MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Ezekiela
Wednesday, September 12, 2007
1:1 Kum sawmthumna, thla lina, ni nganaah chuan, kei Ezekiela puithiam Buzia fapa chu, Babulon Kebar lui kama Juda saltângte zîngah ka awm a, Van a lo in hawng a,Pathian inlârna ka hmu a.
1:2 Lal Jehoiakina sala a tân kum ngana a ni.
1:3 Babulon rama Kebar lui kamah chuan LALPA thu sawi ka hria a, a thil tih theihna chuan mi tuam a.
1:4 Tin, ka han en a, hmâr lam ata thlipui nasa tak lo thawk ka hmu a. Chhûmpui nasa tak atang hian kâwl hi a lo phe zawr zawr a, a kiang vêlte chu a êng pup mai a, kâwl a phêt naah chuan eng eng emaw, dâr tlê mi ang hi a awm a.
1:5 Thlipui lai takah chuan thilnung pali ang, mihring ruangam pu ka hmu a,
1:6 Hmai pali leh thla pali an nei theuh a.
1:7 An ke an thluanga, bawng tin, ang an nei, Dar tle mi ang in an eng a,
1:8 Hmai pali leh thla pali bakah chuan mihring kut ang pali an nei theuh a, an thla hnuaiah zêl a awm a.
1:9 Thilnungte chuan an thla pahnih an zârpharh theuh chuan an thla hmâwr te chu a in tâwk pha a, killi neiin an ding a, an chet sawn pawhin an zain an taksa her chuang lovin an che sawn thin a ni.
1:10 Thilnung palite chuan hmai pali an nei theuh a, an hma lamah mihring hmêl an pu a, dinglamah sakeibaknei hmêl ang, vei lamah bâwngpa hmêl ang, hnung lamah mupui hmêl ang.
1:11 Thilnung pali ten an thla pahnih theuh chu a hmawr in tâwk phain an zâr theuh a, a dangte chu an taksa hrûlah an khupa.
1:12 Thilnungte chuan khawilam pawh an hawisa vek a ni, in her lovin thlarauvin a duhna lam apiangah an kalho thei.
1:13 Thilnung zîngah chuan, eng eng emaw, meichher alh deuh ang mai hi a awm a, englai pawhin a che a, Mei chu a alh êng pup a, kawlphe angin a êng chhuak zuai zuai a.
1:14 Thilnungte chu kawlphe angin an vir tawn zawk zawk a.
1:15 Thilnung palite chu ka en reng lai chuan, tawlailir ke pali, thilnung zawn theuha awm, leia in nghat, ka hmu bawk a.
1:16 Tawlailir ke palite chu in ang vek a ni a, lunghlu angin an êng theuh a, tawlailir ke pakhat chhûnga tawlailir ke dang awm ang a ni.
1:17 In her lovin khawilam hawi pawhin an che sawn thei a ni.
1:18 Tawlailir ke bial tlângte chu kual kûng mai,rapthlâk tak a ni a, mitin a khat a
1:19 Thilnungte chu an kalsawn apiangin tawlailirte pawh chuan an zui ve zel a. .
1:20 Thilnungte chu thlarau duhna lam lamah an kal a, tawlailir pawhin thilnungte tih ang chiahin an ti ve a, thilnungte thlarau chu tawlailirte keahte a awm si a.
1:21 Tichuan thilnungte chu an kalin emaw, an din in emaw, boruaka chawikan an nih in emaw tawlailîrte pawh chutiang bawk chuan an awm thin, thilnungte thlarau chu tawlailîr keah chuan a awm si a.
1:22 Tin, thilnungte lu chung chu thil eng emaw, krustal lung tle mia siam ang hian a khuh kulh mai a.
1:23 Chu thil awm kulh hnuaiah chuan thilnungte chu an ding a; an dawta mite lamah chuan an thla pahnih an zara , an thla pahnih dangin an taksa an khuh a.
1:24 An thlawh laia an thla zâp ri chu ka hria a, tuifinriat fâwn ri ang leh sipai rual thawm ang a mipui ri mur mur thawm leh Engkimtithei Pathian aw ang a ni, An thlawh loh chuan an thla te an khup a.
1:25 An thlawh loh lai pawhin an lu chung zawn chunglam thil awm atang khan thil ri hum hum a awm tho va.
1:26 Tin, an lu chunga van dum chungah khan lalthutthleng ang tak, sapphir lung ang maia lang hi a awm a: Tin, lal thutthleng ang tak chungah chuan mi hring ang taka lang hi a awm a.
1:27 Tin a kâwnga chin chunglam chu thihna puak sur ang maiin ka hmu a, a kawng ni awm a chin hnuailam chu mei ang mai hi niin ka hmu a, a êng vêl pup mai a.
1:28 Ruahsûr nîa chhûm chunga chhimbal landan ang mai hi a vêla êng landan chu a ni a, Hei hi LALPA ropuina landan ang chu a ni. Tin, ka hmuhin bawkkhupin ka tlu a, thusawitu aw chu ka hria a.
2:1 Tin, ka hnênah, "Mihring fapa, i kein ding rawh, i hnênah thu ka sawi dawn e," a ti a.
2:2 Tin, ka hnêna a thusawi lai chuan thlarau chu keimahah a lo lut a, ka ke in mi dintîr a; tin, mi betu chu ka ngaithla ta a.
2:3 Tin, ka hnênah, "Mi hring fapa, Israel fate hnênah, helhmang hnam, ka chunga hel thin te hnênah chuan ka tîr a che: anmahni leh an thlahtute pawhin hemi ni thleng pawh hian ka chungah an bawhchhe thin a ni.
2:4 Chhuan luhlul leh tihmawhte an ni a, an hnênah ka tirh che hi; tin, an hnênah chuan, LALPA PATHIAN chuan heti hian a ti," i ti tûr a ni.
2:5 Tin, an nin an ngaithla emaw, an ngaithla lo emaw (hel hmang an ni si a), an zîngah zâwlnei a awm tih an hre reng tûr a ni.
2:6 Tin, nang mihring fapa, anmahni hlau suh la, an thu ah pawh zam hek suh, i hnênah chuan len hlîng leh hnim hlîngnei te awmin , khawmualkaikuang zînga chêng ni mah la: helhmang mi nimahsela, an thu chu hlau suh la, an landan ah zâm hek suh.
2:7 Tin, an ngaithla emaw, ngaithla lo emaw, an hnênah ka thu i sawi tûr a ni: helhmang tak an ni si a.
2:8 Amaherawh chu nang mihring fapa, i hnêna ka sawi hi ngaithla rawh; mi helhmangte angin helhmang ni ve suh: i ka ang la, ka pêk che chu ei rawh," a ti a
2:9 Tin, ka han en a ngaiteh, kutah chuan lehkhabu zial a awm a;
2:10 ka hmâah a han pharh a, a chhûng lam leh a pâwn lama ziak a ni a; tahnate, lusûnna te, chungpikna te ziakin a awm a.
3:1 Tin, ka hnênah,"Mihring fapa, i hmuh kha ei rawh; lehkhabu zial hi ei la. Israel chhungte hnênah chuan thu va sawi rawh," a ti a.
3:2 Chutichuan ka kâ ka âng a, lehkhabuizial chu mi eitîr ta a.
3:3 Tin, ani chuan ke hnênah,"Mihring fapa, i pumah pai la, he lehkhabu zial ka pêk che hian i kawchhûng ti khat rawh," a ti a. Tichuan ka ei ta a, a thlum zia chu ka kâah chuan khawizu ang mai a ni a.
3:4 Tin, ani chuan ka hnênah,"Mihring fapa, Kalla Israel chhûngte hnênah chuan thute hi hmangin va sawi rawh.
3:5 Tawng hrang leh tawng harsa te hnênah tirh i ni si lo va; Israel chhungte hnênah tirh i ni zâwk si a.
3:6 Hnam ropui tak an tawng i hriat loh, tawng harsa pui pui hmang tute zîngah pawh tîr che i la chuan i thu an ngai thla ang.
3:7 Mahse Israel chhungte chuan an ngai thla lo ang che, kei mi ngaithla dawn si lo va, Israel chhûngte zawng luhlul tak leh tihmawh takte an ni si a.
3:8 Tûnah hian luhlul tak leh dehkhirh takin anmahni ang maiin ka siam ang che,
3:9 lung chang tak, meilung aia changa dehkhirhin ka siam a che, hlau suh la, an mit melhah zâm hek suh, helhmang mi ni mah sela," a ti a.
3:10 Chu lo chu ka hnênah, 'Mihring fapa, i hnena ka thu sawi tur zawng zawng chu i bengin ngai thla la, i thinlungah khung rawh.
3:11 Tin, kalla, i chipui saltangte hnen va thlen la; an ngaithla emaw, 'Hetiang hi LALPA thu chhuak chu a ni e,' tiin sawi la hrilh rawh," a ti a.
3:12 Tichuan thlarauvin mi chawi kang ta a, ka hnung lamah chuan thawm ri sung sung hi ka hria a, "A hmun atang hian LALPA ropuina chu malsawmin awm rawh se," tiin.
3:13 Tin, thilnungte thla in tâwk ri te, an bula tawlailîr ri te, thâwm ri sung sungte chu ka hria a.
3:14 Chutichuan thlarauvin mi chawi kâng a, mi la bo ta a: thinrim tak leh hreh tak chungin ka kal ta a, LALPA kut chu ka chungah a chak si a.
3:15 Tichuan Telabiba sal tângho, Kebar luia chengte hnen chu ka thleng a, an thutnaah chuan ka thu a; mak ti takin tah chuan ni sarih ka thu ta a.
3:17 Mihring fapa, Israel chhûngte vengtuah ka ruat che a ni; tichuan ka kâa thu i hria ang a, keima aiah ka vaukhâng tur a ni.
3:18 Mi suaksual hnena ka thu,'I thi ngei tur a ni,' ka tiha, chu mi suaksual chu a nunna hum tura a sualna kawng kalsan turin vauna i neih lohva, vaukhânna thu i hrilh bawk si lohva, chu mi suaksual chu a khawlohnaah a thih chuan a thisen mawh chu i lakah ka phut ngei ang.
3:19 Amaherawhchu, chu mi suaksual chu i vauva, a sualna a kalsan lohva, a sualna kawng a hawisan bawk loh chuan a khawlohnaah a thi ang a, nang erawh chuan i nun i chhanhim a ni zâwk ang.
3:20 Tin, mifel chuan a felna a hawisana khawlohna a tiha, a hmâa tlûkna ka lo dah chuanin, a thi ang: vaukhanna i neih loh avângin sualah a thi ang a; a thil fel tih tawhte chu hriatreng a ni lo vang; a thisen mawh erawh chu i lakah ka phut ang.
3:21 Nimahsela mi fel chu sual lo tura i vaukhanna a sual loh chuan vauna a pawisak avângin a nung ang; nang pawhin i nun i hum him ang," a ti a.
3:22 Tin, tah chuan LALPA kut chu ka chungah a awm a, ka hnênah,"Tho la phaizâwlah kal la, tah chuan ka bia ang che," a ti a Tichuan ka tho va, phaizawlah chuan ka kal ta a. .
3:23 Tin, ngai teh, tah chuan LALPA ropuina chu, ropuina, Kebar luia ka hmuh ang mai khan a lo ding a, kei chu bawk khupin ka tlu ta a.
3:24 Tichuan thlarau chu keimahah a lo lut a, ka kein mi din tîr a, mi bia a,"Kal la, i inah in khar khung rawh.
3:25 Nang zawng e mihring fapa, hruizenin an hling ang chia, an phuar ang che, an zingah i leng chhuak tawh lo vang.
3:26 I lei chu i dangah ka behtîr ang a, i tawng tawh lo vang a, anmahni zilhtu i ni tawh lo vang, helhmang chhung an ni si a
3:27 Mahsela i hnena thu ka sawi hunah chuan i kâ ka ântîr ang chia, an hnênah chuan Lalpa PATHIAN chuan heti hian a ti a ni:'A ngaithlain ngaithla sela, a ngaithla lovin ngaithla lo mai rawh se, helhmang chhûng an ni si a, a ti e," tiin i sawi tûr a ni,"
4:1 "Nang mihring fapa, leirawhchan phêk la la, i hmâah dah la, chumiah chuan khawpui lem ziak rawh .
4:2 A vêla hualin kulh siam hnan la, mual pawng siam hnan rawh, sipai riah bûkte siam hnan la, kulh sut chhiatnate a vêlin siam hnan rawh.
4:3 Tin, nangin thîr phêk la la, nangmah leh khawpui inkarah chuan thîrbang atân chhawng rawh; chu lam chu hmachhawn la, hualin a awm ang a, nangman i hual tûr a ni, Hei hi Israel chhûngte tân entîr lâwkna a ni ang.
4:4 Tin, nang chu veilam delhin mu la, i chungah Israel chhûngte khawlohna nghat rawh. An khawlohna tuarin ni 390 chhûng mu rawh.
4:5 Kum khat hrem an tuar aiah ni khat zel an tuar dawn a ni.
4:6 Chumi zawhah in let la, i dinglam delhin mu leh rawh, Juda chhûngte khawlohna chu ni sawmli i tuar leh tûr a ni, hrem an tuar tûr kumkhat zelah ni khat.
4:7 Bân hlîm têl tâwlin Jerusalem hual lam kha hawi la, A chung thu sawi chhuak rawh.
4:8 Tin, ngaiteh hruizenin ka hlîng che a, i hual nî i tling tlâk hma loh chuan khawilamah mah i hawi her tûr a ni lo ve.
4:9 Buh te, barli te, bê te, dailuah te buhtun te, vai buh tun te la la, bêl pakhatah dah la, chhangah siam rawh; i pangkhing delha i mut chhûng zawng, ni zathum leh sawmkaw chhûng chu, chu chu i ei tûr a ni.
4:10 I chaw ei tûr chu teh vek tûr a ni a, nikhatah sekel sawmhnih a ni tûr a ni: hunbi nei takin i ei tûr a ni.
4:11 Tin, tui te pawh teh vekin i in tûr a ni a, hin khat hmun ruka thena hmunkhat a ni tûr a ni, hun bi nei takin i in tûr a ni.
4:12 Tin, an mit hmuh ngeiah mihring ek roin i ur ang a, barli chhang eiin i ei tûr a ni,''a ti a.
4:13 Tin, LALPA chuan, "Hetiang chaw bawlhhlawh hi Israel fate chuan ka hnawh bona tûr hnamte zîngah chuan an ei ang," a ti a.
4:14 Tah chuan kei chuan, "A! LALPA PATHIAN, ngawi teh, ka nun chu tihbawlhlawh a ni ngai lo va, ka tleirawl tirh ata tun thleng pawhin, amaha thi emaw, ramsa sah emaw chu ka la ei ngai si lo va, sa tenawm ka kâah a lût ngai bawk hek lo," ka ti a.
4:15 Tah chuan a ni chuan ka hnênah,"Hei le, Mihring ek aiah bawngek ka pe chia, i eitûr chu heng hian i siam tûr a ni," a ti a.
4:16 Chu lo pawh chu ka hnênah, a ni chuan,"Mi hring fapa, ngai teh, Jerusalemah chuan, chaw, nunna bul chu ka tichhia ang a, an chaw chu teh vekin fimkhur takin an ei ang; Tui pawh teh vekin lunghnûr takin an in ang;
4:17 Chaw te, tui te an tlakchham a, an inlungtena, an khawlohna an rîral zawh nân.
5:1 "Tin, nang mihring fapa, khandaih hriam tak la la i lû leh i khabe hmul meh nan lu mêttu bakmeh chemah hmang rawh; tin, bûkna la la, sam chu then ang che.
5:2 Hmun thuma thena hmun khat chu huala a awm chhûng nîte a kim hunah chuan khawpui laia meiah i rawh tûr a ni a, hmun thuma thena hmun khat leh chu i la ang a, a vêlah khandaihin i satsawm tûr a ni; tin, hmun thuma thena hmun khat leh chu thli lên tûrin i theh darh tûr a ni a keiin khandaihin ka ûm zui ang.
5:3 Tin, tlêmte chu i la ang a, i kawrfual hmawrah i bawk tûr a ni.
5:4 Tin, hêng a mi hi i la ang a, meiah chuan i theh lût tûr a ni a, a kâng ang; chumi atang chuan Israel chhûngte zawng zawngah mei a lo chhuak ang," a ti a.
5:5 LALPA PATHIAN chuan heti hian a ti a ni:"Hei hi Jerusalem khua a ni: hnamte zîngah chuan ka dah a, a vêlah ramte a awm a.
5:6 Tin, hnamte aia nasa zawka suahsualna tiin ka thurêl chungah a hel a, a vêla ramte aia nasain ka dan siam chungah pawh a hel a ni, Ka thurêlte chu an paih thla si a, ka dan siam te ang pawhin an awm hek lo
5:7 Chuvangin LALPA Pathian chuan heti hian a ti a ni: i vêla hnamte aia buai hmang zawkin in awm a, ka dan siam angin in awm lohva, hnamte tâna ka thuruatte in tih hek loh avângin,
5:8 LALPA PATHIAN chuan heti hian a ti a ni: Ngai rawh u, kei meuh pawh hian ka dodal che u a ni, hnamte mithmuh ngeiin in zîngah rorêlna ka hlen dawn e;
5:9 tin, in tenawmna zawng zawngte avângin thil ka la tih ngai loh, tih pawh ka tih ngai tawh loh tûr chu i chungah ka ti dawn e.
5:10 Chutichuan paten i chhûngah an fate an ei ang a, fate pawhin an pate an ei ang; nangma mi la awmchhun zawng zawng chu ka tidarhsarh vek ang.
5:11 Chutichuan hei hi LALPA PATHIAN thu chhuak a ni: I bawlhlawhnate leh i tenawmnatein ka biakin i ti bawlhlawh avângin, a nuna ka nun chhûng chu, ka suat ang che u a, ka mitin a hmaih hlek lo vang che u a, ka khawngaih hlek lo vang che u.
5:12 Hmun thuma thena hmun khat chu hriin emaw, tamin emaw in zîngah an thi ang; hmun thuma thena hmun khat chu i vêlah khandaihin an thi ang; hmun thuma thena hmunkhat leh chu ka ti darhsarh vek ang a, khandaihin ka ûm zui ang.
5:13 Hetiang hian ka thinurna ka hlen ang a, an chungah ka thinrimna ka hrithla ang a, ka ngaih a tha tawh ang: tin, kei LALPA hian an chunga ka thinurna ka hrikthlak hunah chuan dichim takin ka sawi tawh tih an hre chhuak ang.
5:14 Chu lovah chuan, i vêla hnamte zîngah leh veivâk zawng zawngte mithmuhah chuan khaw ram leh hmuhsitawmah ka siam ang che.
5:15 Chutichuan, thinur tak leh thinrim êm êm a, nasa taka zilh a, i chunga thu rêlte ka hlen hunah i vêla hnamte mit hmuhah chuan cheksawlhna leh tihelna leh vaukhânna leh thil râpthlâk i ni ang.
5:16 Kei LALPA hian ka sawi tawh hi. An chungah tamna thal fâng tha lo tak, boralna tûr nangmahni boralna tûr chu ka rawn tlâktîr ang; in chungah tamna ka tizual ang a, in chaw, nunna bul chu ka tichhia ang,
5:17 Tin, in chungah tamna leh ramsa kawlhte ka rawntîr ang a, fanau chânin a siam ang che; tin hripui leh thisen chhuahna in zîngah a lêng ang; tin in chungah khandaih ka rawn lek ang, kei hian ka sawi tawh hi," tiin.
6:1 Tin, LALPA thu chu ka hnênah a lo thleng a,
6:2 "Mihring fapa, Israel tlâng lamte chu hawi la, an hnênah thu sawi la,
6:3 Israel tlângte u, LALPA PATHIAN thu hi ngaithla rawh u: LALPA PATHIAN chuan tlângte leh mualte hnênah leh ruamte leh kawrte hnênah chuan heti hian a ti a ni: ngai rawh u keimah ngei hian in chungah khandaih ka rawn lek ang a, in bawlhmunte chu ka tichhe vek dawn a ni.
6:4 In maichâmte chu a ram ang a, in ni pathian lemte chu a kehsawm ang: tin, in mi thah ruangte chu in milimte bulah ka paih ang.
6:5 Tin, Israel fate ruang chu an milim bulahte chuan ka dah ang a, in ruhte chu in maichâm vêlah chuan ka thehdarh ang.
6:6 In chênna hmun zawng zawngahte chuan khawpuite chu a chhia ang a, bâwl hmunte chu an ram ang, In maichâmte tihchhiat leh tihram a nih theih nân leh in milimte keh sawma, a bo theih nân leh in ni-pathian lemte chu râwt thlûka an awm theiha, in hnathawhte chu a boral theih nân.
6:7 Tin, mi thahte chu in zîngah an tlû ang a, tichuan LALPA ka ni tih in hria ang.
6:8 Amaherawhchu ram tina in darhsarh hunah chuan hnamte zînga khandaih pumpelhte an la awm dâwn avângin a then chu ka la zuah cheu vang.
6:9 Tin, in zîng ata chhuakte chuan sala an hruaina hnamte zîngah chuan mi hre reng ang a, an uirena thinlung ka lâk bo tawh leh an mit, an milim lama uirete chu ka tihchhiatsakziate an hria ang: tin, an tenawmnatea thil sual, anmahni hmuh ngeia an lo tih tâk thu-ahte chuan an inten tawh ang.
6:10 Tin, LALPA chu ka ni tih an hria ang a, hêng thil tha lo hi an hnênah ka ti dawn a athlawn maiin ka sawi lo tih an hria ang, tiin," a ti a.
6:11 Lalpa PATHIAN chuan heti hian a ti a:"I kut bêngin i ke per la, Ehei! Israel chhûngte tenawmna sual avânga maw! Khandaihin, tamin, hripuiin an tlu dawn si a.
6:12 Hla taka awm chu hripuiin an thi ang a a hnaia awm chu khandaihin an tlu ang a, a bâng huala awmte chu tamin an thi tho vang ; hetiang hian ka thinrimna nasa tak chu an chungah ka hri thla dawn a ni.
6:13 Tin, tlâng sângah te, tlâng chhîp zawng zawngahte leh thing hring apiang hnuaiah leh sasaw buk tin hnuaia an milimte hnêna rimtui an hlanna hmuna an maichâm vêla an milimte bula an mithi ruangte a awm hunah chuan kei hi LALPA ka ni tih an hria ang.
6:14 Tin, an chungah ka kut ka lek ang a, thlalêr atanga Diblah lama an chênna hmun zawng zawngah ram chu ka tiramin ka tichhia ang: Tichuan kei hi LALPA ka ni tih an hria ang," tiin.
7:1 LALPA thu chu ka hnênah a lo thleng leh a,
7:2 "Nang mihring fapa, LALPA PATHIAN chuan Israel ram hnênah chuan heti hian a ti a ni:'Tâwpna, tâwpna chu ram killiah a lo thleng e.
7:3 Tûn hi i tân tâwpna a ni, i chungah ka thinurna ka rawn thlen ang a, i awmdan ang zelin ro ka rel ang chia, i tenawmna zawng zawng chu i chungah ka rawn thlen ang.
7:4 Tin, ka mitin a hmaih lo vang chia, ka khawngaih hek lo vang che: i awmdânte chu i chungah ka rawn thlen zawk ang a, i tenawmnate chu i chungah a awm ang, tin, LALPA chu ka ni tih in hria ang,' tiin.
7:5 LALPA PATHIAN chuan heti hian a ti a: "Thil tha lo, thil tha lo takzet, ngai teh, a lo thleng e.
7:6 Tâwpna a lo thleng e, i chungah a lo tho ta, ngai rawh, a lo thleng e.
7:7 Aw ram luahtu i chhiatna tûr i chungah a lo thleng e, hun chu a lo thleng a, nî chu a hnai ta; buaina nî, lâwma tlâng chunga auna nî ni lo.
7:8 Tûnah hian ka thinrimna chu i chungah ka rawn leih thuai dawn e, i chungah ka thinurna chu ka hrithla ang; i awmdan ang zelin ro ka rêl ang che; i tenawmnate zawng zawng chu ka rawn thlen ang.
7:9 Tin, ka mitin a hmaih lo vang a, ka khawngaih hek lo vang: i awmdan ang zelin i chungah ka rawn thlen ang a, i tenawmna te pawh chu in zîngah a awm ang: tichuan kei LALPA hi hrem thei ka ni tih in hria ang.
7:10 Ngai rawh, nî chu, ngai rawh, a lo thleng e, i chhiatna tûr chu a chhuak ta, tiang chu a par ta, chapona chu a kuhmûm ta.
7:11 Pâwngnêkna chu suahsualna tiangah a chang ta a ni; tu-amah an awm tawh lo vang a,an thâwm emaw an hausakna emaw pawh: tumahin an ui hek lo vang.
7:12 Hun chu a lo thleng ta a, nî chu a lo hnai mêk e: leitu chu hlim suh sela, hralhtu chu lungngai hek suh se: thinurna chu an zavaia chungah a thleng si a.
7:13 Hralhtu chuan, la dam mah sela, a thil hralh chu a hmu leh tawh dawn si lo va; inlârna chu an zavaia chung thu tûr a ni si a, tumah an kir lo vang, tumah an nun khawlohnaah hian an nung khawchhuak hek lo vang.
7:14 Tâwtawrâwt chu an hâm a, engkim a inpeih tawh a; mahse indonaah chuan tumah an kal lo; ka thinurna chu an zavaia chungah a awm si a.
7:15 Pâwnah khandaih, a chhûngah hripui leh tam: rama awm chu khandaihin a thi ang a, khawpui a awm chu tam leh hripuiin a ei zo vang.
7:16 Amaherawh chu a tlân chhuakte chu, an chhuak na ang a, tlângahte chuan chul ram thuro ang maiin an awm ang; an vaiin khawhar takin, mahni khawlohna theuhvah.
7:17 Kut zawng zawngte chu a zawi ang a, khup zawng zawngte chu tui angin a nêm ang.
7:18 Saiip puan an fêng ang a, râpnain an mahni a tuam ang a, hmêl zawng zawngah zahna a lang ang a, an lu zawng zawng a kawng fai vek ang.
7:19 An tangkarua leh an rangkachakte chuan LALPA thinurna nîah chuan a chhanchhuak thei lo vang a, an nun a titlai lo vang a, an pum a ti puar hek lo vang, an khawlohna tlûkna a nih tawh thin avâng in.
7:20 An cheina mawina chuh an chapopui a, an tenawmna milemah leh an bawlhhlawhna thilah an chantîr chauh zawk a ni; chumi avâng chuan an tan thil tenawmah ka lo siam ta a ni.
7:21 Tin, râllâk atân hnamdang kutah ka pe ang a, leia mi suaksualte hnênah râllâk atân ka pe ang a, annin an lo tibawlhlawh ang.
7:22 Anmahni chu ka hawisan ang a, ka hmun serh chu an tibawlhlawh ang: Tin, rûkhmangte an lo lût ang a, an tibawlhlawh ang.
7:23 Khaidiat chu saim rawh u, ram chu thisen chhuah hmang rorêlnain a khat a, khawpui chu pâwngnêknain a khat si a.
7:24 Chuvângin hnamdang sual ber te ka rawn hruai lût ang a, an inte an neih sak ang; an chakna, an uanpui chu ka titawp ang a,an hmun serhte chu tihbawlhlawhin a awm ang.
7:25 Manganna a lo thleng ang a, muanna an zawng a a awm miah si lo.
7:26 Chhiatna chungah chhiat leh zualna, thu thang chungah thuthang a lo awm ang a, zâwlnei lakah inlârna an zawng ang a, mahse dante chu puithiam lakah a bo vang a, upate lakah thurawn a awm hek lo vang.
7:27 Lal chu a lungngai ang a, hotu chu beidawnna silhfenin a inthuam ang a, vantlang kutte pawh a khûr ang a, an hnênah chuan an awmdan athuin ka ti ang a, an thiltih ang zêlin ro ka rêl sak ang; tin, LALPA chu ka ni tih an hre tawh ang," a ti a.
8:1 Tin, kum rukna, thla rukna, chumi thla ni nga nîah chuan heti hi a ni a, ka ina ka thuta, Juda upate ka hmâa an thut lai chuan LALPA PATHIAN kut chu ka hnungah a lo awm a.
8:2 Tichuan, ka han en a, ngai teh, mi mei anga lang hi a lo awm a; a kâwnga chin thlanglam niawma lang chu mei a ni a, a kâwnga chin chunglam thihna zia ang, êng tak a ni,
8:3 Tin, kut ang hi a rawn zen chhuak a, ka chal samah mi man ta a, thlarau chuan lei leh van kârah mi chawi kang ta daih mai a, Pathian inlârnain Jerusalemah mi hruai a, Jerusalem hmârlam hung chhûngnung kawngka kharna bulah chuan mi thlen ta a; tah chuan thîkna lim thut hmun a awm a, chu chuan a thîktîr thin a.
8:4 Tin, ngai rawh, phaizawla ka hmuh ang zêl khân chutah chuan Israel pathian ropuina chu a awm.
8:5 Tichuan a ni chuan ka hnênah,"Mihring fapa,hmârlam hawiin i mit han len teh le," a ti a, Chitichuan hmârlam hawia ka mit ka han len chuan, ngai teh, hmârlam kawngka hmârlam luhnaah chuan he thîkna lim hi a lo awm a.
8:6 Tin, a ni chuan ka hnênah,"Mihring fapa an thiltih kha i hmu em? Israel chhûngten thil tenawm nasa tak,heta an tih ngei,ka in thianghlim ata hla tak a ka kal bo nân an tih kha? Mahse thildang tenawm zawmah i la hmu leh ang,"a ti a.
8:7 Tin, hung chhûng luhnaah chuan mi hruai a; tin, ka han en a, bangah hian âwng zuk lo awm a.
8:8 Tichuan, ka hnênah,"Mihring fapa bang kha han kher teh,' a ti a, Tin, ka han ker tâk chuan kawngkhâr a lo awm reng mai a.
8:9 Tin, a ni chuan ka hnênah,"Lût la, heta sual tenawm tak an tih hi en teh," a ti a.
8:10 Tichuan ka lût a, ka hmu a, ngai rawh thilnung chitin rêng lemte, ramsa tenawm lemte, Israel chhûngte milim zawng zawngte chu bangah chuan a vêlin a lo chuang a.
8:11 Tin, an hmâah chuan Israel chhûng upate zînga mi sawmsarihte chu an ding a, an laiah chuan Saphana fapa Jaazania a ding a, mitin chuan berhbu an keng theuh va; tin, rimtui khu rim chu a chho ta mup mup a.
8:12 Tichuan, ka hnênah,"Mihring fapa, Israel chhûng upate thim hnuai a thiltih chu i hmu em? Mitinin milim pindana an tih chu?'LALPA chuan mi hmu lo va, LALPA chuan ram chu a kalsan tawh a lawm,' an ti si a.
8:13 An thiltih tenawm nasa leh zual dang pawh i la hmu leh ang," ka hnênah chuan a ti bawk a.
8:14 Tichuan LALPA in hmâr lampang luhna kawngkhârah mi hruai a; tin, ngai teh, tah chuan hmeichhiate Tamuz ngaia tapin an thu a.
8:15 Tin, a ni chuan ka hnênah,"Aw mihring fapa, hei hi i hmu em? Hei aia tenawm nasa hi i la hmu ang," a ti a.
8:16 Tin, LALPA in hung chhûngnung zâwkah chuan mi hruai lût a, ngai teh, LALPA in thianghlim kawng kharah chuan hulhliap leh maichâm inkârah hian mi sawmhnih leh panga LALPA in thianghlim lam hnuchhawna, an hmaite khawchhak lam hawiin an lo awm a, khawchhak lama nî chu zuk lo bia a.
8:17 Tichuan, a ni chuan ka hnênah," Hei hi i hmu em?, aw mihring fapa, an thil tenawm tih, heta an tiha hi Juda chhûngte tân thil tenau em ni? Ram chu pâwngnêknain an tikhat a, mi tithinur leh ta nghal si a, an hnâr chu chhâwlin an hup a.
8:18 Chuvângin kei pawhin thinur takin ka ti dawn a ni: ka mitin a hmaih lo vang a, ka khawngaih hek lo vang; aw ring takin ka bengah lo au mah sela ka ngai thla lo vang," a ti a.
9:1 Tichuan ka beng hriatah chuan,"Khawpui en kawltute chu mitin tihboralna hriamhrei kengin lo hnai rawh se," tiin ringtakin a au va.
9:2 Tin, ngai rawh hmârlam kawngka chungnung kalna atang chuan mi paruk an lo kal a, mitinin tihhlumna hriamhrei chu an keng theuh va; tin, an laia mi pakhat puan zai sîn sin chuan lehkhatui bur a pai a. Tin, an lût ta a, dar maichâm bulah chuan an ding ta a.
9:3 Tin, Israelte Pathian ropuina chu a awmna cherub atang chuan chu in kawngka bulah chuan a chho va; tin, puanzai sin sin, lehkhatui bur paitu kha a au va.
9:4 Tin, LALPA chuan a hnênah,"Khawpui chu fang la, Jerusalemte chu fang chhuak rawh: a chhûnga thil tenawm tih tawhte avânga thawpika tap thînte chu an chalah chhinchhiah ang che," a ti a.
9:5 Tin, midangte hnênah chuan ka hriat ngei in,"A hnungah sâwn khawpui chu fang chhuak ula, kut thla rawh u, in mitin hmuh hmaih suh sela, khawngaih hek suh u.
9:6 Putar te, tlangvâl te, nula te, naupangte leh nute that fai vek rawh u, chhinchhiahna neite erawh chu rawn hnaih suh u; ka hmun thianghlimah tan rawh u," a ti a, Tichuan biakin kawta upahovah chuan an tan ta a.
9:7 Tin, a ni chuan ka hnênah,"In chu tibawrhbâng ula, a hung chhûngte chu miruangin tikhat ula: chhuak rawh u a ti a, Tin, an chhuak ta a, khawpuiah chuan an che ta a.
9:8 Tin, heti hi a ni a, khawpui an chêt lai chuan kei chu hnutchhiahin ka lo awm a, ka tlu bawkkhup a,"Aw LALPA PATHIAN, Jerusalem chunga i thinur leihbuakah hian Israel la awm chhunte pawh i ti boral vek dawn em ni?" tiin ka au va.
9:9 Tichuan a ni chuan ka hnênah,"Israel leh Juda chhûngte khawlohna chu a nasa êm a ni. Ram chu thisenin a khat a, khawpui chu hlem hle rorêlnain a khat a: 'LALPAN ram chu a kalsan tawh a, LALPAN engmah a hmu hlei nêm!' an ti si a.
9:10 Keipawh hian ka hmu hmaih lo vang a, ka khawngaih hek lo vang; an sual mawh chu a bûrin ka khumtîr ang," a ti a.
9:11 Tin, ngai teh, puan zâi sîn sina lehkhatui bûr pai khân thu chu a thlen a, "I thu mi pêk angin ka tizo ta," a ti a.
10:1 Tichuan ka han en a, ngai teh, cherub-ho lu chunga vân dum awmah khian sapphir lung ni awm tak, lal thutthleng ang taka lang hi a lo lang a.
10:2 Tin, a ni chuan puan zâi sîn sin hnênah khan, : Cherub hnuaia tawlailîr virte kârah sawn va lût la, cherub ho inkâra meivâm saw i kut khinghnih khat in va lâwk la, khawpui chungah thehdarh rawh," a ti a. Tin, ka mit hmuh lai ngeiin a kal ta a.
10:3 Tin, mi a luh lai khan, cherub-ho chu in pui dinglam pangah an ding a; tin, hung chhûngnung chu chhûmin a khat ta a.
10:4 Tin, LALPA ropuina chu cherub-ho atang chuan a chho va, biakin kawngka chungah chuan a han ding ta a, in chu chhûmin a khat a, hung chhûng chu LALPA ropuina êng chuan a khat ta a.
10:5 Tin, cherub-ho thlazâp ri te chu hung chhûng pawnta zâwkah te pawh chuan Pathian engkimtitheian mi a biak laia a aw ang maiin a hriat a.
10:6 Tin, heti hi a ni a, puan zai sîn sin hnêna,"cherub-ho inkara tawlailîr vir inkâr ata mei va la rawh," tia thu a pêk in, a ni chu a va lût a, tawlailîr ke bulah chuan a ding ta a.
10:7 Tin, cherub chuan, cherub-ho inkâr atang chuan, cherub-ho inkâra mei awm chu a han ban a, a la a, puan zai sîn sin kutah chuan a pe a, ani chuan a lo la a, a chhuak ta a.
10:8 Tin, cherub-ho chu an thla hnuaiah mihring kut ang mai hi a lo lang a.
10:9 Tin, ka han en a, ngai teh, cherub-ho sîrah chuan tawlailîr ke pali, cherub pakhat kiangah, tawlailîr ke pakhat, cherub dang kiangah tawlailîr dang ka hmu a; tin, tawlailîr ke landân chu Tarsis lung zia ang hi a ni a.
10:10 Tin, an lanziaah chuan an paliin ang khat an ni a tawlailîr ke pakhat chhûnga tawlailîr ke dang awm ang mai hi a ni a.
10:11 An kal chuan sîr liah an kal thei a, An kal pawhin an her ngai lo; amaherawhchu a hmasa hawi lam apiang an zui a ni, an kalin an her chuang lo.
10:12 Tin, an taksa pum chu an hnungte, an kutte, an thlate leh tawlailîr kête pawh kha a vêlin mitin a khat a, an palia tawlailîr kete pawh kha.
10:13 A tawlailîr kete kha chu ka beng hriat ngeiah, "tawlailîr ke vir' tih a ni.
10:14 Tin, mittinin hmêl pali theuh an nei a, hmêl pakhat chu cherub hmêl a ni a, pahnihna chu mihring hmêl a ni a, pathumna chu sakeibaknei hmêl, palina chu mupui hmêl a ni a.
10:15 Tin, cherub-ho chu an chho ta a;hei hi Kebar lui kama thilnung ka hmuh chu a ni.
10:16 Tin, cherub-ho an kal chuan tawlailîr kete chu an kiangah a kal ve a; tin, cherub-ho khan lei ata chho tûr a an thlate an zâr chuan tawlailîr kête chuan a hransan ngai lo va.
10:17 An din chuan hêngte hi an ding ve a, An chhoh chuan hêngte hi an chho ve thîn a, thilnung thlarau chu anmahniah a awm si a.
10:18 Tin, LALPA ropuina chu in pui kawngka chung atang chuan a chhuak a, cherub-ho chungah chuan a ding ta a.
10:19 Tin, cherub-ho chuanan thla an zar a, an chhuahin ka mithmuh ngeiah lei ata an chho va; tawlailîr kête chu an kiangah a awm zel a: tin, LALPA in luhna chhaklam kawngkhâr bulah chuan an ding ta a; Israel Pathian ropuina chu an chungah a awm a.
10:20 Hei hi Kebar luia Israel Pathian hnuaia ka thilnung hmuh chu a ni; cherub-ho an ni tih ka hria.
10:21 Mittinin hmêl hrang pali leh thla pali an nei theuh va, an thla hnuaiah chuan mihring kut ang mai hi a awm a.
10:22 Tin, an hmêl lam thu-ah chuan Kebar luia ka hmuh hmêlte ang bawk kha, an landan leh anmahni ngeite pawh an ni a; tin, an hmazâwng zêlin an kal theuh va.
11:1 Tin, thlarauvin mi chawikânga, LALPA in chhaklam luhna, khawchhak chhawngah chuan mi thlen a: tin, ngai teh, luhna kawngkhâr bulah chuan mi sawmhnih leh panga an lo awm a; an zîngah chuan Azura fapa Jaazania leh Benaia fapa Paltia, mipui hotute chu, ka hmu a.
11:2 Tin, a ni chuan ka hnênah, "Mihring fapa, heng hi khawlohna phiar chhuak tute an ni a, he khawpuiah hian sual rawtchhuaktute an ni;
11:3 In sak hun a la ni lo ve; he khawpui hi saso bêl a ni a, keini hi a sa chu kan ni,' titute chu.
11:4 Chuvângin thu sawi la, Aw mihring fapa, an chungah thu sawi rawh," a ti a
11:5 Tin, LALPA thlarau chu kan chungah a lo thleng a, ani chuan ka hnênah,"Sawi rawh, LALPA chuan heti hian a ti e:'Hetiangin in ti thin a, Aw Israel chhûngte u, in rilrua thil lo thlengte chu ka hre fai vek si a.
11:6 He khawpuiah hian in thlahte chu in tipung tulh tulh a, a kawtthlêrte chu in mi thahin in ti khat ta a.
11:7 Chuvângin LALPA PATHIAN chuan heti hian a ti a ni: I mi thah, a laia in dahte chu a sa chu a ni a; he khawpui hi a saso bêl chu a ni, mahse a lai ata sawn chhuahin in awm ang.
11:8 Khandaih chu in hlau va, in chungah khandaih ka rawn thlen ang, LALPA PATHIAN chuan a ti a ni:
11:9 A lai ata ka tichhuak ang che u a, hnamdangte kutah ka mantîr ang che u a, in chung thu an rêl ang.
11:10 Khandaihin in thi ang a, Israel ramri lamah chuan in chungthu ka rêl ang; Tichuan kei hi LALPA chu ka ni tih in hre tawh ang.
11:11 He khawpui hi in saso bel a ni lo vang a, nangni lah a chhûnga sa in ni hek lo vang; Israel ramri lamah chuan in chungthu ka rêl ang a,
11:12 LALPA chu ka ni tih in hre tawh ang; ka dân siam chu in zawh lo va, ka thu chhuak pawh in zâwm hek lo; in vêla hnamte tihdân chu in zâwm ta zâwk a,'a ti e," tiin.
11:13 Tin, heti hi a ni a, thu ka han sawi chuan Benaia fapa Palatia chu a lo thi ta mai a. Tichuan ka tlu bawkkhup a, aw ring takin ka au va,"A, LALPA PATHIAN! Israel awm chhunte chimihna i siam dawn em ni?" ka ti a.
11:14 Tin, LALPA thu chu ka hnênah a lo thleng a,
11:15 "Mihring fapa, i unaute, i chi i kuangte ngei leh Israel chhûngte zawng zawng an zain, Jerusalem luahtuten'LALPA lak ata kal daih rawh u, he ram hi kan ta tûra pêk a ni tawh e,' an tihate kha an ni a.
11:16 Chuvângin LALPA PATHIAN chuan heti hian a ti a ni: Hla takah hnamte zîngah ka sawn bo va, ram tam takah ka tidarh na a, rei lote chhûngin an lo thlen na ramah chuan an tân hmun thianghlim ka ni ang, a ti a.
11:17 Chuvângin LALPA chuan heti hian a ti a ni: Hnamdangte lak ata chu ka hruai khâwm leh ang che u a, Israel ram chu ka pe ang che u.
11:18 Tin, chutah chuan an lo kal ang a, thil bawlhhlawh zawng zawng leh thil tenawm zawng zawngte chuta ta chu an la bo vang.
11:19 Tin, thinlung hmunkhat ka siamsak ang che u a, rilru thar ka pe ang che u. Tin, an tisa ata thinlung sak chu ka la bo vang a, thinlung nêm an hnênah ka pe ang;
11:20 ka dân siamte an zawma, ka thuruatte an vawna, an tih theih nân. Tichuan ka mite an ni ang a, kei pawh an pathian ka ni ang.
11:21 An bawlhhlawhna leh an tenawmna rilmu thinlunga la zawmte erawh chu an sual mawh chu a bûrin ka khumtîr ang," LALPAN a ti.
11:22 Tichuan cherub-ho chuan an thlate an zar a, an kiangah chuan tawlailîr kête a awm a; tin, Israelte Pathian ropuina chu an chungah a awm a.
11:23 Tin, LALPA ropuina chu khawpui lai atangin a chho va, khawpui chhak lampanga tlâng sângah chuan a han ding ta a.
11:24 Tin, thlarau chuan mi chawikâng ta a, inlârnaah chuan Pathian thlarauvin Kaldai ram a sal tângte hnênah chuan mi thlen a. Chutichuan ka inlârna hmuh chuan mi chhohsan ta a.
11:25 Tichuan sal tangteho hnênah chuan LALPA thil mi entîr zawng zawng chu ka sawi ta a.
12:1 LALPA thu chu ka hnênah a lo thleng leh a,
12:2 "Mihring fapa, helhmang chhûng, hmuhna tûr mit neia hmu si lo, hriatna tûr beng neia hre si lo zîngah i awm a ni, helhmang chhûng an ni reng si a.
12:3 Chuvângin nang mihring fapa, sal tânnaa kal tûr angin i bungruate têl fel la, chhûn êngah an mit hmuh ngeiah kal chhuak rawh; an hmuh ngeiah i hmun ata hmun dangah i kal chhuak tûr a ni: helhmang chhûng an ni na a, an inngaihtuah phah mahna.
12:4 Tin, i bungrua chu chhûn êngah an mithmuh ngeiah sal tang kal tûr bungraw lâkin i la chhuak ang a, nangmah ngei pawh an mit hmuhah ram danga thawn bo tûr kalin i kal tûr a ni.
12:5 An mithmuh ngeiah kulh bang chu tipawp la, tah chuan la chhuak rawh.
12:6 An mithmuh ngeiah i kovah i pu ang a, thimah i kal chhuak tûr a ni; lei i hmuh loh nân i hmai i khuh tûr a ni; Israel chhûngte tân entîr lâwknaah ka siam che a ni si a," a ti a.
12:7 Tin, thu mi pêk ang chuan ka ti ta a; ka bungrua chu sal tâng tûr bungrua angin chhûn êngah ka la chhuak a, ka kutin bang chu tlaiah ka tipawp a, thimah ka la chhuak a, an mithmuh ngeiah ka pu a.
12:8 Tin, zîngah chuan LALPA thu ka hnênah a lo thleng a,
12:9 "Mihring fapa, Israel chhûng, helhmang chhûngte chuan i hnênah, 'Engnge i tih le?' an ti che a ni lo vem ni?
12:10 An hnênah chuan LALPA PATHIAN chuan heti hian a ti: he thu puan hi Jerusalem hotute leh Israel chhûngkaw pumpui, an awmna mite chung thu tûr a ni.
12:11 In tân entîr lâwkna ka nih hi, ka tih ang tak hian an chungah tih a ni ang; thawn bovin, saltâng tûrin an kal ang, ti rawh.
12:12 Tin, an zînga hotu awm chuan thim hnuaiah a kovin a pu ang a, a kal chhuak ang: an lâk chhuah nân bang chu an titlang ang a, a mitin ram chu a hmuh tawh loh avângin a hmai a khuh tûr a ni.
12:13 Amah chu ka lênin ka khuh ang a, ka thanga âwk a ni ang: Kaldai rama Babulon-ah chuan ka rawn hruai ang a, tah chuan a thi dawn na a, hmuh chu a hmu lo vang.
12:14 Amah pui tûra a kianga awm thinte leh a vêngtute zawng zawng ram tinah ka tidarh ang a, khandaih phawiin ka ûm ang.
12:15 Tin, hnamte zînga ka hnawh darh a, ram tina ka tihdarh hunah chuan LALPA chu ka ni tih an hria ang.
12:16 Amaherawhchu khandaih te, tam te, hripui te lakah chuan mi tlêm tê ka zuah ang; chûngte chuan an lo kalna rama hnamte hnênah chuan an tenawmna zawng zawng chu an puan nân; tin, kei LALPA chu ka ni tih an hria ang," a ti a.
12:17 Tin, LALPA thu chu ka hnênah a lo thleng leh a,
12:18 "Mihring fapa, i chaw chu khûr hlawk hlawk chungin ei la, i tui chu manganga khûr chungin in rawh;
12:19 tin, rama mite hnênah chuan, LALPA PATHIAN chuan Jerusalema chêngte
12:20 Tin, mi chênna khawpuite chu a tiau vang a, a ram chu tihramin a awm ang a, tichuan LALPA chu ka ni tih an hria ang" tiin sawi rawh," a ti a.
12:21 Tin, LALPA thu chu ka hnênah a lo thleng a,
12:22 "Mihring fapa, Israel rama he thufing tawi in neih hi eng tih na nge ni?'Nî khua a lo reiin inlârna apiang a thlâwn leh mai thin' in tih hi.
12:23 Chuvângin LALPA PATHIAN chuan heti hian a ti a ni: he thufing tawi hi ka ti bâng a, Israel ramah thufing tawiah an hmang tawh ngai lo vang; nî chu a hnai tawh a, inlârna tin, thlen dik nî tûr chu, tiin an hnênah sawi zâwk rawh.
12:24 Israel chhûngte zîngah inlârna lo-thlawn rêng rêng leh thumvawr tha lama sawisak derna rêng rêng a awm tawh lo vang.
12:25 LALPA chu ka ni si a, ka sawi ang a, ka thusawi chu hlen nghal a ni ang a, khêk a ni lo vang. Aw helhmang chhûngte u, in dam lai ngei hian thu ka sawi dawn a, ka tihlen dawn si a, tih hi LALPA thu chhuak a ni," a ti a.
12:26 LALPA thu chu ka hnênah a lo thleng leh a,
12:27 "Mihring fapa, ngai rawh, Israel chhûngtea mi chuan,'Inlârnaa hmuhte chu nakina mi tûr an ni a, a sawi lawkte pawh hla taka mi tûr an ni,' an ti a ni.
12:28 Chuvângin an hnênah chuan, LALPA PATHIAN chuan heti hian a ti a ni:'Ka thu engmah hi khêk a ni lo vang a, ka thusawi apiang chu hlenin a awm zêl zâwk ang,' tih hi LALPA PATHIAN thu chhuak a ni tiin hrilh rawh," a ti a
13:1 Tin, LALPA thu chu ka hnênah a lo thleng leh a,
13:2 "Mihring fapa, Israel zâwlnei, mahni thinlung mai ata sawi hmangte chungah chuan thu sawi la, LALPA thu chu ngai rawh u,
13:3 LALPA PATHIAN chuan heti hian a ti a ni: Zâwlnei â, mahni ngaihdan zuia, engmah hmu si lote chu an chung a pik e!
13:4 Aw Israel, i zâwlneite chu khawram sihal ang chauh an ni ta.
13:5 LALPA nîa indonaa ding zo tûrin a râlti lai in tâwn ngam lo va, Israel chhûngte humhalhnaah in tangkai hek lo.
13:6 LALPA thuchhuak a ni ti tu chuan engmah lo mai leh sawi lâwkna lem mai an chang a, LALPA tirh an ni lo rêng rêng a ni; an thu chu ni ngei tûr angin mite an rintîr a.
13:7 Inlârna lo-thlawn mai in hmuhin thusawi lawk diklo in sawi a ni lâwm ni? LALPA thu chhuak a ni, in la ti leh nghal si a,kei chuan ka sawi tawp si lo va.
13:8 Chuvângin LALPA PATHIAN chuan heti hian a ti a ni: engmah lo mai in sawi a dawtmai in hmuh avângin, ngai rawh u, ka dodal che u a ni tih hi LALPA thuchhuak a ni.
13:9 Tin, ka kut hian engmah lo hmutute leh dâwt sawi lâwktute a dodal ang a, ka mite inrawn khawmnaah an tel lo vang a, Israel chhûngte hming ziakin an awm hek lo vang; tichuan LALPA PATHIAN chu ka ni tih in hria ang.
13:10 Muanna awm si lova,'A muanawm e' tia ka mite an hruai bo avâng leh mi bang siama hawlrivâp an hnawih mai avângin,
13:11 hawlrivâp hnawihtute hnênah chuan'A tla leh mai ang, ruahpui a lo sûr ang a, nangni rial lianpui te u, in lo tla ang a, thli nasa takin a tichhia ang,' ti rawh.
13:12 Tin, ngai rawh u, bang chu a chim hnu chuan,'In hawlrivâp hnawih chu khawiah nge?' an ti dawn lo che u em ni?
13:13 Chuvângin LALPA PATHIAN chuan heti hian a ti a ni: ka thinurin thlipui nasa takin ka tichhe vek ang, ka thinurin ruahpui a lo sûr ang a, ka thinurin rial nasa tak tiral tûrin a lo tla ang.
13:14 Tichuan hawlrivâp in hnawih var bang kha ka tichim ang a, lei thlengin a sawp ang a, chutichuan a lungphûmte pawh a lang hial ang: tin, a chim ang a, bang chimah chuan ithboralin in awm ang; tichuan LALPA ka ni tih in hria ang.
13:15 Hetiang hian bang chungah leh hawlrivâp hnawihtute chungah ka thinur ka hrithla ang; tin,'Bang chu a awm tawh lo va, a bel tute pawh an awm tawh hek lo,' ka la ti ang che u.
13:16 Chu chu Israel zawl nei Jerusalem chung thu sawia, muanna awm si lova muanna hmuhsaktute ngei kha, an awm ta lo, tih hi LALPA PATHIAN thu chhuak a ni.
13:17 Tin, nang mihring fapa, i mite fanute, an thinlung maia sawitute chu hmachhawn la, anmahni kalhin thu sawi rawh,
13:18 LALPA PATHIAN chuan heti hian a ti a ni: hmeichhia, mite bâna thil buntîr leh mi nunnate man beh nâna milian mite lu khuhna thuitute chu an chung a pik e! Mahni nunna tûrin ka mite nunna in man ang maw?
13:19 Barli tlêmte leh chhâng tlêm hmu tûra thi lo tûr ti thi tûr leh nung lo tûr tinung tûr in in dawt sawi ka miten an awih avângin ka mite zîngah ka hming in tibawrhbang a ni.
13:20 Chuvangin LALPA PATHIAN chuan heti hhian a ti a ni: Ngai rawh u, mi nunna, sava anga man tûra in thil buntîrte chu ka hua a ni; in bânte chu ka pawt chhum vek ang a, in mi man tûrate nunna chu ka chhuah vek ang; sava anga in man tûrate nuna ngei chu.
13:21 In lu khuhnate pawh chu ka pawtthlêr ang a, ka mite chu in kut ata ka chhuah ang a, in man theih tûrin in kutah an awm tawh lo vang; tichuan LALPA chu ka ni tih in hria ang.
13:22 Keia tih lungngaih ni lova, mifelte thinlung dawtin in tihnat avâng leh mi suaksual chu nungdama a awmna tûra a sualna kawng ata lamlêt lohna tûrin mi suaksual kutte chu i ti chak a,
13:23 Chuvângin engmah lo mai, thu sawi lawk dik lo emaw chu in hmu tawh rêng rêng lo vang; tin, ka mite chu in kut ata ka chhan chhuak ang a, LALPA chu ka ni tih in hria ang, a ti,' tiin sawi rawh," a ti a.
14:1 Tichuan Israel upa thenkhatte chu ka hnênah an lo kal a, ka hmaah an thu a.
14:2 Tin, LALPA thu chu ka hnênah a lo thleng ta a,
14:3 "Mihring fapa hêng mite hian an milemte chu an thinlungah an la lût a, an hmâah an khawlohna tlûkna chu an dah a ni; kei mi rawn tûr an ni teh rêng em ni?
14:4 Chuvângin anmahni bia la, LALPA PATHIAN chuan heti hian a ti a ni:'Israel chhûngkuaa mitin an thinlunga an milim la lût a, an hmâa an khawlohna tlûkna dah a, zâwlnei hnêna lo kal apiang kei LALPA hian an milim tamzia ang zêlin ka chhâng ang;
14:5 Israel chhûngte chu an milim avânga min lo hransan tâk avângin an thinlung takah ka man theih nân
14:6 Chuvangin Israel chhûngte hnênah chuan, LALPA PATHIAN chuan heti hian a ti a ni: a Lo kîr ula, in milimte lakah chuan lo kîr ula, in tenawmna zawng zawng chu hawisan rawh u.
14:7 Israel chhûng zinga mi tu pawh emaw, mikhual Israel rama cheng ve emaw, ka laka intihranga, an thinlunga milim la lûta, an hmâa khawlohna dah chunga, an chungchânga mi rawn tûra zâwlnei hnêna kal chu kei LALPA ngei hian ka chhâng mai ang.
14:8 Chumi chu ka hma chhawn ang a, mi mak tih atân kumkhaw tlaitluana hrilhfâk tûrin ka mite zîng ata ka ti bo daih ang; tichuan kei hi LALPA chu ka ni tih in hria ang.
14:9 Tin, zâwlnei chuan buma awmin thu sawi sela, kei LALPA hian zâwlnei chu ka bum a ni a, a chungah ka kut ka lek ang a, ka mi Israelte zîng ata ka tiboaral ang.
14:10 Tin, an khawlohna chu an phur ang: zâwlnei khawlohna chu amah rawntute khawlohna ang mai a ni ang;
14:11 Israel chhûngte chu ka laka an bo tawh lohva, an bawhchhiatna te zawng zawnga an intihbawlhhlawh tawh loh nân, ka mite an nih tawh zawka an pathian ka nih theih nân, LALPA PATHIAN chuan a ti a ni,' tiin sawi rawh," a ti a.
14:12 Tin, LALPA thu chu ka hnênah a lo thleng a,
14:13 "Mihring fapa, ram miten bawhchhiatna thil tia, ka chunga thil tisuala, keiin ka kut ka lek a, an chaw, nunna bul chu ka tihchhiata, an chunga tam ka tlentîra, mi leh sa te ka rawn tih bo chuan,
14:14 heng mi pathum, Nova, Daniela leh Joba te meuh pawh hi lo awm ta ang sela, an falnain anmahni nunna chauh an chhanhim tûr a ni, tih hi LALPA Pathian thu chhuak a ni.
14:15 Ramsa kawlhte an ram ka fan chhuahtîra, ram chu an tihchhiat a, a lo tiauva, ramsa avânga tumah kal tlâng tûr an awm loh chuan,
14:16 hêng mi pathumte hi awm mah sela, a nuna ka nun chhûng chu, tih hi LALPA Pathian thu chhuak a ni, an fanute, an fapate an chhanhim chuang lo vang; anmahni chauh chu chhanhimin an awm ang a, ram chu a tiau tho vang.
14:17 A nih leh, chu ramah chuan khandaih ka rawn leka,'Khandaih, che rawh,' ka tih chuan mi leh sa chu ka râwt bo a ni ang a,
14:18 hêng mi pathumte hi awm mah sela, a nuna ka nun chhûng chu, tih hi LALPA PATHIAN thu chhuak a ni a, an fanute, an fapate an chhanhim chuang lo vang a, anmahni nunna chauh chhanhimin a awm ang.
14:19 A nih leh, chu ramah chuan, hripui ka rawn lentîr a, mi leh sa tibo tûra, thisen chhuaha ka thinurna chu ram chunga ka rawn leih chuan,
14:20 Nova, Daniela leh Joba te meuh pawh hi lo awm mah sela, a nuna ka nun chhûng chu, tih hi LALPA pathian thu chhuak a ni, an fanu emaw, an fapa emaw an chhanhim lo vang a, an felnain anmahni nunna ngei an chhanhim chauh vang.
14:21 LALPA PATHIAN chuan heti hian a ti si a: Jerusalem chunga ka rorêlna na tak pali, khandaih te, tam te, ramsa kawlhte, hripui te, mi leh sa râwt bo vek tûra ka rawn thlen kim hunah chuan eng tia nasa tak ni ang maw?
14:22 Amaherawhchu, ngai teh, chutah chuan awm chhun hruai chhuah tûr te chu hnutchhiahin an awm ang a, fanute leh fapate pawh: ngai teh u, in hnênah an lo chhuak ang a, an awmdan leh an thil tih in hmu ang a, tin, Jerusalem chunga thil tha lo ka rawn thlen thuah chuan thlamuanin in awm ang a, a chunga ka rawh thlen tak zawng zawng thuah pawh.
14:23 An awm dân leh an thiltihte i hmuh hunah chuan an thlamuan ang che u; a chunga ka thiltih tâk zawng zawng chu tih chhan nei lovin ka ti lo tih in hria ang' tih hi LALPA PATHIAN thu chhuak a ni," tiin.
15:1 Tin, LALPA thu chu ka hnênah a lo thleng a,
15:2 "Mihring fapa ngaw hnuaia thing zînga grêp hrui chu Thingdang aiin eng nge a nih le?
15:3 A thing thil siam nâna hman a ni êm? Bungbêl tar nan pawh tu in nge hmang ngai le?
15:4 Ngai rawh meiah paih luh a ni thin a, fawhkaia'n Meiin a kâng ral a, a hmawr tuakah, A kang zo mai thin, a laiah chuan, A nei reng êm ni? tangkaina?
15:5 Ngai teh, atangkai lo, a him lai mahin A va tangkai dawn lo ve, a kan hnuin
15:6 Chuvangin LALPA PATHIAN chuan heti'n a ti: Ramhnuai thing zînga grêp hruite, Fawhkai atân meiah ka tuah mai ang chuan, Jerusalem luahtute chu ka siam ang.
15:7 Anmahni chu ka hmachhawn ang a, Chhuak teh mah sela, mei ata chu, A kang zo tho ang e, meiah chuan. LALPA chu ka ni tih an hria ang, Anmahni ka hmachhawn hunah chuan.
15:8 Ka titiau ngei dawn e, an ram chu, Khawlohna an tih tak avângin, Tih hi LALPA thu chhuak a ni e," tiin.
16:1 LALPA thu chu ka hnênah a lo thleng leh a,
16:2 "Mihring fapa, Jerusalem chu a tenawmnate hriatchhuahtîr la, a hnênah,
16:3 "LALPA PATHIAN chuan Jerusalem hnênah chun heti hian a ti a ni: I chhuahna ram leh i pianna ram chu Kanan mite ram a ni a, i pa chu Amor mi a ni a, i nu chu Hit mi a ni.
16:4 Tin, i pianna thuah chuan i pian ni in i lai hruiah a ni lo va, tifai tûr chein tuia bual i ni hek lo.
16:5 Lainat tûr che a i chunga heng hi ti tûrin tu mit mahin a khawngaih lo che a: tâmlakah paih chhuah i ni ta zawk a, i pian nî ata kha lungten i ni si a.
16:6 Tin, i kianga ka lo kalin thisena talin ka hmu chia, a ni ka ti che a ni; thisenah awm mah la nung rawh.
16:7 Ram thil kuhmûm angin ka ti thang lian chia, tin, i thang lian a, khua i mawi ta a; i hnute a lo um a, i sam a lo tha a; ruak leh saruak mai i la ni tho va,
16:8 Tin, i kianga ka lo kala ka en chein, ngaih la tham i lo ni ta a, ka puan ka zawn chia, ka saruak chu ka khuh tawh a che: a ni, i hnênah chhia ka chham a, thuthlungah ka luh pui ta chia, ka ta i ni ta e, tih hi LALPA PATHIAN thu chhuak a ni.
16:9 Tichuan tuiin ka bual tawh chia, a ni, i thisen chu ka silfai sak var chia, hriak ka hnawih ta che a ni.
16:10 Puan cheiin ka thuam chia, savun tha mi pheikhawk ka buntîr chia, puan zai sînin ka tuam chia, maimaw puan ka khumtîr che a ni.
16:11 Cheimawinain ka chei chia, i kutah banbun te, i nghawngah rangkachak khaidiat te,
16:12 i hnarah hnar vuah te, i bengah bengbehte, i lu-ah lallukhum mawi tak tein ka chei chia.
16:13 Tichuan rangkachak leh tangkarua cheimawi i ni ta a, i silhfen chu puan zai sin tak leh maimaw puan leh puan thui mawi a ni a; i ei chu chhangphut dip leh khawizû leh hriak a ni, i mawi êm mai, lalnu pawh i tling ta.
16:14 I mawina hnamte zîngah a thang chhuak a, ka ropuinaa thuamin i famkim ta, tih hi LALPA PATHIAN thu chhuak a ni.
16:15 Mahse mawina chu i ring lutuk a, i hmingthanna chu i hur phah a, mi veivâk na zawng hnênah i hurna chu i tlângphal a, a tuapawh.
16:16 I silhfente hlîpin bawlhmunte i cheimawi a, tah chuan i phalrai a, hetiang hian a awm leh tawh ngai lo vang.
16:17 Ka rangkachak leh tangkaraw bungbêl mawi tak tak ka pêk che kha i la a, mipa lem siam nân i hmang a, i hurpui ta.
16:18 I silhfen thuimawite chu i la a, anmahni i tuam a, ka hriak te leh ka rimtuite chu an hmâah i hûng a.
16:19 Ka chhâng pêk che pawh kha chhangphut tha leh hriak leh khawizu ka chawmna Thin te che kha rimtui atân an hmâah i hlui a; heti hi a lo ni ta a, tih hi LALPA PATHIAN thu chhuak a ni.
16:20 Chu lovah pawh i fanu, i fapa, mi hrinsakte chu an hnênah in thawi nâna hmanral atân i pe a: i hurna hi thil namên a ni êm ni?
16:21 Ka fate i that a, meipuia paih lutin an hnêna i hlan te hi?
16:22 I tenawmna leh i hurna zawng zawngah chuan i naupan laia saruaka i awm leh i thisen i tâl mai mai lai te kha i hre ta lo va.
16:23 Tin, hêng i suahsualna zawng zawng hnuah pawh, heti hi a lo ni a, (i chung a pik e! a pik e! LALPA PATHIAN chuan a ti a ni)
16:24 hmun langsarte i in siam a, kawtthlêr tinah hmun sângte chu i tan i sa a.
16:25 Kawtthlêr lu apiangah hmun langsarte chu i sa a, i mawina chu i tenawmnaah i siam a, veivak apiang hnênah i hlim lang a, i hurna chu a zual thin a ni.
16:26 Aigupta mi, i thenawm, mi rawva tak mai nên chuan in ngaihna sual i ti ta bawk a; mi tithinur tûrin i hurna chu a ti zual ta a ni.
16:27 Chuvangin ngai rawh, i chungah ka kut ka lek a, i chaw pangngai chu ka tikiam a, nangmah hawtu Philistia fanu, i hur dan zahpui êm êm thin tu hnênah chuan duh duha a tihah ka pe tawh che a.
16:28 Assuria mite hnênah pawh i hur bo va, tawk tih lem nei hek lo che; a ni, an hnênah i in phalrai a, i la kham chuang hek lo.
16:29 Kanan ramah, Kaldai mite hnêna i hurna i latizual ta cheu va, i la kham chuang lo fo.
16:30 I thinlung chu a khawlo ta mang e-i chetziaah hmeichhe luhlul sual tak mai thil i ti a, tih hi LALPA PATHIAN thu chhuak a ni.
16:31 Kawtthlêr lu apianga chânna bûk i siamah te, kawtthlêr tina hmun langsâr i siamah te hian hlawh i ûm loh avângin nawhchizuar mai pawh i ni lo ve.
16:32 Nupui uirê, pasal te aia mi hrante duh zâwktu nu!
16:33 Nawhchizuar hnênah chuan thil an pe thin a, nang erawh chuan i pe zawk thin-a duhtu che ter hnênah, ram tin, ata an lo kal a, an mutpui theih nân che i tlawn zawk thin a ni.
16:34 Tin, i hur thua tuman an pan lo che hi mi nangmahin a man i pe zawk a, tumahin man an pêk loh che hi mi hur dang laka i lamdanna chu a ni; nangmahin a man i pe zawk a, tumahin man an pêk loh che hi i danglamna chu a ni.
16:35 "Chuvângin aw mi hur nu, LALPA thu chu ngai rawh:
16:36 LALPA PATHIAN chuan heti hian a ti a ni: I tenawmna leih chhuah a niha, i ngaihte nên in inpawlna lama i saruakna thilhlan anih avâng leh an hnêna i pêk i fate thisen avângin,
16:37 Ngai rawh, nangmah ngaitu i nuamtawlpuite zawng zawng leh i lo ngaih tak zawng zawngte leh i huatzâwng zawngte chu ka ko khâwm ang a, ni, i vêlah ka hruai khâwm ang a, i saruakna zawng zawng an hmuh theih nan an hnênah i saruakna chu ka ti lang ang.
16:38 Tin, hmeichhia pasal thena, mahni fa thisen chhuah chungthu an rel angin i chung thu chu ka rel ang che; thinurna leh thîkna chu i chungah ka rawn thlen ang.
16:39 An kutah ka pe ang chia, i hmun langsarte chu an titlu ang a, i hmun sângte chu an tisawp ang; i silhfente an hlip ang a, i lunghlute an chhuhsak ang chia, saruak leh ruakin an hluihlawn ang che.
16:40 I chungah tlâng an pun ang a, lungin an deng ang chia, khandaihin an chiu tlâng ang che.
16:41 I in te chu meiin an hal ang a, hmeichhe tam tak mithmuhah i chungah rorêlna an hlen ang; i hur hi ka tireh ang a, hlawh pawh i phal tawh lo vang.
16:42 Tichuan ka thinurna i chungah ka hrithla zo vang a, ka thîkna che chu a reh tawh ang a, ka ngawi hle hle ang a, ka thinur tawh ngai lo vang.
16:43 I tleirawl lai nite chu i hriat reng lohva, heng thilah te hian mi tihvui tak zawk avângin ngai rawh, i chetzia ang ang, i chungah ka thlen ang, tih hi LALPA PATHIAN thu chhuak a ni: tin, i tenawmna zawng zawng belhchhahin he hurna hi i ti tawh lo vang.
16:44 "Ngai rawh, thufing tawi hmang apiangin he thufing tawi hi an hmang ang,' A fanuin a nu a chhun' tih hi.
16:45 I nu, mahni pasal leh fate lungtentu fanu kha i ni a, inlaizawnna lamah chuan, mahni pasal leh fate lungtentu laizawn i ni: i nu lah Hit mi a ni a, i pa lah Amor mi a ni.
16:46 Tin, i laizawn, i u chu samaria, i veilama cheng thin kha amah leh a fanute nên an ni; i laizawn, i nau lah chu, i dinglama cheng thin kha Sadom leh a fanute an ni.
16:47 Mahse anmahni awmdan chu i zawh lo va, an tenawmna ang i ti lo na a, i awmdan zawng zawnga i khawloh zawk zia ngaihtuahin chung chu engmah tham a ni lo.
16:48 A nuna ka nun chhûng chu, tih hi LALPA PATHIAN thu chhuak a ni, nang leh i faten an tih ang hi i laizawn Sadom leh a fanute pawhin an ti hauh lo.
16:49 I laizawn Sadom khawlohna chu hêng hi a ni: Chapona te, eipuar lutuk te, amah leh a fanute nuam tawlna mai mai te a ni a, mi retheite leh tlachhamte chu a pui chuang hek lo.
16:50 Tin, mi chapo tak an ni a, ka hmâa thil tenawm ti tawh an ni; tichuan tha la tih angin ka ti bo hlawm tawh a ni.
16:51 Samaria lah chuan i sual chanve pawh a ti hek lo; anmahni aiin i tenawmnate i tih nasat zawk avângin i laizawnte chu i tilang ta zawk a ni.
16:52 I laizawn te dik zawk a i lantir avângin nang ngeiin i mualphona chu i phur tûr a ni; anmahni aiin thil tenawm nasa zawkte i ti a, i sualna te avângin anni chu nang aiin an fel zawk a ni; a ni, i laizawn te fel zawka i lantirnaah hian nangchuan kimkîin mualphona i chang tûr a ni.
16:53 Tin, an awm dan, Sadom leh a fanu awmdan te, samaria leh a fanu awmdan te, anmahni rualin nangma awmdan ngei pawh ka let ang;
16:54 an tan thlamuanna i lo nih thinnaa i thiltih tâk zawng zawng avânga i zah theih nân.
16:55 Tin, i laizawn, Sadom leh a fanute, Samaria leh a fanute chu an awmdan hmasa angin an awm leh ang; nang leh i fanute pawh in awmdan hmasa angin in awm leh ang.
16:56 I suahsualna hmuh chhuah a nih hmâa i intihropui nîahte khan i laizawn Sadom chu i kamchhe tleuhna a ni thin lo vem ni?
16:57 Tunah zawng Suria fanu leh a vêla mi zawng zawng, Philistia fanute i vêla tinawmnahtu che khan an sawi an sawi chhiat tâk vâk che hi.
16:58 I hurna leh i tenawmna i pu zel a ni, tih hi LALPA thu chhuak a ni.
16:59 Tichuan LALPA PATHIAN chuan heti hian a ti: Thuthlung bawhchhiain thutiam i pawisak lohzia ang zelin i chungah ka ti ve dawn a ni.
16:60 Nimahsela i naupan laia i hnêna ka thuthlung chu ka hre reng ang a, i hnênah kum khaw thuthlung ka siam ang.
16:61 Tichuan i laizawnte, i u leh i naute i pawm hunah chuan i awmdan te i lo hre chhuak ang a, i in zahpui ang: anni chu i fanu atân ka pe chia, i thuthlung avâng erawh chuan ni lovin.
16:62 I hnêna ka thuthlung ka tinghet ang a, LALPA ka ni tih in hre tawh ang.
16:63 I thiltih zawng zawngte ka ngaihdam vek hunah che chuan i hriat renga i zah avânga kimkîa i kâ i ân ngai tawh loh nân," tih hi LALPA PATHIAN thu chhuak a ni.
17:1 Tin, LALPA thu chu ka hnênah a lo thleng a,
17:2 "Mihring fapa, Israel chhûngte hnênah chuan thu kherkhiap siam chhuak la, tehkhin thuin sawi rawh,
17:3 LALPA PATHIAN chuan heti hian a ti a ni, ti rawh:'Mupui lian tak, thla hlai pui, thla ki sei tak, tial buai, hmul bit tak Lebanon tlângah a thlâwk a, sidar thing zik a la a,
17:4 a tang zik no ber chu a thliak a, mi veivahna ramah a thlawhpui a, sumdawnna khawpuiah chuan a phun ta a.
17:5 Chumi ram thlai chi chu a la bawk a, lei thaah chuan a kui tiak a, tui tam tak kamah chuan a phun ta a, tuipuisuthlah angin a phun a.
17:6 Tin, a thang a, grêp hrui tawi tak a lo ni ta a; a zarte chu a lo zam let a, a zungte chu a hnuaiah a awm a; tichuan grêp kung a lo ni a, pengte a rawn chhuah a, a tang chu a lo chawr ta a.
17:7 Mupui lian tak dang a awm bawk a,thla hlai pui leh hmul bit tak a nei ve a,tin, ngai rawh, he grêp kung hi ama lamah khân a zung a zam a; a phunna hmun atang khan ama lamah pengte a chawr chhuak ta a, amah chu tuiin a chawm theih nân.
17:8 Pengte a chhuah a, grêp tha tak a nih theih nân tui tam tak kama lei thaa phun a ni.
17:9 LALPA PATHIAN chuan heti hian a ti a ni: A puitling hlen dawn êm? A vuai mai theih nân a rah te sat thlain, a zung chawpin a pawt chhuak dawn lawm ni? A hnah chawr thar zawng zawng pawhin a vuai phah ang; a zung chawpa pawt chhuak tûrin thiltihtheihna nasa tak emaw, mipui tam tak emaw a ngai chuang dawn em ni?
17:10 A ni, ngai rawh, phun mah ni sela, a puitling hlen dawn em ni? khawchhak thliin a rawn nuai hunah chuan a vuai zo mai dawn lawm ni? A tona hmun ngeiah chuan a vuai mai ang, ti rawh," a ti a.
17:11 Tin, LALPA thu chu ka hnênah a lo thleng leh a,
17:12 "Helhmang chhûngte hnênah chuan sawi rawh, he thil awmzia hi an hre lo vem ni? Hrilh rawh, ngai rawh u, Babulon lal chu Jerusalemah a lo kal a, an lal leh hotute chu a man a, ama hnênah Babulon-ah a hruai a,
17:13 an lal thlah pakhat a man a, thuthlung a siampui a, thu a tiam luihtîr a, rama miliante chu a hruai bo vek a;
17:14 a lalna ram a tlâwma, amaha a din chhuah tawh loh nân, a thuthlung vuan chung chauhva a din theihna tûrin.
17:15 Mahse sakawrte leh mi tam tak rawn tîr tûra dîl tûrin Aigupta ramah palai tîrin a chungah a hel ta a. A hlawhtling ang êm? Thuthlung chu bawhchhe siin a chhuak tho vang êm?
17:16 A nuna ka nun chhûng chu, tih hi LALPA PATHIAN thu chhuak a ni; Lalber, lala siamtu chênna ngeiah chuan a chhechham te hmusit leha, a thuthlungte bawhchhiaa, ama hnên ngeiah Babulon-ah chuan a thi ang.
17:17 Indonaa mi tam tak tihhlum tûra mual pawngte leh kulhte an siam hunah pawh Pharaoa sipai rual leh pâwl ropui tak pawh engmah an tihsak thei lo vang.
17:18 Thuthlung bawhchhiain chhechham chu an hmusit ta si a; thu a in tiam hnuah heng thil zawng zawng hi a ti leh ta si a le, a chhuak awzawng lo vang.
17:19 Chuvangin LALPA PATHIAN chuan heti hian a ti a ni : ka chhechham a hmusit a, ka thuthlung a bawhchhia a, a nuna ka nun chhûng chu, ama chungah ka tuan ngei ngei ang.
17:20 Lênin ka khuh ang a, ka thangah chuan ka awk ang a. Babulonah ka rawn hruai ang a, tahchuan a bawh chhiatna te avâng chuan amah ka bei ang.
17:21 Tin, a pâwl zawng zawnga tlânchhe ho zawng zawng chu khandaihin an thi ang a, a la bângte chu kawlkil tinah an darh ang: Tin, kei LALPA hian ka sawi tawh tih in hre chhuak ang.
17:22 LALPA PATHIAN chuan heti hian a ti a ni: Sidar sâng tak zîk chu kei hian ka la ng a, ka phun ang; A ziding bera zîk no chu ka thliak ang a, Tlangsâng langsar takah ka phun ang,
17:23 Israel sanna tlângah chuan ka phun ang a, Zarte a rawn chhuah ang a, a lo rah ang a, sidar ropui tak a ni ang: A hnuaiah chuan chungleng sava chi tinreng an cheng ang a, A zar hlimah te chuan an awm ang.
17:24 Tin, ram thing zawng zawngte chuan kei LALPA hian thing sângte ka tihniam a, thing hniamte chu ka tisâng a, Thing hringte ka ti ro va, Thing ro te ka ti duah a ni, tih an hria ang: Kei LALPA hian ka sawi tawh a, ka ti tawh bawk a ni," a ti a.
18:1 Tin, LALPA thu chu ka hnênah a lo thleng leh a,
18:2 "Israel ram chungchângah he thufing tawi an hnam hi eng tihna nge,'Pate chuan grêp thûr an ei a, an fate ha a tim e,' tih hi?
18:3 A nuna ka nun chhûng chu, Israel-ah he thufing tawi hi hman leh tih in nei tawh lo vang, tih hi LALPA PATHIAN thu chhuak a ni.
18:4 Ngai rawh u, nunna zawng zawng ka ta vek a ni, pa nunna ka ta a ni ang bawkin fapa nunna pawh ka ta a ni: thil tisual tu apiang an thi ang.
18:5 Mahse mi chu a fela, thiang leh dik chauh a tiha,
18:6 bawl hmunahte ei lova, Israel chhûngte milim lam hawi hek lova, hmeichhe fello lai hnaih hek lova,
18:7 tuma chunga thilsual ti lova, lei batu thil dahkham pe kir zawk a, tuma rawk lova, riltam hnêna eitûr pea, saruak puan silhtîra,
18:8 a pung um tûra puktîr lova, a pung pawh la hek lova, thilsual ti tûra a kut sûma,mi leh mi inkâra rorêlna dik taka titlua,
18:9 ka dan siamte zawh a, dik taka tia, ka rorêlnate a vawn chuan mi fel a ni a, a nung ngei ang tih hi LALPA PATHIAN thu chhuak a ni.
18:10 Mahse fapa rukhmang a hrina, thisen chhuahtu a niha, hetiang rêng rêng hi a tiha,
18:11 a tih tûr zawk chu a tih lohva, bawlhmunahte ei zawka, a thenawm nupui a tihbawrbana,
18:12 rethei leh tlachhamte a tihduhdaha, a rawk a, dahkham a pêk kîr lova, milimte lam a hawia, thil tenawm a tiha,
18:13 a pung ûm a pêka, a pung a lâk bawk chuan, a nung ang êm? A nung tawp lovang; heng thil tenawm zawng zawng hi a ti miau si a, a thi ngei ngei ang, ama thisen mawh chu a phur tûr a ni.
18:14 Tin, ngai rawh, fapa lo hring ve sela, a pa thil sual tih tawh zawng zawng kha a hmuha, a hlauhva, chutianga a tihve lohva,
18:15 Bawlhmuna a ei lohva, Israel chhûngte milim lam hawi lova, a thenawm nupui a tihbawrhban lohva,
18:16 tuma chunga thil a tih sual lohva, dahkham engmah la lova, tuma rawk lova, riltamte eitûr pe zawka, saruakte puan a silhtîra,
18:17 rethei laka a kut a suma, a no leh a pung la lova, ka thupêkte hmanga ka dan siamte zawhtu a nih chuan, a pa khawlohna avângin a thi lo vang a, a nung ngei zawk tûr a ni.
18:18 A pa erawh zawng rawng taka mi a hnehchhiaha, a unaupa rawkrâla beia, a mite zînga thil tha lo chu a tih avângin, ngai rawh a khawlohna avângin, a thi tûr a ni.
18:19 Mahse,'Engah nge fapa chuan a pa khawlohna a tuar loh vang?' in ti thin, fapa chuan dan chu zawma thi l fel a tiha, ka dan saimte zawng zawng chu a vawna, a tih bawk chuan a nung ngei tûr alawm.
18:20 Thil tisualtu chu a thi tûr a ni: fapa chuan a pa khawlohna chu a tuar lovang, pa pawhin fapa khawlohna chu a tuar hek lo vang: mi fel felna chu amahin a tel ang a, mi sual sualna chu amahin a phur ang.
18:21 Amaherawhchu mi sual chuan a thil sual tih zawng zawngte a hawisana, ka dan siamte a vawn a, dan chu zawma thil fel a tih chuan a nung ngei ang, a thi lo vang.
18:22 Bawhchhiatna a lo tih tawh rêng rêng kha chu hriatsak reng a ni tawh lo vang; a lo tih tawh a felnaah chuan a nung ang.
18:23 Misual thihnaah hian lawmna reng ka nei êm ni? A kawngte chu a hawisana, a nunna zawk lo chu? Tih chi LALPA PATHIAN tu chhuak a ni.
18:24 Amaherawh chu mi fel chuan a felna kawng hawisana, khawlohnate a tiha misualte tih ang zela thil tenawmte a tihin a nung dawn êm ni? A thil fel tih engmah kha hriatreng a ni tawh lo vang a, a bawhchhiatna a bawhchhiatah khan leh a sualna a tihnaah khan, chumi ngeiah chuan a thi ang.
18:25 Mahse,'LALPA tih dan hi a in ang fo lo ve,' in ti thin a. Israel chhûngte u, ngai rawh u khai: ka tih dan a in ang fo lo vem ni: In tih dan chu a in ang lo fo zawk a ni lâwm ni?
18:26 Mifel chuan a felnate a hawisana, khawlohnate a tih chuan tah chuan a thi ang a, khawlohna a tihah chuan a thi ang.
18:27 Chu lo pawh chu, misualin a sualna a lo tih tawhte chu a hawisana, dan chu a zawma, thil fel a tih chuan a nunna a chhanhim ang.
18:28 A in ngaihtuaha, a bawhchhiatna a lo tih tawh zawng zawng chu a hawisan avângin a nung ngei ang, a thi lo vang.
18:29 Mahse Israel chhûngte chuan,'LALPA tih dan chu a inang fo lo va,' an ti a. Aw Israel chhûngte u, ka tih dante hi a in ang fo zawk lawm ni? Nangni tih dante erawh chu a in ang lo fo zawk a ni lâwm ni?
18:30 Chuvangin aw Israel chhûngte u, mi tin, nangmahni tih dan ang zelin ro ka rel ang che u, tih hi LALPA PATHIAN thu chhuak a ni. Lamlêt ula. In bawhchhiatna zawng zawngte chu hawisan rawh u; tichuan khawlohna chu in tluk chhiatna a ni dawn lo nia
18:31 In bawhchhiatna zawng zawng, in lo bawhchhiat tawhte chu paih bo vek ula, thinlung thar leh rilru thar insiam rawh u: Engah nge in thih ang le, aw Israel chhûngte u?
18:32 Mithihnaah chuan lawmna ka nei hauh silo va, tih hi LALPA PATHIAN thu chhuak a ni: chuvangin in lamlet ula, nung rawh u.
19:1 "Chu lovah pawh chuan Israel hotute chungchângah sûnna hla phuah la,
19:2 I nu eng nge a nih le? Sakeibakneipui a ni; A no a chawm, a bawk, sakeibaknei vanglaite zingah,
19:3 A chawm tlei e, a no pakhat sakeibaknei vanglaiah, A lo thiam e, sa seh, mihring a hmang-chhûn râwlah.
19:4 Hnamten hriain, an dang thla e- khur thûkah; Thir kawl an bun, Aigupta ram an thlen e
19:5 A chûni-nun a nghak thlawn, bei lo dawng e; A siam leh e, a hrai chawi dang, sakeibaknei vanglaia'n.
19:6 A leng vêl e, sakeibakneite zîngah, sakeibaknei vanglai tha a lo ni e; A lo thiam e, sa seh, mihring a hmang chhun rawlah.
19:7 A hrawng vêl a, lal inte, khawpui a ti tiau ve; A rawl lian vangin a tiau zo, mi leh ram.
19:8 Hnamtin khuavel lo pungin an bei chiam a, Lên hrui an zar, an dang thla e khur thukah.
19:9 Thîr kawl bunin bâwmah an khung, Babulon lal an hlan e. An thlen ta kulhpui chhûngah, A thawm daih nân-Israel tlâng lianah.
19:10 I chûni-nun grêp huana tui chawm grêp a iang e, Siktui thiang chawm, rah tha chhuak a zar luai e,
19:11 A lal tiangah a tang zar khauh lo chhuakin, Zardang zawng laiah a sâng ber a, A bûkpui khumin a chung lûr e.
19:12 Mahse an thliak, thinlai rimin, An paih chhim hlei tualah, Chhaktiang thliin a nuai, a til, a rahte, A zar khauh pawh a tliak thla, a uai zo ta, Senmeiin a kang ral ta e.
19:13 A kungpui zawng an phun ta, thlalêr ram tui lovah,
19:14 A zar ata senmei lo chhuakin a man e, A rahte zawng pawh a ei zo ta: Tichuan, zar lêm a awm tawh lo-lal tiang tûrah pawh. Hei hi sûnna hla a ni e, sûn nâna hman tûr a ni.
20:1 Tin, heti hi a ni a, kum sarihna, thla ngana, chumi thla ni sawm nîah chuan Israel upa tute emaw LALPA râwn tûrin an lo kal a, ka hmâah an thu a.
20:2 Tin, LALPA thu chu ka hnênah a lo thleng a,
20:3 "Mihring fapa, Israel upate chu bia la, an hnênah, LALPA PATHIAN chuan heti hian a ti a ni: Mi rawn tûra lo kal êm in nih? A nuna ka nun chhûng chu, nangni rawnin ka awm lo vang, tih hi LALPA PATHIAN thu chhuak a ni," ti rawh.
20:4 I chachhuah dawn lawm ni? Mihring fapa, chachhuah ta che, an pate tenawmnate chu hriattîr rawh;
20:5 tin, an hnênah, LALPA PATHIAN chuan heti hian a ti a ni: Israelho ka thlan nia Jakoba chhûng ka thlante hnênah kut phar meuhva Aigupta rama an hnêna ka in hriattîra, an hnêna ka kut ka phara, Kei hi LALPA in Pathian chu ka ni e, tia,
20:6 chung nia Aigupta ram ata hruai chhuak a, atâna ka ram hual, hnute tui leh khawizua luang ram, ram zawng zawnga mawi bera hruai lût tûra ka kut ka phar niah chuan,
20:7 an hnênah, Mi tinin in mita hmuh thil tenawm chu paih bo ula, Aigupta rama milimte chuan intibawlhhlawh suh u, kei hi LALPA in pathian chu ka ni e, tiin ka sawi a.
20:8 Mahse ka chungah an hel a, mi ngaihsak rêng rêng lova, mitinin an mita hmuh thil tenawmte pawh chu an paih bo lo va, Aigupta milimte chu an hawisan hek lo: Tah chuan an chunga ka thinurna hrithla tûrin Aigupta ram chhûngah ngei chuan ka thinurna ka leih nâng emaw, ka ti a.
20:9 Mahse keima hming humhalh nân ka bei ta zawk a, an awmna hnamte mit hmuhah Aigupta ram ata hruai chhuakin an hnênah ka in hriattîr a, chûng hnamte mithmuhah chuan ka hming sawi chhiata a awm loh nân.
20:10 Chutichuan Aigupta ram chhuahsan tûrin ka ti ta a, thlalêrah ka rawn hruai lût ta a.
20:11 Tin, ka dan siamte chu anmahni ka pe a, ka thurêlte chu ka entir a, chu chu miin an zawm chuan an nunna tûr a ni.
20:12 Chu lo chu kei leh anmahni inkara chhinchhiah nân ka chawlhnîte chu anmahni ka pe a, Kei hi LALPA anmahni serh hrangtu ka ni tih an hriat theih nân .
20:13 Mahse Israel chhûngte chu thlalêrah khan ka chungah an hel a, ka dan siamte chu zawh lo va, ka thurêlte, miin a tiha an nunna tûr chu an paih thla a, ka chawlnite pawh nasa takin an bawhchhia a; tichuan thlalêrah chuan anmahni tiboral tûrin ka thinrimna chu an chungah ka leih nang emaw, ka ti a.
20:14 Ka hruai chhuah lai hre tu hnam ngei mithmuhah tihchhiata a awm loh nân ka hming humhalhin ka bei ta zawk a ni.
20:15 Chu lovah chuan thlalêrah khan ka ram pêk, hnute tui leh khawizua luang ram, ram zawng zawnga mawi berah chuan ka hruai lût lo vang,kut phar meuhvin ka ti a;
20:16 Ka thurêlte an paih thla a, ka dan siamte an zawh lo va, ka chawlhnite an bawhchhiat avângin: an thinlung chuan an milimte a awn tlat si a.
20:17 Mahse tiboral lo tûrin ka mitin a hmuh hmaih ta a, thlalêrah pawh khan ka tiboral vek ta lo mai a ni.
20:18 Tin, thlalêrah chuan an fate hnênah, In pate dan siam chu zawm lo ula, an thurêlte intibawrhbâng hek suh u;
20:19 Kei hi LALPA in pathian chu ka ni a, ka dan siamte zawh ula, ka thurêlte vawng ula, zawm rawh u.
20:20 Ka chawlhnite serh ula, kei leh nangni inkara chhinchhiahna a ni ang a, LALPA in Pathian chu ka ni tih in hriat theihna a ni dawn nia, ka ti a.
20:21 Mahse an fate chu ka chungah an hel a, ka dan siamte chu an zawh lo va, ka thurêlte, miin a tiha a nun tûr chu, zawm tûrin an vawng hek lo; ka chawlhnite chu an bawhchhe ta a; thlalêrah khan ka thinurna hrithla tûrin an chungah ka thinrimna ka leih nang emaw, ka ti a.
20:22 Mahse ka kut ka sûm a, ka hruai chhuah lai hretute hnam ngei mithmuha tihchhiata a awm loh nân ka hming humhalhin ka bei ta zawk a ni.
20:23 Chu lo pawh chu, hnamte zingah anmahni ka tidarh ang a, ram tinah ka titaitam ang, thlalêrah khan kut phar meuhvin ka lo ti a.
20:24 Ka thu relte an zawm lo va, ka dan siamte an paihthla a, ka chawlhnite an bawhchhia a, an pate milim lam an hawi zawk avângin.
20:25 Chu lo pawh, dan siam tha lo chu ka pe a, an nun lohna tûra thurêlte nên;
20:26 an thil dawn, chhûl keutu zawng zawng meia an paihnaah chuan anmahni ka tibawlhhlawh a, ka tikhawhar a, a tawpah LALPA chu ka ni tih an hriatna tûrin.
20:27 "Chuvangin, mihring fapa, an hnênah thu sawi la an hnênah,'LALPA PATHIAN chuan heti hian a ti a ni: In pate chuan hengah hian mi la sawi chhe cheu a ni; ka chunga bawhchhiatna thil an tihah te hian.
20:28 Kut phar meuhva anmahni ka tiam ramah hian ka rawn hruai luhin, tlangsâng leh thingbuk lian an hmuh apiangah an inthawinate an hlan a, an thil hlan thinurthlak tak maite chu an pe a, An rimtuite an siam a, an in tûr thil hlante chu an bun chhuak si a,' ti rawh.
20:29 Tichuan keiin an hnênah,' Bawlhmun inkalna fote hi eng in tihna nge ni?'ka ti a; chutichuan an hming atân vawiin ni thleng hian,'Bamah' tih a ni ta a ni e.
20:30 Tichuan Israel chhûngte hnênah chuan sawi la, LALPA PATHIAN chuan heti hian a ti a ni: In pate ang zelin mahni in intibawlhhlawhin an tenawmna kawngahte chuan in hur bo a ni maw?
20:31 In thil dawn in hlanin, in fate meiah in paih a, vawiin ni thleng hian in milim zawng zawng chuan in intibawlhhlawh a ni lâwm ni? Nangni rawn tûr em ka nih, aw Israel chhûngte u? A nuna ka nun chhûng chu nangni rawn in ka awm lovang, tih hi LALPA PATHIAN thu chhuak a ni.
20:32 Kan vêla hnamdang awze mite anga thingbul lungbul be tûr kan ni, inrilruin in ti nâ a, in ni tawp lo vang.
20:33 A nuna ka nun chhûng chu, kut thahrui chak takin, ban phar chung leh thinrim chhuahin in chungah ka kal ngei ngei ang, tih hi LALPA PATHIAN thu chhuak a ni.
20:34 Hnamte zing ata ka hruai chhuak ang che u a, tihdarha in awmna ram ata chu kut chak tak leh ban phar leh thinrim chhuahin ka hruai khâwm ang che u.
20:35 Awze mite thlalêr ramah chuan ka hruai lut ang che u a, inhmachhawnin kan in bei ang.
20:36 Aigupta ram thlalêra in pate ka bei ang takin nangni pawh ka bei ang che u, tih hi LALPA PATHIAN thu chhuak a ni.
20:37 Tin, tiang hnuaiah ka luh tir ang che u a, thuthlung khauhkhirhna hnuaiah ka hruai lut ang che u;
20:38 tin, in zing ata mi helte leh ka chunga bawhchhetute chu ka thianfai ang a, an awmna ram atangin ka hruai chhuak ang a, mahse Israel ramah chuan an lût tawp lo vang: tichuan LALPA chu ak ni tih an hria ang.
20:39 Nangni pawhin, aw Israel chhûngte u, LALPA PATHIAN chuan heti hian a ti a ni: ak thu in ngaihthlah dawn loh chuan tun hnuah pawh in milim rawng chu bawl theuh mai ta che u; mahse ka hming thianghlim chu in thilpekte leh in milimtein in tibawlhhlawh tawh lo vang.
20:40 Ka tlâng thianghlim, Israel sânna tlângah chun, tah chuan Israel chhûngte zawng zawng chuan an zavaiin, chu ramah chuan ka rawng an bâwl ang; tah chuan anmahni ka lawm tawh ang a, tah chuan in thilhlante in thilpêk tha thate, in thil serh zawng zawngte ka duh tawh ang.
20:41 Hnamte zing ata ka lak chhuah hun che u leh ram tina in darhna ata ka hruaikhawm hunah che u chuan, rimtui atân ka pawm tawh ang che u a, hnamte mithmuhah chuan nangmahniah hian ka thianghlimzia alng tawh ang, LALPA PATHIAN chuan a ti a ni.
20:42 Tin, Israel ram, kut phar meuhva in pate pêk ka tiam ramah chuan ka hruai luh hunah che u chuan LALPA ka ni tih in hria ang.
20:43 Tin, tah chuan in awmdante leh in thiltih, in tihbawlhhlawhna zawng zawngte chu in hre tawh ang a, tichuan in thil tha lo tih zawng zawngte avâng khan nangmahni mithmuhngaiah in ten tawh ang.
20:44 Tin, in awmdan thalo te ang ni lova, in thiltih khawlote ang ni hek lo va, ka hming humhalh tûra ka tihpuitlin chr u hunah chuan, aw Isrel chhûngte u, LALPA chu ka ni tih in hre tawh ang, tih hi LALPA PATHIAN thu chhuak a ni," tiin.
20:45 Tin, LALPA thu chu ka hnênah a lo thleng a,
20:46 "Mihring fapa chhimlam hmachhawn la, chhimlam hawiin thu thlah la, chhimlam ngawpui lamah thu sawi la,
20:47 Chhimlam ngawpui hnênah chuan,'LALPA thu hi ngai rawh, LALPA PATHIAN chuan heti hian a ti a ni: ngai rawh nangmahah mei ka chhem ang a, nangmaha thing hring zawng zawng chu a kang zo vang a, thing ro apiang pawh: mei alh hluah hluah chu a rem lo vang a, chhim atanga hmâr thlengin, eptu zawng zawngte chu a ût ang.
20:48 Tin, mi zawng zawngin kei LALPA hi mei chhuahtu ka ni tih an hmu ang a, an mit lo vang, a ti e,' ti rawh," a ti a.
20:49 Tichuan, kei chuan, A! LALPA PATHIAN,'Tehkhin thu sawitu mai alawm,' mi ti ang asin, ka ti a.
21:1 Tin, LALPA thu chu ka hnênah a lo thleng a,
21:2 "Mihring fapa, Jerusalem hmachhawn la, a hmun serhte lam hawiin i thu thlah la, Israel ram chungah thu sawi ang che;
21:3 Israel ram hnênah chuan, heti hian LALPA chuan a ti a ni: ngai teh ka do che a ni, ka khandaih chu a pai ata ka phawi ang a, in zinga mi fel leh fello ang khatin ka râwt ang.
21:4 Tichuan in zînga mi fel leh fello ka râwt dawn avâng chuan ka khandaih chu a pai ata a chhuak ang a, chhim lam ata hmâr lam thlengin mi hring zawng zawng a râwt ang.
21:5 Tin, mi zawng zawngin, kei LALPA hian ka khandaih a pai ata ka phawi a ni tih an hria ang a, a inkhung leh tawh ngai lo vang.
21:6 Chuvangin nang mihring fapa, rûm vawng vawng la, lungchhe takin an mithmuhah rûm rawh.
21:7 Tin, engatinge i rûm? An tih che chuan, Thu eng emaw avângin a lo thleng dawn si a, tin, thinlung tinrenga tuiral ang a, kut zawng zawng a zawi ang a, rilru tinreng a chau vang a, khup zawng zawng chu, lo tui angin a zawi ang a; ngai rawh, a thleng e, a hlen ang, tih hi lalpa PATHIAN thu chhuak a ni; ti rawh," a ti a.
21:8 Tin, LALPA thu chu ka hnênah a lo thleng leh a,
21:9 "Mihring fapa, thu sawi la hetiangin LALPA chuan a ti a ni:'Khandaih, khandaih, tah hriam a ni ta. Tihtlêt a ni ta.
21:10 Mi sah nân tah hriam a ni ta, Tihtlet a ni kawlphe angin: Kan la hlim cheu dawn êm ni? Ka fapa tiangin a chhing zo ve, thing tin, .
21:11 Tihtlêt a ni vai vêl atân, A ni khandaih tah hriam tihtlêt a ni, Thattu kuta chuang tûrin.
21:12 Mihring fapa, au la, û la, ka mite chung a ni si; Israel mi lian zawng zawngte chung ngei chu: pêk a ni e, ka mite nên, chem sen hnuaiah; chuvangin au la, i mal bengin.
21:13 Fiahna a awm si a, engtin nge ni ang - Mi dang chhingtu tiang chu awm suh sela? Tih LALPA PATHIAN thu chhuak a ni e.
21:14 Chuvangin nang, mihring fapa, kut beng hialin thu sawi rawh; Thih theihna chemsen lên zual la, lêt thumin, A hual vêl e, mi ropui, thahna chem sen chuan.
21:15 Thinlung tuiral, an tlûkna a pun nân e, Chemsen tlê tak kawngka tinah ka riah e, A! kawlphe iangin a tlê, thihna chemsen.
21:16 Invilikin che vâk ang che, ding lamah, Invilikin vei lamah pawh vai zel la, I hma zawn apiangah pawh.
21:17 Kei pawhin kut ka lo beng ang a, Ka hlen ngei ang, ka thinurna, Kei LALPAN hei hi ka sawi tawh e, a ti,' ti rawh," a ti a.
21:18 Tin, LALPA thu ka hnênah a lo thleng leh a,
21:19 "Mihring fapa, Babulon lal khandaih lo thlen theihna tûrin kawng pahnih lo siam rawh; chung kawng hnihte chu ram pakhat atangin a lo chhuak tûr a ni: kawng kawhhmuhna siam la, khawpui luhna kawtchhuahah chuan siam rawh.
21:20 Kawng chu Amon mite khua Raba-a khandaih lo thlenna tûrin ruat la, Judai ram laia Jerusalem kulhah pawh.
21:21 Aien tûrin Babulon lal chu kawng pengah chuan a ding a, kawng hnih in finna takah chuan; thal te chu a thing rawk rawk a, teraphim a rawn a, sathin chu a en a.
21:22 A aiennaah chuan a kut dinglamah Jerusalem a lo chuang ta a, kulh sut chhiatnate ral bei hawhawa au te, mual pawng chhûnte, kulh siamte nên,
21:23 Aien thlawn mai ang a ni a, mahse mana an awmna tûra an khawlohna hriat chhuahna tûr chhuahna tûr chauh a ni.
21:24 Chuvangin LALPA PATHIAN chuan heti hian a ti a ni: inkhawlohna hriatrengna tûra in siam tak avângin in bawhchhiatnate a lang a, tichuan in thiltih zawng zawngah in sualnate a lang reng a, hraitchuah in lo nih tak avângin kuta man in la ni ang.
21:25 Tin, nang Israel hotu, mi sual thi tûra hliam pa, i sualna hremna tâwpkhâwk nî a lo thleng e;
21:26 LALPA PATHIAN chuan heti hian a ti: Hotu lukhum chu paihsak ula, lallukhum chu paihsak rawh u, heihi a ngaiin a awm lo vang: mi tlâwmte chawisâng ula, mi liante chu titlâwm rawh u.
21:27 Ka linglet ang, ka linglet ang; ka linglet ang; hei pawh hi a ngaiin a awm lo vang, a neitu tak tûr a lo kal hma zawng amah chu ka pe ang.
21:28 "Tin, nang mihring fapa, thu hril la, heti hian ti rawh: LALPA PATHIAN chuan Amon fate chungchangah leh an sawichhiatna thu-ah heti hian a ti: khandaih, khandaih phawi a ni ta, mi thah nân leh tihral nân kawlphe anga tihtlet a ni ta.
21:29 inlârna der an hmuhsak chia, dawtin ai an ensak chia, khandaih chu misual thi tûra hliam, an sualna nî tawpkhawk lo thleng tûrte nghawngah i rawlh dawn, an tih ah che hian an daw a ni.
21:30 A paiah khung rawh, i pian i murna ram ngeiah i thu ka rel ang.
21:31 I chungah ka thinurna ka leih ang a, ka thinrimna mei i chungah ka chhem ang, mi nun chhe tak, tihboral thiam tak kutah ka mah tîr ang che.
21:32 Meia tuah tûr i ni ang a, ram laiah chuan i thisen a bua ang a, hriat reng i ni tawh lo vang, kei LALPA hian ka sawi tawh si a, a ti, ti rawh," a ti a.
22:1 Tin, LALPA thu chu ka hnênah a lo thleng a, ,
22:2 "Tin, nang mihring fapa, thisen chhuah hmang khawpui chu i khing dawn em? I khing dawn êm? A tenawmna zawng zawng chu hriattîr rawh khai!
22:3 Tin, an hnênah chuan, 'LALPA PATHIAN chuan heti hian a ti a ni: khawpui a hun lo thlenna tûra ama chhûnga thisen chhuahtu leh mahni intibawlhhlawh tûra milim siamtu chu!
22:4 I thisen chhuahnaah khan thiamloh i phur a, i milim siamah khan i in tibawlhhlawh a ni; i hunte i tihnai a, i kumte a thleng tep a; chuvangin hnamte hnênah chuan sawichhiatah leh ram zawng zawng cheksawlh atân ka siam che a ni.
22:5 I bula mi leh i hlata mite chuan an cheksawlh ang che, nang, hmingchhiat phur leh buainaa khat mi!
22:6 Ngai rawh, Israel hotute mi tinin an thiltihtheihna ang zela tihsen chuah mai tûrin nangmahah an awm a ni.
22:7 Nangmahah chuan miin nu leh pate an hmusit a, nangmahah chuan mikhualte an hnehchhiah a, nangmah chuan fahrahte leh hmeithaite an hnehsawh a.
22:8 Ka til serhte i hmusit a, ka chawlhnite i bawhchhia a.
22:9 Nangmahah chuan thisen chhuah tûra mi hek hmangte an awm a, nangmahah chuan bawlhmuna eite an awm a, nangmahah chuan hurna an ching a.
22:10 Nangmahah chuan an pate saruakna hlîmsak an awm a, nangmahah chuan hmeichhe fello lai mutpui an awm a.
22:11 Tin, miin a thenawm nupui chungah thil tenawm a ti a, mi dangin hur takin a mo a tibawlhhlawh a, mi dangin nangmahah chuan a farnu, a pa fanu ngei a tlâwm a.
22:12 Nangmahah chuan thisen chhuah tûrin thamna an la a, a no leh a pung i la a; i thenawm chu hnehchiahin duham takin i hlêprûksak thin a; kei ngei pawh hi mi theihnghilh a, tih hi LALPA PATHIAN thu chhuak a ni.
22:13 Chuvangin, ngai rawh, i lo hleprûkna thu-ah te, nangmaha thisen chhuak thu-ah te kut ka ben khum ang che.
22:14 Nangmah ka beih nîah che chuan i thinlungin a tuar zovin i kut a chak thei dawn êm ni? Kei LALPA ngei hian ka sawi tawh a, ka ti bawk ang.
22:15 Tin, hnam zingah chuan ka tidarh ang chia, ram tinah ka titaitam ang che; nangmah atangin i bawlhhlawhnate ka tiral vek ang.
22:16 Hnamte mithmuhah chuan mahni intibawlhhlawh i ni ang, tin, LALPA chu ka ni tih i lo hria ang, a ti,' ti rawh," a ti a.
22:17 Tin, LALPA thu chu ka hnênah a lo thleng a,
22:18 "Mihring fapa, Israel chhûngte chu ka tan êk chhia mai an lo ni ta a; an zain rawhtuina mei laiah chuan dar te, rangva te, thir te, suan te an ni a, tangkaraw ek chhia mai an ni ta.
22:19 Chuvangin LALPA PATHIAN chuan heti hian a ti a ni: Ek chhia mai in lo nih tak avângin, ngai rawh u, Jerusalem laiah ka khâwm che u a ni.
22:20 Tangkarua te, dar te, thir te, suan te, rangva te rawhtuina meia an dah khawmna, titui tûra a chunga mei an chhem angin ka thinurna leh ka thinrimnaah chuan ka khâwm ang che u a, ka titui ang che u.
22:21 A ni, ka khâwm ang che u a, in chungah chuan ka thinurna mei ka chhem ang a, a laiah chuan in lo tui zo vang.
22:22 Rawhtuina mei laiah tangkarua a tui angin nangni pawh, chumi laiah chuan in tui zo vang a, kei LALPA hian in chungah ka thinurna ka leih a ni tih in hre tawh ang," a ti a.
22:23 Tin, LALPA thu chu ka hnênah a lo thleng a,
22:24 "Mihring fapa, a hnênah chuan sawi la,'Ram tlenfai loh i ni e, thinurna nîa ruahtui chang lo.
22:25 Sakeibakneiin rûmin a sa seh a zawng ang maiin nangmahah chuan zâwlnei phiarnate a awm a ni: mi nunna te an ei zo va, rote leh thil hlute an lâksak a, a laiah chuan hmeithai tamtak an siam a.
22:26 A puithiamte pawhin nasa takin ka dan an bawhchhia a, ka thil serhte an tibawlhhlawh a ni, thil serhte leh thil narante rêng rêng an thlei lo va, mite lah, thil thianghlim leh thianghlim lo an thlei tîr chuang hek lo; ka chawlhnîte chu an haider a, an zîngah chuan tihhmingchhiatin ka awm a.
22:27 A laia hotute chu chinghne koham eitûr zawng ang mai an ni a, thisen chhuaha mi nunnate tiboralin hlemhle taka an hlêp theih nân .
22:28 Tin, a zâwlneite chuan hawlrivapin bang an bel a, inlârna dawha mai mai an hmu a, dawtin ai an ensak a, LALPAN engmah a sawi lo chung pawhin, LALPA PATHIAN chuan heti hian a ti, an ti thin a.
22:29 Rama mipuite chuan hnehchhiah an hmang a, rawk an ching a, a ni, mirethei leh tlachhamte chu an hnehsawh a, diklo takin mikhualte an hnehchhiah thin.
22:30 Ram chu ka tihchhiat loh nân an zing ata dai theu tûr leh ram chhana ka hmaa tang tûr mi ka zawng a, ka hmu si lo va.
22:31 Chuvangin an chungah ka thinrimna chu ka leihbaw ta a, ka thinurnain meiin ka hâlral ta hlawm a ni; an awmdan ngei chu an chungah ka rawn thlen a ni, tih hi LALPA PATHIAN thu chhuak a ni,' ti rawh," a ti a.
23:1 Tin, LALPA thu chu ka hnênah a lo thleng a,
23:2 "Mihring fapa, hmeichhe pahnih, nu pakhat fa an awm a,
23:3 Aigupta ramah an hur bo va, an tleirawl teta hur an ni a, chutah chuan an hnute an dek a, an tleirawl hnute chu an hmehsak hrep a.
23:4 Pakhat a upa zawk hming chu Oholahi a ni a, a laizawn chu Oholihabi a ni a; ka ta an lo ni ta a, fapa te, fanu te an hring a. tin, an hmingah chuan Oholahi chu Samaria a ni a, Oholihabi chu Jerusalem a ni
23:5 Tin, Oholahi chu ka ta a nih hnuin a hur bo leh ta a, a ngaihzawng, a thenawm, Assuria chu a hak hiam a;
23:6 awptute, rorêltute, tlangvâl itawm tak hlir, sakawr chung chuang mi, puan senduka in thuamte chu.
23:7 Heng Assuria tlangvâl thate zawng zawng lakah hian an inphalrai a, tin, a hak hiamate milim zawng zawng chuan a intibawlhhlawh leh nghal a.
23:8 A tleirawl tet ata a hnute an dehsak fo thin leh an mutpui thin avângin Aigupta atang khan a hur a bang chuang hek lo, anni pawhin an hurna a chungah an tlingtla a,
23:9 A ngaihzawngte, Assuria, a hak hiamte kut ngeiah ka mantir a ni.
23:10 Hengte hian a saruakna chu an hlîm lansak a, a fanu leh a fapate an lâksak a, a ni pawh chu khandaihi an that a, hmeichhiate zingah insawithaihna ber a lo ni ta, a chunga rel ang chu an hlen ta.
23:11 Tin, a laizâwn Oholihabi chuan heihi a hmu a, mahse a u ai mahin a ngaihzawng haknaah chun a zual zawkin, a hurna pawh chu a u hurna aiin a zual leh sauh bawk a.
23:12 Assuria mi, a thenawm ram awptu leh rorêltu tlangvâl itawm tak hlir, sakawr chung chuang mi, mawi taka in cheite chu a hak hiam a.
23:13 Tihbawlhhlawhin a awm tih ka hmu a, an pahnih kawng thuhmun an zawh mai a ni.
23:14 Tin, a hurnate chu a tizualkai a, mipa lem banga chuang, Kaldai mite thla, senlar taka chei,
23:15 a kâwnga kâwnghrên hrêng, diar mawi tak khim, an vaia lal hmêl putak, Kaldai ram, an pianna rama Babulon mite ang takte chu a hmuh avângin.
23:16 Tin, anmahni a hmuh veleh a hak hiam a, an hnênah kaldai thlengin mi a tîr a.
23:17 Tin, Babulon mite chu a hnênah, in ngaihna khumah an lo kal a, an hurnain a tibawlhhlawh a, an intitenawm zo ta a, anmahni chu a ngei êm êm a.
23:18 Chutichuan a hurna a tilang a, a saruak a hlim lang a, a laizâwnnuin mi ngei ang maiin ani pawh chuan mi ngei ta a.
23:19 Mahse a tleirawl laia Aigupta rama a hur lai a hriat reng avângin a hur zual ta deuh deuh va.
23:20 Tin, a uiretu, a tîsa sabengtung tîsa ang mai, a thil chhuak, sakawrte thil chhuak ang mai chu a hak êm êm a.
23:21 Hetiangin a tleirawl lai hurna, Aigupta miin a tleirawl lai hnute a dehsak hrep lai che kha i hre chhuak leh ta a ni.
23:22 Chuvangin, aw Oholibah, hetiangin LALPA PATHIAN chuan a ti a ni: Ngai rawh, a ngai tu che, i rilruin a ngei hle tawh te kha ka pun ang a, kiltin ata ka hruai khâwm ang.
23:23 Babulon mite leh Kaldai mi zawng zawngte, Pekod te, Soa te, Koa te leh an hnêna Assuria mi zawng zawng nên; tlangvâl itawm tak takte awptute, rorêltute, an zain miliante leh hmingthangte, an zain sakawr chung chuangin an lo kal ang.
23:24 Tin, hriamhreite, indona tawlailîrte, tawlailîrte leh mipui pungkhawmin an rawn bei ang che; phaw lian leh phaw te, darlukhumte nên i velin an hual ang che; tin, an hnênah rorêlna ka kawltîr ang a, an thurêl ang zelin i chungah an hlen ang.
23:25 Tin, in chungah ka thîkthu ka thlen ang a, thinrim takin an bei ang che; i hnarte leh i bengte an help ang a, a la damte chu khandaihin an thi ang a, i fanu leh i fapa te an laksak ang chia, a la damte chu meiin a kang hlum ang.
23:26 I silhfente an hlihsak bawk ang chia, i incheina mawi tak tak te chu an la bo vang.
23:27 I hurna leh Aigupta ram atanga i nawhchi zawrhna chu an tihbân sak ang chia, chutichuan an lamah i mit i len tawh lo vang a, Aigupta ram chu i hre reng ngai tawh lo vang.
23:28 LALPA PATHIAN chuan heti hian a ti si a: ngai rawh. i huat tak, i rilrua i mi ngei zawng takte kut ngeiah chuan ka mantîr ang che.
23:29 Huat tak tein an hua ang chia, i thawhrim rah zawng zawng an laksak ang chia, saruakin a lawng maiin an hnutchhiah ang che; i nawhchizawrh saruakna, i hurna leh i nawhchizawrhna ngei chu tihlanin a awm ang.
23:30 Heng thilte hi i chungah a lo thleng ang, hnamdangte umin i hur bo va, an milim tea i in tihbawlhhlawh avanngin.
23:31 I laizâwnni kawng i zawh ve a, chuvangin a no chu i kutah ka pe ang che.
23:32 LALPA PATHIAN chuan heti hian a ti a ni: I laizâwnnu no tung lianpui mai chu i in ang a, Nuihsan leh cheksawlhin i awm ang: a dawng hnem nasa a ni!
23:33 Ruihna leh lungngaihnain i khat ang a, mak tihna leh chhiatna no, I laizâwnnu samari no nên chuan i in fai kelh ang a;
23:34 I in ang a, a no pawh chu i fâwp fai vek ang, I hnute i ham thlêr ang; Keiin ka sawi tawh si a, tih hi LALPA PATHIAN thu chhuak a ni.
23:35 Chuvangin LALPA PATHIAN chuan heti hian a ti a ni: Mi theihnghilha mi hnuchhawn avângin i hurna leh i nawhchizawrhna mawh chu i phur mai tûr a ni.
23:36 Chu lo pawh chu LALPAN ka hnênah a sawi leh a,"Mihring fapa, Oholahi leh Oholihabi chu i khing dawn êm? An tenawmnate chu an hnênah puang ang che.
23:37 An uire ta si a, thisen chu an kutah a kai a, an milim hnênah chuan an uire ta a ni; An fapate ka tana an hrin chu an hnêna kangral tûrin meiah an paih a.
23:38 Chulovah pawh chuan, ka hnênah heihi an ti a ni; anni vekin ka hmun thianghlim chu an tibawlhhlawh a, ka chawlhnîte pawh an bawhchhia a ni.
23:39 An milimte tana an fate an thah hnuah, anni vek chuan ka hmun thianghlim tibawlhhlawh tûrin an lût si thin a; tin, ngai rawh hetiang hian ka in chhûng ngeiah an ti thin a ni.
23:40 Tin, chu lo pawh chu, hla taka mi lo kal tûrin in chah a, mi in tîr a, ngai rawh an lo kal a, anmahni elin i in bual fai a, i mit i hnawih a, cheimawina dangte i in bel a,
23:41 khum ropui takah i lo thu a, a hmâah dawhkan i buatsaih a, ka rimtui leh ka hriakte tah chuan i hlui thin a ni.
23:42 Tin, tahchuan mipui nuamtâwl thawm hriat a ni a, mi naran chang lo pawh thlalêr atangin zurite an rawn hruai a, an pahnihin banbunte an bun a, lukhum mawite an khum a.
23:43 Tin, kei chuan, Uire tar hnu hi an pâwl duh dawnin anin a peih dawn êm ni aw? Ka ti a.
23:44 Tin, nawhchizuar hnêna ka kalin a hnênah an lût ta tho va; tichuan hmeichhe hur Oholahi hnênah chuan an lût ta a ni.
23:45 Mahse mifelte chuan uirenute leh thisen chhuah chîng hmeichhiate ro an rêlsak angin an rêlsak ang, uirenute an niha, an kutahte thisen a kai avângin.
23:46 LALPA PATHIAN chuan hetiangin a ti si a: In chungah mipui ka pun ang a, ka rawktîr ang a, ka sawisak tîr hrep ang.
23:47 Tin, puipungho chuan lungin an deng ang a, an khandaihin an sat hlum ang a, an fanute an fapate an that ang a, an inte an halsak ang.
23:48 Hetiang hian hurna chu ram ata ka tibo vang a, hmeichhia zawng zawngin in hurna hi chîn tawp loh tûr a ni tih in hriat nân .
23:49 Tin, in chungah in hurna chu an thungrul ang a, in milim sualnate chu in tuar ang, tin, kei hi LALPA PATHIAN ka ni tih in hria ang," a ti a.
24:1 Kum kuana, thla sâwmna, chumi thla, ni sawm nîah chuan LALPA thu chu ka hnênah a lo thleng leh a,
24:2 "Mihring fapa, ni hming, vawiin ni hming ngei hi ziak rawh; hemi ni ngei hian Babulon lal chuan Jeruslem a rawn bei tan a.
24:3 Tin, helhmang chhûng hnênah chuan teh khin thu sawi la, an hnênah, LALPA PATHIAN chuan heti hian a ti a ni: Saso bel chhuang la, chhuang reng la, a chhûngah tui chhûng la,
24:4 sahrangte thlak la, a sa tha zawng zawngte, a bawp te, a dar te, a ruhkawlte chu tha deuh deuhtein tikhat rawh.
24:5 Ran rualte zinga a tha tha la la, a hnuaiah thingfak rawlh teuh la, so bawrh bawrh se; a ni, a ruhkawlte chu mun ni rawh se.
24:6 Chuvangin LALPA PATHIAN chuan heti hian a ti a ni: thisen chhuah hmang khawpui, saso bel a chhûng kang khir, a khir la reh ngai lo chu a chung apik e! Thlang chuang lovin, a sahrang khat khatin thur rawh u.
24:7 A thisen chhuah chu ama chungah a awm si a, vai vuta vûr theih nâna leia leih buak tâk a ruangin lungpui ro chungah a leih ta zawk a.
24:8 Phuba la tûra thinurna a lo thawh theih nân vur lo vin a thisen chhuah chu lungpui ro chungah ka leih a ni.
24:9 Chuvangin LALPA PATHIAN chuan heti hian a ti a ni; Thisen chhuah hmang khawpui chu a chung a pik e! keimah ngeiin ka chhep hluah ang.
24:10 Thing chhep teuh ula, mei tuah sâ ula, sate chu chhûm hmin kawi ula, satui chu nga takin, a ruhte pawh kangral rawh se.
24:11 Tichuan bêl chu a ruakin meivâm chungah chhuan ni reng sela, a lo sa ang a, a dar chu a lo ling ang a, a bawlhhlawhna chu a lo tuiral ang a, a kang khir chu a kanral theih nân.
24:12 Ning khawpa bei pawhin a kang khir chu a fai chuang lova, mei pawhin a kang fai hek lo.
24:13 I bawlhhlawhna chu hurna a ni a, ka thian chia, i fai chuan loh avângin i chungah ka thinurna ka hrîkthlak vek hma loh chuan engtikahmah i bawlhhlawhna ata chu tlenfai i ni tawh lo vang.
24:14 Kei LALPA hian ka sawi tawh a ni, a lo thleng ngei ang, keiin ka ti dawn si a, ka hnung tawlh lo vang a, ka lamlêt hek lo vang; i awmdante leh i thiltihang zelin ro ka relsak ang che, tih hi LALPA PATHIAN thu chhuak a ni,' ti rawh," a ti a.
24:15 Tin, LALPA thu chu ka hnênah a lo thleng leh a,
24:16 "Mihring fapa, ngai teh, thawklehkhatah i mit tlaina ber chu ka lâksak ang chia, i sûn tûr a ni lo va, i tap tûr a ni hek lo, i mittui pawh a tla tûr a ni lo.
24:17 Arûk têin rûm la, mitthi sûnna rêng rêng chu nei suh ang che, i diar khim la i pheikhawk bun la, i hmui hup suh la, mite chaw pawh ei suh ang che," a ti a.
24:18 Chitichuan zinglamah chuan mipuite hnênah thu ka sawi a, tlai lamah chuan ka nupui a thi ta mai a; tin, zinglamah chuan thu mi pêk ang chuan ka ti a.
24:19 Tin, mite chuan ka hnênah,"Hetiang i thiltihte hi ka tan eng nge a nih min hrilh dawn lawm ni?" an ti a.
24:20 Tichuan, kei chuan an hnênah," LALPA thu chu ka hnênah a lo thleng a,
24:21 Israel chhngte hnênah chuan sawi la, LALPA PATHIAN chuan heti hian a ti a ni:'Ngai rawh u, ka hmun thianghlim, in chakna chhuan ber, in mit tlaina ber, in ngainat zawng tak chu ka tibawlhhlawh dawn a ni; tin, in fanute, in fapate, hnunglama in kalsante chu khandaihin an tlu ang.
24:22 Ka tih ang chiah hian in ti ve dawn a ni; in hmui in hup lo vang a, mite chaw in ei hek lo vang.
24:23 In diarte pawh in khim ang a, in pheikhawk in bun ang: in sûn lo vang a, in tap hek lo vang, in khawlohnate chuan in thamral ang a, in intah tawn ang.
24:24 Hetiangin Ezikiela hi in tan entirna a ni ang a, a tihzia ang zelin in ti tûr a ni: hei hi a lo thlen hunah chuan LALPA PATHIAN chu ka ni tih in hria ang,' a tia ni," ka ti a.
24:25 "Tin, nang mihring fapa, an hnên ata an chakna te, an lungkham berte, an fanu leh an fapate ka lâk basak nîah chuan,
24:26 Chumi ni ngeiah chuan a tlan chhuak chu i hnênah a lo kal ang a, a rawn hriattîr dawn lo che êm ni?
24:27 Chu mi nîah chuan tlân chhuak hnênah chuan i ka i ang a, a hnênah thu i sawi ang a, i ngawi bo mai lo vang a; tichuan an tan entirna i ni ang a; tin, LALPA chu ka ni tih an hria ang," a ti a.
25:1 Tin, LALPA thu chu ka hnênah a lo thleng a,
25:2 "Mihring fapa, Amon fate chu hmachhawn la, an chungchang thu sawi rawh.
25:3 Tin, Amon fate hnênah chuan,'LALPA PATHIAN thu hi ngaithla rawh u, LALPA PATHIAN chuan heti hian a ti a ni, ka hmun thianghlim chu tihbawlhhlawha a awm a, Israel ram tihtiauva a awma, Juda chhûngte chu sala hruaia an awm lai khan, I hi! I lo tih avângin,
25:4 ngai rawh, khawchhak lam mite hnênah an neih atân ka pe dawn che a ni; nangmahah chuan buk an sual ang a, bu an khuar ang; i thei rahte an ei ang a, i hnute tuite an in ang.
25:5 Raba khua chu sanghawngsei inah ka siam ang a, Amon fate hmun chu ranrual bawh hmunah kasiam ang; tichuan LALPA chu ka ni tih an hria ang.
25:6 LALPA PATHIAN chuan heti hian a ti si a: Israel ram chungah i kut i bena, i ke i pera, rilru zawng zawnga a chhiatna chunga i lâwm avângin,
25:7 ngai rawh, i chungah ka kut ka lek a, hnamte hnênah râllâk atân ka mantir dawn che a ni; mite lak ata ka râwt ang chia, chûng ram ata chu ka tiboral daih ang che, ka tichhia ang chia, tichuan LALPA chu ka ni tih i hria ang," tiin.
25:8 "LALPA PATHIAN chuan heti hian a ti a ni: Moab leh Seir chuan,'Ngai rawh, Juda chhûngte chu hnamdang ang mai an ni e,' an tih avângin,
25:9 Moab ramri venna khawpuite chu râllâk ka beihtîr a, khawpui ropui ber Beth-Jesinoth te, Baalmeon Kiriathaim te pawh,
25:10 Khawchhak lam fate neih atân Amon fate nên ka pe ang a, Amon fata chu hnamte zingah hriat reng an nih tawh loh nân .
25:11 Moab ram chungah tu rel chu ka hlen ang a, tichuan LALPA chu ka ni tih an hria ang, tiin.
25:12 "LALPA PATHIAN chuan heti hian a ti a:'Edom chuan Juda chhûngte chungah phuba lain nasa takin thil a lo tisual a ni,ama thu maia an chunga phuba a lak avângin.
25:13 Chuvangin LALPA PATHIAN chuan heti hian a ti e: Edom chungah ka kut ka lek ang a, a lak ata mi leh sate ka rawt bo vek ang; Teman atangin ka ti tiau ang a, Dedan thlengin khandaihin an thi ang.
25:14 Tin, ka mi Israelte kutin ka phuba lakna chu ka thlen ang a, Edom chungahchuan ka thinurna ang zel leh ka thinrimna ang zelin an ti ang a, ka phuba lakna chu an lo hria ang,' tih hi LALPA PATHIAN thu chhuak a ni.
25:15 "LALPA PATHIAN chuan heti hian a ti a ni: Philistia miten phuba laa, kumkhaw in hmêlmaknain, mi tiboral duhna rilru chhia pua phuba an lak avângin,
25:16 LALPA PATHIAN chuan heti hian a ti a ni, Ngai rawh, Philistia mite chungah chuan ka kut ka lek ang a, Kareth khaw mite chu ka rawt vek ang a, tui kama mi la awm chhunte chu ka tiboral vek ang.
25:17 Tin, thinur taka zilhhauvin an chungah phuba ka la ang a, chutia an chunga ka phuba lakna ka thlen hunah chuan LALPA chu ka ni tih an hre tawh ang," a ti a.
26:1 Tin, kum sâwm leh kum khatna thla ni hmasa berah chuan heti hi a ni a, LALPA thu chu ka hnênah a lo thleng a,
26:2 "Mihring fapa, tûra chuan Jerusalem chung thuah,'I hi; Hnamte kawngkhâr chu a chhe ta, ka lamah a in hawng a, a lo tlakran tak vek avângin kei ka changtlung tawh ang,' a tih avângin,'
26:3 LALPA PATHIAN chuan heti hian a ti a ni: Ngai rawh, aw tûra, ka do che a ni; tuifinriatin a fawn a vawrh chhoh ang maiin i chunga lo kal tûrin hnam tam tak te ka rawn tir ang.
26:4 Tin, tûra kulhte chu an tichhia ang a, kulh bingsângte chu an tichim ang; an lak ata lei zawng zawng ka ziat fai leng ang a, lungpui ro maiah ka siam ang.
26:5 Tuipui laia lên pho rona hmun a ni mai ang, keiman ka sawi tawh si a, tih hi LALPA PATHIAN thu chhuak a ni: tichuan hnamte tan râllâk a ni mai ang.
26:6 Tin, a fanu rama awmte chu khandaiha tihhlum an ni ang a, tichuan LALPA chu ka ni tih an hria ang.
26:7 LALPA PATHIAN chuan heti hian a ti si a: Ngai rawh, tûra chungah chuan Babulon lal Nebukadnezzara, lalte lal chu hmârlam atangin, sakawrte nên, sakawr chung chuang mite, a pâwl leh mipui tamtak mai ka rawn hruai dawn a ni.
26:8 I fanute an that ang, ramah, khandaihin, Kulh a siam ang, nangmah dan nân , Nangmah do nân a siam ang, mual pawngte, I chungah ka phawsial a sîr ang.
26:9 Kulh sut chhiatna a siam, i kulh thiat nân, I kulh bangsâng a tichim ang, hreipuiin.
26:10 A sakawr tam avângin a khuh ang che, vaivutin, Khawpui chhiata mite an luh thin angin. I kawngka an luh ve hunah chuan, I kulhpui a nghing ang- Sakawr chung chuangte thâwm leh indo tawlailir thawmah.
26:11 Kawrsathang kein a chil chhia ang, i kawtthlêr zawng, I mite a that zo vang, khandaihin, I chakna bung sâng suar a chim ang.
26:12 I ro thil râllâkin an la ang, I bungrua zawng zawng an rawk zo vang, I kulh bangsuar ang a tichim ang, I runin nuam a tichhe zo vang, I thing, lung, hlum te an paih ang, tuipui laiah.
26:13 Ka tibang zo vang, , i zai thawmte, I tingtang ri pawh a dai hlen ang.
26:14 Lungpui ro maiah ka siam ang che. Lên pho ronaah i lo chang ang, Din i ni leh tawh lo vang, Keimah LALPA hian ka sawi tawh si, Tih hi LALPA PATHIAN thu chhuak a ni e.
26:15 LALPA PATHIAN chuan tûra khaw hnênah heti hian a sawi a,"I chhûngah chuan in thahnate a awm huna, mi hliamte an rûm hunah chuan i tlû thawmah chuan tuipui kam ramte a nghing dawn lo vem ni?
26:16 Tuipui chunga hotute zawng zawng chu an thutthleng ata an chhuk ang a, an puan ropui te, an dah ang a, an cheimawite an hlip tawh ang; khurhnain an inthuam zawk ang a, mak an ti ang che.
26:17 Tin, nangmam sûnna hla an phuah ang a, i hnênah-'Khawpui hmingthang, tuipui chunga chak, Tui thiam mite hlir chenna thin chu, Amah leh a chhûnga chengte zawng zawng, Mi veivakten an tih thin che nên, I chhiatna chu a va nasa êm!
26:18 I tlûkna nîah an nghîng, thliarkarte, Tuipui thliarkar an zam ang, i bo nîah,' an ti ang," tiin.
26:19 LALPA PATHIAN chuan heti hian a ti si a,"Khawpui ram, tuma luah loh khawpui anga ka siam hunah che chuan, tui thuk takah ka tipil ang chia, tui nasa takin a chîm ang che;
26:20 hmasâng mi, khur thuka kal tawh te hnênah ka tir thla ang chia,lei hnuai lamah, hmana tiau tawh khur thuka kal tawhte hnênah ka chentîr ang chia,tumahin an luah loh nân che leh mi nungte zinga ropuina i hmuh tawh hauh loh nân.
26:21 Ka tiboral daih ang chia, i awm tawh lo vang; miten zawng che mah sela an hmu tawp lo vang che," tih hi LALPA PATHIAN thu chhuak a ni.
27:1 LALPA thu chu ka hnênah a lo thleng a,
27:2 "Nang mihring fapa, tûra khaw sûnna hla phuah la,
27:3 tûra khaw hnênah chuan- Aw nang, tuipui kama cheng thin, Tuipui ka ram tamtakte hnêna sumdawngtu, LALPA PATHIAN chuan heti hian a ti a ni: Aw nang tûra, 'Ka mawi famkim' i ti maw!
27:4 I ramin tuipui lai chu a chhun e, I siamtuten an timawi chung chung chuang ngei che;
27:5 I thing hmanrua Senir fârin an siam e, I lawng ngulah, an la, Lebanon thingril.
27:6 Basan sasua i vai chaah an siam e, Saingho chhûngphûm i lawng chhuatah Tufar thing, Tuipui ram kittim ata chu.
27:7 I lawng puanzâr Aigupta nemte puan tial, Nangmah chhinchhiah nân a lo chuang e, I tan hliap zar dumpawl, senduk, Elisah tui kam ram ata chu.
27:8 I lawng kartu Zidon, Arvad mi an ni, I lawng khalhtute zawng chu, Aw tûra, I mifingte an ni e.
27:9 Gebal upa leh mi themthiam, I lawng tuahremtu an lo ni e, Tuipui lawng zawng leh a miten, Nangmah dawrin an pan che.
27:10 I râl tu mi, i sipai rual, Persia, Lud, Put an ni, An sialphâw leh an dar lukhum an bâng a, Nangmah chawimawitu an lo ni e.
27:11 Sipai rual Arvad mi nên an chuang, i kulhpui chungah, I kulhbîng Gammad-ho râl vengin, An sialphaw an bag e, i kulhpui vêlin, Nangmah cheimawitu an lo ni e.
27:12 I ngah vangin, sum leh pai ro thil tinreng, Tarsis chu dawr tu che a lo ni a, I bungrua leiin a hlan che, Tangkarua, thîr, rangva leh suante pawh.
27:13 Javan, Tubal, Mesek, nang dawrtu che hian, Sal leh dâr bungbêlin an dawr che, i bungraw neih nân.
27:14 Beth-togarmah chuan sakawr, indo sakawr leh sabengtung hlanin I bungrua an lei thin.
27:15 Dedan mite i dawrtute an ni a, Tui kam hmun tin i sumdawn hmun a lo ni, Saingho leh eboni an hlan che-dawvankai nân.
27:16 Bungrua i ngah avângin, Edom chu i dawrtu a lo ni a, Emerald lung, puan senduk, puan cheimawi, Puanzaisîn, thival, rubi lungtein an dawr che.
27:17 Juda leh Israelte pawh a dawrtuche an ni a, Minnith buh leh Pannag, khawizû,Hriak leh thinghnaiin an dawr che.
27:18 I ngah vangin, sum leh pai ro thil tinreng, Damaska i dawrtu a lo ni a, Helbon uain leh berâm hmul vârin an dawr che.
27:19 Uzal uain chu rawn lain an lei, i bungruate, Thîr tlê tak, thkathîng leh fûte i sumdawnna.
27:20 Sakawr chung phah puantein Dedan chuan a dawr che a.
27:21 Arabia leh kedar lalte nangmah dawrtute an ni vek, Berâm note, Berâmpate, kêlpatein an dawr che.
27:22 Seba leh Raamah sumdâwngtute chu a dawrtu che an lo ni; rimtui tha berte, lunghlu chitin leh rangkachaktein, an dawr che.
27:23 Haran, Kanneh leh Eden, Seba, Assuria leh kilmad sumdawngtute chu A dawrtuche an ni a.
27:24 Chûngte chu an ni dawrtu che, Silhfen tha mi, puan dumpawl leh puan cheimawi, Chhuatphah zemawi nên, Hruihrual nghet taka cherin, Heng hian an dawr che.
27:25 Tarsis lawngte chu i bungraw phur dual dualtute an ni, I lo mukin tuipui chungah i lo ropui ta.
27:26 I lawng khalhtun tuipui fawnah a khalh lut chia, Khawchhak thlîin a nuai ral che, tuipui laiah.
27:27 I sum leh pai, I dum leh pai, i bungruate, i sumdawn thil, I lawng mite, lawng khalhtu, tuahremtute, I hlânvêltu leh râltu mite, nangmaha awm, I chhûnga awm zawng zawngte nên, In pil bo vang, tuipui laiah, i chhiat nîin.
27:28 I lawng khalhtute au thâwmah, I vêla mite an khur e.
27:29 Lawng kar ngul vuantute zawng zawng, lawng mite leh, Tuipuia khalhtute zawng zawng chhukin, An ding vau kamah.
27:30 I chung thu-ah an aw hriat thamin an chhuah ang, Lungchhe takin an tap ang a, An lu-ah vaivutte phulin, an tal ang vut zingah.
27:31 Nangmah vanga inziat kâwngin, an fêng ang, saiip puan, Lungchhe vankaia tapin an sûn ang che, nasa takin.
27:32 Nangmah sûnin an chham ang, an tah hla, Tunge tûra ang awm le- Tuipui laia dairial chang ta hi?
27:33 I bungruate tuipuia chhuakin, Mi tamtak a hrai tlai thin, Lei lalte zawng i tihausa, I sum leh pai tam, i bungruain.
27:34 Tuipui thûkah i chhiatni khan, I sumdawnna thil, i mi zawng zawng, Rial ang an ral ta, nangmah nênin.
27:35 Tuikam mi zawg zawngin râpthlak an ti che, An lalte lah hlauvin an thlabar, A sak-hmêl pawh a dang zo ve.
27:36 Mite zînga sumdawngtuten an chek khum che, Mi tân tihkhaiah i lo chang ta, 'I lang leh tawh ngai lo vang le!,' tiin an tah khum che.
28:1 LALPA PATHIAN thu chu ka hnênah a lo thleng leh a,
28:2 "Mihring fapa, tûra hotu hnênah chuan sawi la,'LALPA PATHIAN chuan heti hian a ti: I rilru a chapo va, pathian ka ni a, tuipui laia pathian thuthmunah ka thu, i ti a, mahse mihring mai i ni a, pathian i ni lo va, patian rilru ang pu-ah in ngai mah la:
28:3 Daniela aiin i fing zawk a, i lakak thuruk rêng rêng a awm thei lo va,
28:4 i fin leh i remhriatnain i lo intihausa a, i ro bâwmah tangka leh rangkachak i khung a,
28:5 i finna nasa tak leh i sumdawnnain sum i tipunga, i hausak êm avângin i rilru a lo chapo ta a;
28:6 chuvângin LALPA PATHIAN chuan heti hian a ti: Pathian rilru ang pua i in ngaih avângin,
28:7 ngai rawh, awze mi, hnam tihbaiawm tak i hnênah ka rawntîr dawn a ni; i finna rah mawi chungah an khandaih an vilik ang a, i ropuina an tikhawlo vang.
28:8 Khur thûkah an tir lut ang chia, tuipui laia an thahte thihin i thi ang.
28:9 A thattu che hmaah chuan,'Pathian ka ni,' i la ti cheu dawn êm ni? A hliamtu che kutah, chuan pathian i ni lo va, mihring mai i ni zawk.
28:10 Awze mite kutah, serhtan loh thihin i thi ang; ka tawng tawh si a," tih hi LALPA PATHIAN thu chhuak a ni.
28:11 Chu lo pawh chu LALPA thu chu ka hnênah a lo thleng a,
28:12 "Mihring fapa, tûra lal sûnna hla phuah la, a hnênah, Heti hian LALPA PATHIAN-in tha famkim tak, finnaa khat, mawina tinreng!
28:13 Pathian huan Edenah i cheng; Lunghlu tinreng i in bel a, Sardion, topaz lung leh diamond. Berul, Onuks, jaspi, sapphir, smarakdin, karbankul, A phûm nghehna a ziak mawina rangkachaka siamte Nangmah siam nîa buatsaih tawhte chu.
28:14 Nang chu vengtu cherub hriak thih i ni; Pathian tlâng thianghlimah ka awmtîr chia, Meivam iang lung zingah i leng.
28:15 I tha famkim siama i awm ni ata, Nangmaha khawlohna a awm hmâ rêng zawng.
28:16 I sumdawnna a pung tual tual, A tikhat che pawngnêkin, Sualah i lo tlu e, Pathian tlâng hnawmhnêa'n ka hnawl che, Vengtu cherubin a hnawt chhuak che, Meivam iang lung zing ata.
28:17 I mawina vanga lo chapovin, I ropuinain i finna tikhawlovin, Leiah ka paih chia, Lalte hmâah mualah ka pho che-ennawmah.
28:18 Tin, Benjamina thlahte chuan chutiang chuan an ti a, lamho zinga mi anmahni zat theuh nupuiah an man a, an kal bopui ta a: tin, an ram lamah chuan an hawng a, khawpui chu an chei leh a, chutah chuan an awm ta a.
28:19 Mite zinga a hria apiang che mak tiha'n, tihkhaiah i lo chang ta, I awm ngai rêng rêng tawh lo vang le," tiin.
28:20 Tin, LALPA thu chu ka hneah a lo thleng a,
28:21 "Mihring fapa, Sidon hmachhawn la, a chungthu sawi rawh.
28:22 Heti hian LALPA PATHIAN chuan a ti: Ka dodal che a ni, aw sidon, Ka tilang ang, ka ropuina, nangmahah LALPA ka nihzia an hria ang a, Amahah ro ka rel hunah chuan, Ka entîr ngei ang, ka thianghlimna.
28:23 A kawtthlêrah thisen leh hripui ka thlen ang, A chhûngah mi hliam an tlu ang a,Hmun kil tin, ata, chemsenin, Tin, LALPA ka ni tih an hria ang.
28:24 Tichuan Israel chhûngte tan chhuntu tûr hnim hlingnei a awm lo vang a, a vêlaan mahni hmusittute zîngah tinatu tûr hlîng a awm tawh lo vang; tin, kei hi LALPA PATHIAN ka ni tih an hria ang.
28:25 "Heti hian LALPA PATHIAN chuan a ti a ni: Israel chhûngte chu an darhna ram mite zîng ata ka hruai khâwm leh hunah hnamte mithmuhah anmahniah ka thianghlimna ka entir hunah chuan Jakoba hnêna ka pêk, an ram ngeiah chuan an cheng tawh ang.
28:26 Tichuan him takin an awm tawh ang; a ni, in te an sa ang a, grêp huante an siam ang a, him takin an awm ang, an vêla hmusittu zawng zawngte chungah ro ka rel hunah chuan kei hi LALPA an Pathian ka ni tih an hria ang," tiin.
29:1 Kum sâwmna, thla sâwmna, chumi thla, ni sâwm leh ni hnihnaah chuan LALPA thu ka hnênah a lo thleng a,
29:2 "Mihring fapa, Aigupta lal Pharaoa hmachhawn la, a chungah leh Aigupta mi zawng zawng chungah thu sawi rawh.
29:3 Sawi la,'LALPA PATHIAN chuan heti hian a ti a ni: Ngai rawh, Aigupta lal Pharaoa, luipuite laia awlepui ropui tak, ka lupui hi ka ta a ni, keimah ngei atân ka siam a ni,' titu, ka do che a ni.
29:4 I khabêahte nghakuaiin ka man ang chia, luipuia sânghate chu i phuhlipah ka tibet ang a, luipui lai ata i phuhlipah sângha zawng zawngte nên chuan ka pawt chhuak ang che.
29:5 Tin, thlalêrah ka paih ang chia, nang leh i luipuia sângha zawng zawngte pawh; tâmlakah i tla ang a, i ruang hlawm a ni lo vang a, phûm i ni hek lo vang; ram sakawlhte leh chunglêng savate hnênah chaw atân ka pe ang che.
29:6 Israel chhûngte tân luang tiang mai an lo nin tâk avângin Aigupta rama chêng zawng zawngte chuan kei hi LALPA ka ni tih an hria ang.
29:7 Kutin an vawn chein i lo tliak a, an kokîah i chhun thlêr a, an rinchhan chia, i tliak a, an kâwngte chu a sai dawt dawt a.
29:8 Chuvangin LALPA PATHIAN chuan heti hian a ti: Ngai rawh, i chungah khandaih ka rawn thlen ang a, i lak ata mi leh sa ka râwt bo vek ang.
29:9 Tin, Aigupta ram, ram tiau leh khawram a ni mai ang a, kei hi LALPA ka ni tih an hria ang; luipui hi ka ta a ni a, ka siam a ni , a tih avângin.
29:10 Chuvângin ka do chia, i luipui pawh; Suene kulh atangin Ethiopia ramrti thlengin Aigupta ram chu ram tiau leh khawramah ka siam ang.
29:11 Mihring kêin a chîl ngai lo vang a, sate pawh an kal ngai hek lo vang; kum sâwmli chhûng pawhin luahin a awm hek lo vang.
29:12 Tin, Aigupta ram chu, ram tiaute zînga pakhatah ka siam ang a, a khawpuite chu khawpui ramte zîngah kum sâwmli a tiau ang: Aigupta mite chu hnamte zîngah ka tidarh ang a, ram tinah ka tidarh ang.
29:13 LALPA PATHIAN chuan heti hian a ti si a: kum sâwmli hnuah chuan an darhna mite lakah chuan Aigupta mite chu ka khâwm leh ang:
29:14 Aigupta mite awmdân la let ang a, an pianna ram, Pathros ramah ka tîr ang; tin, tah chuan tlâwm takin an lal ang.
29:15 Lalna ram tlâwm ber a ni ang, hnamte zîngah a intilal tawh hek lo vang; hnamdang chunga thu a neih tawh loh nân anmahni ka ti te dawn a ni.
29:16 An lam hawi apiangin ankhawlohna an hriatchhuah thin avângin Israelte rinpui an ni tawh lo vang; tin, LALPA PATHIAN chu ka ni tih an hria ang, a ti,' ti rawh," tiin.
29:17 Tin, heti hi a ni a, kum sâwmhnih leh kum sarihna, thla khatna, chumi thla ni khat nîah LALPA thu chu ka hnênah a lo thleng a,
29:18 "Mihring fapa, Babulon lal Nebukadnezzara chuan tûra chungah hna ropui tak thawk tûrin a sipai rual chu a ti a, mitin chhîpte chuan a kawlh phah a, mi kokîin a pilh phah bawk a; mahse amah leh a sipai rualte pawhin an hnathawhah chuan tûra lakah hlâwkna engmah an hmu chuang lo.
29:19 Chuvangin LALPA PATHIAN chuan heti hian a ti a ni: Ngai rawh, Aigupta ram chu Babulon lal Nebukadnezzara hnênah ka pe dawn a, a thil ngah rei rûite chu a la bo anga, a rawk ang a, a râllâksak ang; chu chu a sipai rualte hlawh chu a ni mai ang.
29:20 Ka rawng an bâwl avângin Aigupta ram hi an hlawhah ka pe a ni, LALPA PATHIAN chuan a ti a ni.
29:21 Chumi nîah chuan Israel chhûngte tan kî ka chawr chhuahtîr ang a, an zîngah chuan i kâ ka ântîr ang; tichuan LALPA chu ka ni tih an hria ang," tiin.
30:1 LALPA thu chu ka hnênah a lo thleng leh a,
30:2 "Mihring fapa thu sawi la, LALPA PATHIAN chuan heti hian a ti a ni:" Chiau vak vak rawh u, Ehei, chu nî tak chu!
30:3 Nî a hnai e, LALPA nî chu a hnai e, Chhûm zîn nî, awze mite chhiatna tûr.
30:4 A lo thleng dawn, chemsen, Aigupta chungah, Thinlai natna Ethiopia chungah; Aigupta-ah mi thah an tlûkin, A ngah rei rûite lâksakin, a nghahchhan suar ang chim e.
30:5 Ethiopia, Put leh Lud, hnam tin, lêng za chu, Kub leh ram fa tel vete zawng zawng, An tlu ang, chemsenin.
30:6 LALPA chuan heti hian a ti: Aigupta tungding tute pawh kha an tlu ang, A chakna chhuan thin pawh chu a tlâwm ang; Migdol atangin Suene thlengin khandaihin an tlu vek ang, LALPA PATHIAN chuan a ti a ni.
30:7 Ram tihtiau tawhte zînga pakhat a ni ang a, a khawpuite pawh chu khawpui ram tawhte zînga mi an ni mai ang.
30:8 Aigupta ramah mei ka chhuah a, a puitute zawng zawng ka tihchhiat hunah chuan LALPA chu ka ni tih an hria ang.
30:9 Chumi nîah chuan Ethiopia mi inring lohote tizâm tûrin ka hnên ata mi tirh lawngin an kal ang a; tin, Aigupta nî ang bawkin thinlung manganna tak an chungah a thleng ve ang; ngai rawh, a lo thleng mek e!
30:10 `LALPA PATHIAN chuan heti hian a ti a ni: Babulon lal Nebukadnezzara kutin Aigupta thil ngah rei rûite chu ka tibo ang.
30:11 Ram tichhe tûrin amah leh a hote, hnamte zînga tihbaiawm takte chu hruai thlen an ni ang, Aigupta chungah chuan khandaih an lek ang a, ram chu mi ruangin an tikhat ang.
30:12 Tin, luipuite chu ka tikang a, ram chu mi sualte hnênah ka hralh ang; a ram leh a chhûnga awm zawng zawng chu awze mite kutin ka titiau vang: kei LALPA hian ka sawi tawh a ni.
30:13 "LALPA PATHIAN chuan heti hian a ti a ni: Milimte chu ka tichhia ang a, Noph khua ata milimte ka tibo vang, Aigupta-ah hotu rêng rêng an awm tawh lo vang: tin, Aigupta ramah chuan hlauhna ka awmtîr ang.
30:14 Pathros chu ka titiau vang a, Zoan-ah chuan, mei ka chhuah ang a, No khua chuan ka hlen ang.
30:15 Tin, Aigupta kulh sin khaw chungah ka thinrim ka hrithla ang a, No khuaa mipuite chu ka rawt bo vang.
30:16 Tin, Aigupta-ah chuan mei ka chhuah ang a, Sin khua chu mangang takin a awm ang a, No khua pawh a chim vek ang: Noph khua chuan chhûnah hmêlma a nei fo vang.
30:17 Aven leh Pibeseth khaw tlangvâlte chu khandaihin an tlu ang a, Chûng khuate chu sala hruaiin an awm.
30:18 Aigupta nghawngkawl ka tihtliaha, a chakna a chapo pui thin ka tihtâwp hunah chuan Tehaphnehes khuaah chuan nî a thim ang; amah zawng chhûmin a hliah ang a, a fanute chu sala hruaiin an awm ang.
30:19 Hetiang hian Aigupta ramah thu ka hlen ang: tichuan kei hi LALPA ka ni tih an hria ang," tiin.
30:20 Tin, heti hi a ni a, kum sâwm leh kum khatna, chumi thla ni sarih nîah chuan LALPA thu chu ka hnênah a lo thleng a,
30:21 `"Mihring fapa, Aigupta lal Pharaoa ban chu ka titliak a; tin, ngai rawh, khandaih keng tûra a chak leh nân damdawi hnawih leh tuam a hlawh lo.
30:22 Chuvangin LALPA PATHIAN chuan heti hian a ti a ni: Ngai rawh, Aigupta lal Pharaoa chu ka do a ni; a bân a tha lam leh a tliak tawh hnulam pawh chu ka ti tliak ang a; tin, a kut ata khandaih chu ka ti tla ang.
30:23 Tin, Aigupta mite chu hnamte zîngah ka tidarh ang a, ram tinah ka tiphirsî vek ang.
30:24 Tin, Babulon lal bânte chu ka tichak ang a, a kutah khandaih ka kentîr ang a; Pharaoa bânte erawh chu ka titliak ang a, a hmâah chuan thihpui khawp hliam rûmin a rûm ang.
30:25 Tin, Babulon lal bânte chu ka tichak ang a, Pharaoa bânte erawh chu ka uai thla ang; tin, Babulon lal kutah ka khandaih ka kentîr a, Aigupta lal chunga a lek hunah chuan kei hi LALPA ka ni tih an hria ang.
30:26 Tin, Aigupta mite chu hnamte zîngah ka tidarh ang a, ram tinah ka tiphirsî vek ang a; tin, LALPA chu ka ni tih an hria ang" tiin.
31:1 Tin, heti hi a ni a, kum sâwm leh kum khatna, thla thumna, chumi thla ni khat nîah chuan LALPA thu chu ka hnênah a lo thleng a,
31:2 "Mihring fapa, Aigupta lal Pharaoa leh a khua leh a mite hnênah sawi la: Ropuinaah tunge i an le?
31:3 Ngai rawh, Lebanon zarmawi leh Buk, hlim chhah, sâng mawi, A zîk chhûm kara leng i iang e.
31:4 Siktui thiang châwm, lipui siama thang tual tual, A phunna luiten an luan vêl a, Ram thing tin, châwm nân a luantîr e.
31:5 Chutin ram thing zawng hnehin a sâng zual e, A zâr a thang a, a tang a sei, Tui tamtak châwm, hnianghnarin.
31:6 Bu an khuar e, a zarah, chungleng sava ten, A zar hnuaiah sa tinrengin nau an nei;A hlim hnuaiah hnam ropui zawng an cheng e.
31:7 Chutin a mawi, a ropuina, a zâr sei zêlin, A zung tân tui zawng a hnianghnar e.
31:8 Pathian huana sidar thingten an chhîng lo ve, a zâr, fâr thingin a iang zo lo, a tang pawh thingsiain a iang hek lo, A mawinaah Pathian thing a chhing zo ve.
31:9 A tang titamin ka siam mawi a, Pathian huana Eden thing zawngten an îtsîk e," tiin.
31:10 Chuvangin LALPA PATHIAN chuan heti hian a ti a ni; A lo sân êm êma, chhûmte zînga a zîk a lêna, a thinlungin a sanzia chu a chapopui avângin,
31:11 hnamte zînga mi chak tak kutah ka mantîr ang: a suahsual zia ang zêlin a hrem ang a, ka hnawtchhuak ang.
31:12 Tin, awze mi hnamte zînga tihbaiawm takte chuan an kit ang a, an hluihlâwn ang: tlângahte, ruamahte a tangte a tla rem rum ang a, chu ram tui luankawr zawng zawngahte a zarte chu a tliak rem rum ang: khawvela mi zawng zawngte chu an hlim ata an chhuak ang a, amah chu an kalsan ang.
31:13 A chhiatnaah chuan chunglêng sava zawng zawngte an chêng ang a, a tang chungahte chuan ramsate an awm ang.
31:14 Hêng hi tuia châwm thing zawng zawng an intihsân lohva, an zîk chhûm kâra lêng lova, tuia châwm thing rêng rêngin an sânzia an chhuan hek lohna tûr a ni: lei hmun hnuaihnung bera khuarkhuruma chhuk ta, mihring fate zîngah kal tûrin, thihnaa mantîr an ni vek tawh si a.
31:15 "Lalpa PATHIAN chuan heti hian a ti a ni: Seola a chhuk nî-ah chuan tui thûk tak chu amah ka sûntîr a, a luite ka chawlhtîr a tui tamtakte chu a luang lo va; Lebanon amah ka sûntîr bawk aram thing zawng zawngte amah avângin an chau zo ta.
31:16 Hnamte pawh a tlu thâwmah chuan ka tikhûr a, khuarkhuruma chhuk tawhte hnêna seola ka paihthlâk ni chuan; Eden thing zawng zawngte, Lebanon thing tha thate, tuia chawm zawng zawngte chu lei hnuaihnung berah chuan thlamuanin an awm ta.
31:17 Khandaiha thahte hnênah chuan Seolah an chhuk ta bawk a; ani hnamte zînga a hlim hnuaia chêng thin, a kut ke te ngei pawh chu.
31:18 Eden thingte zîngah ropuina leh lennaah tunge nang ang awm? Mahse Eden thingte nên chuan lei hmun hnuaihnung berah paihthlak i ni ang; khandaiha thah, serhtan lohte zîngah i mu tûr a ni, Hei hi Pharaoa leh a khua leh tuite chu an ni, tih hi LALPA PATHIAN thu chhuak a ni.
32:1 Tin, heti hi a ni a, kum sâwm leh kum hnihna, thla sâwm leh thla hnihna, chum thla ni khat nîah chuan LALPA thu chu ka hnênah a lo thleng a,
32:2 "Mihring fapa, Aigupta lal Pharaoa sûnna hla phuah la, a hnênah: Hnamte sakeibaknei vanglai anpui chu! Tuipui awlepui i iang zâwk e; I hnara tuite tiphuanin, i kein i chawk nû, I luite i tibawlhhlawh zo ta.
32:3 LALPA chuan heti hian a ti: Ka lênin nang an man ang chia, mi tam tak nên , Ka lênin nang an man ang che.
32:4 Ka hluihlâwn ang chia, khawmualah, Ka paih ang che, tâmlakah; chunglêng zawng zawng ka ko khâwm ang, i chungah, ka ti tlai ang, lei pumpui ramsa, nangmahin.
32:5 Tlâng tinah i sa ka hlui ang a, I ruangin ruamte a tikhat ang.
32:6 I chênna ram tlâng thlengin, ka bual ang, i thisenin, kawr tin a khat bawk ang, nangmahin.
32:7 Ka tihchimih hunah che chuan, Vân ka khuhin arsi ka ti thim ang, nî ka hliah bo vang, chhûmin, Thlain a êng a chhuah lo vang.
32:8 Vân êng zawng ka tithim ang, i chungah, i ramah thim ka lêntîr ang, tih hi LALPA PATHIAN thu chhuak a ni," ti rawh.
32:9 I hriat loh rama hnamte zînga i chhiatna ka thlen hunah chuan mi tamtakte thinlung ka ti chî-ai ang.
32:10 A ni mi tamtak nangmahah mak tiin ka siam ang a, an hmâa ka khandaih ka vilik hunah chuan nangmah avângin an lalte pawhin rapthlâk an tiin an hlau êm êm ang; i tlûk nîah chuan mi tinin an nun chân hlauvin an khûr an khûr ang.
32:11 LALPA PATHIAN chuan heti hian a ti si a: Babulon lal khandaih i chungah a lo thleng dâwn.
32:12 I mite ka tlûktîr ang, râlhrât mite khandaih, Hnamte zînga tihbaiawm berte an ni, An tichhia ang, Aigupta mi ropuina, A mipui zawngte an boral ang.
32:13 Tui tam tak kam ramsa zawng a tiboral ang, Mi kete chuan a pal nu tawh lo vang a, Ramsa kete pawhin a pal nu tawh hek lo vang.
32:14 Chutin tui ka tifîm ang a, Ka luantîr ang, luite chu, hriak angin, tih hi LALPA PATHIAN thu chhuak a ni.
32:15 Aigupta ram ka tihtiau chhiata, A nghahna zawng zawngah saruakin, A chhûnga chêngte ka râwtbo hunah chuan, kei LALPA ka ni tih an hre ngei ang.
32:16 Hei hi an tah hla tûr chu a ni; hnamtin fanuten hei hian tapin Aigupta leh a mi zawng zawngte an sûn ang," tih hi LALPA PATHIAN thu chhuak a ni.
32:17 Tin, heti hi a ni a, kum sâwm leh kum hnihna, chumi thla ni sâwm leh panga nîah chuan LALPA thu chu ka hnênah a lo thleng a,
32:18 "Mihring fapa, Aigupta mipuite chu tah vâk vâk la, amah leh hnam hmingthang tak fanute chu khuarkhuruma chhuk tawhte hnênah lei hnuaihnung lamah chuan paih thla rawh.
32:19 Mawinaah tunge i khûm le? Chhuk la, serhtan lohte zîngah chuan zâl rawh.
32:20 Khandaiha thah tawhte zîngah chuan an tlû ang a, khandaih hnênah pêk an ni tawh a, amah leh a mi zawng zawngte chu hnûk bo rawh u.
32:21 Seola awm râlhrât mi chak tak takte chuan amah leh a tanpuitute an bia ang; an chhuk a, an mu reng a, khandaiha thah, serhtan lohte chu.
32:22 Chutah chuan Assur leh a hote zawng zawng an awm a; an thlânte chu ama vêlah a awm a: an zain thah, khandaiha tlu vek an ni.
32:23 An thlânte chu khuarkhurum thûk berah a awm a, a thlân vêlah chuan a hote an awm a: an zain thah, khandaiha tlu vek, mi nung ram tirâltitute chu an ni.
32:24 "Chutah chuan Elam leh a thlân vêlah a hote an awm a; an zain thah, khandaia tlu, lei hnuaihnunga serhtan lohva chhuk mi nung ram tirâltitute, an mualphona khuarkhuruma chhukpuitute an ni a.
32:25 Mi thahte zîngah chuan amah leh a hote mutna an siamsak a, a thlânte chu ama vêlah a awm a; an zain serhtan loh, khandaiha thah an ni a; an hlauhawmna chu mi nung ram râltitna a ni thin a, khuarkhuruma chhuk tate nên chuan an mualphona an phur a, mi thahte zîngah chuan an awmtîr a.
32:26 "Chutah chuan Mesek leh Tubal, an hote nên an awm a; an thlânte chu amah vêlah a awm a; an zain serhtan loh, khandaiha thah an ni a; an hlauhawmnain minung ram a tirâlti thin si a.
32:27 Serhtan loh, mi chak tlute, indo hriamhrei nêna Seol chhuk tate, an khandaih lukhama, an ruhte chunga an phawte awm hnênah chuan an mu lo vang: anni zawng minung rama mi chak tirâltitute an ni si a.
32:28 Nang chu serhtan lohte zîngah bung rem rumin i awm ang a, khandaiha thi te hnênah i mu ang.
32:29 Chutah chuan Edom, a lalte leh a hotute zawng zawng an awm a; an chak teh na a, khandaiha thahte zîngah an zalh a ni; serhtan loh, khuarkhuruma chhuk tawhte hnênah an mu a.
32:30 Chutah chuan hmârlam hotute, an vaiin, sidon mi zawng zawng, thahte zinga chhuk tawhte nên chuan an mualpho tlâng ta a ni.
32:31 "Pharaoa chuan a lo hmu ang a, a mite zawng zawng chu a thlamuan phah ang, Pharaoa leh a sipai rual zawng zawng, khandaiha thahte ngei pawh chu, tih hi LALPA PATHIAN thu chhuak a ni.
32:32 Mi nung ramah chuan râltitna a lêntîr a, serhtan loh, khandaiha thahte zîngah a mu ang, Pharaoa leh a mi zawng zawngte ngei chu, tih hi LALPA PATHIAN thu chhuak a ni," a ti a
33:1 Tin, LALPA thu chu ka hnênah a lo thleng a,
33:2 "Mihring fapa, i hnam fate hnênah,'Ram chunga khandaih chu ka rawn thlen chuan ram mite chuan an zîng ata mi pakhat an thlan chhuaha, enthlatua an dah chuan,
33:3 anin ram chunga khandaih lo thleng a hmuh chuan tawtawrâwt a ham ang a, mipuite chu a in ralrintîr ang;
33:4 tichuan tupawh tawtawrâwt ri hriaa pawisa lotu chu, khandaih lo thlengin boral phah ta mah sela, a thisen mawh chu amah ngeiin a phur tûr a ni.
33:5 Tawtawrâwt ri a hriata a pawisak loh avângin a thisen mawh chu a phur mai tûr a ni. A lo pawisak erawh chuan a nun a hum him dawn a ni.
33:6 Amaherawhchu enthlatu chuan khandaih lo thleng chu a hmuha, a tawtawrâwt a ham lohva, mipuite chu an inrâlrin lohva, khandaih chu a lo thlena, an zînga mi tu emawin a boral phah chuan a khawlohnain a boral a ni ang a, a thisen phuba chu enthlatu lakah ka la ang,' ti rawh.
33:7 Chutiang chuan nang, mihring fapa, Israel chhûngte tan enthlatuah ka siam che a ni; chuvangin ka kaa thu chhuak hi ngaithla la, ka hnên ata inralrinna tûr thu chu an hnênah hrilh rawh.
33:8 Mi suaksual hnênah chuan,'Aw mi suaksual pa, i thi ngei tûr a ni' ka tihin, mi suaksual chu a awmdan kalsan tûra i hrilh loh chuan mi suaksual chu a khawlohnaah a thi ang a, a thisen phuba erawh chu i lakah ka la ang.
33:9 Amaherawhchu mi sual chu a awmdan kalsan si loh chuan, a khawlohnaah a thi ang a, nang erawh chuan i nun i humhim a ni ang.
33:10 Tin, mihring fapa, nangin Israel chhûngte hnênah thu sawi la,'Hetiang hian in ti a, kan bawhchhiatnate leh kan sualnate chuan kan rîral a ni, engtin nge kan nun theih reng ang?' in ti a.
33:11 An hnênah chuan,'A nuna kan nun chhûng chu, mi suaksual thihnaah hian lâwmna rêng ka nei lo va, mi sualsualin a awmdan a kalsan a, a nun hi ka lawmzawng a ni zawk. I awmdan tha lo atang chuan kîr r'u, Aw, Israel chhûngte u, engah nge in thih ang le? Tih hi LALPA PATHIAN thu chhuak a ni,' tiin sawi rawh.
33:12 Tin, nang mihring fapa, i hnam fate hnênah chuan sawi la, Mi fel felna chuan a bawhchhiatna nîah chuan amah chu a chhanhim lo vang a
33:13 Mi fel hnênah chuan,'Inung ngei ang,' tih ka sawiin, a felna ringa thil a tihsual chuan a thilfel tih pakhat mah hriatreng a ni lo vang; a thil lo tihsaulnaah chuan a thi zawk ang.
33:14 Tin, misual hnênah ,'I thi ngei ang,' ka tih leh thungin, a sualnate a hawisana a thiang leh a dik a lo tih a,
33:15 Misual chuan mi dahkhamte a pêkkîr a, a thil rûkte a pêk leha, nuna dante a zawh a, khawlohna engmah a tih loh chuan a nung ngei ang a, a thi lo vang.
33:16 Sualna a lo tih tâk engmah kha hriatreng a ni tawh lo vang a, a thiang leh a dik chu a lo ti tawh a, a nung ngei ang.
33:17 Mahse i hnam fate chuan,' LALPA thil tih dan hi a rual lo ve,' an tihin anmahni tih dân a fel lo zawk a ni si a.
33:18 Mi fel chuan a felna a hawisan a, thil sual a lo tih chuan chumi avâng chuan a thi mai ang.
33:19 Tin, mi sualin a sualna a hawisana, a thiang leh a dik chu a tih chuan chumi azârah chuan a nung ang.
33:20 Mahse'LALPA tih dân hi a rual lo ve,' in ti a, aw, Israel chhûngte u, mi tin, chu mahni tih dân ang zelin ka relsak ang che u,' a ti a.
33:21 Tin, heti hi a ni a, kan saltan kum sâwm leh kum hnihna, thla sâwmna, chumi ni thla ni nga nîah chuan Jerusalem ata tlânchhuak mi pakhat ka hnênah a lo kal a,"Khawpui chu hneh a ni ta," a rawn ti a.
33:22 Tin, chumi tlânchhuak chu a lo kal hmâ tlai lamah chuan LALPA chuan ka chungah a kut a nghat a, zîng lama ka hnêna a lo kal chuan ka kâ mi lo ântîr hman a, tichuan ka kâ chu ka âng a, tawng thei lovin ka awm ta lo.
33:23 Tin LALPA thu chu ka hnênah a lo thleng a,
33:24 "Mihring fapa, Isarael rama hmun ram tawh hnua awmte chuan,'Abrahama chu pakhat a ni a, ram chu a luah a, keini erawh chu tamtak kan ni a; ram chu rochun tûra pêk a ni tawh ang chu,' tiin a sawi a.
33:25 Chuvangin an hnênah chuan LALPA PATHIAN chuan heti hian a ti: Sa thisen in ei a, in milimte lamah in mitte in lên chho va, thisen in chhuah a, nangnin ram chu in chang ang maw?
33:26 In khandaih in ring a, thil tenawm in ti a, mi tinin thenawmpa nupui in ti khawlo va, nangnin ram chu in chang ang maw?
33:27 Hetiang hian an hnênah i sawi tûr a ni, LALPA PATHIAN chuan heti hian a ti a ni: A nuna ka nun chhûng chu, hmun ram tawh hnua awmte chu khandaihin an tlu ngei ang a, tâmlaka awmte chu sakawlh hnênahte ei zawh atân ka pe ang a, kulh nghet leh pûka awmte chu hripuiin an thi ang.
33:28 Tin, ram pawh chu ka ti tiauvin, rapthlak takah ka siam ang a, a thltihtheihna, a chapopui chu a kin tawh ang; Israel tlângte chu a tiau vang a, tumah an veivaktawh lo vang.
33:29 Thil tenawm an tih avânga ram chu ka tih tiauva, rapthlak taka ka siam hunah chuan kei hi LALPA ka ni tih an hria ang.
33:30 Tin, nang, Mihring fapa, bang bulah kawngkâahte i hnam fate chuan an sawi huai huai ang chia, mi tinin an unaute hnênah,'Hawh teh u khai! LALPA hnên ata thuchhuak i ngaithla ang u,' an in ti ang.
33:31 Tin, a hlawp hlawpin i hnênah an lo kal ang a, ka mite ang maiin i hmâah an thu ang a, i thu an ngaithla ang a, mahse an zawm chuang lo vang: an kâin hmangaihna nasa tak an tilang ang a, an thinlung erawh chuan hlêpna lam a pan ang.
33:32 Tin, ngaiteh nang chu an tan chuan hmangaihna hla, mawi taka sak leh tum ang i ni ang: i thu te chu an ngaithla a, mahse an zawm chuang lo vang.
33:33 Hei hi a lo thlen hunah (ngai rawh, a lo thleng mêk e), an zîngah zâwlnei a awm tih an hre dâwn nia,' a ti e, ti rawh" a ti a.
34:1 Tin LALPA thu chu ka hnênah a lo thleng a,
34:2 "Mihring fapa, Isrel ho berâmpute hnên ngei ah chuan, heti hian LALPA PATHIAN in a ti a ni:'Israel ho berâmpu, mahni in chawm mai te chu an chung a pik e! berâmpute chuan berâm chu an chawm lo vang êm ni?
34:3 A thaute chu in ei a, a hmulin in in thuam a, a thau thaute chu in talh a, Berâmte chu in châwm si lo.
34:4 Natna veite in ti chakin, dam lote in ti damlo va, ke tliakte chu in tuam lo va, hnawh bote in rawn hruai hek lo; khauh tak leh natakin in inthuam ta zawk a.
34:5 Berâmpute an awm loh avngin tihdarhin an lo awm ta a, an lo darh a, ramsa kawlhte chaw mai an lo ni ta a.
34:6 Ka Berâmte chu tlangtin leh mualtinah an vâk bo va; a ni, ka Berâmte chu lei chung zawng zawngah an lo darh ta; ngaihsaktu leh zawngtu reng an awm lo,' tiin sawi rawh," a ti a.
34:7 Chuvângin berâmpute u, LALPA thu hi ngai thla rawh u,
34:8 "A nuna ka nun chhûng chu," tih hi LALPA PATHIAN thu chhuak a ni, berâmpute an awm lohva, berâmputen ka berâmte an zawn lohva, berâmte an chawm lohva, anmahni an in chawm zawk avângin ka berâmte chu ramsakawlhte chaw mai an lo ni a, ka berâmte chu saseh mai an lo ni ta ngei a;
34:9 Chuvangin nangni berâmpute u, LALPA thu hi hre rawh u.
34:10 Heti hian LALPA PATHIAN chuan ati a ni:'Ngai rawh u, berâmpute chu ka do a ni; an kut ata ka berâmte ka chhuh ang a, ka berâmte an enkawlna ka titawp ang a, berâmpute pawh anmahni an inchawm tawh hek lo vang; an ângchhûng ata ka berâmte ka la chhuak ang a, an tan eitûr a nih tawh loh nan,' tiin.
34:11 Heti hian LALPA PATHIAN chuan a ti si a: Ngai rawh u, kei, keimah ngei hian ka berâmte ka zawng ang a, ka zawng chhuak ang.
34:12 berâmpuin a berâm darhte zînga a berâm rualte a zawn lai angin ka berâmte ka zawng chhuak ang; khawdur ni leh thim hnuaia am darhna zawng zawng ata ka zawng chhuak ang.
34:13 Tin, mite zîng ata ka la chhuak ang a, ram tin, ata ka khâwm ang a, an ram ngeiah ka hruai lut ang; Israel tlângahte, tuikawr ruamahte, mi chenna hmun zawng zawngahte ka tlattîr ang.
34:14 Hlobet tha tak hmunahte ka tlattîr ang a, an huang chu Israel tlangsângahte a awm ang, huang tha tah chhûngah an bawk ang a, Israel tlanmg chunga hlobet dâwng hmunahte an tla ang.
34:15 Keimah ngeiin ka berâmte chu ka châwm ang a, ka bawhtîr hlê hlê ang, tih hi LALPA PATHIAN thu chhuak a ni.
34:16 A bo chu ka zawng ang a, hnawhbote chu ka hruaikîr ang a, an ketliakte chu ka tuam ang a, ka tichak ang: a thau leh a chakte chu ka tibo vang a; dik takin ka chawm ang.
34:17 Tin, nangni thu-ah zawng, aw ka berâm rualte u, heti hian LALPA PATHIAN chuan a ti a ni: Ngai rawh u ka berâmte kar thu ka rêlsak ang a, berâmpate, kêlpate pawh.
34:18 Ran tlatna hmun tha tak chunga tlat chu in tan thil tenawu anga langin, in tlatna neih chhun chu in chîl chhe mai zawk a ni maw? Tin, tuifîm takte in inzawhin in pal nu mai mai a ni maw?
34:19 Ka berâmte erawh chuan in rah hnu an ei a, in pal nut hnu an in a ni.
34:20 "Chuvangin heti hian LALPA PATHIAN chuan an hnênah a ti a ni: Ngai rawh u, kei, keimah ngei hian ran chêrte leh ran thaute kâr thu ka rêlsak ang.
34:21 A chak lote chu in dâr leh inpangtein in nêk a, in kîtein in pir a, in tidarh a;
34:22 chuvangin ka berâmte chu ka chhanhim ang a, saseh mai an ni tawh lo vang a, berâmte kar thu ka relsak ang.
34:23 Tin, chan chungah berâmpu pakhat ka dah ang a, ka rwngbawltu Davida ngei chu; a ni chuan anni chu a châwm ang; ani chu an vengtu a ni ang a, anni chu a châwm ang.
34:24 Tin, kei LALPA hi an pathian ka ni ang a, ka rawngbâwltu Davida chu an chunga hotu a ni ang; kei LALPA ngei hian ka sawi tawh a ni.
34:25 Tin, anmahni nêna remna thuthlung ka siam ang a, sakawlhte chu ram ata ka ti bo vang: tin, thlalêrahte pawh him takin an chêng ang a, ngaw hnuaiahte an muhîl chiah chiah ang.
34:26 Anmahni leh ka tlângvêl hmunte chu mal ka sawm ang a, a huntein ruah ka surtîr ang a, malsawm ruahte a sur ang.
34:27 Tin, rama thing chuan rah a chhuah ang a, leiin a hlâwkna a chhuah ang a, an ramah chuan him takin an awm ang; an nghawngkawlte ka tihtliaha, bâwiha siamtute kut ata ka chhanchhuah hunah chuan kei hi LALPA ka ni tih an hria ang.
34:28 Hnamdangte sahmîm tipuar mai an ni tawh lo vang a, ramsa kawlhte ei ral mai an ni tawh hek lo vang; him takin an awm tawh zawk ang a, tuman an tihlau ngai tawh lo vang.
34:29 Thil phun hmingthang tak ka siamsak ang a, chu ramah chuan tamin a tiral tawh lo vang a, hnamdangte hmuhsitna an tuar tawh hek lo vang.
34:30 Tin, kei LALPA an PATHIAN hi an hnênah ka awm tih an hriain, anni Israel chhûngte pawh ka mite an ni tih an hria ang, tih hi LALPA PATHIAN thu chhuak a ni.
34:31 Tin, nangni ka berâmte chu mi hring in ni a, tin, kei hi in Pathian ka ni, tih hi LALPA PATHIAN thu chhuak a ni," tiin
35:1 Tin, LALPA thu chu ka hnênah a lo thleng leh a,
35:2 "Mihring fapa, Seir tlâng hmachhawn la, a chungah thu sawi la,
35:3 a hnênah, LALPA PATHIAN chuan heti hian a ti a ni: Ngai rawh, aw seir tlâng, ka do che a ni; i chungah ka kut ka lek ang a, ka ti tiauvin râpthlak takah ka siam ang che.
35:4 I khawpuite chu ka tiram ang a, i tiau vang; tin, LALPA chu ka ni tih i hria ang.
35:5 An bawhchhiatna hremna hnuhnung bera an chhiat nia Israel chhûngte chu khandaih thiltihtheihna i hlana, i tai reng avângin,
35:6 A nuna ka nun chhûng chu, thisen atân ka buatsaih ang chia, thisenin a ûm ang che: thisen i huat loh avângin thisen chuan a ûm ang che, tih hi LALPA PATHIAN thu chhuak a ni.
35:7 Hetiang hian Seir tlâng chu rapthlâk taka siamin ka ti tiau vang; a chunga mi veivak thinte chu ka titawp vek ang.
35:8 A tlângte chu ama mi thahtein ka tikhat ang: i tlângahte, i kawr leh i tuikawr ruamahte khandaiha thahte chu an tlu rem rum ang.
35:9 Ka ti tiau hlen daih ang chia, i khawpuite chu luahin a awm lo vang: tin, kei hi LALPA ka ni tih in hria ang.
35:10 LALPA chu a awm rng nâ a, heng hnam pahnihte leh ram pahnihte hi ka ta a ni a, ka nei mai ang,' i tih avângin,
35:11 a nuna ka nun chhûng chu, tih hi LALPA PATHIAN thu chhuak a ni, i thinrimna ang zel leh i huatna avânga îtsikna i tihlan zia ang zelin ka che dawn a ni: i chung thu ka rel hunah chuan an zingah ka in tilang ang.
35:12 Tih tiauvin an awm ta a, ka hnênah pêkin an awm ta,' tia Israel tlangte i sawichhiatna zawng zawng chu kei LALPA hian ka hre vek tih i la hria ang.
35:13 Ka chungah i kâin i intilianin ka chungah thu i tuitam a, ka hre vek mai.
35:14 Heti hian LALPA PATHIAN chuan a ti a ni: lei pumpui lawmnan ka ti tiau vang che.
35:15 Israel rochun tiau avânga i lawm ang bawkin i chungah ka ti ang: aw Seir tlâng leh Edom zawng zawng, a pumin a tiau vang: tin, LALPA chu ka ni tih an hria ang.
36:1 "Tin, nang mihring fapa, Israel tlangte hnênah thu sawi la, Nangni Israel tlangte u, LALPA thu hi ngaithla rawh u,
36:2 LALPA PATHIAN chuan heti hian a ti a ni: I chungah i hmêlmate chuan,'Chei! Hmasâng bawlhmun zawng zawngte chu kan ta a ni ta,' antih avângin,
36:3 thu sawi la LALPA PATHIAN chuan heti hian a ti a ni: hnam la awm chhunte ta tûra kil tina an ei chia, an tih tiau che avâng leh mi kamtamte tîtî leh sawichhiata an awmtîr che u avângin,
36:4 nangni Israel tlangte u, LALPA PATHIAN thu hi ngaithla rawh u, LALPA PATHIAN chuan tlangte, mualte, tuikawrte, ruamte leh hmun lo ram tawh te, khawpui tiau tawh, a vêla hnam la awm chhunte sahmîm tipur mai leh nuihzaburte hnênah heti hian a ti a ni:
36:5 Chuvangin lalpa PATHIAN chuan heti hian a ti a ni: hnam la awm chhun leh Edom zawng zawng, rilru lawm taka ka ram neih lo inruat chawpa, mi hmusit taka râllâka siam tumtute chungah chuan thinur êm êmin thu ka sawi ngei a ni.
36:6 Chuvângin Israel ram chungchâng thu-ah chuan thu sawi la, tlangte mualte, tuikawrte leh ruamte hnênah chuan LALPA PATHIAN chuan heti hian a ti a ni: Ngai rawh u, hnamdangte cheksawlhna in tuar avângin thinur tak leh thinrim takin tu ka sawi a ni.
36:7 Chuvângin LALPA PATHIAN chuan heti hian a ti a ni: I veala hnamte chuan anmahni mualphona an phur ngei ang tiin ka kut ka lek e.
36:8 Nangni erawh chuan, Aw Israel tlangte u, zar in chhuah ang a, ka mi Israelte tan rah in chhuah ang; an lo kal mai dawn si a.
36:9 Ngai rawh u, in lama tang ka ni si a, in lam ka hawi ang a, rih dûrin in awm ang a, chi tuhin in awm bawk ang.
36:10 In chungah mihring ka tipung ang a, Israel chhûngte zawng zawng, an vai pawhin; hmun ramte chu siam thatin a awm ang a, khawpuite chu luahin a awm ang.
36:11 In chungah mi leh sa ka tipung ang a, an pungin an hmuingil ang: in awmdân hmasa ang khan luahin ka awmtîr ang che u a, atîra in awm dân ai maha thain ka siam ang che u: tichuan kei hi LALPA ka ni tih in hria ang.
36:12 A ni, in chungah mi ka lentîr ang a, ka mi Israelte ngei chu; an luah ang chia, i rochan an ni ang a, tun achinah an fate i chântîr ngai tawh lo vang.
36:13 Heti hian LALPA PATHIAN chuan a ti a ni: Nang mihringte ei raltu, i mite chân thîntu i ni an tih thin che avângin
36:14 mihringte i eiral tawh lo vang a, i mite pawh i chân ngai tawh hek lo vang, tih hi LALPA PATHIAN thu chhuak a ni;
36:15 Awze mite hmusitna ka tuartîr twah lo vang chia, mite sawichhiat i tuar ngai tawh hek lo vang a, i mite i chân ngai tawh hek lo vang, tih hi LALPA PATHIAN thu chhuak a ni, ti rawh," a ti a.
36:16 Tin, LALPA thu chu ka hnênah a lo thleng leh a,
36:17 "Mihring fapa, Israel chhûngte chu anmahni rama an chên lai khan an awmdan leh an thiltihtein an tibawlhhlawh a; ka hmâa an awmdan chu hmeichhe fel loh laia a thianghlim lohna ang mai a ni a.
36:18 Chuvangin ram chungah thisen an chhuah a, an milimtea an tihbawlhlawh avângin an chungah ka thinrimna chu ka hrithla a.
36:19 Hnamte zîngah ka tidarh a, ram tinah an darhsarh ta a: an awmdan leh an thiltih ang zelin an chungah thu ka relsak a.
36:20 An va kalna hnamte hnên an thlenin ka hming thianghlim an tibawrhbang a, miten, "Hêngte hi LALPA mite an ni a, ram ata an lo chhuak a nih hi,' an lo tih thinah hian.
36:21 Mahse Israel chhûngten an va kalna hnamte zinga an tihbawrhban, ka hming thianghlim chu ka lainat a ni.
36:22 Chuvangin Israel chhûngte hnênah , LALPA PATHIAN chuan heti hian a ti a ni: Aw Israel chhûngte u, nangmahni ka lainat avâng ni lovin, i va kalna hnamte zinga in tihbawrhban, ka hming thianghlim ka lainat avâng zawkin hei hi ka ti a ni.
36:23 Ka hming ropui tak, hnamte zînga bawrhbang, an zinga nangmahni ngeia tihbawrhbân chu ka tithianghli dawn a ni; tichuan an mithmuha nangmahnia tihthianghlima ka awm hunah chuan LALPA ka ni tih an hria ang, tih hi LALPA PATHIAN thu chhuak a ni.
36:24 Hnamte zing ata ka hruaichhuak ang che u a, ram zawng zawng ata ka khwm ang che u a, in ram ngeiah ka hruai lut dawn si che u a.
36:25 Tin, in chungah tuifîm ka theh ang a, in lo thianghlim ang a, in bawlhhlawhna zawng zawng leh in milimte lak ata ka tlengfai ang che u.
36:26 Thinlung thar ka pe ang che u a, in chungah thlarau thar ka dah ang: in tisa ata thinlung, lung anga sak chu ka la bo ang a, thinlung, tisa anga nêm ka pe zawk ang che u.
36:27 Tin, in chungah ka thlarau ka dah ang a, ka dan siamah ka lentîr ang che u a, ka thupêkte chu in vawng ang a, in zâwm ang.
36:28 In pute hnêna ram ka pêkah chuan in cheng ang; tin, nangni chu ka mite in ni ang a, kei in pathian ka ni ang
36:29 In bawlhhlawhna zawng zawng ata ka chhanchhuak ang che u a, tin, buh thu ka pe ang a, ka tipung ang a, in chungah tam a tla tawh lo vang.
36:30 Thing rahte ka tipung ang a, thlawhhma ka tihlâwk ang a, tam avânga hnamte zinga mualphona in tuar twah lo vang.
36:31 Tichuan in dan sualte, in thiltih tha lote chu in lo hre tawh thin ang a, in tenawmna leh in khawlohna avâng chuan nangmahni mithmuh ngeiah in ten tawh ang.
36:32 Nangmahni avânga hei hi ti ka ni lo tih lo hre mai rawh u, tih hi LALPA PATHIAN thu chhuak a ni. Aw, Israel chhûngte u, in awmdân avâng chuan zak ula, kimki rawh u.
36:33 LALPA PATHIAN chuan heti hian a ti a ni: in khawlohna zawng zawng ata ka tlenfai che u nîah chuan, khawpuite chu ka luahtîr leh ang a, hmun tiau tawhte chu ka siam leh ang.
36:34 "Tin, ram lo tiau tawhte chu an let ang, tûnhmain mi veivâkte mithmuha tiau tawh hnu ni mah sela.
36:35 Tin, 'he ram tiau tawh hnu hi Eden huan ang mai a lo ni leh ta,' an la ti ang; tin, khawpui chhiaa, lo tiau tawhte chu luah leh kulhin a awm leh ta.
36:36 Tin, in vêla hnam la awmte kei LALPA hian hmun chhiate chu ka siam leh ang a, ram lo tiau tawh chu ka tiduah leh ta tih an hria ang: kei LALPA hi ka tawng tawh a, ka ti ngei ang.
36:37 "Tin, LALPA PATHIAN chuan heti hian a ti a ni: chu lovah pawh hei hi Israel chhûngte chu ka la dîltîr ang' ran rual ang maia an mite tipung tûrin.
36:38 Inthâwina tûr ran rual, kût ni vângthlâa Jerusalem ran rualte ang maiin; chutiangin khawpui ram tawh hnu chu mipui tam takin a la khat ang; tichuan kei hi LALPA chu ka ni tih an hria ang," a ti a.
37:1 Tin, LALPA kut chu ka chungah a awm a, LALPA thlarau chuan mi hruai chhuak a, ruam lai takah mi dah a: chu ruam chu ruh hlîrin a khat a;
37:2 "tin, an zîngah chuan mi hruai vêl ta a; tin, ruamah chuan a lo awm rem rum mai a! tin, ngai teh, a ro vek a ni.
37:3 Tin, ka hnênah ,"Mihring fapa, hêng ruhte hi a nung thei ang êm?" a ti a. Tin, kei chuan,"Aw, LALPA PATHIAN, nangin i hre zawk ang," ka ti a.
37:4 Tin, a ni chuan ka hnênah ,"Hêng ruhte chungah hian thu sawi la, an hnênah, 'Aw nangni ruh rote u, LALPA thu hi ngai rwh u.
37:5 Hêng ruhte hnênah LALPA PATHIAN chuan heti hian a ti a ni: Ngai rawh u, nangmahniah thaw ka luhtîr ang a, in nung ang.
37:6 Tin, nangmahniah thahrui ka dah ang a, tisain ka tuam ang che u a, vunin ka khuh ang che u; tin, in chhûngah thaw ka awmtîr ang a, in nung ang; tin, kei hi LALPA ka ni tih in hria ang,' ti rawh," a ti a.
37:7 Tichuan thu mi pêk ang chuan ka sawi ta a; tin, ka han sawi chuan thâwm a lo awm a, ngai teh a ri ta rum rum a, ruhte chu mahni zawmpui theuhvah a inchuktuah khâwm ta a.
37:8 Tin, ka han en chuan, ngai teh anmahniah thahrui a lo awm a, tisain a tuam a, vunin a khuh ta a; thaw erawh chu anmahniah a la awm lo.
37:9 Tichuan ani chu ka hnênah,"Thli hnênah thu sawi la, mihring fapa, sawi ngei la thlî hnênah chuan,'LALPA PATHIAN chuan heti hian a ti a ni: Aw Thaw, kawlkil li atangin lo kal la, hêng mithahte chungah hian thaw rawh, an nun theih nân,' ti rawh," a ti a.
37:10 Chutichuan thu mi pêk ang chuan ka sawi a, thaw chu anmahniah a lo lut a, an nung ta a, mahi ke theuhvin an ding a, sipai rual ropui tak an lo ni ta a.
37:11 Tichuan ka hnênah,"Mihring fapa, heng ruhte hi Israel chhûngkaw pumpui an ni a: ngai teh, anni chuan,'kan ruhte a ro zovin, kan beisei a bo zo ta, râwt bovin kan awm ta,' an lo ti thin a.
37:12 Chuvangin hu sawi la, an hnênah, LALPA PATHIAN chuan heti hian a ti a ni: Ngai rawh u, in thlante ka hawng ang a, aw, ka mite u, in thlan ata ka chhuah tîr ang che u; tin, Israel ramah chuan ka hruai lut ang che u.
37:13 Tin, in thlânte ka hawna in thlan ata ka chhuahtîr che u hunah chuan, aw, ka mite u, LALPA chu ka ni tih in hria ang.
37:14 Tin, nangmahniah ka thlarau ka dah ang a, in nung ang a, in ram ngeiah ka dah ang che u; tin, kei, LALPA hian ka sawi tawh a, ka ti ngei bawk a ni tih in hria ang, tih hi LALPA thu chhuak a ni," a ti a.
37:15 Tin, LALPA thu chu ka hnênah a lo thleng leh a,
37:16 "Nang, mihring fapa,' tih ziak rawh: tiang pakhat la la, a chungah chuan,'Juda leh a pawlpui Israel fate,' tih ziak rawh: tiang dang pawh la la, a chungah chuan,'Josepha, Ephraim tiang leh a pawlpui Israel chhûngte zawng zawng,' tih ziak rawh.
37:17 Tin, tiangte chu zawm la, i kutah pakhat a nih theih nân.
37:18 Hêng hi engtihna nge ni, min kawhhmuh dawn lawm ni?' i hnam faten an tih che chuan,
37:19 an hnênah,'LALPA PATHIAN chuan heti hian a ti a ni: Ngai rawh u, Josepha tiang, Ephraim leh a pawlpui Israel chite kut a mi chu ka la ang a, chung chu Juda tiang nên ka zawm ang a, pakhatah ka siam ang a, ka kutah pakhat a lo ni ang,' i ti dawn nia.
37:20 Tiang a chunga i ziaknate ngei kha an mit hmuh ngeiah i kutah a awm ang.
37:21 Tin, an hnênah,'LALPA PATHIAN chuan heti hian a ti a ni: ngai rawh u hnam, an va kalna te zing ata ka hruai ang a, kil tin, ata ka khâwm ang a, an ramah chuan ka hruai lut ang.
37:22 Tin, chu ram, Israel tlângahte chuan hnam pakhatah ka siam ang a. lal pakhat chu an zaa lal a ni ang: tin, hnam pahnih an ni tawh lo vang a, lal na ram hnihah then a ni ngai tawh hek lo vang.
37:23 An milimte, An thil tenawmte, Anbawhchhiatnatein an intibawlhhlawh ngai tawh hek lo vang: an tlûka an sual thinna zawng zawng ata ka chhan chhuak ang a, ka tlengfai ang: tichuan ka mite an ni ang a, tin, kei an Pathian ka ni ang.
37:24 Ka rawngbawltu Davida chu an chunga lal a ni ang a, an zaa chungah berâmpu pakhat a awm ang: ka thupêkte an awih ang a, an zaa chungah berâmpu pakhat a awm ang: ka thupêkte an awih ang a, ka dan siamte an zawm ang a, an hmang ang.
37:25 Ka râwngbâwltu Jakoba hnêna ka ram pêk, in pute lo chênna thinah chuan an chêng ang a, anmahni leh an fate, an fate fate pawh: ka rawngbawltu Davida chu kumkhuain an hotu a ni ang.
37:26 Chu lo pawh chu anmahni hnênah remna thuthlung ka siam ang a, an tan kumkhaw thu thlung a ni ang a, an hnênah ka pe ang a, anni chu ka tipung ang a, an zingah chuan kumkhuain ka biakbûk ka dintîr ang.
37:27 Ka bâwkte pawh an hnênah a awm ang a, an Pathian ka ni ang a, anni chu ka mite an ni ang.
37:28 Tin, an zingah kumkhua atân ka biak bûk a din hunah chuan kei hi LALPA, Israel tithianghlimtu chu ka ni tih an hria ang,' ti rawh," tiin.
38:1 Tin, LALPA thu chu ka hnênah a lo thleng a,
38:2 "Mihring fapa, Magog rama mi, Ros leh Mesek leh Tubal hotu ber Goga hmachhawn la, a chungah thu sawi la,
38:3 LALPA PATHIAN chuan heti hian a ti a ni: Ngai rawh, aw Goga, Ros, Mesek leh Tubal hotu ber, ka do che a ni;
38:4 ka lehhawitîr ang chia, i khabeah nghakuaiin ka kuai ang chia, ka khai chhuak ang che; i sipai rual zawng zawngte, sakawr leh a chung chuang mite, râlthuam famkima inthuam zawng zawngte, pâwl ropui tak, phaw lian leh phaw tê hmang a khandaih keng theuh te nen chuan.
38:5 Persia, Kus, Put te nên, an vaia phaw leh thir lukhum neite chu;
38:6 Gomer leh a sipai rual zawng zawngte; Togarma chhûngte, hmâr tawpa mi leh a sipai rual zawng zawngte; i hnên a mi tam tak te nên pawh.
38:7 Inralring la, a ni, lo in peih rawh, nang leh i hnêna awm khâwm, i pawlpui zawng zawngte nên; tin, an vengtu lo ni ang che.
38:8 ni tam tak hnuah chuan koh khâwm i ni ang a, kum hnuhnungah te chuan khandaih laka chhanchhuah, hnam tamtakte laka ata lâk khâwmte awmna ram, Israel tlâng tiau reng thinte chu i rawn bei ang; hnamte zing ata hruai chhuaha, tuna an vaia thlamuang taka an awmna ram chu.
38:9 Tin, i chho vang a, thlipui ang maiin a lo thleng ang a, chhumin ram a tuam mup 'mup ang mai hi i ni ang, nang leh i hnêna sipai rual zawng zawng leh i hnêna mi tam takte chu.
38:10 Tin, heti hian LALPA PATHIAN chuan a ti a ni: Chumi nîah chuan heti hi a ni ang a, i rilruah thil a lo lût ang a, thil tha lo i suang tuah ang;
38:11 tichuan,"kulh neilo khuate ram chu ka rûn ang a, mi him taka awm hle hle, an zaa kulh lova cheng, kulh kawngkhâr leh a kalhna thîr nei lohote chu ka bei ang," i ti rilru ang.
38:12 Râllak sum leh bungruate la tûr leh hmuna tiau hnu luah leh tute leh hnamte zing ata hruai khâwm tawh, ranrual le bungruate nghaha, lei lailuma chêngte chungah i kut lek i tum ang.
38:13 Seba leh Dedan leh Tarsis sumdawngtute leh an sakeibaknei vânglai zawng zawngte chuan i hnênah,"Râllak la tûrin i lo kal êm ni? Mi rawk tûrin i pâwlte chu i rawn khâwm a ni maw? Tangkarua te, rangkachak te, ran rual leh bungruate, nasa tak chhuhsaka la bo tûr i ni maw?" an ti ang che, tiin.
38:14 'Chuvangin, mihring fapa, thu sawi la, Goga hnênah chuan, LALPA PATHIAN chuan heti hian a ti a ni: Chumi nî, ka mi Israelte him taka an awm hun tûr chu i hre lo maw?
38:15 hmârlam ram tawp ret, i hmun atang chuan i lo kal ang, nang leh i hnêna mi tam tak sakawr chung chuang theuh, pâwl ropui tak, sipai rual nasa tak mai chu.
38:16 Chhûmin ram a tuam mup mup ang mai hian ka mi Israelte chungah i lo kal ang; heti hi a ni ang a, ni hnuhnûngahte chuan ka ram do tûrin ka hruai ang chia, hnamte chuan mi hria ang, Aw, Goga, an mithmuha nangmaha tihthianghlima ka awm hunah chuan.
38:17 Tin, LALPA PATHIAN chuan heti hian a ti a ni: Hmâsânga ka rawngbawltu Israel zâwlnei, chûng laia kum tamtak chhûnga thu lo sawi thintuten anmahni bei tûra ka rawn hruai tûr che thu an sawi thina kha i ni êm?ti rawh,' a ti a.
38:18 Tin, chumi nîah chuan heti hi a ni ang a, Israel ram bei tûra Goga a lo kal tunah chuan ka thinrimna chu ka hnâr khu chhuak hluah hluah ang, tih hi LALPA PATHIAN thu chhuak a ni.
38:19 Ka thin a rima, ka thin a ur lai takin,'Chumi nîah chuan Israel ramah Lir nasa takin a nghing ngei ang;
38:20 Chutichuan tuipui sânghate, chunglêng savate, ramsate, lei chunga vâk rannung zawng zawng, lei chunga mihring zawng zawngte ka hmâah an khur ang a, tlângte tihhniamin an awm ang a, khâmte a chim ang a, kulh bangtin leiah a tlu ang,' tiin ka sawi a nih hi.
38:21 Ka tlâng zawng zawngahte amah beina tûrin khandaih ka lam ang, mitin khandaih chuan a unaupa a do vang, tih hi LALPA PATHIAN thu chhuak a ni.
38:22 Tin, thisen chhuah leh hripuiin amah ka bei ang; amah leh a sipai rualte leh a hnêna mi tamtakte chungah chuan ruahpui vânâwn leh rial nasa tak leh mei leh kâtte ka sûrîr ang.
38:23 Tin, ka ropuizia leh ka thianghlimzia ka tilang ang a, tin, hnam tam takte mithmuhah ka intilang ang, tin, kei hi LALPA ka ni tih an hria ang.
39:1 "Tin, nang mihring fapa, Goga chungah thu sawi la, LALPA PATHIAN chuan heti hian a ti a ni: 'Ngai rawh, Aw Goga, Ros, Mesek leh Tubal hotu ber, ka do che a ni:
39:2 Ka lehhawitîr ang chia, ka hruaizel ang chia, hmârtawp rêt ata ka hruaichhuak ang chia, Israel tlângahte chuan ka thlen ang che:
39:3 i kut veilam ata i thalngul chu ka titliak ang a, i kut ding lam ata i thalte chu ka tithla ang.
39:4 Israel tlângahte chuan i tlu ang a, nang leh i sipai rual zawng zawng leh i hnêna mipui awmte nên : sava, sahel ei chi tinrengte hnên leh ramsa kawlhte hnênah ei zawh atân ka pe ang che.
39:5 Tâmlakah i tlu ang; keiin ka sawi tawh si a, tih hi LALPA PATHIAN thu chhuak a ni,' ti rawh.
39:6 Magog leh tuikam rama him taka chêng thinte chungah chuan mei ka chhuah ang; tin, kei hi LALPA ka ni tih an hria ang.
39:7 Tin, ka mi Israelte zingah chuan ka hming thianghlim tihbawrhban leh chu ka phal tawh hek lo vang: tichuan hnamte chuan kei hi, LALPA, Israel Mi thianghlima chu ka ni tih an hria ang.
39:8 Ngai rawh u, a lo thleng e! Hlenin a awm ngei ang, tih hi LALPA PATHIAN thu chhuak a ni; hemi nî hi a ni, ka lo sawi tawh kha.
39:9 Tin, Israel khawpuia chêngte chu an chhuak ang, hriamhreite chu an tuah ang a, a kâng ral ang; phaw lian leh phaw tete, thal leh a ngulte, fei leh tiang zumte chu kum sarih chhûng an tuah ang.
39:10 Tichuan ram thing an phur lo vang a, ngaw thingte an kit hek lo vang, hriamhreite 'chu thingtuah atân an hmang dawn si a, râllaktute chu an râllak ve ang a, a rawktute chu an rawk ve thung ang, tih hi LALPA PATHIAN thu chhuak a ni.
39:11 "Tin, chumi nîah chuan heti hi a lo ni ang a, Goga tan Israel ramah phûmna hmun ka ruat ang a, tuipui chhak, Abarim ruam ngei chu; chu chuan khualzinte chu a dang ang, Goga leh a hote chu an phûm dawn si a; tin, chu ruam chu Hamon-gog ruam an vuah ang.
39:12 Tin, Israel chhûngte chuan an ram thianfaiin thlasarih chhûng an phûm ang.
39:13 A ni, an rama mi zawng zawngin an phûm ang; chawimawia ka awm nîah chuan ka hmingthanna a ni ang, tih hi LALPA PATHIAN thu chhuak a ni.
39:14 Tin, an ram thenfai nân , ruang pmum lohte zawng chhuaka phûm tûrin hnaa nei tûr mi an ruat hran ang, thlasarih tawp hnuah an zawng tana ang.
39:15 Ram fang tute chuan an fanin, mihring ruhte an hmuh chuan chhinchhiahna an siam ang a, Hamon-gog ruama phûmtuten an phûm hma chu.
39:16 Tin, Hamon-ah chu khawpui hming a ni ang. Chutiang chuan ram an thian fai ang.
39:17 "Tin, nang, mihring fapa, LALPA PATHIAN chuan heti hian a ti a ni: sava chitinrengte leh sa tinrengte hnênah tu sawi la,'Pung khâwm ula, lo kal rawh u, sa in eia thisen in in theih nân Israel tlânga in thawina ropui tak, in tana ka siam vêlah chuan rawn in khawm rawh u.
39:18 Miropui sate in ei ang a, leia hotute thisen in in ang a, berâmpate, berâmnote, kêlte, Basan rama bâwngpa châwm thau zawng zawngte thisente nên.
39:19 In tana inthawina ruai ka theh thau chu puar teuhvin in ei ang a, a thisen chu rûi khawpin in in ang.
39:20 Tichuan sakawrte, tawlailîr hnuk mite, mi ropuite leh râl tu mi zawngtein ka chawhluiah in tlai ang,' tih hi LALPA PATHIAN thu chhuak a ni.
39:21 "Tichuan hnamte zingah chuan ka ropuina ka dah ang a, hnam zawng zawngte chuan a thurêl tihtlûk tawhte leh an chunga ka kutthlakziate chu an hmu ang.
39:22 Chumi nî a chinah chuan Israel chhûngten kei hi LALPA PATHIAN ka ni tih an hre tawh ang.
39:23 Tin, hnamte chuan Israel chhûngte chu an khawlohna avângin an tâng a ni tih an hria ang, ka laka an riawm loh êm avângin anmahni lakah ka hmêl ka thup a, tichuan an hmêlmate kutah ka pe a, khandaihin an tlu ta vek a.
39:24 An thianghlim lohna ang zel leh an bawhchhiatna ang zelin an chungah ka ti ve a, an lakah ka hmêl ka thup a ni.
39:25 "Chuvangin LALPA PATHIAN chuan heti hian a ti a ni: Tûnah chuan Jakob ho awmdan ka let ang a, Israel chhûngjaw pumpui chungah zah ka ngai ang, ka hming thianghlim chu ka humhalh tlat ang.
39:26 Tûnah tihlautu awm lova, an rama him taka an chen hunah pawh an bawhchhiatna zawng zawng, ka chunga an bawhchhiatte leh an mualphona chu an phur ang.
39:27 Mite zing ata ka hruai chhuah leha, an hmêlmate ram ata dak khawma, anmahnia hnam tamtakte mithmuha tihthianghlima ka awm hunah chuan,
39:28 hnamte zinga sala ka tântîr leh, an ram ngeia ka hruaikhawm leh ziaah hian kei hi LALPA an pathin ka ni tih an hria ang; chutah chuan an zînga pakhat mah ka hnutchhiah lo vang;
39:29 an lakah ka hmêl ka thup hek lo vang: Israel chhûngte chungah ka thlarau ka leih tawh si a, tih hi LALPA PATHIAN thu chhuak a ni," tiin.
40:1 Kan saltân kum sâwmhnih leh pangana chumi kum bul thla ni sâwmna, khawpui chhiat hnu kum sâwm leh palina, chumi nî ngeiah chuan LALPA kut chu ka chungah a lo awm a, chutah chuan mi hruai a.
40:2 Pathian inlârnaah chuan Israel ramah mi hruai a, tlângsâng takah mi dah a, chumi chhim lamah chuan khawpui din tawh ang mai a awm a.
40:3 Chutah chuan mi hruai a, ngai teh, mi pakhat a lo awm a, a hmêl landan chu dar ang mai a ni a, la zai leh tehna tiang a keng a, kawngkâah chuan a ding a.
40:4 Tin, mi chuan ka hnênah,"Mihring fapa, i mit khan en la, i beng chhi la, ka entîr tûr che lamah i rilru nghat tlat rawh; chu ka thil entîr tûr che atân chuan hetah hian rawn hruai i ni si a: i hmuh zawng zawngte chu Isael chhûngte 'hnênah chuan puang ang che," a ti a.
40:5 tin, ngai teh, in vêlah chuan kulh bang a lo awm a, tin, mi chuan tehna tiang, tawng ruka sei a keng a, a tawng khat chu tawng khat leh kutphah bêng theuh a ni; tin, kulh bang chhah lam chu a teh a, tiang tlûk khat a ni a, a sân lam pawh tiang tlûk khat a ni bawk.
40:6 Tichuan, chhak lam chhawng kawngka inah a lo kal a, a rahkâah chuan a chho va; tin, kawngka in luhna pindan chu a teh a, tiang tlûk khata zau a ni.
40:7 Tin, vênna pindante chu a dunglam tiang tlûk khat, a vanglam tiang tlûk khat theuh a ni; vênna pindan inkâr chu tawng nga theuh a ni a; tin, in pui lam kawngka in sumhmun lama kawngka in luhna pindan chu tiang tlûk khat a ni a.
40:9 A bangpêngte chu tawnghnih theuh a ni a, kawngka sumhmun chu inpui lamah a ni.
40:10 Tin, chhaklam kawngka ina vênna pindante chu lehlam lehlamah pathum ve ve a ni a, an pathum chuan intiat vek a ni; tin, bang pêngte pawh kha a lehlam lehlama mi chu a intiat a ni.
40:11 Tin, kawngka inluhna vânglam chu a teh a, tawngsawm a ni a; kawngka in kal tlangna vanglam chu tawng sâwm leh pathum a ni.
40:12 Tin, vênna pindan hmâah chuan daidanna leh lam lehlamah tawngkhata chhah ve ve a awm a; tichuan vênna pindante chu lehlam lehlamah tawngruk ve ve a ni.
40:13 Tin, kawngka in chu a teh a, vênna pindan pakhat chung atanga a lehlam chung thleng chuan tawng sawmhnih leh pangaa zau a ni, kawngkhâr leh kawngkhâr inzawm theuhvin.
40:14 Tin, sumhmun pawh chu a teh a, tawngsawmhnih a ni a; kawngka in sumhmun pawn chu hungchhûng chu a lo ni a.
40:15 Tin, kawngka in pawn ta ber atanga kawngka in sumhmun chhûngril ber thleng chuan tawng sawmnga a ni.
40:16 Tin, kawngka in chhûnglamah chuan a vêlin pindanahte chuan tukverh hawntheih loh a awm a, a inkara banahte pawh; a sumhmunahte pawh, a chhûng lamah pawh a vêlin tukverh a awm a, a banahte chuan tûm thinglem a awm theuh bawk a.
40:17 Tin, hung chhûng pawnta zawkah chuan mi hruai a; tin, ngai teh, pindante a awm a, hungchhûng chu a velin lungrem a ni a; tin, lungremah chuan pindan sawmthum a awm a.
40:18 Tin, lungrem chu kanwgka in atanga rem a ni a, kawngka in chen bawk tûra rem a ni a, chu chu lungrem hnuaihnung zâwk a ni.
40:19 Tin, kanwgka in hnuai zawk zâwn atang chuan hung chhûng nung zawk pawnlam thleng chuan a teh a, a zauzia chu tawng zakhat a ni, a chhak lam leh a hmâr lam pawh.
40:20 Tin, hung chhûng pawnta zawk kawngka in hmâr lam panga mi chu a dung leh a vang pawh a teh a.
40:21 Tin, vênna pindan chu lehlam lehlamah pathum ve ve a awm a, a bangpêngte leh a kawngka in sumhmunte pawh a hmasa ang vek a ni; a dung chu tawng sawm nga a ni a, a vâng chu tawng sawmhnih leh panga.
40:22 A tukverhte, a sumhmuntea tûm thing lemte chu chhak lam kawngka in a mi vek a ni; rahka pasarih a awm chho va, a sumhmun chu a chhûnglamah a awm a.
40:23 Hung chhûngnung zawk luhna tûr kawngka in chu kawngka in dang zawnah khan a awm zel a, hmâr lamah leh chhak lamah pawh; tin, kawngka in leh kawngka in inkâr chu a teh a, tawng za a ni.
40:24 Tin, chhim lamah mi hruai leh a, tin, ngai teh, chhim lam kawngka in chu a lo awm a; tin, a teh dan pangngaiin a bangpêngte leh a sumhmun chu a teh a.
40:25 Chutah chuan a dnagte ang bawkin a velin tukverhte a awm a, a sumhmunah pawh; 'a dung chu tawng sawmnga a ni a, a vânglam chu tawng sawmhnih a ni
40:26 Tin, rahka pasarih a awm chho va, sum hmun chu a chhûng lamah a awm a; tin, lehlam lehlama bangpêngahte chuan tûm thing lem a awm zêl a.
40:27 Tin, chhim lamah chuan hung chhûngnung luhna tûr kawngka in a awm a, chhimlam kawngka inte inkâr chu a teh a, tawng za a ni.
40:28 Tin, chhimlam kawngka inah chuan hung chhûngnung zâwkah chuan mi hruai lût a, tehna pangngaiin chhimlam kawgka in chu a teh a;
40:29 vênna pindante, a bangpêngte. Sumhnunte chu tehna ngai vekin; chutah chuan tukverhte a awm a, a sumhnunah pawh a vêlin: a dung lam tawng sawmnga a ni a, a vang lam tawng sawmhnih leh panga.
40:30 Tin, a vêlah chuan sumhmunte a awm a, a dunglam tawng sawmhnih leh panga, a vânglam tawng nga a ni.
40:31 A sumhnunte chuan hungchhûng pawnta zawk lam a hawi a; a bangpêngahte chuan tûm thing lem a awm a: a chhohna chuan rahka pariat a nei a.
40:32 Tin, chhak lamah chuan hung chhûngnung zawkah mi hruai a, a tehna pangngaiin kawngka chu a teh a;
40:33 a vênna pindante, a bangpêngte, a sumhnunte tehna ngai vekin: chutah chuan tukverhte a awm a, sumhnunah pawh a vêlin: a dunglam chu tawng sawmnga a ni a, a vanglam chu tawng sawmhnih leh panga.
40:34 A sumhmunte chuan hung chhûng pawnta zawk a hawi a, a bangpêngahte chuan lehlam lehlamah tûm thing lem a awm a; a chhohna chuan rahkâ pariat a nei a.
40:35 Tin, hmârlam kawgka inah chuan mi hruai leh a: a tehna pangngaiin a teh a;
40:36 a vênna pindante, a bangpêngte, a sumhnunte; chutah chuan a vêlin tukverhte a awm a: a dunglam tawng sawmnga a ni a, a vânglam tawng sawmhnih leh panga.
40:37 A bangpêngte chu hung chhûng pawnta zawk lamah a awm a; a chhohna chuan rahka pariat a nei a.
40:38 Kawngka in sumhmun atanga luh theihin pindan a awm a, chutah chuan hâlral in thawina tûr an sil thin a.
40:39 Kawngka in sumhnun lehlam lehlamah chuan dawhkan pahnih ve ve a awm a; hâlral inthâwina te, sual vanga inthâwina te, thiamloh vanga thilhlante talhna tûrin.
40:40 Hmârlam kawngkâ in luh chhohna pawnlam sir khatah chuan dawhkân pahnih a awm a; tin, kawngkâ in sumhnun lehlamah pawh chuan dawhkân pahnih a awm bawk a.
40:41 Tichuan kawngka in sir lehlam pangah chuan dawhkân pali a awm a, a lehlam pangah dawhkân pali a awm bawk a; inthâwina talhna thin chu dawhkân pariat a ni a.
40:42 Tin, hâlral inthâwina atân dawhkân pali, lungchhera siam, a dunglam tawngkhat leh a chanve, a vâng lam tawng khat leh a chanve, a sanlam tawngkhat a awm a: chutah chuan hâlral unthâwina leh thilhlan talhna tûr hriamhreite an dah thin a.
40:43 Tin, a chhûnglamah chuan a vêlin thil kawm, kutphah bênga sei an vuah a, dawhkân chungah te chuan thilhlante sa a awm a.
40:44 Tin, hung chhûngnung zawkah chuan mi hruai lût a; tin, ngai teh, hung chhûngnung zawkah chuan pindan pahnih a la awm a, pakhat chu hmârlam kawngka in bulah hmâr lam hawiin a awm a.
40:45 Tin, a ni chuan ka hnênah,"He pindan chhimlam hawi hi, a in vawngtu puithiamte awmna a ni a;
40:46 pindan hmârlam hawi chu maichâm vawngtu puithiamte awmna a ni; hêngte hi Zadoka fate, Levia fate zînga a rawngbâwl tûra LALPA rawn hnaih thintute chu an ni," a ti a.
40:47 Tin, hung chhûng chu a teh a, a dunglam tawng zakhat, a vânglam tawng zakhat, inbial vêl a ni; tin, maichâm chu kawtlai takah chuan a awm a.
40:48 Tin, a inpui sumhmunah chuan mi hruai ta a sumhnun bang pêngte chu a teh theuhva, a lehlam lehlamah tawng ngaa chhah ve ve a awm a, a luhna chu tawng sâwm leh tawng lia zau a ni, a sîr tuaka kawngkâ bangpêngte chu tawng thum ve ve a ni.
40:49 A sumhnmun chu a dunglam tawng sawmhnih, a vânglam tawng sâwm leh tawng hnih a ni a, luh chhohnaah chuan rahkâ sawm a awm a, bangpêng bulah a lehlam lehlamah chuan ban lian a awm a.
41:1 Tin, biak inah chuan mihruai lût a, a bangpêngte chua teh a, a sîr tuakah tawng ruka chhah ve ve awm a, chu chu biak bûk vanglam chen a ni.
41:2 Tin, a luhna chu tawng sawma zau a ni a; a sir tuakah bangpêngte chu tawng nga ve ve a ni a, tin, a chhûng chu a dung tawng sawmli, a vang tawng sawmhnih a ni a.
41:3 Tin, pindan chhûngnungah chuan a lût a, a lihna bangpêngte chu tawng hniha chhah ve ve a ni a, a luhna tawng ruka zau a ni a, a luhna bangpêngte chu tawng sarih ve ve a ni a.
41:4 Tin, pindan chhûngnung chu a teh a, a chhûngpui bakah a dung lam chu tawng sawmhnih a ni a, a vang lam pawh tawng sawmhnih a ni. Tin, ka hnênah,"Hei hi hmun serh ber chu a ni," a ti a.
41:5 Tin, a in pui bang chu a teh a, tawng ruka chhah a ni a; tin, a sir tinah chuan pindan tawng lia zau theuh a awm a.
41:6 A vêla sîr pindante tana bang an siam chu rinchhanin, a in pui chu rinchhan lovin, in pui bang nghêng lovin chu lam chu a nghêng zâwk a.
41:7 Tin, a sîr pindante chu a lo sâng deuh deuhvin a zau deh deh zêl a ni. Tichuan pindan hnuai ber atanga a chung ber thlenga kal tûrin a laita chu kal tlâng tûr a ni.
41:8 Tin, in pui vêlah chuan lungrem pâwng awminka hmu a, sîrpindan lungphûm chu tehna tiang, tawng ruk zeta sei chena sâng a ni
41:9 Sîr pindan pâwn bang chu tawng ngaa chhah a ni a; sîr pindan pawn bang bâkah chuan tawng nga a la âwl a.
41:10 Inpui lungrem pâwng leh hung chhûng pindante inkâr chu a vêlin tawng sawmhniha zau a ni a.
41:11 Sîr pindan kawng khârte chu hmun âwl lama hawn a ni a, pakhat chu hmâelam hawi a ni a, pakhat chu chhimlam hawi a ni: a vêla hmun âwl chu tawng ngaa zau a ni.
41:12 Tin, thlang lama in pui kâwmchâr hmun âwl piah a in chu tawng sawmsariha zau a ni; chu in bang chu a vêlin tawng ngaa chhah vek a ni a, a dung chu tawng awmkua a ni.
41:13 Tin, in pui chu a tehin tawng zaa sei a ni; in pui kawmchâr hmun âwl leh chumi in bang chhah lam chhiar telin tawng za a ni bawk;
41:14 a in pui kawt hmun âwl chu tawng zaa zau a ni.
41:15 Tin, in pui kawmchar hmun âwl piah a in dung lam chu a teh a, a sîr tawna bangpêngte huamin tawng za a ni.
41:16 Ti a chhûngpui te, hmun serh ber te, pawnlam sumhnunte chu thingphelin an thuah a, a pathum chuan a vêlin hawn theih loh tukverh leh chhuarvêl a nei a, a in pui chu luhna kawngka thlengin a chhuat atanga tukverh thlenga a puma thingphela thuah a ni a, (tukverh pawh chu thuah a ni bawk).
41:17 Kawngka lu chungte, pindan serh ber te leh pawnlam nên, bang zawng zawng chu a chhûng lam leh a pawnlam teh vekin.
41:18 Chûng chu cherub lemte leh tûm thing lemte a chei a ni a, cherub leh cherub inkarah tûm thing a awm zel a; tin, cherub chu hmai pahnih nei theuh a ni.
41:19 Mihring hmêl ang chuan lehlama tûm thing lam chu a hawi bawk a, hêng hi in vê mai chuan an ziak a ni.
41:20 A chhuat atngin kawngka chung thlengin cherub leh tûm thinga chei vek a ni; in pui bang chu chuti vek chu a ni.
41:21 Chhûngpui kawngka biangte chu inbial a ni, hmun thiang hlim ber hmâah chuan thinga siam maichâm ang reng a awm a,
41:22 tawng thuma sâng, tawng hniha sei, tawng hniha zau, a kilte a mawngte leh a pangte chu thinga siam vek a ni, tin, a ni chuan ka hnênah,'Hei hi LALPA hmâa dawhkan chu a nih hi,' a ti a.
41:23 A chhûngpui leh Hmun thianghlim ber chuan kawngkhâr pahnih ve ve a nei a.
41:24 Kawngkhâr chuan phel hnih a nei ve ve a, a phel khat chu thlep thei theuh a ni; kawngkhâr pakhatah phel hnih, a dangah phel hnih bawk.
41:25 Banga an ziak ang bawk khan chhûngpui kawngkhârahte chuan cherub leh tûm thing lem an ziah theuh bawk a; sumhmun pawnah chuan thingphel chhah tak tak an zâr a.
41:26 Tin, sumhmun bang tuakahte leh thingphel zârahte chuan tukverh hawn theih loh leh tûm thing lem chu a awm bawk a, a in pui sîr pindan leh thing phel zar chu chutiang bawk chu a ni.
42:1 Tin, hungchhûngnung zâwk hmâr lampangah chuan mi hruai chhuak a; hmun âwl zâwn hmâr lam kulh ban eptu pindanah chuan mi hruai lût a.
42:2 Tin, hmâr lampanga pindante chu tawng zaa sei, tawng sawmngaa zau a ni a.
42:3 Hung chhûngnung zâwk hmun âwl tawng sawmhnih lam hawi leh hung pawnta zâwk lungrem lam epin chhawrvêl chhawng thum a awm ve ve a.
42:4 Pindante inkârah chuan tawng sawma zau, tawng zaa sei kal tlangna a awm a, a kawngkhârte chuan hmâr lam a hawi a.
42:5 Pindan chungnung te chu a zîm zâwk a, in chhawng hnuai zawk leh a laitate ai chuan a chhawrvelte chuan a la hek zawk si a.
42:6 Chhawng thumin sak a ni a, hung chhûng bante ang chuan ban a nei si lo va; tichuan a laita ai chuan a chungnung ber chu a chêp a, a laita pawh chu a hnuaihnung ber ai chuan a chêp bawk a.
42:7 Tin, pindan sîr pawnlam ah chuan hung chhûng pawnta zawk lam epah bang tawng sawmngaa sei a awm a.
42:8 hung chhûng pawnta zawk a pindante tawng sawmngaa sei a ni si a: tin, in pui hrûla mi chu tawng zaa sei a ni.
42:9 Tin, chung pindante hnuaian chhak lampangah hung chhûng pâwnta zawk atanga luhna a awm a, pawnlam bang intannaah chuan.
42:10 Chhim lamah pawh chuan hmun âwl zâwna kulhbang epah chuan pindante a awm leh a,
42:11 a hmâa kalna pawh chu hmârlam pindante kalna ang bawk a ni: a dung leh a vâng te pawh, a chhuahna te, a remvêl dan te, a kawngkhâr ten chhim lam a hawi tih chauh lo chu thuhmun vek a ni.
42:12 Chûng pindante luhnan chuan kal tlangna tâwp chhak lam bang bulah chuan kawngkhâr a awm a.
42:13 Tin, a ni chuan ka hnênah,"chhimlam leh hmâr lam pindan, hmun âwl rawn chhawngtute hi pindan serh an ni a, LALPA rawn naih tu puithiamhoten thil serh berte an ei a, thil serh berte an dah khâwm a, eitûr hlannate, sual vanga inthawina te, thiamloh vanga inthawin te an hlanna tûr a ni: a hmun chu hmun serh a ni si a.
42:14 Chuta puithiamte an luh phawt chuan, hmun serh atangin hung chhûng pawnta zawkah chuan an chhuak tûr a ni lo; chutah chuan an ranwgbawlna silhfente chu an dah zawk ang a, silhfen serh an ni si a: silhfen dang in bel chauhvin vantlang zîngah an che thei ang," a ti a.
42:15 In pui chhûngnung zâwk a teh zawh chuan chhaklam hawi kawngkaah chuan mi hruai chhuak a, a vêlin a teh ta a.
42:16 Tehna tiang chuan chhak lam pang chu a teh a, tawng zanga a ni a; a tehna tiang a tehin.
42:17 Hmâr lam pang a rawn teh leh thung a, tawng zanga a ni a, a tehna tianga tehin.
42:18 Chhimlam pang a teh leh a, tehna tiang a tehin tawng zanga bawk a ni.
42:19 Tin, thlang lam a rawn teh leh a, a tehna tianga tehin tawng zanga bawk a i
42:20 A sîr li chuan a teh ta a: a dung lam tawng zanga, a vânglam tawng zanga a ni a; a vêlin kulhbang nei a ni a, chu chu hmunserh leh serh loh daidanna tûra siam a ni.
43:1 Tichuan kawngkaah mi hruai a, chhak lam kawngkâah chuan.
43:2 Tin, ngai teh, Israel pathian ropuina chu chhak lam atangin a lo thleng a: a thâwm chu tui tamtak ri ang a ni a, lei chu a ropuina in a ên vek a.
43:3 Inlârna ka hmuh a landan chu khawpui tichhe tûra a lo kal leh Kebar luikama ka hmuh ang bawk a ni a; tin, bawk khupin ka tlu tla a.
43:4 Tin, khawchhak lam hawi kawngkâah chuan a in pui chhûngah LALPA ropuina a lo lut a;
43:5 tin, thlarau chuan mi chawikang a, hung chhûngnung zawkah chuan mi hruai lut a; tin, ngai teh, LALPA ropuina chuan a in chu a tikhat vek a.
43:6 Tin, mi pakhat ka kianga a din laiin mi tuin emaw mi bia in ka hria a,
43:7 ka hnênah,'Mihring fapa, hei hi ka lal thutthleng awmna hmun, ka kephah nghahna, Israel fate zinga kumkhuaa ka chenna tûr hmun a nih hi: ka hming thianghlim chu Israel chhûngten anmahniin emaw, an lalten emaw, an hurna leh an lal te ruang phûm nân hmangin an tibawrbang tawh lo vang;
43:8 an kawngkâ chu ka kawngkâ bul tak a siamin, an kawngka biang chu ka kawngka biang hrûla dahin anmahni leh keima inkârah bang chauh awmtîrin an thiltih tenawmte chuan ka hming thianghlim chu a tibawrhbang ta a; chuvangin ka thinurnain anmahni chu ka tiboral ta a ni.
43:9 Tûn atang hian hurnate, an lal ruangte chu ka lak atanga hla takah dah bo sela; tin, an zingah kumkhuain ka cheng ang.
43:10 Tin, nang mihring fapa, a inpui lem chu Israel chhûngte hnênah entîr rawh, an thiltihsual chu an zahpui theih nân, a ruahman dan pawh lo teh rawh se.
43:11 Tin, an thil tih zawng zawngte an zahpui chuan a inpui awmdante, a chhuahna te, a luhna te, a riruang te, a hmandan te, a vawn dan te entîr la, anmithmuh ngeiah ziak rawh; a dan pumpui leh a hmandan zawng zawng an vawna, an zawm theih nân.
43:12 Hei hi a inpui atâna dân tûr chu a ni: tlâng chhîp chung zâwl vêl zawng zawng chu hmun serh theihtâwp tûr a ni, ngai teh, hei hi in pui atâna dan chu a ni e.
43:13 "Tin, tawnga tehin hei hi maichâm len lam chu a ni, (tawng khat tih chu tawng khat keh kutphah bêng a ni), a nghahchhan chu tawng khata sâng, tawngkhata hlai, a tlâng chu a vêla khap khata pawng zêl a ni a.
43:14 Tin, maichâm sanlam chu hetiang hi a ni: leia a nghah chhan atanga a chhawrdawh hnuai hnung zawk chu tawng hnih a ni a, a zau lam tawng khat; a chhawrdawh te zawk atanga a chhawrdawh lian zawk chu tawng li a ni a, tawng khata zau a ni.
43:15 A maichâm chung zawl chu tawng lia sâng a ni leh a, maichâm chung zawl atang chuan ki pali a ding a.
43:16 maichâm chung zawl chu a dung leh a vang tawng sâwm leh pahnih ve ve a ni a; a in bial a ni.
43:17 A chhawrdawh chu a dung leh avâng tawng sâwm leh pali ve ve a ni a, a inbial a: a tlâng chu tawg chanve a ni; a nghhahchhan chu a velin tawngkhat a ni; a kailawn chuan khawchhak a hawi tûr a ni," a ti a.
43:18 Tin, ka hnênah,"Mihring fapa, LALPA PATHIAN chuan heti hian a ti a ni: An siam zawh huna maichâm hmandan tru chu hetiang hi a ni: hâlral inthawina tûr te, thisen thehna tûr te a ni.
43:19 Levia chi puithiam Zadoka thlaha mi, rawng mi bawl tûr a mi rawn hnaih thin tu hnênah chuan sual vanga in thawina atân bâwngpa tuai i pe tûr a ni, tih hi LALPA PATHIAN thi chhuak a ni.
43:20 A thisen chu i la ang a, maichâm ki pali te leh a chhawrdawh ki li te a tlâng velin i luan ang a; chutiang chuan maichâm chu i thlengin i thian dawn ni a.
43:21 Sual vanga inthawina bâwngpa tuai chu i la ang a, hmun thianghlim pawn lama, chumi atâna in ruatah chuan hal tûr a ni.
43:22 Tin, a nihnihnaah chuan kêlchal, hmêlhem lo, sual vanga inthawina atân a hlan tûr a ni; tichuan maichâm chu bâwngpa tuai a an then ang bawk khan then tûr a ni.
43:23 maichâm then chu in tih zawh hunah bâwngpa tuai hmêl hem lo leh berâm chal, hmêlhem lo, a rual zinga mi i hlan dawn ni a.
43:24 LALPA hmaah i hlan ang a, puithiam chu chi i phul ang a, LALPA hnênah hâlral atân a hlan ang.
43:25 Nisarih chhûng chu nitin sualvanga inthawina atân kelchal i hmang tûr a ni; bâwngpa tuai leh berâm chal, a rual zinga mi, hmêlhem lo an hmang bawk tûr a ni.
43:26 maichâm then leh tlenfaina chuan ni sarih a awh ang a, tichuan maichâm chu serh a ni tawh ang.
43:27 Tin, chung nîte an tlingtlak zawh chuan, ni riat ni atangin puithiamten in hâlral inthawinate leh remna inthawinate an maichâmah an hlan ang a, tin, ka lo pawm ang che u, tih hi LALPA PATHIAN thu chhuak a ni," a ti a.
44:1 Tin, hmun thianghlim kawngka pawnta zawk, khawchhak lam hawi lamah chuan mi hruai let a, khâr a lo ni a.
44:2 Tin, LALPA chuan ka hnênah,"He kawngka hi a in khar reng ang a, a in hawng lo vang a, tumah an lût hek lo vang! LALPA, Israel Pathian chu a lo luh tawh avângin; a inkhâr reng dawn a ni.
44:3 Lal erawh zawng LALPA hmâa chawei tûrin chutah chuan a thu chauh vang; sumhmun kawngkâah a lût ang a, chumiah vek chuan a chhuak leh ang," a ti a.
44:4 Tin, hmâr lam hawi kawngkaah chuan in pui kawtah mi hruai a; tin, ka han en a, ngai teh, LALPA in chu ropuinain a khat vek mai a; tin, bawkkhupin ka tlu ta a.
44:5 Tin, LALPA chuan ka hnênah," Mihring fapa, LALPA in hmandan leh i dan zawng zawng i hnêna ka sawi chungchângah chuan i beng chhi la, i mit len la, i rilruah chhinchhiah tha te rawh khai! A in pui luhdan te, a hmunthianghlim ata chhuah dante chu i rilruah chhinchhiah ngun ang che.
44:6 ,7 Tin, helhmang, Israel chhûngte ngei hnênah chuan heti hian i sawi tûr a ni: LALPA Pathian chuan heti hian a ti a ni: Aw, nangni Israel chhûngte u, in tenawmna zawng zawng belhchhah tûra awze mi, thinlung leh tisa serhtan loh, ka chhâng te, thau te, thisen te in hlan laia ka hmun thianghlim, ka in ngei tibawrhbang tûra in hruai luh a, ka thinlung in bawhchhiatah khan in tenawmna zawng zawngte chu lo tawp tawh rawh se.
44:7 ,6 Tin, helhmang, Israel chhûngte ngei hnênah chuan heti hian i sawi tûr a ni: LALPA Pathian chuan heti hian a ti a ni: Aw, nangni Israel chhûngte u, in tenawmna zawng zawng belhchhah tûra awze mi, thinlung leh tisa serhtan loh, ka chhâng te, thau te, thisen te in hlan laia ka hmun thianghlim, ka in ngei tibawrhbang tûra in hruai luh a, ka thinlung in bawhchhiatah khan in tenawmna zawng zawngte chu lo tawp tawh rawh se.
44:8 Tin, ka thil serhte nangnin in vawng lo va, hêng awze mite hi ka hmun thianghlimah in aia vawngtuah in ruat ta zawk a.
44:9 LALPA pathian chuan heti hian a ti a ni: Awze mi tumah, thinlung leh tisa serhtan loh, Israel fate zinga awze mi rêng rêng chu ka hmun thianghlimah an lût tûr a ni lo.
44:10 Levia chi, Israel te milim ûma an vah bo laia ka laka hla taka kal tawh te erawh chuan an khawlohna an phur ang a,
44:11 ka hmun thianghlimah chuan rawngbawltuah an tang ang, in pui kawng kharte an veng ang a, in pui chhûngah chuan rawng an bâwl ang: halra in thawinate an talh ang a, mipui rawngbâwlsak tûrin an hmaah an ding ang.
44:12 An milim te hmaah an rawng an bâwlsak a, Israelte chhûngte tan khawlohna tlûkna an nih thin avângin an chungah ka kut ka lek a, an khawlohna chu an phur ngei ang, tih hi LALPA pathian thu chhuak a ni.
44:13 Tichuan ka hnênah puithiam hnathawk tûrin mi rawn hnaih ngai lo vang a, ka thil serhte, thil serh berte an rawn hnaih ngai hek lo vang; an mualphona leh an thil tenawm tih tâkte chu an phur zawk ang.
44:14 A inpui enkawltuahte ka siam ang a, rawngbawlna zawng zawng leh tih tûr awm apiangte ti tûr in
44:15 Puithiam Levia chi, Zadoka fa, ka laka Israel fate an vah bo laia ka hmun thianghlim vawngtute erawh chuan ka rawngbawl tûrin mi rawn hnaih chauh vang; thau leh thisen hlan tûrin ka hmâah an ding ang, tih hi LALPA pathian thu chhuak a ni:
44:16 Ka hmun thianghlimah chuan an lût ang a, rawng mi bawlsak tûrin ka dawhkan an rawn hnaih ang a, mi enkawl tuah an tang ang.
44:17 Tin, hung chhûngnung zawk kawngka ahte an luhin kawrfual zai sînin an in thuam ang a, hung chhûngnung zawk leh in chhûng lama rawng an bâwl chhûngin sahmul puan an in bel tûr a ni lo.
44:18 Dar zai sin an khim ang a, puan zai sin kekawr an ha ang a, thlan tisa thei rêng rêng chu an in bel tûr a ni lo.
44:19 Tin, hung chhûng pawnta zawk, van tlâng hnêna an lo chhuah chuan an rawngbawlna silhfente chu an hlip ang a, pindan serhah chuan an dah ang a, silhfen dang an in bel ang; mipuite chu an silhfenin mi serh-ah an siam ve loh nân.
44:20 An lu te an ziat kawlh tûr a ni lo va, ansam an zuah sei tûr a ni hek lo, an met chau tûr a ni.
44:21 Puithiam chuan hung chhûngnung zawk an luh chuan Uain an in tûr a ni hek lo.
44:22 Hmeithai emaw, mak hnu emaw nupuiah a nei tûr a ni hek lo; Israel chhûngte chi, nula thianghlim emaw puithiam thihsan hmeithai emaw an nei zawk tûr a ni.
44:23 Ka mite chu thil serh leh serh loh danglam zia an zirtir tûr a ni, thil thiang leh thiang lo an thliar hran tir tûr a ni.
44:24 Thubuaite pawh an rel tûr a ni a, ka rel dan ang zelin an rel ang: ka kut ni vang thla zawng zawngah chuan ka dante leh ka dan siamte an zawm tûr a ni a; ka chawlhnite pawh an serh tûr a ni.
44:25 Mahni intibawrbang tûrin mi ruang an hnaih tûr a ni lo; amaherawh chu nu emaw, pa emaw, fanu emaw, fapa emaw, unaupa emaw, fanu pasal neilo emaw tan chuan an intibawrhbang thei ang.
44:26 Tin, a in thenfai hnuah a tan ni sarih chhiarsak leh tûr a ni.
44:27 Hung chhûngnung zawka hmun thianghlima a luh nîah chuan sual vanga in thawina ama tan a hlan tûr a ni, tih hi LALPA pathian thu chhuak a ni.
44:28 Rochan engmah a nei lo vang; a rochan chu keimah ka ni ang, Israelah chan engmah in pe tûr a ni lo, an chan chu keimah ka nih hi.
44:29 Ei tûr hlante, sual vanga thil hlante, thiam loh vanga thil hlante an ei ang a, Israel zinga thil serh apiang chu an ta tûr a ni.
44:30 Rah hmasa te zinga a tha ber apiang te, in thil hlan tinrenga a tha ber, in thil hlan zawng zawng a mi chu puithiamte ta tûr a ni, an ina malsawmna a cham hlen theihna tûr in chhangphut hmehhlawm tha ber chu puithiam hnênah in pe tûr a ni.
44:31 Puithiam chuan sa tlaw reng reng, sava emaw ramsa emaw kut tuar emaw amaha thi emaw an ei tûr a ni lo.
45:1 "Chulovah chuan rochan tûra ram in sem hunah chuan ram bung serh, LALPA hnênah ram zuat in hlan tûr a ni; a dunglam chu tawng sînghnih leh sângnga, a vanglam chu tawng sînghnih, a pumin ram serh a ni tûr a ni.
45:2 Hemiah hian hmun serh atân a dung leh avâng tawng zanga ve ve, in bial a ni ang a, tin, a velin tawng zangaa zau hmun âwl a awm tûr a ni.
45:3 Tin, hemi tehsa atang hian a dung tawng sînghnih leh sângnga leh avâng tawng sîngkhat i teh chhuak ang a, chumiah chuan hmun thianghlim serh ber chu a awm tûr a ni.
45:4 Ram bung serh chu, puithiam, hmun thianghlima rawngbawltu, a rawngbawl tûra LALPA hnaih thintu te tan a ni ang a, an in hmun atân leh hmun thianghlim atân a ram serh a ni tûr a ni.
45:5 Hmun dang a dung tawng sînghnih leh sângnga, a vang tawng sîngkhat, Levia chi in puia rawngbawltute pualah, an chenna khawpui atân a awm tûr a ni.
45:6 Ram bungser hlan tawh hrûlah chuan khawpui chan avâng tawng zanga leh tawng sînghnih leh sângnga in ruat tûr a ni a, Israel chhûngkaw pumpui tan a ni ang.
45:7 Tin, lal chan tûr ram serh hlan tawh leh khawpui sîr tuak ve ve, ram serh hlan tawh hmalam leh khawpui chan hmalamah, thlang lama mi thlanglam hawiin, chhak lam ami chhaklam hawiin a awm tûr a ni: a dung chu thlang lam ramri atanga chak lam ramri thlengin, ram bung dang chen bawk a ni.
45:8 Chu chu Israel rama ama chanpual a ni tûr a ni: tin, ka lal te chuan ka mite an hnehchhiah tawh lo vang a, Israel chhûngte chu an hnam hranzia ang zêlin ram an pe zawk ang.
45:9 "Lalpa PATHIAN chuan heti hian a ti: Aw Israel lalte u, tâwk rawh se, pâwngnêkna leh inramna chu ban daih ula, fel taka rel leh dik taka tih chîng tawh ula, ka mita hnawhchhuah thin chu ban tawh u, tih hi Lalpa PATHIAN thu chhuak a ni.
45:10 Bûkna leh bûk lung dik tak hman theuh tûr a ni, Ephah pawh Bath pawh a dik tûr a ni.
45:11 Ephah leh Bath hi a in tluk chhiah tûr a ni. Homer atanga teh tûr ; Hetiangin: Epah sawmin Bath sawm a tluk a, chu chu Homer khat a ni.
45:12 In bûk lung chu hetiang tûr hi a ni: Gera sawmhnih leh Sekel khat a in tluk ang a, Sekel sawmruk chu Mina khat a ni ang.
45:13 Tin, hei hi thil hlan in hlan tûr a ni ang; buh Homer khat zelah epha hmun ruka thena hmun khat leh barli homer khat zelah epha hmun ruka thena hmun khat in pe tûr a ni:
45:14 tin, hriak hlan dan tûr chu kor khat zelah bath hmun sawma thena hmun khat; kor chu bath sawm a ni, homer tluk bawk a ni, homer khat chu bath sawm a ni si a:
45:15 Israel ran tlatna hmun tha ata berâm rual zinga mi zahnih zêlah a no pakhat, eitûr hlan atân te, hâlral inthawina atân te, remna thil hlan atân te anmahni thenfaina siamna tûrin an hlan tûr a ni, tih hi LALPA PATHHIAN thu chhuak a ni.
45:16 Rama mi zawng zawngte chuan Israel lal hnênah he thilhlan hi an pe ang.
45:17 Tin, kûtah te, thla tharah te, chawlhnîah te, Israel kût ni vangthla zawng zawngah hâlral inthawina te, ei tûr hlan te, in tûr hlan te lal chuan a ngaihtuah ang a, sual vanga in thawina te, ei tûr hlan te, hâlral in thawinate, remna thil hlante Israel chhûngte in thenfai nan anin a tumsak tûr a ni.
45:18 Lalpa PATHIAN chuan heti hian ati a ni: Thla KHATNA chumi thla nikhat niah chuan bâwngpa tuai hmêlhem lo i hmang ang a, hmun thianghlim chu i thianfai tûr a ni.
45:19 Tin, puithiam chuan sual vanga in thawina thisen chu a la ang a, in pui kawngka biangah te leh maichâm chhawrdawh kil liah te leh hung chhûngnung zâwk kawngka in bangpêngah a tat ang.
45:20 Tin, chumi thla ni sari nîah chuan tihpalh emaw hriatloh na avâng emawa thil tisualtute tan pawh chutiang bawk chuan i ti ang a, chutiang chuan in pui thenna i siam tûr a ni.
45:21 Thla khatna, chumi thla ni sâwm leh ni li niah chuan kalhlen kut in serh ang; tin, ni sarih chung chu chhâng dawidim telh loh in ei ang.
45:22 Chumi niah chuan lalin amah leh a rama mi zawng zawng tan sual vanga inthawi nân bâwngpa tuai a tum ang.
45:23 Tin, kût ni nisarih chhûng zawng chuan bâwngpa tuai hmêlhem lo pasarih leh berâmpa pasarih zel LALPA tan hâlral inthawina tûrin a tum ang, sual vanga inthawina tûrin nitin kelpa pakhat nên.
45:24 Tin, chhâng hlan atân bâwngpa pakhat zelah epha khat zelah hriak hin khat a tum tûr a ni.
45:25 Thla sarihna , chimi thla ni sâwm leh ni nga nia kûtah chuan ni sarih chhûng chu chutiang bawk chuan a ti ang a, sual vanga inthawina te, hâlral inthawina te, chhâng hlante leh hriak te tum vekin," a ti a.
46:1 Heti hian Lalpa Pathian chuan a ti a ni: "Hung chungnung zawk zawk kawngka chhak lam hawi chu hnathawh ni, ni ruk chhung chu a inkhar ang a, chawlni ah leh thlathar ni ah erawh chuan a inhawng tur a ni.
46:2 Tin, Lal chu kawngka in sumhmunah a lut ang a, kawngka in bang peng bulah a ding ang a, puithiamte chuan a halral inthawina leh remna thilhlan te chu an buatsaih ang a, luhna kawngka in pindanah chuan Pathian a bia ang a; tichuan a chhuak ang a, kawng erawh chu a tlailam thlengin khar loh tur a ni.
46:3 Tin, vantlang erawh chuan chawlni leh thlatharahte chuan chu kawngka in luhna bulah te chuan LALPA hmaah Pathian chibai an buk ang.
46:4 Tin, chawlhnia lalin LALPA hnenah halral inthawina a hlan tur chu beramno hmelhem lo paruk leh berampa hmelhem lo pakhat a ni ang a;
46:5 tin,berampa pakhat zelah chhang hlan epha khat, beram noteah chuan a pek theih ang ang, leh epha khatah hriak hin khat zel a ni ang.
46:6 Tin, thla thar niah chuan bawngpa tuai hmelhemlo pakhat beramno paruk leh berampa pakhat a ni ang a, hmelhemlo an ni vek tur a ni;
46:7 tin,chhanghlan a buatsaih anga, bawngpa tuaiah epha khat, berampaah epha khat, beram noteah a theih ang ang, leh epha khat zelah hriak hin khat a ni tur a ni.
46:8 Tin, lal chu a luh lamin kawngka in sumhmunah a lut ang a,chutah vek chuan a chhuak leh tur a ni.
46:9 Vantlang erawh chu kutni vangthlaa LALPA hmaa an lo kal chuan Pathian chibai buk tura hmarlam kawngka ina lo lut chu chhimlam kawngka inah an chhuak ang a, chhimlam kawngka ina lo lut chu hmarlam kawngka inah an chhuak thung ang;an luhna kawngka inah chuan an kir tur a ni lova, a hmalamah an kal zel zawk tur a ni.
46:10 Tin, an luh chuan lal chu an zingah a lut ve ang a, an chhuah chuan a chhuak ve tur a ni.
46:11 Tin, kutni te leh kutpuiahte chuan chhang hlan chu bawngpa tuai pakhat ah epha khat, berampa pakhatah epha khat, beram noteah a pek theih ang ang, epha khatah hriak hin khat zel a ni tur a ni.
46:12 Tin, lalin duhthua thil hlan a hlan dawn chuan halral inthawina emaw remna thilhlan emaw LALPA hnena duhthua thilhlan anga a hlan dawn chuan khaw chhak lam hawi kawng chu a hawnsak anga, chawlhnia tih ang bawkin halral inthawinate leh remna thil hlante chu a buatsaih ang; tichuan a chhuak anga, a chhuah hnuah kawng chu a khar ang.
46:13 Tin, ni tinin LALPA hnena halral inthawinan beram no kum khat mi hmelhem lo i hmang ang a, tuk tinin i hmang tur a ni.
46:14 Tin, tuk tinin chhanghlan i buatsaih ang a, epha hmun ruka thena hmun khat leh hriak hin khat hmun thuma thena hmun khat chhangphut diptak tihhnawn nan; chu chu kumkhuaa LALPA hnena chhanghlan dan tur a ni.
46:15 Hetiang hian halral thil hlan fo turin beram note, chhang hlan te, hriak te, tuk tinin an buatsaih tur a ni,"tiin.
46:16 Lalpa PATHIAN chuan heti chian a ti a ni: "Lalin a fapate, tu hnenah pawh rochan engpawh a pek chuan a fapate ta a ni ang a, an ro luah a ni mai.
46:17 Mahse a rochana mi chu a rawngbawltu tu emaw hnena a pek chuan bawih chhuahna kum thlengin a nei ang a, chutah chuan lal hnenah a pe kir tur a ni; ama ro pangai erawh chu a fapate ta tur a ni ang.
46:18 Chu lovah pawh lalin mite rochan a chhuhsak tur a ni lo va, an in leh lo ata a hnawt chhuak tur a ni hek lo; ama ta ngeia mi chu a fapate hnenah rochan a pe tur a ni; mahni in leh lo ata mite an vah darh loh nan,"a ti a.
46:19 Tin, kawngka in sira puithiamte tana pindan serh hmarlam hawiah chuan mi hruai lut a; tin, ngaiteh, a kawmchar khawthlang lampangah chuan hmun a lo awm a.
46:20 tin, ani chuan ka hnenah, " Hei hi puithaimten thiamloh vanga thil hlan leh sual vanga thil hlan an chhumna hmun, chhanghlan an urna hmun a nih hi; hung chhung pawnta zawkah an keng chhuaka mite chu miserha an siam loh nan," a ti a.
46:21 Tin, hung pawnta zawkah chuan mi hruai chhuak a,hung chhung kil hrulah chuan mi kaltir a, tin, ngaiteh, a hungchhung kil theuhah chuan hung a awm leh a.
46:22 Hung chhung kil liah chuan hung, bang nei, a dung tawng sawmli, a vang tawng sawmthum a lo awm bawka; chung a kil lia mi palite chu a intiat vek a ni.
46:23 Chung hmun li chhung lamah chuan a velin lung an rem tlara, chumi tlar hnungah chuan a velin chhumna tur thuk a awma. Tin, ka hnenah,"hengte hi chhumna in, in pui rawngbawltuten mite inthawina sa an chhumna turte chu a nih hi," a ti a.
47:1 Tichuan in pui kawngkhârah chuan mi hruai let a, tin, ngai teh, in pui kawngka bul hnuai atang chuan, chhak lam hawiin tui a lo luang chhuak a; in pui chu chhak lam hawi a ni si a; tin, tui chu maichâm chhim lam in pui sîr dinglam hnuai atangin a lo luang thla a.
47:2 Tin, hmârlam hawi kawngka inah chuan mi hruai chhuak a, pawnah chuan chhak lam hawi kawngka in pawnta zawk thlengin mi hruai a; tin, ngai teh, dinglam pagah chuan tui a lo luang chhuak a.
47:3 Tin, chumi chuan tehna hrui kengin chhak lam hawia kalin tawng sângkhat a teh a; tin, tui chu mi dai kaitîr a, kheimit thleng a ni a.
47:4 Tin, tawng sângkhat a teh leh a, tui chu mi dai kaitîr leh a, tui chu khup thleng a ni a, tin, tawng sângkhat a teh leh a, mi dai kaitîr leh a, tui chu kawng thleng a ni a.
47:5 Tin, tawng sângkhat a teh leh a, tin, ka dai kai rual loh, luipui a lo ni ta a, tui chu a lo sâng zel a, a dai a dai kai rual loh, ahleuha hleuh tham luipui a lo ni ta si a.
47:6 Tin, ka hnênah,"Mihring fapa, hei hi i hmu êm?" a ti a, Tin, luikam hrût tûrin mi hruai kîr ta a.
47:7 Tin, ka han kîr chuan, ngai teh, vaukam tluan chuan, vaukam tawnin thing tam tak a lo awm a.
47:8 Tin, a ni chuan ka hnênah ," He tui khawchhak ram lama luang hi Araba ramah a luang lut a tûr a ni; tui pui ah a luang lut ang a, tuipui tui al chu tui thianghlimah a chantir ang.
47:9 Tin, heti hi a lo ni ang a, luite chu an luanna apiangah rannung tinrengin an dam phah ang a, sânghate an awm huai huai ang: tuipui tui a thianghlimna tûr leh a luanna apiangah rannungten an nun phahna tûr in heng lui hi a lo luang a ni si a.
47:10 Tin, heti hi a lo ni ang a, a kamah chuan sângha mantute an ding ang: Engedi atanga Eneglaim thlengin len denna hmun a ni ang; a sângha chu an chi ang zelin, tuipui lian sângha ang maiin an tam êm êm ang.
47:11 Chirhdûp leh dûmte erawh chu an thianghlim ve lo vang a, chi khu atân hnutchhiah a ni ang.
47:12 A luikamah chuan a kam tuakin thei kung tinreng a to vang a, chungte chu a hnah a vuai ngai lovin a rah lo ngai hek lo vang, hmun thianghlim atanga lui lo luang chhuak châwm a nih avângin thla kipin a rah ang: a rah chu ei atân a ni ang a, a hnah chu tihdam nan a ni ang.
47:13 "Lalpa PATHIAN chuan heti hian a ti a ni: Hei hi Israel hnam sâwm leh hnam hih zinga ram in then dan tûr chu a ni e: Josefan chan hnih a chang ang.
47:14 In ang rengin in chang tûr a ni; inthlahtute hnêna pêk tûr a chhia ka chham tawh kha: he ram hi in ram chan ah a tlu dawn a ni.
47:15 Hei hi a ram pum ri tûr a ni: hmâr lamah chuan tuipui lian atangin Hethlon kal tlangin Hamath lihna ruamah Zedad a thleng a;
47:16 Berothah te, Damaska leh Hamath in ri na laia awm Sibraim te, Hauran ramri bula awm Hazerhatikon thlengin.
47:17 Chutichuan ramri chu tuipui lian atangin Damaska ramri bula Hazar-enon thlengin a ni ang a, hmâr lamah chuan Hamatht ramri in a ri ang, hei hi hmâr lam ramri chu a ni.
47:18 Tin, chhak lamah chuan Hauran leh Damaska inkârah Gilead leh Israel ram inkâra Jordan lui dung a zawh ang; hmâr lam ramri atangin khawchhak tuipuiah Tamar a thleng ang. Hei hi chhak lam ramri a ni tûr a ni.
47:19 Chhim lamah chuan Tamar atangin Meriboth-kades tuite thlengin Aigupta lui zawhin tuipui lian a thleng ang. Hei hi chhim lam ramri tûr a ni.
47:20 Thlang lam ah chuan Tuipui lian in a ri ang a, chhim lam ram ri atangin Hamath luhna ruam zawn thlengin. Hei hi thlang lam ramri a ni tûr a ni
47:21 Chutichuan he ram hi Israel hnam athuin in zingah in sem ang.
47:22 Tin, heti hi a ni ang a, in ram chan tûr leh in zinga hnamdang cheng, nupui fanau nei tawhte ram chan tûr chu in sem tûr a ni, Anni chu Israel faa piang reng ang an ni tûr a ni a, Israel hnamte zingah nangmahni angin chan an nei tûr a ni.
47:23 Tin, heti hi a lo ni ang a, tu hnam zingah pawh hnamdang chu lo khawsa sela, chutah chuan a ram chan tûr in ruatsak tûr a ni," tih hi Lalpa PATHIAN thu chhuak a ni.
48:1 Hêng hi an hnam hmingte chu an ni: Hmârlam ramri tuipui lian atanga Hethlon kal tlangin Hmath luhna ruamah Damaska ramria Hamath kiang hmâr lampang Haza-enon thlengin, chhak leh thlang zawngin chan khat chu Danho chan a ni a.
48:2 Danho chan nên a inriin chhak leh thlang zawngin chan khat chu Aserho chan a ni a.
48:3 Aserho chan nên a inriin chhak leh thlang zawngin chan khat chu Naphtaliho chan a ni a.
48:4 Naphtaliho chan nên a inriin chhak leh thlang zawngin chan khat chu Manaseho chan a ni a.
48:5 Manaseho chan nên a inriin chhak leh thlang zawngin chan khat chu Ephraim ho chan a ni a.
48:6 Ephraim ho chan nên a inriin chhak leh thlang zawngin chan khat chu Reubenho chan a ni a.
48:7 Reubenho chan nêna inriin chhak leh thlang zawngin chan khat chu Judaho chan a ni a.
48:8 Judaho chan nên a inriin chhak leh thlang zawngin, ram zuat in hlan tûr chu a vâng tawng sînghnih leh sângnga a ni ang a, a dung chu chhak leh thlang zawngin chan dang ang bawk a ni a, a laia hmun serh awmin.
48:9 Ramzuat LALPA hnêna inhlan tûr chu a dung tawng sînghnih leh sângnga, a vang tawng singhnih a ni tûr a ni.
48:10 Tin, hemiah hian puithiamte tan ram serh zuat tûr a ni ang a, hmârlam zawngin a dung tawng sînghnih leh sângnga leh thlang lam zawngin a vâng tawng sîngkhat, chhim lam zawngin a dung tawng sînghnih leh sângnga a ni tûr a ni, a laia LALPA hmun serh awmin.
48:11 Puithiam serh tawh, Zadoka fa ka thu vawngtute tan a ni ang. Chungte chu Israel fate an vahbo laia Levia chite an vakbo veta mai anga vâkbo ve lo te kha an ni a.
48:12 Tin, ramzuat pumpui ata an tana zuat bik, hmunserh ber a ni ang a, Levia chi chan nên a inriin.
48:13 Puithiam chan zul zelah chuan Levia chi ten chan an nei ang a, a dung tawng sînghnih leh sângnga, a vang tawng sîngkhat a ni ang.
48:14 Tin, an hralh tûr a ni lova, an thleng tûr a ni hek lo: a ram tha tha pawh midang hnênah pêk tûr a ni lo: LALPA tana serh a ni si a.
48:15 Tin, a vang tawng sînghnih leh sângnga baka tawng sângnga chu vantlang chan, khawpui dinna tûr, chenna in tûr te leh daifemte atân a ni ang: khawpui chu a lai takah a awm ang.
48:16 Tin, a teh vêl dan chu hetiangin a ni ang: a hmâr lampang tawng sângli leh zanga, a chhim lampang tawng sângli leh zanga; a chhak lampang tawng sângli leh zanga, a thlang lam pang tawng sângli leh zanga.
48:17 Tin, a khawpui chuan daifem a nei ang a, hmâr lampang chuan tawng zahnih leh sawmnga, chhim lampang tawng zahnih leh sawmnga, chhak lampang tawng zahnih leh sawm nga, thlang lampang tawg zahnih leh sawmnga.
48:18 Tin, a dunglam la chuang ramzuat serh tawh hrûla mi chu chhak lamah tawng sîngkhat a ni ang: ramzuat serh tawh hrûl zel a ni tûr a ni: tin, chuta thil chhuakte chu khawpuia hnathawktute ei tûr a ni ang.
48:19 Tin, khawpuia hnathawktu Israel nam zawng zawnga mite chuan a lei an let ang.
48:20 Ram zuat pumpui chu a dung tawng sînghnih leh sângnga, a vang tawng sînghnih leh sângnga a ni ang, ram zuat serh tawh, killi bial, khawpui nên in hlan tûr a ni.
48:21 Tin, a bak ram zuat serh tawh leh khawpui chan sîr tuak ve ve chu lal chan a ni ang a, chhak lam zawngin ram zuat tawng singhnih leh sângnga bak leh thlang lam zawngin tawng sînghnih leh sângnga bak, ram bung dangte hrûl chu lal chan a ni ang: tichuan ram zuat serh tawh leh inpui hmun serh chu a lai takah a awm ang.
48:22 Tin, Levia chi chan leh khawpui chan chu lal chante inkarah a awm ang a, lal chan chu Juda chan leh Benjamin chan nên a inri ang.
48:23 Tin, hnam la awmte chungchang thu-ah chuan, chhak leh thlang zawngin chan khat Benjamin ho chan a ni a.
48:24 Tin, Benjaminho chan nên a inriin chhak leh thlang zawngin chan khat Simeonho chan a ni.
48:25 Simeon-ho nên a inriin chhak leh thlang zawngin Iskar-ho chan a ni a.
48:26 Iskarho chan nên a inriin chhak leh thlang zawngin chan chan khat Zebulunho chan a ni a.
48:27 Zebulunho chan nên a inriin chhak leh thlang zawngin chan khat Gadho chan a ni a.
48:28 Gad-ho chan chhim lampang ramri chu Tamar atangin Meribath-kades tuite thlengin Aigupta lui zawhin tuipui lian a thleng ang.
48:29 Hei hi Israel hnamte rochan tûra ram insem dan tûr leh an ram bung hrang hrangte chu an ni tih LALPA pathian thu chhuak a ni.
48:30 Tin, hengte hi khawpui ata chhuahna te chu an ni; hmâr lampang tawng sângli leh zangaah chuan kawngka pathum
48:31 khawpui kawngka te chu Israel hnam hming ang zela vuah tûr a ni a; hmârlam kawngka pathumte chu, Reuben kawngka pakhat, Juda kawngka pakhat, Levia kawngka pakhat an ni ang a:
48:32 tin, chhak lampang tawng sângli leh zangaah chuan kawngka pathum: Josefa kawngka pakhat, Benjamin kawngka pakhat, dan kawngka pakhat an ni anga:
48:33 Tin, chhim lampang tawng sângli leh zangaah chuan kawngka pathum: simon kawngka pakhat, Iskar kawngka pakhat, Zebulon kawngka pakhat an ni ang a:
48:34 thlang lam pang tawng sângli leh zangaah chuan kawngka pathum: Gad kawngka pakhat, Aser kawngka pakhat, Naphtali kawngka pakhat, an ni ang.
48:35 A velin tawng singkhat leh sângriat a ni ang a, chumi nî atang chuan khawpui hming chu LALPA awmna hmun tih a ni tûr a ni.
posted by zoblog @ 11:58 AM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog