MIZO CLAN

 
MIZORAM #Health Department-ah Promotion buai? (Misual.Com) #UDA candidate list a ‘leak-out’! (Misual.com) #Excise ruihtheih thil man zat (DIPR) #Fanu kaphlumtu in a dam rei ring lo sa (Buannel) #ZONET NATIONAL #Retired army officer, aide arrested for Malegaon blast(NDTV) WORLD #LTTE aircraft bombs Colombo power plant (TOI) # Jennifer Hudson IDs nephew's body; child shot, sources say (LA Times)
Shoutbox

Daniela
Wednesday, September 12, 2007
1:1 Juda lal Jehoiakima rorêl kum thumnaah chuan Babulon lal Nebukadnekzara Jerusalemah a lo kal a, a huala a.
1:2 Tin, Lalpa chuan Juda lal Jehoiakima chu a kutah a pe a, Pathianin bungbel thenkhatte nen; tin, ani chuan Sinar rama a pathian inah a kal pui ta a; tin, bungbêlte chu a pathian sum inah a rawn thlen a.
1:3 ,4 Tin, lal chuan Israel fate zînga mi, lal thlahte leh mi tha fate, tleirâwl demna awm lo, hmêltha tak, finna tinrênga remhria, hriatna lam a bengvâr, thilbul chhût thiam, lal ina chetla thiam rawn hruailût tûr leh Kaldai tawng leh thil thiam zirtir tûrin, a mitilreh hotu Aspenaza chu a hrilh a.
1:4 ,3 Tin, lal chuan Israel fate zînga mi, lal thlahte leh mi tha fate, tleirâwl demna awm lo, hmêltha tak, finna tinrênga remhria, hriatna lam a bengvâr, thilbul chhût thiam, lal ina chetla thiam rawn hruailût tûr leh Kaldai tawng leh thil thiam zirtir tûrin, a mitilreh hotu Aspenaza chu a hrilh a.
1:5 Tin, lal chuan lal chaw tuihmêl ata leh a uaiin in thin ata chu a nitin chan tûr a ruatsak a, chutianga kum thum châwm a, chumi tâwpa lal hmaa an din theih nân.
1:6 Tin, hêng zîngah hian Juda fatea mi, Daniela te, Hanania te, Misaela te, Azaria te an tel a.
1:7 Tin, tilreh te hotu chuan an hming a sa hlawm a: Daniela chu Beltesazzara a vuah a, Hanania chu Sadraka, Misaela chu Mesaka, Azaria chu Abednagoa.
1:8 Mahse Daniela chuan a rilruin lal chaw leh a uain in thin te chuan intihbawlhhlawh loh a tum tlat a; chutichuan a intihbawlhhlawh loh nân tilrehte hotu chu a dîl a.
1:9 Tichuan, Pathian in Daniela chu tilrehte hotu laka duhsakna keh khawngaihna chu a dawntîr a.
1:10 Tin, tilreh hotute chuan Daniela hnênah, In eitûr leh in tûr ruattu ka lalpa, lalber chu ka hlâu a ni; in hmêl hi tleirâwl, in rualpuite aia chhe zâwkin an rawn hmu ang a sin! Chuti a nih chuan lalber lakah ka lû hi hlauhpui awmin in siam dâwn a ni a lâwm,’’a ti a.
1:11 Tin, tilreh te hotu in Daniela te, Hanania te, Misaela te,Azaria te enkawl tua a siam hnênah chuan Danielan,
1:12 Ka ngên a che, i chhiahhlawhte hi ni sâwm min fiah rawh, eitûr thlai leh in tûr tuisik min pe mai rawhse.
1:13 Tin i hmâa kan lan dânte leh lal châw tuihmêl ei tleirâwlte landan chu tehkhin nisela, tin, i hmuh dan angin i chhiahhlawhte chungah hian ti ang che,’’ a it a.
1:14 Tichuan, he thu hi a remtihsak a, anni chu ni sâwm a fiah ta a.
1:15 Tin, ni sâwm tâwpah chuan lal châw tuihmêl eitu tleirâwlte zawng zawng ai chuan an hmêl a lang mâwi zawkin an lo thâu zawk mah a.
1:16 Tichuan, enkawltu chuan an eitûr leh an uain intûr chu a la bo va, thlai a pe ta zâwk a.
1:17 Tichuan, hêng tleirâwl palite hi chu thiamna leh finna zawng zawngah hriatna leh bengvârna Pathianin a pe a, Daniela chuan inlârna leh mumang zawng zawng a hrethiam ta a.
1:18 Tin, lalin anmahni rawnhruai luhna tûra a ni ruat tâwpah chuan tilrehte hotu chuan an ni ho chu Neukadnezzara hmâah chuan a rawn hruailut a.
1:19 Tin, lal chuan a lo be hlawm a, anniho zingah chuan Daniela te, Hanania te, Misaela te, Azaria te ang rêng rêng an awm lo va, chuvângin lal hmaah chuan an ding ta a.
1:20 Tin, finna leh hriatthiamna thu tinrêng lalin a han zawh chuan a ram pumpuia dâwivaih thiam leh aikaihthiam zawng zawng te ai chuan alêt sâwmin an tha zâwk tih a hre ta a.
1:21 Tin, Daniela chuan lal Kura kumkhatna thlengin a thawk ta zêl a.
2:1 Tin, Nebukadnezzara rorêl kumhnih naan chuan Nebukadnezzara chuan mumang a nei a; a rilru a lo buai zo ta a, a muhîl thei ta lo va.
2:2 Tichuan, lal chuan a mumang chu amah hrilh tûrin dâwivaihthiamte, aikaihthiamte, dâwithiamte, Kakdai mite koh thu a pe a. Tichuan, an lo kal a, lal hmaah chuan an ding a.
2:3 Tin, lal chuan an hnênah, Mumang ka nei a, chu mumang chu hre tûrin ka rilru a buaizo ta a," a ti a.
2:4 Kaldai mite chuan, suria tawngin, lal hnênah chuan, Aw lalber, kumkhua in dam ang che: i mumang chu i chhiahhlawhte hi hrilh la, tin, a hrilhfiahna chua ka entîr dâwn che nia," an ti a.
2:5 Lal chuan kaldai mite chu a chhâng a, an hnênah Ka hnên atangin thu chu a chhuak tawh a lâwm, mumang leh a hrilhfiahna chu ka hnênah in tih lan loh na chuan sah sawm in ni ang, in inte pawh hnâwmhnawka siam a ni mai ang.
2:6 Mumang leh a hrilhfiahna intihlan erawh chuan ka hnên ata thilpek leh chawimawina ropui tak in hmu ang: chuvângin mumang leh a hrilhfiahna chu mi entîr rawh u," a ti a.
2:7 Anni chuan an chhang leh a, Lal chuan chu mumang chu a chhiahhlawhte hi min hrilh sela, tin,a hrilhfiahna chu ka entîr a nge," an ti a.
2:8 Lal chuan a chhâng a, Hun in tisei lui mai mai dâwn ani tih chiang takin ka hria;
2:9 ka hnên atangin thu chu a chhuak tawh tih in hria e, ka hnêna mumang chu in tih lan loh nâ chuan in tân dânkhat chauh a awm: dâwtsawi kual a, ka hmaa sawitûr dâwt thu leh thu tlaktlâi lo in buatsaih a nih hi: chutichuan mumang chu min hrilh rawh u, tin, a hrilhfiahna pawh chu min entîr thei tih ka hria ang,’’a ti a.
2:10 Kaldai mite chuan lal chu an chhâng a, Lal thil phût hi entîr thei tûr mipakhatmah lei chungah an awm lo ve: lal te, hotu te, rorêltu te tumah rêngin hatiang thil hi dawivaihthiam emaw, aikaihthiam emaw, kaldai mi emaw an la zâwt ngai si lo.
2:11 Tin, lal thil phût hi thil khirh tak a ni a, tîsaa khawsa lo pathiante tih chauh lo chu entîr thei tûr tumah an awm lo ve,’’ an ti a.
2:12 Chuvâng chuan lal chu a thinrim êm êm a, a kawlh ta hle mai a, Babulon mifing zawng zawng chu tihboral vektûr thu a pe ta a.
2:13 Chutichuan thupêk chu a chhuak ta a, mi finghote chu tihhlum tûr an ni ta a; tin, Daniela leh a thian te pawh tihhlum tûrin an zawng a.
2:14 Tin, Daniela chuan Babulon mifingte tihhlum tûra kal chhuak, Arioka, lal vêngtu pâwl hotu chu remhre tak lah fing takin a chhâng a;
2:15 lal vêngtu pâwl hotu Arioka hnênah chuan, Eng tizia nge lal thupêk chu chuti êma a hmanhmawh le?’’ tiin a chhanga. Tin, Arioka chuan Daniela chua a hrilh ta a.
2:16 Tin, Daniela chu a lût a, lal chu a hrilhfiahna a entîr theih nân hun kian tûrin a ngên a.
2:17 Tichuan, Daniela chu a in ah ahâwnga, chu thil chu a thian Hanania te, Misaela te, Azaria te ahrilh a:
2:18 Babulon mifing dangte zînga Daniela leh athiante chu an boral ve loh nâna he thu inthup chungchangah hian vân pathian lkawngaihna an dîlna tûrin.
2:19 Tin, chu thi inthup chu zân inlârnaah Daniela hnênaah a lang ta a. Tin, Daniela chuan vân pathian chu a fak a.
2:20 Daniela chuan, Pathian hming chu kumkhaw tlaitluanin fakin awm rawh se: Finna leh thiltihtheihna a ta a ni si a:
2:21 Hunte leh hunbite a ti danglam a: Lalte a sawn bo va, lalte a tungding a: Mifing hnênah a finna a pe a, Hrethiamtu hnênah hriatna a pe a:
2:22 Thil thûk leh thil inthupte a tilang a: Thima awm pawh a hria a, a hnênah chuan êng a chêng a.
2:23 Aw ka thlahtute pathian, finna leh theihna min petu, i lak ata ak thil dîl tûna min hriattîr tu chu. Lâwmthu ka hrilhin ka fak a che: Lal thil chu min hriattîr tawh si a,’’ tiin a sawi a.
2:24 Chutichuan Daniela chu Babulon mifingte tiboral tûra lalina ruat Arioka hnênah chuan a va kal a, a hnênah chuan, Babulon mifingte chu tiboral suh: Lal hmaah chuan mi hruai la, lal hnênah chuan a hrilhfiahna ka entîr a ng e,’’ a va ti a.
2:25 Tin, Arioka chuan Daniela chu hmanhmawh takin la hmaah a hruai ta a, a hnênah, Juda sal fate zingah lal hnêna a hrilhfiahna hriattîrtu tûr mi pakhat ka hmû ta,’’ a ti a.
2:26 Lal chuan Daniela, a hming Beltesazzara hnênah chuan, Mumang ka neih leh a hrilhfiahna chu ka hnênah mi hriattîr thei em ni?’’a lo ti a.
2:27 Daniela chuan lal chu a chhâng a, a hnênah Thil inthup, lal in hriat a duh chu, mi fingte, aikaihthiam te, dawivaihthiamte, aisânthiamte chuan lal hnênah an entîr thei lo va;
2:28 mahse thil inthupte puangtu Pathian chu vânah a awm a, lal Nebukadnezzara hi tûn hnua thil lo la awmtûr te chu a hriattîr a nih hi. I mumang leh i khum laizâwla i lû-a inlârna te chu hêng hi a ni:
2:29 Aw lalber, nang chuan i khum laizâwlah chuan tûn hnua thil lo awm tûrte i ngaihtuah a, thil inthupte puang thintu chuan tûn hnûa thil lo la awm tûrte chu a hriattîr che a ni a.
2:30 Tin, kei hian midang te aia finna ka neih bik avânga he thil inthup i ka hnêna puan a ni lo va, lal hnênah a hrilhfiahna hriattîr tûrin a ni zâwk e, i thinlunga i ngaihtuahte chu i hriat theih nân
2:31 Aw lalber, i han dâk chhuak a, ngaiteh, milim ropuitak a awm a. Chu milim hrawlpui, tlê êm êm mai chu, i hmaah a ding a; a landân pawh tihbaiawm tak a ni.
2:32 Chu milim chu a lu rangkachak thianghlim tak a ni a, a âwm leh a bânte chu tangkarua, a pum leh a malpui te dâr,
2:33 a kete thîr, a kephah chu a then thîr, a then bellei a ni a.
2:34 Nang chuan lung, kut lova laihchhuah i thlîr reng laiin milim chu a kephah thîr leh belleiah chuan a han delh a, a tikeh sawm ta vek a.
2:35 Tichuan, thîr te, bellei te, dâr te, tangkarua te, rangkachak te chu a rualin an keh sawm ta vek a, nipui lai hrui zâwla buhsî ang mai an lo ni ta a: tin thlîin anmahni a lên bo va: tin, milim delhtu lung chu tlâng lian takah a lo chang a, lei pum hi a khat ta a.
2:36 Hei hi mumang chu a ni a; tin, a hrilhfiahna chu lal hmaah hian kan han sawi leh ang e.
2:37 Aw lalber, nang hi lalte lal, vân Pathian in ram te, thiltihtheihna te, chakna te, ropuina te a pêk a chu i ni a;
2:38 chuvângin khawiah pawh mihring fate awmna apiangah ramsa te, chunglêng sava te, i kutah a pe a, an zaa chungah rorêl tûrin a siam chia: rangkachak lu chu nang hi i ni.
2:39 Tin, i hnuah hian ramdang, nang aia tênau zâwk a lo ding ang; tin, dâr ram thumna, lei chung zawng zawnga rorêl tûr chu a awm leh ang.
2:40 Tin, ram lina chu thîr anga khauh a ni ang: thîr chuan a tikeh sawmin thil zawng zawng a hneh thin ang hian: tin, thîrin thil zawng zawng a tikeh ang bawkin a ni chuan a tikeh sawmin a râwtdip ang.
2:41 Tin, a kephah leh a zungtang te chu, athen bêlvâwtu hlum, athen thîr nia i hmuh ang ngei khan.
2:42 Tin, a kezungtang a then thîr, a then hlum a nih ang bawk khân ram chu athen ah chuan achak ang a, athenah chuan a chhe awl ang.
2:43 Tin, thîr leh hlumnêm inpawlh i hmuh ang ngei khan anni chu mihring chiin an inpawlh ang a; mahse thîr leh hlum a inpawlh tak tak thei lo ang bawk in an inzawm reng thei lo vang.
2:44 Tin, chûng lalte niah chuan vân Pathianin ram a rawn din ang a, chu chu a chhe ngai tawh lo vang a, a lalna pawh midangte tân hnutchhiah a ni hek lovang; hêng ram zawng zawng te hi a tikeh sawmin a tiral zâwk ang a, kumkhuain a ding reng ang;
2:45 tlâng ata lung, kut lova laih chhuahin thîr te, dâr te hlum te, tangkarua te, rangkachak te a tikeh sawm i hmuh ang ngei khân. Pathian ropui tak chuan lal hnênah hian tûn hnûa thil lo awm tûr chu a puang a ni e: tin, mumang chu a tak ngei a, a hrilhfiahna pawh a dik ngêi a ni,’’ a ti a.
2:46 Tichuan, lal Nebukadnezzara chu a bawkkhupa, Daniela chu chibai a bûk a, a hnênah chuan thilhlan leh rimtuite rawn hlân tûrin thu a pe a.
2:47 Lal chuan Daniela chu a chhâng a, a hnênah, He thil inthup i puan theihziah hian in pathian chu pathian te pathian, lalte Lal, thilinthup puangtu a lo ni ngei mai e,’’ a ti a.
2:48 Tichuan lal chuan Daniela chu a siamlian a, thil pek ropui tam tak a pe a, Babulon ram pumpui a rorêl tûr leh Babulon mifingte zawng zawng chnga hotu ber ni ber ni tûrin a siam a.
2:49 Tin, Daniela dîl angin la chuan Sadraka te,Mesaka te, Abednagoa te chu Babulon bial chungchânga hotuah a dah a, Daniela erawh chu lalber rorêlnaah chuan a awm ta a.
3:1 Lal Nebuadnezzara chuan rangkachak milim, a sânlam tawng sawmruk, a hlâi lam tawngruk a siam a, Babulon biala Dura phâizâwlah a dintîr a.
3:2 Tin, lal Nebukadnezzara chuan thuneitute, aiawhtute, awptute, rorêltute,sum enkawltute, remruattute, dân hre mite leh ram bial rorêl tu zawng zawng chu lal Nebukadnezzara milim din hlannaa lo tel tûr chuan a chah khâwm a.
3:3 Tin, thuneitute, aiawhtute, awptute, rorêltute, sum enkawltute, remruattute, dân hre mite leh ram bial rorêl tu zawng zawng te chu lal Nebuadnezzara milim din serh naah chuan an rawn inkhâwm a, lal Nebukadnezzara milim din hmaah chuan an ding hlawm a.
3:4 Tin,ring takin tlângâu a lo au va, Aw, mitin te u,hnam tinte u, tawng tin te u,
3:5 tawtawrâwt te, phênglâwng te, tingtang te, sakbut te, tingtang pui te, baja te leh ri thei chi zawng zawng in hriat hunah lal Nebukadnezzara rangkachak milim din chu bawkkhupa chibai bûk tûrin thupêk in ni e:
3:6 tin, tupawh bawkkhupa chibai bûk lo chu, chumi lai la la chuan rawhtuina meipuia paih luh tûr an ni ang," tiin
3:7 Chuvâng chuan chumi laia mipui zawng zawngin tawtawrâwt te, phênglâwng te, tingtang te sakbut te, tingtang pui te leh ri thei chi zawng zawng an han hriat chuan mitinte, hnamtin te, tawng tinte zawng zawng chuan lal Nebukadnezzara rangkachak milim din chu bawkkhupin chibai an bûk ta a.
3:8 Tin, chumi lai chuan Kaldai mi thenkhatte an lo hnai a, Juda mite chu an rawn hêk a.
3:9 Lal Nebukadnezzara hnênah chuan, Aw lalber, kumkhuain dam ang che.
3:10 Nangin, aw lalber, mi tupawh tawtawrâwt te, phênglâwng te tingtang te,sakbut te tingtang pui te, baja te leh ri thei chi zawng zawng hria apiang chuan bawkkhupin rangkachak milim chibai an bûk tûr a ni;
3:11 tin, tupawh bawkkhupa chibai bûk lo apiang rawhtuina meipuia paih luh an ni ang, tiin thupêk i siam a.
3:12 Juda mithenkhat Babulon ram bial chungchânga hotua i siam Sadraka te, mesaka te, Abednagoa te kha an awm a, hêng mite hian, aw lalber, an pawisa lo che a ni: i pathian te rawng an bâwl lo va, rangkachak milim i din chu chibai an bûk hek lo,’’ tiin an sawi a.
3:13 Tichuan, Nebukadnezzara chuan thinur leh thintâwt takin Sadraka te, Mesaka te, Abednagoa te chu rawn hruai tûr thu a pe a.
3:14 Tin, hêng mite hi lal hmaah chuan an rawn hruai a.
3:15 Nebukadnezzara chuan a chhâl a, an hnênah, Aw Sadrak, Mesak, Abednago, ka pathian rawng bâwl lova, ka rangkachak milim din chibai bÙk loh hi in tum rêng em ni?
3:16 Tûnah hian tawtawrâwt te, phênglâwng te, tingtang te, sakbut te tingtang pui te, baja te leh rithei chi zawng zawng in hriat huna bawkkhupa ka milim siam chibai bûk tûr in nih tawh chuan a tha e: chibai in bûk loh erawh chuan chu mi lai la la chuan rawhtuina meipuia paih luh in ni ang: ka kut ata chhanchhuak tûr che u pathian chu tu a ni nge?’’ a ti a.
3:17 Sadraka te, Mesaka te, Abednagoa te chuan lal chu an chhang a, a hnênah, Aw Nebukadnezzar, he thu ah hian kan chhân che pawh a ngai lo ve.
3:18 Kan Pathian, a rawng kan bâwl thina chuan rawhtuina meipui ata min chhanchhuak thei si a, i kut ata pawh, aw lalber, min chhanchhuak mai ang.
3:19 Chuti lo pawh ni sela, aw lalber, i pathian rawng chu kan bâwl dâwn lo va, i rangkachak milim din pawh chu chibai kan bûk hek lo vang, tih hi hria ang che,’’ an ti a.
3:20 Tichuan, Nebukadnezzara chu a thin a tâwt ta êm êm a, Sadraka te, Mesaka te, Abednagoa te lakah chuan a hmêl landân a dang zo ta a; rawhtuina mei chu a sat dân pangai let sariha tisa tûrin thu a pe a.
3:21 Tin, a sipai rual zînga mi chak thenkhat te chu Sadraka te, Mesaka te, Abednagoa te phuar tûr leh rawhtuina meipuia theh lût tûrin thu a pe a.
3:22 Tichuan, hêng mite hi an kawrfualte, an kawrhnuaite, an diar te leh an silhfên dang te chawpa phuarin rawhtuina meipuia theh luh an ni ta a.
3:23 Tichuan, lal thupêk a chu hmanhmawh êm avâng leh rawhtuina mei chu a sat khawp a vângin Sadraka te, Mesaka te, Abednagoa te châwikâng tu te chu meialh chuan a tihlum ta hlawm a.
3:24 Tin, hêng mipathum Sadraka te, Mesaka te, Abednagoa te hi phuar chungin rawhtuina meipui laiah chuan an tlu reng a.
3:25 Tichuan, lal Nebukadnezzara chuan mak a ti a, hmanhmawh takin a tho va, a remruatpuitute hnênah chuan, Mi pathum te kha phuarin meiah kan thehlût a ni lâwm ni kha?’’ tiin a sawi a. Lal chu an chhang a, a hnênah, Aw lalber theh lût e,’’ an ti a.
3:26 Ani chuan, Ngai teh u, mi pali phelha mei laia vei vei a, na hauh lovin ka hmu a, a palina landan phei chu pathiante fapa ang a ni,’’ a ti a.
3:27 Tichuan, Nebukadnezzara chu rawhtuina meipui kawngkâah chan a lo kal hnâi a, Sadrak, Mesak, Abednago, nangni chungnungbera Pathian bawihte u, lo chhuak ula, hetah lo kal rawh u,’’ tiin a han bia a. Tichuan, Sadraka te, Mesaka te Abednagoa te chu mei zîng ata chu an lo chhuak ta a.
3:28 Tin, thneitute, aiawhtute, awptute leh lal remruatpuitute rawn in khâwm chuan, hêng mite taksa chungah hian meiin thiltihtheihna a nei lo va, an sam pawh a kâng kir hek lo, an kawrfualte a danglam hek lo va, meirim rêng rêng pawh an nam hek lo, tih an hmu a.
3:29 Lal Nebukadnezzara chuan thu a sawi a, Sadraka te, Mesaka te, Abednagoa te pathian chu fakin awm rawh se; ani chuan a vântirhkoh a rawn tîr a, a chhiahhlawh a mah ringtute chu a chhanchhuak a, chûng mite chuan an pathian chauh lo chu pahtian dang rêng rawng an bâwl lohva chibai an bûk loh nân lal thupêk tidanglamin an taksa an hlân ngam a.
3:30 Chuvângin mitin, hnamtin, tawngtin, Sadraka te, Mesaka te, Abednagoa te pathian chunga thu tha lo sawi apiang chu sah sawm an ni ang a, an in te chu hnâwmhnawka siam a ni mai ang tih thupêk ka siam e: hetiang taka chhanchhuak thei pathian dang rêng rêng an awm si lo,’’ a ti a.
3:31 Tichuan, lal chuan Sadraka te, Mesaka te, Abednagoa te chu Babulon bialah chuan a tilian ta a.
4:1 Lal Nebukadnezzara chuan, mi tinte, hnam tinte, tawng tinte zawng zawng, lei pum puia chêngte hnênah chuan, in chungah remna tihpunin awm rawh se.
4:2 Chungnungber pathianin ka hnêna thil entîrnate, thilmakte a tih tâk hi tihlan tha ka ti e.
4:3 A thil entîrnate chu a ropuiin, a thiltihmakte chu a va nasa êm! A ram chu ramhlun a ni a, a rorêlna chu chhuanawm chhûng zawng zawng a ni ang.
4:4 Kei, Nebukadnezzara ka inah nuamsa tak leh ka in ropuiah neinung takin ka awm a.
4:5 Mumang ka hlauhzâwng tak ka nei a; ka khum laizâwla ka suangtuahna leh ka lu-a inlârna chuan mi tibuai a.
4:6 Chuvâng chuan Babulon mifing zawng zawngte chu ka mumang hrilhfiahna mi hriattîr theih nân ka hmaâ rawn hruai tûrin thu ka pe a.
4:7 Tichuan, dawivaihthiamte, aikaihthiamte, kaldai mite, aisânthiamte chu an lo kal a; tin, ka mumang chu ka hrilh a, mahse a hrilhfiahna rêng chu min hriattîr lo va.
4:8 Mahse a tâwp berah chuan Daniela, ka pathian hming ang pu, a hming Beltesazzara, amah pathian thianghlimte thlarau awm chu ka hmaah a lo kal a: tin, ka mumang chu ka hrilh a,
4:9 Aw Beltesazzara, dâwivaihthiamte hotu, nangmahah chuan pathian thianghlimte thlarau a awm tih leh thurûk rêng rêngin a tibuai lo che tih ka hriat avângin, ka manga ka hmuh inlârna leh a hrilhfiahna chu min hrilh teh khai.
4:10 Ka khum laizâwla ka lu-a inlârnate chu hetiang hi a ni: Ka han dâk chhuak a, ngai teh, lei lai takah thing a lo awm a, a sânzia chu nasa chu a nasa khawp mai a.
4:11 Thing chu a thang a, a tantha a, a sânlam chuan vân a tawng a, kâwlkil atangin a lang thei vek a.
4:12 Ahnah te chu a mâwiin a rahte a tam a, amahah chuannung zawng zawng tân eitûr a awm a: ramsate chuan a hlim an bêl a, chunglêng savate chu a zârahte an chêng a, tîssa pu zawng zawng chu ama châwm an ni.
4:13 Ka khum laizâwla ka lu-a inlârnaah chuan ka han en a, ngaiteh, vân atangin vêngtu, mi thianghlim chu a lo chhuk a,
4:14 ring takin, ‘Thing chu kit la, a zârte chu hlawi la, a hnahte thing thla la, a rahte tidarh rawh: a hnuai ata ramsate chu kal bo sela, a zâr ata chunglêng savate pawh thlâwk bo rawh se.
4:15 Amaherawhchu, ram hlobet to zîngah, leia a bulbâwr chu, thír leh dâra tâwnin, zuah la; tin, vân dâiin huh sela, a chan tûr chu ramsa te nêna hlobet zínga awm ni rawh se:
4:16 a rilru chu mihring rilru atanga tihdanglam nise, a hnênah ramsa rilru pêk ni rawh se: a chungah hun sarih ral rawh se.
4:17 Thu tlu hi vêngtute thuipêka tih a ni a, thil phût hi mithianghlimte thua tih a ni a, chungnungbera chuan mihringte lalna ram chungah thu a nei a, a duhsak apiang a pe a, mi hnuaihnung berte pawh a luahtîr thin a ni tih minungin an hriat nân a ni;’ tiin a au va.
4:18 He mumang hi kei, lal Nabukadnezzaran ka nei a, tin, nang aw Beltesazzar, a hrilfiahna chu puang rawh. Ka rama mi fingte zawng zawng chuan a hrilhfiahna chu mi hriattîr thei si lo va; nang erawh chuan i thei e, nangmahah chuan pathian thianghlimte thlarau chu a awm si a,’’ tiin.
4:19 Tichuan, Daniela, ahming Beltesazzara chu a han chî-ai hle rih a, a ngaihtuahte chuan a tibuai a. Lal chuan a hnênah, Beltesazzar, mumang emaw, a hrilhfiahna emaw pawhin tibuai che suh se,’’tiin a sawi a. Beltesazzara chuan a hnênah, Ka lalpa, mumang chu a hawtu che tân ni sela, a hrilhfiahna pawh chu i hmêlma te t6n ni rawh se.
4:20 Thing i hmuh, lo thang a, lo tanthaa, vân lo tawnga, kâwlkil atanga lang thei vek leh
4:21 a hnahte mâwia, a rahte tama, nung zawng zawng tâna ei tûr awm leh a hnuaia ramsate chênga, a zârte chunglênf savate chênna lo ni chu,
4:22 aw lalber, nangmah i ni a; i thanga, i chak a, i rorêlna te chu kâwlkil thleng a ni si a.
4:23 Tin, vân atanga vêngtu mithianghlim lo chhuka, Thing chu kit la, tiboral rawh; amaherawhchu ram hlobet to zîngah, leia bulbâwr chu thîr leh dâra tâwnin zuah la; tin, vân dâiin huh sela, a chan tûr chu ramsate nêna awm ni rawh se, a chunga hun sarih a ral thlengin, rawn ti lalin a hmu a;
4:24 tin, a hrilhfiahna chu heihi a ni, aw lalber, Chungnungbera thupêk, lalber ka lalpa chunga lo thleng chu a ni e:
4:25 mihring zîng ata hnawhchhuah i ni ang a, i chênna chu ramsate zîngah a ni ang a, sebâwng ang a hlobet eitîr i ni ang a, vân dâiin i huh ang a, i chungah hun sarih a ral ang; Chungnungbera chuan mihringte lalna ram chungah thu a nei a, a duhsak apiang a pe thin a ni tih i hriat hmâ loh chuan.
4:26 Tin, a bulbâwr zuah tûra thu an lo pêk ang khân, vânin thu a nei tih i hriat hnuah chuan i ram chu i ta a ni tlat ang.
4:27 Chuvâng chuan, aw lalber, ka thu râwn che hi pawmtlâk ah ngai la, i sualna chu felnain thlâk la, i suahsualnate chu mirethei chunga zahngaihnain thlâk rawh, i nunkhawnawmna hi a sei thei deuh mahna," tiin a chhâng a.
4:28 Hêng zawng zawng hi lal Nebukadnezzara chung ah a lo thleng a ni.
4:29 Thla sâwm leh thla hnih tâwpah chuan Babulon lal in chungah lal chu a vei a vei a.
4:30 Lal chuan, He Babulon ropui hi keima chakna ngeia lal chênna hmun atân leh ka ropuina maawina tûra ka siam chu a ni lo vem ni? tiin a sawi a.
4:31 Chu thu chu lal kaa a chhuah lai mêkin, vân atangin aw a lo chhuka, Aw lal Nebukadnezzar, i hnênah thu a lo thleng e: lalna ram chuan a thansan ta che a ni.
4:32 Mihring zîng ata hnawhchhuah i ni ang a, i chênna chu ramsa te zîngah a ni ang: sebâwng anga hlobet eitîr i ni ang a, i chungah hun sarih a ral ang; chungnungbera chuan mihringte lalna ram chungah thu a nei a, a duhsak apiang hnênah a pe thin a ni, tih i hriat hma loh chuan,’’ tiin.
4:33 Chumi lai la la chuan thil chuNebukadnezzara chungah a lo th1leng ta nghâl a;mihring zîng ata hnawhchhuah in a awm ta a, sebâwng angin hlobet a ei a, a taksa chu vân dâia huh in a awm a, a samte mupui hmul anga athan leh a tinte sava tin ang mai a nih thlengin.
4:34 Tin, chûng ni tâwpah chuan kei, Nebukadnezzara chuan vân lamah ka mit ka lên chho va, ka hriatna chu ka hnênah a lo kîrleh ta a, chungnungbera chu mal ka sâwm a, nung renga chu ka fak a, ka zah a, a rorêlna chu chatuan rorêlna a ni a, a ram chu chatuan awmchhûng zawng zawng a ni si a:
4:35 tin, leilung luahtu zawng zawngte hi engmah lo va ngaih an ni a: vân sipai rualte zîngah leh leilung luahtute zîngah chuan a thu thuin a ti a, tumahin a kut chu an chawlhtîr thei lo va, a hnênah, Nangin enge i tih?’’ pawh an ti thei hek lo.
4:36 Chutih lai vêk chuan ka hriatna chu ka hnênah a lo kîr leh ta a; tin, ka ram ropuina tûrin ka ropuina leh mâwina chu ka hnênah a lo kîr leh a; tin, ka remruatpuitute leh ka miropuite chuan mi rawn pan leh a, ka ram ah chuan tihnghehin ka aawm a, ropuina nasa tak mai ka hnênah belhchhah a ni ta a.
4:37 Tichuan, kei Nebukadnezzara hian vân lal chu ka fak a, ka chawisâng a, ka zah a;a thiltih zawng zawng chu a dikin a kawng te chu a fel si a: chapova lêngte chu a tihniam thei a ni.
5:1 Lal Belsazzara chuan a miropui sângkhatte ruai ropui tak a thehsak a, sâng hmâah chuan uain a in a.
5:2 Belsazzara chuan uain a in deuh chinah chuan rangkachak leh tangkaraw bungbêl, a pa Nebukadnezzaran Jerusalem biak in ata a lâk chhuah chu, rawn la tûrin thu a pe a; lal leh a mi ropuite leh a nupui te leh a hmeiten uain an inna atân.
5:3 Tichuan, rangkachak bungbêl, Jerusalema Pathian biakin ata lâk chhuah te chu an rawn la a; tin, lal leh a mi ropuite, a nupuite, a hmeite chuan in nân an hmang ta a.
5:4 Uain chu an in a, rangkachakte, tangkarua te, dâr te, thing te, lungte a siam pathiante chu an chawimawi dur dur a.
5:5 Chumi lai tak chuan mihring kut zungtang hi a lo chhuak a, lal in bang kulh, khâwnvâr dahna ep lamah chuan a rawn ziak ta a; tin, lal chuan a ziaktu kuttum bung chu a hmu a.
5:6 Tichuan lal chu a hmêl a dâng a, a rilru te chu a buai zo va, a kâwngruh chuktuahte a zawi zo va, a khûp te a in khâwng hlawk hlawk ta mai a.
5:7 Lal chu, Aikaihthiamte, Kaldai mite, aisânthiamte rawn hruai tûr,’’ tiin a au vak a. tin, lal chuan Babulon mifingte hnênah chuan, Tupawh he ziak hi chhiara a hrilhfiahna mi entîr chu puan senduk sintîr a ni ang a, a nghâwngah rangkachak khaidiat awrhtîr a ni bawk ang a, rama rorêltu pathumte zînga pakhat a ni ang,’’ tiin a sawi a
5:8 Tichuan lal mifingte zawng zawng chuan lo lût a; mahse ziak chu an chhiar thei lo va, a hrilhfiahna lah lal an hriattîr thei hek lo.
5:9 Tin, lal Belsazzara chua mangang êm êm mai a, a hmêl a dâng a, a mi ropuite chu an mangang bawk a.
5:10 Tin, lal leh a mi ropuite authâwm a vâng chuan lalnu chu ruaithehna in ah chuan a lo lût a: tin, lalnu chuan, Aw lalber, kumkhuain dam ang che; i rilru chu buai suh sela, i hmêl pawh dâng hek suh se:
5:11 i ramah hian mipakhat, amaha pathian thianghlimte thlarau awm chu a awm a; i pa hun laiahte pawh ênna te, hriatthiamna te, finna te, pathian finna ang mai amahah chuan a awm tih hriat a ni tawh a; aw lalber, i pa lal Nebukadnezzara, i pa ngei chuan dâwivaihthiamte, aikaihthiamte, Kaldai mite, aisânthiamte, hotuah a siam a;
5:12 amahah chuan rilru tha fawr bîk te, hriatna te, hraitthiamna te, mumang hrilfiahna te, thuhar hrilhfiahna te, dawisûtthiamna te chu Daniela, lalin Beltesazzara a vuahah chuan a awm tih hriat a ni tawh thin a. Tûnah Daniela a chu koh ni sela, a hrilhfiahna chu a entîr mai ang,’’ tiin a sawi a.
5:13 Tichuan, Daniela chu lal hmaah an rawn hruai lût a. Lal chuan Daniela hnênah, “Daniela, Juda saltâng fate zînga mi, ka pa lalberin Judai ram ata a rawn hruaia chu i ni em?
5:14 Nangmahah chuan pathiante thlarau a awm a, ênna te, hriat thiamna te, finna tha fawr bîk te nangmahah chuan a awm tih hriat a ni, tiin i thu ka lo hria a.
5:15 Tin, tûnah hian he ziak hi chhiar tûr leh a hrilhfiahna min hriattîr tûrin mi fingte, aikaihthiamte ka hmâah an rawn hruai lût tawh a; mahse chu thil hrilhfiahna chu min entîr thei lo.
5:16 Nang erawh chuan i hrilhfiah thei a, dâwi i sût thiam a ni tih ka lo hria che a; tûnah i theih chuan ziak hi chhiar la, a hrilhfiahna mi hriattîr la, puan senduk sintîr i ni ang a, i nghâwng vêlin rangkachak khaidiat awrhtîr i ni ang a, rama rorêltu pathumte zînga pakhat i ni ang,’’ tiin a sawi a.
5:17 Tin, Daniela chuan a chhâng a, lal hmâah chuan, “I thupêk chu nangma tân ni sela, i lâwmman chu midang pe ang che; mahse ziak hi lal ka chhiarsak ang a, a hrilhfiahna chu ka hriattîr ang e.
5:18 Aw lalber pathian chungnungber a chuan i pa Nebukadnezzara chu ram te, lenna te, ropuina te, lalna te a pe a;
5:19 lenna a hnêna a pêk a vâng chuan mitin te, hnam tinte, tawng tinte chuan an hlau va, a hmâah chuan an khûr thin a; a duh a piang a that a, a duh a piang a nun a; a duh apiang a châwisâng a, a duh apiang a titlâwm thin a.
5:20 Mahse a thinlung a lo dâk sâng a, a rilru a lo sak a, chapo takin a che ta a; a lal thutthleng ata tihtlâwm a ni a, a ropuina chu an lâksak ta a;
5:21 tin, mihring fate zîng ata hnaawhchhuahin a awm a, a rilru chu ramsa ang a siam a ni a, a chênna chu ram sabengtungte zîngah a ni ta a; sebâwng angin hlobetin an châwm a, a taksa chu vân dâia huh in a awm a: Pathian chungnungber a chuan mihringte lal na ram chungah thu a nei a, a duhsak apiang a luahtîr thin a ni tih a hriat hmâ loh chuan.
5:22 Tin, nang a fapa, aw Belsazzar, hêng zawng zawng hi i hre na a, i rilru i tihniam lo va,
5:23 vân lalpa chungah chuan i inchâwisâng ta zâwk a; a ina bungbêl te chu i hmâah an rawn la a, nang leh i mi ropuite, i nupui te leh i hmeite nên uain in nân in hmang a; tin, tangkarua te, rangkachak te, dâr te, thîr te, thing te, lungtea siam pathian, hmu thei lo, ngaithla thei lo, hre thei lo te chu i châwimâwi a; tin, Pathian i nunna leh i kawng zawng zawng a kuta kawltu chu i zah lo va;
5:24 tichuan, a hnên atangin kut tumbung chu tirh a ni ta a, he ziak hi a lo in ziak ta a nih hi.
5:25 Tin, hei hi thu ziaka chu a ni e: MENE, MENE, TEKEL, UPHARSIN.
5:26 Tin, hei hi a hrilhfiahna chu a ni: MENE: Pathianin i ram chu a chhût zo ta a, a tâwp a thlen ta.
5:27 TEKEL: bûkin i awm a i tling ta lo.
5:28 PERES: i ram chu thenin a awm a, Media leh Persia hnênah pêk a ni ta,’’ a ti a.
5:29 Tichuan, Belsazzara chuan thu a pe a, Daniela chu puan senduk an sintîr a, a nghâwng vêlin rangkachak khaidiat an awrhtîr a, a ramah chuan rorêltu pathumte zînga pa khat a ni tûr a ni, tiina puang ta a.
5:30 Chumi zânah chuan Kaldai lal Belsazzara chu thah a ni a.
5:31 Tin, Daria, Media mi chuan ram chu an chang ta a, amah chu kum sâwmruk leh kumhnih vêla upa a ni.
6:1 Daria chuan ram awp tûra thuneitu za leh sawmhnih, ram pumpuia dah darh chu tha a ti a;
6:2 tin, an chungah chuan hotu pathum a ruat leh a, an zînga pakhat chu Daniela a ni a; he thuneitute hian an hnêna chanchin an thlen chhawn zêla, Darian chhiatna rêng a neih loh nân.
6:3 Tin, he Daniela hi rilru tha fawr bik pu a nih avângin hotu dangte leh thuneitute aiin a lang bîk hle a; lal pawhin ram pumpui chunga dah a rilrûk a.
6:4 Tichuan hotu te leh thuneitute chuan ram chung thuah chuan Daniela chungah remchâng an zawng ta a; mahse remchâng rêng an hmu thei lo va, dik lohna an hmu thei hek lo; a rinawm êm êm si avângin, amahah chuan tihsual emaw, dik lohna emaw hmuh tûr a awm si lo va.
6:5 Tichuan, hêng mite hian, A pathian dân thuah a chunga remchâng kan hmuh nghâl loh chuan he Daniela chungah hian remchâng kan hmu dâwn lo ve,’’ an ti a.
6:6 Tichuan, hotute leh thuneitute chu lal hnênah chuan an inhâwr khâwm a, hetiang hian an sawi a: Lal Daria, kumkhuain dam ang che.
6:7 Ram hotute, aiawhtute leh thuneitute, remruattu leh awptute zawng zawng chu ni sawmthum chhûnga, aw lalber, nangma hnênah chauh lo chuan, pathian emaw mihring emaw hnêna dîlna nei apiang chu sakeibaknei pûka paih tûr, tiin lal hian dân siamin khap tlat sela, tih an remti tlânga.
6:8 Tûnah hian, aw lalber, khapna chu tinghet la, Media leh Persia dân danglam ngailo ang zêlin thu ziak hi danglam leh tawh hlek lo tûrin hming ziak hnan ang che,’’ tiin
6:9 Chutichuan, lal Daria chuan thu ziak leh khapnaah chuan hming a ziak ta a.
6:10 Tin, Daniela chuan thu ziak chu hming ziak hnan a ni tih a hriat veleh a inah a lût a (a pindana tukverhte chu Jerusalem lam hawi a hawn a ni a), a hmâa a tih dân ang bawkin nikhatah vawithum a thingthi a, a tawngtai a, a pathian hnênah lâwmthu a hrilh a.
6:11 Tichuan, hêng mite hi an inkhâwm a, Danielan a pathian hnênah dilna leh ngenna a hlân thin tih a hmu chhuak ta a.
6:12 Tin, lal chu an rawn hnaih a, a hmâah chuan lal khapna thu kha an sawi a. Ni sawmthum chhûnga, aw lalber, nangma hnênah chauh lo chuan pathian emaw, mihring emaw hnêna dîlna nei apiang chu sakeibaknei pukah paih an ni ang, tia khapna ah khân hming i ziak lâwm ni kha?’’ an ti a. Lal chuan Chu thil chu a nghet e, Media leh Persia dân danglam ngai lo ang zêlin,’’tiin a chhâng a, Daniela, Juda saltâng fate zînga mi khân, aw lalber, a pawisa lo chia, khapna hming i ziak hnan pawh kha a pawisa hek lo: ni khatah vawithum dîlna a nei zâwk a ni,’’an ti a
6:13 Tin, lal chuan hêngthu hi a hriatchuan pawi a ti êm êm a, Daniela chu chhanchhuah a rilrûk tlat a, chhan chhuak tûrin nitlâk thlengin a bei a.
6:14 Tin, hêng mite hi lal hnênah chuan, an rawn in hâwrkhâwm leh a, lal hnênah chuan, Aw lalber, Media leh Persia dân in khapna emaw, dân emaw lalberin a tihngheh tawh chu a danglam ngailo tih hria ang che,’’ an ti a.
6:15 Tichuan lal chuan thu a pe ta a. Daniela chu an rawn hruai a, sakeibaknei pûkah chuan an rawn paih ta a. Lal chuan Daniela hnênah, I Pathian, a rawng i bâwl fo thin khân a chhanhim ang che,’’ tiin a sawi a.
6:16 Tin lung an rawn la a, pûk kawngka chu an rawn khâr a; tin, lal chuan Daniela chung thu hi a danglam tawh hlek loh nân ama zungbun ngei leh a miropuite zungbuna nemin a chhinchhiah a.
6:17 Tin, lal chu a in ah chuan a kal a, chaw ngheiin a zankhua a: a hmâah chuan thil ritheite an rawn la hek lova, mutmu pawh a tuah thei hek lo.
6:18 Tichuan, a tûk zîng takah chuan lal chu a tho va, hmanhmawh takin sakeibaknei pûk lamah chuan a kal ta a.
6:19 Tin, Daniela awmna pûk a rawn hnaih chuan tah aw in a au va: lalber chuan Daniela hnênah, Aw Daniel, Pathian nung chhiahhlawh, i Pathian a rawng i bâwl fo thina chuan sakeibaknei lak ata a chhanchhuak thei che em? a ti a.Daniela chuan lal hnênah, Aw lalber, kumkhuain damang che;
6:20 ka pathian chuan a vântirhkoh a rawn tîr a, sakeibaknei ka te a tichîp a, engmah mi tina lo ve, a ti a.
6:21 Tichuan, lal chu a lâwm ta êm êm a, Daniela chu pûk ata lâk chhuak tûr thu a pe ta a. Chutichuan, Daniela chu pûk ata an la chhuak a, na lai rêng rêng amahah a awm lo va, a pathian a rin tlat avângin.
6:22 Tin, lal chuan thu a pe a, Daniela hêktute chu an rawn hruai a. Sakeibaknei pûkah chuan an paih lût ta a, anni ho leh an fate leh an nupuite nên; sakeibaknei chuan anni chu an ching nawk nawk a, an ruhte chu an titliak sawm vek a, pûk mawng pawh an thleng hman hek lo.
6:23 Tichuan, lal Daria chuan mi tinte, hnam tinte, tawng tinte zawng zawng, lei pum puia chêngte hnênah chuan lehkha a ziak a, tIn chungah remna tih punin awm rawh se.
6:24 Ka ram awp zawng zawngah hian miten Daniela Pathian chu hlauvin khûr rawh se, tiin thu pêk ka siam e. Ani chu Pathian nung a ni a, a nghet kumkhua a, a ram chu tihchhiat rual a ni lo vang a, awp pawh a tâwp thleng zakin a awp dâwn si a.
6:25 Ani chuan a chhhanhim a, a chhanchhuak a, lei leh vân ah hian chhinchhiahna te leh thilmakte a ti a; ani hi sakeibaknei thiltihtheihna lak ata Daniela chhan chhuak tu chu a ni, tiin.
6:26 Chutichuan he Daniela hi Daria rorêl lai leh Persia mi Kura rorêl lai chuan a hmuingîl ta hlê a.
7:1 Babulon lal Belsazzara kumkhat naah chuan Dnielan mumang a neiin a khum laizâwla a lûa inlârnate chu a hmu a: tichuan a mumang chu a ziak a, a tlângpui in a sawi a.
7:2 Daniela chuan a sawi a: Zânah inlârnaah chuan hmuh ka nei a, ngaiteh kâwlkil lia thli hi tupui ropui tak chungah a lo tleh a.
7:3 Tin, tuipuiah chuan sa ropui tak tak pali, in ang lo tak tak hi an lo chhuak a.
7:4 A pakhat na chu sakeibaknei ang a ni a, mupui thla a nei a: a thla te chu thlawn a nih a, lei ata chawikân a nih a, mihring anga ke pahniha ding tûra siam a niha, mihring thinlung pêk a nih ka en reng a.
7:5 Tin, ngaiteh, sa dang, a pahnihna chu savawm ang a ni a, a khing leh lamin a ding a, a kâah chuan nakruh pathum a awm a, a seh kawh a, a hnênah chuan, Tho la, tîsa ei teuh rawh, tiin an hrilha.
7:6 Chumi hnuah chuan ka en a, ngai teh, a dang, keite ang, a hnunga sava thla pali nei a lo awm a, chu sa chuan lu pali pawh a nei a, tin, a hnênah chuan rorêlna pêk a ni a.
7:7 Chumi hnuah chuan, zân inlârnaahte chuan, ngai teh, sa palina tihbaiawm leh hlauhawm tak, chak tak mai ka hmu a; thîr ha ropui tak a nei a; a ei buan buan a,a pawt sawm a, a bâng nawite chu a ke in a rapbet a: a hmâa sa dangte lakah kha chuan danglam tak a ni; ki sawm a nei a.
7:8 Kite chu ka ngaihtuah a, tin, ngai teh, an zing atang chuan ki dang pakhat te tak tê a lo chawr chhuak a; a hmâah chuan ki hmasa pathum te chu a bul rêtah an thlawn ta a : tin, ngai teh, he ki ah hian mitte, mihring mit ang mai hi a awm a, tin , kâ pawh a awm a, thil nasa takte a sawi a.
7:9 Lalthutthlengte an han hûn chhuaha, mi pakhat, Hmâkhawsânga a thut thlengin ka en reng a; a silhfênte chu vûr anga vâr a ni a, a sam chu sahmul thianghlim tak ang a ni: a lalthutthlêng chu meialh a ni a, chu mi tawlailîr chu mei kâng ang a ni a.
7:10 A hmâ atang chuan mei lui a lo chhuakin a luanga: a sânga sângin rawng an bâwlsak a, a hmâah chuan sîng hmun sîng an ding a: rorêlna a lo awm ta a, lehkhabute chu kêu a ni a.
7:11 Chumi lai chuan ki in nasa tak a sawi thâwm avâng chuan, ka han en a, sa chu tihhluma, a taksa tihchhiata, meia hâl tûra pêk a nih thlengin ka en reng a.
7:12 Tin, sa dang te thu kha chu, an rorêlna lâksakin an awm a, an nunna erawh chu hunbi khat leh hun khat chhûng atân zuah a ni.
7:13 Zân inlârnaahte chuan, ngaiteh, vân chhûmte nêna lo kal, mi pakhat, mihring fapa ang hi ka hmu a, Hmakhawsânga hnênah chuan a lo kal a, a hmâah chuan ani chu an rawn hruai hnai a.
7:14 Tin, rorêlna te, ropuina te, ramte a hnêna pêk a ni a, mi tinte, hnam tinte leh tawng tinte zawng zawng chuan a rawng an bâwl nân: a rorêlna chu rorêlna hlun, ral ngailo tûr a ni a, a ram chu tihchhiat rual a ni lo vang.
7:15 Kei Daniela hi, ka taksa chhûngah hian ka rilru a lungngai a, ka lu-a inlârnate chuan mi tibuai a ni.
7:16 A lo dingte zínga pakhat chu ka han hnaih a, hêng zawng zawng chungchânga thutak chu ka zâwt a. Chitichuan min hrilh a, a thil hrilhfiahnate pawh chu mi hriattîr ta a.
7:17 Hêng sa ropui tak tak palite hi, lal pali lei ata lo chhuak tûrte chu an ni a.
7:18 Mahse chungnungbera mi thianghlimte chuan ram chu an chang ang a, kumkhuain kumkhaw tlaitluanin.
7:19 Tichuan sa palina, a dangte laka danglam bik tak, tihbaiawm tak, a hate thir nia, a tinte dâr nia, ei buan buana, paawt sawma, a bâng nawi a ke hnuaia rap bettu chungchângah chuan thutak hriat ka chak ta a;
7:20 a lu-a ki sâwm leh ki dang lo chhuaka, a hmâa pathum tlu ta chungchâng te; kha ki, mitte neia, a lan dân pawh a thiante aia ropui bîk tak te nên khân.
7:21 Tin, ka en reng a, chu ki ngei chuan mi thianghlimte chu a do va, a hneh a;
7:22 Hmakhawsânga a lo kala, rorêlna chu Chungnungbera mi thianghlimte hnênah pêk a niha, mi thianghlimte chuan ram an chan hun lo thlen hmâ loh chuan a hneh a.
7:23 Hetiang hian a ti a: sa palina chu lei chung ram palina, ramdang zawng zawng laka danglam bîk, lei pumpui ei buan buana, chîla, pawtsawm tûr chu a ni ang.
7:24 Tin, ki sawmte thu chu, hemi ram ata hi lal sâwm an lo chhuak dâwn a ni: tin, an hnuah chuan pakhat a lo chhuak anga, a hmâa mi te lakah chuan a danglam ang a, lal pathumte chu a ti tlû ang.
7:25 Tin, chungnungbera kalhin thu a sawi ang a, chungnungbera mi thianghlimte a ti châu vang: hunte leh dân chu tih danglam a tum ang a, hun khat leh hunte leh hun chanve chhûng chu a kuta pêk an ni ang.
7:26 Mahse rorêlna a lo awm ang a, a thuneihna chu tihrala tihchhiat hlen tûrin an la bo vang.
7:27 Tin, ram leh rorêlna leh vân pumpui hnuaia ramte ropuina chu Chungnungbera mi thianghlimte hnênah chuan pêk a ni ang: a ram chu ram hlun a ni a, awp ram zawng zawng in a rawng an bâwl ang a, amah an âwih ang.
7:28 Hei hi thil tâwpna chu a ni. Kei Daniela hi ka ngaihtuahna te chuan mi tibuai a, ka hmêl a dâng a; mahse ka rilruin thu chu ka vawng reng a.
8:1 Lal Belsazzara rorêl kum thumnaah chuan ka hnênah, kei Daniela hnên ngeiah hian inlârna a lo lang a, atîra ka hnêna lo lang hnuah khân.
8:2 Tin, inlârnaah chuan hmuh ka nei a; hetiang hi a ni a, ka hmuh lai chuan Elam biala Susan lal inah ka lo awm a; tin, inlârnaah chuan hmuh ka nei a, Ulai lukamah ka lo awm a.
8:3 Tichuan, ka mit ka han lên chho va, ka han en a ngai teh, lui bulah chuan berâmpa, ki pahnih nei hi a ding a: tin, ki pahnihte chu an sâng dûn hle a; mahse pakhat chu a dang ai chuan a sâng zawk a, a sâng zâwk a chu a lo chawr hnuhnûng a.
8:4 Berâmpa chuan thlanglam leh hmârlam leh chhimlam phînin ka hmu a; a hmâah chuan sa rêng rêng ding thei an awm lo va, a kut ata chhanchhuak thei an awm hek lo; a duh ang angin a che a, amah a intilian a.
8:5 Tin, ka ngaihtuah mêk laiin, ngaiteh, khaw lam atangin lei pumpui chungah hian kêlpa a lo thawk a, lei pawh a khawih lo: tin, kêl chuan a mit inkârah hian ki langsâr tak hi a nei a.
8:6 Tin, berâmpa ki pahnih nei, lei bula ding ka hmuh kha a rawn pan a, a chak theihtâwpin a zuan a.
8:7 Tin berâmpa chu a fin rawkin ka hmu a, a chungah a thinur êm êm a, berâmpa chu a tauh va, a ki pahnih chu a tihtliahsak a, amah khing tûrin berâmpaah chuan chakna rêng rêng a awm ta lo: leiah a theh thlu a, a rap bet a, berâmpa chu a kut ata chhan chhuak thei rêng rêng an awm lo.
8:8 Tin, kêlpa chu a intilian ta vak mai a; a lo chak lai tak chuan a ki ropui chu a tliak ta a; tin, a aiah chuan ki langsâr tak pali, kawlkil li hawiin an lo chhuak a.
8:9 Tin, an zînga pakhat ah chuan ki tê tak tê a lo pêng chhuak a, chhim lamah te, chhak lamah te, ram ropui lamah te nasa takin a lo thang lian a, chûng awmho thenkhat te leh arsi thenkhat te chu leiah a paih thla a, a rapbetta hlawm a.
8:10 A ni, chûng awmho lal thleng hialin a intilian a, hâlral thil hlan awm fo chu a lâk bo sak a, a hmun thianghlim awmna chu tihchhiatin a awm a.
8:11 Tin, chûng awmho chu hâlral thil hlan awm fo chawp chuan, bawhchhiatna avângin, a hnênah pêk a ni a; tin, thutak chu leiah a paih thla a, chutiangin a ti a , a hlawhtling hle.
8:12 Tin, mi thianghlim tawng ka hria a; tin, mi thianghlim dangin tu emaw lo tawng a hnênah khân, Hâlral thilhlan awm fo te, titiautu bawhchhiatna te, hmunthianghlim leh awmho chu rahbeh tûra pêk an nih te chungchânga inlârna chu engtia rei nge ni dâwn? a ti a.
8:13 Tin, a hnênah Zing leh tlai sânghnih leh zathum thlengin; tah chuan hmun thianghlim chu thenfai a ni ang, a ti a.
8:14 Tin, heti hi a ni a, kei Daniela ngei hian inlârna chu ka hmuhin a awmzia hriat ka tum a; tin, ngai teh, ka hmâah chuan mihring anga lang hi a lo ding a.
8:15 Tin, Ulai kam tuak inkârah chuan mihring aw, Gabriel, inlârna chu he mi hi hriat thiamtîr rawh, tia han ko hi ka hria a.
8:16 Chutichuan, ka dinna chu a rawn hnaih a; tin, a lo kal chuan ka hlau êm a, bawkkhupin ka tlu a: mahse a ni chuan ka hnênah, Aw mihring fapa, hre thiam ang che, inlârna chu tâwpna hun a mi tûr a ni si a, a ti a.
8:17 Tin, mi biak lai chuan bawkkhupin ka lo muhîl dêr a: mahse min han khawih a, min dintîr a.
8:18 Ani chuan, Ngai rawh, thinurna hunhnuhnûng lama thil lo awm tûr chu ka ti hria ang che: tâwpna hun ruata mi a ni si a.
8:19 Berâmpa, ki pahnih nei i hmuh kha Media leh Persia lal an ni a.
8:20 Tin, kêlpa hmul chhur mai chu Grik lal a ni: tin, a mit inkâra ki ropui chu lal hmasaber a ni.
8:21 Tin, kha ki, tliaka a hmuna pali lo chhuak kha chu, chu hnam atang chuan ram li a lo ding chhuak dawn, tihna a ni, a thiltihtheihna nên erawh chuan ni lovin.
8:22 Tin, an lalna hun hnuhnûng lama bawhchhetuten an vâwrtâwp an thlen hunah chuan, lal hmêl hlauhawm tak, thu khirhkhân thim mi a lo chhuak ang.
8:23 Tin, a thuneihna a chak êm êm ang a, ama thlitihtheihna ngei avâng erawh chu ni lovin; mak takin a tichhia ang a, a hlawhtling ang a, chutiangin a ti ang; tin, michak te leh mithianghlim te chu a tichhia ang a.
8:24 Tin, a thiltih dân avângin vervêkna a kutah a tihhlawhtling ang; a thinlungah amah a intilian ang a, ngaihtha taka an awm laiin tam tak a tichhia ang: Lal te lal a khing ang a mahse kut lova tih tliahin a awm ang.
8:25 Tin, zîng lam leh tlai lam inlârna, sawi tawh a kha, a dik a ni: mahse inlârna chu ngawihpui rawh, ni tam tak hnua mi tûr a ni si a, a ti a.
8:26 Tin, kei Daniela chu ka chau va; tin, ka tho va, lal chu mak ka ti êm êm mai a, mahse tuman an hre thiam lo.
9:1 Ahasuera fapa, Daria, Media chia mi, Kaldai ram chunga lala siam kum khatna,
9:2 a rorêl kum khatnaah chuan, kei Daniela hian lehkhabuahte chuan, zâwlnei Jeremia hnêna LALPA thu lo thleng, Jerusalem chhiatna hlen a tiam hun chhûng kum zât chu ka lo hre thiam ta a, kum sâwmsarih chu.
9:3 Tin, chaw ngheiin , saiip puan te, vaivut te nên tawngtaina leh dîlna zawngin LALPA pathian lam chu ka hawi a.
9:4 Tin, LALPA ka pathian hnênah chuan ka tawngtai a, ka in puang a, Aw lalpa, Pathian ropui tak leh tihawm tak, amah hmangaiha, a thupêkte zâwm thintu hnêna thuthlung leh zahngaihna nei thintu.
9:5 I thupêk leh rorêlnate laka kal pêngin kan sual ta a, dik lo tak leh suaksual takin kan ti ta a, kan hel ta:
9:6 i chhiahhlawh kan lalte, hotute leh pate leh ram mipui zawng zawngte hnêna i
9:7 Aw lalpa, felna chu i chan a ni a, keini chan erawh chu zahna mai a ni, tûn lai ang hian; Judaia mite, jerusalema cheng te, Israel ho zawng zawng lam hnaia mi leh lam hlaa mi, an bawhchhiatnate avânga ram tina i hnawh darhte lah chuti bawk.
9:8 Aw lalpa, i chunga kan lo sual tâk avângin keini chan zawng zahna mai a ni, kan lal te, kan hotute, kan pate chan pawh.
9:9 Zahngaihna leh ngaihdamna chu Lalpa kan pathian chuan a nei, a chungah hel ta mah ila;
9:10 a chhiahhlawh zâwlneite hmanga kan hmâa a dah, a dânte zâwmin LALPA kan pathian aw chu ka awih hek lo.
9:11 A ni, Israel ho zawng zawngin i aw âwihlo tûra kal pêngin i dân an bawhchhe ta a ni. Chuvâng chuan ânchhia chu ka chungah leihin a awm ta a, Pathian chhiahhlawh Mosia dâna ziak chhecham thu nên; a chungah kan sual ta si a.
9:12 Tin, a thu kan chunga a sawi leh kan rorêltu. ro min rêltute chunga a sawi kha kan chunga thil tha lo nasa tak thlentîrin a tikim ta a: Jerusalem chunga tih tâk ang chu vân hnuai pum puiah pawh tihin a awm ngai lo.
9:13 Mosia dâna ziak angin hêng thil tha lo zawng zawngte hi kan chungah a lo thleng a ni: mahse kan khawlohnate chu kan hawisana i thudik hriat thiamna te kan neih nân LALPA kan pathian lungawina chu kan zawng si lo.
9:14 Chuvângin, LALPA chuan thil tha lo chu a en reng a, kan chungah a rawn thlentîr ta a ni: LALPA kan pathian chu a thil tih atih zawng zawngah hian a fel si a, a aw kan âwih ta lo a ni.
9:15 Tin, tûnah hian, aw Lalpa kan Pahtian, Aigupta ram ata kut chaka mite hruai chhuaktu leh hmingthanna tûn thlenga hmingthatna insiamtu, kan sual ta a, suaksual takin kan ti ta e.
9:16 Aw lalpa, ka ngên a che, i felna zawng zawng avângin i thinurna leh i thinrimna chu i khawpui Jerusalem, i tlâng thianghlim atang chuan kîr sela; kan sual te avâng leh kan pate khawlohna avângin Jerusalem leh i mite hi kan vêl a mi zawng zawngte zîngah sawichhiat a lo ni ta.
9:17 Chuvângin aw kan Pathian, tûnah hian i chhiahhlawh tawngtaina leh dîlnate hi ngaithla la, Lalpa avângin i hmun thianghlim ram tawh chungah chuan i hmêl tiêng ang che.
9:18 Aw ka Pathian, i beng dawh la, ngaithla teh; i mit meng la, kan tiau dânte leh khawpui i hming vuaha awm hi en teh: kan dîlnate chu kan felnate avângin i hmâah kan hlân a ni si lo va, i zahngaihna ropui tak avângin a ni zâwk e.
9:19 Aw lalpa, ngaithla teh; aw lalpa, ngaidam rawh; aw Lalpa ngaithla la, thak ang che; Aw ka Pathian, nangmah avâng ngeiin i khawpui leh i mite u hming vuaha an awm avângin, tiin.
9:20 Tin, keima sual leh ka mi Israelte sual thupha chawia,tawngtaia, thu sawia, LALPA ka pathian hmâa ka Pathian tlâng thianghlim atâna ka dîlna ka hlân lai mêkin,
9:21 a ni, tawngtaia ka tawng lai ngei chuan, mi Gabriela, atîra inlârnaa ka hmuh khan, tlai lam thilhlan hun lai angah hian chak taka thlâwkin mi rawn pan a.
9:22 Tin hriatthiamna mi neihtîr a, mi bia a, ka hnênah, Aw Daniel, hriat thiamna fing tak neihtîr tûr chein ka lo chhuak a nih hi.
9:23 I dîl tirhah khân thupêk a chhuak tawh a, hrilh tûr chein ka lo kal a ni; duhawm tak i ni si a; chuvâng chuan thil chu ngaihtuah la, inlârna chu hre thiam rawh.
9:24 Bawhchhiatna tikin tûr te, sualna titâwp tûr te khawlohna thianfai tûr te, hmun thiannghlim ber chu hriak thih tûr tein i mite leh i khawpui thianghlim tân hapta sawmsarih ruat a ni e.
9:25 Chuvângin, Jerusalem tung ding leh sa tha tûra thupêk a chhuah atanga hriakthiha, lal a lo awm thlengin hapta sarih a ni ang, tih hre fiah thiam ang che: tin, hapta sawmruk leh pahnih hnuah chuan hriakthiha chu tihbo a ni ang a,a tâwpna thleng pawhin indona a awm ang, chhiatnate chu a inruat sa a ni.
9:26 Tin, hapta khat atân mi tamtak hnênah thuthlung nghet tak a siam ang a; tin, hapta chanveah chuan inthawinate leh thilhlante a tibâng ang; tin, titiautu chu tenawmna thla chunga chuangin a lo kal ang a; tin tâwpna, lo thleng ngei tûra ruatsa thleng chuan thinurna chu titiautu chungah chuan leih buak a ni ang, a ti a.
10:1 Persia lal Kura kum thumnaah chuan, Daniela, a hming Beltesazzara an vuah hnênah chuan thil a lo lang a; chu thil chu a dik a ni a, chu chu indona ropui tak a ni: tichuan thil chu a hrethiama,inlârna hriat theihna a nei a ni.
10:2 Chûng nîte chuan, kei Daniela chu hapta thum pumhlûm lusûn angin ka awm a.
10:3 Chaw tuihnai rêng rêng ka ei lo va, sa emaw uain emaw pawh ka kâah a lût hek lo,hapta thum pumhlum a kim hmâ chu hriak pawh ka in thih hek lo.
10:4 Tin, thla khatna, ni sawmhnih leh ni li nîa lui ropui tak Hidekel kama ka awm lai chuan,
10:5 ka mit ka han lên chho va; ngai teh, mi, puan zai sîna inthuam, a kâwnga Ufaz rangkachak thianghlima inhrêng hi a lo awm a:
10:6 a taksa pawh berûl lung ang a ni a, a hmêl chu kâwlphe lan dân ang, a mitte chu mei khâwnvâr ang, a bânte leh a kephahte chu dâr tle mi ang, a tawng thâwm chu mipui thâwm ang a ni.
10:7 chu in lârna chu kei Daniela chauh hian ka hmu a; ka hnêna awmte chuan inlârna chu an hmu ve lo va, mahse nasa takin an lo khûr a, an biru bo ta a.
10:8 Chutichuan keimah chauh ka awm ta a, inlârna ropui tak chu ka hmu a, thahrui rêng ka nei ta lo va: ka hmêl mawina pawh a chuai zo va, thahrui rêng ka nei ta lo.
10:9 Mahse tawng ri chu ka hria a: a tawng ri ka han hriat chuan bawk khupin, hmai lei siin ka mu hîl ta dêr a.
10:10 Tin, ngai teh, kut hian mi han khawih a, chu chuan mi bawhvah tîr a.
10:11 Tin, ka hnênah, Aw Daniel, nang mi duhawm tak, i hnêna ka thusawi hi hre thiamla, ding ngîl rawh; tûnah hian i hnêna rawn tirh ka ni si a, a ti a: tin, he thu hi ka hnêna a sawi zawh chuan khûr chungin ka ding a.
10:12 Tin, a ni chuan ka hnênah,Hlau suh Daniel, i Pathian hmâa inngaitlâwm tûr leh hrethiam tûra i thinlung i pêk tirh ni atang khân i thute chu ngaihthlâk a ni a, i thute avâng chuan ka lo kal a ni.
10:13 Mahse Persia ram hotu chuan ni sawmhnih leh nikhat mi dodâl a; amaherawhchu, ngai teh, Mikaela, hotu lian chu min pui tûrin a lo kal a; tichuan Persia lal hnênah chuan ka han awm ta a.
10:14 Nakin lama i mite chunga thil lo thleng tûrte hriat thiam tîr tûr chein tûnah hian ka lo kal a ni: inlârna chu ni tamtak hnuah a la ni dâwn si a, a ti a.
10:15 Tin, heng thute ang zêla ka hnêna a sawi hun chuan, kei chu ka kaikûn a, ka tawng thei lo va.
10:16 Tin, ngai teh, mi pakhat, mihring fapate ang taka lang hian ka hmui a rawn khawih a; tichuan ka ka ka âng ta a, ka hmâa lo dinga hnênah chuan, Aw ka lalpa, inlârna avâng chuan ka lungngaihnate chuan mi delh a, thahrui rêng ka nei lo va.
10:17 He ka lalpa chhiahhlawh hian he ka lalpa hi engtin nge a biak theih ang? kei lah chuan thahrui rêng ka nei si lo, thâwk pawh ka la thei hek lo, ka ti a.
10:18 Tichuan, mihring ang taka lang chuan mi han khawih leh a, min ti chak ta a.
10:19 Tin, ka hnênah, Aw mi duhawm tak, hlau suh; thlamuang takin awm rawh: chak la, a ni chak rawh, a ti a. Tin, ka hnêna thu a sawi lai chuan ka lo chak ta a, ka lalpan thu sawi rawh se, nangin mi tichak tawh si a, ka ti a.
10:20 Tichuan, ani chuan, I hnêna ka lo kal chhan hi i hria em? Tûnah chuan Persia ram hotu bei tûrin ka kîr dâwn a ni: tin, ka thawh chhuah hunah chuan, ngai teh, Grik ram hotu a lo kal ang.
10:21 Mahse thudik ziaknaa ziak chu ka hrilh ang che: hêngah hian, in hotu Mikaela chauh lo chu, tumah mi tan tûr an awm lo ve.
11:1 Tin, kei chu, Media mi Daria kum khatnaah khân amah tinghet tûr leh tichak tûrin ka ding a.
11:2 Tin, tûnah hian thudik chu ka entîr ang che. Ngai teh, Persia ramah chuan lal pathum an lo chhuak ang a, a pali na chu a dang zawng ai khân a hausa zâwk hle ang: a hausakna avânga a intihchak hunah chuan Grik ram do tûrin mi zawng zawng a chawk tho vang.
11:3 Tin, lal chak tak, thuneihna ropui taka rorêl tûr chu a lo chhuak ang a, a thu thuin a ti ang.
11:4 Tin, a lo chhuah hun chuan a ram chu phel darh ani ang a, kawlkil liah semin a awm ang, a thlahte hnênah ni lovin, a thuneihnaa a rêl thin ang zêl ni hek lovin;a ram chu he mite ni lo, midang tân chhuhsak in a awm zâwk dâwn a ni.
11:5 Tichuan, chhimlam lal chu chak a ang a; a hotute zînga pakhat erawh chu amah aiin a chak zâwk ang a, thuneihna anei ang a, a thuneihna chu thuneihna ropui tak a ni ang.
11:6 Tin, kumte tâwpah chuan an inzawm ang a; chhimlam lal fanu chu hmârlam lal hnênah inremna siam tûrin a lo kal ang: mahse chakna chu a nei rei lo vang a; ani pawh kha a ning hek lo vang a, a chakna pawh lal fanu chu pêk bovin a awm zâwk ang a, a rawn hruaitute leh a hringtu, chutih laia amah tichak tu nên.
11:7 Mahse a zung atanga chawr no ata chu mipakhat ama hmunah a ding ang a, chu chu sipai rual nên a lo kal ang a, hmârlam lal kulhah chuan a lût ang a, anmahni a bei anga, a hneh ang:
11:8 tin, an pathiante, an lim chhûnte nên, an tangkarua leh rangkachak bungbêl tha tak takte nên, Aigupta ramah a kalpui vek ang a; tin, kum engemawti chu hmâr lam lal lakah a châwl rih ang.
11:9 Tin, chhim lam lal ramah chuan hmâr lam lal chu a lo lût ang a, mahse ama ramah a kîr leh ang.
11:10 Tin, a fapa ten an do vang a, sipai rual nasa tak an ko khâwm ang a, an lo kal ang a, an chîm hneh ang a, an pal tlang ang: tin, an lo kîr lah ang a, an do vang a, a kulh ngei pawh.
11:11 Tin, chhim lam lal chu a thinur êm êm ang a, a lo chhuakin amah abei ang- hmâr lam lal ngei chu: tin, mipui tamtak nên a chhuak ang a, mi tamtak a kutah pêk a ni ang.
11:12 Tin, mi tamtak chu hruaibo an ni ang a, a thinlung a sâng ang a, sîng lai te chu a titlu ang a, mahse a ding hlen lo vang.
11:13 Tin, hmâr lam lal chu a lo thawk leh ang a, mipui a hmâa mi aia tam zâwk nên a chhuak ang a, tin, hun tâwp, kum tâwp ngeiah chuan sipai rual nasa tak leh thuam nasa tak nên a rawn pan ang.
11:14 Tin, chûng hunah te chuan mi tam tak, chhim lam lal do tûrin an ding ang: i chite zínga pâwngnêk mite pawh inlârna chu tithleng tûrin an inlek ang a, mahse an tlu ang.
11:15 Chutichuan, hmâr lam lal chu a lo kal ang a, mual pâwng a siam ang a, khawpui kulh nghet nei chu a la ang: tin, chhim lam chakna chuan a dâl zo lo vang, a mi thlante pawhin; dâl zo tûr chakna rêng a awm lo vang.
11:16 Tichuan, a rawn dotu chuan a duh ang angin a ti ang a, a hmâah tumah an ding lo vang: tin, a ni chu ram ropuiah chuan a ding ang a, a kutah chhiatna a awm ang.
11:17 Tin, a ram pumpui chakna nên lo kal a tum ang a, inremna asiam ang a, chutiangin a ti ang: tin, a tihkhawloh tûrin a hnênah hmeichhe fanu a pe ang a, mahse a hlawhtling lo ang a, a hlawkpui hek lo vang.
11:18 Hemi hnuah hi chuan thliarkâr lam a hawi ang a, tam tak ala ang: mahse hotu pakhat chuan sawichhiatna a chhak chhhuah chu a tibâng ang a; a ni, a sawichhiatna chu ama chung vêkah a lêttîr ang.
11:19 Tichuan, ama ram ngei kulhte lam chu a hawi leh ang a, mahse a petek in a tlu ang a, hmuh zawh a ni tawh lo vang.
11:20 Tichuan, ama hmunah chuan mi pakhat, ram ropui naa chhiahkhawntu kal tlang tîrtu tûr chu a lo ding chhuak ang: mahse nirei lo teah thinurna vâng ni lovin, tihboralin a awm ang.
11:21 Tin, a hmunah chuan mi hmusitawm, ram chawimawina pêk loh chu a lo ding chhuak ang: mahse ram muan laiin a lo kal ang a, tawngkam thiamin ram chu a chang ang.
11:22 Tin, a hmâa mi chu tui lian chaknaa hrût bovin an awm ang a, keh sawm in an awm ang: a ni thuthlung hotu chenin.
11:23 tin, a hnêna thuthlung siam hnuah chuan hlemhle takin a che ang: a lo ding chhuak ang a, mipui tlêm tête nên pawh a lo chak dâwn a ni.
11:24 Muan hun laiin ram bial tha ber berah a lo thawk ang a, a pate leh a pa pate tih ngailoh chu a ti ang: mite zîngah chuan râllâk leh râllâk thilte, sumte a vawrh darh ang: a ni, kulh nghet chungah te chuan a phiarrûkte chu a phiar rih ang.
11:25 Tin, a thiltihtheina leh a huaina chu, sipai rual nasa tak nên, chhim lam lal chungah a thawk tho vang a; tin, chhim lam lal chuan sipai rual nasa tak leh chak tak nên a lo do vang a, mahse a ding zo lo vang, a chungah chuan phiarrûk eng eng emaw an lo phiar dâwn si a.
11:26 A ni, a chaw tuihmêl eitute ngei chuan amah an tiboral ang a, asipai rual te chu hnâwl bovin an awm ang a, tam tak chu thahin an awm ang.
11:27 Tin, hêng lalte hi zawng an thinlunga pawi khawih hmang an ni ve ve ang a, dawhkân hmun khatah dâwt an sawi ang: mahse a hlawhtling lo vang, a tâwp chu hun ruat ah chuan a ni dâwn si a.
11:28 Tichuan, sum tam tak nên ama ramah a kîr leh ang a, a thinlung chu thuthlung thianghlim dovin a awm ang: chutiangin a ti ang a, ama ram ngeiah a kîr leh ang.
11:29 Hun ruatah chuan a lo lêt ang a, chhim lam ah a kal ang a, mahse a hnuhnung zawkah hi chuan a hmasa ang a ni lo vang.
11:30 Kittim lawngte chuan amah an rawn do dâwn a ni; chitichuan a lungni lo vang a, akîr ang a, thuthlung thianghlim chungah chuan a thinur ang a, chutiangin a ti ang; a ni, a kîr leh ang a, thuthlung thianghlim hawisantute chu a lâwm ang.
11:31 Tin, sipai te chuan an beihsak ang a, hmun thianghlimte an tibawlhhlawh ang a, kulh ngei pawh chu; tin, hâlral thilhlan awm fo chu an tibo vang a, tiauna tenawmna chu an dintîr zawk ang.
11:32 Tin, thuthlung chunga suak sual taka titute chu tawngkam thiamin a tikhawlo ang; mahse mi an pathian hretute kha chu an nghet ang a, thil nasa tak an ti ang.
11:33 Tin, mi zînga a fingate chuan mi tamtak an zrtîr ang a, mahse khandaihte, meialha te, sal tânna te leh rawkrâl te in mi tamtak an tlu ang.
11:34 Tin, an tlûk pawhin puihna tlêm tê têa dawmin an awm ang a, mahse mi tam takin fak derin anmahni an fin ang.
11:35 Tin, a finga te zînga thenkhatte chuan, anmahni tifai tûr leh tithianghlim tûr leh tivâr tûrin an tlûk phah ang, tâwpna hun thleng pawhin: hun ruatah a la nih fo avângin.
11:36 Tin, lal chuan a duh ang angin a ti ang a; amah a in chawisâng anga, pathian tinrêng chungah a in tilian ang a, pathiante pathian kalhin thil mak tak takte a sawi ang: tin, thinurna hrîk thlâk zawh a nih hma chu a hlawhtling ang, ruat sa chu tih ngei tûr a ni si a.
11:37 A thlah tute pathiante chu a pawisa lo vang a, hmeichhiate ngainat pathian leh pathian dang rêng rêng pawh a pawisa hek lo vang: mi zawng zawng chungah a in tilian dawn si a.
11:38 Mahse chu mi ai ah chuan kulhte pathian chu a chawimawi ang a, pathian, a pate pawhin an hriat ngailoh kha rangkachak nên, tangkarua nên, lunghlute leh thil duhawmte nên a chawimawi ang.
11:39 Tin, pathian dang tak tanpuinain kulh nghet tak tak te chu a bei ang a, tupawh a pawm apiang chu a tiropui ang: tam tak chungah ro a rêltîr ang a, ram chu man neiin a sem ang.
11:40 Tin, tâwpna hunah chuan chhim lam lalin amah a rawn nawr ang a; tin, hmâr lam lal chuan tawlailîr nên, sakawr chung chuang mi leh lawng tam tak te nên thâwngaleivir ang maiin amah a lo bei ang; ramte chu a lût ang a, a chîm hneh ang a, paltlang ang.
11:41 Ram ropui pawh chu a lût ang a, tam tak chu tihtlûk a ni ang: mahse a kut ata hêng hi chu chhan chhuah an ni ang-Edom leh Moab Amon mi tha thate.
11:42 Ramte chungah pawh a kut a lek ang a, Aigupta ram pawhin a pumpelh lo vang.
11:43 Tichuan, rangkachak leh tangkaraw dahkhâwmte chungah leh Aigupta ram thil hlute zawng zawng chungah thu a nei ang: tin, Libua mite leh Ethiopia mite chu a kaiza vêng an ni ang.
11:44 Mahse, chhak lam leh hmâr lam atanga thu thangin amah a tibuai ang: tichuan mi tamtak tiboral tûr leh timang tûrin thinur takin a chhuak ang.
11:45 Tin, tuipui leh tlâng thianghlim ropui tak inkârah chuan a lal puanin chu a hûng ang a, mahse a tâwpna thleng a ni ang a, tumahin an pui lo vang.
12:1 Tin, chumi hunah chuan i mipui fate tan thintu, hotu ropui tak Mikaela chu a ding ang a; tin, buaina hun, hnam awmtirh ata chumi hun thleng pawha la awm ngai lo chu, a lo awm ang: tin, chu mi hunah chuan i mite chu chhanchhuah in an awm ang a, mi tin lehkhabua hming chuang apiang te chu.
12:2 Tin, an zînga tam tak lei vaivuta mihîl tawhte chu an lo thangharh anga, thenkhat chu chatuan nunaah,thenkhat zahna leh chatuan hmuhsitawmnaah.
12:3 Tin, a fingate chu vân êng angin an êng ang a, mi tam tak felnaa hawi kîrtîrtute chu arsi angin kumkhaw tlaitluanin an êng ang.
12:4 Mahse nang aw Daniel, thu chu thup la, lehkhabu chu châr tlat rawh, tâwpna hun thlengin: mi tam tak an tlân vêl ang a, hriatnate a pung dâwn a ni, a ti a.
12:5 Tin, kei Daniela chuan ka han en a, ngai teh, midang pahnih an lo ding a, pakhat chu lui kam ko lehlamah.
12:6 Tin, tuin emaw, mi, puan zaisîna inthuam, luipui chunga awm hnênah chuan, Hêng thilmak tâwpna hi eng chen nge ni ang? a ti a.
12:7 Tin, mi, puanzâisîna inthuam, luipui tui chunga awm chuan a kut dinglam leh akut vei lam vân lama phar chhuakin, Hun khat leh hunte leh hun chanve chhûng a ni ang; mi thianghlimte thiltihtheihna chu an tikeh sawm zawh hunah hêng thil zawng zawng hi a kin ang,’ tia nung kumkhuaa chhâlin chhia a chham ka hria a.
12:8 Hriat chu ka hria a, angaihna erawh chu ka hre lo; tichuan kei chuan, Aw ka lalpa, hêng thil tâwpna chu eng nge ni ang? ka ti a.
12:9 Tin, a ni chuan, Daniel, kal mai rawh, thu chu thup leh châr tlat a ni ta e, tâwpna hun thlengin.
12:10 Mi tam tak chu an intithianghlimin a intivâr ang a, an lo tha ang; mahse mi suaksualte chuan sual takin an ti ang a, mi suaksual tumahin angaihna an hre lo vang; mifingte erawh chuan angaihna an hria ang.
12:11 Tin, hâlral thilhlan awmfo te lakbo anih atiuauna tenawm dintîr a nih hun atang chuan, ni sângkhat leh zahnih leh sawmkua ani ang.
12:12 Nghak hrâm hrâma, ni sângkhat leh zathum leh sawmthum leh panga thleng zo chu a eng a thâwl e.
12:13 Mahse nang chu tâwpna thleng chuan kal rawh: nite tâwpnaah chuan i châwl ang a, i chan tâwkah chuan i awm ang, a ti a.
posted by zoblog @ 11:57 AM  
0 Comments:
Post a Comment
<< Home
 
About

Name: zoblog
Home:
About Me:
See my complete profile
Previous Post
Archives
Mizo Websites
:bloremizo::buannel::chhawkhlei: :Dmzp::fartuah::hyderabadmizo: :khampat::lawrkhawm::lelte: :misual::mizobooks::mzbloggers: :mizomethodist::mizoramhouse: :mizoramuniversity::mizoserver: :mizoweaving::mumbaimizo: :samaw::sinlungnews::zawlbuk: :zomireunification::zonet::zoram: :zotalk:
© MIZO CLAN by Mizoclan Blog