48:30 A thinurna chu engmah a ni lo tih ka hria; A unanthuannate chuan engmah a thawk kaw lo, Tih hi LALPA thu chhuak a ni.
48:31 Tichuan Moab chungah ka chiau vâk vâk ang a, A ni, Moab pum pui chu ka tahsak ang, Kirheres mite sun an ni ang.
48:32 Jazer tah aia nasain ka tah ang che, I nipui thei leh grêp rahte tichhetuin a bâwm e,
48:33 Hlimna leh lawmna a bo zo ve, Thei hmun leh Moab ram ata: uain sawr khura ka uain ka tikin ta a, Tuman hlima auvin an chil tawh lo vang, Au thawm chu hlim thawm a ni tawh lo vang,
48:34 Hesbon leh Elealeh-ah an au va, Jahaz thleng thlengin aw an chhuah a, Zaor atanga Horonaim thleng, Elath-selis thleng pawhin. Nimrim tuikhurte a thing thup ang.
48:35 Chulovah pawh Moab bawlhmun thil hlantu leh a pathiante tana rimtui haltu chu ka tibo vang, LALPA thu chhuak chuan a ti.
48:36 Tichuan phenglawng angin ka thinlung Moab tan a ri a, Kirheres mite tan thil tum rik angin ka thinlung a ri a; chuvangin hnianghnara thil a dawn tawhte kha a riral zo ta a.
48:37 Lu tinreng ziah kawn a ni a, khabe hmun tinreng meh a ni; kut zawngt zawng zai a ni a, kawngahte saiip puan a awm hlawm a.
48:38 Moab in chung zawng zawngah te, kawtthlêrah te, hmun tinah tahna a awm a; Moab chu bel tangkai tawh lo angin a ka tikeh zo ta a ni, tih hi LALPA thu chhuak a ni.
48:39 A va chhe tawh êm! An chiau nasatzia chu! Moab chu mualphovin a lehhawi tak chu! Tichuan Moab chu a vêla mite zawng zawng tan uihzabur leh rapthlâk a lo ni ta.
48:40 LALPA chuan heti hian a ti a ni: Ngai rawh, mu angin a thlawk dawn, Moab chungah a thla a zar ang.
48:41 Kerioth chu lak a ni a, a kulhte chu an thawng thut a, Chumi niah Moab pasalthate thinlung chu Hmeichhe nau vei thinlung ang mai a ni ang.
48:42 Moab a boral ang, hnam a tling tawh lo vang; LALPA a chungtlak zawk avângin.
48:43 Hlauhna, khuarkhurum leh thang te, Aw Moab luahtu, i chungah a thleng e, Tih hi LALPA thu chhuak a ni.
48:44 Hlauhna tlansantu chu khuarkhurum-ah a tla ang, Khuarkhuruma chhuak chu thangah a awk ang, A hremna kum ka rawn thlen dawn si, A chungah, Moab chung ngeiah chuan, Tih hi LALPA thu chhuak a ni.
48:45 Hesbon hlimah tlânchheho chau derin an ding ang, Hesbon atangin mei a chhuak a, Sihon zing atangin meialh, Moab bek sam a kang zo va, Sa mur murho chhip samte nên.
48:46 I chung a pik e, aw Moab! Khemos mite an ral ta; I fapate sala hruain, i fanute salah an tang ta.
48:47 Mahse ni hnuhnungahte chuan Moab awm dan chu ka lamlet ang, Tih hi LALPA thu chhuak a ni. Heti chen hi Moab chung thu a ni e.
49:1 Amon fate thu, LALPA chuan heti hian a ti: Israelan fate a nei lo vem ni? Rokhawmtu a nei na nge? Engati nge Gad chu Milkoman a luah tak a, A mite a khawpuiahte an chen tak?
49:2 Chuvangin, ngai rawh u, nite a lo thleng e, Tih hi LALPA thu chhuak a ni. Indo thawm ri ka hriattir ang, Amon fate, Rabbah khuaah, Thil ram awm khâwm mai a lo ni ang a, A fanute chu meiin a kang a, Tichuan Israel chuan amah neitu chu a nei thung ang, LALPAN a ti.
49:3 Aw Hesbon, chiau vâk vâk la, Ai chu an rawk zo tawh si; Rabbah fate u, tap rawh u, Tap ula, hungna chhûngahte tlan vêl rawh u. Milkoma chu sala hruaiin a awm dawn si, A puithiam leh a mi liante nên.
49:4 Engah nge i ruam thaate i chhuan, aw rinawmlonu! A neih tha thate ringa, 'Tunge mi bei ang,' ti thintu?
49:5 Ngai rawh, hlauhna i chungah ka rawn thlen dawn, I vêla mi zawng zawng la ata, Tih hi Lalpa, Sipai hote PATHIAN thu chhuak a ni. Mi tin, hnawh chhuah in ni vek ang, Tuman tlânchheho chu an khâwm lo vang.
49:6 Chumi hnuah erawh chuan Amon fate awm dan ka lamlettir ang, tih hi LALPA thu chhuak a ni.
49:7 Remhre remhriatna a bo zo ta êm ni? An finna a bo zo êm ni?
49:8 Aw Dedana chengte u, tlânchhia ula, lehhawi ula, Pil bo daih rawh u; Esauva chhiatna a chungah ka rawn thlen dawn e, Amah ka hrem hunah chuan.
49:9 Grêp lotute chu i hnênah an lo kalin, hmaih an nei dawn lawm ni? Zana rûkrute chuan an duh tawk ngah hma chu An rawk zel dawn lo vem ni?
49:10 Esauva chu ka tisaruak ta a, A khuh ruk thinte chu ka hawng ta, A biru thei tawh lo vang. A thlahte tihchhiat an ni a, A unaute, a thenawmte nên, A ral thum ta.
49:11 I nau, pa nei lohote chu ngaihsak suh,Keiin ka hum ang, I hmeithaiten mi ring rawh se.
49:12 LALPA chuan heti hian a ti: No in lo tûrte pawhin an in tlat chuan, nang hrem loh tawpin i chhuak dawn êm ni? Hrem lohvin i chhuak lo vang, i in mawlh ang.
49:13 LALPA chuan mahni inchhalin chhia ka chham ta si a, Bozra chu mak tih huai huai, sawi chhiat, tihram, ânchhe dawng a ni ang a, akhua zawng zawng pawh a ram hlen ang.
49:14 LALPA hnên ata thupuan ka lo hre ta, Hnamte hnênah tirhkoh tirh a ni. Inpun khâwm ula, amah bei ula, Indo puahchah rawh u.
49:15 Ngai rawh, hnamte zingah ka tite ta si chia, Mihringe hmuhsitin.
49:16 I intihrapthlâkna kha i thinlung chapo bumna che a ni, Aw nang kham lung kara, tlâng chhipa cheng thin, Mu angin, sâng takah i bu chhep mah la, Chumi atnag chuan ka la thla tho vang che,Tih hi LALPA thu chhuak a ni.
49:17 Tin, Edom chu mak tih huai huai a lo ni ang a, mi veivak apiangin mak an ti ang a, a chhiat nasat vang chuan an chek khum ang.
49:18 Sodom leh Gomora leh a vêla khawpuit4e tihchhiata a awm ang bawkin, tumah an cheng tawh lo vang a, mihring fa tumah chutah chuan an awm ngai tawh lo vang, LALPAN a ti.
49:19 Ngai rawh u, Jordan ram ngaw atanga sakeibaknei, ran thlahna hmunah a lo chho vang a; a lak atnaign anmahni ka tlan botir nghal ang a, a chunga thu nei tûrin ka duh apiang ka ruat ang. Keimah ang hi tunge awm ni? Tuin nge hunbi min thliahsak ang? Berâmpu tunge ka hmaa ding tûr chu?
49:20 Chuvang chuan Edom chunga LALPA thurawn leh Teman mite chunga a thil ruat, tih a tum takte chu ngaithla rawh u: ran rual notete ngei chu hnuh bovin an awm ang a; an chenna chu a titiau vang.
49:21 An tluk chhiatna thawmah chuan lei hi a khur a; an tap thawm chu Tuipui Senah pawh hriat a ni ang.
49:22 Ngai rawh u, mupui angin a lo thlawk chho vang a, Bozrah chungah chuan a thla a zar ang; chumi ni chuan Edom mi huaisente thinlung pawh chu hmeichhe nau vei thinlung ang mai a ni ang.
49:23 Damaska thu: Hamath chu a zak ta, Arpad nên, Thu tha lo an hre ta si a, an riral ta; Tuipui fawn awm hle hle thei lo angin an buai a. Damaksa a rawih zo ta, Taln chhiat a tum a, khurhin a nang ta. Lungngaihna leh nain a vuan ta, hmeichhe nau vei ang maiin.
49:25 Khawpui himgthang leh hlimawm chu a va thing ta êm!
49:26 Tichuan chumi niah chuan a tlangvâl rualte chu kawtlaiah an tlu ang a, A raltu mi zawng zawng an boral ang, Tih hi Sipaihote LALPA thu chhuak a ni.
49:27 Tin, Damaska kulh bangah mei ka chhuah ang a, Benhadada lal inte chu a kang zo vang.
49:28 Kedar leh Hazor ramte Babulon lal Nebukadnezzaran a suasam thu: LALPA chuan heti hian a ti: Tho ula, Kedar bei ula, khaw chhak fate chu sawisa rawh u.
49:29 An puan inte, an ran rualte an laksak ang, An puanzar te, an bungbêl zawng zawng te, An sanghawngseite chu an kal bopui ang, Kil tinah hlauhawm a awm, Tiin miten an au khum ang.
49:30 Tlan chhia ula, vâk bo daih rawhu u, Pil bo daih rawh u, aw Hazora chengte u, Tih hi LALPA thu chhuak a ni. Babulon lal Nebukadnezzara chuan A phair che u, i chungah tih tum a nei ta e.
49:31 Tho ula, thlamuang taka awm, Mahnia khawsa, kulh kawngkhâr pawh nei lo, Kalhna thir tlawn pawh nei lo hnam chu bei rawh u, Tih hi LALPA thu chhuak a ni.
49:32 An sanghawngseite chu ralin an la ang a, An sebâwng rual nawlpui chu an kawi ang Baksam ziar kawng hote chu kil tinah ka tidarh ang, An chhiatna tûr chu kil tin, atangin ka rawn thlen ang, Tih hi LALPA thu chhuak a ni.
49:33 Tin, Hazor chu sihal chen hmun a ni ang a, A ram kumkhua ang; Tah chuan tumah an cheng tawh lo vang a, Mihring fate rêng rêng an khawsa tawh lo vang.
49:34 uda lal Zedekia lal tantirha Elam chungchanga LALPA thu, zâwlnei Jeremia hnêna lo thleng chu:
49:35 Sipaihote LALPA chuan heti hian a ti: Ngai rawh u, Elam thal ngul, an chakna bul ber chu, Ka titliak ang;
49:36 Kawlkil li ata thli paliate ka rawn thlen ang, Elam chungah chuan; Ka tidarh ang, kawlkil tinah chuan, Elam hnawhchhuah mite thlen lohna hnam reng an awm lo vang.
49:37 An hmêlma, an nun zawngtute hmaah chuan, Elamho chu ka tizam lo vang, An chungah chhiatna ka rawn thlen ang, Ka thinur nasa tak mai chu, Tih hi LALPA thu chhuak a ni. Anmahni khandaih ka umtir ang, ka tihral vek hma loh chu
49:38 An lalte leh an hotute tiralin Elamah chuan ka lalthutthleng ka hung ang, Tih hi LALPA thu chhuak a ni.
49:39 Mahse ni hnuhnungahte chuan heti hi a ni ang, Elam awm dan ka lamlettir ang, Tih hi LALPA thu chhuak ani e.
50:1 Babulon chungchang, Kaldai mite ram chungchanga, zâwlnei Jeremia kaa LALPA thu sawi chu:
50:2 Hnam tin, zingah chuan hril ula, puang rawh u, Puanzar khai ula, puang ula, thup suh u, Babulon lak a ni ta, Bel chu a mualpho ta, Merodak chu a zam zo ta, a limte ch a mualpho va, A milim chu a chhe zo ta.
50:3 hmâr atangin ani chu hnam pakhatin a rawn bei a, chu chuan a ram chu a ti tiau ang a, tah chuan tumah an cheng tawh lo vang; an tlan chhia a, an bo zo ta, mi leh sate pawh.
50:4 Chung iahte leh chumi hunah chuan Israel fate chu an lo kal ang a, anmahni leh Juda fate nên; fap chungin an lo kal ang a, LALPA an Pathian chu an zawng ang; tih hi LALPA thu chhuak a ni.
50:5 Zion lam hawiin an penna tûr an zawt ang a, "Hawh u, chatuan thuthlung theihnghilh tawh loh tûrah chuan LALPA chu rawn vuan rawh u khai," an ti ang.
50:6 Ka mite chu berâm bo an ni a; an vengtue chuan an hruai bo va, tlângahte chuan an kal botir a, tlângahte, mualdungahte an kal a, an huang an theihnghilh zo ta.
50:7 A hmu apiangin an zi zel ta a, an hmêlmate chuan, Kan thiam loh a ni lo, LALPA dikna khurpui, an thlahtute nghahfak LALPA meuh chungah thil an tihsual avâng a ni, an ti a.
50:8 Babulon chhûng ata tlan chhuak ula, Kaldaite ram ata kal chhuak ula, kel rual zinga kelchalte angin awm rawh u.
50:9 Ngai reh u, Babulon rawn bei tûrin hmâr ram ata hnam rual ropui tak pung khâwm chu ka chawk tho vang a, amah do tûrin an insingsa ang: chuta tangin lak an ni ang: an thlate chu ral tuk thiam tak hlawhchham ngai lo ang an ni ang.
50:10 Tin, Kaldai chu rawk a ni ang a, a rawktute chu an tlai êm êm ang, tih hi LALPA thu chhuak a ni.
50:11 Lawm mah ula, hlim mah ula, Aw ka rochan rawktute u. Hnim no zinga bawngla tla ngelh ngelh ang leh Sakawrpa hram ngher ngher ang ni mah ula,
50:12 In nu chu a la zak êm êm ang a, A hringtu che u chu a la mualpho vang. Ngai rawh u, hnamte zinga hnuaihnung ber, Thlalêr ram, ram ro, rma ruak a ni ang.
50:13 LALPA thinurna avângin luahin a awm lo vang, A tiau vek zawk ang; Babulona kal apiang chu a rap ang a, A chiatna zawng zawng vang chuan an chek ang.
50:14 Thal ngul kengtu zawng zawngte u, Babulon hual velin intlar ula, Kap ula, thlate chu ren suh u, LALPA chungah an sual ta si a.
50:15 A velin hawhaw ula Amahin a inpe ta, A kulhte chu a tlu ta a, A bangte chu a chim ta, LALPA phuba lakna a ni si a; A chungah phuba la ula, A tih ang zelin a chungah ti rawh u.
50:16 Babulon ata chi thehtu rawt bo ula, Buh seng laia favah chawitu nên, Hnehchhiahna khandaih hlauvin Mahni mite lam an pan theuh vang a, Mahni ram theuhvah an tlan ang.
50:17 Israel chu berâm darhsah a ni a; sakeibakneiten an um bo va; Assuria lal chuan amah a ei zet a, a tawpah Babulon lal Nebukadnezzara chuan a ruhte a thial sawm ta a.
50:18 Chuvangin Sipaihote LALPA, Israel Pathian chuan heti hian a ti: Ngai rawh u, Assuria lal ka hrem ang bawkin Babulon lal leh a ram chu ka hrem ang.
50:19 Tin, Israel chu a tlatnaah ka hruai leh ang a, Karmel leh Basanah chuan a tla ang a, Ephraim tlângah leh Gilead-ah chuan amah chu a tlai ang.
50:20 Chung niahte leh chutih hunah chuan Israel khawlohnate chu an zawng ang a, hmuh tûr a awm lo vang; Juda thiltih sualte pawh hmuh tûr a awm hek lo vang; awm chhun atân ka zuahte chu ka ngaidam dawn si a, tih hi LALPA thu chhuak a ni.
50:21 Merathamim ram bei rawh u, A ram leh Pekod luahtute ngei chu: That ula, an kuangbang chenin rawt bo vek ula, Thu ka pêk che ang zelin ti ang che u, Tih hi LALPA thu chhuak a ni.
50:22 Khawvel pum pui tuboh chu a phelin A va keh sawm nasa êm! Hnamte zingah Babulon chu a va ram nasa ta êm!
50:24 Aw Babulon, i tan thang ka kam e, Hre lovin i awk ta a nih hi; Hmuh chhuah leh manin i awm ta, LALPA i bei avângin.
50:25 LALPA chuan a râlthuam bâwm a hawng ta, A thinurna hriamhreite chu a la chhuak ta, LALPA, Sipaihote LALPA chuan Kaldaite ramah tih tûr a nei.
50:26 Ramri tawpkhawk atangin rawn bei ula, A thil dah khawmna inte chu hawng vek ula, Theh khâwm ula, tichhe vek rawh u, A engmah reng zuah lovin.
50:27 A bâwngpa tuaite chu tihlum vek ula, Talhin awm vek rawh se. An chung ava pik êm! An ni a lo thleng ta si, Anmahni hremna ni ngei chu.
50:28 LALPA kan Pathian phuba lak, a biak in phuba lakna ngei chu Zioan hril tûra Babulon atanga tlan chhuak leh tlan bote thawm chu!
50:29 Babulon bei tûrin thal kah thiam, thlan ngul hmangtu zawng anwg chu ko khâwm rawh u; a velin buk khuar ula, tumah chhuak suh se. A thiltih ang zelin thungrul rawh u, a tih tak ang zawng anwg chu a chungah ti rawh a: LALPA, Israel Mi thianghlima chu a cho ngam si a.
50:30 Chuvangin a tlangvâlte chu a khawlaiahte an tlu ang a, ral tu mi zawng zawng chu chumi niah chuan an boral ang tih hi LALPA thu chhuak a ni.
50:31 Ngai rawh, nang mi chapo, ka do che a ni, LALPA Sipaihote LALPA chuan a ti. I ni a lo thleng ta, i hremna tûr ni chu.
50:32 Tin, mi chapo chu apetekin a tlu ang a, Tuman an kai tho lo vang, Tin, a khawpuiahte chuan mei ka chhuah ang a, A vêla awm zawng zawngte chu a kang fai vek ang.
50:33 Sipaihote LALPA chuan heti hian a ti: Israel fate leh Juda fate chu hnehchhiahin an awm za ta a; sala hruaitute zawng zawng chuan an vuan tlat a, an chhuah duh hauh lo.
50:34 An tlantu erawh chu a chak a ni; a hming chu Sipaihote LALPA a ni. Ani chu an lamah a tang ang a, Babulona chengte chu tibuaiin, khawvêlah muanna a thlen theih nân.
50:35 Kaldai mite chungah khandaih a leng e, Babulona chengte, a hotute leh a mi fingte chungah pawh, Tih hi LALPA thu chhuak a ni.
50:36 Mi dawhtheite chungah khandaih, Mi â an lo chang ang! A ral tu mi chungah khandaih, An zam lo vang.
50:37 An sakawrte leh tawlailirte chungah khandaih, A chunga mi inpawlhsawp zawng zawng chungah pawh, hmeichhia ang mai an lo ni ang: A ro thil chungah khandaih, Rawkin an awm mai ang.
50:38 A tuite kangin a ro zo va, Milimte ram a ni si a, Milimte chu an atchilh a.
50:39 Chuvangin thlalêr ram sakawlh te, chinghnia te nên chutah chuan an cheng ang a, vanghawngseite pawh chutah chuan an cheng ang; luahin a awm ngai tawh lo vang; chhuan zawng zawng thleng pawhin luahin a awm lo vang.
50:40 Pathian in Sodom leh Gomora leh a khaw thenawmte a tihchiat ang hrim kha; tah chuan tumah an cheng tawh lo vang a, mihring fa tumahin an tlawh tawh lo vang, LALPA thu chhuak chuan a ti.
50:41 Ngai rawh u, hmâr lam ram ata mite an lo kal e. Lei hmun tawp ata hna ropui tak leh lal tam tak an lo thawk e.
50:42 Thal ngul leh fei an keng a, Nunrawng tak, zahngaihna rêng rêng nei lo an ni. An thawm chu tuipui ri hum hum ang a ni a, Sakawr chungahte an chuang a, Mi tin, ral tu mi anga intuamin, Aw, Babulon fanu, an rawn bei dawn che.
50:43 An thawm hriain Babulon lal kut a sawi ta, Hmeichhe nau vei lai natna ang, Natna nasa takin a vuan ta.
50:44 Ngai rawh u, Jordan ram ngaw atanga saikeibaknei, ran thlahna hmuna a lo chho angin a lo chho vang a; a lak attangin anmahni ka tlan botir nghal ang a; a chunga thu nei tûrin ka duh apiang ka ruat ang. Keimah ang hi tunge awm ni? Tuin nge hubi mi thliahsak ang? berâmpu tunge ka hmaa ding tûr?
50:45 Chuvangin Babulon chungah LALPA thu rawn, Kaldai mite chunga a thil ruat chu ngaithla rawh u. Ran rual note ngei chu hnuh bovin an awm ang a, ran thlahna hmuna mite a rap ang.
50:46 Babulon lak thawmah lei a nghing a, a tap thawm chu hnamte zingah hriat a ni ang.
51:1 LALPA chuan heti hian a ti: Ngai teh, Babulon chungah leh Kaldai mite chungah, Tichhetu thlipui ka tir dawn e;
51:2 Sisep zaptute ka tir dawn, Babulon chungah, Amah zapin a ram an zap fai ang, Chhiatna niah chuan hualin an bei dawn si.
51:3 Thal ngul hmangtuin thalk ngul kuai lovin, Thir kawr hain din pawh ding suh se, A tlangvâl rual pakhat pawh zuah lovin, A sipai zawng zawng nuai bo rawh u.
51:4 Kaldai ramah thahin an tlu ang a, A khawlaiahte chuan chhun tlâng an ni ang.
51:5 Israel leh Juda chu an Pathian Sipaihote LALPA chuan A hnuchhawn si lo va, An ram chu Israel Mi Thianghlim chungah Sualin a khat na a.
51:6 Tlan bo ula, Babulon khaw chhûng ata, Mi tinin mahni nun chhanhim rawh se; A khawlohna boral phah suh u, LALPA phuba lak hun chu a ni si a. Ani chuan a thungrul ngei dawn a ni.
51:7 Babulon chu LALPA kuta rangkachak no, Lei pum tihruihna chu a ni a, Hnamten a uain chu an in a, Chuvangin hnamte lung a mawl zo ta.
51:8 Babulon chu a tlu thut a, a boral ta. Amah chu tah vâk vâk rawh u, Tihdam theih awm anih chuan Thinghnai damdawi hnawih mi laksak rawh u.
51:9 Babulon chu tihdam ka tum a, A dam chuang si lo, Amah kalsanin mahni ram theuhvah i kal ang u, A thiam lohnain van a tawng a, Van dum thlenga chawi kan a ni.
51:10 LALPA chuan ka dikna a puang ta; Hawh u, Zionah i puang ang u, LALPA kan Pathian thiltih chu.
51:11 Thalte chu hriam ula, phawte chelh rawh u, Media lalte rilru chu LALPAN a chawk tho ta, A thil tum chu Babulon tihchhiat thu a ni si. Chu chu LALPA phuba lakna a ni si a, A biak in phuba ngei chu.
51:12 Babulon kulh bulah indo puanzar tar rawh u, Venna tichakin, ralvengtu dah rawh u, Lambunnate siam ula, Babulon mite chungchang thua LALPAN a sawi kha, a relin a tizo ta si.
51:13 Aw, nang tui tam hmuna cheng mi, Sum leh pai ngah êm emtu, I tawpna chu a thleng ta, I nunna hrui a chat ta e.
51:14 Sipaihote LALPA chuan mahni inchhalin chhia a chham ta. Khau ang maiin mihringin ka tikhat ngei ngei ang che. Nasa takin an hawhaw khum ang che.
51:15 A thiltihtheihnain lei a siam a, A finnain khawvel a din a, A remhriatnain van a tiparh a.
51:16 A aw a chhuah chuan, Vana tui a ri hum hum a. Kawlkil ata chhum a chhohtir a, Ruyah sur nân kawl a phettir a, A robâwm ata thlir a tlehtir a.
51:17 Mi tin, an mawl, hriatna lovin, Rangkachak chhertute an milem chherin a tizak a, A milim chhun chu dawt mai a ni si, Anmahniah thaw pawh a awm lo.
51:18 Engmah lo mai an ni, bumna hna mai, Hrem an nih hunah.
51:19 Jakoba chanvo zawng hetiang a ni lo, Thil zawng zawng bul a ni si; Israel hi a roluah hnam a ni a, A hming chu Sipaihote LALPA a ni.
51:20 Nang chu ka raldo hreipui leh hriamhrei i ni thin a, Nangmah hmangin hnamte chu ka tisawm a, Nangmah hmangin lalna ramte chu ka tibo va.
51:21 Nangmah hmangin sakawr leh a chung chuang ka tisawm a, Nangmah hmangin tawlailir leh a chunga chuang ka tisawm a;
51:22 Nangmah hmangin hmeichhia leh pa ka tisawm a, Nangmah hmangin putar leh tleirawl ka tisawm a, nangmah hmangin nula leh tlangvâl ka tisawm a;
51:23 Nangmah hmangin berâmpu leh berâm rual ka tisawm a, Nangmah hmangin lo neitu leh bâwngpa tuak ka tisawm a, Nangmah hmangin ram awptute leh puitute ka tisawm thin a nih kha.
51:24 Nangma mithmuh ngeiah Zion chunga an thil thalo tih zawng zawng chu Babulon leh Kaldai mite chungah ka thungrul ang, tih hi LALPA thu chhuak a ni.
51:25 Ngai rawh, lei pum pui tichhetu, Aw, tichetu tlâng lian, ka do che a i, Tih hi LALPA thu chhuak a ni: I chungah ka kut ka lek ang a, Kham sâng ata ka lum thla ang che, Tlâng kang rem tawhah ka siam ang che.
51:26 I hnên ata kil lung tûr leh lungphûm tûr Lak chhuah a ni tawh lo vang; Kumkhuain i tiau zawk ang, Tih hi LALPA thu chhuak a ni:
51:27 Chumi ramah indo puanzar tar ula, Hnamte zingah tawtawrâwt ham rawh u, Amah do tûr hnamte buatsaih ula, Ararat te, Minni te, Askenaz ram te, Amah bei tûrin ko khâwm raw h u;Amah bei tûrin sipai ruat ula Khautuai ang maiin sakawrte pun khâwm rawh u.
51:28 Amah do tûr hnamte buatsaih r'u, Media lal te awptu te, leh a puitu te, A thuneihna ram zawng zawng nên.
51:29 Chu ram chu na tuarin a khur a, Babulon ram, chengtu awm lova ti tiau tûrin, Babulon chunga LALPA thil tum chu a ding reng a ni.
51:30 Babulon ral tu ite chu an ralbang ta, An kulhpuiah an tawm reng e, An pachanna a dai a, hmeichhia ang mai an lo ni ta, An chenna hmunte a kang zo va, A daidanna thir tlawn a tliak.
51:31 Zualko tlan chuan mi dang pawh a tawk a, Mi tirh chuan mi dang a tawk bawk a, Babulon lal hnênah a khawpui chu Kil tinan an man ta tih hrilh tûrin.
51:32 Lui kainate chu an man a, Phairuangte an hal fai a,Indo mite pawh an zam zo ta.
51:33 Sipaihote LALPA, Israel Pathian chuan heti hian a ti: Babulon fanu chu hruihzawl rah bel lai ang a ni a, Rei lo teah buh chil hun a chungah a lo thleng ang.
51:34 Mi ei zo ta, Babulon lal Nebukadnezzaran, Mi thial sawm a, bel ruak maiah mi siam ta, Rulpui angin mi dawlh ta, Ka sa tui tuiin a pum a tikhat a, Mi paih chhuak leh ta a.
51:35 Kei leh ka tisa chunga pawngnek thiltih hi, Babulon chungah awm rawh se, Ziona chengten an ti ang; Ka thisen chu Kaldai mite chungah awm rawh se,
51:36 Chuvangin LALPAN heti hian a ti: Ngai rawh, i lamah ka tang ang a, I phuba ka laksak ang che, A tuipui ka tikang ang a, A tuikhur pawh ka tirochar ang.
51:37 Tin, Babulon chu chhe vawm khâwm mai, Sihal chenna hmun, mak tih huai huai leh chek khum, Chengtu awm lo hmun a lo ni ang.
51:38 Sakeibaknei vanglai angin an huk dum dum ang a, Sakeibaknei no angin an hram tuar tuar ang.
51:39 An ruih lungpuam hunin ruai ka thehsak ang a, Ka tirui ang, nikhaw hre lo derin. Thang harh lo tawp tûra an mut hlen theih nân, Tih hi LALPA thu chhuak a ni:
51:40 Ka hruai thla ang, berâm no talh tûr angin, berâmpate, kelpate ang maiin.
51:41 Sesak chu lak a nih tak chu! Lei pum pui chawimawi thin chu manin a awm tak hi, Hnamte zinga Babulon a tiau tak chu! Babulon chu tuipuiin a chim ta, A fawn nasa tak chuan a khuh zo va,
51:43 A khawpuite chu a tiau zo va, Ram ro, thlalêr, mihring reng chen lohna Mihring fa tuma tlawh loh ram a lo chang ta.
51:44 Babulona Bel chu ka hrem ang, A lem tawh hnu chu ka ata a kâ phawrh chhuak ang, Hnamte chu a hnênah an inhawr khâwm tawh lo vang, A ni, Babulon kulhpui chu a chim ang.
51:45 Ka mite u, a chhûng ata lo chhuak ula, LALPA thinur hlauhawm tak ata, Mi tin, mahni inchhanhim rawh u.
51:46 In thinlung chau suh sela, Chu rama thuthang chu hlau hek suh u; Kum khatah thuthang a lo thleng ang a, Kum dangah thuthang a lo thleng leh dawn si a, lal leh lal inbeiin ramah pawngnekna a awm ang.
51:47 Chuvangin, ngai rawh u, nite a lo thleng e, Babulon milem chher chawpte chunga Ro ka rel a, a ram pum pui a zahna tûr ni chu; Tin, a chhûngah a mi thahte chu an tlu ang.
51:48 Chutichuan lei leh van leh a chhûnga awm zawng zawngten, hmâr ata runtute a hnênah an thleng ang. Tih hi LALPA thu chhuak a ni.
51:49 Babulon chuan Israel mi thahte a tluktir angin Babulon-ah chuan ram tina mi thahte an tlu ang.
51:50 Nangni khandaih pumpelhtute u, kal ula, ding mai mai suh u, Hla tak atangin LALPA hre reng ula, In rilruah Jerusalem lut rawh se.
51:51 Sawichhiatna thu kan hriat avângin kan zak a, kan hmuihmai a lo buai zo ta, LALPA ina hmun thianghlimahte chuan Awze mite an lo lut ta si a.
51:52 Chuvangin ngai rawh u, nite a lo thleng e, Tih hi LALPA thu chhuak a ni, An milem chher chawpte chunga Ro ka relna tûr leh A ram pum pui chunga mi hliamte rumna ni tûr chu.
51:53 Babulon chu van tawngin sâng mah se, A kulh sângte chu tinghet mah se, A chungah ka hnên ata tichhetu chu an lo thleng tho vang, Tih hi LALPA thu chhuak a ni.
51:54 Babulon atanga tap thawm leh Kaldai ram atanga chhiatna nasa tak thawm chu!
51:55 LALPAN Babulon chu a run a, An thawm nasa tak mai chu a tihrehsak a. An che vêl thawm chu tui tam tak ri hum hum ang a ni, An hawhaw dur dur a.
51:56 A chungah runtu a lo thleng, Babulon ngei chungah, A mi chakte manin an awm a, An thla ngulte a tliak sawm ta, LALPA chu thungrultu Pathian a ni si a, A thungrul ngei ngei ang.
51:57 Tin, a hotute leh a mi fingte, A awptute leh a puitute Leh mi chakte chu ka tirui ang; An mu hlen ang a, an thang harh l vang, Tih hi Lalber, a hming Sipaihote LALPA thu chhuak chu a ni.
51:58 Sipaihote LALPA chuan heti hian a ti: Babulon lal kulh bang chhah takte chu a chim vek ang a, A kawngka sâng takte chu a kang vek ang; A mite chuan athlawnin an thawk a, Hnamte chuan mei atân mai an intihah a lo ni.
51:59 Juda lal Zedekia lal kum linaa Babulona a kal laia a hnêna kal ve, Seraia Neria fapa, Maaseia fapa hnêna zâwlnei Jeremia thupêk chu. Seraia chu lal in chhûng hotu ber a ni a.
51:60 Tin, Jeremia chuan Babulon chunga chhiatna lo thleng tûr zawng zawng, Babulon chungchanga heng thu ziak zawng zawng hi lehkhabuah a ziak a.
51:61 Tin, Jeremia chuan Seraia hnênah, "Babulon i thlen hunah chuan heng thu zawng zawng hi chhiar ngei la,
51:62 Aw LALPA, he hnam chungchangah hian tumah, mi leh sa pawh, chen lohna tûra rawt bova, awmin, kumkhuaa tiau zawk tûrin thu i sawi tawh a,' ti ang che.
51:63 Tin, heti hi a lo ni ang a, he lehkhabu i chhiar zawhin lung nên tawnbelhbâwmin Euphrates luiah paih lut la,
51:64 "Babulon chu hetiang mai hian a pil ang a, a chunga chhiatna ka rawn thlen tûr avângin a tho leh tah lo vang; an chau êm êm ang,' tiin i sawi tûr a ni," a ti a. Heti zawng hi Jeremia thu chu a ni.
52:1 Zedekia chu a lal tantirhin kum sâwmhnih leh kum khat mi â ni a; Jerusalemah kum sâwm leh kum khat mi â ni a; Jerusalemah kum sâwm leh kum khat a lal a; a nu hming chu Hamutali a ni a, Libna khua Jeremia fanu a ni.
52:2 Tin, Jehoiakima tih ang zelin LALPA mithmuha thil sual chu a ti a.
52:3 LALPA a thinur êm êm avângin Jerusalem leh Judai ramah chuan a hma ata a paih chhuahna khawpuin thil a lo thleng ta a; tichuan Zedekia chu Babulon lal chungah a hel ta a.
52:4 Tin, ro a rel kum kuanaah chuan heti hi a lo ni a, thla sawmna, chumi thla ni sawm niah chuan babulon lal Nebukadnezzara leh a sipai rual zawng zawng chu Jerusalem do tûrin an lo kal a, buk an khuar hnan ta a; a velin kulhte an siam ta a.
52:5 Chutichuan lal Zedekia kum sâwm leh kum khatna thlengin khawpui chu hualin a awm ta a.
52:6 Thla lina, chumi thla ni kuanaah chuan khawpuia tam chu anasa ta hle mai a, ram mipuite tan ei tûr rêng rêng a awm ta l va.
52:7 Chutichuan khawpui kulh bang an tipawp a, indo mi zawng zawng chu an tlan bo va, lal huana bang pahnih inkara kawngkaa chhuakin, zanah khawpui ata an tlan chhuak a; (Kaldai mite chu khawpui velin an awm a ni a.) Araba kawngah chuan an kal ta a.
52:8 Mahse Kaldai sipaite chuan lal chu an um a, Jeriko phaiah Zedekia chu an um phak ta a, a sipai rual zawng zawng chu a hnên ata an darh vek a.
52:9 Tichuan Zedekia chu an an a, Babulon lal hnênah Hamath rama Riblah khuaah chuan an kalpui ta a; tin, anin a chung thu a rel a.
52:10 Tin, Babulon lal chuan Zedekia fapate chu amithmuh ngeiah a that a; Riblah-ah chuan Juda hotu zawng zawng pawh a that bawk a.
52:11 Tin, Zedekia mit a kher chhuahsak a, Babulon lal chuan kawl a buntir a, Babulon-ah a kalpui ta a; athih ni thlengin tan inah a dah a.
52:12 Tin, Babulon lal Nebukadnezzara kum sâwm leh kum kuana, thla ngana, chumi thla ni sawmnaah chuan lal vengtu pâwl hotu, Babulon lal hmaa ding thin, Nebuzaradana chuan Jerusalem a lo lut a.
52:13 Tin, LALPA in leh lal in a hal a, Jerusalema in zawng zawng nên, in ropui tinrengte chu meiin a hal a.
52:14 Tin, Kaldai sipai rual zawng zawng, lal vengtu pâwl hotu hnêna awmte chuan Jerusalem kulhte chu a velin an tichim ta vek a.
52:15 Tichuan vengtu pâwl hotu Nebuzaradana chuan mipui zinga rethei pâwl berte khawpuia hnutchhiah te, Babulon lal hnêna inpe tawhte leh mi themthiam la awm chhun zawn gzawng nên salah a hruai ta vek a.
52:16 Mahse vengtu pâwl hotu Nebuzaradana chuan rama mi rethei ber thenkhatte chu grêp huan enkawltu leh vengtu atân a hnutchhiah a.
52:17 Tin, LALPA ina dar bante leh LALPA ina dar tuizêm leh a nghahchhante chu, Kaldai mite chuan an tikeh sawm a, dar zawng zawng chu Babulonah an la ta a.
52:18 Belte pawh, vutlawh te, khawnvar tihmihna te, maihûn te, thirfian te, dar bungbêl zawng zawng an hman thinte chu an la vek a.
52:19 Note pawh, meivap dahna te, maihûn te, bel te, khawnvar dahna te, thirfiante leh berhbu te; rangkachaka siam kha chu rangkachakin, tangkarua a siam kha chu tangkaruain vengtu pâwl hotu chuan a la vek a ni.
52:20 Ban pahnih, dara siam bâwngpa sâwm leh pahnih, tuizêm nghahchhan, lal Solomona LALPA in atâna a siam chu, heng bungbêl zawng zawng dar hi teh rual a ni lo.
52:21 Tin, bante kha chu ban pakhat san lam chu, tawng sâwm leh tawng riat a ni a, tawng sawm leh tawng hnihin a vêl zo chauh a ni; a chhah lam chu zungza beng a ni a, a kawrawng a.
52:22 Tin, a chungah chuan dar lu bawk a awm a, a lu bawk san lam chu tawng nga a ni a, alu bawk vêl mai chuan dar hlira cheimawi leh pawmgranet a ni a; ban pahnih pawh chuan hetiang bawk hian pawmgranet a nei a.
52:23 Tin, a pangah chuan pawmgranet sawmkua leh paruk a awm a, a vêla a cheimawina pawmgranet zawng zawng chu zakhat a ni.
52:24 Tin, vengtu pâwl hotu hotu chuan puithiam lal Seraia leh puithiam pahnihna, Zephania leh kawngkhâr vengtu pathumte chu a man a;
52:25 tin, indo mite chunga hotua ruat leh mi pasarih, lal hmêl hmu thin, khawpuia awmte leh sipai hotu ziaktu, rama mite hming vawngtu leh ram mipui zinga mi sawmruk, khawpuia lo awmte chu khawpui ata a hruai chhuak a.
52:26 Tin, Nebuzaradana, vengtu pâwl hotu chuan anmahni a hruai a, Babulon lal hnênah chuan Riblah-ah a rawn thlen a.
52:27 Tin, Babulon lal chuan Hamath rama Riblah-ah chuan anmahni a nghaisa a, a tihlum ta hlawm a. Chutichuan Juda hnam chu an ram ata sala hruai bovin an awm ta a.
52:28 Heng hi Nebukadnezzara mipi sala a hruaite ch an ni: Kum sarihnaah chuan Juda sângthum leh sawmhnih leh pathum;
52:29 Nebukadnezzara kum sâwm eh kum riatnaah chuan Jerusalem atangin mi zariat leh sawmthum leh pahnih salah a hruai a;
52:30 Nebukadnezzara kum kum sâwmhnih leh kum thumnaah chuan Nebuzaradana, vengtu pâwl hotu chuan mi zasarih leh sawmli leh panga salah a hruai a: an zavai chuan sângli leh zaruk an ni.
52:31 Tin, Juda lal Jehoikina kum sawmthum leh kum sarihna, a thla sawm leh thla hnihna, chumi thla ni sawmhnih leh ni nga ni tak chuan heti hi a lo ni a, Babulon lal Evil-Merodaka chuan a rorel kum khatnaah chuan, Juda lal, Jehoiakina chu a lu a chawikansak a, tan in ata chu a hruai chhuak a;
52:32 a hnênah chuan tha takin a tawng a, Babulona a hnêna awm lalho thutthleng aia sângin lalthutthleng ch a hunsak a.
52:33 Tin, a tan in silhfente chu a thlâktir a, a dam chhûng ni zawng zawng chuan a hmaah a eiin a bar thin ta a.
52:34 Tin, a chawm nân chuan a dam chhûng ni zawng zawng, a thih ni thlengin, a ni tin, chanvo chu Babulon lalin a pe fo thin a. |
posted by zoblog @ 12:01 PM  |
|
|
|
