| Wednesday, September 12, 2007 |
1:1 Amozaa fapa Isaian Juda-ho lal Uzia te, Jothama te, Ahazaa te, Hezekia te lal laia, Juda-ho leh Jerusalem chungchang thua inlârna a hmuh chu.
1:2 Aw vânte u, ngaithla ula, aw leilung, beng chhi rawh, LALPA chuan thu a sawi e: "Fanaute ka châwmin ka tiseilian a, ka chungah an hel ta si a.
1:3 Bâwngpain a neitu a hria a, sabengtung pawhin a pu chaw pekna a hre bawk a: Israelho erawh chuan an hre si lo va, ka mite chuan an ngaihtuah lo ve," tiin.
1:4 A! hnam sual, khawlohnaa khat, thi th alo tih ching, hnam nikhua lo an ni. LALPA chu an kalsan a, Israel-ho Mi Thianghlim chu hmusit a, intihrangin an hnung tawlh ta.
1:5 Engati nge in hel zual deuh deuh va, vuaka in la awm cheu ni le? Lu chu a pumin a na a, thinlung pawh chu a pumin a chau ta.
1:6 Kephah hnuai atanga lu thleng zakin dam lai rêng rêng a awm lo; pem te, vuak duk chur te, pan hnai late hlir a ni: chung chu an hmet ping lo va, an tuam hek lo va, sahriak an hnawih hek lo.
1:7 In ram chu a tiau zo va; in khuate chu meiin a kang zo va: in ram chu ram dang miten in mithmuhah an ei zo va, ram dang mite tihchhiat angin a chhe zo ta.
1:8 Zion fanu chu grêp huana venbuk ang leh, fanghma huana thlam ang leh, khawpui hual vêl anga hnutchhiahin a awm ta.
1:9 Sipaihote LALPA chuan tihboral bang tlemte min lo zuahsak suh sela chuan, Sodom ang khan kan awm daih tawh ang a, Gomorra ang mai khan kan awm tawh ang.
1:10 Sodom rorêltute u, LALPA thu hi hre rawh u; Gomorra mite u, kan Pathian dan thu-ah hian beng chhi rawh u.
1:11 LALPA chuan, "In inthawina zozai hi ka tan eng nge a tangkaina awm? Berâmpa hâlrala hlante leh ran chawm thaute thau chu ka hne ta; bâwngpate leh bram note leh kalpate thisenah pawh ka lâwm lo ve.
1:12 Ka hmaa inlan tûra in lo kal hian, ka biak in hung chhûng kawtlai rah hi tuin nge phût che u ni?
1:13 Thilpêk mai maite chu rawn keng tawh suh u; englo rimtui chu ka tan thil tenawm tak a ni; thla thar te, chawlhni te, khawmpuia insawm khâwm te mai mai chu ka ngaithei tawp lo mai.
1:14 In thla tharte leh in hun bi nei kutte chu ka rilru chuan a hua a ni: ka tan thil hnawksak tak a ni; tuar ka ning tawh e.
1:15 Tichuan in kut in phar hunah pawh in lakah ka mit ka hup tawh ang a: a ni, vawi tam tak in tanwgtai hunah pawh ka ngaithla tawh lo vang: in kutte chu thisenin a khat si a.
1:16 Insil ula, intifai rawh u; ka mithmuh phak lovah in thiltihte hi a sualna chu dah bo rawh u; sual tih hi bang tawh ula:
1:17 thil tha tih zir tawh rawh u; rorêlna fel zawng ula, hnehchhiana tuarte chu tanpui ula, pa nei lote chu rorêlsak ula, hmeithaite chu sawipui rawh u," a tih ni.
1:18 LALPA chuan, "Hawh teh u, i ngaihtuah tlâng teh ang u! In sualte chu sen lâr angin awm tawh mah sela, vur angin a var ang; sen duk angin sen tawh mah sela, berâm hmul angin a awm ang.
1:19 Tihnuam tak leh thu awih taka in awm chuan, in rama thil thate hi in ei ang:
1:20 nimahsela in duh lova in hel chuan, khandaihin a ei zo vang che u: LALPA ka chuan chu chu a sawi tawh a ni," a ti a.
1:21 Engtizia nge khawpui rinawm tak chu nawhchizuarah a lo chan tak le aw! Rorêl felnaa khatnu a nih thin vei nen! Amahah chuan felna a wm thin a, tunah erawh chuan tualthattute an awm tak zâwk hi.
1:22 I tangka chu a ekchhiaah a lo chang ta a, i uain chu tui nen pawlh a lo ni ta.
1:23 I mi liante chu mi helhmang, rukrute thian an ni a; mi tinin tham an duh a, lawmman an um thin: pa nei lo te ro an relsak thin lo va, hmeithaite thute lah an hnênah a thleng ngai hek lo.
1:24 Chuvângin, Lalpa, Sipaihote LALPA, Israel-ho Mi Chaka chuan heti hian a sawi a: "A! mi dotute hi ka tifikiang mai ang a, ka hmêlmate chungah phuba ka la ang:
1:25 tin, i chungah ka kut ka thlak leh ang a, i ekchhia chu fai takin ka tibo vang a, i suan zawng zawng chu ka la bo vek ang:
1:26 tin, i chunga rorêltute chu a tira an awm ang khan ka awmtir leh ang a, i chhûnga remruattute chu a hmasa bera an awm ang khan ka awmtir leh bawk ang: chu mi hnuah chuan, 'Felna khawpui, khawpui rinawm tak,' an la ti ang che.
1:27 Zion chu rorêlna fela chhan chauh a ni tawh ang a, a chhûnga mi hawikir lehte pawh felnaa chhan chhuah an ni ang.
1:28 Nimahsela, bawhchhetute leh mi sualte tihchhiatna chu a awm rual ang a, LALPA kalsantute pawh tihboralin an awm ang.
1:29 In sasaw duh takte chu in zahpui tawhin, in huan thlante avâng chuan zak takin in awm dâwn a ni.
1:30 Sasua a hnah uai tawh leh huan tui hmu lo ang mai hi in ni dan si a.
1:31 Tin, mi chak tak chu ziza tawm ang a ni tawh ang a, a hnathawh chu meisi ang a ni ang; tichuan an kang dun ang a, tuman an timit lo vang," tiin.
2:1 Amozaa fapa Isaian Juda-ho leh Jerusalem chungchâng thu a hmuh chu.
2:2 Ni hnuhnungahte chuan heti hi a ni ang a, LALPA in amwna tlâng chu tlâng lian chungahte chuan tihnghehin a awm ang a, tlâng te te chungah chuan chawisanin a awm bawk ang; chutah chuan hnam tinrengte chu an kal nguah nguah ang.
2:3 Tin, chi tam takte chu an kal ang a, "Lo haw ula, LALPA tlângah, Jakoba Pathian inah chuan i chho vang u; tichuan ani'n a kawng chanchinte chu min zirtir ang a, a kalkawngahte chuan kan kal ang," an ti ang: Zion atang chuan dan thu chu a lo chhuak dâwn si a, lalpa thu chu Jerusalem atnagin a lo chhuak dawn a ni.
2:4 Tin, ani chuan hnam tin karah ro a rêl ang a, chi tam tak pawh a zilhhau vang: tin, a khandaihte chu leilehna hmawr zumahte an chher ang a, an feite chu theikung ahchhumna chem kawmahte an chher ang: hnam dangin hnam dang chungah khandaih an lek tawh lo vang a, indo dan pawh an zir tawh hek lo vang.
2:5 Aw Jakoba chhûngte u, lo haw ula, LALPA engah i leng ang u.
2:6 Khawchhak lam tih dan te, Philistia dawite an ching a, ram dang mite tihdante an zawm tak avângin i mi Jakoba chhûngte chu i kalsan ta a.
2:7 An ram chu tangka leh rangkachakin a khat a, an sumte chu chhiar sen rual a ni hek lo; an ram chu sakawrin a khat a, an tawlailirte chu chhiar sen rual a ni hek lo.
2:8 An ram chu milemin a khat a: anmahni kuta thawh chhuah, anmahni zungtangtea siam chu, an be thin.
2:9 Mi tete chu tihhniamin an awm a, mi liante chu tihlawmin an awm bawk a: chuvângin anni chu ngaidam suh ang che.
2:10 LALPA hlauhawmna lak atang leh a mawina ropuina lak atang chuan lungpuiah chuan lût ula, vaivutah biru rawh u.
2:11 Mihring induhnate chu tihlawmin a awm ang a, mite chapona chu tihhniamin a awm ang, chu mi niah chuan LALPA chauh chu chawisanin a awm ang.
2:12 Sipaihote LALPA ni chu inngaisâng leh chapo zawng zawng chungah leh chawisana awm zawng zawng chungah chuan a la awm dâwn si a; tichuan tihtlâwmin an awm ang:
2:13 Lebanon tlânga sidar thing sâng tak leh chawisana awmte zawng zawng chungah te,
2:14 tlâng lian sâng tak chungah te, tlâng te chawisana awm zawng zawng chungah te,
2:15 in sâng, sâng tak zawng zawng chungah te, kulh tlangpui bang nei zawng zawng chungah te,
2:16 Tarsish lawng lian zawng zawng chungah te, thil lem duhawm zawng zawng chungah te pawh a la awm ang.
2:17 Mihring induhnate chu tihhniamin a awm ang a, mite chapona chu tihlawmin a awm ang: chu mi niah chuan LALPA chauh chu chawisanin a awm ang.
2:18 Tin, milemte chu an boral daih ang.
2:19 Tin, lei hi nasa tak taka tinghing tûra a thawh hunah, LALPA hlauhawmna lak atang leh mawina ropuina lak atang chuan mite chu lungpui pukahte leh lei kuaahte chuan an lût ang.
2:20 Chu mi niah chuan miten an tangkaraw milemte leh an rangkachak milem te, biak tûra an siamsakte chu, buikelek hnênahte leh bak hnênahte chuan an paih ang a;
2:21 lei hi nasa tak taka tinghing tûra a thawh hunah, LALPA hlauhawmna lak atang leh a mawina ropuina lak atang chuan, lungpui pukahte leh kham lungpui khu-ahte chuan an lût ang.
2:22 An hnar chauhva thaw awm mihring rin hi bansan tawh rawh uL eng kawngah nge rin tlâk an nih tehlul ni?
3:1 Ngai teh u, Lalpa, sipaihote LALPA chuan, Jerusalem hnên ata leh Juda-ho hnên ata chu an rinpui leh an rin ber, an rinpui chaw zawng zawng leh an rin ber tui zawng zawng chu, an laksak mek anih hi;
3:2 mi chak leh indo thiamte nen; rorêltu leh, zâwlnei leh, aienthiam leh, upate nen;
3:3 sawmnga hotu leh, mi zahawm leh, remruattu leh, themthiam leh, aikaihthiamte nen.
3:4 Tichuan, an mi laintea awm tûrin naupangte ka pe ang a, nausenten an chungah ro an rêl ang.
3:5 Tichuan, mite chu hnehchhiahin an awm ang, tin, mahni thenawmte nen inhnehchhiahin an awm ang: naupang chu upa chungah chapo takin an awm ang a, mi chhe te pawh mi zahawm chungah chapo takin an awm bawk ang.
3:6 Miin a unau a pa inah chelhin, "Nang chuan silhfên i nei a, kan rorêltuah awm la, he chhiatna hi i kutah awm rawh se," a tih hunah;
3:7 chu mi hunah chuan ani chuan a aw a chhuah ang a, "Kei zawng siathatuah ka awm dâwn lo ve; ka inah ei tûr a awm si lo va, silhfên a awm hek lo: mite rorêltuah min siak lo vang," tiin.
3:8 A ropuina an hmusit avângin an tawng leh thiltihte chu LALPA do zawng a ni a, Jerusalem chu a chhe zo va, Juda-ho chu an tlu zo ta a ni.
3:9 An hmêl lan danin anmahni a hek chawp a; an sualna chu Sodom ang maiin an lantir a, an zep lo. An nunna chung chu a pik e! thil tha lovin an inthungrul chawp si a.
3:10 Mi fel thu-ah chuan, "An la tha dâwn," ti rawh u: an thiltih rahte chu an ei dâwn si a.
3:11 Mi sual chung chu a pik e! An la chhe dâwn a ni: an kuta thiltih thungrulhna chu an hnênah pêk a la ni dâwn si a.
3:12 Ka mite zawng anmahni hnehchhiahtute hi naupangte an ni ta a, hmeichhiaten an chungah ro an rêl ta. Aw ka mite u, in hruaitute chuan an hruai sual che u a, in kalna kawngte chu an tichhe thin.
3:13 LALPA chu sawipui tûrin a lo ding chhuak a, mite ro rêl tûrin a lo ding ta a.
3:14 LALPA chuan a mite upaho chungah leh an mi lianho chungah ro a rêl ang: Lalpa, Sipaihote LALPA chuan, "Nangmahniho hi in ni, grêp huan ei zotute chu; mi retheite laka sum lak chu in inahte a ni a awm ni:
3:15 engtizia nge ka mite chu in nem sawr a, retheite hmai chu in rawt samw ni?" a ti a.
3:16 Chu lo pawh chu LALPA chuan, "Zion fanute chu chapo aka an awm a, dak awr awr leh mi melh hraw hrawa an kal a, an kal chu ti awh awhin an kal a, an kete an pên rik chhawng chhawng avângin,
3:17 LALPA chuan Zion fanute chhipah chuan pan khir a awmtir ang a, Lalpa chuan an zahmawhte pawh a tilang ang," a ti a.
3:18 Chumi niah chuan Lalpan an incheimawinate chu a laksak ang, kebun te, len lukhum te, nghâwngkawl te chu;
3:19 bengbeh uai diah diah te, banbun te, inkhuhna puante chu;
3:20 lu cherna te, ke bun khaidiat te, kawnghren te, rimtui bâwm te, invenna te chu;
3:21 hming nemna zungbun te, hnar vuahte chu;
3:22 kut ni thuamhnaw te, kawrfual te, puan sin te, ipte te chu;
3:23 darthlalang te, puan zai sin te, diar te, intuam mawina puante chu.
3:24 Tin, heti hi a ni ang a, mawisawla rimtui tak aiah thil tawih a awm ang; tin, kawnghren aiah hruizen a awm ang; tin, sam hniar siau aiah lu kawlhna a awm ang ; tin, puan mawi tak aiah saiip puan ven a awm ang: hmêl that aiah thir linga deh chhiatna a awm ang.
3:25 I mite chu khandaiha tihtlukin an awm ang a, i mi chak takte chu indonaah an tlu ang.
3:26 A kulh kawngkhârte chu an awm inchumin an tap ang a; ani chu a ruak ang a, leiah a thu ang.
4:1 Tin, chu mi niah chuan hmeichhe pasarihin mipa pakhat an chelh ang a, "Keimahni chaw kan ei ang a, keimahni silhfente kan inbel ang e: i hming chauh min puttir rawh; ka hming chhia hi min chhilhsak rawh," tiin, an sawi ang.
4:2 Chu mi niah chuan LALPA peng chu mawi tak leh ropui takin a awm ang a, Israel-ho la damte tan chuan leia rahte chu tha tak leh mawi takin a awm ang.
4:3 ,4 Tin, heti hi a ni ang a, LALPAN, rorêlna thlarau leh kanna thlarauva, Zion fanute bawlhlawhna chu a silfai hnu leh, Jerusalem thisen chu a chhûng ata a tlenfai hnu chuan, Zion-a la awm leh Jerusalem-a la awmte chu thianghlim an ti ang, Jerusalem-a la damte zinga hming ziak zawng zawng te chu.
4:4 ,3 Tin, heti hi a ni ang a, LALPAN, rorêlna thlarau leh kanna thlarauva, Zion fanute bawlhlawhna chu a silfai hnu leh, Jerusalem thisen chu a chhûng ata a tlenfai hnu chuan, Zion-a la awm leh Jerusalem-a la awmte chu thianghlim an ti ang, Jerusalem-a la damte zinga hming ziak zawng zawng te chu.
4:5 Tin, LALPAN Zion tlânga awmna zawng zawng chungah leh a inkhawmpuite chungah chuan chhunah chhum leh keikhu, zanah meialh eng a siamsak ang: ropuina zawng zawng chungah chuan englo zar a awm dâwn si a.
4:6 Chhunah ni sa hliahtu atân leh thlipui leh ruahpui lakah inhumhimna leh bihrukna hmun atân bawkte a ni ang.
5:1 Ka tuh taka thu, a grêp huan chungchâng thu chu, ka duh taka tan lain ka sa teh ang. Ka duh taka chuan tlâng lei tha tak maiah grêp huan a nei a:
5:2 a velin lei a lai khuar a, a lungte chu a chhar fai a, grêp hrui tha ber mi a phun a, a laiah chuan in sâng a sa a, chutah chuan grêp sawrna khur pawh a lai a: tin, grêp raha rah tûrin a beisei a, nimahsela grêp suak maiin a lo rah ta zâwk a.
5:3 Tunah hian, aw Jerusalem-a awmte leh Juda mite u, khawngaih takin kei leh ka grêp huan kara thu hi min ngaihtuahsak teh u khai.
5:4 Ka grêp huanah hian ka tih tawh ang lo liam kha chuan a chungah eng nge tih leh chuan tûr lo la awm ta ni le? Eng vangin nge, grêp raha rah tûra ka besei nen khan, grêp suaka a lo rah mai kha ni le?
5:5 Tunah hian gai teh u, ka grêp huan chunga ka tih tûr chu ka hrilh ang che u: a hling pal chu ka la bo vang a, ei zawhin a awm ang: a lung pal chu ka tichim ang a, rah behin a awm ang:
5:6 tin, ka tiram vek ang a; sah novin a awm lo vang a, laih phutin a awm hek lo vang; buar leh hnimhlingneite a to zakw ang: chhumte pawh a chunga ruah rêng rêng surtir lo tûrin thu ka pe bawk ang.
5:7 Sipaihote LALPA grêp huan chu Israel chhûngte hi a ni a, Juda mite hi a kung duhawm tak chu an ni si a; rorêlna fel a beisei a, nimahsela, ngai teh, hnehchhiahna a lo awm ta zâwk a; felna a beisei a, nimahsela, ngai teh, au thâwm alo awm ta zawk a ni.
5:8 Ram lailiah anmahni chauh an awm theihna tûra mi tel vena hmun rang rang awm lo khawp hiala in leh in inzamwtir zel leh, lo leh lo inzawmtir zel thintute chung chu a pik e!
5:9 Sipaihote LALPA chuan ka bengah heti hian a ti, "Tihtakzetin in tam tak, lian tak tak, mawi pui puite chu, urtu awm lovin a la ram ang.
5:10 Grêp huan tin, sawm hmunah bath khat chauh a la haw dâwn a, buh chi homer khat tuhin ephah khat chauh a la haw dâwn si a," tiin.
5:11 Zu um tûra zing tak taka tho va, uainin a tihruih bung hma lohva zan rei tak tak thlenga awm thinte chu an chung a pik e!
5:12 tingtang leh perhkhuang te, khuangte leh phenglawngte, uain ne an ruaithehnaahte chuan a awm thin a, nimahsela LALPA hnathawh chu an ngaisâng thin lo va, a kut thiltih chu an ngaihtuah ngai hek lo.
5:13 Chuvângin ka mite chu, hriatna an neih loh avângin, sala hruaiin an awm ta a: an mi zahawmte chu an ril a tam a, an mipuite chu tuihalin an dangro zo ta a.
5:14 Chuvângin Seol chuan a duhna chu a lo tizau va, a ka chu teh rual loh khawpin a ang ta a: tichuan an ropuina te, an mipui te, an ropui hbung bungna te, an zinga lâwm taka awmte nen chuan an lût thla ta duah duah a.
5:15 Mi tete chu tihkunin an awm, a, mi liante chu tihtlâwmin an awm a, chapo mitte chu tihhniamin a awm ta a;
5:16 sipaihote LALPA erawh chu rorêlnaa chawisanin a awm ta zâwk a, Pathian, Mi Thianghlim chu, felnaa tihthianghlimin a awm ta a.
5:17 Tin, berâm note chu an tlatna hmuna an tla angin an tla dial dial ang a, mi thau pui pui hmun rama thilte chu vakvaihoten an ei ang.
5:18 Bumna hruihruala khawlohna hnûk a, tawlailir hruizena sualna hnûk chu an chung a pik e!
5:19 "Kan hmuhna tûrin ti thuai sela, a thiltih tûr chu ti rang thuai rawh se: kan hriat theihna tûrin Israelho Mi Thianghlim remruat chu lo hnaiin lo thleng rawh se," ti thintute chu.
5:20 Thil tha lo chu thil tha tia, thi tha chu thil tha lo ti thina, eng chu thima ngaia, thim chu enga ngai thina, thil thlum chu thil khaa ngaia, thil kha chu thil thluma ngai thintute chu an chung a pik e!
5:21 Mahni ngaiha fingte leh mahni mithmuha bengvarte chu an chung a pik e!
5:22 Uain in kawnga mi chak ta, zu chawhpawlh kanwga thahrui nei apiangte chu an chung a pik e!
5:23 tham ei avânga mi sual thiam chantir thina, mi fel felna laksak thintute chu.
5:24 Chuvângin meialhin buh pal a liak râl duak duak thin ang leh, hnim ro chu meialha a tlu zawih zawih thin angin an zung chu tawihna angin a awm ang a, an par chu vaivut angin a chho chuai chuai ang: sipaihote LALPA dan chu an duh lohva, Israel-ho Mi Thianghlim thu chu an ngaihnep avângin.
5:25 Chuvângin LALPA thin chu a mite chungah a thawk a, a kut chu an chungah a lek a, a vua a, tichuan tlangte chu a khur dur dur a, an ruangte chu kawtthlêr laiahte chuan balhhlawh ang maiin a awm rem rum a. Chuti kauva a tih pawh chuan a thinur chu a la reh si lo va, a kut chu a la l ek ta cheu va.
5:26 hnam tin hla taka mite tan chhinchhiahna a tar chhuak ang a, kawlkil ata ko tûrin a faifuk ang: tichuan, ngai teh, anniho chu rang takin an lo kal t huai ang:
5:27 an zingah tumah an hah lo vang a, an inchhuih hek lo vang; tumah an muthlu lo vang a, an muhil hek lo vang; an kawnghren chu phelh dulin a awm hek lo vang a, an pheikhawk c hilhna chu a cht hek lo vang:
5:28 an thalte chu zum tak a ni a, an thal ngul zawng zawngte chu khawih sain a awm thup a; an sakawr tinte chu meilung ang maia ngaih a ni ang a, an tawlalilir kete chu thawngaleivir ang maia ngaih a ni bawk ang:
5:29 an thâwm ri hum hum chu sakeibaknei hahum ang mai a ni ang a, sakeibaknei vanglaite hahum ang maiin an ri hum hum ang; a ni, an ri hum hum ang a, an saseh tûr chu a she ang a, him takin an kal bopui ang a, chhanchhuaktu tûr tumah an awm lo vang.
5:30 Chu mi nbiah chuan tuifinriat ri hum hum angin an chungah an ri hum hum ang: tichuan miin ram chu an han thlir chuan, ngai teh, thim leh manganna hlir a ni a, eng lah chu, chu mia chhumahte chuan tihthimin a awm a.
6:1 Lal Uzia a thih ikum khan LALPA chu lalthuphah sâng ak chawisana t hu ka hmu a, a silhfen hmawr fual chuan biak in chu a tikhat a vek a.
6:2 A kiangah chuan serafte an ding a: thla paruk an nei theuh va, an thla pahnihin an hmai an khuh a, pahnihin an kephahte an khuh a, pahnihin an thlawk a.
6:3 Tin, "Sipaihote LALPA chu a thianghlim e, a thianghlim e, a thianghlim e, lei pum pui chu a ropuinain a khat," tiin, an inau tawn an inau tawn thin a.
6:4 Tichuan a autu au thawmah chuan a kawngka bul lungphûm lamin a nghing ta dur dur a, in chu meikhuin a khat ta a.
6:5 Chu veleh, kei chuan, "Hmui bawlhhlawh pu mi ka nih a, hmui bawlhhlawh pu mite zinga awm ka nih avângin ka chung a va pik êm! Ka boral ta a nih a hmu ta si a," ka ti a.
6:6 Chutichuan seraf pakhat, maichâm ata chaicheha a cheh, mieling kengin ka hnênah a thlawk a,
6:7 ka ka a han dep a, "Ngai rawh, hei hian i hmui a tawk a; tichuan i khawlohna lak bo a ni ta a, i sual pawh tlenfai a ni ta," a ti a.
6:8 Tin, "Tunge ka tirh ang a, tunge ka tan lal ang?" tiin, LALPA aw chu ka hria a,
6:9 Tichuan keiin, "Kei heta hi ka awm, mi tir ta che," ka ti a. Tin, ani chuan, "Kal la, he chite hi hrilh rawh. 'Bengin a hriat zawng hria ula, a ngaihna erawh chu hre suh u; a hmuh chu hmu ula, hriat erawh chu hre suh u," tiin.
6:10 He chite thinlung hi tithau la, an bengte tingawng la, an mitte maimitchhintir rawh; chutilochuan an mitin an hmu ang a, an bengin an hria ang a, an thinlungin an hre bawk ang a, an hawikir leh ang a, tihdamin an awm dah ang e," a ti a.
6:11 Tin, kei chuan, "LALPA, eng chen nge ni ang?" ka ti a. Tin, ani chuan, a chhâng a, "Khawpuite mihring awm, awm lova a ram a, inte urtu awm lova rma chu a tiau vek a,
6:12 LALPAN mite chu hla taka a sawn a, ram chhûngah hmun kalsan hnu tam tak a awm hma loh chuan.
6:13 Tin, a chhûngah chuan samw zingah pakhat pawh la awm sela ei zawhin an awm lehnghal ang: nimahsela thil leh sasual kih hnua a bul a la awm reng thin angin chi thianghlim chu abul a awm reng chu a ni," tiin.
7:1 Tin, Uzia fa Jothama fapa Ahaza lal lai chuan heti hi a ni a, Suria lal Rezina leh Israel lal Remalia fapa pêka chu Jerusalem rûn tûrin an chho va; nimahselah, an hneh thei lo.
7:2 Tin, Davida chhûngte chu, "Suria chu Ephraim nên an tang dun ta," tiin, an hrilh a. Tichuan a thinlung leh a khua leh tuite thinlung chu, ramhnuai thingte thliin a tinghing susu susu ang hian, tihnghinin a lo awm ta a.
7:3 Chutichuan LALPA chuan Isaia hnênah, "Nang leh i fapa Searjasuba chu, dil chakta zawk tuilakna tawpah, puansutu phul lamlianah chuan, Ahazaa hmuak tûrin kal chhuak tawh ula;
7:4 a hnênah, 'Fimkhur la, awm hle hle rawh; meichher bung khu mai mai pahnih, Suria lal Rezina leh Remalia fapaa thinurna nasa tak chu, hlau suh la, i thinglung chu zam suh se.
7:5 ,6 Juda chu han beiin han tibuai ila, chutah chuan kan tan luhna tûr siamin, a lai takah Tabeela fapa chu lalah i thuttir ang u, tiin. Suria leh Ephraim leh Remalia fapa chuan an phiar che avângin.
7:6 ,5 Juda chu han beiin han tibuai ila, chutah chuan kan tan luhna tûr siamin, a lai takah Tabeela fapa chu lalah i thuttir ang u, tiin. Suria leh Ephraim leh Remalia fapa chuan an phiar che avângin.
7:7 Lalpa PATHIAN chuan heti hian a ti a. An thu phiar chu a puitling lo vang a, a hlawhtling hek lo vang.
7:8 Suria lu chu Damaska a ni a, Damaska lu chu Rezina lek a ni si a: kum sâwmruk leh kum nga ral hmain Ephraim chu chi tih tlak lovah aawm tûrin tihchhiat vekin a awm ang:
7:9 tin, Ephraim lu chu Samari a ni a, Samri lu chu Remalia fapa lek a ni si a. In rin duh loh chuan, tihnghehin in awm thuai lo vang, tiin,' ti rawh," a ti a.
7:10 Tin, LALPA chuan Ahazaa a be leh a,
7:11 "LALPA i Pathian hnênah chhinchhiahna dil rawh; Seol thuk tak ata emaw van sâng tak ata emaw," a ti a.
7:12 Ahazaa erawh chuan, "Kal dil lo vang, LALPA pawh ka fiah hek lo vang," a ti a.
7:13 Tin, ani chuan, "Aw Davida chhûngte u, tunah ngaithla teh u; mihring tihhah hi thil te tak teah in ruat a ni maw, ka Pathian lam pawh tihhah in duh zel ni?
7:14 chuvangin LALPA ngei chuan chhinchhiahna a pe ang che u; ngai teh u, nula thianghlim pakhat a rai ang a, fapa a hring ang a, a hmingah Immanuela a sa ang.
7:15 Ani chuan thil tha lo lam duh loh nachâng a hriat hunah leh, thil tha lam duh nachang a hriat hunah chuan bawnghnute khal leh khawizu a ei thin ang.
7:16 Naupang chu t hil tha lo lam duh loh nachang leh thil tha lam duh nachang a hriat hma pawhin lal pahnih i huatate ram chu a tiau dawn a ni," a ti a.
7:17 Ephraim chuan Juda a then ni ata la thleng ngai lo nite chu LALPA chuan i chungah leh, i khua leh tuite chungah leh, i pa chhûngte chungah chuan a thlentir ang, Assuria lal ngei chu.
7:18 Chu mi niah chuan heti hi a ni ang a, LALPA chu Aigupta lui tawp rettea tho awm leh, Assuria rama ikhuai awm chu, ko tûrin a faifuk ang.
7:19 Tichuan an lo kal ang a, an zain kawr chhe rek rukah te, lungpui pukah te, hnimhlingnei zawng zawngah te, ran tlatna hmun zawng zawngahte an fu ang.
7:20 Chu mi niah chuan Lalpan bakmehchem hawh, Luipui piah rama Assuria lal awm chu hmangin, lu leh ke hmul chu a ziat fai ang a; khabe hmul pawh a ziat bo vek ang.
7:21 Tichuan chu mi niah chan heti hi a ni ang a, mi pakhatin bawngla pakhat leh berâm pahnih chauh a vul ang;
7:22 nimahsela heti hi a ni ang a, hnutetui tam tak an la pêk dawn avângin hnutetui khal a ei thin ang: ram chhûnga la awm apiangin hnutetui khal leh khawizu an ei theuh dawn si a.
7:23 Tin, chu mi niah chuan heti hi a ni ang a, hmun tin, grêp hrui sâng, tangka sâng man awmna apiangte chu, buar leh hnimhlingnei hmun mai a ni tawh ang.
7:24 Ram zawng zawng chu buar leh hnimhlingnei hlir a lo nih tak avângin chutah chuan thal leh thal ngul kengin an kal ang.
7:25 Tin, tlâng, bawngtuthlawha laih tawh zawng zawngah chuan, buar leh hnimhlingnei hlauh avângin i lo kal lo vang a, bawngchalte tlattirna leh berâm chil mai atân a ni zawk tawh ang," a ti a.
8:1 Tin, LALPA chuan ka hnênah, "Lehkha ziakna phêk hlai tak la a, mihring kawlawmin a chungah ;Maher-salal-has-baza atân,' tiin, ziak rawh;
8:2 tichuan hretu rinawm, puithiam Uria leh Jaberekia fapa Zekaria chu hriatpuitu atân ka siam ang," a ti a.
8:3 Tin, zâwlneinu hennah chuan ka kal a, tichuan ani chuan nau a pai a, fapa a hring ta a. Chutichuan LALPAN ka hnênah,"A hmingah Maher-salal-has-baza sa rawh.
8:4 Naupang chuan, 'Ka nu,''Ka pa, tih nachang a hriat hma pawhin Damaska hausaknate a hriat hma pawhin Damaska hausaknate leh Samari laka ral lak sumte chu Assuria lal hmaah an kal bopui dawn si a," a ti a.
8:5 Tin, LALPA chuan ka hnênah a sawi leh a,
8:6 Heng chite hian Silova tui dam taka luang del delte chu an duh loh avâng leh, Rezina leh Remalia fapa chunga an lawm avângin,
8:7 ngai teh, LALPA chuan luipui tui, khauh takte leh tam takte (Assuria lal leh a ropuina zawng zawng chu), an chungah a luantir ang : tichuan a kuang zawng zawng chu a lo liam dul dulin, a kam zawng zawngah pawh a liam dul dul ang :
8:8 tin, Juda-ho ram thlengin a tuam lut dul dul ang a; a liamin a luang tlâng dul dul ang a; nghawng pawh a chim phak hial ang; tin, a thla zar chuan, aw Immanuel, i ram vang lam zawng zawng hi a awh vek ang.
8:9 "Chi tinte u, buai ta nuai nuai che u, kehsawmin in awm dawn nia; ram hla taka mi zawng zawngte u, beng chhi rawh u: inrâlthuam rawh u, kehsawmin in awm dawn nia; in râlthuam rawh u, kehsawmin in awm dawn nia.
8:10 Inrawn khâwm rawh u, engmah a ni hlei lo vang e; thu sawi rawh u, a puitling thei lo vang e: Pathian kan hnênah a awm si a," tiin.
8:11 LALPA chuan kut chak takin heti hian ka hnênah a saiw a, he chita kawngah hian ka kal ve lohna tûrin mi thunun a nih hi:
8:12 "He chite hian 'Phiar an nei e,' an tih thin nazawng chu 'Phiar an nei e,' ti ve suh u; an tih pawh chu tih ve lovin, hlau ve hek suh u.
8:13 Sipaihote LALPA, amah ngei chu in tithianghlim tûr a ni; amah chu in tiha ni sela, amah chu in hlauhva ni rawh se.
8:14 Tin, ani chu hmun thianghlim ani ang a; Israela chhûng hnihte tan erawh chuan tlukna lung leh dalna lungpui a ni zawk ang a, Jerusalem-a awmte tan thang leh fal ani bawk ang.
8:15 Tichuan mi tam takin chu chu an chhuihin an tlu ang a, tihkehin an awm ang a, an awk ang a, manin an awm ang," tiin.
8:16 Hriattirna thu zial hi phuar la, dan thu hi ka zirtirte zingah nemin chhinchhiarh raw.
8:17 Tin, kei chuan Jakona chhûngte laka a hmai thuptu LALPA chu ka nghak ang a, amah chu ka thlir reng ang.
8:18 ngai teh, kei leh LALPA mi pêk naupangte hi, Israel-ho zingah hhian sipaihote LALPA Zion tlânga awm laka chhinchhiahna atânte leh thilmak atânte kan ni a.
8:19 Tin, miin, "Ramhuai aienthiam zawl leh dawithiam hram chuap chuap leh phun nuah nuahte chu rawn rawh u," an tih hunah che u chuan heti hian chhâng rawh u, "Miten an Pathian chu anr awn zawk tûr a ni lâwm ni? Mi nungte tan chuan mitthi an rawn tûr êm ni?
8:20 Dan Thu leh Hriattirna Thu chu rawn tûr a ni," tiin. Chu mi thu ang zela an sawi loh chuan an tan khua rêng rêng reng a var thuai dawn lo a ni.
8:21 Mangang tak leh riltam chungin ram chu an fang ang a; tin, heti hi a ni ang a, an ril a tam hun chuan an thin chu a ur êm êm ang a, an lal leh an Pathian chu ânchhia an lawh bawrh bawrh ang a, an vanvadâk vâk vâk ang:
8:22 tin, lei lam an en ang a, ngai teh, manganna leh thimna, thlaphan nguina chu a ni ang: tichuan thim chhah mupah hnawh bovin an awm ang.
9:1 Nimahsela thlaphanga awm tawhi tan chuan nguina rêng rêng a awm tawh lo vang. Hman lai chuan Zebulun ram Nephtali ram chu hmustawmin a awmtir a, nimahsela hun hnuhnungah chuan ropui takin a awmtir ta, dil kamah, Jordan ralah, hnam tin Galili chu.
9:2 Mi thim hnuaia kalte chuan eng nasa tak an hmu ta: thihna hlim rama awmte chungah ngei chuan eng chu a lo eng ta.
9:3 Hnam chu i titam ta a, an hlimna pawh i tipung ta a: buh seng laia hlim angin i hmaah an hlim ta a, miin râllâk sum an sema an hlim ang maiin.
9:4 A ritphurhna nghâwngkawl leh a kovia zawn fung, a hnechiahtu talhtum chu, Midian-ho hneh ni ang khan i tihtliaksak ta si a.
9:5 Indona hmuna mi râlthuama an inthuamna zawng zawngte leh an silhfen thisen kai hniang hnuangte chu hala tuah ral a la ni ang.
9:6 Kan tan naupang a lo piang a, fapa pêkin kan awm ta a: rorêlna chu a kokiah a chuang ang a: a hmingah chuan, Maka, Remruattua, Pathian Chaka, Chatuan Pa, Remna Lal an ti dawn si a.
9:7 A ram a zu zel ang a, a ramah remnain tawpintai a nei lo vang; Davida lalthutthlengah a thu ang a, dik tak leh fal takin rorêlin a rawn tinghet ang, tun atanga kumkhuain, thahnemngaihna chuan chung chu a ti ang.
9:8 Lalpa chuan Jakob-ho ramah thu a thawn a, Israel-ho chungah a tla ta a.
9:9 Tichuan mi zawng zawng, Ephraim-ho leh Samaria awm, chapo tak leh rilrua uangthuang taka,
9:10 "Lei rawh chante chu chim mah sela lung chang chherin kan rem mai ang: theipui thingte chu sah chhumin awm mah sela, sidar thingten kan thlak mai ang," titute chuan an la hria ang.
9:11 Chuvangin LALPA chuan Rezina dotute chu amah do tûrin a chawisâng ang a;
9:12 a hmêlma, a hma lama Suria-hote, a hnung lama Philistia-hote chu, a chawk tho vang; tichuan ka angin Israel-ho chu an ei zo vang. Chuti kauva a tih pawh chuan a thinur chu a la reh si lo va, a kut chu a la lek ta cheu va.
9:13 Nimahsela mite chuan anmahni vawtu lam chu an hawi chuang si lo va, sipaihote LALPA chu an zawng chuang hek lo.
9:14 Chuvangin LALPA chuan Israel-ho alian atein, tum kau leh phungladin ang maiin ni khat thilah a chhawk vek ang.
9:15 Upa leh mi zahawmte chu, a lu chu an ni a; dawt zirtir thin zâwlneite chu, a mei chu an ni.
9:16 Heng mite hruaitute hian an hruai sual thin a ni; an hruaiate chu tihboralin an awm tihn.
9:17 Chuvangin Lalpa chu an tlangvâlhote chungah a lawm lo vang a, an fahrahte leh hmeithaite chu a khawngaih hek lo vang: an zain Pathian zha lo mi leh thil tha lo titute an ni theuh va, ka zawng zawng chuan thu lawilo a sawi theuh si a. Chuti kauva a tih pawh chuan a thinur chu a la reh si lo va, a kut chu a la lek ta cheu va.
9:18 Suahsualna chu mei angin a alh hluah hluah si thin a, buar leh hnimhlingneite chu a kang ral thin: a ni, ramhnuai thing bit zingahte chuan a kang hluah hluah a, a khu chho ngut ngut thin.
9:19 Sipaihote Lalpa thinur avângin ram chu a kang chhia a, mite pawh chu meia tuah tûr thing ang an ni a; tumah mahni unau pawh an zuah lo.
9:20 Tichuan miiin an ding lama mi an chuh ang a, nimahsela a ril a la tam cheu vang; an vei lama mi an ei ang a, nimahsela an tlai chuang lo vang: mi tinin mahni ban ti an ei theuh vang.
9:21 Manase-hovin Ephraim-ho an ei ang a, Ephraim-hovin Manase-ho an ei ang: tin, an pahnih chuan Juda-ho an do dun ang. Chuti kauva a tih pawh chuan a thinur chu a la reh si lo va, a kut chu a la lek ta cheu va.
10:1 Dan chimawm tak siam a, thupêk khirh tak ngaihtuah chhuaktute u, in chung a pik e!
10:2 Hetiang hian mi khawngaihthlâkte dik takin in relsak duh lo va, retheite that vena tûr in dang tlat a, hmeithaite in ei a, fahrahte in rawk a.
10:3 Tichuan, an kan niah che u leh hla tak atanga tiauna lo thleng tûrah chuan engnge in tih tak ang le? tanpui dilin tu hnênah nge in tlan tak ang le? In ropuina chu khawiah nge in hnutchhiah tak ang le?
10:4 Salho hnuaiahte an kun ang a, thahho hnuaiahte an tlu ang, chu chauh chu an chan a ni tawh ang. Chuti kauva a tih pawh chuan a thinur chu a la reh si lo va, a kut chu a la lek ta cheu va.
10:5 Hawh Assuria mi, ka thinurna talhtum, ka lungnih lohna kengtu tiang!
10:6 Râllâk la tûr leh, thil laksak la tûr leh, kawtthlêr chirhdiak anga rap tûrin ani chu Pathian zah lo hnam do tûrin ka tir ang a, ka thinurna mite beit urin thu ka pe ang.
10:7 Nimahsela ani chuan chutiang chu a tum ani lo va, chutiang chu arilru pawhin a ngaihtuah hek lo; hnam tam namena tam lo tihchhiat leh tihboral a ni a rilruk zawk ni.
10:8 "Ka mi lian zawng zawngte hi lal vek an ni lâwm ni?
10:9 Kalno khua chu Karchemis khua ang mai ani tawh lawm ni? Hamath khua chu Arpad khua ang mai ani tawh lawm ni? Samari khua chu Damaska khu ang mai a ni tawh lawm ni?
10:10 ka kut hian milemho ram, Jerusalem khua leh Samari khuaa mi aia milem siam chawp tha zawk neitu pawh, a zang chhuak ta si a,
10:11 Samari khua leh a milemte chunga ka tih ang khan Jerusalem khua leh a milemte chungah pawh hian ka ti ve lo vang ang êm ni?" a ti si a.
10:12 Chumi avâng chuan heti hi a ni ang a, Lalpa chuan Zion tlâng leh Jerusalem khaw chunga a hnathawh tûr zawng zawng a thawh zawh hunah chuan, Assuria lal rilru uangthuang rah leh a mit chapo ropina chu ka la hrem ang.
10:13 Ani chuan, "Ka kut chaknain ka ti a ni, ka finna nên hian; ka bengvar si a: chi tin, ramrite lah chu ka sawn a, an rote lah chu chhushak a, lalthutphaha thute lah chu mi huai tak tih angin ka hnuk thla ta a:
10:14 ka kut hian chi tin, hausaknate lah chu sava bu angin a zawng chhuak a; miin sava tui a pui rauhsan hnute an la angin leulung luah zawng zawng hi ka la vek a a ni: thla zap emaw, ka ang emaw, hram emaw rêng rêng pawh an awm lo," a ti vei si a.
10:15 Hreipui hian thl cheh nana a hmangtu chu a uankhum dawn êm ni? Thingzaina hian a hruttu chu a hnuaichhiah danw êm ni? Talhtumin alektute chu a lek vêl zawk ang emaw, tiangin thing ni si lo a lek zawk ang emaw mai hi a ni.
10:16 Chuvangin Lalpa, sipaihote LALPA chuan, a mi thaute zingah chuan cherna a tir ang a; a ropuina hnuaiah chuan mei alh lai mek ang hian mei chhemin a awm ang.
10:17 Tin, Israel-ho entu chu mei atân a ni ang a, an Mi Thianghlim chu mei alh atân ani bawk ang: chu chuan ni khat thilah a hnimhlingneite leh a buarte chu a tikangin a tiboral ang,
10:18 A ram ngaw leh a lei tha hmun ropuina pawh chu, thlarau leh taksa lamin, a tioboral ang: tichuan, chhinchhiahna kengtu a chauh hun lai ang a ni ang.
10:19 A ram ngawa thing la awm chhunte chu naupang ziak tham leka tlem a ni tawh ang.
10:20 Tin, chumi niah chuan heti hi a ni ang a, Israel-ho la awm chhunte leh Jakoba chhûngte zinga a la damte chuan anmahni thattu chu an ring leh tawh lo vang a; LALPA Israel-ho Mi Thianghlim chu, tihtakzetin an ring tawh zakw ang.
10:21 A la awm chhun, Jakob-ho la awm chhunte chu, Pathian chak tak hnênah chuan an la kir leh ang.
10:22 I mi Israel-ho chu tuifinriat tiau vaivut zatin awm mah sela, a la awm chhunte chauh chu an kir leh dawn si a:
10:22 rorêlna dik tak chuan a tihchhiat vek tûr an ni.
10:23 Lalpa, Sipaihote LALPA chuan, tawpna, tawpna thleng ngei tûra ruat tlat chu, lei chung zawng lailiah chuan a la siam dawn si a.
10:24 Chuvangin Lalpa, sipaihote LALPA chuan, heti hian a ti, "Aw ka mi, Zion-a awmte u, Aigupta rama an tih ang khan talhtuma vua che uin a tiang chu in chungah lek mah sela Assuria m chu hlau suh u.
10:25 rei lo te achinah chuan lungnih lohna chu hrikthlakin a awm tawh ang a, ka thinurna pawh anmahni tihborlnain hrikthlakin a awm tawh ang.
10:26 Oreb lungpuia Midian-ho an thah lai ang khan sipaihote LALPA chuan amah bei tûrin vuakna chu a chawk tho vang a: a tiang chu tuifinriat chung lamah a awm ang a, Aigupta rama a lek ang khan a lek ang.
10:27 Chumi niah chuan heti hi a ni ang a, aritphurh chu i koki ata lak bovin a awm ang a, a nghâwngkawl chu i nghawng ata lak bovin a awm bawk ang: hriak thih avâng chuan nghâwngkawl chu tihchiatin a awm tawh ang," tiin.
10:28 Aiath khua a thleng ta, Migron khua a kal tlâng ta; Mimkas khuaah a bungrua a dah ta;
10:29 kawnah an liam ta; Geba khuaah an riak ta: Ramah khawho chu an khur an khur ta; Saula Gibeah khawho chu an tlan bo ta.
10:30 Aw Galim khaw fanu! I awin ring takin au rawh; aw Laisah khua! Ngaithla rawh; aw Anathoth, i va khawngaihthlâk êm!
10:31 Madmenah khawho tlan bovin an awm ta; gebim khuaa awmte chu tlan bo tumin an inhawrkhawm luai luai e.
10:32 vawiin ngei hian Nob khuaah a cham dawn: Zion fanu tlâng, Jerusalem mual pawng chu, a kut a thin khum e.
10:33 Ngai teh, Lalpa, sipaihote LALPA chuan, thil rapthlâk takin a zarte chu sat thla ang a: sâng tak takte chu kihin a awm ang a, a lawr bikte pawh chu rawt hniamin a awm ang.
10:34 Thirin ramhnuai thing bik takte chu a kit ang a, Lebanin sidar thingte chu mi ropi kihin a tlu dur dur ang.
11:1 Jesaia bul atangin chawrno a lo chhuak ang a, a zung atangtea puak chhuak chu a rah ang:
11:2 tin, LALPA thlarau-finna leh hriat theihna thlarau, remruatna leh chakna thlarau, hriantna leh LALPA tihna thlarau chu - a chungah a fu ang:
11:3 tichuan a lawmna chu LALPA tihnaah a ni ang: a mita a hmuh angin ro a rêl lo vang a, a benga a hriat angin a zilhau hek lo vang:
11:4 retheite chu fel takin ro a reslak zawk ang a, leia mi thuhnuairawlhte atân chuan thlei bik nei lovin a zilhhausak bawk ang: a ka talhtumin lei hi a vua ang a, ahmuia thawin mi suaksualte chu a that ang.
11:5 Tin, felna hi a taihren a ni ang a, rinawmna hi a kawnghren a ni ang.
11:6 Tin, chinghnia chu berâm no nên an awm dun tawh ang a, keite chu kêl no nên an bawk dun tawh ang; bawng no leh sakeibaknei vanglai leh ran chawmthaute chu an awmho tawh ang a; naupang tein a hruai duah duah ang.
11:7 Tin, sebâwng leh savawm an tla ang a; an nott chu an bawk za dial dial tawh ang: tin, sakeibaknei chuan bâwngpa angin buhpawl a ei tawh ang.
11:8 Tin, nau hnute hne lai chu rulrial kaw kotlângah a tualchai ang a, nau hnute hnêk bâng tawh chuan rûlmuk tawmkûk kotlângah a kut a nghat ang.
11:9 ka tlâng thianghlimah rêng rêng chuan intihnat a awm tawh lo vang a, intihchhiat a awm tawh hek lo vang: tuite hian tuifinriat a khuh reng angin, leilung hi LALPA hriatnain a khat zo vek dawn a ni.
11:10 Tin, chu mi niah chuan heti hi a ni ang a, Jesaia zung, mi tin chhinchhiahna atân ding chu, amah ngei chu hnam tinn an rawn ang a; a chawlhna hmun chu a ropui ang.
11:11 Tichuan Ephraim-ho itsikna ch a bo tawh ang a, Juda-ho tibuaitute chu tihboralin an awm tawh ang: Ephraim-hovin Juda-ho a itsik tawh lo vang a, Juda-ho pawhin Ephraim-ho chu an tibuai tawh l vang.
11:12 Tichuan anniho chu thlang lamah Philistia-ho kikiah chuan zuk thlawkin an zuk fu ang a; khawchhak fate chu an rawk za ang: Edom leh Mab-ho chungah chuan an kut an thlak ang a: Amona thlahte chuan an thu an awih tawh ang.
11:13 Tin, LALPA chuan Ephraim ho itsikna chu a bo tawh ang a, Juda-ho tibuaitute chu tihboralin an awm tawh ang: Ephraim-hovin Juda ho an itsik tawh lo vang a, Juda -ho pawhin Ephraim-ho chu an tibuai tawh lo vang.
11:14 Tichuan anniho chu thlang lamah Philistia-ho kokiah chuan zuk thlawkin an zuk fu ang a; khawchhak fate chu an rawk za ang: Edom leh Mab-ho chungah chuan an kut an thlak ang a: Amona thlahte chuan an thu an awih tawh ang.
11:15 Tin, LALPA chuan Aigupta tuifinriat tengsawl chu a tichhe vek ang a; Luipui pawh chu a thli lum huam huam chuan a kut a thin khum ang a, luite pasariha siam khawpin a vua ang a, mite chu kephah pawh huh lovin a kal kaitir ang.
11:16 Tichuan, Aigupta ram ata an chhoh nia Israel-ho tana lamlian a lo awm ang kha, a miteho thi bang la awm chhunte tan chuan Assuria ram atangin lamlian a lo awm ang.
12:1 Chu mi niah chuan heti hian i la sawi ang, "Aw LALPA, lawm thu ka hrilh ang che; ka chungah lo thinur ta mah la, i thinur chu a reh ta a, nangin mi thlamuan ta a nih hi.
12:2 Ngai teh, Pathian chu mi chhandamtu a ni a; ka ring ang a, hlauvin ka awm lo vang: LALPA JEHOVA chu ka chakna leh ka hla a ni si a; mi chhandamtu a lo ni ta bawk a," tiin.
12:3 Chuvangin chhandamna tuikhur atate chu hlim takin tui in la chawi ang.
12:4 Tin, chu mi niah chuan heti hian in la sawi ang, "LALPA hnênah chuan lawmthu hril ula, a hming lam ula, a thiltihte chu mi tin zingah hriattir ula, a hming chu chawiawiin a awm tih sawi rawh u.
12:5 LALPA chawimawiin hla sa rawh u; ani chuan thil tha berte chu a lo ti tawh si a; chu chu leilung luah zawng zawngah hian hriatin awm rawh se.
12:6 Zion-a awmte u , ring takin au ula, au tuar tuar rawh u, Israel-ho Mi thianghlim in zinga rawm chu a ropui si a," tiin.
13:1 Babulon khaw phur rik Amozaa fdapa Isaian a hmuh chu.
13:2 Mi liahnbo kawngkaahte chuan an luh theihna tûrin tlâng kawlh vulah chuan chhinchhiahna tar chhuak ula, ring takin anni chu au ula, kutin zaizir rawh u.
13:3 Keimah ngeiin ka mi ruatho chu thu ka pe ta, a ni, ka mi chak tak, ka mi induh taka hlimte chu, ka thinur hrithlatu atân ka ko ta.
13:4 Chu! Tlânga mipui au thawm, mipui tam tak thawm ang mai chu! Chu! hnam tin rama mi awm khawmho sa mur mur thawm chu! Sipaihote LALPA chuan ral bei tûrin Sipaiho a pun hlawm anih chu.
13:5 Anniho, LALPA leh a lungnih lohna hriamhreite chu, ram hla tak ata, kawl kil tawp ret atangin ram zawng zawng hi tichhe tûrin an lo kal a ni.
13:6 Chiau vâk vâk rawh u; LALPA ni chu a hnai tawh si a; Engkimtitheia atanga tihchhiatna a lo thleng angin a lo thleng dawn e.
13:7 Chuvangin kut zawng zawng a chak lo vang a; mirhing thinlung tinreng pawh a tuiral ang:
13:8 tin, an hlau vang a; natna leh lungnih lohnate chuan a man hlawm ang a; hmeichhe nau vei ang maiin an na ang: mak intitawnin an awm hlawm ang; an hmêlte chu meiahlh hmêl ang mai a ni ang.
13:9 Ngai teh, ram titiau tûr leh chuta mi sualte chu a chhûng ata tiboral tûrin LALPA ni chu nasa takin thinrimna leh thinurna nasa tak nên, a lo thleng dawn e.
13:10 van arsite leh a chhohreivungte chu an eng an chhuah lo vang a; ni chu a chhuah laia tihthimin a awm ang a, thla pawhin a eng chu a entir dawn tawh lo a ni.
13:11 Tin, khawvel hi an sualna avângin ka hrem ang a, mi suaksualte chu an khawlohna avângin ka hrem bawk ang; tin, mi chapo tawng chaltlai chu ka tireh ang a, mi hlauhawm chapona chu ka tihniam bawk ang.
13:12 Mi hi rangkachak thianghlim ai pawha vang zawkin ka siam ang a, mihring ngei hi Ophir rangkachak thianghlim ai pawha vang zakwin ka siam ang.
13:13 Chutichuan, van khi ka tikhur ang a, sipaihote LALPA thinrim avângin, a thinurna nasa tak niah chuan, lei pawh hi a awmna hmun sawn dawrh khawpa tihnghinin a awm ang.
13:14 Tin, heti hi a ni ang a, sakhi um nek ang leh berâm tuma khalh khâwm loh angin mi tinin mahni chipuite lam theuh an hawi ang a, mi tin mahni ram lamah theuh an tlan bo vang.
13:15 Tupawh an hmh apiang chhunt langin an awm ang a, tupawh an man apiang khandaiha tihtlukin an awm ang.
13:16 An nausente pawh an mithmuhah sawm dep khawpa lei vuak nana hmanin an awm ang a; an inte chu rawkin a awm ang a, an nupuite chu pawnsual tawkin an awm bawk ang.
13:17 Ngai teh, Media-ho anmahni bei tûrin ka chawk tho vang a, chungho chuan tangka an ngaihsak lo vang a, rangkachak ah pawh an lawm lo vang.
13:18 An thla ngulte chuan tlangvâlte chu a tisawm ang a; mi rila rah khawngaihna rêng rêng an nei lo vang a; an mit chuan naupangte a zuah lo vang.
13:19 Tin, Babulon, ram tin, ropuina, Kaldai-ho chhuan thil mawi tak chu, Pathianin Sodom leh Gomorra a tihboral lai ang khan a la awm ang.
13:20 Engtikahmah chutah chuan mi an awm tawh lo vang a, chhuan awm chhûng zawng zawng chuan a chhûngah awm an awm hek lo vang: Arab miten chutah chuan an puan in chu an zar hek lo vang a; berâm vengtuten chutah chuan an berâm rualte chu an bawhtir hek lo vang.
13:21 Thlalêra ram sate chutah chuan an bawk ang a; an inte chu thil nung ngui taktein a khat ang a; sava ngahwngseite chutah chuan an cheng ang a, satharte chutah chan an tualchai tawh zawk ang.
13:22 Tin, chinghniate chu an kulh bingah chuan an hram ang a, sihalte pawh an lal in nuam takahte chuan an hram bawk ang: tin, a hrem hun tûr chu a thleng dawn tawh a, a nite pawh tihseiin a awm lo vang.
14:1 LALPA chuan Jakob-ho a khawngaih ang a, a khawngaih ang a, Israel-ho chu thlangin anmahni ram ngeiah a la awmtir dawn si a: tin, ram dang mite chuan anmahni an zaw ang a, Jakoba chhûngte chu an vuan ang a, Jakoba chhûngte chu an vuan tlat ang.
14:2 Tin, mi tin chuan anmahni an hruai ang a, an hmun tûr chu an thlen ang: tichuan Israela chhuungte chuan LALPA ramah chuan ani chu bawipaahte leh bawihnuahte an la nei ang a; anmahni sala neite chu salah an la man ang a; anmahni tiduhdahtute chungah chuan ro an la rel ang.
14:3 Tin, i lungngaihna ata te, i buaina ata te, hnathawh hautak ze an thawhtirna che atate LALPAN a chawlhtir che niah chuan heti hi a ni ang a,
14:4 he tihelna thu h Babulon lal au khumin i la saiw ang, "Eng tizia nge hnehchhiahtu chu a va reh ta êm! Eng tizia nge rangkachak khawpui ch a va reh ta êm!
14:5 LALPA chuan mi suaksual tiang a titliak ta, rorêltute lal tiang chu;
14:6 mi dang chunga rawngra taka inlek a, an tlâwm tawhte tiduhdah bang ngai lote,
14:7 Leilung pum pui hi a chawl a, a reh rawih rawih a: hla an sa chhuak phut a.
14:8 A ni, i chung thu avângin farte chu an hlim a, Lebanon tlânga didar thingte nên, "Tihtlâwma i awm achin chu kit thlutu tûr rêng rêng kan hnênah an lo chho ngai ta lo,' tiin.
14:9 Hnuai lam ata Seol chu i lo thleng hmuak tûr chein, nangmah avângin a buai mur mur a ni: mitthi, leia puipa zawng zawngte chu, nangmah avângin achawk tho va; hnam tin lal zawng zawng chu an lalthutphah ata a kai thi ta.
14:10 Chung zawng zawng chuan nangmah biain, i hnênah heti chuan nangmah biain, i hnênah heti hian an sawi ang, 'Nang pawh keimahni angin i chak lo ve ta elo? Keimahni awm angin i awm ta elo?
14:11 I ropui bung bungna chu Seol-a hruai thlak a ni ta, i perhkhuang ri bur burte nên: changpat chu i hnuaiah an phah a, englo lungte chuan an khuh ta che a nih hi,' tiin.
14:12 Aw 'varparh,' 'zing lam fapa,' engtizia nge van ata i tlak tak chu le! Hnam tin titlâwmtu, engtizia nge lai sah thlaka i awm tak chu le!
14:13 I rulruah chuan, 'Vanah ka chho vang a, Pathian arsite chung lamah khian ka lalthuphah ka chawi sâng ang; tin, inkhawmna tlâng, hmâr tawp reta awmah chuan, ka thu ang a:
14:14 chhum aia sâng zawkahte khain ka chho vang a; Chungnungbera ang maiin ka awm ang, i tih thin vei nên khan.
14:15 Nimahsela Seol-ah, klhuarkhurum tawp retahte chuan, hruai thlakin i awm dawn si.
14:16 A hmu che apiangin an en ngun ang chia, 'He mi hi maw lei tikhura, ram tin tinghing a,
14:17 khawvel thlalêr anga siama, a khaw awmte tiboral a, a salte an in lama kal tûra chhuah ngai lova chu?' tiin, i chanchin an la chhut ang.
14:18 hnam tin lal zawng zawng, an zainm mahni in theuhvah ropui takin an muhil a.
14:19 nang erawh chu a zung puak chhuak tenawm tak leh, ral thah, khandaiha chhun tlâng, khuarkhuruma lungte zinga chhukho silhfen angin i thlan in atanga hla takah paih chhuahin i awm tak zawk hi; ruang rah beh ang maiin.
14:20 I ram i tihchhiat a, i khua leh i tuite i thah avângin an zingah phûmin i awm ve lo vang; thil tha lo titute thlahte hming chu kumkhuain an lam lo vang.
14:21 An thawh a, leilung an neih a, lei chung hi khuaa na tihkhah loh nân, an pute sualna avângin a fate thah zai rêl rawh u," tiin.
14:22 Tin, anmahni bei tûrin ka tho vang, sipaihote LALPAN a ti, Babulon atanga hming leh, a la awm chhunte leh, fapa leh fapaa fapa chu ka tiboral ang, LALPAN a ti.
14:23 Sakuh tan rovah ka siam bawk ang a, dilahte pawh ka siam ang: tihboralna hmunphiahin ka phiat bawk ang, sipaihote LALPAN a ti.
14:24 Sipaihote LALPA chuan hetianga sawiin chhia a chham ta, "Matheilova ka ngaihtuah ang tak hian a lo thleng ang a; ka ruat ang tak hian a awm bawk ang:
14:25 ka ramah chuan Assuria mi chu ka tichhia ang a, ka tlângahte chuan ka chil nek ang, tih ang hian: chu mi hunah chuan a nghâwngkawl bahtir chu anmahni atang chuan a bo tawh ang a, an rit phurhtir chu anmahni koki atang chuan a bo tawh bawk ang.
14:26 Chu chu a ni, lei chung zawng zawnga thu ruat chu ni, chu bawk chu a ni, hnam tinreng chunga kut phar chu ni.
14:27 Sipaihote LALPA chuan aruat tawh si a, tuin nge suhsak ang? A kut chu pharin a awm tawh a, tuin nge lak kirtir ang?" tiin.
14:28 Lal Ahazaa thih kumah khan ka phur rit hi a lo awm ta.
14:29 Aw Philistia ram pum pui, nangmah vuakna tiang ât hlaih tak avângin lawm suh: rul zung atang chuan rulmuk a chhuak dawn si a, a rah chu rul alh thlawk thei a la ni ang.
14:30 Mi rethei fa tirte chu an tla dial dial tawh ang a, mi pachhiate chu him takin an bawk tawh ang: tin, nanga zung erawh chu tamin ka tithi ang a, i ta la awm chhunte chu thahin an awm ang.
14:31 Aw kawngkhâr, chiau vâk vâk rawh; aw khawpui, au rawh; aw Philistia, i pumin, i tuiral zo ta; hmâr lam atangin meikhu a lo chhuak si a, an hun ruatahte chuan hnufual reng an awm ngai lo a ni.
14:32 Philistia hnam palaite chu engtin nge kan chhan ang le? "LALPAN Zion chu a din a, a mite zinga retheite chu amahah din a, a mite zinga retheite ch amahah an tlu lut ang," tiin a ni ang chu.
15:1 Moab ram phur tir chu, Zan khatah Moab rama Ar khua chu tihchhiatin a awm a, engmah lova siamin a awm ta si a; zan khatah Moab ram Kir khua chu tihchhiatin a awm a, engmah lova siamin a awm ta si a.
15:2 Bajith-ah leh Dobon-ah, hmun sângahte chuan, tap tûrin a chho ta a: Moab-ho chuan Nebo leh Medeba chu an tah khum vâk vâk a, an lu zawng zawng a kawlh vek a, khabe hmul tinreng pawh mehin a awm ta vek a.
15:3 An kawtthlêrahte chuan saiip puan an veng a: an in chungahte leh an mual zau laiahte chuan mi tin chu nasa taka tapin an chiau vâk vâk a.
15:4 Tin, Hesbon-ho pawh an au va. Elealeh-ho nên; an aw chu Jahaz in Moab-ho râlthuama inthuamte chu ring takin an au va; an nuna chu an kaw chhûngah chuan a khur a.
15:5 Moab-ho avângin ka thinlung chu a au va; an m thate chu Zoar khuaah leh Eglath-selisi-jah-ah an tlan a: Luhith chhovah chuan tap chungin an kal chho a ni; Horonaim kawngah chuan chhiatna auvin an au chhuak a ni.
15:6 Nimrim tuite chu tihchhiatin a awm dawn si a: hlobet chu a vuai zo va, hlobet chawrno chu a rawp a, thil hring rêng rêng ch a awm ta si lo.
15:7 Chuvangin an sum la neih chhunte leh an dah thatte chu tuipuisuthlah Lui ralah chuan an kal bopui ang.
15:8 Au thawm chu Moab ramri vêlahte chuan a thang si a; a chiau vâk vâk thawm chu Eglaim khaw lamah a thang a, a chiau vâk vâk thawm chu Beer-elim khaw lamah a thang a ni.
15:9 Dimon tuite chu thisenin a bual zo vek si a: Dimon chungah chuan thil nasalehzual ka thlentir dawn si a, Moab-ho zinga tlan chhuakte chungah leh, chu ram ala awm chhunte chungah chuan sakeibaknei ka thlentir ang.
16:1 Ram rorêltu tan berâm note chu Sela khua thlalêr lama awm atang chuan Zion fanu tlângah chuan thawn rawh u.
16:2 Tichuan, Moab fanute chu sava, a bu ata rau darha thlawk thlawkte angin Arnon lui kaiah an awm dawn nia.
16:3 rem min ruatsak la, ro min relsak rawh; i hlim chu chhun laiah zan angin siam la: hnawh chhuahte chu bihruktir rawh; tlan bo chu mantir suh.
16:4 Moab zinga mi hnawh chhuaha awmte chu i hnênah awm rawh se; an tan tichetu hmêl lakah chuan bihrukna hmun ni rawh: hleprutu chu engmah lova siamin a awm ta si a,tihchhiatna a reh ta a, hnehchiahtute chu ram atang hian tihboralin an awm ta.
16:5 Tichuan lalthutphah khawngaihnaa tihnghehin a awm ang a, chumi chungah, Davida puan inah chuan, mi pakhat, rorêlin, rorêlna fel zawngin, thil fel rang taka ti nghalin, tihtakzetin a thu ang.
16:6 Moab-ho chapona thu, an chapo êm êm ani tih kan lo hria a; an tawng chaltlaizia leh, an chapoizia leh, an thinurzia thu chu; an uannate chu engmah a ni lo.
16:7 Chuvangin Moab-ho chu Moab ho chungah an chiau vâk vâk ang: Kir-ha-reseth grêp rep hlawm chu lungchhe vankaiin in la tah chhan ang.
16:8 Hesbon lote chu a chau zo ta si a, Sibmah grêp hrui nên: hnam tin lalte chuan a kung tha mite chu an titliang pheng phung a; Jazer khaw thleng thlengin a zam hlawm a, thlalerah a za lût a; a pengte chu a zma darh sung a, tuipui chu a zam kai ta a.
16:9 Chuvangin Sibmah grêp hrui chu Jazer tahin ka tah ang a: aw Hesbon leh Elealeh, ka mittuin ka leih ang che: i nipui rahte chungah leh i buh seng chungah chuan inbei au thawm chu a tla ta si a.
16:10 Lawmna chu laksakin a awm ta, lo tha tak atangte chuan hlimna chu laksakin a awm ta bawk a; grêp huanahte chuan hla sak rêng rêng a awm tawh lo vang a, thawm hlimawn rêng rêng a awm tawh hek lo vang; grêp sawrna khurahte chuan rap sawrtu rêng rêngin uain an rap chhuak tawh lo vang; grêp seng au chu ka tireh ta.
16:11 chuvangin ka rilte hi Moab khawngaih avângin tingtang angin a ri a, ka kawchhûng chu Kir-heres khawngaih avângin tingtang angin a ribawk a.
16:12 Tin, heti hi a ni ang a, Moab chu a inlan hunah, hmun sângah intihaha, tanwgtai tûra a hmun thianghlim a alo kal hunah chuan a hlawhtling lovang.
16:13 Chung chu Moab chungchang thu LALPAN tun hma lama a sawi kha a ni.
16:14 Tunah erawh chuan LALPAN, "Inhlawhfa kum chhiar kum thum chhûngin Moab ropuina chu, a mipui tam takte chawpin, hmuhsitawma awmtirin a awm ang a; a la awm chhunte chu tlemte tak meuh sawi tham loh an ni ang," tiin, a sawi ta.
17:1 Damaska khaw phur tir chu. Ngai teh, Damaska chu khawpui ni tawh lo tûrin lak bo a ni ta, tichuan in chim khâwm mai a ni tawh ang.
17:2 Aroer khuate chu tlansanin a awm ta; berâm rualte awmna tûr a ni mai ang, chung chu an bawk ang aa, tuman an tihlau lo vang.
17:3 Ephraim lakah kulhpui chu a bo vang a, Damaska lakah ram chu a bo vang, Suria rama la awm chhunte pawh an bo vang, Israela thlahte ropuina ang lekin an awm ang, sipaihote LALPAN a ti a.
17:4 Nimahsela, oliv thing vuak hnua ziding sâng ber chhipah rah pahnih thum emaw, thing rah tak zar sei berah te pali panga ema a awm thin ang hian chutah chuan hmaih chhar tûr a la awm ang, LALPA, Israel-ho Mi Thianghlim chu a thlir tawh ang.
17:5 Tichuan buh sengtupan buh a laka, a vuite chu kuta a help ang mai hi a ang a; a ni, Rephaim ruamah miin buh vui hmaihte chu an char ang mai hi a ni ang.
17:6 Nimahsela, oliv thing vuak hnua a ziding sâng ber chhipah rah pahnih pathum emaw, thing rah tak zar sei berah te pali panga emaw a awm thin ang hian chutah chuan hmaih chhar tûr a la awm ang, LALPA, Israel-ho Pathian chuan a ti a.
17:7 Chu mi niah chuan miin an siamtu lam an en tawh ang a, an mitte chu Israel-ho Mi Thianghlim chuan a thlir tawh ang.
17:8 maichâm, anmahni kut chhuak lamte chu, an en tawh lo vang a, anmahni kuta siam, Aserte emaw, ni lemte emaw an zah tawh hek lo vang.
17:9 Chu mi niah chuan an khaw nghet takte chu ngawbing leh tlâng chipa hmun tlansan hnu, Israela thlahte hmaa an tlansan hnu ang kha, a ni ang: tichuan hmun tihtiau ani tah ang.
17:10 Pathian i chhandamtu i theihnghilh a, i chakna lungpui chu i hre reng si lo; chuvangin kung mawi tak takte i phun thin a, a chhûngah chuan tang danglamte i vut bur fur thin a:
17:11 i phun niin i ping vêl thin a, zingah chuan i thil chi chu i tipar thin: nimahsela rah lawh chu lungngaihna leh natna nasa tak niah chuan a bo thin.
17:12 A, mipui tam tak ri dur dur, tuifinriatte ri dur dur anga ri dur durte leh, hna tin, ri hum hum, tui nasa takte ri hum hu anga ri hum humte chu aw!
17:13 hnam tin chu tui tam tak ri hum hum angin an ri hum hum ang: nimahwsela ani chuan a zilhhau vang a, tichuan hla takah an tlan bo vang a, tlânga buhsi thli len ang leh vaivut thlipui len vir mup mup anga umin an awm ang.
17:14 Tlai lamah chuan, ngai teh, thil rapthlek tak a awm a; tin, khawvar hmain an awm ta lo. Chu chu râllâka min laksaktute chan ani a, mi ruksaktute pual a ni bawk a.
18:1 A, thla zap ri hum hum ram, Ethiopia rama luite rala awm,
18:2 tuipuia, tui chunga luang lawngahte palaiho tirtu chu! Zualko chak takte u, hnam sâng thlêr thlawrh mam tak hnênah, an chhuah tan achin tun thleng mi hlauhawm takte hnênah chuan, kal rawh u; chu hnam chuan ram an sem thin a, an rapthlu bawk thin, an ram chu luite chuan a sem darh a ni.
18:3 Khawvela awm zawng zawng leh leilung luahte u; tlângahte chhinchhiahna an tar chhuah hunah en rawh u: tawtawrâwt an ham hunah ngaithla rawh u.
18:4 LALPAN ka hnênah heti hian a saiw a ni, "Ka awm hle hle ang a, ka awmnaah hian ka thlir reng ang; ni sat laia khaw lum thiang vêl vul ang leh buh seng khaw lum laia daifim chhum ang hian, tiin.
18:5 Grêp lawh hun hmaa, a par a rem a, a par chu grêp puama a lo cha hunah chuan, a peng te te chu theikung ahchhumna chemtein a ait chhum dawn si a, a peng zam darhte chu a lo bovin a sat chhum bawk ang.
18:6 Chung chu tlânga sava kohamte tan leh, leia sate tan chuan hnutchhiahin an awm hlawm ang: tichuan sava kohamte chuan anni chu nipui chhûngin an ei ang a, leia sa zawng zawng chuan thlasik chhûngin an ei ang.
18:7 Chu mi hunah chuan, sipaihote LALPA hming awmna hmun, Zion tlângah chuan, sipaihote LALPA hnêna pêk atân mi sâng thlêrh thlawrh mam takte hnên ata, an chhuah tan achin tun thlenga mi hlauhawm takte hnên ata chu, lawmman an rawn sin ang; chu hnam chuan ram an sem thin a, an rapthlu bawk thin, an ram chu luite chuan a sem darh a ni.
19:1 Aigupta ram phur rit chu.Ngai teh, LALPA chu chhum chak tak chunga chuangin Aigupta ram a lo thleng ta e: Aigupta ram milemte chu a hmaah chuan an khur zawih zawih ang a, Aigupta-ho thinlung chu an kawchhûngah a tuiral mai ang.
19:2 Tin, Aigupta mite chu Aigupta mite vek bei tûrin ka chawk tho vang: tichuan, mi tinin mahni unau beiin, mi tinin mahni thenawm beiin, an inkap ang; khua leh khua an inbei ang a, ram leh ram an inbei ang.
19:3 Tichuan, Aigupta-ho thlarau chu an kawchhûngah chuan engmah lova siamin a awm ang a; an remruat chu ka tichhia ang: tichuan, milemte leh, aikaihthiamte leh, ramhuai aienthiam zalwte leh, dawithiamte chu an rawn ang.
19:4 Tin, Aigupta mite chu hotu nunchhe tak kutah chuan ka hlan ang a; tichuan lal kawlh takin an chungah ro a rêl tawh ang. Lalpa, sipaihote LALPA chuan a ti.
19:5 Tin, tuipui tuite chu a kang ang a, lui chu a luang bovin a lo kangchat tawh ang.
19:6 Luite ch a rimchia ang a; Aigupta ram tuiluangte chu a kam telh telh ang a, a kangchat mai ang: phairuangte leh tui hnimte chu a vuai zo vang.
19:7 Nile lui kianga, Nile lui kam ngeia, ran tlatna phulte leh, Nile lui kianga thil chin zawng zawngte chu a lo ro vang a, len bovin a awm ang a, a awm tawh lo vang.
19:8 sângha mantute pawh chu an tap ang a, Nile luia nghakawi khai thinte zawng zawngte chu an awm an inchum chau tawh ang.
19:9 Chu lo pawh chu ziza zai sin dke mite leh puan ngo tah mite chu an mualpho ang.
19:10 Tin, a lung bante chu tihsawmin a awm ang a, inhlawhfa thin zawng zawngte chu an rilrui an lungngai ang.
19:11 Zoan khuaa mi liante chu an â ngawt mai: Pharaoa remruattu fing berte remruat chu sa remruat ang mai a lo ni ta; Pharaoa hnênah, "Mi fing fapa, hmasâng lalho fapa ka ni," engtiziaa ti thin nge in nih?
19:12 Khawiah nge i mi fingte chu le? Anni chuan hrilh nghal che rawh se; Aigupta ram chung thil thleng tûr sipaihote LALPA ruatte chu, hre rawh se.
19:13 Zoan khua ami liante chu mi â an lo ni ta a, Noph khuaa mi liante chu bumin an awm ta; Aigupta hnamho kila lungte chuan Aigupta-ho chu an vah botir ta.
19:14 LALPA chuan Aigupta-ho zingah luhlulna thlarau a awmtir ta: tichuan zu rui mi chu a luakah a pai thlawk thlawk ang hian Aigupta-ho chu an hnathawh tinrengah a kal kawitir ta.
19:15 Aigupta-ho tan luin emaw, meiin emaw, tum kauvin emaw, phungladinin emaw thawhsak theih a awm tawh hek lo vang.
19:16 Chu mi niah chuan Aigupta-ho chu hmeichheho ang an ni ang a: sipaihote LALPA kut thin chu an chunga a thin avângin an khurin an hlau vang.
19:17 Juda rama awmho chu Aigupta-ho tan chuan rapthlâk tak an lo ni tawh ang a, an hming an lamna apiangte chuan an hlau vang, an chunga thleng tûr sipaihote LALPA thu ruat avâng chuan.
19:18 Chu mi niah chuan Kanaan-ho tawnga tawng leh,sipaihote LALPA hnênah chhechhama thu tiam thinte chu, Aigupta ram chhûngah khaw panga a awm ang a; pakhat chu Boralna Khua an ti ang.
19:19 Chu mi niah chuan Aigupta ram laiah chuan LALPA tan maichâm a awm ang a, a ramriah chuan LALPA tan lungphun a awm ang.
19:20 Chu chu Aigupta ram a sipaihote LALPA tan chuan chhinchhiahna leh hriatna a ni ang: hnehchhiahtute avângin LALPA an la au dawn si a, tichuan anin chhandamtu leh humhimtu a tir ang a, ani chuan anniho chu a chhan chhuak ang.
19:21 Tichuan LALPA chu Aigupta mite chuan chu mi niah chuan LALPA chu an hre tawh ang;a ni, inthawina leh thil pekin chibai an bûk ang a, LALPA hnênah chuan thu an tiam ang a, an hlen bawk ang.
19:22 Tin, LALPA chuan Aigupta-ho chu a vua ang; a vua ang a, a tidam bawk ang; tichuan LALPA hnênah an kir leh ang a, ani chu anmahni ngen thlukin a awm ang a, anmahni a tidam ang.
19:23 Chumi niah chuan Aigupta ram atangin Assuria ram thlengin lamlian a awm ang a; tichuan Assuria mite chu Aigupta ramah an kal ang a, Aigupta mite chu Assuria ramah an kal bawk ang; Aigupta mite chuan Assuria mite nên Pathian chibai an bûk tlâng tawh ang.
19:24 Chumi niah chuan Israel-ho chu Aigupta-ho leh Assuria-ho pathumtu an n ni ang a, lei lailiah hian malsawmna an ni ang:
19:25 sipaihote LALPA chuan, "Ka mi Aigupta-hpte leh ka kut chhuak Assuria-hote leh ka rochan Israel-hote chu malsawmin awm rawh se," tiin, mal a sawm si a.
20:1 Assuria lal Sargona tithin Tartana Asdod khuaa a lo kal a, Asdod khua a bei a, a lâk kum khan;
20:2 chumi lai chuan LALPAN Amozaa fapa Isaia ka chuan, "Kal la, i kawnga saiip puan kha phel la, i kea i pheikhawk kha dah rawh," tin, a sawi a. Tichuan chutiang chuan a ti a, saruak leh pheikhawk bun lovin a kal a kal ta a.
20:3 Tin, LALPA chuan, "Ka chhiahhlawh Isaia hi Aigupta-ho chungah leh Thiopia-ho chungah chhinchhiahna leh thilmak atân kum thum chhûnga saruak leh pheikhawk bun lova a kal ang hian,
20:4 Assuria lal chuan Aigupta-ho mante leh Ethiopia-ho salte chu, apui apangin, saruak leh pheikhawk bun lo leh mawng langin Aigupta-ho mualphona tûrin a hruai bo vang.
20:5 Tichuan an beisei ber Ethiopia-ho leh an ropuina ber Aigupta-ho avâng chuan mangang tak leh mualpho takin an awm tawh ang.
20:6 Tichuan, chu mi niah chuan he tuifinriat kama mi hian, 'Ngai teh, kan beisei ber, Assuria lal laka min chhanhim tûra min puitu atâna kan tlanna chu, heti a ni ta si a: keini hi engtin nge ka tlan chuah ang?' an la ti ang," a ti.
21:1 Tuipui thlalêr phur rit chu. Chhim rama thawngaleivir a kal tlâng angin thlalêr atangin, ram hlauhawm tak atang chuan, a lo kal e.
21:2 inlârna khirhkhan tak ka hnênah hriattir a ni tawh; vervek taka titu chuan vervek takin a ti a, rawktu chuan a rawk a. Aw Elam-ho, kal chho rawh u; aw Media-ho hual rawh u; an rumna zawng zawng chu ka tireh vek tawh e.
21:3 Chuvangin ka kawngte hi natna nasa takin a khat a, hmeichhe nau vei natna anga natnain mi man ta: benga hre thei anga natnain mi man ta: benga hre thei lo khawpin na ka tuar a, khaw hmu thei lo khawpin ka mangang a.
21:4 ka thinlung hi a thaw hlawp hlawp a, thil rapthlâk takin mi tihlau va: tlai nem ka nghahhlelh thin kha ka tan khurhnaah a chang ta.
21:5 Dawhkan chu an buatsaih a, ralvengtu chu an ventir a, an ei a, an in a: mi lainate u, tho ula, phaw kha hriak hnawih rawh u.
21:6 Lalpa chuan ka hnênah heti hian a sawi a ni, "kal la, ralvengtu ventir rawh; ani chuan a thil hmuh chu sawi rawh se:
21:7 tin, sipai pâwl te, sakawr chung chuan, a kawp zela kal te, sabengtung pâwl te, sanghawngsei pawlte a hmuh hunah chuan ngun takin a ngaithla kiau vang," tiin.
21:8 Tin, ani chu sakeibaknei angina au va; "Aw LALPA, chhunah chuan ralven bûk chungah hian ka ding fo va, zankhua khuain ka vennaah hian mi awmtir fo va:
21:9 ngai teh, hetah hian mihring paw, sakawr chung chuang, a kawp zela kal an lo kal e," tiin. Tin, amah vek chuan, "Babulon khua chu a tlâwm ta, a tlâwm ta; an pathianho milem siam chawpte zawng zawng chu leiah tihkeh sawmin a awm ta," tiin, a chhâng a.
21:10 Aw ka buh vuaksa, ka hruiha buh: sipaihote LALPA, Israel-ho Pathian laka ka hriat chu ka hrih che u a nih hi.
21:11 Dumah phur tir chu. Miin Seir tlâng atangin mi au va, "Ramvengtu, zan hi engti nge ni tawh? Râlvengtu zan hi engti nge ni tawh?" tiin.
21:12 Ralvengtu chuan, "Zing a lo ni dawn ta e, zan pawh; in zawh duh chuan zawt rawh u: hawi leh ula, lo kal rawh u," a ti a.
21:13 Arabia ram chunga phur rit chu. Aw Dedan-ho khualzin pâwl tinte u, Arabia rama ramhnuaiah in riak ang.
21:14 Tuihal hnênah chuan tui an rawn la a, tema rama awmte chuan an chawin tlan bote chu an hmuak a.
21:15 Khandaihte lakah, khandaih phawi sa lakah leh, thal ngun khawih sa lakah leh indona nasa tak lak ata tlan bo an ni si a.
21:16 LALPA chuan heti hian ka hnênah a sawi si a, "Inhlawhfa kum chhiar kum khat chhûngin Kedar-ho ropuina zawng zawng chu a bo zo vang a,
21:17 thal kap mi, Kedara thlahte zinga mi chak tak la awm chhun chu, tlem te an ni ang: LALPA, Israel-ho Pathian chuan, chu chu a sawi tawh si a," tiin.
22:1 Inlârna ruam phur rit chu. Eng in ti nge ni le, in chungahte in lawn vek ni?
22:2 Aw au thawma khat, khawpui sa mur mur, khaw hlim tak, i chhûnga an thahte chu khandaiha thah chhûnga an thahte chu khandaiah thah an ni lo va, inkahnaa thi an ni hek lo.
22:3 I rorêltu zawng zawng chu an tlan bo za a, thal kap mite phuarin an awm a: i ta an hmuh zawng zawng chu phuar khawmin an awm a, hla tak atanga lo tlan bote chu. Chuvangin kei chuan, "Min en lovin lehlam en rawh u, ka tap vâk vâk dawn e; ka miteho fanu râllâka an lak thu-ah chuan mi hnem duh harsa suh u" ka ti a.
22:5 inlârna ruamah hian buaina te, manganna te, rah behna te, Lalpa sipai-hote LALPA hnên ata a lo thleng a. Kulh bang tihchim a ni a, tlângahte mangangin an au va.
22:6 Tichuan, Elam-ho chuan thal bâwm an keng a, mihring huanna talailirte leh sakawr chung chuang mite nên: Kir-ho chuan phaw tuamna chu an phelh a.
22:7 Tin, heti hi a ni a, i ruam tha berte chu tawlailirtein a khat a a, sakawr chung chuang mite chu kulh kawngkhâr bulah an tlim hmui a.
22:8 Tin, Juda-ho khuhna chu a la bo va; tichuan chu mi niah chuan ngawpu ina râlthuamna chu in en ta a.
22:9 Davida khaw kulhpui chhe laite in en bawk a, a tam tih in hria a: tin, dil thlangta zawk tuite chu in luan khawmtir a.
22:10 Tin Jerusalem inte in chhiar a, kulhpui bang siam that nân inte chu in thiat a.
22:11 Dil hlui tui awmna tûrin kulhpui pahnih karah chuan ti tlinkhawmna in siam a; nimahsela chung titu lam chu in en si lo va, hmasânga lo siamtu chu in ngaihsak hek lo.
22:12 Chumi niah chuan Lalpa, sipaihote LALPA chuan, tap tûr leh awm inchum tûr leh lu tikawlh tûr leh saiip puan veng tûrin a ko va:
22:13 nimahsela, ngai the, hlimna leh lawmna te, bawng talhna leh berâm talhna te, sa eina leh uain inna te a am ta zawk a, "I eiin i in ang u, naktukah chuan kan thi dawn si a," an ti a.
22:14 Tichuan sipaihote LALPA chu ka bengah a inhriattir a, "Mathei lovin he sualna hi in thih hma loh zawng in lakah tlenfai ani tawh lo vang, Lalpa, sipaihote LALPA chuan a ti," tiin.
22:15 Lalpa, sipaihote LALPA chuan, heti hian a ti, "Kal la, he sum enkawltu tehchai hnênah hian, Sebnaa, lal in chunga hotua awm hnên ngeiah chuan, kal rah.
22:16 Tin, a hnênah heti hian sawi rawh, 'Hetah hian eng nge i tih? Hetah hian tute nge i neih a, thlan hetah i ker kuak tehchai ni? Ama tan sâng taka thlan a ker kuak a, ama tan lungpuia awmna a siam tehchai hi!
22:17 Ngai teh, LALPA chuan mi chakin a paih angin a paihin apaih vâk ang che; a ni, a funin a fun tlat ang che.
22:18 Ani chuan matheilovin bawl hlum angin a tivir ang chia, ram zau takah a vawrh lût ang che; chutah chuan i thi ang a, chutah bawk chuan, nang, mahni lal in chhûng timualphotupa, i ropuina tawlailirte chu a awm ang.
22:19 I hnathawhna ata a hnawt chhuak ang chia, ani chuan i hotu nihna ata chu a hnuk thla ang che.
22:20 Tin, chu mi niah chuan heti hi a ni ang a, ka chhiahhlawh Eliakima,Hilkia fapa chu, ka ko vang a:
22:21 ani chu i kawrfual hi ka haktir ang a, i kawnghren hian ka tichak ang a, i rorêlna hi a kutah ka kawltir ang: tichan ani chu Jerusalema awmte tan leh Juda chhûngte tan pi a ni ang.
22:22 Tin, Davida chhûngte chabi chu a kokiah ka dah ang a; ani chuan a hawng ang a, tuman an khar lo vang; a khar ang a, tuman an hawng lo vang.
22:23 Tin, ani chu, klhna hi hmun nghet taka an kilh tlat ngin, ka tinghet tlat ang a; tichuan ani chu a pa chhûngte tan lalthutphah ropi tak atân a ni ang.
22:24 Tin, amahah chuan a pa chhûngte ropuina zawng zawng chu an la bang vek ang, a fate leh a thlahte bungbêlte tinreng, berhbu bungbêl atanga tui dahna bungbêl zawng zawng thlengin.
22:25 Chu mi niah chuan, kilhna, hmun nghet taka kilh tlata awm chuan a la dawl lo vang: sah thlaka awmin, a tla tawh ang a, a chunga thil rit awm chu tihboralin a awm tawh ang; LALPAN chu chu a sawi tawh si, sipaihote LALPA chuan a ti," tiin.
23:1 Tura khaw phur rit chu. Tarsis lawng liante u, chiau vâk vâk rawh u; in rêng rêng awm lo khawpa tûra chu tihchhiata a awm tak hi; chu chu Kupra ram atangin in lo hira a.
23:2 Tuipui kama chengte u, ngawi rawh u, Sidon khaw sumdawngte u,
23:3 tuipui chunga kalin Aigupta ram Nile lui buh in chaw a, ram tinah in hralh a, in help chu in sum hnar ber a ni.
23:4 Aw Zidon, zak rawhL tuifinriat, tuifinriat kulhpui chuan, thu a sawi ta si a, "Nau ka vei ngai lo va, ka hring ngai hek lo va, nula pawh ka tiseilian ngai hek lo," tiin.
23:5 Thuthang chu Aigupta ram a thlen hun chuan tûra thuthang chu nasa takin an vei ang.
23:6 Tarsis-ah va kai ula; thliarkara awmte u, chiau vâk vâk rawh u.
23:7 Hei hi maw in khaw hlim tak, a hlunzia murakeka mi tawh, a kein hla taka awm tûra a hruai thina chu?
23:8 Lallukhum khumtirtu khua tûra chungah hian tuin nge hei hi thleng tûrin ruat? Chuta sumdawngtute chu mi liante an ni a, chuta sumdawng mite chu leia mi zahawmte an ni si a.
23:9 Sipaihote LALPA chuan chapote ropuina tih tlâwm leh khawvel mi zahawmte tihmualpho a tum tlat a ni.
23:10 Aw Tarsis fanu, Nile lui angin i ramah chuan luang liam rawh; i kawnghrenna rêng rêng a tawm tawh loh hi.
23:11 Tuifinriat chungah a kut a phar a, ramte chu a tinghing a: LALPA chuan Kanaan ram chungchang thu-ah thu a pe a, a kulhbingte tichhe tûrin.
23:12 Tin, anni chuan, "Aw Zidon fanu nula, mi hnehchhiah, i hlim leh tawh lo vang: tho la, Kitim ramah kai rawh; chutah pawh chuan chawlhna rêng rêng i hmu chuang lo vang," a ti a.
23:13 En teh, Kaldai-ho ram hi; heng mite hi an awm tawh lo: Assuria mi chuan thlalêra ram sate tan a ruat tawh a ni: an in sângte chu an sa a, chuta lal inte chu an tiboral a, inchhiaah a siam ta.
23:14 Tarsis lawng liante u, chiau vâk vâk rawh u: in kulhbing chu tihchhiatin a awm tak hi.
23:15 Tin, chu mi niah chuan heti hi a ni ang a, tûra khua chu, lal pakhat kum chhiara, kum sâwmsarih chhûng chu theihnghilhin a awm ang: kum sâwmsarih ral hnuah chuan nawhchizuar hlaa an sawi angin tûra khaw chungah chuan a la thlang ang.
23:16 nang nawhchizuar, mite theihnghilh tawh hnu, tingang la la, tual fang rawh; tingrang kai la, hla tam tak sa rawh, hriata i awm leh theihna tûrin.
23:17 Tin, kum sâwmsarih a ral hnu chuan LALPA chuan tûra khua chu a tlawh ang a, a sumdawnna a chhunzawm leh ang; khawvel ram tinah a inzuar leh ang.
23:18 Tin, a sum deh chhuah leh a hlawh chu LALPA hmaa awmte tan a ni dawn si a, hnianghnara an eiah leh, silhfen ropui tak an neih theih nân.
24:1 Ngai teh, LALPA chuan lei hi a tiruakin, a tiram dawn a, a khaikhup ang a, a awmate chu a tidarh dawn.
24:2 Tin, vantlâng chunga tih angin, puithiam chungah pawh tih a ni ang; bawihpa chunga a awm angin, a pu chungah pawh a aw ang; bawihnu chunga awm angin, a pi chungah pawh a awm ang; leitu chunga a awm angin, hralhtu chungah pawh a awm ang; puktirtu chunga a awm angin, puktu chungah pawh a awm ang; a pung uma puktirtu chunga a awm angin, a hnêna a pung petu chungah pawh a awm ang.
24:3 Lei hi tihruah fai kelh leh tihchhiat fai kelhin a awm ang; chu thu chu LALPAN a sawi tawh si a.
24:4 lei hi a tapin a chuai e, khawvel hi a chauvin a chuai e, leia mi chungnungte hnuaiah chuan a chau ve.
24:5 Lei hi a awmnate hnuaiah chuan a bawlhhlawh zo ta; dante chu an bawhchhiat a, thuruat chu an tihdanglam a, kumkhaw thuthlung chu an bawhchhiat avângin.
24:6 chuvangin ânchhe lawhnain lei hi a ei zo va, a awmate chu thiam loh chantirin an awm ta: chuvangin leia awmte chu an kang hlum a, mi tlem te chauh an la awm.
24:7 Uain thar chu a tap e, grêp hrui chu a chau ve, thinlunga hlim zawng zawngte chu an rum e.
24:8 Khuangtete hlimna chu a reh e, lawm taka awmte thawm chu a tawp e, tingtang hlim ri chu a reh e.
24:9 Hla sa chungin uain an in lo vang; zu chu a intute tan kha tak a ni ang.
24:10 Buaina khawpui chu tihchimin a awm ta: tumah rêng rêng an luh loh nân in tin, kharin a awm ta.
24:11 Uain avângin kawtthlêrahte chuan tap thawm a awm a; hlimna zawng zawng tihthimin a awm a, he ram hlimna hi a bo ta.
24:12 Khawpuiah chuan tiauna hnutchhiahin a awm a, a kulh kawngkhâr chu vuak chhiatin a awm ta.
24:13 Lei lailia mi tin zingah hetiang hian a la awm dawn si a, oliv thing vuak hnua rah a la awm thin ang leh, grêp lawh hnua grêp hmaih lawh tûr a la awm thin ang mai hian.
24:14 chungte chuan an aw an chhuah ang a, an au vang; LALPA ropuina avângin tuifinriat atangin ring takin an au ve.
24:15 Chumi avâng chuan LALPA chu khaw chhak lamah chawimawi rawh u, LALPA, Israel ho Pathian hing ngei chu, tuifinriatkam ruamahte chuan chawimawi rawh u.
24:16 Kawlkil tawpa hla sakte kan hria, "Mi flte hnênah ropuina awm rawh se" tih hla hi. Nimahsela, kei chuan, "Ka cher tawlh tawlh a, ka cher tawlh talwh a, ka chung a pik e! vervek taka titute chuan vervêk takin an ti a;a ni, vervek taka titute chuan vervek tak takin an ti," ka ti a.
24:17 Aw leia awm, hlauhawmna te, khuarkhurum te, thangte chu i chungah a awm e.
24:18 Tichuan heti hi a ni ang a, hlauhawm thawm atanga tlana chu, khuarkhurumah a tla ang a; khuarkhurum chhûng ata chhuak chhova chu, thangah a awk ang: chung lama tukverhte chu hawnin a awm si a, leilung nghahchhante chu a nghing bawk a ni.
24:19 Lei hi a keh chhe vek a, lei hi tihralin a awm zo va, lei hi nasa takin a nghing a.
24:20 Lei hi zu rui mi angin a pai hlawk hlawk ang a, bawkte sawi angin a sawi luai luai ang; a bawhchhiatna chu a chungah rit takin a awm ang a, tichuan a tlu ang a, a tho leh tawh lo vang.
24:21 Tin, chumi niah chuan heti hi a ni ang a, LALPA chuan chung lama mi chungnunghopâwl lian tak chu a hrem ang, leia lei lalte nên.
24:22 Tin, mi tangho khuarkhuruma hruai khawma an awm angin chungho chu hruai khawmin an awm ang a, tan inah khungin an awm ang a, ni rei tak hnuah chuan hremin an awm ang.
24:23 Chumi hunah chuan thla khi zak takin a awm ang a, ni khi mualpho takin a awm ang; sipaihoi-te LALPA chu Zion tlâng leh, Jerusalem khuaah leh, a upaho hmaah chuan, ropui takin lalah a awm dawn si a.
25:1 Aw LALPA, nang chu ka Pathian i ni a; ka chawimawi ang chia, i hming ka fak ang; thil mak tak, hmasânga remruatte chu, rinawm tak thutakin i ti si a.
25:2 Khawpui pawh lei pawngah i chantir a; khua kulhpui nei pawh khaw chhiaah i chantir a; ramdang mite lal in pawh khua lovah i chantir si a. Engtikah mah sakin a awm leh tawh lo vang.
25:3 Chuvangin mi chak takte chuan an chawimawi ang chia, hnam hlauhawm takte khawpui huan an hlau vang che.
25:4 Mi hlauhawmte thaw chu thlipuiin bang a nam sawk sawk anga a lo awm laite hian, nang chu mi rethei tan kulhbing, pachhe mangan lai atân kulhbing, thlipui laka inhumhimna, ni sa hliahna i ni si thin a.
25:5 Hmun rova khaw lum chu i tireh thin ang hian, ram dang mite thawm chu i tireh ang; khaw lum chu chhum hliaha tihrha a awm thin ang hian, mi hlauhawmho hla sa chu tihrehin a awm ang.
25:6 Tin, he tlângah hian sipaihote LALPA chuan mi tinreng tan thil thautein ruai a theh ang, uainte a fe nena inchiah reng, thil thau takte thlinga khat, uainte a fe nena inchiah reng tha taka thlir fai chu.
25:7 Tin, mi tinreng an vawm khuhna pawn lam leh, hnam tinreng an khuhna chu he tlângah hian a tichhia ang.
25:8 Thihna chu a lem hlen ta; Lalpa PATHIAN chuan mi zawng zawng hmai ata chu mittuite a hru fai ang a; a mite hmingchhiatna chu leilung luah zawng zawng ata a la bo vang: LALPAN chu chu a sawi tawh si a.
25:9 Tin, chu mi niah chuan, "Ngai teh u, hei hi kan Pathian a nih hi; ani hi kan nghak reng a, tichuan min chhandam ang: hei hi LALPA chu a nih hi; ani hi kan nghak reng a, a chhandamnaah chuan kan lawmin kan hlim ang," an ti ang.
25:10 He tlângah hian LALPA kut chu a innghat ang a, Moab chu, buhpawl hi ekdur thlia rah beha a awm thin ang hian, ama hmunah rah behin a awm dawn si a.
25:11 Tichuan tuihleuhtun tui hleuh tûra a vai ang hian, chu mi zingah chuan a kutte a vai ang: tin, a chapona chu akut vervekna chawpin LALPAN a dah hniam ang.
25:12 Tin, i kulh bangte in sâng kulhpui chu a tichimin, a dah hniamin, leiah, vaivut thleng khawp rawkin a titlu ta.
26:1 Chumi niah chuan Juda-ho ramah he hla hi an sa ang: "Khawpui nghet tak ken nei a; ani chuan chhandamna chu kulh bangte leh kulhpuite tan a ruat ang.
26:2 Hnam fel thutak zawmtu chu a luh theihna tûrin kulh kawngkhârte chu hawng rawh u.
26:3 I chunga rilru nghattu chu, nangmah a rin che avângin, thlamuang tak maia awm tûrin i veng ang.
26:4 LALPA chu kumkhuain ring rawh u: LALPA JEHOVA-ah chuan kumkhaw lungpui a awm si a.
26:5 Ani chuan sâng taka awmte chu a titlâwm ta si a, khawpui sâng ak chu chu chu dah hniam a, lei thleng rawkin a dah hniam a vaivut thleng zawkin a titlu a.
26:6 Ke chuan a rap bet ang; retheite ke leh pachhiate pen ngei chuan.
26:7 Mi fel kawng chu dikna a ni a: nang thinlung dik tak pu chuan mi fel kawng chu i tirual thin.
26:8 A ni aw LALPA, i rorêlna kawngah chuan kan nghak reng chia; kan nunna duhzawng chu i hming lam leh nangmah hriat rengna lam hi a ni.
26:9 Ka nunnain zanah ka duh chia; a ni, ka kawchhûnga ka thlarau awm hian zing takah ka zawng ang che; i rorêlnate chu leia a lo awm apiangin khawvela awmte chuan felna chu an zir thin si a.
26:10 Mi suaksual chu duhsakin awm mah sela, felna a zir chuang hlei lawng e: dikna ramah chuan dik lo takin a ti ang a, LALPA ropuina a hmu chuang lo vang.
26:11 "LALPA, i ban i phar a, an hmu si lo; mite tan i thahnemngaihna chu hmu se, an zak ang; a ni, nangmah dotute chu meiin a kang rla ang.
26:12 LALPA, nangin remna min ruatsak ang: nangin kan hna zawng zawng pawh min thawhsak si a.
26:13 Aw LALPA kan Pathian, nangmah chang ni lovin lal dangte pawhin kan chungah thu an nei tawh thin a, nimahsela nangma tanpui ngeiin i hming hi kan lam tawh ang.
26:14 Anni chu an thi ta a, an nung tawh lo vang; an ral thi ta a, an nung tawh lo vang; an ral ta a, an tho tah lo vang; chuvangin nangin anni chu i hremin i tichhia a, an hriat rengna zawng zawng pawh i tiboral ta.
26:15 He hnam hi i tipung ta a, aw LALPA, he hnam hi i tupung ta; nang chu chawimawiin i awm ta: he ram hi a ramri zawng zawng i tizau ta.
26:16 "LALPA, an mangan laiin an zawng ruai thin chia, i hremna chu an chunga a tlâk laiin an tawngtai mawlh mawlh a.
26:17 Hmeichhe nau pai, hrin hun hnai tawh chu, a na thin a, nau vei nâa a chiau vawng vawng thin ang hian; aw LALPA, keini pawh i hmaah kan awm thin kha.
26:18 Nau kan pai a, kan na a, thli ang lek kan hrin kha: leiah hian chhan chhuahna lam reng kan tikaw lo va; khawvela awmho lah an tlu hek lo.
26:19 I mitthite chu an nung leh ang a; ka mi ruangte chu an tho leh ang. Vaivuta awmte u, harh ula, hlim takin zai rawh u:I daifim chu thlaite daifim ang a ni a, lei hian mitthite chu a paih chhuak dawn si a," tih hi.
26:20 Hawh u, ka mite u, in pindan chhûngahte lut ula, in kawngte chu inkhar khum rawh u: lungnih lohna hi a kian hma loh chu mitkhapkar lek biru rawh u.
26:21 Ngai teh u, LALPA chu, an sualna avânga leia awmte hrem tûrin a awmna ata a lo chhuak dawn a ni: lei pawh hian a thisente chu a tilang ang a, mi an thahte chu a khuh tawh lo vang.
27:1 Chumi niah chuan LALPA chuan, a khandaih hriam tha tak, lian pui, rinawm tak chuan, liviathan rûlpui chak tak leh liviathan rulpui chhawkawlh nghut chu a hrem ang a, tuipuia drakon awm chu a that bawk ang.
27:2 Chu mi niah chuan, grêp huan mawi tak chawimawiin hla sa rawh u.
27:3 Kei LALPA hi a vengtu ka ni; mitkhapkar tinin tui ka leih ang a, tuman an khawih loh nân achhun azanin ka veng ang.
27:4 ka thin a rim tawh lo va: buar leh hnimhlingneite lo awm mah se ka thlo veng a, hmun khatah ka hal ral ang.
27:5 Kei min rem duh chuan ka angchhûngah lo tlu lut se, mi rem rawh se.
27:6 Hun lo la thleng tûrah chuan Jakob-ho chuan zung an kai ang a; Israel-ho chu an kuhmumin an par ang: tichuan lei chung hi rahin a tikhat ang.
27:7 Amah vawtute a vuak ang takin amah chu a vaw ve êm ni? A nih loh leh, ama thahte thahna ang takin amah chu thahin a awm êm ni?
27:8 Amah chu i kal botir laiin a tawk lekin amah chu i hnial a; khawchhak thli tleh niah chuan a thaw na tak chuan amah chu a len sawn ta.
27:9 chuvangin hei hian Jakob-ho khawlohna chu tlenfai a ni ang a, hei hi an sual kal bopuina rah hlir a ni; Aserte leh ni lemte chu tho tawh lo tûr khawpin maichâm lung zawng zawng chu tlak lung den phel ram rum ang maia an siam hi.
27:10 Khua kulpui nei chu a khawhar a, awmna mi hnuchhawn leh kalsan hnu a ni ta si a, thlalêr ang maiin: chutah chuan bawng no a tla ang a, chutah bawk chuan a bawk ang a, a tangte chu a ei ang.
27:11 A zarte chu a vuai hun chuan thliahin a awm ang; hmeichheho an lo kal ang a, an hla mai ang: hriat theihna rêng rêng nei lo mite an ni si a; chuvangin an siamtu chuan anni chu a khawngaih lo vang a, anmahni dintu chuan anni chu a duh rêng rêng a duhsak lo vang.
27:12 Tin, chumi niah chuan heti hi a ni ang a, LALPA chuan, lui kuang khata luang dul dul atangin, Aigupta luite thlengin, a rah a vaw thla ang a, tichuan, aw Israela thlahte u, a mal mala chhiarin in am ang.
27:13 Tin, chumi niah chuan heti hi a ni ang a, tawtawrâwt lian pui an ham ang a; tichuan Assuria rama boral lek lekhote leh, Aigupta rama hnawh chhuahho awmte chu an lo kal ang a; Jerusalem khuaa tlâng thianghlimah chuan LALPA chu chibai an bûk ang.
28:1 Ephraim-ho zu ruihmangte chapona lallukhum chung leh, an mawina ropui pangpâr chuai mek, uain chiahhneha awmho ruam tha takin a khum chung chu a pik e!
28:2 Ngai teh, LALPA chuan mi chak thiltithei tak a nei a; ani chuan, rial nasa tak tla dur dur, thlipui thil tichhe rem rum ang leh, tuilian nasa tak liam zur zur ang maiin, leiah a paih chawrh ang.
28:3 Ephraim-ho zu ruihmangte chapona lallukhum chu rah behin a awm ang :
28:4 an mawina ropui pangpâr chuai mek, ruam tha takin a khum chu, nipui hmaa theipui hmin hmasa ber, a entuin a hmuh a, a kuta a awm veleha a ei zawh mai htin ang chu a ni ang.
28:5 Chumi niah chuan sipaihote LALPA chu, a mi la awm chhûngte tan ropuina lallukhum leh mawina lukum te,
28:6 rorêl tûra thua tan rorêlna thlarau te, kulh kawngkhâr bula rawn beiho dangkirtute tan chaknate a ni ang.
28:7 Nimahsela chungte pawh chu uain avângin an thle an thle a, zu avângin an pai an pai a; puithiamte leh zâwlneite chu zu avângin an thle an thle a, uain lem zawhin an awm a, zu avângin an pai an pai a; inlârna thu-ah an thle an thle thin a, rorêlna thu-ah an pai an pai thin.
28:8 Hmun fai rêng rêng awm lo khawpin dawhkan zawng zawng chu lauk leh thil bawlhhlawhin a khat a ni.
28:9 Hriatna lam chu tu hi nge a zirtir dawn tehchai: Thuchah chu tu hi nge a hriattir dawn tehchai: Hnute hnek bang hlimte leh hnute hnektir tawh lohte hi êm ni?
28:10 Thununna thu chunga thununna thu chherchuan a, thununna thu chunga thununna chherchhuan a; dan chunga dan chherchhuan a, dan chunga dan chherchhuan a; hetah tlem te, sawtah tlem te tih hlir a ni si a.
28:11 A ni, nimahsela hmui danglam pu mi hmangin, tawng hrangin, heng mite hnênah hian thu a sawi tawh zawk ang:
28:12 "Hei hi a ni, chawlhna chu ni, hahte chu chawlhtir rawh u! hei hi a ni, intihharhna chu ni," a tihate chu: nimahsela an ngaithla duh si lo.
28:13 Chuvangin, an kal a, zangthala an tluk a, an keh sawm a, thanga an awh a, mana an awm theihna tûrin, LALPA thu chu anniho tan chuan, thununna thu chunga thununna thu chherchhuan a, thununa thu chunga thununna thu chherchhuan a; dan chunga dan chherchhuan a, dan chunga dan chherchhuan a; hetah tlem te, sawtah tlem te tih hlir a ni mai ang.
28:14 Chumi avâng chuan, mi hmusit hmang mite u, he mite, Jerusalem khuaa awmho, rorêlsaktute u, LALPA thu hi hre rawh u:
28:15 "Thihna lakah thu kan thlung ta, Seol nên thu kan intiam ta; vuakna tui lian liam chu a luan tlâng hunah pawh keini thleng chuan a luang lo vang; dawt thute kan inhumhim nân kan hmang a, dawt hnuaiah kan biru ta si a," in tih avângin,
28:16 chuvang chuan Lalpa PATHIAN chuan heti hian a sawi: "Ngai teh, lung, lung riah hnu, a kila lung hlu tak phûm nghet tak chu, Zion-ah chuan lungphûm atân ka rem hi: a ringtu chu a hmanhmawh lo vang.
28:17 rorêlna fel chu a tihngilna hruiah ka hmang ang a, felna chu darmumkhaiah ka hmang ang: rial chu inhumhimna dawt thute chu a chhu bo vek ang a,t uite chuan bihrukna chu a chim pil ang.
28:18 Tin, thihna laka in thu thlun chu phelhin a awm ang a, Seol nena in thu intiam pawh chu a ding chuak lo vang; vuakna tui lian liam chu a luan tlâng hunah, chu i hunah chuan a rah behin in awm ang.
28:19 A luan tlâng apiangin a la zel ang che u; atuk atuk tin, achhun achhunzanin, a luang tlâng dawn si a: thuchah awmze hriat chu thil rapthlâk hlir a ni ang," tiin.
28:20 Khum chu thluan nân a tawi lutuk si a, puanthuah chu inkhuh nân a te lutuk bawk si.
28:21 A hna, a hna danglam chu, a thawh theih nân leh, a thiltih, a thiltih danglam chu, a hlen theia nân, LALPA chu, Perazim tlânga a tho ang khan, a tho dawn si a, Gibeon ruama a thinur ang khan a thinur dawn a ni.
28:22 Chutichuan mi hmusit hmangtute ni tawh suh u, chutilochuan in kawlbunte chu rinawm takin an siam dah ang e: tawpna, tawpna thleng ngei tûra ruat tlat chu, lei pum pui chunga a thlen tûr thu Lalpa, sipaihote LALPA hnên atang chuan ka hre si a.
28:23 Beng chhi ula, ka aw hi hre rawh u; ngaithla ula, ka thu sawi hi hre rawh u.
28:24 Leilettu chuan chi theh nân lei a let reng ngai êm ni? A lei tlangte chua tikehin a tisawm reng ngai êm ni?
28:25 A chung chu a chawh rual zawhin mohuri-te chu a theh darh lo vem ni? Zira te pawh a theh lo vem ni? Buh te pawh a tlarin, barlite pawh a hmun ruatah, vai buhtunte pawh a vau hrûlah a tuh thin lo vem ni?
28:26 A Pathian chuan ani chu fel takin a thununin a zirtir thin si a.
28:27 Mohuri chu buh chilna khawl hriamin an chil ngai si lo va, zira chungah chuan tawlailir ke chu an lirhtir ngai hek lo; mohuri chu tiangin an vua a, zira chu talhtumin an vaw zawk thin a ni.
28:28 Chhang siamna buh chu rawtsawmin a awm thin a, kumkhuain a vaw reng dawn si lo: a tawlailir ke leh a sakawrte chuan tidarh mah sela, a rawt sawmtir ngai lo.
28:29 Chung pawh chu sipaihote LALPA, inrawnna kawnga mi mak tak leh, finna kawnga mi tha tak lakah chuan a chhuak a ni.
29:1 E Ariel , Ariel, Davida awm hmun khuarna khua! Kumah kum belh rawh u; kutte chu lo thleng leh rawh se:
29:2 chumi hunah chuan Ariel hi ka timangang ang a, tichuan sunna leh tahna a awm ang:tin, a ni chu ka tan Ariel ang a ni ang.
29:3 Tin, nangmah bei tumin i vêlah ka ep ang chia, kulh siamin ka hual vêl bawk ang chia, bei tûr chein hual velna kulhbingte ka siam ang.
29:4 Tichuan tihtlukin i awm ang a, lei hnuai atangin thu i sawi ang a, i tawng chu vaivut zingah zawitein a ri chhuak ang; i aw chu ramhuai aienthiam zawl aw ang lekin lei hnuai atangin a chhuak ang a, i tawng chu vaivut zing atangin a lo chhuak se se ang.
29:5 Nimahsela nangmah dotu mipuite chu vaivut dip tak angin an awm ang a, mi hlauhawmho mipuite chu buhsi boral thinte ang hian an awm bawk ang: a ni, chu chu mitkhapkar lovah a lo awm thut ang.
29:6 Khawpui ri te, lirnghing te, ri nasa tak te, thawngaleivir te, thlipui te, thil kanralhmang meialh tein anni chu sipaihote LALPA hremin an awm ang.
29:7 Tichuan Ariel dotu hnam zawng zawng mipuiho, amah leh a kulhbing beiotute zawng zawng leh amah timangangtu zawng zawngte chu, mumang ang lek an i ang, zana inlârna ang lek hi.
29:8 Mi riltamin mumang a neihin chaw a lo ei thin a, nimahsela a han harh a, a kua chu a lo la ruak ang hi a ni ang: a nih loh leh, mi tuihalin mumang a neihin tui a lo in thin a, nimahsela a han harh a, a lo la chavuin tui a la chak ang hi a ni ang: Zion tlang beitu, hnam zawng zawng mipuiho chu, chutiang chu an ni ang.
29:9 Ding reng ula, mak ti rawh u, nuam leng ula, mitdelin awm rawh u: an rui a, nimahsela uain avâng a ni lo; an pai an pai a, nimahzela zu avâng a ni lo.
29:10 LALPA chuan mut duhna thlarau chu in chungah a leih bua a, in mit, zâwlneite chu, a maimitchhintir a; in lu, hmu theitute chu, a khuh ta si a.
29:11 Tichuan inlârna rêng rêng in tan lehkhabu char tlata thu ang a ni ta, chu chu miten lehkha thiam mi hnênah "Khawngaih takin hei hi chhiar rawh," tiin an pe thin a: tin, ani chuan, "Ka chhiar thei lo, char tlat a nih hi," a ti thin a:
29:12 tin, lehkhabu chu lehkha thiam lo mi hnênah, "Khawngaih takin hei hi chhiar rawh," tiin a pe thin a: tin, ani chuan, "Lehkha ka thiam lo," a ti thin.
29:13 Tin, Lalpa chuan, "He mite hian mi rawn hnaih a, an ka leh an hmuiin mi chawimawi thin tak a, nimahsela an thinlung chu ka hlatah an sawn a, an mi tihna chu mihring thupêk an inzirtir mai chu a ni:
29:14 chuvangin, ngai teh, he mite zingah hian thilmak tak mai chu: tichuan an mi fingte finna chu a boral tawh ang a, an mi bengvarte hriatna chu thupin a awm tawh ang," a ti a.
29:15 An remruat chu LALPA laka thup tûra thuk taka zawngtute chu an chung a pik e! an thiltihte chu thim hnuaiah a awm a, "Tuin nge min hmu ang? Tuin nge hriat pawh min hria ang?" an ti a.
29:16 Thilte hi in tiletling zo vek thin e a! Bel vawtu chu bellei ang leka ngaihin a awm dawn êm ni, thil siam chuan a siamtu chu, "Ani mi siam ka ni hlei nem," a tih ni? A nih loh leh, thil din chuan a dintu chu "Hriatna reng a nei lo," a tih ni?
29:17 Rei lo te chinah a ni lâwm ni? Lebanon chu lei tha tak hmuna chantirin a awm dawn a, lei tha tak hmun chu ram ngawa ngaihin a awm dawn?
29:18 Chumi niah chuan bengngawngte chuan lehkhabu thute chu an bengin an hre tawh ang a, mitdel mitte chuan thim hnuai leh thim zing atangin a hmu tawh ang.
29:19 Thuhnuairawlhte pawh chuan LALPAah chuan an hlimna chu an tipung tawh ang a, mihring zinga retheite chu Israel-ho Mi Thianghlimah chuan an lawm tawh ang.
29:20 Mi hlauhawm chu engmah lova siamin a awm tawh a, hmusittu chu a reh tawh a, khawlohna nghakheltute zawng zawng chu tihboralin an awm tawh si a:
29:21 chungte chuan mi chu thupawi thu-ah thiltisualtuah an sia thin a, kulh kawngkaa ziltu awh nân thang an kam thin a, mi fel chu thil engmah lo maiin an pumpelhtir thin.
29:22 Chuvangin LALPA, Abrahama tlantu chuan Jakoba chhûngte chungchang thuah heti hian a ti: "Jakob-ho chu tunah chuan an mualpho tawh lo vang a, an hmai chu a dang tawh hek lo vang.
29:23 An fa, ka kut chhuakte chu, an zingah an hmuhin, ka hming chu an tithianghlim tawh zawk ang; a ni, Jakob-ho Mi Thianghlim chu an tithianghlim ang a, Israel-ho Pathian chu an tih tawh ang.
29:24 Thlarauva vakbote pawh chuan an lo hre thiam tawh ang a, mi phunnawite chuan thu zirtir chu an zir tawh ang," tiin.
30:1 LALPA chuan, "Fa helhmangho chu an chung a pik e! chungho chuan mi an rawn a, kei erawh chu mi rawn si lo va, an sual chunga sual an belhchhahna tûrin khuhnain an khuh a, ka thlarau thuin erawh chuan an khuh si lo va.
30:2 Pharaoa chaknaa intichak tûr leh, Aigupta hlim ring tûrin, ka ka zawt si lovin Aigupta rama chhuk tumin an kal a.
30:3 Chuvangin Pharaoa chakna chu in mualphona a ni tah ang a, Aigupta hlim in lo ring hi in zahna a ni tawh ang.
30:4 A mi liante chu Zoan khuaah an awm a, a palaite chuan Janes khua an thleng ta si a.
30:5 An tan hnemhnanna reng nei lo mi, tanpui ni lova, hnemhnanna nei mi ni hek lova, zah leh hmingchhiatna ni zawkte chu, an zain an la zahpui ang," a ti a.
30:6 Chhim rama sate phur rit chu. Manganna leh thlaphanna ram, sakeibakneinu leh sakeibakneipa, rulmuk leh rul alh thlawk thei chhuahna chu, an sum chu sabengtung no chungah te, an rote chu sânghawng sei zâng pawngahte phurhtirin, an tana hnemhnanna nei lo mite hnênah pêk tûrin, an kal tlang dual dual a.
30:7 Aigupta chuan sawt lo tak leh tangkai lo takin a tanpui thin si a: chuvangin a ni, ani chu, "Rahab thu hle hle-i," ka vuah ni.
30:8 Tunah kal la, chung chu an hmaa lehkha ziakna phekah ziak la, lehkhabuah pawh ziak rawh, tun hnua kumkhaw tlaitluan atân a nih theih nân.
30:9 Chungho chu mi helhmang te, fa dam theite, fa LALPA dan ngaithla duh lo te, an ni si a:
30:10 hmutheitute hnêna, "Hmutheitute hnêna, "Hmu suh u," zâwlneite hnêna, "Thil dikte min hrilh lawk suh u, thilnuam lam kan hnênah sawi rawh u, bumna thu hrilh lawk rawh u:
30:11 kawng lovah kal rawh u, kawng sirah peng rawh u, Israel-ho Mi Thainghlim chu kan hma ata hi tibo rawh u," ti thintute chu.
30:12 Chumi avâng chuan Israel-ho Mi Thianghlim chuan heti hian a sawi a, "He thu hi in hmusit avâng leh hnechhiahna leh luhlulna in rin a, a chunga in innghah avângin,
30:13 he khawlohna hi nangni tan chuan lung bang sâng tak chhe lai, chim lek lek, pawng pur, vwailehkhatah mitkhapkar lova chhe rup tûr ang hi a ni ang.
30:14 Tichuan belvawtu bel an tikeh sawm ang hian, zuah awm hlek lova keh sawmin a them zingah lampei thuka mei lakna tûr emaw, tuikhura tui thlana tûr emaw pawh awm lo khawpin, a tikeh sawm ang," tiin.
30:15 Lalpa PATHIAN, Israel-ho Mi Thianghlim chuan, heti hian a sawi tawh si a, "Kir leha chawla awmin, chhandamin in awm ang a, muang taka awmnaah leh ring taka awmnaah hian in chakna a awm ang," tiin: nimahsela in duh si lo.
30:16 "Ni lo, sakawr chung chuangin ka tlan dur dur ang," in ti zawk si a, chuvangin in tlan dur dur ngei ang: "Thil cha tak chungah kan chuang ang," tin, ti a; chuvangin a umtu tûr che u chu chak tak an ni ang.
30:17 Mi pakhat hrawkin mi sângkhat an tlan dur dur ang a: mi panga hrawkin in tlan dur dur ang: a tawpah chuan tlâng chhipa pholeng tar ang leh, mual chunga chhinchhiahna awm anga hnutchhiahin in la awm mai ang.
30:18 Chuvangin LALPA chuan a khawngaih theihna tûr che uin a nghak ang a, chuvangin a lainat theihna tûr che uin chawimawiin a awm ang: LALPA chu rorêl felna Pathian a ni si a; amah nghaktute zawng zawng chu an eng a thawl e.
30:19 Mite chu Jerusalem-a Ziona-ah chuan an awm dawn si a: in tap leh tawh lo vang; in au thawmah chuan ani chuan a khawngaih ngei ngei ang che u a; a hriat veleh a chhâng ang che u.
30:20 LALPA chuan manganna chaw leh hrehawmna tui pe che u mah sela, in zirtirtute chu biruin an awm tawh lo vang a, in mitin in zirtirtute chu a hmu zawk tawh ang:
30:21 tin, ding lama in pen veleh emaw, vie lama in pen veleh emaw, in bengin in hnung lama thu, "Hei hi kawng a nih hi, tah hian kal rawh u," tiin a hre zel ang.
30:22 Tin, in tangka milem siam tangka tia cheina leh, in rangkachak milem chhun rangkachak tuia luanna chu in tibawrhbang ang a: thil bawlhhlawh angin in paih tawh ang a, a hnênah chuan, "Kal bo daih rawh," ion ti ang.
30:23 Tichuan ani chuan i buh chi leia in tuh tûr tan chuan ruah tui chu a pe ang a; leia thil tote pawh chu chawh a pe ang, chu chu tha tak, hlawk tak a ni ang: chumi niah chuan in rante chu ran tlatna hmun zau takahte chuan an tla ang,
30:24 bâwngpa leh sabengtung no lei letutte chuan chaw leh sabengtung no lei lettute chuan chaw al, suahdur leh sisepa tihfai sa, an ei bawk ang.
30:25 Tin, inthahna nasa tak nia, ralven in sângte chu a chi ni chuan, tlâng sâng tinah leh mual pawng sâng tinah chuan luipuite leh luite tui luangte a lo awm ang.
30:26 Chu lo pawh chu LALPA chuan a mite sil chu a tua a, an sahna pem chu a tihdam niah chuan, thla eng chu ni eng tlukin a awm tawh ang a, ni eng chu a lehsarihin, ni sarih chhûng eng tlukin, a awm tawh ang.
30:27 Ngai teh, LALPA hming chu, a thinurnaa alh hluah hluain meikhu chhah mup chho ngut ngut zingah chuan, hla tak atangin a lo kal e: a hmuite chu lungnih lohnain a khat a, a lei chu thil kanralhmang mei ang a ni a:
30:28 a thaw chu, boralna thlangraa hnam tin thlei tûrin, lui nghawng thleng zeta a kuang liam dul dul ang a ni. Tin, mi tin kaah chuan hruai sualtirna hmuh dinna hrui a awm ang,
30:29 Tin, zana kut thianghlima an kut laia hla an sa angin hla in sa ang a; LALPA tlânga Israel-ho Lungpui hnên thlang tûra phenglawng nên an kal laia thinlung hlimna an nei angin thinlung hlimna pawh in nei ang.
30:30 Tin, LALPA chuan a aw ropui tak chu a hriattir tawh ang a, a thinurna nasa tak leh thil kanralhmang meialhin, thlipui leh ruahpui leh rialin, a kut thlâk dan chu a entir tawh ang.
30:31 LALPA aw avâng chuan Assuria mi, talhtuma mi vaw thintu chu, tihkeh sawmin a awm dawn tawh si a.
30:32 Ani chu tiang ruat saa LALPAN a vuak apiangin khuang tete leh tingtangte nên a vua ang a: a tiang leka inbeinaahte chuan anmahni a bei ang.
30:33 Tophet khuar zau tak leh thuk tak thing chheh khah lal halna tûr an buatsaih daih tawh a, a tikang tûrin LALPA chuan kat lui anga luang mei a thaw chhuak ang.
31:1 Aigupta rama tanpuina zawng tûra zuk kal a, sakawrte chunga rinna nghat a, a tam avânga tawlailirte leh an chak êm avânga sakawr chung chuang mite ring a, Israel-ho Mi Thianghlim lam en si lo va, LALPA pawh rawn si lote chu an chung a pik e!
31:2 Rawn lo mah sela ani pawh fing tak asin, thil tha lo a rawnt hlentir ang a, a thute chu a lamlet lo vang: thil tha lo titute chhûngte bei tûrin a thao zawk ang a, thil tisualtute tanpuina do tûrin a tho bawk ang.
31:3 Aigupta mite zawng Pathian an ni lo va, mihring mai an ni a; an sakawrte chu thlarau a ni lo va, tisa mai a ni a: tichuan LALPAN a kut a phar hunah chuan a tanpuitu chu a pai thlawk thlawk ang a, atânpuia pawh chu a tlu ang a, an za chuan an boral tlâng hlawm ang.
31:4 LALPA chuan heti hian ka hnênah a sawi si a, "Sakeibaknei leh sakeibaknei vanglaiin a sa hauh lai chuan berâm vengtu tam tak a bei tûrin koh chhuahin awm mah sela, an aw chu ahlau dawn lo va, an bengchhen avângin a tiam chuang dawn hek lo ang hian, sipaihote lalpa chu Zion tlângah leh a mual pawngah bei tûrin a lo chhuk dawn a ni.
31:5 Savate an bu chunga an thlawk an thlawk ang hian sipahote LALPA chua Jerusalem khua chu a veng ang; a vengin a chhan chuak ang a, akal hleni a humhim ang.
31:6 "Aw Israela thlahte u, nasa taka in helsan taka lam chu hawi leh tawh rawh u.
31:7 Chumi niah chuan mi tinin mahni tangka milemte, mahni rangkachak milemte, sualna atana nangmahni kuta in insiam chawpte chu an la paih bo dawn si a.
31:8 "Chu mi hunah chuan Assuria mi chu, mihring khandaiha tihthluk ni lovin, khandaih tihthlukin a awm ang a; khandaih, mihringte ta ni lovin, amah chu a ei zo vang: tin, khandaih lak aa a tlan bo vang a, a tlangvâlte chu chhiahchawitu an lo ni tawh ang.
31:9 Tin, a lungpui chu thil rapthlâk avângin a boral ang a, a mi liante chu chhinchhiahna avângin an mangang tawh ang," tiin, LALPA, a mei Zion-a awma leh, a rawh tuina mei Jerusalema awma chuan a ti a.
32:1 Ngai teh, fel taka rorêl tûr lal a lo awm ang a, dik taka tithin hotute an lo chhuak bawk ang.
32:2 Thlipui laka bikna hmun ang leh thlihrang laka inhumhimna ang a ni ang; thlalêra lui luang ang leh ramrova lungpui lian tak hlim ang mai chu.
32:3 An mit chuan chiang takin a hmu ang a, an beng pawhin fiah takin a hre tawh ang.
32:4 Rilrua hmanhmawh chuan hriat thiam a zir ang a, dangawkte pawh nal takin an tawng thei ang.
32:5 Mi sual chu tuma zah a kai lo ang a, mi duham chuan ngaihsan a hlawh hek lo ang.
32:6 Mi sual chuan thu a a chhak chhuak a, suahsualna dang tûr a suangtuah a, a thiltih leh a kam chhuakte chu LALPA elsen zawng hlir a ni; riltamte ei tûr a laksak a, tuihalte in tûr a tihbuaksak thin.
32:7 Mi duham chu khawlo tak a ni; retheite chu dawt tichhe tûrin thil sual a phiar chhuak a, pachhiate pawh an diknaah pawh a dang tlat thin.
32:8 Mi tha erawh chuan dik takin thil a ti a, thu dik a tan tlat thin.
32:9 Hmeichhe nuam tawlte u, tho ula ka thu hi ngaithla teh u; fanu ngaihsamte u, ka thu sawiah hian beng chhi rawh u.
32:10 Hmeichhe ngaihdamte u, kum khat leh ni eng zat emaw chinah chuan in mangang tah ang: grêp lawh tûr lah a awm dawn si lo va, lawh khâwm tûrah chuan engmah a haw dawn hek lo.
32:11 Hmeichhe awm mai maite u, khur rawh u; mi ngaihsamte u, mangang takin awm rawh u; inhliup ula, saruakah insiam ula, in kawngahte chuan saiip puan veng rawh u.
32:12 Lo duhawmte avâng leh grêp hrui rah duh mi avâng chuan an awm an chum an chum ang.
32:13 Ka mite ramah hian hnimhlingneite leh buarte chu a tla ang: a ni, khawpui hlimawm taka hlimna in zawng zawng chungahte chuan,
32:14 Lal in chu kalsanin a awm dawn si a; mi tamna khawpui chu chhuahsanin a awm ang a; a mual pawng leh a ralven buk chu kumkhaw pukah te, ram sabengtung lawmna te, ran rual tlatna hmunte a ni ang;
32:15 chunglam atangin a thlarau a rawn pe leh ang a, thlalêr chu lei tha tak hmunah a chang ang a, lei tha tak hmun chu ram ngawa ngaiha a awm hun chuan.
32:16 rorêl felna chu thlalêrah chuan a cheng ang a, felna chu lei tha tak hmunah chuan a awm ang.
32:17 Tin, felna hnathawh chu remna a ni ang a, felnaa thil chhuak chu kumkhuaa muang taka awmna leh ring tlata awmna a ni ang.
32:18 Tichuan ka mite chu ralmuanga awmnaah leh a nghet takahte leh chawlhna hmun muanawm takahte chuan an awm tawh ang.
32:19 Nimahsela ram ngaw chu tithlu tûrin rial a tla dur dur ang a; khawpui chu tihtlâwm derin a awm ang.
32:20 Tui luanna zawng zawng kama chi theh thin a, bâwngpa leh sabengtung thlah thintute u, in eng a thawl e.
33:1 Nang rawk tawk ngai si lova, rawktu, vervek taka tih tawk ngai si lov a, vervek taka titu, i chung a pik e! Mi rawk i ban hunah, rawk i la tawk ve ang ;a vervek taka i tih zawh hunah, i chungah vervek takin an ti ang.
33:2 Aw LALPA, min khawngaih ang che; kan nghah reng che hi: tuk tin kan ban lo ni la, mangan hunah chuan min chhandamtu lo ni bawk ang che. Sa mur mur thawmah chuan mi tin an tlan bo ta a; nang i thawh meuh chuan hnam tin tihdarhin an awm ta.
33:4 In sum râllâka lak tûr pangangin thil a thiar khâwm sup sup ang hian thiar khawmin a awm ang a khaukhuapte an zuang sup sup ang hian anniho chu sum chungah an zuang sup sup ang.
33:5 LALPA chu chawisanin a awm ta; chung lamah khian a awm si a: ani chuan Zion chu rorêl felna leh felnain a tikhat ta.
33:6 I dam chhûng chuan awm nghehna a awm ang a, chhandamna te, finna te, hriatnate a awm reuh vang: LALPA tihna chu a ro a ni.
33:7 Ngai teh, an pasalthate chu pawn lamah an au va; remna palaite chu an tap zawih zawih a.
33:8 lamliante chu a thing thiap thuap a, mi zin veivak chu an awm ta lo va: ani chuan thuthlung chu a bawhchhia a, khuate chu a hmusit a, mihring a ngaihsak tak lo.
33:9 Ram chu a rapin a chau a: Lebanon chu a zakin a vuai a: Saron chu thlalêr ang a ni ta; Baan leh Karmel chuan an hnahte an thing thla a.
33:10 LALPA chuan, "Tunah chuan ka tho vang a, tunah chuan chawisanin ka awm tawh ang.
33:11 Hnim ro in pai ang a, buh pâwl in hring ang: in thaw chu nangmahni kang ral tûr mei a ni.
33:12 Mi tinrengte chu chinai lung rawh ang, hnim hlingnei sam hnu meia an paih ang chu an ni ang," a ti a.
33:13 Hla taka awmte u, ka thiltih hi bengin lo hre rawh u, hnaitea awmte u, ka thiltihtheihzia hi hre rawh u.
33:14 Zion-a mi sual awmte chuan an hlau va; Pathian zah lo mite chu khurhnain a man ta. "Kanralhmang mei, kumkhuaa alh chu, kan zingah tunge tuar thei awm ang?" an ti a.
33:15 Fel taka awma dik taka sawi thintu; hnehchhiahnate hlawkpuina rêng rêng lungtena, tham la duh lova kut thinsana, thisen chhuah thu ngaithla duh lova beng hup a, sualna rêng rêng en duh lova maimitchhing thina chu;
33:16 chu mi chu chunglamah a awm ang aL a kulhbing sâng chu lungpui kulhbingte chu a ni ang a; a chaw chu a hnênah pêk a ni ang a, atuite chu a awm ngei ngei ang.
33:17 I mite chuan lal chu a mawinaah chuan an la hmu ang a, ram parh zau tak an la thlir ang.
33:18 "A chhiartu kha khawiah nge a awm tak? Chhiah chawi buktu kha khawiah nge a awm tak? Ralven in sângte chhiartu kha, khawiah nge a awm tak?" tiin, i thinlungin thil rapthlâk tak kha i ngaihtuah ang.
33:19 Mi kawlh ta, rawng ril tak i hriat theih lohva tawng mite, tawng hrang i hriat thiam lohva tawngte chu i hmu tawh lo vang.
33:20 Kan kutna khawpui Zion chu en teh: i mitte chuan Jerusalem chu awmna muanawm tak, puan in engtik maha sawn lo tûr, a kaih marna khen engtik maha phawi lo tûr, a kaihna hrui rêng rêng chat lo tûr ang chu, a hmu ang.
33:21 chutah chuan LALPA, lui zau tak tak leh lui tete awm thliah thluahna hmun chu, ropui takin kan hnênah a awm zawk ang: chung tui chungah chuan indona lawng lianpui kar fung nei mi rêng rêng a kal lo vang a, lawng lian rpui tak pawhin a kal pêl hek lo vang.
33:22 LALPA chu kan rorêltu a ni a, LALPA chu dan min petu a ni a, LALPA chu kan lal a ni; ani chuan min chhandam ang.
33:23 I hruite chu tihdulin a awm a; an puan zar ngul bul chu an tinghet thei lo va, puan zar chu an zar thei lo: chu mi lai tak chuan râllâk i tum tam tak chu semin a awm a; kebaite pawhin râllâk sum an la ta a.
33:24 chu mi khuaa awm chuan, "Ka dam lo ve," a ti lovang a, a chhûnga mi awmte chu sual ngaihdamin an awm ang.
34:1 Hnam tinte u, benga hre tûrin lo hnai rawh u; mi tinte u, ngaithla rawh u: lei leh a chhûnga awm zawng zawngte chuan bengin hre rawh se; khawvel lah a chhûng ata chhuak zawng zawngte nên.
34:2 LALPA chuan hnam tinreng chungah chuan lungnih lohna a neiin, an sipaiho zawng zawng chungah chuan thinrimna a nei si a: anni chu a tiboral vek a, thahah a pe ta a.
34:3 An zinga thahate chu paih chhuahin an awm ang a, an ruang rimchhia chu a chho vut vut ang a, tlangte chu an thisena tihtuiin a awm ang.
34:4 Vana awmho zawng zawngte khi tihralin an awm ang a, van khi lehkhabu zial mi an zial angin zialin a awm ang a: a awmho zawng zawngte khi, grêp hrui ata a hnah a vuai a tla thin ang leh, theipui kung ata a hna vuai a tla thin ang hian, an vuai zovin an tla vek ang.
34:5 Ka khandaih chuan vanah tlai takin a in ta si a; ngai teh, chu chu, rorêl tûrin, Edom-ho chungah leh ka ânchhelawh mite chungah chuan a chhuk ang.
34:6 LALPA khandaih chu thisenin a tlai a, thaunaa tihthauvin a awm ta, brem note leh kelte thisenin, berâmpa kal thautein: LALPA chuan Bozrah khuaah chuan inthawina a nei a, Edom ramah chuan thahna nasa tak a nei bawk si a.
34:7 Selepate pawh chu an ruala sah thlukin an awm ang a, bâwngpate, bawngchalte nên; an ram chuan thisen a tui ang a, an vaivut chu thaunaa tihthauvin a am ang.
34:8 LALPA phuba lak ni a ni tah si a, Zion avânga inbeihna thua thungrulhna kum chu.
34:9 A lui tuite chu lawng hnaia chartirin a awm ang a, a vaivut chu kata chantirin a awm bawk ang a, a ram chu lawng hnai kang hluah hluahah a chang ang.
34:10 Achhun azanin tihmihin a awm lo vang a; ameikhu chu kumkhuain a chho ngut ngut ang a; chhuan zamw chhûng zawng zawng chuan chiain a awm reng ang a; kumkhua pawhin tuman an pal lo vang.
34:11 Tuivalawng leh sakuhin chumi ram chu an nei zawk ang a; chingpirinu leh choak chutah chuan an awm ang a: LALPAN a tichhe vek ang a, hmun ruakah chuan a sahal a khai ang.
34:12 An mi thate chu ram awp tûrin an ko vang a, nimahsela chutah chuan koh tûr tumah an awm lo vang a; an mi lian zawng zawng chu engmah lo an ni ang.
34:13 An lal inahte chuan hnihlingneite a to vang a, an kulhpui chhûngahte chuan taiten leh buarte a to vang: sihalte awmnaah leh sava nghawngseite tan tuallai a ni ang.
34:14 Tin, thlalêra ram sate chu chinghniate nên an intawk ang a, sathar chuan a thian a ko vang a; a ni, zan thil hlauhawm pui chuan chutah chuan awm hmun a khuar ang a, ama tan chawlh hmun tûr a hmu ang.
34:15 Chutah chuan rûlthal chuan bu a chhep ang a, a tui ang a, a keu ang a, a awp khâwm ang: a ni, chutah chuan mute chu kawppui nei theuhvin an awm khâwm ang.
34:16 LALPA lehkhabuah zawng ula, chhiar rawh u: chung zingah chuan pakhat mah kim lo a awm lo vang a, pakhat mah kawppui nei lo a awm lo vang: ka ka ngeiin thu a pe a, ka thlarau ngeiin chung chu a hruai khâwm ta hlawm si a.
34:17 Ani chuan an tan thum a vawrsak a, a kutin hruia tehin ram chu a semsak hlawm a; kumkhuain an nei ang a, chhuan awm chhûng zawng zawngin chutah chuan an awm ang.
35:1 Thlalêr leh ram pilril chu a lawm ang a; ram ro chu a hlimin phûl pangpâr angin a par ang.
35:2 A par vul chuk ang a, lawm tak leh hla sain a hlim ang; Lebanon ropuina chu a hnênah pêk a ni ang, Karmel leh Saron mawina nên: LALPA ropuina an hmu ang, kan Pathian mawina nên.
35:3 Kut chak lote chu tichak ula, khup zawite chu tinghet rawh u.
35:4 Thinlung dawihte hnênah chuan, "chak takin awm ula, hlau suh u: ngai teh u, in Pathian chu phuba lakna nên a lo kal ang, Pathian thungrulhna nên chuan; a lo kal ang a, a chhandam ang che u," ti rawh u.
35:5 Chumi hnuah chuan mitdelte mit chu tihmenin a awm ang a, bengngawngte beng chu tihvarin a awm ang.
35:6 Chumi hunah chuan ke baite chu sakhi angin an zuang ang a, tawngtheilote lei chu hlim takin a zai ang: thlalerah chuan tuite a lo chik chhuak luah luah dawn si a, ram rovah chuan luite tui a lo chik chhuak luah luah bawk ang.
35:7 Tichuan tiau dip sa tak hmun chu dilah a chang ang a, lei tuihal tak chu tuihnaahte a chang ang: sihalte chenna an mutnaah chuan, hlobet, phairuang leh phungladin nên a awm ang.
35:8 Tin, chutah chuan lamlian a awm ang, kawng nên, chu chu "Thianghlimna Kawng" an ti ang a; mi bawlhhlawh chu chutah chuan an kal lo vang; amaherwahchu chu mite an a ni zawk ang: mi zin veivakte, a ni, mi âte pawh, chutah chuan an bo lo vang.
35:9 Sakeibaknei rêng rêng chutah chuan a awm lo vang a, sa koham rêng rêng chutah chuan a chho hek lo vang, chutah chuan hmuh tûr pawh a awm lo vang; tlante erawh chu chutah chuan an kal zawk ang:
35:10 tin, LALPA tlante chu an kir leh ang a, hla sa chungin Zion chu an thleng ang a; chatuana lawmna an lu chungah a awm tawh ang: hlimna leh lawmna an hmu ang a, lungngaihna leh rumna chu a bo tawh ang.
36:1 Tin, Hezekia lal kum sâwm leh kum lina kumah chuan heti hi a ni a, Assuria ram lal Senakeriba chu Juda rama khua kulhpui nei zawng zawng bei tûrin a han chho va, a la ta a.
36:2 Tin, Assuria lal chuan Rabsakeba chu sipaiho tam tak hruaiin Lakis khua atangin Jerusalem khuaa lal Hezekia hnênah chuan a ti ra. Tin, dil chhakta zawk tuilakna kianga puan sutu phul lamlianah chuan a din ga.
36:3 Chutichuan lal chhûngte chunga hotua awm Hilkia fapa Eliakima te, lehkha ziaktu Sebnaa te, chanchin ziaktu Asaphaa fapa Joa-te chu a hnênah an lo chhuak a.
36:4 Tin, Rabsakehan an hnênah, "Hezekia hnênah heti hian sawi rawh u, 'Lal ropui tak Assuria lal chuan heti hian a ti, I rinna i nghahna hi eng nge ni le?
36:5 Indona atân chuan i remruat leh i chakna hi thu mai mai a ni, ka ti: tunge i rin a, ka chunga i hel tak ni le?
36:6 Ngai teh, he luang sawp tiang, Aigupta-ho hi, i ring a nih hi; chumi chu miin a rinchhan chuan akutah a chhun lut nhgawt ang; Aigupta lal Pharaoa chu amah ringtu zawng zawng chungah chuan chutiang chu a ni thin.
36:7 A nih loh leh, ka hnênah, LALPA kan Pathian chu a ni kan rin ni, i tih chuan, ani chu Hezekian Juda-ho hnênah leh Jerusalem-ho hnênah, He maichâm hmaah chauh hian in be tûr a ni, tiin, a hmun sângte leh a maichâmte a lak bosak kha a ni lâwm ni?
36:8 Chutichuan, khawngaih takin, ka pu Assuria lal hnênah chuan thu tiam rawh, tichuan keiin sakawr sânghnih ka pe ang che, nangin a chunga chuangtu tûrte i hmuh theih dawn phawt chuan.
36:9 Engtin nge, tawlailirte leh sakwar chung chuang mite la thu-ah Aiugupta-ho chunga i rinna nghatin, ka pu chhiahhlawh te berte zinga hotu pakhat pawh hi i dan zawh dawn le?
36:10 Tin, he ram hi tichhe tûra bei tûrin LALPA tel lova lo chho êm ka nih? LALPAN ka hnênah, Chu ram chu bei tûrin chho la, tichhe rawh, mi ti a ni,' tiin," a ti a.
36:11 Tin, Eliakima leh Sebnaa leh Joate chuan, Rabsakeha hnênah, "Khawngaih takin i chhiahhlawhte hi Suria tawngin min be awh rawh; chu chu kan hre thei si a: kulh bang chunga mite beng hriatah Juda tawngin min be tawh suh," an ti a.
36:12 Nimahsela Rabsakeha chuan, "Ka pu chuan i pu hnên chauhvah leh i hnên chauhvah heng thu hi sawi tûrin mi tir êm ni? Kulh bang chhûnga thuho, nangmahni nena mahni ek la ei tûr leh mahni zun la in tûrte hnênah hian mi tir zawk ani lâwm ni?" a ti a.
36:13 Ti Rabsakeha chu a ding a, Juda tawngin aw ring takin a au va, "Lal ropui tak Assuria lal thute hi ngaithla rawh u.
36:14 Lal chuan heti hian a ti, 'Hezekia bumin awm duh suh u; ani chuan a chhanhim thei dawn si lo cheh u:
36:15 Hezekian, LALPA chuan matheilovin min chhanhim ang; he khawpui hi Assuria lal kutah pekin a awm lo vang, tiin sawi mah sela, LALPA chu Hezekia sawi angin ringduh chuang hek suh u.
36:16 ,17 Hezekia thu ngaithla suh u: Assuria lal chuan heti hian a sawi si a, Min rem ula, ka hnênah hian lo chhuak rawh u; tin, ka lo kal a, nangmahni ram anga bu leh uain awmna ram, chhâng leh grêp huante awmna rama ka kalpui hma loh che u chuan, mi tinin mahni grêp huia mi leh mi tinin mahni theipui kunga mi ei theuh ula, i tinin mahni tuikhur tui in theuh rawh u.
36:17 ,16 Hezekia thu ngaithla suh u: Assuria lal chuan heti hian a sawi si a, Min rem ula, ka hnênah hian lo chhuak rawh u; tin, ka lo kal a, nangmahni ram anga bu leh uain awmna ram, chhâng leh grêp huante awmna rama ka kalpui hma loh che u chuan, mi tinin mahni grêp huia mi leh mi tinin mahni theipui kunga mi ei theuh ula, i tinin mahni tuikhur tui in theuh rawh u.
36:18 LALPAN min chhanhim ang, tia Hezekian a thlem tak dah che uin fimkhur rawh u. Hnam tin pathian zinga mi rêng rêngin an ram chu Assuria lal lakah an chhanhim ta êm ni?
36:19 Hamath leh Arpad-ho pathiante kha khawiah nge an awm tak? Sepharvaim-ho pathiante kha khawiahnge an awm tak? Samari khua kha ka lakah an chhanhim ta êm ni?
36:20 Chung ram pathian zawng zawng zinga mi chuan tute nge an ram ka lakah chhanhim ni? LALPA chuan Jerusalem khua hi ka lakah a chhanhim tehchai ang maw?' tiin," a ti a.
36:21 Anni erawh chu an ngawi reng a, thu pakhat mahin an chhâng lo: lal thupêk chu, "Ani chu chhâng suh u," tih a ni si a.
36:22 Chutichuan lal chhûngte chunga hotua awm Hilkia fapa Eliakima te, lehkha ziaktu Sebnaa te, chanchin ziaktu Asaphaa fapa Joa-te chu silhfen pawhthlêr inbelin Hezekia hnênah chuan an lo thleng a, Rabsakeha thu sawite chu an hrilh ta a.
37:1 Tin, heti hi a ni a, lal Hezekia chuan chu chu a hriat veleh a silhfente chu a pawt thlêr a, saiip puan a inbel a, LALPA inah chuan a lût ta a,
37:2 Tin, a chhûngte chunga hotua awm Eliakima leh, lehkha ziaktu Sebnaa leh, puithiamho upate chu saiip puan inbelin Amozaa fapa zâwlnei Isaia hnênah a tir a.
37:3 Tin, anni chuan a hnênah, "Hezekian heti hian a ti, 'Vawiin ni hi manganna leh hmusitna ni a ni: naute chu an pian a hun tawh si a, anmahni hring tûrin chakna a awm tawh si lo.
37:4 Rabsakeha, a pu Assirua lalin Pathian nung sawichhe tûra a tirha thu sawite chu, LALPA i Pathian chuan a bengin a la hria a ni thei e, tichuan a thu sawi, LALPA i Pathianin a benga a hriatahte chuan, a la zilhhau ang: chu mi avâng chuan a la awm chhunte tan chuan i tawngtaina chu hlan chho rawh,' a ti e," an ti a.
37:5 chutichuan lal Jezekia chhiahhlawhte chu Isaia hnênah an lo kal a.
37:6 Tin, Isaian an hnênah, "In pu hnênah heti hian in sawi tûr a ni, 'LALPA chuan heti hian a ti, I thu hriat, Assuria lal chhiahhlawhten mi sawichhiatnate kha, hlau suh.
37:7 Ngai teh, a kawchhûngah chuan thlarau engema ka awmtir ang a, tichuan thuthang a hria ang a, ama ramah a haw leh ang; tichuan ama ram ngeiah chuan khandaiha tihtlukin ka awmtir ang, a ti e,' tiin," a ti a.
37:8 Chutichuan Rabsakeha chu a kir leh a, Assuria lal chuan Libnah khua a bei lai chu a va hmu a; Lakis khua ata chu a kal chhuak tawh tih a hre tawh reng si a.
37:9 Tin, Assuria lal Senakeriba chuan Tirhaka, Ethiopia ram lal chungchang thu, "Nangmah bei tûrin a chhuak ta," tiin mi sawi a hria. Tichuan chu chu a hriat veleh Jezekia hnênah palaite a tir a,
37:10 "Heti hian Juda-ho lal Jezekia hnênah in sawi tûr a ni, 'I rin Pathian chuan, Jerusalem khua Assuria lal kutah pêk a ni lo vang, tiin bum che suh se.
37:11 Ngai teh, Asuria lalten ram zawng zawng tichhe vekin an chunga an thiltihte kha i bengin i hria e: tichuan nang tehlul hi chhanhimin i awm dawn bik êm ni?
37:12 hnam tin pathiante chuan, Gozan-ho te, Haran-ho te, Razep-ho te, Eden fa Telasar khuaa awm te, min thlahtuten an tihboralte kha, an chhanhim êm ni?
37:13 Hamath lal te, Arpad lal te, Sepharvaim khawpui lal te, Hena lal te, Ivah lal te kha khawiah nge an awm tak?' tiin," a ti a.
37:14 Tin, Hezekia chuan palaite kut ata lehkha chu a hmu a, a han chhiar a: tichuan Jezekia chu LALPA inah chuan a han lût a, LALPA hmaah chuan a phah ta a.
37:15 Tin, Jezekia chuan LALPA hnênah a tawngtai a,
37:16 "Aw sipaihote LALPA, Israel-ho Pathian, chrub chunga thua, nang hi, nang chauh hi, leilung luah ram zawng zawng Pathian chu i ni; nang chuan lei leh van hi i siam a ni.
37:17 Aw LALPA, i beng rawn dawh la, ngaithla teh; aw LALPA, i mit meng la, en teh: Pathian nung sawichhe tûra mite tirtu Senakeriba thu zawng zawng hi ngaithla teh.
37:18 LALPA, Assuria lalten ram zawng zawng leh an lei chu an tichhe ngei tak a,
37:19 an pathiante chu meiah an paih bawk a: chungte chu pathian an ni lo reng a ni, mihing kuta siam, thing leh lung an ni zawk; chuvangin an tiboral a ni.
37:20 Chuvangin aw LALPA kan Pathian, nang hi, nang chauh hi, LALPA i ni tih leilung luah ram zawng zawng hian an hriat theih nân a lakah min chhandam ang che," tiin.
37:21 Chumi lai chuan Amozaa fapa Isaia chuan Jezekia hnênah mi â tir a, heti hian a ti a, "LALPA Israel-ho Pathian chuan heti hian a ti a ni, 'Assuria lal Senakeriba chhiatna tûr lama ka hnênah i tawngtai avângin,
37:22 hei hi a chungchang thu LALPAN a sawi chu a ni: Zion fanu nula chuan a hmusit chia, a nuihsan che, Jerusalem fanu chuan a lu a thin khum che.
37:23 Tunge i tihhmingchhiata i sawichhiat ni? Tu chungah nge i aw i tihpawra i mit i tihsan? Israel ho Mi Thianghlim chung ngeiah.
37:24 I chhiahhlawhte hmangin LALPA chu i tihmingchhia a, Ka tawlailir tam ak nên tlâng hmun zo, Lebanon ram rilahte hian ka lo thelng chho ta a; a sidar thing sâng takte leh a far thing tha mite hi ka kit ang a: a hmun zo hla ber, a lei tha hmun ram ngawh chuan ka lût ang.
37:25 Tuichhunchhuah ka lai a, tui ka in thin a, ka kephah hnuai hian Aigupta lui zawng zawng chu ka tikang vek ang, i ti a.
37:26 keiman hman lai ata chung chu ka tih a ni a, hmasâng ata chung chu ka siam a ni tih i hre lo vem ni? Kulhpui nei khuate tichim tûrin ka ti che a ni.
37:27 Chuvangin a chhûnga awmte chu an chak mang lo va, an hlau va, an lo mualpho tak kha; phul hlobet ang leh, hnim hring ang leh, in chunga hlobet ang leh, lo buh that hma ang lek an nih kha.
37:28 Kei erawh chuan i thut te, i chhuah te, i luh te, ka chunga i thinurziate hi ka hria asin.
37:29 ka chunga i thinur avâng leh, i tawng chaltlaizia chu ka bengah a lo luh chhoh tak avâng hian ka hnar vuah chu i hnarha ka vuah ang a, ka thirbarh chu i hmuiah ka vuah bawk ang a, i lo kalna kawng ngeiah khan ka kirtir leh ang che, tih hi,' tiin.
37:30 Tin, hei hi i tan chhinchhiahna tûr chu a ni ang: kuminah hian buh hli in ring ang a; nakkumah pawh chu mi hlibawk chu in ring ang; tin, a kum thumnaah chuan buh tuh ula, ât ula, grêp huante siam ula, a rah ei rawh u.
37:31 Tin, Juda chhûngte zinga la dam chhunte chu a chhukzawnga zung kaia, a chho zawnga rahin a awm leh ang.
37:32 Jerusalem atangin a la awm chhunte chu an chhuak ang a, Zion tlâng atangin a la dam tûrte chu an chhuak bawk ang: sipaihote LALPA thahnemngaihna chuan chung chu a ti ang.
37:33 chuvangin LALPA chuan Assuria lal chungchang thu-ah heti hian a ti, 'Ani chuan he khawpui hi a lo thleng lo vang a, hetah hian thal a kap hek lo vang, phaw nên a kiangah a lo kal hek lo vang a, a beina tûrin lei kulh a siam hek lo vang.
37:34 A lo kalna kawngah, chumiah ngei chuan a kir leh ang a, he khawpui hi a lo thleng lo vang, LALPAN a ti.
37:35 Keimah avâng leh ka chhiahhlawh Davida avângin he khawpui hi chhanhim tûrin ka hum dawn a ni,' tiin," a ti a.
37:36 Tichuan LALPA vântirhkoh chu a va chhuak a, Assuria-ho riah hmunah chuan mi nuaikhat leh singriat leh sangnga a tihlum a: tin, zing taka mi an han thawh chuan, ngai teh, mitthi ruang hlir a lo ni a.
37:37 Chutichuan Assuria lal Senakeriba chu a chhuak a, a kal a, a kir leh ta zel a, Ninevi khuaah chuan a awm ta reng a.
37:38 Tin, heti hi a ni a, a pathian Nisroka inah chuan pathian a biak laiin a fapa Adrammeleka leh Sarezera-te chuan khandaihin an sat hlum a: tichuan an tla bo va, Ararat ramah chuan an lût ta a. Tin, a fapa Esar-haddona chuan a aiawhin ro a rêl ta a.
38:1 Chung lai chuan Jezekia chu thih ngamin a na a.Tichuan Amozaa fapa zâwlnei Isaia ch a hnênah a lo kal a, a hnênah,"LALPA chuan heti hian a ti,'I chhûngte khawsak dan tûr relsak rawh; dam chhuak lovin i thi ngei dawn si a,' tiin," a ti a.
38:2 Chutichuan Hezekia chu bang lam hawiin a let a, LALPA hnênah a tawngtai a,
38:3 "Aw LALPA, i hmaah thutak leh thinlung tha famkim pua ka awm thinzia leh, i mithmuha thil tha ka tih thinzia kha, khawngaih takin hre reng ang che,"a ti a. Tin, Jezekia chu a tap ta zawih zawih a.
38:4 Chutichuan LALPA thu chu Isaia hnênah a lo thleng
38:5 "Kal la, Hezekia hnênah sawi rawh, 'LALPA, i pu Davida Pathian chuan heti hian a ti, I tawngtaina kha ka hria a, i mittuite pawh ka hmu a: ngai teh, i dam chhûng nite hi kum sâwm leh kum ngain ka tisei ang.
38:6 Tin, nang leh he khawpui hi Assuria lal lakah ka chhanhim ang a: he khawpui hi ka hum ang.
38:7 Tin, LALPAN a thil sawi hi a ti ngei dawn tih, hei hi i tan LALPA laka chhinchhiahna tûr chu a ni ang:
38:8 "En teh Lal Ahaza dar chin tehnaa ni hlim saw, rahka sawmin ka tikir ang,"a ti a. Chutichuan ni hlim chu rahka sawm a kir leh ta a.
38:9 Juda lal Hezekia dam lo, a dam leh hnua a lehkha ziak chu :
38:10 "Ka dam chhûng nite chhun lai takah hian thlan kawngkaahte chan ka lût dawn a: Ka dam chhûng kum la bak tûrte chu chhuhin ka awm ta," ka ti a.
38:11 "LALPA, LALPA ngei chu, mi nung ramah hian ka hmu dawn tawh lo va: Khawvela awmte zingah hian mihring ka hmu leh dawn tawh lo a nih hi.
38:12 Ka awmna hi sawnin a awm a, berâm vengtu puan in angin ka hnên ata lak bovin a awm ta; Puan tahtun a puan a zial angin ka nunna hi ka zial a ani chuan thembu atangin mi chep chhum hmawk dawn a: Nangin ni khat leh zan khat thil thu-ah mi titawp mai dawn a nih hi" ka ti a.
38:13 Zing thlengin a ngawi hram hramg a; sakeibaknei angin ka ruh zawng zawng a titliak vek a: Nangin ni khat leh zan khat thil thu-ah mi titawp mai dan a nih hi.
38:14 Vamur emaw, kanghlai emaw angin ka hram ka hram a, Thuro angin ka rum ka rum a, chung lam thlir nân ka mit a vai zo ta; Aw LALPA, hnehchhiaha ka awm hi, nang chuan a bul mi tumsak ang che.
38:15 Eng nge ka sawi ang aw! Ani chuan mi bia a, ani vek chuan a ti ta nghal a: Ka nunna thawpikna avâng khan ka dam chhûng kum zawng zawngah chuan zawi tein ka kal dem dem tawh ang.
38:16 Aw Lalpa, hetiang thil avâng hian mihringte hi an nung thin a, chungah chauh chuan ka thlarau nunna chu a awm thin: Chumi avâng chuan mi tidam lehin mi tinung leh ang che.
38:17 Ngai teh, ka thlamuanna tûrin a ni, thawpikna nasa tak ka neih kha ni: Nimahsela nang chuan, ka nunna i hmangaih avângin, chhiatna khuarkhurum ata chu i chhanhim ta; Ka sual zawng zawng kha i hnung lamah chuan i paih vek si a.
38:18 Thlan hian a fak thei si lo che a, thihna hian a chawimawi thei hek lo che: Kuarkhuruma chhukte chuan i thu tak chu an beisei t hei lo a ni.
38:19 Mi nungin, mi nungin, anni ngei chuan, vawiina ka tih ang hian an fak ang che: Pa chuan fate hnênah i thutak chu a hriattir ang.
38:20 LALPA chu mi chhandam tûrin a peih reng a ni. Chuvangin ka dam chhûng zawng zawngin, LALPA inah chuan, a hlate hi tintangte nên ka sa ang.
38:21 Isaia chuan, "Theipui rah hlawm khat la sela, damdawi abela bel mi atân a khawihliah bel rawh se, tichuan a dam ang," a lo ti tawh a ni.
38:22 Hezekia pawh chuan, "LALPA inah ka chho leh ang tih hriatna eng chhinchhiahna nge lo awm ang?" a lo ti tawh a ni.
39:1 Chumi lai chuan Baladana fapa Babulon lal Merodak-baladana chuan lehkhate leh lawmman Hezekia hnênah a thawn a: a na tih leh a dam leh ta tih a lo hriat avângin.
39:2 Tichuan Hezekia chu an chungah a lawm a, an hnênah a thil hlu dahna in te, tangka te, rangkachak te, englo rimtui te, hriak hlu tak te, a râlthuam dahna in chhûng zawng zawng chu a entir a; a ina mi leh a rma chhûnga mi Hezekian an hnêna a entir loh thil eng reng a awm lo.
39:3 Chumilai chuan zâwlnei Isaia chu lal Hezekia hnênah a lo kal a, a hnênah, "Nichina mie khan eng nge an sawi?" Khawi atangin nge i hnênah an lo kal?" a ti a. Tin, Hezekia chuan, "Ram hla tak ata, Babulon atang chuan ka hnênah an lo kal a ni," a ti a.
39:4 Tichuan ani chuan, "I inah hian eng nge an en kha?" a ti a. Tin, Hezekia chuan, "Ka in chhûng awm zawng zawng chu an en vek: ka ro tha zinga mi ka entir loh engmah a awm lo," tiin a chhâng a.
39:5 Tichuan Isaian Hezekia hnênah chuan, "Sipaihote LALPA thu hi hre rawh.
39:6 Ngai teh, i in chhûnga awm zawng zawng leh vawiin thlenga i puten an khawl khawmte chu Babulon khuaa kalpuiin a awm vek ang; engmah rêng rêng hnutchhiahin a awm lo vang; chutiang nite chu a la thleng dawn,' LALPAN a ti.
39:7 Tin, i fapa, i rila la rah tûr, i hrin tûrte ngei zinga mi chu, an kal bopui ang; anni ch Babulon lal inah chuan mi tilrehah an la awm ang,' a ti," a ti a.
39:8 Tichuan Hezekian Isaia hnênah chuan, "LALPA thu i sawi hi a tha e," a ti a. Amah vek chuan, "Ka dam chhûng hian remna leh thutak a awm dawn si a," a ti bawk a.
40:1 Thlamuan rawh u, ka mite hi thlamuan rawh u, in Pathianin a ti.
40:2 Jerusalem-ho hnênah thlamuan lamzawngin thu sawi ula, an indona chu a kin a, an sualna chu ngaihdam a ni a,
40:3 Chu! Autu rawl chuan, "Thlalêrah LALPA kawng buatsaih ula, ram rovah kan Pathian tan lamlian tirual rawh u.
40:4 Kawr tin, tihsan a ni vek ang a, tlâng tin, mual tin, tihhniam a ni bawk ang: kawng kawite tihngil a ni ang a, a bum boh laite tihrual a ni bawk ang:
40:5 tin, LALPA ropuina chu tihlan a ni ang a, mi zawng zawngin chu chu an hmu tlâng dial ang: LALPA ka chuan a sawi tawh si a," a ti.
40:6 Chu! Aw chuan, "Eng thu sawiin nge ka au vang?" a ti a. "'Mi zawng zawng hlobet ang an ni a, an ropuina zawng zawng pawh phul pangpâr ang a ni:
40:7 LALPA thaw chuan a chhem avângin hlobet chu a vuai a, a pâr chu a chuai thin: mite chu hlobet ang an ni ngei mai a.
40:8 Hlobet chu a vuai a, a par chu a chuai thin: kan Pathian thu erawh chu chatuanin a awm reng ang,' tiin," a ti a.
40:9 Aw Zion hnêna chanchin tha hriltu, tlâng sâng takah khian han chho rawh; aw Jerusalem hnêna chanchin tha hriltu, ring takin i aw chhuah rawh; chhuah rawh, hlau suh; Juda khuate hnênah chuan, "en teh u, in Pathian hi1
40:10 En teh u, Lalpa PATHIAN chu mi chak tak angin a lo kal dawn hi; a ban chuan a aiah ro a rêl ang; en teh u, a lawmman chu a hnênah a awm hi, a rulhna chu a hmaah a awm bawk a.
40:11 Ani chuan berâm vengtu angin a pâwl chu a chawm ang a, berâm note chu a banin a pawm khâwm ang a, a angchhûnga dahin a kalpui ang a, no hruai laite chu zawi tein a hruai dial dial ang," ti rawh.
40:12 Tuin nge tuite chu a kutphah khuar leka teha, van khi khap leka teh a, leia vaivut hi tehkhawng pakhat leka thun vek a, tlangte chu khin leka buka, mual pawngte chu bukna leka buk kha le?
40:13 Tuin nge LALPA thlarau chu thil tih dan tûr kawhhmuh le? A nih loh leh tunge a remruatsaktu nia amah zirtir le?
40:14 Ani chuan tunge a rawn a, tuin nge amah chu hriattir a, rorêlna kawng entira, hriatna zirtir a, hriatthiamna kawng entir ngai le?
40:15 Ngai teh, hnam tin chu baltina tui far khat ang lek an ni a, buknaa thil dip bang kai ang leka ruat an ni: ngai teh, ani chuan thliarkarte chu thil te tak te angin a la nelh nelh mai thin.
40:16 Lebanon meuh pawh tuah tham a ni lo va, a rama rante pawh hâlrala inthawina tham an ni hek lo.
40:17 Hnam tinrengte chu a hmaah chuan engmah lo ang an ni a ani ngaih chuan engmah lo aia tlem zawk, boruak mai an ni a.
40:18 Pathian chu tu nên nge in tehkhin dawn le? A nih loh leh, eng lem nge amah nên in tehkhin dawn le?
40:19 Milem siam chawp hi, hna thawk mi chuan a chhûng a, rangkachak chher mi chuan rangkachakin a luan a, chu mi tan chuan tangka khaidiatte a chhunsak thin.
40:20 Chutiang thilpek pe zo lo ve rethei lutuk chuan thing mawih lo tûr a thlang thin; milem siam chawp, nghing lo tûr, atâna dinsaktu tûr themthiam mi â zawngt thin.
40:21 In rilruin in hre ngai lo êm ni? In bengin in hre ngai lo êm ni? Atir atang khan an hrilh lo che u êm ni? Leilung pian tirh atang khan in hre thiam lo êm ni?
40:22 Ani chu leilung kualkhungna chunga thua chu a ni, a mithmuh chuan lei chunga awmho chu khaute ang lek an ni a; ani chu van khi puan in chung anga kai pharh a, puan in awmna tûrah zar a,
40:23 mi liante engmah lova siam thina chu a ni; ani chuan leia rorêltute chu boruakah a siam thin.
40:24 A ni, a phun an ni lo; a ni, a tuh an ni lo; a ni, an kung chuan leiah zung a kai lo: chu lo pawh chu ani chuan anniho chu a chhem a, an vuai a, thawngaleivirin buh si a lak bo angin a la bo thin.
40:25 Tu nên nge mi tehkhin a, tu tluk lekah nge mi ruat dan? Mi Thianghlim chuan a ti.
40:26 Chung lamah khian in mitte len chho ula, khingte khi tu siam nge ni en rawh u; ani chuan sipaihote khi indawt zelin a hruai chhuak thin a, an hmingin a ko theuh thin a; a chakna nasatna avâng leh, thiltihtheihna lama a chak avângin pakhat mah kim lo an awm ngai lo.
40:27 Engati nge, aw Jakob-ho, hetianga in tih ni, engati nge, aw Israel-ho, hetianga in sawi ni, "Ka kawng hi LALPA laka thup a ni a, ro mi relna hi ka Pathian laka lak bo a ni ta," tih hi?
40:28 In rilruin in hre ngai lo vem ni? In bengin in hre ngai lo vem ni? Kumkhaw Pathian, LALPA, Kawlkil Siamtu chu, a chau ngai lo va, a hah ngai hek lohzia hi; a hriat thiamzia chu zawn chhuah rual a ni lo.
40:29 Chau hnênahte chuan thiltihtheihna a pe thin a; chakna reng nei lote chu a tichak thin.
40:30 Tleirawlte meuh pawh an chauvin an hah ang a, tlangvâlte pawh an tlu der ang:
40:31 LALPA nghaktute erawh chuan an chakna chu an siam tha leh ang a; mupuite angin thlain an thlawk chho vang a; hah lovin an tlan ang a; chau lovin kein an kal ang.
41:1 Aw thliarkarte u, ka hmaah chuan ngawi thiap rawh u; mi tin chuan an chakna tithar leh sela: lo hnai hlawm sela; chumi hnuah chuan sawi rawh se: rorêl tûrin i inhnaih tlâng teh ang u.
41:2 Khawchhak ata mi pakhat, felna avânga a ke bula a kohva chu, tuin nge kai harh? Ani chuan hnam tin a hmaah a pe a, lalho chungah ro a rêltir a; anni chu vaivut angin a khandaih hennah a pe a, buh si thli chhem len angin a thalngul hnênah a pe bawk a.
41:3 Ani chuan anniho chu a um a, him takin a kal zel a;a kea a la kalna ngai loh kawngah chuan.
41:4 Atir ata chhuan zawng zawng kovin, tuin nge thawk a, ti zo? Kei LALPA, a hmasa ber leh a hnuhnung bera hnêna awm hi, a titu chu ka ni.
41:5 Thliarkarte chuan an hmu a, an hlau va; kawl kilte chu an khur a: an rawn hnaih a, an lo kal a.
41:6 Mi tinin mahni thiante an tanpui a; mi tinin an unaute hnênah, "Thlamuang takin rawm rawh," an ti theuh va.
41:7 Chutiachuan a charna lam thu-ah chuan, "A tha e," tiin, themthiam mi chuan rangkachak chher mi â fuih a, tubohva deng mam mi chuan dolung deng mi â fuih bawk a: tin, a nghin lohna tûrin kilhnatein a kilh tlat a.
41:8 Nimahsela, nangni Israel-ho ka chhaihhlawh, Jakob-ho ka mi thlan, ka thian Abrahama thlahte u,
41:9 nangni leilung tawpna ata ka mi hruai, a kil ata ka mi koh, "Ka chhiahhlawhte in ni, paih thla lovin ka thlang zawk che u," ka tihate u,
41:10 hlau suh u, kei in h nenah ka awm si a; mangang suh u, kei in Pathian ka ni si a: ka tichak ang che u a; a ni, ka tanpui ang che u; a ni, ka felna kut ding lamin ka chelh reng ang che u.
41:11 Ngai teh, in chunga lungni lo zawng zawng chu mualpho tak leh zak takin an awm ang: nangmahni hnialtute chu engmah lo ang an ni ang a, an b oral ang.
41:12 nangmahni hnailtute chu in zawng ang a, in hmu si lo vang: nangmahni dotute chu engmah lo ang an ni ang a, thil awm lo ang mai an ni ang.
41:13 Kei LALPA in Pathian hian "Hlau suh u, ka tanpui dawn a che u," tiin, in kut ding lam chu ka chelh dawn si a.
41:14 Nang Jakob changpat leh Israel mite u, hlau suh u, ka tanpui ang che u, LALPAN a ti, nangmahni tlantu che u chu Israel-ho Mi Thianghlim chu a ni.
41:15 Ngai teh, buh chilna khawl thar tak, hria tak, ha nei mi-ah ka siam ang che u: tlangte chu chilin in vaw sawm ang a, mual pawngte chu buh si angin in siam ang.
41:16 In zap ang a, thliin a chhem leng ang a, thawngaleivirin a tidarh ang: tin, nangni chu LALPAah chuan in lawm ang a, Israel-ho Mi Thianghlim chu in la chhuang ang.
41:17 Mi rethei leh pachhiate chuan tui an zawng thin a, a awm si lo va, an lei chu tuihalin a ro vek thin; kei LALPA hian anni chu ka chhâng ang a, kei Israel-ho Pathian hian anni chu ka kalsan lo vang.
41:18 Tlâng sâng kawlh vêl vulah chuan luite ka luan chhuahtir ang a, ruam laiahte chuan tuihnate ka chhuahtir bawk ang: thlalêr chu dilah ka siam ang a, ram ro chu tuihnaah ka siam bawk ang.
41:19 Thlalêrah chuan sidar thing te, thingri te, lenhmui te, hriak thing te ka phun ang a; ram rovah chuan far te, phan te, tuifar te ka phun za vek ang:
41:20 LALPA kut chuan chung chu a ti a ni tih leh Israel-ho Mi Thianghlim chuan a siam ani tih an hmuh a, an hriat a, an ngaihtuah a, an hriat thiam tlanna tûrin.
41:21 In thu chu rawn sawi rawh u, LALPAN a ti; pathian in intihna chhan berte chu lantir rawh u, Jakob-ho Lalin a ti.
41:22 Chung chu lantir sela, thil lo la thleng tûr chu kan hnênah saiw rawh se: kan ngaihtuah theihna tûr leh a tawpna tûr kan hriat theihna tûrin, tun hma thilte chu eng nge a nih sawi rawh u; a nih loh leh, thil lo la thleng tûrte chu hriattir rawh u.
41:23 Pathian in ni tih kan hriat theihna tûrin tun hnua thil lo la thleng tûrte chu sawi rawh u le: a ni, kan manganna tûr leh kan en tlanna tûrin, thil tha emaw thil tha lo emaw ti rawh u le.
41:24 Ngai teh u, engmah in lo nih loh hi, in thiltih pawh engmah a ni hek lo: nangmahni thlangtute chu mi tenawm tak an ni.
41:25 hmâr lam ata mi pakhat ka kai harh a, ani chu a lo thleng ta: ni chhuahna ata ka hming lamtu chu: ani chu lung charna sawisak angin rorêltute a sawisa ang a, bawlvawtuin hlum a rap ban angin a rap bawk ang.
41:26 Kan hriat theihna tûrin tuin nge atir atang khan saiw ngai? A ni, "Ani hi a dik e," kan tih theihna tûrin tuin nge sawi lawk ngai? A ni, sawi rêng rêng an awm lo, a ni, hriattir rêng rêng an awm lo, a ni, in thu sawite hi hria rêng rêng an awm o.
41:27 Keiin Zion hnênah chuan, "En teh, anni saw en teh," ka ti hmasa ang a; Jerusalem hnênah chuan chanchin tha rawn thelntu pakhat a pe ang.
41:28 Tin, ka han en pawhin mi rêng rêng an awm lo va; anmahni ka han zawh pawhin, an zinga remruattu, thu pakhat pawh chhâng thei tumah rêng rêng an awm lo.
41:29 En teh u, an za hian, an hnathawhte chu engmah lo a ni a, thil awm lo rêng rêng a ni: an milem chhunte chu thli leh boruak chauh a ni.
42:1 Ka chhiahhlawh, ka chelh reng, ka thlan, ka rilruin a lawm êm ema hi en teh u: a chungah ka thlaru ka dah ta; Jentailte hnêna pêk tûrin rorêlna thu a la chhuak ang.
42:2 A au lo vang a, aw a chhuah hek lo vang a, kawtthlêrah a awm a chhuah hek lo vang a, kawtthlêrah a aw chu ahriattir hek lo vang.
42:3 Luang sawp a titliak fithla lo vang a, la khu pawh a timit lo vang: rorêlna chu thutakin a la chhuak ang.
42:4 Leiah hian rorêlna a awmtir hma loh chuan ani chu a chau lo vang a, a beidawng hek lo vang; tin, thliarkarte chuan a dan thu chu an nghak reng dawn.
42:5 Pathian, LALPA, van siamtu leh kai pharhtu, lei leh a chhûng ata chhuak zawng zawng tizautu, a chunga mite hnêna thawkna petu leh a chung kalte hnêna thlarau petu chuan heti hian a ti:
42:6 ,7 "Kei LALPA hian felnain ka ko a che, i kut ka chelh ang a, ka humhim ang chia, mitdelte mit tivar tûr leh, mi tangte rip chhûng ata hruai chhuak tûr leh, thim zinga thute tan in ata hruai chhuak tûrin, mite thuthlung atân leh Jentailte tiengtu atân ka ruat ang che.
42:7 ,6 "Kei LALPA hian felnain ka ko a che, i kut ka chelh ang a, ka humhim ang chia, mitdelte mit tivar tûr leh, mi tangte rip chhûng ata hruai chhuak tûr leh, thim zinga thute tan in ata hruai chhuak tûrin, mite thuthlung atân leh Jentailte tiengtu atân ka ruat ang che.
42:8 LALPA chu ka ni; chu chu ka hming a ni: ka rpuina hi mi dang hnênah ka pe lo vang a, fak ka hlawhna hi milem siam chawpte hnênah ka pe hek lo vang.
42:9 Ngai teh u, tun hma thilte chu a lo thleng ta, thil tharte ka sawi a nih hi: a tiah hmain a chanchin ka hrilh che u a nih hi.
42:10 Tuifinriata zuk kalte leh, a chhûnga awm zawng zawngte leh, thliarkarte leh, a chunga awm zawng zawngte u, LALPA chawimawiin hla thar sa ula, kawlkil atang pawhin amah fakna hla sa rawh u.
42:11 Thlalêr leh a khawpuite chuan an aw chhuah rawh se, Kedar-ho awmna khuate chuan; Sela khuaa awmte chu hlim takin zai sela, tlâng chhip atangte chuan au rawh se.
42:12 LALPA chu tiropui sela, thliarkarahte chuan a fakna thu hirl rawh se.
42:13 LALPA chu mi chak tak angin a chhuak ang a, indo mi angin thinurna a chawk tho vang: a au vang a, a ni, ring takin a au vang; amah dotute chungah chuan chak takin a che ang.
42:14 Rei tak ka ngawi reng tawh a; ka awm hle hlein ka insum hram hram thin: tunah erawh chuan hmeichhe nau vei angin ka au tuar tuar ang a; ka thaw huam huamin ka thaw hlawp hlawp bawk ang.
42:15 Tlangte leh mual pawngte chu ka tichhia ang a, a hnim zawng zawngte chu ka tiro vek ang; luite chu thliarkarh te ka siam ang a, dilte chu ka tikang ang.
42:16 Mitdelte chu an hriat ngai loh kawngah ka rawn hruai ang a; an hriat ngai loh kalkawngahte chuan ka hruai ang: an hmaah chuan thim chu engah ka siam ang a, kawng kawi laite chu ka tingil bawk ang. Chung thil chu ka ti ang a, anni pawh ka thlahthlam lo vang.
42:17 Milem siam chawpte ring a, milem chhunte hnêna, "Kan pathian in ni," titute chu hawi kirtirin an awm ang a, nasa takin an mualpho vang.
42:18 Bengngawngte u, bengin hre rawh u; mitdelte u, in hmuh theih nân en rawh u.
42:19 Ka chhiahhlawh lo chu tu mit nge del:? A nih loh leh, ka tirhkoh tirh angin tu beng nge ngawng? Mi remtu angin tu mit nge dela, LALPA chhiahhlawh angin tu mit nge del?
42:20 Thil tam tak i hmu a, nimahsela i rilruah i vawng reng thin lo; a bengte chu a awng a, nimahsela a hre thin lo.
42:21 Dan chu a felna avânga tihlena tihzahawm chu LALPA chuan a tha a ti a.
42:22 Nimahsela heng mite hian rawk leh suam an tawk a, humah an tla a, tan inah an tang bo va; sal atân man an ni a, chhantu tumah an awm lo.
42:23 In zingah hian chungah chuan tunge beng chhi tûr awm che u? Hun lo la thleng tûr atân ngaithlaa hre tûr tunge awm che u?
42:24 Tuin nge Jakob-ho râllâka lak tûra pea, Israel-ho rukrute hnênah pe ni? LALPA, a chunga thil kan tihsualna chuan a pêk a ni lâwm ni? A kawngahte an kal duh si lo va, a dan thu lah an awih hek lo.
42:25 Chuvangin a thinur nasa tak chu an chungah a leih a, indo ralthlak an chungah a thlentir a, chu chuan anmahni chu a kang a.
43:1 Tunah erawh chuan, aw Jakob-hote u, LALPA nangmahni siamtu leh aw Israel-hote u, nangmahni dintu chuan heti hian a ti: "Hlau suh u, ka tlan tawh che u hi; in hmingah ka ko che u a, ka ta in ni si asin.
43:2 Tuite in dai kai lai pawhin kei in hnênah ka awm ang a; luite in dai kai lai pawhin a chim pil lo vang che u: meia in kal tlâng lai pawhin in kang lo vang a; meialhin a tialh hek lo vang che u.
43:3 Kei hi LALPA in Pathian, Israel-ho Mi Thianghlim nangmahni chhandamtu ka ni si a; nangmahni tlanna atân Aigupta ram ka pe a, Ethiopia leh Seba ramte chu nangmahni aiah ka pe.
43:4 ka ngaiha hlu tak in nih a, mi zahawm tak in nih bawk a, ka hmangaih bawk che u avângin, nangmahni aiah mite ka pe ang a, in nunna aiah mi tin ka ep ang.
43:5 Hlau suh u, in hnênah ka awm si a: in thlahte chu kahwchhak lam atangin ka rawn hruai ang a, khawthlang lam atangin ka hruai khâwm ang che u,
43:6 hmâr lam hnênah chuan, 'Thlah rawh u,' ka ti ang a; chhim lam hnênah chuan, 'Hrêng rêng suh u,' ka ti ang; ka fapate chu hla tak atangin rawn hruai ula, ka fanute chu kawlkil atangin rawn hruai rawh u;
43:7 ka hming pu apiangte leh ka ropuina tûra ka siam apiangte chu; anmahni chu ka din a, a ni, anmahni chu ka siam a ni.
43:8 "Mit nei si mitdelte leh, beng nei si bengngawngte chu hruai chhuak rawh u.
43:9 Hnam tinreng inkhawm sela, mi tin awm khâwm rawh se: an zingah tuin nge hei hi sawi thei a, tun hma thilte min hriattir thei? Thiam chantira an awm theihna tûrin an thuhretute chu rawn hruai rawh se: a nih loh leh, bengin hria sela, 'Thutak a ni,' ti rawh se.
43:10 Mi hriata, mi rina, amah chu ka ni tih in hriat theihna tûrin, nangni hi mi hriatpuitute in ni, ka chhiahhlawh ka thlana pawh chu, LALPAN a ti: ka awm hma chuan Pathian rêng rêng din an awm lo va, ka awm hnuah pawh an awm hek lo vang.
43:11 Kei, keimah ngei hi, LALPA chu ka ni; keimah lo chu chhandamtu rêng rêng an awm lo.
43:12 Keimahin ka sawi a, ka chhandam a, ka hriattir a, in zingah khan ram dang pathian rêng rêng an awm loh kha; chuvangin nangni hi ka thu mi hriatpuitute in ni, LALPAN a ti, tin, kei chu Pathian ka ni.
43:13 A ni, ni awm achinah khan kei chu amah chu ka ni; tichuan ka kut ata chhan chhuakt hei tumah rêng rêng an awm lo: hna ka thawk ang a, tuin nge chu chu sut ang?" tiin.
43:14 LALPA, nangmahni tlantu, Israel-ho Mi Thianghlim chuan heti hian a ti: "Nangmahni avângin Babulon khuaah chuan sipaiho ka tir a, tichuan an zain, Kaldai-hote chu, an lawmna lawngpuiah-te chuan tlan bo mi hruaiin ka hruai chhuk ang.
43:15 Kei hi, LALPA, in Mi Thianghlim, Israel-ho Siamtu, in Lal chu ka ni," tiin.
43:16 Tuipuia kawng siam a, tui tam tak zinga lamlian sialtu,
43:17 sipai rual ropui tak, tawlailirte leh sakawrte hruai a, tho leh hauh lo tûra titlu rem rumtu, khawnvar phita tihmih anga tichimittu LALPA chuan heti hian a ti:
43:18 "Tun hma thilte chu hre reng suh ula, hmasâng thilte chu ngaihtuah hek suh u.
43:19 Ngai teh u, thil thar ka ti dawn e; tun apang hian a tiak ang; chu chu in hre dawn lawm ni? Thlalêrah meuh pawhkawng ka siam ang a, ram rovah chuan luite ka siam bawk ang.
43:20 ,21 Ka mi, ka thlante, mi fakna tilangtu tûra ka tana ka mi siamte chu, in tûr ka pêk theih nân, thlalêrah chuan tuite ka awmtir avâng leh, ram rovah chuan luite ka awmtir avângin ram sate pawhin mi chawimawi ang, sihalte, sava nghawngseite lamin.
43:21 ,20 Ka mi, ka thlante, mi fakna tilangtu tûra ka tana ka mi siamte chu, in tûr ka pêk theih nân, thlalêrah chuan tuite ka awmtir avâng leh, ram rovah chuan luite ka awmtir avângin ram sate pawhin mi chawimawi ang, sihalte, sava nghawngseite lamin.
43:22 Nimahsela aw Jakob-ho, nangni zawngin mi ko si lo va, aw Israel-ho, nangni zawngin mi ning zawk a nih hi.
43:23 hâlrala in thil hlan ran tete chu mi rawn lak ngai lo va; in inthawina lamte chuan mi chawimawi ngai hek lo. Thil hlanin rawng ka bawltir ngai lo che u a, berawin ka tihah ngai hek lo che u.
43:24 Fu rêng rêng tangkain mi leisak ngai lo va, in inthawinate thauvin mi titlai ngai hek lo: in sualna phurh hnate mi thawhtir zawk a, in khawlohnatein nangnin mi tihah ta a ni.
43:25 Kei, keimah ngei hi, keimah leh keimah avâng ngawta in bawhchhiatnate thai bo thintu chu ka ni; in sualnate pawh ka hre reng lo vang.
43:26 Mi hriatpui rawh u; i ngaihtuah tlâng ang u: thiam chantira in awm theih nân in thu chu sawi rawh u.
43:27 In pu hmasa ber khan thil a tisual a, in palaite pawhin ka lakah an bawhchhia a.
43:28 chuvangin hmun thianghlima mi liante chu ka tibawrhbang ang a, tichuan Jakob-ho chu ânchhedawngah ka siam ang a; Israel-ho chu hauburah ka siam bawk ang.
44:1 "Tunah erawh chuan, aw Jakob-ho ka chhiahhlawhte u, aw Israel-ho ka thlante u, ngaithla rawh u:
44:2 LALPA, nangmahni siamtu, chhul atanga nangmahni dintu, nangmahni tanpuitu tûr chuan heti hian a ti: 'Aw Jakobho ka chhiahhlawhte u, nangni Jesurun-ho ka thlante u, hlau suh u.
44:3 Tuihal chungah chuan tui ka leih dawn si a, lei rovah chuan tuiluangte chu ka leih bawk dawn a ni: in thlahte chungah ka thlarau ka leih ang a, in fate chungah ka malsawmna ka leih bawk ang:
44:4 tichuan anni chu, tuipuisuthlahte tui luanna kianga to ang hian, hlobet zingah chuan an to vang.
44:5 Mi pakhatin, LALPA ta ka ni, a ti ang a; mi dangin Jakoba hming a invuah ang a;midangin a kutah, LALPA ta, tia ziakin, Israel hming chu chi hmingah an hmang ang,' tiin," a ti a.
44:6 LALPA, Israel-ho Lal, an tlantu sipaihote LALPA chuan heti hian a ti: "Kei hi hmasa bera chu ka ni a, hnuhnung bera pawh ka ni; keimah lo chu Pathian rêng rêng an awm lo.
44:7 Hmasânga mite ka din achinah khan keima tih angin tuin nge ko vang a, tuin nge chung chu sawi ang a, tuin nge ka aiah indawt zelin tilang ang le? Thil lo thleng tûrte leh lo la awm tûrte chu sawi rawh se.
44:8 Hlau suh ula, tih hek suh u: hmasâng khan in hnênah ka sawi tawhin ka hriattir tawh che u a ni lâwm ni? Tichuan nangni hi mi hriatpuitute in ni. Keimah lo hi Pathian rêng rêng an awm êm? A ni, Lungpui rêng rêng a awm lo; pakhat mah a awm ka hre lo.
44:9 "Milem siam chawp siamtute chu an zain boruak mai an ni a; an thil duhzawngte chu a tangkai lo vang; an mualphona tûr rêng rêngin anmahni hriatpuitute pawhin an hmu thei lo va, an hre thei hek lo.
44:10 Tuin nge pathian din tehlul le? A nih loh leh, tuin nge engmaha tangkai hlei lo milem siam chawp chhûng tehlul le?
44:11 Ngai teh, a pawlpui zawng zawngte chu an mualpho vang a; hnathawk mite pawh mihring zinga mi an ni: an zain inkhawm vek sela, ding rawh se; an hlau vang a, an mualpho tlâng ang.
44:12 Thirdengin hreipui a chher thin a, meihawlah chuan a thawlh a, tubohtein a deng a, a ban chak tak chuan a chher thin: a ni, a ril a lo tam a, a tha chu a lo zawi thin: tui rêng rêng a in lo va, a chau thin.
44:13 Thingrem siamtuin hrui a pawt mar a, pensilin a riruat a, nawhmamnatein a riruang a din a, bial siamnain a riruat a, mihring ruangam angin a din a, ina awm tan mihring mawina angin a din thin.
44:14 Sidar thingte a tan a kit a, thil leh sasua a la a, ngaw thing zinga mi pakhat chu a puala awm tûrin a tinghet a: fâr kung a phun a, ruahin a chawm thin.
44:15 Chumi hnuah chuan mi tan meia tuahah a ni tawh ang; chumia mi chu a la a, a intilum thin; a ni, meiah a chhem a, chhâng a hem thin: a ni, pathian a siam a, a be thin; chu thing chu milem siam chawpah a siam a, chu chu bawkkhupin chibai a bûk thin.
44:16 Chu thing chu a then meiah a tuah a; a then chu sa ei nân a hmang a; sa a rawh a, a tlai thin: a ni, mei lum a ai a, 'Chhei, ka lum ta, mei hmêl ka hmu ta le,' a ti a:
44:17 a bang chu pathianah a siam a, a siam chawp milem ngeiah chuan: chu chu bawkkhupa chibai bûkin a bia a, a hnênah a tawngtai a, 'Mi chhanhim rawh, ka pathian i ni si,' a ti thin.
44:18 An hre lo va, an ngaihtuah hek lo: ani chuan an hmuh theih lohna tûrin a maimitchhintir ta si a; an hriat thiam lohna tûrin an thinlung pawh a kharsak ta a ni.
44:19 Tichuan tumah an hre chhuak leh lo va, 'THenkhat chu meiah ka tuah si a; a ni, a vamah pawh chhâng ka hem nghe nghe a; sa pawh ka rawh a, ka ei si a: a bang chu thil tenawmah ka siam dawn êm ni? Thinga mi bawkkhupin chibai ka buk dawn êm ni?' Ti tûrin anmahniah chuan hriatna leh hriatthiamna a awm hek lo.
44:20 Vut chauh a ei thin a: a thinlung buma awm chuan, a nunna a inchhanhim theih lohna tûr leh, 'Ka kut ding lamah hian dawt a awm lo êm ni?' A tih theih lohna tûrin, amah chu a pentir ta.
44:21 "Aw Jakob-hote u, chung thilte chu hre reng rawh u, Israel-hote u, hre reng bawk rawh u, chhiahhlawh in ni si a: keiin ka din che u a; ka chhiahhlawh in ni: aw Israel-hote u, ka theihnghilin in awm lo vang.
44:22 In bawchhiatnate chu chhum chhah mup tihbo angin ka tibo ta a, in sualnate chu chhum tihbo angin ka tibo ta bawk a: ka hnênah lo kir leh rawh u, ka tlan tawh si che u a," tiin.
44:23 Aw vante u; hlim takin zai rawh u, LALPAN chu chu a ti ta si a: lei hnuai lamte u, au rawh u, tlangte u, aw ram hnuai leh a chhûnga thing awm tinrengte u, hla sa chhuak phut rawh u: LALPA chuan Jakob-ho a tlan tawh a, Israel-hovah chuan a inchawimawi dawn si a.
44:24 LALPA, nangmahni tlantu, chhul atanga nangmahni dintu chuan heti hian a ti: "Kei hi LALPA, thil zawng zawng siamtu, mahni chauhva van kai pharhtu, lei tizautu chu ka ni; tunge ka hnênah awm?:
44:25 Kei hi dawtheiho chhinchhiahna engmah lova siam a, aienthiamte mi aa siamtu, mi finte hawi kirtira, an hriatna atthlaka siamtu,
44:26 mahni chiahhlawh thu tingheta, mahni palaite remruat hlensaktu, Jerusalem chungchang thua, 'Chutah chuan mi an awm leh ang,' titu elh Juda ram khaw chungchang thua, 'Siamin a awm leh hlawm ang a, a chhe laite chu ka siam tha leh ang,' titu,
44:27 tui thuk tak hnêna, 'Kang chat rawh, i luite pawh ka tikang bawk dawn,' titu,
44:28 Kura chungchang thua, 'Ani chu ka berâm vengtu a ni a, Jerusalem chungchang thua Siamin a awm leh ang, tih leh, Pathian biak in hnêna, I lungphûm chu remin a awm leh ang, ti hial khawpin ka duhzâwng zawng zawng chu a ti ang,' titu ka ni," tiin.
45:1 LALPA chuan a hriak thih, Kura, hnamte chu a hmaah tudawl tûr leh, lalho kawnghrente phelhsak tûr leh, a hmaa kawngkhârte hawnsak tûr leh, kulh kawngkhârte khar lova awmtir tûra, a kut din lam ka chelha hnênah chuan, heti hian a ti:
45:2 "Kei i hmaah ka kal ang a, a bumboh laite chu ka tirual ang: dar kawngkhârte chu ka tichhe rem rum ang a, a kalhna thir tlawnte chu ka tibung ang:
45:3 tin, LALPA, i hminga kotu che, Israel-ho Pathian ngei chu ka ni tih i hriat theih nân thim zinga rote chu ka pe ang chia, hmun fianrialte sum thuhrukte pawh ka pe ang che.
45:4 Jakob-ho ka chhiahhlawhte leh Israel-ho ka thlante avâng chuan i hmingin ka ko che a ni: mi hre ngai lo mah la, hming ka sak sak ang che.
45:5 ,6 Kei hi LALPA chu ka ni, a dang rêng rêng an awm lo; keimah lo chu Pathian rêng rêng an awm lo: keimah lo chu a dang rêng rêng an awm lo tih ni chhuahna lam atang leh thlang lam atanga an hriat theihna tûrin, mi hre ngai lo mah la, i tai ka hrensak ang che: kei hi lalpa chu ka ni, a dang rêng rêng an awm lo.
45:6 ,5 Kei hi LALPA chu ka ni, a dang rêng rêng an awm lo; keimah lo chu Pathian rêng rêng an awm lo: keimah lo chu a dang rêng rêng an awm lo tih ni chhuahna lam atang leh thlang lam atanga an hriat theihna tûrin, mi hre ngai lo mah la, i tai ka hrensak ang che: kei hi lalpa chu ka ni, a dang rêng rêng an awm lo.
45:7 Eng ka siam thin a, thim pawh ka siam thin a ni; remna ka siam thin a, sualna pawh ka siam thin a ni; kei hi LALPA, chung thil zawng zawng ti thintu chu ka ni," tiin.
45:8 Vante u, chung lam atang khan far thlaktir rawh u, van dumte khan felna rawn leih thla rawh se: chhandamna an chhawr chhuahtir theih nân lei inhawng sela, felna nên to duntir rawh se; kei LALPA hian chu chu ka siam a ni.
45:9 Mahni Siamtu hnailatu chu a chung a pik e! leia lampei zinga lampei mai mai chu! Hlum chuan a vawtu hnênah, "Eng nge i siam ni?" a ti dawn êm ni? A nih loh leh, i hnathawh chuan, "A kutin thia reng a nei lo," a ti dawn êm ni?
45:10 A pa hnênah, "Eng nge i hrin ni?" titu chung emaw, a nu hnênah, "Eng nge i hrin dawn ni?" titu chung emaw a pik e!
45:11 LALPA, Israel-ho Mi Thianghlim, anmahni Siamtu chuan heti hian a ti: "Thil lo la thleng tûr thu chu mi zawt ula; ka fapate thu-ah leh, ka kut hnathawh thuah hian thu mi pe rawh u.
45:12 Lei hi ka siam a, a chunga mihring awm hi ka siam bawk a: keimah ka kut ngei hian, van ka kai pharh a, a sipaihote chu thu ka pe bawk a ni.
45:13 Kura chu felna nein ka kai harh a, a kawng zawng zawng chu ka tingil ang: ani chuan a khawpui chu a siam leh ang a, ant lanna man duh vang ni lovin, lawmman duh vang ni hek lovin,ka salte chu a chhuahtir ang, sipaihote LALPAN a ti,"tiin.
45:14 LALPA chuan heti hian a ti, "Aigupta thawkrimho leh Thiopia sumdawng mi leh Seba-ho mi sâng takte chu in hnên lamah an lo kal ang a, in taah an awm tawh ang; namgmahni an zui ang che u; khaidiat bunin a ni an lo kal dawn ni: tichuan bawkkhupin chibai an bûk ang che u a, 'Pathian chu nangmahniah a awm ngei mai; a dang rêng rêng an awm lo, Pathian dang rêng rêng an awm lo,' tiin.
45:15 Aw Israel-ho Pathian, Chhandamtu, Pathian inthu thina chu i ni ngei mai.
45:16 Mualpho takin an awm ang, a ni, an zain zak takin an awm ang: milem siamtute chu zahnaah chuan an lût tlâng ang.
45:17 Israel-ho erawh chu kumkhaw chhandamnaa LALPA Chhandamin an awm ang: chatuan thleng pawhin in mualphovin in zak hek lo vang.
45:18 LALPA, van siamtu chuan, (ani chu Pathian, leilung hi dina siamtu chu a ni; ani chuan leilung hi a tinghet a, engmah lovah a siam lo va, mihring awm nân a din zawk a ni) heti hian a ti si a: "Kei hi LALPA chu ka ni; a dang rêng rêng an awm lo.
45:19 A rukin, ram thim hmunah thu ka sawi ngai lo va; Jakoba thlante hnênah, 'Engmah lovah mi zawng rawh u,' ka ti ngai lo: kei LALPA hian felna thu ka sawi thin a, thu dik takte chu ka hril thin.
45:20 "Inkhawm ula, lo kal rawh u; hnam tin zinga hremna pumpelhote u, lo hnai tlâng rawh u: an thing mile siam chawp keng thina, mi chhanhim thei hlei lo pathian hnêna tawngtai thintute chuan hriatna rêng rêng an nei lo.
45:21 Sawi ula, rawn tichhuak rawh u; a ni, inberawn hlawm rawh se: hmasâng ata tuin nge hriattir? Hman lai ata tuin nge sawi? Kei LALPA hian ka tih a ni law ni? Keimah lo chu Pathian dang rêng rêng an awm lo; Pathian fel leh chhandamtu ka ni; keimah lo chu a dang rêng rêng an awm lo.
45:22 Kawlkila mi zawng zawngte u, ka lam lo hawi ula, chhandamin awm rawh u: kei hi Pathian ka ni si a, a dang rêng rêng an awm lo.
45:23 Khup tinreng chu ka hmaah a thingthi tawh ang a, lei tinreng pawhin ka hnênah chhechham in thu a tiam tawh ang,' tiin mahni leh mahni inchhalin chhia ka chham ta, thu chu felna hlirin ka ka atangin a chhuak tawh a, a lo let leh tawh lo vang.
45:24 Miin 'LALPA-ah chauh felna leh chakna a awm,' tiin, ka hnênah an la sawi ang: ama hnên ngeiah mi an lo kal ang a, a chunga lungni lo zawng zawngte chu mualpho takin an awm tawh ang.
45:25 Israela thlahte zawng zawng chu LALPA-ah chuan a ni, thiam chantira an awm a, LALPA chu an chhuan dawn ni," tiin.
46:1 Bela chu a lo kun reng a, Neboa chu a lo intihniam reng a; an milemte chu sachungah leh ran chungah an hlang tawh a: in thil vah velpui thinte chu phurah lek siam ani a, sa chau tana phur ritah lek siam ani bawk a.
46:2 An lo intihniam rengin, an lo kun tlâng ta reng hlawm a, phur rit chu an chhan him thei si lo va, anmahni ngei pawh chu sala hruaiin an awm ta zawk a.
46:3 Aw Jakoba chhûngte leh, Israela chhûngte zinga la awm chhun zawng zawng, pum a anga ka puak a, chul a anga ka kawm tawhte u, ka thu ngaithla rawh u:
46:4 in tarkun thleng pawhin amaha chu ka ni ang a, in lua kelsam a to vek thleng pawhin ka pawm ang che u: keiman ka siam a, keimah vekin ka pua ang; a ni, kei chuan ka pawm ang a, ka chhanhim ang.
46:5 Thuhmuna ngaih ka nihna tûrin tûr nên nge mi tehkhina, tu tlukah nge mi siama, tu nên nge mi tehkhin dawn?
46:6 Iptea mi rangkachak bun chhuak thina, tangka buknaa bûk hinate chuan, rangkachak chhertu an ruai a, ani chuan pathianah a siam hin a; tichuan an bawkkhup a, a ni, chibai an bûk thn.
46:7 An kokiah an pu a, an kalpui a, a hmun tûrah chuan an dah hin a, a ding ta reng a; a awm na ata chu a sawn tawh lo vang: a ni, miin ani chu an an vang a, nimahsela a chhâng thei si lo vang a, an manganna ata a chhan chhuak thei hek lo vang.
46:8 Aw bawhchhetute u, chu chuhre reng ula, intimipa ula, hre chhuak leh rawh u,
46:9 Tun hma ahmasâng thilte chu hre reng rawh u: kei hi Pathian ka ni a, a dang rêng rêng an awm si lo: kei hi Pathian ka ni, keimah ang rêng rêng an awm lo;
46:10 keiin a tawp tûrte chu atir a ang rengin ka sawi hin a, thil la tih lohte chu hmasâng a ang rengin ka sawi hin; "Ka remruat chu a ding chhuak ang a, ka duhzâwng zawng zawng chu ka ti vek ang," ka ti a:
46:11 khawchhak lam ata sava koham tak, ram hla tak ata ka mi ruat chu ka ko va; a ni, ka sawi tawh a, ka hlen bawk ang; ka tum tawh a, ka ti bawk ang.
46:12 Rilru uangthuang, felna hlata awmte u, ka thu ngaithla rawh u;
46:13 ka felna chu ka rawn la hnai a, hla takah a awm lo vang, ka chhandamna pawhin rei a rial lo vang; tichuan ka ropuina Israel-ho tan chhandamna chu Zion-ah chuan ka dah ang.
47:1 Aw Babulon fanu nula, chhuk la, vaivutah thu rawh; aw Kaldai fanu, lalthutphah lovah leiah thu rawh : awm no leh nuamsa an ti danw tawh lo che a ni.
47:2 Buh rawt sawmna lungte la la, chhâng phut siam rawh: i inkhuhna puan kha dah la, i fen fual kha hlip la, i ke kha hawng la, luite dai kai rawh.
47:3 I saruak chu khuh lohvin a awm ang a, a ni, i zahmawh chu a lang ang: phuba ka la ang a, mi tumah ka ren lo vang.
47:4 Min tlantu chu, a hming sipaihote LALPA a ni, Israel-hote Mi Thianghlim chui.
47:5 Aw Kaldai fanu, ngawi rengin thu la thim hnuaiah lut rawh, "Ram ti lalnu," anti dawn tawh lo che a ni.
47:6 Ka mite chungah ka thinur a, ka rochan chu ka tibawrhbang a, i kutah ka pe chia: nang chuan an chungah khawngaihna rêng rêng i lantir lo va; tarho chungah lam pawh i nghâwngkawl rit tak chu i nghat ta chawrh a.
47:7 Tin, "Kei hi kumkhuain lalnuah ka awm ang," i ti a: chutichuan chung thilte chu i rilruin i ngaihtuah lo va, a tawpna tûr lah chu i hre reng hek lo.
47:8 Chutichuan nang nunkhawnawm bawla, ngaihsam taka awma, mahni rilrua, "Keimah ka ni, keimah lo chu mi dang rêng rêng an awm lo, hmeithaiah ka thu lo vang a, fate chan thu ka hre hek lo vang," titu, hei hi hre rawh:
47:9 heng thil pahnih, fate channa leh hmeithaina hian, ni khat thil thu-ah mitkhapkar lovah a tlakbuiak zawk dawn che a ni: i dawi hmanna chu tam hlein, i invenna chu tam rei rui mah sela, chung chu nasa tak maiin i chungah a lo thleng dawn a ni.
47:10 I suahsualna chu i ring a; "Tuman mi hmu lawi lo ve," i ti vei si a; i finna leh i hriatna chuan a tikhawlo chia: "Keimah ka ni, keimah lo chu mi dang rêng rêng an awm lo," i rilruin i ti bawk a.
47:11 Chuvangin thil th alo i chungah a lo thleng ang a; a ven dan i thiam lo vang: vanduaina pawhin a tlakbuak ang chia; chu chu i tibo thei lo vang: tiauna pawh vawilehkhatah i chungah alo thleng thut ang a, chu chu i hre lawk lo vang.
47:12 I invenna leh i dawi hmanna, i naupan tet ata i intihhah thinnate chu, dinpui ta che; i sawtpui theih dan phawta, i hnehpui theih dawn phawt chuan.
47:13 I remruat a tam êm avângin i hah ta a nih hi: tunah chuan van semtute, arsi thlirtute, thlakipa thu hrilhlawktute chu ding sela, i chunga thil lo la thelng tûrte lakah chuan chhanhim che rawh se.
47:14 Ngai teh, buhpawl ang mai ani ang; meiin a kang ang; meialh thiltihtheihna lakah chuan an inchhanhim lo vang: intihhlumna tûr meihawl ang a ni lo vang a; ai tûr mei ang pawh a ni hek lo vang.
47:15 Chutiang chuan i intihhah thinna thilte chu i tan a awm dawn a ni: i naupan tet ata i laka sumdawngtute chu mahni kawng theuhvah an vâk bo vang a; chhanhimtu tûr che tumah rêng rêng an awm lo vang.
48:1 Aw Jakba chhûng, Israela hming tawma, Juda tuite laka chhuaka, thutakah ni si lova, felnaah ni si hek lova, LALPA hming chhala chhechham, Israel-ho Pathian hmin glam thintute u, hei hi ngaithla rawh u.
48:2 (khawpui thianghlima mi an inti si thin a, Israel-ho Pathian chungah rinna an nghat abwk a ni; a hming chu sipaihote LALPA a ni).
48:3 Tun hma thilte chu hmasâng atangin ka sawi a; a ni, ka ka atangin a chhuak a, ka hriattir a: vawilehkhatah ka hlen thut a, a lo thleng a.
48:4 Mi luhlul in nih a, in nghawng chu thir tha a nih a, in chal chu dar a nih ka hriat avângin,
48:5 hmasâng atangin in hnênah ka sawi a; a lo thlen hma pawhin in hnênah ka hriattir che u kha: chutilo chuan, "Ka milem chuan a tih a ni, ka milem thu a pêk a ni," in ti dah ang e.
48:6 In hriat kha; heng zawng zawng hi en rawh u; nangmahnin in sawi danw tawh lawm ni? Tun achinah thil thar ka hriattir dawn a che u, thil inthup in hriat ngai lohte chu.
48:7 Chung chu hmasâng atanga siam ni lovin, tuna siam a ni a; vawiin ni hma khan in bengin in hre ngai lo; chutilochuan, "Ngai teh, chung chu kan hre reng alawm," in ti dah ang e.
48:8 A ni, in bengin in hre ngai lo va; a ni, in rilruin in hr engai hek lo: a ni, hmasâng atang rengin in beng chu hawnin a awm ngai lo: vervek tak takin in ti thin tih leh, chhul atang rengin bawhchhetu an ti thin che u tih ka hre si a.
48:9 Ka tihboral lohna tûr che uin ka hming avângin ka thinur chu ka kher rih ang a, fak ka hlawh nân in chungah ka insum ang.
48:10 Ngai teh u, ka tithianghlim che u a ni, nimahsela tangka tithianghlim angin a ni lo; hrehawmna rawhtuina meiah chuan ka fiah che u a ni.
48:11 Keimah leh keimah avângin, a ni, keimah leh keimah avâng ngawtin a ni, ka tih dan ni; ka hming hi engah nge tihchhiatin a awm ang? Ka ropuina hi mi dang hnênah ka pe lo vang.
48:12 Aw Jakob-ho leh ka koh Israel-hote u, ka thu ngaithla rawh u: kei hi amaha chu ka ni; a hmasa ber chu ka ni a, a hnuhnung ber pawh ka ni bawk.
48:13 A ni, ka kut hian leilung nghahchhan chu a phûm a, ka kut ding lam hian vante khi a kai pharh a: ka koh veleh an ding ho thin.
48:14 Nangniho zawng zawngte u, inkhawm ula, ngaithla rawh u; an zingah chuan tuin nge heng thil hi sawi ngai? LALPA chuan amah chu a hmangaih a: ani chuan Babulon chungah a duhzawng a ti ang a, a ban chu Kaldai ho chungah lekin a awm ang.
48:15 Kei, keimah ngei hian, thu ka sawi ta; a ni, amah chu ka ko va, ka hruai a, a kawng chu a titluang zel ang.
48:16 Nangniho hian mi ranw hnaih ula, hei hi ngaithla rawh u; atir atang khan arukin thu ka sawi ngai lo va; a awm tirh atang khan chutah chuan ka awm: tunah hian LALPA Pathian chuan keimah leh a thlarau chu min tir ta a.
48:17 LALPA, nangmahni tlantu, Israelho Mi Thianghlim chuan heti hian a ti: "Kei hi LALPA in Pathian, in thatna tûra nangmahni zirtirtu, in kalna tûr kawnga hruaitu che u chu ka ni.
48:18 Aw nangni hian ka thupêkte chu lo ngaithla ta ula chu aw! I chunga remna chu lui ang maia awmin, in felna chu tuifinriat fawnte ang maiin a awm tûr.
48:19 i thlahte pawh tiau vaivut mal te te zatin an awm tûr. An hming chu ka hma ata thai bovin a awm lo vang a, tihboralin a awm hek lo vang," tiin.
48:20 Babulon ata chhuak ula, Kaldai-ho chu tlan bosan rawh u, hei hi hla sa thawmin hriattir ula, hrilh ula, kawlkil thleng pawhin tiri ula, "LALPA chuan a chhiahhlawh Jakob-ho a tlan ta," ti rawh u.
48:21 Thlalerahte chua a hruai lai khan an tuihal lo va; lungpui atang chuan an tan tuite a luan chhuahtir a: lungpui chu a tihpel a, tichuan tuite chu a lo chhuak ta dur dur a.
48:22 LALPA chuan, "Mi suaksualte tna chuan muanna rêng rêng a awm lo," a ti a.
49:1 Aw thliarkarte u, ka thu ngaithla ula, hla tak ata mi tinte u, ngaithla bawk rawh u: LALPA chuan chhul atang rengin mi ko va; ka nu pum chhûng atang rengin ka hming a lo sawi tawh a:
49:2 ka ka hi khandaih hriam tak angin a siam a, a kutah chuan mi thukru a; thla nawhtlet varah mi siam a, a thal bâwmah chuan mi khung tlat a:
49:3 tin, ka hnênah, "Nang chu ka chhiahhlawh i ni a; Israela, chawimawia ka awmna tûra chu i ni," a ti a.
49:4 Kei erawh chuan, "Athlawn maiin ka thawkrim a, engmah lovah leh boruak maiah ka tha ka seng a: nimahsela matheilovin ka chunga rorêlna tûr chu LALPA hnênah a ni a awm ni, mi rulhna tûr pawh chu ka Pathian hnênah a ni a awm ni," ka ti a.
49:5 Tin, tunah chuan LALPA, Jakob-ho hnêna hruai leh nân leh, Israel-ho a hnêna hruai khawma an awm nân, a chhiahhlawh awm tûra chhul atanga mi dintu chuan a sawi a: (LALPA mithmuhin mi zahawm ka ni si a, ka Pathian chu ka chakna a lo ni ta bawk a:)
49:6 a ni, ani chuan, "Jakob-ho hnamte tundinnan leh Israel-ho zinga humhimate chu awmtir leh nana, ka chhiahhlawha i awm hi, thil te tak te a la ni; Jentailte tiengtu-ah pawh ka ruat bawk ang che, kawlkil thlenga ka chhandamtua i awm theihna tûrin," a ti a.
49:7 LALPA, Israel-ho tlantu leh an Mi Thianghlim chuan, mite hmusita, hnamhoten riauva, rorêltute chhiahhlawh hnênah chuan heti hian a ti: "LALPA rinawma, Israel-ho Mi Thianghlim nangmah thlangtu avâng khan lalten an hmu ang a, an tho vang; mi liante pawhin chiobai an buk ang," tiin.
49:8 ,9 LALPA chuan heti hian a ti, "Hun lawmawmah ka ngaithla chia, chhandamna niah ka tanpui che: mi tangte hnênah, 'Chhuak rawh u,' thima awmte hnênah, 'Lo lang rawh u,' tia, ram tung ding tûr leh rochan ram tiau tawh hnute anniho chu luahtir tûrin ka humhim chein, mite thuthlung atân ka ruat ang che. Kawngahte chuan an ei zel ang a, tlâng sâng kawlh vel vul zawng zawngahte chuan an tlatna hmun chu a awm ang.
49:9 ,8 LALPA chuan heti hian a ti, "Hun lawmawmah ka ngaithla chia, chhandamna niah ka tanpui che: mi tangte hnênah, 'Chhuak rawh u,' thima awmte hnênah, 'Lo lang rawh u,' tia, ram tung ding tûr leh rochan ram tiau tawh hnute anniho chu luahtir tûrin ka humhim chein, mite thuthlung atân ka ruat ang che. Kawngahte chuan an ei zel ang a, tlâng sâng kawlh vel vul zawng zawngahte chuan an tlatna hmun chu a awm ang.
49:10 An riltamin an tuihal lo vang a; lumin a tihreawmin niin a êm hek lo vang: anmahni khawngaihtu chuan a hruai dawn si a, tuihna kiang ngeiahte chuan a hruai dawn a ni.
49:11 Tichuan ka tlâng zawng zawng chu kawngah ka siam ang a, ka lamliante chu tihsanin a awm bawk ang.
49:12 En teh, sawngte saw hla tak atangin an lo kal dawn saw; en teh, sanwgte saw hmâr la atang te, thlang lam atang tein an lo kal dawn saw; sawngte saw Sinim ram atangin an lo kal dawn saw.
49:13 Aw vante u, hlim takin zai rawh u; aw leilung, hlim takin awm rawh; aw tlangte u, hla sa chhuak phut rawh u: LALPA chuan a mite ch a thlamuan si a, mi hrehawm tuarte pawh chu a khawngaih dawn a ni.
49:14 "Nimahsela Zion chuan, 'Jehovan mi kalsan a, LALPAN mi theihnghilh ta,'a ti a.
49:15 hmeichhiain a fapa, a rila rah chu, khawngaih lohna tûrin a nau a hnute hne lai chu a theihnghilh thei êm ni? Thei e, chungte chuan an theihnghilh a ni thei e, nimahsela kei chuan ka theihnghilh lo vang che.
49:16 En teh, ka kutphahahte hian ak ziak che hi; i kulh bangte chu ka hmaah a awm reng fo a ni.
49:17 I fate chu an hmanhmawh a; nangmah tiboraltute leh nangmah tichhetute chuan an chhuahsan ang che.
49:18 "Dak la, i mit len vêl la, en rawh: heng zawng zawng hi an inkhawm a, i hnênah an lo kal a nih hi. Ka nunna chhalin, 'Nang chuan chawimawina inbel angin hengho hi i ineblin, mo a inhreng angin hengho hian i inhreng ngei ang,' LALPAN a ti.
49:19 I hmun chhia leh tiau hnute leh i ram tihboral hnu thu-ah zawng tunah chuan a awmate atân i te lutuk ngei ngei dawn tawh si a, nangmah lemtute kha hla takah an awm dawn tawh a ni.
49:20 I fa hloh hnua i fa neih lehte chuan, 'Hmun hi ka tan a te lutuk a: ka awmna tûrin hmun mi pe rawh,' tiin i bengah an la sawi ang.
49:21 Tichuan nangin i rilruin, 'Hengho hi tuin nge mi hrinsak ni le? Ka fate kahloh va, mahni maia sala vâk vâk ka ni si a: tichuan hengho hi tuin nge tiseilian ni le? Ngai teh, keimah chauhva hnutchhiahin ka awm si a, hengho hi khawiah nge an lo awm ni le?' i ti ang," tiin.
49:22 Lalpa PATHIAN chuan heti hian a ti, "Ngai teh, hnam tin tan ka kut ka pharin, mi tin tan ka chhinchhiahna ka tar chhuak ang: tichuan i fapate chu apawma pawmin i hnênah an rawn hruai ang a, i fanute pawh an kokia chhuanga rawn hruaiin an awm ang.
49:23 Tin, lalte chu i fate pawmtupa an ni ang a, an lalnute pawh chu i fate pawmtunu an ni ang; anni chuan hmaia lei siin chibai an bûk ang chia, i kea vaivut chu an liak ang; tichuan kei hi LALPA ka ni tih i hre mai ang, mi nghaktute chu mualphovin an awm lo vang.
49:24 "râllâkte chu mi chak tak lakah chhuhsaka awmin, mi hlauhawm salte chu chhanchhuahin an awm dawn êm mi?
49:25 Daw e a, LALPA chuan heti hian a ti, 'Mi chak tak salte meuh pawh chhuhsain an awm ang a, mi hlauhawm râllâkte chu chhanchhuahin an awm ang: nangmah dotu chu ka do dawn si a, i fate pawh ka chhandam dawn a ni.
49:26 Tin, nangmah hnênchhaihtute chu anmahni sa ka eitir ang a; uain thlum rui ang hian anmahni thisenin an rui ang: tichuan mi zawng zawngin, kei LALPA hi nangmah chhandamtu leh nangma tlantu, Jakob-ho Mi Chaka chu ka ni tih, an hria ang,'" tiin.
50:1 LALPA chuan heti hian a ti, "In nu makna lehkha, ka makna chu, khawiah nge a awm ni? A nih loh leh, ka leibatnate a tu bera hnênah nge ka hralh che u ni? Ngai teh u, in khawlohnate avângin a ni, hralha in awm a, in bawhchhiatnate avângin a ni, in nu pawh kha maka a awm ni.
50:2 Eng vangin nge ka lo kal khan mi rêng rêng an awm loh le? Eng vangin nge ka koh khan mi chhâng tûr rêng rêng an awm loh le? Ka kut hi tlan thei lo tûrin tihtawiin a awm rêng rêng êm ni? A nih loh leh, chhanhim tûrin thiltihtheihna rêng rêng ka nei lo êm ni? Ngai teh u, ka zilhhaunain tuifinriat ka tikang thin a,luipuite chu ram rovah ka siam thin: tui rêng rêng a awm loh avângin a sânghate chu a uih a, tuihalin an thi thin.
50:3 van khi thimin ka tuam thin a, saiip puan a khuhna tûrin ka siam thin," tiin.
50:4 Mi hah tak chu thu-a ka tihhahdam thiam nân Lalpa PATHIAN chuan zirtirte lei mi pe a; ani chuan atuk atuk tin, a kai harh a, zirtirten an hriat anga hre tûrin ka beng hi ka kai harh thin.
50:5 Lalpa PATHIAN chuan ka beng mi tihawngsak a, kei chu ka hel lo va, ka hawi kir hek lo.
50:6 Ka hnungzang hi vawtute hnênah ka dawh a, ka biangte hi hmul pawttute hnênah ka dawh bawk : mualphonaah leh chilah ka hmai ka hup lo.
50:7 Lalpa PATHIAN chuan mi tanpui dawn si a; chuvangin ka zak ngai lo va: chuvangin meilung ang tlatin ka hawi thin a, ka mualpho lo vang tih ka hria.
50:8 Thiam mi chantirtu chu a hnai e; tuin nge mi do vang? I ding ve ve ang: mi dotu chu tunge ni? Mi rawn h naih rawh se.
50:9 Ngai teh, Lalpa PATHIAN chuan mi tanpui ang; tuin nge thiam loh mi chantir ang? Ngai teh, chung zawng zawngte chu silhfen angin a la hlui ang a, thimin a ei chhe vek ang.
50:10 In zingah LALPA tih a, a chhiah hlawh thu awih chu, tunge ni? Thima leng a, eng rêng rêng nei lo va chuan LALPA hming chu ring sela, a Pathian chungah innghat rawh se.
50:11 Mei chhema, thingthutea inhreng thin zawng anwgte u, ngai teh u; in meialhah leh in thingthu halte zingah chuan leng rawh u. Hei hi ka kut atang in la hmuh tûr chu a ni; lungngai taka i la mutna tûr chu.
51:1 Felna umtute u, LALPA zawngtute u, ka thu ngaithla rawh u: nangmahni chherna lungpui lam leh khuarkhuruma nangmahni laih chhuahna khur lam kha en rawh u.
51:2 I pu Abrahama lam leh nangmahni hringtu Sari lam en rawh u; ani chu pakhat chauh a nih lai khan ka ko va, mal ka sawm a, mi ta takah ka siam tak kha.
51:3 LALPA chuan Zion chu a thlmuan ta si a: a hmun che tawhte zawng zawng chu a thlamuan a, a thlalêr chu Eden angin a siam a, a ram ro chu LALPA huan angin a siam bawk a; chutah chuan lawmna leh hlimna te, lawm thu sawina leh hla sa thawm te a awm ang.
51:4 Aw ka mite u, ka thu hi ngaithla ula; aw ka hnamte u, ka thu-ah hian beng lo chhi rawh u: keimah atangin dan thu a lo chuak dawn si a, mi tin enna tûrin ka rorêlan chu ka chawlhtir ang.
51:5 Ka felna chu a hnai e, ka chhandamna chu a chhuak tawh a, ka bante hian mi tin ro a rêlsak ang, thliarkarte chuan mi nghak ang a, ka ban hi an ring ang.
51:6 van lamahte hian in mit len chho ula, hnuai lama leilung chu en rawh u: van khi meikhu angin a la zam ral ang a, leulung hi silhfen angin a la hlui ang, a chhûnga awmte chu chutiang bawkin an la thi ang: ka chhamdamna erawh hi chu kumkhuain a awm ang a, ka felna pawh hi tihbovin a awm lo vang.
51:7 Felna hretu, ka dan thu thinlunga pai mite u, ka thu ngaithla rawh u; mihringte sawichhiatna hlau suh ula, an hauna che u avângin mangang hek suh u.
51:8 Thimin silhfen a ei chhe vek angin, anni chu a ei chhe vek dawn si a, sulrulin sahmul a ei angin anni chu a ei dawn a ni: ka felna erawh chu kumkhuain a awm ang a, ka chhandamna chu chhuan zawng zawng thlengin a awm ang.
51:9 Aw LALPA ban , harh la, harh la, chakna inbel rawh ; hman laia, hma sâng chhuante awm laia i harh ang khan harh rawh. Nang hi Rahab sat sawmtu, drako chhuntu kha i ni lâwm ni?
51:10 Nang hi tuifinriat, tui thuk zau tak tui tikangtu, tuifinriat mawng thuk chu tlante kal kaina tûr kawnga siamsaktu i ni lâwm ni?
51:11 Tin, LALPA tlante chu an kir leh ang a, hla sa chungi Zion chu an thleng ang a; chatuana lawmna an lu chungahte a awm tawh ang: lawmna leh hlmna an hmu ang a, lungngaihna leh an rumna chu a bo tawh ang.
51:12 Nangmahni thlamuantu che u ka ni a, mihring thi leh mai tûr hlobet ang lek hi engati nge in hlauh le?
51:13 Kei LALPA hi nangmahni siamtu ka ni a, vante khi kai pharh a, leilung nghahchhan siamtu ka nih in theihnnghilh ta elo? Eng tizia nge nangmahni hnehchhiah duhtute thinur hlau rêng rênga in la awm fo le?
51:14 Salhruai bo chu rang taka chhuahin a awm ang a; thiin khuarkhurumah a chhuk lo vang a, a chaw chu a awm lo hek lo vang.
51:15 Kei LALPA i Pathian, a fawnte chu ri hum hum khawpa tifinriat chawk lettu chu ka ni si a: ka hming chu sipaihote LALPA a ni.
51:16 Tin, van khi ka kaipharh theih a, leilung nghahchahnte ka um theih a, Zion-ho hnênah, "Ka mite in ni e," ka tih theih nân ka thute chu i kaah ka dah a, ka kutin ka hum che a ni.
51:17 Aw Jerusalem , LALPA kut ata thinrimna nova mi in nu, harh la, harh la, tho rawh; nang chuan pai paina bo berhbua mi i in a, i in fai kelh a.
51:18 A fapa hrin zawng zawng zingah chuan amah hruaitu tûr tumah an awm lo va; a fapa chawm len zawng anwg zingah chuan a kuta chelh tumah an awm hek lo.
51:19 Heng thil pahnih hian a tlak buak tak che hi; tuin nge tahpui dawn che aw? Tiauna leh chhiatna te, tam leh khandaihte hian; engtin nge ka thlamaun ang che aw?
51:20 I fapate chu an chau va, sathar lena a awk angin thlêr lu lam zawng zawngah chuan an mu phung a; LALPA thinrimna leh i Pathian zilhhaunain an khat hlawm a ni.
51:21 Chuvangin, nang tihretheih leh uain rui ni si lova mi rui, hei hi hre tawh rawh:
51:22 i LALPA Jehova, i Pathian, i mite thu sawipui thintu chuan, heti hian a ti, "Ngai teh, pai paina no, ka thinrimna no berhbu ngei chu, i kut ata ka la chhuak ta; i in leh tawh lo vang:
51:23 tichuan nangmah tiretheitute kutah chuan ka dah ang; anni chuan i nunna hnênah, 'Kan zawh tûr chein bawkkhup rawh,' an tih kha: tichuan nangin zawhtute hnênah chuan i hnungzang chu lei ang leh kawtthlêr angin i dah kha," tiin.
52:1 Aw, Zion, harh la, harh la, i chakna inbel rawh; aw Jerusalem, khawpui thianghlim, i silhfen mawi takte chu inbel rawh: tun achinah chuan serhtan loh leh mi bawlhhlawh chu i chhûngah an lût dawn tawh si lo.
52:2 Aw Jerusalem, vaivut i kai kha inthing rawh; tho la, thu rawh: aw Zion fanu, sala awm, i nghawng phuarnate kha phelh rawh.
52:3 LALPA chuan heti hian a ti si a, "Engmah lova hralh in ni a; tichuan tangka lova tlan in ni tawh ang," tiin.
52:4 Lalpa PATHIAN chuan heti hian a ti si a, "Ka mite chu atirah chuan Aigupta rama awm tûrin an chhuk a: tin, Assuria min enga khawlawi lovin an hnehchhiah hlawm a.
52:5 Chutichuan tunah, hetah hian eng nge ka tih dawn? Ka mite hi engmah lova hruai bovin an awm si a, LALPAN an ti, a chunga rorêltute chu an te tuar tuar a, LALPAN a ti, ka hming hi nilenga sawichhiatin a awm fo.
52:6 Chuvangin ka mite chuan ka hming an hria ang; chuvangin chumi niah chuan a sawitu chu ka ni tih an hria ang; ngai teh, keimah hi ka ni," tiin.
52:7 tlângahte chanchin tha thlena, remna thu tlangaupuia, thil tha chanchin tha a thlena, chhandamna thu tlangpuia, Zion hnêna "I Pathian chu lalah a thu," titu ke chu a va mawi êm!
52:8 Chu! I ral vengtute aw chu! Aw an chhuah a, hlim takin an zaiho chu: LALPA chu Zion-a a lo kir leh hunah chuan inhmatawnin an hmu dan si a.
52:9 Jerusalem hmun chhe tawhte u, hlim chhuak phut ula, hlim takin zaiho rawh u: LALPA chuan amite chu a thlamuan ta si a, Jerusalem chu a tlan ta a ni.
52:10 LALPA chuan hnam tinrengte mithmuhah a ban thianghlim chu a hlim ta; tichuan kawlkila mi zawng anwgin kan Pathian chhandamna chu an hmu ang.
52:11 Chhuak rawh u, chhuak rawh u, chuta tang chuan chhuak rawh u, thil bawlhhlawh rêng rêng dek suh u; a chhûng ata kal chhuak rawh u; LALPA bungbêl kengtue u, thianghlim takin awm rawh u.
52:12 Hmanhmawh akin in kal chhuak dawn si lo va, tlan chhiain in kal dawn hek lo: LALPA chuan in hma a hruai dawn si a; Israel-ho Pathian chu in hnudaltu a ni ang.
52:13 Ngai teh, ka chhiahhlawh chuan fing takin a ti ang a, chawimawi leh chawisanin a awm ang, sâng tak maiin a awm ang.
52:14 A hmêl chu mihring hmêl ai maha tihchhiat a ni a; a pianhmang pawh mihring pianhmang aia tihchhiat a ni bawk; mi tam takin mak an tih ang bawkin,
52:15 hnam tam takin mak an ti a, lalho pawh mak tiin an dang reng ang, an hmuh ngai loh an hmuin an hriat ngai loh an hria ang.
53:1 Kan thu sawi tuin nge ring? LALPA kut chu tu hnênah nge a lan?
53:2 A hmaah chuan huan thil tiak no tak angin ani chu a chawr chhuak si a, lei ro atanga zung angin a puak chhuak bawk a ni: piahmang thatna leh hmêl mawina rêng rêng a nei lo va; amah ka hmuhin amah kan duhna tûrin mawina rêng rêng a awm lo.
53:3 Ani chu mihringte hmusit leh duh lohvin a awm a; lungngaihante nei mi leh natna hre mi â ni a: miten an hmai an huhsan ang chuan ani chu hmusitin a awm a, keini lah chuan ani chu kan ngaisâng si lo.
53:4 Ani chuan kan natnate phurin, kan lungngaihnat epah a phur ngei a: nimahsela keini chuan lungngaihna tlakbuakah, Pathian vuakah, tihretheihah kan ngai si a.
53:5 Nimahsela ani chu kan bawhchhiatnate avângin hliamin a awm a, kan khawlohnate avângin vuak thitlinin a awm a:kan thlamuanna tûr thununna chu a chungah a tla a; a vuakna vualtea tihdamin kan awm ta.
53:6 kan za hian berâm angin kan vâk bo va; mahni kawng kawngah kan peng theuh va; Lalpa chuan ani chuungah chuan kan za khawlohna chu a nghat ta a.
53:7 Ani chu hnechhiahin a awm a, nimahsela a inngaitlâwm a, a ka pawh a ang lo: berâm no talh tûra an hruaia ang leh, berâm a hmul mettu hmaa a ngawi renga awm ang maiin; a ni, a ka a ang lo.
53:8 Hnehchhiahna leh rorêlnaa lak bovin a awm a; a dam rualpi lek phei chu tuin nge mi nung ram ata tihborala a awm chu ngaihtuah tehlul ni? Ka mite bawhchhiatna avângin lungngaihna tlak buakin a awm a ni.
53:9 Tin, thil rawng taka ti ngai lovin, a kaah tihderna rêng rêng awm ngai lo mah sela, a thlan chu mi sualte hnên lamah an ruatsak a, a thih hnu chuan mi hausa hnên lamah a awm a.
53:10 Nimahsela LALPAN ani chu vuak thitlin a duh reng a ni; a tina ta ngei a: a nunna chu sual tan thil hlana i hman tikah, a chi thlah chu a hmu tawh ang a, a damchhûng nite chu a tisei ang a, LALPA duhzawng chu a kutah hlawhtling a awm ang.
53:11 A nunna thawhrim rah chu a hmu ang a, a lungpui tawh ang: ka chhiahhlawh fel tak chuan a hriatnain mi tam tak chu thiam a chantir ang a, an khawlohnate chu a phurhsak ang.
53:12 chuvangin ani chu mi liante chanvo ang ka sem ve ang a, ani chuan râllâk sumte chu mi chakte a sem ve ang; a nunna chu thi khawp hiala a leih buak a, bawhchhetute zinga chhiar tela a wm avângin: nimahsela mi tam tak sualna chu a phur a, bawhchhetute tan chuan a tawngtaisak a.
54:1 Aw ching, nang, fa hring ngai lo, hlim takin zai rawh; nang, nau vei ngai lo, hla sa chhuak phutin, au chhuak rawh: pasal nei mi fate ai chuan khawharnu fate an tam zawk si, LALPAN a ti.
54:2 I puan in hmun chu zauh rawh, i awmnate puan in chung chu kai pharh rawh se: ren suh: i hruite chu tisei la, i kaihmârna khente chu tinghet rawh.
54:3 Ding lam leh vei lamah i darh zau dawn si a; tichuan i chi thlahte chuan hnam tin an rochung ang a, khawpui tiau hnuahte chuan mi an awmtir leh ang.
54:4 Hlau suh, i mualpho dawn si lo: zak hek suh, mualphovin i awm dawn si lo: i tleirawl lai mualphona chu i theihnghilh tawhin, i hmeithaina hmingchhiatna chu i hre reng dawn tawh si lo.
54:5 Nangmah Siamtu chu i pasal a ni si a; a hming chu sipaihote LALPA a ni: Israel-ho Mi Thianghlim chu nangmah tlantu a ni bawk a ni; ani chu khawvel zawng zawng Pathian an ti ang. Nupui rilrua lungngai tak, tlangvâl laia nupui tawh, paih hnu koh leh angin lalpan a ko che a nih hi, i Pathianin a ti.
54:7 Mitkhapkar lek ka ma chia; nimahsela khawngaihna nasa takin ka hruai leh ang che.
54:8 Ka thinur liamin mitkhapkar i lakah ka hmai ka thup a; nimahsela kumkhawngilneihnain ka khawngaih ang che, LALPA nangmah tlantu chuan a ti. Chu chu ka tan Nova tuite ang kha a ni si a: "Nova tuite chuan lei a chim pil leh tawh lo vang," tia, chhia ka chham ang khan, "I chungah ka thinur tawh lo vang a,ka zilhhau tawh hek lo vang che," tiin, chhia ka chham ta a ni.
54:10 Tlâng liante chu an kal bo vang a, tlâng tete chu sawnin an awm bawk ang; ka ngilneihna erawh hi chu i lak ata a kal bo lo vang a, ka remna thuthlung chu sawnin a awm hek lo vang, LALPA a khawngaihtu che chuan a ti.
54:11 Aw nang tihretheih, tuifawn vawrh vawrh, thlamuanna nei lo, ngai teh,i lungrem chu lung tha miin ka rem ang a, i lungphûmte chu sapphir lungtein ka rem bawng ang.
54:12 I chhip zumte ch rubi lungin, i kawngkhârte chu karbankul lungin, i kulh zawng zawng chu lungmawitein ka siam ang.
54:13 Tin, i fate zawng zawng chu LALPA zirtirin an awm ang a, i fate thlamuanan chu nasa tak a ni ang.
54:14 Felnaa tihnghehin i awm ang a: hnehchhiahna ata hla takah i awm ang a, i hlau dawn lo a ni; thil rapthlâk ata hla takah i awm bawk ang a, a hnaih dan lo che a ni.
54:15 Ngai teh, bei tûr chein an la pung khâwm a ni thei a, neimahsela ka thu a ni lo vang: angmah bei tûra pung apiangte chu nangmah avângin an tlu ang.
54:16 Ngai teh, kei chuan thirdeng pum zapa a hnatahwhna tûr hriam chher thintu chu ka siam a; keimah vekin tichhe tûrin tichhetu ka siam bawk a ni.
54:17 Nangmah beina tûra hriam chher rêng rêng a sawt lo vang; lei tinreng thupawia nangmah rawn khingtute chu thiam loh i chantir ang. Chu chu LALPA chhiahhlawhte rochan chu ani a, an felna chu ka hnên ata a ni, LALPAN a ti.
55:1 Hawh u, tuihal apiangte u, tuiahte hian lo kal rawh u, tangka nei lote pawh; lo kal ula, lei ula, ei rawh u; a ni lo kal ula, uain leh hnutetui tangka pe lovin, a man pawh pe lovin lei rawh u.
55:2 chaw ni si lovah eng vangin nge tangka in sen? Puar leh fanna ni si lovah eng vangin nge in tha in sen? Ka thu ngun takin ngaithla ula, thil tha chu ei rawh u, in nunna chu thil thauvah chuan hlim rawh se.
55:3 In beng rawn dawh ula, ka hnênah lo kal rawh u; ngaithla ula, tichuan in nunna chu a nung ang: tin, in hnênah kumkhaw thu ka thlung ang, Davida hnêna khawngaihna tiam tlatte chu.
55:4 Ngai teh, ani chu mi tin tan hretuah ka ruat a, mi tin tan hruaitu leh hotuah ka ruat a ni.
55:5 Ngai teh, i hriat ngai loh hnam chu i ko vang a, nangmah hre ngai lo hnam chu i hnênah an lo tlan ang, LALPA i Pathian avâng leh Israel-ho Mi Thianghlim avâng chuan; ani chuan a chawimawi si chia.
55:6 Hmuh awla a awm loa hian LALPA chu zawng ula, a hnaih lai hian ko rawh u:
55:7 mi suaksual chuan a awm dan chu bansan sela, mi fel lo chuan a ngaihtuahnate chu bansan bawk rawh se: LALPA hnênah kir leh rawh se, tichuan anin a lo khawngaih ang; kan Pathian hnênah kir leh rawh se, anin a ngaidam nasa khawp dawn si a.
55:8 Ka ngaihtuahte hi i ngaihtuahte a ni si lo va, i awm dante chu ka awm dan a ni hek lo, LALPAN a ti.
55:9 Van khi lei aia a sâng zawk angin, ka awm dante hi in awm dante aiin a sâng zawk si a, ka ngaihtuahte pawh hi in ngaihtuahte aiin a sâng zawk bawk a ni.
55:10 Ruah leh vur chu van atangin a sur thin a, khi lamah khian a kir leh ngai lo va, lei hi a chawm zawk a, thil a totirin a chawrtir a, buh chi thehtu hnênah buh chi a pe a, eitu hnênah ei tûr a pe thin;
55:11 Chutiang bawkin ka ka atanga ka thu chhuak chu a awm ang: engmah tih nei lovin ka hnênah a kir leh lo vang a, ka duh ang chu a tizo zawk ang a, thil ti tûra ka tirhnaah chuan a hlawhtling bawk ang.
55:12 Hlim taka chhuakin, thlamuang taka hruai chhuahin in awm dawn si a: tlâng liante leh tlâng tete chuan in hmaah hla an sa chhuak phut ang a, phul thing zawng zawngte chuan an kut an beng bawk ang.
55:13 Hnimhlingnei ai chuan far a to zawk ang a, buar ai chuan lenhmui a to zawk ang: chu chu LALPA tan hming thatna tûr leh kumkhaw chhinchhiahna tihborala awm lo tûr a ni ang.
56:1 LALPA chuan heti hian a ti, "Dik takin ro rel ula, fel takin ti rawh u: ka chhandamna chu a lo thleng dawn dawnin ka felna chu a lo lang dawn ta si a.
56:2 Chutiang ti mi leh, chumi pawm tlattu mihring fapa chu, a eng a thâwl e; chawlhni bawhchhe lova serh thintu leh, thil tha lo rêng rêng ti lo tûra a kut veng tha thintu chu.
56:3 Tin, ram dang mi, LALPA zamwtu chuan, 'LALPAN a mite lakah mi tihrang ngei ang,' ti suh se: mi tilreh chuan, 'En teh, thing ro ka nih hi,' ti hek suh se.
56:4 Ka chawlhnite serha, ka lawmzawng thilte thlanga, ka thuthlung pawm tlattu mi tilrehte chungchang thu-ah chuan LALPAN heti hian a ti si a:
56:5 An hnênah ka in chhûngah leh ka kulh chhûngahte chuan fanu leh fapa neite ai mah chuan hriat rengna tha zawk leh hming tha zawk ka pe ang; an hnênah kumkhaw hming, tihboral tawh loh tûr ka pe ang,' tiin.
56:6 Ram dang mite pawh, chawlhni bawhchhe lova serh thin leh, ka thuthlung pawm tlat apiang, LALPA rawng bâwl tûr leh, LALPA hming ngaina tûr leh, a chhiahhlawhahte awm tûra LALPA zawm apiangte chu;
56:7 anni ngei chu ka tlâng thianghlimah chuan ka hruai ang a, ka tawngtaina inah ka tihlim ang; hâlrala an thil hlante leh an inthawinate chu ka maichâmah chuan lawmin a awm ang: ka in chu mi tinreng tan tawngtaina in an ti dawn si a," tiin.
56:8 Lalpa PATHIAN, Israel hnawh chhuahhote hruai khawmtu chuan, "Hruai khâwm sate bakah mi dang pawh ka la hruai khâwm ang," a ti a.
56:9 Ram sa zawng zawngte u, a ni, ramhnuaia sa awm zawng zawngte u, ei tûrin lo kal rawh u.
56:10 A ralvengtute chu an mit a del a, hriatna nei lo hlir an ni a; ui aw nei lo hlir an ni a, an bauh thei lo; mumang neia, mu renga, mut duh mi an ni a.
56:11 A ni, uite chu duham tak an ni a, tawk tih lem an nei ngai lo; chung chu berâm vengtu thil hre thei lote an ni: mahni kawng kawng, mahni hlawkna lam theuh, an hawi vek hlawm, an zavai maiin.
56:12 "Lo kal rawh u, uain ka la ang a, tichuan zuin kan inthun khat dan nia; naktuk chu vawiin ang hi a ni leh ang a, ni ropui nasa deuh mai ani ang," an ti theuh va.
57:1 Mi tha an thi a, tuman pawi an ti lo; Pathian ngaihsak mite pawh an thi a, tuman chhiatna thleng tûr laka lak bo an ni tih an ngaihtuah lo.
57:2 Mi fel chu a thi a, thil tha lovin a khawih phak lo a, dik tak a ti thinte chu thlamuang takin an khumah an mu siai siai thin.
57:3 Nimahsela nangni dawithiamnu fapa, uire leh nawhchizuar thlahte u, hetah lo hnai rawh u.
57:4 ,5 Tunge nuihza siam nân in hman thin le? Tunge in thensana, lei in chhuah khum thin le? Nangni ssaw zinga, thing buk hnuai tina intizauthauva, ruam chhûngte lung khi belahte naupang that thinte u, bawhchhiatna fa, dawttheihan thlahte in ni lâwm ni?
57:5 ,4 Tunge nuihza siam nân in hman thin le? Tunge in thensana, lei in chhuah khum thin le? Nangni ssaw zinga, thing buk hnuai tina intizauthauva, ruam chhûngte lung khi belahte naupang that thinte u, bawhchhiatna fa, dawttheihan thlahte in ni lâwm ni?
57:6 Luikawr ruam lung mam zingah chuan i chanvo a awm a; chung, chungte ngei chu, i chanpual chu a ni: chungte tan ngei chuan thilhlan in mi i leih a, thil pêk i hlan kha. Chung thilah chuan tihlungawiin ka awm dawn êm ni?
57:7 Tlâng sâng zo tak chungah chuan i khum chu i dah a: Moleka hnênah i kal a.
57:8 Tin, kawngkhârte leh kawngka biang phenahte chuan i hriat rengna chu i tung a: ka lakah ni lovin mi dang lakah i inhlip a, i han chho si a, i khum i zauh va, an hnênah thu i thlung a; an khum chu i hmuhnaah chuan i hmangaih a.
57:9 Tin, hriak nên lal hnênah i kal a, i rimtuite chu i ti nasa zual a, i palaite chu hla takah i tir a, Seol thleng rawkin i intihhniam kha.
57:10 I kalna kawng sei avâng khan i hah a: nimahsela, "Beiseina rêng rêng a awm lo," i ti si lo va: i chakna tihharhna i hmu a; chuvangin i chauh tak loh kha.
57:11 Tunge i hlauhva i tih a, dawt i sawi thina, kei mi hriat tak lohva, i rilrua i ngaihtuah tak loh le? Rei tak ka ngawi reng lo vem ni?Hlau pawh mi hlauh loh hi.
57:12 I felna thu hi ka sawi ang a; i thitihte zawng i tan engmah a hnemhnang lo vang.
57:13 I au hunah chuan milim lak khawmte chuan chhanhim che rawh se; nimahsela anniho chu thliin a la ang a, thawin a len bo vek ang: kei mi ringtu erawh chuan ram hi a nei ang a, ka tlâng thianghlim hi a luah ang.
57:14 Tin, ani chuan, "Chhûng pawng rawh u, chhûng pawng rawh u, kawng buatsaih rawh u, ka mite kawng ata tlukna tûr chu paih rawh u," a ti ang.
57:15 Mi chungnung, chawisan, chatuana awm, a hming Thianghlima chuan heti hian a ti si a: "Kei hmun chungnung leh thianghlimah ka awm a, mi thuhnuairawlhte rilru tiharh tûr leh inchhir ngawih ngawihte thinlung tiharh tûrin mi rilrua inchhir ngawih ngawiha thuhnuairawlh tak hnênah pawh ka awm a ni.
57:16 Kumkhuain ka do dawn si lo va, ka thinur fo dawn hek lo: chutichuan mi rilru ka hmaah a chau vang a, nunna ka siamte pawh chu an chau bawk ang.
57:17 A duhama a khawlohna avângin ka thin a ur a, ka vua a, ka hmai ka hup a, ka thin a ur a ni: ani lah chu a thinlung awm dan pangngaiha luhlul takin a awm zel a.
57:18 A awm dante chu ka hmu a, amah chu ka tidam ang: ka hruai bawk ang a, amah leh a sunpuitute hnênah thlamuannate ka pe leh ang.
57:19 Kei chuan hmui rah ka siam thin a: 'Remna, remna, hla taka awm hnênah leh hnai taka awm hnênah chuan awm rawh se,' LALPAN a ti, ani chu ka tidam ang.
57:20 Mi suaksualte erawh chu tuifinriat fawn fawn thin ang chu an ni: an awm hle hle thei si lo va, a tuite chuan bawlhhlawh leh chirhdiak a vawrh chhuak thin,"tiin.
57:21 Ka Pathian chuan, "Mi suaksualte tan chuan muanna rêng rêng a awm lo," a ti a.
58:1 Ring takin au rawh, inren suh, tawtawrâwt angin i aw chhuah tuar tuar la, ka mite hnênah an bawhchhiatna chu hril la, Jakoba chhûngte hnênah an sualnate hril bawk rawh.
58:2 Anni chuan zanw zawng ni tin, mi zawng thin a, ka kawng thute hriat zawng an chak thin: fel taka ti leh an Pathian rorêlna bansan ngai lo hnam angin ka hnênah rorêlan fel tak mi dil thin a, Pathian rawn hnaih pawh an chak thin a ni.
58:3 " Eng vangin nge chaw ka nghei a, i hmuh si loh? Eng vangin nge ka intihretheih a,i hriat si loh?" an ti thin. Ngai teh u, in chaw nghei ni chuan nangmahni nawmsak in bawl a, in hnathawktute zawng zawng in hnehchiah thin.
58:4 Ngai teh u, innghirnghona leh inhnialna tûr leh, suahsualna kuttuma inchûm tûrin a ni, chaw in nghei thin ni: in aw hi chung lama hriattir tlak zawngin chumi ni chuan chaw in nghei ngai lo.
58:5 Chutiang chu chaw ngheina ka duhzanga chu êm ni? Mi â intihretheihna tûr ni a ni êm ni? Phungladin anga a lu kun tûr leh, a hnuaia saiip puan phaha vut phul tûr êm ni? Chung chu chaw ngheina leh LALPA tan ni lawmtlak i ti dawn êm ni.
58:6 Hei hi chaw ngheina ka duhzawnga chu a ni lâwm ni? Nghâwngkawl hruite hlihsak leh, hnehchhiahho chhuahtir leh, nghâwngkawl hruite hlihsak leh, hnehchhiahho chhuahtir leh, nghâwngkawl tinreng tihtliahsak hi.
58:7 Mahni chaw mi riltamte hnêna sem leh, rethei hnawhchuahho mahni ina hruai hi a ni lâwm ni? Mi saruak hmuha puan vawm leh, mahni tisa ang pu laka bihruk loh hi a ni lâwm ni?
58:8 Chumi hunah chuan i eng chu zing ni chhuak angin a lo chhuak ang a, i damna tûr chu a lo chawr chhuak thuai ang: i felna chuan i hma a hruai ang a: LALPA ropuina chu i hnudaltu a ni ang.
58:9 Chumi hunah chuan i ko vang a, tichuan LALPAN a chhâng ang; i au vang a, tichuan anin, "Heta hi ka awm," a ti ang. In zinga ta nghâwngkawl te, zungtanga mi kawh te, sual taka tawng te hi i tihbo va,
58:10 Riltamte tan i inphal a, tihretheihte i tihtlai bawk chuan, i eng chu thim zingah a eng chhuak ang a, i thim mupna chu chhun ang a ni tawh ang:
58:11 tin, LALPA chuan a hruai fo vang chia, hmun rovah pawh a titlai ang chia, i ruhte pawh a tichak bawk ang; tin, huan tuia chawm ang leh, tuihna kang ngai lo ang i ni tawh ang.
58:12 Tichuan i laka lo la chhuak tûrte chuan hmun hlui chhe tawhte chu an rem leh ang a: chhuan tam tak lungphûmahte chuan i rem chho leh ang; tichuan nang chu, "A chhe lai siamthatu," "Mi awmna tûra kawngte siamthatu," an ti ang che.
58:13 Chawlhni bawhchhe lo tûra, ka ni thianghlima i duhzawng ti lo tûra i kephah chu i hawi kirtir a, chawlhni lawmawm i tih a, LALPA ni thianghlim chu zahawm i tih a, mahni kawng zawh lova, mahni nawmsâng bawl lova, mahni thu sai lova i chawimaw chuan,
58:14 LALPA chungah chuan i lawm ang a, leilung hmun sângahte chuan ka chuantir ang chia; i pu Jakoba rochun thilin ka chawm ang che: LALPA ka chuan chu chu a sawi tawh a ni.
59:1 Ngai teh u, LALPA kut chu chhandam thei lo tûrin tihtawiin a awm lo va; a beng chu hre thei lo tûrin a ngawng hek lo:
59:2 in khawlohnate chu nangni leh in Pathian kara tlain a tithen zawk che u a ni a, benga a hriat duh lohna tûrin in sualnate chu a hmai chu a hliahsak bawk che u a ni.
59:3 In kutte chu thisena tihbawlhhlawhin a awm a, in kut zungtangte lah khawlohnaa tihbawlhhlawhin a awm si a; in hmuite chuan dawt a sawi a, in lei chu suahsualna thu saiwin a phun nuah nuah thin.
59:4 Tuman dik takin thupawi an sawi lo va, tumah thutak takin thu an sawipui ngai lo:boruak mai mai hi an ring a, dat an sawi thin a; thiltihsualna an pai a, khawlohna an hring thin.
59:5 Rulmuk tuite an awp keu va, maimawm ril puan an tah thin: an tui eitute chu an thi thin a, tihkeha awmah chuan rul a lo chhuak thin.
59:6 An maimawm ril puan chu silhfenahte a chang lo vang a, an thiltihte chu an inbel hek lo vang: an thiltihte chu khawlohna thiltihte a ni a, thil rawng taka tihna chu an kutah a awm bawk a.
59:7 An kete chu thil tha lo lamah a tlan thin a, thisen sawiselbo chhuah tûrin an hmanhmawh thin: an ngaihtuahte chu khawlohna ngaihtuahnate a ni thin a; tiauna leh chhiatna chu an kawngahte a awm thin.
59:8 Thlamuanna kawng an hre lo va; an kalhnaahte chuan dikna rêng rêng a am ngai lo: an tan kawng kawite an siam a; chuta kal apiang chuan thlamuanna an hre ngai lo.
59:9 Chuvangin rorêlna chu keimahni atanga hla takah a awm thin a, felna chuan min um phak ngai hek lo: eng kan nghak thin a, nimahsela, ngai teh, thim a lo ni thin; enna kan nghak thin a, nimahsela thim mupah bawk kan kal thin.
59:10 Mitdel angin bang kan dap dun dun thin a, a ni, mit nei lote angin kan dap dun dun thin: thimhlim ang maiin chhunah kan inchhuih thin a; mi chakte zingah chuan mitthi ang mai kan ni.
59:11 Savawmte angin kan zain kan huk dur dur thin a, thurote angin nasa takin kan rum nghuat nghuat thin: rorêlna kan nghâk thin a, nimahsela a awm hauh si lo va; chhandamna kan nghâk thin a, nimahsela keimahni atangin hla takah a awm thin.
59:12 Kan bawhchhiatnate hi i hmaah a pung ta si a, kan sualnate hian min hek thin a ni: kan bawhchhiatnate hi kan hnênah a awm reng si a, kan khawlohnate zawng kan hria a ni:
59:13 kan bawhchiat te, LALPA kan phatsan te, kan Pathian zui zel lova kan hawisan te, hnehchhiah thu leh hel thu kan sawi te, dawt thu kan pai a, thinlung ata kan sawi chhuah thinte hi.
59:14 Tichuan rorêlna chuan hnung lam min hawisan a, felna chuan hla takah min dinsan ta: thutak chu kawtthlêrah a tlu reng si a, dikna chu a lût thei lo a ni.
59:15 A ni, thutak a awm ta lo va; thil tha lo bansantu chu râllâkah a insiam thin: tichuan LALPAN chu chu a hmu a, rorêlna rêng rêng awm ta lo chuan a tilungni ta lo va.
59:16 Tin, mi rêng rêng an awm lo tih a hria a, dilsaktu rêng rêng an awm lo chu mak a ti a: chuangin ama ban ngei chuan chhandamna a insiam a; ama felna ngei chuan a inchelh ding ta a.
59:17 Tin, felna chu awmphawah a ha a, chhandamna lukhum akhum a; tin, inthuamnaah chuan phuba lakna silhfente chu a inbel a, kawrfualah chuan thahnemngaihna a ha a.
59:18 An thiltihte angin, an thiltihte ang ngeiin ani chuan a thungrul ani chuan a thungrula ng, amah dotute chu thinrimnain, a hmêlmate chu thungrulhnain a thungrul ang; thliarkarte chu thungrulhnain a thungrul ang.
59:19 Chutichuan LALPA hming chu tlâng lam atangin LALPA hming chu tlâng lam atangin an tih ang a, a ropuina ni chhuahna atangin an tih bawk ang; ani chu tui lian thut, LALPA thawa chhem luan vut vut angin a lo kal dawn si a.
59:20 Tin, Zion-ah chuan tlantu a lo kal ang a, Jakob-ho zinga bawhchhiatna hawisantute hnênah pawh a lo kal ang, LALPAN a ti:
59:21 Kei zawng hei hi a ni, an hnêna ka thuthlun chu ni LAPAN a ti: ka thlarau i chunga awm leh, ka thu i kaa ka dahte chuan, tun achinah chatuan thleng pawhin i ka chu an chhuahsan lo vang a, i thlahte ka chu an chhuahsan hek lo vang a, i thlahte thlah leh chhawng ka pawh tun atanga kumkhuain an chhuahsan hek lo vang, LALPAN a ti.
60:1 Tho la, eng rawh; i eng chu a lo thleng a, LALPA ni ropuina chu i chunga lo chhuah tak hi.
60:2 Ngai teh, thimin leilung hi a khuh dawn si a, thim chhah mupin mite a khuh bawk dawn a ni: nimahsela LALPA chu i chungah a lo chhuak ang a, a ropuina chu i chungah a la lang ang.
60:3 Tichuan hnam tin i eng lamah an lo kal ang a, lalte pawh i lo chhuah enna lamah an lo kal bawk ang.
60:4 Dak la, i mit len vêl la, en rawh: an zain an inkhawm a, i hnênah an lo kal a nih hi: i fapate chu hla tak atangin an lo kal ang a, i fanute chu an rawn pawm ang.
60:5 Chumi hunah chuan i hmu ang a, i eng tawh ang a, i thinlung chu a khur a, tihzauvin a awm ang; tuifinriata sumdawnna tam tak mai chuan i hnên lam a pan dawn avâng leh, hnam tin sum chuan i hnên a lo thlen dawn avângin.
60:6 Sanghawngsei tam tak mai chuan an tuam dul dul ang che, Midian leh Epha rama Sanghawngsei tuaite chuan; chung zawng zawng chu Seba ram atangin an lo kal ang: rangkachak leh beraw an rawn phur ang a, LALPA fakna thu an hriattir ang.
60:7 Kedar-ho ran rual zawng i hnênah an lo kal khâwm ang a, Nebai-otha-ho berâmpate chuan i rawng an bâwl ang: ka maichâmah chuan lawmin an chho vang a, ka ropuinain chu ka chawimawi ang.
60:8 Chhum anga thlawkte leh, thuro anmahni tukverh pana thlawk noh noh anga thlawkte saw tute nge ni?
60:9 Ani chuan a chawimawi che avângin LALPA i Pathian hming atân leh Israel-ho Mi Thianghlim atân chuan i fapate an tangka leh rangkachak nên hla tak atanga hruai tûrin matheilovin thliarkarte chuan mi nghak ang a, Tarsis lawng liante chuan hmasak ber an chuh ang.
60:10 Tin, ram dang mite chuan i kulh bangte chu an rem chho leh ang a, an lalte pawhin i rawng an bâwl tawh ang; ka thinrim chuan ka vua chian, nimahsela ka duhsaknain ka khawngaih si che a nih hi.
60:11 I kawngkhârte pawh hawnin a awm areng ang a; a chhun azanin an khar lo vang; miten hnam tin sum chu i hnênah an rawn laka, an lalte pawh an rawn hruai ve theih nân.
60:12 I rawng bâwl duh lo hnam leh ram chu a boral dawn si a; a ni, chung hnamte chu tihchhiat hlauhvin an awm ang.
60:13 Ka hmun thianghlim cheimawi tûrin Lebanon ropuina chu i hnênah a lo kal ang, far te, phan te, tuifar te chu an lo kal tlâng ang; tichuan ka ke rahna hmun chu ka tiropui ang.
60:14 Tin, nangmah tiretheituteho fapate chu kunin i hnênah an lo kal ang a; nangmah hmusittute zawng zawng chu chibai bûkin i kehphah hnuaiah an kun ang; nang chu "LALPA khawpui," "Israel-ho Mi Thianghlim Zion," an ti ang che.
60:15 Tuma tlawh ngai loh khawpa kalsan leh huata i awm aiah kumkhaw chhuan ber, chhuan tam tak lawmnaah ka siam ang che.
60:16 Tin, hnam tin hnutetui i fawp ang a, lalho hnute pawh i hne ang: kei LALPA hi nangmah chhandamtu leh nangmah tlantu, Jakob-ho Mi Chaka chu ka ni tih i la hre bawk ang.
60:17 Dar aiah rangkachak ka rawn la ang a, thir aiah pawh tangkarua ka rawn la ang, thing aiah pawh dar, lung aiah pawh thir: thlamuanna chu i hotuah ka ruat bawk ang a, felna chu nangmah phuttuah ka ruat ang.
60:18 Rang taka thiltih thawm chu i ramah hriat a ni tawh lo vang a, tiauna leh chhiatna thawm pawh chu i ramah hriat a ni tawh lo vang a, tiauna leh chhiatna thawm pawh i ramri chhûngah rhiat a ni tawh lo vang; i kulh chu "Chhandamna," i ti zawk ang a, i kawngkhârte pawh "Fakna," i ti bawk ang.
60:19 Ni khi chhunah nangmah entu a ni tawh lo vang ;a thla pawh khian enna tûrin a tieng hek lo vang che: LALPA erawh chu i tan kumkhaw entuah a awm ang a, i Pathian chu i ropuina atân a awm bawk ang.
60:20 I ni chu a tla tawh lo vang a, i thla pawh chu a rla thaw hek lo vang: LALPA chu i kumkhaw entu a ni dawn tawh si a, i lusun nite chu a tawp dawn tawh a ni.
60:21 I mite pawh an zain mi fel an i ang a, i ram hi an luah kumkhua ang; chawimawi ka awm theihna tûrin anni chu a zung puak chhuak ka phun, ka kut chhuak chu, an ni ang.
60:22 In zinga hnam te ber pawh hnam ropui tak an ni ang a, hnam tlemte pawh hnam chak tak an ni ang: kei LALPA hian a hun hunah chuan ka thlentir thuai ang.
61:1 Thuhnuairawlhte hnênah chanchin tha hril tûra LALPAN hriak mi thih avângin Lalpa PATHIAN thlarau chu ka chungah a awm; ani chuan thinlung lungchhiate tuam tûr te, salte hnêna chhuahna thu leh mi tangte hnêna tan in hawnna thu sawi tûr te,
61:2 LALPA lungawi kum thu leh kan Pathian phuba lak ni thu sawi tûr te, lungngai zawng zawng thlamuan tûr te,
61:3 vut aiah pangpâr thihrui te, lungnaih aiah hlimna hriak te, nguina thlarau aiah fakna silhfente an hnênah pekah Zion-a lungngaia awmte tan ruat tûr tein mi tir a ni: ani chu chawimawia a awmna tûrin, felna thing, LALPA phunte, tih an nih theih nân.
61:4 Tin, hmun hlui chhe tawhte chu an rem leh ang a, tun hmaa khaw lo tiau tawhte chu an din tha leh ang a, khawpui chhe tawh, chhuan tam tak tiaunate chu an siam tha leh ang.
61:5 Tin, ram dang mite chuan in ran rualte chu dingin an tlattir ang a, hriat ngai loh mite chu in leilettu-ahte leh in grêp hrui enkawltuahte an awm ang.
61:6 nangni erawh chu, "LALPA puithiamte, " tia vuaih in awm ang a: miten, "Kan Pathian rawngbawltute," an ti ang che u: hnam tin sum in ei ang a, an ropuina chu in inchhuan phah ang.
61:7 In mualpho aiah a leh hnih in hmu ang a; in zah aiah in chanvovah hlimin in zai ang: chuvangin in ramah chuan a leh hnih in luah ang a: kumkhaw hlimna in hnênah a awm ang.
61:8 Kei LALPA hian rorêlan fel ka ngaina si thin a, khawlo taka ram hi ka haw thin a ni; tichuan anmahni ka rulhna chu tihtak meuhvin an hnênah ka pe ang a, an hnênah kumkhaw thu ka thlung bawk ang.
61:9 Tichuan an thlahte chu hnam tin zingah hriat an ni ang a, an fate chu mi tin zingah hriat an ni bawk ang: anmahni hmu apiangin LALPA malsawm chi an ni tih an hria ang.
61:10 LALPA-ah chuan nasa takin ka hlim ang a, ka nunna hi ka Pathianah chuan lawm takin a awm ang; mo neitu tûr chu pangpâr thihruia a inchei thin ang leh, mo tûr chu a incheinatea a inchei thin ang hian, ani chuan chhandamna silhfente mi bel a, felna kawrfualin mi tuam ta si a.
61:11 Leilung hian a thil chawr chu a chhuahtir ang leh, huan hian a chhûnga thil chinte chu a chawrtir ang hian, Lalpa Pathian chuan felna leh rfakna hnam tinreng hmaah chuan a chawrtir dawn si a.
62:1 A felna chu enna anga a chhuah a, amah chhandamna chu khawnvar alh anga a chhuah hma loh chuan, Zion avângin ka ngawi reng lo vang a, Jerusalem avângin ka awm hle hle lo vang.
62:2 Tichuan hnam tinin i felna chu an hmu ang a, lal zawng zawngin i ropuina chu an hmu bawk ang: tin, hming thar, LALPA kain a vuah tûr chuan an ko vang che.
62:3 LALPA kuta mawina lallukhum leh i Pathian kuta ropuina lukhum i ni bawk ang.
62:4 "Mak," an ti leh tawh lo vang che; i ram pawh chu "Tihtiau," an ti leh tawh hek lo vang: "Duhlai," an ti tawh zawk ang chia, i ram pawhin pasal a nei dawn a ni.
62:5 tlangvâlin nula nupuia an nei thin ang hian ifapaten nupuiah an nei ang che: mo neitu chu mo chungah a lawm angin, i Pathian chu i chungah a lawm ang.
62:6 ,7 Aw Jerusalem, i kulh chungah ralvengtute ka ventir a; a chhun azanin engtikah mah an ngawi lo vang: Jerusalem hi a tihngheha,m leiah hian fakawma a siam hma loh chuan, nangni LALPA hriatpuitua awmte u, awm hle hle hlek suh ula, amah pawh chu awm hle hletir hlek suh u.
62:7 ,6 Aw Jerusalem, i kulh chungah ralvengtute ka ventir a; a chhun azanin engtikah mah an ngawi lo vang: Jerusalem hi a tihngheha,m leiah hian fakawma a siam hma loh chuan, nangni LALPA hriatpuitua awmte u, awm hle hle hlek suh ula, amah pawh chu awm hle hletir hlek suh u.
62:8 ,9 LALPAN, "I buh chu nangmah dotute chawah ka pe leh tawh hauh lo vang a: ram dang miten i thawh chhuah uain chu an in tawh lo vang: a sengtute chuan an ei tawh zawk ang a, LALPA chu an fak ang; a lotute chuan ka hmun thianghlim hung chhûng kawtlaiah chuan an in tawh ang," tiin a kut ding lam leh a ban chak tak chhalin chhia a chham ta.
62:9 ,8 LALPAN, "I buh chu nangmah dotute chawah ka pe leh tawh hauh lo vang a: ram dang miten i thawh chhuah uain chu an in tawh lo vang: a sengtute chuan an ei tawh zawk ang a, LALPA chu an fak ang; a lotute chuan ka hmun thianghlim hung chhûng kawtlaiah chuan an in tawh ang," tiin a kut ding lam leh a ban chak tak chhalin chhia a chham ta.
62:10 Chhuak ula, kulh kawngkaahte chhuak rawh u; mite tan kawng buatsaih ula; chhûng pawng ula, lamlian chu chhûng pawng rawh u; lungte chu chhar fai ula; mite tan chhinchhiahna tar chhuak rawh u.
62:11 Ngai teh u, LALPAN kawlkil thlengin heti hian a hriattir a ni, "Zion fanu hnênah heti hian sawi rawh u, 'En teh, nangmah chhandamna a lo thlen dawn hi; en teh, a lawmman chu a hnênah a awm hi, a rulhna chu ahmaah a awm bawk a.
62:12 Tichuan anni chu, Mi thianghlimho, LALPA tlante an ti ang a: nang chu, Zawn chhuah, Kalsan loh khawpui, an ti ang che,' tiin, " a ti a.
63:1 Edom ram atanga lo kal, Bozrah khua atanga silhfen thihsen sin saw tunge ni? A puan sina ropui tak, nasa taka chaka lo kal saw? Keimah, fel taka thu sawia, chhandam kawnga mi chak taka kha ka ni.
63:2 Eng vangin nge i puan sin kha a sen a, i silhfente pawh kha grêp sawrna khura rap sawrtu silhfen anga a awm ni?
63:3 Keimah chauhvin grêp sawrna khurah ka rap sawr a; mi tin zinga mi pakhat mah ka hnênah an awm ve lo va: a ni, anni chu ka thinurin ka rap a, ka thinrimin ka chil a; tichuan an nunna thisen chu ka silhfenahte hian thehin a awm a, ka puan zawng zawng hi ka tibawlhhlawh ta a.
63:4 Phuba lak ni chu ka thinlungah a awm si a, ka mi tlante kum chu a lo thleng ta bawk a ni.
63:5 Tichuan ka han en a, tanpuitu tûr rêng rêng an awm lo va; chelh dingtu rêng rêng an awm lo chu mak ka ti a: chuvangin keima ban ngei hian chhandamna mi thlen a; ka thinrimna chuan mi chelh ding ta a.
63:6 Tichan mi tin chu ka rap bet a, ka thinrimin ka tirui a, an nunna thisen chu leiah ka baw ta.
63:7 LALPA thil engkima min vur avângin LALPA ngilneihzia thute leh LALPA fakna thute ka sawi ang a; a khawngaihnate leh a ngilneihna a nasat avângin Israela chhûngte laka a thatna nasa taka an chunga a vur thu pawh kha ka sawi bawk ang.
63:8 Ani chuan, "Ka mite, fa adera ti lo tûrte, an ni ngei mai," a ti si a: chutichuan anmahni chhandamtuah a lo awm ta a.
63:9 An manganna zawng zawngah chuan ani chu amangang ve thin a, vantirhkoih, a hmaa awm mi chuan, anni chu a chhanhim bawk thin a: a hmangaihna leh a khawngiahnain a tlan ta hlawm a; hmasâng ni zawng zawngah chuan anmahni a puain anmahni a pawm thin.
63:10 Nimahsela an hel a, a thlarau thianghlim chu an tilungngai ta a: chuvangin anmahni dotua awm tûra tihlamletin a awm a, amah ngei chuan anni chu a bei ta a.
63:11 Chumi lai chuan amite chuan Mosia hmasâng nite chu an hre reng a, heti hian an ti, "Tuifinriat atanga a berâm rual vengtue nena anmahni hruai chhotu kha khawiah nge? A thlarau thianghlim an zinga dahtu kha khawiah nge?
63:12 A ban ropui tak Mosia ding lama kaltirtu kha khawiah nge? Kumkhaw hming insiam nana an hmaa tui tithentu kha khawiah nge?
63:13 An inchhuih lohna tûra tui thuk taka, thlalêra sakawr hruai anga anmahniho hruaia kaitu kha khawiah nge?
63:14 Ruama ran chhukte angin LALPA thlarau chuan anniho chu a chawlhtir a: chutiang chuan, hming ropui tak i insiam nân i mite chu i hruai kha," tiin.
63:15 Van atang khan rawn thlir thla la, i thianghlimna leh i ropuina awmna atang khan rawn en teh: i thahnemngaihna leh i thiltih ropui takte khakhawiah nge? i thinlunga i ngaihna leh i lainatnate kha kalak ah tihrehin a awm ta .
63:16 Abrahaman min hre lovin, Israela pawhin min ngaihsak lo mah sela, nang chu kan pa i ni si a ; nang chu , aw LALPA,kanpa i ni a; i hming chu chatuan ata keimahni min tlantu a ni .
63:17 Aw LALPA, nangin eng vangin nge i kawng atangtea min vah botir thina, nangmah tih lo tûra kan thinlung min tihkhauhsak thin le? i chhiahhlawh, i roluah hnamte avâng hian, lokir leh rawh .
63:18 I mi thianghlimte chuan rei lo te chauh an nei a; min dotute chuan i hmun thianghlim chu an rap che ta a.
63:19 An chunga ro i rêl ngai lohte ang a,i hming pu ngai lote ang chu kan lo ni ta.
64:1 ,2 Aw, hnam tin i hmaa an khurhna tûrin nangmah dotute hnênah i hming hriattir nân, meiin thingnawi a tialh a,mei chuan tuite a ti so ang hian tlangte chu i hmaa an luan thlak dul dul nân, van kha tithlêrin lo chhuk teh hram la aw!
64:2 ,1 Aw, hnam tin i hmaa an khurhna tûrin nangmah dotute hnênah i hming hriattir nân, meiin thingnawi a tialh a,mei chuan tuite a ti so ang hian tlangte chu i hmaa an luan thlak dul dul nân, van kha tithlêrin lo chhuk teh hram la aw!
64:3 Kan beisei loh thil rapthlâk i tih lai khan i lo chhuk a, tlangte chu i hmaah an luan thlak dul dul kha.
64:4 Hmasâng ata tawh miten, nangmah chauh lo chu, anmahni nghaktu atân thawksak thintu Pathian an hre ngai si lo va, bengin an hrengai hek lo va, mitin an hmu ngai hek lo.
64:5 Nang chuan, hlim taka awma fel taka titu, i kawngte nangmah hre reng thintute chu, i hmuak thin a: ngai teh, nang i thinur a, keinin thil kan tisual a: chungah te chuan rei tak kan lo awm tawh a, tichuan chhandamin kan la awm thei ang êm?
64:6 Mi bawlhhlawh angin kan lo awm ta vek si a, kan felna zawng zawngte pawh silhfen bawlhhlawh ang a ni a: kan zain hnah angin kan vuai thin a; kan khawlohnate hian thli angin min leh bo thin.
64:7 Tichuan i hming lama, nangmah chelh tûra mahni intiharh tumah rêng rêng an awm lo: kan lakah hian i hmai i thup ta si a, kan lakah hian i hmai i thup ta si a, kan khawlohna te hmangin min toboral ta ni.
64:8 Tunah erawh chuan, aw LALPA nang chu kan pa i ni a; keini hi bellei kan ni a, nang min vawtu i ni; tichuan kan za hian i kut chhuak kan ni.
64:9 Aw LALPA, thinur nasa lûtuk suh la,khawlohnate pawh kumkhua chuan hre reng heksuh ang che: ngai teh, khawngaih takin min en la, kan za hian i mite kan nih hi.
64:10 I khawpui thianghlimte chu thlalêrah a lo chan a, Zion chu thlalêrah a lo chan a, Jerusalem chu hmun tihtiauvah a lo chan tak hi.
64:11 Kan in thianghlim leh kan in mawi tak, kan puten an lo fak thinna che chu,meia hal a ni a; kan thil duhawmte zawng anwg lah chu tihchhiatin a awm ta vek si a.
64:12 Aw LALPA, chung thilahte chuan i insum thei dawn êm ni? I ngawi rengin min tirethei nasa reng dawn êm ni?
65:1 Mi lam ngai lote zawnin ka awm a, mi zawng ngai lote hmuhin ka awm a: ka hming pu lo hnam hnênah chuan, "Mi en rawh u, mi en rawh u," ka ti a.
65:2 Mi helhmangte tan nilengin ka bante ka phar thin, chungho chu anmahni ngaihtuahteang zela kawng tha lova kal thinte ,
65:3 huanahte inthawia, leirawh chan chungahte englo rimtui hala, ka hmaichhan ngeia mi tithinur thinte,
65:4 thlan zingahte thu a, hmun fianrialtea riak thinte, vawk sa eia, an beltea thil tenawm tuihang awm thinte,
65:5 "Nangmah chauhvin ding rawh, mi rawn hnaih suh, nang ai chuan ka thianghlim zawk hi," ti thinte chu an ni: chungho chu ka hnara mei khu awm, nilenga mei nung reng thin chu a ni.
65:6 ,7 Ngai teh u, ka hmaah ziakin a awm : ka ngawi reng lo vang a, ka thungrul zawk ang, a ni, an angchhûngah nangmahni khawlohna leh in pute khawlohnate chu ka thungrul ve ve ang, LALPAN a ti, chungho chuan tlâng lian chungahte englo rimtui halin tlangte chungahte kan hming an sawiche thin: chuvangin an hming an sawichhe thin: chuvangi an hnathawh chu a hmasa berin an angchhûngah ka tehsâng a.
65:7 ,6 Ngai teh u, ka hmaah ziakin a awm : ka ngawi reng lo vang a, ka thungrul zawk ang, a ni, an angchhûngah nangmahni khawlohna leh in pute khawlohnate chu ka thungrul ve ve ang, LALPAN a ti, chungho chuan tlâng lian chungahte englo rimtui halin tlangte chungahte kan hming an sawiche thin: chuvangin an hming an sawichhe thin: chuvangi an hnathawh chu a hmasa berin an angchhûngah ka tehsâng a.
65:8 LALPA chuan heti hian a ti, "Grêp bawrah uain thar an hmu a, miin, 'Tichhe suh, khatah khan malsawmna a awm si,' an ti ang khan, ka chhaihhlawh avângin ka ti ve ang, an zaa ka tihchhiat vek loh nân.
65:9 Tin, Jakoba atangin chi pakhat ka tichhuak ang a, Juda atangin ka tlangte luahtu tûr ka tichhuak ang: tichuan ka mi thlante chuan chu chu an luah ang ang a, ka chhiahhlawhte chu chutah chuan an awm ang.
65:10 Tin, ka mi, mi zawngtute tan chuan, Saron chu berâm rualho huang a ni ang a, Akor ruam chu bawng rualho bawhna hmun tûr a ni ang.
65:11 Nimahsela nangni LALPA kalsana, ka tlâng thianghlim theihnghilh a, vanneihna Siamtua tan dawhkan buatsaih a, Chantawka Khawrelsaktui tak uain chawhpawlh sa chhûng khat thinte uain chawhpawlh sa chhûng khat thinte uain chawlhpawlh sa chhûng khat thinte u;
65:12 ka koh lai che u khan mi in chhan duh loh va, thu ka sawi lai khan benga in hriat duh lohva, ka mithmuha thil sual chu in tih zawka, ka thil lawm loh zawng chu in thlan avângin khandaihin in chantawka khua chu ka relsak ang che u a, in zain thahnaah chuan in kun vek ang.
65:13 Chuvangin Lalpa PATHIAN chuan heti hian a ti, "Ngai teh u, ka chhiahhlawhte chuan an ei ang a, nangni erawh chu rilramin in awm ang: ngai teh u, ka chhiahhlawhte chuan an in ang a, nangni erawh chu tuihalin in awm ang: ngai teh u, ka chhiahhlawhte chu an hlim ang a, nangni erawh chu in zak ang:
65:14 ngai teh u, ka chhiahhlawhte chu thinlunga an lawm avângin hlim takin an zai ang a, nangni erawh chu thinlunga in lungngaih avângin in tap ang a, thlarauva in vui avângin in chiau vâk vâk ang.
65:15 Tin, in hming chu chhechham nân ka mi thlante hnênah in hnutchhiah ang a, Lalpa PATHIAN chuan a tihlum ang che u; tin, a chiahhlawhte chu hming dangin a ko tawh a:
65:16 chutichuan leiah hian mahni mal insawm chawptu chu thutak Pathianah chuan mal a insawm ang a; Pathian chhalin chhia a chham ang; tun hma mangannate chu theihnghilha a awm ak avâng leh ka mit laka thupha a awm tak avângin.
65:17 Ngai teh u, van tharte leh lei thar ka siam anih hi; tun hma thilte chu hriat rengin a awm tawh lo vang a, rilruah pawh a lût tawh hek lo vang.
65:18 Nimahsela ka thil siamah chuan kumkhuain lawmin hlim rawh u: ngai teh u, Jerusalem chu hlimnaah ka siam a, amite chu lawmnaah ka siam anih hi.
65:19 Jerusalem chungah chuan ka hlim ang a, ka mite chungah pawh ka lawm ang: a chhûngah chuan tap thawm chu hriat a ni tawh lo vang a, chiau thawm pawh hriat a ni tawh hek lo vang.
65:20 chuta tanga chhuak chu nausen ni rei lo te dam an awm lo vang a, putar a dam chhûng nite tlingtla lo an awm hek lo vang: naupang chu kum za mi niin a thi dawn si a, mi sual kum za chauh dam chu ânchhe dawng an ni sawn a ni.
65:21 Tin, inte an sa ang a, chungah chuan an awm reng bawk ang; grêp huante an siam ang a, a rah an ei bawk ang.
65:22 Midang awmna tûrin in an sa tawh lo vang a, mi dang eiah grêp huan an siam tawh lo vang: thing dam chung nite ang hian ka mite dam chhûng nite chu a awm dawn si a, ka mi thlante chu rei tak an thawh chhuah chungah chuan an lawm dawn a ni.
65:23 A thlawnin an thawk rim lo vang a, vanduaina mai tûrin fa an hring hek lo vang; LALPA malsawm mi thlahte an ni si a, an fate chu an hnênah an awm reng ang.
65:24 Tin, heti hi a ni ang a, annin mi koh hma pawhin ka chhâng ang a; thu an la sawi lai mek pawhin ka bengin ka hria ang.
65:25 Chinghnia leh berâm no chu an tla dun tawh ang a, sakeibaknei chuan bâwngpa angin buhpawl a ei tawh ang: vaivut chu rul chaw a ni ang. Ka tlâng thianghlim rêng rêngah chuan an tina tawh lo vang a, an tichhe tawh hek lo vang, LALPAN a ti.
66:1 LALPA chuan heti hian a ti, "Van ka thutphah a ni a, lei ka ke nghahchhan a ni: in eng ang nge mi saksak ang: Khawii hmun nge ka chawlhna tûr chu?
66:2 Heng thil engkim hi ka kutin ka siam ani si a, chutichuan heng thil engkim hi a lo awm ta a ni, LALPAN a ti: amaherawhchu mi, rethei taka awm, rilrua inchhir ngawih ngawih, ka thua khur thina lam hi ka en zawk ang.
66:3 Bâwngpa talhtu chu mihring thattu ang a ni a; berâm nova inthawitu chu ui nghawng titliaktu ang a ni a; thilpêk hlantu chu vawk thisen hlantu ang a ni a, beraw haltu chu milem malsawmtu ang a ni: a ni, anmahni kawng chu a thlang ta a, an thil tenawmahte chuan an rilru a lawm thi;
66:4 ka koh lai khan tuman mi chhan lo va, thu ka sawi lai kha, benga an hriat loh va, ka mit hmuha thil sual chu an tih zawk a, ka thil lawm loh zawng chu an thlan avângin kei pawhin anmahni bumna tûrte chu ka thlansak ang a, an hlauhzawngte chu an chungah ka thlentir ang," tiin.
66:5 A thua khur thitne u, LALPA thu hi hre rawh u: "In unau, nangmahni hawtu leh ka hming avânga nangmahni hnawt chhuaktute chuan, 'In lawmna kan hmuh theih nan LALPA chu tihropuiin aawm rawh se,' an ti a; nimahsela an zak tawh zawk ang.
66:6 Chu! Khawpuia sa mur mur thawm chu! Biak ina thawm a nih chu! A hmêlmate thungrultu, LALPA thawm anih chu!
66:7 Ani chuan vei hman lovin nau a nei a; na hre hman lovinmipa naupang ahring a.
66:8 Chutiang chu tuin nge hre thei ngai? Chutiangte chu tuin nge hmu ngai? Ni khatah ram a piang thut dawn êm ni? Vfawilhekhatah hnam hrinin a awm thut dawn êm ni? Zion chuan nau a vei veleh a fate chu a hring ta pang si a.
66:9 Pian hun thlentir siin ka hrintir dawn lo vem ni? LALPAN a ti: kei hrintir thintu hian fa ka neihtir phal dan lo êm ni? i Pathianin a ti.
66:10 "Jerusalem hmangaihtu zawng zawngte u, Jerusalem chu hlimup ula, lawmpui rawh u: amah suntu zawng zawngte u, lawm avângin hlimpui rawh u:
66:11 in hneka, thlamuanna hnuteahte chuan in tlai theih nân leh, in hnek daka, a ropuina tam takah chuan in lawm theih nân," tih hi.
66:12 LALPA chuan heti hian a ti si, "Ngai teh u, remna chu luipui ang maiin a hnên thlengin ka luantir ang a, hnam tin ropuina chu luite a kuang liam dul dul ang maiin, a hnên thlengin ka luantir bawk ang, tichuan chu chu in hne ang; a hmathlak ang che u a, a mal chungah chuan a tumtir ang che u.
66:13 Mi, a nuin a thlamuan angin ka thlamuan ang che u; tichuan Jerusalem-ah chuan thlamuanin in awm dawn nia.
66:14 Tin, chu chu in hmu ang a, in thinlung chu ahlim ang a, in ruhte pawh hlobet hring dup angin a duah hluah hluah ang: tichuan LALPA kut chu a chhiahhlawhte lamah a awm tih an hria ang a, a hmêlmate chungah alungni lo vang.
66:15 Ngai teh u, a thinur chu thinrimnaa hrithla tûr leh, a zilhhauna chu meialhtea hritla tûrin, LALPA chu mei nên a lo kal dawn si a, a tawlailirte chu thawngaleivir ang mai a ni ang.
66:16 Meiin a ni, LALPAN a ngaihtuah dawn ni, a khandaihin a ni, mi zawng zawng a ngaihtuah dawn ni: tichuan LALPA tihhlumte chu tam tak an ni ang.
66:17 Huanahte inthawi tuma inzui dum dum tûra intithianghlim leh inthianfai thinte, vawk sa leh thil tenawm leh chaichim sa eite chu an boral tlâng ang, LALPAN a ti.
66:18 Am thiltihte leh an ngaihtuahte chu ka hre si a: hnam tinreng leh tawng tinreng ka hruai khâwm hun a lo thleng dawn; tichuan an lo kal ang a, ka ropuina an hmu ang.
66:19 Tin, an zingah chuan chhinchhiahna ka awmtu ang a, tichuan an zinga hremna pumpelh apiangte chu hnam tin hnênah - Tarsis te, Pul te, thal ngul kuaiho Lud hnênah te, Tubal leh Javan-ho hnênah te, thliarkar hla ta, ka hmingthan la hre ngai lova, ka ropuina la hmu ngai loho hnênahte chuan - ka tir ang; tichuan hnam tin zingah ka ropuina thu an sawi ang.
66:20 Tichuan Israela thlahten an thilhlan chu bungbêl thianghlim taka LALPA ina an rawn la lût thin ang hian, LALPA hnêna thilhlan atân hnam tinreng zing ata in naute zawng zawng chu saker chungah te, tawlailirah te, zawnnaah te, sabengtung chungah te, sanghawngsei chungah te, Jerusalem ka tlang thianghlimah chuan an rawn hruai ang, lalpan a ti.
66:21 Tin, chung zinga mi pawh chu puithiam atânte leh Levia mi atânte ka la ang, LALPAN a ti.
66:22 Van tharte leh lei thar ka la siam tûr chu ka hmaah a awm reng dawn angin, in thlahte leh in hming chu a awm reng bawk dawn a ni, LALPAN a ti.
66:23 Tin, heti hi a ni ang a, thla thar atanga thla thar dang thlengin, chawlhni atanga chawlhni dang thlengin mi zawng zawng ka hmaah chibai mi buk tûrin an lo kal zut zut ang, LALPAN a ti.
66:24 Tin, an kal chhuak thin ang a, ka laka bawhchhetute ruang chu an en ang: an lungte chu an thiin, an mei chu tihmihin a awm dawn si lo; mi zawng zawng tan thil tenawm tak an ni ang. |
posted by zoblog @ 12:03 PM  |
|
|
|
